انه صوتي انا0000

ويين السمحات؟؟؟؟؟

اتلفت عاينت يمين 000 شمال

ما لقيت غيري 000

قلت افتش عنكم؟؟؟؟

بت مجمر 000 دا تلج كندا 000


زنوبة 00 كل دا وبتسني في البراية00

اخلاص نور 00 منتظراك بجاي عندنا الكتير لمناقشتة 000

سناء يلا بسرعة خلصي قراية الكبر دي 00

ناني وما ادراك ما ناني 000 وبس

مشاعر 00 شيلي معاي شوية

منى تمشي وتجي بالسلامة 000

بهجة العمر 00 امسكي الكيبورد 00 وح تبقي تمام000

تعالو احكو عن الثريا 00

واكتبو عن الاولاد والتربية 00

وعن السودان والابتخابات وهمومنا وهموم وطن 00

وعن غربتنا 00

وعن التقليعات الجديدة 00

وعن الطبخات السريعة000

وخرمو معاي لجوانا شوية000

مشتاقة ليكم 000تعالو شوية 0000

يعنى نحن بـرا ... ولا شنو


انا دستورى نازل هناك فى الانتفاضة

Quote: انا دستورى نازل هناك فى الانتفاضة

وهل للانتفاضة سبيل لولا الدستور؟؟؟

فقط هو بحث عنهن؟؟؟؟وانتو فتشو معاي

لاني لقيتكم ال11 وانا النوباوية (يحيا حميد 00 وبحب حميد)

خليك قريب

بشـــرى لسكان الحوش والاحواش المجاورة

تم تكوين جمعية رائدات الزقازيقاب او اتحاد نساء الزقازيق

وفى قول آخـــر ...

منظمة بنات الشيخ الأهلية لمناهضة طغيان واستبداد الصــنف الذكورى ...!!


يا رجال العالم ... اتحدووووووا ( الحقنا يا الركز ..!! )

أى صوت زار بالأمس خيالى
طاف بالقلب وغنى للجمال
واشاع النور فى كل المجالى
انه صوتى انا
زاده العلم سنا

عيد يا عيد 000

اتمنى يجو معاي نعلي صوتنا بالغنا000

Quote: أى صوت زار بالأمس خيالى طاف بالقلب وغنى للجمال واشاع النور فى كل المجالى انه صوتى انا زاده العلم سنا

صفية مسااااعد 00 سامعة الصوت العالي دا؟؟؟؟

وين البت عرفة؟؟؟؟

عايزين نشد اوتار القلوب 000

(مقتبسة من شبوكشي000)

انا جيتك بعد ما وصلنى صوتك
كيف يا فافى سلامات


البراية شالتا نجاة والامجاد شالا كمال الشادى

بس يا فافى سامحينا لانو الامتحانات على الابواب

مع دوامة الواجبات الاجتمتعية فى السودان

مع مرض الوالدة ربنا يديها العافية دى كلها حاجلت يتقطع التواصل بس على البال دائما

بلمناسبة ما تنسى تنادى جلا للبوست دة الزول دة نصيرنا

عبد الدائم سلامات

جاياك لما توقفينى


يا اميرة التمائم

زنوبة السمحة

اوعى صوتي يكون دوشك 000

اولا الف سلامة لماما محاسن وانشاء الله العافية كلها ليها 000

وتاني المكان دا فيهو كلام كتير منتظر برايتك 000 عليك الله شليها من ناني 000


ومنتظراكم جنب الباب



0000
وجلا يدخل من غير استئذان 000 ومن غير دعوة 00 سيد بيت 000

زوبة سلامات للوالدة ربنا يديها الصحة والعافية

جلا خليهو يمشى ولمن فاتهم الاستماع هنا ما بينفع
الكورال عاوز عازف ايقاع ماهر والزول ده زمنو فارق

