Post: #1
Title: سودانيز اونلاين .. من الامس ... 1
Author: 3mk-Tango
Date: 01-16-2007, 10:45 PM
اقضي ساعات في سودنيزاونلاين قد تفوق كل الاعضاء هنا ..
واكثر هذه الساعات اقضيها في الارشيف ..
اعود لمواضيع سابقة واقوم ببعض المقارنات عن الحال اليوم انظر
الي بعض التحليلات السابقة و اجد اكثرها كان وهما واقلها كان حقيقة
اضحك كثيرا علي بعض التعليقات وعلي بعض المواضيع ..
وافتقد كثيرا من الاعضاء الذين عرفتهم من خلال المداخلات والذين عرفتهم
من خلال الاطلاع علي مواضيعهم ..
ساحاول ان انزال بعض المواضيع هنا حتي تكون نافذه علي الامس ..
طبعا نحنا ناس من طبعنا بنحن لي امس والدليل انو افضل برنامج واحب
برنامج في التلفزيون هو برنامج من الامس ..
_______
1
شيري رغم احساسي القوي بانها شخصية خرافية او وهميه ولكن دائما تظل في نظري
شيري الفتاة ذات الدم الخفيف واللماحة والتي تمتلك قلم ذهبي ..
___
.
|
Post: #2
Title: Re: سودانيز اونلاين .. من الامس ... 1
Author: 3mk-Tango
Date: 01-16-2007, 10:54 PM
Parent: #1
الاحظ رد اساسي ( قائدالاول لقوات التحالف الظلامي )/ م *
وافتقده كثيرا .. فهو اول من قاد الاتجاة المعاكس بكل حرفنه
واول من انزل اوسكار سودانيز اونلاين بكل جدارة ..
واول من سمعت منه المثل : خوه البورد الحدها الكيبورد ..
*
م : يعني معاش .. 
|
Post: #3
Title: Re: سودانيز اونلاين .. من الامس ... 1
Author: tmbis
Date: 01-16-2007, 11:15 PM
Parent: #2
من الأرشيف برضو رد عالق في الذاكرة .. للخال ودقاسم الله يطراو بالخير..
قال الخــال لحظته ردا على الجملة اعلاه:
المشتهي الحنيطير يطيــر
فقد طار الحنيطير وريح السادة القراء .. وارتاح الباندويدث هو الآخـــر ..
..
.
الفكرة عظيمة يا تنقــو .. ارشيف البورد مليان بالاشياء الجميلة وشيري تحديدا تمت ملاحقتهــا هنــا من نفس الفئة المعروفة التي سعت اولا لتثبيت اقدامهـــا بملاحقة الاقلام الجميلة... انتصروا لفكرتهم وبالمقابل انزوت العديد من الاقلام التي كان لها الدور الفاعل في تعريف البعض عن سودانيز اونلاين ..
واصل يا عمك .. وبنديك طلة في كل مرة وبي بوستاتنــا ما بنجيك يدنــا فاضية.
|
Post: #5
Title: Re: سودانيز اونلاين .. من الامس ... 1
Author: 3mk-Tango
Date: 01-17-2007, 06:48 AM
Parent: #3
تامبا صباحك قهوه بكري .. ما بكري ابو بكر طبعا .. بكري حقتك القهوه ..
مطاردة شيري كانت بدايات الغيث نحو حرب البسوس ..
زول بكتب بي طريقة شيري دي ما بكون عندو فرصة يدخل حروب
كتيره .. الكتابة زاتا ما انواع ياخ .. وكان عاوز تتاكد من كلامي دا
تابع معاي بوست بي هناك بين صاحبك محمدسليمان ومحسن خالد حتعرف يعني شنو
الكتابة انواع .. عرفتها مش ؟
اساسي دا خير مثال ان عن العرس .. اكسب زوجتك أتخسر منبرك
بكري دا خليهو يشوف ليهو طريقة يوقف الاعراس دي .. لانو شكلو
باقي العزابة ديل لو عرسو المنبر دا الا ياجرو تمليك ....
طبعا نايم لي بي بوستين واحد لي دكنز حاحاول ابتزو بيهو ..
