عبدالكريم الأمين أحمد لو سمحت تعال مر علي هذا البوست !!!!

عبدالكريم الأمين أحمد لو سمحت تعال مر علي هذا البوست !!!!


01-22-2007, 07:08 PM


  » http://sudaneseonline.com/cgi-bin/sdb/2bb.cgi?seq=msg&board=3&msg=1169489305&rn=0

Post: #1
Title: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:08 PM

عبدالكريم الأمين أحمد



في بوسته الشهير الذي اتي به الي هذا المنبر بالوكالة عن بعض الذين
كلفوه بهذه المهمة الذي ادي فيه بأن مجموعة (( ازرق )) عقدت مؤتمراً
في اديس ابابا واقالت الدكتور خليل

وعندما سألناه عن علاقته كعبدالكريم بحركة العدل والمساواة نفي
ان يكون له اي علاقة بالسياسة ناهيك عن حركة بعينها , طرحنا له
العديد من الاسئلة انا وبعض المتداخلين عن الاسباب التي من اجلها
كتب ذلك البوست

فلم يجب علي كل الاسئلة المطروحة له

اليوم لقيت اسمه من ضمن التيم بتاع الناس القالوا عقدوا
مؤتمر اديس والغريب في الامر عبدالكريم الامين نصب عضواً
ورئيساً للجنة تكنلوجية المعلومات والاتصالات

اخيراً عرفنا سبب دفاعك عن تلك المجموعة رغم الانكار
عدة مرات في بوستك داك

نواصل

جايك بكلامك القديم كلوا خليك معاي
Post: #2
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-22-2007, 07:13 PM
Parent: #1

بقال سلامات ..


اليوم لقيت اسمه من ضمن التيم بتاع الناس القالوا عقدوا
مؤتمر اديس

ممكن أعرف من وين حصلت على اللستة الفيها أسماء ناس المؤتمر ؟

تسلم
Post: #3
Title: Re: عبدالكريم الأمين أحمد لو سمحت تعال مر علي هذا البوست !!!!
Author: osly2
Date: 01-22-2007, 07:17 PM
Parent: #2

Quote: 22-01-2007, 06:18 م

ابراهيم بقال سراج


قلنا عبد الكريم ما ناذر

خلاص
اتخارج من هنا
Post: #5
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:25 PM
Parent: #2

Quote: بقال سلامات ..


اليوم لقيت اسمه من ضمن التيم بتاع الناس القالوا عقدوا
مؤتمر اديس

ممكن أعرف من وين حصلت على اللستة الفيها أسماء ناس المؤتمر ؟

تسلم


ناذر

شكراً ليك كتير

انت مستعجل كدا مالك ؟؟؟؟ اللستة الفيها اسماء ناس المؤتمر منشور
الان في سودانيز اونلاين في قسم الاخبار وهاك ده الرابط

http://www.sudaneseonline.com/ar/article_8333.shtml
Post: #4
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:19 PM
Parent: #1

كتب الاخ/ اسرم موجهاً هذه الاسئلة للاخ عبدالكريم الامين


Quote: الاخ عبد الكريم
السلام عليكم
انت قلت حضرت جزء من المؤتمر باديس ولكن يبدو انك مخموم و يجب عليك اذا اردت او كلفت بتسويق فكرة المعزولين و المطردودين من حركة العدل الذين ارتهنو لدي الانقاذ ان تضع القارئي الكريم من باب الامانة من هم الذين عقدوا المؤتمر و بدعم من عقد المؤتمر وهل مجموعة السبعة يستطعون عزل دكتور خليل الذي تم انخابه بواسطة مؤتمر عام وكم عدد المؤتمرين ومن هم وهل النصاب قانوني نامل ان تجيب علي الاسئله وعندها نسطيع ان نناقشك ولدي من المعلومات و البراهين تكشف زيف ما ذهبت اليه
اسرم


فكان رد الاخ عبدالكريم الامين ونفي اي صلة له بتلك المجموعة بل قال لا علاقة له
بالسياسة وحضر المؤتمر كأحد المهتمين بشئؤن البلاد

Quote: السيد هارون
مابك يا رجل ولماذا انت بهذه العدوانية والخطاب الركيك
وكان هذا الامر هو نهاية الدنيا بالنسبة لك حتي تصفني بالوكالة
والبضاعة والبائرة ولغو الحديث..
اولا..يجب ان تعلم مدي تقاربي او بعدي من اي قوة سياسية في الساحة السودانية
هي القضايا الاساسية التي تهم الشعب السوداني من ديمقراطية وحقوق الانسان وازالة التهميش والموسسية ونبذ القبلية الرخيصة والموقف من سلطة الانقاذ الردئية..


وهذا ما جاء في اعلان احد منسوبي تلك المجموعة الذي غادر من الخرطوم لاديس ابابا
من الخرطوم بدون تذكرة وبدون تأشيرا وبدون اي اجراءات وهذا واضح جداً لا يحتاج
لتفسير

بماذا ترد بعد ان ورد اسمك وانت قلت ما عندك اي علاقة بالمجموعة من قبل ؟؟؟؟



نواصل خليك متابع معاي
Post: #6
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:31 PM
Parent: #4

عبدالكريم الامين كتب من قبل :-

Quote: انا لو بستلم ثمن لكنت عضوا معك في تنظيمك الاول الجبهة الاسلامية ..وعندما اكون انا هناك فمثلك لا مكان له..فانا لا اعمل الا في وسط الضوء الساطع


والان ظهر اسمك في الضوء الساطع ماذا تقول ؟؟؟؟
Post: #7
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:38 PM
Parent: #6

عبدالكريم الامين احمد

التوثيق كلها موجودة في نفس بوستك داك وهذا ما قلته في السابق فماذا تقول
الان

Quote: اها شفت يا بقال انا الجهد ده كلو بقولو ليك وانا ليس عضوا في العدل والمساواة
عشان ما تقول لي موتمركم ومجذوب الخليفة ولاابكر قروش..


يعني خموك ساااااااااااااااااااااكت من الخليج ودوك لاديس ابابا وانت
ما عضو وما عارف الحاصل وبعداك قالوا ليك ابقي عضو وبقيت مش كدا ؟؟؟؟؟؟

اكيد خماك يوسف ابكر ولا جمال حسن احمد لانهم كانوا معاك في الخليج
Post: #8
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:44 PM
Parent: #7

عبدالكريم الامين

بعد ان وجهت له العديد من الاسئلة وهو لم يرد كتب :

Quote: انا اوردت الخبر وغير ملزم بالاجابة علي كل ما تود ان تعرفه هذا الموتمر فهذا شانك الخاص ولك ان تسلك من الطرق المتاحة لمعرفة ما تريد...!!


كيف لا ترد وانت اوردت الخبر ؟؟؟؟ كيف لا ترد وانت نصبت رئيساً للجنة التكنلوجيا
والمعلومات والاتصالات ؟؟؟؟ ولا .................................... الخ
Post: #9
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:52 PM
Parent: #8

عشان كدا نحن لمن نقول المؤتمر مزعوم ومدعوم من قبل الحكومة السودانية
ومؤتمر بتاع ناس ساكت مخمومين وماعارفين الحاصل فيها شنو ؟؟
ما يجونا زي اخونا عبدالكريم ويدافع بكل ما اوتي من قوة بالوكالة
عن تلك المجموعة وينفي اي علاقة له بالعدل والمساواة واخيراً يظهر
اسمه من ضمن تيم (( اديس ابابا ))
Post: #10
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-22-2007, 07:54 PM
Parent: #9

في مثل بيقول

ما في نار بدون دخان

اتاريك انت وقت كنت تدافع عنهم وتنكر علاقتك بيهم كنت تكتب نيابة
عنهم بالوكالة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #11
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-22-2007, 08:24 PM
Parent: #1

بقال ..

سؤال بسيط (بس ما تستبسطهوش) ..

لو إتضح ليك إنو عبد الكريم الامين أحمد بتاع اديس أبابا دا واحد تاني غير عبد الكريم بتاع المنبر دا وإنو القصة بس إسم على مسمى ..

في الحالة دي حا يكون موقفك شنو ؟!!
فكرت في دي ؟!
Post: #12
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد البشرى الخضر
Date: 01-22-2007, 09:01 PM
Parent: #11

يا ناذر ياخ مالك عليه
عمرو كلو تزرزروا فيه
شي قاعد تكتب من برج البركة و فاكيها في العالم ناس الأمن مطاردني و كدا
و شي بيكتب ليك واحد تاني
وداير لي مكتبة و ما عارف شنو
و تعديل المداخلات و النطيط من الكلام البيتكتب
دا غير الأخطاء الإملائية
أها الليلة لما الله أداه و لقى فرصة في كيكي , خليه عليك الله
بعدين كيكي يستاهل
خلى الولية بتصحي في عمك و مشى عملها لينا مؤتمرات و شنو
الليلة يحلو الحل بلة

بتاعة....
بالمناسبة هو بلة إتحل و لا لسة الحبشي مزازيه
Post: #13
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 02:45 PM
Parent: #11

Quote: لو إتضح ليك إنو عبد الكريم الامين أحمد بتاع اديس أبابا دا واحد تاني غير عبد الكريم بتاع المنبر دا وإنو القصة بس إسم على مسمى ..

في الحالة دي حا يكون موقفك شنو ؟!!
فكرت في دي ؟!


ناذر الخليفة

في البداية طبعاً افتكرتني جبت الموضوع من عندي وسألتني عن مصدره
جبت ليك الرابط

وبراضو جاي الان داير تبرر بالنيابة عن عبدالكريم انه الاسم يمكن
يكون اسم لشخص اخر

وما عارف المرة الجاي حتقول شنو ؟؟؟

اولاً عبدالكريم الامين احمد اول زول نزل بوست في المنبر
عن ناس اديس ابابا وكان بدافع عنهم دفاع شديد بمبررات
واهية لا اساس لها من الصحة وعندما وجهنا له الاسئلة قال
هو ما عندو اي علاقة بالسياسة وقال انه حضر مؤتمر اديس
ابابا ولكن لم يوضح الصفة التي حضر بها

ثانياً ظهر اسمه ضمن تيم تلك المجموعة وعنوان البوست واضح
تعال مر بجاي يا عبدالكريم

ثالثاً الاسم ثلاثي وما دايرة ليها غلاط
Post: #14
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبد المنعم سليمان
Date: 01-23-2007, 02:54 PM
Parent: #1

الاخ ابراهيم بقال

احترامي وتقديري


اعرف اتجاه وتوجة عبدالكريم الامين السياسي ولا يمكن ان يكون عدل ومساواة(ازرق)

بس انت قول بسم الله يا بقال وتمهل


تقديري

منعم
Post: #15
Title: Re: عبدالكريم الأمين أحمد لو سمحت تعال مر علي هذا البوست !!!!
Author: بدر الدين الأمير
Date: 01-23-2007, 03:35 PM
Parent: #14

بقال سلام وتقدير

ياخوى موقف اخونا عبدالكريم كيكى من هذا البوست

بذكرنى بحكاية النجار المشهورة

لو قال ليك مستنى بص الشنقطى بتصدقو

وحقيقة هو مستنى بص الشنقطى بس جوة الدولاب وفى غرفة النوم
Post: #18
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 03:47 PM
Parent: #15

Quote: بقال سلام وتقدير

ياخوى موقف اخونا عبدالكريم كيكى من هذا البوست

بذكرنى بحكاية النجار المشهورة

لو قال ليك مستنى بص الشنقطى بتصدقو

وحقيقة هو مستنى بص الشنقطى بس جوة الدولاب وفى غرفة النوم


اكيد طبعاً

لكن اظنه قافل علي كرت ميت وكتار قبلهم جو ودقسوا ما قادرين
يتخارجو منها

خليهو يستني البص لمن يجو يلقوه جوة الدولاب
Post: #16
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 03:36 PM
Parent: #14

عبدالمنعم

تقديري واحترامي لك

زول قال ما عندو علاقة بالعدل والمساواة جناح اديس ابابا

وتاني قال انه مشي حضر المؤتمر وهو مقيم في الخليج يعني

من الخليج مشي لاديس ابابا عشان المؤتمر المزعوم

ورد اسمه ضمن التيم بيتاع ناس اديس ابابا

ماذا يمكن ان نفسر كل هذا ؟؟؟؟

انا ما جبت كلام من عندي (( اقتباس )) لاقوله السابقة
واقتباس لاسمه ضمن تيم اديس ابابا

