عمر نملوز

عمر نملوز


03-27-2010, 07:08 PM


  » http://sudaneseonline.com/cgi-bin/sdb/2bb.cgi?seq=msg&board=299&msg=1269713284&rn=0


Post: #1
Title: عمر نملوز
Author: عمر نملة
Date: 03-27-2010, 07:08 PM

ازيكم

Post: #2
Title: Re: عمر نملوز
Author: جلال عثمان
Date: 03-27-2010, 07:20 PM
Parent: #1

ياخ ما بالغت عديل كدة
قلت "تدلل" شوية يعني ... معقول راجينك من شهر 11















----
نملوز ازيك ياخ

Post: #3
Title: Re: عمر نملوز
Author: عمر نملة
Date: 03-27-2010, 07:21 PM
Parent: #1

اولا اتقدم يالشكر للمعلم الزناتي وللرجل المناره يكري أيويكر.

Post: #4
Title: Re: عمر نملوز
Author: عمر نملة
Date: 03-27-2010, 07:32 PM
Parent: #3

الرجل السكره(و يلاش من السكر) خليه للنمل. خلينا في شهر 11 دا واقفين تخيل حولت كل اموري من هولندا الي يلجيكا هاك سك للشغل الحمدلله الان قدرت استقر يس كان عندي مشكلة كيبورد عربي والحمد لله اتحلت

Post: #5
Title: Re: عمر نملوز
Author: محمد صديق
Date: 03-27-2010, 07:35 PM
Parent: #3

سلامات يا ناس

Quote: ازيكم


ازيّك انت وازى الوليدات

Post: #6
Title: Re: عمر نملوز
Author: الرشيد بابكر
Date: 03-27-2010, 08:07 PM
Parent: #5

عمر نملة...
حبابك عشرة بلا كشرة...
نورت المنبر...
واصل حضورك و لا تنقطع...

Post: #7
Title: Re: عمر نملوز
Author: أبوبكر حامد الأمين
Date: 03-27-2010, 10:31 PM
Parent: #6

Quote: يكري أيويكر


يا راجل الكلام ده بدينك ، يعنى بكرى أبوبكر بقيتوا تكروهو إنت وزهير الزناتى ، أنا والله من زمان رايى إنو الشنب الغليد ده شنب زول ذمتو واسعة وود سوق.


Quote: يس كان عندي مشكلة كيبورد عربي والحمد لله اتحلت


ما إظنها إتحلَّت والدليل ألولو ، إنتّ يا نملة كيبورد بلجيكا ده مالو زى قطرة النوفلجين تقول تكب نقطة إنزلن نقطتين ، بالله تحس بى مرارة القطرة فى حلقك مع إنها دخلت بى الأنف ، يا ربى أكون(فُل أوبشن)؟

يا نملة ... وكت سيرتك إجيبوها .... أهلى كتير بحبوها....... وأنا كذلك

Post: #8
Title: Re: عمر نملوز
Author: طارق جبريل
Date: 03-27-2010, 11:37 PM
Parent: #7

نملوز يا حبيبنا

Post: #9
Title: Re: عمر نملوز
Author: عصام دهب
Date: 03-28-2010, 11:09 AM
Parent: #8

عمر ياخي إزيك و عيالك ..


مرحبابك و الدار دارك ..


يلا ورينا تجلياتك و تداعياتك سيما و يصحبتك ود المأذون ..

Post: #10
Title: Re: عمر نملوز
Author: عمر نملة
Date: 03-28-2010, 11:34 AM
Parent: #9

الصديق صفاتك عالي ماك حقير من يومك بدرنا وشلت كل تقدير
الحمد لله كل الامور تمام وتسلم اخبارك و أخبار الاولاد ان شاء الله القى وقت كتير عشان عندي ليك من بيت الكلاوي وكل ما لم يكتب عن ود الماذؤن وذلك في سلسله باسم السيره الخفيه

الرشيد المهذب انت ديمه وضيح كلماتك دليلك ونهجك انت صريح
رشيد القوم ونجاتنا وامنية مهند سلام كتير والله ماشاء الله عيني بارده على تواصلكم رغم زحمة الامارات كمان سلامي لصاحبك الهندي وقول ليه عليك الله ادينا هزه هزتين من راسك.

أبوبكر ود الماذؤن – بكه أو بكوري كما يحلو لسامره
قدر فتشت فكرت ما لقيت لي زمن لسه تاريك كنت ناسينا وناسي هوانا ياانت
وقت كنت تلقانا نقابلك نحنا ببسمه وتبعد انت ياقاسي ونفرح نحنا كانت لنت
كلامنا كله بالهمسه وكلامك انت زي لمسه يتنسي انت لقيانا ونحلق نحنا وين كنت
اسمع اكرب زندك وانتظر الحكي البمهله وماتكب الزوقه وماتدخل الاجاويد و ما تخصمني بالرسول عندي حكاوي من زمن لسه

طارق ود جبرين الزول الحنين والله ياطارق محل مااقبل بلقى سيرتك الحلوه ربنا ييسر طريقك شقيش ماتقبل( اسمع شقيق دي على وين) سلامي لكل حبايبك في كل الشقاقيش

الدهب عصام من قبيل قلنا ياك سيد الحوش اخبارك واخبار اليارات والله لو اي نقطه من اليارات ماركزت فيها الا ود الماذؤن يجيب لينا ناس جنابو, اما حكاوي اولاد الماذؤن والله الا يقول وييي.سلامي لكل الحبايب

Post: #11
Title: Re: عمر نملوز
Author: عبد الدائم سيد أحمد
Date: 03-28-2010, 11:41 AM
Parent: #9





يا مرسوم فى حتة ورقة.. وطالع من كباية شاى
زعلت عليك ابله نظيرة.. ومنصور حردان الشاى

شيخ العشري مره اتنهد وقال حاجات كمان مولاي

العباسي عامل غلبه وناس طبالنا يدندنوا ساي

قبل الفكره نقرش زيكو وناس بكوره في الهباباي

بعد الليل ارخى سدوله احمد كاشف صدح دوباي

ود البرعي هاني اتبسم ود ابقرجة قال ياقساي

خالد بنها انامله حريره وبحت صوته تقول قمراي

ناس الكوره حكمهم صفر ود الحوري قال هاي هاي

لتنس الطاوله اتلموا عمالقه ودالحبر وود جبراي

ود يس اتحدا نجيله وابراهيم عزف الناي

مجدي ابسن مهاره عجيبه وزهير الطب حريف داوي

محي الدين وامونه الحلوه صارت مطلب كل جكساي

للحلوين طل حنينا سالم طايب كل بكاي

عبد الدائم مره اتكسر قال خدوري مسبب اساي

ود الجعلي عادل علق اضحك كل من مره وجاي

عبد الماجد راجل صالح ماتقول جبهه وساي

بدرالدين اشعاره بديعه تفرح تسعد كل غناي

عبدالهادي وقصه قصيره يحبك فيها زي بناي

الادروب وهباني اجتمعوا بديروا يملكوا الراي

جلالنا الصالح شمر وقال ياجموعنا علينا بجاي

ناس المساكن والقوميه جمعوا صفوفهم وعقدوا الراي

لي لكوز بيدورا يداهموا يعصروا عليهم يزازوهم زاي

مايفارقوهم الا يقرضوا كل مايؤكل حتى الشاي

ناس لكوز عايزين الستره وناس المساكن اتمهلوا ساي

اجمعنا في لحظه صفوه واتفارقنا بمعزوفة نآي

اتطايبنا واطابلنا واتسامرنا بلحن الراي

نهاية الامر اجمعنا حبايب بشرق الدلتا معانا اجاي

----------------------------

سالت عليك يامهمومه واتعمدت اكون نساي

يامختومه بطرقه كسره يا حيرانه معدومه راي

يامنحوته جوه الذاكره ويامحميه بورد اباي

ياناكرانا وطاريه جمايلك ارهفي حسك معانا بجاي

اتيقنت وقلت ابيعك بس لاقيتك ساكنه حشاي

كم حاولت افوتك واهرب ياممهوله اتركي خطاي

ياتاعباني وساكنه فروضي ريحي بالي وكوني غطاي

جوه الفكره اتلاشى وجودك وجوه وجودك وجدت مناي

الا قليلا بديت ترتيلي جردت ورودي بلالوباي

بعد النصف اطمئن قليبي وصرت احساس من رباي

من ترتيلي اعدت وجودي اصل العوده في جواي

يامشوار خطاواتك كترت رفقا وقف عود لحناي

بس الرجعه صعيبه علينا اصله الغربه سم هراي

سم الافعى علاجه بتفله الا الغربه ورم فشاي

مهما تحاول تبتر تقطع تلقى دروبوا كل خلاي

حسمت الغربه حكيها وقالت: عرفتوا جناي ؟عرفتوا دواي؟!

لدروابي حقوا تفارقوا وجوه الدار اهجسوا جناي

الا دروبك مااظن تكمل الا عيالك يعقدوا راي

11 يونيو 2009



بعد البكا ده كلو تقوم تمشى بلجيكاااا تانى

Post: #12
Title: Re: عمر نملوز
Author: عمر نملة
Date: 03-28-2010, 12:02 PM
Parent: #11

ديمه ياذوق والله الان قلت دودي بيطل وماكملت سيرتك هي الكلام. طبعا تداخلت على المدن والصحاب من مدني، الزقازيق، الخرطوم ،الحصاحيصا، امدرمان، صنعاء حجه، دراختن، والان طاب لي المقام في مدينه على بحر الشمال في اقصى الغرب البلجيكي اسمها اوستندا وسوف انزل صور المدينه( لناس الشو والاجازات) وكل أوربا بتجي تصيف هنا وهي في الجانب الاخر من لندن. سلام لكل الحلوين خاصه السني ود السني

Post: #13
Title: Re: عمر نملوز
Author: منصور عبد الرازق
Date: 03-28-2010, 12:06 PM
Parent: #11

مرحب عمر نملوز
انتو قصة الكيبوردات العربى الفيها ازمة دى
ما لقت ليها بزنس مان تفتيحة كده يشيل ليهو منها كونتينر كده ويمشى بيها جهات امستردام وبروكسل
اشحن ليكم كونتينر وتحاسبونى ؟؟؟!!
اضافة جديدة واعدة للمنبر يا نملوز

Post: #14
Title: Re: عمر نملوز
Author: عمر نملة
Date: 03-28-2010, 12:21 PM
Parent: #13

منصور سيد الاسم انت لينا الساس تفتح للقليب وتسالم كل الناس
عارف متبع محاورتكم الجميله ( منصور ،عيد و رشيد القوم). لقيت الكيبورد في محل مصري ب15 يورو شوف حساباتك مع اولاد بمبا. سلامي لاعضاء الجمعيه 400 خاصه صاحبي حسن حاتقول حسن ياتو اقول ليك يوم الخميس ادخل الجمعيه وقول ياحسن عمر نمله بيسلم عليك وقال لقبك نقزو لازم كل الناس تعرف نزقو دا ولا دي بالدنقلاوي

Post: #15
Title: Re: عمر نملوز
Author: الرشيد بابكر
Date: 03-28-2010, 12:28 PM
Parent: #14

Quote: وسوف انزل صور المدينه( لناس الشو والاجازات) وكل أوربا بتجي تصيف هنا وهي في الجانب الاخر من لندن


نملوز يا حبيب عليك الله دراسة جدوى سريعة كده قبل شمس الليلة دي ما تغيب...

عشان الأيام دي بنعمل في دراسة شو...

صورنا قربت تبقى قديمة و تاني ما بخلوني انزله هنا..

أنا الطلعت القانون ده و الظاهر علي أنا الحأدفع التمن...

لو ظبطت لينا الدراسة احتمال أجيب ليك منصور زاتو معاي...

Post: #16
Title: Re: عمر نملوز
Author: الرشيد بابكر
Date: 03-28-2010, 12:31 PM
Parent: #15

Quote: سلامي لصاحبك الهندي وقول ليه عليك الله ادينا هزه هزتين من راسك.


انت ظبط الدراسة امكن أجيب ليك عبدالله الهندي صاحبي معاي...

و كان خرخرت ما تلومني....


هزة راس مرتين...

Post: #17
Title: Re: عمر نملوز
Author: ميسرة سيد أحمد
Date: 03-28-2010, 12:32 PM
Parent: #13

أهلاً بأخونا عمر نملوز

طال إنتظارنا لطلتكم ولكنك الغربة الكبيرة

بتهد الحيل ،،، نتمنى أن يطيب ليكم المقام في

مدينتكم الجميلة ،،،

ومبروك للزقازيقاب هذه الإضافة الجميلة من الزول الحكاي ده .

Post: #18
Title: Re: عمر نملوز
Author: عمر المهدى
Date: 03-28-2010, 12:46 PM
Parent: #17

نملوز اشرقت وانورت
لك التحايا
اضافة جميلة للزقازيقاب وخاصة العمراب
طبعا انا اول مادخلت عملت دربكة ورحب
بي جبريلا علي اساس اني نملة

Post: #19
Title: Re: عمر نملوز
Author: مجتبي فاروق
Date: 03-28-2010, 01:23 PM
Parent: #18

نملللللللللللللللللللللللللللللللللة وكدا
منتظرين قرصاتك

Post: #20
Title: Re: عمر نملوز
Author: عمر نملة
Date: 03-28-2010, 01:36 PM
Parent: #19

شو عارف الاجازه اهم حاجه لناس أوربا اكتر من العرس( ديل ماعندهم اعراس) مابعدي يوم الا تلقاهم الاجازه الاجازه
بس ليهم حق ناس بتشتغل ومافي لعب. بالنسبه للصور لو عندك حساب في faceboek بعمل ليك اضافه وايميلي amrdrachten live.nl بتلاقي كل صور اوستندا
اسمع منصور دا ببنرسل ليه اوربا هناك في الجمعيه اما الهندي لو جاء معاك والله الا تفتش ليه عشان يرجع خاصه انو كل الهنود والباكستان عاملين بزنس وصاحبك بدل يهز راسه حايكون زي مروحة التربيزه

الريس الميسر واسرته الجميله اعتمدونا مراسل لاوربا وضواحيها وشوفوا لينا اسره زقازيقيه نعمل ليها زياره ان شاء الله اسره محمد ادم حلا شايف النقطه خلت الاسم كيف . تحياتي من الهرم الي الحرم.

المهدي ود المهدي عمر
تسلم ياذوق ،عارف في مدني عمر نمله في الزقازيق عمر تجاره في الخرطوم عمر مدني في صنعاء عمر الزقازيق في هولندا عمر دراختن وفي سودانيزاون لاين عمر نملة بالتاء يعني اسم عمر محل مايمشي يلصقوا ليه لقب . على العموم سلامي لكل الناس المعاك وفتش لي صاحبي شرف الدين الجعلي ( اكرم واشجع واحمق) وعن كل صفه برجع بحكي حكاوي عن هذا الهمام ابن بربر وبورتسودان والزقازيق الرجل الفريد في طبعه

الصحفي العالمي مجتبى اسمع اتصلت بطارق عوض وأحمد عمر وقلت ليهم أنا الان متواجد في الدوحه وجايب ليكم حاجات من صاحبكم الشفت.... عليك امان الله اصحابك لليوم بضايروا تقول قرصه بس انت ابعد لانه مركز مع ود الماذؤن وماعايز حجاز

Post: #21
Title: Re: عمر نملوز
Author: محمد آدم النور
Date: 03-29-2010, 06:37 AM
Parent: #20

بسم الله الرخمن الرحيم
أشهد أن لا إله إلا الله
و أشهد أن محمداً رسول الله

Post: #22
Title: Re: عمر نملوز
Author: عمر نملة
Date: 03-29-2010, 05:22 PM
Parent: #21

محمد آدم حلا( ماناسي اي نقطه) قلت تتشهد اها ياالاخو باقي لقيك العمل الطيب اقول ليك حاجة مش لو قلت الشهاده لو شاركت في غزوة احد ما بسيبك وزي ماقال الفنان مابسيبك مابفكك لو تتشهد بالسنين.

Post: #23
Title: Re: عمر نملوز
Author: زهير الزناتي
Date: 03-29-2010, 05:46 PM
Parent: #22

عمر نملة يا حبيب حمد الله علي السلامة قربنا نقلع الباسويرد بتاعك لكن الله ستر .... تحياتنا لكل البلجيكاب طرفكم ... احكي ليك قصة لذيذة بمناسبة بلجيكا ... تاني يوم من مباراة برشلونة الجاب فيها ميسي هدف بديع لقيت نفسي فجأة في النشرة الرياضية للفضائية السودانية قلت يا ولد يمكن يجيبوا هدف مسي التاريخي فجأة كده يقوموا يجيبوا ليك أخبار الدوري البلجيكي وبصوت عالي قلت بالله ليك الله شوف الناس ديل ياخي نحن مالنا ومال الدوري البلجيكي ... خالتك إبتهاج جنبي قالت لي طيب نحن مالنا ومال الدوري الإسباني وبرشلونة ... لم أملك إلا وأن أضحك ... بعد ده لومك بي نحضر الدوري البلجيكي ونتابع أخباره ... تحياتنا يا جميل وللأولاد ....

Post: #24
Title: Re: عمر نملوز
Author: عمر نملة
Date: 03-29-2010, 06:21 PM
Parent: #23

الزتاتي أبوميار الله يسلمك اسمع بمناسبة الله يسلمك ، مره لاقيت لي واحده قايلها من الدومينكان( اسه انا قلت حاتم جباره) وبتعتب ظاهر عليها كانت لاعبه دافوري وبالعربي قلت ليها سلالالالالامتك قالت لي الله يسلللللللمك والله عايز اجري لو مااتذكرت الجري دا ماحقي طلعت سودانيه( اسه انا قلت من ناس كسلا). يازول تقلع شنو نحنا حتلنا وغرزنا واسمع دي الاسد ساكي الحمار والحمار دخل الطين والاسد ورائه المهم الاتنين حتلوا زي حتلتي دا ولا دي وجاء الثعلب ماشي ببره الطبن الاسد قال ليه: شايف ياابو الثعالب الورطه الانا فيها دي. الثعلب قال ليه: انت الورطه لسه ماشفتها بكره الطين بينشف وصاحب الخمار بيجي يفتش حماره. اها يااخوي الطين نشف والهكر حائم احسن من الان ومعاك بكري ابوبكر مانتجارى وندخل الطين. وشنو بلجيكيات وخالتك ابتهاج والله انا لو مابعرفكم من الزقازيق كان من الصور الشفتها دي ولا دا انا بقول ابتهاج دا بتك الصغيره

Post: #25
Title: Re: عمر نملوز
Author: زهير الزناتي
Date: 03-29-2010, 06:30 PM
Parent: #24

يا عمر إنت بتاع مشاكل كده مالك أنا قلت بلجيكاب ..... وهنالك فرق ما بين الباء والتاء يودي في ستين داهية .... وبعدين حكاية بتك دي ... ما شايق روحك بقيت كضاب شديد ...

Post: #26
Title: Re: عمر نملوز
Author: عمر نملة
Date: 03-29-2010, 07:21 PM
Parent: #25

قلت لي كاب يازول الكاب دا ملخبط السودان من زمن عبود اقول ليك حاجه نعمل هدنه انا الصلح مابنفع معاي. اسمع بفتش لبكري ود الماذؤن دخلت كل الحيشان حتى الميس ( مربع كايا ناو زي ماقال بوب ماري) اقول ليك حتى تحت السرير( قصة نعمات الجبل) فتشت ليهو

Post: #27
Title: Re: عمر نملوز
Author: ياسر نجيلة
Date: 03-30-2010, 11:33 AM
Parent: #26

ولدنا ابوالطيب ...
فرحنا بدخولك ... المنتظر من فترة طويلة ... طول شعراتك



نحنا بنشجع الدماء الجديدة ...

Post: #28
Title: Re: عمر نملوز
Author: عفاف علي ميرغني
Date: 03-30-2010, 08:13 PM
Parent: #27

هلا نملوز 0000


نورت الحوش 000


وعاشت تجارة ((هتاف لكوزي))) اها قصرت معاك !!!!

Post: #29
Title: Re: عمر نملوز
Author: أبوبكر حامد الأمين
Date: 03-30-2010, 10:23 PM
Parent: #28

Quote: بفتش لبكري ود الماذؤن دخلت كل الحيشان حتى الميس


يا نملة هووى بسوّى ليك آلفضيها ، مالك ياخى مجهجه باكاتى على قول جبريلا ، ياخى عماد لوفه وين؟ سلّم عليهو .

يا نملة ياخى أنا أهدافى محددة بى الزناتى ومجتبى ، أى حركات منك بفتح جبخانه وسيتم تصنيفها (نيران صديقة) ، تصبحوا على خير بكره عندى رمى نار تحت شعار (وأعدّوا) ، بلا بلجيكا بلا أنترلخت ونيلة بخت.

Post: #30
Title: Re: عمر نملوز
Author: Hatim Gubara
Date: 03-31-2010, 01:31 PM
Parent: #29

نمله يا وهم..
لو تعرف..
كيف باريدك..
سلامات يا صاحبي..

Post: #31
Title: Re: عمر نملوز
Author: عمر نملة
Date: 03-31-2010, 07:20 PM
Parent: #30

عفه الشاربه من الطيبه ديمه كم اسر فنان جمالها خلا قلبو عليها غيمه
تسلمي ياغيمه ومتابع جيفارتك وركزهم وكل الكلام المموثق المنمق وسلام كتير لاهلنا في كسلا وكل الشرق . وعندي ليكم قصص ناس الثريا وبيت الطالبات الكنت بدق ليهم كل الاجراس كلما اشوف ود الماذون لافخ توبه وماشي بيت الطالبات

Post: #32
Title: Re: عمر نملوز
Author: عمر نملة
Date: 03-31-2010, 07:31 PM
Parent: #31

حاتم جباره ابو النسب اخبارك واحوالك والله يا د حاتم كنت ومازلت بحبكم انتم الثلاثي حاتم ود جبرين وزولجي( عارف في الزقازيق دا انا بخاف من اثنين بس زولجي لانه بيحرن ومابسيبك الا تعمل الحاجه العايزها ودائما بتكون هي الحاجه الصاح بس صعب تقرر تعملها اما التاني سعد محمد سعد وطبعا اكيد كل الزقازيق بتخاف منو، مره ايام امتحانات البكالريوس فتحت باب الشفه لقيته واقف وخاتي ايديه الخضره فوق في السقف وقال اسمع عايزك تشرح لينا احصاء انا وعادل النميري قلت ليه بس ياسعد... قال لي بلا سغد بلاوسخ عليك الامان تلاته ايام اقول واردد الوسط الحسابي الوسيط المنوال وسجما وميو ومنحنيات واكتشفت انو ماعايز نجاح كمان زولك زول تقدير التحيه ليهم اينما كانوا) جايك وزي ماقالت الست انا عندي كلام بدي اقولوا لك.

Post: #33
Title: Re: عمر نملوز
Author: عمر نملة
Date: 03-31-2010, 07:39 PM
Parent: #32

ياسر نجيله... ياخلاصة الناس الطيبين
والله ياسر مكتوم في جوف أصداف كنت قايلك زمالة زقازيق( زي حلا) وهي تكفي جيت لقيتك قريب نسابتنا ناس أستاذه بدريه أبراهيم ووالدتها حمامه واخر مفاجاه هي انك قريب جيرانا واهلنا ناس سيد لطفي الخانجي يعني مش عندك حق الفيتو انت الفيتو زاتو) عشان كدا بحكي ليك باسلوب امي وهي بتشربك كل القصص وحتى يومنا دا أمي ماتمت لي قصه. طبعا هي طريقه الزول الحكاي وخلى السودان كله منتظره في قصه الشديده وصبي البناي ربنا بغطي عليه وعلى عياله شقيش ما يقبل( يااربي شقيش دا كل الجهات) ومعاه حاتم وكمال يوسف انتظر بحكي لي عن الثلاثي النموذج في العشره رغم اختلاف التوجهات وياريت لو بنقدر نفكر بطريقتهم كنا من دول لا عدم الاختلاف.
في عشية ليله انتخابيه عند الاتحاد اشار الي( واحد ممتلئ الصحه، عامل أفرو، لابس نظاره ومتشيك على( سنجة) عشره ومتعطر أنا قلت: بس رئيسهم) بسبابته وكمان قال: تعال يابرلوم؟! قلت ليه: أنا العايزني يجي عندي( عليك الله شفت القطامه واللائمه) فاتى الي مسرعا وقال:عفوا( قلت في نفسي الزول البقول عفوا دا مارئيسهم ولا الناس ديل فارات) سمعت انك من مدني( نقطة الضعف اللي فيني) من الدباغه، مدني+ الدباغه تاني مافي كلام ، الدباغه مهبط جدي الطيب ابوقنايه وايام شقاوة طفوله لاتنسى، أسمي احمد السني( صاحب أنصع قلب) قلت: بتعرف ناس أبوقنايه؟ قال : مجدي أبوقنايه( خالي) صاحبي.. عاد تاني في قطامه مدني- الدباغه- أبوقنايه. انا اسمي عمر من بانت وهاك ياونسه وضحك قلت ليه: أنا اسف قال : اسف مابتنفع لازم تمشي تتعشي معانا( قلت ياربي البحلني من ناس الاقشي ديل شنو) وكمان تبيت( ياربي دي شبكت شنو دي) قلت اشوف لي سبب قلت ليه: أكلم ناس شقتنا صاحبك ضحك وقال هنا مابتكلم زول عليك امان الله لليوم تاني ماكلمت زول. مشيت مع صاحبك لشقه قريبه من الاتحاد فتح لينا الباب واحد شنبو يربط الفيل( والله ماقاصد الزناتي) وعامل افرو برضو قلت بس دا كمين وديل ناس الخنفس دايرين يسجلوني معاهم(بمناسبة التسجيل عليك امان الله اول ايام في الزقازيق ناس عباس جبر الله وتبيدي لفوا بينا لف يوصل السودان وصلوا بينا صلاه تخليك ولي اما نقة صلاح جلال ومنطقه خلاني لليوم لو لقيت لي صوت مكرفون بغير الطريق) وبتكلم سريع مافهمت من كلامه الا العشا وسلم عليا سلام مودع انا قلت الزول دا عامل تكتيك وزولك مشى سريع قعد في الواطه كان بيصلح ليه في مسجل وفاتحه زي راس النيفه والاسلاك ملخبطه زي كلامه قلت اصلوا الناس الضاربين سلك بفككوا اي حاجه فيها سلوك؟، وصاحبك في نفس الوقت بيصلح ليه في مكوه الغريبه يمشي يصلح في المكوه المسجل براه يشتغل اما احمد السني كلما زولك يمشي على المكوه يرقص قلت ياربي العشا بسويه الرقاص ولا الاميتر، ومن جوه غرفه سامع لي صوت بنات قلت اتخارج باسرع فرصه وخلاص قمت( هو زولك بتاع الكمونيه خلاني قعدت ولا فهمت كلمه من كلامه بقول ليه اااي سمح تمام) بس في اللحظه الماشي على الباب اتفتحت الغرفه اتاريه شريط للبلابل وظهر واحد يرقش واول مره اسمع صوت هادئ وقلت الزول دا ساكن معاهم عشان كدا اطمئن وقال يااخي اسفين عبد الرازق دا كل مانكلموا يصلح حاجاته دي في غرفته عشان الصالون دا للضيوف يعني اسه عمر دا يقول علينا شنو( والله انا قلت ربنا يخارجني بسرعه) زولك بسرعه مشى المطبخ واتاخر شويه وبعد شويتين جاب بيبسي وكبايه فيها تلج والكبايه ترقش زي العروس المنتظره السيره والصينيه تلمع وقال اتفضل قلت يزيد فضلك ياكريم المنزل والله لليوم الليله ماقدرت اعرف البرقش ويلمع اكتر الكبايه والصينيه ولا الراجل النظيف اللطيف الرقاش المابنشاف. وبعد شويه جاء واحد طالع من الحمام اول ما جاء داخل الصاله دنقر انا قلت دا قاعد في الزقازيق مالوا مايمشي يلعب مع منوت( ياسر ماتقول لي دا صديق الصادق) المهم برضو سلامه وصوته هادي وقال لي انا شايفك في مدني بس في بسمه بالجنبه عرفتك عايز تعمل مقلب. دي طبعا كان اول زياره برفقة السني ود السني الي شقتهم التي تضم عبدالرازق (رزقه) والنضيف دودي وولدنا ونسينا واهلنا ياسر نجيله. اسمع بجيك راحع للوست وتنس الطاوله.

Post: #34
Title: Re: عمر نملوز
Author: عبد الدائم سيد أحمد
Date: 04-01-2010, 07:47 AM
Parent: #33

يا نملة مطبخنا كان كبير 4 فى 4 ولقينا لينا سرير حديد فى البلكونة
شلنا ختيناهو فى المطبخ وفرشناهو ملاياتو هبابة وشباكو فاتح على الطريق
المؤدى لاكتوبر ، تعال شوف الونسة ( ونضيف الخدار ) تحلف تقول نسوان بيت العرس ...هههاى


كوثر داؤد شافت السرير الفى المطبخ مشت كلمت البنات كلهم

اجمل فى السرير ده انى الصباح لما اصحى عشان اشغل السخان
امشى ادقس ليك فيهو شوية .... والدقسة الياها

اسامة خضر برضو عندو موقف ظريف مع السرير ده بوجود حسن برى
دى عاوزة ليها وقت ........

