اماكن فى القلب ...............

اماكن فى القلب ...............


05-17-2010, 10:58 AM


  » http://sudaneseonline.com/cgi-bin/sdb/2bb.cgi?seq=msg&board=299&msg=1274090298&rn=29


Post: #1
Title: اماكن فى القلب ...............
Author: عائشة صلاح الدين
Date: 05-17-2010, 10:58 AM
Parent: #0

ازيكم يااجدع ناس

تعالو نتذكر......... ونحكى عن أيام زمان .......الزقازيق ... اماكن فى القلب
دى دعوة منى ليكم كلكم .... دايرين نتونس مع بعض ونحكى عن ايامنا الجميلة بى حلوهاومرها ... اى ايام عشناها هناك فى الوطن التانى
الزقازيق .... وننعش الذاكرة بذكر الاماكن والشخصيات الخلت للايام ديك طعم عمرة ما يتنسى
انا شخصيا ما حاقصر حاكتب واكتب واكتب
اول ما اخدت الباسوورد اتصلت بجمال فارح وقلت ليه انا يا فارح عاوزة اكتب عندك فى بوست الزقازيق شختفة الروح ووطن الذكريات التى لا تنتهى .... واثناء الكلام غيرت راى وقلت ليه يا زول هوى شحتفة الروح دى يمكن تجيب ليها بوخ حار انا ما بقدر عليه
لكن لقيت انى بقدر اتذكر واحكى ....عن الاماكن المستحيل يوم ننساها
فى واحد فينا ممكن ينسى شارع القومية - المساكن التعاونية - المطبعة - لكوظ ولا ولا ..... اى حتة فيك يا زقازيقنا حنطراها ونطرى معاها ابطالها ونستمتع بى حلاوة الذكرى
يا ناس فافى وعزة التجانى الاماكن دى ما جتشمل الدواليب الكانت بتاخد منى نص اليوم فى الترتيب ولا السراير الكنتوا بتفرشوا فيها العنب
اى نعم يمكن اعتبارها ظرف مكان وبالتالى تدخل معانا فى اماكن فى القلب لكن انا ما حاتطرق ليها وما حافتكم لكن اسمحوا لى بان اتحدث
عن كفر عزيزة الخياطة ولو انشاؤالله بى فقرة بسيطة لازم التاريخ ياخد مجراه اقصد العدالة
احنا حنختار اسم مكان ونتكلم فيه
ناس التصوير والتنسيق ساعدونا بالصور وشكرا مقدما يا فنانيين ................شوش

Post: #2
Title: Re: اماكن فى القلب ...............
Author: عائشة صلاح الدين
Date: 05-17-2010, 11:45 AM
Parent: #1

قبل ما نسخن فى الاماكن .... معلوماتكم شنو عن بابور التلج ...... ناس زراعة ما تجابوا .... ادوها صنة

Post: #4
Title: Re: اماكن فى القلب ...............
Author: موسي عيسي
Date: 05-17-2010, 11:54 AM
Parent: #2

الاستاذة عشوش الزقازيق زقاق زقاق و شارع شارع و حته حته مدفونة في دواخلنا و مسكوةن فينا و لن و

لم نستطيع ان نقول شيئا الا هذا الحوار الذي يدل علي ما نكن لتلك الديار و اهلها في ذلك الزمان :



حكى الأصمعي أنه قال:كنت أسير في بادية الحجاز إذ مررت بحجر كتب عليه هذا البيت

يامعشر العشاق بالله خبروا .... إذا حل عشق بالفتى كيف يصنع

فكتب الأصمعي تحت ذلك البيت:

يداري هواه ثم يكتم سره .... ويخشع في كل الأمور ويخضع

ثم عاد في اليوم التالي الى المكان نفسه فوجد تحت البيت الذي كتبه هذا البيت:

وكيف يداري والهوى قاتل الفتى .... وفي كل يوم قلبه يتقطع

فكتب الأصمعي تحت ذلك البيت:

إذ لم يجد صبراً لكتمان سره .... فليس له شيء سوى الموت ينفع

قال الأصمعي: فعدت في اليوم الثالث الى الصخرة فوجدت شابا ملقى تحت ذلك وقد فارق الحياة

وقد كتب في رقعة من الجلد هذين البيتين:

سمعنا أطعنا ثم متنا فبلغـــــــــوا .... سلامي الى من كان للوصل يمنــــع

هنيئاً لأرباب النعيم نعيمهـــــــــم .... وللعاشق المسكين ما يتجـــــــــــرع




فقد تجرعنا من تلك الديار حنينها و نسال الله ان يجمعنا باهلها .

