Post: #1
Title: شمارات المنبر (بالصور)
Author: ناصر البطل
Date: 01-23-2007, 08:42 AM
طبعا حنبدا الشمار بالأخبار الحلوه 
عاد إلي سودانيزاونلاين بعد طول غياب
المدعو اساسي ظاااااتو
و الجدير بالذكر أنه قبيل إختفائه
كان كثير الحديث عن الطلح و كده 
و كالعاده رجع للمنبر و ركب الجماعه إياهم
عموما نقول له مرحب بالعوده وا U R a good boy
ستجدونه هنا
Quote: بشاشا كسح، تنفسوا الصعداء!
بين السودان الجديد والصداقة مع إسرائيل- الوجه الواحد للثوار |
|
Post: #2
Title: Re: شمارات المنبر (بالصور)
Author: ناصر البطل
Date: 01-23-2007, 09:00 AM
Parent: #1
عاد إلي المنبر أيضا
المدعو خالد كودي و المتهم بأنه رودا مرده
و هذا الخالد عاد بقوه و يبدو في الصوره
و هو هاشي ليهو قطيع من الجماعه إياهم
و بصراحه كل مداخلاته كانت منطقيه و بقوه
و مع أن 80% من البورداب يختلفون مع العضو أعلاه و من ضمنهم العبد لله
إلا أن الطريقه التي طرح بها نفسه مؤخرا جذبت له إنتباه مجموعه مقدره من الأعضاء
و بصرااااااحه الزول أثبت إنو مقططططططعه
الصوره أدناه توضح حال خالد كودي مع المجموعه أعلاه
و شخصيا أنصح القراء بمتابعت ما يكتبه هذا الخالد
علي الأقل في هذه الايام
فهو يبدو في حالة صفاء تام
تجدونه هنا
Quote: بين السودان الجديد والصداقة مع إسرائيل- الوجه الواحد للثوار
...
بشاشا كسح، تنفسوا الصعداء!
...
أعتذر لحسين ملاسي، فهو برئ من التخابث وخدمة أهل التخابر الدنئ (شهادة ممن أثق في حكمها) |
|
Post: #3
Title: Re: شمارات المنبر (بالصور)
Author: abuguta
Date: 01-23-2007, 09:09 AM
Parent: #2
حصين فاضية
ساكنها كاوبيات...مش كدا
بالله با بطل تورينى اساسى ظاتو رجع وين
ممكن يكون جابو صيوان العزاء السنوى..
شايف الناس ضابحين يكون جو معاه ناس كتار
|
Post: #4
Title: Re: شمارات المنبر (بالصور)
Author: ناصر البطل
Date: 01-23-2007, 09:25 AM
Parent: #3
سلامات يا أبقوته
كدي أساسي خليهو اسع
هو مصيبه لكن مقدور عليهو
شوف المصيبه التانيه دي
يدور في المنبر هذه الايام
بعض الحديث عن الشذوذ الجنسي
أنا شخصيا
أنصح كل من يود الإطلاع علي هذه البوستات
لا يدخل مالم يتأكد من إنه لابس لباس حديد و مغلق الأحكام بطبله
المعاشرة الزوجية الحالية تشبه الشذوذ الجنسي (فاحشة قوم لوط)
القمبرجي ... ( المثلي الموجب )
القمبرجي ... ( المثلي الموجب )
عموما نصبر لحدي ما نشوف الناس ديل عاوزه تصل لشنو بالضبط كده
|
Post: #23
Title: Re: شمارات المنبر (بالصور)
Author: Ahmed Abdallah
Date: 01-24-2007, 08:41 AM
Parent: #2
Quote: و هذا الخالد عاد بقوه و يبدو في الصوره
و هو هاشي ليهو قطيع من الجماعه إياهم
|
ههههههههههههههههه
ههههههههههههههاااهاااا
وقد قرر هذا الكودي مؤخرا التحرر
من ادران ذاك الكوشي الاهطل و غولداراجي شمعون
وهاااااااك يا فكيك ....
و الكودي مااااشي و القطيع لسه يهوهو
ناصر ازيك
|
Post: #31
Title: Re: شمارات المنبر (بالصور)
Author: ناصر البطل
Date: 01-24-2007, 09:21 AM
Parent: #23
أحمد يا عبد الله
عليك الله أختاني
شين
|
Post: #33
Title: Re: شمارات المنبر (بالصور)
Author: Ahmed Abdallah
Date: 01-24-2007, 09:55 AM
Parent: #31
مالك خايف تجيب ليها أكولة تاني ولى شنو ؟
انا شامي لي ريحة خور عفن هنا ..
شايف اخونا خازن الخيران قانص منتظرك
|
Post: #5
Title: Re: شمارات المنبر (بالصور)
Author: ناصر البطل
Date: 01-23-2007, 12:03 PM
Parent: #1
بعد أن زار المدعو دينق السودان
يبدو أن المدعو كوستاوي
ايضا قرر زيارة السودان
و بما أنه قد علم بكرم الضيافه لبورداب الخارج
ضبطته كاميرة شمارات سودانيزأولاين
و هو يكسر التلج لمنعم سليمان
عسي أن ينعم الله عليه لاحقا
فى بيت أبو ساندرا ...!!
و هذا طبعا بعد أن علم أن ناذر الخليفه جعجاع ساي
و كيسو فاضي و طبعا ناذر له القدح المعلي في ذلك الشأن
فكل بورداب الخارج تكون وجهتهم الأولي إلي ناذر لقضاء أجتماعاتهم
و لكن مخرج البرنامج ينصح كوستاوي بأنه اذا كان زول فنان فععععععلا
عليه بكسير التلج لعصام عبد الحفيظ و الناس الراقيه
إنته بس جرب و مش حتأدر تغمض عينيك
|
Post: #6
Title: Re: شمارات المنبر (بالصور)
Author: ناصر البطل
Date: 01-23-2007, 12:29 PM
Parent: #1
الوجيه منعم سليمان
فتح بوست طويل عريض
و كالعاده سانده المدافع الايمن كوستاوي
في ون تو جميله جددددددا ساعدهم فيها لاعب الوسط بدرالدين الأمير
إلا أن المهاجم شخصي الضعيف
الذي ليس له من الإمكانات ألا الشهاده و العمل الصالح
قام بخطف الكوره و سدد في الشبكه مباشره مسجلا هدف في الشباك
مما أدي بخروج منعم و كوستاوي من الملعب
و نود أن نشير إلي أنه كان الهدف الأوحد و الأخير في البوست
في الصوره أدناه
يظهر كوستاوي و هو يواسي منعم قائلا
Quote: خلاص فللت أمشي نوم وشيل الرحمن في قلبك!!!
و ما تحاول تعد نجومها
بنعد فيها من سنة دو لا نبضت و لا إتكسرت
البركة في الكوارع
الجاملوك فيها ساكت |
القلب النابض
|
Post: #7
Title: Re: شمارات المنبر (بالصور)
Author: Tabaldina
Date: 01-23-2007, 01:05 PM
Parent: #1
..
.
انت يا حبيب دى شمارات ولا نشرة رياضية
عليك الله ركز لى شديد فى دينق وكوستاوى
ولو سمعت انو منعم جاتو فيزا للاستيت كلمنى سريع
امووت فى شماراتك البصور ..
