جلســـــــــــــتنا رايـــــــــــــقه

دعوه خاصه لكل محبي الجلسات الفنيه (غناء القعدات)

جلستنا رايقه

حسن خليفه العطبراوي وعبد العزيز محمد داوؤد

جلستــــنا رايــقه وأفكارنـا فايــــــقه
النيـــــل أمامنا وساقيتنا سايـــــــــقه
*******************************
حلو المنــــــاظر يا الليك بغــــــــازل
بخاف عليك كـــــــــلام العــــــوازل
*******************************
نســــامنا نســم وزهرنــــــا اتبـــسم
أرواحنا واحده كيـــفن(ما أظن) تتقــــــسم
*******************************
شادينا غني والـــــــــبان اتنـــــــي
يا حلاة(حليل) الساده النسونا أهلــــــــــنا
*******************************
خليك معانا وأسمـــــــــع غنانـــــــا
يتم هنـــــــــانا ويزيل عنانــــــــا
*******************************
الـليل الـليل يا لــيل يا جمال الـليل يا ليـــل

أحفظ جلستنا رايقه في جهازك

أب عاجات اللحو-علي ابراهيم اللحو

للحفظ

يا عين بتخافي مالك-عبد العزيز محمد داوؤد

لحفظ يا عين بتخافي مالك

والله يا معاوية يا اخوي حقيقي جلستك راااااااااااايقة...

وصالونك حلو بالحيل للجلوس في حضرة القامات أبو داوود واللحو...

كميات مودتي...

وربنا يجعل صالونك رايق وفايق دوماً...


أبو الحســــــــــــين...

تسلم حبيبنا أبوالحسين وكلك زوق

تعال ياخينا سامع الجماعه بقول انت من الصحافه , كدي ورينا وين في الصحافه وبتعرف منو هناك وما تنسي كمان تجينا هناك في البوست والف مرحب بيك
قواسيب مودتي.

الساده الميني-الأستاذ الراحل أحمد المصطفي

لحفظ الساده الميني

كتب الأُستاذ/ معاوية::

Quote: تسلم حبيبنا أبوالحسين وكلك زوق تعال ياخينا سامع الجماعه بقول انت من الصحافه , كدي ورينا وين في الصحافه وبتعرف منو هناك وما تنسي كمان تجينا هناك في البوست والف مرحب بيك قواسيب مودتي.

الأخ الكريم معاوية...

أنا من الصحافة مربع ( 18 ) ووين ملتقى أولاد الصحافة دا وريني ليهو...

لكن بيني وبينك قواسيب لطشتها من وين؟؟؟

يكون قاعد تتاوق لينا في بوست الشايقية بي هناك... تشرف يا اخوي ومرحبتين حبابك اليوم السعيد الليلي جابك...


كميات مودتي... = قواسيب مودتي... بس القواسيب شوية كدي كتيرة...

يا هلا بيك وبي أهلنا في الصحافة مننننننننننن جبرة لييييييييييي أركويت....


أبو الحســــــــــــين...

إمتداد الصحافة ... وكما نحبه

الفنان الراحل أحمد الجابري-جوبا مالك علي

يا عين بتخافي مالك !
التحية للقعدة بتاعتك!
التحية ليك يا معاوية!


ويبدو واضحا في الأغنية صوت دكتور سوداني شهير ؟

تسلم يا خالد علي المرور والقعاد
ان شاء الله تكون قعدتنا عجبتك
يديك العافية

لحفظ جوبا مالك علي

يديك العافية يا معاوية ..

تسلم يا أبوالنيذ يا فنان
وحمد لله علي سلامة الحاج تاني
وربنا يديهو الصحة والعافية

الجميل الرايق معاوية.. دائما انت جميل.. وهنا مقامنا ياسيد الجمال

حتلقاني دائما في حضرة جلساتك الرايقه ..زيد كمان وكمان ...

رسل لي الاي ميل بتاعك ..

