Post: #1
Title: ود شيقوق وكرمة العنب
Author: عفاف أبو حريرة
Date: 01-05-2007, 09:38 PM
كل سنه وانتو طيبين ومرحب بكل الذين رحبو بي وبقول ليهم عيدكم مبارك ، وما لقيت عيديه اعيد بيها عليكم احلى من فنجان جبنه في راكوبة الرائع ود شيقوق، ذلكم الرجل الذي حاز على كل اعجابكم واحترامكم واسر كل القلوب بحلاوة اسلوبه وعذب كلامه ويسعدني اني عرفت هوية المهندس الذي شيد راكوبة ود شيقوق , تلك الواحه التي اجتمعنا جميعنا فيها مع اختلاف شخصياتنا وانماط حياتنا .
لما نتصالح مع ذاتنا ونسعد بمن نحب ويسعد بينا.
بتعم الفرحه ونلقاها في كل خطواتنا بتلاقينا.
ونفرح بفرحنا كل البيكون حوالينا.
وهاكم سر راكوبة ود شيقوق:
انا بلقى في تشابه كبير بين كرمة العنب والمرأه ، فكلتاهما وفيرة العطاء لوليفها
الكرمه محورها دايما الراكوبه التي تنسب لها فهي منذ طراوة عودها تبحث عن اليفها ن تحنو وتنتني وتحتضن وتميل وتلتف حوله وتحتويه ،وتغزل فروعها وتتخلل وتسد كل الثغرات وتشد بنيانه وتجمل جدرانه
وتوجد الظل الوارف ....
وكل البيشوفا لي حسن طلتا يوالف.....
ويحس فيها ويستشعر معنى المقيل والراحه من لفح الهجير...
والصوره دي انا بحسها في راكوبة ود شيقوق وكرمة العنب ام عبد الله ، تلك المراه العظيمه وفيرة العطاء ،حسنة المعشر ,فيها دفء الحياة في طي كلماتها تستشعر الالفه والموده والوفا وعراقة الاصل الذي يمتد وتستشعر فيهو الجذور الضاربه وريخة التراب مع ريحة الدعاش وترجعك لي ذاتك .
تلك الارض الخصبة التي اينعت فاثمرت ذلكم الذي نسعد جميعا بحضوره حتى ولو كان حضوره متمثلا في كلمات يخطها
ونتصالح مع ذاتنا ونجد انفسنا في تصالحه مع ذاته.
((وراء كل متصالح مع ذاته امرأه ))
ولي عوده
ام احمد(المحرب)
|
Post: #2
Title: Re: ود شيقوق وكرمة العنب
Author: abubakr
Date: 01-05-2007, 10:39 PM
Parent: #1
| Quote: انا بلقى في تشابه كبير بين كرمة العنب والمرأه ، فكلتاهما وفيرة العطاء لوليفها |
صادقة انت ... لم اقرء تشبيها للمراة اجمل من هذا ...
صح لسانك ( دي زي ما قت للملكة لقطها من الاعراب وعاجباني .. اصلي ما زلت بعد ما يقارب الست عقود مستجد في كلام العراريب)
اها دحين بقينا في مشكلة .. سمية سوينها ملكة ولو كنا عملناها رئيسة كان ممكن نعمل الرئاسة بالتدوير ( مجلس سيادة) هسع ملكية بالتدوير نسويها كيف ؟ " ؟ناقشي الامر في محادثات ثنائية وقررن امر حكم الرعية بينكن ؟
ودشيقوق "مسكر " التلفون مالو ؟ القضية فيها ان ؟؟
|
Post: #3
Title: Re: ود شيقوق وكرمة العنب
Author: سمية الحسن طلحة
Date: 01-06-2007, 05:33 AM
Parent: #2
| Quote: الكرمه محورها دايما الراكوبه التي تنسب لها فهي منذ طراوة عودها تبحث عن اليفها ن تحنو وتنتني وتحتضن وتميل وتلتف حوله وتحتويه ،وتغزل فروعها وتتخلل وتسد كل الثغرات وتشد بنيانه وتجمل جدرانه |
لأخت أم أحمد
نورتى بطلتك البهية وكلامك الرائع
الذى ينم عن ثراء يحوى كل العلوم
فها أنت تدلفين بنا الى علم قوة
الطاقة البشرية بهذا التشبيه البديع
وأما قولك:ـ(( وراء كل متصالح مع ذاته إمرأة ))
غاية فى البلاغة وشعار يجب أن يرفعه كل متزن سوي .
ودمت مرفوعة الرأس
|
Post: #5
Title: Re: ود شيقوق وكرمة العنب
Author: عفاف أبو حريرة
Date: 01-06-2007, 11:49 AM
Parent: #3
سميه ليك كل الحب والتقدير
يعني..احنا يا دوب بنتاتي في عالمك الوسيع التوجوكي ملكه عليهو
سعدت بكلماتك
مع فائض حبي
عفاف ابوحريره
|
Post: #4
Title: Re: ود شيقوق وكرمة العنب
Author: عفاف أبو حريرة
Date: 01-06-2007, 11:45 AM
Parent: #2
الاخ ابو بكر لك كل الود والاحترام وشكرا على كلامك الانا بعتز بيهو
واعتبرو حافز لي .