الراجل دا ما بتسحى بقلع قدام ..... ( خليها الخلق ) 
|
Post: #8
Title: Re: شمارات المنبر (بالصور)
Author: فيصل نوبي
Date: 01-23-2007, 01:16 PM
Parent: #7
ناصر
ما شايف لي طيارات و لا طارات !
تبلدينا
| Quote: الراجل دا ما بتسحى بقلع قدام ..... ( خليها الخلق ) |
انت شايفو راجل ؟
|
Post: #11
Title: Re: شمارات المنبر (بالصور)
Author: ناصر البطل
Date: 01-23-2007, 01:30 PM
Parent: #8
لوووووول لكن
فقعته مصاريني من الضحك
تخريمه:
-------
سعر البتاعات زادت مع الزيادات الأخيره دي يا نوبي
|
Post: #10
Title: Re: شمارات المنبر (بالصور)
Author: ناصر البطل
Date: 01-23-2007, 01:24 PM
Parent: #7
| Quote: عليك الله ركز لى شديد فى دينق وكوستاوى |
خودك الشمراه دي طيب عشانك يا تبلدينا
رغم إني كنته داسيها لي قدام
-----------------------------
علي شكل فيونكه تبادل بدرالدين و كوستاوي
الحوار الاتي نصه:
Quote: عجبتنى يا كوستاوى
واهديك اغنية ليه بتسأل عنى تانى بعد ماضيعت الامانى
تنهدات : المحطة البعد كوستى هى المحطة البها نبض |
Quote: البعد كوستي بهنا ولا بهناك?
بهنا ربك
بهناك الوساعة (دي ما فيها كهرباء--إلا قصدك نبض بالطاقة الشمسية) |
ما دليرين يعملوها ظاهره نظام لعبه علي الطاير
لكن علي مين يا حبه نحنا برضوا عيال لعييبه
عموما كانت حلوه مع إنو كوستاوي قام بتحريف الاسم الصحيح
ما عارف يا تبلدينا
انا اسع متذكر الليمون ليه
و قام تااااني جاب سيرة البحر
|
Post: #9
Title: Re: شمارات المنبر (بالصور)
Author: عبد المنعم سليمان
Date: 01-23-2007, 01:23 PM
Parent: #1
Quote: و هو يكسر التلج لمنعم سليمان
عسي أن ينعم الله عليه لاحقا |
في دي يا ناصر ليك حق والزول ده قاعد يكسر لي تلج ليهو 3 شهور
شكرا لضبطة متلبسا
احذر من الناس (الما وجيهة) تبلدينا مثالا
مودتي
منعم
|
Post: #12
Title: Re: شمارات المنبر (بالصور)
Author: ناصر البطل
Date: 01-23-2007, 01:41 PM
Parent: #9
سلامات يا منعم
قبضت كاميرا شمارات المنبر
العضو تبلدينا متلبسا ينظر إلي غير الكاميرا
في إتجاه البت الحديقه
و براءه منعم عينك في الكاميرا دغرييييييي
كما يبدوا في الصوره أعلاه
عموما سنعرض الموضوع علي المختصين للبت في الموضوع
خارج النص:
----------
تبلدينا إنته موضوع إنما لك الأولي و عليك الثانيه ده ما سمعته بيهو؟ جابت ليها بحلقه كمان يا كبير
|
Post: #13
Title: Re: شمارات المنبر (بالصور)
Author: Tabaldina
Date: 01-23-2007, 01:47 PM
Parent: #12
..
.
اعطنى برتقالة
نأتيك من جديد
والله الليمون سقايتو علَى يا ناصر لا ...
Quote: تبلدينا إنته موضوع إنما لك الأولي و عليك الثانيه ده ما سمعته بيهو؟
جابت ليها بحلقه كمان يا كبير |
يا زول اعد النظر كرتين..
انا ما بقطف ورود خدودها
بس بعاين بعيونى
____________________
مسلطين انتو
|
Post: #16
Title: Re: شمارات المنبر (بالصور)
Author: ناصر البطل
Date: 01-23-2007, 06:31 PM
Parent: #13
شوف يا تبلدينا
حدد موقفك
إنته قاصد برتكان ولا برتقال
لأنو بصرااااااحه كده الفرق كبير جدددددا
فالبرتكان تخصص دكين و يوجد في الجزء الأعلي من الوادي
أما
البرتقال تخصص دكتور معز أو صاحب الوجع اللذيذ كما يحلو للجكس تسميته (وجه متورد خجلا)
حتي لا يحدث لبس الصور أدناه توضح الفرق بين التخصصين
|
Post: #14
Title: Re: شمارات المنبر (بالصور)
Author: عبد المنعم سليمان
Date: 01-23-2007, 01:49 PM
Parent: #1
يا ناصر بالله خت ملحوظة تحت الصورة
العضو عبدالمنعم لا يتعاطي الخمر والمخدرات ويتعاطي المكيفات
بالله تبلدينا دة ما احلي من راجل المراه
منعم
|
Post: #17
Title: Re: شمارات المنبر (بالصور)
Author: ناصر البطل
Date: 01-23-2007, 06:34 PM
Parent: #14
| Quote: العضو عبدالمنعم لا يتعاطي الخمر والمخدرات ويتعاطي المكيفات |
معقوله بث
يا سيدي ولا يهمك يجوز مع الإكراه أو كما قال
|
Post: #30
Title: Re: شمارات المنبر (بالصور)
Author: بدر الدين الأمير
Date: 01-24-2007, 09:19 AM
Parent: #14
(العضو عبدالمنعم لايتعاطى الخمر والمخدرات ويتعاطى المكيفات)
ونحن يامنعم المكيفنا فيك شنو غير مكيفاتك وسلاطينا ياباشا
بش شوية على ناصار عشان يبطل سقاية الليمون ويترك حلبه لكستاوى
|
Post: #15
Title: Re: شمارات المنبر (بالصور)
Author: ناذر محمد الخليفة
Date: 01-23-2007, 03:27 PM
Parent: #1
!!!!!
Quote: فكل بورداب الخارج تكون وجهتهم الأولي إلي ناذر لقضاء أجتماعاتهم
و لكن مخرج البرنامج ينصح كوستاوي بأنه اذا كان زول فنان فععععععلا
عليه بكسير التلج لعصام عبد الحفيظ و الناس الراقيه |
فقعتني من الضحك .. دي أعتبرا هسي تشويه سمعة ولا دعاية مجانية
وفي إنتظار بورداب الخارج
صنفرة :
(إن جاتني الالوف غير شك بكفيها)
|
Post: #18
Title: Re: شمارات المنبر (بالصور)
Author: ناصر البطل
Date: 01-23-2007, 06:42 PM
Parent: #15
المشكله يا ناذر صحبك ده شكلو ما بحب المجازفات
شكلو زول هرااااااش
و بتاع كيبوردساي علي طريقة دينق النضاليه
يعني نظامك بتاع أنته تدخل عشان تجيب البتاعات
و أنا أكون منتظر في العربيه براقب ليك في الشارع
و تاخد ليك خشمين جوه البتعملوا لي ده ما بنفع معاهو
بحب يشتغل علي الضمان
عموما لكل بوداب الخارج اسمعوا نصيحتي دي
العاوز النضيف وريناهو محلو وين
اها
و العاوز الأصلي ... الأصلي عن ناذر
و الأصلي بريحك
تخريمه:
-------
ناذر عليك الله اختاني
و تاني ما تقول لي في زول داير اعرفك بيهو
|
Post: #22
Title: Re: شمارات المنبر (بالصور)
Author: فيصل نوبي
Date: 01-24-2007, 08:39 AM
Parent: #18
Quote: يعني نظامك بتاع أنته تدخل عشان تجيب البتاعات
و أنا أكون منتظر في العربيه براقب ليك في الشارع
و تاخد ليك خشمين جوه |
دي ناقصة ...
