Post: #1
Title: سلامات واشواق حارة لأجدع ناس
Author: احمد سليمان
Date: 12-05-2010, 10:09 AM
Parent: #0
الشكر أولا للاخ وشيخ العرب زهير الزناتي علي المجهود الجبار الذي ظل يبذله ليحقق احلام وامال كل الزقازيقيين وكذلك الشكر موصول للاخوة كمال الشادي صاحب الفكرة وعبد الحفيظ وعصام دهب وبقية العقد الفريد فما بخلوا بالفكر والزمن والجهد حتي كللوا ذلك بتأسيس الشركة فلكم نحني الرؤوس. وفق الله الجميع لما فيه لم شمل كل زقازيقي حتي يبقي هذا الترابط الفريد في وقت عز فيه اللقاء.
هذا اول دخول لي بعد ان تم تسجيلي وحصلت علي باسورد فارجو ان اجد الترحيب في حوشكم العامر وان شاء الله منبركم واسع ومضياف (او بنبركم كما اطلق عليه احد الاخوة).
|
Post: #2
Title: Re: سلامات واشواق حارة لأجدع ناس
Author: عمر نملة
Date: 12-05-2010, 11:01 AM
Parent: #1
حللت سهلا ونزلت سهلا. مرحب حباب الارباب أحمد سليمان
|
Post: #3
Title: Re: سلامات واشواق حارة لأجدع ناس
Author: منصور عبد الرازق
Date: 12-05-2010, 11:49 AM
Parent: #2
مرحب بيك يا احمد سليمان , فى كنف بيتنا الماهل
تخير ما شئت من المقاعد
وتوهط جلوسا , واسمعنا من (حلوك النشيد )
|
Post: #4
Title: Re: سلامات واشواق حارة لأجدع ناس
Author: كمال الشادي
Date: 12-05-2010, 12:08 PM
يا اهلا وسهلا
وحبابك الف
ومبروك الباسوورد
وان شاء الله يتربي في عزك
|
Post: #5
Title: Re: سلامات واشواق حارة لأجدع ناس
Author: عبد الدائم سيد أحمد
Date: 12-05-2010, 12:40 PM
Parent: #4
اهلا بناس علوم
حبابك الف يا احمد
وما تبقى زى اسامة ابتر ومبارك جادين يظهرو ويختفو بالسنين
اولا" لو عندك صورة مع ناس نادر فاروق نزلها عشان العجايز ديل
يعرفوك ، ولو ما بتعرف تنزيل الصور كمان ، تعال فى دار الاتحاد المساء
|
Post: #6
Title: Re: سلامات واشواق حارة لأجدع ناس
Author: محمد آدم النور
Date: 12-05-2010, 12:56 PM
Parent: #4
أن تأتي متأخراً
خيراً من أن لا تأتي
هكذا يقولون
طالما أنك بادرت بفتح بوست بسلامات و أشواق زقازيقية
عليه يوجد بوليسي للبوست
تغيبك أكثر من ثلاثة أيام
يمكن أن تتوقف مباراتان بالدوري
أكثر من ثلاثة أيام
دس الباسويرد بتاعك
المهم : ألف مرحب و حبابك
من وين اللخو؟؟؟؟
|
Post: #7
Title: Re: سلامات واشواق حارة لأجدع ناس
Author: عبد الدائم سيد أحمد
Date: 12-05-2010, 01:07 PM
Parent: #6
من وين اللخو؟؟؟؟
انت يا جلا طبعا الحتات السمحة زى اداب وعلوم ديل ما بتلقى
فيها فرقة ، او بالاصح الناس النضاف ما بدوك فرصة
خليك مع ناس بكرى الشين بهناك احسـن ليك ..
