اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!!

بتاع حبشيات : تعني بموووت في الحبش وفي حسن ضيافتهم وخاصة النساء الجميلات

المضيافات وطريقة تقديمهم للاكل ( الزغني) الاسبايسي المفضل لدي هنا ..

قبل يومين كنت بتناول الغداء مع صديق في مطعم الصديقة الفاتنة ماساي والتي

اركض وراء اكلها ( اكل الطعام ما ماماساي) منذ ان كانت بمركز جوتة والآن بالديم..

اقول قبل يومين دخلت مطعم ماساي ولقيت كوز انتهازي واضح وكوزة عليها علامات الكوزات

الثانوية المعروفة قاعدين في قعدة شكلها رومانسي وحديثها انتهازي فكل الحديث كان

عن بنك ام درمان الوطني والمتعافي وشكر عبدالرحمن سرالختم !!

حانقل الحديث اللي دار بينهم في القعدة الرومانسية الانتهازية واللي سد نفسي من

الاكل ومن اشكالهم القبيحة !! لكن بعد الغداء ..


جااااي

عبد المنعم ..

هاك دي هدية لظبط القصة سرقتها من صحبي تمبس من بوست قريب من هنا

العلامات الثانوية للكوز :


غباء ظاهر في الوجة


لا يحسن الجلوس وطريقة الحديث ويتطاير البصاق من فمة عند الحديث


يتحدث بصوت عالي وبمعلومات مغلوطة


يحك اعضائة (الداخلية) بيدة امام الناس (مكرفسا) جلبابة الابيض


يكثر من النظر للاخرين ويبدو التطفل واضحا علية


ينظر للمراة التي امامة وكانها( زغني)



علامات الكوزة الثانوية:


ضخمة الجثة ومن ذوات الثدي جدا جدا غير الجاذب


مربعة

تاكل بنهم وتبدو عليها اثار الخيانة

حديثها فيه منفعة خاصة ويكثر فية الحديث عن الناس

عباطتها واضحة والوان ملابسها غير متسقة وغير انيقة

تلبس شرابات ( ما عارف لية)





ونجي للقصة

Quote: لا يحسن الجلوس وطريقة الحديث ويتطاير البصاق من فمة عند الحديث يتحدث بصوت عالي وبمعلومات مغلوطة يحك اعضائة (الداخلية) بيدة امام الناس (مكرفسا) جلبابة الابيض يكثر من النظر للاخرين ويبدو التطفل واضحا علية ينظر للمراة التي امامة وكانها( زغني)

دي مواصفات ناس كتار أنا بعرفهم...و بقابلهم كل يوم..
في البيت...
في الشارع...
في المسرح....!!
.

Quote: هاك دي هدية لظبط القصة سرقتها من صحبي تمبس من بوست قريب من هنا

شكرا يا ناذر شكرا ليك وشكرا لتمبس


بالله اسرق لي منه اغنية لاستير لمصلحة النص




جزاكم الله خيرا


منعم

يا منعم الله يجازي محنك ياخ...
انت عارف انا عندي صحبي اسمو بيكاسو زول لذيذ خلاص معانا في الدوحة هنا
حكي لي زمان انو مشي اديسس ابابا وكان نازل معاهم في الفندق واحد كده سماهو بيكاسو (ابودقن)...
ناس بيكاسو محترمين ابو دقن ده احترام شديد وكانوا بقولوا ليهو مولانا..
...اها يوم كده مشوا ديسكو مطرف كده في اطراف اديسس ابابا ولقوا ليك صحبك ابودقن ده
طابق ليهو زي كم واحدة كده وقداموا قزاز كثير خلاص..!!
المهم لبدوا ليهو مع باقي الليل داك في الفندق وكسروا كسر شديد..
قلت ليهو داقيين الزول ليه..؟؟
قالوا لي لانو بتلاعب بالدين..

Quote: قلت ليهو داقيين الزول ليه..؟؟ قالوا لي لانو بتلاعب بالدين..

كيكي والله مت من الضحك ولهسة الوشوش الضاحكة ما بستعمله



انا زولي فات ناس بيكاسو ذاتووووو


ده ماخد الحاجة كورنر في بيت ماساي وعامل ليبتون وبتحكك


لكن جاييك لحكايتة

حبيبنا عبد النعم قال :

Quote: اصلا انا بتاع حبشيات وبكره الانقاذ مووت .. لكن الانقاذي ده الجابه هنا شنو !!!!!!