و يطلع واحد و يجي ماشي عليكـ عديــــــــــــــــــــل
و الباقي بيجيب الهواء
|
Post: #19
Title: Re: شمارات المنبر (بالصور)
Author: ناصر البطل
Date: 01-23-2007, 06:58 PM
Parent: #1
المدعو محمد إي سليمان
ألحقوهو
الزول الإسمو محسن خالد زانقو في كورنه الله يمرقوا منها ساااالم بث
|
Post: #20
Title: Re: شمارات المنبر (بالصور)
Author: ناصر البطل
Date: 01-23-2007, 07:39 PM
Parent: #1
عادت إلي المنبر بعد غيبه العضوه salee
ذات الاسم الحقيقي sarra
و طبعا كميه من النحل جا هناك
و نسبة ذكور تبلغ 98%
إمممممممممممك
نعتقد أنه سيكون هناك بعض المسجات الداخليه
و عروض المساعده و ما شابه من حنك عاضي
|
Post: #21
Title: Re: شمارات المنبر (بالصور)
Author: Tabaldina
Date: 01-24-2007, 08:08 AM
Parent: #20
..
.
حق الولوج؛
| Quote: شوف يا تبلدينا حدد موقفك |
يا صديقي العزيز
اننى اقصد البرتقالة - الصورة الثانية -
فكل برتقالة لها برتكان - يتفاوت نسبياً -
ولكن ليس كل برتكان
يوجد فى شجرة برتقال بذات الروعة ..
Quote: نعتقد أنه سيكون هناك بعض المسجات الداخليه
و عروض المساعده و ما شابه من حنك عاضي @ ur comments |
غايتو لكن البوست بقى خلية نحل عديل
جنس كبكبانه
|
Post: #24
Title: Re: شمارات المنبر (بالصور)
Author: انور تاج السر
Date: 01-24-2007, 08:46 AM
Parent: #21
الاخوة الاعزاء تحياتي،
تبلدينا، بالله هوالفي الصورة دا انت ، الظاهر عليك مويتك ناقصة عشان كدة مسخن اليومين دي في البورد.
عارف، انت و ناصر البطل و فيصل نوبي وكوستاوي وWaleed750 (زدتو 150 عشان اتكافي شرو) بتذكروني بفرق الوسط البتتغاتت و تتعكلت علي الفرق الكبيرة في الدوري و تضوقا الويل و سهر الليل.
لكن مكيفني دويركم للخلق دي، بس يا حبذا لو اتجنبنا الالفاظ الغير لائقة و المشاحنات الفايته الحد.
دمتم بخير
|
Post: #27
Title: Re: شمارات المنبر (بالصور)
Author: ناصر البطل
Date: 01-24-2007, 09:06 AM
Parent: #21
اللهم لا نسألك رد القضاء و لكن نسألك اللطف فيه
تخريمه:
-------
تا تبلدينا
الدنيا شتا و الناس دي كلها الأيام دي بتنوم علي بطنها
يعني الحاله واحده بس ما تعمله ظااااهره كده ياخي
|
Post: #25
Title: Re: شمارات المنبر (بالصور)
Author: انور تاج السر
Date: 01-24-2007, 08:54 AM
Parent: #20
ناصر تحياتي،
| Quote: عادت إلي المنبر بعد غيبه العضوه salee |
دحين سالي دي ما ياها الصابونة المن انتاج الشيخ مصطفي الامين(SMA )؟ و طيب وين اختها التانية رشا؟
تخريمة:
علي فكرة سالي دي انا عندي فيها اكتر من الناس الرحبو ديل لكن ما خشيت عشان عارف في و احدين لابدين للشمارات زيك.
|
Post: #28
Title: Re: شمارات المنبر (بالصور)
Author: ناصر البطل
Date: 01-24-2007, 09:09 AM
Parent: #25
أولا يا سيدي من دخل دار ابو لهب هذا بتاع الشمارات فهو آمن
| Quote: علي فكرة سالي دي انا عندي فيها اكتر من الناس الرحبو ديل |
ده حنكك
الليله بس كدي أشوفك بتتقاطع بي هناك
|
Post: #29
Title: Re: شمارات المنبر (بالصور)
Author: انور تاج السر
Date: 01-24-2007, 09:18 AM
Parent: #28
| Quote: الليله بس كدي أشوفك بتتقاطع بي هناك |
وانت قايلني انا زي الدقوسات الجرو اتكسروا في البوست ديل، يا خوي انا بمشي عديل بالدرب مش قلت ليك عندي فيها اكتر منهم!
|
Post: #26
Title: Re: شمارات المنبر (بالصور)
Author: ناصر البطل
Date: 01-24-2007, 09:00 AM
Parent: #1
زول بدخل روحو في جركمانه
زي د.أحمد الحسين ده من الله خلقني ما شفتوا
ده وصل مرحلة أول جمهوري في البورد يقبل أن يقول باللفظ الواااااااحد ده
| Quote: وصدقني إذا ثبت لي أن الفكرة الجمهورية خطأ فسوف أتركها |
فبحكم وجودي بالبورد منذ 2003 أدرك تماما ان هذا الشخص أصبحت قناعته مش ولا بد في الفكره الجمهوريه
لانهم بطبعهم يرفضون مقل هذا القول
فمحمود بالنسبه اليهم إله صغير فوق النقد ناهيك عن ايماهنم باحتمالية ان يصدق ارتداده
أو فلنقل محمود بالنسبه لهم اله مصغر يجب الايمان به إنما هو بطبيعة مكانته شبه الالوهيه فوق الايمان زاااااااطو
اللهم إن كان محمودا مرتدا فأنا ثاني المرتدين
|
Post: #32
Title: Re: شمارات المنبر (بالصور)
Author: وليد محمد المبارك
Date: 01-24-2007, 09:46 AM
Parent: #26
الاستاذ ناصر البطل
على الهواء
والجمهور متابع
|
Post: #35
Title: Re: شمارات المنبر (بالصور)
Author: ناصر البطل
Date: 01-24-2007, 11:35 AM
Parent: #32
وليد أعدل صورتك دي لأنو التعامل معاك كده صعب خلاص
مع إنو مشكلة دارفور دي مشكله حقيقيه و كبيره جدا
لكن ما عارف ليه أولاده دايما بضروا بيها و بيدوا الناس احساس انو اساسا مافي مشكله
بصراحه هذا ما ابحث عنه في البورد منذ قيام المشكله اي حوالي 3 سنوات و لم اجد له إجابه حتي الان
لذلك
ما ذلت مصر بان أبناء دارفور علي الانترنت هم من يضرون بالقضيه
بواسطة طرحهم ناهيك عن عدم الموضوعيه
مثلا قبل يومين انزلت حركة تخرير السودان الكبري بيان تأثيره لم يتعدي سوي سودانبزاولاين
و دي مشكلة بكري انو اي حاجه ممكن يعلقه فوق لدرجة انو البورد قررررب يبقي جريدة الدار
من كثرة التهويل
ايضا المظاهره التي تم فتح بوست لها هي في الحقيقه لم يتعدي تعدادهم سوي بعض النفر
مع استعمالهم زوايا تصويريه خاصه ليجعلوا الموضوع هيلمانه و لكن هيهات الكنته كانت واضحه
مع انو اسه هنا كان جو ناس تراجي ديل السودان انا مستعد اعمل معاها مظاهره قدر الليله و باكر
و كمان يكون فيها بمبان
لانو بصراحه مظاهره من غير كيس كيس يا بوليس انا ما بقتنع بيها
اها تاني اختطفوا طياره لحدي تشاد
اسع في زمتم تشاد دي ما كان ممكن يمشوها كداري بعد الطياره تصل الفاشر
معليش يا شباب
ده الشمار السياسي
لازم يكون كده
اها نرجع تاني بعد الفاصل
مظاهرة بروكسل ..اوربا يجب ان تتتحرك الآن من اجل دارفور (توجد صور)
إختطاف طائرة ركاب سودانية وتحويل وجهتها إلى العاصمة التشادية إنجمينا
|
Post: #34
Title: Re: شمارات المنبر (بالصور)
Author: فيصل نوبي
Date: 01-24-2007, 10:27 AM
Parent: #26
يا ناصر
د.أحمد الحسين اليومين دي ما براهو
عاين دي
| Quote: هذا الشخص ظلامي ومظلم... يعزف أكورديون ويسب الأستاذ محمود.. أما هو فااشريعة التي لا أعتقد أنه يعرف عنها شئ تعزره بالجلد.. |
الفنان معتز القريش.. إنتَ لاك ظلامي ولاك مستنير!!! وتوجد صور!!