اما سميه العين ما بتعلى على الحاجب خليني معاكم ضمن رعاياها
وكده بنال شرف رفقتكم
ولك مودتي
عفاف ابوحريره
|
Post: #6
Title: Re: ود شيقوق وكرمة العنب
Author: abubakr
Date: 01-06-2007, 02:26 PM
Parent: #1
يام احمد والملكة .. انا تزداد قناعتي بمعرفتي بكن وباخوات وبنات اخريات في هذا المنبر بان بلادنا التي حافظت المراة فيها علي معينات اخلاقية من خلال ارث اجتماعي راق رغم هيمنة ذكورية يجب ان تحكم بلادنا .. ودعوانتي المتكررة التي طالت ب "عودة الي حكم الكندا كات" ليست الا من تلك القناعة ومصالحة مع نفسي اكتسبتها من كل ا مراةوانثي في اسرتي الصغيرة والممتدة وصديقاتي ورفيقات عملي وفي المنابر ... زاد المجتمع الذكوري الرجال غرورا واتكالية بوضعهم الذي يرونه حق دائم دون وجه حق فلم يهتمو بالحكم الراشد واهملو المراة وبالتالي اهملو بناء المجتمع الواع القوي .. ساواصل دعواتي وانا مقتنع بان ذلك سيخرج بلادنا من مازق تعقد بتراكمات سلبيات مجتمع ذكوري وحاكية ظالمة مفسدة .....
|
Post: #7
Title: Re: ود شيقوق وكرمة العنب
Author: عفاف أبو حريرة
Date: 01-06-2007, 04:27 PM
Parent: #6
عارف يا ابوبكر كلامك ده حلو جدا لكن احنا في السودان مشكلتنا انو الرجال نفسهم ما لاقين حقوقهم ويمكن كمان ما بيعرفوها.
كل الحقوق مهضومه وكلو ماشي وما في زول بيقيف يسأل الدنيا جايه من وين وماشه على وين اهي عيشه والسلام ، تسلط الوضع المعيشي والقهر البيلاقيهم في الحياة اليوميه بدايه من المويه والكهرباء الى سوق الخضار البيكون الله يكرمك الحمار واقف بيقضي حاجتو وما بيفصلو من طاولة العرض الا متر واحد، والله لا يوريك لو مرض ليك طفل ساعتا بتذوق الامرين .
يا ابو بكر فاقد الشيء لا يعطيه، لما احول البلد تتغير والناس تجد انسانيتا الضايعه وتثبت هويتا ويحسو انهم آدميين وينتهي مسلس العذاب اليومي؛ اكيد الناس حتعرف حقوقا ، اما هيمنة الرجال انا عندي ليها حل بسيط تابع حقولو ليك .
وطالما في من الرجال العندو نفس تفكيرك ده صدقني حيجي يوم ونكون بالف خير والبلد تزدان بكروم العنب ما بي عروق الحنضل (عروق الحنضل دي بيعرفوها سميه والطيب)
مع كــــــــــامل احترامي
لك كل الموده
عفاف ابوحريره
|
Post: #8
Title: Re: ود شيقوق وكرمة العنب
Author: abubakr
Date: 01-06-2007, 04:37 PM
Parent: #1
| Quote: عارف يا ابوبكر كلامك ده حلو جدا لكن احنا في السودان مشكلتنا انو الرجال نفسهم ما لاقين حقوقهم ويمكن كمان ما بيعرفوها. |
يام احمد ..معادلة بسيطة ...الرجال ما لاقيين حقوقهم بسبب حاكية ظالمة من رجال مثلهم.. والمراة ظلمها الرجال في بلادنا كثيرا فصبرت ولم تظلمهم ..اي ان المراة ان حكمت سوف لا تظلم ... هذا ليس تفاؤلا ولكن نظرة موضوعية نتاج قراءة لاحوالنا .....
ولك ولاسرتك مودتي
ابوبكر
|
Post: #9
Title: Re: ود شيقوق وكرمة العنب
Author: سمية الحسن طلحة
Date: 01-07-2007, 08:30 AM
Parent: #8
| Quote: فاقد الشيء لا يعطيه، |
حقا ياأم أحمد
ما أروعك
أستمتع دوما بالمرور من هنا
لكننى أفتقد أبو أحمد
خالد نريدك هنا... ألم يعجبك جمعنا هذا!؟
أكتب ولو كلمة.
|
Post: #11
Title: Re: ود شيقوق وكرمة العنب
Author: Ahmed Yousif Abu Harira
Date: 01-07-2007, 09:09 AM
Parent: #9
Quote: والصوره دي انا بحسها في راكوبة ود شيقوق وكرمة العنب ام عبد الله ، تلك المراه العظيمه وفيرة العطاء ،حسنة المعشر ,فيها دفء الحياة في طي كلماتها تستشعر الالفه والموده والوفا وعراقة الاصل الذي يمتد وتستشعر فيهو الجذور الضاربه وريحة التراب مع ريحة الدعاش وترجعك لي ذاتك .
