Post: #1
Title: محبوبتى
Author: zumrawi
Date: 01-06-2007, 10:01 AM
النهر الشاف محبوبتى
اتعاد
من اول نهر وسر للقيف
مداهو الموج
طفرة شارع
برمالو بريد ختم المشوار
الغيم مكتوب تقراهو الارض
بحبر سرى جيهة الحيرة
وين الخطوات ان شب خطر فيك ياام هيمة
متدارك البحر اليجى معديك
كنت الالفة فى الزمن المشيهو حجر
جات فى الضمة غير الاحس باقيك
يتوالف السم شجر الحروف النى
طربان سراح النيل مرق.
الا السكون ودر مشيهو من النهار
ياواقفة متطامنة السراب
وين ضحكتك والمد نسيج
لميتو من اثر الشموع
محروقة فى الحرف الضجيج
فرحانة من صوتك
غناك
رسلنى مصلوب الخرائط
كلهن
ياحنهن
وكتين يجن
فاردات ضفايرن للمؤانى
دايس المدن
غفل التراب
من جنهن
جرحك وصولك للسحاب
من غير مغاليق الشجن
وكت اليغنيك الغياب
برسم مثار الهم شروق
المعنى من حزنك اياب
محنانة فى الخاطر متاريس المصير
مصلوبة فيك
لحن الانين
ياصالحة
كت من شوقك انت بجيك
برسم مطور السر هواك
يافرحة الزمن الوشيك
|
Post: #2
Title: Re: محبوبتى
Author: Elkhawad
Date: 01-07-2007, 03:42 AM
Parent: #1
زمراوي
عليك العيد مبورك
وسحمه الطله
|
Post: #3
Title: Re: محبوبتى
Author: zumrawi
Date: 01-08-2007, 11:06 AM
Parent: #1
الخواض
هانحن نلتقى ثانية
جميلة رؤياك
شكرا لمرورك
وكل سنة وانت طيب
|
Post: #4
Title: Re: محبوبتى
Author: نصار
Date: 01-08-2007, 12:21 PM
Parent: #1
العزيز زمراي
زمن طويل ان شاء الله تكون مسكتك مننا
و رضا الدنيا و المحبوبة
مرحبا بك عائداً علي صهوة الشعر المجيد
|
Post: #5
Title: Re: محبوبتى
Author: zumrawi
Date: 01-08-2007, 01:40 PM
Parent: #1
عزيزي نصار
لك الشوق كلة وكلى اختلاجات لرؤياك ثانية
لك الود والمحبة وعلى صهوة الحب نغنى الشعر المترع شجنا
|
|