تسلم من كل سوء

العزيز وغالي عماد عويس منور والله
ومرحب بيك في القعده بتاعتنا ويا ريت تدينا حاجه كدا بالعود
وان شاء الله المزيد قادم
طلباتك أوامر وسأرسل أيميلي في المسنجر حالا
تسلم

يا لذيـذ يا رايق

ضامـر قوامك-حمـد الـريـح

Quote: يا لذيـذ يا رايق

ياخي مافي الذ وأروق منك انت
ضامر قوامك لان
قلبك قسا وجافيت
الصيد يا جدي الغزلان

نريد المزيد يا الصحافه 30

Quote: نريد المزيد يا الصحافه 30

على شـرط..طلب كوارع (من الحاجة سكينة) لكـل مشاركـة

معاوية معاوية الزول الجميل ..طبعا دي علي وزن معايا معايا في الدرب الطويل..

نزل لينا كم اغنيه لاحمد عوض ..نال العضويه ولالسع ؟؟؟


لك التحيات وكثير من الود..

الزول السمح عماد عويس
والله ما عندي أي أغنية لأحمد عوض ود حلتي ( شفت العيب دا كيف )
لكن في شريط جايني بالبريد عن طريق أخونا علاء الين حيموره ولمن يصل ان شاء الله كلو ينزل هنا
أما موضوع العضويه دا أعتقد لسه والله وحا أمشي أرفع البوست بتاعو حالا
أرقد عافية يا حبيب

جدا يا حبيب
انت بس أطلب ونحن جاهزين
يديك العافية

الفنان الراحل المقيم خوجلي عثمان - حبه حبه

للحفظ

الأستاذ الفنان عثمان مصطفي - ماضي الزكريات

للحفظ

تسجيل قديم للأستاذ المبدع أبوعركي البخيت - أنة المجروح

لحفظ آنة المجروح

الحِبيِّب معاوية وشباب الصحافة عموم...

جينا نقول ليكم سلام يا أهلنا... ونطلب أُغنية ممكن...

أي أُغنية لإبراهيم الكاشف يا معاوية أخوي...

شايفك همييييييييم في تلبية الطلبات...


كميات مودتي...


أبو الحســـــــــــــين...

الراحل المقيم وعبقري الأغنية السودانية ابراهيم الكاشف - انت بدر السماء في صفاك
مهداه لأخونا الجميل أبوالحسين

لحفظ انت بدر السماء

كيفك يا معاوية ..
بوستك الجميل دا أنا حا أباريهو كتير لأني بالجد بستمتع جدا بي أغاني القعدات

كدي أسمع دي :

وينا يا ناذر نزلتها بالكود السري ولا شنو

والله يا معاوية بوستك دا التقول فيهو كادوك ..

ما قدرت أنزل الغنية كلو كلو

غايتو هاك وإنت إتصرف

www.sudaneseonline.com/topupload/users/shoshta/kahlawi.mp3[/B]

ناذر..

بالله الأغنية دي من زمن الكحـلاوي؟!

الناس ظالمين نادر خضر ساكت و متهمينو بالغناء الهابـط!!!






عمك الكحلاوي باين عليهـو منتشـي شديـد

صلاح ابن الباديه و اسماعيل حسب الدائم - البنات مين ما بريدن

للحفظ

برضي ليك المولي الموالي غناها عصفور السودان الراحل ابراهيم عبد الجليل ثم تغني بها المرحوم الفنان الرائع خضر بشير ونقدمها هنا بصوت الفنان المرهف النور الجيلاني.

لحفظ المولي الموالي

صلوات في هيكل الحب - الفنان سيف الجامعة
هذا هو اسم رائعة الشاعر الكبير أبوالقاسم الشابي التي اشتهرت باسم عزبة انت كالطفولة
تغني بها الفنان الراحل حسن سليمان الهاوي , ثم الفنان المبدع سيف الجامعة

الاهداء لكل زوار البورد القراء الكرام وأعضاء البورد
واهداء خاص للصديق الفنان ناذر محمد الخليفة






ونورد هنا النص الكامل للقصيده:

