حجي جو الروح .. وطوفي .../... إهداء إلى تماضر الخنساء حمزة

حجي جوة الروح .. وطوفي


أصلي من أول بديت بالدهشة
واستنيت مسارب الكلمة
تفتح طاقة من وهج الحنين
غنيت كلامك مرتين
مسيت حواسك
وانتكيت
كيَّفت (خَرْمَةْ) شوقي للنضم الرزين
وما شهِدتَّ على المروق
كنت قاصر
رغم إنو اللهفة أكبر من صدى
والغنوة
رنات الوتر
أوضح من الشمس النهار
لكن شِهادَةْ الزول الصغير
ما بتفيد
لحظة تكون البينة
رتلين من سطوع
والصدح أعمق من قسم
محلوف
على القمح البنادي الموية خُشي

إستبنتك
وإنتِ بينات الخلوق
مليانة بالكوراك (تعال)
حلقك ملازم للغُنا
والقيفة ما فترت تردد دخلتك
النيل وكت شافك سكت
الغيمة لامن شافت الموج جاري ليك
إتمحّْنت
والغنوة ما زالت بداية
إنكفيت
في لهفة الخوف من مداخل
ساكتة بتراجع حِصص أول شعاع
طل من تال البروق
يا زول أقيف
أحسن تروق
أحرس ضليل النخلة
من نملاً بيطلع للتمر
وكت الشروق
وأدخل إذا سكت الصباح
رددت بسم الله
وقمت على الورق
ختيت حروف الإلفة
وإترجيت هطول
القمرة ما خانت مواقيت الحجيج
إتهللت
وأنا كنت مترجي الضيوف
في تلتي
إصطفيت في لحظة أوراقي وقعدت
بنادي ليك
أن أحرمي
وأوعك تزيدي الفرض لفَّة
وفضلت مترقب سعيك
هرولي ....
أقيفي فوق عرق الوريد
يمكن بنغفر ليك صفاك
أنا والوليدات البشيلو الكلمة
أوراد في المسا



11/1/2007م


مرفق :
محبتي وتقديري
بــــادي

وإتمهَّلت ...كل أشواقي في ساعة المطاف ..
وِحلت في صفا الوش البعكِّر لونو ..خطواتي و..مشيك ..
ورجعت تشيل اللهفة..تتوسَّد مجيك ..
ساعة الركوع ..
وكت الحنان... بيتسبَّح.. وشيك ..
هل صادفت ..لُقياك دعاوي الشوق إليك ؟؟
حنستها ..الآهات ..تجيك ..
إتلبَّس ..الإحرام.. سماك..
إتلفح ..التقوي ..اللي فيك....
وسبحان من... أوجدني ..بيك ..
سبحان من سمَّاني في لحظات هواك..
وسمَّاني برضو .. الجاي عليك ..


شكراً بادي على المساحة الثرَّة ..
وتحريض الحروف..
كل الود..

عشم الحروف الجايه منك وماشه ليك
تلقاك في الزمن الحلو
والتائه تسجد بين ايديك
وممدودة يدي علي السلام
لو السلام يمسك يديك
يكفيني قلبي اللسه حي
ودواخلو تتشحتف تجيك


إدفقوا ..
أملو الدنيا ضجيج
وقلب علي قلب ... نفتح درب
ازيكم

Quote: عشم الحروف الجايه منك وماشه ليك تلقاك في الزمن الحلو والتائه تسجد بين ايديك وممدودة يدي علي السلام لو السلام يمسك يديك يكفيني قلبي اللسه حي ودواخلو تتشحتف تجيك

عشمي اللي كان بتباهى بيك
لسه حاضن في الأماني ..
السابابين رمشات عينيك..
فاردة روحي الشوق مسافة
ومادة إيد... تتشابى ليك
لو الحنان إلمس دواخلك..
يكفيني بس أتباهى بيــــك


كل الود..

ما أجمل الشعر الطازج

الباقر

الباقر ..صباحات شوقنا بي خيرين ..
كل الود..

الله عليكم يا ورود تزدان بيهاارواحنا
ويعبق عطرهاويملا نفوسنا باالحب و
الامل
خالد المحرب

خالد ..شكراً على هذه النفحات ..
مودتي ..

الخنساء .. تماضر ،،


ستفت شوقي مع الصبر
ملهوف جريت ..
سلّحت قلبي حروف وفا
وهشيت خواطر الحزن غادي
وانتشيت ..

وما كنت صارف من شبابيك الحنين
غير بعض زخات
لا بتبل حلق الكلام
لا بتصَرِّح بالغنا
أعمل شنو
لو مل ضهر الدفتر الصابر
شيل همومي وانبساطي؟؟
لو مل فكرة شوقي هادي
وانتحر ؟؟
قدمت حزني علي البحر
لزيتو في مغرق ظنونك
وقعدت أرتب ابتسامات للزمن
وانتظرتك
وكت بفكر كيف أشوفك
لم تنزلي من علاك
يا ضل ورقراقك مطر

الفكرة إنك تدخلي
بي كل صباحاتك براح الفضفضة
أو بي مسائك
عتمة الإلفة وضراي
رايك شنو ؟؟؟


مرفق :
محبتي وتقديري
بــــــادي

Quote: ستفت شوقي مع الصبر ملهوف جريت .. سلّحت قلبي حروف وفا وهشيت خواطر الحزن غادي وانتشيت .. وما كنت صارف من شبابيك الحنين غير بعض زخات لا بتبل حلق الكلام لا بتصَرِّح بالغنا أعمل شنو لو مل ضهر الدفتر الصابر شيل همومي وانبساطي؟؟ لو مل فكرة شوقي هادي وانتحر ؟؟ قدمت حزني علي البحر لزيتو في مغرق ظنونك وقعدت أرتب ابتسامات للزمن وانتظرتك وكت بفكر كيف أشوفك لم تنزلي من علاك يا ضل ورقراقك مطر الفكرة إنك تدخلي بي كل صباحاتك براح الفضفضة أو بي مسائك عتمة الإلفة وضراي رايك شنو ؟؟؟

الفكرة شايلاها المحنة
ودافقة في بعضك شجون
معاها رقراقي ..المطر
حايمة في بيوت الهجير
تودِّع الموسم ..مظنة ..
ترتِّل السحب ..التكون ..
شوقا فايض ..وإنهمر..
وعارفة حضنك هو ..المصير ..
رايك شنو ؟؟
إنتا بس بالريدة حاكم ..
لي بنية ..ضميرا ..باسم..
وإنتا ماشايال أسية
دنيا من أحلام شجية ..
وأمنياتي ..وبرضو ..حازم ..
في عيونك أغنياتي ..
وجاي...لازم
قبل ماتروِّح عينيَّ
صورة الزول ..المواسم

الولد الفنـــجري
ود أب عاقلة الحبيب ،،


فرحت بالكلمات كتير
وقدوم حروفك
عيد دواحلنا الرهاف ...

Quote: عشم الحروف الجايه منك وماشه ليك تلقاك في الزمن الحلو والتائه تسجد بين ايديك وممدودة يدي علي السلام لو السلام يمسك يديك يكفيني قلبي اللسه حي ودواخلو تتشحتف تجيك

أنا يا حبيب
مازمان قلت إنك :
(طاقة من اللهفة والوعد السمح
ريحة دعاش
ضلا وريف
ونسيمو باش
في وجه صيف
يا زول تعال
بطَّل طشيش
وإن كنت طاش
أحست تطش جواي بفرد ليك دروب
وغيمة ورشاش

Quote: وقلب علي قلب ... نفتح درب

دربا بلاك
بيسوق خطانا على الودار
صَنْقِرْ
إذا غلبك تمش
بقيف حداك
تنجم ونواصل مكسير



مرفق :
حبي الكبير
بـــــادي

البـــــاقر ،،

وما أبهاها طلة

حضرتك للكلمة حلوة
وحضرتك لي نضمنا
فاتحة شهية علي الكلام



مرفق :
معزتي ومودتي
بـــــــــادي

خـــالد ،،


والله عليك
وإنت بتصبِّر حزنا
وتزين الفرح أمنيات


شزكرا جميلا على المرور الشفيف


مرفق :
محبتي وتقديري
بـــــادي

Quote: الفكرة شايلاها المحنة ودافقة في بعضك شجون معاها رقراقي ..المطر حايمة في بيوت الهجير تودِّع الموسم ..مظنة .. ترتِّل السحب ..التكون .. شوقا فايض ..وإنهمر.. وعارفة حضنك هو ..المصير .. رايك شنو ؟؟

الخنساء تماضر ،،

إرتضيت بالإلفة منك
وكل حس منك دفق
وسكت
لامن إنتشى الوتر البرافق كلمتك
ونسيت زماني
ورحت ليك

مشتهيك ساكت أظني
والقوافي الطالعة مني
واصفة حال الشوق إليك


زقاق :
جاييك تاني


مرفق :
حبي الكبير
بــــادي

Quote: إرتضيت بالإلفة منك وكل حس منك دفق وسكت لامن إنتشى الوتر البرافق كلمتك ونسيت زماني ورحت ليك مشتهيك ساكت أظني والقوافي الطالعة مني واصفة حال الشوق إليك

وإرتضيت ..بالفيني منّك..
وكل شريان ..بيك إتحرق ..
وإنتشت ..
مسارب الرؤية ماسابت فريق
غطاها رمشك ..وإتسرق..
منّي الحنين ..محمول إليك..
ماإتمحق..
ليلاً بهز وتر الغُنا البصدح..
إصحّي نجمات المُنى ..
وإتشرق..
قمراً بِمِس ..الكلمة منّك..
منِّي جاية ..عديل عليك !

Quote: إنتا بس بالريدة حاكم .. لي بنية ..ضميرا ..باسم.. وإنتا ماشايال أسية دنيا من أحلام شجية .. وأمنياتي ..وبرضو ..حازم .. في عيونك أغنياتي .. وجاي...لازم قبل ماتروِّح عينيَّ صورة الزول ..المواسم

مُرَتَّبْ .. كلامك
بنكهة مزاج البنفسك
سلامك
مُشَحْتِفْْ .. حواسي
مُدَوْزِنْ صباح السفر في الخواطر
مُحَلّى .. بلهجك
.
.
.
غُناك يا صبية
ملانة برحيق الشِعِر
يا عصارة زهور
غُناك صوت دواخلك
ورنّة كلام في الدواخل
بتعدل مساير عِصِيرنا المميل
بحاول شرود من عيون النهار



الكلام ما كمل
بس حواسك بتربّط
غناي عن مروقو
بيخجل يجيك



مرفق :
شوقي الشديد
بــــادي

أقتراح




... ما تيجي نشيل الجراح!!


....!!!

Quote: أقتراح ... ما تيجي نشيل الجراح!! ....!!!