و لكي مودتي .

Post: #3
Title: Re: اماكن فى القلب ...............
Author: عائشة صلاح الدين
Date: 05-17-2010, 11:49 AM
Parent: #1

يا اخوانا عاوزة انزل لى صورة لكن ما عارفة اعمل شنو
استعنت بزهير الزناتى لكن ما عرفت انزلها .... كدى واخد يشرح لى بى رواقة كيف انزل الصورة تحت الاسم فى الحهة العلى اليمبن دى ... شوش

Post: #5
Title: Re: اماكن فى القلب ...............
Author: الرشيد بابكر
Date: 05-17-2010, 12:23 PM
Parent: #3

شوش يا مديرة...يا أميرة الذوق...

و الله يا شوش بوستك ده ريحني جنس راحة...
أمانه ما تعبتوا معاي و تعبت معاي كمان زوبه...
و الله يا شوش حأقعد أتذكر ليك بس في الأماكن الباااااردة ونضيفة...
و أعمل ليك فيها أتولدت في الراهبات و حبيت في البلاط...
و أتفشر فيكم جنس فشر....
مالكم و مالي...مش ذكرياتي أنا...
أتذكر البيعجبني....و أتغابى ليك العرفه في البيعجبني....

غايتو أصبروا لي سااااااكت..

Post: #6
Title: Re: اماكن فى القلب ...............
Author: محمد آدم النور
Date: 05-17-2010, 12:54 PM
Parent: #3

قبل ما يجو الناس بتاعين كسير التلج و دفيق المحلبية
الواحد يخش وبقى يتلفت زي الحرامي
أماكن في القلب
زي أماكن في المواصلات
الأماكن القدام بتاعت الستات
قبل التحول الديمقراطي
الأماكن الموجودة في الخلف بتاعتنا بقيادة موسى عيسى
المهم المواصلات دي ماشة وين؟؟؟؟

Post: #7
Title: Re: اماكن فى القلب ...............
Author: محمد آدم النور
Date: 05-17-2010, 01:07 PM
Parent: #6

الأخت عاشة
إعتبري المداخلة الفاتت ما حقتي
السؤال الثاني
أماكن في القلب دي متين
قبل أم بعد؟؟؟
السؤال الثالث
قبل شنو وبعد شنو؟؟؟
و الله أنا ما مسيخ لكن دي كتابتي
قدر ما أقول الواحد يحسن ملافظو
يلقى الحروف الموجودة في الكمبيوتر تأخذ هذا المنحى
الحمد لله الواحد خش التكل دا قبال ناس منصور و محمد عيد و عبد الدائم و الشادي

Post: #8
Title: Re: اماكن فى القلب ...............
Author: مشاعر بدوي
Date: 05-17-2010, 01:20 PM
Parent: #6

العزيزه شوش .....

اولا سلامات ومشتاقين شديد
ثانيا الزقازيق تمثل رمز جميل لكل الزقازيقين
لك شكرنا وتقديرنا على الاختيار الموفق وقاعدين ومنتظرين لوصف المدينة
التى علمتنا معانى الاخوة والصداقة .

Post: #9
Title: Re: اماكن فى القلب ...............
Author: محمد صديق
Date: 05-17-2010, 02:21 PM
Parent: #8

سلامات يا ناس

شوش....إزيِّكْ

بوست فى الصميم...