كتلتني بالضحكــ لكن أكلتها في حناني و اتخارجتا عشان البوست كان لا يحتمل..
الراجل اليومين دي مسخن شديد و ما عارف يشوت وين
|
Post: #36
Title: Re: شمارات المنبر (بالصور)
Author: ناصر البطل
Date: 01-24-2007, 11:48 AM
Parent: #34
نوبي أعمل حسابك
أنا عارفك شليق
الزول الإسمو سفيان بشير آبري ده فاتح ليهو بوست للإعترافات السريه
اها الزول ده بيدردق في الناس
أوووووع تخش ليهو
لما تقرا كلامو حتفتكر انو الناس حتخش و تبدا تعترف
واحد يقول و الله انا بمارس العاده السريه
التاني يجي يقول و الله انا أدوني شاكوش قبل كده
التالت يجي يقول فلانة عضوة المنبر و الله انا بحبك
اها
حتلقي البوست كلو كلام مثالي 
و الشباب ما منداخ
أي زول منتظر التاني يبدا
أوووووووووع تفكوا اخركم هناك و الله كلو حانقلوا عبر القمر الصناعي بتاعي
|
Post: #37
Title: Re: شمارات المنبر (بالصور)
Author: ناصر البطل
Date: 01-24-2007, 12:08 PM
Parent: #1
الزول الأسمو
جيدر بدوي الصديق ده جا يكحله عماها
الزول قصتو جا يعتذر قام جاب سيرة النمله
| Quote: كان عوض جالساً في وجبة على البرش مع الأستاذ وآخرين، فقرصته نملة، ففرمها على البرش، فرمة لم تبق لحياتها أثراً. فسأله الأستاذ "دا شنو العملتو دا يا عوض؟" فقال له عوض "لكن ما عضتني، يا أستاذ." فقال له الأستاذ "لكين إنت ما كتلتها." يريد بذلك بأن العقاب لم يكن من جنس العمل، خل عنك أن تعاقب نملة كانت تتناول وجبتها مثل ما كان هو يتناول وجبته، ولم تكن تدرك بأنها تفعل جرماً. |
ما عارف لما قريت الكلام ده
حسيت بي إنو عاوز يقول محمود ده إله ولا شنو ما عارف
يعني في رابعه ابتدائي
قالوا لينا في ما يسمي دورة الحياه لتستمر الحياه و كلو بليد بفهم الكلام ده
ما عارف محمود ده في زمنو ما لقي زول يرد ليهو كده ليه
ما عارف جاني احساس انو الجمهوريين في الحته دي بالذات
بتجملوا اكتر من اللازم
او بيدعوا التهذيب
أو أشبه بالتقيه بتاعت الشيعه
|
Post: #38
Title: Re: شمارات المنبر (بالصور)
Author: سفيان بشير نابرى
Date: 01-24-2007, 12:15 PM
Parent: #1
Quote: نوبي أعمل حسابك
أنا عارفك شليق
الزول الإسمو سفيان بشير آبري ده فاتح ليهو بوست للإعترافات السريه
اها الزول ده بيدردق في الناس
أوووووع تخش ليهو
لما تقرا كلامو حتفتكر انو الناس حتخش و تبدا تعترف
واحد يقول و الله انا بمارس العاده السريه
التاني يجي يقول و الله انا أدوني شاكوش قبل كده
التالت يجي يقول فلانة عضوة المنبر و الله انا بحبك
اها
حتلقي البوست كلو كلام مثالي
و الشباب ما منداخ
أي زول منتظر التاني يبدا
أوووووووووع تفكوا اخركم هناك و الله كلو حانقلوا عبر القمر الصناعي بتاعي
|
هاهاهاهاهاهاهاهاهاهاهاها
نصيحة لي الله غايتو نصحتو
بس نوبي خليهو تعال ورينا
بطولتك يا بطل ما تقعد
(تجبد) في بوستات الناس
وتردمه هنا وتقول خلاص
بالمناسبة لو القلتو فوق
ده أنت فكرته فيهو بي سبب
البوست بتاعي يبقي (صنقوعك)
ده فيهو محن محتاجه تجي جاري جري
تكبها هناك أو اقول ليك كلام:-
ما خسارة فيك بخلي ليك البوست كلو كلو
|
Post: #39
Title: Re: شمارات المنبر (بالصور)
Author: ناصر البطل
Date: 01-24-2007, 12:49 PM
Parent: #38
ياخ إنته نكككككككته... تسلم كتير
.
.
.
شوف يا سفيان نابري
أنا حأقول ليك هنا كشمار عشان ما تعتبروا اعتراف
أنا أول جواب كتبتوا لي بت
كنته في المتوسطه في اولي نظام الولد بقي كبير
كانت بدايتو كالاتي:
لو كان حب الجمال خطيئتون
فليشهد التاريخ إني مذنب
.
