عيد ميلاد أحد عظماء البوست .. الزعيم زهير الزناتي

عيد ميلاد أحد عظماء البوست .. الزعيم زهير الزناتي


04-04-2010, 09:51 PM


  » http://sudaneseonline.com/cgi-bin/sdb/2bb.cgi?seq=msg&board=299&msg=1270414281&rn=7


Post: #1
Title: عيد ميلاد أحد عظماء البوست .. الزعيم زهير الزناتي
Author: عمر هواري
Date: 04-04-2010, 09:51 PM
Parent: #0

يصادف اليوم 4 ابريل عيد ميلاد الأخ العزيز زهير (الشهير بأبو الزوز) بس ماعارفين حنطفئ كم شمعة ؟؟
وبهذه المناسبة العظيمة أهنئ عزيزي زهير وأتمنى له التقدم والإزدهار ..
وقد تزامن هذا اليوم الجميل مع الفوز الرائع لسيد البلد .. هلال الملايين ..
كل سنة وأنتم طيبين أحبتي وبالمناسبة عايزين واحد يتبرع لينا بالتورتة ..

Post: #2
Title: Re: عيد ميلاد أحد عظماء البوست .. الزعيم زهير الزناتي
Author: عفاف علي ميرغني
Date: 04-05-2010, 00:12 AM
Parent: #1



Post: #3
Title: Re: عيد ميلاد أحد عظماء البوست .. الزعيم زهير الزناتي
Author: عمر نملة
Date: 04-05-2010, 06:06 AM
Parent: #2

عمر بسكو يارائع قول أحد عظماء التاريخ

Post: #4
Title: Re: عيد ميلاد أحد عظماء البوست .. الزعيم زهير الزناتي
Author: عبد الدائم سيد أحمد
Date: 04-05-2010, 07:35 AM
Parent: #3

يعنى يا بسكو فتحت البوست ده بعد المباراة

هسه لو لا قدر الله الهلال اتغلب 4

كان اتذكرت زهير ... هاها

اتمنى انو عيد ميلادك ما يصادف دور الاربعة .... لووول


للضمان كده
كل سنة وانت طيب يا زهير



ــــــــــ

انا غايتو فى الفيس بوك كتبت تاريخ ميلادى 1/1/1972 م
اهى فرصة الواحد يكضب و يتبوبر بعيد من اصحابو الحقيقيين

Post: #5
Title: Re: عيد ميلاد أحد عظماء البوست .. الزعيم زهير الزناتي
Author: ياسر نجيلة
Date: 04-05-2010, 08:30 AM
Parent: #4

لفته حلوه يابسكو ...
ابو الزوز يستاهل الف بوست تهنئة ...

عموما تهنئتنا جات بالحوش الكبير ...
وهنا كمان بتمني ليهو كل العمر السعيد ...

العاوز يعرف عمر الزناتي الحقيقي ... يمشي يزور مربع كاي ...
غايتو 25 سنة ... اكيد حسبوها من غير .... الشنب ...

Post: #6
Title: Re: عيد ميلاد أحد عظماء البوست .. الزعيم زهير الزناتي
Author: مجتبي فاروق
Date: 04-05-2010, 01:28 PM
Parent: #5

اهو يا بسكو الهلال ما قصر معاك سكت ليك عبدالدائم اهو الهلال برضو ما قصر مع زيزو غالب اربع يوم اربعة اربعة
كل عام وانت بخير يا جميل

Post: #7
Title: Re: عيد ميلاد أحد عظماء البوست .. الزعيم زهير الزناتي
Author: محمد صديق
Date: 04-05-2010, 03:56 PM
Parent: #6

سلامات يا ناس

عمر مديد وحياة سعيدة نتمناها لزهير

ولك الشكر بسكو على اللفتة الجميلة

ومبروك للهلال وكذلك المريخ والامل

Post: #8
Title: Re: عيد ميلاد أحد عظماء البوست .. الزعيم زهير الزناتي
Author: زهير الزناتي
Date: 04-05-2010, 04:30 PM

مرجفي المدينة خلاص إتلميتوا وعايزين تستغلوا براءة عمر بسكو ... يسمكم من قبيل شابكني 4/4 والهلال غلب أربعة عايزين تشيلني الهاشمية وأقول ليكم عمري 44 سنة مش كده ... فالحين .... انا لسه مصر علي كلامي في مربع كاي ... وعمري بأي حال ما قدر عمر زينب التجاني بتاع الـ 25 سنة داك ....
وبرضو شكراً علي التهاني