Quote: معلوماتكم شنو عن بابور التلج


أقول؟؟

Post: #10
Title: Re: اماكن فى القلب ...............
Author: طارق جبريل
Date: 05-17-2010, 10:52 PM
Parent: #9

سلاااااااااااام كتير يا شوش ياخي

Post: #11
Title: Re: اماكن فى القلب ...............
Author: عائشة صلاح الدين
Date: 05-18-2010, 05:52 PM
Parent: #9

مساكم الله بالخير
توتة .... الحلوة ... الرقيقة مشتاقيييييييين ... ليه اخبارك مقطوعة
ابشرى حنعيد ذكريات احلى الاماكن والناس

موسى عيسى ... كلام الاصمعى دا هو المطلوب ونقول للعزيز محمد ادم كلام الحنين للاماكن هو دا مواصلاتنا (مش المواصلات بتاعتك )
بعدين حكاية المواصلات دى شنو انت ما عارف معانا مغتربين فى البوستات دى يعنى ممكن يكونوا ما بيعرفوا المواصلات الانت قاصدها دى شنو

رشيد القوم اكتب ما بدا لك .... بس عارف لازم الshow يكون على خفيف ... وصدقنى انت واصحابك حتستفيدوا من ذكرياتنا لانه اكيد فى زمنكم مركز جاويش الطبى الحديث كان شفخانه صغيرة والسوبر ماركت الملت المساكن انتو ما كانت عندكم ... طبعا احنا لمن جينا صيدناوى قفلوه وبقت محله البوتيكات زى الكمودور والحاجات دى
العزيز نسيبى محمد صديق كدى نبدا ببابور التلج ...... ما يكونوا الجماعة شففوك

جبريلاااااااا مشتاقين يا ناس لكوظ
زهير الزناتى انتى مخاصمنى ولا شنو

Post: #12
Title: Re: اماكن فى القلب ...............
Author: زهير الزناتي
Date: 05-18-2010, 06:14 PM
Parent: #11

يا شوش الفاتح لتاني منو .؟

المهم نبدأ ليك بإنزال الصور ...

1) الصورة العايزة تنزليها في المنبر العام ختيها في مكان محدد مثلاً الـ desktop
2) إتأكدي إن حجم الصورة لا يتجاوز الـ 85 بايت ودي تضغطي علي الزر الأيمن للماوس في الصورة
3) إذا كانت الصورة أكثر من 85 كيلو بايت .. أضغطي علي الزر الإيمن وأمشي لـ open with وأفتحي الصورة بالرسام .
4) في الرسام أمشي لـ Image بتلقي في خيار بتاع stretch/skew كما هو مبين في 1. يظهر ليك المربع كما في الصور 2 وتحولي الـ 100 إلي 25 في الخانتين وتحفظي التعديلات .

195555555.JPG Hosting at Sudaneseonline.com


بكده تكون صورتك بقت صغيرة ويمكن رفعها لسيرفر سودانيز أون لاين ...

وبكده رصيدك إنتهي إذا عايزه تعرفي الباقي رسلي رصيد زيادة ...

Post: #14
Title: Re: اماكن فى القلب ...............
Author: زهير الزناتي
Date: 05-18-2010, 06:47 PM
Parent: #12

أما إذا ما كانت صورتك أقل من 85 فيمكنك تجاوز الخطوات السابقة وتقومي بعمل الآتي :
1) تضغطي علي أضف رد وحينما يفتح معك مربع الحوار الحالي أضغطي علي تحميل صورة كما في 1 أدناه
2) تظهر لك الصفحة التالية أضغطي علي BROWSE كما في الصورة 2

20000000.JPG Hosting at Sudaneseonline.com


3) يطلب منك إختيار الصورة من حاسبك حسبما وضعيتها مسبقاً كما في الصورة 3 وبعد إختيارك لها تضغطي علي كما في الصورة أدناه

300000.JPG Hosting at Sudaneseonline.com


4) بعد ذلك أضغطي علي زر تحميل
50000000.JPG Hosting at Sudaneseonline.com


5) بعد أن تظهر لك هذه الصفحة يمكنك إختيار الكود الأول ولصقه في محل المداخلات وهنا تظهر الصورة المعنية في البوست المحدد ...