تلك الارض الخصبة التي اينعت فاثمرت ذلكم الذي نسعد جميعا بحضوره حتى ولو كان حضوره متمثلا في كلمات يخطها
ونتصالح مع ذاتنا ونجد انفسنا في تصالحه مع ذاته.
((وراء كل متصالح مع ذاته امرأه ))
|
كنت متاكد أنك إضافة ...
تحياتي ....
وقد تلبسني الفخر...
|
Post: #13
Title: Re: ود شيقوق وكرمة العنب
Author: عفاف أبو حريرة
Date: 01-07-2007, 01:14 PM
Parent: #11
Quote: كنت متاكد انك اضافه
|
انت جد الاضفت لي شعور ما بقدر اوصفه ليك وكلماتك جد عنت عندي وشدت من ازري
احمد ما تنسى طلبي القلتو ليك
ولك كل الود والمحبه انت واسرتك الكريمه
ام احمد
|
Post: #15
Title: Re: ود شيقوق وكرمة العنب
Author: عفاف أبو حريرة
Date: 01-07-2007, 01:23 PM
Parent: #8
يا اخواني ابو بكر مشى وين
|
Post: #10
Title: Re: ود شيقوق وكرمة العنب
Author: ماجدة عوض خوجلى
Date: 01-07-2007, 09:03 AM
Parent: #1
صباح الخير على الناس الحلوين
قلنا نسلم ونسال عن اخباركم
ربنا يحفظكم من كل شر يارب انتو وزواركم
|
Post: #12
Title: Re: ود شيقوق وكرمة العنب
Author: khalid almohrib
Date: 01-07-2007, 11:59 AM
Parent: #10
بت طلحه سلام عليك انا ماغايب لكن عفاف بعد ما بقت عضو زاحمتنى فى الجهاز
وانت السبب لكن بشترى واحد لى براى قالو سترة الحال فى المضره 0000000000 تحياتى
|
Post: #16
Title: Re: ود شيقوق وكرمة العنب
Author: عفاف أبو حريرة
Date: 01-07-2007, 01:32 PM
Parent: #12
Quote: بت طلحه سلام عليك انا ماغايب لكن عفاف بعد ما بقت عضو زاحمتنى فى الجهاز
وانت السبب لكن بشترى واحد لى براى قالو سترة الحال فى المضره 0000000000 تحياتى |
يا ابو بكر شوف كلام العريريب ده، ده اول الظلمه انصفني منو خلى لي الجهاز كلو كلو
|
Post: #14
Title: Re: ود شيقوق وكرمة العنب
Author: عفاف أبو حريرة
Date: 01-07-2007, 01:19 PM
Parent: #10
الاخت ماجده اسعدتنا طلتك علينا
ومرورك جد بيعنينا ، وده اثراء للبوست وشرف لينا
وشكرا ليك
عفاف ابوحريره
|
Post: #17
Title: Re: ود شيقوق وكرمة العنب
Author: abubakr
Date: 01-07-2007, 02:05 PM
Parent: #1
| Quote: يا ابو بكر شوف كلام العريريب ده، ده اول الظلمه انصفني منو خلى لي الجهاز كلو كلو |
هو افتكر ان الجهاز بتاعو بحكم ايه ؟؟ ما البيت بتاعك وهو بتاعك ؟؟ ما قت ليكم الكنداكات لازم يحكمن ؟؟
يا انت!! سلم الكبيوتر وشفلك نت كافي والله خد بتاع ود شيقوق ما اظن العربية التيمس بخليها تاني .. سلم تسلم ؟؟
|
Post: #18
Title: Re: ود شيقوق وكرمة العنب
Author: nourelhadi awad
Date: 01-07-2007, 04:45 PM
Parent: #1
ظللت اقرأ طيلة هذا البوست
لم تواتي قلمي ...استطاعة
تجابنت اوشيئ من هذا القبيل
وكأني بسمية السمية.. كروسوم بن الوليد
وعفاف العفاف...بنت سبأ العروش
وقامة المحتفى...تطول حتى الإنكفاء
لن أعقب فحرفي يعرف لذات الحرف قدره
اية عفاف ؟؟
من اي الحكايات التواليف سر نسجك؟؟
ويحك ياويح سحرك ..استمال الكرم عنوة
واعتصرناه دنا حتى الثمالة
وهززتي نخلك حرف وتمر
لو أن قلمي يستطيع
اه لقلمي
نورالهادي
فنان تشكيلي متقاعد
وعندما أحرر ريشتي سأعود
|
Post: #19
Title: Re: ود شيقوق وكرمة العنب
Author: فاروق حامد محمد
Date: 01-07-2007, 10:22 PM
Parent: #18
Quote:
وهاكم سر راكوبة ود شيقوق:
انا بلقى في تشابه كبير بين كرمة العنب والمرأه ، فكلتاهما وفيرة العطاء لوليفها
الكرمه محورها دايما الراكوبه التي تنسب لها فهي منذ طراوة عودها تبحث عن اليفها ن تحنو وتنتني وتحتضن وتميل وتلتف حوله وتحتويه ،وتغزل فروعها وتتخلل وتسد كل الثغرات وتشد بنيانه وتجمل جدرانه
وتوجد الظل الوارف .... |
لعمري إنه لتشبيه غير مسبوق
يا أستاذة عفاف (وفق ما أعلم)
الكرمة وتعريشتها أو راكوبتها
وتشبيهها بعطاء المرأة لرجلها
تعبير حلو جميل ....... تسلمي
|
Post: #22
Title: Re: ود شيقوق وكرمة العنب
Author: عفاف أبو حريرة
Date: 01-08-2007, 03:01 PM
Parent: #19
ياود الكرام أبوابنا مشرعة ليك
يادار الرتوع الـدار ترحـب بيك
بى نورك تضـوى وتهـدى مـن حواليك
جدك نار بتوقد منو البجى يدانيك
حبابك عشرة ياود النار
مرورك جداسعدني وما لقيت اجمل من كلمات بت طلحه بيها ارحب بيك
ام احمد
|
Post: #23
Title: Re: ود شيقوق وكرمة العنب
Author: عفاف أبو حريرة
Date: 01-08-2007, 03:03 PM
Parent: #19
ياود الكرام أبوابنا مشرعة ليك
يادار الرتوع الـدار ترحـب بيك
بى نورك تضـوى وتهـدى مـن حواليك
جدك نار بتوقد منو البجى يدانيك
حبابك عشرة ياود النار.
