كلامك ...أصبح جافي ..

حتى كلامك أصبح جافي ..
ونبض الشوق إتوارى و..عدَّى
أصلو الكان بيناتنا منافي
رغم الحزن الساكن ضلك
قلبي بيغفر ..ولسع صافي ..
ورغم الريد الودَّر دربو ..
كل الغلط المنَّك ..عافي
وكل الجاي من زولاً زيَّك
مُرو نشوفو..الطيب وشافي
صعبة الكلمة تغادر جوفنا..
تجرح حتَّى المعنى الخافي ..
وساهلة الكلمة حنينة بتمرق ..
تدِّي الطيبة ..الفيكا ..مرافي.
أنا بي ريدك لسع عايش
وإنتا الريدك فيني خرافي
وأنا بي شوقك قلبي بينبض
ونبضك شوقو أصبح مافي
جاي تغيِّر لون الفرقة ؟؟.
إحنا بتفصل ..بينا.. فيافي
حلوة الذكرى حنينة تخلِّد
فينا الحب الطاهر ودافي
أيوة بنغفر وبرضو ..بننسى
وإنتا وريدك ماضي إضافي
ونبدا نعيش الحب من أول
نفتح للمستقبل قلباً حافي
ممدود بالإلفة العاشت فيهو
وحب الناس الأصبح كافي

إستاذه تماضر
كل الود

الكلمات حقيقه لو إتلحنت تمام حتعمل غنوه جميله جداً

ياريت تحاولي تسوقيها

مرحبا محمّد ...
شكراً على الطلة الحلوة ..
أسعدني إحساسك بالكلمات ..

مودتي ..

حتى كلامك أصبح جافي .. ونبض الشوق إتوارى و..عدَّى أصلو الكان بيناتنا منافي رغم الحزن الساكن ضلك قلبي بيغفر ..ولسع صافي .. ورغم الريد الودَّر دربو .. كل الغلط المنَّك ..عافي وكل الجاي من زولاً زيَّك مُرو نشوفو..الطيب وشافي صعبة الكلمة تغادر جوفنا.. تجرح حتَّى المعنى الخافي .. وساهلة الكلمة حنينة بتمرق .. تدِّي الطيبة ..الفيكا ..مرافي. أنا بي ريدك لسع عايش وإنتا الريدك فيني خرافي وأنا بي شوقك قلبي بينبض ونبضك شوقو أصبح مافي جاي تغيِّر لون الفرقة ؟؟. إحنا بتفصل ..بينا.. فيافي حلوة الذكرى حنينة تخلِّد فينا الحب الطاهر ودافي أيوة بنغفر وبرضو ..بننسى وإنتا وريدك ماضي إضافي ونبدا نعيش الحب من أول نفتح للمستقبل قلباً حافي ممدود بالإلفة العاشت فيهو وحب الناس الأصبح كافي

وروررووك ؟؟

عارفني بفتقدك كتير ..تبراكا ديمة محنتي ..

تماضر
وتواصلي القا وتذهلينني بحرف له روح ترد الروح
واصلي...

سلامات أبوبكر ..
شكراً لأنك.. دايماً.. قريب ...

Quote: رغم الحزن الساكن ضلك قلبي بيغفر ..ولسع صافي .. ورغم الريد الودَّر دربو .. كل الغلط المنَّك ..عافي وكل الجاي من زولاً زيَّك مُرو نشوفو..الطيب وشافي صعبة الكلمة تغادر جوفنا.. تجرح حتَّى المعنى الخافي .. وساهلة الكلمة حنينة بتمرق .. تدِّي الطيبة ..الفيكا ..مرافي. أنا بي ريدك لسع عايش وإنتا الريدك فيني خرافي وأنا بي شوقك قلبي بينبض ونبضك شوقو أصبح مافي جاي تغيِّر لون الفرقة ؟؟. إحنا بتفصل ..بينا.. فيافي حلوة الذكرى حنينة تخلِّد فينا الحب الطاهر ودافي أيوة بنغفر وبرضو ..بننسى وإنتا وريدك ماضي إضافي ونبدا نعيش الحب من أول نفتح للمستقبل قلباً حافي ممدود بالإلفة العاشت فيهو وحب الناس الأصبح كافي

تماضر انتي سحر الحياه انتي كل الجمال
الربنا اوجدو في الطبيعه انت شعاع الشمس
انتي زي المياه بتحيي كل البتمر عليه
كلماتك دي منهج لحياه كامل لي البتفكر فيها
لك كل الحب والاكبار ودمتي لنا نهتدي ونسكن
بين حروفك المضيئه

عفاف ابوحريره

الأخت العزيزة تماضر
أقسم بأنك تفوقت على نفسك في هذه القصيدة .. أي جنية من عبقر أنتِ؟!