كدا خليهو يجي يمر علي البوست ده يقول لينا رايه
Post: #17
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبد اللطيف بكري أحمد
Date: 01-23-2007, 03:46 PM
Parent: #1

طيب يابقال ، هاك دا كمان " زميلنا منعم ،،
Quote: عضو+ رئيس لجنة العلاقات الفيدرالية عبدالمنعم سليمان 8
Post: #19
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 03:59 PM
Parent: #17

Quote:
حركة العدل والمساواة السودانية
أمانة الإعلام

توضيـــــــــــــــــــــــــــــــــــح

بما أنَّ السيِّد المهندس عبدالكريم الأمين أحمد يوسف المقيم في قطر، قد إتصل بالحركة عبر رسالة بريدية وأخرى هاتفية مستفسراً عن ورود إسمه ضمن هياكل الحركة المنتخبة من المؤتمر العام الثاني والتي نُشرت في المواقع الإلكترونية فإننا نودَّ أن نوضِّح الآتي

أولاً : أنَّ الإسم المذكور في هياكل الحركة هو إسم حقيقيٌ لعضوٌ فاعلٌ بالحركة ويقيم حالياً بالهند، وإسمه الكامل هو عبدالكريم أمين أحمد الحسن، ولكن نسبة لذكر إسمه ثلاثي تشابه مع إسم المهندس عبدالكريم الأمين أحمد يوسف
ثانياًًًًًً : للمزيد من المعلومات حول هياكل الحركة يُرجى الرجوع إلى الموقع الرسمي للحركة للإستوثاق والتأكُد على العنوان التالي
http://www.sudanjem.info
رابعاً : نسجل إعتذارنا للمهندس عبدالكريم الأمين أحمد يوسف المقيم في قطر إن لحقه أيُّما تشويش من خلال تشابه إسمه مع إسم السيِّد عبدالكريم أمين أحمد الحسن عضو المجلس التشريعي القومي بالحركة


وهذا منا للتوضيح


أمانة الإعلام
حركة العدل والمساواة السودانية
Post: #20
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:01 PM
Parent: #19


سمعنا يا بقال بزنقة ترزي في طاحونة
وزنقة كلب في زقاق فلاتة..
لكن زنقة بقال لكيكي دي..ما شفنا ولا سمعنا قبل كده..!!!
ولكن
قبل كل شي لابد ان اشيد باداك الميدائي وادارة لمعركة طواحين هوائية (كيشوتية)
بكفاءة عالية وحنكة وخبرة لابد لي اقول ليك برافو علي علوكعبك العالي في الخبث والدهاء
والمكر العالي......
ثانيا اهنئك يا بقال علي العقوبات التي فرضتها علي باعتقالي بعيدا عن الكيبورد
وهذا المنبر الذي احبه تماما لما فيه من عالم واصدقاء وهوا.....بجانب تخريبك المقصود لحضوري لحفل
الهلال في فندق رمادا بالدوحة...وطيرتها لي في راسي تماما...ولكن كل ذلك يهون في هذا الزمن الردي
زمن كتاكيت المشروع الحضاريذ ذات عمر اليوم الواحد المحقونة بجينات الخبث والمكر والدهاء والبغض والعنصرية....
نعم يا بقال انا ليس عضوا في حركة العدل والمساواة بكل اجنحتها العديدة المتطايرة كالشراء وسط
غابة ازمة دارفور التي يبدو ان مثل اسالبيكم تلكم هي وقودها و ودمائها التي صارت صدئة
مليئة بالكره للنسيج السوداني ومحتقنة احتقان مزمن للذين يخالفونك الراي واللون والقبيلة......
امس الاول وحين ظهور اسم ثلاثي مطابقا لاسمي اتصل علي احد الاصدقاء الخلص صباحا
مستوضحا وتبرع بارسال ذلك البيان الي ايميلي الخاص بالمكتب..تيقنت ان هنالك شيئا ما غير طبيعي وان هنالك خطاء ان لم اتداركه لدفعت ثمنا غاليا جسيما افقد اشياء يا بقال بنيتها بكفاح واجتهاد ومثابرة..ولكن اهمها
حب واحترام الاصدقاء والصديقات الذين اعتذر لهم هنا اولا لهذا اللبس والتناقض الذي بداء جليا في اطروحة الود بقال....
اتصلت بالاخوة في الحركة والمساواة والذين اكن اليهم احترام عالي وتقدير كبير
مستوضحا وطالبا منهم بكل شفافية اصلاح هذا الخطاءواصدار تاكيد ينفي ارتباطي التنظيمي مع هذه الحركة وكنت واثقا تماما من حتمية استجابنهم وتفاعلهم مع هذا الامر وهم في ذلك نبلاء حقا ورجال حقيقين لا يسعون الا الحق و الحقيقة ولهم مني ايضا كل الشكر والتقدير.....
وانت يل بقال بهذا الامر الذي استعملت فيه اقذر الاسلحة التي لا تشابه الي الساقطين في امتحان الاخلاقي
والنبل عندي
فتحت علي روحك وابل من جهنم وغضب كيكي الاسفيري الذي لن تنجو منه ابدا...وستدفع ذلك
الثمن غاليا وستكون تحت مرمي ضرب اسفيري مبرح يكشف خطابك الركيك ولغتة تعاملك الساقطة
وخصومتك الفاجرة التي فجرتها في وجهي حينما هتفت بازاحة رئيسكم خليل في اديس ابا.......
فيا بقال انت نكرة بلا تاريخ وبلا جذور مروية من تراب ارض هذا السودان من كل بواديه وحضره
ريفه ومدنه شماله وجنوبه شرقه وغربه..لذا لا تعرف قدر الرجال ومعادنهم تاتي مشوها كطفل الانابييب الذي
وضعه المشروع الحضاري في جسد الجسم السوداني فتاتي مشوها اخرقا باليا دني بلا اخلاق بلاضمير
تسب قبائل الاصدقاء والامهات زارعا الفتنة بين نسيج هذا الشعب....
,,,وبجيك يا بقال......
Post: #21
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:04 PM
Parent: #20

قرار 1
احتلال هذا البوست تماما يا بقال وتلقينك درس لن تنساه مهما حيت
Post: #24
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:09 PM
Parent: #21

قرار 2
لكن يهلك الباندودث ببوست منفصل عن ابراهيم بقال
بكل كل دلوي فيما يخص العضو ابراهيم بقال سيكون هنا,,ولمن اراد الفرجة او الشراء
فهنا سيكون عرض لايفوت ...
للمهمش الكاذب ابراهيم بقال...
.

..
لن يكون هنالك طريقا الي الخور يا بقال سيمر عبر هذا المنبر...وكل الشغل
سيكون بعنوان بقال the ereror
Post: #22
Title: Re: عبدالكريم الأمين أحمد لو سمحت تعال مر علي هذا البوست !!!!
Author: حيدر حسن ميرغني
Date: 01-23-2007, 04:07 PM
Parent: #20

بفال

شوفت .. قالوا العجلة من الشيطان

حصل خير وما وقعت في زول تاني غير كيكي الرايق

تعلم ... الدنيا مدرسة

وناذر الخليفة سبق ان توقع ما حصل الان ... قراها طايرة دون ان يكون منتمي لحزب .. حاول تصاحبو

والسلام لكيكي الذي يتشرَف اي حزب بضمَه اليه
Post: #27
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:23 PM
Parent: #20

Quote: نعم يا بقال انا ليس عضوا في حركة العدل والمساواة بكل اجنحتها العديدة المتطايرة كالشراء وسط
غابة ازمة دارفور


طيب مالك مشيت حضرت المؤتمر من الخليج لاديس ابابا ؟؟؟؟
وبأي صفة حضرت المؤتمر ؟؟ هل بصفة مراقب ؟؟ ام صحفي ؟؟؟
ام ماذا ؟؟

Quote: وحين ظهور اسم ثلاثي مطابقا لاسمي


اليس لي الحق بكتابة هذا البوست ؟؟؟ وانا وجدت اسم ثلاثي
منشور ضمن تيم اديس ابابا ؟؟؟
نفس الاسم الثلاثي المشي حضر المؤتمر
ونفس الاسم الثلاثي الكتب بوست في المنبر
ونفس الاسم الثلاثي البيدافع عن المؤتمر
ورد نفس ذلك الاسم
هل تفتكرني بمجرد مالقيت الاسم اقول ياخي ده يمكن يكون
اسم لزول تاني قبل التوضيح من قبلك ؟؟؟

Quote: فتحت علي روحك وابل من جهنم وغضب كيكي


لكن ما لقيتك اها امشي افتل ليك حاجات ما موجودة وتعال بيها
قال جهنم قال وانت كنت مدخلني الجنة قبال كدا ؟؟؟

Quote: فيا بقال انت نكرة بلا تاريخ وبلا جذور مروية من تراب ارض هذا السودان من كل بواديه وحضره
ريفه ومدنه شماله وجنوبه شرقه وغربه.


اذا افلس الحمار رفس لن ارد عليك بأكثر منها
وده مثل مش نبذ
Post: #23
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:08 PM
Parent: #19

عبدالكريم الامين

شكراً للتوضيح

مما ذكر اتضح ان مؤتمر اديس مؤتمر هلامي صوري تلفيقي
ولا وجود لكل الاسماء المستعارة التي وردت بتشكيلتهم

ثانياً انا دخلت الموقع المرفق في بيان النفي بتاعتك
لكن ما لقيت البيان اعلاه ولا لسع ما نشرتوه في الموقع
Post: #25
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:12 PM
Parent: #23

قبل كل شي
دعوني
اقدم الشكر للاخوان
ناذر
والبشري
عبدالمنعم
وبدرالدين
والاخ الاكبر حيدر
واخي عبد اللطيف
فلكم مني كل الحب والتقدير.....
Post: #26
Title: Re: عبدالكريم الأمين أحمد لو سمحت تعال مر علي هذا البوست !!!!
Author: بدر الدين الأمير
Date: 01-23-2007, 04:22 PM
Parent: #25

كيكى

الحلاك يحل صاحبك ودالقريش
Post: #30
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:29 PM
Parent: #26

عبدالكريم

الكلام هنا واضح

خليك من الاساليب الصبيانية

تلقين درس وكلامك الفارغ ده

اكتب مئة بوست بعنوان ابراهيم بقال مش بوست واحد وبس

واكتب كل ما تريده من اكاذيب ولكل فعل رد فعل

وقبلك مليون شخص هنا في البورد كتبوا عن ابراهيم بقال

وقالوا ما قالوه ماذا تريد ان تقول ؟؟؟؟

في انتظارك الي ان تعود

وانا مستعد مليار في المية لاي مهاترات

واسلوب التهديد لن يخيفني علي الاطلاق

والسواي ما حداث

اعمل ونشوف
Post: #28
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد البشرى الخضر
Date: 01-23-2007, 04:25 PM
Parent: #25

Quote: انا دخلت الموقع المرفق في بيان النفي بتاعتك
لكن ما لقيت البيان اعلاه ولا لسع ما نشرتوه في الموقع


يا بقال قالوا ليك تور مصر تحلبو
Post: #29
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد البشرى الخضر
Date: 01-23-2007, 04:29 PM
Parent: #28

Quote: وناذر الخليفة سبق ان توقع ما حصل الان ... قراها طايرة دون ان يكون منتمي لحزب .. حاول تصاحبو


طبعا أمال النجومية دي ساي

Quote: حاول تصاحبو


كلامك تقولوا لي زول ما عندو حديدة
Post: #31
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:31 PM
Parent: #29

عبدالكريم

الكلام هنا واضح

خليك من الاساليب الصبيانية

تلقين درس وكلامك الفارغ ده

اكتب مئة بوست بعنوان ابراهيم بقال مش بوست واحد وبس

واكتب كل ما تريده من اكاذيب ولكل فعل رد فعل

وقبلك مليون شخص هنا في البورد كتبوا عن ابراهيم بقال

وقالوا ما قالوه ماذا تريد ان تقول ؟؟؟؟

في انتظارك الي ان تعود

وانا مستعد مليار في المية لاي مهاترات

واسلوب التهديد لن يخيفني علي الاطلاق

والسواي ما حداث

اعمل ونشوف
Post: #33
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:33 PM
Parent: #28