Post: #35
Title: Re: عمر نملوز
Author: محمد صديق
Date: 04-01-2010, 08:15 AM
Parent: #34

سلامات يا ناس

نملوز ...سلام

يا سلام على متعة الحكى واسترجاع الذكريات

استمتعت وضحكت

واصل وركّز على ود الماذون

Post: #36
Title: Re: عمر نملوز
Author: عثمان الخير
Date: 04-01-2010, 10:27 AM
Parent: #35

نملة يا رائع

والله مشتاقين

ونورت الديار والبوست ازداد روعة , واصل يا جميل في الحكي



عثمان الجدي

Post: #37
Title: Re: عمر نملوز
Author: أبوبكر حامد الأمين
Date: 04-01-2010, 04:01 PM
Parent: #36

Quote: دي طبعا كان اول زياره برفقة السني ود السني الي شقتهم التي تضم عبدالرازق (رزقه) والنضيف دودي وولدنا ونسينا واهلنا ياسر نجيله


الشقة دى يا نملة أظنها كانت فى منشية السادات ، سلام لى ناس الشقة وسلام مربّع لعبد الرازق الذى اشتهر بحبه لود عمارى ، فالسفة لدى عبدالرازق تتحكر فى الفم ولديمومة بقائها يخيّل إليك أنها جزء أصيل إنضاف لملامح الوجه أو إنضافت إليها تلكم الملامح ، وحذارى أن تشحته سفّة فهو لطيف لأبعد الحدود ما عدا فى الصعوط ، أمّا أحمد السنّى فهو جزّار إبن جزّار يعرف من أين يؤكل الخروف ومواضع المطايب فيه ، أوتى أحمد السنّى بسطة فى الجسم وفى المزاج وحلاوة اللقيا ، يستحيل إستدعاء صورته دون أن تبتدرك إبتسامته التى يشع منها الحب وبياض أسنان يعلو شارب كث وأنيق ونضارات أنيقة وخلفها عينان لا تستقران على حال ويشع منهما ذكّاء وقّاد وطرفة ماكرة وضحكة صادقة وتريانة تنبى عن حسن المنبت ما بين لحم صافى صفاء روحه ورقبة طاعمة يضن بها الطباخ والجزّار فى حان الطعام.
سآتى على ذكر دودى ونجيلة ، فقط أردت إستدعاء رزقة والسنى الغائبين عن المنتدى والحاضرين فينا حبّاً وطواعية.

Post: #38
Title: Re: عمر نملوز
Author: عمر نملة
Date: 04-03-2010, 09:02 AM
Parent: #37

يانضيف دي كانت شقتكم في منشية السادات زي ماقال ودالماذؤن اما سكنك مع حسن بري اصبر شويات بوصف ليك حسن بري الرجل الفريد الذي يحببك في سماع حسن عطيه وخضر بشير( والله لو ماخايف من عمار رحمة الله) بس دي حارقني خضر بشير في حفله قال للشفع القاعدين في البرش يااولاد امشوا اقعدوا بعيد ماتطير فيكم شلوفه تفتح ليكم راسكم( ودا حالتي خايف من عمار)

Post: #39
Title: Re: عمر نملوز
Author: عمر نملة
Date: 04-03-2010, 09:05 AM
Parent: #38

الصديق مهذب فات صغير وكبير
اسمع مره ود الماذؤن ومجدي بهله مسافرين الاسكندريه بالقطر وطبعا بهله ماسك الميزانيه الاكل السجائر بس بكوره بلخبط ليه يعني سجاره كل ساعتين وصاحبك عايز سجاره كل ما تهف ليه طبعا مجدي حاسم ومافي طريقه مجادله المهم القطر مفروض يحول في طنطا واول وصولهم طنطا بكوره عايز سجاره بهله قال اسمع انت قبل عشره دقايق شارب واحده ناني الا بعد اكتر من ساعه وصاحبك خرمان ومافي طريقه مهم طلعوا القطر الراجع القاهره والقطر اتحرك بهله سريع اكتشف دا ماقطرهم وسريع نطه( طبعا زول عارف لكل فعل رد فعل له مساوي له في السرعه ومعاكس له في الاتجاه) وقوم ي يابكوره(كان لابس بنطلون جينز وسويتر جينز تحلف تقول شكيره) نط في عكس سير القطر ( طبعا زول ماذؤن ونظريته خير البر عاجله) طبعا سرعه ومعاكس وزياده على دا وزن الجسم المزاح( تقول لي ارخميدس وجدها) المهم طنطا كلها اتلمت في موقع الحدث واول واحد وصل لميسي كان بهله طبعا اللبسه الجينز تحلف تقول خروف وسلخوه بهله قال لبكوره هاك سجاره وميسي مكوم سب الدين( تقول لي ماذؤن) دا وقت سجاره دا؟.,
رشيد القوم بعمل ليك في الدراسه والله دي حاتكون اجمل اجازه واحلى شو.

Post: #40
Title: Re: عمر نملوز
Author: عمر نملة
Date: 04-03-2010, 09:10 AM
Parent: #39

الخير عثمان وينك ياراجل اسمع خليك منتظر حكاوي ناس تربيه( الطبال والعباسي وفيش والماوسخان و....) قبل فتره كنت بشاهد في التلفزيون شفت عمك بينظر في برنامج الاسره( عليك امان الله قلت دا عمك الشايقي بتاع البرامج الدينيه بس الليله لابس بدله) بس بعد شويه يكتبوا د/ معتصم الرشيد غالب( بجيك بمهله لقصصهم هو وابن اختي أمين طه الخواض)
اسمع في مره جاني ضيف من القاهره وكانت الدنيا اخر سنه وزحمة امتحانات والايام ديك امين الخواض ساكن مع معتصم والهادي الانصاري حقوق وعادل بابا وصلنا عندهم وكان لي زياده من شهر ماشفت امين المهم وصلنا عندهم ودي كانت اول مره اشوف عادل بابا والناس بتتونس صاحبك عادل بابا قال لي اسمع امين دا عندو خالو اسمو عمر بتعرفه قلت ليه ايوه بعرفوا مالو؟ يااخ دا راجل ثقيل وبايخ كل يوم امين ماشي اشوف خالي ولا كلف نفسو يوم يجي يسال عنه قلت ليه يمكن عندو ظروف والدنيا امتحانات. قال: ظروف شنو طيب امين دا ماعندو امتحانات؟قلت ليه: اسمع انا عمر خال أمين
طبعا المطره والكهربه وقال : انا اسف قلت ليه اسف بتاع شنو وماخليت ليه حاجه . اربعه سنوات مافي سلام بينا. بس علاقه الزقازيق ( اكتر من صلة الرحم) تخيل قابلت عادل بابا في صنعاء واتقالدنا واتذكرنا القصه وضحكننا عليكم الله لو في زول زعلان مني نحنا الان اتلاقينا في النت سماح منكم.

Post: #41
Title: Re: عمر نملوز
Author: ياسر نجيلة
Date: 04-04-2010, 11:31 AM
Parent: #40

Quote: عشان كدا بحكي ليك باسلوب امي وهي بتشربك كل القصص وحتى يومنا دا أمي ماتمت لي قصه ...


ونحنا زاتنا مامستعجلين ... والفورة مليون ...
احكي ساي ... وقاعدين ليك ... كان في شقة المساكن الطابق الخامس ...
ولا شقة منشية السادات الطابق الارضي ... جيران حسن بري وعبدالدائم ...


ومدني ... هي اهلى وناسي واحبابي ... وكان ماجلت بشوية كان تكون زوجتي منهم ...
بس اخوي على نجيلة ماقصر ... وتزوج من ناس عبدة عابدين جلد (معهد تجاري) ... البت عبدو خالا ...
خانجية من جهة امها ... وناس جلد من جهه ابوها ...


ودمتم يا احلى ناس ...

Post: #42
Title: Re: عمر نملوز
Author: عمر نملة
Date: 04-04-2010, 06:06 PM
Parent: #41

نرجع لشقة ناس السني نجيله دودي ورزقه الباب يدق وجوا داخلين اتنين واحد اسود ضخم متوسط الطول لابس ليه شبشب( شهر يناير) وما قادر يشيل نفسو وبين كل كلمه والتانيه يقول ياتركي واول مافتح خشموا قال ماعندكم حاجه ناكله؟ قلت في سري الله يستر على العشا المنتظرو والتاني في خلال دقيقه دخل كل الغرف وفتح التلاجه ودخل المطبخ والحمام ومشى عاين بالبلكونه اداني احساس انو بيسابق في الزمن. احمد السني قال لي تعال نعرفك على الناس الحلوين ديل( دي ياها حلاتكم الرماد كال حماد) دا عبد الدائم رابح قلت ليه برضوا عبد الدائم انا كده مابتلخبط ! ودا حسن طبله اسمع ليك حسن يقول لو سمحت الطبال اوكي عليك الله ياأحمد اسمح. قام عبدالدائم رابح قال لي: وانت يا جنا اختك منو؟ قاصد شنو؟ والله ماقاصد حاجه انت جيت الزقازيق تتفسح مع اختك الكبيره؟ السني قال ليه دا عمر من اولادنا برلوم تجاره قلت يعتذر قام قال ومالوا صغيرني كدا ياولدي لو اي زول نضم معاك تعال كلمني( والله انا لو خطيتك انت ما بتجيني عوجه تب) الباب تاني دفه وجوه اتنين واحد لابس نظاره وهادي جدا ولابس ليه شال والتاني بيغني براه والبغني قال لي معاك حسن بري والتاني قال اسمه حسن اكشن( معقوله في خمسه دقائق تلاته حسن واتنين عبد الدائم طيب الورق دا ماقافل عديل لو جاء داخل واحد عبد الدائم بقول خمسين) بعد شويه جوه اتنين( قلت والله الشقه دي دخانها عكر الاول اسمه ابراهيم فيش والتاني عمر كشاح (ايوه برضوا عمر بيفتح) طبعا من الدخان والكوراك ماقادر اتنفس واصحابك شالوا بطانيه زولك البيصلح المسجل وعايزين يلعبوا كوتشينه ناس تقول وست وناس تقول حريق( عرفت ليك ناسك ديل ماناس قرايه شئ لعب وشئ غنا وشئ تصليح مكوه وشبشب وعشا . ما علينا بتلعب يابرلوم قلت احاول ربك وقعني زميل طبله أسف الطبال مهم بعد ساعه وصل العشا من زولك النضيف( من يومه زول اصول ) مرتب ومنظم بس اسمع ليك ود رابح يقول ماعندكم حوواشي قلت بس الناس ديل ناس بنقوا وبستخدموا اسماء رمزيه، النظيف قال ليه حوواشي دا في شارع مولد النبي المهم الناس ديل اتوا علي الاخضر اليابس وانطلقوا الي المطبخ.وبعد داك الشاي. بحيكم راجع واحكي عن بقيه الليله.

Post: #43
Title: Re: عمر نملوز
Author: عبد الدائم سيد أحمد
Date: 04-05-2010, 09:48 AM
Parent: #42

هو ود رابح لو بلعب كتشينتو ويتعشى ويمشى مالو
ده كان ببيت ويدخل غرفتى ويلبس جلابيتى المكوية البصلى بيها الجمعة
وينوم بيها ، وناس شرابات وقطع صغيرة عادى تلقاهو تانى يوم لابسها
فى الجامعة من غير ما يكلمك

Post: #44
Title: Re: عمر نملوز
Author: عمر نملة
Date: 04-05-2010, 12:49 PM
Parent: #43

ود رابح والعباسي كننا ساكنين معاي انا وشرف الجعلي وامين الخواض لعده شهور اثناء اجراءات استخراج شهاداتهم. وهو رجل يحمل قلب طفل رضيع زي ماقال الطيب عبدالله مهم في يوم صحاني الساع 3 صباحا وقال عندو دوشه قلت ليه وانا بين صاحي ونايم اوعا يحصل ليك زي ما حصل لي صاحبي؟! قال لي: وصاحبك حصل ليه شنو؟ قلت ليه مات! صاحبك واقف اكتر من 15 دقيقه وبعدها واصلت النوم وقمت حوالي الساعه 4 صباحا زي كل يوم القى ليك صاحبك نفسه طالع ونازل والعرق قلت ليه: ايه الحاصل قال: لفيت الزقازيق كلها خفت لو وقفت اموت زي صاحبك . طبعا صاحبك تاني يوم مع شيخ امين علمه الغسل والشهاده والصلاه واوقتها عليك الامان شهر مواظب على المسجد.

Post: #45
Title: Re: عمر نملوز
Author: عمر نملة
Date: 04-05-2010, 12:53 PM
Parent: #44

بالله اول ماقال مولد النبي اتذكرت كيف تم اختطافنا منذ وصولنا الي مطار القاهره بصحبه أبن اختي امين طه الخواض وبنت اختي اميره علي محمد احمد(جدها الرزم ابن خالة والدي) وعصمت مبارك قسم الله والراجل الداهيه مروان عثمان الخواض برضوا ود اخوي( جدو عوض السيد الخواض ابن خالة والدي) ووصل معنا على نفس الطائره اسامه خضر( الزول بينق حتى سواق الطائره قال بالراديو منور يااسامه يا خضر) ومعنا الرجل الهادئ ماهر شاهين( الغريبه في رجعتوا الاخيره للسودان كنا مع بعض في نفس السفريه بس عن طريق حلفا) بالله التقول عندنا رحله المهم تم اختطافنا من الكيزان (بس والله ماعارف مؤتمر شعبي ولا وطني) بواسطه حافله ميني بص وتقريبا الي منشية البكري الحقيقه الناس ديل مرتبين بس قلتها ليهم انتوا لو البتعملوا دا للسودان ما لي للحزب ربنا يسدد خطاكم بس من الواقع مافي حزب بيعمل للسودان. المهم من هناك الي موقف احمد حلمي واسمع ليك الزقازيق ياباشا ومعانا واحد سابع بس زي ماقال عبد الدائم 2010-1988= 12 يعني ممكن تكون في شوية نسيان وتتداخل معلومات بس على ما اعقتد اسامه ابتر المهم في البيجو اسامه خضر شدا ليك ماهر شاهين وماهر بس بيقول بالله، عليكم الامان اربعه سنين ماهر صامد انا خايف لليوم يكون صامد. مهم وصلنا الزقازيق الي مولد النبي مكان حوواشي الماوسخان. ودخلنا حوالي الساعه بالليل وبرضوا حصلنا رهائين المهم كان التحذير مافي حد يطلع براه لانه قبل كده واحد اسمه الجعلي طلع براه لليوم ماحصلوا( ياربي يكون عادل الجعلي) . برحع تاني اكمل

Post: #46
Title: Re: عمر نملوز
Author: سامي عبد الوهاب إدريس
Date: 04-07-2010, 07:40 AM
Parent: #45

العزيز عمر نملة

نورت الحوش

ومؤكد إنك إضافة كبيرة لهذه المجموعة الجميلة التي تكتب هنا

كيفك والأولاد

كن بخير

Post: #47
Title: Re: عمر نملوز
Author: محمد عيد
Date: 04-07-2010, 08:53 AM
Parent: #46

نمــلوز العزيز

ترحاب كبير بمقدمك الجميل

وعذرا .. للتأخير الشديد .. بسبب بعض من نوائب الدهر

انضمامك الينا حتما سيزيد من مساحات الألق والعبق والجمال ...

ويكفى انها ستكون طلــّة بطعم البنفسج وانسام بحر الشمال ..

هلا بك ايها الجميل

Post: #48
Title: Re: عمر نملوز
Author: عمر نملة
Date: 04-08-2010, 09:19 AM
Parent: #47

سامي الوجيه
صاحب احلى بوست ( عناوين تاس الزقازيق) تخيل منه تواصلت مع صاحبي الراجل صاحب الظل الخفيف عثمان جاليه وصاحبك ماصدق. أسمع عندي سؤال ولو غلبك ممكن ودالماذؤن يجاوب انت ناس علوم ديل ليه كانوا متسلبطين في عبد الله الزبير؟ سكنت اخر سنه في شقه فوق شقة عبد الله الزبير( ناس علوم ساكنين معاه) المهم جاء عبد الله الزبير قال عندهم حفلة شاي ( يعني الحكايه فيها جكس واحتمال احمد عوض) سريع قلت ليه خلاص انا وعماد لوفا مابنتاخر!!! صاحبك قال لي لا اصلها حاجه خاصه ، طيب انت لو حاجه خاصه جاي تكلمنا ليه؟ والله ما معانا سكر ( قلت تشوف نملة السكر ولايخلو مسكن النمل من السكر) قلت ليه حظك من السماء عندنا 2 كيلو سكر( طبعا كان بكري لخبطهم بالملح، بكري والله انا ماعاوز احكي لاني شايفك في جوار جيراننا) بنقسهم معاك النص بالنص يعني كيلو سكر ملح( صاحبك فهمها مجاني. ودالزبير اخد السكر من هنا وانا اتخارجت من هنا مختفي اسبوع وانت اتخيل باقي المسرحيه.

Post: #49
Title: Re: عمر نملوز
Author: عمر نملة
Date: 04-08-2010, 09:37 AM
Parent: #48

ياسر نجيله ود مدني الرائع
بمناسبة مدني حبيبنا د/ زهير علي لو بتتذكر طريقة لعبوا في تنس الطاوله( يقطع يقطع وفجأه يشوت من جهة اليسار بعد ان يقلب المضرب) ومع تقارب المستويات يعني القيم بالقيم وممكن يعمل لي حركه يضحكني يشيل القيم. وكنت بعتمد على الاسلوب الدفاعي وطول النفس خاصه مع زهير.ن المهم ياسيدي كنت بصلح في التربيزه صاحبك زهير جاء داخل الصاله ومعاه ضيفات برضو بيرقشوا من الاسكندريه ظاهر، المهم همشني وماعرفني عليهم قلت طيب ياابو الزوز الليله ليلتك. قلت ليه: نبداء نلعب قيم ، قال لي: نسخن. قلت ليه: انا ماعايز اسخن، صاحبك زعل ودا كان المطلوب لتنفيذ الخطه ازعلوا واعمل جادي. المهم بدينا مع اول ضربه قطع على طول شوتها وربنا وفقني. في خلال اقل من 20 دقيقه كان صاحبك ماخد 3 اشواط. وقدر ماحاول يضحكني انا كاتم الضحك وجادي جدا( متخيل الجديه) المهم الكره طارت ومشيت اجيبها صاحبك لحقني وقال لي: اسمع انا معاي ضيوف. قلت ليه: والله الليله لو معاك حجاج مابسيبك. المهم داخلين على القيم السادس وصاحبك ماكسب اي قيم. قام قال لضيفاته: والله الزول دا بيغلبني قيم واغلبوا قيم. قلت ليه: في حياتك ماغلبتني!!! صاحبك ساكيني وصلني مستشفى الجاويش.

Post: #50
Title: Re: عمر نملوز
Author: عمر نملة
Date: 04-08-2010, 09:45 AM
Parent: #49

العيد حبابك يابسمه يافنان
سلامات وكفاره وربنا يسدد خطاك..انا قلت في الزقازيق مابخاف الا من سعد محمد سعد وكمال يوسف زولجي بس يظهر علي كنت خواف كبير . تخيل في كرة القدم ممكن تخاف من لاعب لانه لعبوا خشن بس عمرك سمعت بزول بخاف من لاعب في تنس الطاوله؟ لما اكون لاعب مع فائز حسن التوم اقول يالله القيم دا يعدي والله الكره لما تجي بتقول زووووووو.
برجع بحكي ليك قصتي مع برالمة زراعه محمد حسن وعادل وزيري وبفيه شقتهم لما حرشيني ود الماذؤن( يابكري بكون ماعايز اجيب سيرتك بس انت مشاركني كل حياتي).

Post: #51
Title: Re: عمر نملوز
Author: أبوبكر حامد الأمين
Date: 04-09-2010, 04:43 AM
Parent: #50

Quote: أسمع عندي سؤال ولو غلبك ممكن ودالماذؤن يجاوب انت ناس علوم ديل ليه كانوا متسلبطين في عبد الله الزبير؟


يا نملة ياخى ما تجيب لينا مشاكل وتورطنا مع عبدالله الزبير ، أنا متين قلتَ عبدالله الزبير متسلبط فى ناس علوم وبعدين ياخى إمكن تخصصو فيزياء وكيمياء خلاّهو قريب ليهم ، أنا عارف إنّو كان صاحب عمّار رحمة الله وصاحب نادر فاروق وصاحب أرقام قياسية حققها فى سباقات ومهرجانات المدرسة العسكرية ، وقبل هذا وذاك هو صاحب قلب عالى النقاء ، يجعله يضحك من الأعماق فيهتز جسده المتهالك حتى نخشى عليه من السقوط لولا ارتكازه على (حَنَك سَنين) ، لك التحيّة يا عبدالله أينما وكيفما تكون.

Post: #52
Title: Re: عمر نملوز
Author: عبد الدائم سيد أحمد
Date: 04-10-2010, 07:32 AM
Parent: #51

يا نملوز

كتابتك ذى درب النمل دقاق دقاق

ياخى اكتب سطر وفط سطر

الكتابة فى سودانيز بلاش ، عيونا طششت .... بث عليك

Post: #53
Title: Re: عمر نملوز
Author: محمد صديق
Date: 04-10-2010, 08:04 AM
Parent: #52

سلامات يا ناس

سلام نملوز سلام

Quote: يا نملة ياخى ما تجيب لينا مشاكل وتورطنا


اسمح لى اقول المديدة حرقتنى ...ودالماذون ده ما ياكل راسك

قبل كده انا قلت ليك ركز لينا عليه.

Post: #55
Title: Re: عمر نملوز
Author: عمر نملة
Date: 04-10-2010, 07:46 PM
Parent: #52

ياديمه ادلل علم ونفذ وطلباتك مجابه ياابوالنسب

Post: #54
Title: Re: عمر نملوز
Author: عمر نملة
Date: 04-10-2010, 07:38 PM
Parent: #51

انت ناس علوم ديل ليه كانوا متسلبطين في عبد الله الزبير؟
يابكوره ركز معاي انا قلت هم متسلبطين فيه بس انت ظاهر متخيل العكس
يعني عشان عبدالله الزبير استلم منك رئاسة رابطه مدني( بس الرائع اسامه السماني قال: عبد الله الزبير دا من 24 القرشي) بالله شوف الايام لفت كيف اوباما الكيني ريس امريكا.
بداية معرفتي باولاد علوم سكننا في اول سنه( عصمت مبارك، امين الخواض، محمدعبدالكريم رباح ونمله) في شقة تحت شقة اولاد علوم( مبارك جادين، مصطفى محمدالحسن، محمد الفاتح، حاتم صديق، محمود الحوري ،عبدالله ود سنار ويوسف نور الجليل والمرحوم منير اظنه كان ساكن في السكن الجامعي وكان معاهم الرجل الهمسه عثمان علي ادم خريج تريبه على مااعتقد رياضيات) سلام تعظيم لاولاد وبنات علوم كل الدفعات. اذكر ايام الامتحانات جاء صاحب الشقه وطلب مئة جنيه حق الكهرباء لمدة شهرين( نظام عايز شقتي) مهم خلانا بدون شقه فما كان من اولاد علوم فتح شقتهم لنا وقبلها قلوبهم فلهم دين اتمنى من الايام ان تتيح لنا سداده.

Post: #56
Title: Re: عمر نملوز
Author: عمر نملة
Date: 04-10-2010, 07:54 PM
Parent: #54

اسمح لى اقول المديدة حرقتنى ...ودالماذون ده ما ياكل راسك

قبل كده انا قلت ليك ركز لينا عليه.

ياجورج والله بكوره بيحاول يشتت اللعب وخايف يزعل عشان كده بوقف ضرب بس اسمع دي
واحد قريبنا بشاغل في بكري وبكري ساكت بعد الراجل وقف مشاغلته بكري ساله: اسمع انت من وين؟ قال ليه: انا من الكرده بسرعه بكري قال ليه: و الله لو ما الاتراك كان تنططوا من شجره لشجره.

Post: #57
Title: Re: عمر نملوز
Author: عمر نملة
Date: 04-11-2010, 06:26 AM
Parent: #56

عبدالهادي عبدالله الرجل القلم ، دفق من الاحاسيس فكرا وسلوكا ،يغض الطرف ويسكنه الحياء لايتكلم الا همسا ولايمشي الا حفيفا ، تستشعر عند حضوره باستبصاره عوالم لاترى فلاعجب ان استطاع ابان رفقتنا الجامعيه ان يحصد كل جوائز الشعر والنثر والقصه القصيره ، لم يجاهر احدا بالعداء ويذكر ويذكره الجميع بالخير، اذا امعنت النظر اليه لايخفى عليك اثر السجود وقيام الليل ، ليس بالمتعصب لراي او دين يجيد الاستماع بل قل الانصات ويتخير من الكلم ما قل ودل وطاب ، تتميز لغته بالبساطه لكن سحرها لايقاوم. ارداني صمتا حين قال اعشقه كفنان وامقته كانسان.. صمتي تقديرا لعشقه لهذا الاسطوره.. وذهولي لتاسفه على منيا نابعه من اعماقه لاكمال اللوحه التي لم تكتمل والكمال لله.

محمد آدم حلا اعمل حسنه واديني رقم تلفونه

Post: #58
Title: Re: عمر نملوز
Author: محمد صديق
Date: 04-11-2010, 06:52 AM
Parent: #57

سلامات يا ناس

سلام نملوز سلام

Quote: محمد آدم حلا اعمل حسنه واديني رقم تلفونه


اضافة الى التلفون خلى يرسل ليك اعمالو ...رسلها لى جلا وجلا

غنج بيها ..

بجانب الشِّعر والقصة فهو ناقد لا يُشقّ له غبار..نشر العديد من

المقالات بالصحف اليومية .

وانا كان داير انزّل اعمالو فى البوست بتاعى لانو الكثيرين فاتهم

الاطّلاع على اعماله.

Post: #59
Title: Re: عمر نملوز
Author: عبد الدائم سيد أحمد
Date: 04-11-2010, 07:43 AM
Parent: #58

اسمع تعال اسألك

المسكينة المعاك دى اوع تكون مسكنها فى كبسولة ....

وبعدين سويتر الجلد شنو العليك فى الحر ده

والتلاتة شعرات اللفى جبهتك ديل عليك الله لمهم لوراء اء اء اء ....

Post: #60
Title: Re: عمر نملوز
Author: عمر نملة
Date: 04-11-2010, 10:45 AM
Parent: #59

سلام تحيه ليك جورج

عبد الهادي اسم على مسمى، عند حضوره تنتابني حالة الزين عند رؤية نعمه اذا كنت في حالة هرج ومعاكسه لاحد ظرفاء الزقازيق(........) لايمكنني المواصله، اشهد له بالتواضع وحسن الخلق والانفه، ويجيد اتخاذ المواقف بدون تردد بعد ان يتاكد من صدقها. والله احبه لله

جلا غانج بس الخوف يكون ضيع رقم التلفون

Post: #61
Title: Re: عمر نملوز
Author: عمر نملة
Date: 04-11-2010, 10:56 AM
Parent: #60

ياديمه شنو انت جليت جيتو( ثلاثه في واحد) (سوبتر جلد و كبسوله و ثلاثه شعرات)
اولا الصوره من ديسمبر 2009 ثانيا بنت الناس في اجازه مع اهلها حتى ارتب الامور هنا في بلجيكا يعني حتى الان ماشافت بلجيكا( على عليك الله في مواطن اوربي بيسكن في كبسوله)، اما الشعرات الثلاثه لو رجعتهم وراء الا اجيب لي ثلاثه دبابيس. واسمع شنو مابتقول مبروك للطيب وايسانور تقول ماسمعت( عرفنا شوفك ضعف وعايز يكبروا ليك الخط لكن لو كبرنا الصور بتفتل البوست) اقول ليك حاجه فتش كويس قبل ما اتراجع عن كلامي السمح القلتوا فيك. اسمع رسل لي من الاحمر بدون اكمام زي بتاع الامورات لانو نحنا في الربيع انتو في السعوديه في اي فصل من فصول السنه؟ ماتقول لي كل فصولكم ساكوبيس ( 45 درجه عايزين تقفلوا المجموع).

Post: #62
Title: Re: عمر نملوز
Author: عمر نملة
Date: 04-11-2010, 05:52 PM
Parent: #61

من منا لم يمازحه ويصادقه اكاد اجزم صادقا انه داخل الجميع وسكن قلوبهم واسكنهم حبه بل لابسهم واستلبسهم.. حسن علي حسين أشهد باني لم اسمع منه ولو على سبيل المزاح كلمة لا ياتيك كانه صاحب حاجه ولو صبرت وتتبعت خطاه لوجدته يسعى لقضاء حاجة من لاتعرف، احب الجميع حسن بسرعة بديهته وخفة دمه وروحه يلقى الكلمه ويتلقاها بكل عفويه وتشعر حين تلقاه بانه يستبصر شئ لاتراه ... يتواجد في كل الامكنه وفي نفس الزمان حاله حال المريد وسره كان ومازال يسري وكان يدري، سالته في احد المرات ليه ياحسن؟ فصمت برهة ظننت انه لايحب ان يرد السؤال القصير الطويل
واجاب بصوت غير الذي تلبسه: كل شئ بوقته وجرعه وبتكمل، أحسست لحظتها بصدقه وكيف لا ولم اسمعه يوما ناقلا للكذب اوشاتما وشامتا للغير. كان ومازال يحب الجميع.
تواصلت بالامس القريب مع الطبال واتاني صوته الذي تتخلله ضحكته بين كل جمله والاخرى وتيقنت انه جرعته الاوله قد اكملها وينهل الان من توتيل سيدي الحسن.
..

