Post: #1
Title: فى برامج التلفزيون فى العيد داير تشوف منو وما داير تشوف منو
Author: mohmmed said ahmed
Date: 12-29-2006, 07:12 PM
Parent: #0
بوست كدا مبذول للغادى والرايح
فى برامج العيد مفتوح كل واحد يكتب يتمنى يشوف منو
وزيادة فى الديمقراطية ماداير يشوف منو
الفرصة لاتنين بالسلب واتنين بالايجاب
انا غايتو
داير اشوف
الهادى الجبل
ومحمد طه القدال
وما داير اشوف
التجانى حاج موسى
والامين عبد الغفار
كدى انتو ورونا
|
Post: #2
Title: Re: فى برامج التلفزيون فى العيد داير تشوف منو وما داير تشوف منو
Author: Abd-Elrhman sorkati
Date: 12-29-2006, 09:59 PM
Parent: #1
انا غايتو يامحمد ماعاوز أقول ليك عاوز أشِوف منو لكن الاهم أني أقول ليك ما عاوز أشوف منو .
انا ما عاوز أشوف ... عمرالجزلي بيعمل لقاء مع الكابلي ..
وثانيا ما عوز أشوف أحمد البلال الطيب بالمرة في أي شيء.....
تتخيل يا محمد في أي عيد من ربنا خلقنا الجزلي بيعمل لقاء مع الكابلي لمن كرهونا ...
مودتي
|
Post: #3
Title: Re: فى برامج التلفزيون فى العيد داير تشوف منو وما داير تشوف منو
Author: abubakr
Date: 12-29-2006, 10:17 PM
Parent: #1
الدنيا عيد وانا عايز اسمع غني سمح بس .. وما عايز اشوف عمر الجزلي خالس خالس ولا ايتو مذيع او مذيعة ولا فواصل دعايات وبالذات "ياستار سوبر ستار"
|
Post: #4
Title: Re: فى برامج التلفزيون فى العيد داير تشوف منو وما داير تشوف منو
Author: ماجدة عوض خوجلى
Date: 12-30-2006, 00:11 AM
Parent: #1
انا عايزة اشوف عمر الجزلى وهوعامل لقاء مع البشير وعايزة كمان اشوف احمد البلال الطيب وذيادة كده فى الخير عمر دفع الله وياريت لو تتم فرحتنا بشنان وكده ويكون فى لقاء طويل مع محمد عبدالحليم ويقول قصييدة ناكل مما نزرع وبعد الهنا ده كله نختم بحلقه من حلقات ساحات الفداء عيبو لى الكلام ده غايتو دى امنيتى فى العيد
|
Post: #5
Title: Re: فى برامج التلفزيون فى العيد داير تشوف منو وما داير تشوف منو
Author: abubakr
Date: 12-30-2006, 06:32 AM
Parent: #1
| Quote: انا عايزة اشوف عمر الجزلى وهوعامل لقاء مع البشير وعايزة كمان اشوف احمد البلال الطيب وذيادة كده فى الخير عمر دفع الله وياريت لو تتم فرحتنا بشنان وكده ويكون فى لقاء طويل مع محمد عبدالحليم ويقول قصييدة ناكل مما نزرع وبعد الهنا ده كله نختم بحلقه من حلقات ساحات الفداء عيبو لى الكلام ده غايتو دى امنيتى فى العيد |
عيد مبارك
Period
انا مع اختك ضدك ؟؟ هي بتجيب لينا حاجات حلوة وانتي من اول طلة جيبتي لينا الشينيين وفي العيد كمان ؟؟؟ انا حاشتكيك لماما جارة ؟؟ انتي اتعودتي تشوفي افلام الرعب اما نحن فغلابة وفيلم الرعب الوحيد الشفناه كان بطولة " ديانقو واميقو " ....واوع تجيبي اختك المحامية تدافع عنك (she shall be biased)...يعني ما حبكت معاكي الا تتمني تورينا البعاعيت في العيد ...
