Post: #1
Title: أغاني للتوب السوداني
Author: Moawia Mohammed
Date: 01-13-2007, 11:35 PM
Parent: #0
التوب السوداني ذلك الزي الجميل المحتشم الذي يميز السودانيات تغني له الكثير من الفنانين وهذه محاولة للتوثيق للتوب من خلال الأغاني والبوست مفتوح للأراء والتعليقات وانزال الأغاني والصور الخاصه بذلك والدعوة مفتوحه للجميع ......فهلا تفضلتم
أبوعـــــــــــــــــــــركي
|
Post: #2
Title: Re: أغاني للتوب السوداني
Author: Moawia Mohammed
Date: 01-13-2007, 11:39 PM
Parent: #1
اللـــــــــــــــــــــحو
|
Post: #3
Title: Re: أغاني للتوب السوداني
Author: Moawia Mohammed
Date: 01-13-2007, 11:43 PM
Parent: #1
الراحل ابراهيم موسي أبا
|
Post: #4
Title: Re: أغاني للتوب السوداني
Author: Moawia Mohammed
Date: 01-13-2007, 11:46 PM
Parent: #1
المطرب الشعبي عبدالله محمد
|
Post: #5
Title: Re: أغاني للتوب السوداني
Author: Moawia Mohammed
Date: 01-14-2007, 00:08 AM
Parent: #1
طبعا هناك كثير من الأغاني لم تكن مخصصة للتوب ولكن ذكر التوب في أحد مقاطعها
الراحل أبوداؤود
|
Post: #6
Title: Re: أغاني للتوب السوداني
Author: Moawia Mohammed
Date: 01-14-2007, 00:28 AM
Parent: #1
Quote:
الأسمــاء الفلانيــة لموضــات التيــاب السـودانيــة ظهرت في الفترة الاخيرة واختفت موضة اسماء لدلاقين يلبسنها بعض الشابات في الحفلات مثل دلقان يسمى اديني حقنة وقماشة فصل الدين عن الدولة لكن التوب السوداني يظل رمزاً للعفة والسترة للمرأة السودانية وله اسماء طريفة جداً ساعدت في انتشاره وبقائه واستمراريته ولاحظ حولك البلد مليانة بالتياب التوتال والسادة والمشجر والمطرز واي توب.. بي اسم جميل منو قالوا منو السماه ما معروف..
وسمعنا في جلالات العسكرية اغاني مثل «بنيه لابس توبو صلاة النبي فوقو» البنات بيغنن لتوب «الساكوبيس» وكمان ظهرت موضة توب «تحرمني منك»، وتوب «المرسا»، وما ننسى توب «الكرب» الجابوه النقادة، و«العجب حبيبي» وهو من التياب الرخيصة وكمان توب «بالليل دا ماشي وين» وتوب الكرب هو توب الجيران توب بتلفحو الست وتحصل جارتها لي فت الشمارات، ومن الاغاني «شوف عيني الحبيب في حشمة لابس التوب» وكمان «عز التوب وكت ينشال وينشر وعلى الكتفين يتوه مرة.. عز التوب سماحة على بنات بلدي».. وكمان «غيرت بالتوب خلتنا في حيرة»، واغنية ثنائي الحتانة «متين لبستي التوب بتين كبرتي على انا»، ولعل سمية حسن كانت مميزة جداً بتوب «الحلم العربي» في الاوبريت والتوب ميزة للفنانات من زمن «حواء الطقطاقة» الى توب ندى القلعة واسرار بابكر «همس الخليج».. مع ان جواهر قالت بتلبسه في المناسبات والزيارات بس عشان جمهورها ما يعرفها إلا ان «اصالة» لما جات لبستو وظهر توب «اصالة».
|
وصله ::
والنسوان بالجد مبدعات وهن سبب الاسماء الطريفة للتياب وبالطبع يتحمل «نقتهن» الزوج يا راجل دايرة توب «اللهب»، فلانة ما شفتها راجلها جاب ليها «النار ولعت»، وعلانة لابسة «كرسي جابر»، انا نفسي في توب «كاسر الامواج»، واشتري لي «رسالة لندن»، ما شفت الليلة العروس لابسة «المغترب» وما جبت لي «المهرجان» انت اهلي ادوني ليك ملح «وبالمجان» ولو ما جبت لي توب «المراية» بمشي بيت اهلي وبسوق العيال «معايا» والليلة صارف «الماهية» وجيبك منفوخ النبي ان ما جبت لي توب «الصاروخ»
وبالجد العزابة في «نعيم».
