//تراثيات و كنوز من سحارة حبوبتي، بقلم/ دفع الله ود الأصيل

02:21 PM August, 31 2017 سودانيز اون لاين
دفع الله ود الأصيل-
مكتبتى
رابط مختصر//تراثيات و كنوز من سحارة حبπ√{ 1} ®
http://www.sudanelite.com/vb/showthread.php/20919-%D8%AA%D8%B1%D8%A7%D8%AB%D9%8A%D8%A7%D8%AA-%D9%88-%D9%83%D9%86%D9%88%D8%B2-%D9%85%D9%86-%D8%B3%D8%AD%D8%A7%D8%B1%D8%A9-%D8%AD%D8%A8%D9%88%D8%A8%D8%AA%D9%8Ahttp://www.sudanelite.com/vb/showthread.php/20919-%D8%AA%D8%B1%D8%A7%D8%AB%D9%8A%D8%A7%D8%AA-%D9%88-%D9%83%D9%86%D9%88%D8%B2-%D9%85%D9%86-%D...88%D8%A8%D8%AA%D9%8A
أم رخم الله π√@ صبحكم و مساكم الله أخي أونكل عبوديبصباحات ٍ و أماسي رابحاتٍ و بكل خيرٍ نافحاتٍ،تحين قلت نتلاقى في "استراحة النخبة" غير أني أخلفت موعدي ؛ إذ زلت قدمي بدربي الصحيح إلى حيث "النخبة التوثيقية" .@ و لكن قل لي بربك في أي وطن تنوي العثور على بقايا من حطام رفات رجل فقد ظله؟! هل في ربوع هذا الذي إذا شغلتبالخلد عنه، نازعتني إليه في الخلد نفسي؟! أم يا تُرى في ذاك المحمول جواً، و نحن فيه طُرُشْ في زفة، و حالنا أسوأ من تلاتة قامت(أم رخم الله) برفع شكوى ضدهم إلى السيد/ بان غي مون، مدعية تفوقها عليهم حضارياً، حيت قالت: أ لا و هم:_- النزل إدلى البحر و جانا راجع بي جنابتو ؟!؛- و لا داك الباني بيتو جاهز و لاكين ساكن مضايق نسابتو؟!؛ - و لا كمان داك المحكر وسط اللمة و قاعد و لسة بسأل شن قالت رفاقتو؟!! گسسيسرة بجاي مع تگية خط:_@ و لعل أم رخم الله قد سكتت خوفاً من الهوا الساخن، عن رابع لهم ،هو شعب بلادي اللي هسي محقب يدينو و قاعد يتفرج في (عواسة جماعتو)؟؟؟!!!صدر تحت توقيعي بكامل قواي العقلية المعتبرة شرعا و قانونا ،،،،/ود الأصيل.

أخونا الصوفي، واحد جولگين متنگر في جلد حنگوشقال لي : هي كما يجازي جنس محنگ، هسي السحارة ديمن زمن حبوبة ونسيني وبعدين نحن لسة صغار الحاجات بعرفوها الكركات زيكم ي ود الأصيل!!+++++(((((*)))))++++++قلنالو : الصوفي اللخو! تعال هنا ياجولكين متخفي في جلد حنكوش ،اعترف أحسن ليك! و لا كمان تقول لي هسي دي شن عرفك بحبوبة ونسيني؟ يجازي محنك، يعني عامل متل السحيحيرة ديك الخايفة من (التقطقي) و هي قاعدة بتسوي في (الترنعي)؟!!
{2}
® يا روح ما بعدك روح π√©
طيب اسمع وكت جيت براك مديت رويسك، لأوسعنك نضما و نثراً و شعراً من جراب المحن .رغم إنو حبوبتي لا هي ناثرة و لا هي شاعرة بأيتها حاجة لكنها مليانة حنية لو فاضت بأهل الأرض جميعاً لاغرقتهم. +++++(((((*)))))++++++مرة عارف كنت ماسكني ليك برجم(يعني حصبة ألمانية لأبناء الشهادة العربية)معاه جنس وردة يازول طايرة لي في راسي لمان قاعد أهضرب.و جلدي السهراجة ديك لمان يلمسوها بالعود. حبوبتي طبعاً زي ما ذكرت بتريدني ريدة جنونية ما متل محنة كتكت البرا لبن و ما بتتحمل فيني الهبشة.يعني فعلاً بالجد من النوع القايلة أنو القيامة دي ظاتا يمكن تقوم لو يوم وقع لي مكروه قدام عينها.قامت يا زول لفلفتني ليك بفردة قنجة طابقة فوقها شملة صوف و بقت مصنقرة الليل دا كلو موقدة ليها نار جمر للدفو و جنبها لمبة(حبوبة و نسيني) و كورة (رمضان كريم) معطون فيها قرض تديني أكرع غصب حسنة كل شوية ؛ و لو شافتني تمحطني بسير المفحضة لامن أنلوي و كان حرقني تأكل اصابعيها من الندامة و تجهش معاي بالنحيب و هي كاطعة على نفسها ميثاقاً غليظاً بأنلا يجد الحزن سبيلاً إلى قلبي وقلوب أخواني اليتامى من ثغرتها أبداً. يلا كلما تسمعني أزانف و لا أقنت أسمعها ليك تبكي عز الليل تمنح بكاياً بي جعيرو تقول:+++++(((((*)))))++++++- الليلة وووووووووووب علي يا عشا البايتات يا ماني عارفة ليك شنو.. وتناجي ربها رافعة أكف الضراعة شاقة جوف الليل بسهام الدعوات تقول: يا الله هيييييييييي سعلتك بالذي هو أنت علا تخلي لي جنا جناي دا المتل الويحيد في أخوانو اللي هسي ما ضاق الحريرة و لا الجرتق لا الضريرة .. - يا ألله تعفيه لي بس من الموت.. وإن شاء الله بعد داك تشيلني نا ذاتي بدالو.+++++(((((*)))))++++++هنا أنا صراحة لمان خلتني نا ظاطي أشفق عليها و تكطع قلبيبحالة الجزع والهستيريا اللامة فيها ؛ قلت كمان تحصل ليها نصيبة بسببي فقلت إلا أسكتا ليك الحاجة دي بمقلب حار. وأخوك أصلاً شالق و صنعتي مقالب. فلما شفتها النعاس خلاس دب في أجفانها و كسر عنقها لمن الريالة سالت على سدرهاو هجست شوية أخدت ليها غفيوة كدي, قمت براحة انسحبت من الغتا و بعد ما أتمولصت ليك طططب بقيت مولاي متل ماخلقتني ؛ ثم بحركة بهلوانية كدي قدلت مشيت علىجيهة تيبار(الموية) و من تحت النقاع خمشت لي فكامة طين صلصال(برجوب) كبيرة جلطت ليك بيها جسمي دا من راسي لي كرعيني و جيت على تقابة النار و من وسط اللدايات شلت ليك كم جميرات مولعات غزغزتهن فوق الطين في جلدي. وجيت وقفت منشحط فوق رأس الحبوبة المسكينة , وغيرت حسيخليتو مت البعاتي و ناغمتها ليك بصوت مخيف:- أهاااااععععع.. جيتك يا مرا يا عجوز يا حيزبونة ، مالك عاملةلينا شمطة حاميانا الغمدة؟ مالك قولي دايرة شنو؟!!+++++(((((*)))))++++++- أها يلا ، زولتك من حيسا داك تنقش تنقش تنننننقش، قمزت مخلوعة تكورك و ترجف: - بسم الله حصبني الله , منو البصيح لي؟ , جان يا يابا إتا واللهإنسان؟و شن بتدور عندي ؟ كدي زح مني لي غادي كابس لي نفسي متل الرهجومة. قلت ليها:- دا أنا عزرائيل ملك الموت شخصياً ، وجيت أشيل رويحتكبدال وليدك البتريديه دا وعاملا لينا بيه غلبة ! دحين مو دا كلامك قلت فادياه؟ +++++(((((*)))))++++++أها الحاجة هنا تممم كرست كطعت النفس؛ لكن بحلاة الروح الظاهر ضربت خماسي في سداسي و ظنيت فصلت رجعت في كلامها: و جري أنحشرت ليك في شملتا و ما مرقت علا الأصبع السغووويروني و هي تأشر على عنقريب رقادي أنا و تقول: هييييي يا يمة! وا خجيلتي! اليلة ما رحت فيها عديييل كدي لاكينأأأبوى مييييي أنا المرضانة, لا لا , هداك المرضان الجنا المغتا داك أمش عليهو راسك عدييل وسوي عوسك معاه آآآآي آآآآبوي ، يديك العافية.و محمد معنانا ماتشغانا!!!و أنا بهنا من الضحك لمان بلتشتتت بولي فوق سيقاني.+++++(((((*)))))++++++

{3}
// بصارة البصيرة أم حمد //
يوم أن كمدت بقرة رأسها في برمة،
أو حشرت بغلة عنقها في إبريق؛ فلجأوا
إلى البصيرة أم حمد. حيث أمرت بقطع عنق
البلغة،و من ثمة تحطيم الإبريق،
و هكذا أفسدت كل شيء.
# فطار مثلا يضرب لكل أخرق أشتر،
لامن يتصدى لمعالجة أمور ما ، أو قضية شائگة ؛
و لا يملك مثقال حبة خردل من حكمة أو بصارة
أو دبارة أو دراية و لو بأبجديات بواطنها،!!
*****)))))+(((((*****

[} 4 {]
® بين حانة و مانة تشرتمت لحانا π√
© قصة مثل
® بين حانة و مانة ، تشرتمت لحاناπ√
تزوج رجل خمسيني بامرأتين متباعدين في السن. إحداهما اسمها حانة و الثانية اسمها مانة. و كانت حانة فتاة صغيرة في ريعان الصبا في عمر الزهور ، عز الغرام ، و عمر المنى. بخلاف حاجية/ مانة التي كان يناهز عمرها العقد السادس مناهزة شديدة و قد و هن العظم منها و ضحك المشيب و اشتعل برأسها (خاتنها بس، لزوم الحلفان و جديع الطلاقات في الهينة و القاسية).

© و كان الزوج كهلا ، و له لحية كثة سوداء و لكن غزاها بياض الثلج كما النار في الهشيم؛ حتى تركها غبشاء متل خلطة (ملح و فلفل) . فكان كلما دخل إلى حجرة الشابة حانة تنظر إليه بكل غنج و هي تداعب لحيته و آخر تمليس، لتنـزع منها كل سبيبة بيضاء كما الشعرة من شنب الأسد. و تقول: «يصعب عليَّ عندما أرى الشيب يلتهم هذه اللحية الجميلة و أنت ما زلت شاباً يرجى منك الكتير». ثم يمضي الرجل مسرورا إلى أهله في حجرة الجلكينة/ مانة فتتشبث بتلابيب لحيته هي الأخرى و (تمعط) منها سواد الشعر فلا تبقي و لا تذر ، كما الأرض المحروقة؛ و هي تقول له: «يُكدِّرني أن أرى شعراً أسود بلحيتك و أنت رجل كبير السن جليل القدر ، مما يخصم من هيبتك و يوشك يذهب بوقارك ».

∆ و دام حال الرجل على هذا المنوال و كأنه راكب مرجيحة (طوطحانية) بين الأمس و اليوم ؛ و ينتابه شعور خليط من التصابي و الهرم. إلى أن نظر إلى لحيته في المرآة يوماً؛ فرأى بها نقصاً عظيماً، حتى لم يبق منها سوي سبيبتبن و لا تلاتة طايرات متل بوخ العصيدة . فراح يشد لحيته بعنف و حسرة و يردد قئلا: «بين حانة و مانة تشرتمت لحانا ، و تبعزق هوانا ؛ حتى خارت قوانا.

® يحلنا الحل بلة π√
{] {1/5}
يحلنا الحلا بله .....؟!

كتب بشير ود تهامي:

@ أولا بالتبادي
السلام عليكم ورحمة الله وبركاته
يعتذر عن الغياب وذلك غصبا عنى
@ و ثانيأ انا بكتب بي بالجوال
@ لذلك بطلب من ود الأصيل ، ان يجي بي جاى و يحكي لينا قصة بلة ده شنو واتحلا من شنو؟! و برضو في مثل بقول:
جينا لي ......... تغنينا ملصت طواقينا؟! و السلام.
^^^^{{{{{{∆}}}}}^^^^^^
# أقسم لك بالله و ماك طالبني حليفة
ي ود التهامي، إنني ما إن وقعت عيني
على توقيعك حتى خنقتني العَبرة بفتح الباء.
فلك مني العتبى حتى تستغيث بالرضا؛و حتى
إذا رضيت تديني فاخورة راسك أسلم عليك فيها.

® و أما بالنسبة لدرامة عمنا،/ الفكي بلة،
فسوف نهريك بالحديث عنها و لا حرج.

© فكلنا سمع بمقولة (يحلنا الحلّ بلة)..! و بعضٌ آخر سمع بالجملة كاملة (يحلنا الحلّ بلة .. من القيد و الذلة)..!..ولا نعلم بالضبط من هو (بلة)!! و ما هي الورطة التي وقع فيها حتى صارت مضرباً للمثل؟! وكيف خرج منها؟!

® فمن الصعب أن نجد رواية كاملة أو حتى ثابتة، لتلخص لنا الموقف المأزق الذي وقع فيه (بلةّ)، و من ثم خروجه منه، و على غرار (أمات طه الغتسن؛ و لي هسي ما قلعن).

¶ و لا بد من وجود قصة نتمسك بها ريثما نلقى لينا (راس خيت)نتقفابو أثر لعمنا( بلة الغايب). و حتى ذلك الحين، خلني أقدم لك حكاية نتعرف بها علي المدعو/ بلة. حيث خرج ةام يعد (فلا جن و لا سحرة بقادرين على أن يلحقوا أثره)، حتى حين كتابتنا لهذه السطور. و ليتنا نعرف تفاصيل الورطة التي وقع فيها، و كيف تخارج منها.. فعلى بركة الله نبدأ.
.... و للحديث بقية و شجون

® يحلنا الحل بلة π√

{](2/5)
طيب أنا ح أديك ليها أكتر من رواية أخرى و هاك دي واحدة وش ملاح لاطشا ليك برضو طاظة حااارة تشلوط و بوخا يلوي من (وكرنا المهجور) تحديدن، و خلاصتا بالاختسار بالبلدي كدا بتقول كما الآتي:
® فكما هو متعارف فى جميع أصقاع الدنيا.تُضرب الأمثال من أجل توصيل فهمٍ محددٍ أو حكمة بالغة معينة ..اليوم سوف اشرح لكم لماذا قيل هذا المثل (يحلنا الحلا بلة) الغايب في الركايب و يا أم أحمد دقي المحلب في تةب أحمد .. جانا كلب سنونو صُفُر..و حلب الناقة في السونقاقة و أتمنى من الجميع كتابة أى مثل مع شرح مضمون المثل . على غرار (يحلنا الحله بلة).

© يقال عندما كان المستعمر الانجليزى يحكم السودان كان ممنوع منعاً باتاً الاستحمام فى الترع وجاء أخوانا بلة و نزل الترعة (ربما من أجل مكافحة البلهارسيا, و لكن الجاهل متل ما قالو: عدو نفسو).عمومن ، عندما رفع عمك بلة رأسه وهو يسبح..لقى الخواجة واقف منشحط فوق راسو وفى يده الكرباج يهم بإلهاب ظهره بعلقةٍ ساخنةٍ.

© فسأله الخواجة: لماذا دخلت تجلبغ في الترعة فقال له بله وقع مني صحن طليس (نظام قريعتي راحت و كدي) وبدور أمرقو. فقال له الخواجة: أوكى، يلا أمرقو ورينا( على أساس حبل الكضب قصير) فغطس بلة وكان الحظ حليفه للمفارقة ، فعترلو في صحن طليس فى قاع الترعة.. فتركه الخواجة و راح يضرب كفاً بكف من الحيرة و الاندهاش.

¶ ثانى يوم جاء عمنا أُمْحُمد أحمد ونزل الترعه فإذا بالخواجة فوقه وسأله: لماذا نزلت الترعه فقال له وقع منى صحن طليس فقال الخواجه يلا اغتس طلعو. إها عمنا أُمْحُمد أحمد و قد سٌقِطَ تماماً في كلتا يديه بقى فاتح خشمو شبرين و مشتح إضنيناتو متل صفق العُشَر . وهداك لا يوم الليله و باكر يغتس و يقلِّع و يندب حظه؛ قائلاً: يحلنا الليلة الحلا بله.

¶ أها و نحنا ظاطنا ما فاضل علا نردد معاهو نفس المقولة في شكل كورال: يحلنا عاد الحل بلة من المهانات و المذلة

{3/5}
طبعن القصة متداولة بروايات شتى ، شأن الأدب الشعبي، حيث لا أب له و لا وريث.
¶ و عندنا واحدة بطلا واحد درويش اسمو /فكي بلة. دي بالذات واصلاني بنسيناريو نهايتو هزلية و مضحكة شوية. قالو على أيام موقعة شيكان، كان بقول إنو الانجليز ح يهزم (جهادية) خليفة المهدي/ عبد الله التعايشي ود تور شين. رغم أطماعه العريضة في سبي و (أسلمة) ملكة التاج البريطاني ؛ و من ثم الزواج منها. حتى قيل إنه بعث إليها بكتاب عنوانه( أسلم تسلم) و أرفق معه سرواله. المهم دي درامة أخرى و طويلة.

¶ فما علينا؛ و نرجع لفكي بلة ، و الذي اقتادوه مكلبشا إلى مجلس الخليفة ود تورشين، الذي كان جبارا عتيا، و ذو بأس شديد. فارتعدت فرائص الفكي لما نهره الخليفة؛ و أمره ليردد على مسمعه ما نسبوه إليه.
- أها كنتا بتقول في شنو ياااا فكي بلة؟!
قام فگي بلة بتراجف و قاللو - لا لا ي خليفة المهدي ، أنا أنا كنت بقول ليك أمي بتسلم عليك و داعية ليك بالنصر المؤزر على علوج ملكة التاج البريطاني ، و إن شاء الله عاد تعرسوها لينا ، هن بقيت إتا و لا كان يونس ود الدكيم. فا شايف گيف بالله ، نظام المخارجة؟!!!

{4/5}
® طبعن دا بقودنا مباشرتن، برضو لسرد نوادر مما كان يدور في أروقة بلاط خليفة المهدي، عبد الله التعايشي. و بعضها طارت أمثالا تضرب في لمحافل.

© فيقال إنه كانت لديه فيلة ترتع و تلعب و تعوث خرابا في مزارع الرعية و لا حد يقدر يقول ليها تلت التلاتة كم.