Quote: اليس لي الحق بكتابة هذا البوست ؟؟؟ وانا وجدت اسم ثلاثي
منشور ضمن تيم اديس ابابا ؟؟؟
نفس الاسم الثلاثي المشي حضر المؤتمر
ونفس الاسم الثلاثي الكتب بوست في المنبر
ونفس الاسم الثلاثي البيدافع عن المؤتمر

من حقك يا بقال ومن حق اي شخص راي هذا الاسم الثلاثي ان يسال ويشكك ايضا فهذا هو المنطق
وهكذا كانت تبدو الاشياء..
ولكن ليس من حقك الاساءة والصعلقة وتدني الاخلاق وساقط القول..فهذه العدوانية بالا مبررات
وخالية تماما من اي روح يمكن ان تجمع اناس يهمهم وطن واحد...
هل بيني وبينك امراة...ولاانا كاتل ليك زول من اهلك
ام هل اسئت لك في هذا المنبر قبل هذا......!!!
دي ردود علي الطائر يا بقال..ولكن الغريق بيننا سياتي لقدام..
Post: #32
Title: Re: عبدالكريم الأمين أحمد لو سمحت تعال مر علي هذا البوست !!!!
Author: Tragie Mustafa
Date: 01-23-2007, 04:32 PM
Parent: #25

كيكي
وحياة خوتنا البوست ده ينتهي هنا.
الابن بقال
تابعت من قبل كتاباتك حول هذا الموضوع
واعتقد اولا من تصدى لك كان اخ عبد الكريم الامين وليس عبد الكريم هذا الذي يكنيه اصدقائه بكيكي.
تعلم وقتها
حزنت عليك..عارف ليه؟؟؟؟
لانه اتضح انك لا تقرأ كثير لزملائك هنا.
فانت لو متابع ...بالذات ما يكتب في الشأن الوطني
لعرفت من هو عبد الكريم,وهو القلم المتصدي للكثير
من الناس الوهم هنا.
عبد الكريم اكثر من دافع عن الحركه الشعبيه...
اذن ماذا نفهم عنه؟؟؟؟هو سوداني منحاز لقضايا الهامش
ومقر بالظلم التاريخي الذي تعرضت له بعض مناطق السودان
ثانيا هو تقدمي ولا يقبل طرح ديني لذا هو ابعد من يكون عن رؤى العدل و المساواة.
لذا ارجوك ان تسطر اعتذار له.
لانه كان احرى بك ان ترجع لارشيفه وتعرف من هو وكيف يكتب بدلا عن التعجل واصدار الاحكام
وتعرف مواقفه.....وارجوك بالذات فيما يخص زملائك هنا,ليس اقل من ان تقطع اسم الواحد
الما عرفت خطه او كيفية تفكيره وتذهب لارشيفه..زلتعرف من هو قبل ان تتهجم عليه.


ويا عبد الكريم اراك اغلظت لابننا بقال الكلام.
واتمنى ان تنصحه كأخ اصغر لك....وتدله على كيف يجب التأني بالذات في مثل هذه الامور.
تقديري واحترامي لكما معا.
ويا بقال لو سمح بطء هذا الموقع ساعود لك ببعض اللينكات لاجل ما كتبه عبد الكريم بهذا الموقع.
تراجي.
Post: #34
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:40 PM
Parent: #32

الاخت تراجي
لكي كامل التقدير والاحترام..
ولكن مثل بقال هذا يجب ان يرعوي ويعلم قدر الناس دون ان يشوه وجدانهم ويسي اليهم دونما اسباب
مقنعة ياتراجي...
واعدك يا تراجي ان ما نويت اليه ليس له علاقة ببقال في شخصه
بل انما انا اتحدث عن نمط....وظاهرة يجب اولا تشريحها والحديث عنها
ولن انجرف مع ابراهيم بقال في مهاترات او اساءت شخصية لا تفيد كثيرا...ولكي شكري
وتقديري يا تراجي..
Post: #36
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:48 PM
Parent: #34

اكرر نفس ما قلته لك

السواي ما حداث يا عبدالكريم الامين احمد

مالك عامل نقة كتيرة هنا

انا قلت ليك اكتب مليار بوست عن ابراهيم بقال الفيهو والمافيهو

وبعدما تكتب نشوف

ولن يخيفني مثل هذه الاساليب لان هناك سوابق كثيرة في هذا المنبر

وارجع للارشيف بعد داك تعال

قال نكتب قال

ما تكتب في زول منعك ؟؟؟

في زول قال ليك ما تكتب ؟؟؟

وين انت من زمااااااااااااااااااااان

مالك ما كتبت ؟؟؟

ولا البوست ده جاب خبرك ؟؟؟؟
Post: #35
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:41 PM
Parent: #32

تراجي

لك التحية والتقدير

وشكر علي التوضيح

انا لا اعرف عبدالكريم من قبل وليس بيني وبينه اي عدواة من قبل

جمعني به هذا المنبر قرأت له الكثير من كتاباته

واخره البوست الذي كتبه هنا وهو يدافع عن ناس اديس ابابا

بل حضر معهم مؤتمرهم المزعوم

عبدالكريم الامين احمد هل يوجد اسم ثاني في هذا المبر بنفس

هذا الثلاثي ؟؟؟؟؟؟؟؟؟؟؟؟؟؟؟؟
Post: #38
Title: Re: عبدالكريم الأمين أحمد لو سمحت تعال مر علي هذا البوست !!!!
Author: حيدر حسن ميرغني
Date: 01-23-2007, 04:51 PM
Parent: #35

بقال

العترة تصلَح المشية

خليك رياضي وقول معليش لسَه ما فات شئ

كتابة بوست تحت اسم شخص لادانته وبجهل كمان تستوجب الاعتذار

أنت أكثر من عانيت في هذا الخصوص
Post: #39
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 04:51 PM
Parent: #35

[QUOTE]انا لا اعرف عبدالكريم من قبل


مرحب يا بقال..
واظن ان هذا البوست هو فرصة جيدةلكي تعرف من هو عبدالكريم..
لكي تعرف عبدالكريم الامين احمد الذي لا اظن ان هنالك شخص في هذا المنبر يحمل نفس الاسم..
البوست فرصة سمحة جدا لكي تعرف عبدالكريم الامين
وسنعطيك من كل بستان زهرة..عشان تاااااااامن ذاتتتو..وترعوي
وسيكون درسا اتمني ان تتعظ منه ..فلا تبادل الاخريين العدوانية وتلصقهم با تهمات تكاد ان تقتلهم
او تذبحهم بها...
Post: #41
Title: Re: عبدالكريم الأمين أحمد لو سمحت تعال مر علي هذا البوست !!!!
Author: osly2
Date: 01-23-2007, 04:56 PM
Parent: #35

اللهم لا شماته


عبد الكريم
استعجلت شويه كنت تخلى الود دا يتفسح شويه
مش قاعد فى دولابك وراجى بص الشنقبطى ؟

Quote: اليس لي الحق بكتابة هذا البوست ؟؟؟ وانا وجدت اسم ثلاثي

طيب مش تسال عن حقيقة الاسم فى البوست المفتوح اصلا
قبل ان تاتى عبد الكريم فعل وعبد الكريم ترك ؟؟؟؟


عالم يحتار الغباء من تفكيرها


بقال
انت كاذب اشر
Post: #55
Title: Re: عبدالكريم الأمين أحمد لو سمحت تعال مر علي هذا البوست !!!!
Author: wadalzain
Date: 01-23-2007, 05:29 PM
Parent: #35

يا بقال ، اذا دافع عبدالكريم عن ناس اديس ابابا هل هذا مسوغ لك ان تكن له مثل هذه العداوه ، واللغه الخشنه الجافه ، ام كان الاحرى بك وانت تدافع عن قضيه ان تناقشه بهدوء وادب واحترام لكى تغير فكرته عن ناس اديس ابابا ، ام ان قاموسك لا يحتوى على مبدأ الاختلاف فى الرأى ؟ هل من ليس معك هو ضدك ؟ هل تسير على هذا المبدأ ؟ قديما قال فولتير ( انى اختلف معك فى الرأى ولكنى ادافع عنك حتى الموت لكى تعبر عن رأيك ) وقديما قيل ايضا ( رأيى صواب يحتمل الخطأ ورأى غيرى خطأ يحتمل الصواب ) يابقال اصحاب القضيه كلامهم لين لكسب الناس ليست بفظ ( ولو كنت فظا غليظ القلب ...الآيه )

ولتعلم ان عبدالكريم ليست بعدو ، هناك جهه ما يجب علينا ان نصوب سهامنا لها ، هناك فئه ما هى التى تخرب علينا وطننا ، وتخرب علينا حياتنا ، هناك عقليه هى التى تحكم وهى عقليه لا تقبل الآخر ولا تقبل الاختلاف رأيها صواب دائما وما عداها باطل ، الحكمه عندها وحدها ، هذه العقليه والفئه تتوسل بكل شىء لكى تملك السلطه والثروه ، تتوسل بالدين وبالقوه وبالكذب ، يجب علينا كلنا ان نهزم هذه العقليه وانا ؤكد لك ان عبدالكريم اذا حسنت نيتك ليست بعدو بهذا الفهم ، فلماذا تصر على استعداؤه واستعداء الآخرين ؟
انا ارى انك كمن يعتقد اعتقاد صمدى فى دكتور خليل مثل الحوار الذى يعتقد فى شيخه ولا يقبل اى نقد او اختلاف معه او الهجوم عليه وهذا ما يسبب الحده فى خطابك تجاه الآخرين الذين ينتقدون دكتور خليل ، وهذا الاسلوب فى الرد يعطل قدراتك والاسلوب فى التفكير لن يقدم فكرتك او تنظيمك الى الامام ، كثيرون يختلفون مع دكتور خليل وانا منهم وارى ان حركة العدل والمساواة تخسر كثيرا بتقديمها لدكتور خليل فهو غير مؤهل اخلاقيا للحديث عن العدل والمساواه بسبب تاريخه مع الانقاذ ولن يعفيه اى شىء بحكم انه شارك فيها مشاركه مباشره كمسؤول تنفيذى ومشاركه تنظيميه ولذلك كل المظالم والمآسى التى حدثت فى عهد الانقاذ وهو فى اعلى مراتب السلطه فيها مسؤول اخلاقيا وقانونيا وسياسيا منها ، على اقل تقدير لم ينبس ببنت شفه ضد تلك الممارسات والجرائم البشعه فهو اذن كما يقول القانونيون مسؤول بالاشتراك او التحريض ، على اقل تقدير سكت والساكت عن الحق شيطان اخرس ، فهو كان مسؤول تنفيذى وفى يده الامر والنهى وفيه يه المنح والمنع ، بل الادهى والامر كان اميرا جهاديا فى عرف تسمية الانقاذ وشارك فى اضطهاد فئات اخرى بهذه التسميه ان كانت دينيه مخالفة له او عرقيه ، وان كنت تنشد العدل فاعدل ولا يجرمنك شنآن قوم على الا تعدل وان كنت تنشد المساواة فلا تساوى بين الخبيث والطيب واقسط الا تحب المقسطين ؟
Post: #37
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-23-2007, 04:50 PM
Parent: #1

إبراهيم بقال ..

هسي كدة كويس !!!!!

أنا قلت ليك :

Quote: بقال ..

سؤال بسيط (بس ما تستبسطهوش) ..

لو إتضح ليك إنو عبد الكريم الامين أحمد بتاع اديس أبابا دا واحد تاني غير عبد الكريم بتاع المنبر دا وإنو القصة بس إسم على مسمى ..

في الحالة دي حا يكون موقفك شنو ؟!!
فكرت في دي ؟!


وإنت كتبت ..

