يديك لى طول العمر وفى الدنيا يوم ما يالمك 0000000 امى الله يسلمك

اللهم اكرمنا برضائها
ان رضائك فى رضائها


اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك

اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين

اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك

اللهم و أقر أعينها بما تتمناه

لنا في الدنيا

اللهم إجعل أوقاتها بذكرك معمورة

اللهم أسعدها بتقواك

اللهم اجعلها في ضمانك وأمانك وإحسانك

اللهم ارزقها عيشا قارا ، ورزقا دارا ، وعملا بارا

اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل

اللهم اجعلها من الذاكرين لك ، الشاكرين لك ، الطائعين لك ، المنيبين لك

اللهم واجعل أوسع رزقها عند كبر سنها وانقطاع عمرها

اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى

به عنها

اللهم تقبل توبتها ، وأجب دعوتها

اللهم إنا نعوذ بك أن تردها إلى أرذل العمر

اللهم واختم بالحسنات أعمالها….. اللهم آمين

اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها

اللهم ورضها علينا! ! ! ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك

من عقوقها
اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك

اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين

اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك

اللهم و أقر أعينها بما تتمناه

لنا في الدنيا

اللهم إجعل أوقاتها بذكرك معمورة

اللهم أسعدها بتقواك

اللهم اجعلها في ضمانك وأمانك وإحسانك

اللهم ارزقها عيشا قارا ، ورزقا دارا ، وعملا بارا

اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل

اللهم اجعلها من الذاكرين لك ، الشاكرين لك ، الطائعين لك ، المنيبين لك

اللهم واجعل أوسع رزقها عند كبر سنها وانقطاع عمرها

اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى

به عنها

اللهم تقبل توبتها ، وأجب دعوتها

اللهم إنا نعوذ بك أن تردها إلى أرذل العمر

اللهم واختم بالحسنات أعمالها….. اللهم آمين

اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها

اللهم ورضها علينا! ! ! ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك

من عقوقها

اللهم آمين
اللهم آمين
اللهم آمين

وصل الله على نبينا محمد وعلى آله و أصحابه ومن تبعهم باحسان الى يوم الدين

اللهاللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك

اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين

اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك

اللهم و أقر أعينها بما تتمناه

لنا في الدنيا

اللهم إجعل أوقاتها بذكرك معمورة

اللهم أسعدها بتقواك

اللهم اجعلها في ضمانك وأمانك وإحسانك

اللهم ارزقها عيشا قارا ، ورزقا دارا ، وعملا بارا

اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل

اللهم اجعلها من الذاكرين لك ، الشاكرين لك ، الطائعين لك ، المنيبين لك

اللهم واجعل أوسع رزقها عند كبر سنها وانقطاع عمرها

اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى

به عنها

اللهم تقبل توبتها ، وأجب دعوتها

اللهم إنا نعوذ بك أن تردها إلى أرذل العمر

اللهم واختم بالحسنات أعمالها….. اللهم آمين

اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها

اللهم ورضها علينا! ! ! ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك

من عقوقها
اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك

اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين

اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك

اللهم و أقر أعينها بما تتمناه

لنا في الدنيا

اللهم إجعل أوقاتها بذكرك معمورة

اللهم أسعدها بتقواك

اللهم اجعلها في ضمانك وأمانك وإحسانك

اللهم ارزقها عيشا قارا ، ورزقا دارا ، وعملا بارا

اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل

اللهم اجعلها من الذاكرين لك ، الشاكرين لك ، الطائعين لك ، المنيبين لك

اللهم واجعل أوسع رزقها عند كبر سنها وانقطاع عمرها

اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى

به عنها

اللهم تقبل توبتها ، وأجب دعوتها

اللهم إنا نعوذ بك أن تردها إلى أرذل العمر

اللهم واختم بالحسنات أعمالها….. اللهم آمين

اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها

اللهم ورضها علينا! ! ! ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك من عقوقها

اللهم ارزقنا رضاها ونعوذ بك

من عقوقها

اللهم آمين
اللهم آمين
اللهم آمين

وصل الله على نبينا محمد وعلى آله و أصحابه ومن تبعهم باحسان الى يوم الدين


اللهم ارحم الموتى من امهاتنا وادخلهم فسيح جناتك مع الصديقين والشهداء وحسن اولائك رفيقا

الزم المرض امى السرير

ارتبكت حياتى
اتاخبط يومى
اتشوشت افكارى
ممكن يكون المرض ما خطير بس حسيت بانو كتير عليها
دايما واقفة ذى تبلدية كردفانية
دايما باسمة
ايديها ممدودة للغاشى والماشى
عصيدتها كل جمعة لكل بيوت الشويحات حينا فى الابيض بدون فرز
الرز بللبن مافى مرة بتعملو بطعما ودة قدح بياضا لكل مناسبة خير
رايها سديد بشاورا القريب والبعيد
مصحفا ملازم ايدا كانو جزء منها
بتدعو للكل لانها ام الكل
ادعو معاى ربنا يرفع ماما محاسن بت عزيزة
ويشفيها ويعفيها

المساحة دى ما لامى وبس
لكنها لكل امهاتى
الاموات والاحياء

امى محاسن وامى عشة وامى احسان وامى سعاد وامى زينب وامى فاطمة وامى سنكاتية وامى علوية وامى زهرة وامى بتول وامى التومةلحادى امى حواء

قدر ما نعمل وقدر ما نكتب ما حنوفيهم حقهم

اللهم اشف امهاتنا من المرض وبلغهم الصحة يا رب

اللهم رب الناس اذهب البأس اشفي انت الشافي لا شفاء الا شفائك...شفاءا لا يغادر سغما...

زوبة العزيزة شفا الله الوالده محاسن و عافاها من كل مرض...

عشان ترجع و بكل العافية تعمل ليكم العصيدة يوم الجمعة و الشعيرية و السكسكانية..

ترجع تقعد في المصلاية تدعو ليك و لي أولادك و تنسى نفسها من الدعاء...لحدي ما تحني عليها و تقولي

ليها كفاية كده يا ماما..

كل الدعوات الطيبات لها من القلب ...

نسأل الله القبول...

سلام يا رشا وربن يتقبل منك
ويدى والدتى ووالدتك وكل اماتنا الصحة والعافية
ويرحم من سبقنا يارب

وانشاء الله يالرشيد لما تجى الاجازة ماما تعمل ليك العصيدة والملاح بايداوكمان الرز بللبن

كانت اكبر البنات الخمسة ورقم تلاتة بعد ولدين نافذة الراى مما هى صغيرة
لما بقت فى سن الزواج جاها السعد وفرحو الناس
واتمنو ليها الزرية الصالحة
بس الزرية اتاخرت
سنة
اتنين
تلاتة
لحدى ما وصلت لطاشر سنة
ما خلت دكتور
ما خلو شيخ
زارو الشيخ اسماعيل الولى راجل كردفان عظيم الشان
وازرق طيبة
والصايم
والبرعى الله يرحمهم جميعا وكان بقول ليى بنيتنا الشحدوها مننا
حتى جيرانا الاقباط زوروها الكنيسة وولعو شموع للعذراء
لما حجت وما اكتر حجاتا نزرت انو لو ولدت تجيب المولود وتطوف بيهو حول الكعبة سبعة مرات وتصلى 100 ركعة فى الحرم
فى مرة من المرات كانت فى بت من جبال النوبة معانا فى البيت وهى بمثابة البت لامى
لما اتزوجت وولدت رفضت تبعد من امى
فحكت لى قالت انو فى مرة وهى شايلة بتها الابت تسكت شالتا امى منها وبدت تهدهد فيها
ولما البت نامت قالت ياربى تدينى بت النشالله بت نوبا
فسارت على زنوبة بت النوبه
كملتها عمتى وقالت
زنوبا بت النوبة
الدقو ليها الدهب راكوبا
خمسين جنية لمركوبا(خمسين اااال)
دايما بتتمنى تجيب بت وبتقول الما عندها بنية مدفونة حية
ياريت لو اق\در اوفى
لما ربنا اداها مرادا اوفت بكل نزورها بما فيها الطواف والصلاة

اللهم قدرنى اوفى ولو بجزء يسير

الهم اكرمنى برضائها

سلام يا زينب ليك و العيال و أبوهم ..و سلام للوالدة الغالية / محاسن و دعوات صادقات للمولى عز و جل أن يشفيها شفاءاً كاملاً و يبلغها تمام شدتها و يلبسها ثوب الصحة و العافية و يحفظها لكم و يسعدها بكم و يسعدكم بعافيتها..
اللهم رب الناس اذهب الباس و أشف أمنا محاسن شفاءاً تاماً .. اللهم اشفها انت الشافي شفاء لايغادر سقماً ...
_

أختي زينب .. تحياتي
تمنياتي للوالدة العزيزة بالشفاء العاجل وربنا يديها الصحة والعافية ..
وأرجو أن يخفف عنها آلام المرض ويجعله لها كفارة وثواب ..
الأم هي أعظم كائن لدى كل إنسان ويكفي كلام الرسول (ص) عنها ..
ويكفي ماقاله الشعراء والأدباء أيضاً .
ومهما فعلنا فإننا لن نستطيع أن نرد لها جمائلها علينا ..
وحب الأم هو حب طبيعي مغروس في دواخلنا فهي أول من حملتناوذلك منذ بدايات تكويننا ..
ندعو الله جميعا أن يطيل عمر أمهاتنا ويرحم من أختارهن الله لجواره ..
ويازوبة ندعو الله معك أن يشفي أمك العزيزة ..
بســــــــكو،،،،،

سلامات يا ماما محاسن

زنوبة بت النوبة...سلام وشوق

نرفع الاكف والقلوب بالدعوات المرجوات

للغالية ام الناس ونسأله تعالى القادر

على كل شىء والشافى لكل داء ان يُلبسها

ثوب الصحة والعافية..شفاءً كاملآ عاجلآ

يا رب ...آمين

سلام لاجدع ناس وجمعة مباركة
اللهم اف المرضى من امهاتنا
وادم الصحة والعافية عليهم جميعا
اللهم ارحم من رحل منهم وتقبلة قبولا حسنا

الف شكر يا دهب وكمان شكر يا بسكو ومليون شكر يا جورج
ربنايتقبل دعواتكم الصادقة

والتى صادفت وقت استجابة
اطمنكم امكم ماما محاسن كما يحلو للجميع ان يناديها اليوم بخير ومعنويات عالية

وكمان اصرت تمشى تقوم بواجب عزاء وهى ست واجب

وشكرا ليكم

اللهم رب الناس اذهب البأس
اشفي انت الشافي لا شفاء الا شفائك...
شفاءا لا يغادر سغما...
زوبة بنت النوبة
نسأل الله للوالده محاسن
و أن يعافيها من كل مرض...
اللهم آمين

Quote: وكمان اصرت تمشى تقوم بواجب عزاء وهى ست واجب

إنشاء الله مشت كداري
و أديتيها حق السالف
متع الله بالصحة و العافية
و إن يديك بيت ناصية في الصافية
غايتو وعكة الوالدة تكون ركبتيها الأمجاد بتاعتك
خليها تمشي بي كرعينها لكن مت تقلي عليها

مراحب وهلا بجلا
وشكرا ليك ويديك الصحة والعافية

وبيت الصافية الناصية دة ياريت لو يكون على شارع كبير وداك يا صف الدكاكين يا زول ما بخلى الا خشم باب صغير

لو ما عملتا سلم خارجى للدخول

بما انك دعيت لى فعندك نصيب فى الايجار


شكرا رشا ونانى

وجاية لعلاقة نانى بناس بيتنا لدرجة انى بقيت اغير منها

الله يشفى ماما محاسن ويطول عمرها ويخليها لزوبة واولادها ولينا كلنا.
ماما محاسن عندها لى معزة خاصة بدات من نحن فى الزقازيق قبل ما تشوفنى كانت زوبة بتحكى ليهم عنى لما جينا برالمة..وكل الجوابات البتصل منهم هى وعمى التجانى الله يرحمه اكثرهاسوال عنى وسلامهم لى وشوقهم لرؤيتى.
وفى عبارة من عمى التجانى رحمة الله عليه دايمابختم بيها لزوبة يا حاجة زينب قولى لنجاة حوفى تقبلى تحيات ماما محاسن وكل الاهل..
اول مرة شفت ماما محاسن فى الاجازة فى بيت خالة زينب ببانت .. حسيت كانى بعرفها واتعلقت بيها اكثر لانه امى كمان اسمها محاسن.
الل يخلى لينا امهاتنا كلنا ويعافيهم ويشفيهم ويرضيهم ويدينا رضاهم وعفوهم ويرحم كل الامات الاحياء والاموات..
ودمتم وامهاتكم سالمين

علاقتى باهل زوبة وطيدة جدا مرة كتب لى عمى التجانى رحمة الله عليه جواب و وماما محاسن ورديت عليهم وبقيت اكتب جواب لابوى وامى ومعاه طوالى جواب ناس ماما محاسن.. كل ما يجةى جوابات فى الكلية عند عمى عمر( انشاء الله ما اكون غلطت فى الاسم ) زوبة تقول يا نانى الجواب د ه شكله من الابيض ده خط بابا وفعلا نلقاه من اهل زوبة لكن لى انا والغيرة بدت.. بمعدل كل 4 جوابات فى الشهر بطلعوا 3 لنجاة حوفى..
زوبة تقول لى اهلك كيف اقصد ناس الابيض..
مرة اتصلت واحدة قريبة زينب جات من الابيض ركبنا البيجوجرى للقاهرة ولما جينا فكينا الحاجات لقيناهاعلبة كعك كبيرة ومعها قرقوش من ماما محاسن مكتوب عليها بخط عمى التجانى الله يرحمه الى الابنة نجاة حوفى..
عودتنى ماما محاسن كل ما ترجع زوبة من الاجازة انها ترسل لى الكعك وهدوم البيت وعديد من الاشياء
ماما محاسن لما تمشى ليها فى البيت لازم تهديك شى اخر مرة لما لاقيتها قالت لى ما عارفاك جاية ادتنى كيس مليان سكسكانية عشان اعمله لاولادى وشلت الكيس ختيته فى قعر شنطتى كل زول يهبشه اقول ليهم لا شايلاهه معاى ابوظبى وفعلا استمتعنا انا ورشيد القوم بسكسكانية ماما محاسن لانه ناس امنية ونودى ما بياكلوهها.. الله يحلى كل ايام ماما محاسن ويديها طولة العمر ليك ولى يا بت النوبة..

دامت ماما محاسن سالمة

مهداه فى هذا اليوم المبارك للوالده محاسن ونسأل الله ان يواليها بالشفاء

وان يسبغ عليها ثوب العافية ...

ومهداة ايضا لكل الامهات من الزقازيقيات وزوجات الزقازيقيين

و من قبلهن امهات الزقازيقيين والزقازيقيات ..

وهذه دعوه ليك يا زنوبة بأن ننظم احتفالا خاصا بعيد الام يوم 21/3

فى هذا البوست

سلام يا نانى

وسلام من ماما محاسن ليكم كلكم

وراجعة ليك يا بروية

عيد العيد
مليون شكر وتحية

والف شكر للاغنية والله حسيت بى وبى برلمتى
من المس بحاول اتزل الاغنية بس غلبتنى مع انى قبل كدة عملتها
فقلت استعين بصديق وكنت على البال
مليون شكر

ومعاك من هسة نجهز باحتفال اعز الحبايب


ودة بوست اى ام واى بت شيخ

ويا رب زى ما وهبت ماما محاسن زنوبة بت النوبة

ترزق اى امراة محرومة من الامومه انشاء الله بت نوبة

سلام تانى
واله يا نانى ما قصرتى وبلمناسبة جردل الجبنة المضفرة بتاعكم وصل من الابيض بعد ما سافرتو بس قلت لامى لو اكلتو انا واولادى ذى الاكلتو نجاة
اعفيهو لينا وحنعوضكم ليهو

ماما محاسن ربنا حباها بلقبول وحب الناس
كل البتعاشرو بينتمى ليها
معانا فى البيت صبية كانت لما جات تشتغل معانا عمرها سبعة سنوات اختها كانت معانا فى يوم جات تبكى لما سالتا امى مالك
قالت الزولة الشغالة معاها منعتا المدرسة
قالت ليها امى تعالى اقعدى معاى واترسلى وامشى المدرسة
فكانت بتهتم هى وابوى بسارة بشكل ما عادى
وكانت سارة مهذبة مرتبة نظيفة
هى لحدى اليوم فاتحة بيتنا وامتحنت للجامهة ودخلت معهد كمبيوتر
ولحدى الليلة بقول سارة اختى





اما علاقة ناس بيتنا بصديقاتى فدى كانت قوية شديد
يعنى نجاة وبطة وسناء ديل كانو جو الابيض لحضور زواجى وما حانساكم يا بسكو ورشاوعمرمجزوب زوج سناء
طبعا كان عندهم وضع خاص
امى تجى تقول لى الناسدى اكلو
اقول ليها يا ماما انا عروس خليهم ياكلونىهم
بس والله سلمى احمد البشرى ست البلد والبيت ما قصرت
سناء انتظرت بعد ما سافرنا عشان تعيد ترتيب البيت مع اهلى وكان ابنها ناظم صغير
دايما بتوصينى على انى اتواصل مع كل البعرفهم

يديها العافية

انا مشيت قبل عرس بت النوبة بيوم لانى كنت مشغولة مع العريس عمر بالخرطوم حتى دبلته مشينا اشتريناها انا وهو..انا ابعد محلة مشيتها بالبص سنار من مدنى كمان..
رحلة من الخرطوم للابيض طويلة بس ما كانت مملة لاسباب انتوا عارفنها..
اول ما وصلنا الابيض ودخلت بيت ناس زينب .. البيت مليان ناس والخيم يومين شمال البت واحدة وده يوم المنى لماما محاسن .. وقفت اترددت ادخل انا بس بعرف ماما محاسن والعروس اكيد هى ما فى البيت..
كان ده الساعة 4 تقريبا.. سالت وين ماما محاسن اول زول قابلنى عمى التجانى الله يرحمه ولم اكن احظى بمقابلته.. طوالى قال لى انت اكيد نجاة حوفى وطوالى انا وقعت ليكم فيه احضان وبوس شديد انا اصلى متعلقة بابوى شديد وبحب الاباء مش اكثر من الامات بس لانهم بدلعوا البنات اكثر .. مسكنى من يدى وبدا يعرفنى على كل اهل زوبة تعالوا دى نجاة حوفى والصيوان كله طلع بعرفنى نجاة حوفى ..
ماما ناهد وحبوبة عزبزة وعبد الحليم ود عمى الله يرحمه وكل الناس التفوا حولى وزوبة عند الجيران معسكر
ودونى ليها ويلا بدينا الخطط والترتيب وما نمنا للصباح نتونس ونضحك ..
جات سناء الصباغ وبطة وكانت لمة جميلة جدا
ورجعنا مع العروس فى نفس البص وماما محاسن زودتنا بالاكل والكعك واصر عمى التجانى يدينى حق التذكرة كمان..
التحية مجددا لامى التانية محاسن ام زوبة

{ وقضى ربك ألا تعبدوا إلا إياه و بالوالدين إحسانا ‎}
اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت! ! ! ، أن تبسط على والدتي من بركاتك ورحمتك ورزقك
اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفها كل هول دون الجنة حتى تُبَلِّغْها إياها .. برحمتك يا ارحم الراحمين
اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها, اللهم ولا تجعل لها حاجة عند أحد غيرك
اللهم و أقر أعينها بما تتمناه لنا في الدنيا
اللهم إجعل أوقاتها بذكرك معمورة
اللهم أسعدها بتقواك
اللهم اجعلها في ضمانك وأمانك وإحسانك
اللهم ارزقها عيشا قارا ، ورزقا دارا ، وعملا بارا
اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل
اللهم اجعلها من الذاكرين لك ، الشاكرين لك ، الطائعين لك ، المنيبين لك
اللهم واجعل أوسع رزقها عند كبرسنها
اللهم واغفر لها جميع ما مضى من ذنوبها ، واعصمها فيما بقي من عمرها، و ارزقها عملا زاكيا ترضى به عنها
اللهم تقبل توبتها ، وأجب دعوتها
اللهم إنا نعوذ بك أن تردها إلى أرذل العمر
اللهم واختم بالحسنات أعمالها..... اللهم آمين
اللهم وأعنا على برها حتى ترضى عنا فترضى ، اللهم اعنا على الإحسان إليها في كبرها
اللهم ورضها علينا ، اللهم ولا تتوفاها إلا وهي راضية عنا تمام الرضى ، اللهم و اعنا على خدمتها كما ينبغي لها علينا، اللهم اجعلنا بارين طائعين لها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم ارزقنا رضاها ونعوذ بك من عقوقها
اللهم آمين
اللهم آمين
اللهم آمين
وصلى الله على نبينا محمد وعلى آله و صحبه ومن تبعهم بإحسان إلى يوم الدين
*******
اللهم اني اسألك من خير ما سألك به محمد صلى الله عليه و آله وسلم واستعيذ بك من شر ما استعاذ به محمد صلى الله عليه و آله وسلم
اللهم ارزق مرسل و قارىء الرسالة مغفرتك بلا عذاب وجنتك بلا حساب ورؤيتك بلا حجاب
اللهم زهو جنانك ، وشربة من حوض نبيك واسكنا دار تضيء بنور وجهك
اللهم لا تجعل لنا في هذه الدنيا همًا إلا فرجته ولا دينًا إلاقضيته ولا حاجة من حوائج الدنيا والآخرة إلا يسرتها برحمتك يا أرحم الراحمين
اللهم اجعلنا ممن يورثون الجنان ويبشرون بروح وريحان ورب غير غضبان .. امين

ألف ألف سلامة للوالدة يا زينب

وإن شاء الله أجر وعافية

ألهم رب العرش...
أذهب البأس واشفها شفاءا لا يغادر سقما...
ربنا الذي في السماء عرشه ، ربنا الذي في السماء تقدس اسمه، أمرك ماض في السماء والأرض ، وكما رحمتك في السماء ،فاجعلها في الأرض، اغفر لنا ذنوبنا وخطايانا، إنك أنت الغفور الرحيم ، اللهم أنزل رحمة من رحمتك ، وشفاء من شفائك ، على ما بأمنا الحاجة محاسن من وجع .

ياها دى السياسة زااااتا القلنا ما دايرنها يا زوبة ونجاة والرشيد
كلام زى ده , زى الشعر الما عندنا ليهو راس
يا ربى بلغ الصحة لى حاجة محاسن ام زينب بت النوبا يا رب
يا رب , شفاء كامل شامل
قريب عاجل
تام ما ناقص
مستعجل ما متأخر
يمين بالله اول مرة اسمع الحكى ده
لكنى مع ذلك , كنت عارفو وقاريهو
مش بعض مرات كده , تشوف ليك فيلم ولا مشهد
تقرب تحلف انك شفتوا قبل كده
ولا من الجنبك يغالطك ويقول ليك يا دوبوا ده العرض الأول
تقرب تشاكلوا
تقرب شنو
تشاكلوا عدييل وتقول ليهو كمان شن عرفك انت بالأفلام
انا هسى , فى الحتة ديك زااااتا
يمين لا قابلت حاجة محاسن , ولا شفت المرحوم التيجانى اوبو رفاد
ولكنى استطيع ان اراهم الآن , بالوضوح كلو والشفافية كلها
ربنا يقومك بالسلامة يا ام زينب بت النوبا
ويحفظك من كل شر , وخليها تدعو لينا يا زوبا
سلامى لى عمر والأولاد واسرتك الكبيرة والصغيرة

زوبة انشاء الله ماما محاسن رجعت من المشوار احلى وصحتها احسن
قبلاتى ليها وولاولاد

سلامااااااااااااااااااااااااااااااااااااااااااااااااااااااااااات يا زوبة

الف كفارة لحجة محاسن ... وإنشاء الله أجر وعافية ... ويا زوبة بلغيها تحيات كل ناس الزقازيق ...

أعتقد أن هذا البوست فرصة لتحية الحاجة محاسن وكل أمهاتنا بمناسبة عيد الأم .. وكل من لديه رغبة في الكتابة عن والدته أو إحدي والدات ناس الزقازيق فليتقدم الصفوف ولتبدأ لنا زوبة وتكتب عن والدتها الحاجة محاسن ... وكل لوالدته أو من يعتبرها والدته يغني ....

سلام لاجمل واجدع ناس
شكرا عبد الدائم شكرا سامى شكرا منصور وكمان شكرا زهيرمجتبى
ربنا يتقبل دعواتكم
ماما محاسن بتسلم عليكم وبتطمنكم


نانى يابرى لذيذ وحكى حلو

من العلاقات المستمرة لامى مع صحباتى برضوسناء الصباغ عندها ليها ود خاص لانو سناء ماسافرت وبقائها فى الابيض وطد علاقاتا بكل الاهل وبقو يتواصلو حتى لما انا سافرتا

فى الدمام بلسعودية اتعرفتا على زولة ما عادية اسمها احلام جعفر
ودى علاقتا بامى كمان غريبة لانهم اصحاب بدون ما يتقابلو

لما اتقابلو كانو بيعرفو بعض بشكل ما عادى
امى وابوى كانو بتمنو اكون مرتاحة وسعيدة ولاحظو القرب البينى واحلام
احلام اساسا موظفة بلبنك السعودى السودانى

رجعت السودان بدرى لما رجعت انا لقيت العلاقة بينهم اهل
ولما اتوفى ابوى ربنا يرحمةلقيتا قبلى فى الابيض
لحدى الليلة كرتونة رمضان بتاعة احلام زى بتاعتى
ربنا يديها العافية

بعد وفاة ابوى ربنا يرحمة البيت كان كبير على الوالدة وسارة
نصحوها بانها تاجر جزء
وما رضت فى الاول بس لما كان المستاجر هو العزيزة سلمى احمد البشرى فكان لازم ترضى
كل البيعرفو سلمى عارفين قدر شنو هى منظمة ومرتبة
ودة لاقى هوى عند الماما
سلمى كانت ليها اكتر من بت وهى كانت ليها نعم الام
لدرجة انة لما زوج سلمى يسافر وبحكم عملة كان سفرو كتير سلمى كانت بتنوم مع امى
وولدها بيقول لامى يا ماما



سلمى سمت بتها سارة على سارة اختى

زنوبة 000

الف سلامة لماما محاسن وربنا يديها العافية

شكرا يا فافى على مرورك وربنا يسلم

كل الامهلت فى المساحة دى وفى زى كم انسانة ممكن تكون وقفت معاك وقفة ام

اخرم وارجع تانى لامى


ام جمال كانت واحدة من الامهات الانا قابلتهم وكانت نعم الام لكل الطلبة الاشتغلت معاهم

ام جمال كانت مسؤلة عن الغسيل والطبيخ والنضافة وبنحاسبا كل فترة
عرفناها عن طريق ناس بابكر بخيت وصلاح البدوى
كان عندها مفتاح الشقة وعارفة بنحب شنو وما بنحب شنو
كانت ايدا طاعمة ونظيفة ومحبة لابنها جمال بشكل خاص وبهيه بدرجة اقل من جمال
لما فلوسنا تتاخر ما بتسال كانت بتشيل من بتها بهية وتتصرف
مش كدة كانت بتقول لوعايزين فلوس انا عندى وهى ما حيلتا الضا

كانت بتعرف شكل العلاقات بين الناس كيف

بتجيب الجرنال كل صباح وتقول لبطة اقريلى البخت ياختى
قهوتا رهيبة

ما بتحب الاسراف فى شراء الملابس وبتشجعنا على المزاكرة عشنا معاها رحلة جمال من العراق وجهازو وزواجو وغضب مرتو فى بيت ابوها
عشنا معاها لما ضيعت معزتا وما فاضل لينا الا نكوس
حكت لينا عن واحد خريج طب لما اتزوج وجاب عروستو وجاها

اما الدكتور بابكر بخيت ابا الا ان تشاركو فى اول ماهية ليهو وكنت بتحبو بشكل خاص وبتنطق اسمو بابكربفتح البائين
التحية الام جمال اين ما كانت

كانت نعم الام

امى من النساء الما بياكلو مع النسيب الهو ود شيخى

وعندها عمر دة خط احمر لما ازعل من حبها وتقديرا ليهو
اول ما يصل تقول لى قومى
اقول ليها انا فى بيتى ما فى حصة اقوم ليه ياماما
تقول لى عمر جاء
وعمكم الكلام تحت تحت عاجبو ومكبر راسو

طلبات عمر فى وجودها امر نافز فى ساعتة والا عندى كلام تانى

اما اذا اناكنت ما موجودة وعمر جاء حيقيمو على الحد فبتفق مع عمر واقول ليهو قول ليها انا طلبت منها مشوار ودى بتتوقف على مزاجو

طبعا هى انسانة مرتبة لدرجة تعقد فلما تكون مافى الشباب بكونو هايصين
مجرد ما الجرس يرن
البيت كلو يتجارا

وبرضو ما بنفع
مابتحب انى اطلع كتير وعندها امثال

بتقول الوحدة لو كتلت شحاميط بيتا احسن من ما تمرق
شحاميط يعنى نمل يافافى و رشا

ولما اشتكى من ازعاج العيال بتقول لى
البلد ليهو دبيب بلوى فى نصه

ي\يها العافية



ياسمين بطة كانت محل دلع

مرض ويتيمة الب فى ذلك الحين ونفس الحاجات البتترسل لى نانى بتترسل ليها الا الجوابات لانو نانى بترسل من ورانا ولما يجيها الرد من ابوى اقصد ابوها تجى تقول لى وصونى ليك


ودمتم سالمين

Quote: ام جمال كانت واحدة من الامهات

والله يازنوبة من امبارح انا وشوش نزكر في ام جمال كانت فعلا نعم الام 000

واتذكر من شدة حبها للسودانييين سمت اولاد جمال عليهم

سمت فائزة على فايزة هلالي 00

وسمت ياسمين 000 على بطة

يارب اتمنى ليها كل الخير والرحمة في الدنيا والاخرة000

سلام لاجدع ناس
ام جمال يا فافى الجميل فيها انه احساسا بلامومة تجاهنا كان حقيقى
كانت دايماتنصح وممكن تهرش
عارفة شكل العلاقات يعنى زينب فين الولا عمر
(خلونى لح\دى هنا)
ربنا يرحمها دنيا واخرة

بتنا زوبة ..
يديك ألف عافية ..
أسأل الله بكل الأمل والرجاء
وأتضرع إليه خاشعا ..
أن يلبس والدتك لباس العافية والصحة ..
وأن يجود عليها برضائه التام .. وهناء معيشته ورغدها ..
وأن يرزقك برها ورضائها عنك كامل الرضا ..