مرورك جداسعدني
ام احمد
|
Post: #24
Title: Re: ود شيقوق وكرمة العنب
Author: عفاف أبو حريرة
Date: 01-08-2007, 04:14 PM
Parent: #18
ظللت لساعات طوال انظر الى هذه الكلمات التي ورب الكعبه العظيم شعرت بانها
نابضه بالحياة حتى اني اكاد اسمع خفقان قلبها و احس بانفاسها
يانور الهدى يالنور الهليت ويا الفرح الجيت دا قمت الابداع
حتى اني ما كنت فاكره انو بيكون في في الدنيا زي الروعه دي
لك فائض الأ حساس بالحياة يا ينبوع الحياة
لن أعقب فحرفي يعرف لذات الحرف قدره
واقف اجلالاً واحتراماً وترحيباً ًبمرورك الكريم
ويسعدنا دايما انك تكون بينا
ام احمد
|
Post: #20
Title: Re: ود شيقوق وكرمة العنب
Author: abubakr
Date: 01-08-2007, 10:41 AM
Parent: #1
| Quote: الكرمة وتعريشتها أو راكوبتها |
حفيد "النار" وراكوبة ؟؟؟
|
Post: #21
Title: Re: ود شيقوق وكرمة العنب
Author: فاروق حامد محمد
Date: 01-08-2007, 12:22 PM
Parent: #20
Quote: Quote: الكرمة وتعريشتها أو راكوبتها
حفيد "النار" وراكوبة ؟؟؟ |
سمعت ان النوبة هم أول من (اخترع) الراكوبة ....
والعنقريب الهبابي !!!!!!!!!!!!
|
Post: #25
Title: Re: ود شيقوق وكرمة العنب
Author: فاروق حامد محمد
Date: 01-09-2007, 00:54 AM
Parent: #21
فوق منشان بت القبايل أم أحمد
الله يحفظها هي ووليداتها....
|
Post: #26
Title: Re: ود شيقوق وكرمة العنب
Author: سمية الحسن طلحة
Date: 01-09-2007, 01:47 AM
Parent: #25
Quote: سمعت ان النوبة هم أول من (اخترع) الراكوبة ....
والعنقريب الهبابي !!!!!!!!!!!! |
نحيا
ونسمع
ونشوف
ياود النار.
|
Post: #27
Title: Re: ود شيقوق وكرمة العنب
Author: نصار
Date: 01-09-2007, 02:14 AM
Parent: #1
| Quote: حفيد "النار" وراكوبة ؟؟؟ |
ورجل مطافي
ولا القلوب <الشديعة> و العامرة الوسيعة دي بتطفيها
النار ولعت بقلبي بطفيها...
لما الفنان في الاغنية دي يقول وروني العدوا و اقيفوا فرجاة
بدخلن شك ان زولنا دا زول نفخ ساكت
فاشمعنا كل حواسه و قواه زي الحديد الا الشوف؟؟
العزيزة ام أحمد و ضيوفك الكرام
احسن حاجة انه سر المرأة عصي علي التفسير لو اتكشف تكون حاجة اي كلام زينا كدا
و تبقي الدنيا دي كعبة خلاص
فطوبي للمرأة الرمز الذي يتكثف فيها هذا السر الاكسير
فالتحية لكن انت و ام عبد الله و سمية و لمن استظل بظلكن و حمد و شكر
|
Post: #28
Title: Re: ود شيقوق وكرمة العنب
Author: abubakr
Date: 01-09-2007, 06:43 AM
Parent: #1
انا حامد وشاكر وابوس ايدي وش وضهر ...