عذْبة ٌ أنتِ كالطّفولة ِ، كالأحلامِ كاللّحنِ، كالصباحِ الجديدِ
كالسَّماء الضَّحُوكِ كالليلة ِ القمراءِ كالورد، كابتسام الوليدِ
يا لها من وَداعة ٍ وجمالٍ وشبابٍ مُنَعَّم أمْلُودِ!
يا لها من طهارة ٍ، تبعثُ التقديـ ـسَ في مهجة الشَّقيِّ العنيدِ!..
يالها رقَّة ً تكادُ يَرفُّ الوَرْ دُ منها في الصخْرة ِ الجُلْمُودِ!
أيُّ شيء تُراكِ؟ هلى أنتِ "فينيسُ" تَهادتْ بين الورى مِنْ جديدِ
لتُعيدَ الشَّبابَ والفرحَ المعسولَ للْعالم التعيسِ العميدِ!
أم ملاكُ الفردوس جاء إلى الأر ضِ ليُحييِ روحَ السَّلامِ العهيدِ!
أنتِ..، ما أنتِ؟ أنتِ رسمٌ جميلٌ عبقريٌّ من فنِّ هذا الوجودِ
فيكِ ما فيه من غموضٍ وعُمقٍ وجمالٍ مُقَدِّسٍ معبودِ
أنتِ.. ما أنتِ؟ أنتِ فَجْرٌ من السّحرِ تجلّى لقلبيَ المعمودِ
فأراه الحياة َ في مونِق الحسن وجلّى له خفايا الخلودِ
أنتِ روحُ الرَّبيعِ، تختالُ فـ الدنيا فتهتزُّ رائعاتُ الورودِ
وتهبُّ الحياة سكرى من العِطْر، ـر، ويدْوي الوجودُ بالتَّغْريدِ
كلما أبْصَرَتْكِ عينايَ تمشين بخطوٍ موقَّعٍ كالنشيدِ
خَفَقَ القلبُ للحياة ، ورفّ الزّهـ رُ في حقل عمريَ المجرودِ
وأنتشتْ روحي الكئيبة ُ بالحبِّ وغنتْ كالبلبل الغرِّيدِ
أنتِ تُحِيينَ في فؤادي ما قد ماتَ في أمسي السعيدِ الفقيدِ
وَتُشِيدينَ في خرائبِ روحي ما تلاشى في عهديَ المجدودِ
من طموحِ إلى الجمالِ إلى الفنِّ، إلى ذلك الفضاءِ البعيدِ
وتَبُثِّين رقّة َ الشوق، والأحلامِ والشّدوِ، والهوى ، في نشيدي
بعد أن عانقتُ كآبة ُ أيَّامي فؤادي، وألجمتْ تغريدي
أنت أنشودة ُ الأناشيد، غناكِ إله الغناءِ، ربُّ القصيدِ
فيكِ شبّ الشَّبابُ، وشَّحهُ السِّحْرُ وشدوُ الهوى ، وَعِطْرُ الورودِ
وتراءى الجمالُ، يَرْقُصَ رقصاً قُدُسيَّا، على أغاني الوجودِ
وتهادتْ في لإُفْقِ روحِكِ أوْزانُ الأغَاني، وَرِقّة ُ التّغريدِ
فَتَمايلتِ في الوجود، كلحنٍ عبقريِّ الخيالِ حلوِ النشيدِ:
خطواتٌ، سكرانة ُ بالأناشيد، وصوتٌ، كرجْع ناي بعيدِ
وَقوامٌ، يَكَادُ يَنْطُقُ بالألحان في كلِّ وقفة ٍ وقعودِ
كلُّ شيءٍ موقَعٌ فيكِ، حتّى لَفْتَة ُ الجيد، واهتزازُ النهودِ
أنتِ..، أنتِ الحياة ُ، في قدْسها السامى ، وفي سحرها الشجيِّ الفريدِ
أنتِ..، أنتِ الحياة ُ، في رقَّة ِ الفجر في رونق الرَّبيعِ الوليدِ
أنتِ..، أنتِ الحياة ً كلَّ أوانٍ في رُواءِ من الشباب جديدِ
أنتِ..، أنتِ الحياة ُ فيكِ وفي عينَيْـ وفي عيْنَيْكِ آياتُ سحرها الممدُودِ
