Post: #1
Title: الدرسات العليا والقبول بجامعة الزقازيق - تفاصيل ومعلومات
Author: Tabaldina
Date: 07-15-2010, 11:32 AM
..
.
التحية للاخوة الزقازيقاب
وحقيقة كانت لفته بارعه تكريم مدير الجامعة ابان زيارته الاخيرة
ولقد قرأتالخبر بالصدفة فى الصحف .. ووجدت اللفاء الذى تم والوعود
ما اود ان اقوله هنا ..
ماهى تفاصيل الاجراءات او القبول ؟؟
فلم اجد يا زهير ومحمد صديق .. تفصيل عن كيفية الاتصال والمتابعة
ولا فكرة محددة عن الرسوم ..
وللافائدة العامه والخاصة فى الرغبة بعمل دكتوراة فى مجال التسويق الرجاء
الافادة عن كيفية الاتصال بالجامعة او الشخص المناسب كبداية
ام ان الامر يتطلب السفر فى كل الخطوات ..
-------------
لكم الشكر والامتنان
|
Post: #2
Title: Re: الدرسات العليا والقبول بجامعة الزقازيق - تفاصيل ومعلومات
Author: محمد آدم النور
Date: 07-15-2010, 12:09 PM
Parent: #1
شروط الدراسات العليا
1/ إكمال نصف الدين
2/ الرندوك ما معانا
3/ الجكيس مرفوض
4/ قبول الإبن أولاً في الجامعة ثم تسجيل الأب للدراسات العليا
صعبتها عليك صح ؟؟؟؟
|
Post: #3
Title: Re: الدرسات العليا والقبول بجامعة الزقازيق - تفاصيل ومعلومات
Author: Tabaldina
Date: 07-15-2010, 10:35 PM
Parent: #2
..
.
لكن مبالغغغغغغغغغغغغغة :)
والله العظيم مش صعبتها ..!!
دى معناه الواحد يلغى الفكرة زاتووووووووو..
دى شنو الشروط القاسية دى ..!!؟؟
----------------
خاتى لى كل شرط اصعب من التانى 
|
Post: #4
Title: Re: الدرسات العليا والقبول بجامعة الزقازيق - تفاصيل ومعلومات
Author: كمال الشادي
Date: 07-17-2010, 07:22 AM
Parent: #3
العزيز تبلدينا
كيفك يا الحبيب
عايز أوحد جهودي معاك عشان المشوار الجاي
انا حالياً بدرس في الخيارات عشان ابدا دكتوراه في التسويق الدولي تحديداً لان الماجستير حقي كان في التسويق الدولي
صراحة مافكرت في جامعة الزقازيق رغم ارتباطي بمصر التي ازورها سنويا
وانا في اليومين الجايين مسافر مصر
وقبل ما ازور الجامعة واوصل مدير الجامعة شخصيا راح انسق مع الشباب زهير الزناتي والريس معتصم
لكن اذا ما ظبط الخيار ده
او وافقت معاي في الخيار الثاني
انا حاليا بتواصل مع جامعتين في امريكا
الاولي هي جامعة ولدن
http://international.waldenu.edu/?source_code=GOOGLE&so...7y8aICFR0B4wodQiKCiA
ودي بتشترط للحصول على الدكتوراه أنك تمشى امريكا اثناء الدراسة حوالي اربع مرات لمناقشة مراحل رسالة الدكتوراه
وانا أحبها اكثر من التانية وهي جامعة اتلانتا الامريكية
http://www.uofa.edu/
والاثنين لعلمك جامعات معترف بها في جميع انحاء العالم
وتقدر تشتغل بشهادتهم لو حبيت عضو هيئة تدريس في اي جامعة في العالم
اما اذا قررت جامعة الزقازيق خليني اعرف قبل فترة يمكن انسق معاك
وتكون ضربة واحدة
ايه رايك
تحياتي
|
Post: #5
Title: Re: الدرسات العليا والقبول بجامعة الزقازيق - تفاصيل ومعلومات
Author: مجتبي فاروق
Date: 07-17-2010, 03:59 PM
Parent: #4
شروط الدراسات العليا
1/ إكمال نصف الدين
2/ الرندوك ما معانا
3/ الجكيس مرفوض
4/ قبول الإبن أولاً في الجامعة ثم تسجيل الأب للدراسات العليا
صعبتها عليك صح ؟؟؟؟
--
تبلدينا وشادى والله محمد ما قصر خالص غايتو دا احسن رد للزول الربنا عتقو من القراية وداير يرجع ليها تانى بالتوفيق فى القراية واحنا خلينا نستمتع بشروط ابوحميد
|
Post: #6
Title: Re: الدرسات العليا والقبول بجامعة الزقازيق - تفاصيل ومعلومات
Author: زهير الزناتي
Date: 07-18-2010, 03:34 PM
Parent: #5
الأخوة الأفاضل لقد خاطبت إدارة الجامعة لمعرفة الكيفية التي يمكن التواصل بها ... ونحن في إنتظار الرد ...