∆ و ذات سربة دخلت الفيلة مزرعة أحدهم و كان من الصنف الأحمق (الما برضا الحقارة) فلامن شافا تبرطع يمين و شمال ، قام (يناحيها) بعيدا عن حمى حقله. و لما علم أنها للخليفة ود تورشين، كبرت في دماغه؛ و ذهب إليه ليشكو إليه أمره.

¶ فدخل عليه و بدأ يتزمر: الفيلة... و لكن ، مما لمح الشرار يتطاير من عيني الخليفة و نهره: الفيلة مالا قول مالك:

¶ أها زولك زرط ريقو مرتين لقاهو يابس كو درابة؛ أها و قعد يتراجف ، لامن عرق و جف و ركبينو ساحن و قال ليه:
"الفيلة"
- مالا الفيلة ، قولوسن سوت لگ، اتگلم مالگ مبرعم و ساگت؟!!
- الفيلة با خلبفة اامهدي ، دايرة ليها رفيقة".
أها بالله شايف گييييف ،عليگ الله؟!!!

(5/5)
الظريفة في حكاية الفيلة، انو المزارع، اتفق مع بقية المزارعين انو يمشوا معاو للتعايشي "المرعب" هو يبدأ الكلام مع التعايشي بالفيلة، ولما "يزأر" التعايشي مالا الفيلة، المزارعين كلهم يبدو الشكية من عمايل الفيلة، لما بدأ الكلام قدام التعايشي بالفيلة، التعايشي بنهرة، قال ليو ماااااااااااالا الفيلة، أتلفت وراو عشان بقية المزارعين يشيلو معاو، لقاهم گاطعين موية ونور، و سعر بمهانة في وش التعايشي برااااااااو، قال ليو يا سيدي خليفة المهدي، الفيلة انا رأيي انو تجيب ليها فيل يوانس وحدتا، بدل ماهي قاعدة براهاّ . لكن ، ماتمو لينا الرواية، التعايشي، جاب الفيل عشان يونس فيلتو الحنگوشة الدلوعة دي و لا لا؟!؟

(6/5)
اقتباس المشاركة الأصلية كتبت بواسطة Abdelazim مشاهدة المشاركة دا بقت عليهو البقت علي تيس ساي نفيسة مرت السيد علي، و لا سيظي الحين ود حسونة ماني عارف.
٪٪٪٪٪٪٪٪٪(((+++)))٪٪٪٪٪٪٪٪٪

@ بس ياها ظاط ، ي عظمة، الحلفاوي قرفان، قاللو:"ما لسة بدري ي هليفة" علا كيفن، ياخ أنا عارف ، في البتموها ليك درامة الفيلة. و رفيقتا. دا قالو عمك جايب ليها مراح أفيال عدييييل كدي و من بلاد السند و الهند و بلاد ركوب الأفيال راس، عشان يونسوها و يفگو لبها دبرسة عزلتا. فا شايف كييييف جنس المهازل، يا حبوب؟!!!!

® سماحة الحد دقنوس π√
{6}
® سماحة الحد دقنوس π√

(حكاية مثل)

© أولا، إن كان و لا بد من شرح المفردات الغميسة. فالحد بخفض الحاء المهملة ، هو الحداد على الميت. و أما الدقنوس، فهو فروة الرأس بلا شعر (يعني كدوية). و البهيمة أم دقنوس هي التي لا قرون لديها ؛ بخلاف الشاة الكرتاء {كريت} و التي بلا أذنين. و هناك سنة مجاعة ضرب فيها القحط العباد و البلاد من أقصاها إلى أقصاها ؛ حتى أضطر الناس لأكل الضريساء و شاركوا النمل في في مدخرات ببوته. كان ذلك سنة { أم دقنوس} في العام 1306 للهجرة . عليدى عهد حكم التعايشي. و لا أدري تحديدا سر التسمية.

¶"سماحة الحد دقنوس" أي أن الصورة النمطية المثلى للتعبير عن الحداد على روح الفقيد الراحل، هي أن تتجرد حريمه الثكالى من كل مظهر للحياة. فلا يتحلين بزينة؛ و لا يرتدين مخيطا أو محيطا.

¶ و أما فلسفة المثل و تفسير مغزاه ؛ فتقوم على مبدأ الإمعان في أتيان الشيء على آخره و بحذافيره حتى النخاع. فلا يستبقى منه شيء قط.

¶ و يضرب المثل عادة، في حال من تحل به نازلة في مقتل، من مال أو بنين. و بينما هو في غمرة بحثه عن مخرج للطوارئ، إذا بجائحة أشد بأسا و تنكيلا، تأتيه لتقضي على أخضره و يابسه.

¶ و ربما كان قريبا من معناه ، و يتماشى مع سياقه العام كذلك قولهم: هذا آخر ما كان ينقصنا. و برضو: "الكيشة يجي مشرقط من السما يلقى الواطة مافيشة!!! فبالله شايف گييييف؟!!!

® مرض حامد π√

{7}
// مرض حامد//
نزولا عند رغبة الوجيه صدام الحاج هاشم ؛ و إنفاذا لرغبته الأكيدة،
سنلقي بأشطان دلونا في بئر هذه المقولة الشائعة من تراثنا المتواتر لتعميم الفهم.

#إذن، ، يرفع إيدو الما سمع بالمثل البقى متداولاً في أوساطنا حيثما كنا. و بطله الشاب/ حامد
التائب أشهر من( بلة الغائب)؛ و كلاهما ألمع من من ألبيرت أينشتابن ظاطو. نضرب المثل و لكننا
نجهل صاحبه و ماهية علته. مثلما نقول(دمغة غريق) ؛ و لانا عارفين الغرقان و لا الغتس حجرو منو؟!

الشاهد إنو دا لاهو مرض حكما ينفعو حرجل أو قرض و كمون؛ و لاهو فقرا لعزيمة و محاية و دواية
و لا هم يحزنون. غلبو فيه حيلة لامن عملو لو السبعة و زمتا ظاتو و حالتو محترفة، النفس منخم و النفيسة
منقهمة. جاتو البصيرة أم حمد تكويه و لا تسيلو كمدة بي رمدة ؛ قالت الجنا شديد ما عندو الحبة دي ؛
علا اندراوة سااه، و لا كان صايداه عينا ناشفة و ما سمت. و برضو الحال لأسوأ.

ناس داخلين و ناس مارقين و حامد لا تترب قمز قام و لا كمان رقد هجس. قالو خلاس يجروبو الخرتوم ،
بكان الريس بنوم ، و التيارة زاتو بقوم و قبل ما يسوقوه جات حبوبتو حيزبونة كدي مقرقحة، و صاحبة سوابق
غرامية(بريئة) و سوست لأمو في أضانا: أسمعي هنا الجنا دا علتو جوانية (ما بتنساف رالعين المجردة). علا بدور
العرس كدي عرسولو. و فعلاً إتلموا الوليان و عزلولو (دريفينة سميحة) و عزمولو البلد و البلدين و يشحدو في
الله لكن زولك من شمار البشارة دقش أضانو ح يبقى ( بعل) صاحبك انتفض و قام يتلتل متل (البغل).

أها من ديك ، كل من هب و دب غالبو يكمل نص دينو الحلو ترا يقعد ينيص و يعمل فيها رايح،
و رويحتو في آخر طقاق عشان يلموه في دلقون أقرب (بايركساية) يعيش سوا في سبات و سكر
نبات و يخلفو لينا دستة صوبيان و بنوتات.

® مسيليلة π√
{8}// مسيليلة //

®منور البوست عمنا محجوب، يلا خلاس نبطل شلاقة و نصنقر نتتفن في الواطة جنب كرعين حبوبة و هي متحكرة في نص العنقريب نسمع نضميها الحلو لمان ينقط عسل ونخليها تقصد لينا و تحكي لينا حجا من أيام زمن الناس حنان . ناس ود النمير و فاطنة القصب الأحمر و قصةالبعاتي المعلق في المشلعيب و ناس هبشيتي البخوفن و السحيحيرة أم ضنباً مسلول وعايشة في بيت نمل ووتسوي الطقطقي و تخاف من الترنعي .

© لكنك الآن تترع كأسي بنخب معتق من إطرائك المحبب و تشرف عزلتي بحضورك عبر أثير هذا المنبر المحتشم . و بذا تجبرني على رفع قبعتي إعجاباً بنضمك الرصين حين تريق الشهد على شفاهنا لندير دفة الحديث نحو أرشيف حبوبتي ، حيث الأخبار منقولة لنا على لسانها بالتواتر كابرة عن كابرة و هي ثقافة شفوية بامتياز وجديرة بالحفظ والتوثيق.

∆ نقدهها بوجه خاص لهذا الجيل المسكين جيل الحناكيش. و لو أنني لا أنظر إلى الحنكشة أبداً على أنها تهمة و كمان لو هسة لقيت جرعة حنكشة ما ني مابيها . بس كمان مش لدرجة اأبناء الشهادة العربية البعرفو ليهم مثلاً الراعي ب(البفثح البقر)، ناهيك عن طلاسم زي ناس المرحاكة (الرحى) و هي حجر سميك مستطيل قديماً تبرك عليه الخادم (تام زينو) طوال يومها لتجرش ثم تطحن العجين لأهل بيتها لينداح الثفال على (الحيب) وهو أيضاً إناء حجري ملازم للرحى لاستقبال ثفال الطحين, وقد أشار إليه زهير بن أبي سلمى في قصيدة له في ذم الحرب حين قال ( فتعرككم عرك الرحى بثفالها) فمثل هذه المفردات تعتبر طلاسم في قاموس اليوم.

¶ عموماً مشكور عمنا وتسمح ليأقول ليك طعلت حنكوش (إلا ربع) و يشرفني بالجد نتابع إن كان لديك صبر على طول السرد و الحكاية.. إحنا دي بقا صنعتنا. إذاً إليك بهذه القصاصة ورغم أنها لحساب بوست آخر فقد آثرت سردها لك هنا كي أفر عليك عناء التنقل.
// مسيليلة//
يُروى ان أحد أهل العوض الرحل ينزلون أحياناً بالضواحي وطرف المدائن؛ حيث يترزقون من ريع ألبانهم- و يسمونهم عرب اللبن و هم قوم رائعو السمت طيبو المعشر ينخرطون بعفوية في مجتمعنا القروي لدرجة أن بائعة اللبن في فريقنا في الحلة تزورنا ونزورها في كل فرح و ترح.

#الشاهد أن أحد هؤلاء العرب (الشناتير)قصد بماشيته ناحية ما يطلب الماء و الكلأ و هنالك أوقع في حبائل صبية بدوية فتزوجها بعد علة حب لم تمهلهما طويلاً . وعاد بها أدراجه إلى حيث (تاية) رهطه. كان عمرها 10 أعوام أو يربو قليلاً.

#و بطبيعة الحال اغتاظت لبوته و يت عرينه الأولى من الضر فطفق أهلها يواسونها قائلين: ها زولة!شن عرس ، راجلك ما عرسلو شويفعةً( مسيليلة)؛ يعني رهيفة لامن كملانة من ادلحم الدنيا دي ؛ متل( ورتابة بين السماو السحابة) باكر دي كان مات ما بتعرف تسترو لا تبكيهو .مما انطلى على قلب تلك المسكينة و هدأ من روعها فأيقنت انه فشل في اختيار ضرة تمون جدريرة بمنافستها.
#و لكن تصادف أن بلغ زوجها أمر تهكمهم بها فعمد إلى أثبات العكس للناس بأن المسيليلة - فالحة و نجيضة- وتعرف كيف ترثيه إن هو مات و ترملت بعده. وقد كان فادعى أخونا المرض ومكث غير بعيد في خيمته أياماً يمارضه صديق له ماكر حتى خرج الصديق ينعى صاحب الضرتين وقال لهم -إن فلاناً قد مات و ربنا أخد أمانتو كلموا نسابتو في الحلة التانية - أهل المسيليلة ..فخرج أهل المسيليلة في نفر من قريتها تاركيها وراء ظهورهم بعد أن منعوها من الذهاب للعزاء بدعوى جهلها وحداثة سنها .

#لكنها لحقتهم بهودجها وحيدة عبر البطاح حتى وصلت لمضارب زوجها و نزلت هناك حيث كان الشامتون يشمتون من تغيبها و زعمهم أنها خذلت بعلها و كانت ضرتها سعيدة برغم خسارة زوجها بأنها ربحت جولة حاسمة. وفجأة تظهر المسيليلة وتكسر أسورتها الفضية - رح رح هذه مؤثرات صوتية فقط - ثم تكسر حجيلاتها أيضا دلالة على الحزن على بعلها.فتتصدى لها امها من احدى الخيام لتلومها على مجيئها للعزاء رغم انهم قد منعوها فتقول لها: مسيليلة ليش جيتي؟ مسيليلة ليش جيتي؟؟
_ فترد المسيليلة : يا يمة جيت للدهنو في قروني.. و يايمة جيت للحمو في سنوني ويا يمة جيت للنظرو في عيوني أي: حضرت عرفانا بجميل زوجي فدهنه في قروني أي: شعرات راسي و لحمو في سنوني أي: من أطعمني من جوع و أمنني من خوف، بكونه لم يكن يحيد عني بنظره لسواي .

_ فترمي أمها رأس الخيت :مسيليلة ليش جيتي؟؟ مسيليلة ليش جيتي؟؟
- ثم تردف هي بمناحة عصماء تصف فيها مكارم المروءة متجسدة في فقيدها المرحوم و لكنني حجبتها كي لا أشق عليكم .وهنا يفتح الزوج مدعي الموت وجهه يسلم على المسيليلة في رأسها بعد أن برهن لعزالهما بأنها وان كانت مسيليلة فإنها ناضجة و واعية ويمكنها أن تبكيه إذا مات.
حواشي:-
المصدر أمي عن حبوبتها رغم ميلي للارتجال
في االحبك و السرد ،نظراً لتقادم الزمن.

® وداعية π√

{9}
ودَّ الأصيل ، متواجد حالياً
// وداعية/! ود المطامير كتب يعلق:
هع هع هع هع والله يا صاحبى شكيت محن محنك،
يعنى إنضربت بطين لقاى التيبار ذى زول البرجم و قريرة البحروجهجهت باكات
قلب حبوبه هع هعوالله الحبوبات وحبوبات زمان كانن فى منتهى الحنيه والأصاله
هسى حبوبات الزمن دى يطقمن الملابس مع بناتهن والبودره ما تديك الدرب.
*****((((()))))*****
ها زول هه أريتن واقفات على كدي ، ديل بقن الواحدة
لو ناديتا يا حبوبة تبوز ليك شبرينو تجمر فيك متل بريبة كلبة القنيص.
...لاكن حبوبات زمانك كانن رغم البساطة عبارة عن أفلام متحركة. تعودنا
نتخذ من(سحَّارات) حبوباتنا مناجم لنسبر أغوارها تنقيباً ، ليس فقط، عن
أصداف محارٍ ملأى ب(كنوز محبةٍ) فقدناها، أو شوارد حكمةٍ ضللناها ،
و لكنها تصلح أيضاًمتكآتٍلبراءة الأنس الجميل.. و لهمس أوتار
الحنين في أحضان دفء الخاطرة..
*******^^^^^((()))*********
عارف مرة حبوبة عجوز بتحكي ليها في حلمة لجارتها،
واحدة جارتا كدي حتها حيزبونةً مميسيخة بلحيل. و عاملة فيها وداعية ؛
قالت ليها ياخيتي دايراك تشوفي لي البختفي حلمةً كدي حلمتها البارح لامن
صحتني قريب البياح ، قومتني مزعورة انقلبت على صفاقي و اتحصبنت قلت:
اللهم أجعلو خير. يلا أشوف ليكي رقبتي كدي متل الراكبة لي جملاً أصهب ،
قام ختفني ليك و قال كدي عاد قام مكربت بي. ردت ليها المسلطة ديك:
-عاد ووووووب على و سجم خشمي يا يمة، نان يا إخيتي دي مي ياها
الدنيا الخربانة دار الغش أم بناياً قش ، يا حليلك ياالجاهلة و سغيرة ،
الظاهر جاتك تارررة و ضقلها يكركب (معناها: ح تموتي قريب)!
كدي عاد أصبري لي النقوم أرمي ليك "الودع" أشوف ليك
ختوتك كيفنها ، كان عديلة و لا عوجاتن كنجارة؟؟!!

# قامت فرشت ليك التبروقة و انعدلت ليها و رمت الوديعات .
و بعد ما قرت الشافتو، اتنحنحت و قعدت تمنِّح تاني:ووب علي الليلة
عاد يا بت بطني ! يا جاموس أرقد , و محمد معاناما تغشانا!! أها شايفة
الويحيد في أخوانو دا بقول شنو؟ - أهاحبوبتنا الحالمة ديك قام دخلتا
ليك خوفة لامن فتشت لي ريقا هبشتو مرتين تبلعو لقتو ناشف كو
دورابة بس و قالت لها: شن بيقول آ مرة ودعك ؟ عليك الله
قولي فسريو اصلك عاد ماتقصري، أها لاكين عاد ما
سيحتي لي ركبيني و صبيتي لي عضيماتي!

# الوداعية قالت لها : يعني ماك شايفاه براك،
أكان للحاشي الأصهب دا مو ياهو ظاطو عزرائيل/ ملك الموت !
يعني يا إخيتي و الله ان إشاء الله بس تكوني كاتبة وصيتك. آها قولي
لي و تاني شن بقا عليكي اللخية؟ - بقا هنا حبوبتنا لمن بطنا طمت
و دخلت في حيص بيص, و تمامة الحكاية طارت ليها في لهاتا. فعمات
تقدير موقف فسراع فسراع ؛ و قالت النلحق رويحتي قبال المغبية دي
ما تغتس حجري. أها انتفضت و قالت: علا لاكن آآآبنية ما قت ليك:
أنا بعد داك ما حامت شوف روحي انملصت نزلت ليك برراحة من
البعير بي ضنبو! و بعدين أنا حلمتي زاتا (انكطعت وانشبطت).
و تحين اللخية خمخمي وديعاتك ديل و انكشحي
قومي شوفي ليك شمار غيري.
********$$$********

® حجر مسن π√
{10}
// حجر مسن//
كتب لي فقيد النخبة الراحل/Mahagoub يعلق:
طلعته ود حبوبات بجد
*********"((()))***********

® و كمان يا عمنا المحجوب، لو في جهة مستعدة تتبناني كحبوبة (بارتايم) ، قول ليهم علينا جاي ، ما في مانع نشتغل....العزيز الغالي/عمنا محجوب أريت صباحاتك لبن و ربي إن شاء الله ينولك مرادك الداسو في تمرة فوادك ..أها وكت جيتنا داخل لا جوة و قلت نفرش و نتحكر نجيب سوالف أعراس زمان وهسي. شايف الحتة دي بتعجب الناس بلحيل.