40000.JPG Hosting at Sudaneseonline.com



أما إذا أردت أن تظهر الصورة في بروفايلك لجوار الأسم فهذه حكاية أخري لا يمكن لتحويل الرصيد أن يقضي ثمنها ... إلا عزومة كاربة في أمواج

Post: #15
Title: Re: اماكن فى القلب ...............
Author: عائشة صلاح الدين
Date: 05-18-2010, 07:21 PM
Parent: #14

ابشر يا ابو مجد
انا اخاف من الكلب يطلع لى اسد
انا ما صدقت خلصت من ابتزاز الباسوورد .... يجينى ابتزاز نزيل الصورة فى البروفايل
عموما خلاص اول الشهر حاعزمك بس ما فى امواج حسب ظروفى ..ز لكن العزومة قايمة
كدى هسة حل لى الصورة الفى البروفايل دى

Post: #13
Title: Re: اماكن فى القلب ...............
Author: عائشة صلاح الدين
Date: 05-18-2010, 06:16 PM
Parent: #6

المهم المواصلات دي ماشة وين؟؟؟؟


يا ولدنا محمد ادم مش مهم ماشة وين الاهم عندى تقيف فى الموقف وتنادى زازييق زازيييق زازيييق وقدر ما تقدر املا لى الاتوبيسات والبيجوهات ... ولو الناس كتار استعين بالقشاش لكن عليك الله خلى بالك كويس ما كل الناس بينفع معاها القشاش ... ولا اقول ليك انا برسل ليك طائرة v.i.p للناس الماحتشيلهم البيجوهات والاتوبيسات
طبعا من هسه عرفت الرشيد بابكر حيطلع مع اى مجموعة
زهير الزناتى بتعرف السكة بالقشاش ؟؟؟؟

Post: #16
Title: Re: اماكن فى القلب ...............
Author: كوثر داؤود
Date: 05-18-2010, 09:48 PM
Parent: #13

بسم الله الرحمن الرحيم السلام عليكم ورحمة الله وبركاته شوش ياراقية البوست بتاعك ذكرني ايام لاتنسى في قلبى ذكراها الله الله عليك

Post: #17
Title: Re: اماكن فى القلب ...............
Author: محمد عيد
Date: 05-19-2010, 00:14 AM
Parent: #16

شوش العزيزة ...

بوست فى التنك .. واعتقد انه سيكون جاذبا لكثير من فراشات المنبر ...

الشوق والحنين لتلك الاماكن .. انما هو تجسيد لحنين لا زال ينبض - رغم تقادم الايام والسنون

لكل تلك الأمكنة ..

كل واحدة من تلك البقاع مجدولة فى ذاكرة كل منا بذكريات جميلة ..

بعضنا يكون حنينه للشوارع والاحياء ...

وبعضنا الآخر يقتله الشوق للمسارح والقاعات التى كنا ننظم فيها حفلاتنا

وآخرون يشتاقون لدار الاتحاد وما فيه من حراك سياسى واجتماعى وثقافى ..

وغيرهم - وانا منهم - يشتاقون لشقق معينة كانت فى كل منها قصص وحكايات من ألق تلك الايام الجميلة

وخلاف ذلك .. هناك من يشتاق لمراتع الدراسة فى كليته او لمواقع اخرى اكثر غرابة فى تلك المدينة ..

ولو كان ذلك .. مصطبة الجاويش او امام دكان عماد او كوبرى الشبان المسلمين ...


... اذن هذا المنبر سيجمعنا من جديد فى جلسات حالمات لاسترجاع ذكريات تلك الأمكنة ...

وهى دعوة للجميع للاندياح وتجاوز الاحجام الذى حدث سابقا للتداخل فى درة تلك الأمكنة ...

وأعنى به هنا بالتحديد ... مربع كاى ..

واياك اعنى فاسمعى يا جارة ........

Post: #18
Title: Re: اماكن فى القلب ...............
Author: مني عباس
Date: 05-19-2010, 02:12 AM
Parent: #17

Come to the edge", He said
they said "We are afraid"
come to the edge", he said
they came
He pushed them...
and they flew...
[/center
مرحبا ناس الزقازيق اخيرا الواحد قدر يخش الديار العامرة بالاحباب.شكرا الاخ العزيز زهير,والشكر ايضاللاستاذ ابويكر,الشكر للصديق الرائع محمد عيد,والصديق الساخر النضيف ...ياناس الزقازيق راجعه ليكم تانى اصلوا دى تجربه بالمناسبه سلام الى شبهتى شوش.]