أنتِ دنيا من الأناشيد والأحْلام والسِّحْرِ والخيال المديدِ
أنتِ فوقَ الخيال، والشِّعرِ، والفنِّ وفوْقَ النُّهَى وفوقَ الحُدودِ
أنتِ قُدْسي، ومَعبدي، وصباحي، وربيعي، ونَشْوَتِي، وَخُلودي
يا ابنة َ النُّور، إنّني أنا وَحْدي من رأى فيكِ رَوْعَة َ المَعْبُودِ
فدَعيني أعيشُ في ظِلّك العذْبِ وفي قرْب حُسْنك المشهودِ
عيشة ً للجمال والفنّ والإلهام والطُّهرْ، والسّنَى ، والسّجودِ
عيشة َ النَّاسِكِ البُتولِ يُنَاجي الرّ بَّ في نشوَة ِ الذُّهول الشديدِ
وامنَحيني السّلامَ والفرحَ الرّو حيَّ يا ضَوْءَ فجْريَ المنشودِ
وارحَميني، فقدْ تهدَّمتُ في كو نٍ من اليأس والظلام مَشيدِ
أَنقذِيني من الأَسى ، فلقد أَمْسيـ أَمْسَيتُ لا أستطيعُ حملَ وجودي
في شِعَابِ الزَّمان والموت أمشي تحت عبءِ الحياة جَمَّ القيودِ
وأماشي الورَى ونفسيَ كالقبرِ، ـرِ، وقلبي كالعالم المهدودِ
ظُلْمَة ٌ، ما لها ختامٌ، وهولٌ شائعٌ في شكونا الممدودِ
وإذا ما اسْتخفّني عَبَثُ النَّاس تبسَّمتُ في أسَى ً وجُمُودِ
بسمة ً مُرَّة ً، كأنِّيَ أستلُّ من الشَّوْك ذابلاتِ الورودِ
وانْفخي في مَشَاعِري مَرَحَ الدُّنيا وشُدِّي مِنْ عزميَ المجهودِ
وابعثي في دمي الحَرارَة ، عَلَّي أتغنَّى مع المنى مِنْ جَديدِ
وأبثُّ الوُجودَ أنْغامَ قلبٍ بُلْبُليٍّ، مُكَبَّلٍ بالحديدِ
فالصباحُ الجميلُ يُنعشُ بالدِّفءْ حياة َ المحطَّمِ المكدودِ
أَنقذيني، فقد سئمتُ ظلامي! أَنقذيني، فقد مللتُ ركودي
آهِ يا زَهرتي الجميلة ُ لو تَدْرِين ما جَدَّ في فؤادي الوَحِيدِ
في فؤادي الغريبِ تُخْلَقُ أكوانٌ من السحر ذات حسن فريد
وشموسٌ وضَّاءة ٌ ونجومٌ تَنْثُرُ النُّورَ في فَضَاءٍ مديدِ
وربيعٌ كأنّه حُلُمُ الشّاعرِ في سَكرة الشّباب السعيدِ
ورياضٌ لا تعرف الحَلَك الدَّاجي ولا ثورة َ الخَريفِ العتيدِ
وَطُيورٌ سِحْرِيَّة ٌ تتناغَى بأناشيدَ حلوة ِ التغريدِ
وقصورٌ كأَنَّها الشَّفَقُ المخضُوبُ أو طلعة ُ الصباحِ الوليدِ
وغيومٌ رقيقة تَتَادَى كأَباديدَ من نُثَارِ الورودِ
وحياة ٌ شعريَّة ٌ هي عندي صورة ٌ من حياة ِ أهلِ الخلودِ
كلُّ هذا يشيدهُ سحرُ عينيكِ وإلهامُ حسْنكِ المعبودِ
وحرامٌ عليكِ أن تَهْدمي ما شَادهُ الحُسْنُ في الفؤاد العميدِ
وحرامٌ عليكِ أن تسْحَقي آمـ ـالَ نفسٍ تصْبو لعيشٍ رغيدِ
منكِ ترجو سَعَادَة ً لم تجدْهَا في حياة ِ الوَرَى وسحرِ الوجودِ
فالإلهُ العظيمُ لا يَرْجُمُ العَبْدَ إذا كانَ في جَلالِ السّجودِ

