Post: #1
Title: صور أعضاء المنبر
Author: محمد أبوالعزائم أبوالريش
Date: 12-25-2006, 12:08 PM
كلنا يلاحظ أن معظم الأعضاء، والذين يضعون صور (تمثلهم) على يمين الشاشة، يضعون صوراً رمزاً، بينما يضع البعض الآخر صورهم الحقيقية.
عندي مشكلة قد تكون شخصية، وقد يكون البعض خبرها، وهي عندما أقرأ مداخلة أو بوست لعضو، فإني أتخيله حسب الصورة الموضوعة، خاصةً إذا كان العضو غير معروف لي بصفة شخصية. فمثلاً كل كتابات هشام هباني أتصورها نابعة من شخص يشبه آرتشي جيفارا ببرنيطته المعروفة، بس جيفارا بتاعنا ده سايق تاكسي.
دكين شخصية كرتونية (Pink Panther) تتوقع منها كل شئ غير معقول.
ناذر محمد الخليفة، ورغم أنه في ظني أنها صورته الحقيقية، فهو يضحك في كل الأحوال، ومهما كان ما يقول، حتى لو كان يعزي أحد الأعضاء، أو يتحدث في موضوع جاد.
القلب النابض يخفي، أو تخفي معالمها باللوحة التي تحملها حتى لا نتعرف عليها.
almulaomar يحاول أن يغيير صورة طالبان في مخيلتنا .. كلنا يعرف الملا عُمر بلحيته الطالبانية الكثة، ولكن الملا بتاعنا ده "حاجة رقيقة كدة" وأظنها بت أثيوبية ... وسواء كان الملا عمر أو "الحاجة الرقيقة" الظاهرة في الصورة ... ما بتشبه الكتابة البتصدر عنه/ عنهم.
منى خوجلي: ما عارف صورتها فعلاً والا مستعارة ... لكنها – رغم جمالها – توحي بالغموض.
طبعاً هناك أعضاء صورهم واضحة وتحدث عنهم، مثل الموصلي، تماضر شيخ الدين، وغيرهم.
يا جماعة المسألة دي طبيعية؟ واللا أنا خيالي بيجنح زيادة عن اللزوم؟
|
Post: #2
Title: Re: صور أعضاء المنبر
Author: ود الباوقة
Date: 12-25-2006, 12:24 PM
Parent: #1
| Quote: واللا أنا خيالي بيجنح زيادة عن اللزوم؟ |
واصل يا ابو الريش التغطية الصورية ولا حد هس ماشي كويس ..
ود الباوقة
|
Post: #3
Title: Re: صور أعضاء المنبر
Author: محمد أبوالعزائم أبوالريش
Date: 12-25-2006, 12:51 PM
Parent: #1
الأخ ود الباوقة ...
ممكن تواصل معاي ... وأنا طبعاً بافترض إنو الأخوة الأعضاء ما عندهم مانع .. والمسألة ما مقصود بيها الهزو من شخصياتهم.
لكن برضو ما رديت على سؤالي ... أنا الوحيد البحس بالشئ دة؟
|
Post: #4
Title: Re: صور أعضاء المنبر
Author: عبد العظيم أرباب
Date: 12-26-2006, 07:54 AM
Parent: #1
ابو العزائم
تحياتي
انا عندي صورة لك وانت في المتوسطة
(مدرسة بري الاميرية )
وانت ( بالرداء)
طبعا الصورة دي عمرها .......
تدفع كم وارسلها لك .
|
Post: #5
Title: Re: صور أعضاء المنبر
Author: عاصم ابوبكر حامد
Date: 12-26-2006, 08:03 AM
Parent: #1
| Quote: يا جماعة المسألة دي طبيعية؟ واللا أنا خيالي بيجنح زيادة عن اللزوم؟ |
|
Post: #6
Title: Re: صور أعضاء المنبر
Author: عبدالكريم الامين احمد
Date: 12-26-2006, 08:38 AM
Parent: #5
مرحب ابو الريش..