وواحد للجندرية حاطعم بيهو البوست دا ..
|
Post: #4
Title: Re: سودانيز اونلاين .. من الامس ... 1
Author: HAMZA SULIMAN
Date: 01-16-2007, 11:17 PM
Parent: #2
ايام طعمها نت
|
Post: #6
Title: Re: سودانيز اونلاين .. من الامس ... 1
Author: 3mk-Tango
Date: 01-17-2007, 06:52 AM
Parent: #4
حمزة سليمان احترامي ..
رايك شنو في لقطة من الامس القريب فيها عثمان النو وحمزة سليمان
وفي النيل الازرق تحديدا وفيديو كمان .. الحقيقة مش لقطة .. حلقة كاملة
ودي ..
|
Post: #7
Title: Re: سودانيز اونلاين .. من الامس ... 1
Author: رقم صفر
Date: 01-17-2007, 07:54 AM
Parent: #6
تنقو
هذه الايام عدت اطالع المنبر الاول ،احسست بحنية لتلك الايام
كان البورد يشكل لنا جزء كبير من حياتنا ، لا اريد ان اقسم البورد الي اعضاء قدامي واخرين
جدد ، ولكنني اري ان البورد كان امل
شكرا لك وانت تذكرنا بتلك الايام
|
Post: #8
Title: Re: سودانيز اونلاين .. من الامس ... 1
Author: 3mk-Tango
Date: 01-17-2007, 06:11 PM
Parent: #7
رقم صفر الزعيم الغامض الذي لا يعرف حقيقته احد ..
تتذكر دا كلامي ليك في اول مداخلة معاك زمان ..
طبعا زي ما قلت ليك نحن مشكلتنا من الامس دي ما عوزين نطلع منها
امكن عشان ما مؤمنين بالحاضر وما عندنا امل في المستقبل ..
البورد دا فيهو لذه مطالعة خطيرة جدا بس يكون الموضوع اتخمر ومضي عليهو زمن
جرب ارجع لي ورا وافتح بوست كنت فاتحو قبل كدا وشوف الاحساس بكون شنو
احترامي
|
Post: #9
Title: Re: سودانيز اونلاين .. من الامس ... 1
Author: تراث
Date: 01-17-2007, 11:57 PM
Parent: #8
ياحليل شيري وهترشاتها.. اين هي؟ تملك قلما ندر مثله في الكتابة الساخرة الجميلة.
كانت احد اجمل سمات هذا المنبر. وبغيابها فقدنا الكثير.. فقدنا طعماً مميزاً كنا نستلذ
به عندما ندخل هنا.
|
Post: #10
Title: Re: سودانيز اونلاين .. من الامس ... 1
Author: نادر
Date: 01-18-2007, 06:21 AM
Parent: #1
يا عمك حاضن دفايتك ومدسي في الإرشيف؟ بتموت يا عمك، كلو قديم في قديم كده ما كويس، حاول أطلع شم هوا الله ده، بتفرج ...
تحياتي ومشتاق لونسة زي ونسات زمان نعمل خلالها جرد للمكتبة ونطلع لينا بي شريط شريطين من بيت الكلاوي ... هسه البوست ده طعمو لينا بي شاويش أو أسرار ...
|
Post: #12
Title: Re: سودانيز اونلاين .. من الامس ... 1
Author: رقم صفر
Date: 01-18-2007, 07:43 AM
Parent: #11
خواض
قبل يومين خشيت علي الارشيف ووجدت كلماتك المتقاطعة
حرف حلة... عبدالرحيم حمدي
ياسيدي افتقدك بشدة وفتقد بنت امك ، اعقل واحدة في البورد
وانضجهم واقواهم شخصية نها جي او دكتورة نها تري اي هي الآن وماذا فعلت بها الحياة
سلامي
|
Post: #13
Title: Re: سودانيز اونلاين .. من الامس ... 1
Author: الجندرية
Date: 01-22-2007, 06:29 PM
Parent: #1
سلامات يا تنقو
والله قط النوستولجيا دا
خايفها بالطريقة دي يتفرعن فينا ويعمل فيها اسد عديل وياكلنا
بالجد كدا
شيري لها نكهتها الخاصة التي يتفقدها البورد
رغم انه كتابة شيري وبت قضيم وتوما ، يجمعها خيط خفي ( اتمنى ان اجد الصبر والفاقة يوماً لاكتب عن هذا ) لكن تميز شيري لا يخفى عن العين
نفتقدها بشدة ، ونتمنى رؤية حروفها هنا
شكرن ليك
|
|