للحفظ

تسلم يا معاوية ..

بس والله ما سامع حاجة .. ما عارف المشكلة مني ولا منك !!

المشكله منك يا حلو

الله يديك العافية يا معاوية

وفعلاً جلساتك رااااااااايقة

تسلم يا راقي

Quote: الله يديك العافية يا معاوية وفعلاً جلساتك رااااااااايقة تسلم يا راقي

نانا يا نانا
نانا عاجبانا
اللجنه في لسانا
سكرنا كملتي

انتي الراقيه وذوقك رفيع
ويعافيك ويسلمك من كل شر

آنسني ما معانا حد
سجلنا يوم الأحد
للحب الما ليهو حد





الفنان الراحل خضر بشير - النار

يا معاوية سحـروك ولا شنو؟؟؟؟؟؟
الأغاني كلها ما شغالـة!!!

لحفظ النار

شكرا جزيلا أخونا بكري أبوبكر لعودة البوست
الظاهر عليك كنت بتنزل في البوستات شويه شويه
ونحن استعجلنا وهريناك رسائل ومطالبات
علي العموم شكرا تاني وربنا يديك الصحة والعافية

الفنان الراحل رمضان زايد - غصن الرياض

كان من الفنانين الذين اشتهروا بالظرف وخفة الدم وقد أطلق عبارة - خليك مع الزمن - في أحدي حفلاته وأصبح يرددها الجميع لوقت قريب.

up

أذكر بقعة أم درمان
كلمات والحان أبو الغناء السوداني الراحل خليل فرح
بصوت الفنان الراحل عبيد الطيب

فوق

معاوية كيفك ..

لي تلاتة يوم بحاول أخش في بوستك دا وما قادر ..
ما بيفتح معاي وبقى يعلق بالجهاز ..

هسي وكت لقيت لي فرقة هاك أسمع البي دلالو من الكحلاوي برضو :



دي الترطيبة ولا بلاش

شكرا يا أبو النيز يا لذيذ والأغنية جميله ورابه
والله لو ما مشاركاتكم انت والصحافه 30 كنت ناوي أجدع البوست دا في الخور وأمرق للربا والتلاف يعني أقلب سياسه ونبز ودق صفايح وكدا.

اتخيل لي يا ناذر انتهي الأن زمن الغناء الجميل والناس كل همها الشمار والفضائح وشيل الحال والمشاكل يعني لو فتحت لي بوست بعنوان ( أمـــــــــــــــك فضيحه كبري ................. )
وخليتو فاضي كل الناس حاتجي داخله توش أو بوست وهمي بعنوان ( شكرا بكري أبوبكر فلترحبوا معي بالجميله فلانه الفلانيه ) عينك ما تشوف الا النور يا صديق.

بعدين السبب أنو البوست ما بفتح سريع لأنو الصفحه فيها أكثر من 15 أغنيه ومافي مداخلات حتي لو من نوع ياخي غنيتك دي بايخه أو بالله ياخ ما تقدنا كان مشينا الصفحه التانيه وببقي فتح الصفحه ساهل شويه وانا تعبت من حكاية فوق فوق دي كل يوم.

ثم ياخي تعال هنا البوست كيف ما يكون تقيل ويعلق بالجهاز اذا كان انتو لسع بتستعملوا ال dial up
وخط التلفون الواحد يربطوا فيهو 10 أجهزة معظمها من بنتيوم 3 وانت نازل وكمان مركبين ليها windows xp وعشان تفتح صفحه الا تمشي تأكل ليك سندوتش طعميه وتجي راجع ( دا جشع والله ).
ناذر يا أخوي عليك الله مدني باللنك بتاع البوست الفيهو كيف تجيب زوار لبوستك لو موجود.