و كميه من الحنك العاضي تاني
الصوره أدناه توضح حالي حال أن إستلمت الرد علي خطابي الغرامي الأول
بس خليك عارف حاجه
أنا عريس و عروس مع بنات جيرانا ما لعبته... سمح؟
|
Post: #40
Title: Re: شمارات المنبر (بالصور)
Author: ناصر البطل
Date: 01-24-2007, 01:24 PM
Parent: #1
بوست عجيب جدا
فتح البوست الشفت
و الموضوع حرق استاذنا الموصلي
اها بعد شويه خد و هات
البوست قلب تماااااااااااااااااما
صاحب البوست بقي بيقول
| Quote: ونحن متابعين |
و استاذنا الموصلي اتوهط و أقنع الأمه دي كلها و بقي شغال ليهم
و حقيقه لله الزول الوحيد القدر يثبت وجودوا
كفنان تقليدي و اسفيري (حسب تصنيفات الخواض طبعا) هو الاستاذ الموصلي
فكان
ثابتا في كل اللقاءات
مقنعا في كل حديث
متواصلا مع الجميع
له الحـــــــــب
أهل الإبداع والاستنارة.. الهروب ثم سقوط جماعي في الامتح... قبل أن يدرككم التار
تخريمه:
-------
أنا يا دوب عرفته الشفت خاتي صورتو مقلوبه لييه
|
Post: #41
Title: Re: شمارات المنبر (بالصور)
Author: ناصر البطل
Date: 01-24-2007, 01:32 PM
Parent: #1
لكل معارف الأستاذه ممكونه
يبدو أنها أخدت الموضوع شخصي جدددددددا
مع المدعو ملاسي
يا اخوانا زول يفهمه إنو ملاسي ده زول لذيذ بس هي تحاول تفهموا
|
Post: #42
Title: Re: شمارات المنبر (بالصور)
Author: انور تاج السر
Date: 01-24-2007, 02:50 PM
Parent: #41
ناصر،
في واحد طالب يرحبو بي عودتو بعد طول غياب
(سسسسسسسسسسسسسسسسلام حااااااااااااااااااااااااااااااااااااااااااااااار جدا)،مشكلتو انو حظو ضكر
رحب بيهو لغاية الان (كميات مودتي) فقط مع ملاحظة انو ما رحب قبل كده بي (..saleeee-ٍSalaaaaaaaaam).
لخوخة:
ما راجعت البوست بتاعا؟
|
Post: #52
Title: Re: شمارات المنبر (بالصور)
Author: ناصر البطل
Date: 01-24-2007, 09:26 PM
Parent: #42
شوف يا أنور
أنا ماشي ألبس لي طرحه و جاي راجع
شوف هنا
ضكر من طرف جنس ناعم برضو نسبة ترحيب 98%
حليل ناس قريعتي راحت
لينا الله عيشة السوق
فالنرحب معا بأستاذ نبيل أديب...
|
Post: #61
Title: Re: شمارات المنبر (بالصور)
Author: انور تاج السر
Date: 01-24-2007, 10:27 PM
Parent: #52
ها زول ها اكان كدي الموضوع ده طويل خلاس، نحنا ازول ما رحنا في الرجلين ساكت.
و الله كان ما خايفين من التع... ساكت علي اجيبلكم دامة تفلسع البورد ده كلو و بي صورتا... الكتراااابة....
|
Post: #43
Title: Re: شمارات المنبر (بالصور)
Author: سفيان بشير نابرى
Date: 01-24-2007, 02:58 PM
Parent: #1
هاهاهاهاهاها
البطل
Quote: شوف يا سفيان نابري
أنا حأقول ليك هنا كشمار عشان ما تعتبروا اعتراف
أنا أول جواب كتبتوا لي بت
كنته في المتوسطه في اولي نظام الولد بقي كبير
كانت بدايتو كالاتي:
لو كان حب الجمال خطيئتون
فليشهد التاريخ إني مذنب
.
و كميه من الحنك العاضي تاني
الصوره أدناه توضح حالي حال أن إستلمت الرد علي خطابي الغرامي الأول
|
شفته شفته هاهاهاها مش قلته ليك (صنقوعك) ده فيهو محن
طواااااااااااااااالي جاري علي (ضلعتك) المعوجه
هاهاهاهابالمناسبة هم ليه (ضلعة) وكمان معوجه (عشان ينشبكوك فيك)
يازول اعترافك ده مويه ساي ما بشربك ليها
بس دي حلوه :-
Quote: بس خليك عارف حاجه
أنا عريس و عروس مع بنات جيرانا ما لعبته... سمح؟ |
الكلام ده قولو قدام هناك في الخور
|
Post: #53
Title: Re: شمارات المنبر (بالصور)
Author: ناصر البطل
Date: 01-24-2007, 09:32 PM
Parent: #43
| Quote: يازول اعترافك ده مويه ساي ما بشربك ليها |
أهااااا قمنا للدردقه
يا زول (صنقوعي) ده و الله جراب حاوي بس
كدي إنته اسه ما تزوق
أحكي لي اخر قصة حب عشتها بدت كيف؟
|
Post: #44
Title: Re: شمارات المنبر (بالصور)
Author: Tabaldina
Date: 01-24-2007, 02:59 PM
Parent: #1
..
.
Quote: دي مشكلة بكري انو اي حاجه ممكن يعلقه فوق لدرجة انو البورد قررررب يبقي جريدة الدار
من كثرة التهويل |
Good point
______________________
نوبي يا شليق
قالو اللكيع بقع من البرش !!
استعن بناصر؛
|
Post: #46
Title: Re: شمارات المنبر (بالصور)
Author: فيصل نوبي
Date: 01-24-2007, 03:21 PM
Parent: #44
| Quote: رحب بيهو لغاية الان (كميات مودتي) |
تبلدينا
جاييك بس نكمل الضحكـ ده.
|
Post: #48
Title: Re: شمارات المنبر (بالصور)
Author: وليد محمد المبارك
Date: 01-24-2007, 03:59 PM
Parent: #44
اظرف جدعة يا بطل في البوست حق الموصلي داك ( انا خلاس خليته ليه ) سواها صحبك ناذر
ناذر عاوز يعمل فيها فنان كبير
فشبك ليك الموصلي لاقيت ليك عثمان حسين وقال لي وقال لي وقلت ليه
ناذر يا مهم
( الجاااااااااااااااااااااااااك )
___________
يا ناذر خليك واسع ما تبقى لي زي دينق
|
Post: #55
Title: Re: شمارات المنبر (بالصور)
Author: ناصر البطل
Date: 01-24-2007, 09:35 PM
Parent: #48
Quote: ناذر عاوز يعمل فيها فنان كبير
فشبك ليك الموصلي لاقيت ليك عثمان حسين وقال لي وقال لي وقلت ليه |
اللووووووووووووووووول لكن
|
Post: #54
Title: Re: شمارات المنبر (بالصور)
Author: ناصر البطل
Date: 01-24-2007, 09:33 PM
Parent: #44
تبلدينا
.
.
.
أقول ولا أسكت
|
Post: #45
Title: Re: شمارات المنبر (بالصور)
Author: Deng
Date: 01-24-2007, 03:15 PM
Parent: #1
يا ناصر.
أنت بتعرف شنو عن نضال دينق؟
ومن متين دينق أدعاء النضال أصلا؟
النضال بالنسبة في مكان أخر وبعدة طرق.
أما الذي يحدث في البورد فهو في البورد.
أنا ما جاي هنا علشان أستعرض أو أدعي نضال.
المهم.
يا شباب.