زنوبة ربنا يحفظ ليك ماما محاسن
من كل شر يا رب ويديها العافية والصحة
وناس زمان ديل دهب مجمر
ما بتعوضن ،،،
وفقد الأم شئ كبير وعظيم البوست ده فتح لي
ذكرى محبب إلى نفسي ويذكرني أمي الحاجة (أميرة أحمد خيري)
الله يرحمها والتي توفيت قبل أربعة سنوات بالقاهرة ،،،
وسافرت من جدة وهي بالمستشفى وعندما توفيت لم اصدق نفسي
وعشت كابوس رهيب بالقاهرة لم أفق منه لفترة طويلة وكل شئ
كان يذكرني بأمي الله يرحمها.

وفاة أمي كان نقطة تحول في حياتي وقربني من ربي شديد
علشان كده فقد الأم شئ صعب جداً لأنك بتحسي فقدان جزء من نفسك
ربنا يديها ليك يا زينب طولة العمر ، غني ليها دائماً

يديك لى طول العمر وفى الدنيا يوم ما يألمك 0000000 امى الله يسلمك

قال رسول الله صلي الله عليه وسلم ثكلته امه
فذعر الصحابة فقالو من يارسول الله
فكررها ثلاثا وكررو سؤالهم فقال **من ادرك ابويه او احدهما ولم يدخلاه الجنة
نسال الله الشفاء والصحة لوالدة بنت النوبة وامهات جميع الاحباب ويرحم امواتكم
رحمة واسعه ولاتنسو الوالدين من الدعاء في كل وقت فقد كانت حياتنا منهم وبدعواتهم
نتوفق وننجح الهم ارحمهم واغفر لهم واحسن اليهم كما احسنو الينا

سلام يا اروع ناس
سلام يا قدورة ومليون سلام يا ود المهدى
وكمان سلام كبير اوى للسيدة الاولى منى
ربنا يتقبل دعواتمك وابلقكم سلام الحجة
العزيزة منى
ربنا يرحم ماما اميرة ويسكنا فسيح جناتة مع الصديقين والشهداء وحسن اؤلائك رفيقا
ربنا يجعل البركة فيك وفى اخواتك ويرحم تهانى ام عبير
ويجعل البركة فى زريتكم ويخلى ليك اولادك وابوهم
الام غالية وانا وحيدتها عشان كدة هى الام والاخت والصديقة
ربنا يديها العافية

يا منى اكتبى عن ماما اميرة احكى اسردى واحنا معاك بنترحم عليها

التحية للمراءة اين ما كانت
التحية للمراة الام والاخت والزوجة والصديقة والخالة والعمة
والجارة والعاملة وربة البيت
التحية للمراة المناضلة الصابرة الكادحة الباحثة عنحقها
التحية لنجاة حوفى وهى بترسى تقليد جديد فى مكان عملها وبتحتفل بيوم المراة
وكل يوم مراة والمراة بتكتسب حق جديد


اليوم يوم الراة العالمى صادف واحنا حنتكلم عن مراة صبرت واجتهدت ونجحت ونجحت ابنائها

زرعت الحب وحصدت محبة كل من عرفها
الاوهى سعاد خليفة خوجلى
0ماما سعاد)او مامى كما يحلو لابنائها مناداتها
صادف انو فى نفس الوقت بدون سابق تنسيق كتبنا عنها
واولا هاكم كلام العزيزة شوش
واحى شوش المديرة وربنا يزيدا نجاح فى نجاحا


بسم الله الرحمن الرحيم

التحية لكل الامهات فى عيد الام ...... التحية لامهات امهاتتنا .. وامهاتنا ..... والتحية لينا احنا كمان الامهات .... والتحية لامهات من بعدنا
يسعدنى حبايبى ان اتحدث اليوم على ذكر الامهات عن ام عزيزة وغالية على شديد
ام بكل معنى الكلمة من ام ... هى السيدة الفاضلة المعلمة القديرة / سعاد خليفة الف رحمة ونور تنزل عليها .... فى الحقيقة هى والدة زميلتنا ياسمين حاج الطاهر ( بطة ) ... يمكن تستغربوا لو لقت ليكم جمعتنى بيها ظروف عن طريق الصدفة ... بعد ما سبنا الزقازيق وكنت ايامها شغالة فى شركة طيران وكيل لبعض
خطوط الطيران مثل الخطوط القطرية والخليجية واليمنية .... فى يوم جات خالتى سعاد الله يرحمها المكتب تسأل عن اى زول مسافر للدوحة عسان تديهو كرتونة لبتها سيزا ... كان لسه الميزان بتاع القطرية ما فتح طلبت منها تقعد تنظر شوية قعدت ولمن الوقت اتاخر عليها طلبت منى ان اقوم بارسال الكرتونة بمعرفتى واخد ليها عنوان الشخص المستلم .... انا عادة ما بحب اخش فى حتات ذى دى لكن فى شى خلانى اقبل وفعلا قلت ليها كويس وين الكرتونة ؟؟ السواق جاب ليها الكرتونة فى المكتب .... لقيت على الكرتونة مكتوب بالخط العريض اسم راجل وبعدة مكتوب سيزا حاج الطاهر – اتذكرت انى سمعت الاسم دا وفعلا سالتها بتعرفى ياسمين حاج الطاهر ضحكت وردت – دى بتى – وطبعا فرحت جدا ووريتها علاقتى بياسمين – المهم دا الجزء الاول فى المعرفة – اخدت اسمها بالكامل والتلفون وقلت ليها خلاص انا بضرب ليك لمن الرسلها - بعد ما خلصت نسيت اضرب ليها تلفون وفى البيت بتونس مع امى قلت ليها يا امى الليلة لقيت ام صحبتى ياسمين حاج الطاهر – امى ركزت شوية فى الاسم وسالتنى دى ياربى بت المحامى المرحوم حاج الطاهر – المرة دى اسمها منو – قلت ليها اسمها سعاد خليفة ... طوالى امى قالت لى ديل بنعرفهم وقعدت تشكر فى السيدة سعاد وتحكى لى عن انو كيف زوجها توفى وهى صغيرة لتقوم بمسئولية الاولاد لوحدها
.... الصباح اتصلت بيها وقبل ما اسلم عليها قلت ليها امى عرفتك ... انتو من الابيض عشان احنا ذاتنا من هناك عندى خالات كتار فى الابيض – قالت لى منو اول ما قلت ليها ناس كبر – قالت لى انتى بتنا وبدات تذكر لى فى خالاتى المعلمات واحدة واحدة – ومن هنا بدات علاقتى بهذة المراة الفاضلة – بعد يومين زارتنى فى المكتب شايلة ليها كيس مليان قعدت شوية ولمن جات ماشة قالت لى افطرى انتى وصحباتك فتحنا الكيس لقيتو مليان سندوتشات كفتة –وومن شكلها معمولة فى البيت وكانت دى طريقتها معاى كل فترة تجى تزورنى فى المطار وشايلة معاها حاجة حتى زملائى بقوا يعرفوا انو لمن تجى خالتى سعاد بيكون فى اكل ونظام ذى دا – وبفرحا بجيتها - انا حكيت التفاصيل دى عشان تعرفوا انو السيدة دى خشت قلوب كل الناس – وطوالى تبلغنى السلام لامى – كانت تزورنى وتتونس معاى
ومرات تضرب لى تلفون تقول لى حارسل ليك حاجات مع خالد وديها لسيزا فى الدوحة – مرة جاتنى فى المكتب وكانت جاية من سفر وجات معاها كيس ملون وهى قاعدة سمعت الموظفين بيتكلموا عن تأخير المرتبات وكانوا زعلانيين سالت واحد زميلنا انتو ما صرفتوا دا نص الشهر جاء لمن جات مارقة نادتنى بعيد وقالت لى انا ما جبت ليك حاجة من السفر لكن هاك اشترى ليك كريمات وريحة من السوق الحر ومدت لى قروش دولارات وزعلت لمن ابيت اشيلهم – المهم بعد يومين رسلت لى نفس الكيس الكانت شايلاه مع السواق قالت لبهو اديها الكيس دا – بعد داك عرفت انها جابت لى توب هدية لكن لما لقت مشكلة المرتبات فضلت تدينى القروش بدل التوب وبعد داك ترسل الكيس – دى خالتى سعاد مراة فاضلة وحساسة وام للكل – حكت لى كتير عنها وعن اولادها ولمست من كلامها مدى حبها لاولادها – فى مرة جاتنى لابسة توب جديد وشبشب وفعلا شكلها كان فرحان وقلت لى جيتك عاوزاك تخشى معاى السوق الحر عاوزة اشترى علبة حلاوة ماكنتوش راقية وعصاير عشان ماشة ابارك لخالد ولدى المكتب الجديد .... كانت بتحب خالد شديد ودائما تشيد ليه بدوره معاها فى مشوارها الذى قامت بالدور فيه على اكمل وجه – خالتى سعاد ما بقدر اجازيها – عندها مواقف معاى كتيرة – لمن خطبونى كلمتها وسالتنى اسئلة اكتر من السالتها لى امى وكانت متابعة معاى خطوة بخطوة – قالت لى ما تشترى فستان زفاف او تأجرى – وفعلا جابت لى الفستان هى
فى ايام انا محبوسة فى البيت جانى اخوى الصغير وقال لى فى واحد برة عاوزك طلعت لقيتة خالد شارز ( كان بيسوق ليهم العربية ويقوم ليها ببعض المشاوير )
قال لى الحاجة رسلتنى ليك وقالت ليك هى مسافرة وقالت اجى كل يوم العصر اشوفك عاوزة شنو واشوف مشاويرك – ناس بيتنا ما صدقوا فى زول ممكن يكون كدا – لمن ولدت بتى رحاب جاتنى فى البيت وقعدوا هى وامى يستعيدوا فى الذكريات وناس الابيض – حتى الان ما انسى يوم وفاتها – كنت عارفة انها فى رحلة خارج البلاد – كانت بتسافر كتير لبناتها – جانى خالد فى المكتب وابلغنى الخبر المولم خليت ا ى شى ومشينا استقبلنا الجثمان ومشيت معاهم المقابر وقعدت فى العربية وبعد الدفن مشينا بيتهم فى الصافية عشان اقابل بناتها – الله يرحمك يا خالة سعاد – قدمت الكثير الكثير لاولادك ولغيرهم – التحية لياسمين حاج الطاهر والتحية لكل بناتك والتحية ممزوجة بجزيل الشكر والتقدير للاخ العزيز خالد حاج الطاهر الذى لم تنقطع صلته بى بعد وفاة الوالدة – كل ما يجى مسافر يتصل ويسأل على وكل ما اتصل بيه بتذكر خالة سعاد ..... الله يرحمها رحمة واسعة ويرحمنا جميعا ........ شوش

سعاد خليفة خوجلى

الام الاخت الصديقة الانسانة الرائعة وحبيبة كل من عرفها
ولدت ونشات وترعرعت وتزوجت فى مدينة الابيض
كانت واخواتها نموزج للتماسك والتضامن الاخوى لدرجة انو ما تفرز دة ود منو ودى بت منو

اسرة خليفة خوجلى من الحضور ويسكنو الربع الاول فى الابيض ليومنا هذا
اخوة واخوات اصغر البنات سعاد والدة بطةالشهيرة بياسمين
كانت رحمة الله عليها جميلة ومتعلمة ومثقفة ومستنيرة وصادقة ومتحدثة لبقة لايكل المرء عن الكلام عنها
كان اهتمامها ببيتها وابنائها فوق الوصف
تزوجت المحامى حاج الطاهر احمد من ابناء مدينة الابيض وسكنو حى القبة
لها من الابناء خالد(رجل اعمال)بلخرطوم وتخرج من اجامعات السعودية
ايمن درس بفنلندا ويقيم هناك
سيزا درست القانون بجامعة الخرطوم
ياسمين بيطرة وتقيم فى عمان بعد ان نالت الدكتوراة من فنلندا وبقت فنلندية
صافيناذ خريجة علوم وتكنلوجيا تعمل بلامم المتحدة وتقيم بروما
سارة خريجة اداب وتقيم مع زوجها فى السعودية
واخر العنقود ماجدولين او ميمى تقيم مع زوجها بلنرويج وحاليا بكينيا وحاصلة على الدكتوراة من النرويج

هذا النجاح نتاج امراة سهرت الليالى
ناضلت من اجل تربية ابنائها
هدفها فى الحياة كان نجاح ابنائها
عندما توفى المرحوم الاستاذ حاج الطاهر وهو من المحامين الذين يشار اليهم بلبنان
كانت صغيرة فى السن
واكبر ابنائها خالد طالب فى خورطقت الثانوية
ترك ليها امانة فى عنقها وهى الخروج بابنائها لبر الامان
ما اكبر امانك
وانت اهل لها

نواصل......

عاجل الشفاء يازوبة للوالدة محاسن ، ربنا إمد فى أياما ويجعل البركة فيك وفى ذريتك ليوم القيامة ، أعجبتنى جداً مسألة سارة أختك ، لكم التحية على هذا التآخى الإنسانى المعافى من العنصرية البغيضة والدعاوى الفجّة بزعم التميز العرقى وإقصاء الآخر المختلف اثنياً ، معكم يازوبة تصبح الوحدة جاذبة ومنجذبة فى ذات الآن لعوالم من الروعة ، رحم الله والدكم الفاضل وجعل الجنة مثواه ، وصادق الدعوات للوالدة محاسن ولك ولعيالك بموفور الصحة والعافية ، وتحياتى لشوش الصغيرة ، ولشوش المديرة جزيل الشكر على سردها الرائع لتفاصيل علاقتها بالمغفور لها والدة ياسمين حاج الطاهر ، ولى عودة فهذا المكان يشبه أرض المحنّة.

شكرا يا ابو بكر يا جميل
وجودك اضافة ومرحب فى ارض المحنة

بنتواصل فى الحكى عن ماما سعاد

بعد وفاة زوجها رفضت انها توكل امرها وامر ابنائها لاحد مع انو اخوتها ممكن ما يحوجوها لشى
بعد ما اكملت العدة وقفت بنفسها فى كل امورا وقررت انو لازم تلتزم بتحقيق هدفها وهو تربية ابنائها تربية سليمة واكمال تعليمهم لاعلى المراتب وراحتهم
كانت بتتصى من الفجر بتوبها الابيض عشان تتطمن على الطاحونة الكانوبملكوها
وكانت فى يوم بتحكى مع والدتى لما سالتا عن حالا
فقالت ليها يا حجة محاسن ربنا يقدرنى وما انقص رطل لبن من العشرة ارطال الكان بيكبها ليهم ابوهم

كانت بتنظم وقت البيت على اساس المزاكرة هى الاساس
والغذاء السليم

لما كنا فى كمبونى كانت من اكتر الامهات صلة بلمدرسة وعندها مكانة خاصة ودة لتميز ابنائها ومتابعتها
ياسمسن كانت نحيفة(تصدقو)واسم بطة دة جاها ما عشان كانت سمينة لكن لانها جنها موية كل ما يفقدوها يلقوها عايمة فى الماسورة
كانت بتجى المدرسة بدرى فى الدور الاول فى بص عم جاسم عشان تشرد من شراب اللبن
لكن ماما سعاد بتجى محصلاها بلسندوتش وتوصى عليها السسترات
اى ام انتى يا مامى

ربنا يرحمك


كانت علاقتا ببناتها واولادها عميقة
متينة
كانت حميمة وقريبة من بطة عشان بتمرر ليها حاجاتا بدون اى نقاش
كانت موعياهم وبتحب اصحابهم وصحباتم بيتا كان دايما عامر
كل ما بطة تجى بترسل معاها الشرموط والبصلة المحمرة البجيبوها من الابيض
بيتا كان بيت ضيفان

خالد ابنها الاكبر
كان اخو ليها
ربا معاها وساعدا فى شيل الحمل
ربنا يديهو العافية
كانت بتحب عيالو شديد
ولما زوجتة كانت حامل بولدا البكر حاج الطاهر رسلت لى بطة فى السعودية عشان اجهز ليهو
كانت مامى حريصة انو ما ينقص شى
وتممت على الحاجات كلها
ربنا يرحما

نواصل.........

يا زهير باسويرد لشوش

انا حااجر ليها بتاعى بلصباح رايكم شنو

يلا دة ايميل منها هسى دى

Quote: الحلوات الزينات .............مساءالخير ..... احبكم كثيرا واحييكم فى عبدى وعبدكم دى تحية لكل رائعة عرفناها سواء لكن والله خذلنى العنوان بتاعهمويمكن معظمهم ما قريبين او ما عندهم ارتباط بالايميل ..... التحية للراحلة المقيمة رابعة بشير ..... هيفاء..... امل جابر ... محاسن ... رحابفيصل .... ياسمبن الحج الطاهر .... واخيرا حبيبتنا الما جايبنا خبرنا احنا فى وادى وهى فى وادى .... الرائعةحلوة الحلوات عزة ..... الوصلة دى ما كسيرتلج لانه هى اخر زول ممكن يقراء الايميل دا الا واحدة من عينة تاكل عيشتقوم تقراه ليها ...... ومافى واحدة فيكمالنوع دا ... فى ؟؟؟؟؟؟ والله قلبى بياكلنى .......... مساءالخير والى اللقاء .............. شوش

للتواصل معانا ممكن ترسلو هنا
[email protected]

الأخت زينب سلامات ..
حقيقي أبدعت في سردك لمشوار حياة الوالدة سعاد أم بطة ..
السرد جميل ومشوق .. وقصة كفاح جميل كلل بالنجاح نتمنى أن نستفيد منه ..
رحمها الله ووفق أولادها وبناتها وتحياتنا إلي العزيزة ياسمين ..

سلام يا بسكو
ام خالد دى انسانة ما عادية
قدر ما اكتب ما حاوفيها حقها
وبقول لبناتا واولادا يعزرونى لو قصرتاويصححونى لو اخطات فى معلومة ويتواصلو معانا

اسرة حاج الطاهر كانو بينادو امهم وابوهم مامى ودادى
كانت اسرة مستنيرة بحكم تعليم البوين الوالد محامى ومش اى محامى والام معلمة ثم اتفرقت لابنائها
عند\هم حب وتقدير لخالد اكتسبو من تعاملو الابوى ليهم
وما زال خالد يقوم بدور الاب والام
ربنا يديهو ليهم العافية
بس دة كلو اساس امراة ما نامت ليلة كاملة

بتذكر كان فى طالبة اتوفت فى اسكندرية باذمة
كانت مامى ما بتنوم لحدى ما جات بطة واول ما لاقتنى اخدتنى على جنب
قالت لى بطة دى امانة اتفقدوها حتى لو نايمة
ما تخلوها تنوم براها
لو الجو ما كويس ما تخلوها تطلع

ربنا يرحمك وانت كنت خير راعية لايتامك الصغار


كانت علاقتا بينا اكتر من صديقة
لما عرفت علاقتى بعمر سالتنى ذى ما سالت شوش
فى النهاية قالت لى ناديهو لى
اتونست معاهو ونظرت لى برضا
وبقى عمر صديق البيت حتى فى غيابى انا وبطة

رحمك الله يا ماما سعاد


نواصل.............

تمنياتي للوالدة العزيزة بالشفاء العاجل وربنا يديها الصحة والعافية ..
وأرجو أن يخفف عنها آلام المرض ويجعله لها كفارة وثواب ..

الله عليك يا زوبة لما بتحكي عن ماما سعاد ((وللاسف انا ماعرفت بوفاتها الا من خلال حكيك )) وربنا يرحمها ويغفر ليها 000 حزنت كتير كتير لوفاتها 000

وحقيقي من النساء القلا ئل 000

اول مرة اشوفها كان في تخريج بطة 00 وكنت انظر لها من على بعد بعين تقدير

وانا ارى اهتمامها بكل التفاصيل ليس لبطة فقط ولكن حتى لنا نحن القربين من بطة 000

ولما مشينا انا وانت ونجاة عشان نودعها في لقاهرة لما مسافرة واصرت انو ابيت بحجة اني صغيرة

وما بقدر على السفر 000 وطبعا انا ما صدقت يا زوبة اتدلع شوية 000

رحم الله الحاجة سعاد رحمة واسعة 00

وتحيات دسمات لبطة مليانة حنين لايام جميلة 000

الله الله عليك يا زوبة
تعرفى لو شالوا منك الدى اس ال وانتى بتحكى لينا الحاجات الحلوة دى
حا يكونوا مقلبونا (مآلب كبير اوى )
انا برضو اول مرة اعرف بوفاة والدة ياسمين , رحمها الله واسكنها الجنة
قابلتها مرة واحدة فى حياتى
فى بيتهم لما كان فى كوبر
وقابلت كمان ايمن على ما اذكر
والغريبة انى باعرف اخواتها كلهم
لكن معرفتى بى كل واحدة , ليها قصة مختلفة
والغريبة قصة التعرف عليهم مامرت بياسمين نفسها
سيزا , عرفتها عن طريق صديق مشترك زميل ليها فى قانون الخرطوم
وماجدولين , كانت زميلة زوجتى وبنت شيخى (امانى ) لما كانت فى زراعة الخرطوم قبل ما تحول لأقتصاد
الناظر الى بطة وسيزا وماجدولين
يعرف فورا كم هى عظيمة والدتهم المرحومة ماما سعاد
هم ثلاثتهم عنوان كافى يوريك من هى
ثلاث بنات يسدن عين الشمس ما شاء الله عليهم ويشعروك بالزهو والخيلاء لمعرفتهم ومزاملتهم
استمتعت بجانب من سيرتها برواية (شوش ) التى لم احظى بمزاملتها والتعرف اليها
بوست فى السلك يازوبا
نرجو ان لا ينقطع
اشترى ليك دى اس ال مع لا بتوب براك ياخ
سلامى لماما محاسن , واساليها ان (تدعو لينا )

إهداء لكل أمهاتنا وكل أحباب الزقازيق

وأخص بالذكر زميلاتنا اللائي أصبحن أمهات

أمى ..

الله يسلمك

ويديكى لى طول العمر..

وفى الدنيا يوم ما يألمك ..

امى .. الله يسلمك ..

* * *

أمى يا دار السلام

يا حصنى لو جار الزمان

ختيتى فى قلبى اليقين

يا مطمنانى .. بطمنك

أمى .. الله يسلمك

***

خيرك على بالحيل كتير ،

يا مرضعانى الطيبة بالصبر الجميل ،

يا سعد أيامى وهناى

لو درتى قلبى ، أسلمك.

أمى .. الله يسلمك

***

أنا مهما أفصح عن مشاعرى

برضو بيخونى الكلام

وقولة بحبك
ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك ..

[/B]

أنا مهما أفصح عن مشاعرى

برضو بيخونى الكلام

وقولة بحبك
ما بتكفى وكل كلمات الغرام

يا منتهى الريد ومبتداه ..

يا الليا .. الله يسلمك ..

ويديكى لى طول العمر

وفى الدنيا يوم ما يألمك ..

أمى .. الله يسلمك


الله يسلم أمك يا زينب ويطول ليك في عمرها,,,,

وتكوني إنتي أمها كلما كبرن أمهاتنا كلما إحتاجوا لينا

أكثر واكثر ويبدأ تبادل المراكز ،،،،،،

هناك أمهات رائدات وضحن بالكثير من أجل أودلاها

ولقد ذكرتم السيرة العطرة لأم ياسمين - بطة -

ولنا عوده ،،،،،،،،

اعزائى الجدعان
ناس الزقازيق ليكم سلام وتحية

شكرا فافى على مرورك وانتى يا فافى ما بعيدة من ماما سعاد طالما انتى قريبة من بطة

طارق ود عشة شكرا على الامانى العزبة

الريس ميسة الف شكر وربنا يخلى ليك الوالدة وكمان وام العيال الجميلة منى

الابنوسى الانيق كما كلماتك منص

يا زول هسة اقوم اصدق وانفتح فى الحكى لما تفتشو مفاتيحى وين

اين انا من سردك السلس المهم بنحكى

يا منصور ماما سعاد امراة ما عادية ممكن نسميها المراة الخارقة

الانسانة القادت سفينتها لبر الامان ربنا يرحمها


لسة مواصلين ......

عن ماما سعاد الكلام يطول لانها حياة حافلة
يومها ما ذى ايام باقى الناس
يومها شايلاهو براها وشايلة فيهو هم كل ابنائها

تجاوبا مع السد نورد رسالة انيقة من انسانة انيقة كما امها

وشكرا صافيناز حاج الطاهر

Quote: زينب، شوش في الثامن من مارس لكن التحية التحية لمبادرتكن الأنيقة وكتابتكن الأنيقة عن إمراة أنيقة شوش، شكرا لسردك تفاصيل في غاية الحميمية تفاصيل رغم أنها اجهشتني بكاء و عويل إلا إنها أخذتني إلى ذلك الركن من الذاكرة حيث تتوهج ذكرى أمي - حضورها، قوامها، عبيرها ، و الأهم من كل ذلك إدارتها الأنيقة للحياة عندما تتوهج ذكرى أمي بهذا الوضوح تتحفز كل خلايا العقل لإداره الحياة بنفس الأناقة التي شاهدتها مرارا زينب، ألف سلامة لي ماما محاسن مجددا التحية لكم التحية لي أمهاتكم / أمهاتي ، بناتكم / بناتي، غالي الأماني لكن بي وافر الصحة و العافية و نجاح أ لبنات و البنون و دمتم صافيناز الحاج الطاهر بيت سعاد خليفة خوجلي واشنطن مارس / ٩ / ٢٠١٠

التحية للعزيزة ياسمين حاج الطاهر وكل إخوتها ... وألف رحمة علي والديها ... قبل الحديث عن ماما سعاد لا بد الحديث عن الأستاذ حاج الطاهر المحامي فهو لمن لا يعرفوه رجلاً عظيماً ... ففد كان من أشهر محامي السودان رغم وجوده في مدينة إقليمية ، ولعل الإخوة المحامين قد صادفوا في كثير من المجلات القضائية أن إسمه دائم التردد ، وقد كان كذلك سياسي قامة حفر إسمه بأحرف من نور في سجلات التاريخ وكان معروفاً في المجالين رغم وجوده في مدينته متفوقاً علي أهل المركز وفارضاً صيته عليهم ، مناضلاً شرساً ضد الأنظمة الشمولية لم يسلم من إعتقالاته وتشريده له ولكنه لم تنل من عزيمته ، لذا لا نستغرب حسن إختياره لشريكة حياته .. وتأثيره الذي لا يخفي فكانت ماما سعاد التي المرأة التي حدثتنا عنها زينب وياسمين ... كل أسف وحزن لم أتعرف عليها عن قرب رغم أن الفرصة كانت سانحة لذلك ، وما أقسي الألم حينما تحس بأن شخص كان يمكن أن يشكل لك إضافة قد فوت فرصة التعرف عليه ، ما حكته الزميلتان عن الوالدة سعاد يفوق حد الوصف وحقاً هي شخص إستثنائي كيف وهي والدة هذه الكوكبة من الشباب الجميل الذين عرفنا بعضهم عن طريق ياسمين والآخرين عرفناهم في سوح أخري ... التحية مرة أخري لهم جميعاً في منافيهم البعيدة ... وتحية خاصة للعزيزة ياسمين حاج الطاهر ... وأسرتها ...
والتحية لكل النساء ... أمي ،،، زوجتي ,... بناتي ... زميلاتنا ... وكل النساء في يوم المرأة العالمي ....
قال عمنا جاهين ..

البنات أحلي الكائنات ..
وقال بعض الفلاسفة ...
وطن بلا إمراءة منفي ...
وقيل الكثير عن المرأة .. ولكن يكفي أنها النصف الحلو في المعادلة ...