شكرا شديد يا صديقي العزيز والله يدينا الصبر

up

معاوية الرائع دوما
والله حقيقة محتاجين لجلسة رايقة معاك
بمناسبة العيد - الرجاء الاتصال

Quote: معاوية الرائع دوما والله حقيقة محتاجين لجلسة رايقة معاك بمناسبة العيد - الرجاء الاتصال

عزيزنا الغالي متوكل بحر

جدا يا فرده ومستعدين 100% وانتظر مني سلك
بس ان شاء الله العاصفة الجايه دي ما تحبسنا زي المره الفاتت
كل سنه وانت طيب

الفنان الطيب عبد الله - أيامي الخوالي

لحفظ أيامي الخوالي

UP

فـــــــــــــــــــــــــــوق

تسلم يا معاوية

أهو دة الروقان والا بلاش

هدية بهية ولمحة ذكية تنم عن ذوق فني رفيع لديك ..

شكرا لك حبيبنا معاوية وعيدك سعيد ..

وجعل الله زمانك ( رايق دائما) ..

كماأجزل لك شكري على تواصلك الدائم معي .

سلامنا وتحياتنا للأسرة الكريمة ..

خالص المودة ..

خضرعطاالمنان والأسرة ..

عزيزنا الغالي خضر عطا المنان
والله انت الذوقك عالي ورفيع وبتعرف تسمع الدرر
وطالما الجلسة دي روقت بيك أبشرك بانو التقيل جاي وراء

جعل الله أيامكم كلها رايقه ويديم البسط عليكم يا رب
خالص مودتي وتحياتي لك والأسرة الكريمة
وربنا يديكم الصحة و العافية
وكل سنة وانتم بالف خير

شكرا أخونا عبد الرحمن سوركتي
وان شاء الله دائما رايقين وتامين وسالمين بركة قبائل العيد
وكل سنه وانت طيب

غنية تاني يا معاوية طولنا.....

والقعدة مستمرة.....

الأستاذ عبد الكريم الكابلي - الحالم سبانا

لحفظ الحالم سبانا

فــــــــــــــــوق

بسحروك يا لولا الحبشية - الفنان الراحل أحمد فرح

لحفظ لولا الحبشية

المقرن في الصباح - الفنان عباس تلودي

لحفظ المقرن في الصباح

UP

أغاني العـــــــــــــــيد ....كل عام وأنتم بخير

فـــــــــوق

زاهي في خدرو - الأستاذ الراحل أحمد المصطفي

يا ماو ده ماكان جليد ده الخلاك تقعد كده؟!
الحاصل شنو ماشايفينك؟
ماقادر اسمع الاغاني من البوست الظاهر حنجيك نسمعه (لايف)!!
علي العموم تحياتنا
والقعدة لازالت مستمره؟!!

ود حجازي كل سنه وانت طيب والسنة الجايه زي ما عاوز
اللبده دي يا أخوي ما من الجليد , من الكراون فيكتوريا البترقص براها دي
وبعدين أمبارح كنت في وداع بكور وكركب هسه محلقين في الجو ( بختهم )
لكن الليله مارقين تب للشغل وخم الرماد مع بعض
القعده ما زالت مستمره ومرحب بيكم أتفضلوا علي البيت
تحياتي للأخ معاويه والجميع
ويديك العافية

لحفظ زاهي في خدرو

فـــــــــــــوق

الراحل المقيم الفنان الذري ابراهيم عوض - الوافر ضراعو
للـــــــــــــــــــــــــــــــــــــــــــــــحفظ

الأستاذ الموسيقار ( الباشكاتب ) - محمد الأمين - ابل الرحيل

لحفظ ابل الرحيل

الأستاذ الموسيقار عثمان حسين - ما رأيت في الكون

للحفظ

up

up

فــــــــوق

بوست روعه والجلسة فيهو اروع

تسلمو يامعاوية وناذر

غيتو حفظت جنس حفظ اعفو لى بس

نجود
كل سنه وانتي طيبه
عافين ليك لله والرسول وأحفظي زي ما عاوزه
ولو عندك أي طلب لأي أغنية نحن جاهزين
وتسلمي

معاوية معاوية الزول الجميل

نحن في بداية طريقنا ليه تقولي مستحيل ...

كل عام وانت بخير وربنا يديك الصحه والعافيه ويحقق ليك الفي مرادك

حبيبنا معاويه بعض الاغاني ما قدرت احفظها ما عارف السبب ..

وايه اخبار احمد عوض وفيصل في الباسورد ؟؟

لك التحيات وكثير الاشواق وكل الحلوين المعاك

تسلم حبيبنا..