© خلاس، طب ما عندنا مانع نخوض و نلعب لحدت الركب و نكيل الصاع صاعين . و لكن خلينا الأول نديها كمان كوزين زيادة من محن الحبوبات عندي حاجات قديمة شديد ظنيت قبال ما يحفرو بحر أزرق.. هن يمكن مسموعات لناس جيلنا, بس عملنا ليهن شوية تعديل و شمارات :-

∆ قال ليك الأم متعلقة بولدها ترا كدي متل شغل حبوبتي نا دا.. فلما اتزوج اشترطت عليه البقاء بجوارها . قال سمح ؛ و بنى ليها قطية في صفاقو ساااه.. قام طبعاً بعد داك أنجب ليه شافع حديث الولادة.. و دا كلو طبعاً على حساب مساحات من التحنان كانت حكراً للأم الجدة دون منازع .. لكنها سنة الحياة ترا.. فلما رأت سحائب الرعاية و الاهتمام ترحل عنها شيئاً فشيئاً لتصب بأرض حفيدها و السنيورة أمه بطبيعة الحال. بدأت تنهشها ليك غيرة من النوع الخبيث بلغة الدكاترة .سمعت ابنها كذا مرة بعد ما يرجع من الحواشة عند المغارب و ينفضو ليه الفراش فوق العنقريب الهباب و يعطنو ليه كريعاتو في موية فاترة تشيل دبس التعب و يلا بعد داك يقعد يرفع صوته بالضحك و القرقراب مع صغيره.

¶ أها الحبوبة بهناك طوالي قعدت تناغم فيه من بعيد و فتحت ليك معاه تحقيق في الموضوع:
- مالك آ جنا حشاي جنيت، لامن بتضحك تقول قر براك كدي برا شغلة؟ و الله ترا عاد سمعنا قالو كان للجن بتداوا، علا لاكين كعبة الاندراوة.. ثم بعدين شنو ظاتو البضحك الأيامات دي في الدنيا المسيخة دي.. أها هن بقيت مشگنب خليني النوديك لشيخي عوض الجيد، أب عشة التور ، تور عفينة الشين ، و لا نسوقگ لراجل الشگينيبة المگافي أبو عمر ؛ و لا گان سعران النجيب ليگ طينة ود الطريفي خسيم السعر و جاموس الوعر يلحقوني گولهن و يفزعوتي با يمة ؛ و لا گمان تكون قلة أدب ساكت مع المقصوفة مرتك العاجباك ديك و شارقاك طايرة ليك في لهاتك؟ إن شاء يا يمة تطير ليها النقرة التسد حلقوما!!

¶ هنا ، اقترب الابن من أمه و بعد أن طبع قبلة على جبينها المبلل بالعرق همس في أذنها و قال:
- يا يمة كدي استهدي بالله و كبري دماغك شوية ، و الله ماك عارفاني ساكت، القاعد بضحك معاه دا زولن لسة يا دوبك سنون ظاتو ماعندو.......!!
[} هنا الحاجة طوالي حقطت الكلمة علقت فيها و رسمت خطتها و وضعتها حيز التنفيذ الفوري ؛ و من حيثها داك لما بكرة جاء يصبح عليها لقاها لهله (برا سنون) .. أتاريها عمتگ الحاجة المسگينة جابت لها حجر مسن ولمت ليك في سنيناتها دهجتن ليك دهج عدمتن العضاضة، قالت إليه، عشان ود بطني و جنا حشاي دا يجي يضحك معايا و نقول قر برانا {و يتم مناتا و نضرب عشانا .. و نقابل أهلنا .. نعيش في جنة...}
بالله شايف جنس محن العجايز گيف؟!!!!
٪٪٪٪٪٪٪٪٪(((+++)))٪٪٪٪٪٪٪٪٪٪٪
ود اامطامبر يعلق:
ههههههههههههه
والله محن يا عابر
ويا حليل حبوباتنا وزمن المحنة الاصلية بوست
ممتع حد الدهشة ده حالتي انا لسة ما كملتو!!

® حنكلوت جبتوتπ√
{11}
// حنكلوت جبدوت//

{على وزن / ريموت كنترول}

@ (هذه يلزمها شرح للمفردات الغميسة كما توضح الحاشية أدناه. كتب مصطفى احمد على يعلق: مررت من هنا فكنت حاضراً فى زمان الدهشة الجميل ...مررت من هنا فكانت الذكريات الاحلى على الاطلاق ...و هنا تذكرت اندثار معانى الحبوبة التى نعرفها ..والحبوبة الآن ... حبوبة عصرية ...هل لذلك الزمان منعودة...؟؟
٪٪٪٪٪٪٪٪٪٪(((+++)))٪٪٪٪٪٪٪٪٪
® نعم ، هنالك عودة وبصحوة تامة، لم لا و بين ظهرانينا أقلام بقامتك السمهرية. كمان تعرف يا مصطفى.. الغريبة أنا حبوبتي دي بعد ريدتا الجنونية لي كنت مكرها ليك العيشة و أخوك طبعاً حريف جداً في فنون التخفي وا لمناورة بحركات بهلوانية أكروباتية..

#مرة عارف ناس عمتي جونا ضيوف معاهم بنية نديدتي تقريباً .فأنا على العين الزايدة قمت أتخمج ليك فمرقنا برة كان في تلع مطرة قعدنا نعرض و نهتف نقول : عية عية بلاد أبوي القدامية و بكدا عكرنا مزاج حبوبتي بت ود التاي في جلسة الجبنة مع الونسة القاجة ، فقامت بالراحة نيشت علي على رويسي بالحنكول (عكازة ليه قرينات تتوكؤ عليها و تهش بها على غنمها) و ربما لها فيها مآرب أخرى. و لكن أهم و ظيفتين أنها تجبد من على بعد و تخبت ترميك علي حمير قفاك.(حنكلوت جبدوت).فالعبد لله رغم الهيصة كنت رامي ليك بالي كويس و موقت للجدعة و مع فكة الحنكول تماماً عمات تفدبر موقف بسرعة البرق انبطحت أرضا؛ ً لأنجو بجلدي. و لتصاب بنت العمة الضيقة المسيكينة كانت واقفة وراي أردتها ناشفة بلا حراك. فكان منظراً يبعث على الضحك رغم مأساويتة.

حاشية:
- حنكلوت: حنكول (عجازة معقوفة
الطف يُتَوكؤ عيلها ، و فيها مآرب أخرى)؛
- جبدوت :الاستعانة بتلك العكازة
لسحب الشافع المشاغب حال هروبه

® الخوخ البقلع الضروسπ√
{12}
//الخوخ البقلع الضروس//

® ياخ إحنا أبسط مما تتصور. مرة معاي فردتي, خال الأولاد معزومين في لمة عرس عند ناس تقة. قعدونا في صينية مكبوس عملاقة بحجم ملعب كوبا كبانا الأولمبي؛ مصنقرين أو الأحرى(مبركين) فوقا بعير له خوار؛ ما ياهو الليه مقلة قدر جبل اللبايتور ، بكون تابخنو في حلة قوز بحجم مصفاة الجيلي ؟!؛ كمان حاشينو بجداد ؛ و الجداد محشي بحمام ؛ و الحمام محشي بي قطا و طيور السمان. و أطيار الجنة هذه محشية مكسرات؛ و هلم جرا.
@أها بقيت ليك أنا غاتس بي جاي ؛ و زولي دا بهناك؛ غرقانين في دهن الضلعة دي لي كيعانا و لامن مانا عارفين كوعنا ظاطو من بوعنا. أها وكتين زولي شفق علي قعد يكورك لي:"يا زول إت تمام ؟! قت لو تمامين، أها و إتا كيفنگ مع گوىع البعارين؟!".

∆ أها يلا بعد قمنا جاء ليك دور بوفيه التحليات العجيبة. مشينا عليهن؛ جابو سلال الفاكهة ديگ عاد الميها خمج{ أتينا بها متشابهة} ؛ فيها أصناف كدي مشيقحة خاتفة ألوان.. صفرا و محومرة كدي. قام زولي ختفاو وتحدة ، و سعلني: دا شنو؟! و لما إنو ليس المفتي بأفقه من المستفتي؛ قت لو: دا ظنيتو خوخ على ما أعتقد. قالي:خوخ شنو يا زول ها ؛ نعلو داگ لزماوونگ قاعد يدعونا بيه، يقولولنا الخوخ( اليقلع ضروسگ)؟!!

{13}
® ود الهرمة π√

( الناس يكررون دائما يا ابن الهرمه أو الزول ابن هرمه ,,!!
ماهى قصة أبن الهرمه ؟ القصة أن ابن الهرمة هذا، كان صديقًا ونديمًا للأمير،
و كان يذهب إليه في المساء، بعد أن تنام المدينة كلها، ليسامره ويسري عنه لما عرف
عن ابن الهرمة من خفة الظل وإدمان الخمر!! وكانت المشكلة اليومية أن ابن الهرمة
عندما ينصرف من قصر الأمير في جنح الظلام يصادفه العسس ويستوقفونه، فيتلا
حظ لهم رائحة الخمر وهي تفوح من فمه فيقبضون عليه، و يحيلونه للقاضي!!

.. كان ابن الهرمة لا يريد أن يكشف سره و سر الأمير و لا يستطيع بالتالي
أن يقول للعسس إنه كان يشارك الأمير في كل شيء، وبالتالي كان ينساق لأوامرهم
و يذهبون به إلي القاضي الذي يكاد يقيم عليه الحد حتي يستيقظ الأمير ويتدخل للعفو عنه
في اللحظة الأخيرة!! وكان هذا يسبب حرجًا للأمير، وألمًا وإهانة لصديقه ابن الهرمة.

# وذات يوم بحث الأمير عن ابن الهرمة فلم يجده فأرسل في طلبه ؛
فحضر صديقه إليه، مشترطًا عليه، أن يعطيه «صكًا» يضعه في جيبه،
ويقدمه إلي العسس حتي لا يقبضوا عليه إذا وجدوه سكرانًا!!

..استشعر الأمير الحرج في أن يكتب صكًا يطلب فيه من عسسه عدم القبض علي رجل شارب الخمر،
لما يحتمله هذا من شبهة الخروج عن الشرع، والتعارض مع حدود الله، فطلب من ابن الهرمة أن يفكر في
حل آخر يقيه شر العسس ولا يضع الأمير في هذا الموقف الحرج!! أمام الرعية، ورجال الدين، وخصوم الأمير!!

.. غاب ابن الهرمة أيامًا، وعاد للأمير ومعه الحل(!!) وكان الحل أن يصدر الأمير مرسومًا أميريًا يقول فيه الآتي:
نحن أمير المؤمنين و قد تلاحظ لنا، أن هناك من بين الرعية رجلاً يدعي ابن الهرمة، كثر القبض عليه ليلاً
و هو مخمور (شارب الكرستال) و كدي، وقد عفونا عنه مرات ومرات دون أن يرتدع لذا نأمر بالآتي:-

«إذا ضبط ابن الهرمة سكرانًا في أي وقت من أوقات الليل و النهار يجلد مائة جلدة،
ويجلد من شارك في القبض عليه خمسين جلدة(!!)

.. و هكذا ضمن ابن الهرمة أن صدور هذا المرسوم الأميري سيمنع كائاً من كان
من عسس الأمير وعساكره من التعرض له أو القبض عليه(!!) وأصبح ابن الهرمة
وقانونه مضربًا للمثل في التحايل بالقانون لتحقيق رغبات الأمير وصديقه.
*تري، *كم من ابن هرمة في زماننا هذا*
ربنا غايتو يجيرنا من( أولاد الهرماواات؟!)

® حمير بهلول في إسطنبولπ√
{14}
® حمير بهلول في اسطنبول π√
© من نوادره المضحكة المعبرة¢
@ أزواج من جماعة حزب الخضر£

∆ حيث طلب البهلول من أمير المؤمنين/هارون الرشيد أن يحكّمه بالعباد مدة شهر، فرفض هارون، ثم ألحّ البهلول، و لم يستجب له الأمير الرشيد .

¶ و بعد المشاورات و الالحاحات و اللاتي و اللتيا، اتفقا على مضض، أن يحكم البهلول البلاد ليوم واحد فقط، و بشرط: أن لا يظلم البهلول احدا.

¶ و مع حلول ساعة الصفر المحددة لتقلد البهلول منصب القائم مقام بصلاحيات{ أمير ليوم واحد} ، ذهب هارون لنزهة في بساتينه مع الأسرة الملكية و على رأسهم حرمه المصون/ زبيدة...

¶ و في رابعة النهار يلتقي هارون بالبهلول و هو يسوق أمامه {مراحا} من مئات الحمر الأهلية المستنفرة ، فرت من قسورة ،
¶ فاستغرب هارون لهذا المنظر و سأله:
- ما هذه الحمير يا بهلول و من أين أتيت بها؟
فأجابه البهلول:
- لقد مررت بالبلاد يا مولاي ، لأتفقد أحوال الرعية و فرضت على كل (بغل) تأخذ (بعلته ) بزمام أمره ؛ و تطويه حناحيها؛ فرضت عليه ضريبة حماراً،

¶ فقال هارون:
- هل من المعقول يا بهلول في بحر سويعات، أن تحشد كول هذا الكّمّ من المغلوبين على أمرهم؟

- فقال البهلول: دعنا من هذا يا مولاي، المهم أنني لم أظلم أحداً، و إنني أثناء تجوالي في ربوع البلاد رأيت ما لا عين رأت و لا أذن سمعت؛ و لم يخطر ببال.
- ماذا رأيت يا بهلول؟
- رأيت يا مولاي فتاة حسناء غيداء مصقول عوارضها؛ بحيث إذا أصبحت نهارا ،تنحت لها الشمس و قالت: هلم اجلسي مكاني، و إذا بزغت مساءا، كانت نجمة حميراء، توارت لها خجلا، فلقة وجه القمر , و هو في ليلة البدر ....

¶ فكم تمنيت أن تكون تلك الحسناء الفاتنة زوجة بالحلال لمولاي أمير المؤمنين. فماذا قلت يا مولاي.

¶ فجذبه الرشيد إليه و قال : أخفض صوتك يا بهلول كي لا تسمعنا زبيدة ( تودينا ف داهية)!

¶ فقال البهلول: إذن ، عليك بحمارين ( مكاديين)، يا مولاي ..

® بت ي محاسن ، كدي جيبي لي السرج داك ، النشد و أركب🙈🙈

® قصة كراع جادين π√

(15)
//قصة كراع جادين//
***((( تراث متواتر كابراً عن كابرٍ)))+++
( تقول" وبعدين .. يقولولك :كراع جادين)
يقال في احد السفريات كان اللوري شاحن كراتين مكرونة
وفوق الكراتين كان هنالك عدد من الركاب متوجهين في هذه السفرية
الطويلة الشاقة إلى تنقاسي بالولاية الشمالية و(طشّ) اللوري من الطريق وتاه
بين كثبان الرمال وضاعت عليه معالم الطريق حتي تعطل بهم اللوري وكانت المياه
متوفرة معهم ولكن مع مرور الزمن احسوا بالجوع الشديد بعد ان قضوا علي كل ما
يؤكل ..فكر الكمساري بان يعمل حلة من المكرونة ووافق السائق علي ذلك وجهز كل
المطلوب لعمل الحلة فواجهتهم مشكلة الحطب حيث ان الكرتون تنتهي ناره بسرعة و
محتاجين لبعض الحطب و لما كانوا بين قيزان الرمال والصحراء القاحلة ولا وجود
لشجرة او عود وقف السائق حائراً في امر الحطب و قال للكمساري المقولة
المشهورة التي نعبر عنها جميعنا حينما نحتار في امر ما فقال له (وبعدين؟)
فرد عليه الكمساري (( كراع جادين )) وجادين هذا كان من بين الركاب
و هو رجل مبتور الرجل ولديه ساق خشبية فتسلق الكمساري للوري
واقنع صاحبنا جادين .و طبعاً صاحبنا جادين برضو كان جيعان
زي الجماعة و ما داير كلام كتير . ... فصارت
المقولة .. وبعدين ؟؟ كراع جادين ..

سلامات الأخ ود الأصيل
محاولة جيّدة لربط الحاضر بالماضي
وشرح مقولات معروفة ومجهولة المناسبات والمعاني للكثيرين.
شكراً لك.

(16)
® مساگ الله بالخير يا وش الخير ، أخوي المبجل/ محمد صديق. و ممتن لگ لحضورگ الباذخ، و لأريحية مرور موگبگ هنا، و قد أنخت بعيرك معنا بهذا الرگن القصي ،و هو يشكو قلة فئرانه.و گم نحن لحاجة لمن يشد عضدنا و لو بجهد المقل في تجميع هذه الأصداف، و نفيس اىدر في أحشائها قابع. و كما قال لي صديقي المشاگس العظيم: ياخي لو نقلتها الله بحاسيك؟!
انقلا ياخ انت اصلك ناقلا بي بطاح؟!!

© فلو حبيت، كأنموذج، تجد لدينا أمثال شعبية موغلة في سحر البيان كقولهم مثلا: "لا بريدك و لا بحمل براك". و لعل للمتنبي بيت على شاكلته و يشد من أزره، إذ يقول:و من نكد الدنيا على حر أن تلقى عدواً ليس من عداوته بد.

¶ أو كقولهم في مثل آخر: " كر يا ديك أريتك تعدم الساعيك و طول ي ليل على الواعيك و يا چمرة احرقي آلوآطيك".

[} و كم هو عظيم و معبر ذاك المثل الذي يقول: "أدعي على جناي و أكره البقول يامين" إنه أدب شعبي رصين يشعرك مبدى عمق ثقافتها وهي شفوية بامتياز فمابلك بها لو وجدت من يتابع ويدون؟!
∆ و لگن و إن كانت أمثالنا ليست كلها أيجابية ، إلا أنها على أية حال تحكي عن واقع حال في كل الأحوال، فهناك أمثال و مقولات شعبؤة قد تعكس نوعاً من السلبية و ضعف الرأى و الإرادة، كقولهم:
- فمثلاً قولهم : "كان غلبك سدهآ وسع قدها" ..آعتقد أن هذا المثل مستوحى من فگرة شمشونية(على و على آعدائى) وهذا فهم سلبى جداً، ينسف گل شئ. و المفروض لوغلبگ سدها أن تحاول الخروج منها بأخف الضرر و قدر الإمكان عن طريق إنقاذ ما يمكن إنقاذه
- و گذلگ قولهم :"كان گترت عليك آلهموم.. ما عليك إلا تتدمدم وتنوم"معقول ياخى!؟تنوم گيف؟ وتنوم ليه؟ً، بل الأجدر أن تسعى لحلحلة نوائب دهرگ بحكمة و شجاعة. بل، و لازم تگون صاحى أصلاً لتفاديالمخاطر قبل وقوعها؛ فلولزمت فراشك تبقى عليك ميتة وخراب ديار.
- گذلگ ، هناگ نصح بعضهم بأن:" أبعد عن الشر وغني لو" فيآخى آنت بعدت منو و بلعناه على مضض، فكمان شنو
لازمة تجي تغنى ليهو ، بعني عشان بقوم يطرب و يگسر گرونة؟! دى سلپية لا تقف عند الهروب من المحن، لا بل و التهليل والتطبيل لها. بصراحة ده مثل مفروض يكون مثل من
أي جنسية، إلا سودانى..
- و مثل آخر موغل في السلبية يقول:"الإضينة گفتو و أتعذر ليهو".يآ خى هو آضينة و مسگين و الله خلقو كده، آنت آلحقارة
ليك شنو وهل هي من شيم الأحرار؟!.