|
Post: #6
Title: Re: فى برامج التلفزيون فى العيد داير تشوف منو وما داير تشوف منو
Author: حيدر حسن ميرغني
Date: 12-30-2006, 06:45 AM
Parent: #5
محمد يسد احمد
عيدية مباركة عليك
وان شاء الله ما تشوف الوهم اللي اشرت ليهم
ابوبكر
التلفزيون بجلالة قدره بقى صندوق للبعاعيت والديناصورات
|
Post: #7
Title: Re: فى برامج التلفزيون فى العيد داير تشوف منو وما داير تشوف منو
Author: نصار
Date: 12-30-2006, 06:57 AM
Parent: #1
محمد سيد احمد
انا ما عاوز اشوف التلفزيون السوداني كله
و اصلاً ما عندي القناة المختطفة دي
لكن تضامناً معكم انده ربي انه طارق الجويلي
بسفرته مع عقد الجلاد للقاهرة يكون طلع من
البرمجة
احسن حاجة شايف انور طالب عضوية المنبر لافراد
الفرقة بمن فيهم جويلي ان شاء الله نبذل معاه
جهد خارق علشان ينسي حكاية التلفزيون دي ويركز
علي الموسيقي.. و ربنا ينجيكم من كمال حامد
كمان
من العايدن
|
Post: #8
Title: Re: فى برامج التلفزيون فى العيد داير تشوف منو وما داير تشوف منو
Author: mohmmed said ahmed
Date: 12-30-2006, 08:28 AM
Parent: #7
الصديق سوركتى
عمر الجزلى دا مفترض يعملو ليهو الجزاء من جنس العمل
يقعدو اربعة وعشرين ساعة يشاهد فى برامجو ثقيلة الظل
قريبى ابوبكر
ياريت نشوف حلجات سمحة خالية من الجزلى والبلال واشباهم
ماجدة خوجلى انت بس انتظرى لى
|
Post: #9
Title: Re: فى برامج التلفزيون فى العيد داير تشوف منو وما داير تشوف منو
Author: فاروق حامد محمد
Date: 12-30-2006, 09:33 AM
Parent: #8
كل سنة وانت طيب يا محمد
أتمني أن أرى صديقي الأستاذالتشكيلي البالغ الروعة
البروفيسور أحمد محمد شبرين وتلميذه الصديق الحبيب
الفنان الجميل البالغ النبل ابراهيم العوام نمر وهما
في أتم صحة وعافية ..... ولو سمحت لي أزيد واحدة بس
وهي الفنانة المسرحية البالغة الالتزام الأستاذة تماضر
في قناة النيل الأزرق وهي تكشكش في دهبها بشرط ألا تكون
أم العيال معي عشان ماتشوف الدهب !!!!!!!!!!!!!
ولا أريد أن أرى لا السماني الوسيلة ولا سبدرات ولا أمين
حسن عمر والجزلي الى يوم الدين!!!!
|
Post: #10
Title: Re: فى برامج التلفزيون فى العيد داير تشوف منو وما داير تشوف منو
Author: عاطف عمر
Date: 12-30-2006, 11:21 AM
Parent: #1
العزيز أبو مصطفى
كل سنة وأنت وأسرتك الكريمة بألف خير وصحة وعافية
ليتني أرى حلقة من المدائح النبوية ( حية أو من الإرشيف ) بأداء المشايخ الأمين القرشي ، علي الشاعر ، الحبر ، محمد الطيب هاشم .
وليتني أسمع/أشاهد أغاني للأستاذ عثمان حسين .
| Quote: انا عايزة اشوف عمر الجزلى وهوعامل لقاء مع البشير |
مرحباً بك الأخت العزيزة ماجدة
وكل سنة وأنت بألف خير
شكلك نويتي تلحقي الرجل أمات طه .