Quote:
ناذر الخليفة

في البداية طبعاً افتكرتني جبت الموضوع من عندي وسألتني عن مصدره
جبت ليك الرابط

وبراضو جاي الان داير تبرر بالنيابة عن عبدالكريم انه الاسم يمكن
يكون اسم لشخص اخر

وما عارف المرة الجاي حتقول شنو ؟؟؟

اولاً عبدالكريم الامين احمد اول زول نزل بوست في المنبر
عن ناس اديس ابابا وكان بدافع عنهم دفاع شديد بمبررات
واهية لا اساس لها من الصحة وعندما وجهنا له الاسئلة قال
هو ما عندو اي علاقة بالسياسة وقال انه حضر مؤتمر اديس
ابابا ولكن لم يوضح الصفة التي حضر بها

ثانياً ظهر اسمه ضمن تيم تلك المجموعة وعنوان البوست واضح
تعال مر بجاي يا عبدالكريم

ثالثاً الاسم ثلاثي وما دايرة ليها غلاط



وكمان قلت :

وما عارف المرة الجاي حتقول شنو ؟؟؟


ما حا اقول اكتر من (ما قلتو نوبة) !!

بقال حاول ما تستعجل في الكتابة وتيقن من الموضوع اول حاجة وبعد داك أكتب ..

صنفرة :

ما بعرف أي إنتماء سياسي لي عبد الكريم ولا حتى بعرفو شخصياُ إلا من خلال المنبر لكن ....
عبد الكريم القدامي دا يستحيل يكون في حزب من ستاشر جناح كل جناح لابد للتاني !!
Post: #40
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 04:56 PM
Parent: #37

Quote: هل بيني وبينك امراة...ولاانا كاتل ليك زول من اهلك


هسع عليك الله ده كلام زول عاقل ؟؟؟؟؟؟؟؟؟؟؟؟؟؟؟؟؟

هو انا لو بيني وبينك ده كلوا البجيبني اتكلم معاك في البورد شنو ؟؟؟
Post: #43
Title: Re: عبدالكريم الأمين أحمد لو سمحت تعال مر علي هذا البوست !!!!
Author: osly2
Date: 01-23-2007, 05:07 PM
Parent: #40

Quote: ويا عبد الكريم اراك اغلظت لابننا بقال الكلام.
واتمنى ان تنصحه كأخ اصغر لك....وتدله على كيف يجب التأني بالذات في مثل هذه الامور.
تقديري واحترامي لكما معا.

تراجى سلااام
اعرف اعضاء هنا اصغر سنا من بقال
فتحتى عليهم وابل نيرانك
دون ان تراعى صغر سنهم
والا المساله دى ملازمه لك كل ما اخطا بقال ؟
تراجى الغلط غلط وغير مربوط بسن محدده
وما دام الشافع دا صغير كما تقولين
مش حقوا يرتاح شويه حتى يصل السن
التى لا تحوجك فى كل مره بتلفيق الاعذار له ؟
Post: #44
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 05:08 PM
Parent: #40

دفاعكم الغير مبرر عن عبدالكريم لا يجدي

وهذه حقيقة واضحة وضوح الشمس في رابعة النهار

الاسم ثلاثي عبدالكريم الامين احمد

ذهب من الخليج الي اديس ابابا وحضر مؤتمر اديس

وكتب هذا البوست مدافعاً عن مجموعة اديس ابابا




ثم ظهر نفس الاسم الذي ذهب لاديس ابابا وحضر المؤتمر
ودافع عنها



ماذا يمكن ان نفسر هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #45
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد البشرى الخضر
Date: 01-23-2007, 05:08 PM
Parent: #40

Quote: هسع عليك الله ده كلام زول عاقل ؟؟؟؟؟؟؟؟؟؟؟؟؟؟؟؟؟


بقال لا تأخذك العزة بالإثم
إنت غلطان , كل المتداخلين أجمعوا على كدة
ما تكابر و تفاقم الموضوع
أنا متأكد كيكي دا ود بلد معلم
إعتذار حقيقي منك بيقبلو
جرب
و ما عيب الإعتراف بالخطأ
Post: #69
Title: Re: عبدالكريم الأمين أحمد لو سمحت تعال مر علي هذا البوست !!!!
Author: معتز القريش
Date: 01-23-2007, 06:57 PM
Parent: #40

Quote: عبد الكريم
استعجلت شويه كنت تخلى الود دا يتفسح شويه
مش قاعد فى دولابك وراجى بص الشنقبطى ؟


الله يجازي محنك يا أوسلي والله قطعت مصاريني بالضحك

بقال جاك السم القدر غداك . تاني تجي

انت ما بتعرف عبد الكريم طيب مالك بتهابش

ويا كي كي معليش المابعرفك بجهلك
Post: #46
Title: Re: عبدالكريم الأمين أحمد لو سمحت تعال مر علي هذا البوست !!!!
Author: كمال علي الزين
Date: 01-23-2007, 05:11 PM
Parent: #37

Quote: ما بعرف أي إنتماء سياسي لي عبد الكريم ولا حتى بعرفو شخصياُ إلا من خلال المنبر لكن ....
عبد الكريم القدامي دا يستحيل يكون في حزب من ستاشر جناح كل جناح لابد للتاني !!




لافض فوك
Post: #42
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-23-2007, 05:04 PM
Parent: #1

بقال :

أنصحك بالإعتذار للأخ عبد الكريم .. لقد نصحتك بان تتروى في اول البوست (أمبارح بالليل) ولم تستبين نصحي إلا ضحى الغد اللي هو (الليلة الضهر) !!
Post: #47
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 05:11 PM
Parent: #42

للذين يطالبونني بالاعتذار انا لن ولم اعتذر عن حقيقة ماثلة امامي واقول انها
خطأ
والماشايف الحقيقة ده بالعين المجردة خلي يمشي يلبس نظارات
Post: #48
Title: Re: عبدالكريم الأمين أحمد لو سمحت تعال مر علي هذا البوست !!!!
Author: كمال علي الزين
Date: 01-23-2007, 05:14 PM
Parent: #47

Quote: واعدك يا تراجي ان ما نويت اليه ليس له علاقة ببقال في شخصه
بل انما انا اتحدث عن نمط....وظاهرة يجب اولا تشريحها والحديث عنها
ولن انجرف مع ابراهيم بقال في مهاترات او اساءت شخصية لا تفيد كثيرا.


هذا هو كيكي كما نعرفه
Post: #50
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 05:19 PM
Parent: #48

هل يوجد فرق بين هذا



وهذا



زول نزل بوست ودافع عنهم وحضر مؤتمرهم ولما ورد اسمه يقول ليك
اسم لزول تاني سبحان الله
Post: #53
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد البشرى الخضر
Date: 01-23-2007, 05:26 PM
Parent: #47

الدنقلاوي حلاب التيس

قصة المثل دا جات من وين

قالوا الدنقلاوي غالط الجماعة في إنوا التيس عندو لبن ,و اتحداهم كان جابو التيس بيحلبوا ليهم

أها جابوا التيس , الدنقلاوي مسكو من خصيتيه و صار يحلب و التيس يكورك

الجماعة مسكوا الدنقلاوي و قالوا ليه حرام عليك ,

فك التيس و قال:"مش قلتليكم, لبن في, لكن ما فيش فتحة "

أها يا بقال أنا ماشي و بجيك بعدين لو إقتنعت OK لو ما إقتنعت تاني في مثل بشرحو ليك
Post: #56
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 05:34 PM
Parent: #53

متي تقولوا الحقيقة ؟؟؟

اليس في هذا البوست اعترافات وجزئيات صحيحة

ولماذا لم توجهوا اي سؤال لعبدالكريم

عن سبب حضوره لتلك المؤتمر وهو ليس عضواً ؟؟؟

وعن سبب دفاعه عنهم وهو ليس منهم ؟؟؟

وعن سبب ايراد اسم مماثل لاسمه وهو لا يعلم ؟؟؟

وعن سبب عدم نشر بيان النفي حتي الان ؟؟؟

لماذا

ولماذا

ولماذا ؟؟؟؟
Post: #58
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد عثمان محمد طه
Date: 01-23-2007, 05:46 PM
Parent: #47

Quote: والماشايف الحقيقة ده


الحقيقه دي
Post: #49
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-23-2007, 05:17 PM
Parent: #1

دا كلام شنو ؟؟!!

عبد الكريم قال ليك دا ما انا وناس أديس أبابا قالوا ليك دا ما ياهو !!
يعني دايرو يكون هو بالرجالة ؟!!

واحد يقول ليك دا الحصان تقول احلبوهو ؟!!

صنفرة :

أنا قلت ليك :
Quote: بقال ..

سؤال بسيط (بس ما تستبسطهوش) ..


وإنت الظاهر إستبشطتهوش زيادة عن اللزوم !!!
Post: #51
Title: Re: عبدالكريم الأمين أحمد لو سمحت تعال مر علي هذا البوست !!!!
Author: كمال علي الزين
Date: 01-23-2007, 05:21 PM
Parent: #49

Quote: إستبشطتهوش


ناذز : أعربا
Post: #52
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 05:25 PM
Parent: #49

ناذر

نحن عندنا عقول

نحن ما بهايم

نحن بشر

زول بأعترافه بيقول انه ذهب وحضر المؤتمر

جاء البورد وكتب بوست بيدافع عن ناس المؤتمر

ولمن يظهر اسمه تقول لي ماهو ؟؟؟

** اما ناس المؤتمر لفقوا اسموا ساكت من ضمن التيم الشكلوه
لانهم ما عندهم ناس

** اما ان يكون نفس الاسم كتبوه وما شاوروه

** صاحب العقل يميز

فأنا حتي الان لم اخطي في شي

مافي زول تاني يجي يقول لي اعتذر


Post: #54
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-23-2007, 05:29 PM
Parent: #1

بقال :
سؤال بسيط بس ما تستبسطهوش ..

زولي التحت دا :

Quote: أنَّ الإسم المذكور في هياكل الحركة هو إسم حقيقيٌ لعضوٌ فاعلٌ بالحركة ويقيم حالياً بالهند، وإسمه الكامل هو عبدالكريم أمين أحمد الحسن،


لو جبتو ليك هسي وقال إنو هو الزول المقصود حا تعمل شنو ؟!
ما تتسرع في الإجابة زي المرة الفاتت فكر كويس وشوف مخارجة ..

شنكل :

لاحظ كويس ... أنا ود الهند يا بقال !!!
Post: #57
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ابراهيم بقال سراج
Date: 01-23-2007, 05:37 PM
Parent: #54

جيب الزول وتعال انا منتظرك
Post: #60
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 06:02 PM
Parent: #57

بقالthe error
انت لسع يازول عامل غلبة وجوطة..ومصر علي البغي والعدوان يازول..!! مافي مشاكل
طيب يا بقال..!!
انا عندما اخترت بقال the error عنوان للمدونة ال الله يديك صبر تقراها حتة حتة دي..
استلهمت اهم شي في مهنتي التي قاعد اكل منها عيش حر شريف بعد مكافحة ومثايرة في رحلة
طويلة تعملت فيها المعني الحقيقي لكي تكون سوداني منسجما ومحترما لكل مكوناته وفاهما حقا
لازمته واحلام فقرائه واهله جميعا بمختلف اثنياته العديدة...
ما يدور بيني وبينك يا مكابر هو صراع هامش ضد هامش تخوضه انت من اجل بقاء امراض
الهامش من حب بعض اولاده للمال والسلطة والجاه الكاذب دون موهلات وموهبة..واحسب نفسي اخوضه من
اجل تنويرك ورفع الوعي والاحساس بقيم الاشياء التي هي اهمها القبول بالاخر واحترام الجميع
هنا دون التعارك مثل قابيل وهابيل من مصلحة انية والملايين من اهلك في دارفور يموتون من الجوع
والفقر والانتنوف...........

شكرا ناذر..
محمد عثمان
وكمال
والبشري
واوسلي2
ود الزين
ومعاك يا بقال...سنكون في فسحة بمزاج وكورة هادئة بلا فاولات ودراب بقالي شهير..
Post: #61
Title: Re: عبدالكريم الأمين أحمد لو سمحت تعال مر علي هذا البوست !!!!
Author: كمال علي الزين
Date: 01-23-2007, 06:04 PM
Parent: #60

Quote: استلهمت اهم شي في مهنتي التي قاعد اكل منها عيش حر شريف بعد مكافحة ومثايرة في رحلة
طويلة تعملت فيها المعني الحقيقي لكي تكون سوداني منسجما ومحترما لكل مكوناته وفاهما حقا
لازمته واحلام فقرائه واهله جميعا بمختلف اثنياته العديدة...