Post: #19
Title: Re: اماكن فى القلب ...............
Author: عائشة صلاح الدين
Date: 05-19-2010, 11:42 AM
Parent: #18

يا جنابو يا كوتش انا ما منتظراك .... ورينى معلوماتك عن بابور التلج
زهير الزناتى طبعا ما كنت عارف انو فى حته فى الزقازيق اسمها بابور التلج كان جبت معاك دكتوراه فى كسير التلج بجانب شهادة التجارة
بابور التلج دى يا احباب الحى القصاد لورد ببسيط حتة صغيرة كدا فى نفس الصف بتاع لكوظ بس بعيدة شوية يعنى من لكوظ ما بتتمشى بالرجلين الا زول مفلس ....
لكن هى ما كفر .... دى اول سكن لى انا وعزة التجانى كنا برالمة جداد وجينا لقينا امتحانات التيرم الاول مسخنة وناس زراعة يتقاشوا هنا وهناك ... ختونا مع ناس الفرقة الاولى وهم اساسا قبلنا بسنة بس ما حصلوا التيرم الاول قاموا اخدوا االتانى ورجعوا من اول السنة للتيرم الاول ..... الشقة دى بتاعت ناس هيفاء وامل جابر والمرحومة رابعة بشير واحلام وداعة
الشقة كانت كلها ناس زراعة وغير ناسها الاساسيين كان فيها ناس مستضافيين زينا لزوم المعسكر للقراية
الشقة ما كانت على الشارع كانت داخل زقاق كنت ما بعرف ارجع من الكلية براى ... بعد كم يوم كدا حاولت اخصص لى معلم اعرف بيهو الشارع
كان فى عربية كبيرة زى مقطورة كدا واقفة ليها فترة سادة الشارع القبل شارع الشقة واصلوا مافى ولو بصيص امل انو القاطرة دى ممكن فى يوم من الايام تتحرك .... وعملتها معلم لى من الكلية اركب المايكروباص اول ما اجى قصاد العربية بكل ثقة اقول للسواق على ايدك يا اسطى .... لكن انقروا العربية ما اتحركت يوم لقيتها مافى عدييييييييل كدا لكن كنت خلاص سلكت وبقيت اعرف السكة
الى اللقاء ..... شوش

Post: #20
Title: Re: اماكن فى القلب ...............
Author: عائشة صلاح الدين
Date: 05-19-2010, 11:51 AM
Parent: #18

الايام الكانت فى بابور التلج ما ممكن تتنسى ...... هناك واخنا برالمة جداد ومتوجسين من التعامل مع الناس والاماكن اتعلمنا حاجات كتيرة كان لها الاثر الكبير فى حياتنا ختى الان .... انا بالذات اتعلمت من تلك الايام الكتير
اتعلمت نكران الذات وحب الناس وخدمة الاخرين

Post: #21
Title: Re: اماكن فى القلب ...............
Author: عفاف علي ميرغني
Date: 05-20-2010, 08:20 PM
Parent: #20

شوش يا صديقتي بطعم المايونيز

Quote: بابور التلج دى يا احباب الحى القصاد لورد



Oh nooooo


شوش

بابور التلج000 عزيزة الخياطة 00

بتجيبي الاسماء دي منيييين؟؟؟؟؟؟

ليك كوم شوق شوش

Post: #22
Title: Re: اماكن فى القلب ...............
Author: زينب التجاني
Date: 05-21-2010, 02:41 PM
Parent: #21

مليون سلام ومراحب لشوش اتارى اقول البت تلفوناتها قطعت
الف مبروك الباسويرد
ووالله يا فافى لفحتيها من خشمىoh nooooooooo
بابور التلج ال
ماعرفهاش بعدين ايام وابور التلج دى احنا كنا وين
لك الحب لحدى ما ارجع ليك واسلم على الباقين لانك اول من ابتديت بيهو حتى ما دخلت بيتى
ماشة استعد عندنا عرس

Post: #23
Title: Re: اماكن فى القلب ...............
Author: الرشيد بابكر
Date: 05-22-2010, 08:08 PM
Parent: #22