Post: #9
Title: Re: عيد ميلاد أحد عظماء البوست .. الزعيم زهير الزناتي
Author: مجتبي فاروق
Date: 04-05-2010, 04:53 PM
Parent: #8

اعصابك يا زيزو
انت وين (وزنوبة الصغنتوتا وين) يعنى انت 44 سنة قضيتم من كسلا للخرطوم قبل ما تصل مكتب القبول وبعد داك زى اربعة سنة فى المساسقة بين مكتب القبول والعلاقات الخارجية وبعد داك زى اربعة سنة ساكى تذكرة وبعد داك زى اربعة سنة فى اولى وزيهم فى ثانية وزيهم فى تالتة لكن الشهادة لله رابعة مريت منها سريع
احسب انت وشوف الباقى كم نوزعوا بين بكرى الشين ودكتور مبارك صيدلة وبالجنبة كدا(جمال فارح) ستاشر سنة فى حضرة البيطرة

Post: #10
Title: Re: عيد ميلاد أحد عظماء البوست .. الزعيم زهير الزناتي
Author: عبد القادر بابكر
Date: 04-05-2010, 05:27 PM
Parent: #9

الزعيم أب شنب ..
عيد ميلاد سعيد وسنة بيضاء عليك
ربنا يخليك ويديمك وانشاء الله يارب تخرف وسط عيال عيالك ..

شكرا أخ عمر على اللفتة الحلوة دي وتحياتي ليك ..

Post: #11
Title: Re: عيد ميلاد أحد عظماء البوست .. الزعيم زهير الزناتي
Author: زينب التجاني
Date: 04-05-2010, 10:17 PM
Parent: #10

والله يا بسكو سبقتنى بلبوست دة امس زين كونكت اتلومت معاى ما قدرت ادخل كتير
ودايما سباق لكل جميل
زناتى يا صغنن
happy birthday
وسنة حلوة يا جميل

Post: #12
Title: Re: عيد ميلاد أحد عظماء البوست .. الزعيم زهير الزناتي
Author: مبارك جادين
Date: 04-06-2010, 04:28 PM
Parent: #11

الف مبروك يا ابو الزوز وعقبال مليون سنة
ونقول ان الزميل والاخ والكمرد والبنج زهير
قد نشامنز البدء ديمقراطيا حتى النخاع وله العديد من المواهب غير المعروفة
فلو كانت مواهبه 99 لا يعرف منها حتى الان سوى اثنتين هما الحكى الجيد المسبوك
والتانية القدرة الجبارة على التزكر


واقول ليهو كل سنة وانت طيب
وختم بان ادكره ببعض مصطلحاته السرية جدا والتي يعرفه الا هو والراوي
1.الاسد
2.يقول ليك الزول دة سري
3.يقول ليك الزول دة عنده مرض الصعيد
لكل من فاتهم الاستماع او يانسوا في انفسهم القدرة على فك الطلاسم القدوم بهناك في الماسنجر بتاع الراوى مبارك جادين
هبي بيرث داي تو يو يا ابو ميار

Post: #13
Title: Re: عيد ميلاد أحد عظماء البوست .. الزعيم زهير الزناتي
Author: جلال عثمان
Date: 04-06-2010, 05:43 PM
Parent: #12

والله يابسكو لكن لقيتك "ختري" عديل ....
يازول انت طلعت احسن "كسير" في العالم ... انعل ابو التلج زاتو
وقال ليك "في الحتة دي بالذات" (يجب قرأتها بطريقة عادل الجعلي) افتقد كثيرا شيخي منصور الغائب ليهو كم يوم ...
المهم، نعود لموضوع الكسير والتكسر
انتو التلج الكتير دا قاعدين تلقوا وين؟
يعني عمر بسكو دا اسا نقول اشتري ليه مصنع تلج ولا جاب كم لوح ؟

لا وقال ليك جانا الراوي كمان تم الناقصة ....
قلت لي اسد عديل كدة يابركة ... والله خوفتونا ...
المهم قبل حكاية الماسنجر دي كدي نحاول نسترجع شريط الكم وعشرين سنة دي ونحلل المعطيات
غايتو الاسد دي بفطها لانو انا بخاف من الكلب خليك من الاسد ...
سري ... يطلقها ابو الزوز علي الناس الغتات ديك الكانو كاتمين صوت وبعض رعايا الكبسولات والله اعلم
مرض الصعيد ... الا الزول العندو تار مع زول ....
















---------------
اقول ليك حاجة يابركة ... اخير ترسل الماسنجر

Post: #14
Title: Re: عيد ميلاد أحد عظماء البوست .. الزعيم زهير الزناتي
Author: زهير الزناتي
Date: 04-06-2010, 06:07 PM
Parent: #12

يا بنج ... سلامات ...