نقلا عن شبكة حب النيل للكاتب ود الغالي
المصدر: http://www.nilelove.org/vb/showthread.php?p=69748
|
Post: #7
Title: Re: أغاني للتوب السوداني
Author: Moawia Mohammed
Date: 01-14-2007, 04:12 AM
Parent: #1
فوق
|
Post: #8
Title: Re: أغاني للتوب السوداني
Author: SAMIR IBRAHIM
Date: 01-14-2007, 04:18 AM
Parent: #7
الملك معاوية .... الله يديك العافيه ..... وتسلم يا غالي ...
|
Post: #9
Title: Re: أغاني للتوب السوداني
Author: Moawia Mohammed
Date: 01-14-2007, 04:28 AM
Parent: #8
| Quote: الملك معاوية .... الله يديك العافيه ..... وتسلم يا غالي ... |
شكرا علي المرور يا سامر
وتحياتي
|
Post: #10
Title: Re: أغاني للتوب السوداني
Author: عواطف ادريس اسماعيل
Date: 01-14-2007, 08:45 AM
Parent: #1
ياسلام يامعاوية والله موضوع جميل جدا ويستحق المرور
هناك أسماء أخرى
عيون زروق
الدلع
صوت الموسيقى
كان راجل اشتريني
كان مرة ألبسيني
توب الجيران
الفردة المضلعة
شكرا على البوست الظريف ياظريف
|
Post: #11
Title: Re: أغاني للتوب السوداني
Author: Moawia Mohammed
Date: 01-14-2007, 09:25 AM
Parent: #10
شكرا يا عواطف يا ذوق
وتحصلت أيضا علي بعض الاسماء من المصدر أعلاه شبكة حب النيل
ودايرك توريني رايك فيها شنو
1-الخرطوم بالليل
2-الديجيتال
3-الدش
4-السلام
5-نيفاشا
6-قطر الندي
7-شم النسيم
8-عين الكتكوت
9-الشبح
10-عودة نميري
11-بنك المعلومات
12-الكومبيوتر
13-الانترنت
14-الجمرة الخبيثة
15-الصحاف
16-سوداني
|
Post: #12
Title: Re: أغاني للتوب السوداني
Author: Moawia Mohammed
Date: 01-14-2007, 04:20 PM
Parent: #1
|
Post: #13
Title: Re: أغاني للتوب السوداني
Author: Rabab Elkarib
Date: 01-15-2007, 12:32 PM
Parent: #1
التوب
قصيدة للشاعرة صلحة الكارب
أجمــل ما فيــك يا بنيـــة
يا بت حلتنــا يا ســمحــة
يا البي كلــك أنـا مفتــون
وســبب الريدة يا صيــدة
يا طعم الدنيا يا عيدها
لبــاس التــوب... نطيــف أبيض
وبــي جنب الكتف مقلــوب
وبيــن الخطوة والتطــريــز
وخـــــط المكــوة شــكلو لذيـذ
بحــس بي اللــفتة واللمــحة
واشـــوف في طيه ســـوداني
ولــونو الناصــع ألــواني
درب بيــتنا
وباب الأودة ورانـــي
وامشــي معــاك خطــاي تبراك
ومُعجــب بيـــك
وبــي ترابــاً تــحت كرعيـك
والاقــي عيــوني تهتــف بيـــك
يا نخـــلة
يا التـــوبك بقـــاك أحلـــى
بشــوف في ضفايرك أجمـــل ليـــل
وبيـــن أعطافـــك دعاش الســـيل
وايــام الدراســة زمــان
زمــن بنوتنــا شبه الخيــل
ووليداتــنا مويــة النيـــل
سايــل ريـــدة ما شـــحَ
زمــن ليــل الســـهر فنـــان
وأطيــاف الجمــال غيــطان
وظــل الأغنـــية الســــــــودان
يــدواي الوجعــة والوحــة
بشــوف فوق القــوام تاريــخ
ومســاير
وخديــداً جميــل خــايـل
والــزي البــديع ومليـــح
والحــاضر
وشكــل الخُصــلة والتســـريح
وفــي مغزى الكــلام تلميــح
لــروح آمالــنا الوافيــة
ونيــة أُمــنا الصـــافية
والجغرافيــة والعــافية