أنا جيت داخل مطار الخرطوم ومعاي عبابيري, وبما أنني أحمل جواز أجنبي وغير مسلم فيحق لي أن أدخل بالخمرة البتعجبني. وياسلام على أتفاقية نيفاشا. بس أنا قلته ألقى في بورداب الخرطوم ديل ناس شربة, لكن الجماعة كلهم لبدو. وناس نازر ديل فصاحة في البورد ساكت. لمن جبت عباري وجيتو هرب زي هروب بريمة الكبير. يا نازر مش كان أحسن ليك تضرب معاي عبار عبارين؟
دينق.
|
Post: #56
Title: Re: شمارات المنبر (بالصور)
Author: ناصر البطل
Date: 01-24-2007, 09:44 PM
Parent: #45
شوف يا جورج
أول حاجه انته طلعته زول ما جنوبي Pure
يعني أنا و إنته في سرج واااااااااااحد
ده غير قصة أنك ما زرتا محل تبلدينا بقول
المهم
.
.
.
يا زول و الله انا بريدك بكل سلبياتك و ايجابياتك
و ممكن نتناقش مره تانيه
.
.
.
نخش في المفيد
يا زول شوف
و الله أنا بي جوازي السوداااااني ده
أي سفره سافرتها جيت راجع شايل معاي من النضيف
اها مره قبضوهو
كل الحصل
انو الضابط ظااااااااتو قال لي خلاص
بمرق ليك الحاجات لكن انا واحده و انته واحده
كان كنته عارفك جايب معاك اللذي مننننو
حرررررم
كنته استقبلتك في المطار
|
Post: #47
Title: Re: شمارات المنبر (بالصور)
Author: ناذر محمد الخليفة
Date: 01-24-2007, 03:44 PM
Parent: #1
دينق ..
Quote: وناس نازر ديل فصاحة في البورد ساكت. لمن جبت عباري وجيتو هرب زي هروب بريمة الكبير. يا نازر مش كان أحسن ليك تضرب معاي عبار عبارين؟
|
زي ما قلت .. كلامي كلام كيبوردات ساي
بضرب معاك عبابير في المنبر بس .. على الطبيعة NOOOOOOOOOOOOOOOO
عامل قزايزك المعتقة دي
|
Post: #49
Title: Re: شمارات المنبر (بالصور)
Author: ناذر محمد الخليفة
Date: 01-24-2007, 05:02 PM
Parent: #1
وليد ...
| Quote: يا ناذر خليك واسع ما تبقى لي زي دينق |
المثل بيقول : أي زول خيالو قدر ........
|
Post: #62
Title: Re: شمارات المنبر (بالصور)
Author: وليد محمد المبارك
Date: 01-24-2007, 10:33 PM
Parent: #49
| Quote: المثل بيقول : أي زول خيالو قدر ........ |
انا برررررره
دي بجيبوا فيها البوليس
|
Post: #50
Title: Re: شمارات المنبر (بالصور)
Author: الطاهر ساتي
Date: 01-24-2007, 06:35 PM
Parent: #1
Quote: اها الزول ده بيدردق في الناس
أوووووع تخش ليهو |
والله يا ناصر ما عملت خير ..
انت ما عارف فيصل ده زى الشافع الابوه لمن يقول ليهو ما تمشي البحر بيطلع من البيت ويسأل شفع الحلة ( البحر بى وين ..؟؟ )
اها كدة بعد تحذيرك ده حيفتش الوست و يغرق فيهو .. لحد ما يجي ينقذو ملاسي ولا ناذر ..
|
Post: #51
Title: Re: شمارات المنبر (بالصور)
Author: فيصل نوبي
Date: 01-24-2007, 06:44 PM
Parent: #50
عاد ده كلام ده يا الطاهر
تسوي شنو الناس دي تقعد تتمحركـ
و تخليكـ تقع مغمض و تجر معاكـ ملاسي و ناذر و ناصر ظاااااطو
|
Post: #57
Title: Re: شمارات المنبر (بالصور)
Author: ناصر البطل
Date: 01-24-2007, 09:45 PM
Parent: #50
يا زول الزول ده أنا قلته احزروا
لقيت سفيان بيدردق فوقي أنا ظاااااااتي
|
Post: #58
Title: Re: شمارات المنبر (بالصور)
Author: Kostawi
Date: 01-24-2007, 10:08 PM
Parent: #57
بوست الخمر والمخدرات
و الدامات الجنل
أصبروا كان ما الواحد الأحد
يرزعكم كلكم في نار جهنم
طبعا ما عدا دينق, لأنو كافر
و صحبي أبو صلعة
|
Post: #64
Title: Re: شمارات المنبر (بالصور)
Author: ناصر البطل
Date: 01-25-2007, 08:55 AM
Parent: #58
Quote: بوست الخمر والمخدرات
و الدامات الجنل |
شوف يا كوستاوي
ده البوست الوحيد الفي المنبر كلو عزابه صر
لكن صدقني
يقرأن بتمعن ما بين السطور
مافي دامه بتتجرأ تدخل هنا
و لكن ... خت في بالك
يتمنعن و هن راغبات أو كما قال
|
Post: #59
Title: Re: شمارات المنبر (بالصور)
Author: Saifeldin Gibreel
Date: 01-24-2007, 10:17 PM
Parent: #57
العزيز ناصر ........... البرتكان دائمآ بياكلوه بعد فطور يكون كارب بالسجوك والبيض.....
بعدين تعرف بحب اكل البرتكان كيف.... بحب امص مويتو من غير ما قطع القشر
|
Post: #63
Title: Re: شمارات المنبر (بالصور)
Author: انور تاج السر
Date: 01-24-2007, 10:41 PM
Parent: #59
حرم ا سيف الدين ات بكلامك ده وديت البوست ده الخور عدييييييييييييييييييييييييييييييييل.
الفاتحة علي روح البوست.
|
Post: #65
Title: Re: شمارات المنبر (بالصور)
Author: ناصر البطل
Date: 01-25-2007, 09:02 AM
Parent: #59
وصااااااف يا سيف
بس كده شختفته الأمه دي
.
.
قيل في الأثر
لأبي العلاء محمد السوداني أن البرتكان أنواع
فتخيروا النابل منه فهو أقرب للصدور و نافع للبدن
|
Post: #60
Title: Re: شمارات المنبر (بالصور)
Author: عبد المنعم سليمان
Date: 01-24-2007, 10:21 PM
Parent: #1
Quote: طبعا ما عدا دينق, لأنو كافر
و صحبي أبو صلعة |
شكرا يا خردة ع الاستثناء من النار
اشوفك (ان ماي اظر لايف)
بالمناسبة انا زعلان ما حنقابل دينق هنااااك
منعم
|
Post: #66
Title: Re: شمارات المنبر (بالصور)
Author: ناصر البطل
Date: 01-25-2007, 09:14 AM
Parent: #1
أجمل تعاليق ليوم أمس
عنوان البوست اللهم إن كان محمودا مرتدا فأنا ثاني المرتدين
الجماعه زنقوا الزول
جات مريم بت الحسين عاوز تعمل فيها البت راصته نظام بتلعب خشن و كدا فقالت
| Quote: .. أرى أن الذباب قد اجتمع على هوامش الكلام كما العادة... التحية للمرحوم المهندس حسن بابكر |
جا عمر الفاروق ردم ليك بت الحسين بي مقطعين مقنعاااااااات لما انا إرتحته في حناني
Quote: نحترم ما تكتب يا دكتور ولكنّا نجد نفسنا مضطرين أن نقول أن الذباب لا يجتمع إلا فيما هو متسخ وعفن ..