وفعلا الصورة الاسفيرية للاعضاء جديرة بالتامل
واحنا عندنا سابقة طريفة شديد..مع الاخ نادوس في مطار الدوحة كنا الاثنين معا في انتظار الاخ
الصديق الكاتب محسن خالد اثناء حضوره للدوحة...
وطبعا اثناء وجودنا في صالة القادمين نترقب حضوره وفي مخيلتنا (صورة محسن خالد في البروفايل)
ذات الملامح الواضحة والقوية..
تسرب محسن خالد بين الحضور ومن امامنا (عينك يا تاجر) ولم نتعرف عليه ابدا رغم تفرسنا لكل
القادمين...الا بعد ان تعرف هو علي نادوس وجاءنا من خلف الصالة ...
هذا الموقف جعل لنا نقاشا ثرا في حضرة محسن خالد عن الصور والصور الاسفيرية وكلام
عميق عن الصورة من ناحية ماوراء طبيعية..
لك كل الود وموضوع لذيذ شديد ..
|
Post: #7
Title: Re: صور أعضاء المنبر
Author: Muna Khugali
Date: 12-26-2006, 08:44 AM
Parent: #5
Quote: منى خوجلي: ما عارف صورتها فعلاً والا مستعارة ... لكنها – رغم جمالها –
توحي بالغموض. |
وفي مكان آخـر قيل توحي بالجنون..
ياربي دي صـورتي ولا صـورة زول تاني?
أعتقـد انها صوره "صـوعتارة"
يللا أضـحك
Quote: وأنا طبعاً بافترض إنو الأخوة الأعضاء ما عندهم مانع .. والمسألة ما مقصود بيها
الهزو من شخصياتهم. |
بوست لطـيف جـدا..
كـل سنة وانت وانتم طـيبين..
مني..
|
Post: #45
Title: Re: صور أعضاء المنبر
Author: jini
Date: 01-02-2007, 11:49 PM
Parent: #7
| Quote: almulaomar يحاول أن يغيير صورة طالبان في مخيلتنا .. كلنا يعرف الملا عُمر بلحيته الطالبانية الكثة، ولكن الملا بتاعنا ده "حاجة رقيقة كدة" وأظنها بت أثيوبية ... وسواء كان الملا عمر أو "الحاجة الرقيقة" الظاهرة في الصورة ... ما بتشبه الكتابة البتصدر عنه/ عنهم. |
الخيال عندك!
الملا دا شوفتو وين مالك داير تجيب لى نفسك الهوا!
جنى
|
Post: #8
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 09:20 AM
Parent: #1
الأخ عبدالعظيم..
الكلام دا ما بيقولوه في العلن كدة ...... هسة الناس قايليني من جيل (مرحلة الأساس)
رسل لي الصورة بالإيميل .... "عشان أنكرها"
رجعتني للزمن الجميل
تحياتي
|
Post: #9
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 09:22 AM
Parent: #1
عاصم ابوبكر....
السؤال محتاج إجابة ...
شكراً على مرورك
تحياتي
|
Post: #10
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 09:32 AM
Parent: #1
عبدالكريم إزيك
إنت طبعاً عارف إني بوردابي جديد .. عشان كدة ما بعرف معظم الأعضاء. لكن مرة وأنا في مركز أصدقاء البيئة قابلت الأخ عبدالغني كرم الله ... وقمت بإدهاشه لما سلمت عليه بإسمه. بس زي هشام هباني ده أجيب ليهو جيفارا من وين؟
تحياتي
|
Post: #11
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 09:36 AM
Parent: #1
الأستاذة منى ....
| Quote: وفي مكان آخـر قيل توحي بالجنون.. |
لكن صدقي ده جنون ظريف شديد ....