تعرف المصطلحات السرية دي في معظمها بيكون مشارك في صياغتها صلاح الأمين .... وانا علي الترويح بإعتبار الآلة الإعلامية والإنتشار الواسع .... حكاية سري دي مقتبسة من إسكتش قدموه ناس فرقة الأصدقاء في مسرح إتحاد الزقازيق ... في القطعة الفاضية جنب الإتحاد .... كان عبد المنعم بيلعب دور بتاع مباحث بعدين حايم في الشارع والسوق وشابك الناس :
- بوليس سري أأ ... بوليس سري
حكي لي الكوتش محمد صديق نكتة قبل كم يوم عن واحد بتاع مباحث عامل لافتة في بيته (فلاني الفلاني شرطي سري وطباخ أفراح) ..

ودي ذكرتني الكماسرة بتوعين الأتوبيس في مصر وهم يكوركوا بأعلي صوت في الأوتوبيس :
- المطار السري حدي نازل ....

حكي لي أحد الأصدقاء أن أحدهم جاء لزيارة قريبه في الحرس الجمهوري قابل صاحب قريبه ولمن سأله منه قال ليهو والله فلان ده سافر ليبيا مع الرئيس في زيارة سرية ... القصة حقيقية وحديثة ...

أما الأسد دي قصتها لذيذة جداً في مصر حينما كنت أتجول مع ود الجعلي في إحدي شوارع الزقازيق مرت لجواري حسناء لا تجاري غلبني أعلق ولا أقول كلمة حلوة ... لأنه ود الجعلي حاد جداً في الحاجات دي قعدت أكورل :
أسد هاج وقرقر ده لموتو حقر
وما كان من ود الجعلي إلا وكورل معي وكل لليلاه يكورل ...
وبرضو عندها قصة تانية .... في أحد بيوت العزاء بعد الإنتفاضة ... وكان هنالك سياسي رقم لكن كضاب يحكي للجماعة عن الإعتقال وسوء المعاملة في كوبر وكيف صمدوا وقدموا ما قدموا من التضحيات ... كلام كله فبركة في فبركة .... فجأة شعر بإنه الناس تعاين في أتجاه محدد خلفه وحينما إلتفت لقي كمال الجزولي بيحدر ليهو ساكت ... قام بخلعه كده قال ليهم ...
- لكن والله كمال الجزولي ده كان زي الأسد ...
والقصة دي بتذكرني بقصة الزول الكضاب البيحكي للجماعة في بيت البكاء عن الغزالة التي صادوها وهي نكتة قديمة حكيت 514 مرة مضروبة في عشرمية كده ..

اها بقي يا مبارك موضوع مرض الصعيد حفاظاً علي الباسويرد مافي داعي احكيه ويمكن فقط من خلال الهاتف ...

Post: #15
Title: Re: عيد ميلاد أحد عظماء البوست .. الزعيم زهير الزناتي
Author: زهير الزناتي
Date: 04-06-2010, 06:13 PM
Parent: #14

يا ابو الجل يبدو إننا كتبنا المداخلتين في وقت واحد ... لكن نحكي ليك دي بمناسبة سري وسجن كوبر ...

برضو عندي مصطلح مع مبارك بتاع جاسوس ... حينما كان مبارك في سجن كوبر في تلك القضية الشهيرة إعتدنا انا حمدان علي زيارته كل جمعة .. وكنا كلنا فضول لمعرفة الشمارات ... اها كانت الزيارة في مكان مخصص للسياسيين .... كلما يظهر واحد نسأل وده مالوا .؟ مرة جا واحد عمك كبير سألنا منه مبارك قال عمك ده .... صول في الغرفة السرية بتاعت الجماعة ديلك مافي داعي نجيب سيرتهم وهو من بقايا مايو ... شغال بيع للسفارات في الوثائق لمن عكشوه في قعدة ... فأطلقنا عليه لقب الجاسوس ... وصار مصطلح لكل من نشك فيه ...