|
Post: #29
Title: Re: ود شيقوق وكرمة العنب
Author: فاروق حامد محمد
Date: 01-09-2007, 06:18 PM
Parent: #28
| Quote: انا حامد وشاكر وابوس ايدي وش وضهر ... |
وأنا فاروق حامد شاكر ماكل ساكن نايم والحمدلله
|
Post: #30
Title: Re: ود شيقوق وكرمة العنب
Author: سمية الحسن طلحة
Date: 01-09-2007, 07:42 PM
Parent: #29
اللهم ما أصبح (أمسى) بنا من نعمة
أو بأحد من خلقك
فمنك وحدك لاشريك لك
فلك الحمد ولك الشكر ياالله
من قالها حين يمسى ويصبح فقد أدى شكر يومه.
|
Post: #31
Title: Re: ود شيقوق وكرمة العنب
Author: رأفت ميلاد
Date: 01-09-2007, 09:11 PM
Parent: #30
سلام يا أم أحمد
ما أظنى شـفت بوسـت الترحيب
مرحب بيكى ألف
الدخلنى كايس أخبار ودشيقوق . بوسـتاتو كترت وهو لا أتر لا خبر .
لكن ما ندمت على الدخلة . راكوبتكم هادئة وريحة رشـة التراب بتاعا شـاميهو . خاصة الجاى من الهجير والعكة البرة دى .
هسـة واقف هنا
| Quote: لما احول البلد تتغير والناس تجد انسانيتا الضايعه وتثبت هويتا ويحسو انهم آدميين وينتهي مسلس العذاب اليومي؛ اكيد الناس حتعرف حقوقا ، اما هيمنة الرجال انا عندي ليها حل بسيط تابع حقولو ليك . |
وراجى أسـمع رايك شـنو ?
فى الإنتظار
ومرحب بيك تانى
رأفت ميلاد
|
Post: #32
Title: Re: ود شيقوق وكرمة العنب
Author: abubakr
Date: 01-10-2007, 04:41 AM
Parent: #1
اها ياحيبيبي ات جيت بجاي ... خليك واقف زنهار ... النضمي هنا حكم والكنداكات رجعن يحكمن .. وزمزغة رجال ما في ...اها الكنداكات لا بيحلفن طلاقي فرادي ولا ثلاثي .. الكلام واحد ...
ودحين الراكوبة هن السوتنها وكلنا لاجئين تحتها ...وودشيقوق راح يردم النهر الجاف بشان لوري التيمس يقدر يقطع للبر التاني ويوديهو ام بدة لام عبدالله ...
|
Post: #33
Title: Re: ود شيقوق وكرمة العنب
Author: رأفت ميلاد
Date: 01-10-2007, 10:36 AM
Parent: #32
| Quote: اها ياحيبيبي ات جيت بجاي |
وإنت زغت مالك من بى غادى
| Quote: النضمي هنا حكم والكنداكات رجعن يحكمن .. وزمزغة رجال ما في |
باقى ليك ؟
| Quote: ودحين الراكوبة هن السوتنها وكلنا لاجئين تحتها |
أها أنا زاتى ما فايتا إلا المحرب يسـتعمل سلطاتو عشان أنا نكشتو فى خيمة العزا هناك
| Quote: وودشيقوق راح يردم النهر الجاف بشان لوري التيمس يقدر يقطع للبر التاني ويوديهو ام بدة لام عبدالله ... |
هو جاف ويردمو ؟ وأمبدة بقت دايرة قطعة بحر ؟ بس ياها الخيل تجقلب والبغلة فى الإبريق .
|
Post: #36
Title: Re: ود شيقوق وكرمة العنب
Author: عفاف أبو حريرة
Date: 01-10-2007, 05:21 PM
Parent: #33
الاخ رافت حبابك عشره هنا وفى خيمه ود المحرب واكان ما شالتك الارض
نشيلك فوق روسنا الف مرحب وانشاء الله يطيب ليك المقام وبرجع ليك انتا وابو بكر
|
Post: #34
Title: Re: ود شيقوق وكرمة العنب
Author: abubakr
Date: 01-10-2007, 11:12 AM
Parent: #1
| Quote: وإنت زغت مالك من بى غادى |
انا التحقت هنا بفصول التقوية .. اها من زمن ظلع الجمل واللغات الاجنبية دي ما قادر عليها في كتابة الاغاني اصلو شغلانة بتكسب تمام
| Quote: أها أنا زاتى ما فايتا إلا المحرب يسـتعمل سلطاتو عشان أنا نكشتو فى خيمة العزا هناك |
ات بس شكاك ساي .. ود المحرب بزنيس مان في المفروشات وهو مؤجر ليهم الصيوان ...