شكرا زناتى على الاضافة
فعلا الاستاذ حاج الطاهر المحامى القامة
عرفتو كل المحافل وممكن جمال فارح يحكى لينا لما مشى اتحاد المحامين العرب مع بطة
وسلم عليها فاروق ابوعيسى
كيف كل القامات المصرية والعربية قاموا يسلموا على بطة وكل واحد يقدمها للتانى
هنيئا لكم بابويكم يا عيال حاج الطاهر وسعاد خليفة



اناو ماجدولين وصديقة مشتركة فبيت ميمى باوسلو وفى الخلف تظهر صورة ماما سعاد وعم حاج الطاهر لهم الرحمة

علاقتى بلاسرة الجميلة دى بدات منذ ان كنت فى الثالثة من عمرى
اناو بطة درسنا من الروضة لحدى ما كملنا الابتدائى فى مدارس كمبونى
افترقنا فى المتوسط بحكم التوزيع الجغرافى
واتلاقينا فى الثنوى ثم الجامعة
فى كمبونى اتقابلنا كلنا متوزعين على مختلف الفصول
كانت عندنا صديقة كل ما نختلف معاها تنادى اختها الكبيرة تشاكلنا
فى مرة اختلفنا مشينا نادينا سيزا بحكم انها اختنا الكبيرة
فما كان من سيزا الا واجلستنا جميعا وقالت لينا حلو مشاكاكم براكم وما تختلفو واتكلمت مع زميلتنا كلام حلو
دى بت ماما سعاد
ماما سعاد الكل حباها اما ابنائها فحبوها بكل الاشكال وكلهم سمو عليعا
ذى ما سمو حاج الطاهر
يا ريت السموهم يمسكو درب اهلم


ودى سعاد دومنيك ابنه ميمي صغيرتنا
انشاء الله تمسك درب سعاد

كنت لما اقول لابوى ربنا يرحمة ياسمين صحبتى
كان يقول لى دى فى الحسبة عمتك
يعنى ناس بطة بنات عمتى
لحدى هسة خالاتى بنات خليفة خوجلى بيقولو لى يا بت التجانى اخوى

لما اتوفى حاج الطاهر كنت فى اولى سنوى ودى السنة الافترقتا فيها عن بطة
بكيت بكى ما بكيتو الا على ابوى وعبد الحليم ود عمى
ما كنت مستوعبة انو ناس بطة الصغار ديل ما حيشوفو دادى
بكيت لدرجة انو ناس المدرسة اتصلو باهلى ولحدى ما مشيت البكى ولمدة3 ايام ما كان فى زول عارف يسكتنى
ميمى كانت صغيرة جدا عشان ك\دة لح\دى هسة بحس بانو ميمى دى بيبى
ومحتاجة يشيلو ويختو معاها
لكن ماشاء الله بت سعاد عملت لينا غداء فى اوسلو بكسرتو وملاحو
ربيتى وعلمتى وكفيتى واوفيتى
نامى بسلام يا ام خالد


لسسسسة مواصلة.........

الابنة العزيزة زينب التيجاني

أهديك التحايا والأمنيات الطيبة.

لست أدري إن كان مناسباً أن أعبر لك عن الشكر (والذي تستحقينه) على كلماتك التي تفيض صدقاً ووفاء، وأنت تستعيدين ذكريات عذبة عن شقيقتي سعاد خليفة، وترسمين صوراً نابضة تجسد ما كانت تتصف به الراحلة الغالية من سمو وصفاء نفس.. فإنني أخشى أن أفسد بالشكر ذلك التجرد والصدق والوفاء الذي هو دافعك للكتابة. أكتفي بأن أقول لك أن ما تفضلت به قد ترك في نفسي ونفوس أفراد أسرتنا أثراً طيباً سيظل باقياً.
وأنت تستحقين التهنئة أيتها الابنة العزيزة على توفيقك في اختيار مناسبة يوم المرأة العالمي للكتابة عن سعاد؛ إذ أنها إلى جانب كونها شقيقة وأماً مثالية، فهي رائدة من رائدات نهضة المرأة اللاتي تركن بصمات واضحة وأسهمن بقدر وافر في حركة الوعي والتنوير وتقدم المجتمع.

الشكر موصول لجميع الأبناء الذين شاركوا من خلال هذا البوست بالتعبير عن مشاعرهم النبيلة وذكرياتهم عن هذه الإنسانة ذات السيرة العطرة وعن الراحل العزيز الأستاذ الحاج الطاهر أحمد (عليه رحمة الله ومغفرته ورضوانه ) وعن أسرتنا.

أرجو أن انقل هنا فقرات سبق أن كتبتها عن الراحلة العزيزة (عليها رحمة الله ومغفرته ورضوانه).

محبتي
عبد المنعم خليفة

********************************

"ولعل مما يخفف ذلك الأسى ، الإحساس القوي بأنك لا تزالين بيننا .. بوجهك المشرق بالبشر والتفاؤل .. وبقلبك الذي يتسع لكل ذلك القدر الزاخر من الحب العامر الذي تكنينه لنا .. وبسعيك الدؤوب والمتواصل نحو إنجاز أجندة متجددة لا تنتهي ، حيث أنك بقدر ما تنجزين تزدادين عزماً وتصميماً على ارتياد آفاق جديدة من التحديات .
************

فخرك يا أم خالد - وفخرنا - أنك أنشأت أبناءك - حفظهم الله – على مبادئ وقيم الحق والخير والجمال وحب الوطن .. وأنك هيأت لهم ، بالتفاني ونكران الذات ، ظروف التعليم حتى أعلى مراتبه .. ومن أرقى مناهله . ورأيتهم وهم يصعدون بثقة درجات سلم النجاح الاجتماعي .. ويشكلون إضافة إيجابية للمجتمع .
************

حبك وبرك وإحسانك لأقاربك ومعارفك وجيرانك وأهل مدينتك ، كان ممارسة يومية ظللت تضطلعين بها برضاء وسعادة ، حيث كنت دائمة الغدو والرواح بين الخرطوم والأبيض للمشاركة في مناسباتهم المختلفة . وهم أحبوك من أعماقهم .. والآن يفتقدون مودتك وعنايتك ورعايتك ، حيث منك كانوا يستمدون العون والثقة، وبك كانت تزدان أفراحهم يا تمومة الجرتق .

وصنت ودادأ كان للكل زادهم وأدررت من دمـع الفراق المآقيــا

يغور بنا جرح الأسى ونحيبه وتبقــى لنـا منـه الجفـون البواكيـا

************

أسست مع زوجك الراحل المقيم الحاج الطاهر أحمد – عليه رحمة الله – أسرة اشتهرت بالوطنية، والعمل على تقدم السودان ، وتقديم التضحيات من أجل رفعته . وسيظل ذلك مصدر اعتزاز دائم لأبنائك ، وينبوع عرفان ووفاء لذكرى والدهم المناضل العظيم .
************

ولقد استشعرت - أنت والنخبة الخيرة من بنات جيلك من الرائدات في مجال تعليم المرأة- ضرورة ترسيخ ثوابت هامة حول مكانة المرأة في المجتمع في مرحلة انتقالية حرجة من تاريخ السودان . ونجحتن في تقديم النموذج العملي للمرأة المتعلمة التي تحسن المزج بين المفاهيم الحديثة المكتسبة من التعليم ، وبين القيم السودانية الأصيلة الجديرة بالاحترام .
************

وفي قمة موسم الحصاد .. ومع اكتمال الزينة .. وفي أوج تمام البدر .. يا لله .. أفل البدر . توقف القلب الكبير عن النبض ، واستراح الجسد المعنى .. ولعله قد ثقلت عليهما المشاعر الفياضة بحب الناس ، وأضنتهما الأجندة المثالية التي لا تنتهي .

إذا قيل أين البدر يوم تمامــــه بدا لي نجــم ليتــه مــا بدا ليــا


انتحبت موجات الأثير ، واهتزت ذبذبات الهواتف والبريد الإلكتروني وهي تنقل نبأ الرحيل من مدينة "بودو" بشمال النرويج .

ويا عجبي كيف المنون تخيرت لميدانها ركناً قصياً ونائيا

********************************

عبد المنعم خليفة خوجلي

رحبوا معي بالأستاذ عبدالمنعم خليفة خوجلي

خال زميلتنا ياسيمن حاج الطاهر (بطه)

وصلت أهلاً ونزلت سهلاً ،، ومرحب بيك في داركم

العامرة ناس الزقازيق أجدع ناس ،،، وهو دار

ترحاب ومودة وأخوة صادقة ،،، هذه الدار التي أحببناها

ونستمد أنفاسنا من طيب ذكراها العطرة ،،،،

فلك منا كل الود والتحية والإجلال بعظمة أختكم وأم الكل

المرحومة سعاد خليفة رائدة نهضة المرأة السودانية ،،،

طيب الله ثراها وهون عليكم ذكراها ،،،،

وفي الختام لك ولجميع أفراد الأسرة الود والمحبة الزقازيقية الخالدة

العم و الخال والاخ
الاستاذ عبد المنعم خليفة خوجلى
اولا مليون سلام وانت بتشرفنا فى بيتا العامر منبر ناس الزقازيق
وتانيا ذدت بيك الق واشراق وسرور وانت معاى هنا فى المساحة دى وانت بتكتب عن ام عزيزة بنفس معزة مامامحاسن وماما ناهد وكل خالاتى الهم اخواتك
ماما سعاد الكلام عنها ما بنتهى وهى فى كل مخطوة من مشوار حياتا كانت بتدينا درس فى المثابرة والاخلاص هم اقصر الطرق لوصول الهدف

الشكر كل الشكر ليك وانت بتضيف لينا ما كتبتة عن مامى
تعبير صادق من اخ محب وفى وانتم للوفاء اهل يا ابناء خليفةخوجلى

Quote: فخرك يا أم خالد - وفخرنا - أنك أنشأت أبناءك - حفظهم الله – على مبادئ وقيم الحق والخير والجمال وحب الوطن .. وأنك هيأت لهم ، بالتفاني ونكران الذات ، ظروف التعليم حتى أعلى مراتبه .. ومن أرقى مناهله . ورأيتهم وهم يصعدون بثقة درجات سلم النجاح الاجتماعي .. ويشكلون إضافة إيجابية للمجتمع

دة كان هدفها وكا امنياتها
اللهم ارحمها ورفيق دربها


نواصل..........

نرحب بالأستاذ القامة عبد المنعم خليفة ... وهو قامة غنية عن التعريف ونتابع أعماله داخل وخارج السودان ... ولأول مرة أعرف بأنه خال ياسمين ... خاصة وأنه عضو معنا في هذا البورد من فترة طويلة ... مرحب بك أستاذنا والف رحمة علي الوالدة العزيزة سعاد ... والتي تستحق منا هذا الحب ...

توقف القلب الكبير عن النبض ، واستراح الجسد المعنى .. ولعله قد ثقلت عليهما المشاعر الفياضة بحب الناس ، وأضنتهما الأجندة المثالية التي لا تنتهي .

لك ألف تحية ومودة أستاذ عبدالمنعم خليفة ، الإقتباس أعلاه من أصدق وأعمق ما قرأت فى أدب المراثى ، وبه تعليل ذكى وأنيق لأسباب رحيل الوالدة القامة سعاد خليفه ، تغمدها الله بواسع رحمته ، وأن يجعل شلالات الحب وقيم الحق والخير والجمال التى حواها هذا البوست فى ميزان حسناتها بإذنه تعالى .

زوبة ..... ألم أقل لك من قبل إن هذا البوست فيه شئ من أرض المحنة وأضيف أنه حوى شئ لله ، هاهو شقيق الراحلة المقيمة يكتب عنها بهذا الجمال ، وها أنت وفافى وشوش تكتبن عنها وقد سكنتكن عشقاً ووجداً ، وهو حب قائم لذاته لم يتأثر بحبكن لياسمين على الرغم من عميق الصلة التى ربطتكن بها ، ألم أقل لك ان فى الأمر شئ لله ، عن نفسى اترقب كل هذا الجمال والقادم الأنضر ، سأدور هنا كما الدرويش فى حضرة من يهوى تعصف به الأشواق واتجول فى هذه الحضرة حافى القدمين خالى الفؤاد سوى من محبة وسأنشد:

وصرتُ موسى زمانى

مذ صارَ بعضىَ كلّى


مدد مدد مدد مدد

تأخري في الحديث عن ماما سعاد كان نتيجة خوفي من أن ما سأكتبة قد لا يرقى للمقام الرفيع للراحلة ماما سعاد...و لكني تغلبت على مخاوفي و قلت عيب الزاد و لا عيب سيدو...أي أن أكتب خير من أن لا أكتب...حتى و ان كانت الكتابة بمستوى مخزوني اللغوي و المعرفي المتواضع...فهي تساوي شيئا في هذا المقام...
ليست لي تلك المعرفة الطويلة بالراحلة كما هي لزوبة...و لكنها على قصرها وصلت لنفس العمق و تغلغلت و تجذرت في الحنايا...
كنا نزور منى عباس في امتداد ناصر و نعبر الشارع الأسفلتي الى منزل ناس ياسمين كما كنا نسمية في ذلك الوقت...طلبت مني نجاة يوما أن نعبر الأسفلت لزيارة بطة...ترددت كثيرا ثم قبلت تحت وطأة الحاحها...دخلت الى البيت و أبقتني نجاة في الحوش الصغير في مقدمة المنزل بقيت جالسا لوحدي لفترة طويلة كنت أفكر فيها بالخروج و العودة من حيث أتيت...ثم جاءت نجاة و معها اخوة ياسمين ليستقبلوني بترحاب لم استغربة لأنني كنت أعرف ياسمين مسبقا...ثم تعرفت على ماما سعاد...عرفت من الوهلة الأولى انني أمام خليط من حبوبتي و أمي و أختي...ثم تعمقت علاقتي بها أكثر فأكثر و ازدادت عمقا عندما أصبحنا نزورهم كثيرا في منزلهم الأنيق النظيف بحي كوبر...كنا حين ندخل في العصرية نجدها مستلقية على سريرها في الضل في الحوش الجانبي..كنا نجلس بجوارها و تحدثنا كثيرا ثم تسألنا عن أحوالنا...كنت أعرف أن كل سؤال توجهه لي كانت تحاول فيه الاطمئنان علي نجاة أولا ثم علي...فالرباط الذي ربطها بنجاة كان قويا جدا...لا أظن أنها كانت تفرق بين بطة و نجاة...لذلك كثيرا ما شعرت بأن أسئلتها كانت استجواب أم تحاول الاطمئنان على مستقبل ابنتها...و أحيانا كثيرة أشعر أنها كانت محتارة بين احساسها بي كابن لها و احساسها بنجاة كبنت لها و في الحالتين كنا نشعر جميعنا بأنها أم حنون تحرص علينا جميعنا...تستقبلنا في أي وقت...لم أشعر يوما بانني غير مرحب بي...رغم اننا كثيرا ما كنا نحضر في أوقات مزعجة...الا أن الابتسامة دائما ما تكون مرسومة على محياها...

ألا رحم الله ماما سعاد و أسكنها فسيح جناته مع الصديقين و الأبرار و حسن أولئك رفيقا...

رحم الله والدتنا سعاد رحمة واسعة يا رب
كنت ازورهم في امتداد ناصر كثيرا ايام الدراسة وكانت تفرح فرح ام لابنها
كنت باخد لي قعدة معاها في السرير الفي الحوش داك يا بطة
ونستني عن الابيض وعن موت الراجل العظيم حاج الطاهر
كانت بتحس انه اي زول جاي من طرف ياسمين ولدها



رحمة الله على الجميع

أبنائي الأعزاء وبناتي العزيزات

لكم ولكن كل التقدير وأنتم تغمرون أسرتنا بهذا الفيض الدافق من الحب والوفاء..

وددت أن أنقلكم للمستقبل، وأهدي لكم هذه القصيدة عن سعادالحفيدة والتي كنت قد كتبتها احتفاء بمقدم سعاد أيمن حاج الطاهر:

محبتي
عبد المنعم خليفة

*********************************

هلت سعاد

(تهنئة لابني أيمن حاج الطاهر وزوجته بمناسبة مقدم سعاد)

******************

أنصبوا الرايات والزينات حيوها فقد هلت سعاد

واصدحــوا بالشـدو والأشعار.. لا القول المـعـاد

وانثروا العــطـر.. أريــج الزهـر.. بـاقـــات وداد

وأقيموا مهـرجان الفـرح المزدان فـي كل البلاد

إنه العيد فقد هلت سعاد

************

وجـهـها المشـرق بـالبشــر كمـا يـبـدو القـمـر

قــدمـت بـالفـأل والسـعد كمـا الغصن النـضــر

قــد ســعــدنا وانــتـشــينا عـندما زف الخـبــر

وهــنـئـنا وطـربنــا بـعد شـوق للوليد المنتظر

إنه العيد فقد هلت سعاد

************

هــي فـخـري ابنـة الأمـجـاد والإرث العريـق

زانــهــا الــعــز رشـاداً ومــنــاراً للـطـريــق

حــفــهـا الـحـب بــه تـغـفـو .. وبالحب تفيق

غــرة الأعـيــن فـهـي الـدر .. منثور العقيق

إنه العيد فقد هلت سعاد

************

هي ود .. هي عطف .. وحنو ووصـال

هـي ألـوان وأزهــار وعـطــر وجمـــال

هـــي ســحــــر وعبيــر وإبــــاء ودلال *

هبة جاءت إلينا .. منة من ذي الجــلال

أقبل العيد فقد هلت سعاد

************

أقبلت يمنــاً وخـيـــراً دافقـــاً غيــر نضـوب

أقبــلت نهـر براءة .. وقواريــــر طيــــوب

زانها حســـن بديع .. شغفت كــل القلــوب

نسأل الرحمن يرعاها .. ويا نعم المجـيب

أقبل العيد فقد هلت سعاد

______________

* الحروف الأولى من الكلمات تكون كلمة سعاد .

الاستاذ عبد المنعم خليفة 000

مرحب بيك في حوشنا الحنين وانت تمدد دواخلنا

من حزنناعلى ماما سعاد الام الى فرحنا بسعاد الحفيدة 00

فنفرح امتداد عطاء سعاد 000


لها الرحمة الواسعة 000

الاستاذ الكريم
خالى عبد المنعم
لك التحية وانت بتتحفنا بدررك
ذيدنا من ابداعك

ربنا يجعل سعاد ايمن امتداد لى سعاد خليفة

ولك الود

واصل معانا

العزاء لعزة التجانى زراعة الزقازيق فى وفاة والدها
له الرحمة

ومواصلين

الف رحمة علي والد عزة التجاني ... وصادق التعازي لها ولأسرتها ...

رحم الله والد عزة التجانى وأسكنه فسيح جناته مع الصديقين والشهداء وحسن أولئك رفيقاً ، التعازى لعزة وأسرتها الكريمة بمدنى ، أرجو مدنا برقم هاتف سواء لعزة أو لحكمنا الدولى أحمد التجانى الذى زاملته بمدرسة مدنى الثانوية.

الأستاذ/ عبد المنعم خليفة .... حقَّ لسعاد الجدّة أن ترقد مطمئةً فى مثواها الأخير ، فقد ربح البيع وأينعت فسيلة الخير التى غرستها ، وحقَّ لسعاد الحفيدة أن تفخر بهذا الإرث الرائع ، وهذا الإحتفاء الشعرى بمقدمها ، وحقّ لها أن تسلك دروب الروعة ، وجديرٌ بمواليدكم أن ينحازوا لقيم الخير والجمال مادام استقبالكم لهم بهكذا نظم وقوافى.

صبحكم الله بالخير والعافية..
زوبة شكرا على تلفونك الصباحى وصوتك العذب الذى انسرب الى مسارب الروح حيث تسكنين وتتملكين القلب والروح معا..
اهنى كل نساء العالم بيوم المراة العالمى ولى عودة عن احتفالية الشركة التى اعمل بها..
التحية والرحمة للام الغائبة الحاضرة جوانا جمعيعا ماما سعاد خليفة والدة بطة وام خالد واخوانه
ماما سعاد بصماتها جوانا جميعا .. تعرفت عليها فى اول اجازة مشيناها السودان بعد سنة اولى.(انا وزوبة وبطة عرفنا بعض وبعد يومين طوالى بقينا تلاتتنا لازم يا اما ننوم فى محل سكن زوبة فى لكوز او فى شقتنا فى المساكن لانه بطة كانت تسكن بالمغتربات) .. ذهبت مع والدى لبيتهم فى امتداد ناصر .. سلمت على بطة عانقتنى ماما سعاد رحمها الله كانها تعرفنى من قبل كانت كثيرة القلق على بطة من الازمة ومامنانا عليهم انا وزوبة.. جلسنا فى البرندة وسرقنا الزمن من حلاوة الحديث معها.. كانت علاقتى بماما سعاد خاصة وانا اتردددايما على منزلهم العامر بروحها كنت دايما عند زياراتى المسائية لهم تصر انى ابيت وتتصل بحبوبتى لاخذ الاذن منها ..
ماما سعاد امراءة مثقفة جدا كانت تحب التعليم وتشجع على.نيل الشهادات .. لم تكن ام تقليدية كل مايقلقها ان تزوج بناتها التعليم والشهادات هو سلاح للمراءة..كان هذا هو شعارها ..
اذكر عندما اتى بطة القبول لفنلندا شجعتها جدا وعندما اقترب السفر اصابها القلق لاصابة بطة بالازمة
يوم السفر انا مشت من المطار معاها البيت فعشان تطلعنا من الدبرسة امرتنى انى اعمل العشا واغسل العدة
كنت دايما ازورهم فى بيتهم فى كوبر.. بعد الغداء دايما عندها سرير فى الحوش بنكون كلنا حواليها.. انا بقعد فى البمبر جنب راسها واتونس معاها دايما تسالنى عن اخبارى الخاصة..
انا حظيت بعلاقة خاصة مع اهل بطة وزوبة فكانوا بعاملونى ذى بناتهم كل البجى من السودان من ماما سعاد لازم مقسم على ثلاثة..
سعدنا بزيارتها رحمها الله وعطفهها ودلعها لينا كلنا لما جات لتخريج بطة.. كلنا كنا عايزين ننوم جنبها
اذكر انه بطة قالت لينا يا جماعة انتو ا فاهمين الموضوع غلط مامى دى امى انا فردت عليها رحمها الله انها امنا كلنا..فعلا ماما سعاد ام الكل ام بطة ونانى وزوبة وفافى وصلاح الامين.. ام رجاء وسيزا وصافى وسيزا وميمى.. وخالد وايمن وعيالهم..
ماما سعاد رحمها الله ام بقامة النيل وشموخ وطنا الكبير ام بقلب السودان وامهاتنا كللهن..
التحية لكل اولادها اينما كانوا ولكل اخوانا واخواتها وجيرانها..التحية الخاصة لخالو عبد المنعم خليفةواذكر انى قابلته فى القاهرة مع بطة ..
ما يؤلمنى الى الان اننى لم اكن اعلم بوفاتها الا بعد فترة طويلة ولما احظى بلقاء اخواتى لاعزيهم..
الرحمة لماما سعادوربنا يطرح البركة فى ذريتها..



نجاة حوفى

العزاء والمواساة للابنة عزة التيجاني سائلين الله العلي القدير أن يتغمد الوالد بواسع رحمته ومغفرته.

الابنة العزيزة زينب التيجاني.. سعدت سعادة بالغة عندما عرفت الاسم الكامل.. لأن العم (الأخ) حاج التيجاني أبو رفاد وشقيقه حاج إبراهيم أبو رفاد من أحب أفرع أهلنا لدي والدنا ولدينا جميعاً.

أرجو أن أتوجه بالشكر لكم جميعاأبنائي الأعزاء وبناتي العزيزات على ترحيبكم الحار بي في منبركم العامر الذي آمل أن أكون أحد ضيوفه حيث أن لي ذكريات عذبة عن جامعة الزقازيق، وصديقي دكتور طلبة عويضة وزوجته مدام إلهام، ومنسقة القبول بالجامعة مدام ليلى ، والسكرتيرة الأخرى بفرع الجامعة بشارع المرعشلي بالزمالك! أدهشتكم !!

Quote: وجديرٌ بمواليدكم أن ينحازوا لقيم الخير والجمال مادام استقبالكم لهم بهكذا نظم وقوافى

للابن أبو بكر حامد الأمين ولكم جميعاً يا من تذوقتم شعر الأحفاد أهديكم قصيدة الحفيد إبراهيم ياجي!!

محبتي
عبدالمنعم خليفة

( تهنئة للأخ العالم الجليل الدكتور/ أحمد ياجي والابنة الدكتورة / ياسمين حاج الطاهر)
( بمناسبة عيد ميلاد إبراهيم الأول )

************

عيد الخليل

فرحي يا فرحي يا فرحي قد بلغ العام الخليل

*****
هللوا بالبشر والزهو الأصيل

نغموا الألحان والشدو الجميل

وانظموا عذب القوافي .. كل ما صاغ الخليل*

وارفعوا بالفأل أغصان النخيل

وتغنوا مرحباً بالفارس الشهم النبيل

ماليء الأرض فخاراً وارث المجد الأثيل

************

عندما طل الخليل شــاع فيض من فــــرح

غمر الدار بريق ســــاحر .. قـوس قـزح

واكتسى الكون وشاحاً من نضار واتشح

وتغنــى كــروان .. بالترانيــم صـــــــدح

************

عندما هل الخليل ..

هشت الأملاك في أعلـــى سمــــــاء

فهو ينبوع براءة .. قبس من كبرياء

هبة الرحمـن إبداع ولطـف وذكـــاء

وهو بشرى بسنين عامرات بالوفاء

قرة العين حمــاه الله من كــل بـلاء

أهنأوا يا والديه .. أنتما أهل الهناء

************

أمة كان الخليل** .... كان أواهاً حليــمــــاً

هكـــذا يغــدو الخليل .. في غد عدلاً رحيما

ناهــلاً من بحــر علـــم .. مبدعا بعد علومـا

ينشد العلياء دوماً .. يرتقــي حتى النجــوما

*************************************************

* إشارة إلى الخليل بن أحمد الفراهيدي – مؤسس علم العروض

** إشارة إلى أبي الأنبياء إبراهيم الخليل

_____________________

عبد المنعم خليفة خوجلي
مسقط – 21 / 8 / 2006م

سلام لاجدع ناس
مليون سلام وتحية لخالى عبد المنعم
فى الحقيقة انت عمى زى ما كا الوالد بقول لى
بس يحلو لى اناديك بخالى زى ما بتناديك بطة
اكتر شى اراحنى لما بطة قررت انها تجى السلطنة انها حتكون بجوارك
عارفة كيف علاقتكم مع ابناء اخواتكم واخوانكم
سواء بطة او رجاء او يحيى او الامين اوغيرهم
طبعا لما كنتو تزورو مصر دايما بتلاقو بطة واى مصروف كان بيتقسم بينى وبينا ونجاة يعنى خيرك مغرقنا
حتى المروحة الاشتريتوها ليها كنا بنتهبب بيها بلتساوى
ولما سافرت ورثتا كعادة الزقازيقاب لى وانا ورثتها للبعدى
فانت موجود معانا من بدرى يا خالى عبد المنعم

وشكرا لوجودك معانا وبنتمنى انك دايما تتحفنا وتواصل ابداعك معانا
قصيدة الابن ابراهيم من اجمل ما قرات والذايد الجمال انه ابن بطة
ربنا يحفظةليكم ولوالديه
وربنا يخليكم لناس ياسمين

مليون سلام مليون سلام بام البنون
سيزا حاج الطاهرجانا نتها الايميل دة
زينوبة التجاني
عشة العزيزة
سلمت الأنامل الوفية ولتسلم الذاكرة التي عزت في مثل هذا الزمان
حقيقة الموت فقط هي التي يمكن أن تجتث
والدتنا من جنبنا وأهلها ومريديها وأحبابها
لم تذهب للعلاج بالخارج بل كانت في أتم عافيتها وكانت تمسي وتصبح ضاحكة
ولكن خيوط الكفن قد نسجت بتلكم البقعة وكانت لها ولنا بالمرصاد من حيث لا ندري ولا تدري
وأنى لنا أن نعرف بأنها رحلة اللا عودة ؟
فالمطالب كانت هي المطالب وبذات النبرة التي لم تهن ولم تخفت
" لازم يا سيزا تتمي الماجستير بتاعك"
لكم مني الحب والسلام
وشكرا ً لكم وأمنياتي برغد العيش وهناء البال وستر الحال وبلوغ المرام ونيل المقاصد وجعل سيرة أمهاتكن هي النبراس والمنار والزاد في دهاليز الحياة
أم البنون
سيزا
أنا أعرف نفسي بأم البنين إذ لم أرزق سوى بالبنين حفظهم الله
حاج الطاهر وخالد ومحمد
محمد رغبت في تسميته أيمن تيمنا بأخي النبيل والرائع في إنسانيته أيمن ولكنه أطل برأسه للحياة في يوم ميلاد حبيبنا المصطفي عليه الصلاة والسلام ووجبت تسميته بمحمد

الرائعة ام البنون سيزا
لكى ولابنائك الهم ابنائى كل الحب
ماما سعاد باقية فيكم وبيكم وباحفادا ومحبيها
شفتى كيف ايام الزاء كانت اكبر تجمع للاهل والجيران والاحباب من الابيض ومن كل السودان ومن خارج السودان
شفتى كيف جمعت كل الناس ديل فى مكان واحد

فى رحلتها لتخرج بطة ويوم كنا ماشين نودعهاكانت مسافرة فى نفس اليوم الاحنا جيناها فيهو فى القاهرة
سالت بطة اعمل اكل شنو
وشنو البحبوهو
لما قلنا ليها انت مسافرة نتونس بس وناكل سندوتشات
قالت لينا لا انتو طولتو من اكل الامات
لما جينا كانت السفرة عامرة بكل ما لز وطاب
قلت لبطة كمية اللحمة المفرومة الفى صينية البطاطس تاكلنا شهر
بكل الحب كانت تدينا فى ايدينا
وتحلف لازم ناكل
هى كريمة وام الكرم
ربنا يرحمها بقدر ما اعطت وبقدر ما جادت

https://mail.google.com/mail/?ui=2&ik=eeed6e1810&view=att&th=12752458cfce464a&attid=0.4&disp=inline&zw



ماما سعاد وماجدولين فى بودو (النرويج)
قبل ايام من رحيلها

يا ناس الزقازيق بطة بتسلم عليكم وعندها مشكلة فى الكيبورد
وممتنة وشاكرة
وقلنا ليها ديل اهلك وناسك
والحمد لله الذى جعل بت سعاد مننا وفينا



ودى سعاد خالد حاج الطاهر الحفيدة
انشاء الله تمسك درب ماما سعاد
ويحفظها لوالديها

سعاد دومنيك
ابنة ماجدولين حاج الطاهر
ربنا يحفظ ويحمى

يا ناس نانى بعد اذنكم غيرنا صورة البروفايل



سعاد وبشرى ابناء ماجدولين
بشرى اخر حفيد حملتة بين ايديها
ربنا يحفظم

خالى عبد\ المنعم المداخلة دى كانت طاشة بس عدناها

Quote: الابنة العزيزة زينب التيجاني.. سعدت سعادة بالغة عندما عرفت الاسم الكامل.. لأن العم (الأخ) حاج التيجاني أبو رفاد وشقيقه حاج إبراهيم أبو رفاد من أحب أفرع أهلنا لدي والدنا ولدينا جميعاً.