الاخت / تماضر بت شيخ الدين بنت جبريل

ولعمرى انها قصيدة من عيون الشعر -وزى ما عودونا ناس ام درمان ابداعهم بلا حدود وبما انك بنت ام در هذا هو المتوقع منك وابن الوز عوام -انا طبعتها وسوف اوزعها على الحبائب لانها قصيدة جميلة ورائعة ونتمنى المزيد- لك جليل مودتى

سلامات حمّاد ..
أنا بت حمزة ...والتانية الأستاذة تماضر شيخ الدين ..قامة أتابعها بكل الحب ..

شكراً على طباعة القصيدة ..وتوزيعها ..

سلامات صاحب الحرف الأنيق ..
شكراً على متابعتك الدائمة ..

كل الود..

سلامات عفاف ...
خلاس طبعاً حسيت بي روحي حاجة مهمّة شديد

تسلمي حبيبة..

Quote: الاخت / تماضر بت شيخ الدين بنت جبريل

يا ود حماد دي "تماضر" ودييك "تمادور " كانت غائبة ترعي جنياتها ورجعت لينا بس امبارح

تماضـــر


حمد الله ع السلامة


منعم

الله إسلّمك منعم ...
شكراً ..على حاجات كتير..

يا تماضر .. انتي ما بديتي معانا بكرم متناه وابداعات الواحدة ورا التانية وبعدما وجدانا اتعلق بحروفك بقيتي شوية شوية تغيبي وتغيب حروفك ونقعد نتاوق وننتظر نشوفك جاية نربع زي الاطفال الي عربة الدندرمة (دة كان في زمانا البعيد) اها قصيدة واحدة - شوية دندرمة- تخلينا ما نشرب موية بشان الحلاوة ما تروح من خشمنا .. يعني ريقنا نشف منتظرين عربية الدندرمة ....

مرحبا أبوبكر ..
شكراً على التشجيع الدائم ..والمساحة التي جمّعت فيها شخبتاتي وفاجأتني بها ..

لاأملك ..غير ..شكراً ...

تماضرالتماضر
هل اقول هذا رائع؟
أو المرأة الريزم
دونك تسقط مفردات الثناء
وما نحن إلا قوم جلوس حولهم ماء
وماتقيفي يللا غني

نورالهادي

سلامات نور الهادي ..
يكفيني دوماً مرورك ..وتوقفك ..لأعيش الإطمئنان ..
كُن بخير..

مساء الروعة أيتها الفاتنة..تماضر
أي لغة وأي أيقاع وأي تخير للضربات
التي تشبه خفقات قلب وحجل
ربما أنتِ ساحرة قبيلة في شكل شاعرة
أحس أني أرتعد يا صديقتى
كونى هنا فثم ما يمكن تعليمه للشفق

مساء الفرح ..بتواجدك ..
أخبرتك قبلاً مكانك ..حين تقتحم السكون..
وبُشريات هطولك التي تفاجئني بها ..

Quote: كونى هنا فثم ما يمكن تعليمه للشفق

ياود خالتي انت خليك بجاي ما شايف نورالهادي سادي الدرب بعمتو الكبيرة كيف ؟؟

لا أروع من أن تجمعني بكم ..ذات ..المساحة..

>

تماضر يانبيلة
كون المســـــامح هوالزول الجميل
سماحة الطبع والقول.. وطعم النبي

يللا غني
مساحة الحزن فاتت خطوطنا الحمر
محت النضم الجميل وغسلتنا بالشجن الأليم
وعشان نوالف الحزن المقيم سميناهو بالحزن النبيل
غني غني
يللا غني

نورالهادي
مستمع حد الإعتكاف

Quote: كون المســـــامح هوالزول الجميل سماحة الطبع والقول.. وطعم النبي

قلبك..عارفو..أبيض...