كل سنو وإنتي طيبة
|
Post: #13
Title: Re: صور أعضاء المنبر
Author: hatim
Date: 12-26-2006, 10:07 AM
Parent: #11
Quote: انا عندي صورة لك وانت في المتوسطة
(مدرسة بري الاميرية ) |
دفعة كم بالله؟؟؟
السنين جرت بينا لحدي ما بقينا نتزكر ونتحسر ,, ونقول زمااان
|
Post: #12
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 10:03 AM
Parent: #1
ممكونة: ما عايزانا نشوف غير عينها ...... والشمال كمان. ده حجاب ما سمعنا بيهو قبل كدة
|
Post: #14
Title: Re: صور أعضاء المنبر
Author: mamkouna
Date: 12-26-2006, 11:53 AM
Parent: #12
| Quote: ممكونة: ما عايزانا نشوف غير عينها ...... والشمال كمان. ده حجاب ما سمعنا بيهو قبل كدة |
تصدق يا أبو العزائم..دي ما عيني الحقيقية؟!
ناس كتاااار مفتكرينها حقتي..
مُش يمكن الحقيقيات ..الإتنين شمال..؟!
قايلني ممكونة من هين ؟!!!
|
Post: #16
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 12:53 PM
Parent: #1
ممكونة:
صدقتي محمد مرغني لما قال (عيونك ديل أمسكيهن) ....
بتتمقلبي ... لما تدقشي ليك عامود
مودتي
|
Post: #17
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 12:56 PM
Parent: #1
ناذر ....
وجوهك مبالغة ......
(وجه فيهو زحمة تعبيرات)
أرقد عافية
|
Post: #18
Title: Re: صور أعضاء المنبر
Author: محمد أبوالعزائم أبوالريش
Date: 12-26-2006, 01:44 PM
Parent: #1
معاذ حسن:
خاتي صورتو وهو صغير .... يعني حاول يمارس علينا تعتيم شخصية ... لكن إتضح إنو (وهم) من ما كان صغير
|
Post: #19
Title: Re: صور أعضاء المنبر
Author: Abureesh
Date: 12-26-2006, 02:22 PM
Parent: #18
سلام يا أخينـا أبوالريش،
صحيـحـة تماما ملاحظتك، فى أن الصـورة لا بد وأن تعنى شيئـا.. وأزيـد بأنه ليست الصـورة المختارة فقـط، وإنما صـورة العضـو نفسـه، وال pose الذى أخذه للصـورة، وزاويتهـا، وملبسـه وألوان ما يلبس، تدل كلهـا على حالـة نفسيـة معينـة عليهـا العضـو، أو كان عليهـا عندمـا رفـع تلك الصـورة.. ولكن من الذى يريـد أن يدرس شخصيـات الناس.. هناك معلومـات بالأطنـان عن كل عضـو.. أختياره للمواضيـع التى يتداخل فيهـا جزء من طريقـة تفكيـره، الطريقـة التى يرد بهـا، الكلمـات التى يستعملهـا...الخ. كل هـذه لو تفرغ لهـا دارس وقام بتحليلهـا نفسيـا، يجد معلومـات سايكولوجيـة كاملـة عن الموضـوع.. هـذه كلهـا تصلح كمواضيـع لطلبـة التحليل النفسى، ولكن فى هـذا البورد، فإننا نأخـذ الحديث "إن الله تجاوز عن أمتى ما حدثت به نفوسهـم، مالم يقولوا أو يفعلـوا"
|
Post: #20
Title: Re: صور أعضاء المنبر
Author: احمد العمار
Date: 12-26-2006, 08:09 PM
Parent: #19
اخى محمد كيف حالك
بصراحة انا جابتنى سيرة برى الاميرية لان لنا فيها زكريات جميلة وعزيزة
بس ماعارفك دفعة كم عموما دفعتنا من اولاد برى المحس / عبيد عمر الهادى
وعزالدين سليمان ( طبعا دا عشان ماازكر التاريخ ) وبعد دا احسبا انت
وبرجع ليك فى مرات جاية انشاء الله
أحمد العمار
|
Post: #21
Title: Re: صور أعضاء المنبر
Author: معتز القريش
Date: 12-26-2006, 08:13 PM
Parent: #20
أبو الريش انت صورتك وين
عشان نقراك زي ما انت بتقرا الناس
رأيك شنو في صورتي دي
|
Post: #22
Title: Re: صور أعضاء المنبر
Author: عبد العظيم أرباب
Date: 12-26-2006, 08:28 PM
Parent: #1
ابو العزائم
احمد الله الهي ( بالرداء )مابي الجلابية لكن احتمال لو لقيت ليك صورة من الابتدائي ( مدرسة بري المحس الابتدائية) حتكون بالجلابية أفتش ليك ...