وانتم من احب الافرع الينا
ومن اعز الجيران فى فريق السوق
وكمان من اعز الاصاب والاخوان والاهل للفاتح مصطفى ابورفاد

Quote: أرجو أن أتوجه بالشكر لكم جميعاأبنائي الأعزاء وبناتي العزيزات على ترحيبكم الحار بي في منبركم العامر الذي آمل أن أكون أحد ضيوفه حيث أن لي ذكريات عذبة عن جامعة الزقازيق، وصديقي دكتور طلبة عويضة وزوجته مدام إلهام، ومنسقة القبول بالجامعة مدام ليلى ، والسكرتيرة الأخرى بفرع الجامعة بشارع المرعشلي بالزمالك! أدهشتكم !!

يا خالى عبد المنعم وجدود قامة ذيك بينا دة انت تشكر عليهو
واهو انت سيد بيت
عليك الله احكى حكيك طاعم زى ما بيقولو ناس الزقازيق

تحية خاصة لاخواتى بنات ماما سعاد.. سنين لم نلتقى.. اشتاقكم كثيرا سيزا.. صافى ميمى.. للاسف لمن نلتقى لنعزى بعضنا فى امى الثانية.. الام المثالية.. التحية عبركم لايمن واولاده لخالد واولاده.. اتمنى ان كل حفيدات ماما سعاد الائ حملن اسمها ان يكونوا عنوان للعطاء واحب والقلب الكبير مثلها..
التحية لخالو عبد المنعم خليفة ربنا يطول عمرك وذى ما قلت زوبة خيرك مغرقنا اذكر انه مرة جينا نسلم عليك فى القاهرة فسحتنا وصرفتنا ..
الانصهار فى بيتنا يوم الجمعة هو الخلانى ادخل باسم الرشيد بابكر..
دمتم جميعا سالمين

تانى ما تنصهروا قدر ده , بيسحروكم
ده فى اطار الرد على المداخلات من اسفل , الى اعلى
واى انصهار داير ليهو درجة حرارة (ما ) ,
ودرجة الحرارة دايرة ليها مكيف
والمكيف داير ليهو ما عارف شنو
خلونى احتفل هنا بمجرد رغبة المدعوة بطة فى المرور علينا
قلتى لى الكيبورد مالو ؟؟
هو انتى فى مسقط ولا فى حتة تانية عشان تكون مشكلتك كيبورد
مشتاقين يا بطة , وربنا يخلى ليك ابراهيم
وكمان مرور سيزا ام الوليدات علينا هنا
مرور استثنائى , نحتفل بيهو , ونزغرد , ونشعل قناديل الفرح
ونشكل خطوات تنظيم لى سودانيز اون لاين المنبر
ولزينب التيجانى ست البوست وصاحبة الفكرة العبقرية
اللأشتغلت معانا هنا شغل (المغناطيس )
وجابت لينا الرياح الربيعية الجميلة
وانا ما اخرت الترحيب بى عبد المنعم خليفة خوجلى
الا من باب
ان الحلويات والطيبات انما تأتى بعد الطعام (الدسم )
ما (ادسمها من وجبة )
تلك التى تبدأ بى ماما محاسن
وتتدفق لتشمل ماما سعاد رحمها الله
وتمر بنا -بين هذا وذاك
لتشمل ذكريات واسماء جميلة (فى حياتنا )
نحن اليها ونشتاق


قصيدتيك يا استاذ عبد المنعم خليفة خوجلى
فى ابراهيم وسعاد
من عيون الكلام المنظوم
كنا سنحب ابراهيما -كما سعاد -
مجرد علمنا ابناء من هم
ولكننا الان -وبعد هذا النظم الشفيف
نحبهما اكثر

سلامات يا ناس

Quote: عندما طل الخليل شــاع فيض من فــــرح غمر الدار بريق ســــاحر .. قـوس قـزح واكتسى الكون وشاحاً من نضار واتشح وتغنــى كــروان .. بالترانيــم صـــــــدح

مراحب الاستاذ عبد المنعم خليفة..انت فى حوشك ووسط اسرتك

ونحن طبعآ الكلام الطااااااعم ده بجيبنا جاريين جرى

سلام لياسمين حاج الطاهر ولاسرتها الكبيرة والصغيرة

وتانى شكرآ لصاحبة الامجاد..بت النوبة

بوست جميل ومفعم بالعواطف الجميلة ... والوفاء للأم التي هي منبع الوفاء ... وقيمة إنسانية لم يختلف حولها إثنان منذ بدء الخليقة وعلي مختلف ايدلوجياتهم ... شكراً لزينب التي إبتدرت هذا الخيط الجميل ... وشكراً لشوش التي كتبت عن ماما سعاد فأبكتنا نحن ما بال أسرتها ... كتابة إحتفت بالإنسان لدي ماما سعاد قبل أن تحتفي بالأم ... وأضاءت لنا جوانب عنها لم نكن نعرفها ... فما أكثر الجنود المجهولين ... الذين يعطون بلا حدود دون أن ينتظروا كلمة شكر من أحد ... يؤدودا رسالتهم ويرحلوا دون ضوضاء ..... وشكراً أستاذ الأجيال عبد المنعم خال الكل ... علي مساهماته الثرة في هذا البوست وعموم المنبر ... ومرة أخري الإنحناءة لذكري السامقة سعاد خليفة خوجلي وللأسرتها ... وشكراً يا زوب للأحتفاء بأمك وكل أمهاتنا ...

مسائكم جميل يا اجمل ناس

ايه الهنا والسرور دة نانى المنصهرة
منصور الابنوسى و سعادة الكمندان جورج
والزناتى جوجل النبر

وفى وجود اسرة الرحوم حاج الطاهر وخالى عبد المنعم
حاغنى فى حضرة من اهوى

بلرغم من انو اليوم كلو من دكتور لدكتور فى مراجعة لماما محاسن والصغيرة محاسن الا وانو دب فىنى نشاط


سلامات

حاج الطاه راشد ابن سيزا
وسعاد دومنيك ابنة ماجدولين


ربنا يحفظهم

سعاد وحاج الطاهر ايمن حاج الطاهر

ربنا يخليهم

مدارس كمبونى عادة عندها احتفال سنوى بتقدم فيهو نشاط الطلاب الرياضى و الثقافى
وكان فى فترة الاحتفال دة بيكون مع الاحتفال بعيد الام
وكانت ماما سعاد هى البتلقى الكلمة نيابة عن الامهات
لما لها من وضع مميز عند ادارة المدرسة وكانو بيستشيروها حتى فى العروض الثقافية وكانت ارائها بتلقى القبول
واحنا فى الصف الخامس كانت مشاركتنا بنشيد الام
زغت الحياة على يديك 00000 وطالما فاضت بمنهل النعيم يداك
المقاطع الشعرية بطة والمقطع الاخير مغنى
كلنا كنا بننشدو
بتذكر جات حضرت العرض النهائى وابدت راى انةالبت الممثلة دور الام كانت خواجية وسمها افلينا وكانو ملبسنها توب فقالت ليهم لكن ام افلينا ما بتابس توب كدة الشكل بيكون غريب
وفعلا لبسو افلينا ملابس ذى ملابس ناس امها وطلع النشيد حلو

فى كم موقف كدة حاحكيهم

واحنا فى الصف السادس ممتحنين كان عندى خالتى جات من الخرطوم وجايت لى مزكرة فيها مجموعة امتحانات
بطة قالت لى ممكن اوريها لمامى قلت ليها ممكن
فى عصر نفس اليوم كانت معانا ماما سعاد بتسال من وين المذكرة لانها لفت كل المكتبات وما لقتا
فعرفت انها من الخرطوم
وبما انو مافى مكنات تصوير متوفرة ذى هسة
فقالت لامى ممكن اشيلا انقلا وارجعا بكرة؟
شوفو التفانى دة
عرفتو شطارة بطة دى من وين؟

بس ماما قالت ليها ما تتعبى نفسكحاج التجانى راجع بعد يومين من الخرطوم وبطة ذى زينب
وبابا ما بتاخر عن اى شى اكاديمى لى ولا لى غيرى وبفرح

ربنا يرحمها بقدر ما اعطت

فى نفس يوم الحفلة بتاعة كمبونى الذكرتها فوق
اناكنت لابسة لبسة كدة بنطلون وبلوزة
وكنت ماشاء الله طفلة ما ضعيفة بس ما بيصنفونى مع السمان
كنت فى قابلة للزيادة وبدت تظهر على ذيادة الوزن اكتر وانا مع ناس بطة واميرة النحاف
فنادتنى ماما سعاد بعد ما سلمت على وسالتنى من ناس امى وقالت لى لبستك حلوة بس لو وزنك ذاد حتكون ما حلوة
وجات بعد كم يوم لامى والموقف دة حكتو لى ماما
اتكلمت ليها عن مضار السمنة وانةغير انة شكلى حيكون ما حلو كمان حاتعقد وكمان فى المستقبل حتجينى امراض
فما كان الا من امى وابوى انهم ودونى لدكتور مغربى وكان اخصائى الاطفال بلابيض ونظم لى غذائى
وكنت بشرب بيبسى كتير قللو لى
والحمد لله بقيت واعية واسرتى واعية للمسالة دى
ربنا يرحمها

حبها وحنيتا ما شملت كل الحولها
زوجة خالد حاج الطاهر قابلتنى يوم الوفاةوحكت لى باتها فقدت امها مرتين
يوم وفاة امها ويوم وفاة ماماسعاد
وكيف بانهاكانت بترعى احفادها وبتحبهم لدرجة انة ابنها الكبير كان تاثيرو بوفاتها ما زى تاثير اى طفل فى عمرو
ربنا يرحمها بقدر حبها وعطائها

مرة بت مرة

ماجدولين ادت لزيارتى للنرويج نكهة خاصة
فرحت بوجودها معاى واتكلمنا فى حاجات كتيرة بس مامى كانت هى محور غالبية حكاوينا
اتكلمتا مع الجميل ايمن وكان بيسال عن كل ناس الابيض فردا فردا
ماجدولين عملت لينا غداء واصرت انو كلنا نمشى ليها
بيتهافى غاية الروعة والجمال والنظام
نظمت سفرة ما حصلت
مابتعملا وحدة فى سنها
بكسرتا وملاحا وجميع صوانيها وسلطاتا كانت باجادة تامة
معانا خالة عمر كانت كل ما تشيل حاجة تقول ليها والله مرة بت مرة
والله يا بتى امك ما ندمانة امك تنوم مرتاحة
فلما رجعنا البيت كانت بتتكلم انة الوحدة بتعلم بناتا للزمن
ودايما تحكى لبناتا عن ميمى بت صغيرة ومنظمة وطباخة وبتشتغل وبتعمل الدكتوراة
ربنا يحفظ ميمى بت سعاد يا رب

حبى ليك يا ميمى بقدر حبى لابنائى

تاثير البوست كان واضح فى سلوكى ككل
وكنت الايام الفاتت دى ولحدى اليوم مشحونة وكل ناس البيت متابعين معاى
وحتى ماما ناهد خالتى وندوية بتها وديل حبايب ناس مامى

فلما امى شافتنى متاثرة قالت لى ما تطريها ساكت انا هسة من يوم ما بديتى تحكى بدعى ليها فىكل صلاة ويوم الجمعة نعمل ليها صدقة لروحها بدل ما تتذكرى فى مواقفا وبس
واترحمى عليها كل ما تحكى عنها
ربنا يرحمك يا مامى ويديك لى طول العمريا ماما محاسن وتترحمى عليها كمان

عن أبي هريرة - رضي الله عنه - أن رجلاً قال :
(( يا رسول الله ، من أحق الناس بحسن صحابتي ؟ ، قال : أمك ، قال : ثم من ؟ ، قال : أمك ،
قال ثم من ؟ ، قال : أمك ، قال : ثم من ؟ ، قال : أبوك . ))

و في هذا عظم حق الأم على الأب حيث جعل لها ثلاثة حقوق و سبب ذلك أنها صبرت على المشقة
و التعب ولاقت من الصعوبات في الحمل و الوضع و الفصال و الرضاع و الحضانة و التربية الخاصة


اسعدنا كثيرا" ما تكتبينه عن والدتك خالتى محاسن والمرحومة خالتى سعاد ربنا يجعل مثواها الجنة
والعزاء موصول للزميلة ياسمين حاج الطاهر و اخوتها كافة والخال عبدالمنعم خليفة

عبد الدائم شكله ده الحديث الوحيد الحافظه ......

أبو الزوز يخرب مطنك...انت عينك في الفيل تطعن في ضله...انت عارف الفيل منو...

سلامات يا اجدع ناس

كيفك يا ديدو وعقبال مليون سنة لعذارى


زشا اقصد رشو المنصهر اسريا

زهير المخالف دائما سلامات

زهير حدد موقفك انت مع منو

مكالمة هاتفية دسمة من صديقة الزمن الجميل
نازك الطيب عبد الباسط
ونازك صديقة كردفانية وجارة لناس بطة فى حى القبة
وهى الان استاذة بلجامعات السعودية

كل المكالمة كانت عن ماما سعاد وتضحياتها

ونازك بتقول لى ماما سعاد غير كل النساء

ما عندها شبية

اعطت بلا حدود

فى يوم بعد رجوعنا من السعودية اتصلت ناهد خالتى من الابيض بتسال عن صحة خبر انة سعاد مريضة وهى مع ميمى

فاتصلت بلفاتح ابو رفاد عمى صديق ناس خالى عبد المنعم عشان استوثق لانى ما كنت بماك رقم تلفون

بس جانى الخبر الشين بانها رحلت

غادرت

سافرت السفر الاخير

فكانت تلك رحلة الاعودة

زى ما قالت سيزا لما سافرت مامى ما سافرت فى رحلة علاجية
لكنها كانت بتادى فى واجبها كام
سافرت النرويج لحضور قدوم بشرى المولود الاول لميمى
كانت باتم صحة وعافية عدا ارهاق السفر
سافرت محملة بكل ما تحتاجه ابنتها للوضوع
ولما وضعت ميمى كانت سعيدة ببشرى وحملتة بايديها
وقالت ليها لما تجى السودان حاعمل ليهو عزومة كبيرة واجيب بنات حسان (اخوات بيادو اغانى البنات من الابيض)
وميمى اوفت بلحلم دة فلما رجعت وفى حفل ختان بشرى فتشت بنات حسان وجابتم وعملت ليهو الحفلة
ربنا يحفظو

لما شعرت بلاعياء وتم نقلها للمستشفى ما كانو فاكرين انها ما حترجع

كانت ياسمين حاضرة وايضا صافى وميمى

مامى نامت بسلام

ورحلت بهدوء

بقدر ما تعبت

ما ارهقت

ابنائها

وما تعبتهم
كانت حنينة حتى فى مرضها
حتى فى رحيلها
حتى بطة بتقول انها كان شكلها نائم

ونديانة

وجميلة كما البدر


رحات وهى فى غربة
اللهم تقبلها مع الشهداء والصديقين وحسن اولائك رفيقة

شكرا مامى انت تعبتى
شكرا مامى انت ما قصرتى
شكرا مامى ما تعبتينا
هكذا كانت تبكى صافيناز وتابن امها
بكل ما اعطت




كانت ايام عزائها ملتقى كل الناس
من الابيض كل الاهل والجيران
كل ناس الابيض بلخرطوم والاقاليم حضروا
كل بناتها وابنائها

ماما سعاد اديتى رسالتك على اكمل وجه
نامى بسلام يا ام خالد

وكونو دائما كما انتم يا اولاد وبنات سعاد

وانت كما ارادتكم هى

ربنا يحفظكم ويحفظ ابنائكم وبناتكم

الكلام عنها ما بنتهى
ربنا يرحمها


اللهم اغفر لها وارحماه، وعافها، واعف عنها، وأكرم نُزُلها، ووسع مُدخلهُا، واغسلها بالماء والثلج والبرد، ونقها من الخطايا كما ينقى الثوب الأبيض من الدنس، وأبدلها داراً خيراً من دارها، وأهلاً خيراً من أهلهاا وزوجاً خيراً من زوجها، وأدخلها الجنة، وأعذها من عذاب القبر (ومن عذاب النار).
- اللهم اغفر لحينا وميتنا، وشاهدنا وغائبنا، وصغيرنا وكبيرنا، وذكرنا وأُنثانا، اللهم من أحييته منا فأحيه على الإسلام، ومن توفيته منا فتوفه على الإيمان، اللهم لا تحرمنا أجره ولا تضلنا بعده

الاعزاء
خالد وايمن سيزا بطة صافى سارة(سكر)ميمى
احبكم جميعا


ود خاص لخالى عبد المنعم وكل اخوانها واخواتها


دى ممكن نسميها تحية بت لامها

احبكم

زينوبة

سلامات للكل وبالذات صاحبة البوست الأخت / زينب ..
تحياتي لكل ام ولدت وربت وأفنت زهرة شبابها من أجل أبنائها ..
أقترح ان يستمر هذا البوست حتى عيد الم 21 مارس ..
وأتمنى أن يكون الختام إحتفالية ضخمة على هذا البوست ..
كلمات قصائد صور .. إلخ ..

الام لايماثلها شي في الوجود
الحنية والعاطفة المتدفقة والخوف
على ابنائها خوف لاتعرفه الا عندما
يكون لديك ابناء فتحس بحرقتها عليك
كثيرا ماتذهب احدي بناتي للبقالة وتتاخر
شوية قلبي ياتيني بافكار عدة فما بالكم ونحن
نسافر بالسنين تاركين من يكتوي بنار فراقنا
ربنا يغفر لينا في ذلك ويستر علي ابنائكم جميعا
لدينا عادة قد يعرفها بعضكم وهي عندما يكون
احدنا مسافرا فانه يتم اخذ آثاره من علي الارض
ووضعها في مكان امين هذا التقليد يتم طلبا لعودة
هذا المسافر لاادري من اين استمد اهالينا هذا التقليد
لحظات الوداع من امر اللحظات في حياتي خاصه
وداع الوالدين وخاصه الوالدة رحمهم الله رحمةواسعة
كانو نهرا من الحب كم شربنا وارتوينا منه نسال الله
ان يرحم موتانا وموتاكم وكل الصحة والهناء والسعادة
لكم ولاحبابكم

الابنة العزيزة زينب التيجاني والأبناء الأعزاء

وأنتم تقيمون هذه الاحتفائية الرائعة، يسرني أن اشارككم بهذه القصيدة المترجمة والتي أهديها إلى كل أم في عيدها.
محبتي
عبد المنعم خليفة

***********************
إلى أمي
شعر: كينيث كارول
(ترجمة : عبد المنعم خليفة خوجلي)

***********************
من قبل أن تنشر الشمس بقعها البرتقالية

فوق صفحة السماء الأرجوانية ..

وقبل ميلاد القمر والنجوم التي تزين الليل بالجمال والألق

كنت قد أحببتني..

*****

لم تكن المحيطات قد بدأت بعد في عزف نشيدها المائي

وكانت الأرض جدباء وعديمة الهدف

عندما بدأت عنايتك بي

*****

قبل أن يعرف البشر الخالق

وقبل أن يرسل الله شعبه نحو الشمال

لتشييد الأهرامات والمعابد العظيمة

كنت أنت إلهي ومعبدي

كنت أنت منقذتي من قبل حورس والمسيح ..

وقبل موسى الذي قاد شعبه نحو أرض المعاد

كنت أنت الأرض التي وهبت لي وعد حياتي..

*****

من قبل أن يصنع البشر الأعلام ويحشدوا الجيوش

لحماية إمبراطورياتهم ..

إمبراطوريتي كانت أنت

وكان نشيدي :

يا رحم أمي أنا منك ..

يا أروع ملاذات الأمان

لك أغني

*****

من قبل أن تكون هناك معان لكلمات الحياة والجمال والحب

كنت قد قدمتها لي مثل هدية من ملكة

ومن قبل أن أعرف ما هو الحب

كنت قد قدمته لك في المقابل

*****

من قبل أن ينحت الزمن الجبال الرواسي من غور الأرض

ويحيل الجليد بحاراً ، والبحار صحارى

كنت قد شاركتني حباً أبدياً لا يحده الدهر

*****

وطويلاً من بعد أن تصبح الشمس رمزاً محترقاً لحياة سالفة..

والمحيطات رشفة من ماء الكون

سأظل أحبك

فلتدفئي يا أماه بهذه المناجاة

عندما يحتدم الصقيع ..

***********************

زنوبة بت النوبة
يمين بالله اديتى البوست , نكهة ما عارف اقول ليك نكهة شنو
هى خليط من نكهات السرد الطيب والحكى اللذيذ والوفاء النادر
يعنى عليكم الله نحن مع بعض الزمن ده كلو , وما نعرف (العصارة ) الجواكم دى
عصارة بى ضم العين , عارفك حاتمشى لى حتت تانية
انفعلت انا بكلامك وسردك وحكيك , حتى تمنيت ان لا تتوقفى ابدا
جيبى لينا ناس بطة وياسمين وميمى وصافى وايمن وخالد
زى ما جانا وعطر سمانا , القامة العالية عبد المنعم خليفة خوجلى
بطة دى , لو اضطريتى ترسلى ليها كيبورد , الكسلانة دى - ما تخليها
ياخى انا شاعر انى فى الزقازيق من اول وجديد
الحاجة المتأكد منها هسى , انا لا عندى ضغط ولا حاجة
جلال زاتو بقى مسيخ
لا يتوقف هذا البوست ابدا , يا زوبة
اقول ليكى , ختى لينا صور النرويج وفنلندا كلها
الرشيد ده خليهو على

سلامات لكل الناس

عدم التواصل امس لمشكلة تقنية

استاذنا المبدع
جالب الحب والجمال
خالى عبد المنعم
مليون شكر وانت بتهدينا تحفة جميلة معبرة
مليون شكر وانت باقى بينا(ياخ ما تفوت كون مواصل )

Quote: يا رحم أمي أنا منك .. يا أروع ملاذات الأمان لك أغني

ما اروع حب الام


بسكو ليك كل الود وحنحتفل بعيد الام ويا ريت البوست يستمر لكل واحد عايز يتكلم عن الام
امك امى الجارة الجدة العمة الخالة
وكون دايما معانا
ود المهدى عمر
كل السلام والله كلامك دايما جميل ومسالهانك لما ترسل احدى بناتك دى امس كنا بنتكلم فيها
فعلا الواحد بيعرف احاسيس كتيرة بعد ما يبقى اب او تبقى ام
ما افظع الهلع اثناء المرض
التاخير
السفر
ربنا يرحم من سبق منهم ويقدرنا على رضا امهاتنا ويخليهم

Quote: لدينا عادة قد يعرفها بعضكم وهي عندما يكون احدنا مسافرا فانه يتم اخذ آثاره من علي الارض ووضعها في مكان امين هذا التقليد يتم طلبا لعودة هذا المسافر لاادري من اين استمد اهالينا هذا التقليد

بما انى بت حبوبات طبعا سمعت بيها
وبيحكو اهلنا عن حبوبتا لينا انها كانت محتفظة باثر ابنها الهاجر وما رجع 15 سنة ولما يقولو ليها ما حيرجع كانت بتقول ليهم اثروا معاى بيرجع
وفعلا رجع

يا منصور يا عالم يا جميل
انت بتدى للحكى طعم خاص لانملك الا ان نلتهم الاحرف

Quote: انفعلت انا بكلامك وسردك وحكيك , حتى تمنيت ان لا تتوقفى ابدا جيبى لينا ناس بطة وياسمين وميمى وصافى وايمن وخالد زى ما جانا وعطر سمانا , القامة العالية عبد المنعم خليفة خوجلى بطة دى , لو اضطريتى ترسلى ليها كيبورد , الكسلانة دى - ما تخليها

هسة بنطو ليك ناس زهير والرشيد ويقولو ليك اصلها براية كيف ما تتوقف
وناس بطة متابعين البوست بس انت عارف بطة براك
قلنا ليها اكتبى انجليزى ما مشكلة
انا عارفة كمية الكلام الجوة ابناء حاج الطاهر قدر شنو عن امهم وابوهم واى واحد عايز يكتب بس يرسل كلامو من اى حتة ممكن يدخل يعنى الكلام عن ماماسعاد ماتم العايز يرسل يرسل وبرضو حاكتب تانى عن امى وقت ما احس بانى عايزة اكتب
كلكم اكتبو عن الحب الصادق دة
اما موضوع الصور دة خلاص اديتنى الاذن ناس الرشيد بتضايروا ساكت

وعلى طريقة الكوتش محمد صديق ولمن فاتهم الاستماع دة كلام طارق جبريل عن الخالة احسان
والدة صديقنا الكاريبى حاتم جبارة
لها الرحمة

Quote: الخالة احسان رحمها الله - يا طارق يا طارق - يا حاج انا في الحمام قربت - واحد صاحبك منتظرك برة - كويس انا طالع - اوووووووووه يا مان كيفنك انزل مالك قاعد في العربية - ياخي امشي البس سريع وتعال - لبس شنو ياخي هو الاذان فضل ليه ساعتين - يا طارق جبريل ما تكتر النقة امشي البس ياخ - ياخي المشوار دة ما ممكن نمشيه بعد الفطور ياخي ما شايف ناس راشد اخوي بطلعوا في البروش في الشارع - ياخي عليك دينك بطلع عكلتة وامشي البس مشيت اندرعتلي في بنطلون أليل جينز وتي شيرت جبتو معاي من مصر واتريحتلي بي ريحة تبخها تحت اباطك بعد دقيقة تلقاهو ابيض زي المضرضرلك سكر فيهو ركبنا العربية ومشينا العمارات وزلكم وقف في شارع 15 ونزل علي بقالة الحاوي (الكلمة دي في المغرب شينة خلاص) بقالة الحاوي دي كنت لمن اكون زهجان اجي اتمشى في العمارات واجي جنبها واشوف في علب التونا واتمطق وامشي واحلم اني شغال وعندي قروش كتار واجي اشتريلي كم علبي منهن جيت المغرب لقيت التونا ارخص من البرنجي المهم زولكم خمش ليه حاجة من البقالة في كيس ومشينا حي الرياض وقفنا العربية فتح الباب ودخل العربية وقال لي خش لقيت الحوش حوش السرور بلاط يزلق كدي وسِعدِدي ناعمي (نجيلة) وورد كدي بالجنبات و،شجر ملولو في الحيط وانا من الله خلقني غير النيمات القدام بيتنا وتلاتة علب نيدو كبار فيهن صباح الخير في حيطنا من تالا ناس عم محمد صالح ما بعرفلي شدر تاني اها وسط النعمي دي كلها لقيتلي طربيزتا سمحي يالحيل وفيها خمسة صحانة وجنبهن كواري (جمع كورية) صغار كدي من الصيني المزركش ومناديل قدام كل صحن - اقعد يا مان - تقعد فوقك حمى انت نحن وين - ههههههههههه ياخي روق انت جنك دة اصلك ما بتنساهو قعدت قدام الصفرة الماهلي دي شويتين جاء راجل كبير كدة الله يديه الصحة وسلم علي: - ازيك يا طارق رمضان كريم وحمد لله على السلامة يا ربي دة منو وبيعرفني من وين - اهلا يا حاج كيفنك وكل سنة وانت طيب - قالوا لي انت من البركل - ايوة تحديدا من شبا (البركل شمال) - وكيف لقيت ناس بيتكم - والله بخير يا حاج الحمد لله الراجل قعد يسبح وقام يسقي في الشدر أليلو شويتين جات داخلة مرة سمحي بالحيل وباين عليها راكزي ومالي مركزها شديد - ازيك يا ابن الهرمة قالوا لي ما كنت عايز تجي - ابدا والله بس انا ما كنت عارف نحن ماشين وين - هسي عرفت انت وين - ههههههههههههههههه خمنت برضو - شوف يا ولدي انا ولدت ولد واحد بس لكن هسي بقى عندي اتنين الحمد لله - يا حاجة دة شرف كبير لي والله باين عليك اونطجي المهم من الونسة عرفت انه الزولة السمحة دي شغالة في بنك ابو ظبي الوطني اظنها كانت نائبة المدير وبقيت اقول في نفسي: يا ربي انا الجابني هني شنو الناس ديل حتى فطورهم ماهو ياهو كل زول صحن وكوريي قدامو وهناك في البروش تسمع في كواري الطلس يجلجغن بالحلو مر والليمون المخلوط وابوي وعم عبد الله يقرشوا في البصل ويلوغدوا في القراريص ويحمدوا ربهم المهم يا الحبان فطرنا واتونسنا ورجعت لي اهلي بعد اسبوعين عرفت انه الراجل دة ومرتوا مشوا لندن كسفير وزوجته لمن رجعت الزقازيق تاني وصلت قبل صاحبنا وشايل معاي الشاي والدكوة والويكة زولك جاء من لندن اتسالمنا وقال لي يا مان الحاجة مرسلة ليك معاي حاجات لازم ترد عليها لانه مفتكراني حا اغنج بيها: قميصين وسيوتر برد وكرتونة كيت كات يمين في نفس اليوم كان في حفلة في الاتحاد لمن مشيت لابسن اسامة خضر لامن شكة فيني وما عرفني المهم من يومها والزولة دي الله يعلم معتبراني زي ولدها تضرب لي وتسألني وعن احوالي لمن رجعت اول مرة وعندي بتي ريم قلت لي محمد صديق لازم امشي ليها مشيت انا وريم ومحمد صديق لمن شافت بتي سلمت عليها وحضنتها شديد ودخلت جابت ليها حلاوة ماكنتوش قالت ليها دي حقت براك ابوك دة ولدي يعني انا حبوبتك رجعت تاني للمغرب والاتصال ما انقطع الى ان جاني ايميل: bad news الحاجة غادرتنا اليوم رحمها الله تلك ايها الاحباب لمن تكن سوى خالتي وامي احسان والدة فردتي حاتم جبارة رحمها الله وتقبلها قبولا حسنا وجعلها الله من اصحاب اليمين وبنى لها الله قصرا في الجنة وجعلها الله مع الصديقين والشهداء واطال الله في عمر عمنا جبارة