أسرجت آلة الزمن مثلما كان يفعل فارس محمد صديق في لمن فاتهم الاستمتاع (أمرؤ القيس) و توجهت صوب حقب في التاريخ استهدفتها و أخرى مررت عليها مصادفة أثناء تجوالي هنا و هناك...
نزلت في مكان تكاد تنعدم فيه الرؤيا...حيث أن الكنداكة و الكتاحة تحاصر المكان...و لا أحد يحوم خارج المضارب...الريح تزمجر و الكلاب تعوي...و الخيام تكاد أن تطير من شدة الرياح...و لولا ستر الله لهبطت آلة الزمن على رأس العجوز الذي كان يعد العدة للرحيل على أطراف المضارب...بالكاد رأيناه فتجاوزناه باعجوبة...فهبطنا بالقرب منه...بادرناه بالسلام...فسلم علينا بدون نفس...باين عليه أن أخلاقه في نخرته...ثم قلت له...يا عمنا ما تعمل ليك عاكس للحصان بتاعك ده و لا كان تشغل الهازارد...قربنا نعفصك انت و حصانك...لم يجبني و كأنه لم يفهم شيئا مما قلت...طنشت الحقارة بتاعته دي و قلت ليهو ماشي وين في الجو ده يا جدو...نظر الي بحرقة و أجابني ...الى أرض النيلين يا بني...
هو ده انت يا جدو الورطتنا بي هناك...حسه عليك الله لو كان صبرت لحدي ما طلع البترول ما كان أحسن...شفقتك دي غايتو الجابت أجلنا...حسه انت عارف الحاصل شنو...أرض النيلين المشيت ليها دي ما فضل فيها زول...
انني ذاهب الى حيث الخضرة و الماء...
طيب ما تكمل الجملة وقفت مالك...الخضرة و الماء و كمان الوجه الحسن في بلاد الشام مافي...ماشي لي أرض النيلين مالك و كمان قاطع ليك بحر...الله يقطع ...حسه كان يا جدو تلقى كلامي كله هيك و العوينات و هلا...
أنا حسه جاي أقول ليك مافي داعي تهاجر و تمشي تسيب بلدك...أخير ليك تقعد هنا و تصبر عشان مستقبل أحفادك...
لا ...لا...ان مستقبلهم هناك في أرض النيلين...
أسمع كلامي يا جدو...الحتة الانت ماشي منها دي حتبقى أرض الحرمين...و حيبقى فيها أكبر احتياطي نفطي فيا لعالم....مش أحسن ليك من أرض النيلين...
بعدين حيطلع فيها بترول ...و حيجي واحد رابط راسه بي حاجة زي سير المكنة بتاعت القندران و حيسميها البلد دي بي اسمه...بلاش تهاجر يا جدو...
يا بني لقد عزمت أمري و سأرحل عن هذه الديار...
أرحل...انت راجل عنيد...خم و صر...راسك القوي ده زي راس أحفادك...و كمان علمتهم الهجرة...و لا زول حسة قاعد في البلد...

ده كان أول مهاجر عربي لأرض النيلين...الراجل ما سمع كلامنا و أصر على الهجرة لذلك لم نتمكن من تصحيح التاريخ...
شوش طولي بالك علي ما تبقي زي جدك ده...أنا بادي ليك من وراء...لحدي ما أجيك للأماكن الباااااردة....

Post: #24
Title: Re: اماكن فى القلب ...............
Author: مبارك جادين
Date: 05-24-2010, 10:20 PM
Parent: #23

قبل ايام رن جرس الهاتف الجوال خاصتي
وجاءني صوت متحدثا بنفس الثقة الو معاك عاشة صلاح الدين
وبعد السلام والذي منه سال عن صحة المرحومة الخالة سعاد محمد جادين
اجل انها شوش بكل حميمية تسال عننا وعن احوالنا
واليوم طالعت البوست الجميل اماكن في القلب
ووجدها شوش ومع ثلة من الرائعات والرائعيين
فقلت ارحب بشوش
في الحوش الذي بداه عصام دهب
ووضع البناء معه الزناتي واخرين واليوم
تنضم الكوكبة الجميلة
فمرحب يا شوش
ومرحب يا كل من دخل على اماكن في القلب




تحية خاصة لصديتي منى عباس
ارجو ان يكون الحوش رحب بيك


مودتي

Post: #25
Title: Re: اماكن فى القلب ...............
Author: أبوبكر حامد الأمين
Date: 06-01-2010, 07:21 PM
Parent: #24

شوش يا مديرة ...... أول بى التبادى مليون مرحب بيك فى منبر الزقازيق ، عاوز فى الأول أوضح ياروش إنو شوش حسب فهمى قاصدة أماكن فى الزقازيق بس هى ذوق وحساسة وما بتعرف تتقاطم ، عشان كده قادر أتخيل تعبيرها عن الضجر بتمرير يدها تحت النظارة لفرك عينيها عساها تهتدى لرؤية تصحيحية .