يسارية محكمة
Post: #62
Title: Re: عبدالكريم الأمين أحمد لو سمحت تعال مر علي هذا البوست !!!!
Author: كمال علي الزين
Date: 01-23-2007, 06:06 PM
Parent: #61

Quote: ما يدور بيني وبينك يا مكابر هو صراع هامش ضد هامش تخوضه انت من اجل بقاء امراض
الهامش من حب بعض اولاده للمال والسلطة والجاه الكاذب دون موهلات وموهبة..واحسب نفسي اخوضه من
اجل تنويرك ورفع الوعي والاحساس بقيم الاشياء التي هي اهمها القبول بالاخر واحترام الجميع
هنا دون التعارك مثل قابيل وهابيل من مصلحة انية والملايين من اهلك في دارفور يموتون من الجوع
والفقر والانتنوف...........



وهذه القاضية
Post: #64
Title: Re: عبدالكريم الأمين أحمد لو سمحت تعال مر علي هذا البوست !!!!
Author: كمال علي الزين
Date: 01-23-2007, 06:10 PM
Parent: #62

الرجاء العودة إلى مربع الهدوء

بعد إعتزار الأخ بقال , ليعلن وفاة هذا الخيط

للإنصراف إلى مايفيد

ناذر

عليك النبي كان ماجبتا عبدالكريم بتاع الهند



بالمناسبة :

في إنتظار إعراب الكلمة
Post: #67
Title: Re: عبدالكريم الأمين أحمد لو سمحت تعال مر علي هذا البوست !!!!
Author: انور تاج السر
Date: 01-23-2007, 06:46 PM
Parent: #57

بقال،

انت عارف مشكلتك في الدنيا دي الشلاقة و اظن من صورتك انو واحد جا شايل كاميرا و من شلاقتك ما قدرت تصبر لغاية ما تكمل السندوتش و الفانتا بتاعتك يا زغنون و طولي جريت ليهو و قلت ليهو عليك الله تعال صورني يا عمو المصوراتي.

فقط اريد ان اخبرك انني عرفت الاخ العزيز عبد الكريم لمدة طويلة و هو زميل دراسة و سكنا في نفس الداخلية لمدة خمس سنوات. عرفته في الحارة و الباردة و هو ليس من يقول كذباًانني لست انا لك انت او لغيرك.

حلك الوحيد هو الاعتذار و لعبد الكريم ان يقبل او يرفض.

نصيحتي لك ان تتبين الامور قبل الخوض فيها و انت لسة ولد صغير ما تشفق علي الدنيا دي و تجيبا بالرجالة. خلي تطورك الطبيعي ياخد مجراه.

كيكي الوريف: ياخي بقال ده (Soft Target) وفر ذخيرتك لاهداف صلبة.

صنفرة: (دي يا نادر حتكون اطول صنفرة في تاريخ البورد)
تذكر يا بقال لمن طلعت بوستك بتاع انوالجنيه الجديد شلخوه شايقي عشان ناس الحكومة شوايقة و جا واحد جاب ليك الدليل انو الخطوط معمولة للمكفوفين و انت برضك مصر علي شلاقتك. اهديك مداخلةالاخ الشايقي في بوست الجنيه المشلخ:
Quote: أهه دابي جيتك يا بقال الفارغة والمقدوده
كان إنت ولا كاتب المقال عديمي الشغلة.

بالله في ذمتك (أكان عندك) دي شلوخ ،،، حتى الشلوخ ما بتعرفها...
متمني أعرف إنت بتعرف شنو؟؟؟

آآآآآآيييييييييي
شلخنا الجنيه شايقيييييييييي وجوه عينك وعين أي عقلية بمستوى غقليتك.

وحات سيدي علي ألم فيك إلا أشلخك شايقي وأمسح الشلوخ تاني لأنها ما راح تليق عليك.
يا وليد ما تمشي تشوف ليك حاجة تنفعك وتنفع أهلك غير الهبلسة والكلام الفارغ ولا أمشي وقع مع حرامية الإنقاذ خليهم يدوك كم صرة جنيهات وبعد داك سوي سواة قريبك أمشي عرس وكمستجد نعمه شتت القروش في العرس زي ما سوى.

وبعدين إنت اللقيته من ورا الهبيش ده ما قنعك!!!!

ما زمان قلنا ليك روق وأكل عيشك ولا والله يوم تقوم من النوم تعاين في المراية تلقى رقبتك مشلخ تقوم تمرق الشارع بقميص النوم!! وتكورك: شلخوني ،،، شلخوني ،، ومنها عديل على الحوش الجنب بيت البشير قبل ما يبقى رئيس (مصحة كوبر).

الله يشفيك من المرض الشايله في عقلك.

الشايقي
Post: #71
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 07:47 PM
Parent: #67

شكرا اخي وصديقي انور
وديمة انتم الاصدقاء وابناء المعين الواحد
فلكم جميعا كل الحب..
واشكرك يا انور علي الهاتف الاخوي
Post: #59
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-23-2007, 05:52 PM
Parent: #1

Quote: الدنقلاوي حلاب التيس

قصة المثل دا جات من وين

قالوا الدنقلاوي غالط الجماعة في إنوا التيس عندو لبن ,و اتحداهم كان جابو التيس بيحلبوا ليهم

أها جابوا التيس , الدنقلاوي مسكو من خصيتيه و صار يحلب و التيس يكورك

الجماعة مسكوا الدنقلاوي و قالوا ليه حرام عليك ,

فك التيس و قال:"مش قلتليكم, لبن في, لكن ما فيش فتحة "
Post: #63
Title: Re: عبدالكريم الأمين أحمد لو سمحت تعال مر علي هذا البوست !!!!
Author: osly2
Date: 01-23-2007, 06:09 PM
Parent: #59

Quote: ما يدور بيني وبينك يا مكابر هو صراع هامش ضد هامش تخوضه انت من اجل بقاء امراض
الهامش من حب بعض اولاده للمال والسلطة والجاه الكاذب دون موهلات وموهبة..واحسب نفسي اخوضه من
اجل تنويرك ورفع الوعي والاحساس بقيم الاشياء التي هي اهمها القبول بالاخر واحترام الجميع

يا سلام يا كيكى
كل يوم تكبر فى نظرى
Post: #65
Title: Re: عبدالكريم الأمين أحمد لو سمحت تعال مر علي هذا البوست !!!!
Author: بدر الدين الأمير
Date: 01-23-2007, 06:23 PM
Parent: #59

بقال

بشىء من الهدوء والتعقل

انت فى تقديرى كنت محق

فيما ذهبت له عند فتحك

للبوست بغض النظر عن الاستعجال

ولآن جاء عبدالكريم وقاليك ماتعنيه ليس انا

والجماعة من جانبهم قالوا ان عبدالكريم الامين احمد

ليس عضوا معهم وليس هو صاحب الاسم المذكور

يابقال ياخوى الناس مامونة على انسابهاحين تنسب نفسها اوتنسبها

وانت داير تنسب شخص لتنظيم رغم انفه لمجرد تطابق اسماء

مشاركة عبدالكريم فى ذلك المؤتمر كضيف كمراقب اوكماشاء له

لم تكن سرية بل فتح فيها بوستين فى هذا المنبر واحد لبدرالدين الامير

والاخر للزميل فيصل الزبير
Post: #66
Title: Re: عبدالكريم الأمين أحمد لو سمحت تعال مر علي هذا البوست !!!!
Author: khaleel
Date: 01-23-2007, 06:44 PM
Parent: #65

قد هان حتي سمت عنه ضغيتنا

فما غفرنا له بل رحمناه

لكن يا تستاهل يا كرمة

الناس بمشو الحج في الشهر دها

انتي تمشي اديس ابابا

صديقي بقال

ايش المشكلة لوعبد الكريم بقي من العدل والمساواة وحتي لوطلع هو امين الاتصالات والتكنولوجيا

رغم شكي في قدرات عبد الكريم التكنولوجية ( والمثل بقول ليك انت حر ما لم تضر

فدحين يا خوي طول بالك

ودارفور بلدنا والسودان وطنا وتب شبر ما بندي

الا مراكب العدو فوق دمانا تعدي

امل ان يعم السلام دارفور ونغني مع عركي وكابلي

مرسال الشوق يا الكلك زوق اغشي الحبان في كل مكان وقول شفنا جبل مرة

وعشنا اللحظات حب ومسرة

من غيمة تغازل كل زهرة وخيال رمانا علي المجري
Post: #68
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبده عبدا لحميد جاد الله
Date: 01-23-2007, 06:46 PM
Parent: #65

العزيز بقال سلامات
من وجهة نظري عليك بالأعتذار للأخ عبدالكريم لأنو الأمر اصبح واضح وجلي
طالما هناك تشابه في الأسماء ،والأعتذار ليس عيب بل التمادي في الخطأ.
احترامي ومودتي
Post: #70
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 07:08 PM
Parent: #65

سلام بدر الدين..ومرحب اوسلي وكمال وجميع الاخوة...
مرحب بكم في مهرجان بقال الاسفيري الذي اتي ظانا بانه بمثل هذه الاساليب والاسئلة التي تبدو تماما
بالنسبة لي لست ذات معني او فائدة في ظل اخطبوطيته النادرة ..والعداء الذي يستدعي الرثاء والاسي
لحال شاب وجد نفسه متحدثا باسم فصيل يتحدث باسم المهمشين في هذا الزمن الردي...وجد نفسه تحت
تاثير غبن الخلاف الحاد علي موارد العامة والبوم الذي نعق في ارض الوطن..وجد نفسه متحدثا باسم العامة والفقراء المساكين وهو بدون ذاكرة وطن ولا جذور عميقة تتيح له احتساء الخلاصة الثقافية
والاكاديمية التي تتيح له فهم اين معركته الحقيقية....
ان تتحدث عن تغيير ووطن بمعايير محددة يجب ان تكون موهلا ومستعدا لذلك ولك من الرصيد المعرفي
باسس تغييرات المجتمعات والاسهام الانساني المتراكم الذي نظر لمثل هذه الاشياء...
1-الامر يا بقال ليس نهب مسلح وعييك عاك وغوغائية يمكن ان تتيح لك هزيمة الذي تختلف معه معنويا
ثم تذهب بهذه الغنيمة وترتاح انت..
2-الامر ليس نزهة لشاب فرخه تناقض تطبيق المشروع الحضاري ولايحمل من السلاح سوي الاذي
والشتم وضرب خصوم الفكر في مقتل وتاجيج النعرات
3-انه الفكر يا بقال ونحن في قرن لا تصير الامور الا بالعملية والعلم والشفافية...
ما تمارسه يا بقال هنا معي الان..ومع اخريين هنا قبلي ليس الا نهب مسلح واذي جسيم
وغوغائية انت الخاسر الوحيد فيها وبالتالي من تتحدث باسمهم وبالتالي القضية الاساسية
التي هي قضية دارفور ذهبت بعيدا في التازم لتضر بوطن باكمله واسواء الاشياء التي
اضرت هو سطوة الغوغاء ومثيري الفوضي والنهب بانواعه المختلفة واهمه واخطره النهب المسلح
الاسفيري الذي انت رائده واحد ابطاله يا بقال....ونعود
Post: #72
Title: Re: عبدالكريم الأمين أحمد لو سمحت تعال مر علي هذا البوست !!!!
Author: Randa Hatim
Date: 01-23-2007, 07:53 PM
Parent: #70

حبوبه بتتكلم مع ولدها عبدالكريم جابو ليها خبر انو مزنوق فى كورنر...

هيا عبدالكريم يا وليدى بركه يايابا الاتحليت من المشكله دى ... والله يا جنى حشاى وكت قالو لى الحاصل عليك .. يسمنى الاكل والشراب ...يبقى لى زاد الترب يا يابا من الهم الشلتو ...وندهت ليك الاولياء والصالحين .. قلت عاد الليله يا شيخى الصايم يا دقر الهشايم يا الفى المدينة حايم تحل وليدى وتفك كربتو ..