بخصوص الدراسات العليا الرسوم سنوية وهي عبارة عن 150 جنيه أسترليني ... يعني الماجستير بـ 300 جنيه والدكتوراةبـ 450 جنيه ..
بخصوص دراسة الأبناء ... هنالك ثلاث منح مجاناً شاملة مصروفات الدراسة والسكن في المدينة الجامعية التي حدثت بها نقلة كبري ..
أما الآخرون فيمكن أن يقبلوا بنفس الطريقة التي درسنا بها سابقاً ... الرسوم هي نفس رسوم الطلاب المصريين .. مع تكفل الطالب بنفقات السكن والإعاشة وهي زهيدة مقارنة بالسودان...
أقترح كل من لديه الرغبة في الدراسة أو إرسال إبنه للدراسة بجامعة الزقازيق إرسال رغبته في هذا البوست أو عن طريق الإيميل [email protected] أو عن طريق الهاتف 0919701061 ,,,
وأنا أسجل نفسي أول شخص لدراسة الماجستير :
1/ زهير محمد عثمان ...
وفي الدراسة الجامعية للمنح :
1/ محمد الفاتح ثابت ....
شكراً يا صالح علي فتح هذا البوست الهام ..
|
Post: #7
Title: Re: الدرسات العليا والقبول بجامعة الزقازيق - تفاصيل ومعلومات
Author: كمال الشادي
Date: 07-19-2010, 06:58 AM
Parent: #6
اسجل نفسي
للتحضير لدرجة الدكتوراه
وجاهز لاية أجراءات
وممكن امشي اقعد ليكم في الزقازيق وافتح ليكم دار الاتحاد
وبيت الطالبات لو حبيتو كمان
تحياتي
|
Post: #8
Title: Re: الدرسات العليا والقبول بجامعة الزقازيق - تفاصيل ومعلومات
Author: عبد الدائم سيد أحمد
Date: 07-19-2010, 07:15 AM
Parent: #7
البــرالمة وصـــلو ......
سجلونى معاك ماجستير
2 / عبدالدائم سيداحمد
لما جينا برالمة كان معانا زميلنا الطالب تيسير حسن خليفة ، قسم رياضيات
اول ما نزل كشف باسماء الطلاب الجدد واحد من سناير علوم شاف الاسم عجبو
قام جاء سألنا قال عندى قريبتى جابوها معاكم اسمها تيسير حسن خليفة ( شوفو الكضب )
وصلت ولا لسه ، طبعا" نحن برالمة مفتحين قلنا ليهو وصلت زززززمان
بس مشت تفطر ، سألنا فى ياتو كافتريا ، قلنا ليهو شايف الكشك داك ، القاعد على جنب
وقدامو صحن طرشى وعيش بلدى وفول ياهو زووول زاتووو .
الظريفة واحـــدة برضو من السناير لما قرت اسم تيسير حجزت ليها فى نفس غرفتها فى دار الطالبات
قالت البت دى اسمها سمح واكيد بتكون ظريفة .
طلع تيسير ماســــورة ....
