Post: #5 Title: Re: صوت جميل ... Author: محمد الامين احمد Date: 01-02-2007, 10:19 PM Parent: #1
صديق الموج (برضو مسجل غياب) ، كتب الكلمات بصورة كاملة و جميلة
مما يعد توثيق لهذة الأغنية الرائعة، و يا ريت لو نعرف شاعر الكلمات و الملحن برضو
و من موقع youtube كتب احدهم باسم (alteaba) التعليق التالي:
Quote: I like her performance too. She is Ibrahim Khagali (A famous singer from Tooti)daughter, and that's Idres School and Idres him self appear in this video a successful blind man, he got two degrees and he own this School one of the best in Wadnoobawe Omdurman.
الترجمة:
اعجبنى صوتها جدا، و هى ابنه ابراهيم خوجلى (الفنان المشهور من توتى)، و المدرسة هى مدرسة ادريس، و ادريس نفسه يظهر فى الفيديو، رجل اعمى البصر منير البصيرة، تحصل على شهادتين و هو مالك مدرسة تعد واحدة من افضل المدارس بمنطقة ود نوباى بـ ام درمان.
انا عنى نفسى لم اسأم سماع هذة الأغنية مرار و تكرارا.
و التحية للفنان ابراهيم خوجلى،
و يا ريت لو زولـ/ـه عندو/ها الاغنية بصوت ابراهيم خوجلى
Post: #6 Title: Re: صوت جميل ... Author: Soumeta Date: 01-03-2007, 04:05 AM Parent: #1
فعلاً صوت جميل!
بعدين البت روحها حلوة و هي بتغني،، عجبني شدييييييييييييد توضيحها لمخارج الحروف بي الحرف،،
إيييييييييييه،، ذكرتنا ايام الشباب،،
شكراً محمد الامين،،
Post: #7 Title: Re: صوت جميل ... Author: Mohamed Doudi Date: 01-03-2007, 04:30 AM Parent: #6
زوقك رفيع يامحمد
دودى
Post: #8 Title: Re: صوت جميل ... Author: حيدر حسن ميرغني Date: 01-03-2007, 07:10 AM Parent: #7
محمد الامين
يا سلام عليك وعلى حسَك الجميل
والله العظيم انا مبسوط شديد
الزولة دي الله يسلَمها ويحفظها أدهشتني جداً
يا لجمالها وجمال غناها ووقارها
نتمنى أن يكون هذا الاكتشاف بداية إنطلاقة لها في عالم الفن الراقي الذي نفتقده
Beautiful song, beautiful voice, and beautiful young faces as well thanks for the post
Post: #13 Title: Re: صوت جميل ... Author: ناذر محمد الخليفة Date: 01-03-2007, 11:12 PM Parent: #1
محمد الامين أحمد ..
أهنيك على زوقك الرائع في الاوال ..
هذه البنت تمتاز بصوت جميل جدا ونبرات مريحة في الاداء بالإضافة لثقة في النفس أراحتني جداً مقارنة بالكثير من الفنانات السودانيات والمغنيات فاقدات تلك الثقة ..
ولم اتعجب حينما اتتني معلومة أنها :
Quote: و هى ابنه ابراهيم خوجلى (الفنان المشهور من توتى)،
نتمنى ان نستمع للمزيد من الاغنيات باصواتها ..
تسلم كتير محمد الأمين ..
Post: #14 Title: Re: صوت جميل ... Author: محمد الامين احمد Date: 01-04-2007, 11:16 PM Parent: #1
تحية طيبة للجميع،
و هى كما ذكرتم ذات حضور طاغى، اجمل حاجة فيها انها ما بتخاف من
المايك، و بتتواصل مع الجمهور من غير اسراف،
و نواصل...
Post: #15 Title: Re: صوت جميل ... Author: محمد الامين احمد Date: 03-11-2007, 06:14 AM Parent: #1
تحية طيبة للجميع
و الاغنية الاصلية بصوت الفنان ابراهيم خوجلى نقلا عن موقع الراكوبة
Post: #16 Title: Re: صوت جميل ... Author: محمد الامين احمد Date: 03-11-2007, 06:29 AM Parent: #1
كلمة شكر و تقدير يجب ان توجه الى صديق الموج هذا الرجل الموسوعة بحق
طبعا الكلمات الفوق دى هو الكتبها لينا هنا ، و لاحظت تعارض بين ما كتبه
و بين أغنية ذات الصوت الشجى فى مقطع
Quote: بشكى ليك حظوظى وظروفى العنيدة
فهى تغنيها
Quote: بشكى ليك ظروفى وحظوظى العنيدة
و لكن فى الاغنية الاصلية، يغنيها الراحل ابراهيم خوجلى كما كتبها صديق الموج
الجميل فى الامر ان المعنى يتسق مع الحالتين !