رايك شنو ..
نفرتق همومنا الكتار ..
نقفِّل ..منافذ الجراح ..
نعلَّم غنانا ..الفرح ..
عيونك تأذِّن ..فلاح ..
نصلي ونقبِّل عليها ونشيل
وتكبِّر ..أيادينا إنشراح..

Quote: مُرَتَّبْ .. كلامك بنكهة مزاج البنفسك سلامك مُشَحْتِفْْ .. حواسي مُدَوْزِنْ صباح السفر في الخواطر مُحَلّى .. بلهجك . . . غُناك يا صبية ملانة برحيق الشِعِر يا عصارة زهور غُناك صوت دواخلك ورنّة كلام في الدواخل بتعدل مساير عِصِيرنا المميل بحاول شرود من عيون النهار الكلام ما كمل بس حواسك بتربّط غناي عن مروقو بيخجل يجيك

كلامك بتعِّب قوافي القصيد ..
إجدِّد حياتي الشجية ..وإقلب قديم البحسَّك ..جديد..
صوتك ..بخلِّد حِسي وبعيد..
لحناً توارى ..معاك.. بستعيد..
ضجة مشاعر ..بتعشق شديد..
زولاً بودِّر حنينو الهموم ..
وبنسج خيوتي ..التريد..
تنضم حروفك..عقداً إزغرد حلقي وإبشِّر قليبي البريدك ..بجيد..

الكلام ..ماكِمِل ..
بس غناكا ...البعطِّل ..
حواسي ..و بتسرع ..تجيك ..

يا حلوين .

حلوة طلتك ...

حبيب نورة الحبيب ،،


سمعنا اقتراحك
وليك اقتراحين


إقتراح أول :
من تماضر .. ،،

Quote: رايك شنو .. نفرتق همومنا الكتار .. نقفِّل ..منافذ الجراح .. نعلَّم غنانا ..الفرح .. عيونك تأذِّن ..فلاح .. نصلي ونقبِّل عليها ونشيل وتكبِّر ..أيادينا إنشراح..

إقتراح ثاني :

مني ليك ياغالي شوق
وكل الجراح
الواقفة في زور المواعيد التشوفكم
بتبقى بسمة
وتنكتم آهاتي بيكم
أبقوا فيني وِلِف وضل
أبقوا جواي ضو رتاين لي ضلامي
أبقوا لي عينيَّ شوف
أبقوا لي رئتي زفرة
ولي حواسي كل جميل
أو صورة من كل السماحة


مرفق :
حبي الكبير

أحمد طه ،،،


حلوة عينيك
لم شافت هترشاتنا
وحلو حسك


تعال ..
أقعد حداي


مرفق :
حبي الكبير
بـــــادي

مهنَد وتماضر

أقول

"ماشاء الله" عليكم

واهديكم

عـويد بخور

تعويذة من العين العنيَة

حبيب نورا كتب:

Quote: أقتراح ... ما تيجي نشيل الجراح!! ....!!!

لو نحنا بس شلنا الجراح

مين يدي لي العقل النصاح؟

الكسرة ساكيها الكلب

والعضمة تشحد لي الملاح

طاحونة الوجع العفن

تلقاها تطحن لي الصباح

والناس تكابس للقرش

والبنك هو المفتاحو راح

يا الله سترك في البشر

قبال يقاسمونا النكاح

واصلنا راجين الفرج

بس انت اهدينا الصلاح

Quote: لو نحنا بس شلنا الجراح مين يدي لي العقل النصاح؟ الكسرة ساكيها الكلب والعضمة تشحد لي الملاح طاحونة الوجع العفن تلقاها تطحن لي الصباح والناس تكابس للقرش والبنك هو المفتاحو راح يا الله سترك في البشر قبال يقاسمونا النكاح واصلنا راجين الفرج بس انت اهدينا الصلاح

وإحنا ماشلنا.. الجراح ...
ساككنا في دروب اليقين ..
وماتعبنا من جري الفلاح ..
شان لسه مشتاقين عيونك..
الكان بتدينا ..الصباح ..
وإحنا ماملينا شوقك...
لسه شايلنو إنشراح ..
ونباهي بيو الكون جميع ..
سدينا بيو ..وش ..الرياح ..
وإتشابينا لي لقياك فرح ..
لوفيك..إصادفناإرتياح..
ولسه بنتاتي ..لـ خطاك ..
بنباري دربك..وماهو راح ..
درباً بشيل منَّك ..صباحو..
وتشتل الرملة ..السماح..
ولا هوراح ..درباً ..تكون ..
عديتو بي ..حِسّك ..رباح ..

صدقي الجميل
عبد الله وداعة ،،


يا غادي ليك كل المحبة
وكم وتر
ينده حنينك
وكل صباح
مشتاق لصوتك
ونبرة الكلمة الصدى


دائما حضورك مميز
بيطرد من البوست
بيخلي الزول يرجع لي روحو كتير


شكرا جميل يا حبيب


مرفق :
محبتي وتقديري
بــــادي

تسلم على المرور العَطِر ..
كُن بخير ..
كل الود......

Quote: وإرتضيت ..بالفيني منّك.. وكل شريان ..بيك إتحرق .. وإنتشت .. مسارب الرؤية ماسابت فريق غطاها رمشك ..وإتسرق.. منّي الحنين ..محمول إليك.. ماإتمحق.. ليلاً بهز وتر الغُنا البصدح.. إصحّي نجمات المُنى .. وإتشرق.. قمراً بِمِس ..الكلمة منّك.. منِّي جاية ..عديل عليك !

الخنساء ،،

وقع الكلام الجايي منك
فيني أكبر من صدى
لتَّق دواخل أرهقا
الوعد البراشي القمرة لامن تكتمل
أو ....
لامن يطل أول رشاش
وتكضب المطر الرياح

يا زولة
يا مليانة باللون البشارة
ناديتك :
تعالي علي الوليدات الشُتر
علميهم كيف يغنو مع الحواس
غنية الوعد النضِر

يا زولة
يا دافقة الصباح
في كل مواقيت السنة
أدي الوليدات المضلمة في عينيهم
كل تفاصيل النهار
طاقة شعاع
علميهم كيف يلونوا ذكرياتم
بالخضرة واللون البِسُر الناظرين

Quote: كلامك بتعِّب قوافي القصيد .. إجدِّد حياتي الشجية ..وإقلب قديم البحسَّك ..جديد.. صوتك ..بخلِّد حِسي وبعيد.. لحناً توارى ..معاك.. بستعيد.. ضجة مشاعر ..بتعشق شديد.. زولاً بودِّر حنينو الهموم .. وبنسج خيوتي ..التريد.. تنضم حروفك..عقداً إزغرد حلقي وإبشِّر قليبي البريدك ..بجيد..

الخنساء تماضر ،،


عِتِرتَ ..
إستنيتك تعدلي خطو العين
إترجيتك ..
تقيفي قصاد ممشاي
وأنا أعرج شوف
يا بنية من الزمن الصالح
ما تشربي مِنِّي
جواي مالح
ماسخ وملان بسواد الدنيا
وجواك أبيض
مرتوق بسماحة مليون ميل
يا ضل تنجم عليهو
طيور بتهاجر بين الغنوة
ولهفة مشتاق
لبلاد ما شافا
أنهار مخضرة بعشب الحِنْ
مدفوق في ضفافا
ونيلين وطرب

مسكين المسا
ونجمات الليل
اللسة بنرمي عليهو حمول
وسهرانة نجومو معانا
بتحنس إجفان الأرق القاسي
بتبتب على خد الشوق
وبتربت في قلوب مليانة جراح
يا وجه الليل
أدينا صباحك
وأغفر غلطان الضو
وافتح لبراح

Quote: الكلام ..ماكِمِل .. بس غناكا ...البعطِّل .. حواسي ..و بتسرع ..تجيك ..

وصولك عشية صباي
صباح لي شباب
منور بوصلك
وبعض الحزن
بيفرش دموعو
وبيفتح يدين
شان يضمك ويبلل
كتوف الغنى

أقيفي النميز ملامحك
أقيفي النسبت غنواي الفرح
وأحزن معاك
قدر ما تشيل الخدود الدموع
نَصَفِّي الزمان الملان البخطايا
ونَكَفِّر ذنوب



مرفق :
حبي الكبير
بــــادي

Quote: وقع الكلام الجايي منك فيني أكبر من صدى لتَّق دواخل أرهقا الوعد البراشي القمرة لامن تكتمل أو .... لامن يطل أول رشاش وتكضب المطر الرياح يا زولة يا مليانة باللون البشارة ناديتك : تعالي علي الوليدات الشُتر علميهم كيف يغنو مع الحواس غنية الوعد النضِر يا زولة يا دافقة الصباح في كل مواقيت السنة أدي الوليدات المضلمة في عينيهم كل تفاصيل النهار طاقة شعاع علميهم كيف يلونوا ذكرياتم بالخضرة واللون البِسُر الناظرين

وجيتك ..
حسب ..مناداتك ..أنا
في كل.. مواقيت السنة ..
مرَّات ..إعترني الضلام ....
ومرَّات ...إفترني العنا
عندك لقيت ...حِس البراح ..
وصادفتا فيك شمس الغُنا ..
ضمّاني ..جوّاك..إرتياح ..
نظّم أغاني و..لحّنا
رتّب أوتاري العنيدة ..
بي مهلة ..شوقك ..دوزّنا ..
ونادى ألحاني القبيل ..
مهجورة واقفة.. مَمَحّنة ..
لفّاها بي صوتو الحنين ..
بي لهفة ريدك بِحضنا ..

Quote: عِتِرتَ .. إستنيتك تعدلي خطو العين إترجيتك .. تقيفي قصاد ممشاي وأنا أعرج شوف يا بنية من الزمن الصالح ما تشربي مِنِّي جواي مالح ماسخ وملان بسواد الدنيا وجواك أبيض مرتوق بسماحة مليون ميل يا ضل تنجم عليهو طيور بتهاجر بين الغنوة ولهفة مشتاق لبلاد ما شافا أنهار مخضرة بعشب الحِنْ مدفوق في ضفافا ونيلين وطرب مسكين المسا ونجمات الليل اللسة بنرمي عليهو حمول وسهرانة نجومو معانا بتحنس إجفان الأرق القاسي بتبتب على خد الشوق وبتربت في قلوب مليانة جراح يا وجه الليل أدينا صباحك وأغفر غلطان الضو وافتح لبراح

ووقفتا قصادك ..
وإنتا سليم الشوف ..
قادر تحرق لون الضلمة بقولة ..( أنا مشتاقك )
وقادر تنزع من جوَّانا الخوف ..
إتلبَّستا الليلة حنينك ..
وشلتا النيل في وريدك ..
وكسيت الشفّع ضي القمرة ..
آخ من زيف الداسي شليل ..
وشمسو بتعلن فيهو.. كسوف ..
يديهم طعم..الليل ..
يسرق حتَّى شروق ..ملهوف ..
يلبس ويجري على الطابور ..
إتمنّى إردد زي أصحابو ..حروف ..
ويكتب ويرسم بي لونين..
أسمر ( يمة ) وأغبش ( يابا )
ومافي كتير ..ماالباقي ..ظروف..
ومادايرنو ..كتير ..
خليو.. إدّينا ..نهارنا ..
أصلو الحق ..معروف ..
مصيرو حيشرق فوق النيل ..
جوّانا إفتّح موج وجروف ..