تحضرني هنا طرفة للشاعر الفذ المرحوم ابراهيم العبادي . حيث قيل أن عمر الجزلي قد التقاه في مناسبة اجتماعية في أمدرمان وبادره ( والله يا عم ابراهيم لي زمن بدور عليك عشان أعمل معاك حلقات توثيقية لبرنامج أسماء في حياتنا ) فقاطعه المرحوم العبادي ( أنا زاتي يا ولدي والله كتا بدور عليك عشان أسألك إنت الناس البموتو ديل بتعرفهم كيف وتجيبهم في برنامجك دا ؟؟ )
| Quote: واوع تجيبي اختك المحامية تدافع عنك |
الباشمهندس أبو بكر
كل سنة وأنت بألف خير
أكان ما أخاف الكضب ، ماجدة دي ياهل زاتا المحامية
أها شوف التخارجك ؟؟
|
Post: #11
Title: Re: فى برامج التلفزيون فى العيد داير تشوف منو وما داير تشوف منو
Author: abubakr
Date: 12-30-2006, 11:35 AM
Parent: #1
Quote: أكان ما أخاف الكضب ، ماجدة دي ياهل زاتا المحامية
أها شوف التخارجك ؟؟ |
بالله ... يا عاطف هي عندها اسميين واختها ما خبرتني ؟؟ وبعديين انا ناس الكانون والمحاكم دييل بخاف منهم ..هي هسع محامية وكمان دايرة عمر الجزلي في التلفزيون .. نتخارج من المحاكم واللا البعاتي ؟؟
يمكن العيد يشفع لينا اها كل سنة واي واحدة وواحد بنتهي اسمو بخوجلي يكون تمام التمام
شنو الزنقة دي يا ناس ..كلو حاجه ولا "زنقة الستات" و"النوه" ( دي ما بتعرفوها ياناس النم ) .
|
Post: #12
Title: قول واحد
Author: mohmmed said ahmed
Date: 12-30-2006, 12:13 PM
Parent: #1
اها قولو واحد
شاهدت المذيع المسطح ناجى
والخوف من طلة الثقيل حمزة عوض الله
|
Post: #13
Title: Re: فى برامج التلفزيون فى العيد داير تشوف منو وما داير تشوف منو
Author: abubakr
Date: 12-30-2006, 12:38 PM
Parent: #1
| Quote: شاهدت المذيع المسطح ناجى |
ولذا سطحنا قناة اس دي تي في والذي هي تبث فقط في التلفزيون الخاص بي اما بقية الاسرة ففي عوالمهم ما بعرفو البعاعييت
|
Post: #14
Title: Re: فى برامج التلفزيون فى العيد داير تشوف منو وما داير تشوف منو
Author: ماجدة عوض خوجلى
Date: 12-30-2006, 12:40 PM
Parent: #1
دى غيرة ساكت الاتنين عيبم لى سالت رب العالمين يتم ليك فرحتك ويجيب ليك كل الذكرتهم
واشالله اى زول وقف ضدى مع ام ريشريش رب العالمين مابسهل ليه الايشوف الناس الشينيين وكمان شناتم عينه والناس الماعزيين منو كده مايكونو قربيين ليهم وهم بيشوفو منو كده رب العالمين بس تكون طليه الايام الجايه بس (سولمبوس ) لكين اخونا عاطف انا اتمنى ليك عيد سعيد تنعم فيه براحة البال وربنا يخلى ليك اولادك وانشالله ماتشوف شر
|
Post: #15
Title: Re: فى برامج التلفزيون فى العيد داير تشوف منو وما داير تشوف منو
Author: abubakr
Date: 12-30-2006, 02:38 PM
Parent: #1
دة عربي يا مرسي .. دة شنو ؟؟ لو الواحد فينا غلت في الاعراب تقولو بربري؟