Post: #17 Title: Re: صوت جميل ... Author: خالد الطيب Date: 03-11-2007, 06:40 AM Parent: #16
محمد الأمين ..شكرا جزيلا علي العمل والصوت الدافيء.
سمعتها قبل فترة في youtube وفعلا أدهشني الصوت
والكلمات واللحن الجميل..
ومن بوستك هنا عرفت هذه المعلومات و ابن الوز عوام..
وياريت نسمع ليها كمان أعمال تانية.
شكرا محمد الأمين
Post: #18 Title: Re: صوت جميل ... Author: صديق الموج Date: 03-11-2007, 07:11 AM Parent: #1
محمد الامين الاغنية من كلمات والحان شاعر توتى ..بر محمد نور وعلى فكرة من كلمات الشاعر بر ايضا اغنية انت كلك زينة ولها لحن حقيبة جميل ومن كلماته ايضا اغنية مهجة مغرم بقول فى اولها:
مهجة مغرم ذو صبابة ضاعت بى اهمال طبيبة زينة زكية وفى شبابه جاهلة وتجهل لى حبيبة هى مناى العقلى استطابه هى الجارحانى وهى الطبيبة وزى ما تفعل مرحبابا
بس مشكلة اخوك امى كمبيوتر ما بعرف الا اكتب واقرأ لكن بحاول اديها الاخ معتصم او تمبس ينزلوها ليك،،،
Post: #19 Title: Re: صوت جميل ... Author: النصرى أمين Date: 03-11-2007, 07:23 AM Parent: #1
ياسلام ياسلام
شكرا اخ محمد ....
تعرف قبل يومين كنت بتناقر مع اخونا دكتور شهاب طه ... قمت رميت ليهو "كعادتى" طوبه من طوبى الاشتر .. قلت ليهو كل المغنيات السودانيه(لاحظ كلمة "كل" دى) في صوتهم نبره طفوليه مذعجه وبزكرونى برنامج مسابقات المدارس ...القائمه دى تشمل البلابل وكل الحنانات وكل البرنسات "الحاليات"
البنت دى فى صوتها بحه "رجوليه" تجعل من صوتها قمة الابداع ...
والغنيه "طبعا" اجمل اغنيه سودانيه على الاطلاق
Post: #20 Title: Re: صوت جميل ... Author: محمد الامين احمد Date: 03-11-2007, 08:15 AM Parent: #1
والله يا ريت يا خالد نسمع ليها اعمال تانية ،
اهه دى الا نخليها لناس ناذر و تمبس غايتو، لك التحية
Post: #21 Title: Re: صوت جميل ... Author: محمد الامين احمد Date: 03-11-2007, 08:21 AM Parent: #1
العزيز صديق الموج
مرحب بمرورك الباهى اولا ، و شكرا على التعريف بشاعر الأغنية و ملحنها
بر محمد نور
و فى انتظار ان يأتنا احدالجميلين معتصم او تمبس بالخبر اليقين
نطلب منك تكتب لينا الكلمات على الاقل نتصبر بيها. بالمناسبة نصيحة جادة
والله ، مفروض تفكر تعمل ليك كتاب عن اغانى الحقيبة، و مؤكد انو حيكون زينة
فى جميع ارفف المكتبات السودانية.
Post: #22 Title: Re: صوت جميل ... Author: محمد الامين احمد Date: 03-11-2007, 08:26 AM Parent: #1
النصرى أمين كونك جيت يبقى البوست ده حقق غاية مفيدة
و اتمنى تكون استمعت للاغنية بصوت الفنان ابراهيم خوجلى
و بمناسبة الصوت ذو البحة حارفع ليك بوست اسه منزلو Tmbis
اسمعهن و ادينا رآيك برضو.
Post: #23 Title: Re: صوت جميل ... Author: صديق الموج Date: 03-11-2007, 09:06 AM Parent: #1
Quote: إيييييييييييه،، ذكرتنا ايام الشباب،،
شكراً محمد الامين،،
سوميتا بطلى تواضع يا ثقيلة...شوق مطره محمد الامين يا اخوى الاغنية مكتوبة..العتب على النظر والا قصدك اغنيتن اخرا ...سلمتم،،،،