Quote: وصولك عشية صباي صباح لي شباب منور بوصلك وبعض الحزن بيفرش دموعو وبيفتح يدين شان يضمك ويبلل كتوف الغنى أقيفي النميز ملامحك أقيفي النسبت غنواي الفرح وأحزن معاك قدر ما تشيل الخدود الدموع نَصَفِّي الزمان الملان البخطايا ونَكَفِّر ذنوب

وصولك ..بيرسم ملامح غُناي ..
إجدِّد حروفي ..وإقلِّل مواسم أذاي..
وجودك بعزّز حياتي ومُناي ..
شروقك بيعلن ..صباحي وإكتِّر منابع ضياي ..

أقيف النلملم ..حواسي ..
أهدهد مسامي ..وحنينك مدفّق وجاي ..

حيدر حسن ،،


سلام يا حبيب
سلام يا مطر
ببلل أرضنا
يخت الندى
فوف خدود الذهور


تسلم على الحضور السمح



مرفق :
محبتي وتقديري
بــــــادي

الخنساء تماضر ،،


يااااااااااااااه ... !!

قُبّال مروقك
علي العوينات المضلمة
إلا منك
صبِّحي الورق المساهر
ختي فوقو
كم حرف من وعد باكر
وكم وتر
من طنابير المواسم
وبرضي شاكر
إنقسامك مرتين
بتبتبي الوجع اللفيني
وتقُشي طافرات الدموع


مرفق :
حبي الكبير
بــــادي

اتْوهْدبْتَ

ما بين الدخــول

والوقفة فى حرم الجمال

مفتون أعاين من بعــيد

ما كان متاقه الباب ولا

طالت عتيبات المحنَّة

الهاشَّة فى وجه الوصـول

لكن خِجِلْ حرف القصـيد

وانضارى خلف الارتجال

وادَّحَّرتْ غيمة الهطـول

يا بادِى عينتَك بالسيـول

خضَّرت وديان الحواس

وادفَّقتْ غابة النشــيد

طالتْ طوابق أُسَّهـا وكنت الأســاس

لا اتوشَّح الفجُر الضباب

لا اتوسَّد الليل النعـاس

ودخلت فى ساحة غُنـاكـ

بشَّرت للفـال بالجــريد

جات القصيدة

وتاوقتْ

واتْبلَّمتْ

واضَّايرتْ

واتراجعتْ

فى الدارة كان ترقص خنـاس ..!

____________


مهنَّد والخنساء

وسائر الرائعين

انكيَّفت منكم خالس ..خالس

شاذلى

Quote: اتْوهْدبْتَ ما بين الدخــول والوقفة فى حرم الجمال مفتون أعاين من بعــيد ما كان متاقه الباب ولا طالت عتيبات المحنَّة الهاشَّة فى وجه الوصـول لكن خِجِلْ حرف القصـيد وانضارى خلف الارتجال وادَّحَّرتْ غيمة الهطـول يا بادِى عينتَك بالسيـول خضَّرت وديان الحواس وادفَّقتْ غابة النشــيد طالتْ طوابق أُسَّهـا وكنت الأســاس لا اتوشَّح الفجُر الضباب لا اتوسَّد الليل النعـاس ودخلت فى ساحة غُنـاكـ بشَّرت للفـال بالجــريد جات القصيدة وتاوقتْ واتْبلَّمتْ واضَّايرتْ واتراجعتْ فى الدارة كان ترقص خنـاس ..!

معذورة كان أعلنتا في ساعة النهوض ..
ومعايا كلماتي ..الجلوس ..
ماالحرف مرَّات بحتضر ..
لمّا الحلِق.. إنسدَّ بي غصّة ..عبوس ..
لما ألقاني.. مالاقياك قريب
وأفضل أفتِّش عن شبه.. ليكا.. في باقي النفوس ..
لكني برجع منهزم وتتهدَّ آمالي ..التروس ..
ومنِّي تطلع منتصر ..
فيني ...لاقياك ..ياشموس

Quote: اتْوهْدبْتَ ما بين الدخــول والوقفة فى حرم الجمال مفتون أعاين من بعــيد ما كان متاقه الباب ولا طالت عتيبات المحنَّة الهاشَّة فى وجه الوصـول لكن خِجِلْ حرف القصـيد وانضارى خلف الارتجال وادَّحَّرتْ غيمة الهطـول يا بادِى عينتَك بالسيـول خضَّرت وديان الحواس وادفَّقتْ غابة النشــيد طالتْ طوابق أُسَّهـا وكنت الأســاس لا اتوشَّح الفجُر الضباب لا اتوسَّد الليل النعـاس ودخلت فى ساحة غُنـاكـ بشَّرت للفـال بالجــريد جات القصيدة وتاوقتْ واتْبلَّمتْ واضَّايرتْ واتراجعتْ فى الدارة كان ترقص خنـاس ..!

الشاذلي الحبيب ،،


كان الغياب
أصل التأخر عن خريفك
فيا زول يا سمح
أديني عذر

.
.
.

الله عليك
يا راشي (فرناغة) الحواس
بي غيم من الحس الجميل
شكرا قدر هذا الحديث
ويزيد كمان
كيمان محبة
ومشتهيك



مرفق :
كل المحبة
بــــادي

Quote: يااااااااااااااه ... !! قُبّال مروقك علي العوينات المضلمة إلا منك صبِّحي الورق المساهر ختي فوقو كم حرف من وعد باكر وكم وتر من طنابير المواسم وبرضي شاكر إنقسامك مرتين بتبتبي الوجع اللفيني وتقُشي طافرات الدموع

ساعة حضورك...
بِعلِن الوجع الغياب..
يامكمِّل الفرح اللي جاب..
منَّك غناوينا التهِش ..
أحزان مدامعنا ..التساب ..
وبضفِّر الليل بي جدايلي ..
بيناتا تشرق ..إنسياب ..
ساعة ..حبورك..

Quote: ساعة حضورك... بِعلِن الوجع الغياب.. يامكمِّل الفرح اللي جاب.. منَّك غناوينا التهِش .. أحزان مدامعنا ..التساب .. وبضفِّر الليل بي جدايلي .. بيناتا تشرق ..إنسياب .. ساعة ..حبورك..

الخنساء تماضر ،،


زينة النَّضم المعَزَّل
من حروف الإلفة
والمطر البدفق
من عيون الغيمة
منبئة بالخدار
.
.
أقيفي النشتهيك
أو ...
أرسم فصولك بي طريقتي
أو ...
أشرح ملامحك لي عيوني
عشان أشوفك
وفق ذاكرة الحروف
.
.
معليش إذا كان الغياب
فرض البعاد
عيني والشوق لي حروفك
بس
ياني جيتك
وشايل الشوق
و ......

كلام .. كتيييييييييييير


مرفق :
شوقي الشديد
بــــادي

حبيب نورا كتب:

Quote: أقتراح ... ما تيجي نشيل الجراح!!

الولد الشقي شوقي كتب:

Quote: لو نحنا بس شلنا الجراح مين يدي لي العقل النصاح؟ الكسرة ساكيها الكلب والعضمة تشحد لي الملاح طاحونة الوجع العفن تلقاها تطحن لي الصباح والناس تكابس للقرش والبنك هو المفتاحو راح يا الله سترك في البشر قبال يقاسمونا النكاح واصلنا راجين الفرج بس انت اهدينا الصلاح

تماضر الخنساء حمزه كتبت:

Quote: وإحنا ماشلنا.. الجراح ... ساككنا في دروب اليقين .. وماتعبنا من جري الفلاح .. شان لسه مشتاقين عيونك.. الكان بتدينا ..الصباح .. وإحنا ماملينا شوقك... لسه شايلنو إنشراح .. ونباهي بيو الكون جميع .. سدينا بيو ..وش ..الرياح .. وإتشابينا لي لقياك فرح .. لوفيك..إصادفناإرتياح.. ولسه بنتاتي ..لـ خطاك .. بنباري دربك..وماهو راح .. درباً بشيل منَّك ..صباحو.. وتشتل الرملة ..السماح.. ولا هوراح ..درباً ..تكون .. عديتو بي ..حِسّك ..رباح ..

بادي كتب:

Quote: يا غادي ليك كل المحبة وكم وتر ينده حنينك وكل صباح مشتاق لصوتك ونبرة الكلمة الصدى

والشاذلى كتب:

Quote: اتْوهْدبْتَ ما بين الدخــول والوقفة فى حرم الجمال مفتون أعاين من بعــيد ما كان متاقه الباب ولا طالت عتيبات المحنَّة الهاشَّة فى وجه الوصـول لكن خِجِلْ حرف القصـيد وانضارى خلف الارتجال وادَّحَّرتْ غيمة الهطـول يا بادِى عينتَك بالسيـول خضَّرت وديان الحواس وادفَّقتْ غابة النشــيد طالتْ طوابق أُسَّهـا وكنت الأســاس لا اتوشَّح الفجُر الضباب لا اتوسَّد الليل النعـاس ودخلت فى ساحة غُنـاكـ بشَّرت للفـال بالجــريد جات القصيدة وتاوقتْ واتْبلَّمتْ واضَّايرتْ واتراجعتْ فى الدارة كان ترقص خنـاس ..!

دا كلام جميل ومعبر في الزمن الاغبر ده ، زمن الجهل المقرؤ والمسموع .
والله العظيم لو خليتوا عبدالله اخوي دا يشيل الجراح براه الا الزميل بكري ابوبكر يشوف ليه سيرفر تاني أو سيرفر خاص لجراح شوقي براها!!!!

تخريمة : تماضر الخنساء انتي وطنية البال توك !!!!

مع خالص الود والتقدير ،،،

فيصل محمد

Quote: دا كلام جميل ومعبر في الزمن الاغبر ده ، زمن الجهل المقرؤ والمسموع . والله العظيم لو خليتوا عبدالله اخوي دا يشيل الجراح براه الا الزميل بكري ابوبكر يشوف ليه سيرفر تاني أو سيرفر خاص لجراح شوقي براها!!!! تخريمة : تماضر الخنساء انتي وطنية البال توك !!!! مع خالص الود والتقدير ،،، فيصل محمد

الاخ العزيز والصديق د. فبصل او امير الحسن في رواية اخرى

تحية ومودة لك صاحب الزمن الجميل

وسعيد بي طلتك بعد غياب وليك وحشة يا ملك

مالك يا اخوي جايب لي الهواء الساقط دا اخوك شايل السوط وعاير

انا مستمتع زيك بكل هذا النزف الجميل وتسلم ويسلم كل هذا الحضور الجميل

ويسلم مجانين البوست دا

تماضر هي وطنية والعكس صحيح

دم بخير ولك محبتي وكل الود

Quote: ويسلم مجانين البوست دا

ماتنسى ..إنك بالنسبة لي ( كبيرنا الذي علمنا السحر )

أبقى عافية ..