انا عارفك بتاع حبشيات وعارفك بتحبهم موت وعارفك بتحب المضيفات يا حريص ،

Quote: بتاع حبشيات : تعني بموووت في الحبش وفي حسن ضيافتهم وخاصة النساء الجميلات المضيافات

لكن الوداك تأكل مع الكوز الديمقراطي ده شنو ؟!!

يا علي


كوز شنو الباكل معاه انا


انا الكوز شراب ما بشرب بيه خلي اكل معاه



وجايييك للقصة

الي الحبيب محمد اي سليمان الحبشي

خلي روحك رياضية وبتاع دي انا ما قاصد بيها حاجة ..


يعني بحبكم وبفتخر بكم وبهوي زغنيكم ذاتووو ..





كسرة : الحالة لهسة انا ما قلت حاجة !!

عاد بي دستوركم

يعفوا و يرضوا

الأخ منعم
سلام من هنا
حظك وجاك في محلك ؟ بس طيرت الفرصة الكوز وفردته جايين يتقاسما الغلة في مكان لا تحوم حوله الشبهات مش قلت بنوك وشيوخ كبار كبار ؟؟؟ اها كان تدخل وتطلب حقك الثلث كامل غير منقوص بعد سداد ثمن الوجبة - مش قالوا الحضر القسمة يقسم ؟؟ وبعدين ياخوي ديل بتاعين أي شئ هل بعد الكفر فسوق ؟؟ سرقة نهب مسلح ومصلح اغتصاب قتل تشريد قطع رقاب وأرزاق ألخ
الله يسلمك ويسلمنا منهم
الشفيع

Quote: بتاع حبشيات : تعني بموووت في الحبش وفي حسن ضيافتهم وخاصة النساء الجميلات المضيافات وطريقة تقديمهم للاكل ( الزغني) الاسبايسي المفضل لدي هنا ..

يعني حصل تطور من ستات الشاي ـ مبروك

ياهن شبهك .

Quote: حانقل الحديث اللي دار بينهم في القعدة الرومانسية الانتهازية واللي سد نفسي من الاكل ومن اشكالهم القبيحة !! لكن بعد الغداء ..

انت لسه ما خليت عادتك البايخة بتاعة التصنت دي

يا أخي البنات خلنها ....

Quote: وجايييك للقصة

عليك الخوة يا منعم ما تتم هذه القصة ... أشعر بعدم إرتياح ,

والسبب هو أنت والمجموعة التي توفرت لدعم مشروع الأمل العام أن

أهلتم علينا من المشاعر ما يحسن أمرنا ويفيض , أحدثتم داخلنا جيشانا

حميدا تجاه غادة والوطن والإنسانية ... كانت رسالتكم داوية عميقة ,

أقلها أن ما نزال بخير ... وأن باب الأمل ما يزال مفتوحا ... هذا الامل

الذي نريده متقدا لإنقاذة حياة غادة وكل شعب السودان ... بل للعبور المقتدر

نحو مستقبل أفضل .

لقد وصلنا بكم ومعنا إلى ربوة أحاسيس عليه وإلى عمق نافذ فى الوجدان

الإنساني وإلى تفاؤل خير بالوطن ... فنرجو أن نكون جميعا ها هنا ... إن

لم نتقدم خطوات إلى الأمام ... أصبحنا يا منعم كما الجسد الواحد الذي

يتداعى بالسهر والحمى عندما يصاب أحد أعضائه ... إذن فلدينا مسؤولية

أخلاقية وإخوانية مشتركة تجاه بعضنا البعض ... وإذن تهمنا وكثيرا صورتنا

وهيئتنا بين الناس ... فلنأتهم خيرا وجمالا وفكرا وزادا ... أو لنصمت .


معليش يا عزيزي ... لا أقصد هنا الذم والذي ليس من حقي موضوعيا ... لكنك

تعلم ما أرمي إليه ... فنحن الآن نحاول ان نقدم نموذجا أفضل مما هو كائن

فى مجال العمل العام ... ولما نعلم مقدار السوءآت التي حاقت به , نحاول

أن نحافظ على باب الأمل مفتوحا ... حتى تنفتح { نفس } الناس ويستمعوا إلينا

ونذهب جميعا خطوات على مشوار طويل ... طويل .


أما الاهم ... فإن من حقك أن تتناول الإنقاذ بالنقد وهي تستحقه ... فقط

{ أفضل } النقد المباشر الموجه للتنظيم وممارساته ومواقفه وما أكثرها

شططا وضررا ... أما { شخصنة } الخلاف ... أو قل جعله المستهل لنقد التنظيم

الذي وراءه ... فهذا ربما لا يكون الخيار الأفضل ... لتداعياته وتمحوراته

الشخصية ... وهذا فى حدود تقديري المتواضع .