شكلك كدا ما عرفتني
ماجد مضوي
الشافعي
فيصل
النقر
مامون يسن
طارق
معاوية
ووووووو
واسماء كثيرة لم تسعفني الذاكرة
اقول
كدي اتذكر
انا في انتظار رد ..
|
Post: #23
Title: Re: صور أعضاء المنبر
Author: Abureesh
Date: 12-26-2006, 09:29 PM
Parent: #22
معتـز القريش،
1- أنت ما شايف الصــورة، حتقراهـا كيف؟ الصـورة قاعـدة يا سيـد.
2- متين قلت أنا قاعـد أقرأ الصــور؟ أقرأ مداخلتى مرة أخـرى بحيـاد.
|
Post: #24
Title: Re: صور أعضاء المنبر
Author: محمد أبوالعزائم أبوالريش
Date: 12-27-2006, 08:21 AM
Parent: #1
سلام يا أخينـا أبوالريش2
كلامك صحيح 100%، وأنا قصدت إنو لما تكون الصورة رمز ... بتخلي الواحد يكمل الناقص بخياله، أو يبني الصورة من الأول.
في ظني إنو معتز القريش بيقصد أبوالريش1، وليس أبوالريش2  .... طبعاً أنا إفترضت إني أبوالريش1، لكن لو كنت إنت حلفاوي يبقى أكيد من نسابتي.
|
Post: #25
Title: Re: صور أعضاء المنبر
Author: محمد أبوالعزائم أبوالريش
Date: 12-27-2006, 08:28 AM
Parent: #1
ود القريش ...
| Quote: رأيك شنو في صورتي دي |
أكيد وجيه .....
بس يا معتز يمكن ما بتعرف إني بعرفك كويس ..... يا سيدي أنا من ناس الدوحة معاك هنا .. وإلتقينا أكتر من مرة في مناسبات فنية وغيرها. بس الشئ العرفتو بعد ما دخلت البورد إنك (ظلامي) 
أنا كمان ما قصدت إني أعمل أي تحليل ... بس رسمت بالكلمات الشئ الإتخيلتو لشخوص إختبأوا خلف رموز .... بدليل إني ما إتناولت أي واحد بعرفوا شخصياً .. لأن المعرفة الشخصية غالباً بتلغي الخيال
|
Post: #26
Title: Re: صور أعضاء المنبر
Author: محمد أبوالعزائم أبوالريش
Date: 12-27-2006, 08:34 AM
Parent: #1
الأخ احمد العمار
واضح إنك دفعة ورانا بكتير (برضو بدون ذكر تواريخ) ... ما شايف عبدالعظيم بيتكلم عن أردية وجلاليب؟ ... عموماً أنا دفعتي (الرشيد عمر الأمين)
تحياتي
|
Post: #27
Title: Re: صور أعضاء المنبر
Author: محمد أبوالعزائم أبوالريش
Date: 12-27-2006, 08:37 AM
Parent: #1
عبدالعظيم أرباب .....
متذكرك يا ود الدرايسة ....
ما عايز تذكر تاريخ .... وتجيب سيرة الدراسة بالجلاليب؟؟ طيب ما ذكرت التاريخ عديل كدة!!
تحياتي
|
Post: #28
Title: Re: صور أعضاء المنبر
Author: معتز القريش
Date: 12-27-2006, 09:43 AM
Parent: #27
| Quote: في ظني إنو معتز القريش بيقصد أبوالريش1، وليس أبوالريش2 .... طبعاً أنا إفترضت إني أبوالريش1، لكن لو كنت إنت حلفاوي يبقى أكيد من نسابتي. |
كلامك صحيح وأنا sorry
|
Post: #29
Title: Re: صور أعضاء المنبر
Author: محمد أبوالعزائم أبوالريش
Date: 12-27-2006, 11:31 AM
Parent: #28
ود القريش ...