سلامات فيصل ..
أسعدتني مداخلتك ومرورك الجميل ..


ياها !

كُن بخير ..

Quote: ختي فوقو كم حرف من وعد باكر وكم وتر من طنابير المواسم

يوم ماجيتك.. طلّ حنينك فيني ..مواسم..
وشوقك ..ختّ المطرة الدافقة وخوفك ..نايم..
يوم ماجيتك ..جات.. تبراني الفرحة ..مراسم

Quote: زينة النَّضم المعَزَّل من حروف الإلفة والمطر البدفق من عيون الغيمة منبئة بالخدار . . أقيفي النشتهيك أو ... أرسم فصولك بي طريقتي أو ... أشرح ملامحك لي عيوني عشان أشوفك وفق ذاكرة الحروف . . معليش إذا كان الغياب فرض البعاد عيني والشوق لي حروفك بس ياني جيتك وشايل الشوق و ...... كلام .. كتيييييييييييير

جية الزول ..المواسم ..
ورنة المطر البيغسل ..
فينا ..لحظات الودار ...


وماإشتهيتك شان تكون ..
المتعة غاياتي فــ لقاك..
ولا حِلمتا أكون معاك..ساعة وأتوسَّد ضياك ..
أو حتى شالتني الأماني ..سحابة مسنودة بـ سماك..
وماإرتجيتك..
ولا إتوهمتا ..وعدك ..
شان أسرج الحلم ..التوتر ..
وإنتظاري على القلق ..تحقيقو بستعجل ..وفــــاك..
أنا بس ..لقيتك ...إنتا نبضات الفؤاد..
وزي تقول ..سموكا في جوايا روح ..
والنطفة كانت هي الميعاد..
صوت تراتيلك ...شهيقي بعض تنفسي ..وصوت سؤالك ..
( البينا جد بتقدسي ؟؟ )
ماقلتا ليـــــك : ( مخلوق معاي قبل الميلاد ! )
أنا بس لقيت ..إني ماملكي وبراي ..
لقيـــت.....
بعضي ...معطون بي هواك...
وكلي...مملوك ليك براك !!

الخنساء ،،

وايش راح اقول
لو كنت ما عارف اصرِّح بالحديث
أو ..
غالطني القلم ساعة الكتابة
وجرَّ من كوم الحروف
بعض الكلام
وساب عيون اللهفة بتفتش عليك
ايش راح أقول ؟؟

يا زولة ..

ختي علي أشواقك زيّها
وعلى مشوار الإلفة خطاوي
وعلي الأوزان
غنوات من نور
بس ما تنسي
دفقات النور الفيك
يا بنية

سمح ؟؟


مرفق :
شوقي الشديد
بـــــادي

سيب العيون هي التقول ..
شوقا لي زولاً عِرف ..
إتحدَّى بي ريدو الصعاب ..
زولاً وقِف نص الغُنا..
وصوتو ماليهو الرباب
جمَّع حروف ريدي البقت..
تتشابى ..كان تلحق ..سراب..
وشايلة بس ...لهفة وتجيك..
معاها من ذكراك ..صِحاب..
ماأتعبت دربي ..المسافة..
ولا خوَّف ...أحلامي..اليباب
راسمة من نيلك..خُطايا..
وكاسرة بي موجو ...الرهاب..
وكاتبة في رملة بُعادك..
إني التلاقي ..بينات السحاب.

مهند الجيلي

ـــــــــــ

اول الحكي
الشوق حيرقان
و غيم الخريف حرنان
وانا في الصي قاعد في صقيعة الروح
مجابد من زمن الأسي الحزنان
منو معاي!!؟؟
معاك النخلة يا زول يا جرف!
وضاربة من وين يا عشة؟؟
انا ضاربة من طرف البحر .. وضارب غناي وتر الطنابير و المطر
خلاس ممكن تشتركي في المسابقة
الاجابة هي الخنساء
والقصيدة هي خناس تبكي صخراً
معاي بت خالتي ممكن تشترك؟؟
جداً جداً خليها تتفضل!
ألوووو

ايوة معاك لو سمحتي وطي صوت الربابة دي شوية!
معاك شتيلة قريدة
وضاربة من وين يا قريدة؟ ما تقولي لي من القرير؟
لا انا ضاربة من اللقدابة!
الاجابة هي نورة
والقصيدة هي وكتين يضيع عرق الجباه الشم شمار في مرقة
يا نورة آه من دربك التوّر نفس خيل الصبر
كضبـاً كاضب
ما عندك خيارات؟؟
ايوة عندنا يا ستي خيارات* خنساء * خُناس* تماضر الخنساء!!
خلاس انا بأخد الاجابة الرابعة!
البعد الرابع دة بهبش فيني حتات سفر!
وانا في مطار الروح و في درب المسافر في القطر
قاعد حدا الشباك بلوّح بي مناديل قشّت دموعاً زي مطر
البعد التلتاشر؟؟؟
بالغتي يا أنتي!
انتي محتاجة لي ناس جيلوجيا عديل كدة عشان يستأنفوا حفرياتهم
في بطن وهجك... يفجروا فيكي بركان من جديد
يا نار كوني برداً وسلاماً علي ياسين
ياااااااااااااااااه!!!!!!!!!!!

ــــــــــ
باقي الحكي
ود بادي!
يا زول انت جنيت واللا شنو؟
انت هبّاش للجروح واللا السنين فتقت أنين الزول و بس!؟!
خلاس انا ماشي ومخليك لي السنسنة الحمراء
هودنة يا هودنة!
ياخي لا!!!!!!


اسمعني !!

سمح.......................!

وكنتا الجواب ..وبرضو الخيار ..الماشي بينات السؤال..
أقيف ..النرتِّب ..ورق شوقي اللي فيك..فاطي سطرين من محال..
وخاتي في حرف الحقيقة ..نقطة مرسومة بـــ دلال
أقيف النلملم حصة هواك...الترتب ..مواعيداً معاك
تنادي وتشكِّل فيــك الظلال ..
بتعرف ؟؟ إنك براك...
تشد إنتباه تلاميذي التحس..
روعة ..دروساً ..بتفهم..معاك..
متين..بتلبس خُطاك..وهيبة..دروبك..معاني الجلال..
ومتين تعيش الفتر ...
تعلن نهاية..عناد..وتنده ..مـــلاك..
إجاور حنينو ..النجوم...ويحضن شذاك .....الهلال.

حبيب نورة
أو نورة حبيبتك
ما فرقت
ما الحب أصلا
مفتاح واحد
بفتح بابين


وانا فاتاح أحضان
أدخل بالجنبة البتريحك
محل ما تخش
حا تلقى قلب
راجيك ملهوف
ح تسوي شنو ؟؟
مع هذا الزخم الدافق حب ؟؟


حبيب نورة
أو نورة حبيبتك
ما فرقت
ناديها وكورك
شان تلحق
فنجان المغرب
لم تراخي خناس لشراعا
او بعض سمر


مرفق :
حبي الكبير
بــــادي

فيها خير ...
قلتها ..
(والقمرة ما خانت مواقيت الحجيج)
بعد الضيوف ما نزلوا عندي
وختو الرحال
كنت في عيونم بفتش
عن أتر
خابرو وخبرني
عن زولة تاوقت الرويحة
شالتا ..
عن زولة
ختت في عويناتا الفجر
رغم السطوع للشمس في عز النهار
عن زولة
رسمت في وريقاتي الغروب
مفتاح لأحلام الرتينة
تضوي عاتمات المسا

يا زولة ..
يا طوَّفت خليج القلب
مرفأ .. مرفأ
أرخي
(شراعاتك)
أصلا راجيك من زمنا فات
تعالي علي هذي الضفة
نقلي على الحطبات
حبات البن
ونتسامر

عازمك قهوة
وغنيات المغرب
ودندنة ما بين العِشا والنوم

رايك شنو ؟؟


مرفق :
محبتي ومعزتي
بـــــادي

فينا..خير..
وقلتها..
كُت بفتش عن وطن..
أداري بي حضنو الحنين..لي زول رحل عِز المحن..
سمّانا في دنياو فرح ..زغرودة في حلق الزمن ..
منضومة بي باقي السنين ..مجدولة من.. عمر الشجن..
ياضي وأنوارك ..وِجَن..
ياشوقي ..أيّامك ..بِجَن ؟؟
أوكاتي ماملّن ..رِجن..

Quote: أصلي من أول بديت بالدهشة واستنيت مسارب الكلمة تفتح طاقة من وهج الحنين غنيت كلامك مرتين مسيت حواسك وانتكيت كيَّفت (خَرْمَةْ) شوقي للنضم الرزين وما شهِدتَّ على المروق كنت قاصر رغم إنو اللهفة أكبر من صدى والغنوة رنات الوتر أوضح من الشمس النهار لكن شِهادَةْ الزول الصغير ما بتفيد لحظة تكون البينة رتلين من سطوع والصدح أعمق من قسم محلوف على القمح البنادي الموية خُشي إستبنتك وإنتِ بينات الخلوق مليانة بالكوراك (تعال) حلقك ملازم للغُنا والقيفة ما فترت تردد دخلتك النيل وكت شافك سكت الغيمة لامن شافت الموج جاري ليك إتمحّْنت والغنوة ما زالت بداية إنكفيت في لهفة الخوف من مداخل ساكتة بتراجع حِصص أول شعاع طل من تال البروق يا زول أقيف

أيها الرائع سلاااااااااااااااااااااااااااااااام
ما سبت للنسمات صدير تتكل رويسة عليهو تتشهى المنام
ما سبت للغنوات مسارب للسفر لامن تجور نار المسام
ما سبت آفاق للسكوت لا الجن ولا حتى الكلام

لك حبي

وبعدين تعال
يا سحاب!! منو القاليك تغيب من درس العصر؟
ما نحن قابضين للجمـُر
كان العزابات والجراح ترحل تمـُر
هسة في داعي يا غيمة يرجعوك تاني سنة أولي
بالطريقة دي ح تلقي نفسك في الحضانة!
ضاميك خريف ما أظن ميعادو يحين يرش
وانت يا سيد الأمانتي ليك
عندك فكرة انو انا وانت بنشبه يوم زواج أكسجينة
وسماية أتنين هايدروجين!!
الغريبة انو ف يوم الزفاف أنجبت بطن السمـا مولود مطر!
دقت شبابيك المحل
قالت سلام
أصبحتوا كيف!
أصبحنا جدول يا مطر
وبقينا أتنين في الخضار
أنسان دواخلو السنبلة
واحساس فظيع بهدي البلاد القنبلة
كدي تعالي أشربي معاي شاي الصباح
صوت فيروز الساخن ملعقة سكر في كسرة العيش و الملاح
أحساسنا صـاح
ما نحن دايماً ما نُصــاح
وحتي مطلع الأمر

سلامٌ هي ............!!