زننننننننننننننننننننننننننننن زنننننننننننننننننننننننننننننننن زنننننننننننننننننننننننننننننننننننننننننننننننن |
جا نازر تمه المقصر بي هوك لما بت الحسين آمنت بالذي لا إله الا هو
Quote: في داعي للعباطة دي هسي !!
قاعدين ندير حوار مع صاحب البوست وحوار صحي جدا ..
الهبالة ليك شنو ؟!! |
جا نزار محمد عثمان أداها ليك درس في الأخلاق
Quote: سقوط آخر ... ماذا دها الجمهوريين!!
يبدو أن سماحة بعضنا سطحية جداً ... لدرجة أنها لا تصمد أمام تجربة نقد بسيطة.
ما راي بقية الجمهوريين في ما قالته بت الحسين، والأهم ما هو راي د. أحمد الحسين. |
جا تاني نزار محمد عثمان نسف البوست من أساسو
Quote: لا أدري لماذا يحتفي الجمهوريون بمقالة الأستاذ حسن بابكر، وهو قد جعل الأستاذ محمود في خبر كان!!
كما لا أدري لماذا لم نسمع تعليقاً على ماقالته بت الحسين حتى الآن، هل وقع موقعاً حسنا عند جمهوريي البورد، وخاصة د. أحمد الحسين. |
حاولوا الجمهوريين يلموا الموضوع بي سرعه بتحويل العباره
علي شكل مقولة نميري نشكر الأخ علي حسن سلوكه
Quote: غير أن هناك تخريجاً لغوياً ـ لم يقصده الكاتبان ـ وهو تخريج (محموداً) على أنها خبر كان
مثلما كتبت به (منصوبة)، لاسم محذوف، فتكون اللهم إن كان أحد محموداً مرتداً، فأنا ثاني
المرتدين، وليس هناك مرتد محموداً، فتكون العبارة عادية ليس فيها شيء مما ذكر سابقاً!! طبعاً
أنا أوقن أن نصب محمود خطأ لغوي ولا تعلق له بالمعنى وهذا الاستطراد فقط للتنبيه للخطأ وما
يترتب عليه من تغيير المعنى |
فكان من أحمد الريح أن أداهم الضربه القاضيه
Quote: لو قرأت مريم ما قيل ثم قالت ما قالت فهذه مصيبة، ولو قالت ما قالت دون أن تقرأ ما قيل
فالمصيبة أعظم!
وعلى أية حال، يبقى أسلوبها متواضعا ولا يشبه أسلوب دكتور أحمد الذي يكن له المتداخلون
تقديرا كبيرا كما هو واضح.
"وبعدين مافي داعي للاعتذار يا أستاذة مريم عشان موضوع الاعتذار ده بقى بايخ، بس ما تعملي كده
تاني، لو سمحتي"
|
|
Post: #86
Title: Re: شمارات المنبر (بالصور)
Author: saadeldin abdelrahman
Date: 01-27-2007, 10:11 AM
Parent: #66
Quote: غير أن هناك تخريجاً لغوياً ـ لم يقصده الكاتبان ـ وهو تخريج (محموداً) على أنها خبر كان
مثلما كتبت به (منصوبة)، لاسم محذوف، فتكون اللهم إن كان أحد محموداً مرتداً، فأنا ثاني
المرتدين، وليس هناك مرتد محموداً، فتكون العبارة عادية ليس فيها شيء مما ذكر سابقاً!! طبعاً
أنا أوقن أن نصب محمود خطأ لغوي ولا تعلق له بالمعنى وهذا الاستطراد فقط للتنبيه للخطأ وما
يترتب عليه من تغيير المعنى |
ناصركيفنك
الكلام الفوق دا تبع د. نزار النسف بيهو "فكرة"
البوست داك (اعتقد)..ما ظنيته مضايرة الجمهوريين
|
Post: #67
Title: Re: شمارات المنبر (بالصور)
Author: ناذر محمد الخليفة
Date: 01-25-2007, 05:52 PM
Parent: #1
|
Post: #68
Title: Re: شمارات المنبر (بالصور)
Author: وليد محمد المبارك
Date: 01-25-2007, 06:28 PM
Parent: #67
خالد كودي هيج الناس بي بوستيه بتاع فلسطين
ونام خلاهم
________________________________________________
محسن خالد فطس ليك الحبشي في المناظره .. وشتت خلاه
دانك
_________________________________________
وده شرك لي دكين
|
Post: #69
Title: Re: شمارات المنبر (بالصور)
Author: ناصر البطل
Date: 01-25-2007, 09:10 PM
Parent: #68
عارف يا وليد
دكين ده زول عزاااااال و العينه دي ما بتنفع معاهو
حسب رأيي الشخصي
لأنو البرتكان ده شكلو ما مدور
بعدين الصره بتاعتو مافيشه
يعني باختصااااار كده
شكلو زي مخفج قبل كده
تخريمه:
-------
أري أننا نذهب بإتجاه الخور بخطي ثابته
تخريمه إضافيه:
--------------
ما دام ما القراء مبسوطين
مرحب بالخور و الله
و ها هيك المرجله
أو حسب ما قال صدام
|
Post: #70
Title: Re: شمارات المنبر (بالصور)
Author: انور تاج السر
Date: 01-25-2007, 09:59 PM
Parent: #69
ناصر
يا زول خور خور اعمل فيرشن تاني زي بتاع طرائف المنبر داك، بس تاني عليك الله سيف الدين ده ما يجي خاشي البوست لانو بعملا ظاهرة و انت ذاتك الاخيرة دي عملتا ظاهرة. خليك حريف زي الولا نوبي.
|
Post: #71
Title: Re: شمارات المنبر (بالصور)
Author: ناصر البطل
Date: 01-25-2007, 10:11 PM
Parent: #70
علي الساده الركاب ربط الأحزمه
فقد نضطر لهبوط إضطرراري
اذا ما رأي الكابتن بكري ذلك في أي لحظه مفاجأه
شدوا الأحزمه و خليكم جاهزين
|
Post: #72
Title: Re: شمارات المنبر (بالصور)
Author: Omer Abdalla
Date: 01-25-2007, 11:29 PM
Parent: #1
|
Post: #73
Title: Re: شمارات المنبر (بالصور)
Author: Saifeldin Gibreel
Date: 01-26-2007, 01:49 AM
Parent: #72
| Quote: يا زول خور خور اعمل فيرشن تاني زي بتاع طرائف المنبر داك، بس تاني عليك الله سيف الدين ده ما يجي خاشي البوست لانو بعملا ظاهرة |
شيخ انور تاج السر انا البرتكان بقى بتعب سنونى القدام عشان كدة انا تانى ما باكلو.... بالرقم انى بحب البرتكان ابصرة
|
Post: #74
Title: Re: شمارات المنبر (بالصور)
Author: انور تاج السر
Date: 01-26-2007, 10:44 AM
Parent: #73
سيف و ناصر تحياتي،
انتو يا خوانا شعراء الحقيبة ديل ما كتبو في البرتكان لمن مويتو كملت، اشمعنا نحن يعني .