اها شينين تشوفيهم انتي براكي ؟؟ انا كسرت التلفزيون زي ماواحد اذاعي مشهور-الله يرحمو- كسر الراديو بتاعو بعدما كبير الشينيين غلت في اسمو ؟ في واحد بيغلت في اسمو غير الشينيين اصحابك ؟ انشاء الله العايز الشينيين يكون "هوم الون" وكل البيت شاشات تلفزيون فيها الشينيين والبعاعيت ؟
|
Post: #16
Title: Re: فى برامج التلفزيون فى العيد داير تشوف منو وما داير تشوف منو
Author: mohmmed said ahmed
Date: 12-30-2006, 03:57 PM
Parent: #15
عيد مبارك اخى حيدر
ما هم عشان وهم بيظهرو كتير
اخى نصار
جويلى دخل التلفزيون على بساط الميول الكيزانية
|
Post: #19
Title: Re: فى برامج التلفزيون فى العيد داير تشوف منو وما داير تشوف منو
Author: عاطف عمر
Date: 12-30-2006, 07:13 PM
Parent: #17
العزيز عادل عثمان
كل سنة وأنت بألف خير وصحة وسعادة
لا أدري كيف أشكرك على هذه العيدية الجميلة
لكن يا عادل ماشاء الله
عزال بشكل ؟؟؟
|
Post: #18
Title: اها
Author: mohmmed said ahmed
Date: 12-30-2006, 04:05 PM
Parent: #1
اها الان وفى اول ايام العيد
التجانى حاج موسى هسا على شاشة السودانية
وياماجدة ان شاء الله بطنك تكون بردت
|
Post: #20
Title: Re: فى برامج التلفزيون فى العيد داير تشوف منو وما داير تشوف منو
Author: abubakr
Date: 12-30-2006, 09:24 PM
Parent: #1
| Quote: وياماجدة ان شاء الله بطنك تكون بردت |
ياقريبي .. برد زيادة مع سقط لندن الايام دي ؟؟؟
|
Post: #21
Title: Re: فى برامج التلفزيون فى العيد داير تشوف منو وما داير تشوف منو
Author: Adil Osman
Date: 12-30-2006, 09:33 PM
Parent: #1
شوف التلفزيون زمان. والسودان. ملامح من الزمن الجميل. ما هو عارف قدمو المفارق:
http://www.youtube.com/watch?v=bvZ6HDA6xtE
|
Post: #22
Title: Re: فى برامج التلفزيون فى العيد داير تشوف منو وما داير تشوف منو
Author: mohmmed said ahmed
Date: 01-01-2007, 07:01 AM
Parent: #21
ظهر الهادى ودالجبل
باغنية واحدة لكن برضو القحة ولا صمة الخشم
لقاء جميل مع الفنانة نانسى عجاج فى النيل الازرق صوت جميل واداء راقى الاحساس
حوار فى السودانية تحدث فيهو عبد السلام جلود اولا جلود دا طلتو كترت
هو زول بيقول نكت مرات بتضحك لكن نصب كمتحدث فى موضوعات مختلفة حظه فيها قليل
طبعا فى السودان الفنان لازم يتكلم والممثل يتكلم ما يمثل والملحن يتكلم ولاعب الكورة يتكلم
منتظرين لقاء وردى اليوم فى النيل الازرق الساعة 11ونصف بتوقيت الامارات
|
Post: #24
Title: Re: فى برامج التلفزيون فى العيد داير تشوف منو وما داير تشوف منو
Author: Abd-Elrhman sorkati
Date: 01-01-2007, 06:02 PM
Parent: #1
محمدسيد أحمد لك الود
تخيل حظي العاثر الليلة وقعني في التلفزيون كنت مع جماعة ....