- و أما المثل الأكثر سلپية لدرجة مقرفو أنا شصخياً أبغضه و لا أطيق سماعه (رغم آنو قصدو شريف) يقول: "خلى آمگ للرجآل مآ تخلى حقك للرجال".. گيف يعنى؟! معقولة آخلى أمى لكائن من كان؟! و هي آمى آساسي و رأسي، ثم إلى الجحيم كل شيء دونها.

@ و خشية عليكم من الإطالة و الضجر قلنا نوفرالباقي ونتوقف هنآ.. و نمشي نبحث لعلنا نهتدي إلى أمثال إيجابية فما أكثرها و أروعها.فشايف يعبدو الحكاية مضنية كيف؟!و أنا بفضل نجمعها كلها في بوتقة ( تراثيات و كنوز من سحارة حبوبتي ) عشان ننحصر في اتجاه و احد.

{17}

® من طرائف مجالس التعايشي ود تورشين£

الخليفة عبد الله التعايشي ذات لحظة صفاء كان في
مجلسه بين وجهاء أم درمان .. فقال لهم مستأنس:
في واحد بخاف من الله و ما بخاف مني ..
وواحد ما بخاف من الله لكن بخاف مني..
و واحد لا بخاف من الله ..و لا بخاف مني
فتعجب القوم (دايرين يتعجبوا ساي) واستغربوا ثم
نظروا و عبسوا و بسروا لبعضهم البعض ..ثم يمموا وجوههم
شطر الخليفة مستوضحين و مستفسرين .. فابتسم الخليفة و نادى أحد ملازميه
و نهره قائلا : امش لي الشيخ أُمْحُمَدْ ود البدوي .. قول ليهو الخليفة قال دايرك هسع .
و شوف بقول ليك شنو.. وبعمل شنو ..وتعال بسرعة كلمني ..ولاتزيد ولا تنقص.. أمش..
فخف الملازم مسرعاً الى الشيخ ود البدوي (جد سعاد الفاتح البدوي) .. وجده في حلقته
يدرس طلاب العلم ..فوقف امامه قائلا : يا الشيخ ود البدوي الخليفة قال دايرك هسع..
فلم يغير الشيخ البدوي من هيئته ولا مجلسه الا ان قال له : قول للخليفة ود البدوي
عندو درس هسع يخلص منو وبجيك .. ثم واصل في درسه غير عابئ باندهاش
الملازم .. فقفل الملازم راجعا الى الخليفة وأنبأه الخبر : ماذا قال للشيخ
ود البدوي وما كان رد الشيخ ود البدوي وهيئته اثناء الحديث ..
فالتفت الخليفة الى جلسائه قائلا : هذا اللاجل
يخاف من الله ..و لا يخشى بأسنا ..

ثم إن الخليفة ارسل نفس الملازم الى
شخصية أم درمانية مشهورة أخرى.. فأمره بأن يفعل
معه مثلما فعل مع في سابقه .. فأسرع الملازم اليه ..فوجده
منهمكاً يتوضأ على تبروقة (والتبروقة هي الفروة أو برش الصلاة)
و قد غسل رجله اليمنى و تبقت له فقط ، اليسرى فرفع ابريقه ليغسلها.
فلما رأي رسول خليفة المهدي منتصباً لديه و يناديه قائلاً : يا فلان الخليفة
قال بدورك هسع.. فانتفض الـــ(فلان) ورمى الابريق جانباً قاطعاًوضوءه
ودخل في قفطانه , انطلق لا يلوي على شيء ، استجابة لأمر الخليفة.
هنا اسرع الملازم قبله الى الخليفة واخبره الخبر.. فقال الخليفة
لجلسائه وهو يشير الى القادم يسابق الريح :
هذا يخاف من الخليفة ولا يخاف من الله ..

هنا ازداد تشوق الجالسين لمعرفة شقي الحال الأخير،
فهمس الخليفة للملازم أن اذهب للنـــــــور عنقرة ..و قول ليهو
الخليفة دايرك هسي دي تخلي الفي يدكو تجيني هوا .. فأسرع الملازم
لدار النور عنقرة .. فوجده جالسا ,امامه برمة مريسة رافعا عبارا الى فمه.
فوقف أمامه و قال له : سيدي الخليفة قال دايرك هسع .. فنهره له النور عنقرة
لاعناًو ساباً أبيت ماني جايي .. ثم جره إليه وأجبره على شرب عبار و كانت الخمر
في عهد الخليفة محرمة شرعاً، في ام درمان وخصوصاً لقادة الجيوش مما يعد جُنْحَةً
عُظْمى ، لا تُغْتََفَر... وبعد إجبار الملازم على شرب كدي لامن ملا قرنو طلو هو راجع
الهوا ضربو لامن جا لمجلس للخليفة مشعمع و وقف بعيد متل هنووك عشان ما يشموا
فيهو الريحة.. قال ليهو: {هاي.، بتان بي الله النور عنقرة قال ليك اماني جاي...} الخليفة
قال ليهو { سيبو النور عنقرة كدي تعال أتا قرب جاي}قال ليهو { أنا ذاتي ماني جاي}
و لم يلبث الا قليلا حتى ظهر النور عنقرة راكباً فرسه و متلبساً بدروعه.فناداه
الخليفة متبسماً : أقيف آ ود عنقرة، سمج ارجع، مافي شي.. ثم التفت
الى جلسائه قائلا: هذا .. لا يخاف من الله ولا يخاف من الخليفة...
أها.. أرقد آ عــيش أنــا جرابـــك.🤕

(18)
//السقط لقط //
لم نعرف حتي الأن موقع "ســقط لقـط " الســـوداني و لم نهتم. فـلمــاذا ؟.اكتفينــا بمعرفة أنه مكان بعيد جداً عن مكان تواجدنا أينمـــا كنــا، وأن الذهاب إليه غالباً ما يعبر عنه بال "مرقة" فنقول " مارقهــا في سقط لقط" أو فلان "مرق بينا في الســقط لـقط " . و عرفنا أنه موقع غير محدد الإتجاه. و برغم ذلك لم يتوقف الناس عن زيارته و بإســـتمرار فالذي يسير غرباً يمرقها في السقط لقط و الذي يسير شــرقاً ســــيمرقها هناك أيضـــاً. إن عاجلاً أم جلاً .

@ و ليس "السقط لقط "هو المكان السوداني الوحيد المجهول الموقع ' أو ما يعرف في علم الجغرافيــا الگنتورية بالإحداثيات و إنما هنالك مواقع أخري لا تقل شهرة و لم تنقطع عنها الأرجل جيئة و ذهـــاباً برغم مجهولية أماكن تواجدها.مثل ما يعرف بـ " الســـماء الأحمــر ". و هو المكان الذي يتســـم الذهاب إليه بالتحدي. و قد لاحظ الباحثون و جود علاقـة كبيرة بين الذهاب إلي السماء الأحمر و بين الســفـر خارج الحدود. إذ يحتاج الســفر عبر الدول إلي " تأشــيرة " بينما قد لا يحتاج هذا إلي سوى " تكشـــيرة ".ثم إن الســـفر عبر الدول مرتبط ب"الجواز" و الذهاب إلي السماء الأحمر مرتبط بـ "الزواج " حيث تجد أن أغلب زوارها من الأزواج گأن تسأل إحداهن بعلها بلهفة قد لا تخلو من مغزى: " على وين العزم إن شاء الله" فيرد بقومة نفس :" ياخي إنتي مالك ؟ ماشي الســماء الأحمر ". و ربما يتواصل التحــدي و المناقرة حتي بعد العودة بالســلامة : " جايي من السماء الأحمر. خلاص إرتحتي؟ "

¶ أما "التوج" فهو موقع سوداني آخر . لكنه غير مرغوب إطلاقاً و لا يرتاده الناس إلا مكرهين و مدفوعين إليه دفعــاً بغير إرادتهم، فالذاهب إلي التوج، فلا بــد في المية و أن يكون قد ذهب إليه بفعل فاعل( مكره أخاگ لا بطل). و لم يســـجل في تاريخ هذه الأمة الســودانية إعتراف واحد بالذهاب إلي "التوج" عزة و جعولية ، إلا أن الناس تشــهد و تســمع بإســتمرار كلمات الوعيد و التهديد بالإرســال إلي التوج: و الله أضربك كدا أوديك التوج أو " والله إنت تباري لي الزول دا لمن يوديك التوج "و الغريب أنني أفهم أن كلمة التوج في اللغة العربية تعادل القمة و المكان العالي، و أنها من جنس كلمتي التاج و التتويج . بعكس ما يدل عليه "التوج" السوداني.نفس الإبهام المرتبط بماتغنى فأطربنا به عمنا الراحل/سيد خليفة(البمبو السوداني)

¶ و أما المكان الرابــع في ســلســـلة الأماكن الســــودانية الشــهيرة التي لا يوجد علي خريطـــة درب الترانة فهــو "البلد التي طيرهـــا أعجمي". و يعرف بأنه المكان الذي يصله الناس بغيرمـــا تخطيط ، و غالبــاً ما تقودنــا إليه محض الصـدفــ ،. فمثلا لما نخرج إلي غير وجهـــة محددة منشـــودة كثيراً ما نجـد أنفســـنا و قد مـرقـــناها في " بلـداً طيرها أعجمي ".

[} و قاموس ثقافتنا السودانية زاخر بأمــاكن و مواقــع ســـــميناها نحن و أجدادنـــا ما أســــــكن الله بهـــا من إنـســان، و لا جــان. فكل ما في الأمــر أننــــا شــعب نهـــوي سرد و روايــة القصص و الحكاوي و القصص لا تحلــو لنا إلا بالمبالغـــة .
[} و من هنــا إخترع خيالنــا هذه المواقـــع لتتســـق مع صيغ المبالغــة في التعبير التي نجمل بها حكاوينــا. فـ (السقط لقط)
صيغة للمبالغــة في البعد و (طيرها أعجمي) للمبالغة في الغـرابـة و هلم جرا ...!!!
© بصراحة الگنز دا مسروق{ من بلد طيرا عجمي} و لگن، بحرفنة و تصرف}.

..الخدير انا ماني حي#
تراثيات و كنوز من سخارة حبوبتي
(19)
...الخدير انا ماني حي#
=============
أتذكر مره في مناسبه زواج وفي أثناء الحفل لفت نظري تفاعل الشباب مع اغنيه الخدير التراثيه التي تغني بها الهرم بادي محمد الطيب وبعد نهايه الحفل سألت واحد من الشباب الكانو موقفين فوقنا الغبار الاغنيه دي العجبك فيها شنو قال لي يا سلام دي اغاني الغزل العفيف .. أغاني الزمن الجميل. .. بي سري قلت ليهو الجمل اليرفسك ..المهم نمش لي موضوع الاغنيه هي من أغاني (الحداء) والحداء هو الغناء الذي يشترك فيه مجموعه من الناس أثناء تأدية عمل معين يطردون به الملل والنعاسو المشقة ويضبطون به إيقاع العمل .. وأشهر الحداء ما كان يغني قديما للابل أثناء سير القوافل ويسمى المغني حاديا ..كما ذكر المادح في وصف قوافل الحجيج :سرتم وسار دليلكم ياوحشتي الشوق اقلقني وصوت الحادي وأيضا قوله : صلى عليك الله يا علم الهدى.ما سار ركب أو ترنم حادي

¶ ومن أشهر الحداء في التراث السوداني اغاني جر الدلو بالابل والحمير .. وأغاني الهيلاهوب في أعمال البحر لتجديف المراكب وتغني هكذا ..هيلا ..هيلا ..هيلا هوب ..ومع كلمه هوب يسحب كل فرد مجدافه بقوه لضبط الإيقاع أثناء التجديف ..وأشهر الحداء عندهم اغاني الحصاد وتحديدا الاغنيه موضوع البوست في دق العيش :
الخدير انا ماني حي
النقدو الطير انا ماني حي
دق العيش في القمرا
يا آب راسين نارك حمرا
الليل برد انا ماني حي
والصيد ورد انا ماني حي
شمه جات انا ماني حي
لابسه العاجات انا ماني حي
∆ و كانت تجري عمليه دق العيش ليلا في ضوء القمر وكانو ينقسمون لمجموعتين يتبادلون الضرب بايقاع سريع علي السنابل المجموعه في التقاة .. ويسمي كوم السنابل (جرن) ..فتقول المجموعه الأولي الخدير ..فترد الثانيه انا ماني حي و هكذا مع الضربه الخدير هو السنابل التي حصدت خضراء ... والنقدو الطير تلك التي أكلت أطرافها الطيور.

@ واب راسين هو المدقاق عود من الحطب في شكل حرف (T ) يستخدم لدق العيش ..ونارك حمراء كناية عن مشقة وصعوبة دق العيش ..شمه جات (شمه) كناية عن المحبوبه ..و هو من الأسماء الشائعه في ذلك الزمن؛ و هو الشيماء بالفصحى ..كما يقولون عشه لعائشة ..ولابسه العاجات ..الأسوره في ذلك الزمن كانت مصنوعه من العاج (سن الفيل) ...

∆ والغرض من هذه المساحه ربط الحاضر بالماضي والتعرف علي بعض موروثاتنا التي اندثرت في ضوضاء حاضرنا الصاخب سريع الإيقاع .. والآن مع ظهور الحاصدات الآليه ذهبت التقاه والجرن والمدقاق ..
∆ و اندثرت أعمال النفير كقيمه وسلوك تكافلي ..وانتهت اغاني الحصاد مخلفة وراءها اغنيه الخدير كأثر لذاك الزمن الجميل ..l

فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

(20)
قصة مريسة تام زين/زينو )
__________^^^^__
® و تام زين طفلة من قاع المدينة ...
تعمل في وظيفة (ساقية) بإحدي الحانات
او الإندايات الفقيرة. و المقصودة هنا عبارة عن
راكوبة عفا عليها الزمن (ولم يعف عنها) تهلهلت بفعل القدم والحرائق -التي لابد منها - والغضبات الشهيرة لرواد الإنداية اليزعل كلو يجرلو منها عود ( تقول الخربت دي دار أبوهو).
@ و تام زين تتحرك كالنحلة بين الزبائن تخدمهم وتقف عليهم بجسدها الطفولي المنهك و ساقيها النحيلين ا..و هي تراقب بنظراتها المرتجفة ما يعجز عن شربه الزبائن فتتناوله (خفية) و( تدكنه ) في إناء يخصها.. ثم أواخر الليل تبيعه بثمن بخس-و بخس جدا -- للجماعة المقطوعين والدايرين ( يتموها) بالعدم. كانوا يعرفون أن ما يقدم لهم هو فضل أفواه الآخرين .. و لكن في أوقات مماثلة و مجتمعات مشابهة من يهتم؟! و هگذا، صارت تام زينو و مريستها معروفتين في مجتمع الغائبين و 9لمغيبين و في عموم مجتمع قاع المدينة.

# وحين ساء حال البلد و ضاقت سبل العيش (وبقت الشغلة ماجايبة حقها)...صار عاديا أن يصادفك السيناريو النمطي المتگرر گالتالي::العربجي و هو علي الكارو ( الفاضي) يلاقي زميلو (الفاضي برضو) و يدور الحوار التال:: ياخوي الشغل كيف والعداد؟؟؟ يرد الثاني:(أريتو يجيب مريسة تام زين)....يفهم الأول مغزي الإجابة و يمضي لحال أحزانه.... يتكرر السؤال وتتكرر الإجابة...... حتي صارت مثل السوء الحال والمآل..وكما يحدث في مجتمعات وظروف مماثلة تسربت المقولة من قاع المدينة إلي كل البيوت وتم تحويرها لتناسب أوضاعا مختلفة دون أن يتحرج من لفظها القائل ولا المتلقيمثلا: واحد بليد جدا تاخدو (هوشة) يقعد يقرا من المغرب لي نصايص الليل. كل ما يكوركولو لي العشا.. يا ولد تعال إتسمم...أنا قاعد أقرا يمه..ترد الوالدة العارفة البير وغطاها ..(أريتو يجيب مريسة تام زينو) واحدة شينة وبايرة طول اليوم تتسرح وتتمسح .. ورافعة إيدا من خدمة البيت..تجي حبوبتها داخلة تلقاها بالحالة دي..تقول ليها -- دون حرج(أريتو يجيب مريسة تام زين )...و تام زين في (عزلتها المجيدة)تواصل عملها المعتاد لن تعرف أبدا أن اسمها صار علي كل لسان ،وأنها أصبحت مشهورة أكثر من صاحبة الحانة....و العهدة على الراوي. ثم اريت ياخي المقال دا ظاطو
يجيب لنا مريسة تام زينو

(21)
قف .. تأمل#
[} يا جماعةَ الخيرِ، عشان قبال ما تسرقُنا سكينةُ السَّردِ بعيداً، فلا بُدَّ مِنْ أنْ ناخد سندةً بسيطةً للمُناقشةِ و تَقْلِيبِ الأمور.
فلما نقول تُراثياتٍ و كُنوزاً، فذلكَ لكَوْنِها مُوروثةً من قديمٍ ، و مودعةً في خِزانةِ التَّاريخِ ، الذي عادةً ما تَخونُه ذاكرتُه
أو تُنزعُ أقراصُها من ذهنِه تماماً؛ و أحياناً قد يكذب التاريخُ أو يجامِلُ و يحابِي؛ فهو ليس معصوماً.

[} و لا يعني ذلكَ البتَّةَ أنَّ كلَّ ترثياتِنا كانتْ طِباعاً مُنزَّهةً و أدبياتٍ خالصةً لملائكة كانوا يمشونَ على الأرضِ مُطْمئنينَ (في الزَّمنِ الجَميلِ). و إيمحوَي عاداتٌ و تقاليدُ سادتْ ثم بادتْ، لبشر أمثالِنا، يعني فيها السمْحُ و الشَّيْنُ والصَّالحُ و الطَّالحُ.

[} إذاً، أين بيتُ القصِيدِ و مربطُ البَعِيرِ؟!! لما قال شاعر النيل/ حافظ إبراهيم:إنما الأمم الأخلاق ما بقيت ، فإن هم ذهبت ظ±خلاقهم ذهبوا، فمعلوم أنه ليستْ مهمةُ التاريخِ أنْ يصنعَ أخلاقاً. و لكنْ لا أخلاقَ ليُعتدُّ بها ، بلا أساسً مِنْ دِينٍ أو عُرف.