منعم ... أنت من أجمل وأصفى أبناء السودان ... فإنتبه ... وكر النظر ...

ناقش محبيك ... أضبط إيقاع الصورة وتأمل مردوداتها ... ثم أكتب بسلام .


مع حبي ... وتقديري

أتفهم مقاصدك و..

أتفق تماما مع حيدر قاسم يا منعم !

و عليه

خلينا نضع الsign دي كبديل للخور:

الأخوان حيدر قاسم و المعز
أستأذنكم و منعم التعليق على هذا الموضوع
لا حظوا معي تاريخ آخر مداخلة لمنعم 5 يناير
يعني أكتر من شهر ناسي الموضوع
و أعتقد أنه عمليا قد صرف النظر عنه
صاح منعم عندو شتارة بيعرفها براهو و حساسية مفرطة من الإنقاذ و سيرتها
لكنه خير من يدرك أن لكل مقام مقال .



معذرة منعم أن تحدثت بلسانك

و لكم الود جميعا

Quote: لا حظوا معي تاريخ آخر مداخلة لمنعم 5 يناير يعني أكتر من شهر ناسي الموضوع و أعتقد أنه عمليا قد صرف النظر عنه

الأخ محمد البشرى

تحياتي ... ومودتي


ملاحظتك أعلاه صحيحة مائة المائة , ولو كنت إنتبهت إليها لتغير

تفاعلي كما وكيفا ... ووحياتكم أعزائي لم أر هذا البوست إلا اليوم

وظننته { طازجا } ... كما أن وجوده فى الصفحة الأولى زاد من إستخداعي

, فمعذر أخ منعم ... كل دافعي كان الحرص الذي تعلم ... وعش هنيئا .

شكرا محمد البشرى

أنا أيضا خشيت أن يأتي هذا البوست بعد التجارب المقدرة لي منعم هنا و آخرها الجهود القيمة بخصوص الأخت غادة نوري..

إذن لماذا تم رفع البوست و من الذي قام بذلك !..

دعونا نراجع التواريخ كما فعل محمد البشرى!

حرام عليكم
الجدية الكتيرة دى لزوما شنو, جنكم مسك العصاية من النص وممارسة دور الواعظ
دى برضهاواحدة من مصايب الشخصية السودانية يمكن تكون قصة من وحى الخيال, خلونا نضحك شوية.
عليك الله يا منعم لو ما واصلت?
دى فلم عديل كدة

الاخوات والاخوة الاعزاء


كتبت هذا البوست قبل فترة ولكنني لم استطع مواصلتة لانشغالي

بقضايا كثيرة منها العام ومنها ما هو خاص ومنها ما يخص هذا

المنبر ( الموقع) وكيفية تطويرة ولم استطع مواصلة القصة

التي ارتبطت بظرف وبزمن معين اعتبرتة قد قات وبالتالي فقدت القصة رونقها عندي ثم لم اواصل ..


_____



أنا تكفيري وجاهل كمان...



اخونا معتز قريش ومن لف لفة بعد ان ملا المنبر تكفيرا وقد تصدينا له

فظن وهو مسكين انه سيحرجنا بهذا البوست فرفعة الي اعلي !!

يا معتز والله بحب الحبشيات والسودانيات كل البنات مووووت

وما عندي تمييز للناس ع اساس ديني او عرقي او جهوي ..

فعلا طلعت مسكين


وهل اتاك حديث الماسنجرات يا معتز ؟

الله يكون في العون .

الاخوة والاخوات ساغيب عن المنبر لفترة قد تطول لموضوع

فيه ما خاص وماهو عام

محبتي

منعم

اخى الحبيب
منعم
لك التحية

عرفتك رجلا صادقا دوما

وعرفتك اخو اخوان

وعرفتك رجلا لا يعرف للخوف مكان فى قلبه

دعك من الذين لا يعرفون غير التكفير وغيره ولنتجه الى ماهو اسمى واجمل
ودعنا نتجه الى الامل الذى حلمنا به دوما

ودعنا نتجه الى حلمنا وان تصل غادة وتعود لنا بالسلامة ....

واتمنى الا تدخل هذا البوست ...

واذا حاول البعض اللعب

سوف نريهم معنى اللعب بالاحرف حتى نجعلهم يدمنون شراب السمكة ...


تسلم