|
Post: #8
Title: Re: سلامات واشواق حارة لأجدع ناس
Author: جلال عثمان
Date: 12-05-2010, 02:05 PM
Parent: #7
مراحب الف بالاخ احمد سليمان
|
Post: #9
Title: Re: سلامات واشواق حارة لأجدع ناس
Author: ميسرة سيد أحمد
Date: 12-05-2010, 03:17 PM
Parent: #8
الصور ،،،، الصور ،،، الصور
حبابك أحونا أحمد سليمان
أدخل برجلك اليمين وقول بسم الله
البيت بيتك والدار دارك
أهم وصية بعد ما تمشي شقة الإستقبال في المنشية
أحفظ الباسويرد بتاعك في مكان أمين ،،،
ما تلحق ناس هناي ديلك ،،،
|
Post: #10
Title: شكري
Author: احمد سليمان
Date: 12-05-2010, 03:29 PM
Parent: #1
شكري الجزيل لكم ايها الاخوة الاعزاء بدءا بعمر وانتهاء بالريس ميسرة وان شاء الله اكون عند حسن الظن
شنو يا عمر داير تجيب لي مشكلة مع المريخاب (الارباب دي ما كنت تخليها بالحبر السري)
|
Post: #11
Title: Re: شكري
Author: محمد صديق
Date: 12-08-2010, 10:44 AM
Parent: #10
سلامات يا ناس
مراحب بأحمد سليمان
ومنتظرين بَصْمَتَكْ.
ممكن ذكريات شقة الاوقاف.
|
Post: #12
Title: Re: شكري
Author: ياسر نجيلة
Date: 12-08-2010, 11:42 AM
Parent: #11
مرحب حباب ولدنا أحمد سليمان ...
كدي قبل ماتدخل ...
ورينا انت من ناس علوم المخــــلوطــــين مع تربية ...
ولا ناس علوم المخــــلوطــــين مع طب وصيدلة ...
دفعة سنة كم ....
مالك عزابي لي هسع ...
وين ساكن ... ولا لسة ماسكنت ...
=============================
والله انا جادي
الدخلو ديل كلهم ...عاوزين معلومات + صور
ياخي انت بتتكلم في ذاكرة عمرها 20 سنه دي لو حسبناها من سنة 1990 بس ...
انا عاوز شويه شرح ... مع جلا
|
Post: #13
Title: كل سنة وانتوا طيبين
Author: احمد سليمان
Date: 12-10-2010, 03:30 PM
Parent: #1
كل سنة والجميع بخير بمناسبة العام الهجري الجديد وربنا يديم الصحة والعافية ويحقق كل الامال
الاخ عبد الدائم
لقد بحثت في كل اوراقي وادراجي ولكن للاسف لم افلح في وجود الصور المطلوبة لاني تركت كل اغراضي بالسودان (انا الان اقيم بماليزيا) ولكني احاول جاهدا الحصول علي بعضها ما امكن
وبعدين صدقت جلا يظهر وين في علوم اذا كنا احنا ناس الكلية بننتظر فرصة غياب ناس ابو النور عشان نلقي لينا طريقة ونسة
الريس ميسرة
وينك يا ريس وشكرا علي الترحيب انت والاخرين بس ما شايف لي ضبيحة وكده. انت باين ما كلموك بفراخ شقة المنشية كدة اخد ليك زيارة خفيفة (ذي ما بتقول حبوبتي) ترم عضمك وترجع
الاخ محمدصديق
ٍسلام يا كوتش وشنو الحكاية ده غبار وقائع الدهر ولا ايه (راجع صور نادي الشرطة) متعك الله بالصحة والعافية. ‘عذرا طبعا الذاكرة بقت خربة جدا لكن اتمني ان استعيد بعد ذكريات تلك الفترة الجميلة
الاخ ياسر
سلامات يا رجل وكيفك
انا من ناس علوم المتخرجين مع طب وصيدلة مش مخ########ن مع طب لكنهم جيراننا واصحابنا (يعني انا ومبارك جادين دفعة). ,بعدين انا ما عدت عذابي راجع بوست تهنئة احمد سليمان وعلام
|
Post: #14
Title: Re: كل سنة وانتوا طيبين
Author: أبوبكر حامد الأمين
Date: 12-10-2010, 09:47 PM
Parent: #13
| Quote: خليك مع ناس بكرى الشين بهناك احسـن ليك .. |
أول بى التبادى مراحب بيك يا أحمد سليمان ، بعدين يا النضيف والله لو عملنا تحالف انا وجلا إلا امرقوك كرعينك ، مع إمكانية الإستعانة بى صديق .
|
|