[} و لمَّا جاءَ دِينُ الحقِّ منزَّلاً على لسانِ نبيِّ هذه الأمةِ صَلَواتُ الله علَيْهِ و علَىْ آلهِ و صحْبِه أجمعينَ، كانَ قدْ وجد أعْرافاً و قوانينَ جاهليةً سائِدةً. وكان معنياً تماماً بأن يجبَّ ما قبلَه. و (يجبُّ) بِمَعْنَى يُمحِّصُ فيُنقِّحُ ليُثبِّتَ فيُبقيَ على ما صَلُح منه، أو يمحوَ فيطرحَ ما طلَح.أي: لا يعنِي الجَبُّ بالضرورةِ النَّسفَ فالتبديلَ الكامِلَ لكُلِّ ما وجدَ ، بَلْ قَدْ يكونُ فقطْ بتبديلِ حالِهِ إلى حالٍ. آخرَ ؛ مِثْلَما فعل َمعَ عادةِ نكاحِ الجاهليِّةِ الأُولَى حَيْثُ كانَ للرَّجل أن يتَّخذَ أزواجاً مِمَّا طابَ لهُ من النساءِ مَدداً بِلا عددٍ. ثمَّ جاءَ الإسلامُ ليَضعَ حَدَّاً لذلكَ ، فيُفرِّق بينَهُ و بَيْنَ جَيْشً من حرِيمِهِ، و يدَعُ لَهُ الحقَّ في أربعٍ فقطْ ، فضلاً، بِطَبِيعةِ الحَالِ، عنْ مُلكِ اليمينِ ، و الَّذِي اندثرُ مع انقراضِ و سقوطِ ظاهرةِ الرِّق تدريجياً، بِتَقادمِ الأزْمِنةِ.هذا ، مع تأسُّفِنا الشَّديدِ للإطالة, أو أية بذاءة غير متعمدة ، إن وجدت (If any)
*****@@@******
صدرَ تحتَ توقيعِي في 13/5/2016 بكاملِ قِوايَ العقليةِ المعتبرةِ شرعاً و قانوناً
ود الأصيل /Aabersabeel
فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

(22)

® كل حزبٍ بما لديهم فرحونπ√

#وصْلاً لما انقطعَ ، و عطْفاً علَى ما سبقَ و قُلناه، تَجدُ وكأنَّ كل حزْبٍ بِما لديهِمْ فَرِحُونَ) .
[} الشَّاهدُ ، و كأنَّ مِنْ سُنَنِ الحياةِ، حتَّى لا نقولُ: الفِطْرةِ، إنُّو كلَّ زولْ عاجبُو الصَّارُّو .في ما يُشْبِهُ حَلْبةَ صراعِ بقاءٍ بيْنَ (نرجسيةِ أجيالٍ) . و قَدْ سبقَ لي أن تطرقْتُ إلَى ذلكَ في غيرِما مَوْضِعٍ آخرَ.
[} فمَثَلاً، تَجيكْ حبوبةُ عجوزٌ تَسُبُّ وتَلْعَنُ في سلسبيلِ بناتِ و أمَّهاتِ و حبوباتِ هذه الألفيةِ الثالثةِ حَيْثُ ناسْ نانْسي عجرم و فيفي عبدو ، و سوسو و جوجو و عوعو،إلخ. بيْنمَا تتباكَى على جِيلِها، أيامَ كانتْ النفافيجُ مُفتَّحةً في النفافيجِ، و البيوتُ مشرعةً على مصاريعُها ، أوْ هِي بِلا أبوابً أصلاً؛

[} أو گمان ينطُّ ليكْ جِدُّو جولگين، بوصلةِ حديثٍ لا يَنقَطِعُ عنْ (أيامِ كانُو يلعبونَ العَيْتَنُوبةَ و شليلَ وينْ راحَ.. أكَلُو التِّمساحُ، و شليلَ وينُو أكَلُو الدُّودُو.. و البناتُ يَتَجَارَيْن وسطَهُم لابساتٍ الرُّحاطَةَ بالكادِ مغطياتٍ أطرافَ أصلابِهِنَّ.. و الواحدةُ نهدُها يُغدِّي الكَلْبَ ؛ و گأنه ما مِنْ ذكرٍ لتَتَحركَ إربتُهُ نَحْوَهُنَّ. بلْ كانَ البساطُ أحمدياً إلَى النُّخَاعِ).مع تأسُّفِنا الشَّديدِ للإطالة, أو أية بذاءةٍ غيرِ مُتعمدةٍ، إن وُجِدَتْ،(If any)
*****@@@******
صَدَرَ تَحْتَ توقيعِي في 13/5/2016 بكاملِ قِوايَ العقليةِ المعتبرةِ شَرْعَاً و قَانُونَاً
/Aabersabeel/ ود الأصيل
فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

(23)
//مع أبو الرقيع و خضرة الناظر//
[} هذه يعود حق السلبطة في إخراجها إلى حبيبنا النفاجي المخضرم/ ود المطامير/ الشهير بعروة إبراهيم من أهلنا
الشرفة الشريف بركات.

________________________________________
[} لامن الواحد يرجع يتذكر أيام جهلنا ديك و الشلاقة، لمان يقعد يتكشم براه متل المكشكش . طبعاً تريبة حبوبة بامتياز، كانت مسميانى زي ما قلت، الجنا أب وشاً محومر.

[} أها مرة في المدرسة شايل نبلتي في جيبي قام أبو الرقيع كان راك لو فوق هجليجة(شدرة لالوب) طوالى حنيت ليك رقبتى و طفيت نور شمال و مطيت النبلة و نيشت صاح . مع فكة الحجر النصيبة دا سيّك سييك و قام طاير مشتت بنمرة 5. (يعني قال لي : تلقاها عند الغافل) .

[} يلا و تعال إتا يا حجر الجن و المحن فضلت سابح في الهواء بس قذيفة سكود بشار و لا "غرادات" قذافي و ما تلطش علا حضرة الناظر ، في سداغتو و قال كدي الدم انهمر، عمك لامن اتعتع واتلفت كحلني ليك لسة منيش، و أنا بعد داك لسحت راحاتي وفكيت صاح.. شلت النهارداك مزازاة فضلت حايم بالحاحايات والضللة مع الحمير، و الليل كلو هضاريب ما نمت.

[} قلت لحبوبتي أمشى حنسيه لي الناظر دا قالت: برى شيل شيلتك وأكل نارك براااك آآآبوي، أريتو دا يا يابا يجيب ليك قلب أكان بس تهجس في و طاطات الله دي. كلاما طير قلبى زيادة ،

[} و من دغش الرحمان جيت المدرسة كراع ورا والتانية وراها. قام وقفوا لي طابور مخسوس وشحطوني قدام الشفع متل السجين الهارب. والناظر العوينات شرار سردمأساته على رؤوس الأشهاد كلمتين ويقبل علي يقول: أقرأ القنوت ، قت لوما ني حافظ و يقع ليك فينى محط، يمعرني بمطرق لعوت خددددرة ، لمان أحس بالجمرة تكوي في تمرة فوادي وهويقول لطابور: شوفو زولكم مو حافظ الدقعة ، لكن شاطر لي بس فى فن النبلة ، آخر حرفنة، ينشن في أبو الدنان في الهوا.يلا قعد يسألنى أسئله تعسفية و من أقول ليهو ماني عارف يقع فيني بس جضيم و صفيق و شلاليت بس ما فاضل علا يعضيني في أضاني؛ علا النورلمان شفتو خلاس كترها، قت لو: يافندي دا طابور ما حصة تسميع ، دقنى بالفلقة بس فش غبينتك وريحنا. والطابور دا كلو قال ليك قررررررو يا الضحك و هو من الحُرقه
جدع المطرق دي متل هنوووك و قعد يخنق فينى خنق ساااه بالله لمان فرفرت وحيست بلباسي جابلو بلل.

(24)
[____دارجيتنا اللهيجة السكرة___]
أخي مصطفى يا نكهة البوح والفضفضة خلاس اعتمدناك مثالاً بارعاً، يا من تحمل إزميل فدياس و روحاً عبقرية، فخلينا نخرق الروتين بوقفات تمحيص و تأمل مع صيغ نضمينا السمح.دا..
حيث هناك كثير مز العبارلات التي يستعصى فهمها بالمعنى الشائع بين الأمم.

#فمثلاً لا حصراً قاعدين تقول للواحد مشتاقين يرد ليك: تشتاق ليك العافية. نقصد إنها ما تفارقك. يعني دوماً بخير و لكن لو تمعناها ملياً نلقاها أقرب للمريض الكسيح المشتهي العافية.

#برضو لمان نقول الحاري و لا المتعشي؛ و الحاري هو الموعود بعشاء مدنكل و المتعشي هو الماكل تب و ربما نايم. فكيف يستقيم أن نفضل عليه حالماً بعصيدة بربدة، و ملاحا في الريف. و لدى حبوبتي تصويب وجيه لهذا المقال بأن أصل المثل هو (الحاري و لا المتعشم) , و المتعشم هنا من يظن ظنا بأن تنزل عليه مائدة من السماء ، يعني زي هفت ليهو في راسو ساااه ، و بكدا ممكن يكون المثل مبلوع شوية.

#كمان عندنا ( يا شافع) شيل الباب وراك, و لا أقفل باب الشارع و معلوم انو الشارع ليس له باب، و لو كان له باب لا يسمى شارعاً ، و الأحرى مغارة , و لكن طبعن قاصيد باب الحوش الفاتح في الشارع أو النفاج!!؟

#ثم لو رجعنا ل(شافع) نفسها ، التي نطلقها من آخر كناكين مناخيرنا في حالة غضب، إنما هو من يشفع لوالديه حال
موته صغيراً (سلفاً). و لعل هذا من إعجاز لغتنا الدارجة؟!!

#كذلك نسمي سخان الشاي (البراد) لتبريده و كمان جايبنو بصيغة المبالغة براد يعني تلاج مررررة واحدة؟!!!

# و أغرب ما عندنا في السودان أن الحرية التي نعبيها شرابا سائغا بلونها البرتقالي الجذاب، لنشتق منها اسما لأحد كبارينا و الذي يكب مباشرة في السجانة (جمع سجان) بالله شوف ؛ يعني مفروض يؤدى لميدان التحرير موش؟!.. عشان تعرف إننا ناس مناكيد و ماشيين خلف خلاف. فى كل شيء و راجعين قبال نوصل بعد الكلاكلة اللفة.

#ياخ عايشنا معظم شعوب الأرض و الله ما لقيت أطعم مننا و ألذ ما ننفرد به قولنا:ده كلام ساكت". فكيف بالله يكون زول بتكلم و ساكت. يعني زي الصمت الصاخب و لا الهدوء الذي تعقبه عاصفة ذهنية. و لا گانو ما قال حاجة ، زي (Hollow Talk أو Empty Speech) و سمعت تعليقاً للمتحزلق / محمد حسنين هيكل مفاده: إن هذه إما تكون عبقرية حد الغباء ، أو تكون هراءً ككلام الببغاء . فياخي،
دمتم.. دمتم .. دمتم سالمين
ود الأصيل/Aabersabeel]

(25)
مع ود الجزولي:
المشاركة الأصلية كتبت بواسطة محمد الجزولى
بوست كامل الدسم يستحق الرفع لحين عودة
ما أمتعك أخي/ ود الجزولي و أنت تنبش
أصدافي تلك الكوامن من قاع القاع و ما أسخاك و أنت تحاول عبثاُ
الدفع بها إلى سطح (نشاط التيار). فلا بد من لمحة عرفان، بل وقفة تجلةٍ لأناس
- و أنت سيدهم- لهم تواقيع مهروها على جبين أيامي. و سوف لن نمحو أبداً خطىً كتبت
علينا معاً ، بل سنمشيها حِجلاً برِجْل. و سيأتي ذات يومٍ لنبرهن أننا كنا أهلاً و لو لمعشارٍ حبة خردلٍ
من اهتمام كم قرأتك توليني إياه على ناصية حرفٍ من ذهبٍ لتعينني على تخطِّي عثرات الكرام على سكك
اللئام. فقط أود قول شكراً جميلاً لك و أنت مرافقي لتقف شاهد عيانٍ على مخاض تجلياتي ، و متحملاً لوعثاء
حماقاتي، و لكم أشعرتني بأن أمة محمد لا تزال بخير؛ و نبضنا الإنساني لا يزال ينضح بسلامٍ لو دأبنا على إفشائه
بيننا لما آلت خارطة العالم إلى ما تبدو عليه الآن ، و لما لجأنا لنستجير بنار التتار لتقينا وطأة رمضاء المغول، و لما
أفسحنا لبؤساء الأرض ثغراتٍ بين محاذي مناكبنا و أقدامنا ، فجعلنا لهم سلطاناً علينا. و لما كنا منحنا لكائن من كان
مَلْكَةً لتمكنه من ذقوننا؛ و لما رحنا نتلمس براءتنا من لطعة دمٍ كذبٍ لابن يعقوب . إذن ، فليمْضٍ قلمي راحلاً فوق متن
الخاطرة كما(سير طاحنة الأنين) ، و لم يعد بكنانتي قنا غير الذي رميتُ و أظل أرمي به حتي يُرجم آخر شيطانٍ ماردٍ.
نبض حروفي ستطمسه رياحٌ هوجٌ ،و لا محالةَ.. و ستطويه عواتي المحن في ثنايا العدم، و لكن الذي سيبقى مني حتماً
هو ذاك الشعور الأنيق الذي حفَّزني بدايةُ لأُتأتي بالكلام على عواهنه ، فأبوح بالحقيقة ناصعة بيضاء ليلها كنهارها
و لا يزيغ عنها إلا مكابر هالك ؛ و سيظل يقدحني ذات الإحساس دوماً كلما خبت عندي جذوة البقاء. إنه سلطان
الهوى إذن ، من يصنع طعماً لهذه الحياة الفانية.. و سأظل ابوء بشكري لمن منحوني وجوداً على
هوامش عالمٍ خرف.و سيظل عطاء أمثالك مدداً شريانياً لي بلا عدد أستورد منه أسرار بقائي و ولعي
بهذا التراب الزعفراني. و أكتفي بلُمحة نورسية لكل جميل لنرى ما بدواخلنا ينبت حلماً
وردانياً نحياه لكل من يهتدي إلى حيث خواطري المدونة و لتهويماتي المبعثرة
هنا و هناك.أحييك أخي، مراراً و أنت تلتمس العذر دوماً لاندلاقات
مدادي ساخنةً على متصفحات ذائقتكم دونما قصد.
************^^^^^^^************

المشاركة الأصلية كتبت بواسطة محمد الجزولى
تعرف ودالأصيل يا عابر سبيل، القصة دي حقيقية ما عارف قلتها قبل كده ولا ولا
على كل حال هي مناسبة لهذا البوست
نادت الحبوبة حفيدها : يا شافع هوى تعال جيب لى مويه ... حلقى ده نشف ...
حاضر يا حبوبتى جاى ...
هكذا كانت تناديه ( شافع ) رغم من انه قد تجاوز الثلاثين من عمره ... كانت تحبه
رغم جفاءها الظاهر له فقد كان حفيدها الاكبر الذى اطل على
الدنيا وهى تتخطى خريف عمرها ..... احضر لها الماء وهم بالانصراف الا انها جذبته من طرف جلبابه هامسة
: تعال هنا يا الممسوخ ... دايما عليك مستعجل .. امشى جيب الحقه من بى غادى ...
حاضر يا حبوبه ... سحبته سريعا مره اخرى وهو يغادر ... واوعه تخلى ابوك يشوفك سامع
عارف يا حبوبه...
ابتسمت فى دواخلها ثم تمتمت فى سرها بالدعاء لحفيدها بالتوفيق ... كانت دائما ما تدعو له فى سرها ...
دون المجاهره امام حفيدها كانما كانت تخشى ان
يسمعها حفيدها وهى تدعو له ... تجاوزت الثمانين بقليل
ولكن لا زال هنالك بقايا جمال اشتهرت به فى صغرها ... اكل الدهر كثيرا من لحمها وشحمها ولم يبقى لها
الا عظاما تقاوم الزمن ... ملاءت التجاعيد وجهها وانحنى ظهرها حتى تحسه كانه يريد ان ينغرس فى الارض لينبت من جديد ...
بقدر ما اخذ منها الزمن نضارتها وجمالها وحيويتها ... الا انه استبقى لها لسانها وعينيها ...كانت دائما
ما تلبس احلى ملابسها وانظفها رغم معارضتهاا الشديده بارتداء ما يشتريه لها ابنها او احدى بناتها بدعوى المسخره
وان القديم هو الاحلى والاشيك ....دخل عليها ابن ابنها الذى لم يتجاوز الثامنه من عمره وهو
يردد الله يرحمه ... الله يرحمه .. الله يرحمه ...
قالت له : يا ولدى المات منو ؟؟؟
مات ابراهيم خان يا حبوبه !!!!
ردت : ابراهيم خان ده وليد منو يا جنى ؟؟؟؟؟
ابراهيم خان ده ممثل كبير يا حبوبه
كر على يا وليدى بس نعلو محمود المليجى .... هكذا كانت هى ... الدنيا كلها
قد تجتمع عندها فى شخص واحد ... او تختزل فى مكان واحد ...
ذات يوم وفى جسلة صفاء مع نفسها اخذت حماما باردا ثم لبست اجمل جلاليبها وتعطرت ببعض البخور احضرته
معها عندما ذهبت للحج قبل خمس سنوات ثم تناولت حقت الصعوط وحركتها لثوانى ونثرت منها قليلا
منه فى راحة يدها ثم قذفت به فى فمها واخذت تحركه بلسانها حتى استقر فوق شفتها العليا
اقبل عليها حفيدها البكر الذى كثيرا ما كان يمزح معها وهو يضحك وقال لها مخاطبا :
والله يا حبوبه جلابيتك فى السلك ( لفظ كان متداولا كناية عن الاعجاب بالشئء)
فردت عليه بكل جديهبرى يا المطموس هوى .... ن
زلــته اختك الممسوخه ديك قبيل من السلك ...
*****×÷÷×*****
إعجاب حد الاندهاش.
فمتابعة حتى الانغماس
ود الجزولي يا فلتة!!
فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

(26)
حبوبتي بت ود التاي(1)
المشاركة الأصلية كتبت بواسطة أبحمد
سيدي الكريم عابر لابد أن رحم السودان ولد طيباً آخر .
تذكرني كتاباتك بالطيب صالح في الحبكة المحكمة والإسلوب الرائع والمفردة السلسة. كتاباتك طعم و نحن حيتان في محيطكم الزاخر بجواهر الأدب . إنك تصطادنا كما يصطاد الصياد الماهر فريسته ، تجرنا كما يجر ( السماكي ) شباكه .كتاباتكم ممتعة .. شيقة .. ذات محتوي ومضمونٍ .
نتعابعكم سيدي الكريم بنهم وشوقٍ كبيرين .
إحترامي وإعجابي
.٪٪٪٪٪٪٪٪٪٪٪٪٪(((26)))٪٪٪٪٪٪٪٪٪٪٪٪٪٪
حبوبتي بت ود التاي (1)
[} تربت يداي و سلمت يداك أخي أبحمد وأنت ترتقي بي ذاك المرتقى الصعب فتتسلق بي عقبة كؤود كهذه!!! فأين أنا من ناس الطيب صالح( دا العقر ما بيلدنو). و لعل عين رضاك عنى - وهى عن كل عيوبي كليلة.
- تغدق علي بأشادات ما أراك إلا سابقني إليها فملقياً بأكليلها على صدري وأنت الأجدر بها وما منعني من أطرائك إلا خشيتي أن أكسر عنقك بدليل أن أجد نفسي منغمساً بلا هوادة في طرحك المتمكن عبر سياحة فكرية هادئة مغرية بالسبر عميقاً في أغوار الحروف لنستقى نخب المعاني فلا تحرمنا متعة تواصلك أيها الذواقة المبدع يا مذهل الألق.