استطاع ابان حياتنا الزقازيقيه ان يتداخل مع الكل ولكن يتملكك احساس بانه وحيد ويبحث عن شئ ، لاحظت كثيرا عليه انه كان يسير في احد زقاقات الزقازيق فيتوقف بدون مقدمات ويلف حول نفسه ربما مره واثنان واكثر فيواصل المسير حسب توقفه من اللفه. كم كانت تعجبني حركه يقوم بها عندما يدندن بالعود وهي عض شاربه وعند انتهاء الامسيه يكون قد قطع نصفه. كان دائم الحديث والكلام عن والدته عليها رحمة الله (كانت لاتسمع) لذا كان عند الكلام يستخدم الاشارات.
مازلت متواصل مع الطبال وكمان امتد التواصل مع ابنته نسيبه التي تدرس علوم الحاسوب في الخرطوم ووصاني ان اكلم اهلها ناس الزقازيق بان يستوصوا بها خير وتلفون نسيبه 0122386612

Post: #63
Title: Re: عمر نملوز
Author: محمد صديق
Date: 04-15-2010, 04:05 PM
Parent: #62

سلامات يا ناس

Quote: تواصلت بالامس القريب مع الطبال واتاني صوته الذي تتخلله ضحكته بين كل جمله والاخرى وتيقنت انه جرعته الاوله قد اكملها وينهل الان من توتيل سيدي الحسن. ..



يا سلااااااااااام يا عمر...فتحت سحارة تذكّر ثمينة اطل منها زول نقى ....

كما البللور وهو وضحكته تلك...صداها يرنّ فى أذنى الآن..الزقازيق...ثم فترة

عملى بالأبيض...كنت ألتقيه يوميآ نأتى الى بقالته المعروفة باللبن الجيّد

والزبادى البديع ...ويصيح ولدىّ الصغيرين بصوت واحد حسن طبللللللللللللللللة

وتنطلق تلك الضحكة...

ضاع منى رقم تيلفونه ...ارجو ارساله

Post: #64
Title: Re: عمر نملوز
Author: عمر نملة
Date: 04-17-2010, 00:08 AM
Parent: #63

الصديق
والله يعجبني شوفك ويعجبني اكتر الجهد الذي تبذله لاستمرارية هذا التواصل الجميل رغم ضغوط الحياه. ورقم الطبال 0913345872

Post: #65
Title: Re: عمر نملوز
Author: محمد صديق
Date: 04-17-2010, 06:34 AM
Parent: #64

سلامات يا ناس

Quote: ورقم الطبال 0913345872


سلام نملوز سلام

أجمل صباح ...صباح تصافحك فيه ضحكة الطبّال..الضحكة النقية

تحدثت اليه قبل قليل..

هذا التواصل بين الناس دفعة معنوية كبيرة لنا ...نرجو الله

ان يديمه ويلهمنا القدرة على التشبث به.

لك الود

Post: #66
Title: Re: عمر نملوز
Author: عمر نملة
Date: 04-17-2010, 07:48 AM
Parent: #65

بعد كم يوم من زيارتي للسني وصحبه الجميل كنت راجع من الكليه وعند الشارع الموازي لشارع القوميه صادفت حسن الطبال ينقز وسالمني سلام معرفه ومسك فيني وقال عليك الله تمشي تتغدى معاي اصلي مابعرف اكل براي(هكذا الحسن يحب الناس ويحببهم فيه) والله ساكن هناك واشار على بعد امتار. مهم كنت متوقع انه ساكن في شقه واذا به ساكن في بيدروم صغير( لي فيه كثير من الحكاوي) عباره عن صاله ثم غرفه صغيره تكاد تسع سريرين ومطبخ وحمام بباب واحد !! الغرفه بها كميه من الاوراق مبعثره لرابطه ابناء كردفان( راشك) وجيتار وعود ومسجل اول ما دخلنا شغل لي شريط لعثمان حسين وقال لي اسمع في سهره في التلفزيون كانت لطلاب في المغرب سنه 79في واحد غني لعثمان حسين شفته ؟عارف دا سيف اخوي درس في المغرب والان موجود في انجمينا مع عمي حسن حسين. اسمع عمك دا مش اعدموه؟ لا دا اسم على اسم، ما انا زاتوا مسميني على عمي حسن( ياربي دي شبكه شنو البنقز في مشيته وبنقز في كلامه وماقادر يستقر) لكن محمد اخوي هو و اخوي احمد الصغير ماسكين الدكان في شارع الطبالي، سريع قلت ليه: شنو الحكايه طبال وطبالي صاحبك يضحك وفجاه يصفر مع الشريط. مهم اتغدينا مع بعض وفجأه صوت واحد بيدق الباب بالشلوت قلت ياساتر وجاء داخل واحد لونه قمحي طويل وبدون مايسلم علي قال اسمع ياحسن ناس شئؤن الطلاب عايزين البطاقه وقدر مافتشت ليها مالقيتها سريع قلت ليه بطاقه فيها صوره؟ قال لي: ايوه. قلت ليه: فتش عليها كويس ربنا يوفقك وسريع قلت لحسن اسمع دا شنو دا متمرد مابسلم ؟ ضحك حسن وقال دا ابوبكر الرضي( من اعز واصدق الناس امتدت صلتي معه طوال تواجدي بالسودان) وبعد قليل برضو الباب يخبط بالشلوت ، قلت ليه : مالو بابكم دا حاقرين بيه كده؟ وكانت المفاجأه ظهور بنت وكمان بتتكلم بلهجه مصريه وبرضوا ماسلمت وكان صوتها رايح. قلت لحسن : اسمع البت دي مااكله فطيسه حسن ضحك وقال ياوئام البرلوم قال ليك مااكله فطيسه وكانت المفأجاه انها سالت وقالت: فطيسه يعني ايه؟ سريع قلت ليها يعني ايسكريم بالفراوله، حسن وابوبكر ماقادرين يمسكوا نفسهم من الضحك. برجع بواصل

Post: #67
Title: Re: عمر نملوز
Author: عمر نملة
Date: 04-17-2010, 10:44 AM
Parent: #66

تجربه
منذ انتقالي الي اوستندا المدينه الساحليه في شهر نوفمبر المنصرم دخلت في تمارين للجري على الشاطئ ببداية كيلو متر واحد ثم اثنين ثم اربع الي عشره كم ثم التركيز على زيادة السرعه حيث كانت في الايام الاولى 100 دقيقه اي 10 دقائق لكل كم ثم الي 80 دقيقه ثم 70 دقيقه، ويوم الاحد 11/04/2010 كنت على موعد مع سباق مدينة اوستندا لمختلف المسافات وقررت المشاركه في سباق 10 كم وكانت بداية السباق حوالي الساعه 15.30 عصرا وبلغ عدد المشاركين زياده عن 2000 مشارك ومشاركه من الجنسين ومختلف الاعمار تقريبا من سن 7 سنوات( ممكن واحد ولااثنين) الي عمر تقريبا 75 سنه حيث تحدثت مع احدهم وقال انه 74 سنه اولا الحمد تمكنت من الوصول الي خط النهايه في زمن قدره 57.43 دقيقه وحصلت على المركز 789 بينما حقق صاحب المركز الاول 30 دقيقه. والان مواصل تمارين حيث وصلت الي مسافة 15كم وسوف اشارك في سباق مدينة كونكا يوم 01/05/2010 لمسافة 10 كم و200 متر ثم يوم 09/05/2010 في سباق 15 كم في مدينة بروخا. واتمنى ان احقق رقم افضل.
لمشاهدة صوري ادخل الموق التالي:
http://www.firstfotofactory.com/cgi-bin/cosmoshop/lshop.cgi
ثم اضغط run oostende 11/04/2010
ثم ادخل الرقم 1870 مع ضغط enter

Post: #68
Title: Re: عمر نملوز
Author: عبد الدائم سيد أحمد
Date: 04-17-2010, 11:29 AM
Parent: #67

غايتو جنك فات حسن طبلة بهناك

وجكة عن جكة تفرق ......

والله كلنا لو لقينا جـو ذى ده بنجك جنس جك
فاتك الجك يا منصور
وجكتين كده لجلال كمان ما بتضر ....


الجلكين الوراك داك قرب يحصلك



واصل فى حكاوى الطبال بالله

Post: #69
Title: Re: عمر نملوز
Author: عمر المهدى
Date: 04-17-2010, 01:06 PM
Parent: #68

ماشاء الله
ايامك جاكه يانملوز(باسمة)
مزيد من الجهد الاولمبياد في لندن قريب
وصحة وعافية

Post: #70
Title: Re: عمر نملوز
Author: عمر نملة
Date: 04-18-2010, 02:46 AM
Parent: #69

يادودي
والله الحكايه ماساهله وفي اكتر من مئة جلكين ونسوان وصلوا قبالي ديل من عمرهم 4 سنوات شغالين رياضه والدوله متكفله بكل شئ مش زينا منتظرين التمر كل تلاته شهور بس متوقع في تجربة يوم 1/5/2010 انه احقق رقم افضل من 53 دقيقه خاصه امس اشتريت كل الملابس الخاصه بالجري( كنت فاكر ممكن البس اي جزمه واي ملابس بس الحكايه منظمه ومدروسه)

Post: #71
Title: Re: عمر نملوز
Author: عمر نملة
Date: 04-18-2010, 02:47 AM
Parent: #70

المهدي عمر
تسلم على التشجيع وحسب برنامجي سوف اشارك في مارثون روتردام 2011 لانه الان وصلت 17 كم تقريبا وكل اسبوع بزيد كم يعني بعد 25 اسبوع بصل الي 42 كم ربنا يدي العافيه والوقت. طبعا دي دعوه لكل الناس انها تمارس الرياضه ان شاء الله البدايه تكون 500 متر لانه كمية الدهون والويكه والصلصله والكرسترول الفي اجسامنا ممكن ببساطه توقف نشاطنا.

Post: #72
Title: Re: عمر نملوز
Author: ياسر نجيلة
Date: 04-18-2010, 07:03 AM
Parent: #71

نملوز ... ياخطير
والله شهيتنا في الرياضة ...
واصل ونحن من وراك ... بنصفق




حكاويك سمحة ... ماتقطعا
نحنا متابعين ... حتي ولو لم نتداخل ...

Post: #73
Title: Re: عمر نملوز
Author: زهير الزناتي
Date: 04-18-2010, 03:55 PM
Parent: #72

76.JPG Hosting at Sudaneseonline.com



يا عمر يا حبيب شايفك مشغول اليومين ديل بالجكة ... ولو في أي حاجة رسل لي وأنا أترجم ليك من البلجيكي خاصة بتكون نسيت العربي ....

بعدين أوعي الجلك الوراك ده يكون وصل معاك خط النهاية ..

والخواجة بتاع الموقع ده قول ليهو ياخي إنت ثقيل

Post: #74
Title: Re: عمر نملوز
Author: محمد صديق
Date: 04-19-2010, 12:18 PM
Parent: #73

سلامات يا ناس

Quote: والخواجة بتاع الموقع ده قول ليهو ياخي إنت ثقيل


شكرآ يا زهير يا ميكانيكى على المجهود.

Post: #77
Title: Re: عمر نملوز
Author: عمر نملة
Date: 04-20-2010, 07:14 AM
Parent: #74

الصديق
ابوالزوز حير ليك الخواجه صاحب الموقع. اسمع ماتدخل في برنامج الجري دا( ولا الجري دا ماحقي) ولا دخل الشباب ابوبكر وعمر. تخيل السباق 10 كم يعني من الصحافه الي امدرمان والله صعب قربت انسحب بس كل مااشوف العجائز اقول: اركز يانملوز وماصدقت لما وصلت خط النهايه.
بجي راجع بس مزنوق شديد وغالبا السبت والاحد بلقى وقت اكتر

Post: #76
Title: Re: عمر نملوز
Author: عمر نملة
Date: 04-20-2010, 07:11 AM
Parent: #73

حبينا ابو الزوز
اسمع الخواجه عامل للصور بلوك عشان مافي زول ياخدها ومرسل لي حتى الان ثلاثه رسائل ومحدد سعر الصور يعني ضربت ليه السوق. طبعا لاحظت في الموقع مع الصور بتلقى سعر كل صوره. اسمع عمك العجوز الوراي انسى في اكتر من عجوز وعجوزه وصلوا قبالي. دا السباق الاول وهدفي كان اكمل السباق. والله يازهره(عجبتني زهره دي) كل الاسر بتكون منتظره وتشجع يعني اتخيل ناس ابتهاج وميار ومجد وباقي الحلوين منتظرنك عند نهاية السباق مهم انتظر يوم 1/5 في سباق تاني وصوره بتظهر يوم 2/5

Post: #75
Title: Re: عمر نملوز
Author: عمر نملة
Date: 04-20-2010, 07:10 AM
Parent: #72

ياسر ....يارياضه البدايه صعبه بس اذا اصريت بتغير ليك حياتك وانا كنت قايل الحكايه بس تجري ، لازم جزمه معينه، في البدايه وحتى مشاركتي في السباق كنت بجري بجزمه مسطحه بس اكتشفت انه لازم الجزمه تكون فارغه من الوسط حتى تمتص كل الوزن مع الارض الصلبه. اما الملابس لازم ملابس معينه حتى لاتتقلص العضلات . في المسابقه الجايه بطبق كل الحاجات العرفتها وبحاول اكسر رقمي( 57.43 د).

Post: #78
Title: Re: عمر نملوز
Author: عمر نملة
Date: 04-20-2010, 08:44 AM
Parent: #75

يس محمد احمد الدومه
اتى الي اليمن معلما معارا من وزارة التربيه والتعليم ووزع في مدينة حجه شمال اليمن، اول ماالتقيته قال : عمر محمد احمد عباس كانت مفاجاه ان يعرف اسمي بالكامل واكتشفت ان يحفظ اسماء كل ناس الزقازيق عن ظهر قلب وذلك ابان تسلمه السكرتاريه الماليه لاتحاد الزقازيق. لم احتك به كثيرا في الزقازيق ولم تتعدى العلاقه البريزه والسلام( وكم اسفت على ذلك) سكننا في شقه مع بعض الاساتذه واستعدنا ذكريات الزقازيق واكتشفت فيه انسان نادر في اخلاصه ودفاعه المستميت عن ايمانياته من انتماء سياسي واجتماعي وغيره. يعتمد عليه عند نوائب الدهر ولايتردد في نصرة المظلوم هو من النوع الذي يفديك بالنفس والمال والولد. وفي نفس الوقت رغم قوته الا ان الدمعه اقرب اليه من حبل الوريد. ورغم ذكائه الوقاد الا انه مرح وسريع البديهه وحاضر النكته. تعرفت من خلال حكاياته على جميع افراد اسرته وعلى ناس الجزيره ابا. كم كان يدهشني بصبره وامتصاصه للمواقف التي لامناص فيها الا الانفجار. له رؤيه بعيده المدى لاصلاح وتقدم التعليم في السودان. وعند يس تهرب الكلمات ولكن حتما ولابد ان اسطر فيه ولو يسير من مالمسته في شخصه القوي الامين. ومن البعد اهدي سلامي له ولكل اسرته.
وين موسى عيسي يمدنا باي وسيلة اتصال( مايكون زي واحد اتشهد وغانج بمعلومات عبدالهادي عبدالله عدلان)

Post: #79
Title: Re: عمر نملوز
Author: عمر نملة
Date: 04-25-2010, 08:44 AM
Parent: #78

تاني يوم وزعونا بين تبيدي وعباس جبر الله ، اقول ليهم باناس عايزين نمشي الكليه، بيقولو: الجامعه ملحوقه. يعني واصلين نهاية السنه والجامعه ملحوقه؟! مهم لفو بينا السبع لفات ويوم لافين وفي الكبري الصغير بتاع الشبان المسلمين الاقي ليك ودالماذؤن وهاك ياكواريك واشوف ليك ناسي وشوشهم اتغيرت عرفت في مشكله تسجيلات والحكايه دي ماجديده علي من ايام الروابط صوري مع فريق وشهاده الميلاد مع فريق وبتمرن مع فريق وبتعشى مع فريق وفي الاخير وقعت مع فريق الدافوري( تقوم وتنوم على كيفك) ومن يومي بكره زول يملئ علي برنامج او يقيدني. المهم جاءت لحظه المشي عباس جبرالله قال لي نمشي قلت ليه وين؟ وبسرعة بديهة بكري المعهوده قال عمر الليله ضيفي( عليك الله يابكري لو خليتني معاهم مش كان بقيت وزير ان شاء الله لتنس الطاوله) مهم مشيت مع بكري وكان ساكن مقاصد الكيمولاند ومع الراجل الخلوق محمد الفاتح حقوق ومقاصده شقتهم شقة الريس ميسره وكمال الشادي كريم الوعد. ومن التعب والله ماقادر اتحرك وخاصه البرد وقلت لبكوره عايز انوم قال لي: تمام انا عندي مشوار ، قلت ليه: خلاص شيل مفتاحك معاك لانه ماظن اقدر ارفع راسي عشان افتح بابكم دا. قوم يابكوره انسى المفتاح على الباب من الداخل وبابهم من النوع البقفل اذا سحبت الباب من الخارج بدون مفتاح يعني الحكايه مافي زول يقدر يدخل الشقه الا افتح ليه من الداخل . والكلام دا تقريبا الساعه 6 مساء، وانا غرقان في سابع نومه اسمع كواريك شئ سوداني وشئ مصري وشئ حجار وشئ صفافير مهم واحد ذكي سلط نور قوي على الغرفه النايم فيها ودي الحاجه الوحيده البتخليني اصحا من النوم . بسرعه مشيت على البلكونه القي ليك كل الزقازيق تحت الشقه ومعاهم ناس الكيمولاند واسمع ليك التعليقات حمد الله على السلامه ياباشا، اسمع انت كنت بتحفر في بيئر، سنه يالحيطه... برضو برجع اكمل.

Post: #80
Title: Re: عمر نملوز
Author: محمد صديق
Date: 04-25-2010, 09:27 AM
Parent: #79

سلامات يا ناس

سلام نملوز سلام

Quote: ابوالزوز حير ليك الخواجه صاحب الموقع. اسمع ماتدخل في برنامج الجري دا( ولا الجري دا ماحقي) ولا دخل الشباب ابوبكر وعمر. تخيل السباق 10 كم


طبعآ ابو الزوز زول ميكانيكى جدجد فى الحاجات دى ...

فيما يختص بالجرى والرياضة عمومآ ..انا منتظم فى التعاطى مع الرياضة ...يومين فى الاسبوع

تمرين ابو تسخينة زى نص ساعة او تزيد..وتمرين تالت صباحى ...وحسب المزاج مشى لمسافات طويلة

كل فترة مثلآ من الحتانة لحدى الشهداء..او من ش الشنقيطى الى ش الوادى وهكذا..

اما زهير إذا شارك فى السباق أولادو الّا يلاقوه فى خط البداية...إذا انتظروه بى هناك بكونو

اخدو سيك.

Post: #81
Title: Re: عمر نملوز
Author: عمر نملة
Date: 04-25-2010, 11:00 AM
Parent: #80

ياكوتش والله ماشاء الله على التمارين. قلت لي ناس ميار انتظروا في خط البدايه ، والله لو انا محل ابوالزوز ادخل تحدي وابداء تمارين مكثفه وبعد داك الا المارثون.

Post: #82
Title: Re: عمر نملوز
Author: منصور عبد الرازق
Date: 04-25-2010, 11:07 AM
Parent: #80


بوست فائق اللذة
متعة التعرف على نملوز , من بين السطور وخلالها
استمتاع شديد

Post: #83
Title: Re: عمر نملوز
Author: كمال الشادي
Date: 04-25-2010, 04:18 PM
Parent: #82

على الطلاق الزول الاسمو عمر نملة ده حكاي حكي ونضام نضمي
اتقول منصور عبد الرازق بس
كمل يا أخوي
شعراتك التلاثة ديل عندك مطلق الحرية
توديهم قدام
ترجعهم ورا
تشقهم
إنت حر
في ناس معانا في المنبر ده ( روح زور عرفة وبوستيها بي هناك )
عشان تآمن زاتو
على الطلاق مدرج مطار بس

والله ا لعظيم انا ما بقصد طارق جبريل

Post: #84
Title: Re: عمر نملوز
Author: محمد صديق
Date: 04-25-2010, 04:32 PM
Parent: #83

سلامات يا ناس

Quote: والله ا لعظيم انا ما بقصد طارق جبريل


مصدِّقين ومقتنعِين.

Post: #85
Title: Re: عمر نملوز
Author: عبد الدائم سيد أحمد
Date: 04-26-2010, 11:34 AM
Parent: #84

يس محمد احمد ومعاهو الوسخان هدية


sudansudansudansudansudansudansudan37.jpg Hosting at Sudaneseonline.com

Post: #86
Title: Re: عمر نملوز
Author: كمال الشادي
Date: 04-26-2010, 02:13 PM
Parent: #85

يا عبد الدائم
انا فتح لي دكان عدة بي هناك
ما كلموك
استديو الذكريات

ما تجي تفرش عدتك دي هنا تاني
الصور بي هناك
وعلى قول محمد صديق
بليييييييييييييييييييييييييييييز

Post: #87
Title: Re: عمر نملوز
Author: عمر نملة
Date: 04-27-2010, 06:53 PM
Parent: #86

يامنصورنا سعيد بتشريفك عندي ليك حكاوي كتيره عن نملوز من الحاضر والماضي بس مركز على زمن الزقازيق وكل يوم بتذكر في شخصيه وفي بالي الان الراجل المهذب صلاح التجاني من ابناء زراعه ومدني يحب مدني حتى الثماله، ومره كنا لاعبين( منتخب مدني) ضد منتخب امدرمان في الزقازيق وماشاء الله منتخب امدرمان مكتمل بقياده الرائعين هاني برعي ومحمود الحوري ومبارك زروق ورضا حمزه( عندي في مساكن النمل كتير من الحب والحب لهذا الجميل) وبتذكر هاني قال لينا جيبو قفه معاكم المهم ياسيدي ضربة البدايه كانت معانا اتلعبت لياسر لورد اتقدم خطوتين وشات من قريب النص الكره في التمنيات وناس الحوري مامصدقين مشو جابو الكوره وبسرعه لعبوها مره تانيه خطفها اللورد و كرر نفس الهدف . واتلفت اللورد وقال لينا والله يجيبو قون واحد بنحركم يعني مادبح. بعد داك جماعتك محاصرينا داخل خط 18 وتعبونا شديد المهم الشوط الاول انتهى 2/0 وبين الشوطين ماقادرين نشيل نفسنا وقف معانا صلاح التجاني وبيشحعنا وقال برافو ياشباب بس حاولوا استفيدوا من الكورنات.

Post: #88
Title: Re: عمر نملوز
Author: عمر نملة
Date: 04-27-2010, 06:54 PM
Parent: #87

الشادي كريم الوعد
مره بقراء في مداخله لك وقلت فيها( الله يلعن ابو الكبر) والله ماقدرت امسك نفسي وبقول وبردد وبرضو مابخليك. وحلوه روحك الشبابيه وربنا يديم الصحه وتشوف نفسك في وليداتك آمين

Post: #89
Title: Re: عمر نملوز
Author: عمر نملة
Date: 04-27-2010, 06:55 PM
Parent: #88

ابو ابوبكر وعمر
بسعد بمداخلاتك وبتدفعني اكتب كلما اقرر الهروب ربنا يديك الفي مرادك آمين

Post: #90
Title: Re: عمر نملوز
Author: عمر نملة
Date: 04-27-2010, 06:56 PM
Parent: #89

ديدو
دي صوره جامعه العمالقه فيش والعباسي وحلمي وجميلات تربيه مدنا بالمزيد يا رائع ياذوق

Post: #91
Title: Re: عمر نملوز
Author: محمد صديق
Date: 04-28-2010, 10:44 AM
Parent: #90

سلامات يا ناس

سلام نملوز سلام

Quote: ورضا حمزه( عندي في مساكن النمل كتير من الحب والحب لهذا الجميل


0912585925

ده رقمو لو ما كان عندك.

مستمتعين ...ومنتظرين

بكرى حامد يا حبيب.

Post: #92
Title: Re: عمر نملوز
Author: عمر نملة
Date: 05-01-2010, 06:27 AM
Parent: #91

سلام تحيه
صديقنا صديقنا
تسلم على رقم تلفون رضا ابو رداء وحاولت الاتصال لكن بسمع(عفوا هذا الرقم لايمكن الوصول اليه حاليا الرجاء محاولة الاتصال لاحقا). طبعا من اجمل الحكاوي ايام سكن رضا مع ود الماذؤن وكان ضيفهم الدائم حسن الطبال. بس صاحبك ودالماذؤن هرب عليك امان الله اتصلت عليه وقلت ليه : يابكوره ماتكون زعلان ارجع وليك الامان واوعدك انو مااتعدى الخطوط الحمراء يعني مااقدر احكي ولا حكايه ولا كلها اتركها لفطنه القارئ او ارسلها لجهة الرقابه والله ودالماذؤن دا شطه اسمع دي: مره بنلعب دافوري واحد واقف لط اسمه شطه جاء ماري ود الماذؤن قال ليه : ياشطه تعال اللعب معانا ، واحد تاني ( دا شفته التحت نازله بسيط ودايما خاتي سفه) قال: والله شطه لو جاء يلعب تقع منو عشرين قزازه يااخي خليه اول يقدر يمشي. صاحبك شطه وقف زي 10 دقائق وقال: اسمع انا السكر بخليه بس انت شلوفتك دي الا تعمل ليها زراره.

Post: #93
Title: Re: عمر نملوز
Author: عمر نملة
Date: 05-02-2010, 10:41 AM
Parent: #92

السباق الثاني
بمشاركه 3800 عداء وعداءه وذلك بمناسبة عيد العمال شارك العداء نملوز في سباق 10 كم في مدينة كنوكا البلجيكيه الشاطئيه، ففي المره الاولى في سباق اوستندا كان هدفي اكمال السباق اما هذه المره كان هدفي اكمال السباق وكسر رقمي السابق(57.43 د) ومحاولة اكمال السباق في اقل من 50 د ، والحمد لله اكملت السباق في زمن قدره 49.37 دقيقه. ولمشاهدة صورالسباق اضغط الرابط التالي:
http://www.sport.be/runningtour/2010/fotospecial/?fotos...rder=1&language_id=1
ويوم الاتنين سوف انزل رابط صوري عند خط النهايه
اما التجربه المثيره سوف تكون يوم الاحد 9/5/2010 في سباق 15 كم وهدفي الاول ان اكمل السباق واحقق رقم اقل من 90 دقيقه ان شاء الله

Post: #94
Title: Re: عمر نملوز
Author: عبد الدائم سيد أحمد
Date: 05-02-2010, 11:24 AM
Parent: #93

مبروك النجاح فى مرحلة الاساس نضيفك لقائمة المتفوقين

يا نملة انا فى شبابى ما كنت رياضى خالص

لكن الان بعد ( ما كبرت شوية ) داخل لى نادى كمال اجسام

يوميا" ومعاهو سباحة ، وحالف الا ارجع البس مقاس 32 زى زمان

Post: #95
Title: Re: عمر نملوز
Author: زهير الزناتي
Date: 05-02-2010, 03:45 PM
Parent: #94

يا نملة

سلام يا بتاع الجكة

لو عايز تكسر الرقم بتاعك ... أكل سمك وبعدين جك وحات الله ما يحصولك الحبش ذاتو وأسال مجرب ولا تسأل طبيب

Post: #96
Title: Re: عمر نملوز
Author: كمال الشادي
Date: 05-03-2010, 07:42 AM
Parent: #95

اظهر وبان عليك الامان يا زهير
Quote: لو عايز تكسر الرقم بتاعك ... أكل سمك وبعدين جك وحات الله ما يحصولك الحبش ذاتو وأسال مجرب ولا تسأل طبيب

الظاهر لو مشينا بالمعدل ده
في كتار هنا راض يتفضحوا
بعد شوية
جماعة الجكة ديل الا يسوو نقابةعديل

بيقول ليك في المثل
مش مهم الجاكي قدام
المهم الجاكي وراهو منو !!!

Post: #97
Title: Re: عمر نملوز
Author: عمر نملة
Date: 05-03-2010, 07:56 AM
Parent: #96

ياديمه
العزيمه بتعمل المستحيل واصل رياضه مع تنظيم الاكل يعني كتر من الفواكه والخضروات وقلل من الدهون والزيوت والدسم والكرسترول وحسب الخطه بشترك في سباق نص المارثون
في شهر 10/2010 في بروكسل وسباق المارثون في روتردام ابريل 2011 ان شاء الله

Post: #98
Title: Re: عمر نملوز
Author: عمر نملة
Date: 05-03-2010, 07:58 AM
Parent: #97

يازهره ياابوالزوز
كلامك صحيح 100% تصدق مواظب على المنتجات البحريه خاصه الحاجات البتخوف الناس زي الجمبري ولوب ستار ومختلف انواع السمك مع الفواكه و الخضروات وهديه ليك رابط وصول العداء نملوز مع الملابس الجديده وان شاء الله الموعد القادم 9/5/2010 مع سباق 15 كم
الرابط
http://www.firstfotofactory.com/cgi-bin/cosmoshop/lshop.cgi
اكتب الرقم 1545

Post: #99
Title: Re: عمر نملوز
Author: عمر نملة
Date: 05-03-2010, 08:27 AM
Parent: #98

ياكريم الوعد والاصل
والله بهناك بممزح وكريم الوعد والله زي ماقلت كاميرتي بتصور من ايام الطفوله ومازلت محتفظ بحفله في الذاكره في مدرج تجاره اتحفتنا بيها وجات كملت الصور صورة عيالك ربنا يحفظهم ويغطيهم من كل شر وقلت والله كمال الشادي وزولن شادن حرام يسمى ضنين والراجل اكرمنا وزدنا عليها اليوم كريم الوعد والاصل
اسمع اعترف بكيت مع ود الامين ولا البصل كان كتير غايتو جنس بصل وهاك الهديه دي

Post: #100
Title: Re: عمر نملوز
Author: عمر نملة
Date: 05-03-2010, 08:29 AM
Parent: #99



Post: #101
Title: Re: عمر نملوز
Author: عمر نملة
Date: 05-03-2010, 09:15 AM
Parent: #100

الله عليك ياكريم الوعد والاصل
بتتعلم صدق من اول سنه في الزقازيق بسمع فيها (تسجيل الدوحه) وكل مره ليها مذاق خاص ولاشك الاستاذ كان هذه المره مذاقه دامع ولسنة التخرج بتتلم معاي وكان اذا استصعبت علي مساله تكاليف او احصاء اول اقتصاد قياسي بس بتتعلم تفك كل الطلاسم بقول ياريتني لو جريت زمان من بدري وبكره وبكره بدون مواعيد. يااخوي تميت 13 سنه ماشفت السودان والاهل بس الحمد لله شهر 12/2007 شفت امي في الدوحه تصدق كانت كلها بترجف وشفت اختي كمان واخوي والله قربت مااعرفه الا من صوته تصدق اقول ليك حاجه خليني جاري

Post: #102
Title: Re: عمر نملوز
Author: البادي النور
Date: 05-03-2010, 01:30 PM
Parent: #101

يا نملة ياخي مشتاقين كتير .. الليلة اول مرة اشوف البوست بتاعك دا ..
لكن ما شاء الله عليك اخر حلاوة .. والحكي الحلو الطاعم زي سيدو ..
يا نملة انت السكر زاتو ... حقيقي استمتعت جدا بحكاويك الحلوة .. عليك الله ما تبخل علينا واهبش لينا ود الماذون دا شوية ...