عزيزي عماد
كل سنه وانت والأسرة طيبين وربنا يحقق ليكم أمنياتكم

سوف أراجع الأغاني وأنزل كل روابط الحفظ والمزيد قادم ان شاء الله بس عايز الصفحه دي تكمل وأبدأ صفحه جديده لانو الأغاني كترت فيها وتقلتها

فيصل الصحافه بكري أداهو العضوية لكن ما ظهر هنا أما أحمد عوض ما أظن لانو الموضوع ماسكو علاء الدين حيموره والناس دي لسه ما ظهرت بعد العيد عشان نعرف الحاصل شنو

بالمناسبه الأخ أبوبكر سافر السودان وهسه تلقاهو حايم ساكت في الامتداد

عمده بالله بلغ تحياتي للجميع عندكم
ويديك الصحة والعافية يا رب

سلام وصباحات ندية لأهلنا في الصحافة عموم...

والصحافة ( 18 ) خصوص...

مودتي...


أبو الحســــــــين...

تسلم أخوي أبو الحسين زعيم أولاد شايق لا حدهم

الحبيب معاوية فعـلاً جلستك رايقـي و ما مٌضـايٌقـي ... زي الزومـة ... أهـا أنـا قبل كـدة قلت ليك ما تخلي بوستـك زي الحافلة الماشة بيت بكاء .. لازم تعمل أُغنية خلفية عشـان الواحد لامن يخش يحس إنو خاشي بيت عرس.... ... أهـا هـاك دي: رمز الجمـال بصوت الخالـدي:




(لينك الحفظ رمز الجمال)

حبيبنا معاوية الله يديك العافيه جيت ماري ارفع البوست واصل ياجميل

انا مواصل معاك تلبس توب العافيه دوما

ولدنا الجميل عماد
شكرا يا حبيب ويديك العافية

صلحنا ليك يا فرده كل الروابط الما شغاله وبقت حاجه تمام
بعد شويه حاننزل الجديد

شكرا يا أبو الهاء علي رمز الجمال

في حبة صيانه ومراجعه كدا للروابط الما شغاله
وبعد داك نعمل بوصيتك وان شاء الله لمن تجي تاني
تلقي البوست دا زي حافلات الديم
كب وجع كب وجع لمن سبتا يقع
لقيتني كيف

يا سلام عليك يا معاوية يا راااااائع
دائماً تحلّي الأجواء وتروقها بنفحاتك دي
واصل هذا الجمال وهذا الابداع ..

ود الجمري سلامات

التقيل لسه جاي وراء

تسلم يا ذوق

لحفظ أذكر بقعة أم درمان

لوموهو اللاهي في الغرام بالله
قولوا ليهو الحب شيئ طبيعي الهي


الغرام ما بخير بين كبير وصغير
من زمان الحب أمرو فينا يحير
يا جميل يا نضير خلي هجرك غير
بكره والله الحب أمسي عمرو قصير

نادو لينا البنا يبني لينا الجنه
يبني طوبة حب ويرمي مونه محنه
يعقدوا لينا أهلنا بالكتاب والسنة
انتصر يا حب نحن نلنا أملنا

العاقبه لحبانا وللبشاركوا معانا
نحن ناس الحب الله ما بنسانا
نحن صنا هوانا بشرف وبامانه
يا جمال الحب يا جمال دنيانا

سيرونا لنيلنا وسوا لينا عديلنا
فوق جناح الحب الملائكه تشيلنا
يوم تقلب خيلنا فوقا شبان جيلنا
والزغاريد حب خلي مافي مثيلنا

لوموهو اللاهي - أبوداؤود




للحفظ

يا نااااااااااااذرررررررررررررر

وين انت ياخ صلحنا كل اللنكات الما شغاله وعملنا صيانه كامله للبوست
وبقينا في الصفحة التانية ونزلنا شغل جديد عشان كدا عليك الله تعال هنا
وصلح القعدات بتاعتك دي لانهم الاتنين ما شغالات والروابط بتاعتك الصدأ قرضا