والله ياكيكي بركه باص الشنقيطى الوصل .. اكان ما جاء كان لى هسى يكون نفسك اتكتم جوا الدولاب !!!!

كلام جد:
الصاح انو بقال اعتذر عن البوست دا .. غلطان مافى شك ...لو كان سمع كلام ناذر ما كان هسى اتزنق هو بدل كيكي ..

كسرة:
بقال اكلم ليك حبوبتى تنده ليك شيخا؟؟؟؟
Post: #73
Title: Re: عبدالكريم الأمين أحمد لو سمحت تعال مر علي هذا البوست !!!!
Author: khaleel
Date: 01-23-2007, 08:04 PM
Parent: #72

كرمة

ياخي قول لي زول دها

ياخي كلامك صاح انا فعلا عدل ومساواة وجناح حسن ماكردة ذاتو


ياخي هومالوانشاءالله تبقي عبدة شيطان

انسي الموضوع دها

وتعال نشوف القصر الجمهوري وقصر الشوق وناس الملهمة ديل( وين الناس ديل خليهم ارسلوا الرقم الناقص دها
Post: #74
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 08:18 PM
Parent: #73

مرحب رندا وتسلم حبوبتك ودعائها دعاء خير وبركة..
وخليها عليك الله تدعي لينا لبقال الله يفكوا من زرقنة العقل واللخبطة والخرمجة الاسفيرية دي
ويقعد تحت يتعلم من الناس هنا ..وبعد داك اليجي يناضم ويعمل مقصات للناس...

حبابك خليل
وحباب حسن ماكردة..وانا يا خليل في البوست ده تبع حسن ماكردة من حسي..
وشكرا علي مرورك..

مرحب اخي عبده
والف تحية يار جل..
Post: #84
Title: Re: عبدالكريم الأمين أحمد لو سمحت تعال مر علي هذا البوست !!!!
Author: محمد عبدالرحمن
Date: 01-23-2007, 11:08 PM
Parent: #72

Quote: هيا عبدالكريم يا وليدى بركه يايابا الاتحليت من المشكله دى ... والله يا جنى حشاى وكت قالو لى الحاصل عليك .. يسمنى الاكل والشراب ...يبقى لى زاد الترب يا يابا من الهم الشلتو ...وندهت ليك الاولياء والصالحين .. قلت عاد الليله يا شيخى الصايم يا دقر الهشايم يا الفى المدينة حايم تحل وليدى وتفك كربتو ..


والله الشهادة لله زنقة زى دى ماشفتها يارندا ..البركة فى البيان (الطلق ) (كيبوردو)...

ياعزيزى بقال ...اعتذر لعبدالكريم ولاتعاند ..فقد ثبت لك ولنا جميعا
انه ليس هو المعنى .,.وعبدالكريم دا (مع احترامى لخياراتك ) مااظن (ماعونو)
يستوعب العدل والمساواة دى ..وليس من العدل ولا من (تمام الوطنيه ) ان تهاجم
عبدالكريم وتدافع عن (خليل ابراهيم ) !!وهنا المحك ...مابين كريم وخليل فراسخ
من الوعى بالوطن وقضاياه ومصيره ...لذلك راجع نفسك وقدم اعتذارك ..

تحياتى يابقال ...وودى لكم جميعا ..
Post: #75
Title: Re: عبدالكريم الأمين أحمد لو سمحت تعال مر علي هذا البوست !!!!
Author: Ahmed Abdallah
Date: 01-23-2007, 08:30 PM
Parent: #1

بقال
عملتها ظاهرة جدا المره دي
ياخي 100 واحد هنا في المنبر ده اكثر من 1000 مره
قالوا ليك انت لسه وليد صغير و ما عندك دراية بالسياسة
و تنقصك الخبرة و الحنكة وكل ما تملك بدلة و كرفتة من سوق ليبيا
بالاضافة الى دارفور التي نصبت نفسك عليها زورا ناطقا باسم اهلها
الغلابة وهم منك براءة
جئت الى هذا المنبر ولا تحمل غير الغل و الحقد والفتن وأفتراء
الاكاذيب حول الاخرين ف بسببك واخرين معك فقدت قضية دارفور العادلة
كثير من بريقها و التعاطف معها من رواد هذا الوطن الاسفيري ولا زلت
تمني النفس بان تكون دارفور ملتهبة و للابد ولا تمانع ان يكون اهلك
وقودا لتلك المحرقة ما دمت انت ظاهرا في وسائل الاعلام بعد ان كنت نكرة
حتى وسط اهلك وقبيلتك كالكثيرون غيرك الذين اتخذو من دارفور و قضيتها
العادلة وسيلة للظهور وأكل العيش وبئس المرمى ......
ياخي اتق الله في نفسك وفي حق اهلك وفي وطنك قبل ان تتقي الله في عبدالكريم
ارحم نفسك ولا تمني نفسك بما لا طاقة لك به ....

لا اعرف عبدالكريم الا من خلال هذا الاسفير الذي جمعنا بمن يسوى ولا يسوى
وكان عبدالكريم يسوى و نص و خمسة

بقال ......
هل انت أمنجي ... ؟؟؟؟
مجرد سؤال
Post: #76
Title: Re: عبدالكريم الأمين أحمد لو سمحت تعال مر علي هذا البوست !!!!
Author: osly2
Date: 01-23-2007, 08:40 PM
Parent: #75

Quote: بقال ......
هل انت أمنجي ... ؟؟؟؟

هو انت لسه بتسال ؟؟؟؟
المشكله ما فى بقال
المشكله فى من يعتقد انه مناضل


بقال سؤال واضح
هل لا زلت تتمتع بعضويه فى التنظيم الكيزانى ؟؟؟؟
Post: #77
Title: Re: عبدالكريم الأمين أحمد لو سمحت تعال مر علي هذا البوست !!!!
Author: طارق جبريل
Date: 01-23-2007, 08:42 PM
Parent: #1

العزيز بقال
الاعتذار قيمة انسانية قمة في الرقي
وكن على يقين الاعتذار لا ينقص من قدرك شيئا
بل على العكس تماما سيجعلك في مصاف الانبياء

كيكي رجل اعرفه جيدا ومن سابع المستحيلات ان يكون عدل ومساواة
مع كامل الاحترام والتقدير لحركة العدل والمساواة
لكن افكار الرجل وميوله في جهة مختلفة تماما


احترامي لك بقال وصديقي كيكي وحركة العدل والمساواة
Post: #78
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبد المنعم سليمان
Date: 01-23-2007, 08:44 PM
Parent: #1

عبداللطيف بكري

Quote: : عضو+ رئيس لجنة العلاقات الفيدرالية عبدالمنعم سليمان 8



ارجو تحري ما تكتب يا رجل !!


اخي بقال



انا قبيل قلت ليك الزول ده زولي وانا ضامنو 100 الميه


مافي مشكلة يا بقال اعتذر وانهي الموضوع وبضمن ليك قبول كيكي للاعتذار برضة .


محبتي

منعم
Post: #79
Title: Re: عبدالكريم الأمين أحمد لو سمحت تعال مر علي هذا البوست !!!!
Author: انور تاج السر
Date: 01-23-2007, 09:23 PM
Parent: #78

Quote: قالوا ليك انت لسه وليد صغير و ما عندك دراية بالسياسة
و تنقصك الخبرة و الحنكة وكل ما تملك بدلة و كرفتة من سوق ليبيا

ابو حميد و كيكي سلامات،
الود بقال ده ما حصل فتح ليهو بوست و صمد فيهو لي اكتر من كم مداخلة، ياخي يكون خامنو كيزان ولا اي جهة من كوارث الزمن ده.
بالله ما تخربو لينا وزنتنا بموضوع ميت زي ده.

مودتي
Post: #80
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 09:29 PM
Parent: #79

مرحب الاخوان طارق واحمد عبدالله واوسلي والاخ ابو النور وحبيبي منعم
وادنا بيان العدل والمساواة منشورا في الصفحة الاولي لموقع سودانيز اون لاين..
http://www.sudaneseonline.com/ar/article_8423.shtml

ولكم جميعا كل التقدير والاحترام العالي,,,
Post: #81
Title: Re: عبدالكريم الأمين أحمد لو سمحت تعال مر علي هذا البوست !!!!
Author: انور تاج السر
Date: 01-23-2007, 09:41 PM
Parent: #80

كيكي تحياتي،
انت ما محتاج لاثبات،بقال ده تاني حايمشي يتعولق نفس عولاقو ده في مكان تاني لانوا كبران بي جهلوا.
كيكي يا خوي و الله لو عولاق بقال ده بيشيل لينا الكيزان اولاد الحرام ديل خلي يتعولق فينا لي يوم القيامة و يريل كمان ، ده يا كيكي زمن الطفابيع و الرجرحة و الدهماء، ربما يكون اختبار من رب العباد لمدي صبرنا علي مثل هذه المكاره الغير مسبوقة.

تحياتي
Post: #82
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-23-2007, 09:52 PM
Parent: #81

مرحب يا انور
انت عارف الزول ده الواحد مرات يقول يعولقوا ويستدعي كل مخزون الشرامة التاريخي
ويجنن عليهو لانو الشفع الربوهم الكيزان لدحين لداحة شديدة ولميضين وما عندهم احترام لاي
قيم او اخلاق..لكن برضو الواحد حيلعن ابليس ونتناول بقال كظاهرة ونمط وعقلية استشرت في عقول
جيل كامل من الوصوليين الصغار يريدون القفز بالزانة فوق الاحداث والشويبر(احمد شوبير)
ولكي شكري يا ابو النور..
Post: #83
Title: Re: عبدالكريم الأمين أحمد لو سمحت تعال مر علي هذا البوست !!!!
Author: انور تاج السر
Date: 01-23-2007, 10:13 PM
Parent: #82

كيكي ياخي حكاية ال error دي رهيبة. يعني ممكن نقول عليهو delta b؟ لكن صدقني حا يتعبك في الcalculations و بعدين الunits حتكون شنو؟؟
Post: #85
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ودرملية
Date: 01-24-2007, 00:08 AM
Parent: #83

سلامات
وعوافي
بقال ..
نعم الاسم متطابق .. غير انك "زول شفقان" بلا دربة ولا خبرة ... في مثل هذه الامور يجب التحري اولا "من مصادرك" "كناشط سياسي ومثقف عاتي" قبل كتابة ما كتبته هنا عن الزميل عبدالكريم الامين احمد السوداني الاصيل والوطني الغيور ..
وعبدالكريم لايحتاج اطلاقا لبيان من حركة العدل والمساواة ليثبت خطاك وخطلك .. فخطه في هذا المنبر واضح جدا جدا ..
تفسيري الوحيد لدعوة المهندس عبدالكريم الامين احمد لهذا المؤتمر هو "كتاباته" و"قلمه الحر" فهو يكتب عن المهمشين واحوالهم يكتب عن الكنابي والعوالم المغيبة بفعل فاعل يتغلغل في وسط مجتمعاتنا المخفية "بلا ستار" يكتب عن تجربته ومشاويره في ارضنا الطاهرة .. يكتب عن القضية بصدق وتجرد لاتهمه سلطة ولايعميه مال .. هو سوداني قح وطاهر ..
ثم يابقال "خلي الشفقة وخت الكورة واطة" ..
السلام
Post: #86
Title: Re: عبدالكريم الأمين أحمد لو سمحت تعال مر علي هذا البوست !!!!
Author: بهاء بكري
Date: 01-24-2007, 00:15 AM
Parent: #1

Quote: ولتعلم ان عبدالكريم ليست بعدو ، هناك جهه ما يجب علينا ان نصوب سهامنا لها ، هناك فئه ما هى التى تخرب علينا وطننا ، وتخرب علينا حياتنا ، هناك عقليه هى التى تحكم وهى عقليه لا تقبل الآخر ولا تقبل الاختلاف رأيها صواب دائما وما عداها باطل ، الحكمه عندها وحدها ، هذه العقليه والفئه تتوسل بكل شىء لكى تملك السلطه والثروه ، تتوسل بالدين وبالقوه وبالكذب ، يجب علينا كلنا ان نهزم هذه العقليه وانا ؤكد لك ان عبدالكريم اذا حسنت نيتك ليست بعدو بهذا الفهم ، فلماذا تصر على استعداؤه واستعداء الآخرين ؟

عزيزي طه ............. سلام
دخلت لشكرك فقط........... فقد قلت الحقيقة المجردة ..... ان السلطة( وسلالاتها) هي كل الشر واي شئ اخر هو اهون الشرور ..... التحايا للصديق العزيز كيكي
Post: #87
Title: Re: عبدالكريم الأمين أحمد لو سمحت تعال مر علي هذا البوست !!!!
Author: tmbis
Date: 01-24-2007, 00:29 AM
Parent: #86

التحية ياكيكي..
..
انت الخسران .. في كل حرف تكتبه هنـــا.. لتثبت به حقيقة ثابته .
كل حرف تكتبه هنــا يا صديقي مضيعه لزمنك .. ووقتك وهناك الكثير في انتظارك في هذه المساحة وخارجهــا..
اذا كان من قام بهذا العرض الطفولي الانقاذي احدهم غير بقال وبي نفس هذا السيناريو المضحك لفرزونا بي رامات كمبيوتراتنا ( وباصات وورداتنا)..
يا صديقي .. انه الفتى الحالم بقـــال..
..
انصرف يا صاحب فيما يعنيك .. ويعني من يستمتعون بحروفك ..
لا تضيع زمنك مع لاجدوى وعدم موضوعية بقال..