وفـــي لحـــن الكـــلام قافيــة
وحجــى الحبــوبة داك طاعــم
الخاتــي اللكنــة ماهو مســيخ
وصــوت مركوبها في دروبها
ونغمـــــة الـــحس
والبــحة
وجمــال هنــدامك الراقــي
لوحة تشــيلها أحداقــي
ورســم أقــلامي واوراقــي
وفرحــة تطل من أعمــاقي
زمــان المدرســـة الأول
والترتيـب كمان أول
وحاصــل القســمة دون باقــي
والفســتان والطرحــــــة
بشــوف في القــدلة أحــلامي
تغازل ضــلك الرامـــي
تباري الطلعــة والنزلة
وتقــول لبيــك يا دوحــة
يا كــل الدنيــا قدامــي
زمن شــافع ..وكـت يافــع
مــلامــح أهلنا واســامي
وابــوي الفــي الطبــع مهــيوب
وطعم الشــاي لبــن محلـــوب
وعيـــد الفــطر والأضحى
مفـــتون بيــك يا بنيـــة
يا رشـــة مطــرة بي غــادي
وحوش حــدادي مــدادي
وضُــل اســمارنا والنــادي
يا ســت التــوب يا لابســاهو
يا لابســـاني أنــا معــاهو
يا خايـــل فيـــك والمطــرح
يا عامــر بيــك يا مســرح
يا أحـــلى هبـــاتي يا فرحــــة
|
Post: #14
Title: Re: أغاني للتوب السوداني
Author: Nadia Elsir
Date: 01-15-2007, 12:46 PM
Parent: #13
العزيز معاوية,
اجمل الاغنيات التى قيلت فى التوب السودانى اغنية المبدع ابوعركى التى افردت للتوب و( بس التوب) !
لانو الشاعر شاف التوب و بس التوب و سيد التوب يكون كيفنو؟
نادية السر
|
Post: #17
Title: Re: أغاني للتوب السوداني
Author: Moawia Mohammed
Date: 01-22-2007, 07:40 AM
Parent: #14
العزيزة ناديه السر
والله كلامك صحيح أغنية المبدع أبوعركي كانت للتوب بس
طبعا أكيد سيد التوب حايكون حاجه تانيه خالص
يا حليلو التوب السوداني يا ناديه ياااااااا حليلو
أشكرك علي المشاركة والمرور
ودمتي
|
Post: #16
Title: Re: أغاني للتوب السوداني
Author: Moawia Mohammed
Date: 01-22-2007, 07:32 AM
Parent: #13
الأخت العزيزة رباب الكارب
شكرا جزيلا علي المرور والمشاركة
وانت تزينين البوست بهذه القصيدة الرائعة للشاعرة الراحلة صلحة الكارب وهي في علياء ربها
الف رحمه ونور تنزل عليها
|
Post: #15
Title: Re: أغاني للتوب السوداني
Author: محمد أبوالعزائم أبوالريش
Date: 01-15-2007, 12:56 PM
Parent: #1
الأخ معاوية ....
يديك العافية
قالت الأخت عواطف:-
Quote: كان راجل اشتريني
كان مرة ألبسيني
|
بس يا عواطف نسيتي إنو الإسمين ديل جابوا ليهم واحد تالت إسمو:
ورقة الطلاق تحت المخدة  .. يعني بالعربي كدة البتطلبوا عايزة مشاكل
|
Post: #18
Title: Re: أغاني للتوب السوداني
Author: Moawia Mohammed
Date: 01-22-2007, 07:49 AM
Parent: #15
Quote: بس يا عواطف نسيتي إنو الإسمين ديل جابوا ليهم واحد تالت إسمو:
ورقة الطلاق تحت المخدة .. يعني بالعربي كدة البتطلبوا عايزة مشاكل |
العزيز محمد أبوالعزائم أبوالريش
والله يا ريت لو الحاجات دي ترجع تاني ومرحب بالمشاكل لو بناتنا تمسكن بالتوب
شكرا يا حبيب علي المشاركه
وتسلم كتير
|
Post: #19
Title: Re: أغاني للتوب السوداني
Author: Moawia Mohammed
Date: 01-22-2007, 04:54 PM
Parent: #1
فــــــــــوق
|
|