[} تشكراتي لك مددأً بلا عدد و سعيد جداً لإصغائك ثم لإطرائك. لعمري هذا ما يجعلنا نصر و نواصل السير مشاةً في ركابك. كيف لا و مثلك يتنزل لنا فتُبيح لنا الإعتكاف في متصفحات ذائقتكم الشفيفة..هنا حيث الضوء يتخذ مساراً بيناً ثاقياً لا ينعرج إلا ليعكس حزماً من ألق فائضة من بؤرالجمال و يستنطقنا الحقيقة بأحرفها الغراء ليلها كنهارها لا يزيغ عنها إلاهالك..بانتظار المزيد من الحروف لينتشر الضياء أكثر ..و الحب أكثر فأكثر..

[} عموماً مشكور يا سيدي و يشرفني بالجد نتابع إن كان لديك صبر على طول السرد و الحكاية.. إحنا كما أسلفت دي بقا شغلتنا.. إذاً إليك بقصاصة أخرى:- وهي من بطولة حبوبتي بت ود التاي امرأة معروفة في بلودنا ديل بصفات من أبرزها سعة الحيلة, براعة متناهية في سجع الكلام و إلقاء الحكم و الأمثال الصائبة على غير عواهناها و حلاوة النفس في الأكل (بفتح السين ، أي إجادة الطهو). يعني شديدة خلاس في تباخة الملحات و سواة الجبنة بن حبشي كاطع مع دواشاتو كلها من جنزبيل,عرق غرنجان, قرفة, هبهان و مسمار القرنفل, . كانت متخسسة في ملحات البوش (وليمة العرس). وهي فوق كل هذا و ذاك بصيرة لها دراية بطبابة الجروح و تجبير الكسور و فكك المفاصل و مداواة آلام الظهر من كطايع وفلايت وما شابه. و نحن في بيوتنا ساعيين الرزق(البهايم) عندنا زرايب و مرحات من الأبقار و الضأن، والماعز و ومشهورين باللبن واللبا و تبديل الروب والغباشة بتشاشة العيش . وعندنا (سطاف) كامل من الرواعية من أخوانا البني عامر مخسسين ليهم خلوة قطية و نعاملهم كالأهل تماماً و ليس كأجراء و قد تعلمنا منهم لعبة الصقرية و رقصة السيف بالرقبة واللعب بالشوتال. ناس معروفين بالإباء وماخداهم عفة النفس بالأثم لدرجة الشموخ يعزرون الخلالات في تفف شعورهم( كأشطان بشر في لبان الأدهم).. لايتناولون طعامهم إلا من يد حبوبتي بت ود التاي شخسياً.. و لو مرة بالغلت عاست و لا فركت ليهم واحدة من الخالات أو العمات القدح دا يمشي للخلوة و يجي راجع بصمتو ما يهبشو منو و لا (حرف كسرة) ..القهوة لمان ترميهم عديل بالقريفة ما يشربوها علا من يد بت ود التاي شخسياً.

[} من طرائف حبوبتي مع البصارة مرة عماً لينا بقولولو ود حرحوف جاها يوم من صباح الرحمن قال أصبعو مفكوك يتراضع طول الليل حاميه النوم. كمان عمك من النوع الهتراش داك و زي عندو تمتمة كدي في الكلام معاها لتغة في اللسان وبعدين معروف بالخوف و الجرسة الشديدة من كي النار. وا لحبوبة فاهماه طيب مليح.. قالت ليه كدي أقعد آآود حرحوف أخوي ضوق جبنتنا المدنكلة دي , و طبعاً هي عايزة تاخدو برواقة و تجرجرو ليك في الونسة لمان طططب يغفل وتقول كدي عاد تاخدو ليك على حين غرة و تكويه بغفلة. فطوالي عمك راح مصنقر اتحكر في الشناط و كسر كرونة و قعد يطربق جاي و يطربق جاي وهو مندمج قامت هي بالراحة غفلتو وحشرت حديدة (المحور) في جمر الترتوس وسط اللدايات ملهلب متل نار نافخ الكير. عشان لما يحمر طوالي على أصبع عمك عديل ؛ ما فيش طريقة غير كدا. و بهنوووك البن لمن خلاس قلا طااااب شمموه ليك القلوة العجيبة. وبعد فارت و أجريت لها الطقوس اللازمة.. كبو ليك ليه فنجان البكرية,
و بعد شوية لحقوه البركة. وكتين خلاس بقا على التني والتلت.. و أوشكت ساعة الصفر, عمك الظاهر شغل الحاسة السادسة , لا حظ إنو أمراً غير طبيعي يدور في خلد الحاجة بت ود التاي وهي عويناتا كل شوية يبرقن (متل ماظ البلي) كأنها تغمز لأحدهم أن يثبت ليها عمك ما ينط من التشة . هنا تأكد للحاج أن مؤامراً حيكت ضده بليل و توشك أن تقع ..لكن الظاهر عمك المستهدف فطن للحيلة الماكرة في الثواني الآخيرة لمان كحل ليك المحور بقعر عينو ماشي على جلدو . فعمل تقدير موقف بسرعة البرق و باغت ليك الحبوبة بدخلة شمال، أول شيء طرزن من محلو وقف متل هنووووك وقال:
- كدي أصبري لي عاد آبت ود التاي بدور أسعلك سعال كدي: دحين فلان الفلاني ود الفلتكاني داك ما قالو واحداً من جنياتو المطاميس ديل عرس جاب لو مرةً من خدم الخرتوم ديل؟
قالت ليه :
- بلحيل يا ود حرحوفأخوي , لا كين بقول ليك شنو! علا كدي أصبر وقرب تعال لي جاي لا تبتعد؛ يايا با أنا البدور أحدثك!!!
ثم سحبته من ثوبه فانتبه عمك ليجد المحور مولع و مشهراً في و جهه. عمك قمز ليك كما لم يقمز من ذي قبل و من حيسو عض عارقيه و طبق راحات كرعيه في سراتو و قام خارت ساااه بي نمرة 5 ثم و لى مدبراً و لم يعقب!!!قال ليها:
- أها خلاس بمش هسي دي أواجب الناس ديل و بجيك فسراع على بال ماتتني وتتلتي في جبنتك دي!!! جرى عمك شايل ليك سوج الراكوبة مع سدادة الصريف في صفاقو فنفد بجلده و نجا بأصبعه. و زعم بعد ذلك أنه شفي تماماً؛ فكان يحدث نفسه متندراً: أصلو كان دماً عاقد ومما شاف نار بت و التاي عقدتو فكت.أها و يلا يا ربي ليك الحمد و الشكر.

(27)
حبوبتي بت ود التاي(2)
[} رغم ما بلغني من شكوى بعضهم من طول السرد، و ربما عسر الهضم، و لكن لكل من أضنته حوادث زماننا هذا، لعل هنا ظلاً ظليلاً و منتجعاً هادئاً تعبق جنباته بنكهة بن حبشي هابة من وراء جدرالزمان الجميل. حقيقة قصدنا المتعة و كسر الرتابة و الملل؛ فضلاً عن طرد رائحة الفم جراء تراكم بكتيريا التعفن من طول الوجوم. فلنتابع رؤانا التوثيقية شاكرين لعمن الوجيه الراحل/المحجوب ود عمر، وحرصه على إنعاش هذا البوست حيث كاد ينثر و يدب النعاس إليه من تحت أجفانه ؛ فنتمنى عليك ألا تنقطع.

[} المهم أن الوصلة الجاية دي تابعة لنوادر حبوبتي بت ود التاي؛ طبعاً هي امرأة سليطة اللسان مهيبة الجانب ؛ ا لرجال يعملون لها 1000حساب، بمن فيهم شيخ البلد نفسه/ العمدة ود التاي في شان كونها عمة ليهو في الحسبة..

[} آها مرة قاعدة مع (حريم الجبنة) و الساعة ديك كانت رايقة مع الفنجان الأولاني قامت تحكي ليهن كطع أخدر سااااااااااااااه،
قالت:-أكان شفتن يا بنات أمي!البارح المغيرب وقريب سدرالعشا بعد راعي اللقوط رجع بالغنم قمنا حلبنا وصررنا بعد ما شاركنا البهم و دخلناه الكرانك و أمهاتو بعد الليل طب ما عتم والبهايم عقلن في الزريبة يجرن في الجرة والحمير بهناك كرم كرم كرم يرضمن في السواس دا(اللعوت اليابس) جنس رضم عاد تقولي متل كسارة جهاز كشف الدهب، والكلاب ديل يعوصن يقولن ههههههههو. أظنهن متل الكانن شامات ليهن ريحة مرافعين، و لا حركة دخاخين (همباتة) لاكين وين العشا ، شن قدرن يقربن من السعية !عندنا الكلب (جرقاس) دا متل الأسد و مالك كمان من أمو(بريبة) دي عاد الله لا رماك فيها, الأرنب دي في القنيص تتدردق قدام كلابنا ديل، بضنبها مشلوح تقولي متل مترار الخيت..

[} أها الشويفع ود بنيتي دا كان راقد في صفاقي ؛أها و كت يا بنات أمي جاتني ليكن صحية كدي هجعة قريب البياح سمعت لي حاجة توشوش وشششششششششششش. رفعت رأسي سامعة ليكن الكديسة تنتر ليك متل الكدي بتشاكل في ضلها.. أها انعدلت صنقرت ليكن على حيلي، لقيتو ما ياهو الدابي أب درق و السوميت سوميتو دا فوق ضهرو يتلاصف مع القمرا متل قرمصيص العروس.. لكن يا يمة مو مكطع حتة حتة لمن مدلدل من شناط العنقريب جنب رأس الشويفع.


[} تاريها دي عاد الكديسة بت الحلال , كان ما كتلتو كان و در لينا الجنا وليد وجويهل لا ضاق ربطولو الحريرة و لا ترترولو الضريرة و بعد داك عاد تقابتنا دي موقدة لا الدغيش تاني ما هجسنا نمنا وبعد شويتين كدي عينا ما لصقت سمعنا البياح.

[} كمان تعرف يا عم محجوب.. الغريبة أنا حبوبتي بعد الريدة الجنونية دي كنت مكرها ليك العيشة و أخوك طبعاً حريف جداً
في فنون التخفي والمناورات البهلوانية الأكروباتية.. مرة عارف ناس عمتي جونا ضيوف معاهم بنية نديدتي .

[} فأنا على العين الزايدة قمت أتخمج ليك فمرقنا برة تحت المطرة نهتف نقول : عية عية بلاد أبوي القدامية و بكدا عكرنا مزاج حبوبتي بت ود التاي في جلسة الجبنة فقامت نيشت علي بالحنكول (عكازة ليه قرينات تتوكؤ عليها وتهش بها على غنمها)
و ليها فيها مآرب أخرى. ول كن أهم وظيفتين أنها تجبد جبداً و تخبت خبتاً (نظام حنكلوت جبدوت).. فالعبد لله رامي ليك
بالي موقت للجدعة ومعاها تماماً انبطحت أرضاً لتصاب بنت العمة الضيقة المسكينة كانت واقفة وراي أردتها ناشفة بلا حراك. فكان منظراً يبعث على الضحك رغم مأساويتة.

(28)
® حباب ود أب راساً حلوπ√
[} قصة كانت تحكيها لنا حبوبتي و هي مستوحاة من (كليلة و دمنة) كمضرب مثل لحال من يعسل لك الكلام و هو يضمر لك السوء كل السوء .

[} حيث إن عمنا الجقر مرة رسل ابنه الفأر الصغير(أم سيسي) ؛ أمشي يا جنا لناس عمك الكديس ديلك قول لهم السنة دي ناحيتنا محل ما نزل لينا مطر , و ياريت تسمحوا ليا نرحل نخرف حداكم. وأهم شيئ يا
ابني بس تاخد لي بالك من أول كلمة يستقبلوك بيها هناك؛ لأنها بتدينا الانطباع الأول ودا بيت القصيد. يلا جرى الفوير حمل الرسالة وانطلق لا يلوي على شيء. عند الوصول ألقى التحية:
- سلام عليكم هوي ناس عمي الكديس! " أهلاً حباب ود أب راساً حلو", هكذا جاءه الرد جماعياً مدوياً من كافة الأعيان و الحضور لم يهتم الفوير بمقاصد العبارة (أخذته حفاوة اللقاء). و واصل سرد رسالة أبيه:
- قال ليكم أبوي الجقر السنة دي و لا قشة واحدة ما قامت في بلدنا, و متعشمين تخلونا نجي نقضي الخريف حداكم!! فما ردكم؟
[} يعتدل عمك شيخ الكدايس في جلسته ويقول بوقار مصطنع فيما طأطا الحضور رؤوسهم:
- موافقين و حبابكم عشرة ، برا كشرة:- طبعاً طبعاً يابني موافقين و نص و خمسة..إهيييي ودي برضو عايزة كلام يا ابني؟ , عيب كدا! دا نت تخطف رجلك دي الوقت و تجري تجيب كل قبيلتكم الكريمة و لو ما شالكم الكتف تشيلكم العين.
انطلق أخونا الفوير منططاً لأبيه.. مبهوراً بوعود الكدسة بحسن الفادة والرفادة و قال:
- و الله يا أبوي ناس عمي الكديس ديل أثبتوا لي إنهم طيبين خالس وكريمين كمان ,لي هسي أنا ما شفت من ناحيتم شر ،
إلا حسن النوايا , بس شايف إنكم يا أبوي مزودنها معاهم شوية و الثقة مفقودة.
[} هنا انتهره أبوه بنبرة ردته إلى صوابه وقال|:
- يا ولد خلينا بالله من جنس البكش الفارغ دا و قول لي بالحرف: زى ما وصيتك تمسك لي في أول كلمة تمرق من خشم كبيرهم حين ألقيت التحية؟؟؟- والله قابلوني مرحبين كووولهم ، و قالوا لي " حباب ود أب راساً حلو",افتكر كلام ما فيها حاجة! مش كدا و لا إيه يا أبوي؟ والله فرحت لمن لمام هبشيت راسي براي لمن عرفت إنو مترتر فوقو سكر و لا مجلط بالعسل!! نط الجقر لفوق و قال غاضباً:
- حاجة في عينك يا عبيط! أنت عارف دا معناه أيه؟ معناه نهاية عمرك وعمرنا معاك!! اسمع يا ولد، أنت فعلاً غشيم و على نباتك .و أنا تاني ما مرسلك لمشاوير زي دي. وكويس أنك جيت نافد بجلدك. دي كانت شفرة واضحة بالنسبة لواحد متمرس زي أبوك وخلاص مش رايحين و لا أي حتة خلينا نموت جوعاً
أحسن مما بين مخالب الكدسة الأوغاد يفضلوا يمخمخو فينا لا حول السنة.. تلاقيهم هسة يتلمضوا في رجا الاستمتاع بوجبة دسمة من لحومنا و شحومنا. يلا بس ، انكطعت و انشبطت.....
تخريمة:
[} عثمان الجقر برضو واحداً كدي مفضي نفسو للبحث في أنساب الجروة و البعاشيم سمعتو ذات مرة في لحظة تجلي كدا في (النيل الازرق) مع الفرجوني وقد تجرأ و أدعى بأن ضمن الفردوس الأعلى لشلة كلابه الهجينة تلك؛ طبعاً بعد أن رفع نسبها إلى سلالة ذاك الكلب السعيد الذي شرفه المولى عز وجل برفقة أصحاب الكهف. لكنها ما لبثت أن وقعت في الناس عضاً و نهشاً.فكان و بالاً عليها.

(29)// عريس و لا بهلول في إسطنبول//[} تراثيات و كنوز محبة.. من داخل بيوت الأعراس و الختان:برضو كمان ، عندنا العريس دايماً تعيس حظ و مهزوم لأنو داخلمعركة محسومة من أساسها لصالح الخصم(ة)، أعني العروس، و التي يتم أدخالها معسكر مغلق تجري لها فيه بروفات مكثفة، كفيلة لتمكينها من كسب جولتها، يوم (ضبح الكديسة). و في اغاني البنوت في دكاكينيات تعليمة العروس، استعدادا لساعة الصفر يوم يكون العريس في وضع لا يحسد عليه، كأشبه ما يكون ل(بهلول في إسطنبول). و برضو يجي صلاح ابن البادية ، من باب حفظ ماء الوجه يغني: (رقصت ليه مسك حجراتا ، و جاب القونين بي بساطة) [} و هناك إستكشات من المقالب لا حصر لها أذكر منها على سبيل المثال أن يوضع داخل قطية (بيت قش دائري ليه قنبور و بورة و بنية و عضاضة) ثم تدخل عليه العروس في صحبة ثلاث من قريناتها كي يبدأ جولة مضنية في البحث عنها في الظلام و بعينيه معصوبتين (كأنه إرهابي سجين في غوانتنامو)، لدرجة أن أحدهم ذات مرة قبض التيبار(زير الموية) بدل العروسة ؛ فأخذه بالأحضان و هو يردد: أحيييي أنا يا السسسسساقطة ، إلى أن فقعه في بطنه و يلا دففففق ليك الموية دي؛ ترررع ليك الواطة و بوظ الدنيا كلها خلااها طمبوج.[} و لكن هناك موقف آخر مغاير لعل فيه مواساةً للعريس و حقناً لبعض ماء وجهه المراق:حين يصتف له الأقران من الشبان و هو يمسك بيده كرباجاً (سوط عنج) ليلهب ظهورهم العارية، كنوع من المشاركة الوجدانية و شد الأزر .