الخنسـاء وود الجيلي هذا!

ومين اللي قال إنو الفرح عز البعاد ..طعمو ..الأمَر ..
ومين اللي شال حس الغُنا ..وساب الكلام.. حزنان ..ومر..

تعرف ؟؟
إني بي ريدك بقاوي ..وماظنيت محال ..بيناتنا لو إقدر.. إمُر..
وإني بي شوقك ..تقاوي..زارعة أحزاني و..بلاقي..ريدي فيك المستمر

حجي و طوفي جواكي
كعبة دواخلك .... ديانة جديدة
الا هل بلّغت؟؟
اللهم فــاشــهد!!!!

وهل تفتكر ..الزول ..بيطوف وحيد ؟؟


ماقلتا( حنشيل) الجراح ...

صعـبة لقيتك ... قلت بر آمن !!!!

يابحر ..ماأحلا التوقع..
ويافكرة ماتبقي التقوقع..
شري أمواجو فـــ صلاتك
وفرحي الشط ..بي هباتك..

هل تفتكر مرة حيصيبك خفوت ؟؟
وإنتا بتحنِّس سماك..
تسند كتوف كل البيوت..
تشتل الأفراح خُطاك ..

كلامكن يودر شقيقة الحروف

البليدة ويخت الكلام النجف..

يمرن رحيق الكلام
في الشفايف

تفلي النشيد..


شكرا مهند ، خنساء، حبيب نورة

كلامك معطَّن بريحة الجروف..
ونيلاً بيقالد زولو البعيد
وإفرتق هموم الحروف..
بنلبس صحيح معاكا الغُنا
وبنسدل.. ستارات ..الظروف..

Quote: فينا..خير.. وقلتها.. كُت بفتش عن وطن.. أداري بي حضنو الحنين..لي زول رحل عِز المحن.. سمّانا في دنياو فرح ..زغرودة في حلق الزمن .. منضومة بي باقي السنين ..مجدولة من.. عمر الشجن.. ياضي وأنوارك ..وِجَن.. ياشوقي ..أيّامك ..بِجَن ؟؟ أوكاتي ماملّن ..رِجن..

الخنساء تماضر ،،


مافينا غير أرضك وطن
إتمددي
وأوعوك تساورك أغنيات
بنغني ليك
ما تشيلي حزنك وحَّدِك
بنشيل معاك
ما ترجي ميقاتنا الوصول
بنجيك ملانين بالفرح
نفرش مداخلك بالمطر
ونضللك
غيمات حنان
ما ترجي نسمات الفجر
بنجيك نسيم
هفهاف علي وعد الخدار



مرفق :
حبي الكبير
بــــادي

ولسه راجيك الغُنا..
ماقلتا ليّ ..بنشيل معاك..
لكني برسم في الفرح
وكتين إصادفنا وشذاك
لسّه مُتعطّر أماني
شايلانا سكّة ..مُنتهاك
ساسقنا دربك إشتياق
وقليبنا ساكن في حِداك
لاعِرفنا كيف..نوصل إليك..
لاعرفنا نرجع للهناك !

Quote: وبعدين تعال يا سحاب!! منو القاليك تغيب من درس العصر؟ ما نحن قابضين للجمـُر كان العزابات والجراح ترحل تمـُر هسة في داعي يا غيمة يرجعوك تاني سنة أولي بالطريقة دي ح تلقي نفسك في الحضانة! ضاميك خريف ما أظن ميعادو يحين يرش وانت يا سيد الأمانتي ليك عندك فكرة انو انا وانت بنشبه يوم زواج أكسجينة وسماية أتنين هايدروجين!! الغريبة انو ف يوم الزفاف أنجبت بطن السمـا مولود مطر! دقت شبابيك المحل قالت سلام أصبحتوا كيف! أصبحنا جدول يا مطر وبقينا أتنين في الخضار أنسان دواخلو السنبلة واحساس فظيع بهدي البلاد القنبلة كدي تعالي أشربي معاي شاي الصباح صوت فيروز الساخن ملعقة سكر في كسرة العيش و الملاح أحساسنا صـاح ما نحن دايماً ما نُصــاح وحتي مطلع الأمر سلامٌ هي ............!! الخنسـاء وود الجيلي هذا!

دخول ساكت:

حبيب نورة
أو نورة حبيبتك
ما فرقت
جيتك مشتاق
أشكيك برح الدنيا
وتجوالي ..


دخول مقصود :

يا تو يوم كنّا النصاح
كنا الملانين بالصبر
والجن مهبِّش شوقنا
مودر روقنا
رابط طوقنا
فوق جيد الفجر
.
.
.
تديني طلة من الضهر
ولا أحسن ونسة في طرف المسا
سمر القمر
والأصيل راسم مداخلو على الوريد
يا زول
يا زول
يا زول
أحسن تجي
قُبَّال أحرش ليك هواجسك



مرفق :
حبي الكبير
بــــادي

Quote: كلامك معطَّن بريحة الجروف.. ونيلاً بيقالد زولو البعيد وإفرتق هموم الحروف.. بنلبس صحيح معاكا الغُنا وبنسدل.. ستارات ..الظروف..

غناين يشر الخواطر

ضفيرة صباح

ملايات ترفرف

تقالد الرياح

بريد الشموس

البنفتح ظروفها

وبنقرا الكلام

رسايك مودة وحنينك

كفاح ...

حنينك بتعِّب فينا المعاني..
وحرفك بدوزن نشاز الأغاني
كيف إشتياقي المعاك ؟؟
ووين المحنة الهناك
لسع بتزرع فيني الأماني
ولسع نبضك ..مصاحب زماني

غناكم بفتر

خطاوي النشيد

حروفكم تودر

معاني القصيد

تحجو وتفجو

وترضو البعيد

وروحكم تردد

تجدد تعيد

خيوت المرايا

البتدي الوليد

بيوت الحبيبة

التسكت نحيبا

و ضفاير الجريد

تمشط عيونا

تنشط شجونا

وتخش في الوريد

تفرتق عضام

الجوع البخدر

تجرتق مساما

وتصحي البليد

غُناك البحيِّر ..
معاي النشيد
بتعرف إنك براك روح القصيد ؟؟
وإني المعاك.. بحسك وأكونك..أكيد
وعيوني البتعشق عيونك شديد
أريت إشتياقي المعاي..لو إجيك
أريتك تقرِّب لقاك البعيد
أريت المسافة البتحض جريد..
تفدِّع تمر الوصول السعيد..
أريتا المواسم معاك لو تفيض
وأكونك مطر ..فيك ..مشتهيك
وبرضو البِريد..
إرسِّل سحابو...رسائل بَريد..
أريتك معاي لو ..تريد
مكانك ..مكاني..معاي تستعيد..
ضجة مشاعر..وزولاً بعيش
حبك ويسري معاك في الوريد...
رايك شنو ؟؟
سؤال..لو إفيد..

Quote: خيوت المرايا البتدي الوليد بيوت الحبيبة التسكت نحيبا و ضفاير الجريد تمشط عيونا تنشط شجونا وتخش في الوريد

وريدك ينز

نثار الاماني

يعتق جروف

الحقايق معاني

زمانك مستف

بشاير ..

زماني المكتف

مكابر وبعاني..

Quote: غُناك البحيِّر .. معاي النشيد بتعرف إنك براك روح القصيد ؟؟ وإني المعاك.. بحسك وأكونك..أكيد وعيوني البتعشق عيونك شديد أريت إشتياقي المعاي..لو إجيك أريتك تقرِّب لقاك البعيد أريت المسافة البتحض جريد.. تفدِّع تمر الوصول السعيد.. أريتا المواسم معاك لو تفيض وأكونك مطر ..فيك ..مشتهيك وبرضو البِريد.. إرسِّل سحابو...رسائل بَريد.. أريتك معاي لو ..تريد مكانك ..مكاني..معاي تستعيد.. ضجة مشاعر..وزولاً بعيش حبك ويسري معاك في الوريد... رايك شنو ؟؟ سؤال..لو إفيد..

\


سؤالك يحير حواس

السحابة المؤكد نزيفة ..

يفج الكآبة الصفيقة..

ويصحيك مشاعر

ملحّة ولفيفة..

يورد نعاس التميرة

الشقية ولطيفة..

واحبك مشاع الدروب البعيدة ..

تواريخ تبدا تاني..

واحبك حريق السمند لهاث

مدي الاستجابة

وتمسك غريق..

Quote: حنينك بتعِّب فينا المعاني.. وحرفك بدوزن نشاز الأغاني كيف إشتياقي المعاك ؟؟ ووين المحنة الهناك لسع بتزرع فيني الأماني ولسع نبضك ..مصاحب زماني

حنينك مهقّل

خطاي

وموهدب قوافل

دعاها السراب ..

ندهتك.. زمانك..حضور

ارجواني..

رجيتك ..رجيتك

مسّهد اعاني..

تكيت نجمة ساهرة

وفتلت القصايد

حبال الترقب..

منزّه ايابك ..

وحنيني استلاب..

رجيتك..رجيتك..
حنّستا المسافة البتتعب ..خُطاي
رجيتك ....زمنك ..حيصدق معاي..؟؟
أريت الوعود المشت.. تجيبك حِداي
رجيتك...
رنة الدوباي..
رجيتك..
وإنتا في جوَّاي..

أحب المعاني الحقيقة ..
تريدك..تعزّك..مشاعري الدفيقة..
أجيكا ومُصمّم أعيشك ..غُناي..
وشايل غيابك ..وأكذّب ..مُناي
ألاقي حضورك ..مفرهد معاي..
رغم إبتعادك ..ساكن دماي

رحيق المواسم ..تنادي..وبجيك
وحتّى اللي فيك..
فيك ..ومشتهيك..
غريبة برتّب دواخلك ..وأنا المرتجيك..
غريبة أكونك..وأنده ..عليك
غريبة..همومي..بترحل إليك..