Post: #103
Title: Re: عمر نملوز
Author: زهير الزناتي
Date: 05-03-2010, 04:23 PM
Parent: #102

namla.JPG Hosting at Sudaneseonline.com



يا نملوز رغم حالتك الصعبة دي إلا إنه أخير من عبد الدائم

Post: #104
Title: Re: عمر نملوز
Author: عمر نملة
Date: 05-04-2010, 09:31 AM
Parent: #103

يازوزو
والله حيرت الخواجه كيف بتقدر تفك البلوك ورينا عشان المره الجايه ننزل الصور مباشره. اما التعب اقول ليك دا سباق 10 كم يعني جاري لي قريب ساعه وكان في مطر وحتى قريب النهايه حتى ظهرت الشمس وانا كنت قايلها لمبة تلاجه. اما التعب الحقيقي يوم 9/5/2010 سباق 15 كم

Post: #105
Title: Re: عمر نملوز
Author: عمر نملة
Date: 05-04-2010, 09:34 AM
Parent: #104

البادي نورو
والله تطلعت منها ببنط محضر ليك هجوم كاسح وكنت جاي عليك بالمنبر العام اشوفك مالك ماشغال بي
اما ودالماذؤن عندنا الايام دي هدنه لانو الشعره البنينا شديتها شديد، وهو متقمص الايام دي شخصيه مسؤل مشغول. تتذكر مره في رمضان جينا انا وعماد لوفا ومعانا ضيف( الحقيقه هو ضيف ودالماذؤن) وعلى قول الزين ياناس الحله انا مقتول وبحب ودالماذؤن. المهم بعد الفطور قلنا نعمل تعارف مع ضيوفكم البدايه كانت مع الحلو محمدو وقال: بسم الله الرحمن الرحيم معاكم محمدو ود نفيسه، وبعده انا قلت: بسم الله الرحمن الرحيم معاكم عمر ود امنه بت فاطمه الزول التالت كان برلوم انصار سنه وقال بسم الله الرحمن الرحيم معاكم وذكر اسمه واسم والده، قلنا ليه لا التعارف باسم الام!!! صاحبك هاج وماج وقال: دا كلام فارغ. قلنا ليه: طيب انت ليه عرفت اسم اماتنا لازم نعرف اسم امك !!! الحكايه قرب يعلن علينا الجهاد. وانتظر جايك بحكاوي بس ناحد الاذن من حبيبنا ماذونكو

Post: #106
Title: Re: عمر نملوز
Author: البادي النور
Date: 05-06-2010, 08:33 AM
Parent: #105

يا نملة يا طاعم ...
الحمد لله ربنا سترني معاك ..

وفي تلك الفترة كان احلى ناس هم بكوري ودالماذون ومحمدو .. وحكمة الله كانوا اشنا اتنين في الزقازيق وكل واحد منهم كان فاكر نفسه احلى من الاخر ..
والقصص والحكاوي عن ودالماذون ومحمدو لا تنتهي ابدا ...
موضوع التعارف باسم الام كان اقتراح محمدو الشين الجميل .. وصاحبنا انصاري السنة حقيقي كان زعلان شديد .. انا قمت قلت ليه ياخي ما تزعل الزول يوم القيامة بنادوهو باسم امه (لزوم اقناع شرعي) .. صاحبك قام هاج وقال مين اللي قال كدا(حقيقي احرجني وختاني في حتة ضيقة شديد) وما فكرت في الموضوع وطوالي كان ردي انه محمدو هو صاحب نقل الحديث الصحيح والمتفق عليه ...
يا نملة بالله عليك واصل في حكيك الجميل .. وما شاء الله عليك وعيني باردة ذاكرتك حديدية .. هل تذكر العساكر اللي حارسين بيت المحافظ .. الله يجازي محنك يا نملة ...

Post: #107
Title: Re: عمر نملوز
Author: محمد صديق
Date: 05-06-2010, 09:19 AM
Parent: #106

سلامات يا ناس

سلام نملوز سلام

Quote: وفي تلك الفترة كان احلى ناس هم بكوري ودالماذون ومحمدو .. وحكمة الله كانوا اشنا اتنين في الزقازيق وكل واحد منهم كان فاكر نفسه احلى من الاخر ..
والقصص والحكاوي عن ودالماذون ومحمدو لا تنتهي ابدا ...


نحن دايرين زى ده.

Post: #108
Title: Re: عمر نملوز
Author: عمر نملة
Date: 05-06-2010, 10:07 AM
Parent: #107

يانور البوادي
والله ايام ماكان لينا الا الضحكه والقلوب الصافيه وبرضو بحاول احكي حكاوي مايكون شقيق الروح بكوره معاي بس صعب . طبعا قصة حارس بيت محافظ محافظة الشرقيه( مقاصد السنترال) هي كنت انا وبكوري واختي اميره علي محمد ماشين في الشارع وفجأه لقينا نفسنا قدام بيت المحافظ ، قلت للحارس : السلام عليكم . رد وقال وعليكم السلام يافندم. قلت ليه المحافظ موجود؟ ايوه موجود. طييب ممكن نقابله؟ لا اصلوا مش موجود. ايه الحكايه موجود ولا مش موجود؟ هو لعب عيال؟ على كل حال قول لو الريس ابوبكر حامد الامين( ريس رابطه مدني) والمستشاره اميره على محمد احمد ( السكرتير الثقافي لاسرة الخرطوم حقوق) والكابتن عمر النمله وصلوا حسب المعياد ومااظن نجي مره تانيه واعتبر كل الاتفاقيات ملغيه. الحارس ضرب تعظيم سلام وقال حاضر يافندم. اتلفت افتش بكوري لقيته فص ملح وداب اما الاميره ماعارف كانت بتبكي ولا بتضحك مهم دموع وماتفرز الا اصلو مابسالك والله انا مافاهمه اي حاجه ووينو بكري؟ قلت ليها بكري لو قريب يكون وصل محطة مصر.
ياجنابو
والله بكري شكلوا عامل زعلان، خليه يظهر اول وبنرسل ليه كل القصص يعمل ليها تنقيح وحذف ويختم عليها حتى ننشرها. كل شئ ولا زعل حبيبنا بكوره

Post: #109
Title: Re: عمر نملوز
Author: الرشيد بابكر
Date: 05-06-2010, 10:28 AM
Parent: #108

نملوز و الله ضحكتني من جوه قلبي...الله يسعد أيامك ياخي...
أتاريك كنت مصيبة...و قلت لي بكوري عمل زغبير...عشان كده الزول ده من ما انت أدوك الباسورد زاغ من البوست ده...كدي عليك الله أترو لينا في منبر ناس مدني يمكن يكون لابد هناك...

Post: #110
Title: Re: عمر نملوز
Author: محمد صديق
Date: 05-06-2010, 02:28 PM
Parent: #109

سلامات يا ناس

Quote:
نملوز و الله ضحكتني من جوه قلبي...الله يسعد أيامك ياخي...
أتاريك كنت مصيبة...و قلت لي بكوري عمل زغبير...عشان كده الزول ده من ما انت أدوك الباسورد زاغ من البوست ده...كدي عليك الله أترو لينا في منبر ناس مدني يمكن يكون لابد هناك...


يا رشيد النملة ده كان جن ماشى على كرعين ...مقالبو ما كانت بتخلص

انا كنت واحد من الناس الملاوزين منو...فيهو برضو شبه كبير بمصطفى

محمد الحسن ( حتى الشَّعَرْ المفلفل )..

هسة صاحبك بكرى حامد خايف على ضنبو.

Post: #111
Title: Re: عمر نملوز
Author: زهير الزناتي
Date: 05-06-2010, 06:48 PM
Parent: #110

بكري حامد في فترة كده بقي زي ود نفاش أي نكتة ينسبوها ليهو ... قيل والعهدة علي البادي .... وبالمناسبة البادي النور شاهد علي عدد لا يستهان من المواقف للثنائي بكري وحمدو خاصة الأخير

إنه بكري حينما إلتقي بحمدو برلوم جديد لنج سأله .. يا برلوم جيب سفه ... حمدو بكل أدب برلومي والله انا ما قاعد أسف ... بكري قال لي والله إنت مفروض تبلعوا عديل كده ... ومنا هنا كان التعارف ...

Post: #112
Title: Re: عمر نملوز
Author: عمر نملة
Date: 05-07-2010, 09:42 PM
Parent: #111

يا راشد القول
اولا حمدلله على السلامه وربنا يكتب سلامة منى اختي ويرجعها تفرح ببنتها تبيان آمين يارب العالمين . وقبل ماادخل في حكايه جديده ارجع لسفرك ومرض ام تبيان والتواصل الذي قام به أجدع ناس واحساسهم لما يتواصلوا معاك في الوقت المناسب بخلي الدنيا ببساطها تفرحنا نحن برضو… واقول ليك سر تواجدي في منتدى الزقازيق بدايه كان بدافع لقاء الاحبه واسترجاع الذكريات( يااخي مبارك جادين لما يحكي عن طاحونةالعباسيه برجعني مدني واتذكر طاحونة الدي وجبرونا وبانت يعني نفس الحكايات مع تغير الازمنه ولما يحكي عن امهاته يخليك تسمع صوت الليقمات تش وصوت الطعميه تيش) بس لقيت الحكايه ماشه على ترابط اجتماعي فريد من نوعه وممكن يحصل نسب( بنات النضيف مهرن غالي). واحساسنا لما نتكاتف وايه الدنيا غير لمة ناس في خير او ساعة حزن . وشوف الشادي وحلم مدينتنا الفاضله ولا بنية النوبه وكيفن بتفش في الجنه وتتمسح باثار وتراب يمه محاسن ولا طلة الخال عبد المنعم خليفه( ربنا يرحم شقيقاته ام ياسمين وخالتها) وصولات وجولات بيت الرئاسه، ولا تنمية المهارات ولا تمائم الشاربه من الطيبه ديمه( انشاء الله تكون مختفيه وبتجهز لينا في تمائم بالفريك) ولا حكاوي البطانه والله برتجعني وتوقفني عند حلة ابوقنايه وبتخيل انو الحردلو يقابل ابراهيم الفراش في دامر المجدوب ودا كله كوم وصور نادي الشرطه كوم… ياراش زي ماقالت الست انا عندي كلام بدي اقولو لك وفي قلبي هيام …
اسمع دي طبعا بعد تخرج الطبال كنت ساكن في البيدرم .. مهم مره وبتذكر في اطفال سن 7-9 سنوات بيلعبوا كره ومرات بشوت ليهم الكره . وبيعرفوا اسمي، مهم مره عايز ادخل البيدروم جاء اتنين منهم سلموا علي اما البقيه وقفوا بعيد وبعدها دخلت البيدرم وسامع حوارهم مع اصاحبهم، ليه ماسلمتوتش على عمو عمر؟ ردوا عليهم: دا اصلوا سوداني!!! اصحابي ردوا وقالوا: حرام عليكم دا ربنا خلقوا كدا سوداني!!!!!!!!!( عليك الله سريع ايش يطوف سريع في خاطر اي سوداني في اللحظه دي..




تخيل كيف يكون الحال لو ماكنت سوداني واهل الحاره مااهلي؟

Post: #113
Title: Re: عمر نملوز
Author: عمر نملة
Date: 05-07-2010, 09:45 PM
Parent: #112

ياجنابو
والله هي فرصه اعترف لودالماذؤن بحاجه ربنا اداها ليه مكان مايكون هي حبه للناس وعشق الناس ليه و وربنا اذا احب شخص حبب الناس فيه والله علاقتنا الاسريه مع ال الماذون هبه من ربنا. وربنا يديم المحبه
اما في حضرتكم فكنا نحدق زي ماقال الفيتوري بلاوجه . تخيل ايضا في حضره الراجل انيق الدواخل طارق عوض الكريم مااقدر الا اعمل هدنه مع ود الماذؤن . في كلام كتير وخايف الزمن يعدي قبل مانقوله لاحبتنا بحبنا ليهم

Post: #114
Title: Re: عمر نملوز
Author: عمر نملة
Date: 05-07-2010, 09:47 PM
Parent: #113

ياابو ميار
اكتب من الان تعهد مأاجيب سيرة بكري الا باذنه. واسمع عايز احكي عن بدرالدين حمزه ( والله مشتاق ليه موت) سلام ليه كتير وبس منتظر طلة بكري خاصه انه وعدني ان يرجع يكتب.
ياسر نجيله
واقفين وين خلينا نبداء من اي مكان...اقول ليك حاجه من بقالة الجاويش كنا بناجر تربيزة تنس الطاوله تخيل طوال سنوات الزقازيق كم مره لعبنا هناك خاصه مع المهندس في كل شئ اخلاقه طريقة كلامه وعزف العود ولعبوا لتنس الطاوله واتجاهاته الفكريه ومعاملته للناس طيب الذكر والاسم المهندس الطيب يس وصديقه محمد القاسم( اي مره لعبت مع الطيب بمشي محمد القاسم بحضر حاجه بارده) سلام ليهم ووين مايكونوا ويكونوا...

Post: #115
Title: Re: عمر نملوز
Author: زهير الزناتي
Date: 05-08-2010, 12:16 PM
Parent: #114

يا عمر عليك الله بتاعت بدرالدين الشهير ببودي دي بسرعة ...

Post: #116
Title: Re: عمر نملوز
Author: عمر نملة
Date: 05-10-2010, 04:35 PM
Parent: #115

ابو مجد
والله عند قنبله عن بودي لو حكيتها بحصل دم وعشان كدا اديني تلفونه ممكن نتوصل لاتفاق وتشفير او نحكي بدلها . عشان كدا انا ناوي احكي قصص من غير ذكر الاسماء ( اتصل بي واحد صاحب ود الماذؤن وقال سالتك بالله عذب بكري وماترحموا) قلت ليه انا عامل هدنه واحتمال نيفاشا نهائي والبيتوا بيت نمل ما يفلق بيت عرس وقت العقد لانو المسدسات بتكون جاهزه ومعمره.
ياديمه
عهدنا بيك متابع كل الاعياد خاصه عيد الماما يعني من 21/03 خليتوا 18/03 ياسيدي دا عيد الام في الدول العربيه وعلى مااعتقد كان اقتراح من الاخوين الصحفيين امين اما عيد الام في الدول الغربيه كان يوم الاحد 09/05/2010 ويوافق الاحد الثاني من شهر مايو

Post: #117
Title: Re: عمر نملوز
Author: عمر نملة
Date: 05-10-2010, 04:42 PM
Parent: #116

[B]التجربه الثالثه
بعد تمارين شاقه وعزيمه واصرار وتحدى واصل العداء نملوز برنامجه ومشاركاته في سباقات التحمل والسرعه حيث شارك يوم الاحد 09/05/2010 في سباق 14.5 كم بمدينة (BRUGGE بروخا او بروج كما يطلق عليها الاجانب. حيث شارك في السباق 7000 عداء وعداءه . وكان الهدف الاول هو اكمال السباق ومحاولة تحقيق 75 دقيقه والحمد لله حققت 73.53 دقيقه . وسوف احاول ان اشارك في سباق 10 كم في مدينة خينت GENT يوم الخميس الموافق 13/05/2010 احاول ان احقق رقم اقل من 45 دقيقه وذلك تجهيز للمشاركه في سباق نصف المارثون بمدينة بروكسل العاصمه في شهر اكتوبر وبعده اواصل التدريبات للمشاركه في سباق المارثون ان شاء الله اذا ربنا ادام الصحه والعافيه . وكل يوم بكتسب معلومه جديده وخبره وزياده ثقه في النفس. اما بالنسبه للصور سوف تنزل بكره ان شاء الله وسوف انزل الرابط وانتظر ابوالزوز من فك البلوك.

Post: #118
Title: Re: عمر نملوز
Author: عمر نملة
Date: 05-11-2010, 03:17 AM
Parent: #117

رابط صور سباق 14.5 كم BRUGGE 09/05/2010
http://www.firstfotofactory.com/cgi-bin/cosmoshop/lshop.cgi
ثم كتابة الرقم 2631
ENTER

Post: #119
Title: Re: عمر نملوز
Author: عمر نملة
Date: 05-11-2010, 03:16 PM
Parent: #118

لمشاهدة الفيديو
http://www.chronorace.be/web2/classements/classement.as...h=&scope=All&page=10
ثم لاحظ الزمن 1.13.53 Amro Ahmed

Post: #120
Title: Re: عمر نملوز
Author: عمر المهدى
Date: 05-11-2010, 03:29 PM
Parent: #119

عيني عليك باردة
الي الامام

Post: #121
Title: Re: عمر نملوز
Author: عمر نملة
Date: 05-11-2010, 03:49 PM
Parent: #120

المهدي
تسلم وربنا يقدرنا مواصلة التحدي اولا مع النفس. واليوم عندي تمرين وبكره احماء استعداد لبعد بكره الخميس 13/05/2010 وذلك لسباق 10 كم. مره ثالثه وبحاول اكسر حاجز 45 دقيقه ان شاء الله مع العلم ان صاحب المركز الاول 29 دقيقه وان شاء الله بعد سنتين اذا ربنا اراد ادخل المنافسه بقوه. وبعد داك بفتش لي كم سباق عشان اقدر اكمل سباق نصف المارثون في اكتوبر.

Post: #122
Title: Re: عمر نملوز
Author: زهير الزناتي
Date: 05-11-2010, 08:03 PM
Parent: #121

يا عمر والله ماشاء الله عليك ... شايفك جاكي لغاية النهاية ... وعجبني فيك إصرارك ومثابرتك وأجتهادك ... يا زول ربنا يوفقك وتفوق أبو 29 دقيقة داك .. بس النبي فيك تاني صور الفيديو ما تجيبها لينا لأنه أعمامك العجايز ديل نفسهم بيقوم ...

Post: #124
Title: Re: عمر نملوز
Author: عمر نملة
Date: 05-11-2010, 08:30 PM
Parent: #122

يازهره
الان دخلت البيت بعد تمرين ساخن لمدة 45 دقيقه وهو الزمن العايز احطمه يعني عايز اتاكد من اللياقه( بمساعدة السمك والفواكهه و العصائر الطبيعيه. وتشجيعكم بزيد عزيمتي وموعدنا الخميس( اجازه بمناسبه عيد صعود المسيح للسماء) وانا عايز اصعد تحت ال 40 دقيقه ويمكن خلال شهور. بس الزمن والشغل بيهد الحيل( 14 ساعه يوميا) ومرات لمدة 7 ايام.

Post: #123
Title: Re: عمر نملوز
Author: الرشيد بابكر
Date: 05-11-2010, 08:21 PM
Parent: #121

نملوز...الخيول الحرة بتجي في اللفة...

شايفك كسحت خمسة كده في اللفة...

يبدو ان الملابس الجديدة فعلت فعلها...و لكن بدون اصرارك و مثابرتك لما كانت فعلت شيئا...

الى الأمام يا نملوز....

Post: #125
Title: Re: عمر نملوز
Author: عمر نملة
Date: 05-11-2010, 08:40 PM
Parent: #123

راشدنا
هي دي النقطه الاهم العزيمه. وأهم منها الثقه في النفس والله لما وصلت ال14 كم الاخيره ما صدقت كنت فاكر لسه نصف المسافه عشان كدا اخرجت الطاقه ولسه كان ممكن اواصل . واستفدت من التجارب السابقه بالاضافه انه لاول مره اعمل احماء كافي قبل البدايه والتوقف عن الاكل قبل ثلاثه ساعات من البدايه وتدريج السرعه . بس ناقص المشجعيين لانه كل الناس معها مشجعيين وكان عزاي انه في فرق طبول كل 4 كم.

Post: #126
Title: Re: عمر نملوز
Author: عمر نملة
Date: 05-14-2010, 03:14 AM
Parent: #125

بمشاركة 6991 عداء وعداءه بالاضافه الي المثابر الطموح المتحدي نفسه العداء القادم من الزمن السحيق نملوز اكتمل العدد 6992 في سباق 10 كم اليوم 13/05/2010 بمدينة خينت GENT البلجيكيه. حيث استطاع نملوز تحطيم رقمه السابق49.37 دقيقه ويحرز زمن قدره 47.3 دقيقه ليثبت انه لايوجد مستحيل تحت الشمس . وحتى الان تسير خطه البطل بخطوات واسعه وسريعه ولكن تسبقها انفاس لاهثه. وكانت مفاجأة السباق البطل عبدي بشير(29.31 دقيقه) حيث انتزع اللقب من صاحب الارض لاندار فان دروخن برووك وادهش الفرنسي بنيامين قرينتير ليترك لهما المركزين الثاني والثالث . وقد كان السباق في غاية الصعوبه وذلك لمشاركة نملوز للمره الثالثه علي التوالي في غضون 13 يوم والخامسه في مسيرته الابتدائيه. وحسب الخطه المبرمجه يحاول نملوز في غضون شهور ليكسر حاجز ال 40 دقيقه في سباق ال 10 كم ويتطلب ذلك مزيد من الجهد والاصرار وبزل العرق مع اتباع برنامج غذائي صحي ورياضي( واحده سودانيه جاءت لزواج شقيقها من هولنديه جميله وكانت عايزه اخوها يتزوج سودانيه لما شافت العروس قالت: الخواجيات ديل زي طعام المستشفى صحى لكن ما طاعم). وقد قابلت اليوم احد الابطال الاريتريين وطلبت منه اعطاء بعض النصائح وكان اول سؤال لي عندك وقت كافي للتدريب؟ لاني انا ليس لدي عمل واسكن منذ 6 سنوات بمدينة بروخا واتدرب مرتين في اليوم . وسالته عن رقمه الان في سباق 10 كم فاجاب بانه 32 دقيقه. بس قلت ليه اسمع نصحيتي ليك وان جاري اتذكر انه مراتك خلفك اكيد سوف تحطم الرقم العالمي 26 دقيقه. ولمشاهده ترتيب نملوز ومتوسط سرعته اتبع الرابط http://www.chronorace.be/web2/classements/classement.as...ch=&scope=All&page=5
الترتيب 2111
اما بالنسبه لصور وفيديو السباق سوف ينزل غدا باذن الله.

Post: #127
Title: Re: عمر نملوز
Author: الرشيد بابكر
Date: 05-14-2010, 12:54 PM
Parent: #126

نملوز يا خطير...
تصور عاجبني جدا اهتمامك و مثابرتك...و ابتديت كمان تسأل هنا و هناك لكسب مزيد من الخبرات...و على فكرة الخبرة بتكتسب ما من الجري بس انما أيضا بسؤال اختصاصيين في المجال...بتاعين اعداد بدني و لياقي و بعدين مدربين عشان التكتيك بتاع الجري و هكذا...
أمنياتنا ليك بتحسين الرقم من سباق الى آخر حتى الوصول الى الأرقام الأولى...

Post: #128
Title: Re: عمر نملوز
Author: عمر نملة
Date: 05-14-2010, 03:50 PM
Parent: #127

يارشو
تشجيعكم بيمدني بطاقات هائله وبيخليني اواصل تحدي النفس واذا ربنا اداني الصحه بدخل في المنافسه بقوه وخطوتي التاليه ان انزل رقمي اقل من 40 دقيقه بس لازم اواصل تدريب شاق( الاريتري قال مرتين يوميا) بحاول مره كل يوم ومرتين في حالة ما يكون عندي شغل يعني ان شاء الله اقل شئ 7 مرات اسبوعيا) ودا رابط الصور
http://www.firstfotofactory.com/cgi-bin/cosmoshop/lshop.cgi
ثم كتابة الرقم 4980
ودا رابط الفيديو
http://www.chronorace.be/web2/video/VideoAzure.aspx?mod...5%3a48%3a25&host=web
اليوم نزل الترتيب الصحيح وترتيبي 1191 بدل 2111

Post: #129
Title: Re: عمر نملوز
Author: عبد الدائم سيد أحمد
Date: 05-15-2010, 12:07 PM
Parent: #128

سامع صوت رجليك بط بط بط فى شريط الفيديو

لو شربت ليك جك ليمون معصور كارب بتجيب الفرق صدقنى

Post: #130
Title: Re: عمر نملوز
Author: عمر نملة
Date: 05-15-2010, 05:53 PM
Parent: #129

يادودي
والله الحكايه صعبه ولذيذه ولو بقت على جك ليمون بجري المارثون لكن الحكايه ممكن تقول تغير ليك نظام حياتك بالكامل من مواعيد النوم ونوع الاكل والتمارين، بس لازم مشاركة الاسره يعني البنوتات الامورات ديل ممكن من الان تبرمج ليهن باي نوع من الرياضه وكمان امهن ممكن تتدخل البرنامج دا يعني الجري دا بينفع في الاماكن الحاره عشان كدا اغلب الابطال من اندينا. وانتظر يا انا يابطولة العالم ماتضحك تحدي للاخر.

Post: #131
Title: Re: عمر نملوز
Author: محمد آدم النور
Date: 05-16-2010, 02:29 PM
Parent: #130

أولاً لا يفوتني أن أهنيك بأنك أكمل السباق لغاية النهاية
و الله متابع و مستمتع بي شدة
لكن أنا ميت من الضحك ...وقاعد أقارنك بي موسى عيسى الكان زي الطيارة أيام عهده
و حالتو الآن...كرش ما تديك الدرب وجضوم ما ليها حد
لكن النسألك إنت بدل ما تسأل ليك أرتري ما تسأل أثيوبي
أو فتش ليك زول كيني أو يوغندي إنشاء الله أحمد إسماعيل
Quote: اكتمل العدد 6992 في سباق 10 كم اليوم 13/05/2010 بمدينة خينت GENT وكانت مفاجأة السباق البطل عبدي بشير(29.31 دقيقه)
الترتيب 2111

يعني بينك و الأول نصف ساعة
زي دا و أنا لقيت الفارق دا.....طوالي يا زول أنوم العصرية بتاعتي بي مزاج
ما داير أحبطك أتفق مع كلام عبد الدائم

سؤال أخير
الإريتري دا يتمرن مرتين في اليوم
شغال شنو؟؟؟ ياكل من وين؟؟؟قاعد يرسل لي أمو و أخواتو و أهلو؟؟؟
بالله الجرية الجاية لمن تجري شيل معاها جلاله بتاعت ناس الجيش دي
لوري هينو تمانية طن...... شااااال الطالبة وخلاني براي

Post: #132
Title: Re: عمر نملوز
Author: عمر نملة
Date: 05-16-2010, 07:35 PM
Parent: #131

ابو عمر
فرحت بتشجيعك ومداخلتك دي بتخليني كمان انزل رقمي 3 دقائق يعني من الان رقمي 44 دقيقه . طبعا اكمال السباق دا كان في اول تجربه(57 دقيقه) اما الان في مرحلة كل مره اكسر رقمي السابق. موسى عيسى ممكن يدخل الفورمه من جديد طالما هو رياضي سابق يعني شوية اصرار وتتدرج بيصل الي ما يصبو اليه تخيل قبل بداية التمارين كان وزني تقريبا 76 كيلو جرام والان بعد 6 شهور تتدريب ونظام غذائي معين وزني 68 كيلو جرام طبعا كل ما قل الوزن كل مازادت السرعه والتحمل. الاريتري دا راجل محترف الشغله وشفته كم مره في سباقات عالميه وبحاول افتش ليك صورته. طبعا متجنس بلجيكي والدوله بتصرف عليه. والنظام هنا يا صاحبي اذا لم يكن لديك عمل وكنت مقيم او كنت بلجيكي او مواطن اوربي مقيم في اي دوله اوربيه الدوله بتتكفل بسكنك وعلاجك واكلك وشربك ومصاريف اجازتك وكمان بالنسبه لكل طفل مع والديه حتى ولو كانوا اغنياء الدوله بتصرف ليهم مرتب شهري( دا بتاع سيدنا عمر بن الخطاب رضي الله عنه)
الان بيني وبين الاول18 دقيقه بالضبط وربنا يدي العافيه وتشوف مفاجاه من العيار التقيل خلال سنتين ان شاء الله.
وبمناسبة الجلاله حتى الان في كل السباقات في فرق طبول ولما اصل عندهم بعمل ليهم حركات مديح وذكر بيموتوا من الضحك وبسخنوا لي النوبه.اسمع دي:
واحد جاب لشيخوا قصب والشيخ كان نايم قام صحا الشيخ من نومه وقال ليه: شيخنا انا جبت ليك قصب وظاهر الشيخ نومة القيلوله مهمه عندو قوم يالشيخ اجلد الحوار بسوط عنج والحوار يقول ليه شيخنا شيخنا انت جنيت ولما الجلد سخن الحوار قال: شيخنا انت ود حرام ماتمسك ايدك ولا بقطعا ليك...