سوري ليه ياخي ...... ما دامت السوارة ...... إنت ما غلطت ... وإسم أبوالريش صحيح 100%
|
Post: #30
Title: Re: صور أعضاء المنبر
Author: عبد العظيم أرباب
Date: 12-28-2006, 07:35 AM
Parent: #1
ابو العزائم
كضباً كاضب
تذكر برنامج ( جراب الحاوي )
يااخي انا ساكن بري المحس
اية رائك ...
|
Post: #31
Title: Re: صور أعضاء المنبر
Author: محمد أبوالعزائم أبوالريش
Date: 12-28-2006, 08:01 AM
Parent: #1
لكن قصدت تتوهني ....
تقصد إنك عبدالعظيم الطيب؟؟
|
Post: #32
Title: Re: صور أعضاء المنبر
Author: عبد العظيم أرباب
Date: 12-28-2006, 08:33 AM
Parent: #1
أحيك ياابوالعزائم
ذاكرتك ماشاء الله عليها
اهو لسع شباب
وينك ياراجل
اخبارك واخبار العيال
ويش مسوي في الدنيا
|
Post: #33
Title: Re: صور أعضاء المنبر
Author: محمد نور أحمد
Date: 12-28-2006, 08:50 AM
Parent: #32
أخونا أبوالريش (كان 1 ولا 2) أنا قاصد صاحب البوست
مساءات زينة
شايف الجماعة شغلوك بالأميرية وهددوك بحكاية الصورة بالرداء وخليت البوست الجميل ده وبقيت
تجامل في الجماعة توزع في صكوك الوجاهة ساكت وعلى كيفك.
كدى عليك الله واصل لينا في تخيلاتك للجماعة المندسين وراء الأشكال والصور.(بلاش تبدا بي).
دم بخير..
محمدنور
|
Post: #34
Title: Re: صور أعضاء المنبر
Author: محمد أبوالعزائم أبوالريش
Date: 12-28-2006, 08:52 AM
Parent: #1
يابن الأييييييييه
وينك يا راجل ...
أول شئ رسل الصورة القلت عليها سريع .. وبعدين نتفاهم:
[email protected]
تحياتي للوالدة وجميع الأخوان
|
Post: #35
Title: Re: صور أعضاء المنبر
Author: معاذ حسن
Date: 12-28-2006, 09:36 AM
Parent: #34
Quote: معاذ حسن:
خاتي صورتو وهو صغير .... يعني حاول يمارس علينا تعتيم شخصية ... لكن إتضح إنو (وهم) من ما كان صغير |
ابو العزايم كل سنة وانت طيب
مرجع (غير ) مهم
قررت تغيير صورتي التي اضعها في البروفايل
أدعس الرابط
http://www.alrakoba.com/vb/showthread.php?t=6134
|
Post: #36
Title: Re: صور أعضاء المنبر
Author: محمد أبوالعزائم أبوالريش
Date: 12-28-2006, 09:56 AM
Parent: #35
| Quote: أول خطوة للتأقلم مع هذا الأمر هو التخلص من صورة هذا الشاب الذي ترونه وسأضع بدلا منها أي شيء شجرة ...كديسة ... |
لكن والله الكديسة ما عندك .... دي منو دي ... نفر تيتي؟؟
ده يا حبيب إمعان في تعتيم الشخصية. وهو يضعك تحت المادة كم ما عارف (تعتيم شخصية مع سبق الإلحاح).
|
Post: #37
Title: Re: صور أعضاء المنبر
Author: محمد أبوالعزائم أبوالريش
Date: 12-28-2006, 10:25 AM
Parent: #1
أبوساندرا:
رغم إنها صورته فعلاً إلاّ أنها مضللة ..... وكأنها لشخص آخر .. حاولت ماهيتاب بركات الدفاع عنها .. ولكن هيهات.