Quote: أيها الرائع سلاااااااااااااااااااااااااااااااام ما سبت للنسمات صدير تتكل رويسة عليهو تتشهى المنام ما سبت للغنوات مسارب للسفر لامن تجور نار المسام ما سبت آفاق للسكوت لا الجن ولا حتى الكلام

أحمد منزول ،،

خشيت ضراي
رتلت ليك غنواتي في ضل الضحى
ودندنت أطراف المساء
ورجيت رجوعك في الصباح


لسة راجيك
أدخل وكت تفتح خطاك السكة
بي أقدام ثبات


مرفق :
كل التقدير
بــــادي

الخنساء تماضر ،،


رجعت تاني
والحنين شايلني ليك
والكلمة تتشحتف علي عيونك تشوفا

Quote: هل تفتكر مرة حيصيبك خفوت ؟؟ وإنتا بتحنِّس سماك.. تسند كتوف كل البيوت.. تشتل الأفراح خُطاك ..

الله ..
موجوع ..
مخلوع ..
مصروع بالشوق
والغنية تهاتي
الحرف ملبد بين الحزن
وطلة بسمة على الأفراح

سامحتك ..

وانتي بتهدري فيني خريف
وانتي تولفي كل أليف

شكرا ممزوج بغناي وشوقي
وانتي تهتهدي زهجي وروقي

Quote: ولسه راجيك الغُنا.. ماقلتا ليّ ..بنشيل معاك.. لكني برسم في الفرح وكتين إصادفنا وشذاك لسّه مُتعطّر أماني شايلانا سكّة ..مُنتهاك ساسقنا دربك إشتياق وقليبنا ساكن في حِداك لاعِرفنا كيف..نوصل إليك.. لاعرفنا نرجع للهناك !

ولسة فارد كتفي شان يقدر يشيل
ولسة داخرك للحريق
تطفي اللهيب
وتبتبي الوجع اللفيني

تعالي ساي
من غير ميعاد
خشي جواي وامرحي
اتضاري
حا أقدر أشوفك ..
اتلبدي
بقدر بشم ريحة حروفك ..

يا زولة ..

ما تشحتفي الروح
أدخلي
.
.
.

مرفق :
حبي الكبير
بـــادي

خليتني في نص الكلام..
لكني..برضو..مؤمّنة الشوق..بي مجيك
مهدهدة الأيام بنادي
لو فاتت مواعيدك ...
مواعيدي بتجيك
أصلي مامليت وقوف
لاسبتا ظنّي معاي إقيف
شلتا شوقي ومرتجيك
دربي شايفك..ياشفيف
لاكا السراب..
لاكا الحزين..ساعة غياب
يازول قليبو ..كتير نضيف
يازول مَوهّط في دماي
سميتو روحي وجد عفيف
يازول ..أقيف..

حجيت..وما..حجيت..
صدقني ماهميت..
ماإنتا ريد جوّأي..
وأنا فيكا من شبيت..
دروبي في عينيك
وليها كم تاتيت
السكة بيناتنا
إحرام..وكعبة وبيت..
هرولتا..شوق جوّاك
والباقي ماتميت
إحساسي بيك..توّهني
جابني وعليكا مشيت
باعدتا أحلامك
برضي مازازيت
وجاتني من تاني
صدقني ماصديت
موقوف عليك ريدي
كان فتا قبلي سعيت
تامي إحرامي
بالنية أنا الحجيت

عبد المنعم ابراهيم ،،

حبي الكبير
ومرورك يبرد لهيب الحواس

كتبت:
كلامكن يدودر شقيقة الحروف
البليدة يخت الكلام النجف
يمرن رحيق الكلام
في الشفايف
نفلي النشيد


وإليك أقول :

كلامك ملطِّف حراير النهار
وفيض مدفق مطر
حروفك دعاش
ونورك رشاش
وشوق عِيَّن
من عيون القصيد


مرفق :
حبي الكبير
بــــادي

Quote: غناكم بفتر خطاوي النشيد حروفكم تودر معاني القصيد تحجو وتفجو وترضو البعيد وروحكم تردد تجدد تعيد خيوت المرايا البتدي الوليد بيوت الحبيبة التسكت نحيبا و ضفاير الجريد تمشط عيونا تنشط شجونا وتخش في الوريد تفرتق عضام الجوع البخدر تجرتق مساما وتصحي البليد

عبد الله وداعة ،،

يا حبيب
ياخاتي فيض حرفك غناوي
فوق مسامع وحدتي
ونبراتن الشاجيات حواسي
وناضرات الإلفة فيهن
صحن الغنى في حواف القلب
والحلق المصاقر للنحيب


يا صافي
ووافي
وناذر للحنية غناك
يا صادق نبضك
رغم الصدر الضيق بالأفراح
يا وعدك غيم
بتوالف
ما بتخالف
بتنوم في عينينا الضيم
يا واصف بالغنوات
مشيات الريم

أكتب أيش
بعد غناك الهدهد حلقي
وراح غرقان
جوة احلام الشوف
وصحى مخلوع
ومرات سهيان
ح أكيب أيش ..


عبد الله ،،

شكرا جميلا على كل هذا الجمال

ولسة راجيك
والبحر ما بيابى فيض الموية
لو فاض حدو قيف


مرفق :
حبي الكبير
بــــادي

مهند الجيلي بادي ..
الجميل ..

لحروفك إشتياق ..

ولـ تماضر الخنساء حمزة ..
الحب ..

تارا..
ياقِبلة الحس الجميل..
ويازولة..من نطفة نقاوة..ليكي أرواحنا بتميل..

Quote: كلامك ملطِّف حراير النهار وفيض مدفق مطر حروفك دعاش ونورك رشاش وشوق عِيَّن من عيون القصيد

مهند بروق الحروف

الرصينة ..

لمع قبلي وجدك

صليل في مدينة..

ومشق للكتابة النجابة

ومشاعر دفينة..

حواسك تماس

انفعالي وتماضر

خناس..

عبد المنعم..

أريتك تكتِّر مجيك الخرافي
مواعيدك..ترتِّب فينا القوافي..
وحروفك..بتنعش ..كل المرافئ..
كلامك..مواسم..نعيشها ..ومافي..
زولاً بودّر همومنا..وليهو بنجافي

الرائعين - مهند - تماضر - عبد الله وداعة - حبيب نورة

لا أدري من أين أبدأ ولا ماذا أقول ولكن التنقل بين حروفكم يملأ النفس حبورا
ونشوة فتفيض تقديرا لكم0 فإلى المزيد من مثل هذه البوح الدفين والألق الكلامي
العطين بعطر الدواخل النقية0

(شكرا لكمو شكرا طيبتم بالبسمة خاطريِ المتعب) وهذا بيت من قصيدة للشاعر الرقيق
الصديق عبد الله شابو0


صلاح يوسف

بجيكم صاد
بعد أنجم من الشوق


تعبان وهلكان
و الزمن مخنوق

مجانين البورد

مهند سيد الدار
حبيبه
نماضر

وحبيبنا الانيق وجميل صلاح يوسف

جيتكم تاني وما ندمان
متلفح كل الشين الفيني
وعاجن وش الهم انسان
مطموس ومكتح زي مويتنا
معكر ناقص (شب) القدرة
وغارف رملي بحر نسيان
ومشتت ساكت قدرة الله
مبهدل جلد الصبر ان ركا
وغارق جدا في الاحزان
وبجيكم صادي

تعال..
كتّر جيّاتك..
شان إعمر شوق إنسان
أدّاك الفيو وزيادة
عارفك ..مليان أحزان


تعال ..
ماتبقى بخيل ..
بين الجية وجيّة..
الروح بتميل
وبين الروحة ..وروحة..
بتفجّر ..نيل


تعال..

Quote: تعبان وهلكان و الزمن مخنوق

ماقلنا حنشيل التعب
ذي الغرام
مقسوم عليّ برضو العليك
يادوبنا ماشين في درب
خالي الملام
أفراحو بس هيَّ بتجيك

الشال هواك..بيشيل شقاك..
وبحلا ليو مادام هو فيك.

صلاح ..
شكراً لأنك هنا..

Quote: خليتني في نص الكلام.. لكني..برضو..مؤمّنة الشوق..بي مجيك مهدهدة الأيام بنادي لو فاتت مواعيدك ... مواعيدي بتجيك أصلي مامليت وقوف لاسبتا ظنّي معاي إقيف شلتا شوقي ومرتجيك دربي شايفك..ياشفيف لاكا السراب.. لاكا الحزين..ساعة غياب يازول قليبو ..كتير نضيف يازول مَوهّط في دماي سميتو روحي وجد عفيف يازول ..أقيف..

الخنساء تماضر ،،


ماليني شوقك
ماليني لي حد المفيض
وكتين يزيد
برجاك على حواف الحروف
بتخففي الوجع البتاور للرويحة
بتشيلي زي باقي السريحة

الله عليك
يا بنية من ضو المداين النور
شايلة أفراحك
ترشيها
وتخدري في القلوب البور

وقفت عليك
صباح شارد
وسرحان راجي طلتك البهية
ضالي الطريق
إلا بمشي علي السجية
برتب الغنوات محنة
وليك بدندن يا رضية

Quote: حجيت..وما..حجيت.. صدقني ماهميت.. ماإنتا ريد جوّأي.. وأنا فيكا من شبيت.. دروبي في عينيك وليها كم تاتيت السكة بيناتنا إحرام..وكعبة وبيت.. هرولتا..شوق جوّاك والباقي ماتميت إحساسي بيك..توّهني جابني وعليكا مشيت باعدتا أحلامك برضي مازازيت وجاتني من تاني صدقني ماصديت موقوف عليك ريدي كان فتا قبلي سعيت تامي إحرامي بالنية أنا الحجيت

قديم قالوا :
(النية زاملة سيدا .. )
النية يا بنية
موقوفا بالإحساس
وحسك وصلني خلاااااااااس
ماليني حد القيف
لطف نسايم الصيف
راسم عيونك غيم
ماشفتي شايفك كيف ؟؟


حجي وطوفي علي قلبي
وانا هسة بطوفك
لم مواسم الحج ترتاح
ببقى بشوفك
على حسب القلب

هو ديما
سايق الخطوات عليك
داخرني ليك
وأنا لسة ما ضليت طريق
على حسي ماش
وان ضل قلبي عن الدريب
ما بضيع الإلفة الهديتها لرفيق

الدرب أطول
والجايي أجمل يا بنية



مرفق :
حبي الكبير
بــــــادي

Quote: ماليني شوقك ماليني لي حد المفيض وكتين يزيد برجاك على حواف الحروف بتخففي الوجع البتاور للرويحة بتشيلي زي باقي السريحة الله عليك يا بنية من ضو المداين النور شايلة أفراحك ترشيها وتخدري في القلوب البور وقفت عليك صباح شارد وسرحان راجي طلتك البهية ضالي الطريق إلا بمشي علي السجية برتب الغنوات محنة وليك بدندن يا رضية

مليانة بيك..
حدّ الغرق
ياماشي في روح القصيد
بدوزّن الشوق بي مجيك
صدقني..بشتاقك..شديد
مليانة بيك..
حدّ الشفق
حد إرتحال يومي البليد
وإنتقال..ليلي..إليك
وياني بشتاقك..أكيد
مليانة بيك..