لا تضيع زمنك .. اخده نصيحة من اخوك
Post: #88
Title: Re: عبدالكريم الأمين أحمد لو سمحت تعال مر علي هذا البوست !!!!
Author: Yassir Tayfour
Date: 01-24-2007, 00:53 AM
Parent: #87


والله يا تمبس (جريوات) الترابي ديل الواحد إلا يدخلهم في شوال،
ويرميهم فى نص البحر
وأهم شى يخت معاهم حجر فى الشوال
Post: #89
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالرحمن عزّاز
Date: 01-24-2007, 05:09 AM
Parent: #88

ضعاف الأسد أكثرها زئيراً***و أصرمها التى لا تزير

التحية لعبدالكريم الأمين أحمد...
كلام تمبس أمسك فيه قوى..
و كان قالت كع ..عصاتنا تدق بقادى للحجاز...

لنا عودة.... أصلو طولنا من التسلية،،
Post: #90
Title: Re: عبدالكريم الأمين أحمد لو سمحت تعال مر علي هذا البوست !!!!
Author: Emad Abdulla
Date: 01-24-2007, 06:52 AM
Parent: #89



يا عبد الكريم الأمين الشهير بكيكي ..

أتاريك عندك زمن قدر ده تضيعوا في الردود و الزعل و الشد ؟؟
و على شنو ؟ .. و فوق كم ؟

كريم يا خوي .. شوف لينا ما ينفع الناس ..
و خلي الزبد يمشي جفاء .
Post: #91
Title: Re: عبدالكريم الأمين أحمد لو سمحت تعال مر علي هذا البوست !!!!
Author: Omar Bob
Date: 01-24-2007, 06:59 AM
Parent: #1

الاخ ابراهيم بقال:
اذا تجاوزنا المقطع الاول من بوستك والذي يحوي علي اتهامات با كيكي
كتب بوسته الشهير بالوكاله بعد ان كلفوه بذلك واتينا الي الاتهام الاساسبي
والنقطه الرئيسيه التي من اجلها فتحت هذا البوست وهو اثبات ان عيد الكريم
جزء من المجموعه التي عقدت المؤتمر بل ورئيس قطاع تكنولجيا المعلومات -وهذا حقك
الان وبعد ان ثبت لك ان المعلومه خاطئه وعاريه تماما من الصحه فالواجب عليك ان تعتذر
علي الاقل عن هذه الجزئيه
اما سؤالك عن الصفه التي حضر بها عبد الكريم المؤتمر فهو سؤال مشروع جدا وانا اعلم تماما
ان عبد الكريم سيجيبك عنه ان تغيرت الغه من اتهمات من اتهامات وتجريح الي لغه استفسار

__________________________________________
يا بقال عليك بسماع نصيحه تراجي افراء مداخلات الاعضاء السابقه
لتعرف مواقفهم قبل ان ترمي بالتهم جزافا
Post: #92
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبد اللطيف بكري أحمد
Date: 01-24-2007, 07:54 AM
Parent: #1

عبد المنعم سليمان:-
Quote: عبداللطيف بكري
Quote: : عضو+ رئيس لجنة العلاقات الفيدرالية عبدالمنعم سليمان 8
ارجو تحري ما تكتب يا رجل !!


أخي منعم
لك الود والتحايا العطرات وكل الأمنيات الطيبة أن تكون فايق ورايق حتى ولو
أنا بالي مشغول،،
لقد أوردت إسمك كعضو من قائمة الحركة
وبما أنك تنفي هذا الآن فأنا لا يسعني إلا ان أعتذر لك بكل ود عن هذا الخطأ
الشنيع ،،

أعتذر لك وأنا كلي عشم في الله أن يحفظ الود بيني وبينك من أجل سودان كبير،،
أعتذر لك وما كان لي أن أتدخل في خيارك حتى لو إخترت أنت الإنضمام للعدل
والمساواة فلكل منا وجهةً ومنهاجا،،
أعتذر لك وقد تسرعت فعلا في إيراد إسمك وقد كان مطابقاً لإسم عضو آخر أعتذر له
أيضا،،
أرجو أن تجد إعتذاري هذا مقبولا وصادقاً فأنا أكثر ما أكون محتاجاً إليك
أخاً عزيزاً ، وأسفي الكبير أني أشتت بمداخلاتي هذي جهودك في علاج الرائعة غادة،،


DEAR MONEAM

SMILE YOU'RE ON THE CANDID CAMERA

أخي عبد الكريم،،
التحايا النواضر ،،
ماتريد أن تقوله وصل ، وقد أنصفناك وأنت غائب،
ونحن من باب الإخاء ندعوك فقط لنفتح صفحة جديدة
مع العزيز بقال ونتسامى فوق هذه الأمور حتى لا تسوء
الأمور بيننا أكثر مما هي عليه الآن،،
لن يجدينا نفعاً أن نقضي عمرنا نأتي كل صباح لنبدأ
مشكلة جديدة وتتسع الهوة بيننا حين يأتينا المساء،،
ونفس الكلام موجه لك أخي بقال، هل من بارقة أمل في
أن يسود خلافاتنا العقل لنصل فيها إلى حلول ترضينا
وتحقق أمن وإستقرار الوطن؟
Post: #93
Title: Re: عبدالكريم الأمين أحمد لو سمحت تعال مر علي هذا البوست !!!!
Author: shammashi
Date: 01-24-2007, 11:25 AM
Parent: #92

كيكي

والله نا لمن قالوا إنك ماشي أديس لحضور مؤتمر قمت قلت كيكي دا ماشي يروس هناك ويقرطع الببرة الصاقطة .
إنت أتارك يتاع حركات مسلحة.

Quote: ورئيس قطاع تكنولجيا المعلومات


حركة سياسية وللا شركة.

بقال

يا أخي قضيتك التي تدافع عنها خسرت كثيرا بشوتك الضفاري. لا زال الطريق أمامك طويلا لتنضج سياسياً.

وغايتو يحلك الحل ملاسي.
Post: #94
Title: Re: عبدالكريم الأمين أحمد لو سمحت تعال مر علي هذا البوست !!!!
Author: شكرى سليمان ماطوس
Date: 01-24-2007, 12:36 PM
Parent: #1

التحية والسلام لـــ
صاحب الدار الأخ إبراهيم بقال ،،،،المحاورين وضيوف الدار،،،،
صاحب الشأن زميلى وصديقى كيكى تسفاى كيمو كرومة،،،،
(بختك الطواقى كل يوم زايدة)،،،،

لــ عبد الكريم : (أقتبس من الأخ خليل مع شىء من التصريف):
Quote:

قد هان حتي سمت عنه ضغيتنا

فما غفرنا له بل رحمناه


لكن يااااااا ..... تستاهل يا كرمة

الناس بمشو الحج في الشهر دها

انتي تمشي اديس ابابا !!!!! ؟؟؟؟؟




لكمـا معـــــــا: (أقتبس من الأخ عبد اللطيف بكري أحمد):
Quote:
ونحن من باب الإخاء ندعوك فقط لنفتح صفحة جديدة
مع العزيز بقال ونتسامى فوق هذه الأمور حتى لا تسوء
الأمور بيننا أكثر مما هي عليه الآن،،
لن يجدينا نفعاً أن نقضي عمرنا نأتي كل صباح لنبدأ
مشكلة جديدة وتتسع الهوة بيننا حين يأتينا المساء،،
ونفس الكلام موجه لك أخي بقال، هل من بارقة أمل في
أن يسود خلافاتنا العقل لنصل فيها إلى حلول ترضينا
وتحقق أمن وإستقرار الوطن؟




تخريمة ضفارى:
خليل لك تحية خاصة جداً،،
كيكى اسرنى بمعزته لك وهمس لى بكثير من نقاط إلتقاكم،،،
دامت البينكم عامرة ،،، وياريت تقبلونا بينكم ،،،،
( نرضى بالقليل منكمـا- التورية: للصداقة ومحبتها وإخلاصهــا)،،،




ش
Post: #95
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبد المنعم سليمان
Date: 01-24-2007, 01:55 PM
Parent: #1

الاخ الفاضل عبداللطيف


احترامي وتقديري يا رجل


تعرف انا الزعلني شنو في واحد اسمو نفس اسمي من حركات دارفور وعامل لي

مشاكل كتيرة وسبق عمل لي مشكلة هنا في سودانيزاونلاين عندما كتب مقال عنصري

كرية اسماه شبق نساء الشمال وقد اوضحت منذ انضمامي للمنبر بانني شخص اخر


انا يا صديقي من السودان العريض ما يجمعني مع اهل دارفور هي رابطة الانتماء

لهذا الوطن الذي اتمني ان يسع الجميع دون فرز بسبب اللون او العقيدة او العرق

كما هو الآن .. وانشاء الله تتحقق امانيك وامانينا .. اميين


لك ودي وتقديري يا اخي وشكرا لمتابعتكم حالة الاخت غادة وليس بغريبا عليكم


تقدبري


منعم
Post: #96
Title: Re: عبدالكريم الأمين أحمد لو سمحت تعال مر علي هذا البوست !!!!
Author: أيمن الطيب
Date: 01-24-2007, 02:21 PM
Parent: #95

سلامات كل الأخوة ,

يا أخوان رجاءا من الآن فصاعدا لا مكان لتفعيل مبدأ المناصحة هنا!!!

ومن أراد ركوب رأسه أوركوب أى شئ آخر فالرجاء تركه ليواجه مصيره

و لتعلموا أنكم حرمتمونا متعة كبيره .

الكيكى: شغل الأجاويد دائما ما يميع و يضيع القضايا.

البقال: تانى ما تعمل كده (تصيبنا بالصدمات المزوجة بالدهشة و الخلعة)

الناذر: تانى ما تعمل مس كول هنا.

الأمير:قيل أنك بدأت بتعقب تحركات الكيكى عند ذكر أرض الحبشة.