علّق على هذه الصورة العضو فيصل الزبير في بوست منفصل ... أسكت عن التعليق وأدعوكم لقراءة البوست:-
ابوساندرا .. صورة من قريب !
|
Post: #38
Title: Re: صور أعضاء المنبر
Author: محمد أبوالعزائم أبوالريش
Date: 01-02-2007, 07:24 AM
Parent: #1
Quote: أخونا أبوالريش (كان 1 ولا 2) أنا قاصد صاحب البوست
مساءات زينة
شايف الجماعة شغلوك بالأميرية وهددوك بحكاية الصورة بالرداء وخليت البوست الجميل ده وبقيت
تجامل في الجماعة توزع في صكوك الوجاهة ساكت وعلى كيفك.
كدى عليك الله واصل لينا في تخيلاتك للجماعة المندسين وراء الأشكال والصور.(بلاش تبدا بي).
دم بخير..
محمدنور |
الأخ محمد نور ....
معليش ديل لازم نسايرهم شوية .. لأنهم بدأوا يطلعوا فضايح ....
بس إنت ما وريتنا صورتك/ رمزك .... عشان الخيال يشتغل فيها شوية ....
تحياتي
|
Post: #39
Title: Re: صور أعضاء المنبر
Author: محمد نور أحمد
Date: 01-02-2007, 09:52 AM
Parent: #38
أبو الريش
ازيك .. كل سنة وانت طيب ..
أنا ما عايز أمارس التعتيم زي جماعتك الزانقنك ديل.. بس كل الفكرة أنه التكنولوجيا أبت تشتفل معاي .. والا كنت - وما زلت - ناوي أخت صورة لخلقتي العاجباني دي من باب وأما بنعمة ربك فحدث.
رفعنا الأمر للسيد/ بكري سيد الحوش في بوست المشاكل الفنية وما زلنا ننتظر التوجيهات.
أقترح ليك طريقة تانية لتحليل شخصيات الناس الهنا، بس المرة دي ما بالصور وانما عن طريق بيانات البروفايل ، خاصة للناس الما خاتين صور ومحاوبين على أسئلة البروفايل بأشكال مختلفة ووحدين ما مجاوبين خالص ، والأهوات بالذات.
جرب الحكاية دي وحتشكرني .. ما تنسى الحق الأدبي والملكية الفكرية وقانون الصحاقة والمطبوعات وطرق التوثيق الواردة في مراجع البحث العلمي وقانون براءة الإختراع.
دم بخير....
محمدنور
|
Post: #41
Title: Re: صور أعضاء المنبر
Author: محمد أبوالعزائم أبوالريش
Date: 01-02-2007, 10:16 AM
Parent: #39
العزيز محمد نور ....
إقتراحك جميل والحق الأدبي والملكية الفكرية وقانون الصحاقة والمطبوعات وطرق التوثيق الواردة في مراجع البحث العلمي وقانون براءة الإختراع ......إلخ. كلها محفوظة. بس لو مريت على (البروفايلات) بتاعة الأعضاء حتلقاها في معظمها صفحة بيضاء (بما فيهم البروفايل بتاعي).
أنا قصدت من البوست إنو في صور بتدي فكرة خطأ عن العضو. وممكن الإسم (Nickname) يديك صورة مختلفة .... أو طبيعة المشاركات أو اللغة من إنفعال، هدوء ...إلخ.
أكرر مرة تانية إنو مافي قصد تشهير أو أي قصد سئ.