Post: #133
Title: Re: عمر نملوز
Author: عمر نملة
Date: 05-16-2010, 07:44 PM
Parent: #132

دي صورة الاريتري WOLDU Ghirma
WOLDUGhirma.jpg Hosting at Sudaneseonline.com

Post: #134
Title: Re: عمر نملوز
Author: عمر نملة
Date: 05-17-2010, 05:30 AM
Parent: #133

بحثت معلومات عن البطل الاريتري فوجدت ان محترف في نادي فوجدت ان محترف في نادي atletiekclub ABVA البلجيكي
ويتمرن حوالي 25 كم يوميا في الصباح وبعد الظهر وهو يستعد للمشاركه في نصف مارثون بروكسل شهر اكتوبر
ومازل يلعب باسم اريتريا في المحافل الدوليه

Post: #135
Title: Re: عمر نملوز
Author: ياسر نجيلة
Date: 05-17-2010, 06:32 AM
Parent: #134

ولدنا عمر ... نملوز ... ابوالطيب

متابعين معاك ...
وتمرينا بقي متابعة بوستك ده ... مرتين في اليوم

ومعاك حتي ... آخر بطولة ...
ولما تصل المرحلة دي ... حنرسل ليك وفد من الزقازيقاب للتشجيع ...
طبعا اكيد ... عبدالدائم وجلا ... ما ضمن الوفد ...





بالتوفيق .... ياحبيب
عارفك من زمان عنيد ...
وكان لما تغلبك حاجة ... بتضحك ...




Post: #136
Title: Re: عمر نملوز
Author: عمر نملة
Date: 05-18-2010, 09:57 AM
Parent: #135

ياسر نجيله

الان متاكد سوف اكسر حاجز ال40 دقيقه ولو جاء احمد السني عندي راي في ال 35 دقيقه اما لو جاء ودالماذؤن بكسر رقم بطل العالم 26 دقيقه( عليك الله دي يكسروها كيف مع الناس البتتدرب يوميا 25 كم) . الحكايه صعبه خالص لازم تكون دائما متمرن ولياقه كامله بس العزاء في عنادي ومصر احقق رقم وادخل المنافسه بقوه. بس الشغل بياخد حوالي 14 ساعه يوميا واضطريت اقلل ساعات النوم من 8 الي 6 ساعات والان بتمرن كل يوم حوالي 45 دقيقه يعني حوالي 8 الي 10 كم يعني ممكن بس لازم ضغط شديد. والله اخر سباق الضحك شرطني لانه مدينة خينت شوارعها كلها طوب وصعب الجري فيها بالاضافه الي ان شوارعها طالعه يعني لازم ترس تقيل.
اسمع دي
ود جيرانا عزو طفل شقي عمره 5 سنوات بمعنى الكلمه دا من النوع البشغل العربيه بربط السلوك، مره دور العربيه ابوه شافوا جلدوا جلد شديد صاحبك قام جاري وشال اخوه الصغير عمره شهور وطلع بيه السطوح وعمل عايز يرميه من فوق المهم اتلموا الناس واشتغلت المفاوضات يقولوا ليه: عليك الله ياعزو ماترميه وهو يقول ليهم: تاني في دق؟ الناس كلها يقول لا لا، ابوه يقول ليه انا اسف ياعزو، قال ليه: اسف مابتنفع لازم تكتب تعهد، واحد من الناس الظرفاء قال ليه ويوثقوا عند محامي، وعزو يردد ايوه عند محامي. المهم بعد تنازلات واغراءات نزل عزو مسكوه عايزين يجلدوا قال ليهم: اجلدوا بس المره الجايه مافي مفاوضات برمي طوالي، عليك الامان لليله عزو بيعمل في البيعمل فيه ومافي زول قادر يلمسوا.

Post: #137
Title: Re: عمر نملوز
Author: عائشة صلاح الدين
Date: 05-20-2010, 01:30 PM
Parent: #136

وييين يا نملة مالك بس جارى فى كرعينك
اسمع عليك الله اخد ليك جكة كدا خفيفة وتعال لينا ودردش معانا فى اماكن فى القلب وكان الجك غلبك تعال طيران المهم تجى ... وما تخاف ما
بخليك تلز العربية .... شوش

Post: #138
Title: Re: عمر نملوز
Author: عفاف علي ميرغني
Date: 05-20-2010, 08:56 PM
Parent: #137

يا نملوز يا جراااي


والله فرحت لمن عرفت انك جررراي 000 عندي ناس كدا عايزاك تسكهم لي (هاهاها)


اول مرة اعرف انو النملة بتعرف تجري000

عندنا صورة لاحمد السني لمن زارنا واسرته الجميلة في بيتنا 000

عشان تاااامن انو المشي بعد سنتييين ح يكون لاحمد السني بالعكاااز

جري شنو يا نملوووز؟؟؟؟

Post: #139
Title: Re: عمر نملوز
Author: عفاف علي ميرغني
Date: 05-20-2010, 08:56 PM
Parent: #137

يا نملوز يا جراااي


والله فرحت لمن عرفت انك جررراي 000 عندي ناس كدا عايزاك تسكهم لي (هاهاها)


اول مرة اعرف انو النملة بتعرف تجري000

عندنا صورة لاحمد السني لمن زارنا واسرته الجميلة في بيتنا 000

عشان تاااامن انو المشي بعد سنتييين ح يكون لاحمد السني بالعكاااز

جري شنو يا نملوووز؟؟؟؟

Post: #140
Title: Re: عمر نملوز
Author: عمر نملة
Date: 05-21-2010, 07:58 AM
Parent: #139

شوش البشوشه
منوره وسعيد بطلتك ومن الان بكسر كل الارقام جري وطيران. وانا والزمن في سباق وجايك في اماكن في القلب وجايك واقص ليك كيف نملوز كان بيكسح ومن المساكن الي مولد النبي الي المنتزه ثم الي لكوز وكلية الزراعه والرجوع من خلف المطبعه مرورا بموقف المنصوره وبرجع الاتحاد عبر المزارع. وكمان بحكي ليك اماكن في الزقازيق لاتخطر على البال جايك ياآخر المدائن

Post: #141
Title: Re: عمر نملوز
Author: عمر نملة
Date: 05-21-2010, 08:00 AM
Parent: #140


فافي الساكنه الفيافي
شنو يعني بتعملي لينا ياااك وتختفي وتاني يااك وتجي ولا الجيفارات وابوهم عايزين مراقبه لصيقه. والله الجري ممتع وانا من زمان كل ماأشوف لي مجنون جاري وينطط فرحان وعايز يطير اقول اريتو حالي واكتر ناس انا بحسدهم المجانين( في نعيم) وفي كتاب لذيذ لجبران خليل جبران ( المجنون)
انت عارف أحمد السني دا امه المرحومه آمنه بت عشه بت فضل المولى واهله متداخلين مع اهلنا زي الاهل ،عليك الله احمد لسه بضحكته الصافيه سلام ليه كتير

Post: #142
Title: Re: عمر نملوز
Author: زينب التجاني
Date: 05-21-2010, 03:33 PM
Parent: #141

سلام يا نملوز
والله بوست لذيذ جدا وكل ما اقول ادخل يجى شى يعطلنى بس مستمتعة
وانشاء الله عقبال ما نسمع بيك قريب رافع اسمنا عالى
وبلمناسبة قربت للبطولة
مجرد ما الجكس لما حواليك يعنى القك ذاد
شايف شوش وفافى والبقية ستاتى ما عايزة اقول انا بنط لى زهير يقول لى جكس شنو انتى

من هسى التشجيع بادى
يلا

Post: #143
Title: Re: عمر نملوز
Author: عمر نملة
Date: 05-22-2010, 03:59 PM
Parent: #142

زنوبه الملكه
اكيد تشجيع الجكس برفع المعنويات. وكمان من زنوبه وشوش وفافي .
وصلت الان مرحلة الادمان للتمارين رغم الشغل بتمرن مرتين في اليو م، برنامج الشغل الاسبوع دا بطلع من البيت الساعه 12 ظهرا برجع البيت الساعه 11 ليلا باخد راحه ساعه وبعدها ابتدي تمرين على الشاطئ حتى الساعه الواحده صباحا برجع باخد دش وانوم الي الساعه 8 صباحا وتاني تمرين من الساعه 9 الي الساعه 10 صباحا. والعكس الاسبوع البعده بتمرن من 5 الي 7 مساء فقط لانو شغلي بيكون صباحي من 5 صباحا الي 3 ظهرا. الان سرعتي 12 كم في الساعه ومتحدي نفسي وعايز السباق القادم اصل لسرعت 15 كم في الساعه واذا وصلت هذه السرعه سوف اضاعف المجهود باذن الله سوف اصل الي سرعة 18 كم في الساعه خلال شهرين وان شاء الله بنفس السرعه اشارك في سباق نصف المارثون وبعدها ازيد التمارين الي ان اصل الي سرعة 21 كم في الساعه وسرعة بطل العالم في سباق 10 كم هي 23 كم في الساعه ودي ان شاء الله بصل ليها خلال سنتين ان شاء الله بس ربنا يدي العافيه والصحه والوقت .

Post: #144
Title: Re: عمر نملوز
Author: مبارك جادين
Date: 05-28-2010, 11:02 PM
Parent: #143

يا عمر اتمنى ان تفوز بهذا السباق
والله قاعد اقرا في البوست براي في البيت بقيت اضحك
زي المجنون الانت حاسدوا
وحكاية انصار السنة قطعت مصاريني من الضحك
سوف اعود ليكم بالطاحونة بحكايات جديدة
لكن هاك دي
السنة الكنا فيها برالمة مرة كنا في لكوظ وجايين في واحد من ازقتها
والوقت داك الكابتن ابراهيم يوسف طالع في الكفر ومقطعة على كل الفروادة
لاقني واحد شافع مصري وانا لابس بدلة واخر شياكة
طوالي راح ماسك يدي وهو يصيح
(الكابتن ابراهيم يوسف مرحب يا كابتن )
سلمت عليهو وانا ميت من الضحك


مودتي
وسير على حطا
ابيبي يكيلا
وخليفته قبرسلاسي
ولا تنسى موسى جودة
وخليفة
والكشيف

Post: #145
Title: Re: عمر نملوز
Author: عمر نملة
Date: 05-30-2010, 06:09 PM
Parent: #144

المبارك شيخ الضهر
العليك ساسكت وفتر
قلي جنيت ولادستر
واي انا المرضان مكنتر
جابو لي حكيم خير وشر
قالي يازول مرضك كتر
سببك كم شلاخا خضر

بركه وذكرياتنا

سعيد بطلتك ، وتشجيعك يدفعني لمواصلة تحقيق معجزه فريده من نوعها وهي الوصول الي منصات التتويج في سن يعتزل فيها الابطال بس عايز اثبت ان طموح الانسان اكبر واقوى من كل شئ. والله يابركه لي كم يوم داخل في عالم الجنقو مسامير الارض يااخي كتاباته زي الونسه وبتحس بالواقعيه من شخوصها واحداثها وعوالمها وهي خليط من شخوص محفوظ والصالح وماركيز والن بوتون. هي فعلا رؤيه صادقه للنظر لدواخل الشخوص ومحاوله لابراز الحريه الشخصيه. وبيرمي الكلمات الصعبه بكل سهوله صادمه. والله ماقادر احافظ على توازني وهو نفس الاحساس اول مابديت مائة عام من العزله شعور عايز ترمي الكتاب وفي نفس الوقت مكنكش فيه وبعد نهايته ماتقدر تنوم ولاتصحا.
عود لينا بالطاحونه ونفاجات القلوب وطيبة الناس واهتمامها ببعض,,,,وووو.

Post: #146
Title: Re: عمر نملوز
Author: الرشيد بابكر
Date: 05-30-2010, 06:25 PM
Parent: #145

نملوز يا حبيب

و الله يا نملوز الأيام ابتديت أعمل لي جكة و لكن ليس بغرض المشاركة في أي ماراثون و انما بغرض انزال التلاجة...
ما حأقول ليك سرعتي كم..لأني خايف تدقني زي عزو...
كلما ما آخد لي جكة يا عمر أجي راجع أقيف قدام المرايا...
يا أنا ماشي كويس...
يا المرايا بتاعتنا دي ما مظبوطة...
يا أكون مفروض أمشي أغير النضارة بتاعتي...
على أي حال لما أصل 5 كيلو في الساعة بكلمك...

نجاة لما عرفت اني بجك جابت لي علبة كبيرة بتاعت شيكولاته لما رجعت الأسبوع الفات...
شفت الحسادة دي كيف...

Post: #147
Title: Re: عمر نملوز
Author: مبارك جادين
Date: 05-30-2010, 10:48 PM
Parent: #146

يا عمر يا حبيب
شكرا على الترحيب
والذي يذكرني عمنا محي الدين فرج الله الاخ الاكبر لفتحي فرج الله لاعب المريخ والفريق القومي الكبير
والذي كان كلما راني قال هذه الابيات
عليه الرحمة

اهديك هذه النبذة من الرواية المدهشة مائة عام من العزلة

[B]المؤلف : غابرييل غارسيا ماركيز

تمثل هذه الرواية التي حازت على جائزة نوبل في الأدب عام 1982 إحدى الشوامخ في الفن الروائي الغربي قديمه وحديثه وقد برز مؤلفها كواحد من أهم أعلام الأدب اللاتيني المعاصر. في هذه الرواية يمتد الزمان ليتقلص ضمن أوراقها وسطورها حيث يحكي غارسيا ماركيز حكاية لأسرة أوريليانو على مدار عشرة عقود من الزمان، ململماً هذا الزمان باقتدار وبراعة بالغين بما فيه من غرائب الأحداث وخوارق الوقائع ودخائل المشاعر ودقائق التحليلات وعظائم المفاجآت، أتى بها لتروي قصة هذه الأسرة التي كانت الغواية هي القاسم المشترك في حياتها نساءً ورجالاً حتى امتدت لعنتها إلى آخر سليل منهم.[/B]
“عندها، وحسب، اكتشف أوريليانو أن أمارانتا-أورسولا لم تكن أخته بل خالته، وأن السيد فرانسيس دريك قد هاجم ريوهاشا لسبب واحد هو أن يمكنهم من البحث عن بعضهم، في معارج تيه الدم المتشابكة، حتى بإمكانهم إنجاب الحيوان الخرافي الذي يضع حداً للسلالة كلها…
كما أدرك أوريليانو أن ما كان مدوّناً في تلك الرقاع لا يقبل التكرار، فهو أزلي محتوم منذ بداية الوجود، وهو سرمدي سوف يظل إلى الأبد. فالسلالات التي حكم عليها القدر حكماً حتمياً، بزمن من العزلة يمتد مئة عام، لن تكون لها فرصة أخرى للعيش على وجه الأرض”.

مع غارسيا ماركيز تدخل وكقارئ عوالم ماركيز التي ماجت بها مناخات روايته. تجتاز مساحات الزمان ومساحات المكان… وآفاق الإنسان المترعة بتجاربه التي أغناها ماركيز بالمعاناة الإنسانية المنسحبة على أجيال. وأثراها بالخيال الجامح الذي يجعلك في حلم تصحو منه لتجد أنه وعلى الرغم من سمة العزلة التي تسحب عليها، حتى اختارها لها كاتبها اسماً، وعلى الرغم من الحتمية التي ينظر بها المؤلف للأمور من زاويته، تصحو لتجد سطور الرواية أشبه ما تكون بالحياة: شائعة وشائكة، بسيطة ومعقدة، متفائلة ومتشائمة، حلوة ومرة، إنها ككل الأدب الرفيع، جديرة بأن تقرأ، وككل الحياة تستأهل أن تعاش

Post: #148
Title: Re: عمر نملوز
Author: كمال الشادي
Date: 05-31-2010, 08:25 AM
Parent: #147

نملوز
كنت بتكلم امبارح تلفونيا مع الرشيد بابكر
نصحني ( نصيحة طبية ) إنو أكلمك تلفونيا
وسوف اعمل بنصيحته
لانو عندو موضوع حسب كلام الرشيد
الحل والربط عندك
يا جاكي

سوف اتصل بك قريبا
تحياتي

Post: #149
Title: Re: عمر نملوز
Author: عمر نملة
Date: 05-31-2010, 08:36 AM
Parent: #148

ابو امنيه
أول الميل خطوه والسرعه ملحوقه اول حاجه اكسر حاجز عدم الرياضه وبعدها تصل مرحلة المواظبه وخلي بالك لازم الجزمه تكون للجري، اول ايام بديت بجزمه مسطحه عملت لي مشكله بسيطه في الركبه بس الحمد لله اكتشفت الموضوع مبكر. وحاول دخل البقيه معاك نجاة وامنيه ومهند وربنا يديم عليكم الصحه والعافيه.

Post: #150
Title: Re: عمر نملوز
Author: عمر نملة
Date: 05-31-2010, 09:24 AM
Parent: #149

بركاتنا
شوف ماركيز بيقول:

لو وهبني الله حياة أطول لكان من المحتمل ألا أقول كل ما أفكر فيه، لكنني بالقطع كنت سأفكر في كل ما أقوله.
كنت سأقيّم الأشياء ليس وفقاً لقيمتها المادية، بل وفقاً لما تنطوي عليه من معان.
كنت سأنام أقلّ، وأحلم أكثر في كل دقيقة نغمض فيها عيوننا نفقد ستين ثانية من النور ، كنت سأسير بينما يتوقف الآخرون . أظل يقظاً بينما يخلد آخرون للنوم ، كنت سأستمع بينما يتكلم الآخرون . كنت سأستمتع بآيس كريم لذيذ بطعم الشكولاتة .
لو أن الله أهداني بعض الوقت لأعيشه كنت سأرتدي البسيط من الثياب ، كنت سأتمدد في الشمس تاركاً جسدي مكشوفاً بل وروحي أيضاً .
يا إلهي ... لو أن لي قليلاً من الوقت لكنت كتبت بعضاً مني على الجليد وانتظرت شروق الشمس .
كنت سأرسم على النجوم قصيدة "بنيدتي" وأحلام "فان جوج" كنت سأنشد أغنية من أغاني "سرات" أهديها للقمر ، لرويت الزهر بدمعي ، كي أشعر بألم أشواكه ، وبقبلات أوراقه القرمزية .
يا إلهي ... إذا كان مقدراً لي أن أعيش وقتاً أطول، لما تركت يوماً واحد يمر دون أن أقول للناس أنني أحبهم ، أحبهم جميعاً ، لما تركت رجلاً واحداً أو امرأة إلا وأقنعته أنه المفضل عندي ، كنت عشت عاشقاً للحب .
كنت سأثبت لكل البشر أنهم مخطئون لو ظنوا أنهم يتوقفون عن الحب عندما يتقدمون في السن ، في حين أنهم في الحقيقة لا يتقدمون في السن إلا عندما يتوقفون عن الحب .
كنت سأمنح الطفل الصغير أجنحة وأتركه يتعلم وحده الطيران كنت سأجعل المسنين يدركون أن تقدم العمر ليس هو الذي يجعلنا نموت بل : الموت الحقيقي هو النسيان .
كم من الأشياء تعلمتها منك أيها الإنسان ، تعلمت أننا جميعا نريد أن نعيش في قمة الجبل ، دون أن ندرك أن السعادة الحقيقية تكمن في تسلق هذا الجبل ، تعلمت أنه حين يفتح الطفل المولود كفه لأول مرة تظل كف والده تعانق كفه إلى الأبد ، تعلمت أنه ليس من حق الإنسان أن ينظر إلى الآخر ، من أعلى إلى أسفل ، إلا إذا كان يساعده على النهوض ، تعلمت منك هذه الأشياء الكثيرة ، لكنها للأسف لن تفيدني لأني عندما تعلمتها كنت أحتضر

Post: #151
Title: Re: عمر نملوز
Author: كمال الشادي
Date: 05-31-2010, 11:29 AM
Parent: #150

عمر يا ظريف
كتر خيرك في تلفونك الرائع الليلة الصباح ده
خليت الصباح ليهو طعم تاني
تعرف بعدها شديت تلفون لي ميسرة في جده وجبنا سيرتك في الزقازيق
وإتفقنا نفتش صورك القديمة كلها نطلعها
لكن ميسرة قال لي ما تتعب نفسك كتير في صورك
الزول ده كان في الزقازيق مشتري الركن البعيد الهادي براهو
لك التحية وإنت جاكي وإنت واقف وإنت تستعد للجكة

أرسل لي على الايميل خلينا نشوف التفاصيل
تحياتي
كمال الشادي

Post: #152
Title: Re: عمر نملوز
Author: قيس جمال الدين
Date: 05-31-2010, 11:12 PM
Parent: #100

عشنا و شوفنا يا زناتي بأنو الناس تأكل سمك عشان تجك بيهو !!!!!!

يا نمله ... يا عب و الله لقيتها ... تتضرع و تجك و ما سائل في بلجيكي و لا ميكانيكي ..

بالمناسبه أنا كنت في المانيا قبل إسبوعين في مدينه إسمها كوكسهافين علي بحر الشمال لو عارفك قريب كدا كان غطست و جيتك بي هناك ...

تحياتنا و مشتاقين ...

بعد الشعرات القالها كمال الشادي دي ... + الجكات مفروض تلعب كوره ... عشان تكون نملوزدينو ...

Post: #153
Title: Re: عمر نملوز
Author: كمال الشادي
Date: 06-01-2010, 07:43 AM
Parent: #152

نملوز الظريف
امبارح كنا بالليل عند احمد عوض بعد خروجه من المستشفي
وكان موجود قيس جمال الدين وموسى عيسي وشلة كبيرة جدا
وجبنا سيرتك
بالخير طبعا
مع التحية

Post: #154
Title: Re: عمر نملوز
Author: أبوبكر حامد الأمين
Date: 06-01-2010, 06:03 PM
Parent: #153

Quote: ( يابكري بكون ماعايز اجيب سيرتك بس انت مشاركني كل حياتي).


حبيبنا عمر زقلة ، أقصد عمر نملة .... شوق ومحبة .. فى مدنى شارع القبة.

ياخى أول بى التبادى إذنك معاك .... الله لاجاب بيناتنا زعل ، أسمع الكلام ده لايؤخذ على إطلاقه لأنى عارفك ممكن تنكت حاجات ما أنزل الله بها من سلطان ، مثل حكاية الطاووس يوم أن كنا جلوساً جوار زاوية الختمية وناديته أنتَ بكنية لايحبها ، إلتفت وتساءل بصوته الجهورى : القال الكلام ده منو ، فكانت إجابتك ياشقى الحال : ده ود الماذون ، فصاح الطاووس بأعلى صوته : ود الماذون ..... أمّك ، لم يكن بمقدورى الرد حينها لأن الشارع كان مكتظاً بالمارة سواء الخارجين من الصلاة أو الواقفين عند بقالة الجرّارة ، وكان العزاء والسلوى حينها حديث رفع القلم عن ثلاث ، وها قد إجتمع لدىَّ إثنين من نفس الفئة.

تعرف يانملة حكاية مشاركتى ليك كل حياتك دى بترجعنى لى أيام مدنى الأهلية (أ) المتوسطة مروراً بمدنى الثانوية والزقازيق والدافورى ، لاحول الله يا نملة ، تعرف أسهل لى التفوق على صاحبك الأرترى فى الماراثون من حكاية رصد تفاصيل ذكرياتنا.

يازناتى برجع ليك بى حكاوى عن محمدو ، بس والله البادى بالغ لما قارن بينى وبين محمدو ، على اليمين أنا لو لبستَ وش الملاح ألذ من محمدو وهو لابس قناع هانى شاكر أو حتى هانى برعى ، قلتَ لى يا نملة عزو قال بيرمى أخوهو ، أها من دربى ده ماشّى أرمى الكمبيوتر من البلكونة ومعاهو الباسوورد ، والله يابادى تانى تقول كده أحرِّش ليك الطاووس ، على قول هاشم صديق : متى تأتى القيامة؟؟؟

Post: #155
Title: Re: عمر نملوز
Author: مبارك جادين
Date: 06-01-2010, 10:19 PM
Parent: #154

يا نملوز احبكم واحب جدادكم كما يقول اخوي الفاتح
حسه يجيك جلا يقول دي واحدة من عباراته
يا اخي ماركيز دة واحد مننا
اول كتابة قراته كان مائة عام من العزلة
هذا كان في ثمانينات القرن الماضي
ولكن حتى كتابة هذه الكلمات لاتزال الدهشة تتملكني
من هذا الكتاب
وترجمة صالح علماني المدهشة
انها الواقعية السحرية في ازهى صورها
مودتي واعود مرة اخرى لماركيز

Post: #156
Title: Re: عمر نملوز
Author: عمر نملة
Date: 06-02-2010, 08:18 AM
Parent: #155

الشادي مهدي الحب
والله انا فرحان بسماع صوتك ( والله قايلك سعودي) ولو بتفتش لصوره يمكن الزول الوحيد يكون سرق لي صور في ايام الزقازيق شقيق وئام الصغير وصال وكانت رحله في الاهرامات اما الصوره الثانيه بستلم كاس الخريج لتنس الطاوله سنة 90 والثالثه في يوم تخريج الطبال مع عبد المجيد عيسى. تخيل صوري بتتعد على الاصابع. وبرجع بمهله برسل ليك على الايميل لانو نفسي مقطوع من الجري(الشغل-التمارين- ...)

Post: #157
Title: Re: عمر نملوز
Author: عمر نملة
Date: 06-02-2010, 08:28 AM
Parent: #156


قيس جما دينا
والله ليك وحشه والله زعلت لما عرفت انك كنت على بعد انمله من نمله بالغت اديل كدا على العموم موجود تلفوني وعنواني ومرحب بيك ومرحب بكل ناس حسنعيسا . وانت بس انتظر وبكره بتقول بطل العالم دا صاحبي ( عليك الله ما مبالغه عايز اصل لمنصات التتويج بعد الاربعين والمورده)
اسمع دي
بيتنا في مدني مطل على شارع مدني الخرطوم مع تقاطع مدني سنار يعني اغلب الحافلات بتوقف عشان تنزل او تاخد ركاب المهم عندي هوايه لذيذه هي اني بنتظر اول ما الحافله تتحرك وبضرب اي واحد من الركاب وبطلع ليه لساني مهم يوم راكب في دفار داخل الموقف الرئيسي اشوف ليك واحد مفتل جاني وقال لي : اسمع انت ليه بتضرب الناس في الحافلات؟ قلت ليه: رجاله وانت لو عندك رجاله اعملا معاي لما ننزل طبعا كل الناس مندهشه وحتى صاحبك ماقادر يصدق وقال لي : تمام ، واول ما الدفار قرب يوصل الموقف السواق قبض فرامل عشان ينزل من الشارع عليك امان الله انا جاري لليله والدفار كله يضحك.

Post: #158
Title: Re: عمر نملوز
Author: عمر نملة
Date: 06-02-2010, 08:30 AM
Parent: #157

جميل الدواخل بس بكا
شفقتنا عليك وقلت الراجل مشا الخلاء على العموم حسب الوعد مافي تجاوز لاي خط من الخطوط واقلب ليك على البادي
يوم عيد اضحى صاحبك البادي لابس جلابيه وعمه وشال وشايل عصايه ومعاه الصبي محمدو ولافين يباركو العيد المهم عند احد الازقه شافهم طفل صغير صاح باعلى صوته : يامه حدانا عمده

Post: #159
Title: Re: عمر نملوز
Author: عمر نملة
Date: 06-02-2010, 08:38 AM
Parent: #158

بركات
والله كمان بتعجبني مذكرات ماركيز وفيها واحده منها بيحكي عن امه وقال: بعد غياب طويل من امي رجعت الي بيتنا دون ان اعلمها فوجدت الباب مفتوح وتنبعث من المطبخ رائحة طعامي المفضل وكانت المفاجاه ان سمعت صوت امي تنادي علي وتقول: جابريال حبيبي كنت متاكده انك سوف تصل في هذه الساعه ولذا اعددت لك ماتحب!!!
يعني يابركه مسالة الكتابه والشعر حتى الكاتب والشاعر مابيكون عارف من وين الملكه دي هل هي فطريه او مكتسبه ، مره كنا بتناقش مع احد الشيوخ عن العلم المكتسب والعلم الموهوب ودار الحوار على ان البدايه نقطه تتفرع منها المعرفه . وكان مركز على ( وعلم آدم الاسماء كلها )بمعانيها وصفاتها وان العلم يوتئ ،( وما اوتيتم من العلم الا قليلا).

Post: #160
Title: Re: عمر نملوز
Author: محمد العبيد
Date: 06-02-2010, 03:35 PM
Parent: #159

البطل عمر النملة

والله مشتاقين

وبن كنت مخبي المواهب دي كلها

اكيد ما كنت لاقي الوقت ولكل مقام مقال

للامام بطل وربنا يوفقك

Post: #161
Title: Re: عمر نملوز
Author: مبارك جادين
Date: 06-02-2010, 07:19 PM
Parent: #160

يا نملوز طبعا زي ما قلت ليك كان اول اقتراب لي من ماركيز رواية مائة عام من الغزلة
لكن قرات بعد داك خريف البطريريك فايقنت ان مائة عام لم تكن بنت صدفة ولكن هذا كاتب مبدع
وكما درج الناس للاحتفاء برواية المرحوم الطيب صالح موسم الهجرة الي الشمال احتفيت انا بمريود وبندر شاه اكثر من الموسم
وكذلك اندهشت من الخريف اكثر من مائة العزلة لذلك انظر الي مقتطع من الفصل الاول من تلك الرواية .