ناصر: خلي دي نقطة دفاعك قدام الجهات المختصة.
|
Post: #78
Title: Re: شمارات المنبر (بالصور)
Author: ناصر البطل
Date: 01-26-2007, 11:23 PM
Parent: #74
يا أخوانا ما تباركوها
الموضوع أبسط من كده بي كتير جدا
|
Post: #77
Title: Re: شمارات المنبر (بالصور)
Author: ناصر البطل
Date: 01-26-2007, 11:21 PM
Parent: #72
Quote: (عدل بواسطة Omer Abdalla on 25-01-2007, 11:05 م)
|
و الله دي أغرب مداخله
يا زول الشمار كتلني
إنته كتبته شنو و مسحتو؟ كدي تعال صادي
|
Post: #75
Title: Re: شمارات المنبر (بالصور)
Author: Tabaldina
Date: 01-26-2007, 10:49 AM
Parent: #1
..
.
سلام يا بطل
تتصور من عرفنا كيفية الولوج الى النت
هذة المرة الاولى التى اولج الساعة 10:30 صباحاً
من يوم الجمعة..
قلت نرفع البوست لناس الاطلسي
_______________________
ياخى ما تجوا مدردقين على معرض الخرطوم- ذات مساء -
مش دا الويك اند .. من غير بتاعات لو سمحتم
الطارات فى كل الاركان..
|
Post: #76
Title: Re: شمارات المنبر (بالصور)
Author: محمد البشرى الخضر
Date: 01-26-2007, 10:49 PM
Parent: #75
أخونا ناصر
سلام
عندي سؤال كان مفروض أسألو في بوستك الهابط بتاع (الغونية)
لكن ما لميت فيه, أظنو ياغتس يا اتلحس
فقلت أسألك بي جاي قبل مرور ناس البلدية.
داير أسالك إنت بتجيب التسجيلات دي من وين؟
نكون شاكرين للإهتمام و الرد السريع.
بتاع....
التسجيلات المعنية لا علاقة لها بالتلفونات
هذا ما لزم توضيحه حتى لا يساء الظن بك و بنا(إنت يابوي باقي محمول و صاحب وورننغ)
|
Post: #81
Title: Re: شمارات المنبر (بالصور)
Author: ناصر البطل
Date: 01-27-2007, 00:04 AM
Parent: #76
Quote: (إنت يابوي باقي محمول و صاحب وورننغ)
|
حلوه منك..قويه عجبتني
Quote: أخونا ناصر
سلام
عندي سؤال كان مفروض أسألو في بوستك الهابط بتاع (الغونية)
لكن ما لميت فيه, أظنو ياغتس يا اتلحس
فقلت أسألك بي جاي قبل مرور ناس البلدية.
داير أسالك إنت بتجيب التسجيلات دي من وين؟
نكون شاكرين للإهتمام و الرد السريع.
|
شوف يا حلو
أنا بتاع كلو
و بحب شغل المزاج ده جددددا
و ما عندي ثابت
أي حاجه في حياتي متغير في متغير
و بعتمد في حكمي للأشياء علي الواقع و المنطق الإقتناع
أما بالنسبه للموضوع ده بالذات
فكما ذكرت في البوست ذلك مسبقا
فبعد أن سمعتها في الحفلات المعنيه
سألت عنها فذكروا لي أن ندي القلعه سجلتها في شريط
وحاتك اشريتو و بما أنني اجلس أمام الكمبيوتر أكثر من جلوسي مع البشر
قمت بانزالها في الجهاز
و بحكم و جودي في المنبر
و بما أنني اعرف أنها ستعجب البعض هنا
و البعض الاخر تعجبه ايضا لكنه عامل فيها زول أوبهه و عندو برستيج و بقول ليهم من هذا المنبر
كضابييييييين و ما متصالحين مع روحكم
لأنو
No one is perfect
و مع إنو كلنا بشر و عندنا نفس الاحاسيس
و كل منا لديه اسقاطات
أو كما قال عيسي عليه السلام
(من كان منكم بلا خطيئه فليرمها بحجر) أو كما قال
قمت بإنزالها بالمنبر
بث
|
Post: #79
Title: Re: شمارات المنبر (بالصور)
Author: ناصر البطل
Date: 01-26-2007, 11:33 PM
Parent: #75
تبلدينا ياخ ما تحسب ملافظك ياخ أيه ده؟
شنو شابكنا
ولوج ولوج
معانا شفع ياخ
تخريمه:
-------
1- إنته ما عارف أنا الأماكن العامه ما بحبها
2- إنته عارف أنحنا من المغرب بنبدأ البتاعات
أها كان الله طلق و بقينا جايينك يا خليناها في العربيه يا جيناك شايلنها في ريسينا
|
Post: #80
Title: Re: شمارات المنبر (بالصور)
Author: ناصر البطل
Date: 01-26-2007, 11:44 PM
Parent: #1
جيتكم بي أقوي شماره
تراجي قالت ملاسي زول مهذب ما بنبذ البنات
دكين خشه قال ليها البركه فيك إنتي
تراجي ردت ليهو قالت ليهو تلميظتك
اها شقي الحال ده رده ليها كده
|
Post: #82
Title: Re: شمارات المنبر (بالصور)
Author: Kostawi
Date: 01-27-2007, 01:35 AM
Parent: #80
دفرة للخور
|
Post: #83
Title: Re: شمارات المنبر (بالصور)
Author: Saifeldin Gibreel
Date: 01-27-2007, 03:16 AM
Parent: #82
Quote: تتصور من عرفنا كيفية الولوج
هذة المرة الاولى التى اولج الساعة 10:30 صباحاً
من يوم الجمعة..
قلت نرفع |
|
Post: #84
Title: Re: شمارات المنبر (بالصور)
Author: bob
Date: 01-27-2007, 06:20 AM
Parent: #83
اسمكوا الشمار ده لى انو تاج السر
فى بــوست ناذر ..بتاع الفار المغرم بيهو!!
Quote: دكتور قور سلامات،
Quote: بس عاين ليه من الخلف
انت قصدك يعني يعرفوا من الخطر بتاعو ولا شنو؟؟(انا قاصد زي الموتر يا ناذر ما تعملا لي زي حكاية ابو سنام و ابو سنامين). |
قلتو نمشى الخور ولا نقعد!!
كوستــاوى:
ده شنــو البتعمل فيهو ده!!!
|
Post: #85
Title: Re: شمارات المنبر (بالصور)
Author: ناصر البطل
Date: 01-27-2007, 09:27 AM
Parent: #82
ما عندك منها
Movie Version
تخريمه:
-------
يودوهو الخور لييييييييييه بس
ما يدوك إنته إنذار و بث
|
Post: #87
Title: Re: شمارات المنبر (بالصور)
Author: bob
Date: 01-27-2007, 08:48 PM
Parent: #85
لقد حان موعــد الخــور
بلاش حنك بيش معاكم واهدار لباندوث!!
|
Post: #88
Title: Re: شمارات المنبر (بالصور)
Author: celecon
Date: 03-05-2007, 01:40 PM
Parent: #1
ناصر يابطل ...
يامان الشمار ده ما سمح خلاس يازول
واصل الكلام السمح ده ياااااخ*
___________
* مع الاعتذار لمنعم
|
|