وكمان سعادة الكمندان من الميل 69 يكتب بكل الحب عن ماما احسان
الف رحمة ونور عليهاوعلى كل السابقات منهم

Quote: طارق...فتحت بابآ للحزن كبير... رحم الله الخالة احسان واسكنها الجنة بقدر حنيتها وهرولتها الى عمل الخير كنت عندما ازورهم بعد غياب وانا احضنها تشتمنى بلهجتها نصغ المصرية وسودانية.. انت فين يا ود يا كلب...فاكر نفسك يعنى عشان اتجوزت وجبت عيال ..يعنى كبرت علينا اوعك تانى تغيب كتير...وجايينا كمان من غير العيال ومراتك؟؟اعمل بيك ايه؟؟روح وانت عامل زى صاحبك الكلب القاعد فى امريكا... عندما اتصل بى حاتم وانا برفاعة ناقلآ لى خبر وفاتها حضرنا انا وخالدة وبكينا بكاء مرآ.. رحم الله الحاجة احسان عبد الحليم واسكنها الجنة وجعل البركة فى ذريتها والزم عمنا جبارة الصبر

Quote: سلام يا ناس شوية دبرسة كدة اليوم اكملت والدتي رحمة الله عليها عشة بت ابو دية ثلاثة اعوام وهي تحت الثرى رحمها الله رحمة واسعة اللهم تقبلها قبولا حسنا وارزقها الجنة وقها عذاب القبر والنار اتوسل من الجميع الترحم عليها انا لله وانا اليه راجعون

اللهم ارحم امى عشة بت ابو دية
واسكنها مع الصديقين والشهداء
وربنا يصبركم ياطارق
سلام يا ناس



اللهم ارحمها

مبارك جادين يكتب

Quote: اللهم ارحم امواتانا واموات المسلمين جميعا وارحم الحاجة عشة بت ابودية رحمة واسعة والهم اسرتها الكريمة الصبر وحسن العزاء يا ود جبرين الله يصبرك ويصبرنا جميعا على فقد الامهات طبعا يا صديقي بفقد الوالدة احسست انني فقدت شخص مهم جدا بالامس القريب ذهبت للعزاء في وفاة والدة احدي صديقات الوالدة بالعباسية وامي كانت فاكهة المجالس وركن اساسي في حينا ومجلسها يجي فيه كل نانسوان الحلة المهم انني وانا اعزي سعاد اب عجاج مسكتني وبكينا سويا بتذكر الاحباب عليهم رحمة الله عندما تفقد امك افادك الله تحس ان مكان في قلبك قد اصبح خاليا لا تستيع اي مخلوقة اخرى ان تسكن فيه مهما كانت معزتك لها فالام لايعوض فقدها فاذا ماتت الزوجة لاقدر الله يمكن ان تتزوج اخرى واذا مات الابنة او الابنةيمكن ان ترزق باخرى او اخر لكن الوالدين يا حليلم .فانشاءالله تعيش وتفتكر ودمتم سالمين ملحوظة :ساعود في بوست تاني واحدثكم عن ثريا بت محمد(الوالدة عليها رحمة الله) والتي لايمكن الحديث عنها دون اختها خالتنا وامنا صفية محمد جادين بنات بتول عبدالله ادم

يا مبارك كيف حالك
ياخ اكتب والكتابة عن الام شى مريح
ربنا يرحمها ويحسن اليها

من مربع كاى الرشيد بابكر يكتب

Quote: علوية مأمون أحمد أبو شيبة دي أمي... عايز أكرمها بأن أتحدث عنها في المربع... تستحق مني أكتر من أن أتحدث عنها في المربع وبس.... ليس لأنها حملتني وهن على وهن... و لا لأنها أرضعتني الحق و الفضيلة و القيم و الحب... و لا لكونها سهرت الليالي و أنا مريض أو متضايق أو حتى زعلان... و لا لأنها كانت لا تأكل حتى أشبع و لا تشرب حتى أروى و لا تلبس حتى ألبس أجمل الثياب... بل لكونهاحالة تستحق التكريم... والدها الفكي مامون رجل دين و علم معروف بمدينة الكوة... اشتهر بورعة و تدينة فأصبح يحج اليه الناس من كل المناطق المجاورة اما للعلم أو التداوي... ملئت شهرته كل الآفاق...عاش و مات في عمر ال63.. وافق عمره العمر النبوي...و شخص مثله لا يمكن الا أن يعيش للعمر النبوي... توفي و خلف وراءه اثنين من البنين و أربعة بنات... و أمها الحاجة أمونة حاج مهدي... كان حاج مهدي جد والدتي رجل علم و دين معروف أيضا... الطريقة الصوفية السائدة في المنطقة هي الطريقة الأحمدية.. نسبة الى سيدي أحمد بن ادريس..و هي تعرف أيضا بالطريقة الادريسة... كان حوش جدي حاج مهدي يحتضن الحوليات و حلقات المديح كل جمعة.. كان الناس يتوافدون من كل مكان لحلقات المديح... و منهم من كان يحضر من أجل الفتة و اللقيمات... كانت حاجه أمونة أصغر بنات جدي حاج مهدي و الأقرب اليه و الأكثر تدليلا... كانت ترافقة في الحوليات و حلقات المديح حتى رزق بابن له أسماه محمود.. مرافقة حاجة أمونة لجدي جعلها تحفظ الكثير من المديح... لذلك عندما ولدت أمي كانت حاجة أمونة تهدهدها بالمديح و الصلاة على الرسول... هذه البيئة جعلت أمي تحفظ الكثير من الأوراد و المديح... بل أصبحت روتينا لا تنقطع عنه حتى يومنا هذا... بدون مبالغة أعتقد أن أمي لم يؤذن أذان الفجر يوما و وجدها نائمة منذ حتى قبل سن التكليف... لذلك لازمني أعتقاد أن دعوة أمي لم تغلق أمامها أبدا أبواب السماء..

مليون سلام وتحية لماما علوية وربنا يديها العافية

الرشيد يواصل الحكى

Quote: يحكى عن والدتي أنها كانت ذكية جدا و متفوقة في المدرسة... كانت الكوة مدينة يهتم سكانها بالتعليم بشكل كبير... و ذلك لأن معظم كبارها كانوا مصادفة من المتعلمين...فجدي تخرج من كلية غردون... تفوقت أمي على بنات دفعتها و اشتهرت بذلك بينهن... مرض جدي قبل لسنوات قبل وفاته بمستشفى الدويم... من المفارقات أن خالي محمد و الذي كان متمردا تلك الحياة في كل تفاصيلها.. كان هو من أصر أن تخرج أمي من المدرسة المتوسطة لتتزوج من أبي... تزامل خالي محمد و أبي في المدرسة الوسطى و الثانوي بأم درمان... لم اصراره مستغربا أو مدانا...فلقد كان السائد في ذلك الوقت ان المرأة للزواج... و من فاتهن قطار الزواج بالكوة فقط هن من أكملن تعليمهن و تخرجن ليصبحن مدرسات.. فأصبحت مهنة التدريس هي المهنة السائدة بين نساء الكوة... حتى اللائي تزوجن و تأخرن في الانجاب أكملن تعليمهن ثم اشتغلوا بالتدريس... تزوجت أمي من أبي بعد أن تم اخراجها من المدرسة الوسطى... ما زالت أمي تتحدث عن ذلك بحسرة...فهي تعتقد أنها كان سيكون لها شأن كبير اذا واصلت تعليمها... و لكن الزواج لم يقتل طموحها و لم يخبو ذكائها... عندما وعيت الى الدنيا وجدت أمي تحرص على قراءة الصحف و المجلات التي حرص أبي على أحضارها لها و لنا... كانت تحرص على قراءة روز اليوسف و آخر ساعة و تناقش المواضيع المطروحة بهما.. كنت أحسد أمي على هدوءها الشديد... فقليل جدا ما رأيتها ثائرة أو منفعلة... جابت مع ابي كل أنحاء السودان بحكم عملة في وزارة الصناعة... و في كل مكان كانت هي هي أمي...بهدوءها و رزانتها و اهتمامها بشؤونها و شؤون بيتها... لم أسمعها تتكلم عن جارة لها أو أي أحد... حتى ان خالتي فاطمة رحمها ابنة خالة أمي كانت كثيرا ما تردد... علوية دي مره مسكينة خلاص... كانت أمي و ما زالت لا تتحدث حتى تسألها... و لأن أبي كان موظف حكومة و في ايام عز موظف الحكومة... فلم يبخل على أمي بمن يساعدها في البيت...في النظافة و الغسيل و الكوي... فلم تكن تقوم بتلك الأعمال أبدا... و لكنها كانت تهتم بالمطبخ وحدها و هي تحسن الطبخ حالها حال كل نساء ذلك الوقت... كنت و ما زلت أحب طبيخ أمي...و لم آكل طعاما يضاهي طعام أمي في لذته... كانت كل ما تطبخة يكون لذيذا...حتى أنها كانت تعد لنا الكاسترد لنتناوله بعد كل وجبة غداء... ما زال طعم الكاسترد اللذيذ المتنوع في فمي... مرة تعده بالحليب فقط و مرة بالقمردين و مرة بالكركدي... كنت أقف الى جانبها و هي تعده فتعلمت منها طريقة اعداده و أصبحت أجيدها... لم أكن اقف الى جانبها لكي أتعلم منها طريقة الاعداد... بل لكي أظفر بالحلة...كنت أحب ما تبقى من كاسترد بالحلة... اصابتي بالرمد الربيعي في بواكيري جعلني أحظى باهتمام كبير من أمي في طفولتي... فكنت ملتصقا بها جدا رغم شخصيتي المستقلة منذ طفولتي... كانت تصفني بأنني أجمل اخوتي شكلا... تلك المحبة و الاهتمام الذي أحاطتنا به أمي يجعلني كثيرا ما أفكر... كيف أرد لها الجميل... فهي كلما تتصل بي طالبة مبلغا من المال...ثم تقول لي معليش أثقلت عليك.. أمرأة من ذهب...

سلام
وصباحكم ندى
من نافذة مضيئة بتطل علينا سيزا حاج الطاهر
ويا ام البنون خليك دايما معانا وبينا
يا منصور سيزا لبت الدعوة
انت وين

الحبيبه سيزا
سعيده وكل ناس الزقازيق بوجودك
سيزا كلامك ممتد من قلبك تدواخلنا

مامى حتى فرحها بيكم كان استثنائى

زرعت ورعت نبتها واتى اكله
الحمد لله الفرحت وقبلت العرائس وحملت الاحفاد


لو نظرتو لحياتكم حتى بعد رحيلها
حتلقو انها وضعت اجندة لمسيرتكم حتى بعد ما تغادر

حية موجودة فى اى نجاح وفى اى غرفة من بيوتكم وفى اى طفل من احفادها

امسكو دربها يا ام البنون
وخير بنونك احفاد سعاد بت خليفة

http://www.youtube.com/watch?v=klvpTbNXeBI&feature=related




إلى أمي

أحنّ إلى خبز أمي
وقهوة أمي
ولمسة أمي..
وتكبر فيّ الطفولة
يوما على صدر يوم
وأعشق عمري لأني
إذا مُتّ
أخجل من دمع أمي!

خذيني، إذا عدتُ يومًا
وشاحًا لهُدبكْ
وغطّي عظامي بعشب
تعمّد من طهر كعبكْ
وشدّي وثاقي..
بخصلة شعر..
بخيط يلوّح في ذيل ثوبكْ..
عساني أصير
إلها أصير..
إذا ما لمست قرارة قلبكْ!

ضعيني، إذا ما رجعت
وقودا بتنور ناركْ..
وحبل غسيل على سطح دارك
لأني فقدت الوقوفَ
بدون صلاة نهاركْ
هرمت، فردّي نجوم الطفولة
حتى أشارك
صغار العصافيرِ
درب الرجوع..
لعُشِّ انتظاركْ!*

يا لك من (درداقة ) يا زنوبة بت النوبة انتى
لقد وضعتينى على حافة الكتابة بتالق لافت , تتضاير معه باصات هيثم مصطفى وتقول ليك امشى اتعلم من بت النوبة
دردقتك لى دى , اكان ما جبتها قون فى التمانيات
اكون زول كيشة , وفكت منى كمان
الفكت منى ياها الكورة يا ايها المتربصون , اما ما يفك من البنى آدم عادة
فخليهو اليفك , اريتو مابقى زول فى الدنيا دى عنده عقل
كان العقل بيحمينا القراية الحلوة الزى دى
ما حا اتكلم عن اقتباساتك الذكية عن تجليات المسنوح ود جبرين , ولا الكمندان محمد صديق
ولا اخويا (من رضاعة الميز ) الرشيد ولد علوية بت مأمون
دى كلها حا اجيك ليها بعدين
لكن الأشياء تؤخذ -بعض الأحيان - بمفاجآتها
سيزا حاج الطاهر
عارفة الزولة دى قابلتها كيف ووين اول مرة ؟؟
واول مرة دى ضعى تحتها وفوقها , قدامها ووراها -الاف الخطوط الملونة
واترك لك مهمة اختيار اللون
ايام تشكلى وتكوينى القديم , انا باقى يا زينب يا اختى , طالما تشكلت قديما وفى الحديث
كانت اجازة ما , من اجازات الدراسة الجامعية الزقازيقية
كان صديقى , قاسم محمد صالح حسن
محتفلا فى منزله , الجنب بيتنا بعد شارعين تلاتة
بفرحة ما , طرب وموسيقى وعود
قاسم يعرف بطة بحكم صداقتنا
وكانت من الحاضرين المحتفلين بحكم زمالتها لقاسم فى قانون الخرطوم
سيزا , ام البنين
لم اكن قد التقيتها قبل , ولكنها كانت مختلفة من اللحظة الأولى
كانت معتدة بنفسها ولكن برفق ولين
واثقة من نفسها فى اباء وشموخ
منسابة وتلقائية ولكن بحسم وقوة
عندما اقتحمتنى متعرفة على , اكتشفت انها تعرفنى , من قاسم او من بطة , فانها اذابت مساحات ما قبل المعرفة بعنفوان وسرعة شديدين
سعيد انا بالتعرف اليك ذاك اليوم يا سيزا
واكثر سعادة وانا -من خلال زينب - افتح المساحات الرحبة من جديد
والآن انا اكثر معرفة بك من خلال زينب ونجاة حوفى اذ يتحدثان عن المرحومة الحاجة سعاد بت خليفة خوجلى
وزيارات خالنا القامة , استاذ عبد المنعم
اهلا بيك يا سيزا , يا ام البنين

سبحان الله
فان الطبيعة الأستثنائية لهذا البوست البديع
تجعل من مداخلاته , متصلة وان تقاطعت
منسابة ومربوطة بكل خيوط الربط الجميل , حتى ولو تخللها اقتباس هنا , او جملة اعتراضية هناك
كتب الرشيد ما كتب , عن علوية بت المامون
وقال القائلون ما قالوا
عن حاجة احسان , والخيط الرفيع الذى يربطها مع المرحومة عائشة بت ابو دية
كما اننى المح ذات الخيط , ممتدا الى حاجة محسنة ام ميسرة
ووالدتى المرحومة ام الحسين بت بشرى , رحمها الله وعطر قبرهم جميعا برياحين الجنة
ده بوست ده , ولا جنة ؟؟
اجد نفسى متأهبا للكتابة عن امى رحمها الله
اذ اننى اراها فى رؤية امهاتكم امهاتى
ولكنى ما ازال متأهبا فقط
ولكن تأهبى لن يطول

العزيزة زنوبة
تحية كبيرة جدا على هذا البوست الجميل الرقيق
اكتب ماذا عن الحاجة ثريا محمد جادين بت محمد وبتول (كنت دائما اسمع ان ناس امي بنات محمد وعماتي بنات عبدالله )
امي يا زوبة مشلخة مطارق وانا لاني امي في حكاية القص واللصق فلن استطيع ان انشر صورتهاالا عند الاستعانة بالصديق الزناتي
يا زوبة غلبتني العبرة ولم استطيع المواصلة سوف اخاود بكيتي وارجع ليكم خليكم قاعدين

مسائكم سعيد

الزناتى زهير تشكر يا مبدع ما تنقطع

يا منص يا جميل والله انا بكون محلقة فى فضاءات فرح وانا بسمع الود لوردى او بتتملكنى حالة الاوجود لما اسمع جميلة ومستحيلة
دة حالى مع كتاباتك و برضو ما اشرك ليك
طيب مداخلة سيزا دى وصلت من نصها ما من بدايتها بكرة بنزل بدايتا نسبة للالتزام بلدور


يا ود جادين مبارك
احنا هنا عشان نمسح الدموع
ونطيب الموجوع
من حقنا نسمع عن امهاتنا السمحات قشقش دموعك واكتب
واحنا نسمع كم جميلة لحظات الصدق الاحنا بنعيشا مع من نحب
اكتب يا مبارك
بلمناسبة اللليلة دودو (احمد التجانى) اخر عنقودى اكمل 4 سنوات

زوبة العزيزة...
أشكرك على استحسانك لما كتبته عن أمي...
كتبته بي هناك ليس ترفعاعلى هذا البوست و الذي أعتبره لي كما هو لك...
لكنها حالة اعترتني فوجدت نفسي أكتب في الصفحة التي أمامي...
و استرسلت حتى أوقفت نفسي عنوة...

شكرا على النقل و أعدك بأن أكتب هنا ما لم أكتبه عن أمي هناك...

Quote: الاسم: عائشة اسم الأب: يوسف محمد أبو دية اسم الأم: فردوس الريح محمد تاريخ الميلاد: 1925 مكان الميلاد: البركل مركز مروي هكذا تقول شهادة ميلادها بالتسنين... طافت برأسي هذه المعطيات وأخرى كثيرة وأنا في طريقي من الرباط إلى مطار محمد الخامس بالدار البيضاء... - سلام ابراهيم... كيف الحاجة الليلة - صمت رهيب... طارق الدوام لله كأنما الزلزال الذي ضرب الدار البيضاء من اسبوعين قد أعاد كرته مرة أخرى... لكن هذه المرة تحت قدمي أنا لا غيري.. لم أفهم حينها الكلمتين أو لنقل أنني وددت أن لا استوعبهما... كانت تجلس قبالتي في القطار سيدة مسنة تحمل سبحة في يدها كانت في حالة دوران مستمر... حاولت أن أداري دموعي عنها... لكن بحدسها عرفت أن هناك ألما يعتصرني.. - إنت مسافر لبلدك يا ولدي - نعم والدتي.. - الله يوصلك بخير... أنا ذاهبة لاستقبال ابنتي - آمين.. نعم سيدتي أنا ذاهب إلى هناك، لكن هذه المرة تختلف عن مثيلاتها.. هذه المرة أنا ذاهب لوداع أمي وهي تحت الثرى... لن أستطيع معانقتها كما تعودت... ولن تستطيع هي حمل أطفالي في حجرها كما كانت تحب.. إدرت بصري إلى نافذة القطار وهو يقطع حقول القمح الممتدة امتداد الأفق.. شكل الخراف المتناثرة هنا وهناك ذكرتني بأول "مرتبة" صنعتها لي أمي.. فغرز الخيط في أواسط "المرتبة" كان أشبه بتناثر تلك الخراف.. - الليلة عملت ليك "مرتبة" جديدة وكمان بتاع العناقريب نسج ليك واحد جديد عشان انت حا تدخل المدرسة.. فجأة قفذ إلى ذاكرتي يوم قادتني إلى المدرسة الابتدائية والحوار الذي دار بينها وبين مدير المدرسة... - السلام عليكم.. ياخي أنا عايزة اسجل الولد دة - كويس وينا شهادة ميلاده - ياخي أنا لا بعرف شهادة ميلاد ولا حاجة أبوهو مسافر وأخوهو الكبير في داخلية الجامعة لمن يجوا بيدوك الأنت عايزو - (ضاحكا) خلاص سجلناهو ليك ونحن في طريق العودة إلى المنزل سألتها: - يمة إنت ليه ما دخلت المدرسة؟ - دخلت يا ولدي يوم واحد بس.. جدك الله يرحمه سجلني في المدرسة في مروي والصباح وصلني وقال لي ترجعي مع البنات عشان هو مسافر في مامورية لي دنقلا ستة شهور مع البوليس.. ولمن رجعت الضهر حبوبتك الله يرحمها نهرتني وقالت لي ما عندنا بنات بيدخلوا مدارس .. يا ريتها لو خلتني كان هسا بقيت حاجة كبيرة.. - حاجة كبيرة زي شنو؟ - ما بعرف بس نفسي كان أكون معلمة نعم عزيزتي حلمي وحلمك لم يكونا كبيرين... غرفة مسقوفة بسعف النخيل وسترة الحال.. كانت تلك كل أمانينا.. لم يكن يعنينا لا جاه ولا سلطة.. تركناها لحكامنا الذين يسكنون القصر الجمهوري منذ الاستقلال إلى الآن.. لكن هم لم يتركونا لأحلامنا البسيطة.. راحوا يضيقون علينا حتى ضربنا أصقاع الأرض بحثا عن لقمة العيش لم يتيحوا لي عناقك من جديد.. حرموني حتى من حمل نعشك إلى مثواه الأخير... سامحهم الله.. يصعب استيعاب ما حدث... كما يصعب جدا تخيل سودان أنت لست فيه.. رحمك الله بقدر المحبة التي كنت تنشريها بين الناس.. رحمك الله حاجة عشة (الشايقية كما كان يحلو لأهل الامتداد مناداتها) إنا لله وإنا إليه راجعون

Quote: - يا وليدي وكتين ربيناكم ما كان عندنا شي.. كنا عدمانين المليني.. ما خلينالنا شي ما سويناهو بعنا البيض والفسيخ والشاي... فشان تقروا.. لكن نحمد الله يا وليدي الله ما خيب رجانا قريتو وكبرتو وشلتونا في كبرنا.. عمك محجوب مسميني عطشقي الطيارة فشان قاعدي اسافرلكم واقعد كل مرة شويي مع واحد منكم.. - لكن انت يمة جيتوا من البركل ليه - يا وليدي ابوك ركب راسو وقال علي يجي الخرتوم وقال عشان الاولاد يقروا - لكن البركل ما كانت فيه المدارس - انا شن عرفني يا وليدي هو كان قاري وجاء خمخمنا من هناك وجينا هني - هسا ان بقينا قلنالك ارجعي ترجعي - كيفن ما برجع ما ياها بلدي ... علي الرجعي صعبي شويي لانه سوينالنا جيران واحباب هنا وكمان انتو وليداتكم ولفوا علي هني.. وانا ما بقدر علي الشلهيت دة.. - طيب انا ما قلتلك تسافري تقعدي معاي في المغرب مالك حرنتي - يا وليدي ماني مابيي علي انا اتعودت علي الجيران والحبان هني... كفاية قعدت معاك سبعة سنين هناك.. يا وليدي هني ان بقيت زهجاني ادخل علي خالتك ام النصر ولا خالتك مدينة واتونس زين معاهن واجي مبسوطي.. هناك مقابلي الحيط والتلفزيون... ذلك كان آخر حوار بينننا... بعده بيوم غادرت السودان عائدا للمغرب... بعد اربعة اشهر اصيبت بكسر في رجلها واجريت لها عملية وهاتفتها: - يا وليدي نحمد الله ما تشيل هم انا كويسي وعافي منك وراضي عليك شهرين بعدها دخلت في غيبوبة والجرح لم يلتئم... قررت الرجوع للسودان لزيارتها لم يسغفني القدر وكان الأجل اسرع من خطواتي وجاءني صوت شقيقي الكبير ابراهيم: طارق الدوام لله بت ابو دية في ذمة الله انهرت تماما وبكيت كما لم ابك من قبل... واخذت سيارتي وبدات اجوب شوارع الرباط لم ادر الى اين انا ذاهب ..وبعد ساعتين وجدت نفسي دون وعي مني امام مكتب الخطوط القطرية كانت الرحلة اشبه بجهنم رغم انني تعودت عليها منذ زمن بعيد... لكن الرجوع كان مختلفا هذه المرة وكان الحزن يعتصرني... نزلت في مطار الخرطوم دون الفرحة التي كانت تنتابني في المرات السابقة.. لم امازح ضباط الشرطة والجمارك كعادتي.. خطوت خارج القاعة متثاقلا... تلقفني نسيبي حاتم سيد احمد.. دمعت عيناي دون ان اقول له شيئا.. دلفنا الى سيارته وكان مهند ابن شقيقي ابراهيم هناك ارتمى علي دون أن يقول شيئا وبدأ بالبكاء.. قطعنا المسافة بين المطار والامتداد دون ان اتمعن في الجديد كعادتي.. حين وصلت السيارة الامتداد ووجدت صيوان المأتم امامي تأكدت من ما كنت غير قادر على تصديقه... هب الجميع الي... لم ارى من الجميع غير شقيقي ابراهيم ارتميت في احضانه وشرعنا نبكي بصوت محموم.. ثم تلقفني شقيقي لطفي.. حينها انهرت تماما.. وحين وصلت لشقيقاتي كان الكابوس قد بدأ يكشف عن حقيقته... بكينا حتى فقد البكاء قيمته وطعمه... قلت لهم خذوني الى قبرها... كان شاهد القبر يحمل الرقم 4652 جلست قبالة راسها وسلمت عليها: يمة انا طارق جيت اسلم عليك زي زمان..صدري كله تبلل من دموعي.. قرات عليها ما تيسر من القرآن وترحمت عليها.. دعوت الله ان يرحمها ويبني لها قصرا في الجنة ويتقبلها قبولا حسنا... ... عام مضى.. رحمة الله عليك يا عشة بت يوسف ابودية

Quote: - يا ولدي خلني اللمشي لي بناتي وجيراني - يمة نان يا دوب فضيتلك ومشتهي ونستك وحكاويك - يا ولدي ثمانية شهور انا معاك في الزردوية ألت المغاربة دي وحدي مصاقري الحيط لامن تجي من شغلك - نان آآيمة اسوي شنو... الله كاتبلي الرزق في البلد البعيدي دي - يا ولدي قلتلك ارجع والدايرو سووو واحمد الله اخوانك الكبار ماهن محتاجين شي.. سولك مزرعة ولا حواشة وان بقيت محتاج لي احفظ مالك اصرفه وان نقص اخوانك الكبار بيتموك - يمة انا ماني مابي الرجعي علي كمان آآبرضى الحقارة - يا ولدي انا شاحدة ربي يغوروا ولا يصبح عليهم صباح ان كان عذبونا - يمة الله ماهو قاعد يظلملوا زول - يا ولدي بيظلم البني آدم... اصلو ان بقى الرزق كان عنده كان موتنا من الجوع - يمة الله الرايدة بتبقى دحين اقعديلك كمان شهرين وسافري - يا ولدي خلني امشي اشوف اخوك لطفي في السعودية واسويلي عُمرة والعمر ماهو معروف لي ولا ليك.. انا حامدي ربي العلي سويتو بس قلبي ماكلني عليك يا ولدي دحين شوفلك طريقي ترجع والله يا ولدي قاعد يدي الجنة شنو كمان الدينا العفني دي.. - سمح يمة لا باكر ونشوف الخطوط - اي يا ولدي الله يعدلها عليك شقيش تقبل يا الله يا بت يوسف ياخ... كيفن مشيتي وخليتينا... وحاتك لاني قادر انساك لاني قادر اعيش بلاك.. بُطاني وكتين يشوفوا الدمعة طافري مني.. ينكبسوا فيني ويعرفوك قاعدي معاي في قليبي.. (ريم: بابا اتذكرت ماما عشة).. اقولهم اييي اصلها حبوبتكم دي متين فارقتني.. كنت دايرها تشيلكم في حجرها زي زمان وتحكيلكم قصة فاطنة السمحي... دحين يمة هسي نا اسوي شنو.. لاني حافظ حكاويك ولاني عندي صبرا متل أليلك... يمة غلبني الصبر... انت ما قلتيلي في التليفون: انا طيبي لا تهم شي وعافي منك... دحين فوتيني مالك.. يمة آآبقدر بلاك... يمة اعتماد جاها السكري بعدك وغلبها الشوق.. وان كان لي سهير حاربت الامتداد وقالت اجي اسوي فيهو شنو... يمة عفاف بناتها يبكنك الليل والنهار... كانن يغشنك من المدرسة لامن امهن تجي تسوقن.. وهسي ماهن لاقاتلهن دليل... يمة ابراهيم الصمد بقى ساكت والعبري خانقاهو... وكتين يمر علي المقابر يقشقش دميعاتو ويفوت... وطلحة وحاتك يا الزيني طفش ضُمة ضُمة... ولطفي الحنين وكتين اضربلوا يقولي: داير امرق تاني واطش انا اصلي جيت راجع فشانا... الله يرحمك يا عشة بت يوسف ابو دية.... عامان وانت تحت الثرى

يمة انا فتر
يمة غلبني كله كله
بُكان اقبل القى رويحتك
يدين محمد متل الاتك
وتكية ريم ياها انت
يمة انا ماني داير اكفر بالخلقني وخلقك
علي الشوق ليك تعبني وهدة حيلي
يمة انا طفش ضمة ضمة من البلد.. يمة ماني قادر ارجع البيت وما القاكي قدامي
تقالديني وتقوليلي: طيب ابوي نصيح في عضمك دة
يمة اشتهيت ونستي معاك في التكل أليلك
يمة ماني ناسي كلامك: ان بقيت متة لا تغيب كتير اخوانك اسال منهم
- نان يمة انا الحتالي والله يديك طولة العمر هم اليسالوا مني ولا انا
- مو كدي يا ولدي بس انت ياكا الحنين ودايما تقفر اخوانك وتسال منهم
- يمة الكلام دة خليهو لي شنو هسي فاتحاهو
- يا ولدي الدنيي ماها معروفي ومانا دايرين نعيش أليلنا وأليل التانيين
- الله يطول في عمرك وتمشي تقعدي معاي في المغرب
- يا ولدي بعد دة ما فضلي كتير خلني هني جنب حباني وجيراني
- نان انا ماني حبانك
- كيفن عاد ابوي انت ياكا نضري الله يعدلها عليك ويسهلك القاسي
3 سنين يا بت ابو دية
3 سنين لا نسيتك لا دمعي وقف من فراقك
انا شاحد الله اكون ولدا صالح فشان ادعيلك
يمة مشيت اسلم علي زينب بت ود حسونة مسكتني وبقت تبكي وقالتلي:
آآآطارق الزيني ألتنا ماتت
مشيت علي ولاد فتح الرحمن قالولي: عمتنا من ماتت مافي زولا جا بي دربنا
يمة احبابك كلهم يتباكوا
انا لله وانا اليه راجعون

Quote: انا شاحد الله اكون ولدا صالح فشان ادعيلك

طارق أخوي كيفنك
كان الصلاح بي شهادة...
خليني أنصب نفسي أكاديمية من شانك...
مش في أكاديمية مامون حميدة...
أها أنا أكاديمية الرشيد بابكر للصلاح...
أها أديتك الشهادة دي...
ات صالح من الليلة...
زول ما يزال يذكر والدته بهذا العنفوان طوال ثلاثة سنوات من رحيلها...
زول صالح عديل كده...
زول مؤمن بأن كل نفس ذائقة الموت..
ايمان راضعو من أمه...
زول صالح...
ات زول صالح أمشي أدعو ليها و نحن بندعو معاك كمان...