| Quote: هو جاف ويردمو ؟ وأمبدة بقت دايرة قطعة بحر ؟ بس ياها الخيل تجقلب والبغلة فى الإبريق |
المانيا التطير ..هي نستك تضاريس الدندر ....ودشيقوق عبر النهر الجاف الي حلته وعند الرجوع غرز التيمس بتاع عمو فقام اشتري قروانات طحنية للعمال بشان يردمو النهر الجاف والتيمس يعبر وودشيقوق بيكون مصنقر فوق كبوت التيمس لحين ما يصل امبدة وعيال الحلة يجرو وراء التيمس يضقعو ويقول حاجات لحد ما ام عبدالله تتدخل وتنقذه رغم انه كان بحت مع الامهرية في قهوة ابوظبي والفاروق شاهد
|
Post: #35
Title: Re: ود شيقوق وكرمة العنب
Author: رأفت ميلاد
Date: 01-10-2007, 02:01 PM
Parent: #34
| Quote: ات بس شكاك ساي .. ود المحرب بزنيس مان في المفروشات وهو مؤجر ليهم الصيوان ... |
| Quote: المانيا التطير ..هي نستك تضاريس الدندر ....ودشيقوق عبر النهر الجاف الي حلته وعند الرجوع غرز التيمس بتاع عمو فقام اشتري قروانات طحنية للعمال بشان يردمو النهر الجاف والتيمس يعبر وودشيقوق بيكون مصنقر فوق كبوت التيمس لحين ما يصل امبدة وعيال الحلة يجرو وراء التيمس يضقعو ويقول حاجات لحد ما ام عبدالله تتدخل وتنقذه رغم انه كان بحت مع الامهرية في قهوة ابوظبي والفاروق شاهد |
والله دى غرزة كعبه تب . الله يرد ليهو غربتو بس شـهادة فاروق دى الله ينجيه منها
|
Post: #37
Title: Re: ود شيقوق وكرمة العنب
Author: nourelhadi awad
Date: 01-10-2007, 06:13 PM
Parent: #1
أم أحمد
هاآآآآآناس
قاعدين تسولفو
ود شيقوق دحين مخبور؟؟؟
الزول باقي لي داير قفر
الله يكضب الشينة
أعفي لي يابت الزينين
شغلني خبار الزول دا وما سلمت
كيفنكم نعل ماعندكم عوجة
وجماعتكم كلهم
أحمد وخيانو
وعروبكم كلهم
أها
ودعتك الله
لا لا قطع شك بجيكم راجع
نورالهادي
|
Post: #38
Title: Re: ود شيقوق وكرمة العنب
Author: khalid almohrib
Date: 01-10-2007, 08:22 PM
Parent: #37
الله يانور الهدى انا بعد كلامك السمح داك اقول يا رب تكون
من العراريب الرطانه كفاهم ابوبكر وخبر ود شيقوق خلى
لامن اجي خالد بديك خبر باقي لي نضم معاهو
|
Post: #39
Title: Re: ود شيقوق وكرمة العنب
Author: عفاف أبو حريرة
Date: 01-10-2007, 08:45 PM
Parent: #38
الله يانور الهدى انا بعد كلامك السمح داك اقول يا رب تكون
من العراريب الرطانه كفاهم ابوبكر وخبر ود شيقوق خلى
لامن اجي خالد بديك خبر باقي لي نضم معاهو
الاخ نور معليش انا ماطلعت
الرد ده بتاعى انا
|
Post: #40
Title: Re: ود شيقوق وكرمة العنب
Author: nourelhadi awad
Date: 01-10-2007, 11:15 PM
Parent: #39
حوصتا
اول مرة اشوف لي كلام يتقري استريو!!
تبت وشيتن تجيبني أنا تاني لفريق العرب دا حد الله بيني وبينا
الشقليب دا شنو ياناس أنا مصاريني نان ماانخجت
وماظنيتني بعفى ليكم
وسفر البلوم.. وحردان تاني ماني جايي
نورالهادي
عربي ساااااي
.............................................................
متغدي الليلة بي كسرة تخانة ومقطع لي فوقة بصلة خدرا وشمار
وشطة خدرا ... في شان كدي طلع نضمي تراهو ذي الشفتوهو دا
...............................................................
الكلام الاخدر البين الشخيتين إتكتب برا (يمكن فايرس الله تعلم)
|
Post: #41
Title: Re: ود شيقوق وكرمة العنب
Author: سمية الحسن طلحة
Date: 01-11-2007, 09:15 AM
Parent: #40
Quote: حوصتا
اول مرة اشوف لي كلام يتقري استريو!!
تبت وشيتن تجيبني أنا تاني لفريق العرب دا حد الله بيني وبينا
الشقليب دا شنو ياناس أنا مصاريني نان ماانخجت
وماظنيتني بعفى ليكم
وسفر البلوم.. وحردان تاني ماني جايي
نورالهادي
عربي ساااااي
|
السلام عليكم أخى الكريم/نور الهادى
كلماوجدت إسمك فى مكان أذهب اليه قبل كل شىْء لأخذ زادى من اللوحات التى تخطها
كأجمل مايكون الكلام...فما لهذا الصباح!!!؟؟؟
أخى... تتفلت منى الكلمات وتأبى وتمتنع أن تواجهك فى هكذا موقف لأنها عهدتك
جميلا دوما...أنت كريم...فكن مسامحا لنا...كن لنا كالقائل :ـ
إن الذى بينى وبين بنى عمى لمختلف جدا
فإن أكلوا لحمى وفرت لحومهم
وإن هدموا مجدى بنيت لهم مجدا
لهم جل مالى إن تتابع لى غنى
وإن قل مالى لاأكلفهم رفدا
ولا أحمل الحقد القديم عليهم
فليس رئيس القوم من يحمل الحقدا
أخى لك العتبى حتى ترضى فلن نكون بدون إبداعك ولن نسمح لكلمات صدرت عفو الخاطر
وضلت الطريق أن تحول بيننا وبينك أبدا.