أرجو الا يغضب كلامى أحدا و لكم التحية.
Post: #97
Title: Re: عبدالكريم الأمين أحمد لو سمحت تعال مر علي هذا البوست !!!!
Author: nadus2000
Date: 01-24-2007, 03:20 PM
Parent: #95

الأخ بقال

أنا أكتب من موقع معرفتي الشخصية للأخ عبدالكريم، معرفة تجعلني أقول لك مطمئناً، بأن كيكي الذي أعرفه ليس ممن ينكرون انتماءهم، ولا يتملصون من قناعاتهم، وتأكد أنه لو كان عضو في هذه أو تلك، لأعلنها على رأس الأشهاد ودافع عنها.
Post: #98
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-24-2007, 03:33 PM
Parent: #95

لكل الاخوة والاخوات الذين مروا عبر هذا البوست لهم كل التقدير والاحترام العالي..
وتقديرا لهم وللعديد من الاصدقاء والصديقات الذين اتصلوا بي عبر الهاتف..
اولا اعتذاري لهم جميعا وحبي الكبير....
ويا بقال
وكنت قد دعوتني بالمرور علي بوستك هذا ومررت به واتمني ان تكون قد
متعت نفسك بالدهشة..وها اناا ستجيب لنداءت الكثير من الصديقات والاصدقاء
والاهل واغادرهذا البوست مستجيبا لهم وكلي احترام وتقدير لهم جميعا...
..
وتحياتي للاخوان
تمبس الرائع دوما...حديثك لا يعلا عليه يا علا..فانت جميل حقا..انت تامر
وياسر طيفور..طالبني يا ياسر انت شهادة في الظلامي وستجدها بعد قليل في بوست زنقته الشهيرة..ولك
كل احترامي
وعبد اللطيف..انت تامر يا عبداللطيف ودوما اخا نبيل

وعبدالمنعم سليمان.. الله ينجيك من تشابه الاسماء يا منعم ومن بقال

بهاء بكري ..اشكرك تماما يا صديقي النبيل

ودرملية..دوما انت ود رملية

المهندس عمر بوب..يكفي انك (البوس) يا عمر

العمدة عماد..عمدة الجميل . الزمن قاسي يا عماد الا ان الظلم اقسي

الاخ العزيز عبدالرحمن عزاز..نفتقدك حقا يا رجل

اخي ايمن الطيب..تختفي وتاتي مثل قمر 14..اين انت يا رجل..ولنا لقاء حتما

والاخ الجميل حقا شماسي(ويا شماسي تعالنا في القصر عند خليل عشان نشوف موضوع البيرة)

والمهندس شكري..وايضا سنلتقي في ردهات القصر يا شكري وكل طلباتك مجابة

صديقي انور قفلنا الترافيرس والارور كبير لكن الله غالب بس..!!
ولكم جميعا كل تقدير وحب عالي
Post: #103
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-24-2007, 05:23 PM
Parent: #98

شكرا ناذر
وقد اعدتنا الي عصر الرائع تروتسكي وله الف تحية
والف تحية صديقي عبدالجليل نادوس
وكل الشكر اخي عبد اللطيف
Post: #99
Title: Re: عبدالكريم الأمين أحمد لو سمحت تعال مر علي هذا البوست !!!!
Author: ناذر محمد الخليفة
Date: 01-24-2007, 03:38 PM
Parent: #1
Post: #100
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبد اللطيف بكري أحمد
Date: 01-24-2007, 03:48 PM
Parent: #1

Quote: وكنت قد دعوتني بالمرور علي بوستك هذا ومررت به واتمني ان تكون قد
متعت نفسك بالدهشة..وها اناا ستجيب لنداءت الكثير من الصديقات والاصدقاء
والاهل واغادرهذا البوست مستجيبا لهم وكلي احترام وتقدير لهم جميعا...
..

الكبير كبير
لك الشكر أخي عبد الكريم والتحية ،،

ويا أخ أبراهيم بقال :
نحن أيضاً في إنتظارك لتنضم إلى هذا التجمع الأخوي الآسر
وأعلم أن كل مشكلات السودان يمكن أن تحل بمثل هذه البساطة
متى ماتوفرت النية الصادقة والحرص على الآخر بحسبانه
من داخل البيت الواحد،،
مهما أختلفنا وأحتربنا وتقاتلنا وبقي منا من بقي لابد
أن نأتي إلى لحظة تسود فيه المشاعر الحقيقية لأهل
السودان وتتساقط فيها دموع الفرع بعودة الوئام والحزن على
من مضوا من حياتنا نتيجة لغباء السياسة،،
دعونا نختصر المسافة والزمن وندرأ الخطر الذي يتهدد
أرواح غالية ومهج عزاز لأعزاء الآن يتحاربون بأمر غيرهم ،،
لن تسود أبداً مساواة تبني على الغبن والتشفي ،،
فوتوا الفرصة على الذين يسعدهم إتعاسنا،،

وشكرا أخي كيكي ،،
Post: #102
Title: Re: عبدالكريم الأمين أحمد لو سمحت تعال مر علي هذا البوست !!!!
Author: khaleel
Date: 01-24-2007, 05:16 PM
Parent: #100

بقال مساك ورد

تصدق عملت اتصالات بالهند ولم اجد طالب سوداني اسمه عبد الكريم امين

واتصلت حتي بمقاتلي كشمير عن طالب سوداني اسمه عبد الكريم امين


فواضح انه دها عبد الكريم صاحبي المطموس دها


فعليك الله يا بقال اضرب اللون

عشان كيكي تاني ما امشي اكابس
Post: #101
Title: Re: عبدالكريم الأمين أحمد لو سمحت تعال مر علي هذا البوست !!!!
Author: الجيلى أحمد
Date: 01-24-2007, 05:14 PM
Parent: #1

سلامات ياباش

أرى أن يستمر كيكى فى مشروعة
فهو حتمآ سينتج معرفة لأخينا بقال

وأرى أن كيكى لن يضيع زمنه بل هى فرصة
للتعلم من رجل مربوط بكبد الأرض وروائح
الكادحين وطعم الملح فى حقولهم

سينتج حديث كيكى حتمآ معرفة لبقال و
للكثيرين
وأعتقد أن أخانا بقال فى حوجة للمعرفة
أكثر من مزاحات البعض المشوهة لمعانى الحوار
وأكثر من تغييبهم لحق الآخر فى أن يخطئ ويتعلم
Post: #104
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-24-2007, 05:51 PM
Parent: #101

مرحب يا صديقي الجيلي والف شكر وتقدير..
وحتما يا جيلي سنلتقي في مدارات عديدة..ونكون ساعتها لم نخرج من الفورمة
بفعل الاصدقاء الخلص ..
.....
Post: #105
Title: Re: عبدالكريم الأمين أحمد لو سمحت تعال مر علي هذا البوست !!!!
Author: osly2
Date: 01-24-2007, 06:13 PM
Parent: #104

ملخص للبوست
*حبل الكذب قصير بل اقصر من افق رائده
*الراى العام فرض كلمته بصوره رائعه
*ادانة شخص ما تتبنى على مواقفه لا على عواطف من يريد ادانته
*الزوابع الكذبيه قد نسمع صوت رعدها ولكن لن نشم لها دعاشا
*الشلاقه تجعل صاحبها اضحوكة العالمين
*سيظل الصغير صغيرا اذا لم ينمى قدراته المعرفيه
Post: #106
Title: Re: عبدالكريم الأمين أحمد لو سمحت تعال مر علي هذا البوست !!!!
Author: احمد الامين احمد
Date: 01-24-2007, 06:22 PM
Parent: #104

تحيه للجميع ازعجنى ذات ظهيره بارده جوال من الرياض من احد اقاربى عند ظهور اسم شقيقى عبدالكريم الامين احمدضمن قائمه منشقه عن حركه العدل والمساواه التى هى لكل مبتدى فى السياسه جناح لمؤتمر الترابى ومسمياته الميكافيليه حسب اتجاه الريح وصعوده وهبوطه واقترابه وابتعاده عن السلطه وافساده لحياتنا السياسيه وكى لاينكر احد من اتباع هذه الحركه ارجو من كل مكابر العوده لاول حوار مطول اجراه الترابى مع احمد منصور بعد خروجه من حبسه الطويل اثر خصامه مع تلاميذه وصنيعة الفاسد البشير وعلى عثان وهلمجرا اذذكر ان الكثير من مفاتيح لعبه دارفور وازمتها بيده وطبعا عبر اولاده الذين رباهم على الغدر والدسائس والاستهتار بالناس ..
قلت ازعجنى جوال من الرياض فاتصلت فورا بعبدالكريم لان انتماته او مجرد ورود اسمه فى قائمه لها صله بالترابى امر مهين لعائلتنا ولى شخصيا ولشقيقى الاكبر صلاح الذى اعتقله صبيان الترابى ولخالى الشيخ الانصارى الجليل عبدالرحمن عبدالكريم " خال فايزه" الذى اعتقله امن الترابى بعد الانقلاب باقل من شهر بحجه انه يحرض احبابه من المسيريه على معاداه الانقاذ وعدم الدخول فى الدفاع الشعبى فاكد لى عبدالكريم انه ليس المعنى وانه اتصل بالمعنين طالبا التصحيح فى مدى زمنى محدد...
عموما اؤكد بصفتى شقيق لعبدالكريم انه ذهب لاديس مشاركا بصفه مراقب او متابع وكذلك لصله قربى تربطه مع عضو بهذه الحركه مقيم بلندن صديق شخصى لعبدالكريم وتربطهما علاقه حميمه جدا على المستوى الوجدانى وليس التنظيم وهذا العضو كان مناصرا بدرجه ما للترابى وجماعته وهو لايخفى ذلك ويمتاز بحضور اكاديمى ممتاز لكنه ضعيف فكريا وسياسيا وما ذكرته اتحمل مسئوليته شخصيا واخيرا اسئله بقال مشروعه جدا جدا لانه تعامل ما يراه دون علم الغيب عليه ارجو من عبدالكريم عدم الخوض كثيرا فى هذا الامر بل عدم الدخول مع بقال فى اى مهاتره وختاما اؤكد مره اخرى ارتباط شقيقى حتى عبر الخطا بجماعه محسوبه على الترابى اساءه بالغه جدا لعائلتى ...
Post: #107
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-24-2007, 06:38 PM
Parent: #106

مرحب اخي اوسلي.. والف شكري علي هذا التواجد العالي ولك كل التقدير
وسلام اخي احمد..
والامر عندي يا احمد بجانب الخاص في محيط الاسرة يتجاوزها عميقا الي ازمة وطن
وحقوق ملايين من هذا الشعب الذي عاني لسنين عديدة من العوبات الشيخ الترابي وصبيته
الذي ادخلوا وطن بمساحة مليون ميل مربع في نفق موغل في الظلام والعتمة..
Post: #108
Title: Re: عبدالكريم الأمين أحمد لو سمحت تعال مر علي هذا البوست !!!!
Author: غباشي
Date: 01-24-2007, 07:22 PM
Parent: #1

بقال عن اذنك
كيكي اتاري عندك بيجاي يوم حار وما بندار
عليك الله تعال لينا هناك لانو خليل بقى براهو ومحتاجك تتقلو
مع السلامة
مشكور يا بقال
Post: #109
Title: Re: عبدالكريم الأمين أحمد لو سمحت تعال مر علي هذا البوست !!!!
Author: عبدالكريم الامين احمد
Date: 01-24-2007, 07:36 PM
Parent: #108

Quote: كيكي اتاري عندك بيجاي يوم حار وما بندار
عليك الله تعال لينا هناك لانو خليل بقى براهو ومحتاجك تتقلو

مرحب يا غباشي
بجيكم بهناك بس كنت عندي (تيوتوريال ) مع اخونا بقال ده..وانتهينا منها خلاص
وومتابع معاك شديد بهناك..وواصل انت بس
Post: #110
Title: Re: عبدالكريم الأمين أحمد لو سمحت تعال مر علي هذا البوست !!!!
Author: انور تاج السر
Date: 01-24-2007, 08:01 PM
Parent: #109

Quote: ملخص للبوست
*حبل الكذب قصير بل اقصر من افق رائده
*الراى العام فرض كلمته بصوره رائعه
*ادانة شخص ما تتبنى على مواقفه لا على عواطف من يريد ادانته
*الزوابع الكذبيه قد نسمع صوت رعدها ولكن لن نشم لها دعاشا
*الشلاقه تجعل صاحبها اضحوكة العالمين
*سيظل الصغير صغيرا اذا لم ينمى قدراته المعرفيه


يا سلام عليك يا اوسلي

كريم كيفك النهار ده، انت وين بقال ياخي طولنا ما سمعنا عنو، اوعي يكون منتظر ناذر المسخوت يجيب ليهو السامان من الهند!!

كيكي الود بقال ده عندو packet رايحة في مكان ما، خليني اعمل ليك ليها tracing احتمال القاهاو احل ليهو مشكلتو الانسانية.مودتي