بين الشعوب نحن الخيول التنجمح...... و بين الخدار نحن القمح

بين الشعوب نحن الخيول التنجمح..... و بين الخدار نحن القمح

شنو يا كوستاوي ياخ
شايف الغنية دي عاجباك شديد

شنكل :

زي صاحبنا داك المعجب بي نزار قباني

الخيول
====
الشينة كضبناها
بي نبوتنا
برة بيوتنا
كايسين موتنا
بنسوي السمح
بين الشعوب
نحنا الخيول التنجمح
وبين الخضار نحنا القمح

تبت يدي حاكم سرق
تبت يدي دجال مرق
واستاسنا بي احلام ورق
يادمنا اليوم انحرق
واستهلك اعراضنا الارق
براقنا في الاكوان برق
اكان مدفعا اكان درق
اشرف مقاصدنا العرق

تبت يدا حاكم ظلم
شعبا ازا مسك القلم
مابيكتب العيش في الالم
لابيرضي يسجد للصنم
ولابعرف الخوف والندم
مابنسج الشقي في العلم
مابسرق احلاموا العدم
لابشتهي القراصة في ايد الامم

تبت يدا زيبا عوي
طلق كلابو ولارعوي
تبت يدي حاكم نوي
اختار طريق اللولوة
شقل الكضب والفهلوا
اقدامنا منطلقات سوي
وايدينا تنسج في الهوي
لحن الشهادة وماحوي

لاعيش ولاكراس ولاحق الدوي شعبا من الذل ارتوي .........كلمات عبد المنعم عوض الجزولي

الزميل نازر الخردة صاحبي معجب بغنية الخيول وطبعا حب الناس مزاهب وزي مابيقول المثل
لولا اختلاف الازواق لبارت السلع حسة خليك من صحبي الخردة انتة رايك شنوا في الغنية دي