{30}

® معاناة يوم الطهور π√

# لكن ظاهرة ثالثة، تتمثل في ليلة أحلك سواداً في حياة الصبي هي يوم الطهور (مثلما حدث لي شخصياً)؛ يوم أن أتوا بي في جمهرة من أهل البلدة و البلدين في أصقاع التائية في الضهاري ، ل(أتشتح) عارياً قدام الطهار (تمرجي متقاعد عادةً) ليقطع حشفتي بسكين ميتة قبل أن يكمد فيها مسحوق أسود من بوبينة حجر بطارية جافة ، لمداواة الجرح. ثم يعطيني كوكاب( حربة) كي أتبختر بها كمشية أبي دجانة (رضي الله عنه) و التي وجب علي أن أغرزها في الأرض ثلاثة مرات حتى أثبت رباطة جأشي و صبري على الشدائد! يعني حاجة كدا تخلي الواحد يتمنى حال الحناكيش باعتباره ترفاً يشتهى. هذا مع تأسفنا الشديد للإطالة، أو أية بذاءة غير متعمدة، إن وجدت(If any)
فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
+++000999+++
[} لله در گل من يتگبد عنا ء المتاوقة في سحارة حبوبتي هنا ، و التي لا تزال حبلى بالگنوز ، و نفيس الدر في قيعانها قابع. عتقكم الله برحيق الجنة. و لله در گل من يرتقي بي مرتقا صعبا؛ و أنا لا أعدو كوني رويعيا للغنم من سواد الناس الغبش أبان مسوحن موية ، و على قراريط لأهلي بقاع المدينة و ضواحيها. ها قد سردنا لگم و حضرناگن طهورنا هههههه.

[} و ربما أخفينا عنگم ليالي دخلتنا و {ضبح الكديسة}، مراعاة لمشاعر أصحاب القلوب الرهيفة ، أمثال مولانا هدهد. قلنا أحسن و احدة واحدة، ما دايرين طهورو و دخلتو في ليلة واحدة! أولن يبرا و يستبرا؟ بعدين كدايس الزمن دا راسن قوي؛ حتى كان ضبحوهن برفعنو تاني يقومن { بعاعيت}

(31)
// مكشن برا بصل//
[} نزولاً عند رغبة أخينا الحنكوش و إن كان لا يبدو من اسمه/ الفاضل ود أبراهيم ح نشرحا بمفردات نخشى تكون عايزة فك طلاسم زي الفسر الموية بالموية: فعموما، الكشنة و ما ادراك ما هي معروفة ، و لا دايرة درس عصر لدينا جميعاً: هي عبارة عن فرطاقة بصلة تُتْبخ في النار مع قدحة زيت أو دهن(سرى جرى) و قبال رمي اللحمة و الخدار (بخلاف نظام حلل القطر قام في أوكار العزابة). و ريحتا طبعن تجيب الضهبان من السقط لقط ،
من بعيد يشـمشم و يتكرف متل كلب القنيص.

[} و لكن للعدمان الدقعة فهناك شغل البصارة، من مواد بديلة رخيصة الثمن أو ببلاش. ألا و هي جلافيط شحم ا لضبايح . يجلبونها من السلاخانات، ليدفربوها في النار و تديها نفس الخواص الكيميائية بحيث تدوب ؛ فتترسب إلى بقايا تسمي الربيت و ذاك هو (المكشن) بذاته و صفاته و لكن (برا بصل).
وقد أورد فيها طه الضرير أو لعله الطيب ود ضحوية مربعاً ضمن مساديره أثناء نشغات الهمبتة: إذ قالك: يومن كربتيت و يومن عشانا (ربيت) و يومن علي التابة(السفة) و عليها نبيت
كدليل على تقلبات حال الدنيا دار ا لغش أم بناين قش، بين سعة و دعة و بين شقاوة و قساوة
حاشية:
[} الحاجة البنعرفا إنو المكشن برا بصل تأتي عادةً شبه مرادفة لقولهم:( بوريك النجوم في عز سكة عمي) أي في رابعة النهار والمعنى: يطلع رويحيتو عديل كدا و يجلج ليك صواميل راسك لامن أخليك تشوف جبل الرجاف الما بنشاف ظاطو.

و بَعْضُ النُّفُوسِ ** كبَعِضِ الشَّجَـرْ
جَمِيــــلُ القَـــوامِ ** رَدِيْءُ الثــَّــمَرْ
وَ َسبْرُ النُّفُوسِ *** كَصم الحجارة
فَمِنْهَا كَرِيْمُ نَّفِيْسُ وً جلمود صخـرْ
و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ

(32)
® هبشيتي π√

[} نزولا ً عند رغبة صديقنا الأنيق المك نمر فقد قررنا العودة طائعين تاني لماضينا قبل أن يندثر و يعفو الزمن عليه و يأكل الدهر منه و يشرب.. كانت حبوبتي تحكي لينا زمان عن ناس ود النمير وفاطنة السمحة القصب الأحمر و ما تنسى برضو البعاتي و ناس هبشيتي.

[} الشاهد: مرة بتحكي لينا قالت : سنة أم دقنوس (مجاعة سنة1306هـ) كان في راجل و مرتو مساكين جوع و عري الاتنين باقيات عليهم.. لمان عندهم توب فتقة واحدة أكان لبسو واحد فيهن التاني إلا ينحشر في بيت النمل الفي سدر البيت يستر عورتو.. و حكاية الأكل خليها سااه). المرا تعوس لهيمة الكسرة تخرتا للراجل تختا ليه و تكتح فوكا غباشة و لا مليح أم شعيفة وهي تكتفي بي شيط الدوكة و لا الطاجن على مرماس الحلة، تاكلو و تتيقن عليه.علا لاكين أخونا الظاهر طماع و شرفان عينو طايرة و موسوس، قام شك في المرا إنها بتلهط أكتر منو.
[} فقام يومو داك (حرد) ليها الأكل طب، قدر ما حلفت ما صدكا قال لها الحلة البتاكلي منها دي فيها شنو؟ قالتلو خلاس أنا بديك
الحلة و بشيل الدبليبة.. أها زولتك عقلها كبير و عينها مليانة؛ أول ما عاست كطعت الكسرة رفعتا هنووووك في راس المشلعيب و جابت ليه الشيط على مرماس الحلة. يلا زولك الغبيان قعد طول يومو داك يكد في الشيط و يلحس في امرماس الحلة لحدت ما انقدت و جاهو طعم التراب ضاقو في لهاتو. قام تاني كورك فيها: يا ولية كسرتك دي الليلة مالا حصحاص.. زولتك عارفة الفي راجلا مشت على المشلعيب دلت ليه اللقمة أكلا و بقا طالع بالاتنين(شيط و دبليبة) و خلاها ليك المرة راقدة بايتة القوا.....
[} عمومن ، أبشرك أيها المك الهمام (الراجل الحمش الفوووووق النار حفيان بمش)، أبشرك بأننا خرجنا من هذا البلد و قد تأبطناه ألماً في الضلوع و تلزمناه أملاً في الغد الواعد الذي ظل دهوراً يتراءى لنا كصورة مائية أو كسراب بقيعة يحبسبه الظمآن ماءاً حتى إذا دنونا منه لم نجده شيئاً......

{33}
® و من الناس من يبيع خلاً بلسان العسل، و العكس صحيح π√

[} تجاور بقالان لبيع عسل النحل و خل البصل! فراح كلٌ يعرض و يسوِّق لبضاعته على قدر ما أوتي من لباقة و دراية بفن الترويج و الدعاية و الإعلان.
[} ثم جاء الناس زرافات و وحداناً و تجمعت المارة من كل حدَبِ و صوب .. يتزاحمون على بائع الخل ، أمام حيرة و حسرة من جاره صاحب العسل و الذي بدا أن الأمر حز في نفسه بشدة مما جعله يُبخِّس من قيمة معروضاته صنوفاً من عسل مصفى، في مجاراة غير متكافئة للخل الذي بات سعره يفوق العسل.

[} و لما لم يأبه أحدٌ بأخينا العَسَّال ، ما لبث أن قام يرفس جِرته بقميه و هي تنقط عسل و فض سامره و ذهب إلى جاره تاجر الخل ، و طفق يسأله مستنكراً: تُرى ، ما السر يا هذا في تزاحم الزبائن لديك ، و متاعك لا يعدو كونه خلٌّ عبيط النهكة و طعمه رديء؟! بينما هم يتأففون مني و يتحاشون كل ما لديَّ من شهد من عصارة غذاء الملكات و ريق لعاب الفراشات تلثم رحيق الزهور الربيعية!

[} فرد عليه صاحبه مستهجناً ربما لعلي أبيع خلِّي بلسانٍ معسولٍ فيما نفرٌ من الناس سواي يبيعون عسلاً نقياً، و لكن بلسانٍ مختلٍ و لا شك أن هذا مما يصنع الفرق!!
*********************
كُنْ كَصَنْدَلَة ٍ ، تُعَطِّرُ فَأْسَ قَاْطِعِهَاْ
كُنْ وردةً ، عِطْرُهَاْ حَتَّىْ لِسَارِقِهَاْ
لَاْ دِمْنَةً ، خَبَثُهَاْ حَتَّى ْ لِسَاْقِيْهَاْ

(34)
® جاني ود العدوة و كسر فيني ترقوةπ√
كنوز من "سحارة" حبوبتي!!
__________________________________
[} طبعاً عارفين نحن في السودان ما نشيطين في حتة الكتابة لكن من تالا تراثيات شعبية بالرغم من شفاهيتها الموغلة و وارد فيها الإضافه و الحذف بسبب التقادم، لكن لها دلالات ثقافيه
و بتحكي الكتير عن طريقة التفكير والحياة نفسها الكانو عايشنها أهلنا زمان. دي ممكن نؤلف منها كتيب بعنوان (أحاجي حبوبات). و الآن هاكم قطفة من بساتين ذاك الأرشيف المتحرك على قدمين:-
[} جاني ود العدوة و كسر فيني ترقوة .فمعروف في أدبياتنا أن الحبوبة تميل بحبها لحفدتها من بنتها؛ بينما تشح و تضن بذلك على نظرائهم من أولاد الولد (كجنة ساكت في أمهاتهم الغريبات).

[} فقال ليك مرة الجنيات مع بعض جاهم خبر حبوبتهم قالو غرقت في الكنار فهرعا معاً لأنقاذها . قام لما وصلو هناك ود بتها الظاهر حنكوشة لجلج جاي و انفزر جاي، و قام مديها قفاه و راجع. لكن يعجبك ود الولد (الحمش، الحفيان و فوق جمر النار بمش) رأى أن الأمر فيه ميألة واجب عليه يتنبز و يتشكر بيه. فقام طوالي شمر و نزل الموية جبد ليك حبوبتو مرقا توشل موية.
[} قامت هي الحيزبونة أم لسان سليط تتنطع وتلتمس العذر تلو العذر لذاك الجبان المنفزر الذي خذلها وتولى عنها مدبراً يوم الزحف و في ساعة العسرة. و لكنها جعلت بالمقابل تندب حظها و هي تذم هذا الذي جازف بحياته في سبيل إنقاذها من غطسة حجر محققة.
[} فقالت كلاماً مسجوعاً ينم عن نكران الجميل:شايفاه هداك كان جاييني ود الحبيبة ، ناغمني بي طيبة، قام جاني ورارا لي من مسافتن قريبة, لاكنو ما ظنيت لقا ليه في البحر ض ريبة .
- بعد داك عاد قام جاني ليك ود العدوة ، عامل لي فيها فتوة, نهزني ليك يا يمة بي قوة ونتلني ليك نتلة كدي لمان كسر فيني ترقوة ، ثم زادت : تقولو بالله شارب ليه عبار حسوة(مريسة).
[} بالله عليك الله شوف جزاء الإحسان.لأنو قالو: (الما بريدك تلقاه في الضلمة حادر ليك؛ و ما يوفت ليك فتوتة غلط؛ بينما البريدك يبلع ليك الظلط).مع مودتي الشديدة أتوجه ، بدعوة مفتوحةإلى كل من يسهم معنا بقصة أو قفشة عن الحبوبات هذا الكنز الأدبي المدفون...

{35}
// تفسيرات عصرية لأحاج سودانية//

س1 خروفي كبر فوق البيت؛ لا بعتو انكسيت لا ضبحتو تعشيت ؟!
ج ¶ : شمة بترولنا المرق .. و اتبخر!!

س2- حبوبتي من شدتا و لضتا شايلة جدي في رقبتها ؟
ج ¶ :شعبنا الأبي.و قوة تحمله الخرافي ل(هؤلاء).

ي3- دخل القش وما قال كش؟
ج ¶ : إسرائيل في أجوائنا، حيث {الدفاع بالنظر}.

س4- قاعدة في ديواننا و تاكل في مصراننا ؟
ج ¶ : العمالة الأجنبية في بلد جيعان!!

س5- عندي طبيق ملان نبيق ؟
ج ¶ : مرتبات الموظفين في بلدي يا حبوب!!

س6- كطع البحر برا عضم ضهر .
ج ¶: قبول أولاد المصارين البيض في كليات
{الطب الوراثي } و الوظائف المحكورة سلفا!!

س7- مية و مية، ما يملن الصينية؟
ج ¶ : رغيف العيش في ثوبه القديم المتجدد.

س8- كان شالو ما بتشال كان خلو سكن الديار!؟
ج ¶: { طبعن دا بديهي ، ما داير درس عصر}!!

س9- بارك في الواطة و يعارك في السما ؟
ج ¶ : شعبنا المكلوم وكتين خراج الروح!!

س10- شطة و مطة والشافها كلو نطا ؟
ج ¶: كل ميزانية ترذلون، خسوسن بعد التعويم!!

كسسرة
[} طيب تعال نزيدك في القصيد بيت: سمعت آجنا بي قولة"جدي طويل ، و ما بلحق الكعكول"؟!
¶ الجواب: زمان قالو: الدلو ؛ واحدين قالو: الدرب؛ عشان منبطح فوق الواطة ما برفع رويسو. علا نا لقيت لها حلن تاني عجيب: تحين دا مو لسان عمك العاجز؛ يلعلع ىالطلاقات سااكت، برا مروة!! و لا رايك شنو؟

(36)
تراثيات حناكيش
المشاكسة الأصلية كتبت
بواسطة / سماح سعد دياب:
معرفة التراث مهمة جدا ...جميل جدًا
*****(((+++)))****
بث كدا ، و خلاث يا ثماح؟!
طيب ما تدلوا معانا بدلوكم تشاركونا بشوية تراثيات.
إن شاء تراثيات حناكيش. غايتو سميناها سماح المرة دي.
بصراحة نحن الحنكشة علينا زمانا فات وغناينا مات. علا
لاكين،أكان لقينا لينا فيها ضريبة، بعد دا ما بناباها.
++++++
سماح سعد دياب
ها جنا ها ....كدي رووق حبة كدي ...انا جيت هنا
من الصبح و دايرة اقرأ البوستات النازلة كلها...المرة
الجاية اقعدلك فد قعدةو حنكشة ما معانا نحن ناس غبش تب .
و حق الحبوبات حافضنو صرة و خييت.
++++++++

Golden Heart
كتبت:
هههههه مبالغة ياخي انتو عسل
++++++
سماح سعد دياب كوكو .....رمضان
كريم و تصوموا و تفطري علي خير
فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

(37)
بوبار حبوبات حناكيش من الألفية الرابعة
(منقووووووووووووووووول)
سامحونا يا جماعة و الله لو لا خشية الملل وضيق ذات الوقت مع قرب عقاب الشهر
لأوساعناكم نضماً و أخبار عن حبوباتنا في الأزمنة الغابرة ولكن قلنا لا بأس بمرور سريع
( خم رماد) قبل أن نشد رحالنا. فتعالو هذه المرة نخترق جدار الزمن باتجاه المستقبل. لنتصور
حياة حبوبات الأزمنة القادمة بعد سنين ضوئية إلى أن يرث الأاله الأرض ومن عليها . كحبوبات
الألفية الرابعة مثلاً والألفيات التي سوف تليها، ثم التي تليها، حبوبات آخر زمن، كلام عجيب! في
ذلك الزمان حتماً سوف يتغير كل شيء.. ستبلغ حبوباتنا درجة عالية من التشرب بمعطيات التكنولوجيا ..
فهيا لندخل في عالم حبوبات الألفية الرابعة..قالت حبوبة (نانسي) مخاطبة حاجة "شاهيناز"
التي كانت منهمكة في فرك البامية المحورة جينياً!!!!!
- والله يا شاهيناز ياختي أنا ما عارفاك بتفركي كيف بي (مفراكة الليزر)
دي الناس بقو يفركو بي (المفراكة الكهرومغناطيسية . فقام ردت عليها حبوبة
(نانسي) وهي تطفئ البوتجاز الذي يعمل بنظرية الأوتار الفائقة:
- نسوي شنو يا بت أمي نحنا لسه ما دخلنا في عصر الصرخة العلمية لكن
أسكتي ساي ما وريتك أمس حاجة هيام بت هيثم ود لؤي عملت شنو؟! ..
نططت حاجة شاهيناز عيونها تهيؤاً لاستقبال الشمار وقالت:
- مالا ؟! .. أنا عارفاها دي زولة عندها (ضلالات عدمية) تلقاها سوت ليها عملة كبيرة!!
أجابتها حبوبة نانسي:
- أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز ..
لقيتا ليكي ماسكة (اللا بتوب) بتاعا وعاملة (شات) مع واحد عجوز من (هضبة التبت) .. تصوري
المرا الما بتخجل دي! .ثم إمعاناً في هذه عشرة (النميمة الإلكترونية) قالت حاجة شاهيناز:
أنا زاتي المره دي) بقيت مكجناها) مما سوت لينا القهوة في الجبنة الصانعنها من (معدن التيتانوم) ،
يعني المتخلفة ما سمعت بي (جبنة الألياف الضوئية؟ ) ولا شنو يعني؟!
أضافت حاجة نانسي في استهجان بعد أن صعرت خدها الأيسر:- والله صحي (الماوس ما بزيل بلم) ..
العالم بتقدم و ديل لسة في التخلف، لكن إنتي أمس مالك ما مشيتي معانا لي الاحتفال بالذكرى
السنوية لـ (جولدن جلاشو) عالم الفيزياء المشهور؟أجابتها حاجة شاهيناز: أمس بعيد عنك مشيت غشيت
طبيب أسرتنا أفحص (الجينات) بتاعتي .. أصلو عندي زي ما تقولي طفيرة (جينية) كدا مغلباني بلحيل
قلت أقلعا أرتاح منها مرة واحدة .. وبالمرة غشيت الصائغ بتاعي غيرت غوايشي بي معدن نفيس جديد
إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية
سنين ضوئية بس.! هزت حبوبة نانسي رأسها وقالت:
و الله بقيتي خطيرة عديييل كدا .. غوايش البتاع القلتيهو ده أنا زاتي ما سمعت بيها .. كدي وريني واحدة!!!!
قالت لها حبوبة نانسي: ديل يابت أمي للمناسبات بس ما بطلعو بيهن ساي ثم رفعت حاجبها الأيمن بنوع من الغنج ودهاء
مصطنع أصلو لمان موبالة ثم أضافت: وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)؟
اتنشقت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله بوبارين ثم قالت:حاجاتك
القلتيها دي أنا صاح ما نقشتها .. لكن إنتي برضو ما سمعتي بي الكفتيرات الجديدة البتعمل بي (ألترا ساوند) و (موجات ألفا)
و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..وعندك كمان (الحلة الفوتونية)
ودي بتنجض الملاح بـ (الطاقة القمرية.....)
في هذه اللحظة دخل عليهن (حاج رامي) عمك جلكين كدا ، زوج حبوبة نانسي
وهو يناهز في الثمانمائة و نيف من عمره.. و توقف موارباً للباب وركب مجسات السونار
ليتنصت على هذا (البوباريشن) المعتق، سمع حاجة شاهيناز تستطرد في حديثها لزوجته حبوبة نانسي
وهي تقول: وبعدين أنا ولدي المغترب في (كوكب نبتون) جاب ليهو (شويفع آلي) صغيروني يساعد مرتو
في تقطيع السلطة وغسيل العـدة .. وفي هذه اللحظة دخل حاج رامي وقال: قومن يا نسوان سون لينا الغدا
وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية).
تريحنا من نقتكن الكتيرة دي. تعيش كتير تشوف كتير إن شاء الله عمرا طويل يحضرنا زمن حبوبة
نانسي وشاهيناز وجدو رامي وعمو هيثم وحاجة تغريد وعماتو ناس غريتا و سندريلا!!!
إلى القاء ودمتم سالمين