اللهم أرحم عشة بت يوسف ابو دية و أنزلها منزلا حسنا....

امي وخالتي صفية (لكن بدون دير)وعمتي فاطمة وعمتي حرم هن فقط من اسرتي الممتدة الاتي تم عمل الشلوخ لهن اما البقية فكن السادة لون خمري قلبي حباه وانا يا ناس احبتتهن جميعا دون فرز في الشلوخ او بدون شلوخ فهن اماتي القبيل بحنهن رجني .نشانا في اسرة كبيرةوممتدة لذلك لم نتعود ان نقول للوالدة عليها الرحمة يا امي هذا بالنسبة لنا نحن الكبار (مولانا خالد ومرتضى وانا )ولكن عندما اتت القوة الحديثة (الفاتح والمرحوم بابكر وعبد المنعم ) اصبح اسمها امي ولكن كنا قبلها نقول لخالتي وديتو ثريا وين يا اولاد الكلب فيضحكوا كثيرا وانحنا نبكي حتى تسيل دموعنا حتى تطلع من المطبخ الذي تكون مختبئة فيه .كنت قد قلت ان امي فاكهة المجالس ومحدثة لبقة تدخل بعض الكلمات الفصحة واحيانا كلمات من اللهجة المصرية فمثلا كانت تقول البوتاكاز على طريقة المصريين وليس البوتجاز كما نقول نحنا السودانيين فامي اكملت حتى الصف اثاني الاولية فهي تقرا العناويين الرئيسية في الجريدة وتوقع اسمها التحقت مع نساء الحي بفصول محو الامية ولكن لم تواصل لمشغوليات البيت وعددنا الما شوية .وانا عندما عرفت التلفزيون كانت امي تتابع مسلسل على ما اذكر اسمه بيتون بليس (beton plac)لذلك كنت في الصباح هي وخالتي صفية يتغالطون عما فعل (رودني) بطل المسلسل البارحة وهذا ان دل فانما يدل على انهن كن يقران الترجمة او يفهمن بالذكاء الفطري ماذا يدور في هذا المسلسل وامي يا زوبة كانت قاصة جيدة وتحفظ كل القصص من ود النمير الي الشاطر حسن( وحكاية الغول الذي يريد ان ياكل( حاس وماس وقرينة الحجاز)وهن غنم تذهب امهن حتى تاتي لهن باللبن والعشب فتناغمهن من وراءالباب قائلة يا حاس ويا ماس ويا قرينة الحجاز انا امكم شايلة القش في قريناتي وشايلة اللبن في شطيراتي افتحوا لي الباب فيفتحن الباب وياكلن ويشربن حتي الامتلاء لكن الغول الملعون كان يستمع لهذا الحديث فيذهب الي الحداد ويهدده بالموت اذا لم يطرق ليهو لسانه حتي يصير فيمثل نعومة صوت الغنماية فيفعل الحداد الخائف ذلك ولكن يحذر الغول من اكل الفطايس حتى يحافظ عتى صوته لكن عندما يخرج من الحداد يمر في الكوشة بفطيس فياكله ويذهب الي السخيلات ولكن تفشل خطته وتجيب عليه السخيلات بان حس امنا جرس وانت حسك كبير امشي يا غول .....الخ ) كنا نتحاق حولها وهي تقص هذه القصص ونحنا صغار مع الاد المرحوم حسن جادين فتحكي وتحكي حتى ننام حكت امي عليها الرحمة لابني احمد فلاحظي يا زوبة سوف اعود بعد قشقشت دميعاتي انتظروني بجيكم تاني

Quote: طارق أخوي كيفنك كان الصلاح بي شهادة... خليني أنصب نفسي أكاديمية من شانك... مش في أكاديمية مامون حميدة... أها أنا أكاديمية الرشيد بابكر للصلاح... أها أديتك الشهادة دي... ات صالح من الليلة... زول ما يزال يذكر والدته بهذا العنفوان طوال ثلاثة سنوات من رحيلها... زول صالح عديل كده... زول مؤمن بأن كل نفس ذائقة الموت.. ايمان راضعو من أمه... زول صالح... ات زول صالح أمشي أدعو ليها و نحن بندعو معاك كمان... اللهم أرحم عشة بت يوسف ابو دية و أنزلها منزلا حسنا..

يمين يا الرشيد دموعي جرن ياخ
اللهم ارحمها رحمة واسعة وتقبلها قبولا حسنا
اللهم اجعلها من الصديقين والشهداء

ناس الزقازيق الاعزاء
مليون سلام وتحية
العزيز طارق جبريل ود عشة بت ابوديةوالله يا طارق فاتحة البوست لى ساعة اقراء وابكى
لما اولادى سالونى مالك ,الزعلك منو
طارق انا عايشت لحظات قليله بعمر الزمن شفت فيها خالتى عشة لما زارتنا فى الزقازيق هى وسهير
بس الحظات دى كبيرة وكتيرة جواى شفت فيها كيف وقدر شنو طارق بحب امو
بتزكر لما جيناكم نسلم عليها فى شقة لكوز المعاكم فيها امين السمين وحاتم
وكانت جات سهير اختك معاها
لما جيت تقدمنا ليها كنت غير طارق المعانا دايما
كانت ساكناك فرحة والله يا طارق بتزكرها
كنت ونحنا معاك بتعاين جوا عيونا لحدى ما احنا علقنا عليك قاعد بجنبة ومبحاق فيها ذى الما مصدق انها معاك

- يمة ديل زميلاتى زينب ونجاة وياسمين
سلمنا عليها وسلمت علينا بحنية
نجاة كانت مما تشوف ليها ام بتبكى خفنا نجاة تبكى ووصيناها
لكن لما طلعنا كنا كلنا شفنا فيها امهاتنا كلنا وبكينا
وعلقنا قلنا شفتو طارق مؤدب كيف

يا طارق يا ود الرضا وود النجاح والفلاح
امك عافية منك وراضية عليك
انت بار ومبروك
صالح وصليح
فلح ماك طالح

ربنا يتقبل دعواتك ودعوات اخوانك واخواتك
ويا ربى ارحم امى عشة بت فردوس بت يوسف ود ابدية
اللهم اسكنها فى جنة الخلد مع الصديقين والشهداء وحسن اولائك رفيقا

ما تنسى وصيتها يالحنين ارجع فى كل اجازة لاخوانك
وجيب عيالك
وبيت الامتداد يا رب فتح دايما بجناها وجنى جناها
ربنا يخلى ليكم الوالد ويخلى اخوانك واخواتك ويرحمها
وابقى عشرة على الوصية

سلام يا مبارك جادين يا ود ثريا وجيدا جيتنا

ما اجمل كلامك عن اماتك الخالات والعمات
ودايمة كنا اولاد الخالات والعمات ذمان الناس ما بتفرز ود دة من ود دة كان الناس كلهم بنفس الحنية وصدق المشاعر

Quote: وحكاية الغول الذي يريد ان ياكل( حاس وماس وقرينة الحجازماس وقرينة الحجاز)

وزكرتنى بعمتى ست البنات وهى عمة وحيدة وكانت بتحكى لى دايما وبتحجينى بناس فاطنة السمحة وبت السلطان وبن الفوال
وناس حاس وماس
عاف قبل يومين كنا بنعلق على خالتى ناهد بانها بتنطق البتكاز بدل البتجاز وكامة المطبخ بطريقة معينة
دى يظهر ثقافة جبل بحالو

وبتذكر لما كنت صغيرة كانت عندنا خالتى قاعدة معانا فى البيت اسمها رشيدة
كنت لما يسالونى عن شى فلازم احكيهو بلتفصيل الممل
فكانت تقاطعنى من نص الكلام وتقول لى( بيتم بليس)
وهو كان من اطول المسلسلات فى الفترة ديك

يا مبارك البركة الامك الشالت جناك وفرحت بيك
وربنا يديم المحنة بينك وبين كل خالاتك وعماتك
وربنا يخلى الفى
ويا ربى ارحم امى ثريا وسكنها جنات النعيم يا رب
احكى لين وحجينا
كان بكينا بنسك ونترحم
وانت قشقش دميعاتك
واسرد لينا السرد الجميل دة

انضمام عضو جديد من خارج الزقازيق
متابع ومستمتع


هاتفتنى عصرا صديقتى الكردفانية الجميلة نازك الطيب عبد الباسط
الاستاذة فى جامعة ام القرى بمكة المكرمة

وكنت اشرت لمحادثتها السابقة لما اتكلمت عن ماما سعاد خليفة

بس المرة دى محادثتها بعد ما فتحت البوست

نازك صديقة مشتركة لى ولى بنات حاج الطاهر وبرضو جارتهم
اتصلت وهى معبورة زى غادة اخت الرشيد كانت بتتكلم عن حاجات جميلة وكتيرة
وطلبت منها انها تتواصل معانا
فمرحب بنازك الطيب بيناتنا

انت فى بيتك وبين اخوانك واخواتك



احوال الشبكة (النت)ذى حال الطقس فى السودان
بطرفى مواصلة لمداخلة من سيزا حاج الطاهر بس ابت تنزل ليه ما عارفة

بحاول انزلها (دة ما شرك يا منص)

الأعزاء أبدعتم في سردكم وأوفيتم ..
طارق جبريل حكاويك عن الوالدة العزيزة قطعة أدبية فنية .. ومؤثرةجدا.. وقد تأثرت كثيراًعندما تابعتها ..
لها كل الرحمة والمغفرة .. وندعو لها بالسعادة في حياتها الأخرى وربنا يسكنها جنات الخلد والفردوس
مع الصديقين والشهداْء وحسن أولئك رفيقاً..
مبارك جادين ،، أين أنت ؟؟ نتمنى لك التوفيق وربنا يرحم الوالدة وينزل عليها شآبيب رحمته ومغفرته ..
زينب لكي الود كله ..
منصور لك التحايا العطرة ..
[]ويارشو كيف عامل ..؟؟
وبمناسبة زيارة الأمهات للزقازيق اهدي لكم هذه الصورة .. ويارشيد فيها نجاة لما كانت صغيرة ..

من اليمين :ياسمين (بطة)،، والدة نشوى طب،، منى عباس ،، أماني ،، والدة أماني ،، نجاة حوفي .
بمناسبة تخريج آداب مارس 1988 النادي الزراعي ..

بوست ملئ بشحنات عاطفية ضغط عالي .,... لا يمكنك قراءته إلا علي دفعات ... وهدنات تكفكف فيها دموعك .. ثم تعود مرة أخري .. كلما حاولت أن أتحدث عن والدتي أطال الله عمرها ومتعها بالصحة والعافية تنهمر دموعي فأكف عن الكتابة .. فما بال من أرتحلت أمهاتهم .. لهن الرحمة الحاجة عائشة بت أبو دية فلقد ابكيتنا يا طارق جبريل ..... فلم نعد نتحمل هذا الشجن فقد أصبحت عواطفنا .. أهش من أن تحتمل مثل هذه الأحزان .. ورحم الله الحاجة ثريا والدة مبارك جادين ... ورأينا دموعك بين السطور لها الرحمة ولا زلنا في إنتظار المزيد يا مبارك .. ورحم الله كل الأمهات ... ونحن نحتفل بعيد الأم صباح الغد ..

اهلا وسهلا بالعزيزة نازك الطيب والتحايا عبرها موصولة لكل اهلها وخاصة حسين الطيب وزوجته الرائعة نازك سيد احمد..
مبارك جادين اللهم ارحم والدتك وربنا يصبرك ويطرح البركة فى ذريتها..
طارق جبريل ابكيتنى بكلماتك الصادقة عن والدتك الطيبة الحاجة عشة.. رحمها الله .. حظيناا بلقائها فى الزقازيق حيث غمرتنا بالحب والعطف.. واكلنا من يدها عدة مرات احتضنتنا مثل بناتها .. ربنا يصبرك وابقى على وصيتها.. ما تنقطع من اخوانك..واترحم عليها..اللهعم ارحم خالتى عشة ابو دية واسكنها فسيح جناتك..وصبر اولادها على فراقها..
جادين وطارق قولوا انا لله وانا اليه راجعون..
اللهم ارزقنا عفوهن ورضاهن وطول عمرهن يا الله يا رب العالمين..
دمتم سالمين

سلامات لاجمل ناس

شكرا يا بسكو على الصورة الجميلة فى ناس لبسو هدومى وما صورونى ولا فاتونى ما عارفة

لبستط رهيبة يا نانى

التحية لماما هدى البنا ام نشوى رحمة الله عليها

وماما امال ام امانى واميمة دفع الله
الاتنين قابلتهم فى المنطقة الشرقية بلسعودية حيث اقمت
وتمت الزيارات بيناتنا
وعندهم حكاوى كتيرة كانت وزكريات عن الزقازيق

يا زهير والله بكونا شديد ربنا يصبرهم ويرحم ماماعشة وماما ثري

يا نانى ماقايلاك بتعرفى حسين الطيب لميتى فيهو وين

اليوم تذكرنا ومعي صديقي عبدالملك عبد الباقي عمل امهاتانا وحبوباتنا
فحكيت ليهو عن حبوبتي عائشة بت عبدالله وحبوبتي بتول بت عبدالله
وكيف ان الاولى قد فتحت ليها دكان في سوق اب جهل بالابيض وكانت تبيع فيهو الكسرة وكل منتاجات كردفان الغرة ام خير برة
وان حبوبتي بتول كانت تحضر ايضا لتبيع معها من الدرجة او حي شرق السكة حديد ونذهب اليهن في الدان يتاعهم في سوق النسوان بسوق اب حهل لنضر المصاريف ونودليهم الكسرة التي تكون عمتي التي عليها الكسرة ذلك اليوم قد قامت بعواستها فلله درهن اولئك النسوة الاتي علمننا ان العمل قيمة فحبوبتي تلك كان كل اولادها بمافيهم يعملون موظفيين كبار في الدولة اثنين منهم يعملون بالخارجية ورغم ذلك لا تخجل ولاهم يخجلون من عملها بل اشاهدهم وهم يتحدثون معها بكل ادب واحترام
وقد ذكر صديقي عبدالملك بعد ان ذكرت كل ذلك مصداقا على كلامي عمته بت بشير والتي كانت كلمتها تمشي على الحي كله رجالا ونساء شيبا وشبابا وانهم قد اكتشفوا بعد موتها ان قد بنت منزلا من حر مالها وعملها في تربية الغنم .وانها كانت ترسل صديقي عبد الملك وهو الضابط العظيم ان يحضر لها فحما وهو الذي بمكتبه اكثر من نبطشي تحت امرته للمراسيل فقط
فهولاء نساء يجب ان نفخر بانهن انجبنن

اما امهاتي فقد عملن في مدينة امدرمان ببيع الكسرة
وذلك بعد الامور ضغطت شوية علينا والمعايش في المدن معروفة جبارة
فكنت اذهب الي طاحونة حاج محمود عبد القادر(متعه الله بالصحة والعافية ) المشهورةبالعباسية شرق حتى هذه اللحظة لاحضار الدقيق الذي يقمن بتخميره ثم عواسته ووضعه في اكياس وانتظار الزبائن
وكانت امي رحمها الله تصنع الدندرمة في فصل الصيف الحار بتاع امدرمان وتقوم بوضعها في واحد من دكاكين الحلة


اليوم هو العشرون من مارس وغدا عيد الام فكل عام وامهاتكم جميعا بخير ورحم الله امهاتانا الذين غادروا االفانية والهمنا الصبر وحسن العزاء



كسرة :شاهدت في برنامج مع الناس الذي تذيعه قناة الجزيرة احد السودانيين ويقيم في قرية في شمال العراق
في مناطق الاكراد وقال انه له عشرون سنة لم يذهب الي السودان ويعمل راعيا في تلك الاصقاع النائية ويود الرجوع الي السودان لكن جوازه ضايع ويطلب فقط جوازجديد وحق التذكرة حتى يعود الي بلاده ويرى اولالده الذين تركهم صغار والان هم في الجامعة وان والدته ماتت ولم يره ولم يحضر وفاته ودخل في غنوة امي الله يسلمك يديك طول العمر (عنوان هذا البوست الرائع يا زوبة)
وانفجر باكيا عندما تذكر امه فبكينا معه

العزيز ود جادين

التحية والرحمه لحبوبة بتول وحبوبة عشة
التحية لكل ام وسيد عاملة
التحية لكل سيدة اكلت من عمل يمينها وعرق جبينها

امانا ما كانو نسوان
فى حينا كانت حبوبة شارفة ودى جدة مولانا محمد على المرضى من الشويحات بتمتلك دكان ورغم وفاتها من سنين الا وانو لحدى اليوم معروف بدكان شارفة
خاتة فيهو عنقريب هباب وبتبيع بنفسها
كنو اولاجها واحفادها بيجيبو ليها المواد من السوق وبتديهم حق المشوار واى واحد لو داير حاجة يشترى بقروشو عدا كل جمعة بتوزع ليهم حلاوة مجانى فنشاء نسلها يقدر العمل

التحية لكل الامات والحبوبات

امى يا اجمل كلمة بقولها يا احلى نشيد يا نغمة جميلة..
امى حنان من رحمة ونور ..
امى حنان وامل وشعور..
امى حنينة نزورها نحن وهى جنينة
بتربينا وبتراعينا وتسعد لينا..
احلى نشيد.. احلى نشيد..
نقوله نردده يوم العيد يوم عيد الام

امى .. امى .. امى.. يا امى..
تحية خاصة لامى محاسن( محاسن حوفى كما يناديها جيرانها وحتى اهلها) امى القويةالصبورة .فرحة البيت صانعة التفاؤل. الواقعية.. البشوشه...
امى التى وقفت صامدة صابرة مع ابى عندما تغيرت الظروف المادية 360 درجة عام 98
امى الغالية اصرت ان تسكن فى بيتها غير مكتمل لا شباك لا باب.. لا سور ولا كهرباء..حامدة الله شاكراه انه بيتها ملكها.. عمرته بيدها بتدبيرها وصبرها.. واحساسها انه جنة حامينا من البرد والحر والمطر ..
وانه على قول ابوى بعيونها واحساسها شايفاه اجمل من قصر الاليزيه..
تحية لامى الحنينة امى سودانية.. امى امة بحالها..
ربنا يديها الصحة والعافية .. والسعادة..ويرزقنا عفوها ورضاها ..

تحية يا امى فى عيدك .. الله يخليك لى ولاولادى ولاخوانى.. عفوك ورضاك يا ست الحبايب..
كل عيد وكل الامات بخير..
حبوبة امنة.. امى وعماتى .. خالاتى .. ماما محاسن كل امهات الزقازيقاب وزوجاتهم..كل سنة وكلكن بالف خير..
تحية خاصة للام العظيمة.. الجميلة الرقيقة الكندية منى عباس.. المتفردة.. كل سنة وانتى احلى ام .
حيوا معاى منى عباس وهى تحتفل بتحقيق حلم عمرها الا وهو افتتاح مدرستها الخاصة بكندا بفانكوفكر

sweet smile Montessoi
التحية لكل امهاتنا العظيمات والرحمة على ارواح الائى رحلوا عنا باجسادهن ومحفورات جوة قلوبنا
خالتى عشة ابو دية.. ماما سعاد.. ام مبارك جادين وكلهن..

كل سنة وانتن بالف خير امهات الزقازيق
ودمتم سالمين

رحمهن الله وتقبلهن قبولا حسنا

مواصلة من العزيزة سيزا حاج الطاهر ام البنون

نزاناها قبل كدة بس كانت ناقصة


تعمدت إقصاء أيمن من القائمة ففضاءاته الإنسانية الرحبة الممتدة غير المصطدمة بجدران الأنا

Quote: جعلت قلبه أرهف من قلب الرضيع ++++++++++++++++++++++++++++ الدهر يكر بالأفراح والأتراح ولكننا في تلك الغمرة نسينا شهد المنزل زواجي وخالد المهرجان قال لنا عباس وهبة مداعبا ً: يا ربي في انتخابات جاية ولا شنو؟ ثم زواج الفراشات ميمي وسكر رقصت سارة حتى مطلع الفجر وصياح الديك وبين البينين تأتي النجاحات والشهادات الكبيرة والكرامات والسمايات وغيره وغيره الكثير ثم زواج أيمن ختام المسك وبعدها سافرت إلى بودا نعم بودا كانت هي النافذة التي لوحت من شرفتها مودعة العالم ومن بعدها أسدل الستار وانفض السامرون المخمليون منهم ومشققي الأيدي والمديرات أمثال عشة وحزمت الأمتعة والحقائب وأطفئت الأنوار غرقنا في ظلام دامس عدنا نتعثر في الخطى ونتلمس الطريق من جديد!!!!أم البنون حاشية * أم البنون هي تلك المرأة الطيبة التي دخلت التاريخ من أوسع أبوابه بعد زواجها من سيدنا علي بن أبي طالب - كرم الله وجهه- بعد وفاة فاطمة الزهراء وكان لها أن تولت تربية الحسن والحسين وأنجبت العديد من الأبناء ، العباس ، وابو الفضل كلهم استشهدوا بمعركة الطف في العراق- كربلاء =========================== زينوبة بت النوبة سلامة حجة محاسن الأمهات أتعبننا و أقلامنا فالكل يجري من هنا وهنا أمي .. أمي .. أمي فها هو محمود درويش في الخمسين من العمر ويحن لقهوة أمه أنا أحن لشاي ولبن أمي محمود شريف مجدها في يا والدة يا مريم يا عامرة حنية وجاءت قصيدة الأم:ويح أم حسبوها لو أرادوا النجم جاءت بالدراري " الدراري هي أصغر نجوم الكون " لتقطع نياط القلب[/

red]

التحية بكل فخر لعمتى صفية رحمة الله عليها .. الام التى لم تنجب ولكن ضحت بسعادتها وبيتها
تربى اخوانها الايتام..
عمتى صفية كانت متزوجة من ابن عمتها.. وكانت شابة فى العشرين من عمرها .. توفت والدتها فجاءة تاركة وراءها5 اطفال اكبرهم فى صف سادس .. وزوجها الذى مرض من فراقها..كانت تمضى يومها ما بين بيتها وبيت والدها لترعى اخوانها.. اقترحت على زوجها ان ينتقلوا للعيش فى بيت والدها.. حتى تتمكن من رعاية اخوانها الصغار .. فرفض.. كانت كل يوم تحاول معه وهو مصر على رفضه ووضعها بين خيارين اما ان تعيش معه او تهتم باخوانها فاختارت اخوانها ووالدها وانتقلت الى بيت والدها .. وزوجها معتقدا انها سوف ترجع فى قرارها.. اكدت لكل عائلتها انها اختارت ان تربى اخوانها..كلم كبروا واتزوجوا وانجبوا..
الا عمتى صفية... التى انتقلت الى رحمة ربها قبل شهرين فجاءة .. حزن عليها اخوانها واولادهم والكل يبكى يا امى يا امى..فعلا امهم .. تضحيتها تضحية ام وام صالحة بلا شك
الله يرحمك ياام اخوانك واخواتك واولادهم.. ربنا يدخلك فسيح جناته..
الله يرحم خالتى ثرة يا مبارك.. هؤلاء كانوا نساء مناضلات من ذهب..
ترحم دايما عليها الحمد لله ان لها ولد بار يدعوا لها مثلك
...

نانى الحبيبة كمان كل سنة وانتى وكل الامهات بالف خير
والتحية لماما محاسن حوفى العزيزة حلوة المحيى والمحيا
ام جميلة وصديقة وبحس بانها صحبتى ما ام صحبتى
ربنا يديها العافية
بتذكر لماجات الزقازيق وعملت لينا قراصة كنت طلبتها منها
فقامت بطة بكت
ربنا يديها العافية

اللهم ارحم عمتى صفية والله احزنتنى يا نانى
ربنا يرحمها

21 مارس من كل عام

يوم للوفاء .. للبــر .. لرد جزء يســير من دين كبيــر ...

الأم .. هذا الكائن الملائكى المتدفق حنانا وطيبة ورحمة ...

جديرة ايتها الام بالاحتفاء بك ..

وحــرى بنا ان نذكرك ونتغنى لك كل يوم .. وليس يوما واحدا فى السنة

التحية لكل الامهـــات اليوم وكل يوم ...

ومعكم .. وفى ضيافة العزيزة زنوبة وفى هذه الراكوبة الوارفة

نقلب هذا الملف فى هذا اليوم الجميل ومن أجل هذا الكائن الجميل

أمي .. كلمة صادقة قوية تنطق بها جميع الكائنات الحية طلبا للحنان والدفء والحب العظيم الذي فطر الله قلوب الأمهات عليه تجاه أبنائهن ، ونحن نستقبل يوم الأم في الحادي والعشرين من مارس كل عام تنعشنا نسمات الربيع العليلة وشذا زهوره الفواحة ولكنها أيضا تذكرنا بوجه نضيء به عتمة نفوسنا ويشرق بأرواحنا ليعم الأمن والسكينة .. وجه الأم..
وقد وصى الحق تبارك وتعالى بالأم ، كما حثنا رسوله صلوات الله وسلامه عليه على برها ، وتبارى الشعراء حول العالم والمبدعين في استحضار معاني الأمومة وتصوير حبهم لأمهم .. ونبدأ جولة بين أسمى الكلمات عن الأم .

آيات قرآنية عن الأم

أم كل شيء: أصله وما يجتمع إليه غيره، وبهذا المعنى ورد تعبير "أم الكتاب"، و"أم القرى".
ولقد أوصى القرآن الكريم بالأم، وكرر تلك الوصية لفضل الأم ومكانتها فقال سبحانه: "ووصّينا الإنسان بوالديه حَملته أمه وَهْناً على وهن، وفِصاله في عامين أنْ اشكر لي ولوالديك إليّ المصير. وإن جاهداك على أن تشرك بي ما ليس لك به علم فلا تُطعهما وصاحِبْهما في الدنيا معروفاً واتبع سبيل من أناب إلي ثم إليّ مرجعكم فأنبئكم بما كنتم تعملون" لقمان:14-15 .

كما قال تعالى: "ووصينا الإنسان بوالديه إحساناً حملته أمه كُرهاً ووضعته كُرها وحملُه وفصاله ثلاثون شهراً". الأحقاف:15 .

والإسلام قدّس رابطة الأمومة، فجعلها ثابتة لا تتعرض للتبدلات والتغيرات، فحرم الزواج من الأمهات قال سبحانه: "حُرمت عليكم أمهاتكم" النساء:23. كما بيّن أن رباط الزوجية لا يمكن أن يتحول إلى رباط أمومة أبداً، وشتان بينهما قال سبحانه: "وما جعل أزواجكم اللائي تُظاهرون منهن أمهاتكم"الأحزاب: 4 "الذين يظاهرون منكم من نسائهم ما هُنَّ أمهاتهم. إنْ أمهاتهم إلا اللائي ولَدْنهم". المجادلة:2.
الأم في السنة النبوية

سُئل رسول الله صلى الله عليه وسلم: مَن أحقُّ الناس بحسن صحابتي؟ قال: "أمك". قيل: ثم من ؟ قال: "أمك". قيل ثم من؟ قال "أمك". قيل ثم من؟ قال: "أبوك". رواه البخاري .
وسُئل النبي صلى الله عليه وسلم عن الكبائر، فقال: "الإشراك بالله وعقوق الوالدين وقتل النفس، وشهادة الزور". رواه البخاري .