من الأماكن التى تأسرنى منطقة المزلقان حيث الإزدحام وباعة السمك الذى تخصصت فى طهوه صينية بالفرن خلال شهر رمضان فكان يتجمع حولها بعض صحبى الذين لولا طول فترة الشتاء لصحّت تسميتهم (أبناء الشمس) ، عند المزلقان يوجد فطاطرى خطير دلّنا عليه مجتبى فاروق ولا أدرى حتى الساعة كيف إهتدى إليه وهو تربية مساكن وأغلب الظن ان مجتبى يملك (Navigator) بمعدته يسوقه سوقاً للمقاصف المتميزة (ربما سميت مقاصف لأن نسل المعضاض بن عمر يقصفون بعيونهم وألسنتهم وأيديهم مالذ وطاب من طعام).
يتفرع من المزلقان شارع الجيش الذى ينتهى بمحطة البيجو ، وشارع الجيش هذا شهد بدايات العشق للزقازيق التى أتيتها من مدنى فسرّنى ان لون التاكسى أحمر ، وبها ثلاث دور سينما تشبه سينما الخواجه والوطنية وسينما أمير بمدنى.

ياشوش فتحت جرح نسأل الله أن لايندمل ، بجيك بى رواقه.

Post: #26
Title: Re: اماكن فى القلب ...............
Author: محمد صديق
Date: 08-08-2010, 03:25 PM
Parent: #25

سلامات يا ناس

Quote: 19-05-2010, 10:51 ص


عائشة صلاح الدين


تاريخ التسجيل: 30-04-2010
مجموع المشاركات: 27

تغير كلمة السر
كيف تتصفح المنبر!
قوانين المنبر

Re: اماكن فى القلب ............... (Re: مني عباس)

الايام الكانت فى بابور التلج ما ممكن تتنسى ...... هناك واخنا برالمة جداد ومتوجسين من التعامل مع الناس والاماكن اتعلمنا حاجات كتيرة كان لها الاثر الكبير فى حياتنا ختى الان .... انا بالذات اتعلمت من تلك الايام الكتير
اتعلمت نكران الذات وحب الناس وخدمة الاخرين




آخر مداخلة لى شوش يوم 19/5

تكون مشت وين ؟؟

ما يكون وقع فيها لوح تلج.

افقدوها يرحمكم الله.

Post: #27
Title: Re: اماكن فى القلب ...............
Author: عفاف علي ميرغني
Date: 09-15-2010, 01:35 AM
Parent: #26

شوش يا مديرة 000

Quote: .آخر مداخلة لى شوش يوم 19/5

تكون مشت وين ؟؟



شوش كل سنة وانت طيبة 000

ونحن منتظرينك بالقرب من البان جبران


غايتو دي لو ما جابتك معناها يكون جاك الزهايمر

ونسيتي حتي بوست الزقازيق بوين00

تعالي احكي 000

يالله يا جماعة البان جبران وين ؟؟؟؟؟

Post: #28
Title: Re: اماكن فى القلب ...............
Author: قيس جمال الدين
Date: 09-15-2010, 04:46 AM
Parent: #27

شوش يا أبنوسه .....
كيفك و مشتاقين ... أخبارك ..
الزقازيق أجمل أماكن الكون ... و مواصلاتكم أجمل مواصلات الكون ....
و مطار القاهرة أجمل مطارات الدنيا ...

و لكي عودة

Post: #29
Title: Re: اماكن فى القلب ...............
Author: كمال الشادي
Date: 11-20-2010, 06:35 PM
Parent: #28

الاخت الغالية
عائشة صلاح الدين


حبيت اعيد عليك من خلال طاقتك الجميلة دي

واقول ليك كل سنة وانت بالف خير وعافية
وينعاد عليك وعلى عائلتك الكريمة وانت في حبور وسعادة يارب

طلي تاني وتالت ورابع
وما تحرمينا جياتك عليك الله