سمية الحسن محمد طلحة
|
Post: #46
Title: Re: ود شيقوق وكرمة العنب
Author: عفاف أبو حريرة
Date: 01-11-2007, 07:56 PM
Parent: #40
ده ما بزعلو ده ما بزعلو الزول الحلو الزول الحلو ما شفت ود شيقوق بقول ود المحرب
الحلو اه انتا نور الهادي الحلو حقك علي ام احمد امسحه
لي في وشي وزينا من يقلط والزيكم من يسامح والفريق براك
ضلمه وانتا ما بترضا لينا الضلام
والزيك انتا مكانته كبيره مابتنسد
يا عز العرب كلهم لك العتبى حتي ترضى
اختك ام احمد0
|
Post: #45
Title: Re: ود شيقوق وكرمة العنب
Author: سمية الحسن طلحة
Date: 01-11-2007, 05:59 PM
Parent: #39
Quote: الله يانور الهدى انا بعد كلامك السمح داك اقول يا رب تكون
من العراريب |
قالت الكبرى :ـ أتعرفن الفتى؟
قالت الوسطى :ـ نعم.. هذا عمر
قالت الصغرى :ـ وهل يخفى القمر!؟
..............................................................................................
(عذرا..عمر بن ابى ربيعة للإختزال)
سمية الحسن طلحة
|
Post: #47
Title: Re: ود شيقوق وكرمة العنب
Author: nourelhadi awad
Date: 01-11-2007, 07:59 PM
Parent: #45
وأصوم تلاتة يوم
ماني قايل الحكاية كبيرة قدر كدي
ما لساني دا... أريتو بالقطعة
وعامل لقيمات بي شاي لبن في شانكم
وشان بت الحسن
ارضو عننا يااسيادنا
فهو الخروج عن النص أحيانا
.............................
ولست أذيع سرا
فأني غير ماهاهنا
لاأستريح
من لي غير هذي السواحل
وكيف لي من دونكم أسافر
وقد كنت قبل مأأعرف السفر
دائماأسفار... منكمو أليكم
ومقامكم ( أقف بنصف انحناءة تأدبا)
لا يطيب بغيره مقام
فلا تلومننى.. يا سلالة الكرام
فهي زلة اللسان
ألجمته
أخرسته
أمد يدي بضاء من غير سوء
ألتمس فيض عفوكم
يا سادتي ياكرام
والسلام
نورالهادي
عاق في حق البحر
خبأه الجن المارد في الجرة
|
Post: #42
Title: Re: ود شيقوق وكرمة العنب
Author: abubakr
Date: 01-11-2007, 10:59 AM
Parent: #1
| Quote: فليس رئيس القوم من يحمل الحقدا |
اها يا راييل (بلغة عراريب الخليج ) شفتو ليه الكنداكة هي الملكة ....؟
|
Post: #44
Title: Re: ود شيقوق وكرمة العنب
Author: رأفت ميلاد
Date: 01-11-2007, 11:27 AM
Parent: #42
Quote: إن الذى بينى وبين بنى عمى لمختلف جدا
فإن أكلوا لحمى وفرت لحومهم
وإن هدموا مجدى بنيت لهم مجدا
لهم جل مالى إن تتابع لى غنى
وإن قل مالى لاأكلفهم رفدا
ولا أحمل الحقد القديم عليهم
فليس رئيس القوم من يحمل الحقدا |
| Quote: اها يا راييل (بلغة عراريب الخليج ) شفتو ليه الكنداكة هي الملكة ....؟ |
ياخى أناالقريت العربى من من الإبتدائ الكلام ده ما وقع لى عرفتو إنت كيف . والله يا بت الحسن رصيتى لينا كلام عرب ساااااكت . لف ودور ونصب نسه زعيم القوم .
|
Post: #43
Title: Re: ود شيقوق وكرمة العنب
Author: abubakr
Date: 01-11-2007, 11:04 AM
Parent: #1
يام احمد
| Quote: لامن اجي خالد بديك خبر باقي لي نضم معاهو |
اها زولك ما رجع ؟ امس الصباح اتكلم مع ود شيقوق .. ودي فيها ان ..!! يكون سافر ليهو بشان حفلة الامهرية الليلة في الخرتوم ؟؟ يا مؤمن الرجال يا مؤمن المية في الغربال ....