|
Post: #9
Title: Re: الدرسات العليا والقبول بجامعة الزقازيق - تفاصيل ومعلومات
Author: مجتبي فاروق
Date: 07-19-2010, 10:55 AM
Parent: #8
عبد الدايم اديك وحدة قريبة لى دى
طبعا نقلنا عن اخونا بكرى الشين لانو الزمن داك انا ما جيت الزاقازيق
دفعة احمد عمر الباقر وادريس تراورى وعصام دهب يعنى قبلينا بدفعيتن لمن علقوا الاسماء فى الاتحاد كانو 17 (ضكر) وطبعا حقوق زى ما انت عارف قصة صعبة من ناحية الجنس اللطيف فى واحد من السناير المسالة دى حرقتو شديد كان منتظر برلومة سريعة كدا لكن الامور ما ظبتت قام ببساطة (عمل ) برلمتو براهو شاف الاسماء وكان بينهم عروة على موسى بكل بساطة شال العين فى عروة وكتب محلها ميم بقت (مروة) على موسى باقى السناير انتظروا وطبعا انت عارف فى النهاية الجا منو
|
Post: #10
Title: Re: الدرسات العليا والقبول بجامعة الزقازيق - تفاصيل ومعلومات
Author: سامي عبد الوهاب إدريس
Date: 07-19-2010, 06:01 PM
Parent: #9
يا صالح
إنت ما قلت بعد العمر دا تاني مافي قراية!!!!!!!!!!!
مع إنو نحن إقتراحنا كان في إتجاه تنمية المهارات في إتجاه الخبرات عن طريق ال(SHORT COURSES)
وهسه دي قراية راسا عدييييييييييييييييييييل كدا
عايتو ... بالتوفيق
________________
إنتو الوشوش ديك وين
|
Post: #11
Title: Re: الدرسات العليا والقبول بجامعة الزقازيق - تفاصيل ومعلومات
Author: Tabaldina
Date: 09-29-2010, 08:36 AM
Parent: #10
..
.
سلام يا سمسم
الكلام دا كان متين ..!!؟؟
ياخى الواحد بقى لا عندو ام لا ابو لا امرا لا مسئوليات
حسي اخر التقليعات الواحد قرر يسيب البلد ..
يشوف ليه شقتين فى مصر واحدة استثمار فى القاهرى ياكل منها عيش
والتانية سكن فى الزقازيق ويقعد يقرا يمكن يلقى نصيبو هناك ..
--------------
بالله فى سفرك دا لو لقيت لينا هندية مسلمة ولا حبشية ذات خلق
ادينا سلك ..
|
Post: #12
Title: Re: الدرسات العليا والقبول بجامعة الزقازيق - تفاصيل ومعلومات
Author: كمال الشادي
Date: 09-29-2010, 09:48 AM
Parent: #11
يا اخوانا
الزول تبدلينا ده
وين ماتفتح ليك بوست تلقاهو
بيسأل الناس
عن نصيبو
Quote: يمكن يلقى نصيبو هناك ..
|
يا أخوانا الزول أفتحو ليهو بوست خاص
إسمو
عروس لي تبلدينا... ممكن مساعدة ... مسموح الصور .. والفيدو .. وحاجات تانية حامياني !!!
|
Post: #13
Title: Re: الدرسات العليا والقبول بجامعة الزقازيق - تفاصيل ومعلومات
Author: Tabaldina
Date: 10-26-2010, 10:19 AM
Parent: #12
..
.
Quote: يا اخوانا
الزول تبدلينا ده
وين ماتفتح ليك بوست تلقاهو
بيسأل الناس
عن نصيبو |
شكرا يا كمال للمشاركة فى رحلة البحث عن نصيبو :)
واهم شئ موضوع الصور والسى فى دا ..
-----------
بالله ما تنسوا نصيب هانئ برعى .. الكاشف اخوى
|
Post: #14
Title: Re: الدرسات العليا والقبول بجامعة الزقازيق - تفاصيل ومعلومات
Author: أبوبكر حامد الأمين
Date: 11-21-2010, 06:35 PM
Parent: #13
| Quote: بالله ما تنسوا نصيب هانئ برعى .. الكاشف اخوى |
والله يا صالح قدر ما حاولتَ أبطّل الخبث غلبنى ، الله إقدّرنا على خشُمنا . يا حليلك يا بشير خفّة ... الزمان زمانك والبونسدليغا عشانك
|
Post: #15
Title: Re: الدرسات العليا والقبول بجامعة الزقازيق - تفاصيل ومعلومات
Author: Tabaldina
Date: 12-05-2010, 02:51 PM
Parent: #14
..
.
بكووورى يا ########
( شايف اخوك برميها كدا من خير خجله )
قرقر قرقر قرقر
ياخى اتخابث هو لو ما اتخابثت فى هانئ
تانى فى منو ؟؟
الود دا والله جاتو صدمة كهربائية
قصدى عاطفية ..
----
مسكين يا الكاشف اخوى
تلفوناتك اليومين دى مقطوعة ؟؟
|
|