Post: #16
Title: Re: عيد ميلاد أحد عظماء البوست .. الزعيم زهير الزناتي
Author: عمر هواري
Date: 04-06-2010, 10:50 PM
Parent: #15

الأعزاءالجدعان لكم مني كل الود وأنتم تحتفلون بالعملاق زهير ..
صديق الكل ونبراس الكثيرين منا .. والله ياجلال ده ماكسير تلج ..
الود ده بيستاهل عديل كده ..
الأخت فافي تورتتك جميلة وتليق بالمناسبة ..
ويانضيف سيرة سيدالبلد دي جبناها لأنو ده فريق المحتفي به ..
أحيي الأخ الأصغر نملوز ونتمنى أن نراك في السودان ..
ويانجيلة وين أراضيك ؟؟
التحايا لمجتبى العالمي .. والكوتش المرهف ..
تحية خاصة جدا للعزيزة زوبة وحقيقي مابتقصري لكن باين أنو ناس زين قصروا معاك ..
الأخ قدورة لك مني كل الود .. وياجادين مختفي ويييييييييييين الزمن ده؟؟
الغريبة مصطلحاتك دي أول مرة أسمع بيها .. لو ماشرحها زهير كنا حنجيك في البيت عديل ..
وفي الختام ادعو لأبو الزوز بكل التفدم والإزدهار وأهدي تحياتي لشريكته الرائعة إبتهاج
اليد اليمنى والسند الكبير ولملاتكتهم الحلوين حفظهم الله .

Post: #17
Title: Re: عيد ميلاد أحد عظماء البوست .. الزعيم زهير الزناتي
Author: مبارك جادين
Date: 04-07-2010, 02:06 PM
Parent: #16

الحكاية بتاعت المصطلحات دي جاءت لبعض الناس في جرح وانا اضيف بان
بعض الكلمات والتي كتبت للناس ان ياتوا الينا في الماسنجر لكن زهير
كفاني شر الزهاب بهناك بعد شرحه للمصطلحات الصعبة ولكن يمكن القول ان الشرح في الهامش لبعض
الكلمات غير كافي لزلك وجب التوضيح
الشكر كل الشكر لبسكو وجلال والزناتي وزوبة وونملوز وعبد الدائم النضيف

Post: #18
Title: Re: عيد ميلاد أحد عظماء البوست .. الزعيم زهير الزناتي
Author: نجاة حوفي
Date: 04-09-2010, 01:30 PM
Parent: #17

عيد ميلادو الليلة اجمل الاعياد فليحيا ابو الزوز
انشاء الله ربنا يحقق امنياتك ويطول عمرك ويديك ويغنيك ويعافيك. يا ابو الزوز يا صديقى..
شكرا يا بسكو على البوست الجميل زناتى يستاهل انه كل واحد مننا يفتح ليه بوست تهنيئة
للاسف ما شفتو الا حسه
التحية والتهنيئة لابتهاج والاولاد والله يخليكم لبعض
دمتم سالمين

Post: #19
Title: Re: عيد ميلاد أحد عظماء البوست .. الزعيم زهير الزناتي
Author: عمر هواري
Date: 04-10-2010, 11:49 PM
Parent: #18

التحية لكي نجاة حوفي الرائعة ..
والتحية للأخ الرشيد .. متعكم الله بالصحة والعافية أنتم وملائكة الرحمة.. أطفالكم الحلوين.
مرورك كان له معنى عميق ،،بعمق العلاقةالتي تريطكم مع أبو الزوز وبهجة ..
ارجو لكما كل الخير والتوفيق وربنا يحقق أهدافكم..

Post: #20
Title: Re: عيد ميلاد أحد عظماء البوست .. الزعيم زهير الزناتي
Author: محمد صديق
Date: 04-19-2010, 12:25 PM
Parent: #19

سلامات يا ناس

Quote: زناتى يستاهل انه كل واحد مننا يفتح ليه بوست تهنيئة


بسكو ..سلام

حوفى ...سلام برضو وما بنقول درجة الحرارة تحت الصفر لكن ممكن

نقول : الفتيل اتملأ لامن دفّق.

Post: #21
Title: Re: عيد ميلاد أحد عظماء البوست .. الزعيم زهير الزناتي
Author: كمال الشادي
Date: 04-24-2010, 08:49 AM
Parent: #20

العزيز زهير الزناتي
اليوم 24 ابريل
عرفت هسي بس إنو عيد ميلادك كان يوم 4 ابريل
عيييييييييييييييييييييييييك

على كل
لك طول العمر في طاعة المولى عز وجل والله يخليك لاسرتك واولادك
وكل سنة وإنت بألف خير وصحة ونجاح إنشاء الله
وأسف للتاجير
غصباً عني والله

Post: #22
Title: Re: عيد ميلاد أحد عظماء البوست .. الزعيم زهير الزناتي
Author: كمال الشادي
Date: 11-20-2010, 06:55 PM
Parent: #21