صنفرة:
يا ناذر ركز ياااخ

فوق

جاي تسأل تاني ليه - حسن خليفه العطبراوي
مهداه للأخ المبدع عماد عويس

نعم جلستنا رايقه
لكن رايكم شنو نقيف علي حيلنا نسمع لنا شتم ودلوكه وندها خجه خجتين وناخد لنا عرضه وصقرية وشبالا مكنتر عطرو يلزق في العمة لا الحول ونجي صادين للروقه نعمنو القعده الطويله بتكسر وبتجيب الم المفاصل والرطوبة



تمساح جزائر الكرد - محجوب كبوشيه -ود شنيبو

فوق

فــــــــــــــوق

تشكر حبيبنا معاوية الزول الجميل

صحبك بكري الليلة في حنة شقيقي الاصغر وباكر عرسه يعني مهيص حيطة بالحيطة ..

حبيبنا معاوية في بوست الامتداد قبل الارشفة انزلت كل الاغاني ماعدا خلاص ارتحت

من حبك حبك فات وريحني وياحبي الرزين يا الجاير علي ..اناطبعا سجلت كل الاغاني

ولقيت التسجيل ناقس وانا ما عندي الشريط ده حمدالله اني لقيتو عندك ..المهم لو

في امكانية نزل في بوست الامتداد الله يديك العافيه وتحياتي لكل الحلوين

وانا ما شايف فيصل بكتب ولا احمد عجوز المهم نزل لينا الغني خلينا نستمتع

انت عارف الغربة ..زادنا الغني ودوانا وبلسمنا الشافي ...

ربنا يلبسك توب العافيه دوما...

عزبزنا الغالي عماد
أولا أسف جدا للرد المتأخر ولك العتبي حتي ترضي
مبروك يا زول زواج شقيقك وان شاء الله بيت مال وعيال
والله ناس بكري حظهم هجيج شديد وكمان حيطه بالحيطه


يا عمده أنا ما عندي شريط دي بس أغاني نزلتهم من النت وتقريبا نزلتهم كلهم لكن ليك علي أمشي أفتش الباقيات وكان لقيتهم سوف أنزلهم ليك في بوست الامتداد زي الترتيب انت بس تأمر يا ريس

لك التحايا والود يا صديق

فــــــــــــــوق

أبوداؤود - صغيرتي


للحفظ

حبيبنا الرايق معاوية جالسين معاك في الصالون الراقي بنستمتع بكل جميل

انا بقصد من شريطي نزلت كم اغنية في بوست الامتداد الا اغنيتين خلاص ارتحت من حبك

حبك فات ريحني,,ويا حبي الرزين يا الجاير علي انا اشكيك لمين يا الماحاسي بي

عشان انا اتم الشريط بتاعي انا ما عندي الشريط ده بالتحديد ...

تسلم حبيبنا الايام دي انا مشغول شوية داير اكتب ليك طلبات كتيره وعايز منك مساعدة

لمن نتلاقي انشاء الله ...يحرسك الله ويلبسك توب العافيه دوما ,,,

حبيبنا عماد
دلوقت تلقي الأغنيتين في بوست الامتداد
ورسل كل طلباتك ونحن في خدمتك
تسلم

ما بنسي ليله كنا تائهين في سمر
بين الزهور أنا وانت والنيل والقمر

طرب أصيل ومتعه حقيقية
أحمد الطيب وصديق الكحلاوي
ربي ترحمهم وتغفر ليهم

يا سلام يا معاوية

أخيرا بوستك دا فتح معاي وزي ما قلت الصفحة التانية خفيفة شوية ..

حاأرفع ليك أغنيات الكحلاوي بعد شوية بي هنا ..

تسلم

تسلم يازول ياراقي ..حبيبنا معاوية

انا جمعت الاغاني كلها الان ولك حبي وامتناني

تسلم وتلبس توب العافيه

معاوية يا رايق
انت باين عليك من النوع البرقص بيدين الجلابية
البقول رقدو قش رقدو قش

هاك دى سحبتها ليك من جارى لؤي

انا والاشواق // محمد ميرغنى

ريدة زمان - الكحلاوي

أبوداؤود و العطبراوي - حن عليّ

UP

صدقني ما بقدر أعيد - كمال ترباس