ونهى الرسول صلى الله عليه وسلم عن سَبّ الوالدين وبيّن أنه من الكبائر فقال: "إن من أكبر الكبائر أن يلعن الرجل والديه". قيل يا رسول الله! كيف يلعن الرجل والديه؟ قال: "يسُب الرجل أبا الرجل فيسبّ أباه ويسبّ أمه". رواه البخاري .

وجاءت امرأة تسأله - صلى الله عليه وسلم - عن أمها التي ماتت وعليها صوم شهر؟ فقال: أرأيتِ لو كان على أمك دَين أكُنتِ قاضيَتَه؟ قالت: نعم. قال رسول الله صلى الله عليه وسلم: "فدين الله أحق بالقضاء" .
وكذلك امرأة سألت عن أمها وماتت ولم تحجّ؟ فقال رسول الله صلى الله عليه وسلم: "حُجيّ عنها" . رواه مسلم.
وكان صلى الله عليه وسلم شديد البر بمرضعاته ومربياته من ذلك أنه جاءت حليمة أمه بالرضاعة فقام إليها وبسط لها رداءه فجلست عليه.

ونقلب معا" بعض ما كتبه روائع الشعراء عن الام

فاروق جويدة..لكنها أمي

في الركن يبدو وجه أمي
لا أراه لأنه سكن الجوانح من سنين
فالعين إن غفلت قليلا لا تري
لكن من سكن الجوانح لا يغيب
وإن تواري مثل كل الغائبين
يبدو أمامي وجه أمي كلما
اشتدت رياح الحزن‏ وارتعد الجبين
الناس ترحل في العيون وتختفي
وتصير حزنـا في الضلوع
ورجفة في القلب تخفق‏‏ كل حين
لكنها أمي
يمر العمر أسكنـها‏..وتسكنني
وتبدو كالظلال تطوف خافتة
علي القلب الحزين
منذ انشطرنا والمدى حولي يضيق
وكل شيء بعدها‏ عمر ضنين
صارت مع الأيام طيفـا
لا يغيب‏..ولا يبين
طيفـا نسميه الحنين

محمود درويش .. إلى أمي

أحنّ إلى خبز أمي
و قهوة أمي
و لمسة أمي
و تكبر في الطفولة
يوما على صدر يوم
و أعشق عمري لأني
إذا متّ،
أخجل من دمع أمي!
خذيني ،إذا عدت يوما
وشاحا لهدبك
و غطّي عظامي بعشب
تعمّد من طهر كعبك
و شدّي وثاقي..
بخصلة شعر
بخيط يلوّح في ذيل ثوبك..
عساي أصير إلها
إلها أصير..
إذا ما لمست قرارة قلبك!
ضعيني، إذا ما رجعت
وقودا بتنور نارك..
وحبل غسيل على سطح دارك
لأني فقدت الوقوف
بدون صلاة نهارك
هرمت ،فردّي نجوم الطفولة
حتى أشارك
صغار العصافير
درب الرجوع..
لعشّ انتظارك!

ونواصل ...

نزار قباني .. خمس رسائل إلى أمي

صباحُ الخيرِ يا حلوه..
صباحُ الخيرِ يا قدّيستي الحلوه
مضى عامانِ يا أمّي
على الولدِ الذي أبحر
برحلتهِ الخرافيّه
وخبّأَ في حقائبهِ
صباحَ بلادهِ الأخضر
وأنجمَها، وأنهُرها، وكلَّ شقيقها الأحمر
وخبّأ في ملابسهِ
طرابيناً منَ النعناعِ والزعتر
وليلكةً دمشقية..
أنا وحدي..
دخانُ سجائري يضجر
ومنّي مقعدي يضجر
وأحزاني عصافيرٌ..
تفتّشُ - بعدُ - عن بيدر
عرفتُ نساءَ أوروبا..
عرفتُ عواطفَ الإسمنتِ والخشبِ
عرفتُ حضارةَ التعبِ..
وطفتُ الهندَ، طفتُ السندَ، طفتُ العالمَ الأصفر
ولم أعثر..
على امرأةٍ تمشّطُ شعريَ الأشقر
وتحملُ في حقيبتها..
إليَّ عرائسَ السكّر
وتكسوني إذا أعرى
وتنشُلني إذا أعثَر
أيا أمي..
أيا أمي..
أنا الولدُ الذي أبحر
ولا زالت بخاطرهِ
تعيشُ عروسةُ السكّر
فكيفَ.. فكيفَ يا أمي
غدوتُ أباً..
ولم أكبر؟

أبو القاسم الشابي ..بوركت يا حرم الأمومة

الأُمُّ تَــلْــثُـمُ طِـفْـلَـهـا iiوتَــضُـمُّـهُ
حــرمٌ سَـمَـاويُّ الـجمالِ مُـقَدَّسُ
تَـتَـألَّـهُ الأَفــكـارُ وهــي جِــوارَهُ
وتَـعـودُ طـاهـرةً هـنـاكَ الأَنـفُسُ
حَــرَمُ الـحَيَاةِ بِـطُهْرِها iiوحَـنَانِها
هــل فـوقَـهُ حَــرَمٌ أَجـلُّ وأَقـدسُ
بوركتَ يا حَرَمَ الأُمومَةِ والصِّبا
كـم فـيكَ تـكتملُ الـحَيَاةُ iiوتَـقْدُسُ



حافظ إبراهيم.. الأم مدرسة

الأُمُّ مَــدرَسَـةٌ إِذا iiأَعـدَدتَـها
أَعدَدتَ شَعباً طَيِّبَ الأَعراقِ
الأُمُّ رَوضٌ إِن تَـعَهَّدَهُ iiالحَيا
بِـالـرِيِّ أَورَقَ أَيَّـمـا iiإيـراقِ
الأُمُّ أُسـتاذُ الأَسـاتِذَةِ iiالأُلـى
شَغَلَت مَآثِرُهُم مَدى iiالآفاقِ

* اتوقف قليلا لأتيح الفرصة لمداخلات ومشاركات الاخوة والاخوات ونواصل بعدها

التحية فى هذا الصباح ... لأمــى الحبيبة

التحية لمن حملتنى وهنا على وهن ...

التحية لمن حبوت بخطواتى الاولى على ظهرها .. وجعلت من سهد الليالى

ترياق اسكات صوتى وصراخى كلما أقبل ليل او أدبر نهار ...

التحية لمن حملت همــى رضيعا ويافعا وصبيا" ورجلا ... وأبــا" ..

امنيتى يا أمى فى هذه اللحظة ان اجثو بين قدميك .. وأقبل يديك

أسأله جل علاه .. ان يديم عليك نعمة الصحة والعافية ويطيل لنا فى عمرك

وان يقــر عينيك بأبناءك وأحفادك وهم يلتفون حولك



* والدتى العزيزة .. اثناء زيارة أحبابى .. رشيد وزهير ومحمد صديق وجلا ومعاوية

لها الصيف الماضى ... وهى الزيارة التى ما زالت تتحدث عنها لكل احبابها ..

التحية الثانية ..

هى الى أم اولادى ... رفيقة دربى وشريكة حياتى

هذه النســمة الرقيقة التى أضفت على حياتى ربيعا دائما ..

وهى التى فاحت بعطرها وملأت بشذاها كل اركان جنتنا الصغيرة التى بنيناها معا ..

تحية لها .. وهى التى حملت عنى مسئولية تربية ابناءنا .. وايضا ترتيب

وتنظيم حياتنا .. ورغما عن ظروف عملى الضاغطة .. واصلت وما زالت تواصل ...

تحية اليها .. ام مصطفى

وتحية الى ام عظيمة أخرى ..

وهى نسيبتى ( او كما قالت نجاة حوفى ) أم زوجتى وامى الثانية

او ماما نعيمة كما يسميها ابنائى

هذه المرأة التى لم احس يوما بأنها اقرب الى ابنتها منى ...

بيننا صداقة وعلاقة جميلة أثارت استغراب الكثيرين ..

تحية لها وهى أيضا ام مثالية تفانت فى تربية بناءها وبناتها بشكل يثير الفخر

نواصل الاحتفالية

وهنا الجيل الثانى من الزقازيقاب يحتفى بالأمهات جميعهن ..




الزهرات الحلوات ..

محســـنة ميسرة - منار الشادى - ريم طارق جبريل - دعاء محمد عيد - مريم جلال عثمان

يحملن باقات الورود ليطوقن أعناق الامهات فى يوم الفرح السعيد

واحتفالية أخرى فى ركن آخر

يقوم بها :

محمد طارق جبريل ومهند الرشيد والقائد مجد الزناتى

التتابع فى هذا البوست , قاتل وفتاك
ظننت ان على انتظار الدور , فكل مداخلة فيه , تفحمك وتملأك باحساس الرغبة فى الثبات
او تثبيت الصورة (pause)
فمن حاجة محاسن , الى حاجة سعاد , الى الحاجة حوفى , عشة بت ابو دية , واحساس المبارك جادين بوالدته وخالاته وعماته
الى امهات اليوم الصغيرات رافعات شعار (اللتل ويمن )
الى زوجاتنا بنات الشيوخ حاملات رايات البيوت العامرة
الى احتفالات اليوم التى تنتظم الف بيت ومنزل
انا (مفتون ومفعم ومليان شجن )
هل هو يوم الأم
هل هو يوم علوية بت المامون , وام الحسين بت بشرى والحاجة ام محمد عيد
الجالسة على سرير السماحة
هل قالت واسرت اليكم يا وفد الزائرين ان محمد عيد ده , وليد صغيرونى راسو شايب !!!!
ام قال محمد عيد ان ماما نعيمة اهدته (فاطمة ) التى اهدته دعاءا ووعدا وتمنى
انما تفعل ذلك الوعد وتبذل ذلكم الأهداء امم وثورات وشعوب
ولكننى ما احتفل اذ احتفل
الا بهدهدات وتبتبات قوامها وعمادها , لو ماكان غشوك , كان ربوك ؟؟!!
فانا , دون الخلق والعالمين , حبانى الله (بأمين ) ما فرقت بينهما الا على كبر
يا ام الحسين بت بشرى , ويا نصفها التوام المطابق الذى (حملنى ولم يحملنى )
(ام الحسن بشرى محمد احمد )
كنت احبكما , وانتما الى جانبى طول الوقت احياءا ترزقون
الآن
وانتما الى الفناء الجسدى
فان وجودكما عندى والى جوارى , اعمق وامضى وانضر
وحبى لكما وتقديرى , اضعافا مضاعفة
رحمكما الله

واحتفائية لا تقل ضخبا وفرحا .. قوامها ..

ديمة عبد القادر - منتهى سامى عبد الوهاب - ايثــار منصور - شادن مجتبى فاروق

وفى هذا الركن القصى تقود دعاء معتصم جعفر اخواتها

تالا عصام دهب و ديمة سيف النصر و عناب عبد الدائم

وانتصار محمد آدم

لترتيب كورال الاحتفال الخاص .. وطبعا النضيفة عناب هى المايسترو

من شابه أباه فما ظلم

ثلاثى أشعة الكاندام .. شاكر احمد اسماعيل ومصطفى عيد ولينة عبد الحفيظ

يقتحم مكان الاحتفال ويعلن عن وصول جيوش محابى الفضاء

فى هذا المكان اجتمع كل من ..

عســجد عادل الجعلى و الجيفارا عمر محمد عثمان وامنية الرشيد وعهود موسى عيسى

وهم يستمتعون بقراءة القصائد التى قيلت فى الام

وأخيرا" .. حضر فريق التلت بيييز

يقوده الكابتن احمد منصور ومعه الجيفارا مؤمن

وفى معيتهم .. منذر ميسره ودودو عمر ( ولد ست الحوش ) .

نهاركم سعيد ...
تحية قلبية لكل الامهات في يوم عيدهن ...

اللهم ارحم جميع امواتنا واموات المسلمين ...

يا ود جبرين استغفر الله يا ود امي وانشاء الله ربنا يرحم والدتك رحمة واسعة ويدخلها الفردوس الاعلى من الجنة .. امين ...

يا ود جادين اطرى الرحمن والموت حق علينا كلنا .. ربنا يرحم والدتك رحمة واسعة ويدخلها الفردوس الاعلى من الجنة .. امين ...

لا يمكننى ان أنسى فى نهاية هذه الاحتفائية ان أحيى وأهنىْ

والداتنا جميعا .. والدة كل زقازيقى وكل زقازيقية اينما كن ..

ومحبتهن جميعا فى قلوبنا لا تختلف عن محبة كل منا لوالدته ...

ونترحم جميعا على والداتنا الراحلات .. والدات كل من اخوتنا ..

منصور وطارق جبريل وحاتم جباره ومبارك جادين .. واعلموا اخوتى انكم فى هذا اليوم

اجمل ما تهدونه لهن .. هو الدعاء للمولى عز وجل بأن يشملهن بواسع رحمته

وان يجعل منتهاهن الجنة ... آميـــن

حاولت قدر المستطاع أن اتفادي هذا البوست الكمين إلا إني لم استطع إلي ذلك سبيلا ... فعدت لأقرأ مرة أخري من بين دموع جادين وجبريل الصادقة عما خطوه ... حول نساء عظيمات ... أثرن في محيطهن الأسري والعائلي وما حوله وكانت بصماتهن واضحة .... يكفي أنهن انجبن مبارك وطارق من الأصدقاء الذين نباهي بهم ,,, كثير من النساء في هذا البلد قدمن الكثير من التضخيات وبذلن من المجهود أضعاف الرجال إلا أن الهيمنة الذكورية (دي إنشاء الله تجيب جلا) علي مجتمعنا كاوشت علي فضلهن ... إلي الآن المرأة بلا شك هي الأكثر عطاءً وتأثيراً علي المجتمع وتستحق أن نحتفل بها مرتين في هذا الشهر ... فالتحية لكل نساء الدنيا ... وتحية خاصة لأمي زينب الأنصارية والتحية لكل الامهات ... في عيدهن ... والتحية لكل الأمهات الزقازيقيات ... ابتهاج ... زينب ... نجاة ... مني ... شوش ... كوثر ...حنان ... رجاء ... سامية .. والتحية أيضاً لكل أمهات أبناء الزقازيق دون فرز ....

أهدي هذه الأحتفائية الجميلة الرائعة

لروح أمي الغالية أميرة أحمد خيري

ألف رحمة ونور تنزل عليك يا أمي وإلى كل الذين فقدوا أمهاتهم

لنجعل هذا اليوم من كل عام مهرجان فرح وذكرى جميلة بعيداً عن الحزن

ولنتحتفل جميعنا بكل الأمهات .

شكراً راعية البوست على هذا الجمال .

أمي....
أمي يا أجمل كلمة بقوله
يا أحلي نشيد يا نغمة جميلة...

التحية الى كل الأمهات في الدنيا....
التحية الى كل أم سودانية كرست عمرها لتربية أبناءها....
التحية الى أمهات كل الزقازيقيين...
و نترحم على من رحلن عن دنيانا...اللهم أحسن منزلهم...
ألف رحمة و نور عليهن جميعا...
أترحم على ماما سميرة والدة صديقي محمد المرتضى...
و التي كانت تلاقيني بأحضان تجعلني أشعر بأني أقرب اليها من محمد المرتضى...
التحية الى أمي محاسن التي لو حاولت أن أجازيها على اهدائها لي نجاة فقط..لما وفيتها حقها...
التحية لها و هي تملأ الدنيا بسمة و جمال...
التحية الى أمي علوية مامون أحمد أبوشيبة...
التي لم تنساني من دعائها و هي في أحلك ساعات مرضها..
والتي بفضلها بعد فضل الله علينا نعيش في هذه الدنيا آمنين...
التحية لمرتي و أختي وأمي و أم الكل...
الى أم أمنية و مهند....
و التي زادتني ثقة في نفسي و قوة...


شهادة تقدير:
الى أخي و صديقي محمد عيد الذي استقطع من وقته الثمين ليخرج هذه الاحتفالية بروعة تتناسب و المناسبة...

اماه افراح الوجود تجمعت
ليكون عيد الكون فى مغناك
فتقبلى حب القلوب هدية
ولطالا ما اهديتها نعماك
اماه انتى الحياة جمالها وبهائها
لولاك لم ننعم بها لولاك


يديك لى (.........)ل العمر وفى الدنيا يوم ما يالمك

امى محاسن بت عزيزة
حبوبتى عزيزة بت امنة
وحبوبتى مومنين بت ابو شاية
امى عزيزة بت بخيتة ام سيد بيتى وحبوبة عيالى
خالاتى وعمتى
جاراتى وحبان امى
كل من حملتنى
وقبلتنى
امات صديقاتى
امى محاسن حوفى امى سعاد خليفة
امى حجةام نازك وامى ام شوش المربية الفاضلة
كل امات الزقازيقاب
وكل زوجاتهم
وكل ام بديلة
وكل مربية يتامة
وكل من حمل رحمها طفلا
يديكم الصحة والعافية
اللهم ارحم من توفى منهم
امى ام الحسين وام الحسن
امى عشة وامى ثريا وامى احسانوامى اميرة
اللهم ارحمهم وتقبلهم يارب

سلام كبير اوى
وتحية خاصة جدا
وكمان تحية خاصة جدا
للمبدع
الفنان
محمد عيد
مليون سلام وتحية لمحمد عيد الابن البار
مليون سلام وتحية لعيد الزوج
ومليون سلام وتحية لعيد الاب
مليون سلام وتحية لعيد الاخ
مليون سلام وتحية لعيدالصديق
مليون سلام وتحية لعيد الزميل
مليون سلام وتحية لعيد الفنان
تحية ليك وانت بتهديتا فى عيدنا اوقات غالية من وقتك الثمين
فلتفرح امك
ولتهناء ام مصطفى
وكل سنة وانتى هادى الفرح والجمال
ودمت




لك التحية والود

المرة الجاية دايرة كورس فى الفتو شوب

التحية لبطة الشهيرة بياسمين ام ابراهيم
التحية لعزة التجانى وهى بترعى كنين الممتحن شهادة سودانية
التحية للغالية بلا حدود سناء الصباغ فى غربتها
وكمان تحية للكنديات حنان مجمر ومنى عباس
نانى العزيزة لك كل المنى
ام الجيفارات فافى وسيدة الزقازيق الاولى منى
يا مشاعر ويا بهجة الروح
ويا صفية احييكم من القلب
شوش التحية لامك وهى بتحتضن اطفالنا فى روضتها

بحب كل معلماتى ليهم التحايا والحب
تحية الام البنون سيزا وام سعاد ميمى وسكروصافى بنات سعاد
صديقاتى وحبيباتى وزميلاتى كللللكم بدون فرز

احييكم

ياعيد
اهديتنا الفرح والمهرجان

فماذا نهديك


كل المنى والامانى

(يقوم منصور يقول ليك الامانى دى لى انا)

ما قيل فى الام
اسألي دمي
وسعادتي وهمي
اسألي التوفيق
والقدر والضيق
اسألي الدعاء اللي في صلاتي
والدموع اللي في سجودي
اسألي دمي
عن حبك يا أمي




في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش كلام
يبتدي في لحظة ميلادي شمعة تضوي في الظلام


ست الحبايب والحنان أنتي يا أمي
لو كنت صغير ولا كبير تتبطبي وتضمي
تفرحي لفرحي وفي الشدة بتحملي همي
ساكنة في قلبي وأسمك بيجري في دمي


لما أزعل بترضيني
لما امرض بتدويني
أمي أنت في نن عيني
حبيت الكون علشانك
وفي قلبي وروحي مكانك
تسلملي كلمة يا ضنايا
لما ينطقه لسانك


أمي يا كل الأمان
أمي يا نور في طريقي
أمي يا حضن الحنان
أمي يا حبي الحقيقي


ماما يا لحن في الوجدان
يا همسة حب .. يا موجة حنان
في عيدك
بتخضر الالوان
وبحبك
ينطق قلبي الولهان



ماما حبيبتي
حبك في قلبي طول الليالي
حافظ ودادك .. كاره بعادك
لوغبتي عني
روحي تخدني
لحد عندك
وأنول بقربك وأعيش معاكي
عالم خيالي


اسمك زي شعاع النور
بيدخل قلبي يمد جسور
أنت حبيبتي يا أمي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور


ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب




جيناكي يا نينة يا زينة
يا حب غالي آوي علينا
جيين نجمع بعضينا
في عيدك بتخضر أمانينا




أنت اللي غاليا علينا
وانت اللي ضي عنينا
تمر الايام وحبك
طول عمرة في القلب
يا نينة


يا طيور الكناري
يا زهور البراري
ميلوا وغنوا شمال ويمين
غنوا معايا لنور العين
ماما يا ماما يا نور العين
غنوا معايا صبح وليل
لأمي حبيبتي كل الخير


ماما يا نبع المحبة والحنان
قلبي بين أديكي عرف معني الأمان
أنتي السما والأرض أنت جنتي
أنتي وطن قلبي علي طول الزمان


لو كان بأيدي لو كان
لعملك الدنيا بستان
ورد و فل وريحان
وأهدية ليكي يا امي

كلمة منك تحميني
بوسة منك تحييني
بيبقي الكون في أديا
لما يا ماما تضميني


الدنيا أم وأمي أوطان
عنيكي ملجئ قلبي الولهان
لمسة أيدك كل الحنان
تحت رجلك جنة رضوان
ربي يخليها طول الزمان



عيدك يا أمي اسعد الأعياد
لولاكي يا أمي مكنش ليا ميلاد
قلبك بيرعاني يا بهجة القلب
مش ممكن ينساني في البعد والقرب



يا ما شلتيني وتعبت إديكي
وربتيني بدموع عنيكي
عمري ما أنسي أبدا دعاكي
قلبي وروحي ديما فداكي


لولاكي يا ملاكي
قلبي بلا دقات
ليلي بلا سهرات
عمري صدي حكايات لولاكي يا أمي
يا كل الأحلام يا صوت المواعيد
نجمة ما بتنام يا كل الأناشيد


غنيتي ليا عشان أنام
ودبحتي ليا جوزين حمام
حضنك أنت الأمان
لمسة كل الحنان
بسمتك تضوي المكان



يا ماما ما في زيك في الدنيا
قلبك حنين عليا
يا أغلي من ضي عينيا
الدنيا في عيدك تغني
وأحبابك جيا تهانيكي
وأنا قلبي بيرقص من الفرحة
يوم عيدك ربي يخليكي


أمي الحبيبة إطمني
يالي حضنك شال همومي وضمني
كل سنة وأنت طيبة يا أمي
يا أجمل ما في الدنيا يا أمي


أنا عمري ما أنسي يا امي حنانك
لما تضميني مابين أحضانك
ليكي بسمة ليكي غنوة
ليكي حبي وروحي عشانك



قلبي دق لما كنت أنا الوليد
أمي أنتي بسمتي وقلبي السعيد
ضمتيني
كنت في الشدة ترعيني
ولما ابكي تمسحي دمعي الشريد




عشق الكون وياكي حكاية
يالي صلحتي الحب معايا
أنتي يا أمي اغلي هدية
ربي وجدها في دنيايا



نينة يا ست الكل
يا نور في طريقي يهل
يا وردة يا عنقود فل
يا قمر ليالينا لما يطل



يا أم الصبر يا أم الحنين
يا منبع الإحساس والقلب الأمين
يا نينة يا نور قلبي الوحيد
في عيدك العالم كله سعيد
ربي يخليكي
ونبارك ليكي
مليون عيد


شط حنانك بحر أمان
قلبك موجة للغرقان
حبك ميه للعطشان
حبك نسمة وبسمة يا نينة
بتخليني أعيش فرحان




جدو يا جدو يا أحسن جد
يالي حنانك فاق الحد
ربي يصونك ويخليك
بصلي وديما بدعي إليك




الحنان والطيبة جدو
والأمان والشوق كمان
هو عنوانك يا جدو
لما احزن بجري عنده
و أترمي في حضنك يا جدو



حضنك ليا
بيخليني أكون في أمان
أنت الملجئ ليا يا جدي
لما يكون بابا زعلان
اجري وأضمك
تبعد بابا
وتضحك ليا بكل حنان


يا لي كلامك غالي عليا
يا ستي يا نور في ضي عنيا
اسمع صوتك في الفجريا
لما تصلي وتدعي ليا
بالقي الكون كله حنيا


لما حنانك بيغطيني
أجري في حضنك وتخبيني
خايف ابعد عنك يا ستي
الأيام تجي تلهيني
اصل بحبك أوى يا غالية
وقرب مني ده بيرضيني


لو عليا أكون معاكي في كل ليلة
تيتة أنت أمي أنت أحلامي الجميلة
مستحيل أنى أكون غير تحت أمرك
أصلك حنان والكون أمان
لما تضمي
أقول كمان
دا أنتي أمي وأم أمي

ماما تيتا
تيتا بكسر التاء الاولى
هى ام عمر وحبوبة عيالى
عزيزة على التوم
اسم تيتا دة السبب فيهو محاسن بتى لما كانت صغيرة ما بتعرف تقول عزيزة بقت تقول تيتا
اصبح الكل يناديها تيتا
حتى اخوانها واهلهاو كلنا بنكتب فى موبايلاتنا تيتا
ماما تيتا نوع خاص من النساء
بتعيش كل الاعمار فى اليوم الواحد
ممكن مع الكبير كبيرة (بس ما شديد)
ومع الصغير صغيرة
لطيفة بتعرف مدخل محدثها
وناسة من اول لقاء ليك معاها بتوصل ليك هى شنو وبتقودك لمسارها البتختارو
بتحب البرامج وبتخلقاوقات الفرح

فى عيد الام بتمشى المقابر تزور امها
العيد الفات من الصباح مشت مقابر البكرى ساقت امى وماما ثريا اختها
شالت بسكويت وحلاوة وزعتها هناك

تانى يوم مرضت مرض شديد لحدى ما رقدوها مستشفى

بما انها محبة للحياة شديد خافت بلدجة ما عادية
اول ما بقت كويسة قالت لينا يظهر انو المراحيم عجبتم الحاجات كانو دايرين يسوقونى
بس من يوم الليلة الفاتحة والدعاء من البيت

التحية لتيتا ولكل ام فى يوم الام
وربنا يرحم والدتها حبوبة بخيتة

بلمناسبة تيتا ورشيد القوم لو اتلاقو حيعملو ثنائى ما حصلش

معقولة في تلج في السودان...

حتى و لو كان تلج لكن تستاهل تيتا...
أنا من زمان يا زوبة أصحابي الناس الكبار و الأطفال...
انتو لمن صاحبتكم كنتو صغار...
و حسه مصاحبكم عشان بقيتو كبار...
عشان كده كنت صديق الحبوبات...
و أكتر واحدة كانت قريبة لي جدا كانت حبوبتي حاجة أمونة رحمة الله عليها...
هي السمتني رشيد القوم...(الفلم معاد مش كده)...
كانت تمدح لي و تقول...
او الله يا رشيد القوم...
أو الله يا بحر العلوم...
تناديني من وسط الأولاد كلهم همسا...
تعال...تعال...
و تطلع المفحضة بتاعتها و تديني خمسة و عشرين قرش...اللونة أحمر ديك...
كل التضخم الذي أصاب الاقتصاد السوداني لم يحرك ساكنا في مفحضة حبوبتي..
استمرت الخمسة و عشرين قرش دي لحدي ما اتخرجت من الجامعة..
ثم أصبحت ما يوازيها...
لحدي ما عرست..برضو غمتت لي من المفحضة مساهمتها في عرسي...
و أيضا لم تتجاوز هذا المبلغ...
لكن ما ذنبها...هي عليها تظهر معزتها و بس...
ماله و مال الاقتصاد و التضخم...
حكيت ليكم عنها كتير قبل كده...
و رغم أنها رحلت منذ زمن عن دنيانا...
الا صوتها و هي تغني لي العديلة يوم زواجي و نجاة ما زال في أذني..
شفتي ليك زول بيشم ليهو زول من ريدتو ليهو..
أنا حبوبتي كانت بتشمني...
تسلم علي سلام يا زوبا...كان بقدر كان وصفتو ليك...لكن ما بتوصف
كان ملمس جلدها الذي كرمشه الزمن...يحملني الى عالم من الحنان اللا متناهي..
كنت أجلس بجوارها و أنا أحضنها طول الوقت...
نسأل الله لها الرحمة و المغفرة...

تيتا صاحبتي من يوم الليلة يا زوبة...

بكسر التاء يا زوبة...

ربنا يرحم حبوبة امون
الفلم حتى لو معاد بس اخراجو جديد
اصلو حكيك جميل حتى لو معاد

(دة ما كسير تلج)

انا برضو عندى حب خاص للحبوبات وعندى عندهم جازبية خاصة

بلزات الكبار
ناس تيتا ديل حبوبات موديل 2000

انا ما عندى شك فى صحبتك ليها
الذ ما فى تيتا انها ميالة للشو
وما داسة المسالة دى
وبتدافع عنها شديد

عكس بناتها واولاده فى الحتة دى
ما لاقية زول يفشها غايتو لو لقتك حتفشها شوية

ماتقول لى انتى وين ؟

اناتلميذة فى كى جى ون

Quote: اناتلميذة فى كى جى ون

الكي جي ون ما عندكم يا زوبة...

يا زوبة يا ختي و مال الدكتوراة حقتكم كيف...

أها أنا كان قعدت ليك مع تيتا أبدع ليك معاها...

أنا طبعا بسمع كويس...