أثناء عطلة نهاية الأسبوع اقتحمت النسور قصر الرئاسة ، متسللة عبر كوى فتحتها بمناقيرها في القضبان الحديدية المشبكة فوق الشرفة ، فحركت برفيف أجنحتها زمان القصر الراكد. ومع طلوع فجر يوم الإثنين نفضت المدينة عن عينيها سبات عدة قرون ، واستيقظت على نفحة رقيقة دافئة تنثال من بقايا ذكرى ذلك الكبير الذي قضى وتلك الأبهة التي بادت.
حينئذ فقط ، تجاسرنا على دخول القصر ، وخلافا لتوقعات معظم الذين رسموا الخطة ، لم نكن بحاجة إلى دك الجدران المكينة الآخذة بالتفتت ولا إلى تحطيم البوابة برؤوس الثيران المكدونة ، خلافا لمقترحات آخرين . إذ انخلعت المصاريع المصفحة الثقيلة بدفعة من أول الداخلين ، وكانت من قبل قد استعصت على منجنيق "وليم دامبيه" خلال عصر البطولات الغابرة.
في الداخل خيل إلينا أننا عبرنا إلى زمن آخر : فالهواء يبدو أقل كثافة ، والصمت أكثر رسوخا ، في الردهات الدارسة لهذا المعقل الحكومي الرحب. وبدت الأشياء غائمة الصورة من جراء سوء الإضاءة .. وعبر الفناء الخارجي ، حيث تشقق البلاط عن أعشاب طفيلية ، رأينا مربض الحراس الذين هربوا، يغرق في الفوضى ، وشاهدنا أسحلتهم مهجورة في الخزائن ، وعلى المائدة الخشنة الملمس الفارعة الطول ، أطباق ما زال فيها بقية من طعام غداء يوم الأحد ، الذي قوطع بسبب موجة الذعر الداهمة . وتحت ذؤابة ضوء باهت رأينا مكتب الخدمات والشكاوى ، وفيه نبتت زنابق شاحبة وفطريات بين عرائض الالتماس التي لم تنجز دراستها بعد ، بسبب روتين كان أبطأ من دبيب الحياة في الباب ، وفي وسط الفناء ، شاهدنا مذبح المعمودية ، الذي شهد تعميد خمسة أجيال متعاقبة قرابين نزوات عرفية . أما في قاع الفناء فقد رأينا إسطبل حكام الولايات ، وقد تحول إلى مرآب للعربات ، وبين أزهار الكاميليا والفراشات المحومة ، شاهدنا سيارة ترقى إلى عصر الصخب المدوي ، وعربة ترقى إلى عصر تفشي وباء الطاعون ، ومركبة عام ظهور النجم المذنب ، وعربة نقل الموتى التي وضعت في السير على إثر تطور بنية قوانين القمع ، وسيارة "الليموزين" المجهزة بمقصورة للمنامة ، والعائدة إلى القرن الأول للسلام ، وكانت كل هذه الأياء بحالة جيدة ومطلية بألوان العلم الوطني ، وقد نسج فوقها العنكبوت شباكه الغبراء.
وفي الفناء الثاني ، وخلف أسلاك معدنية مشبكة ، كان قمر أغبر يضيء شتلات الورد التي كان يرقد في ظلالها المصابون بالجذام في زمان عز القصر، حتى إذا هجرها الجميع ولم يعتن بها أحد ، راحت تتكاثر ، فعبقت رائحتها في كل فجوة خالية في الجو ، واختلطت برائحة نتنة وافدة من طرف الحديقة المقابل.
وبتنانة قنّ الدجاج، ورائحة روث الأبقار ، وتخمر بولها وبول الجنود الذين استعمروا القلعة قبل أن تتحول إلى اسطبل لتربية الأبقار الحلوب.
وفيما نحن نشق طريقنا عبر دغل كثيف ، كنا نشاهد شرفات الرواق المعقودة والمغطاة بالقرنفل ، وأوراق "الاستر وملياس" . كما شاهدنا مقاصير الجواري تغطيها نباتات معرشة ، ولما رأينا قطع الأثاث المتنوعة وآلات الخياطة العديدة ، أدركنا أن أكثر من ألف محظية قد عشن في هذا المكان مع العديد من أطفالهن المجهولي الآباء. وفي المطابخ آثار فوضى العراك الذي كان ينشب بينهن ، وفي سطول ، تحت الشمس ، غسيل متعفن . وكانت فتحة مرحاض الجنول والمحظيات المشترك مفتوحة بلا غطاء.
وشاهدنا في المؤخرة صفصافا باليا استقدم بحرا من آسيا الصغرى ، شجرا كاملا بجذوره وترتبه ، وجذوعه ، وأوراقه المغطاة برذاذ الندى ، في أحواض من الزجاج .. وخلف الصفصاف تبدى مركز الموظفين المدنيين الحرب مغلفا بمسحة من الكآبة . وعبر أطر نوافذه الملثمة كانت النسور تواصل التسل.
لم نكن بحاجة إلى خلع البوابة ، كما كان مقررا ، ذلك أنها بدت قابلة للفتح بمجرد تعرضها لضغط الصوت! مما سهل صعودنا إلى الطابق الأول عبر درج حجري مفروش بسجادة استقدمت من دار الأوبرا، بدت رثة بالية لفرط ما داستها الأبقار باظلافها ، وفي بهو يقول إلى غرف النوم ، شاهدنا غرف المكاتب ، وصالات الاستقبال الرسمية خاوية إلا من الأبقار ، تذرعها جيئة وذهابا ، وتأكل مخمل الستائر وتجتر ساتان الأرائك دون مبالاة . كما شاهدنا لوحات رسمت في زمن البطولات ، تمثل قديسين ومحاربين ، ملقاة بين حطام الأثاث وبقع لزجة من روث البقر . ورأينا صالة الطعام أتت عليها الأبقار وطاولات الزهر والدومينو محطمة ، حتى مائدة البليار نهشتها الأبقار! ورأينا المراح مهجورة في أحد الأركان ، وهي التي طالما وفرت لسكان هذا المكان مزايا دولاب الهواء ذي الأضلاع الأربعة كي يكون بمقدورهم سلوان البحر ، وأبصرنا أقفاص الطيور معلقة هنا وهناك وكل منها مغطى بقماش "الكرتون" الكتاني الذي كان ، لليال خلت من ليالي الأسبوع الفائت ، يهدهد بفيئه نوم الطيور . وعبر النوافذ التي لا حصر لعددها رأينا في الخارج وحش المدينة مستسلما لسكينة يوم الإثنين التاريخي ، التي بدأت تخيم عليه . ووراء المدينة أبصرنا رمادا قمري اللون بذرات كبيرة انثالت عن فوهات البراكين الخامدة التي تحف بالسهل المترامي إلى ما لا نهاية ، حيث أنشئت بحيرة من قبل ، في هذه البقعة الحصينة ، وكانت محظورة لا يرتادها إلى قلة من المحظوظين ، من أصحاب الامتيازات.
وفجأة، شممنا رائحة أجساد النسور وهبت عليها ثانية نفحة من غريزة التوثب المعهودة فيها ، وقادنا رفيف أجنحتها المنفوشة إلى قاعة المؤتمرات ، حيث جيف الأبقار ، وقد نخرتها الديدان ، فانكشفت عرواتها وواجهتنا بآلاف الصور تتكرر عبر المرايا الجدارية الكبيرة.
**
دفعنا مصراعي باب جانبي فافتحا على مكتب سري ، وهناك رأيناه ، هو، ببدلة من الكتان منزوعة النياشين ، ومنتعلا جزمته ذات المهماز الذهبي على كاحل ساقه اليسرى . بدا وكأنه أكبر المخلوقات المعمرة ، في اليابسة والماء ، سنا . كان ممددا على بلاط أرض ذلك المكتب متوسدا ذراعه ، تماما كما كان ينام كل ليلة من ليالي عمره المديد ، كطاغية أوحد . قلبنا الجثة وتفرسنا في الوجه ، فأدركنا استحالة التعرف إلى سحنته . على الرغم من أن النسور لم تكن قد نقرت وجهه وعينيه بعد ، ذلك أنه لم يسبق لأحد منا أن رآه من قبل . ولئن كانت صورته قد رسمت جانبية على وجهي العملة ، وعلى الطوابع البريدية ، وشهادات الحجر الصحي ، والأحزمة الواقية من الفتاق ، وكان تمثاله النصفي الذي يتقاطع على صدره العلم الوطني والتنين الذي اتخذ رمزا للوطن ، معروضها في كل مكان وعلى امتداد ساعات النهار والليل ، فإننا كنا متيقنين من أن الصورة والتمثال ليسا سوى نسخ طبق الأصل عن سحنته كما كانت في زمن النجم المذنب ، عندما كان آباؤنا يعرفون حقيقته نقلا عن آبائهم الذين نقلوا بدورهم عن آبائهم ، فاعتقدنا منذ ذلك الحين أنه كائن حي في قصر السلطة ، وبنينا اعتقادنا على ما نقل إلينا بالتواتر من أن واحدا من الناس شاهد المصباح البعيد المدى مضاءً ذات ليلة معلنا عن حفلة تقام في القصر ، أو على رواية يزعم راويها أنه رأى عبر هودج عربة الرئاسة المزخرف ، العينين الكئيبتين ، والشفتين الشاحبتين ، وأبصر اليد البلهاء تلوح راسمة إشارة التحية في الهواء. ونقل إلينا أنه في ذات يوم من أيام الآحاد الموغلة في التاريخ ، جيء بالأعمى الجوال إلى حضرته فألقى عليه أبياتا للشاعر المنسي "روبين داريو" مقابل "خمسة سانتافو" وعاد بعدها سعيدا بقطعة النقود ، التي كسبها مقابل الإنشاد في حضرة الجنرال الذي لم يبصره حتما ، لا لأنها كان أعمى فحسب ، بل لأن أحدا لم يلمح له وجها منذ سنة الكوليرا.. بيد أن الاعتقاد السائد مجمع على أنه كان يعيش فعلا في القصر . ذلك لأن الزمان كان يتواصل ، وكانت الحياة تتواصل ، والبريد يصل بانتظام ، وكانت جوقة البلدية تثابر كل يوم سبت على عزف مقطوعات الفالس الشعبية تحت أشجار النخيل المغبرة ، على ضوء القناديل الخافتة في ميدان العرض . وكلما مات موسيقي في الجوقة كان يحل محله آخر من الموسيقيين المحترفين .
وفي الأعوام الأخيرة لم نعد نسمع أصواتا بشرية ولا تغريد طيور في الداخل ، وأوصدت البوابات المصفحة طويلا ، غير أننا كنا على يقين من أن ثمة أحدا ما في البيت الوطني ، إذ كنا نبصر في الليل أضواء تشبه أنوار المنارة البحرية تتلألأ من خلال النوافذ المطلة على الميناء ، وأفاد الذين تجاسروا واقتربوا من البيت ، أنهم سمعوا جلبة أظلاف وهمهمة حيوان كبير خلف الجدران الحصينة ! ولمحنا ذات مساء من شهر كانون الثاني ( يناير ) بقرة تحدق في الغسق من على شرفة القصر، تصوروا : بقرة في الشرفة الوطنية !! يا للقذارة! ياله من أمر فظيع ! وغرقنا في التأويلات.. أجل كيف تستطيع بقرة أن تعبر إلى شرفة ؟ وكلنا يعرف أن الأبقار لا تتسلق السلالم الحجرية، فكيف إذا كانت مفروشة بالسجاد! وكدنا بعد ذلك نكذب عيوننا، وملنا إلى الاعتقاد بأننا كنا في حلم حينما خيل إلينا أن بقرة تخطر على شرفة القصر ، حيث لم يشاهد من قبل مخلوق ، ولم يكن متوقعا أن يشاهد مخلوق إلى الأبد ، لولا أن حل فجر يوم الجمعة من الأسبوع الفائت ، فبدأت طلائع النسور تصل آتية من أوكارها في جدران مأوى العجزة المعوزين حيث كانت ترقد في سبات عميق منذ الأزل . وبعضها كان يأتي من ظلمات المأوى ، فتصل سربا بعد آخر تحلق فوق بحر غبار يغطي سماء السهل المترامي هناك،حيث أنشئت البحيرة ذات يوم وظلت تلك الأسراب تحوم طوال يوم كامل ، في دوران بطيء حول بيت السلطة ، إلى أن أصدر فيها ملك للنسور ، متوج بإكليل وعرف أحمر ، أمره السري ، فسمعت قرقعة زجاج يتحطم ، وصرير ريح ذلك الميت الكبير المقام!
دخول النسور وخروجها من النوافذ ، يعني أن البيت فقد منعته ونفوذه فشجعنا ذلك على أن ندخله بدورنا ، فرأينا أطلال العز البائد في المعقل المقفر ، وفي الجسد المسجى ، والكفين الناعمتين ، ككفي امرأة يزينهما خاتم السلطان في البنصر .. كان جسده يتفتق عن بثور صغيرة ، وعن طفيليات تشبه الحيوانات التي تعيش في أعماق البحر ، تتركز تحت الإبطين فوفي ثنايا الفخذين. وضمادة من القطن تلف فتقا في جراب خصيتيه ، اللتين لم تنهشهما النسور ، رغم أنهما متورمتان ككليتي ثور.
حتى هذه اللحظة لم تؤاتنا الجرأة على أن نجزم بحقيقة موته. إذ أنها المرة الثانية التي يشاهد فيها على هذه الصورة في مكتبه ، مرتديا ملابسه ومسجى كميت ، ثم يتبين أنه يغط في النوم ، محققا مصداقية نبوءة العرافين الذين كشفوا طالعه في مياه جفناتهم الراكدة ، ولما كانت أول مرة اكتشف فيها على هذه الصورة في مطلع خريفه ، وكان الشعب لمايزل آنذاك ينبض بقدر من الحياة كاف لجعله يترقب الموت يأتيه ، حتى في مخدعه . بيد أنه واصل الحكم كما لو أنه يعيش أبدا.
لم يكن قصره شبيها بقصور الرؤساء ، بل كان أشبه ما يكون بسوق مكتظ بالجنود والوصفاء يأتونه حفاة بسلال الخضار وصناديق الطيور الداجنة ، يملؤون بها الأروقة . وبنساء ثرثارات يأتين بأطفالهن الجياع ينامون على وجوههم فوق جرجات القصر حالمين بالإحسان . وكان على رواد القصر أيضا تحاشي المياه الوسخة تسكب من أواني الزهور الليلية عندما تفرغها جواري السلطان ويملأنها ثانية بزهور النهار. وهن يرددن أغاني الحب الموهوم على إيقاع عيدان ينفضن بها ، فقط السجاد من على شرفاتهن..كل ذلك كان يختلط في القصر بثرثرة الموظفين الذين جلسوا ينتظرون أن تأتي "الدجاجات" لتضع بيضها في أدراج مكاتبهم ، وبتأوهات الجنود والعاهرات يمارسون الحب في المراحيض . وبجلبة الطيور ،و عراك الكلاب الضالة في قاعة المؤتمرات . ولم يكن بمقدور أحد أن يعرف سببا كافيا لوجوده أو لوجود سواه، في هذا القصر المشرع لهذه الفوضى ، التي يستحيل معها على الوافد أن يحدد مركز القرار .
وكان سيد القصر لا يكتفي بالمشاركة في هذا الكرنفال الحزين فحسب ، بل كان يحرص عليه ويقوده : فما أن تضاء مصابيح غرفة نومه ، حتى يقرع نفير الحرس الرئاسي معلنا نوبة الفجر قبل صياح الديكة ، فتستنفر ثكنة "ديل كوندي" المجاورة استعدادا للنهار الجديد ، ومنها تعطى إشارة بدء النهار إلى قاعدة "سان خيرونيمو" ، التي تعطي بدورها الإشارة إلى قلعة الميناء ،التي تقرع نفيرها تكرارا ست مرات متعاقبة فتستيقظ المدينة أولا ، ثم البلاد بأسرها ، بينما يتباطأ هو ، في سريره يراقب خصيتيه المتورمتين ، محاولا أ، يوقف الطنين المدوي في أذنيه ، ليراقب بعد ذلك انعكاس أنوار البواخر في صفحة البحر الفيروزية التي لا تهدأ على حال ، والتي طالما ألهمت الشعراء قصائدهم الرومانسية في عصور الرخاء .
وكان يحدد بنفسه كميات الحليب المخصصة للجنود في ثكناتهم ، فتنقلها إليهم عربات الرئاسة الثلاث . ثم يتناول قهوته مع فطيرة بالبيض ، دون أ، يفكر إلى أين ستقوده نزوات اليوم الجديد ، بل يكتفي بالإصغاء إلى ثرثرة الخد وأهل المنزل ، فيبادلهم ثرثرتهم ، ويثني على تملقهم وهو يعرف أنهم يكذبون ، وقبيل التاسعة كان يدلف إلى الحمام العابق بالأبخرة المضادة للفطريات الباكتيرية ، فيستقر طويلا في قاع حوض من الصوان ، أنشئ في باحة الحمام المظلل بأشجار اللوز . وبعيد الحادية عشرة فقط ، كان يتهيأ لمواجهة المصادفات ، بعد أن يكون قد سيطر على انفعالاته الصباحية.
أما في الماضي ، وفي مرحلة احتلال المارينز للبلاد ، فقد كان ينزوي في مكتبه حيث يقرر مصير الوطن بالتنسيق مع قائد قوة الإنزال البحرية. ويوقع المراسيم والتعاميم بصما بإبهام يده اليمنى . لأنه لم يكن يحسن القراءة ولا الكتابة .. وعندما ذهب المارينز وخلفوه وحيدا ، في مواجهة أعباء حكم الوطن ، كف عن تبرمه المعتاد بالقوانين المكتوبة التي يعتبرها مجرد سخافات ، وراح يحكم بنفسه . وحل صوته الأجش محل القانون ، في كل مكان وزمان . وبدا مهووسا بالتفاصيل الثانوية ، حريصا على المال بالقياس إلى من هم في عمره ، متذمرا من العميان والمصابين بالجذام والمشلولين الذين كانوا يحتضرون على بابه ضارعين يطلبون ملح البرء على يديه ، ومنزعجا من السياسيين المتعلمين يأتونه متملقين ويبايعونه قائدا أعلى للزلازل وللكسوف والخسوف ، والسنين الكبيسة ، وكل مفارقات الطبيعة الأخرى ، فيجر أذياله في أنحاء القصر مثل فيه يخبط في الثلج ، ويحل قضايا الدولة بمثل البساطة التي يحل بها مشاكل الخدم ، عندما ينهرهم آمرا : "انزعوا هذا الباب من هنا." فيرفع الباب.. "ركّبوه هنا" فيركّب.. "أرجعوا عقارب ساعة الحائط إلى الوراء، عليها أن لا تعلن منتصف النهار عند الساعة الثانية عشرة ، بل عند الثانية ، كي تبدو الحياة أطول" وتؤخّر عقارب الساعة للتو ودون تردد.. فقط ساعة الموت لا تتأخر ، وساعة القيلولة حيث كان يلوذ بفيء محظياته ، ويقع اختياره على إحداهن ، فيثب فوقها دون أن يقفل الباب عليهما ، فلا يعريها ولا يتعرى ، ويتناهى إلى الجميع لهاث الحرام الصارخ وهرير المهماز الذهبي ، وعويل كعويل جرو صغير ، وذعر المحظية التي كانت تتشاغل عن مضاجعته محاولة صرف نظر أطفالها المستائين فتصرخ فيهم : "اغربوا عني ، اذهبوا والعبوا في البهو ، هذه ليست فرجة للأطفال"، ثم يخفت الصراخ ، كما لو أن جناحي ملاك رفرفا في سماء الوطن ، ويتوقف سير الحياة ، والجميع في ذهول ، كل يضع سبابته على شفتيه ، وقد حبس أنفاسه ، ويخيم الصمت ، فيطلق الجنرال طلقته . بيد أن اللواتي كن يعرفن حقيقته لم يكن يتوقعن خيرا من هدنة اللحظة المهيبة ، فالرجل كان دوما مزدوج الشخصية، ففي حين يرى في صالة الجلوس يلعب الدومينو عند الساعة السابعة مساء ، يشاهد ، في الوقت نفسه. يوقد النار في روث البقر المجفف ليطرد البرغش عن قاعة المؤتمرات.
لم يكن أحد في القصر يمني النفس بالنجاة من أوامره ونواهيه المرتجلة ،ما دامت نوافذ غرفته لم تطفأ بعد ، وما لم يسمع الجميع قرقعة الرتاجات الثلاثة ، وصرير المزاليج الثلاثة ، وجلبة الدعامات الثلاث ، التي كانت تحصّن باب حجرة النوم ، وما ل يسمعوا ارتطام جسده المنهوك عندما ينهار على أرض الحجرة ، وتنفسه المحموم كتنفس طفل متوتر ، يزداد ارتفاعا كلما ارتفع المد البحري وتطاول حتى اللحظة التي تحجب فيها قيثارات الرياح الليلية طنين الصراصير في طبلتي أذنيه ، وتجتاح موجة الماء المزبد الأزقة العتيقة ، في مدينة حكام الولايات والمغامرين والقراصنة ، وتتدفق طوفانا في البيت السلطاني ، في ذات يوم سبت من شهر آب (أغسطس) . حيث ارتطمت الحيوانات البحرية بالمرايا التي عكست صورها أضخم مما هي عليه في الواقع ، وسقطت قاعة المؤتمرات تحت رحمة أسماك القرش الهائجة ، فجرفته المياه إلى أعلى ارتفاع عرفته محيطات ما قبل التاريخ ، فطفا على وجهه فوق الأرض ، وفوق السماء ، وفوق الزمان ، ووحده ظل يطفو فوق سطح مياه أحلامه القمرية ، أحلام غريق مستوحش ، ببزة جندي كتانية ، وجزمة جلدية ذات مهماز ذهبي . وبساعده الأيمن الذي ثناه تحت رأسه كالوسادة.
***


Post: #162
Title: Re: عمر نملوز
Author: عمر نملة
Date: 06-03-2010, 10:27 AM
Parent: #161

ود العبيد الرائع
تسلم على التشجيع ومازلت مواصل تتدريبات استعداد لسباق اخر يوم 26-06-2010 بمدينة خييل البلجيكيه وان شاء الله اكسر حاجز ال 45 دقيقه لمسافة 10 كم. وان شاء الله تكون مواصل تمارينك الرياضيه.
اسمع دي
في سنه رابعه دخلنا امتحان اقتصاد زراعي وكان ماده حلوه زي ناس زراعه يعني بدون مسائل وكل المنهج عن مشاكل الزراعه المصريه والتوسع الراسي والافقي والميكنه الزراعيه المهم كنا بنقول مابنرضى غير ممتاز. دخلنا الامتحان واول مافتحت الورقه كنت قايل دا امتحان سنه تانيه لانهم ممتحنين معانا في نفس القاعه. بعد شويه اسمع ليك فائز رمضان بيقول : الدكتور دا جاب الامتحان دا من وين؟ واحد مصري رد وقال: من عند حماته.

Post: #163
Title: Re: عمر نملوز
Author: عمر نملة
Date: 06-03-2010, 10:29 AM
Parent: #162

بركه
عارف كلامك انه ماركيز من عندنا ما بقدر افتي فيها الا اسال حاتم جباره لانه مختص بالشئؤن اللاتينيه.
اسمع دي مره بنشاهد في كوره العراق ضد السعوديه. كل السودانيين قبل المباره قالوا بنشجع العراق. المهم المباره ابتدت وفريق السعوديه كل من دمنا الدعيع وصحبه ، اسمع ليك واحد سوداني بيقول: اسمعوا ياجماعه والله انا سياسيا كنت بشجع العراق بس انا الان اجتماعيا بشجع السعوديه.

Post: #164
Title: Re: عمر نملوز
Author: محمد صديق
Date: 06-04-2010, 08:11 AM
Parent: #163

سلامات يا ناس

سلام نملوز سلام

كامل الدعم والمؤازرة ...

لكن ناس 500 متر و1500 ديل بتصلم متين

بتخيل فى ود المأذون لابس لبس العدائين داك الفنلة الحمالات

والشورت السغيرونى داك والجزمة ابو من غير شراب..

ماعندكم كاراكتيرست يرسمو لينا..

حقو نكلم محمد عيد يعمل ليهو حاجة من امورو بتاعة الفوتوشوب ديك.

Post: #165
Title: Re: عمر نملوز
Author: محمد العبيد
Date: 06-04-2010, 10:28 PM
Parent: #162

عمر يارائع

رجعت لينا الامل

والاحساس باننا لسه شباب

ده طبعا بعد الاولاد ومشاكلهم الحلوة

وطلباتهم ومدارسهم

لكن الواحد عندمايشوف

البطل عمر ، يتيقن تماما

ان الاحساس بالكبر والعجز في العقل فقط

وليس في الجسم

او توزان حركات الجسم مع العقل ( طبعا حالتنا العقل مغيب تماما )

للامام با بطل ودعواتنا لك بالتوفيق

في كل ما تصبو الوصول اليه

Post: #166
Title: Re: عمر نملوز
Author: عمر نملة
Date: 06-05-2010, 07:59 AM
Parent: #165


وصلتني هذه الرساله الجميله معها صورتين من مولانا طارق عوض الكريم في الدوحه

عمريتا
أخانا الذي بديار البلجيك
،،،لك كل السلام واليمام ووافر الاحترام
اتابع من فترة لاخري سودانيز اونلاين ومنبر وبوست الزقازيق كم انا سعيد بهذا التواصل الحميم بين كل اجيال الزقازيقاب وجدت بارشيفي صورتين احداهما لك بحفلة التخريج واخري لمروان الخواض وود الماذون واحمد عوض وحامد الحبر ومن خلال هذةه الصورة اوجه سؤال لود الماذون ما علاقة الصورة بالفراخ - ده طبعا في اطار استدراجه للحكي الطاعم
مع التقدير والاعتزاز لكل قبيلة الزقازيقاب

طارق عوض الكريم





sudansudansudansudansudansudansudansudansudansudan52.jpg Hosting at Sudaneseonline.com


sudansudansudansudansudansudansudansudansudansudan53.jpg Hosting at Sudaneseonline.com


واكثر احبابي هم ناس حقوق لعدة اسباب اولها واهمها ودالماذؤن حبيبي وحبيب الكل والسبب التاني انه ناس خقوق بتاعين قوانين ونظريات ومناكفات ومرافعات يعني لازم تلقى في جدال ونقاش بينهم يا بين بكري وزكي او مجتبى واحمد عمر او وليد مبارك وطارق عوض الكريم او يوسف وعفاف او المرحوم مصطفى نقد الله بيقنع في واحد منهم وعليه الرحمه مصطفى كان حاد الذكاء وسريع القبول في نفوس الناس والدليل على ذكائه كان يلاعب الكل حريق بس على شرط واحد انه يلعب معاك بفردة كوتشينه واحده وبعد عدة محاولات للعب معه اكتشفت ان مصطفى يحفظ الورق الننزل والورق المتبقي معك ومعه يعني بيكون عارف الورق المعاك في يدك، سبحان الله وربنا يرحمك يامصطفى. اما السبب الرسمي هي بنت اختي اميره علي محمد احمد وان شاء اخصص وقت خاص لذكريات ماشاهدته.

ياجورج
عليك الله شوف ود الماذؤن في الصوره التانيه خاتي يده في كتف مولانا طارق وماسك في يد مروان الخواض وبيسمع في حامد الحبر وبيشاغل في احمد عوض يعني بستخدم في كل ملكاته في نفس الوقت. ربنا يديك العافيه ياماذونكو. وياريت مولانا طارق يرمي لينا حاجات من طرائف ودالماذؤن.

Post: #167
Title: Re: عمر نملوز
Author: عمر نملة
Date: 06-05-2010, 08:01 AM
Parent: #166

ود العبيد الرائع
الامل موجود بل قول التحدي والله انا جادي في انه احقق بطوله بس توخذ الدنيا غلابه يعني العزيمه والاصرار ولو تخصص نصف ساعه كبدايه وشجع الاولاد يكونوا رياضيين بصوره مستمره.

Post: #168
Title: Re: عمر نملوز
Author: منصور عبد الرازق
Date: 06-05-2010, 12:21 PM
Parent: #167

البوست ده , مستهوينى باعتباره كتاب
ما عارف لى شنو ؟؟
ومن وين جانى الأحساس ده , برضو ما عارف
يادوب هسى فى اللحظة دى
وبعد ما ضربت ليك يا نملوز لمن تلفونى فتر , اصلو ابيت ترد
يا ربى تكون نايم , ولا جاكى , ولا شغال
ما انت واحد من التلاتة , الرابعة ياها حكايات ناس مدنى وود الماذون الطاعمة الما بنمل منها ابدا
يا رد على التلفون , يا كمان بكلم ليك (القدرك )

Post: #169
Title: Re: عمر نملوز
Author: كمال الشادي
Date: 06-07-2010, 07:48 AM
Parent: #168

نملوز يا رائع
تحية وحب

ما لك قطعت
من البوست
كمل
نحنا متابعين
ومستمتعين

Post: #170
Title: Re: عمر نملوز
Author: عمر نملة
Date: 06-12-2010, 09:08 AM
Parent: #169

يامناصنا
اول تسلم على الاتصال الذيذ ، وياريت وياترباس تكمل الجميل وتدينا زياره ولو مازرتنا بنزورك يعني زي الكنيكيج ( القرقور-القرموض) قال لامه: محل ما تمشي بمشي معاك لو ختوك في الزيت بحصلك.
والله صدقت برنامجي يانايم يا شغال يا جاري ومرات بقعد على النت والان عندي تمرين صباحي وبعده اجيب ميز الاسبوع وارجع مع نظافة البيت وتجهيز الاكل( ياخي تعبت من الاكل براي زي عجوز الهنود الحمر لما يقرر يموت ) اسمع ناس الجمعيه ال400 نفر نفر بياكلوا مع بعض.