يا مهند

إنت عارف أنا بحبك
ولا ماك عارف

أكيد عارف يا سمح
أنا كنت غياب اليام الفاتت، وجيت لقيتك شاتل الكلمات شموس

اتوضيت بى موية النشوة ودخلتك يا مهند

يقولو إنت الإمام

يلا قول لينا

قوموا إلى جمالكم

وصلى بينا وقت الشعر حاضر


مشكور يا زين

على دفق الطرب جوانا

شوف بالله

مرقت ونسيت أهدى تماضر الخنساء

وردة من بستان التحايا

ولا أقةل ليك

البستان كله ليك وليها

إتقاسموهو

أبوذر ..
مرورك..بطعم الفرح..

مهنددددددددددددددددددد

تماااااااااااااااضر

يا مجنوني الحرف

والله انتوا يوم بتكتلوا ليكم زول بنضميكم الزاهي وجميل دا

نولا ..
ياطلة الفرح السماوي
وصوت تراتيل الصغار
الجاية من قلب الخلاوي
ياسماحتك ..
وإنتي بتشيلي الحكاوي
تديها من طيبتك..نهاياتا السعيدة.

تارا ،،


تسلمي على مرورك الجميل ،،


و ..
.
.
البنية اللونا خاتف
في سمارو الإنبهار
شالت حروفا وشي الشوف قصِد
أجبرت غنواتي تتلاحق تجيها
ولسة ما وفيتا حق


مرفق :
مودتي وتقديري
بــــادي

Quote: مهند بروق الحروف الرصينة .. لمع قبلي وجدك صليل في مدينة.. ومشق للكتابة النجابة ومشاعر دفينة.. حواسك تماس انفعالي وتماضر خناس..

منعم ،،


كلماتي من نور القوافي
الطالعة منك
ومن خناس
الكلمة ما بتمرق مخيَّرة
وإنتو أمليتو الحواس كل الحروف
طلعتو من جواي خوف
زكيتو صوتي
عشان أقول كل الوصوف
رشحتو حسي
على مشارف الغنوات
وفزت بحبكم


مرفق :
حبي الكبير
بــــادي

صلاح يوسف ،،


جيتك سمحة
وقدومك زين
وشاكر ليك
جميل الحرف
وأقعد ضل


مرفق :
كل المودة
بـــادي

Quote: بجيكم صاد بعد أنجم من الشوق تعبان وهلكان و الزمن مخنوق

حبيب نورة
أو نورة حبيبتك
ما فرقت
ما الحب أصلا
مفتاح واحد
بفتح بابين ..


مالك يا زين
ما لينا زمن واقفين راجين
لحظة تهطل غيماتك شوق وحروف
تبلل عطش الروح الفينا
وتروي جروف

يا زول ..

أحسن تجي ..
قُيَّال أحرش ليك هواجسك .. !!

مرفق :
شوقي الشديد
بــــادي

Quote: جيتكم تاني وما ندمان متلفح كل الشين الفيني وعاجن وش الهم انسان مطموس ومكتح زي مويتنا معكر ناقص (شب) القدرة وغارف رملي بحر نسيان ومشتت ساكت قدرة الله مبهدل جلد الصبر ان ركا وغارق جدا في الاحزان وبجيكم صادي

عبد الله وداعة ،،


عبد الله أخوي
الهم همين
مشوار الدينا طويل بالحيل
مشحتف روح أقلامنا
وبارك فوق القلب
موتر لحظة صفو الحب

خلاص ..

رضينا بجيتك رغم الفيك
شلناك ألحان
وغنيناك برغم الحزن
أوعك تبعد
ما بيك بنخفف وجع القلب
وبنفرح
لما تطل غنواتك
الزي المطرة فعز الصيف


مرفق :
حبي الكبير
بـــادي

Quote: قديم قالوا : (النية زاملة سيدا .. ) النية يا بنية موقوفا بالإحساس وحسك وصلني خلاااااااااس ماليني حد القيف لطف نسايم الصيف راسم عيونك غيم ماشفتي شايفك كيف ؟؟ حجي وطوفي علي قلبي وانا هسة بطوفك لم مواسم الحج ترتاح ببقى بشوفك على حسب القلب هو ديما سايق الخطوات عليك داخرني ليك وأنا لسة ما ضليت طريق على حسي ماش وان ضل قلبي عن الدريب ما بضيع الإلفة الهديتها لرفيق الدرب أطول والجايي أجمل يا بنية

مهنّد..

سمعتا حسّك في غناي
كم مرّة شديت الرحال
والسكة مارحمت مُناي
لكني مامليت دروبا
مسنودة بي شوقك حِداي
مرّات أونّس فيني بيك
ومرّات أعاتبك في دماي
وإنتا ماليها بغرامك
وساكن الإحساس ..رضاي..
رغم التباعد ..وإستحالتك
وإنتا في جوّاي ..معاي
إعتنقتك..ومامهم..
لو..كان ديانتك..ريد سواي
وإرتضيتك..وماغريب..
لو شفتا في غيرك ..قساي
وعشتا ريدك إخضراري..
وهبتا لي ذكراك ..شذاي
لو قلتا ..شوقك..إختياري..
بمشيهو بي لهفة ..خُطاي
هل كنتا باعدتا ..المسافة ؟؟
أم كنتا بتقلّل ..أذاي ؟؟

Quote: مليانة بيك.. حدّ الغرق ياماشي في روح القصيد بدوزّن الشوق بي مجيك صدقني..بشتاقك..شديد مليانة بيك.. حدّ الشفق حد إرتحال يومي البليد وإنتقال..ليلي..إليك وياني بشتاقك..أكيد مليانة بيك..

يا خنساء ،،

جاوزت حدود الشوق
ومكثت هناك
متقلبا
ما بين لهفة خاطري
وحنين حرفك للركون إليّ
ساعة إصطفاف الكون في عيني
أرتقب الشروق

وشمسك بتاوق
جوة رويحتي
لا دايرة تخش
ولا عايزة تصادر لحظة شوف الروح
بسكات
وكانت جبني غنية
شاغالاني من شوفك صباح
ناديتا :
(أسكتي ..
خليني أترقب شروقا)
وكانت مصِرَّة على العناد
شترتها
بي حزمة الحزن
المحكرة في حنايا الروح
مالت فوق خواطرا تنتحب
وأنا ...
ما حاسي غير نورك بهبِّش
طاقة الشوق اللفيني
ومنبهر ..

خليتك للحنين
يهبش مسارب من غناك
وتجيني مليانة بندى الحرف البخدر قلبي
وبرجع ليك أكيد


مرفق :
حبي الكبير
بــــادي

ماقلتا ليك الشوق شفيف..
شال مواسمنا العبور
وذي هطل ..ماخلّى في جوانا بور
طرح..من شوفة الزول البريدو.. أسمى نور ..ماشاف..مذلة ..ولاهو زيف..
فترتا من الشوق..خريف..
فترتا ..من غرف المطر من بيوتات النزيف
يازول ..نضيف
ماتبتعد..



يازول..أقيف.

خنسائي ،،


طيب ..
فيها خير

حا تلقي كل إحساسي بيك
منشور على ورق الخريف
ما عندو قيف
بس أبحري


تماضر ياأختي أعمل ليك شنو ؟؟
وربي غلبني عديييييييييل كدا ..

انتي الكلام دا بتجيبيهو من وين ؟؟

قدر ما أقول
وفيتك شوق
بلقاك مشتاقة كمان أكتر .. !!
وأقول غطيتك بالحنية
بعض حواسك برة غطاي .. !!


بجد ..
صنفتك ضمن حبايب القلب
وختيت في صفوة أحبابي
شكرا ليك على حروفك
وكل إحساس إتدفق منك
وكل مواسم الخضرة الكاسية يباسي
شكرا ليك
وما بتوفيك الكملة مكان
ف مكانك جوة القلب
وملء حواسي

أسوي ليك شنو ؟؟؟


مرفق :
حبي الكبير
بـــادي

فينا خير ..

الكلمة بي حدينا ..سيف
معناي معلّق في ..طرف..
مرهون..عليك ..والقول عفيف
وإتشابى لي معناك..طرف..
برضي شايفو..كتير..شفيف
وفيك بشوف..الروح ..فَراش
حايمة في جوّاك..دُعاش
كم ليهو..شدينا الرحال..
وكم بيهو ..مالينا إندهاش

أنا قلتا ليك..بعضي المعاك..
لسه مسكون.. إرتعاش
ولسه ماليهو الحبور
البيهو ..برضو قليبي عاش
أصلي بس بعشق عيون..
مريود سهمها..الماهو..طاش..

وقفتوا في الدم العروق

طقّا الوريد

رشح الندى

وناديتو لي قلبي الرهيف

حجيتو جوة الروح قبيل

ماقلنا شيئ

علمتو اشواقنا المشي

ما قلنا شيئ

خليتو قلبنا ينتشي وما قلنا شيئ

يا ناس حرام ادونا قيف

ادونا حق السترة بس

والريدة ديك دسوها دس

في عيونا رقصو لي القلب

لو يشفى جوانا النزيف

زي كل طيف

تتمدوا في كل المسام

من دون خصام

جوة العضام

تنشروا لي اخر مدى

وتنقطو الفرح الوريف

يا

هووووووووووووووووووووووووووووووووووي

اقيف

اشخت شخيت

جواي هنا

شوقي ..
يازول تعال ..
وكت جابك موسم الحج العفيف..
مشتهية في جوّاك أطوف
وأغسل كمان كل النزيف
مشتهية..بس ..مروة وصالك
وأنا لسه في الصفا ..لو تقيف..
كمّلتا مسعاي بين عينيك
وكم رميت شكي بي شوقي النضيف
يازول تعال..
جمرة هواك..وأنا منتهاك
هل كنتا لي غيري ..بتريد ؟؟
عارف هواي ..قلبي الحريف
إختار عيونك..كعبة الحِس الشريف
يازول تعال..
شاختين شخيت..
وجوّاك بقيف..
بتشابى ليك..
يازول وريف.

أبو ذر ،،


أيها المطر ..
أرقب هطولك
وحبات نداك على خد الزهرات
تلثمها ..
فتترك فيها رائحة السماء..

أبا ذر يا حبيب ،،

تخجل أناملي من خط الحروف إليك
وكيف لا

وأنت بترسم بيها عوالم
دنيا وكون
فيه كواكب
وخضرة ونيل

ياااااااااااه ..

ديمة مغرق وعد الحلوة
بساعة عطر ..
ساعة تفتح كل زهورك تنضح
تملا خوافق اللحظة رحيق


تسلم كتير على مرورك الجميل


مرفق :
كل الأماني التشتهيك
بـــــــادي

نولا ،،


لسة تاوقي
ومابية دخول
خليتك لي حرفك
يقلق ساعة نومك
ويوتر قعدت فرحك

لا من تجي ..