أخليها تدش ليك الفي قلبها...

و بعدين استلم ليك منها المكرفون...

غايتو الا تقوم جارية مني...ألف ليك بيها العالم ده كلو..

المشيتو و الما مشيتو...

و العربية الشنو ديك...و المارينا مول...

غايتو شي تفهمو و شي ما تفهمو...

و العربي ده بعملو ليك لغتي التانية...

ذكرتيني مرة ركبت الأسانسير بتاع الشغل مع جماعة فرنسيين...

قلت ليهك كمون سافا...

قالو لي سافا...و فتحو ليك فيني بالفرنسي...

طبعا غير كلمتين حافظهم من الثانوي تاني ما عارف حاجة...

فقمت قلت ليهم و برضو بالفرنساوي أنا ما بعرف فرنساوي...

ضحكو فيني جنس ضحك...

لكن اتفشيت و اتكلمت فرنساوي مع فرنسيين...

قال كي جي ون قال...

يا بروفيسور...

Quote: غايتو الا تقوم جارية مني...ألف ليك بيها العالم ده كلو.. المشيتو و الما مشيتو...

يا رشا لكن هى بتجيك من فوق اوى
بتبداء ليك من سنة 72 لما مشت امريكا اول مرة
وتلف بيك مطار مطار

قبل فترة كان عندنا سد مال
وام العروس قابضة الجماعة لندن وباريس والجو كيف هناك
وحدة بت عم تيتا(ما سافرت الا لقطر) قالت ليهم الولية دى لفيت بيها الدوحة شارع شارع ومشيت المطار وتانى رجعت البلد مافى زول بنزلا من الطيارة دى غير عزيزة نادوها

طوالى جاتها نازلة فى انديانا
زولتك تم سكتت

غايتو لو اتلاقيتو الا اقعد اعمل ليكم شولة(فاصلة) كل شوية

والله ليها بصمات واضحة فى حياتى
شجعتنى على الماستر
وعلى الامتحان برقم انو يادوب دودو كان عمرو 11 يوم

شالت معاى وربت معاى
حياتنا ما فيها فرز
بيت واحد وحلة واحدة

بينا حب وود كبير
ومن هنا بحى غادة محمد عمر ام سعد ورهف فى انجلترا
ربنا يديها العافية ويخلى ليها عيالا
وكمان اختى الصغرى د. سارة محمد عمر
ليها العمر كلو


برضو عندنا غادة يا رشا

بمناسبة عيد الأم

من فؤادي لكل أم نصيب فهو عرش عزت عليه الأمهات

التحايا العطرة لكل الأمهات
التحية إلى كل امهات حبايبنا الزقازيقيين
ونترحم على كل أم توفاها الله - اللهم أرحمهن وأحسن مثواهن
ونسأل الله الشفاء للمريضة منهن، اللهم اشفيهن بشفائك وأبعد عنهن كل ما يؤذينهن

التحية لأمي التي بعنايتها بعد عناية الله وحفظه نحيا ونعيش

التحية لبت شيخي أم كل من عمر وضحى وصباح وشاكر وشفق

والتحية والشكر لصاحبت البوست الأخت العزيزة/زينب ربنا يوفقك ويسعدك مع اسرتك

بسم الله الرحمن الرحيم

اللهم أرحم أمهاتنا

اللهم أجعل كل ايامهن ايام خير وبركة

اللهم آتيهن في الدنيا حستة وفي الآخرة حسنة ووقيهن عذاب النار

وأدخلهن الجنة مع الأبرار ياعزيز ياغفار يارب العالمين

انا عرفة محمد عثمان ابوبكر
هكذا كانت تقول لما كانت بترسل لى الشرايط ايام الدراسة
كل الشقة كان بتجتمع عشان تسمع الشريط
احمد السنى بيقول لى امك دى المغالطا فى اسمها منو ...

كانت بتوصينى وتكتر من الوصايا فى الشريط واشهرها لما تقول

الله يكفيك شر اولاد الحرام وبنات ام درمان

الشقة كلها تبقى فى حالة هـــرج
-- والله مافى اى اولاد حرام هنا .....
-- والخوف كلو من بنات تربية .....

يا اخوانا اسكتو خلونا نسمع الشريط
فى الاخير ازعل واشيل المسجل وداخل غرفتى

عارفة يا زوبة طول الــ 20 السنة البعد التخرج عرفت اصحاب
وزملاء كتير ، ابدا" ابدا" ما حسيت بالرضا عليهم من جانب الوالدة
كانت بتجامل نعم لكن بيختلف الحال مع اصحابى من الزقازيق
قبل فترة لما الريس معتصم وزهير ومحمد صديق وعمر بسكو والشريف عباس
زاروهم فى البيت ، فضلت تقول لى ديل هم الاصحاب الجد جد
بالرغم من انو اول مرة تشوفهم لكن وثقت صداقتها معاهم ولقيت تلفون
معتصم جعفر مخزن فى جوالها وتقول لزهير الولد ( الاحمر )

ربنا يديها الصحة والعافية

كتير لما اطلع الالبوم بتاع صور الزقازيق تقعد تتفرج وتعلق بالذات
فى البنات دى ( سميحة ) ودى منو الجمبك الحالقة شعرها دى تقصد اميمة
دفع الله ، والحلبية لهناء عتبانى ، والطويلة زى دى من وين كمان

غايتو هى ما شافت سناء الصباغ الزمن داك لو شافتها اكيد كان حتقول لى
اهو ديل بنات ام ادرمان الانا بقصدهم ... هههه ياسناء باسوردك ما قرب ينجض









الصورة فى عرسى

بالمناسبة امى بتحب الحفلات ( ابن الوز عوام ) واى مناسبة بتاعت اهلنا
ولا الجيران بتلقيها فى النص ، اليوم الما ترقص فيهو تقول ليهم والله الليلة
فترانة ، فترانة دى بتكون رقصت ليها فاصلين


بالمناسبة يا زوبة عائلة الطيب عبدالباسط من اعز اصحابى
ناصف وزوجته الاستاذة سلوى ساتى

بجيكم راجع تانى بيمهل .....

تحية وعيدية لعيدنا المبدع.. وتهنئة خاصة لام مصطفى وربنا يخليها ليك يا عيد.. والظاهر اعيادنا زادت بوجودها فى حياتك..
ابداع.. يا عيد الله يديك العافية..
تحية لكل الامهات .. وخاصة الزقازيقيات..تحية خاصة جدا لام النضيف النضيفة وسمحة الله يطول عمرها يا نضيف انا ومنى عباس اول امبارح اتونسنا 45 دقيقة الونسة كلها شكر فيك.. الله يخلى ليك ام بنياتك النضيفات..
لم اتناسى ان اهنى غادة حوفى اختى فى عيد الام الا ان احساسى انها لسه الصغيرونة نسانى انها بقت ام
تحية خاصة لام بحالة خاصة.. تحية لام نانا ويارا.. غادة اختى رغم ظروفها الخاصة بحرمانها من حاسة السمع الا ان الام ام فهى تسهر طول الليل لو واحدة من بناتها مصابة بالحمى تسمعهم بقلبها..قبل اذنها تحية من القلب ليها ربنا يشفيها ويقدرها على تربية بناتها ويخليهم ليها..وكل سنة وانت احلى ام يا غادة..
تحية لماما عواطف( خالة محمد المرتضى) والدة صديق دفع الله الرضى.. ماما عواطف ام غير عادية .. مبدعة غير تقليدية مبتكرة ومثقفة من اوائل نساء السودان الائى حظين بدخول الجامعة تحية ليها ولصديق ابن خالة محمد المرتضىز
تحية ورحمة على خالتى ام سلمة رحمها الله الام الحنونة والدة صديقتى واختى الماسية التى لم يغيرها الزمن ولا الظروف منى عباس.. اللهم ارحم خالتى ام سلمى واطرح البركة فى بناتها وبناتهم..
ودمتم سالمين

محمد عيد
ياخي الله يعدلها عليك شقيش تقبل

عارفة يا حوفى انا كل يوم اقول اتصل بمنى عباس آآجلو لليوم التانى
اقول يمكن الباسورد يظهر ، نتمنى ان نراها بيننا قريبا" ومبروك عليها
مدرستها الخاصة واكيد حتكون مدرسة انيقة وتحفة ذيها ، هى كانت ترمومتر
الاناقة عندنا .

والتحية عبرك للام والاخت غادة حوفى وكل سنة هى وبناتها بالف خير


من طرايف امى ايام ما ظهرت الساعات الرقمية اصرت انها تلبس واحدة
قلنا ليها يمة الساعة دى بالانجليزى وانتى ما حتعرفيها ، قالت لالا
انشاء الله البسها منظر ساكت ، من سؤ حظها يوم منتظرة المواصلات جاء
راجل سألها قال ليها بالله الساعة كم ؟
صرت ليهو وقالت ليهو يكفينا شر الساعات ....
وبس ،،،،،،،،،

يا طارق جبريل تعال والله عندها حكاوى كتيرة مع الشوايقة جيرانا

بقيت افتح البوست ده اول دخلتى للنت
بقى فيهو شحنات مذهلة ومتطايرة , ايونات عاطفية من كل شكل ولون
لا اخفيكم سرا , عايز اكتب عن امى , وما قادر
غلبنى عديييل , وكل يوم اصبح فى الكتابة عنها , مغلوب على امرى , وكانى مطالب بموضوع انشائى من شاكلة ايام زمان
الغريبة انى فتشت جواى عن حالات تبلد مشابهة
فلم اجد الا ايام وقوفى امامها مشدوها , لتصرف ما , او فكرة عبقرية مضت الى تفاصيلها تنفيذا دون تفكير
او هكذا خيل الى
الى ان وجدت ان كل هذه التهيؤات محض خيال , وعدم تقدير تراكمى لمواقفها
لمقدراتها , لرؤيتها , لميزانها الحساس وتقديراتها الصائبة
ساعود ذات يوم الى دنياك يا امى , فامضى بمشارط خيالى المتأخر , الى دنيا واقعك الممعن فى التقدم
لعلى استطيع ان اربط ما بين الأشارات , واوصل ما بين تقاطعات رسائلك البسيطة الفائقة التعقيد

ولكنى محتاج هنا قبل ان امارس تبلدى
ان اتوقف وقفتين
اما الأولى , فهى عند غادة حوفى
غادة بقت ام يا نجاة ؟؟؟!!!!!
اليها تصل تحياتى , ملؤها اعجاب وتقدير
لو عرفتوا طاقات المحبة وشحنات الحياة الكامنة عند غادة دى
لعرفتوا , وايقنتوا , ان حاسة السمع التى (فقدتها ) وعوضتها بالشحنات دى
لا قيمة لها على الأطلاق , تحياتى ليها خاصة فى عيد الأم

اما وقفتى التانية
فهى عند صورة حاجة عرفة المتأهبة لزغرودة ما
انا لا هامينى زغرودتها ولا توبها السمح
ولا شغال بى ساعتها الديجتال الجابت ليها الهوا
ولكنى مفتون بشلوخها الواقفات كديدبان مضى به الليل الى اوقات السحر
فتحولت قامته المنتصبة , الى نصف ارتخاء , مع باقى وقفة (جافلة )
قول لى حجة عرفة يا نضيف
عندى صاحبى
بيموت فيكى موت
وكان عم النضيف (خرخر )
قول ليهو , اى نعم هو صاحبى
لكن (مجنون ساى )

الليلة بت غلام الله الركشة بتاعتها معطلة ودوها الورشة للصيانة...
و قامت وصتني على البوست بتاعها ده...
و انتو عارفين الوصية في الذمة...

يا جماعة نأسف للانقطاع الطارئ لست الحوش زوبة بت النوبة...
عندها مشاكل في اللاب توب بتاعها...
و بتجيكم متى ما تعافى اللاب توب بتاعها...

شوش عارفة بت غلام الله الركشة بتاعتها بايظة قالت أحسن تشوف ود غلام الله...

Quote: الرشيدمساءالخير اوبمعنى اصح صباح الخير طبعا ست البيت زوبة داقة فينى مقلب وشرة بمزاج عندها حاجات تنزلها لى والاسمه ايه اللابتوب قام حرن ... حاجات من عيد الام .... لكن بس الحمد الله مدة صلاحية كلامى مفتوحة مدى الحياة بعنى كلامى ومعناه متى ما نزل الناس حتحبه وتستمتع بيهو .... واهونجدد بيه الاعياد ... رب ضارة نافعة ايامنا كلها فى البوست بتاعك يا زينب حتبقى اعياد .... الى اللقاء ..... شوش

Quote: ساعود ذات يوم الى دنياك يا امى , فامضى بمشارط خيالى المتأخر , الى دنيا واقعك الممعن فى التقدم لعلى استطيع ان اربط ما بين الأشارات , واوصل ما بين تقاطعات رسائلك البسيطة الفائقة التعقيد

Quote: ولكنى مفتون بشلوخها الواقفات كديدبان مضى به الليل الى اوقات السحر فتحولت قامته المنتصبة , الى نصف ارتخاء , مع باقى وقفة (جافلة )

يا منص دي قمة ادبية ... تحتاج لوقفة للتحليل والتفكيك والمايك عند الكوتش

Quote: زينب صباح الخير با بت النوبة ..... ست البيت ... مديرة البوست الرائع البوست اللامى الكل ... الجدات ... الامهات ... الحفيدات ... هسة كدا شملتى ثلاثة اجيال مع بعض . جيل امهاتنا وجيلنا احنا وجيل بناتنا الحيكونوا فى يوم من الايام امهات المستقبل .............. لا خيار لدى سوى الانحناء لك زوبه وانت رمز لرد جميل الام بكل ما لديك من طاقة وعنفوان ... لم تتركى مساحة او مناسبة الا وذكرت امك وامهات الاخرين مبدعة فى ذكرهم... سرد رائع مزين بصدق العاطفة تجاه الام ..ا حب ما لدينا ان نتوجها دائما ملكة دنبانا ودنبا من نحب .... مرة اخرى وليست اخيرة البوست حقيقى رائع الفكرة فى حد ذاتها ابداع الموضوع اروع ومن يكتب حرف واحد عندك يازينب دا شخص ما عادى ابدا ما عادى ..... ادعى يا زينب كل الناس الحلوين الغايبين يجونا ونسمع عنهم ونقراء حاجاتهم خليهم يدونا اضافة نحن احوج ما نكون ليها ... انا ما صدقت احنا تانى اتلمينا .... رغم انو ظروفنا اتغيرت خلال كل هذه السنيين الطويلة لكن يا زينب احنا ما اتغيرنا .... عزة ضربت لى فى نفس اليوم الكنا معاها بتسال وصلت كبف ؟؟ وطوالى قالت لى زينب التجانى ما اتغيرت ياها ذااااتها زينب بس ذادت ليها شوية سماحة كدا .... دى الجيهه با شوش ... طبعا عزة بتموت فى حاجة اسمها الجيهه ومستعدة تكون اليوم كله حايمة تفتش فى مستلزماتها ..... كل زول فينا اهتماماته براهو لكن بنتلاقى دايما الحمدلله بيكم .... الى اللقاء ..... شوش

يا شوش شوفي الزمن جابك لي ... ما كنت عادي بترسلي وانا انشر ليك ... اها رسالتك لفت وجاتني انا نشرتها ليك ...

سلامات يا ناس

البيت محروس وستو ماعارفة تصلح اللابتوب

Quote: يا منص دي قمة ادبية ... تحتاج لوقفة للتحليل والتفكيك والمايك عند الكوتش

زهير يا صاحب...زمن قلت ليكم منص ده خطير...بس مندسى ورا الضحكة.

التحايا لشوش الما شفناها من زمااااااااااااان.وعبرك يا شوش التحايا لعزة الما شفناها من زمااااااان اوى

وحاولت اعزيها بالتيلفون لكن كان دايمآ مقفول وانقلى لها تعازينا انا وخالدة.

كنت حاضرا ...أخا ورفيق فى الدرب الجميل (1)
زنوبا بنت النوبا .. بطه (ياسمين ) ..
بمثابة إهداء ..الى سناء الصباغ ... التى علمتهن وعلمتنى ...
سيرتهن سيرة للحب والتأخى والحنين ...
حكايتهن مثل الحكاوى الخالدات من فم جده للأحفاد ...
هذه لحظات مخاض عسير ... أن تتذكر ..! أن تتذكر ما تخبؤه فى تخوم ذاكرتك ..حريصا عليه ..ضنينا به حتى على ذاتك ..! فالزمن حين يوغل فى حصارك .. وهزيمتك .! يتسلل علنا الى الجميل والإنسانى فينا .. فيغتاله .. تلك رايات إنتصاره ...
أنا مسكون ومفتون بهن ..
وبى من الحنين اليهن ما لايوصف ..
فى زمن من الزمن الجميل ..تأمرت علينا بطه (ياسمين ) ونجاة بت حوفى ..! حرضن زينب التجانى على الثورة ضدنا .. وأن تكسر قيدها .. وتخرج من سجنها (هذا القيد والسجن ما هما الا جمال فارح والمدعو صلاح الأمين ) !!! والمناسبة حفل من حفلات التخرج .. رفضت زينب الذهاب الى الكوافير معهن أو حتى ان تتزين مثل الأخريات ..وياسمين ونجاة يزأرن دا كلو من مبارات جمال وصلاح لحد ما بقيتى تشبهيهم .!!! ( تخيل زينب تشبه شبكشى ) ....!!!
لياسمين .. مشوار شهرى الى خالها بالقاهرة (كان ملحقا بالسفارة ) وياسمين لاتحتمل السفر وحدها ..وأنا لا أحتمل الصحيان باكرا ..لكن من أجل ىاسمين نعدل مسار القمر ونبطئ من سرعة وهج الشمس ...للسفر مع ياسمين ثلاث فوائد ..التمتع بولائم خالها التى تمتلئ بما طاب ولذ من المحمر والمقمر والذى تعرفه والذى تعمل نفسك عارفه وأنت عارف نفسك ما عارفه.. وثانيا تحنن وتحنس ياسمين حتى تشترى لك كتابا من مكتبة مدبولى ..وثالثا لو الوقت بدرى تعزمها بقروشها سينما كريم تو ..وأخيرا ..تركب البيجو بجوارها وأنت نائم وهى تحرسك ..كل المشوار عيونها مفنجلة من الخوف ...
أينما كانوا ...لهم التجلة وكثير من الإمتنان ..فلو لاهم لما كانت حياتنا بهذا العمق والنقاء ..فقد أغدقوا على بالكثير من المشاعر والأحاسيس ..أنا مدين لهن بالكثير الكثير
لزينب وياسمين وسناء كل التحايا كل الحب ....
سأعود حتما الى ..أمهاتى محاسن متعها الله بالصحة والعافية وطول العمر ..والى الراحلة أمى سعاد وأسرتها ..تلك إمرأة إستثناء وبناتها وابناؤها كواكب ونجوم تملأ الدنيا ألقا وضياء .............................

العزيز جمال فارح-عوداً حميدأً- كيفك يارائع حقيقي "متعت عينيا" بكلامك الجميل عن الأخوات سناء ، زوبة ، بطة ونجاة .
التحية لك ولهن بحجم ذلك الإحترام الذي نكنه لهن ..
أرجو ألا تغيب كثيراً..

الابنة زينب التيجاني والأحبة الأعزاء

تحياتي وأجمل أمنياتي..

وصلتني الرسالة التالية من الابنة سيزا حاج الطاهر للنشر في بوستكم العامر .. وهي بعنوان (مواصلة المواصلة).

محبتي
عبد المنعم خليفة

********

مواصلة المواصلة


بعد رحيلها

نعم حٌزمت الأمتعة والحقائب

للإقلاع في الرحلة رقم ( 000) المتجهة نحو اللا مكان

صوب اللا وطن

فقد جعلت من بيتها البهيج وطنا ً للجميع وكانت هي العاصمة

نعم سعاد خليفة هي عاصمة العاصمة المثلثة ..

هل غاليت ؟ خبروني بالله عليكم..

يا لك من مخلوق بهي ومضيء وماجد

نثرت الحب ( بفتح الحاء ) لأهلك ودسست لهم موية السكر

فألفوا مكانك وصاروا يحطون على أبوابك ونوافذك

كما الحمائم واليمامات الصغيرة الجميلة

مامي : يا جبل الصبر

ويا براكينا ً تمور عطاء

ويا منجم الإيثار

هل لي برطل ٍ من صلاحك ؟

أم البنون

تكالبت النوائب على زنوبة بت النوبة
خرمج معاها اللاب توب
ثم امتنع الموقع كاملا عن الظهور
ثم تمت الناقصة بان خلص بنزين باسويردها فجاة
قصة البنزين دى كانت سهلة ومحلولة
زنوبة ما قصرت , ركبت امجادها مرات , وركشتها مرات تانية
لكنها طبعا تابت من عربية شوش الفخمة العايزة ليها لزة
واللزة مع الأناقة ديك كلها , ما بتجى طبعا
وصلتنى من زينب الرسائل البريدية المستعجلة التالية
لكنى ما حا اقدر اكون خارج تحالفات اللابتوب والباسويرد والسيد الهكر , ضد زنوبة بت النوبة
تلاتة اربعة يوم , انا لا شفت بريدى الألكترونى , ولا حتى التكست الفى جوالى
يا حليلك يا زنوبة يا بنت النوبة , كل الحاجات عليك
لكنك لو جيتى داخلة , ولقيتى رسائل شوش ركبت ليها دربا تانى
ولقيتى جمال فارح منداح ينثر الفرح ويستبيح المكان
لعرفتى فورا ان , لا هكر , ولا لابتوب , ولا باسويرد مسلوب , ولا بكرى ابوبكر زاتو يقدروا يوقفوا بستيكى الماشى بى سرعة الف دا
اليكم فى مداخلة منفصلة , تلى مداخلتى التقديمية هذه , استغاثات زينب ورسائلها الى المتداخلين
التى لم يؤخرها عنكم , الا تقاعسى وعدم اطلاعى على بريدى ليومين او يزيد
انا نافذتك يا زنوبة وشباكك كمان , لغاية ما تجيبى ليك نجار يصلح ليك شباكك المكسر ده
تقديرى للمتداخلين باسم صاحبة البوست (المهكرة ) من كل حدب وصوب

يا شوش عزرا وامسحيها فى وشى
مداخلاتك حتنزل عن طريق زهير

يا احمد اسماعيل ربنا يخلى ليك امك ويديها الصحة والعافية

ويا ديدو الشهير بعبد الدائم لك الود وجاياك براك
سلامى للوالدة
اتارى السماحة دى وراثة

ربنا يخليها ليك


يا ود جبرين تعال راجع ويا ود جادين انحنا بنقشقش الدموع


يا منصور انشاء الله دايما منصور

انحنا منتظرين لحدى ما تقررتكتب يا ود ام الحسين التومة


رشا ود علوية سلامات
والله شكرا وتابع يا خ اظنك تعبان من القديم والمشورة

بسلفك ركشتى حين استعادة حسابى

نانى

يا صديقتى الزهبية


انتظرى تلفونى



التحية القلبية للام الدرة المكنونة غدوية حوفى ام غادة تانى


سلام لحدى ما ارجع


نادونى

زنب التيجانى ابو رفاد  

اكيد شوش

Quote: تكالبت النوائب على زنوبة بت النوبة خرمج معاها اللاب توب ثم امتنع الموقع كاملا عن الظهور ثم تمت الناقصة بان خلص بنزين باسويردها فجاة معنى كلامك دا يا ريس منصور زوبة دى استحقت المواجبة هسه ورونا الكشف عند منو ..... ؟؟؟؟ شكله كدا عندك لانك قلت نادونى زينب التجاتى غايتو لو كشفا ماكن طلعوا لى منو حق بطارية جديدة عشان تانى البنات ديل ما يلزن ويخربن اناقتهن

اهلا يا شوش
البطارية من عندى
لزوم المحافظة على اناقة البنيات ديل
بس , اوصيك على البوست السمح ده لغاية ما ستو تفرمت لابتوبها وتجيكم راجعة
شكرا يا زهير

ولعل غياب صاحبة البوست , بت النوبا , زنوبة الغالية
يكون من دواعى ان نتولى بوستيها المتعوب عليه بالرعاية والكتابة , ودلق الأحبار الملونة
بدأ هذا البوست , بفكرة ام , عند صاحبته
ثم تفاجات وهى تكتب وتتلقى الردود
ان داخل كل منا , كلام كنا نظنه من البدهيات , التى لا تستحق قولا ولا رواية
هنا تكمن المفارقة , فبين كلمات نزار قبانى التى تموت حين تقال
وكلام اهل البوست ده , الذى يتفجر حيوية ويضج حياة وتفاعل
مجرد رسمه او لفظه
يبدو البون شاسعا وكبيرا
يبدو الكلام عن امى محاولة محفوفة بمخاطر عدة , لا اعرفها ولكنى احسها واتلمسها
هل اقول ان امى (مختلفة )
لا يبدو الكلام دقيقا
ولكنها , قطع شك , حزمة تفانين بسيطة وبالغة التعقيد فى آن
انها بعيدة عن وسائل التواصل الأنسانى التى نعرف , بعدا غريبا اخاف ان اوصفه بالبعد الشاهق
ولكنها , كحبل الوريد , فى احساسها بابنائها وبناتها
لم تعرف -امى - الحاجة ام الحسين بت بشرى , رحمها الله
طريقا الى مدارس الدنيا
ولكن احساسى بها -فى مدرسة حياتها
يأتى بمقام الأستاذية والبروفيسور شيب دجرى
احتاج انا الآن , لكى اوصل لكم مشاعرا تنتابنى
الى تجميع حصيلات اللغة التى اعلم , وبعض اللغات التى لا اعلم
ولكنها كانت , على ضيقها بمعرفة تكنيكات الحروف , وبعدها عن دهاليز المفردات
متدفقة منسابة عذبة كماء سلسبيل
مباشرة فى انتقالها الى النقطة التى تريد , تماما كخط مستقيم
ليس فحسب , بل ان لعينيها لغة حديث , لا هى تشبه لغة العشاق
ولا تبدو ذات صلة , بلغة استاذ يبرق بعينيه زاجرا تلاميذه المحيطين
كانت عينها تقول فنسمع , تأمرنا فنطيع , تزجرنا فنزدجر , تحثنا على الأقدام
فاذا بنا الى اتون الحياة ودروبها -مقتحمين -
والأدهى والأمر , والاغرب والأعجب
كانت بعينيها النضرتين الصافيتين -كغابتا نخيل فى السحر
تقول النكتة كاملة , والقصيدة الموزونة , والقصة قصيرها وطويلها , والرواية والأقصوصة
كل هذا , وهى لا تحسن قراءة , ولا تجيد كتابة
بل كان عندها ما هو اهم وامضى
الصدق والمباشرة , العزم والأناة , الدقة والسرعة

اللغة العربية عند امى رحمها الله
كاللغة الهيروغليفية عندى , وكلغة التكرنجا عند سكان الأمازون
افلحت فى ان تجعلنى محيطا برطانتها الدنقلاوية السلسة واللذيذة
دون ان افلح , ان انفذ الى اعماقها بحرف من لغة الغرب
ولكنى كنت استمع الى الى محاولاتها الضاحكة لأرضائى
والتى كان ناتجها -دائما وابدا -
مخلوقا لغويا , خاطف لونين
يثبت عندى الرطانة ويحببها , ويجعل ناتج العربية الهجين
مخلوقا ذا حلاوة وطلاوة , احب ان اكسر به لغة الضاد , فاراها من منظورى وزاوية فهمى
اكثر جمالا , وابدع فى توصيل المعانى , لا بل حتى وفى نظم القصيد
كل اصحابى القريبين عرفوها وجلسوا اليها
فيأسرهم فى حكيها , عربيها المكسر , ولغتها الهجين

وحيث ان الدناقلة من امثالى رواد غربة وهجرة تجرى مجرى الدماء فى الجسم
فان والدى رحمه الله , كان كذلك
متغربا مهاجرا علاقته بالسودان , علاقة اجازات بحتة
لذا فان امى رحمها الله , كانت الأم والأب فى غالب الأحوال
وكان اولادها وبناتها الكبار , اياديها العاملة فى تمثيل الدورين وتوصيل رسائل الرعاية , انا واخوانى الصغار
ولكنى اتعجب من اجادتها للدورين , ومن حذقها للعبة خيل الينا -للحظة - انها لا تمتلك ادواتها -
امى رحمها الله , توام لشقيقة (خالتى ) -لم يكونوا يتفارقون للحظة
وسبحان الله , فأن خالتى توام امى تلك , رحمهما الله واسكنهما الجنة
اضطرت فى حياتها للسكن معنا بعد وفاة زوجها وهى التى لم ترزق بابناء
فكان ذلك مبعث احساس غمرنا ووطدت دعائمه امى , بان لنا (امان )
كبرنا على رعايتهما وتباريهم فى احاطتنا بأحاسيس امومة دافقة وقوية
الدلع كان ما يميز امومة خالتى عن امومة امى المباشرة
فى مباراة كنا نحن اكبر المستفيدين منها

لي زمن باحوم حول البوست دا.. خايف منو..
الليله اتشجعت..
اللهم اشفي امنا محاسن..
وارحم كل حبيباتنا..
وارحم سعاد وعشه..
تربت يداك يا بت النوبه..
بوستيك حلو.. لكن حراره الجمر..

اولا اذيكم
ومشتاقين
وشكرا لكل من قام برعاية البوست والف شكر لكل من سال عنى

شكرا رشا ومنصوراتصالكم ذادنى سرور

رجعت عبر لابتوب عمر بعد ىرجوعو
لسسسسسة المساة التقنية ما اتعالجت

مسالة الباسويرد اتعالجت بحمد الله

حاكون معاكم يوميا باذن الله