الشادي الشادي
ملعون ابو الكبر ذاتو
والله انا ما كنت داير اكبر
لكن غصبا عني كبرت
ياخي انت في الكبر ولا ال 24 ساعه الشويه دي مافي اي طريقه للزياده او مافي طريقه يازمن وقف شويه او ياريتني لو اقدر اعيد لحظات من الماضي البعيد واهدي الزمان كل الحنان واكتب لعمري ربيع جديد لكن رجعت وقلت مابفيدني احلم مابفيد.

Post: #171
Title: Re: عمر نملوز
Author: عمر نملة
Date: 06-13-2010, 06:35 AM
Parent: #170

سلطان الخير
محمد علي جمعه يتكلم بصوت خافت ومستمع جيد وبعيد الرؤي يستطيع التعايش مع الكل ويزهلك بذكائه الخارق لحل كل الامور لاينفعل ابدا. في فترة الزقازيق جمعتني به صداقتي القويه مع حسن الطبال وكانت في حدود اكثرها ان نلعب حريق او تجمعنا جلسة غناء مع الطبال او زكي ،و بعد التخرج جمعتني به الصدفه في الجاليه السودانيه في اليمن وذلك في الايام الاولى لوصولي اليمن فسالمني بكل طيبة اهل الزقازيق واخذني جانبا وسالني عن احوالي وهل شغال ولا لسه ورغم الظروف التعيسه للكل في اليمن ادخل يده في جيبه واعطاني مبلغ من المال كان في اشد الحوجه له مني.واستمر التواصل لسنوات كنت احمل جميله واتحين الفرص وكنت طوال هذه السنوات اسعي بصوره شبه دائمه لزيارتهم في شقتهم التي تجمع نفر من الزقازيق منهم محمد احمد تربيه وعبدالدائم رابح وعبدالمجيد عيسى. في اخر زياره لي لهم في شقتهم قال مخاطبا الجميع: والله ياجماعه حقو تخجلوا من نفسكم كل السنين دي عمر يزورنا بصوره دائمه ولافكرنا يوم نمشي ليه ولاعارفين ساكن وين؟ قلت ليه ياابوحميد المقامات محفوظه ومرحب بيكم في اي وقت اوصف ليكم الشقه قال لي: لا نحنا بنحدد يوم ونجي نتغداء معاك ونقيل معاك ونتعرف على ناس شقتكم. تم الاتفاق على ان تكون الزياره يوم الجمعه ونصلي الجمعه مع بعض في مسجد مقابل الشقه الساكن فيها. المهم يوم الخميس اتصلت باهلي في السودان اشوف اخبارهم فاذا بي اسمع اسؤء خبر في حياتي ولا هو رحيل ابن اختي وتؤم روحي ورفيق حياتي في كل شئ المهندس أبوعبيده طه الخواض عليه الرحمه. ولازلت اذكر انه في تاني يوم الجمعه كان لي ميعاد اخر مع طالب سوداني وذلك لشرح مادة الرياضه البحته والماليه ورغم رغم مشيت معيادي الاول بدون ان يحس احد بشئ ومنه ذهبت الي صلاة الجمعه لاستقبال ضيوفي وكانت المفاجأه انه لم يحضر احد منهم. انتظرت حتى ذهاب اخر مصلي وبعدها انتظرت على الشارع العام لمده طويله.وبعد هذا الحادث بايام قابلت سلطان الخير وكنت فاقد لتوازني من صدمة رحيل ابن اختي وقال لي ببساطته المتناهيه عمر ازيك والله ماعارف اعتذر اقول ليك شنو؟ بس انت عارف الانسان نساي. قلت ليه ومين انت انا مابعرفك ولاعايز اعرفك. قال لي: ليك حق. تركته في حاله وذهبت وكانت اخر مره اقابله فيها. بعدها بحثت عنه عند رجعوعي من السودان فعلمت انه غادر اليمن نهائيا. فمن هذه النافذه لهذا الرجل تقديري واعتذاري واتمنى ان تجمعني الايام به او توصل كلماتي له.

Post: #172
Title: Re: عمر نملوز
Author: الرشيد بابكر
Date: 06-13-2010, 08:52 AM
Parent: #171

Quote: بعدها بحثت عنه عند رجعوعي من السودان فعلمت انه غادر اليمن نهائيا. فمن هذه النافذه لهذا الرجل تقديري واعتذاري واتمنى ان تجمعني الايام به او توصل كلماتي له.


صبحك الله بالخير يا عمر
قرأت هذه الحكاية و توقفت عندها كثيرا يا عمر...
لم أعرف ما الذي جعلني أتوقف عندها بالتحديد...
هل هي تلك الشحنة الكبيرة من العواطف المضغوطة في تلك الأسطر المحدودة...
أم الأصالة التي عبر عنها السطران الأخيران...
أم طريقة السرد...
أعتقد ان كل الأشياء مجتمعة قد استوقفتني يا عمر...
ما عايز أقول ليك بطل الجكة...
لكن بقول ليك أفرد وقتا اضافيا للكتابة...

Post: #173
Title: Re: عمر نملوز
Author: عمر نملة
Date: 06-13-2010, 09:36 AM
Parent: #172

راشدنا صباحك نور
تسلم على المتابعه . واهلنا قالوا الستره والفضيحه متباريات ، ومحمد علي سلطان الذوق احس بمشكلتي من البدايه وساهم ماديا في وقت( شهر مارس) كل المدرسين في اليمن مابيكون عندهم فلس لانهم بيصرفوا المرتبات شهر يونيو. وطلع كل مايملك وتخيل في اللحظه السلمني المبلغ كان في جيبي ولا قرش وكنت بمشي مسافة 5 كم عشان ماعندي مايعادل اقل من دولار ثمن المواصلات
. واتذكر لما اتصلحت احوالي حاولت ان ارد المبلغ فاذا به يعطيني درس اخر بنظره وكلمه واحده عيب . يعني انستر فيني واتفضحت معاه شفت كيف المباره دي .
ووين الوقت يارشيد للكتابه مع الشغل والتمارين وانتظر مفاجاه يوم 26/06/2010 بس لسه ما من العيار التقيل ممكن اكون وصلت سرعة 15 كم في الساعه وخاصه الايام دي الجو موووبالغه يتارجح بين 20-23 درجه مع بعض الامطار والغيوم وانتظر في مقبل الايام القادمه اخبار وصور ساره.

Post: #174
Title: Re: عمر نملوز
Author: الرشيد بابكر
Date: 06-14-2010, 07:09 AM
Parent: #173

Quote: ووين الوقت يارشيد للكتابه مع الشغل والتمارين وانتظر مفاجاه يوم 26/06/2010 بس لسه ما من العيار التقيل ممكن اكون وصلت سرعة 15 كم في الساعه وخاصه الايام دي الجو موووبالغه يتارجح بين 20-23 درجه مع بعض الامطار والغيوم وانتظر في مقبل الايام القادمه اخبار وصور ساره.


عمر صباحك مغيم بالمودة

أسعد جدا كلما أسمع منك كلمات الاصرار و التقدم التصاعدي نحو الانجاز الأكبر ان شاء الله...أرجو ان تصل الى قمة الانجاز قبل انقضاء شهور الصيف الجميلة و يحل الشتاء و تلبس البلاد حلة بيضاء تجلب معها الكسل و الاكتئآب...

في انتظار الانجاز يا عمر....

Post: #175
Title: Re: عمر نملوز
Author: كمال الشادي
Date: 06-14-2010, 08:03 AM
Parent: #174

راجع هنا
شركة الزقازيق القابضة
للاهمية

Post: #176
Title: Re: عمر نملوز
Author: أحمد إسماعيل
Date: 06-14-2010, 09:54 AM
Parent: #175

Quote: كل ماأشوف لي مجنون جاري وينطط فرحان وعايز يطير اقول اريتو حالي واكتر ناس انا بحسدهم المجانين( في نعيم) وفي كتاب لذيذ لجبران خليل جبران ( المجنون)


الأخ عمر تحية طيبة مباركة إن شاء الله
وياسلام على الإصرار والتحدي الجبار إن شاء الله بلوغ كل الأرقام المخطط لها وإلى التتويج

ياعمر حكايتك الفوق دي زي حكاية راجل كبير ربنا إبتلاه بالسكر دائما تلقاه يخيط ليك في الشوارع
ويزعج الجيران عامل إحراج لأولاده في الحي ، أولاده وجدوا سكران في الشارع حالته متأخرة خالص
لامؤاخذه بايل في نفسه ويتكلم فاسخ ورابط ، قالوا هي دي، نجيب الوالد يشوف السكران ده علشان يكره
الخمر ويلعن ابوها جابوا ابوهم لمن شاف السكران قال (تصدقوا ياأولادي انا من يوم ماتزوجت أمكم
متمني لي سكرة زي دي ومالاقيها)

Post: #177
Title: Re: عمر نملوز
Author: حنان مجمر
Date: 06-15-2010, 02:45 AM
Parent: #13

سلامات ياعمر والله مشتاقين واخبارك والحي بلاقي وين ياناسي فايز ومحمد الاشرف وعابدين والاخرين ياحليلكم بالكتير ياناس الزقازيق
ماتقول لي دا ولدك حلاتو لكن باين عليهو زهجي زيك تذكر السنه الربتها لما اتشاكلت مع دكتور منو اصلو انا جاني الزهايمر بعيد عنك كدا احكي لي القصه دي على قول بدريه محمد صديق اجي يااخواني اول مره الاحظ انو بدريه محمد صديق وجات خالده بقت اسمها خالده محمدصديق صدف
الليله جاتني لفة راس عديل كدا اكمل الحوامه في البوستات بكره

Post: #178
Title: Re: عمر نملوز
Author: عمر نملة
Date: 06-15-2010, 11:23 AM
Parent: #177


ابوعمر
قلت لي عمك متمني السكره دي . اسمع دي عمك بيمشي يسكر اولاده بيمشوا يجيبوا ويشيلوا في قفه وعمك بيكون ماسك في طرف القفه وبيشاغل في الناس المبهدله من السكر وبقول ليهم: انتوا لو مابتقدروا علي بتسكروا ليه.

المجمره ام وضاحه
اخبارك واحوالك والواحد شنو مايفارقكم 20 سنه كدا يلاقي بتك بقت عروسه عليك الله كمان ماتصلبتي فيني وتقول دفعتي( مره في يوم مفتوح في هولندا وممنوع لاقل من 18 سنه عليك امان الله رفضوا يدخلوني) . بمناسبة شكله الدكتور انتظري انا بادي حكاوي لي من اول يوم دخلت الزقازيق الي اخر يوم يعني جايك ومعاك سميره السماني ومحمد اشرف وفايز واسماعيل وعواطف ومنى ونابغه عبدالرحمن توتي وسعد وعادل النميري وعبد الهادي والبقيه وباقي ناس اداره ومحاسبه.

Post: #179
Title: Re: عمر نملوز
Author: حنان مجمر
Date: 06-16-2010, 04:57 PM
Parent: #178

ياحليلك بالكتير ياعمر
بتي وضاحه بقت عروسه لكن كما تشوف امها بتقول دي صاحبتها(ماتصدق شديد)

Post: #180
Title: Re: عمر نملوز
Author: عمر هواري
Date: 06-16-2010, 07:33 PM
Parent: #179

نملوز بقيت بتاع عدو
كاكي البلجيكي
الي الأمام
لنا عودة

Post: #181
Title: Re: عمر نملوز
Author: عمر نملة
Date: 06-18-2010, 06:16 AM
Parent: #180

ابوأمنيه
تسلم كتير على التشجيع
مانيل المطالب بالتمني ولكن توخذ الدنيا غلابه
الحكايه صعبه ولكن ما مستحيله، مواصل تمارين يوميه عشان احطم رقمي السابق 47 دقيقه لمسافة 10 كم وحسب التمارين الان متوقع انزل من 45 دقيقه. طبعا اخر التطورات اشتريت ساعه ومعها حزام يربط على عضلات القفص الصدري وبتحسب ليك كل شئ دقات القلب( ومفرض انه اقص حد للضربات عند التمرين تكون 220- عمر الشخص)، بالاضافه الي المسافه المقطوعه وحساب الضغط. الشركه المختصه بانتاج هذه الساعات هي .
POLAR بولار
واذا حطمت رقم اقل من 40 دقيقه بزيد التمارين عشان اشارك قي سباق نصف المارثون في اكتوبر القادم

Post: #182
Title: Re: عمر نملوز
Author: عمر نملة
Date: 06-18-2010, 06:19 AM
Parent: #181

بسكو العريس
تسلم على التشجيع وانتظر ان شاء الله بدخل المنافسه وهي مراحل والان مواصل تمارين عشان ادخل مرحلة اقل من 45 دقيقه وبعدها اقل من 40 دقيقه وبعدها اقل من 35 دقيقه وبعدها المنافسه على اللقب يعني اذا ربنا وفق الصيف القادم بكون جاهز للمنافسه على اللقب ان شاء الكريم.
اسمع دي
كنت ساكن في شقه مع عزابه في اليمن وعندها بلكونه صغيره وبجلس في البلكونه في الصيف وكل يوم عمك سوداني بيجي ماشي بالطريق لزيارة اسره سودانيه ساكنه في نفس الشارع ، وكل يوم السلام بيناتنا، يوم قلت ليه: شنو ياحاج رحلة ابن بطوطه بين القصرين ماتغشا زقازق المدق دا، بسرعه رد وقال: بلقى لي عندكم سكريه؟ قلت ليه والله ياحاج مابتلقى معانا الا اولاد حارتنا. قال لي: طيب ياولدي ماالك عايز تخليني زي الشحاد، قلت ليه: ياحاج اولاد حارتنا بينفعوك لو قابلك اللص والكلاب. قال: لكن ماباقي من الزمن ساعه، قلت ليه: خلاص بنتظر السمان والخريف.

Post: #183
Title: Re: عمر نملوز
Author: مبارك جادين
Date: 06-20-2010, 08:05 PM
Parent: #182

يا نملوز القصة بتاعت عمك ضحكت لها حتى
وقعت سيجارتي
ودي قصة عاملة زي المطارحة الشعرية
بتاعت ناس فرسان في الميدان لكن بواسطة عناوين روايات
نجيب محفوظ
زمان في واحدة زيها بالمسلسلات عارفك بتكون متذكرها
ارجو ان تتحفنا بها لكن هاك دي من بتاعت زمان لكن خاصة بالكورة وكان الميرخاب بيشغالوا بيها الهلالاب
قال ليك( الضب وقع في القلة
طلعوا بشواطين وركبوا الدحيش ودوهوا كسلا)

Post: #184
Title: Re: عمر نملوز
Author: البادي النور
Date: 06-23-2010, 08:11 AM
Parent: #183

نملتنا الجميل ...

نأسف للإنقطاع ...

شايفك بديت تضرب جبخانة وعملت خيانة .. خليت ودالمأذون وضربتني أنا ...

يا حبيبنا باقي من الزمن ثلاثة أيام ربنا يوفقك وينجحك ونشوفك على منصات التتويج ...

ودالمأذون زعلان وقال ما يشبهوه بي محمدو !!! وعجبي !!!

Post: #185
Title: Re: عمر نملوز
Author: عمر نملة
Date: 06-27-2010, 01:24 PM
Parent: #184

المجمره الصافيه حنونه
اول سلمي لي على شمس المشارق وابوها واخوانها واخواتها وماتغيبي عننا وتعالي اكتبي لينا عن ذكرياتك الزقازيقيه والثريا وعليكم الله اعفوا لي لانني كنت مرات بجي الاتحاد وبلقى ناس الثريا كاتبين في سبوره دعوه او اي شئ بشيل السبوره ارفعها في الدور الثالث جنب باب شقه صاحب العماره ولو سالتيني عن السبب هو كنت بنسى انه يوم الثلاثاء مخصصيين الصاله للطالبات للعب تنس الطاوله يعني نظام لخبطت برنامج ودس سبوره ودا غير دق كل اجراس بيت الطالبات مرات الساعه 5 صباحا

Post: #186
Title: Re: عمر نملوز
Author: عمر نملة
Date: 06-27-2010, 01:35 PM
Parent: #185

بركاتنا
عارف هوايتي المفضله هي انتزاع الدهشه من الناس سواء كنت بعرفها ام لا، وبذكر موقف ماقدرت امسك نفسي من الضحك ، كان بعض الشباب شايلين كميه من الخبز البلدي وسامعك بتنادي ليهم اسمعوا شايلين الرغيف دا كله عندكم دق شلوفه!!! الله يابركه اسمع دي حصلت لي قريب واحد صاحبي بلطشني في البلياردو وبلطشوا في تنس الطاوله، يوم لطشتوا في تنس الطاوله اصرا في نفس الوقت نمشي نلعب بلياردو وفي اليوم داك كان بحر حظي محمر، صاحب يشيل يجهز لي في كوري وانا بكل بساطه ادخل الكور واول ماانتهى القيم الثالث بنفس الطريقه قال: رزق الهبل على المجانين رديت بسرعه: انا المجانين
.

Post: #187
Title: Re: عمر نملوز
Author: عمر نملة
Date: 06-28-2010, 11:04 AM
Parent: #186

يابادينا ويامحبتنا
تسلم على التشجيع وامس الاول السبت انهيت سباق 10 كم ومنتظر النتائج على الانترنت غدا الثلاثاء بس متوقع مابين 47 و45 دقيقه وذلك رغم ارتفاع الحراره( تخيل 28 درجه) يعني لو زي السودان مابيقدر اتحرك من بداية السباق.

Post: #188
Title: Re: عمر نملوز
Author: عمر نملة
Date: 06-29-2010, 09:15 AM
Parent: #187

للمره الخامسه خاض العنيد نملوز سباق خييل GEEL لمسافة 10 كم، حيث كثف في الشهر السابق
من التمارين التي وصلت الي زروتها في الايام الاخيره حيث وصلت بمعدل 10 كم يوميا وكانت احسن
النتائج في الثلاثه ايام الاخيره حيث حقق اللفيف 38 دقيقه لمسافة 10 كم وكان التمرين الاخير
بمدينة زوترميرالهولنديه ZOETERMEER ، وكان الموعد عصر السبت الساعه الثامنه عصرا
( مغيب الشمس الساعه 10:30) بمدينة خييل بالقرب من الحدود الالمانيه الهولنديه،
وكانت اجمل بدايه للعنيد حيث قطع ال5 كم الاولى في زمن 20 دقيقه وكان ضمن ال50 عداء الاوائل
وبعدها زاد من سرعته ليصل حتى نهاية ال كم السابع في زمن يقدر باقل من 28 دقيقه،
ولكن عضلة الفخذ الايمن ابت الا ان يشتد عضلها مما حدا للعداء بان يخفف من السرعه ويضغط على
الالم ليقطع اجمالي السباق في زمن قدره 47.07 دقيقه ليحتل المركز 275 . ويخضع بعدها للعلاج الطبيعي
والدلك من التيم المتواجد في نهاية السباق وقد ارجع السبب في ذلك الي التمرين الاخير قبل السباق حيث
كان من المفترض اخذ يوم راحه قبل السباق . وبعد معاناة صباح الاحد عاد العداء امس الاثنين لمواصلة
تمارينه الصباحيه ليواصل الاصرار والتحدي والتجهيز لسباق جديد والمثابره للمنافسه بقوه في اقرب وقت
باذن واحد احد.
لمشاهده النتائج والفيديو اتبع الرابط التالي:
http://www.chronorace.be/web2/video/videoazure.aspx?mod...20:47:25&host=web[/B]

Post: #189
Title: Re: عمر نملوز
Author: عمر نملة
Date: 06-29-2010, 09:22 AM
Parent: #188

Geel2010.jpg Hosting at Sudaneseonline.com

بداية السباق

Post: #190
Title: Re: عمر نملوز
Author: عبد الدائم سيد أحمد
Date: 06-29-2010, 09:26 AM
Parent: #188

يا العنيد اوع تقول لى تيم التدليك ياهم البنات السمحات الواقفات نهاية السباق

انا لو فى محلك لو جبصو لى كراعى ما بمشى من جمبهم تانى


ولا دى حركات من عندك عشان تتكل ...

Post: #191
Title: Re: عمر نملوز
Author: منصور عبد الرازق
Date: 06-29-2010, 09:54 AM
Parent: #190

اهنئك يا العنيد
على باليمين بقران منك عدييييل
عارف انا تقريبا بمشى لى (مشى ساكت ) زى اربعة كيلومتر كده يوميا , لكن بقطعها فى ما بين 33-36 دقيقة
وقايل نفسى ابو عرام
لكن , الجكة ما عنكم , كان تورينا الدلك كمان , عشان الواحد يستقيل (ويجى يسكن حداكم )
ولا اسيبا مدنى واجى اسكن حداكا
لا تتوقف ابدا , حتى تحقق ما تريد

Post: #192
Title: Re: عمر نملوز
Author: عمر نملة
Date: 06-30-2010, 08:06 AM
Parent: #191

أوربا يانضيف كل شئ منظم لافرق بين رجل وامراه يعني المراه سائقة شاحنه ورجل امن وعلاج طبيعي وزي ماقال مدرسنا: مشيت مع زميلي الي كلية المعلمات فاستوقفنا الغفير عند الباب وقال: ممنوع دخول الرجال! فقال له ومنو القال ليك نحنا رجال نحنا مدرسين!! يعني عند الطبيب والمعلم والرياضي تنتفي صفة الجندر( عجبتني الجندر) والحكايه مسالة ضمير وخلي ضميرك بفتا بيضاء.
والهديه دي ليك عشان تشوف ناس العلاج الطبيعي لايف.


Geel42.jpg Hosting at Sudaneseonline.com

Post: #193
Title: Re: عمر نملوز
Author: عمر نملة
Date: 06-30-2010, 08:21 AM
Parent: #192

يا نصرنا
برضو في سباقات للمشي بس عندها شروط . المهم دي كانت اكتر تجربه ناجحه ، وامس استلمت برنامج كامل وهو عباره عن سباق مجزاء لعدة ايام يبداء من يوم 07/07/2010 وينتهي يوم22/08/2010 وفيها يقطع المتسابقون 11 مدينه ساحليه لمسافة تقدر بحوالي 123 كم يعني شوف الخريطه عند بحر الشمال في اقصى غرب بلجيكا من مدينة NIEUWPORT الي مدينة MIDDELKERKE . تقول لي وادي الدوسر

اسمع حصل المولد دا وتعال استمتع بالصيف الجميل.

Post: #194
Title: Re: عمر نملوز
Author: البادي النور
Date: 07-03-2010, 01:56 PM
Parent: #193

والله يا نملوز عيني عليك باردة ...

وربنا يوفقك ويسهل ليك الوصول لما تصبو إليه ...

معروف إنه الشغل والدوام في أوروبا إنه صعب إنت كيف قاعد ترتب حاجاتك ووقتك كيف ؟...

والله يا نملتنا دا إنجاز ما بعده إنجاز ...

لكن العلاج الطبيعي والدلك ما عندكم !!! وإنشاء الله ما تشوف شر ...

Post: #195
Title: Re: عمر نملوز
Author: عمر نملة
Date: 07-05-2010, 05:43 PM
Parent: #194

نور البوادي
تسلم وربنا يسلمك دنيا واخره. وعارف اوربا لذيذه مازي امريكا اكتر حاجه ممكن تشتغل 56 ساعه اسبوعيا وفي الغالب الناس بتشتغل 38 ساعه اسبوعيا مع شهر اجازه سنويا. بس لانه الالتزامات كتيره بحاول على الاقل اشتغل 40 ساعه اسبوعيا وعندي دوام لذيذ اسبوع من الساعه 6 صباحا الي الساعه 2 وربع ظهرا والاسبوع التالي من 2 وربع ظهرا الي الساعه العاشره ليلا. طبعا مرات بشتغل ايام السبت والاحد حسب الفلسه. وادخلت برنامج الجري والتمارين اليوميه وخوض مسابقات المدن الساحليه، وبرنامجي من يوم 7/7/2010 الي 20/08/2010 كالتالي:

التاريخ المسافه الزمن المتوقع تحقيقه المدينه
07/7/2010 7 كم 30 دقيقه NIEWPOORT
09/7/2010 10 كم 45 دقيقه KNOKKE
15/7/2010 10 كم 43 دقيقه ZEEBRUGGE
17/7/2010 8 كم 35 دقيقه BLANKENBERGE
23/7/2010 10 كم 41 دقيقه KOKSIJDE
28/7/2010 8 كم 32 دقيقه DE PANNE
30/7/2010 16 كم 66 دقيقه WENDUINE
6/8/2010 9 كم 35 دقيقه BREDENE
13/8/2010 10 كم 40 دقيقه( رمضان) HEIST
20/8/2010 9 كم 34 دقيقه ( رمضان) OOSTENDE

المجموع

وذلك بزمن قدره 4.1 دقيقه لكل كم وبمتوسط سرعه قدره 14.5 كم/ساعه
وذلك تجهيزا لسباق نصف المارثون( 21 كم تقريبا) يوم 10/10/2010 بمدينة بروكسل العاصمه و باذن المقتدر بان اقطع السباق بسرعة 15 كم/ساعه واحقق زمن وقدره 84 دقيقه. وبعدها اجهز لسباق المارثون في مارس 2011 بمدينة روتردام الهولنديه واجاهد بان اقطعه في زمن قدره 3 ساعات باذن الله

Post: #196
Title: Re: عمر نملوز
Author: عمر نملة
Date: 07-12-2010, 10:08 AM
Parent: #195

مازال ومابرح العنيد يواصل التمارين وخوض السباقات وبالامس قبل قبل الاول الجمعه 09/07/2010 خاض وغاص في رمال سواحل مدينة كنوكا الساحليه سباق فريد وعنيف من نوعه حيث استخدم الترس التقيل لازالة الرمال وخوض المياه, فحقق زمن قدره 51.40 دقيقه لمسافة 10 كم ليحقق المركز 175 وهو زمن يقدر لسباقات السواحل والرمال للتاكد من النتيجه اتبع الرابط:

http://inwoners.knokke-heist.be/file_uploads/10912.pdf?_vs=0_N

ولمشاهدة صور العنيد اتبع الرابط الصفحه الثانيه

http://www.oypo.be/pixxer.asp?id=FBB079D9FD9ED602[/B]
اخنار
9-7-2010 Knokke-Heist
Knokke-Heist strandloop Knokke Carrefour strandloop Loopcriterium van de kust 2010

Post: #197
Title: Re: عمر نملوز
Author: الرشيد بابكر
Date: 07-12-2010, 03:09 PM
Parent: #196

عمر يديك العافية...
عمر هذا الماراثون يبدو لي أصعب مكن سابقاته...لأنه تخلله جرى في الرمل...
و تبدو لي الزمن جيد جدا مقارنة مع الزمن السابق..
يبدو لي انك تتقدم بخطى ثابتة الى الأمام...

بيني و بينك شفت المنظر و تخيلت الجو و الله ندمت عديل كده..
لكن ان الله هون القواسي يانا السنة الجاية معاكم ان شاء الله...

Post: #198
Title: Re: عمر نملوز
Author: محمد صديق
Date: 07-12-2010, 04:00 PM
Parent: #197

سلامات يا ناس

يا نملوز مبروك واتخيلنا واقفين فى خط النهاية

نحن نصفق والنضيف يدق الدلوكة...

منصور ممكن ينفع معاكم عندو تجارب فى الجكة لكن

لازم تكون فى ظلط ونص النهار وقبلها يكون ضارب سمك.

Post: #199
Title: Re: عمر نملوز
Author: محمد آدم النور
Date: 07-13-2010, 08:44 AM
Parent: #198

عارف يا ولد يا نملوز
أنا حاسس منصور دا نفسو قايم لي هس من المارثون بتاعك الأول داك
إذا كنت ناوي تحطيم رقمك القديم
غايتو لمن أجي خاشي البوست بتاعك دا
إلا أجيب معاي أسطوانة أكسجين و أقعد أتابعك
بالنسبة لي موسى عيسى يكون قرا البوست بتاعك دا
و طوالى يكون مشى الإنعاش

Post: #200
Title: Re: عمر نملوز
Author: عمر نملة
Date: 07-15-2010, 09:26 AM
Parent: #199

يارشا ياكحيل
في الاول كنت متخيل السباق على رصيف الشاطئ عشان كدا كنت متوقع احقق 40 دقيقه بس لقيت الحكايه على رمال حلتنا وكنت خايف مااكمل السباق، دا طبعا ربع المارثون. بس بيني وبينك كان في غاية المتعه خاصه على بعد امتار من البحر. ورغم درجة الحراره المرتفعه 27 درجه .
طبعا والله عايزك تشرفنا مع اولادك والجايات اكتر

Post: #201
Title: Re: عمر نملوز
Author: عمر نملة
Date: 07-15-2010, 09:28 AM
Parent: #200


الكوتش الرائع
كل مره اقول اتتداخل واستمتع اقول خليها مره تانيه عشان تكون مداخله سمينه وثمينه. عارف دا من نوع السباقات البتنفع مع ابوالزوز لان نقطة البدايه هي نقطه النهايه. وبالمناسبه في منتصف السباق في فرقة طبول ممكن اقدم طلب للنضيف للمشاركه بالدلوكه بس مطلوب بتاعين شتم عشان يوزنوا العرضه. اسمع شايفك مطنش اقتراحي بتحفيز الاشبال عمر وابوبكر بدخول برنامج الجري ومشروع صناعة بطل
.