تخيل البرنامج الكان شغال أسماء في حياتنا والضيف هو المذيع عمر الجزلي ذات نفسه
وقع ليك... والله هذا ما حدث هو نفسه الضيف يعني عمر الجزلي الان أسم في حياتنا
نحن البائسين ... ووحاتك قرأ شعر ( خاص بيهو ) وغني عديل غنوة لي أحمد المصطفي
طبعا فجيخ ضبان ساكت .... وطلب أغنية للكابلي .... دة عيدنا مع المسلمين يا محمد
|
Post: #25
Title: Re: فى برامج التلفزيون فى العيد داير تشوف منو وما داير تشوف منو
Author: mohmmed said ahmed
Date: 01-01-2007, 08:03 PM
Parent: #24
سوركتى صاحبى
شفتو وطمم بطنى الله يطمم بطنو
قفلت التلفزيزن ومشينا مهرجان دبى
استمتعنا بالقرية التنزانية والكينية والجنوب افريقية
واشتريت قميص من القرية اليابانية
ورجعنا منتظرين سهرة وردى العظيم
|
Post: #26
Title: امس
Author: mohmmed said ahmed
Date: 01-02-2007, 11:57 AM
Parent: #1
استمتعنا مساء الامس بسهرة وردى
الغريبة فى نفس الوقت بثت السودانية لقاء مع وردى
لماذا لا يتم التنسيق بين النيل الازرق والفضائية السودانية
الطريف اغنية عصفورة الجديدة كلمات هاشم صديق بثت فى نفس الوقت فى القاناتين
كان فى فرصة للمقارنة
من ناحبة الاخراج كان افضل فى النيل الازرق
المخرج نجح فى بث حيوية للقطات بالطواف على الحاضرين وتصوير انفعالاتهم ومشاركاتهم
فى السودانية
المخرج كان بيكرر بشكل ممل ثلات لقطات
كلوز اب على وجه وردى
ثم لقطة للاوركسترا
ثم لقطة للنافورة
لقطة الكلوز كانت قبيحة وهى تظهر فم الاستاذ وردى من الداخل شفنا كل شى اللسان ةالبلعوم والمرى يعنى مافى اى جمال فى اختيار اللقطة
اللقطات كانت تكرر برتابة مزعجة وكان هناك الة مبرمجة
|
Post: #27
Title: Re: امس
Author: مصدق مصطفى حسين
Date: 01-02-2007, 12:36 PM
Parent: #26
أخى محمد سعيد أحمد
و
الجميع
كل عام و أنتم بخير .. و حقق الله تعالى جميع الأمنيات ،
Quote: لقطة الكلوز كانت قبيحة وهى تظهر فم الاستاذ وردى من
الداخل شفنا كل شى اللسان والبلعوم والمرى يعنى مافى اى جمال فى اختيار اللقطة |
دى فعلا مبالغه !!
و من رأيى المتواضع أنو المخرج و من يقف خلف الكاميرا هذا
ليس مكانهم .
|
Post: #28
Title: Re: امس
Author: الشيخ إبراهيم الشيخ
Date: 01-02-2007, 01:06 PM
Parent: #26
محمد سيد أحمد وعبد الرحمن سوركتي
في الأول كل سنة وانتم طيبيب وربنا يمتعكم
بالصحة والعافية وأسركم الكريمة
وإنشاء الله تكونو إتفشيتو جابو ليكم ود الجبل
ياعنصريين لكن عجبني ليكم جابو ليكم كل المادايرنو
فضل ليكم في الحساب أحمد البلال بس
بعدين حلمكم ده مفروض ما يكون لتلفزيون السودان
لانو لو اتحقق حيكون تلفزيون حتة تانية ما حق
السودان عشان كده خليكم منطقيين في احلامكم ولا أقول
ليكم لاتحلموا بعالم سعيدفخلف الجزلي في التجاني ووراهم
البلال وععععععععععععععععععععععععععععععععيك لحدي حماميزو
تحياتي ومودتي
|
Post: #29
Title: Re: فى برامج التلفزيون فى العيد داير تشوف منو وما داير تشوف منو
Author: Abd-Elrhman sorkati
Date: 01-02-2007, 01:23 PM
Parent: #1
الشيخ الحبيب
كل سنة وانت طيب وربنا يحقق الاماني
Quote: وإنشاء الله تكونو إتفشيتو جابو ليكم ود الجبل
ياعنصريين لكن عجبني ليكم جابو ليكم كل المادايرنو |
لكن انت رايك شنو؟
|
Post: #30
Title: Re: فى برامج التلفزيون فى العيد داير تشوف منو وما داير تشوف منو
Author: الشيخ إبراهيم الشيخ
Date: 01-02-2007, 01:36 PM
Parent: #29
ده سؤال ياسوركتي أنا ماعنصري زيكم بس
الفرح كان شويةبالرغم من إنه في كل الجمال
وتحياتي لكل ناس الجبل والهادي حامد
|
Post: #31
Title: Re: فى برامج التلفزيون فى العيد داير تشوف منو وما داير تشوف منو
Author: mohmmed said ahmed
Date: 01-03-2007, 06:43 AM
Parent: #30
اخونا الشيخ
سلام
الشيخ ابراهيم الشيخ
نقول
قوز الشيخ حامد
|
|