(38)
(بريبة وأم باجحوت)

صديقي اللدود ، الناقد الفذ/إسماعيل بشير،ود المحينة
شاعر مطبوع يجيد نظم القصيد و بارعٌ جداًفي غزل المسادير
و( جر النم مع الدوباي) وقد وردت إشارتناإليه هنا في غير موضع .
و بخاصةٍ في معرض تصديه لود الواثقحينما أقذع في هجائه لجزيرتنا
الخضراء و واسطة عقدها في عدنالنيل الأزرق/ و د مدني السني .
و ها هو ذا يبادلني المساجلةأدناه في لمة جمعتنا أثناء خرجة لنا
للقنيص عبر فيافي أم هبج/بطانة أب علي. حيث جاء في
تعقيبه على تراثياتي ما يلي نصُّه:
المبدع والمتوهج دوماً، ود ا لأصيل،،،
يا ود الحيشان و ود العزتين و يا عابر السبيلين.
ما هذه الإشراقات التي تتقاصر دونها قامات أمثال:
عبد اللطيف البوني، و من قبله محمد عبد الله الريح؟؟!!
فأنت بحق أديب ناثر لا يشق لك غبار، ولا يجرؤ من يباريك في
هذا المضمار أن يعشم في كلمة (فزنا) !!ولولا عيبك المعروف
باستكفائك بذاتك، منغلقاً على ما تكتبه من استراحات وخواطر،
مع عدم الالتفات إلى ما يسطره الآخرون.. لولا هذا العيب
لنصبناك ملكاً متوهجاً على بنت عدنان
في هذا المنبر الدكاكيني الصغير...
تعريجة: و لكن لدينا ملاحظات وتعقيبات طفيفة:ـــ
أولاً الشعب يريد شرحاً تفصيلياً لمفردة (أم باجحوت)
التي وردت ضمن أول سردك لتراثياتنا المكنوزة.
- البريبة (بباء مضمومة وراء مشدَّدة مع إمالة النطق بالياء،
تليها باء مفتوحة) حسب علمي الشخصي، و بناءً على سعة
إطلاعي على مرابيع النميم ومسادير الدوباي؛ هي الصيدة
أوالغزالة وليس (كلبة الصيد)، اللهم إلا إذا اتخذت لفظة
البريبة كاسم علم لبعض إناث الكلاب، فالناس يسمون
الكلاب بأسماء بعض الحيوانات الأخرى مثل:
جاموس الوعر، مرفعين، نمرة، ولبوة !!
و إليك شواهد وأدلة من مرابيع النميم
للدلالة على أن (بريبة) تعني الصيدة أو الغزالة:
يقول الحاردلو ود أب سن (أول من سدر المسادير
وأنشد المطولات في شعر الدوباي):ــ
فرق النَيَّة بِلْحيل قلْ عليَّ حياى
فيها شبه خِلَق بريبة الباسياى
أبى يبقالى فوق غيرك أجيب بوباى
لا شفناك ولا خبَّرنا بيك حَجَّاى....
و يقول شيخ العرب عبد الله ود شوراني
(أمير شعراء البطانة):ــ
تقَّاي الدقاق جاهِن رميهو شتات
مسك واسع المسافة وشارع العربات
بريبة البجازن ومهرة التابرات
أضمن عندها المرواح علوق ورباط

وقال شاعر آخر من شعراء الدوبيت
أنْفَها دُرْدُم الدهب المقايس قَصُّو
ترمي بعيد لحظة حاجبا البتبصو
بُريبةً تسوف، قلب العشوق بتقصُّو
تسحب بهجة القمر المقاسِم نُصُّو

(39)
ثم جاء رددي عليه كالتالي:-
يا شيخنا الله يهداك و يهدينا معاك..
يعني بعد الدر النفيس على قولة عمنا حيدر يا حليلو
و الدهب المجمر دا الفي موازنو تقيل تسميني أديب ناثر و تربعوني
كمان على عرش بنت عدنان في زمان راحت فيه تنتحب الفتاة لكون أهلها
من دون خلق الله ماتو؟ فما هذا التواضع حد الانحناء لالتقاط شاردة لا تسوى
ما يظفر به مخيط يغمس في المحيط ما تنضح به ذائقتكم الرفيعة و تحويه
قريحتكم المطبوعة بشاعرية لا يجادعها قصار الأيدي والأنف من أمثالي؟!
و أما تهمة انغلاقي على ذاتي و تفصيلي خرقة ظل باهت على مقاس
جلديفهذه معترف بها ، كونها دامغة بحقي كما
(القدة في مخلوفة) أو كما (الدملوج) يسحق
ليدقبه شفاه الحسان في بادية
ود شوراني و الحردلو.
*****(((((+++)))))*****
و أما( أم باجحوت):
فحري بي أن أتوجه بشرحها لمن هم أوغل منك
في الحنكشة و أنت منهم براء؛ و هي لعلها تكون حيواناً
خرافياً منقرض السلالة في حجم الصبرة ( أبي العفين) ضعيف
البنية، و لكنه يتخذ من فسائه بخاخاً (به شمة فظيعة، هي مزيج من
الروقل و الأندرين مع قدحة نت عنصر ثانيأوكسيد اللعوتيك الخامل)
و يعد واحداً من أفتك أسلحة الدفاع النووي البيولوجي
لعمليات للدمار الشامل حين ينفثها في آخر
خطوطه الدفاعية الحمراء فلا
تُبقي شيئاً وراءها و لا تذر.
*****(((((+++)))))*****
و أما (البريبة):
فهي مثلما تفضلت اسم علم لكلبة الصيد،
استعير لها اسم (جدي الريل أبو كزيمة تعال نتمشى في الغيمة)
كناية عن رشاقتها وحذقها لفنون المناورة ، شأنها شأن جرقاس و هو
بالمناسبة تحريف لاسم "جرجس" الذي يشتق بدوره من جورج عند
النصارى.هذا و العلم عند الله. بكدا تكون نجحت في تطفشينا من لب
أرشيف الحبوبة حيث لا يزال في جعبتنا المزيد من الكنوز
و لكن لنا عودة للمتاوقة في "السحارة"بمشيئة الله.

(40)
صادف و وافق شنٌّ طـبقةً!!)
[} قصة بديعة من عيون ما تحكَّت به العرب.
إذ بقال إن شنٌّ أو شننٌ هذا ، كان رجلاً من عباقرة العرب و دهاتهم إذ قال: و الله لأجوبنَّ البلاد حتى أجد امرأة في مثل فطنتي و ذكائي لأنحكها.
[} و بينما هو في طريقه ، إذ قابله رجلٌ شاركه المسير إلى ذات الوجهة التي يقصدها حتى إذا قطعاَ شوطاً في رحلتهما فسأله شنَنٌ:أتحملني أم أحملك ؟ فقال له الرجل أنا راكب و أنت راكب،
فكيف أحملك أو تحملني يا هذا؟ فسكت عنه شنُّ. و سارا حتى إذا أتيا أهل قرية، فإذا بزرع قد استُحصِد.فسأل شنُّ رفيقه:أترى هذا الزرع أكل أم لا فقال الرجل ممتعضاً: أيُ سؤال هذا؟ ترى نبتاً مستحصداً فتسأل أكل أم لا ؟!فصمت عنه شنُّ حتى إذا دخلا القرية لقيتهما جنازه , فعاد شنَنٌ يسأل:أترى صاحب هذا النعش حياً أو ميْتاً فقال له الرجل : ما رأيت أجهل منك! ترى جنازة فتسأل عنها أميْت صاحبها أم حي.

[} ثم تركه شنُّ و هم بفراقه , لكنَّ الرجل أبي أن يتركه واصطحبه حتى صارا إلى بيته فمضى معه. و كان للرجل ابنةٌ يقال لها: "طبقةٌ " فلما دخل عليها أبوها سألته عن ضيفه . فأخبرها بمرافقته إياه, طوال مسيرتها و شكا إليها ما كان
من شِدَّة غبائه ، ثم حدثها بسخافاته . فقالت: يا أبتِ ما هذا بجاهل! أما سؤاله: أتحملني أم أحملك؟! فأراد: أتعينني أم أعينك على وعثاء السفر، و كآبة المنظر بأن نتجاذب طرفي الحديث حتى نقطع طريقنا بدون مللٍ. و أما سؤاله إياك: أترى هذا الزرع أكل أم لا , فأراد هل باعه أهله فانتفعوا ثمنه أم لا!! و أما قوله في الجنازة , فأراد هل ترك الميْتُ عَقِباً يحيا بهم ذكره أم لا.
[} ثم خرج خرج أبوها ليجلس إلى شنَنِ, و تماثل بمحادثته ساعة ثم قال: أيا ضيفي الكريم ، أتحب أن أتأول لك ما كنتَ سألتني عنه ؟ قال: نعم ففسره فقال شنُّ: ما هذا من كلامك, فأخبرني صدقـــاً، من هو قائله ؟ قال: بل هي ابنةٌ لي. فخطبها إلى شننٍ الذي ظفر بها زوجةًثم حملها و مضى بها إلى دياره, فلما رآهما الناس قالوا صادفو وافق شنُّ طبقه. ثم فذهبت الحكاية مثلاً لكل اثنين أو أمرين متطابقين قلباً و قالباً.
********andandandandand********

فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

{41}
® بريقع (حلو الشم)π√

[} تذكرون أبا زيد الهلالي ..تلك الشخصية النمطية الوهمية ربما، و الذي اقترن اسمه بالحكمة و تناقله القصص الشعبي: لسان حال أهلنا في الريف خاصة، يتجذر في تفاصيل حياتهم و يكاد يشكل مرجعية عرفية قانونية يصيغها الناس و ينسجونها
على طريقهم الخاصة برمزية ذات مغاز ومرام بعيدة.

[} ففيها الترويح و التسلية و أيضاً لا تخلو من دروس و عبر. بل تدخل إلى حد كبير في قولبة الشخصية الكروكية للفرد و الجماعة و تعين الناس في تنظيم علاقاتهم و على إدارة شؤون حياتهم و معاملاتهم.

[} قد لا نكون بدعاً من الأمم ولا ننفرد بينهم في ذلك. لكننا أمة منضبطة بالقريحة؛ نقيم وزناً ثقيلاً لكل ما يرضي الله وي رضي الناس و لا يخدش حياء الذوق العام.و لدينا خطوط حمراء لكل صغيرة وكبيرة في حياتنا..حكمنا و أمثالنا تقول: المرأة عندنا بت عم الراجل ،بل وفي مقام شقيقته دما و لحما. و ما يجرب المجرب إلا الشقي.. و بليلة مباشر و لا ضبيحة مكاشر. وغير ذلك الكثير.
[} الشاهد في كلامي هو أبو زيد الهلالي بحد ذاته و تحديداً قصة طريفة جداً دارت بينه و زوجته و ابنه (بريقع). فيحكى أن أبا زيد من باب التندر و المشاكسة و ربما "التهريج" مع زوجته جاب سيرة أبوها بالشينة ذات يوم و تعمد ذكره ببعض سوء فقال لها:يا بت الإضينة (يعني الأذينة) وهي تقال للرجل السميع الهوين الذي لا استقلالية له برأيه. يعني زي معاكم معاكم ، أو قريعتي راحت و ما شابه. طبعاً أبو زيد يعرف صهره جيداً أنه شهم و ضو قبايل و كل حاجة . و إلا لما ناسبه أصلاً..المهم الموضوع گلو كان هظار في هظار ؛

[} و لكن عمتك الحاجة الظاهر عندها شوية حماقة ، فمن سمعت الكلمة كبرت ليك الشغلانة في دماغها و تقول كشحوها بنار في وشها زولتك زعلت أنفخت ططططب وانتفضت و أقامت الدنيا. و حفلت بالتكطعا ما تقعدها إلا في بيت أبيها: يعني كيف يا راجل بتنبز لي أبوي؟! دا يعني جزاه الأداك مرة متل الصيدة( يلا وقعدت تبوبر و تتفشخر). دا أبوي يا يابا ، عشا البايتات. البضبح الشايل.دا أبوى الخادمو هي بتدرش تقول قضى
و إلى ما هنالك من هذه المناحات.

[} هنا أبو زيد عشان يشعللها أكتر قام قال ليها: على رسلك يا امرأة و هدئي من روعك. بعدين شوفي ما تكتري الهرهرة
أنا عندي ثلاثة غلوتيات (فزورات) إذا كان أبوك عرفهن فهو ذو الرأي السديد و كما يحلو لك ارفعيه إلى مصاف النجوم .

[} يلا، الحاجة لفحت ثوبها و قالت بامتعاض: أنا هسة دي رايحة شايلة أهلي و بجيب ليك أبوي و معاه السم القدر غداك ، رجالاً يا يمة يدقدقوا ليك كدي في سدرك و يلزموك حدك ، صبياناً كدي يا يمة يلاقولك في الفرقة و يلحسوك المرقة كدي عاد ااصبر لي النمش وأجيك راجعة.

[} قال ليها خلاس كدي أنتي ما تگتري گلامگ ؛ و أمشي وريه الغلوتيات و إن شاء الله يحلهن و نرتاح. أول شيئ قولي ليه: أعرف لينا ما هو "حلو الشم". + سمح الأتر(الأثر)+ الضل(الظل) الرهيم.

[} فانطلقت شاقة التيهة، اختنا لا تلوي على شيء. فلما أتت أباها دخلت في الموضوع طوالي عشان تفش غبينتها. أبوها الظاهر عليه فعلاً طلع زول أفندي ساااي( أقرب لحنگوش)، راسو كرررررر انفتح قدر دا. قعد يتلفت جا جاي. عدل الطاقية فوق راسو و تنحنح شوية ثم بدأ يجاوب على مضض (أو إن شئت بالأحرى بدأ يعك و يلبخ) و قال ليها: "حلو الشم" دا ظنيتو آآآآ بنية: الزهور في الجناين في فصل الربيع ! و"سمح الأتر" دا دحين مو مشي الغزلان كدي فوق الرمال؟! و"الضل الرهيم" ضل الراكوبة مع العصيييير كدي مع حكيرة الجبنة!!. قالت ليه بنبرة كأن بها شيئاً من خيبة الأمل: أيواه! يعني بقى كدي يا يابا و مرقت ىتجعة متراوحة أهلا!..

[} هنا أخونا بريقع (ود اأبو زيد) و الولد سر أبيه قبيل كان أصلا متابع الموقف جيداً منذ البداية: لما شاف أمو تقوم و تقع قامزة على قرية أبيها المجاورة .مشى لبد (اندس) في بتق (شديراتاً) كدي بين الحلتين و انتظر حتى عادت أمه لا تسعها الفرحة بانتصار أبيها و حلوله الشافية لحزمة طلاسم أبيه ؛ و كأنه يعني حرر هجليج و لا أنقذ أب گرشولة .. فلما اقتربت من مخبأ بريقع خرج إلبها و قال: أها آآآ يمه! قال ليك شنو جدي؟
فعرضت عليه إجابات جده التي إن نمت فإنما تنم عن فراسة منقطعة النظير (بين مزدوجين طبعاً) .. فنظر إليها بريقع بشفقة و قال: والله أقول ليك قولة آيمه؟! الظاهر جدي دا
فعلاً راجل طيب و ابن حلال وعلى نياته خااالس. كدي اسمعي مني الأجابات الصحيحة عشان ما ترمي عمتنا مع أبوي دا عارفاه أصلو لسانو طووويل!! . ثم بعدين أوعي تقولي
بريقع لاقاني ح ينكشف أمرنا و نروح في گولنا داهية!.
طيب ايمعي ، أولاً تقولي ليه أبوي قال لبگ:"حلو الشم" هو الذرية(البنون= زينة الحياة الدنيا)؛ و"سمح الأتر" المطر (و أثره هو نبات الزرع و درار الضرع)؛ و "الضل الرهيم" هم العشيرة (أهلي وإن ضنوا علي كرام).

[} فتبين للحاجة أنها كانت متسرعة شوية والحمد لله إنها لا قت جنا حشاها دا بريقع. فرجعت إلى بعلها أبي زيد تتفشخر أمامه بمدى رجاحة عقل أبيها و تخبره بماذا أجاب.

[} فلما سمع أبو زيد ذلك فطن إلى أن في الأمر لكنة. فبادرها متسائلاَ : اقيفي يا مرة هويً اسمعني هنا و قبلي علي جاي عايني في وشي دا : دحين ولدي الجنا بريقع ما لاقاك في الدرب و أنتي جاية راجعة؟!

[} هنا زولتك سقط في بدها ، لامن أخدت ليها تعتيعة لورا و قالت: أجــــــــي آآآ بنات أمي!!! هآ راجل أنت جنيت و لا شنو؟ عاد و ين أشوف بريقع أنا.. إنت يا راجل ظنيت داير ليك شبكة معاي ساكت! فقال ليها: خلاس نادو لي الخدم يضربوا الدنقر (النحاس).. و يذيعوا في الناس إنو بريقع كتل (مات) فأول أمه ما سمعت ذلك طار عقلها و أصابها الذعر لامن نست الخطة و صرخت : كيف مات و أنا هسع دي گنت معاه في بتق اللعوت و قال لي كذا وكذا.. ثم انفضح أمرها..
ودمتم بعافية.