Post: #202
Title: Re: عمر نملوز
Author: عمر نملة
Date: 07-15-2010, 09:30 AM
Parent: #201

ابوعمر
قلت لي انبوبة اكسجين ليك وانعاش لموسى عيسى. ابداء تمارين بانتظام وبتشوف الفرق في خلال شهرين والله انا مامصدق انو جسمي رجع من جديد مترابط بعد ان بديت اسمن وكنت داخل على ال 80 كجم مع كرش بس الحمد لله الان وزني 67 كجم . ومازلت مصر احقق بطوله ان شاء الله مره واحده

Post: #203
Title: Re: عمر نملوز
Author: عمر نملة
Date: 07-15-2010, 09:41 AM
Parent: #202

يخوض العفاص نملوز اليوم في شاطئ زي بروخا سباق 10 كم ويبداء السباق في تمام الساعه
5:45 بتوقيت السودان. ويحاول العنيد تحقيق 48 دقيقه باذن الله.

center>kknoke.jpg Hosting at Sudaneseonline.com

Post: #204
Title: Re: عمر نملوز
Author: عمر نملة
Date: 07-15-2010, 10:02 PM
Parent: #200


واصل الهلب الصلد نملوز غرس وازاحة وتقليب رمال سواحل بحر الشمال ليكسر رقم سباق كنوكا باكثر من دقيقه بالرغم من السرعه الزائده للرياح التي بلغت 4 عقد ليحقق زمن قدره 50 دقيقه وبضع ثواني وذلك لمسافة 10 كم بمدينة زي بروخا. وسوف تظهر التفاصيل واحتمال الصور في الايام القادمه. وسوف يكون يوم غدا الجمعه يوم عمل وراحه من التمارين ليدخل العنيد يوم السبت عصرا سباق 8 كم بمدينة بلانكن بيرغ الساحيليه ويتوقع ان يحقق زمن اقل من 40 دقيقه باذن الواحد الصمد.
وقد ساهم تشجيع الغزال رشا وطويل الرؤى الكوتش الصديق في زياده التحدي والاستمرار في كسر الارقام حتى الوصول الي منصات التتويج. اما مخاشانات الوجيه ابوعمر كان اثرها الواضح لتخطي اكثر من 15 شخص بصوره واضحه تدل على الثقه المكتسبه من التجارب السابقه.

Post: #205
Title: Re: عمر نملوز
Author: عمر نملة
Date: 07-16-2010, 08:11 AM
Parent: #204

لمشاهدة الصور
http://www.oypo.be/pixxer.asp?id=261266FB01FEFCD4[/B]

zeebrugge.jpg Hosting at Sudaneseonline.com

zeebrugge1.jpg Hosting at Sudaneseonline.com

zeebrugge2.jpg Hosting at Sudaneseonline.com

Post: #206
Title: Re: عمر نملوز
Author: عمر نملة
Date: 07-16-2010, 09:10 AM
Parent: #205

لمشاهدة فيديو كنوكا

http://www.chronorace.be/web2/video/videoazure.aspx?mod...20:24:20&host=web[/B]

Post: #207
Title: Re: عمر نملوز
Author: عمر نملة
Date: 07-16-2010, 07:28 PM
Parent: #206

لمشاهدة ترتيب العنيد 50.14 دقيقه ليحصل على المركز 87

http://www.olympicbrugge.be/ob/files/100715Uitslag-10.pdf[/B]

Post: #208
Title: Re: عمر نملوز
Author: عمر نملة
Date: 07-17-2010, 10:08 PM
Parent: #207


بلانكن بيرخ BLANKENBERGE من اجمل السواحل التي شاهدتها في بلجيكا حتى الان ففيها كان اليوم سباق تحدي الغابه والرملاء حيث بداء السباق من غير المتعاد بالرصيف البلاطي للساحل مرورا بغابه صغيره لمسافه تقدر بحوالي كم ثم صعود درجات سلالم خشبيبه ونزولها الي الشاطئ الرملي لمسافة 3.5 كم مع اتجاه الرياح ( التي بلغت 5 عقد تقريبا) ثم العوده ضد الرياح لنفس المسافه. ليبلغ اجمالي المسافه 8 كم. فبرغم الريح والجكس المتمدد على الرمال ورغم رغم واصل الكجنج مسمار الزنك كسر الارقام تلو الاخر ليكسر حاجز ال 40 دقيقه ويقطع السباق في زمن قدره 39 دقيقه متفوقا على نفسه بثقه نفس وصلت الي 40% . وسوف تظهر النتائج والصور في يوم الاثنين باذن الله.
طرفة السباق
قابلت صاحب المركز الاول بعد السباق وقلت ليه بدون مقدمات: اسمع جيد وركز معاي حاول استمتع بمركزك الاول الصيف دا لانه حايكون اخر صيف تحصل فيه على المركز الاول و ماتقول لي قاصد شنو لو مافهمت الان الصيف الجاي بتفهم عملي.

Post: #209
Title: Re: عمر نملوز
Author: عمر نملة
Date: 07-18-2010, 06:47 AM
Parent: #208

لمشاهدة الصور
http://www.oypo.nl/pixxer.asp?id=337B603FE0FAE4BC

ثم اختار تاريخ 17/7/2010
اضغط
Zoek
ثم اختار
Blankenberge strandloop 2010 SeaLife Run Noordzeeloop 2010

Post: #210
Title: Re: عمر نملوز
Author: الرشيد بابكر
Date: 07-18-2010, 09:29 AM
Parent: #209

عمر لاحظت وزنك نزل عدة كيلوجرامات...هل هي مقصودة و لا زيادة التمارين أدت لهذه النتيجة...
المعروف عن بتاعين الماراثون ان أجسامهم بتكون نحيفة جدا...مثل سعيد عويطة و هايلا حبرسيلاسي...
و لا امكن زمان لأن الجو كان بارد شوية و كنت لابس هدوم كتيرة شوية كنت تبدو أكبر حجما..

قلت لي رغم كل المعوقات عملت 49 دقيقه...
يعني حسه منصور ده لو جاك هناك ممكن يشارك في (أركه عمياء) براحة مع الجكس الفي الشاطي ده...

Post: #211
Title: Re: عمر نملوز
Author: محمد آدم النور
Date: 07-18-2010, 06:33 PM
Parent: #210

Quote: يعني حسه منصور ده لو جاك هناك ممكن يشارك في (أركه عمياء) براحة مع الجكس الفي الشاطي ده...

يا رش
زولك منصور التمارين الخشاها لسع ما جابت نتيجة
الآن هو مشارك بشكل أساسي في (صفرجت)
سننتقل به إلى (كديس من نطاك) بعيون مفتحة و مفنقلة
و أنا جايب ليهو كوتش مخصوص حتى نتمكن للوصول إلى (أركه عمياء)
مش قلت ليك يا نملة موسى عيسى لو جا بي جاي طوالي للإنعاش؟؟؟؟

Post: #212
Title: Re: عمر نملوز
Author: عمر نملة
Date: 07-18-2010, 07:59 PM
Parent: #211

ياراش
اقول ليك وصلت بتدرب حوالي 10 كم يوميا ماعدا اليوم القبل المباره بيكون راحه، وقبل المباره تسخين قريب 4 كم، تقول وزني نقص وزني طار من 78 كجم ال 66 كجم مع نظام غذائي معين
و الحكايه بعد ما شاب بقي يلعب الماتشات. بس ربنا يدي الصحه. وركز معاي 39 دقيقه ما 49 دقيقه لسباق 8 كم, والسباق القادم يوم الجمعه 23/07/2010 بمدينة كوك سايدا لمسافة 10 كم وان شاء الله بحقق زمن اقل من 50 دقيقه. وقلت ليك ثقتي في نفسي السباق السابق كانت 40% والله كان زدها شويه كان كسرت حاجز 38 دقيقه.
اسمع دخلت واسطه لحبيبنا ابو النصر نخليه على طول يلعب كم في الخط.

Post: #213
Title: Re: عمر نملوز
Author: عمر نملة
Date: 07-18-2010, 08:00 PM
Parent: #212

ابو عمر
شوف عيني في سباق 10 كم وبرضو في سباق 8 كم شفت ليك واحده اسمها بانيس فريدا عمرها 65 سنه خلصت سباق 10 كم في 82.54 دقيقه تقول انعاش. يعني سرعتها قريب 7.5 كم/س. الرياضه ياشباب وخلوا بالكم من الكرسترول.
اسمع مع الشواطئ الا تلعب كديس من غطاك.

Post: #214
Title: Re: عمر نملوز
Author: عمر نملة
Date: 07-18-2010, 08:10 PM
Parent: #213

blankenberge.jpg Hosting at Sudaneseonline.com

blankenberge1.jpg Hosting at Sudaneseonline.com


blankenberge2.jpg Hosting at Sudaneseonline.com

blankenberge3.jpg Hosting at Sudaneseonline.com

Post: #215
Title: Re: عمر نملوز
Author: عمر نملة
Date: 07-19-2010, 03:51 AM
Parent: #214

لمشاهدة نتائج سباق BLANKENBERGE
http://www.acb-vzw.be/uitslag%20SLR%208km2007.htm
ترتيب العنيد ال 95 بزمن قدره 39.03 دقيقه

Post: #216
Title: Re: عمر نملوز
Author: محمد صديق
Date: 08-08-2010, 02:38 PM
Parent: #215

سلامات يا ناس

الحبيب ..نملوز

مشتاقين ياخى واريتك تكون طيِّب

طولة زى دى ما حصلت...طمِّنا عليك.

Post: #217
Title: Re: عمر نملوز
Author: عمر نملة
Date: 08-14-2010, 04:49 PM
Parent: #216

الصديق تسال عنك العافيه وربنا يسترك دنيا واخره، اهتمامك بالاخر يجعلني اتواجد حيثما تكون
وربنا يتقبل منك صيام الشهر الكريم ويفتح عليك دنيا واخره آمين.
غبت لازدحام جدولي اليومي من عمل وتمارين ومسابقات وتجهيز للاجازه التي سوف اقضيها بمصر المؤمنه ابتداء من ليل الاحد 22/08/2010 وينوبك ثواب لمني في اي زقازيقي متواجد بمصر عشان احجز لي شقه مع الاولاد وامهم.

Post: #218
Title: Re: عمر نملوز
Author: عمر نملة
Date: 08-14-2010, 04:55 PM
Parent: #217

KOKSIJDE

الجمعه 23/07/2010 خاض العنيد بمدينة كوك سايدا سباق الساحل الرابع لمسافة 10 كم وكان يمني النفس بقطع المسافه باقل من 48 دقيقه. منذ بدية السباق اكفهرت السماء وزعقت الرعود وازدات سرعة الرياح العكسيه لتشكل وتعقد المهمه الصعبه للعنيد المبتل بالمطر والمهاجم من الصرصر العاتي واصر ان لاينسحب وان يكمل السباق في زمن قدره 53 دقيقه وفي يديه شعله لاتنطفئ .
لمشاهدة النتائج والصور و فيديو بداية السباق

http://inwoner.koksijde.be/nieuwsdetail.aspx?id=3145
uitslag heren 10 km (pdf)
Fotoalbum massajogging 2010

مشاهدة صور العداء عند خط النهايه والبدايه
http://www.oypo.be/pixxer.asp?id=C500487FE6D6714F

DE PANNE
الاربعاء 28/07/2010 واصل الكساح سباقات السواحل وهذه المره في مدينه دي باني الحدوديه مع فرنسا وقد اعلنت المذيعه الداخليه بان مسافة السباق سوف تكون 8 كم منها 4 كم حتى الحدود الفرنسيه ثم العوده الي نقطة البدايه. منذ البدايه وضح بان الجفاق نملوز يخبئ مفاجاه من العيار خفيف الوزن ويتعدى المتسابقين الواحد تلو الاخرى ليقطع السباق في زمن قدره 37 دقيقه محطما رقمه السابق في مدينة بلانكن بيرخ باكثر من دقيقه. لمشاهدة النتائج
http://www.depanne.be/downloads/archive/974b7446-f25a-4...d14-8018fa0fedc5.pdf


WENDUINE

الجمعه 30/07/2010 الموعد مدينة فين داونا وسباق الساحل السادس لمسافة 16 كم(10 اميال) حيث يعادل سباق نصف المارثون(21 كم) اذا وضعنا في الاعتبار وعورة وكثافة الرمال . وكان الامتحان الاصعب والاحلى من نوعه واستطاع البطل الموعود ان يكمل السباق في ساعه و17 دقيقه ليحرز المركز 117.
لمشاهدة النتائج
http://www.sportdienstdehaan.be/

BREDENE

الجمعه 06/08/2010 كان الموعد مع مدينة برديدنا وهذه المره كان السباق لمسافة 9 كم على الارصفه. ودخل المشتعل ثقه ولياقه وعزيمه السباق ونصب عينيه ان يصل الي سرعة 14 كم/ساعه وان يقطع السباق في زمن اقصاه 40.30 دقيقه. فكانت المفاجاه من العيار الثقيل حيث قطع السباق في زمن قدره 38 دقيقه وبسرعه بلغت 14.22 كم/س. محطما حتى توقعات نفسه ويصرخ بصوره اقرب الي الجنون في نهاية السباق على حصده جهود تمارينه الشاقه التى اصبحت من حلم الي حقيقه وحان وقت قطافها.

Post: #219
Title: Re: عمر نملوز
Author: محمد صديق
Date: 08-14-2010, 09:07 PM
Parent: #218

سلامات يا ناس

سلام نملوز سلام

وحمداً لله على السلامة

ومبروك النجاحات وإلى الأمام.

Post: #220
Title: Re: عمر نملوز
Author: البادي النور
Date: 08-24-2010, 08:33 AM
Parent: #219

نملوز رمضان كريم .. ما شاء الله وتبارك الله عيني باردة شايفك ماشي من أحسن إلى أحسن ...

بالنسبة للحملة الإعلانية أقترح الإستفادة من أبوالزوز مش هو أخد القيد الصحفي وطيب ...

Post: #221
Title: Re: عمر نملوز
Author: Tabaldina
Date: 09-29-2010, 08:32 AM
Parent: #220

..
.
سلام يا عمر

ياخى داير لى زيارة لهولندا لمدة شهر او اسبوعين ..
ممكن المساعدة ..


-------------


ما تقول لى قدم للسفارة والاجراء وشنو ما عارف ..
وبالمناسبة شهر يعنى شهر ما فيهو زوغة ولا هجرة ..

تحياتى
Saleh Abdelrahman Saleh
[email protected]
00249912397336

Post: #222
Title: Re: عمر نملوز
Author: الرشيد بابكر
Date: 11-08-2010, 09:21 PM
Parent: #221

أين أنت يا نملوز...
غيابك طال...
لعلك بخير و عافية...

Post: #223
Title: Re: عمر نملوز
Author: محمد صديق
Date: 11-09-2010, 07:48 AM
Parent: #222

سلامات يا ناس

Quote: أين أنت يا نملوز...
غيابك طال...
لعلك بخير و عافية...

Post: #224
Title: Re: عمر نملوز
Author: زهير الزناتي
Date: 11-10-2010, 07:39 AM
Parent: #223

Quote:
أين أنت يا نملوز...
غيابك طال...
لعلك بخير و عافية...


والله يا جماعة الولد عمر نملة ده قلق بينا ... ما في زول قريب يختف رجله لغاية عنده كده سريع ويورينا الزول ده اخبار جكاته شنو .

يا نملة مشتاقين

Post: #225
Title: Re: عمر نملوز
Author: منصور عبد الرازق
Date: 11-10-2010, 11:39 AM
Parent: #224

المفترض يكون ختف رجله للقاهرة
استقبل بت الشيخ
قضى ليهو شهر اجازة فى المحروسة ومشى فيها الزقازيق كمان
ورجع بعد داك يفتش فى ارقامه القياسية
اظهر وبان يا نملة وعليك الأمان

Post: #226
Title: Re: عمر نملوز
Author: عمر نملة
Date: 11-16-2010, 09:34 AM
Parent: #225

كل سنه والجميع بخير وعافيه وربنا يحقق ليكم الاماني.
الكوتش
كل سنه وانت بخير وعافيه وتسلم على السؤال. سلامي لكل اسرتك
نور البوادي
عيد سعيد وعمر مديد
صالح أخوي
سلام تحيه اسف للتاخر بالرد وذلك بسبب اجازتي التي قضيتها في القاهره. السؤال عن اخبارك واحوالك.
بخصوص الفيزا لاوربا ممكن ارسل لك دعوه فرجاء ارسال بياناتك الشخصيه والاستفسار بالسفاره البلجيكيه او الهولنديه عن المطلوب للتقديم لزيارة صديق.
رشا
كل سنه وانتم بخير وتسلم على الاهتمام والسؤال سلامي لكل اسرتك
منصورنا
كل سنه وانتم بخير والله القاهره هي الخطفت رجلي وزي ماقال ( ديل عايزين يغرقوا سيدنا موسى )

Post: #227
Title: Re: عمر نملوز
Author: أبوبكر حامد الأمين
Date: 11-19-2010, 10:23 AM
Parent: #226

البركة بى الشوفة يا نملوز ، تحياتى لى وليداتك ، أها أخبار الجرى شنو ، ما تقول لى الجرى فى الصيف بس ، ده جرى ولا عنب ( الله إرحم أيّام مصر حين كنتَ ترمى بحبيبات العنب فى كوب الشاى ).

Post: #228
Title: Re: عمر نملوز
Author: عمر نملة
Date: 11-21-2010, 04:09 PM
Parent: #227

بكري ودالماذؤن حبيب الكل
عيدك مبارك ويعود عليك بالخير والصحه والعافيه. ودائما بستلطف مداخلاتك ياانت. وعليك الله كيف لقيت بانت ودوران بانت ودكان الدريري وبهاء وبيرتو وحكوم ووش البجعه. اسمع والله مشتاق لطجو اديني تلفونه وكمان ماتنسى الشانزلزيه ولا اقول ليك سيف بتاع الطعميه.اقول ليك حاجه ماعندنا سجاير ولو عندنا مابنديك.

Post: #229
Title: Re: عمر نملوز
Author: أبوبكر حامد الأمين
Date: 11-21-2010, 06:57 PM
Parent: #228

Quote: وعليك الله كيف لقيت بانت ودوران بانت ودكان الدريري وبهاء وبيرتو وحكوم ووش البجعه. اسمع والله مشتاق لطجو اديني تلفونه وكمان ماتنسى الشانزلزيه ولا اقول ليك سيف بتاع الطعميه.اقول ليك حاجه ماعندنا سجاير ولو عندنا مابنديك.


تعرف يا نملة الزمن عمل عمايلو فى البشر ، وعفت الديار محلها ومقامها ، من لم يرتحل للدار الفانية أو لمضارب قبيلة أخرى ، شحبت روحه صارت شفقا ، بين اللهث وراء لقمة العيش وترقب فجر خلاص قد لا يحضره إلا المسيح الدجّال وكنجو فى أحسن الأحوال ، الدرديرى زادت إنفناسته على سرير يتوسط البقالة فى مشهد لايجود به الزمان خارج السودان ، لقلة الزبائن أصبح يعلّق رجل الخروف فى شنكل فى الفضاء الملحق بالجزارة ، هذا الضأن الضنين رهاب ما حصّلو من قدّ جيبه من قبلٍ ومن دبرٍ ، ولم يعد لعلوه من الأمانى الممكنة حتى لكلاب الفريق التى لم تعد بحاجة لأنيابها الحادّة ، فلا لحم ينهش ولا طفل مدغلب يغرى بعضه ، ولا حاجة لمطاردة لصوص الليل مادامت السرقة ترتكب نهاراً جهاراً وبمسميات مختلفة وبتأطير حكومى وإسناد فقهى .

Post: #230
Title: Re: عمر نملوز
Author: حيدر حسن ميرغني
Date: 11-21-2010, 08:56 PM
Parent: #229

سلامات ابو الطيب
مشتاقين يالغم

Post: #231
Title: Re: عمر نملوز
Author: عمر نملة
Date: 11-22-2010, 04:11 AM
Parent: #230

الحنين ابوالالغام
كل مره اقول اشاغلك انشغل ابو الشغل زاتو. يلغم ماتجيني زياره هناخاصه الايام دي البحر فاضي من الالغام
سلامي لكل الحبايب معاك.

Post: #232
Title: Re: عمر نملوز
Author: عمر نملة
Date: 11-22-2010, 04:21 AM
Parent: #231


Post: #233
Title: Re: عمر نملوز
Author: Tabaldina
Date: 12-05-2010, 02:56 PM
Parent: #232

..
.
شكرا يا نملوز ..
سوف اقوم بزيارة لاحدى السفارتين او موقعهم فى النت
لمعرفة الاجراءات والمطلوب ..

------

بالمناسبة فيزا الشينغن للسودان
فيهو برضو عكلته .. نحن بقينا شعب ملفوظ
الله يسهل ..
رسل لى الايميل هنا
عشان اديك البيانات واسكنغ للجواز
وكل المستندات المطلوبة

Post: #234
Title: Re: عمر نملوز
Author: عمر نملة
Date: 12-05-2010, 03:35 PM
Parent: #233

تبلدينا
مليون مرحب بيك عندنا وربنا يسهل ليك الاجراءات
وايميلي [email protected]
تلفوني 0032493409406 بس اديني كول وبرجع اتصل عليك
عنواني البريدي
A. AHMED
AARTSHERTOGSTRAAT 52
8400
OOSTENDE -BELGIUM

ورجاء عنوانك البريدي لانه عند ارسال الزياره لازم تقدم النسخهالاصليه

تخريمه
رسل برضوا معلومت هاني برعي عشان نفرح بيكم الاثنين ونحسم الموضوع دا

Post: #235
Title: Re: عمر نملوز
Author: عبد الدائم سيد أحمد
Date: 12-06-2010, 07:47 AM
Parent: #234

نزل التــلج وبرد الجـو


اخبار الجرى شنو

Post: #236
Title: Re: عمر نملوز
Author: محمد صديق
Date: 12-08-2010, 10:38 AM
Parent: #235

سلامات يا ناس

Quote: اخبار الجرى شنو


مادام ما قاعد يجى هنا ...معناها لسة ما وقف.

Post: #238
Title: Re: عمر نملوز
Author: عمر نملة
Date: 12-18-2010, 04:03 AM
Parent: #236

ابوالخلفاء
والله جري المعايش اصعب وعامل زي ساقية جحا
اسمع وين صاحبي رضا من لماتكم الحلوه

Post: #237
Title: Re: عمر نملوز
Author: عمر نملة
Date: 12-18-2010, 04:00 AM
Parent: #235

ابو العناب العذارى
والله رغم التلج السبت الفات كان عندي سباق 9 كم
وكنت عايز اكسر رقمي السابق 38 د لكن يظهر التلج اصعب
من الرمال. طبعا رغم كل شئ مواصل تمارين استعداد للربيع
لك ودي

Post: #239
Title: Re: عمر نملوز
Author: Tabaldina
Date: 12-28-2010, 10:26 AM
Parent: #237

..
.
سلام يا نملوز ..

ما تفتكر اخوك بتاع حكى
بنجدد فى الجواز وطبعا قالو الا الكترونى
وفى بعض السفارات _ امريكا_ ما بتقبل الالكترونى
وخايفين تحصل لينا معاكم ..
المهم بنشوف فى واسطة لبتاع الورق والاختام داك

وبرسل ليك كوبي بالايميل ..
عملت خطوة ةعملت حجز من نابلى لامستردام بالقطار
بس الشباب ما شجعوا الفكرة وقالو تلتله ساااى

--------

المهم
العافية درجات وقت ما الجواز يجهز
برسل الكوبي والباقى ساهل بس اهم شئ
الفيزا تكون 6 شهور ..

مودتى

Post: #240
Title: Re: عمر نملوز
Author: محمد صديق
Date: 12-29-2010, 03:40 PM
Parent: #239

سلامات يا ناس

سلام نملوز سلام

0912585925

كده رضا.

Post: #241
Title: Re: عمر نملوز
Author: عمر نملة
Date: 12-31-2010, 07:42 AM
Parent: #239

سلام تحيه تبلدينا
منتظرك باالكتروني بس رسل لي البيانات
وفي اقل من 24 ساعه تستلم دعوتك

Post: #242
Title: Re: عمر نملوز
Author: عمر نملة
Date: 12-31-2010, 07:44 AM
Parent: #241

تسلم ياصدق
حاولت الاتصال لكن بسمع جرس ، بحاول مره تانيه
وبرضو منتظر عنوان البريد

Post: #243
Title: Re: عمر نملوز
Author: الرشيد بابكر
Date: 12-31-2010, 09:06 AM
Parent: #242

نملوز يا حبيب...
طولنا منك طول شديد يا نملوز و بقيت تظهر كل شهر مرة...
كل سنة و أنت و الأسرة بخير وصحة و عافية...
و أمنياتنا ليك أن تكون 2011...
سنة انتصارات...
علي صعيد الأسرة...
تكونوا تامين و لامين و سعيدين...

على الصعيد الاقتصادي
تكون دافع كل فواتيرك و زيادة كمان...
و تشتري ليك بيت في أوستند تسكن انت و الأسرة تحت و تاجر الفوق لي عجايز بلجيكيين...

على الصعيد العاطفي..
ده فوق مع بتاع الأسرة...
تكون شارب الميراندا كلها...

على الصعيد الرياضي...
تحطم كل الأرقام القياسية...
و تظهر صورتك الجميلة دي في كل الاصدارات الرياضية...
الاليكترونية منها و المقروءة...

عام سعيد

Post: #244
Title: Re: عمر نملوز
Author: عمر نملة
Date: 01-01-2011, 01:11 AM
Parent: #243

رشدي
كل سنه وانت واسرتك الكبيره والصغيره بخير وعافيه
وربنا يحقق امانيكم.
Quote: و أمنياتنا ليك أن تكون 2011...
سنة انتصارات...
علي صعيد الأسرة...
تكونوا تامين و لامين و سعيدين...

آمين
مواصل تمارين واذا ربنا اراد بحقق سرعه هذا الصيف بين
15 و18 كم/ساعه( والله حاجه قاسيه عشان تكسر ثانيه
بس زي ماقلت العناد والاصرار مع التخطيط السليم
اما على صعيد الاسره الصغيره وبعد ولاده متعسره
تمت الموافقه باعطاء زوجتي الموافقه للقدوم الي بلجيكا
Quote: على الصعيد الاقتصادي
تكون دافع كل فواتيرك و زيادة كمان...
و تشتري ليك بيت في أوستند تسكن انت و الأسرة تحت و تاجر الفوق لي عجايز بلجيكيين...

دفع الفواتير كلها دي اصعب حاجه والله قبل ماتنتهي من دفع فاتوره
تلقى البعدها منتظراك. تخيل اخر فاتوره دفعتها وانا بضحك هي ضريبه
للجميع يعني ماعرفت سببها بس دفعتها من غير نقاش لانها من المحافظه
اما شراء البيت والله ماصعب بس عايز شوية تخطيط.
Quote: على الصعيد العاطفي..
ده فوق مع بتاع الأسرة...
تكون شارب الميراندا كلها...

حليل الميرندا والله شارب الصبر مع دوامة الشغل والجري
الان مستعد ماشي شغل(الساعه واحده صباح اول يوم من 2011
Quote: على الصعيد الرياضي...حتحطم كل الأرقام القياسية...
و تظهر صورتك الجميلة دي في كل الاصدارات الرياضية...
الاليكترونية منها و المقروءة...

اذا ربنا اراد ان شاء الله 2013 بدخل سرعه 21 كم/ساعه
Quote: عام سعيد

عامك اسعد

Post: #245
Title: Re: عمر نملوز
Author: الرشيد بابكر
Date: 01-09-2011, 06:10 AM
Parent: #244

Quote: مواصل تمارين واذا ربنا اراد بحقق سرعه هذا الصيف بين
15 و18 كم/ساعه( والله حاجه قاسيه عشان تكسر ثانيه
بس زي ماقلت العناد والاصرار مع التخطيط السليم
اما على صعيد الاسره الصغيره وبعد ولاده متعسره
تمت الموافقه باعطاء زوجتي الموافقه للقدوم الي بلجيكا


نملوز الحبيب...
مزاجك ما رايق قلت أجيك في حوشك ده و أشوفك مالك...
أنا أعزي المزاج المعكنن للشتاء و الثلج الذي يكسو كل شيء...
قلة الحركة أو انعدامها في الشتاء يسبب العكننة أيضا...
ربما تكون قد قلت وتيرة التمارين التي اعتدت عليها و أيضا بسبب الشتاء...
و الشتاء ليس كالشتاء عندنا...
فالشتاء عندنا يرفع المعنويات و يجعلك تحس بالجمال في كل شيء...
فالجو عندنا شتاء أشبه بالربيع عندكم أو الصيف أحيانا...
المهم مهما كانت المعكننات فليس عندي أدنى شك في أنك ستتجاوزها...
لما عرفته عنك من روح عالية و عزيمة و اصرار..

سنخطط جيدا لهذا الصيف ان شاء الله حتى نلتقيك و أسرتك ببلجيكا...

Post: #246
Title: Re: عمر نملوز
Author: محمد صديق
Date: 05-12-2011, 02:55 PM
Parent: #245

سلامات يا ناس

يا نملة إزيّك...

انت لسه ما وصلت ؟؟

بطِّل الحركات تعال راجع.

Post: #247
Title: Re: عمر نملوز
Author: عمر نملة
Date: 01-13-2018, 08:41 AM
Parent: #246

سلام
واقفين وين

Post: #248
Title: Re: عمر نملوز
Author: محمد صديق
Date: 01-14-2018, 09:40 AM
Parent: #247



واقفين محل خليتنا
مشتاقين ياخ

Post: #249
Title: Re: عمر نملوز
Author: عمر نملة
Date: 02-27-2018, 04:18 AM
Parent: #248

سلام
يا كوتش احيك على الصمود والثبات...ارجع اواصل...

Post: #250
Title: Re: عمر نملوز
Author: عمر نملة
Date: 10-16-2019, 07:46 AM
Parent: #249

سلام
سوف ارجع اواصل متعة