يا عمر هواري

كل سنة وانت بالف خيروعاية
وينعاد عليك وانت من نجاح الى نجاح يا رب

بمناسبة العيد السعيد
لي طلب عندك

طل علينا وخلينا اماسينا تخضر والونسة تطول والبورد يبقى اجمل

لك التحية

Post: #23
Title: Re: عيد ميلاد أحد عظماء البوست .. الزعيم زهير الزناتي
Author: عمر هواري
Date: 11-21-2010, 09:04 AM
Parent: #22

العزيزالفنان المدهش دوماً كمال الشادي
كل سنة وانت بألف خير .. وربنا يحقق أمنياتك وأمنيات كل الزقازيقاب الرائعون
لك مني الود كله والتقدير .. وإنشاء الله سأكون حاضراً معكم دوماً ..
التحية لكل الأحباب من حولك وكل الأمنيات أن تجمعنا بكم الظروف في مكان ما وزمان ما

Post: #24
Title: Re: عيد ميلاد أحد عظماء البوست .. الزعيم زهير الزناتي
Author: أبوبكر حامد الأمين
Date: 11-21-2010, 05:49 PM
Parent: #23

سلام يا بسكو ، شايف زهير ثابت على 4 ابريل بس سنة كم الله أعلم ، وشايفو قال عمرو أقل من 25 سنة ، يعنى سنة 1985 ذاتا ما شغالة ، مع إنو أبو الزوز روحو ثورية ق.خ (ما قبل الخليج) ، بعد الخليج ممكن برضو روحو تكون ثورية بس النسب لايكون للثورة (أول إنتَ بقا) ، هسّى عاين صورة سوار الدهب دى بقت باهتة جوّانا كيفن.

Post: #25
Title: Re: عيد ميلاد أحد عظماء البوست .. الزعيم زهير الزناتي
Author: عمر هواري
Date: 11-23-2010, 07:24 AM
Parent: #24

بكري الجميل جداً ..
والله مشتاقين كتير ،وينك ياراجل ،، لم تجمعنا الظروف منذ آخر لقاء في مدني الجميلة
طبعاً عمر أبو الزوز ده مابنقدر نعرفو بسهولة لأنو بشنب ممكن يديك عمر وبدون شنب بعمر تاني
والله يابكري الزول ده وجهه طفولي وباين إنو كان صغير لمن جاء الزقازيق.. وكان محافظ على هذه الصفة
ولكن فقدها عند حضور دفعة ناس السموأل أبو سن وبعد تخرج ناس عادل ودالبيه ودفعته ..
غايتو الآن ممكن يعمل شوية ترميم في السعودية مع الكندشة والراحات .. مش كدة ولا إيه ...

Post: #26
Title: Re: عيد ميلاد أحد عظماء البوست .. الزعيم زهير الزناتي
Author: مني عباس
Date: 11-26-2010, 05:54 AM
Parent: #25

هايا عمر...تخجل..الحكايه شنو....لاسلام.. لاكلام
كدى.. لمن انزل ليك الصور بتاعة تخريج اداب 1988
امبارح وريت الصور لقربيك (صلاح مالك) قال ولد عمتك,,,
صلاح قال لى انا الشى العارفه انو عمر كان فى تجاره ...مالو مصور معاكم فى اداب
قلت ليه عمر كان العضو الفخرى للاداب..
كيف حالك....وكيف حال زوجتك..وكل سنه وانتم طيبين...

Post: #27
Title: Re: عيد ميلاد أحد عظماء البوست .. الزعيم زهير الزناتي
Author: عمر هواري
Date: 11-29-2010, 11:12 AM
Parent: #26

الله يامنى عباس أنتي عارفة معزتك عندنا كيف
كانت أيام جميلة تلك الأيام الحلوة التي نجترها كلما قسى علينا الدهر
دائماً أتذكر عندما كنا نلتقي في ركن من أركان الزقازيق أو في دار الإتحاد او عند تبادل الزيارات
وأتذكر عندما كنا ندعي بانك ابنة أخت الفنان عبد العزيز المبارك
واتذكر جيدا جريدتك المتميزة "" نحن هنا""
وأذكر أيضاً عندما قابلتك في السودان قبل السفر إلى كندا
لكن يامنى انتي مشيتي بلد بعيدة خلاص
والله متمنيين نشوفك ونلاقيك ..
كويس انك بتعرفي صلاح وهو في الحقيقة أبن بنت خالتي يعنى انا خالو
الظاهر ماداير يكبرنًًي .
أتمنى لكي التوفيق واتمني اسمع أخبارك.
سأتصل عليك قريباً حتى اتعرف على اخبارك واديك اخباري ..
مع شكري وتقديري وتحياتي للزقازيقاب المعاك