|
Post: #48
Title: Re: ود شيقوق وكرمة العنب
Author: khalid almohrib
Date: 01-12-2007, 03:29 AM
Parent: #43
أمد يدي بضاء من غير سوء
ألتمس فيض عفوكم
البحر المارد من الذى عكر صفاك ارجع حتى ترى الزهور النور فهى على الشاطى تننظر الهواء الفيض منك والرجوع 00000000000 تحياتى خالد المحرب
|
Post: #49
Title: Re: ود شيقوق وكرمة العنب
Author: abubakr
Date: 01-12-2007, 06:10 AM
Parent: #1
Quote: أمد يدي بضاء من غير سوء
ألتمس فيض عفوكم
البحر المارد من الذى عكر صفاك ارجع حتى ترى الزهور النور فهى على الشاطى تننظر الهواء الفيض منك والرجوع 00000000000 تحياتى خالد المحرب |
خلينا من الكلام النحوي دة ؟ ات كت وين ؟؟؟ تزوغو وتجو ماديين ايادي بيضاء ؟ نحن دايرين ايادي فيها اشعار واقوال وحكم واخبار ودشيقوق ودة المهم وحكاية الامهريات في الخرتوم نايت كلوب ؟ ما عايزنك تشحد معانا عايزناك تدينا من المكنزو ؟؟؟
|
Post: #50
Title: Re: ود شيقوق وكرمة العنب
Author: khalid almohrib
Date: 01-12-2007, 09:06 AM
Parent: #49
خلينا من الكلام النحوي دة ؟ ات كت وين ؟؟؟ تزوغو وتجو ماديين ايادي بيضاء ؟ نحن دايرين ايادي فيها اشعار واقوال وحكم واخبار ودشيقوق ودة المهم وحكاية الامهريات في الخرتوم نايت كلوب ؟ ما عايزنك تشحد معانا عايزناك تدينا من المكنزو
ايويكر انت بتاع مشاكل 0 ودشيقوق الليله مع ام عبدالله ضيف عزيز ويبلغك السلام الشديد وانا قت ليه الرطانى عامل لينا مشاكل 0 تحياتى
|
Post: #52
Title: Re: ود شيقوق وكرمة العنب
Author: abubakr
Date: 01-12-2007, 11:21 AM
Parent: #50
يا خالد| Quote: ايويكر انت بتاع مشاكل 0 ودشيقوق الليله مع ام عبدالله ضيف عزيز ويبلغك السلام الشديد وانا قت ليه الرطانى عامل لينا مشاكل 0 تحياتى |
هسع منو بتاع المشاكل ؟؟ البيزوغ مع صاحبو ويحضر حفلة الامهريات في الخرتوم كلوب واللا البربري الكاشف دوركم ؟؟؟ والله المراة السودانية دي صبورة وحليمة ( مش الاسم بس الوصف) فاها صاحبنا ودشيقوق ضيف عزيز علي ام عبدالله وام احمد للحين ما سالتك كت وين ؟؟؟ عموما حقهن انا الرطاني بطلعو من جلدكم يا حتاتيين ماتشغلو شريط و تحتو جنب التلفزيون في البيت
|
Post: #51
Title: Re: ود شيقوق وكرمة العنب
Author: نصار
Date: 01-12-2007, 11:19 AM
Parent: #1
العزيزان ابوبكر و فاروق
من شكرو زاد فزادكما الله من الخير حتي تلتقي عندكما طرفاه
شي عظيم هذا الحب المعتق الذي تزيده الايام وهجاً و حلاوة و طلاوه
|
Post: #53
Title: Re: ود شيقوق وكرمة العنب
Author: نصار
Date: 01-12-2007, 11:30 AM
Parent: #1
العزيزة سمية
ربنا يديك بقدر نيتك الطيبة فليس من اعظم من ان نستحضر بعضنا في دعواتنا
و القبول من رب كريم
Quote: قالت الكبرى :ـ أتعرفن الفتى؟
قالت الوسطى :ـ نعم.. هذا عمر
قالت الصغرى :ـ وهل يخفى القمر!؟
|
ذكرتيني باقتطافك دا الناقد الكان شايلا حارة مع عمرو، و لقي ايدو فيهو الحته دي فقال ليه:
أنك لم تتغز فيهن بل تغزلت في نفس و كان الاجدر ان تقول، قالت و قلت لها فوضعت وجهي علي الارض فداست عليه
الكويس ان كلام الناقد ما بقي سنة متبعه فالاحذية النسائية امات كعب مسمار الفي الزمن العلينا دا كانت ما فضلت لينا شاعر
فيا موت عديل يا عاهات مستديمة.. .
|
Post: #54
Title: Re: ود شيقوق وكرمة العنب
Author: سمية الحسن طلحة
Date: 01-14-2007, 00:15 AM
Parent: #53
العزيز/ تصار
قرأت مداخلتك كثيرا وضحكت أكثر
الآن نحن فى الثلث الأخير من الليل
لك منى خالص الدعوات الصالحات كما أرجو منك كذلك
Quote: الكويس ان كلام الناقد ما بقي سنة متبعه فالاحذية النسائية امات كعب مسمار الفي الزمن العلينا دا كانت ما فضلت لينا شاعر
فيا موت عديل يا عاهات مستديمة |
لو عرفن أن أحد الفلاسفة قال أن عقل المراة ينقص كلما طال كعب حذائها لمشين حافيات.
لك مودتى
|
|