أرقد عافية
|
Post: #40
Title: Re: صور أعضاء المنبر
Author: raheel
Date: 01-02-2007, 10:16 AM
Parent: #1
ابوالريش ليك وحشة والله جابنى الاسم طبعا ماصدقت انك انتا
اها عرفتنى منو لو ماعرفتنى تكون بالغتا عديل كدة
عبدالعظيم ارباب جابتنى ريحة برى وسيرة برى ياسلام بقى عندى اهل فى المنبر
كدى تانى زول افتح خشمو معاى الحمد لله مابراى طوالى بحرش عليهواولاد حلتنا
|
Post: #42
Title: Re: صور أعضاء المنبر
Author: محمد أبوالعزائم أبوالريش
Date: 01-02-2007, 10:32 AM
Parent: #1
دا الكلام البجنن بوبي ... وبيؤكد إتهام الناس لي بالزهايمر .. ما في داعي لإمتحان واحد غاب نص عمره عن البلد
|
Post: #43
Title: Re: صور أعضاء المنبر
Author: raheel
Date: 01-02-2007, 10:47 AM
Parent: #1
انت غبتا نصف عمرك انا غبتا عمرى كلو
طيب اديك خيارات - مسقط اها كدة كيف بعد دا الاتكون بليد
كدى نسأل عليك عبدالعظيم كنت بتجئ الكم فى المدرسة
|
Post: #44
Title: Re: صور أعضاء المنبر
Author: محمد أبوالعزائم أبوالريش
Date: 01-02-2007, 11:08 AM
Parent: #1
حقو ما نظلم عبدالعظيم معانا ..... لأنو صغير وجاهل بالنسبة لي ......
لسة مصرة على الإمتحان؟
|
Post: #46
Title: Re: صور أعضاء المنبر
Author: محمد أبوالعزائم أبوالريش
Date: 01-03-2007, 06:49 AM
Parent: #1
الحبيب جني ....
Quote: الخيال عندك!
الملا دا شوفتو وين مالك داير تجيب لى نفسك الهوا!
جنى |
يا زول أنا بقصد الملا عمر بتاعنا هنا في البورد .... مالي ومال الكبسيبات التانية؟ (محمد معانا ما تغشانا)
تحياتي
|
Post: #47
Title: Re: صور أعضاء المنبر
Author: محمد أبوالعزائم أبوالريش
Date: 01-17-2007, 08:33 AM
Parent: #1
في بوست آخر حمل عنوان: (كفرت بصور اعضاء المنبر بما فيهم نفسي..) كتبت الأخت نادية عثمان:-
Quote: وليد 500 ياهو وليد زااااتو زى فى الصورة !!
ومعتصم دفع الله ياهو زاااااااتو زى فى الصورة !!
صلاح غريبة .. فى الصورة دى اصغر كتيير من الان (بصراحة وماتزعل ياغريبة) !!
ناذر الخليفة فى الحقيقة اقيف مليون مرة من الصورة الهنا دى !!
ملاسى هو ملاسى وان كان فى الاصل اوسع ابتسامة من مايظهر فى الصورة (فى الصورة ابتسامتو مقتضبة زى بوستاتو لكنها معبرة عن الواقع ومواكبة الغموض الذى يسود هذا المكان احيانا ) !!
منى خوجلى كما هى زهرة بل واجمل !!
انعام عبد الحفيظ .. ماشاء الله عليها !!
نهال كرار .. عينى باااااااارد ربنا يحفظها !!
عنيدة .. شرط للارض !!
نجود شهادتى فيها مجروحة !!
سجيمان هو سجيمان (زى رودا مردا هى رودا مردا البقولها حسين ملاسى وماعارفة قاصد بيها شنو دى ) !!
بكرى ابو بكر ايضا هو بكرى ابو بكر وان كانت (جلحاته) فى الحقيقة اكثر اتساعا !!
|
أملي أن لا يكون لدى الأخت نادية مانع في إدراج مشاركتها هنا
|
Post: #48
Title: Re: صور أعضاء المنبر
Author: Eman El Sayed Taha
Date: 01-17-2007, 09:13 AM
Parent: #1
i defiantly agree with you, and i think me too i start judging people from their pictures.
what i find funny is during school time i developed a serious crush in Che Guevara. so then you can imagine how ridicules i feel corresponding with someone i deal with as Che Guevara
really a nice post
|
Post: #49
Title: Re: صور أعضاء المنبر
Author: محمد أبوالعزائم أبوالريش
Date: 01-17-2007, 09:50 AM
Parent: #1
Dear Eman ...
| Quote: really a nice post |
Thank you indeed.
We had one Che Guevara, and having problem in dealing with him (Hisham Habbani), and now he have another Che Guevara pretender!!!
|
|