دي دعوة عليك عشان تجي سريع
راجيك راجيك


مرفق :
حبي الكبير
بــــادي

ود بادي ...

مالك يا اخي ...

مالك ...

موهدب فيني الشلهته ...

ومجنن حرف كلامي الزمان شتر ...

مالك يا اخي ..

وتاني مالك يا اخي

خليني اتاوق لمن ادوزن عصب حرفي

امكن ...

يا اخي بث مالك علي

نولا..
دوزني حِسّك..وماتتأخّري..

Quote: سمعتا حسّك في غناي كم مرّة شديت الرحال والسكة مارحمت مُناي لكني مامليت دروبا مسنودة بي شوقك حِداي مرّات أونّس فيني بيك ومرّات أعاتبك في دماي وإنتا ماليها بغرامك وساكن الإحساس ..رضاي.. رغم التباعد ..وإستحالتك وإنتا في جوّاي ..معاي إعتنقتك..ومامهم.. لو..كان ديانتك..ريد سواي وإرتضيتك..وماغريب.. لو شفتا في غيرك ..قساي وعشتا ريدك إخضراري.. وهبتا لي ذكراك ..شذاي لو قلتا ..شوقك..إختياري.. بمشيهو بي لهفة ..خُطاي هل كنتا باعدتا ..المسافة ؟؟ أم كنتا بتقلّل ..أذاي ؟؟

خنساء ،،


وحسك ..
مالي المسامع والحواس
زالت معاني الالتباس
غنواتك الرضّن مخارج حرفي
جرَّنِّي وخلاس
ما صبرت علي تهافت حرفي لي لمحة عيونك
ستفتو حنية وبعت الشوق مظاريف
من وجدي والروح اليباس ..


ما غريبة ..
لم كل الصدح يفتح
خافق اللحظة المهرجلة بالحنين
ألفا الحواس
غلبو الصبر
مشى اشتكى الحنية للقلب الكبير
وأنا لسة فارد ضفتيك
مرتع لأحلام الصغار
مشرع لضالي القيفة
والشاف الخدار



ما تاوقتك قاصد
بس عويناتي الشقية
شافت الإلفة اللي فيك
فرضن علي
أمشيك طرب
طيبة وغضب
غنوات يلامسن العصب
ما فتّرت خطواتي سكة
ولا استكنتة
لسة ماشيك إندهاش
مطرة ورشاش
شوف أو طشاش
ما فارقة ....
بس سكتك هي الهدف
بمشها ما بوفر خطاوي
ولا غناوي
ولا أنا ....



مرفق :
حبي الكبير
بــــادي

أناقلتا ليك صوتك ..تسابيح الغرام
وبين عينيك ..نامت مصابيح الهيام
أنا ذنبي أيه ؟؟
لو روحي يا..روحي..حجّت يوم مجيك..
مش صوتك أعلن..موسم..الإحرام ..إليك ؟؟
ذنبي أيه ..لو شلتا ليلي وجيت عليك
علي مصابيحك قبيل أنا إتّكيت
ذنبي أيه..
لو شلتا شوقي ورحتا منك..
ولقيتني جايِّ عديل ..عليك !
ذنبي يمكن ..
دربي أدمن ..
وهوّ خاشع..
سكة الترحال ..إليك..
ذنبي ..يمكن..
موسم الفيضان ..لديّ
برضو بعشق ..ضفتيك
ذنبي ..يمكن..
إنو المسافات..إقترابها..وإبتعادها..
بقيسها بي نظرة ..عينيك..
ذنبي برضو..
أنا بعترف ..
إني مليان بالخطايا..وجاي أحج..
جاي ..أطوف..
ذنبي لو تغفر..لديك .

ويا ضياعك ...
لملمتي خاطرك ماشه وين
داقسه والحس اتقرش
بارود وباقي الحيل خرش
قشه وفرش باقي المساحات بالحريق
طفيني لو أصبح غريق
أو موجه ضد تيار عواصفك
زولا ضهب تاني المسافة ... واتقص زي ضهر الطريق
سكة بتفتش عن رفيق ... ورفيق يفتش عن طريق
والعمي الكابس دواخلك زي ستارة
ومسرح الأحداث مدسدس في الكواليس والعبارة
الإشارة الجاية من عصب الإنارة !!
إنو آمبيرك مخستك وضو رتينتك في مغاره
خافته زي نار السجارة وبقبقت
ايديا في مكبس هواك ...
جازك براميل من حواس مشفوطه من قعر النهر
الزفة مزيكا ووتر ...
والنهر !!! بابو فاتح في بحر ... وبصب عليك
أديني ضوك وللزمن خليهو دين
وما تسأليني!
متين يدفينا الحنين
ولمتين نحاحي السترة والشوق المبين
مفضوحه عينيكي وبقاوم من سنين
عينيكي يا مخزن حنين...
طبزن بدايات دهشتي وساحت حواسي علي مسار الشوف حكاوي
تخمه بتنز بالغناوي ...
ليزر بقيف قدام عيونك باحترام ويستأذنك
ما أحزنك ...
صمتك بياخدك ماشه وي
يا أصابع داخله في باقي الأصابع
عفوي المساج...
الذكري بتفتش دواخلك بي مزاج
ابتسامة وسط دميعاتك نتاج
وفجأة عينيك غمضّن
دخلن بدون ما يقصدن مخزن حواس
في حته جوه وهبّشن
ودخلت قبل يفتحّن
خليت جفونك في وراي
ووراي رموشك صفّقن
داهمتهن ... بالخلعه نطن وطنطنن
تبتبتِهن ...
نامن شويه علي الكتيف وإتقلبن
حلمن بإني دفقت شوق واتعطّنن
نفضن دميعات الوداع إتقشقشن
وانا قبل اللحظه ديك
ماسك لجامي ويصلهن
يا خيول النشوة قومن وادخلن
فتحن مداخلك ضلفتين
في طاقه واقفات قيلن
ليلتين وفي التالته الحشود اتململن
فلسن طبلة وغشاك
عينيك غرودن
طلعن حواجبيك يرقصن
تاني نزلن لم عينيك غمضن
وسرحت في عالم غريب
صافي وبسيط ...
وعلامة من روجك ختم
إنسان جديد .
فاتحه روحو علي البحر
ذكراكي موج يدقش سواحلي بلا فتر
تضرب بدون تصريح دخول وجواز سفر
وتدقي زي ما تشتهي ...
لمن تفكي لحام ضلوعي وتدخلي
مكسرك!!!
أنا من زمان.

يااااه!
أدمنتا المقيل جوّاي أنا وكمّلتو بي شوقك مبيت
ساعة دواخلك عشعشن
وفي عينيَّ ..كيف إتوهّطن
وشوفتك للقبيل ..إتراقصن
أصلي من أول ..رميت
النظرة بي لهفة مجيك وإتجنّنن
شالن الإحساس عميق ..وكت وصلن حِداك..إتمحنّن
واقف براك..
وقلبي المعاك
مسنود علي كتف الوعود الفيكا عاشن..فرهدن
مرهون علي تحقيقا زول..
أحلامو ..فِترن ..وبحردن
لو إنتا ساندتا الظنون..
هِن في دموعِن ..بغرقن
ماشفتا كيف ..الحنين ...الفيهو عينيّ..غَرْوَّدَن ؟؟


أنا حسي معذور إتقرش..
وكت سكن الحلق إحساسي بيك
وكت أصلو الكلام ..بيك إتعرش
غريبة..أتعبتا الحروف ولسه لسه بتشتهيك..
غريبة..رغم المسافات وإبتعادك..ألقاني بمثل بين.. إيديك..
غريبة ..لاقياك ..هنا..
وهناك..
ومابينم الإتنين برضي واقف مرتجيك
وقلبي فيكا..وليك..بجيك


عارِف ؟؟
إني في ساعة السجود..أصابعي مشدودة بوتر..
ألقاها بتسّبح ..عينيك..
إني كان قمتا الصباح..أنفاسي بتصبّح عليك
إني كان..بسمَّلتا يوم..ربي برضو بجيبني ليك
كان ..قمتا في آخر الليالي ..قلتا أسجد للإله
ألقى في تلتي الأخير ..تلاوتي برضو بترتضيك !

أصلو لو الشوق حريق
كان زمان شالني النسيم
نثر الرفات في كل فريق
ولو صحيح ريدك بحر
كنتا ياعشقي الوحيد
أنافي هواك أوّل غريق



ضيي ..ماأصلو فــحريقك..
ومابسيب الباقي دين
بوهب الإحساس..محنة..
ومابشيل منّك حنين
يكفيني..أديتك فؤادي
اليوم معاك ..ماكان ضنين
يكفيني عايشاك بي قليب
مكسور ..وجابرك من سنين

ودبادى,

إزيك ياحبيبنا..?

د بوست مليان رطب,

لك ولضيوفك التحايا..

وآآدى قعدة..

سمع هووووس !!!!

مجبور ضهر حرفك كتابة

وممسد زيت نعام خوفو

القعد راس

انتباه بين رملتين..

وقرشتهن صوتي

انضرس..

وانا كنت ماسك حسي

وردية وبهشو

من شهر الزيادة

علي ضفاف نيلن

طمح..

في القيف شهر يار

الكتابة الموجبة

وسالب وشاحات الغنا..

صفق جناح شاهين

رحابة جولة في الريح

ذكريات ..

وآه ياغزال شارد

موهدب في صحاري الدم

قصيدة وانفعال..

هزيتي طور جبل الثبات..

حولت طقس الروح علي

نجمة سعد..

وعيني سقد النوم مشاعر

سارحة فيك ..

صفيت خوابي النحلة حارسك

بين خلية شوق عسل..

الجيلي ..
تحلو بيك القعدة..

حبيب نورا ..

Quote: سمع هووووس

ألفة

بادي


وينك ياسيد الحضرة

غيابك في خلوة

روح ..

حجينا افاضة

ودّعناك وات

مازلت في غربة

هاجد..

كت شايفك دارع

حبة نور متعدي النيل

من غير يتبل

جسد متوضي

بـشارة شوف..

ياواصل سدرة خاطر

مد لالوبة علامة

تسبح دغش الحال

شلال الضو الجاهر

مقلة عيني

كشف اسرار الحيرة

وفاض زي شوق

حيرانك ..


ـــــــــــــ
ياوينك

up

Quote: شلال الضو الجاهر مقلة عيني كشف اسرار الحيرة وفاض زي شوق حيرانك .. ـــــــــــــ ياوينك

أصلي لو كنتك بداية..
كنتا أشرقنا القوافي..
في صباحات النشيد..
يومي منتظرك وصافي..
ماعِرف زمنو النهاية..
عارفني بشتاقك شديد..