وبعدين هو زاتو عمرو ما جاء مارى بشارع اكتوبر ولا الانتفاضة

بخاف ما يسحرو ليهو بنطلونو السمح داك ،،،،

انا ام واكثر ما يفقدني التوازن

ان يكون احد ابنائي مريض 000

وما بالكم بام تبدا صباح يومها بان

ابنها مات 00 بل قتل 00 ولقو جثته مرمية في العراء

الله الله على وجع قلبك يا ام محمد موسى000




كيف اصبحتي وكيف امسيتي ونار حشاك مولعة 000

لك الله 000 لك الله

Quote: وبعدين هو زاتو عمرو ما جاء مارى بشارع اكتوبر ولا الانتفاضة

ديدو يا عسل 000

مداخلتك حلوة دايما 000 بس كنت حزينة على ام محمد موسى التي اصبح فؤادها محروقا000


والله جلا دا يا ديدو يتخيل لي من قلب الانتفاضة واكتوبر 000

يكفي انه نصيرنا 00زي ما قالت زوبة000

هو وينو جلا 000

Quote: هو وينو جلا 000

حاضرييييييين
يعني الشباك بتاع متابعين و مستمتعين قفلناهو
عشان كدا نحن حاضرين
الكتيابي قال يا فافي

أفقد شيئاً أكبر مني
أفقد شيئاً أكبر مني
لعلها فجاءة الصحو من سبات الصحو ..!!
كلا ـ إنها الاستغراق في غمرة الاستغراق ..!
لا .. بل هي رؤيا انسربت إليها من دهاليز رؤيا ..
لا لا إنها شظايا الهشيم في تصادمات المرايا تكسرت فيها مفاصل الحقيقة .

أوع تقولي لي وديها محل الحجابات هناك
و الله أنا مناصرك لكن أخواتك ديل دايرات ليهن جبنة كاربة
و وداعية نجيضة حتان يجوك
مسؤولة من الخير ..الزولة المست عرس أختها في مصر جات و لا لسع؟؟؟

سلامات يا ناس

بتنا عفاف...ازيّك

Quote: و الله أنا مناصرك لكن أخواتك ديل دايرات ليهن جبنة كاربة و وداعية نجيضة حتان يجوك

غشّاك فى الاولى ...وقال ليك النصيحة فى التانية

زوبة .... سلامات للوالده وأجر وعافية إنشاء الله .

يا فافى خلينى أبتدى ليك بى صورة الكورال واختبر ذاكرتى لعل وعسى.

من اليسار لليمين : مزار - فافى - عزّة التجانى - نجاة حوفى - زينب التجانى - هدى محجوب - أمل جابر - هناء حامد.

تعرفى يا فافى البوست ده أعاد للذاكرة صدى جمعية الثريا ، التحية لرائدات هذه الجمعية : سامية اسماعيل ونجاة ميرغنى وخديجه إبراهيم وخديجة تربية وناهد تجارة وفاطمة بدرى والراحلة عفاف الشريف ، المعذرة لمن لم أذكرهن من رائدات الجمعية ، كم أشتاق لرؤية حواءنا ترتاد آفاقاً أرحب تليق بشخصها الجميل ، عميق مواساتى لأم محمد موسى فأسوء سهام الغدر ما يصيب فلذات الأكباد .

لك التحية فافى ولكل الأمهات وهن بحق (مواقيتُ للعشق)

يا بكرى التحية لرائدات جمعية الثريا
شوف ناس سامية وفاطمة بدرى ديل من عطبرة
وخديجة ابراهيم من الكلاكلة
يعنى كدناكات عديييل كده

لكن البنات النضيفات اللفى الصورة ديل جيل فير اند لفلى

فافى جبتى الدايرة البلد فى جملة واحدة
(وهل للانتفاضة سبيل لولا الدستور؟؟؟)
النضيف دستورك النازل فى الانتفاضة دا مالوا ما كمل معاك وبعيدن مشيت (الصحافة) ولا برضو جيل فيراند لفلى
بكورة الشين يسالتنى الله يا ود الماذون ذاكرتك مية مية زى ما تقول انحنا قاعيدن فى المدرج اسى دى وانت بتسمى فى الواقفات فى الكورال
ايام من المتعة
فافى بوست مية مية بلهجة اهلنا المصرين وكيوس انك استفيزتى زينب التجانى ورجعت تانى سنت القلم
تحياتى وفى انتظار عرفة - النامت فى الخط- بعد ما الشعر فارق الاضنين

الاعزاء 00

جلا

ديدو

الكوتش

ابوبكر

والبرلوم مجتبى

وجودكم ليهو نكهة المحبة 00

ورتبو معاي البيت في انتظار السمحات 000

Quote: البوست ده أعاد للذاكرة صدى جمعية الثريا ، التحية لرائدات هذه الجمعية : سامية اسماعيل ونجاة ميرغنى وخديجه إبراهيم وخديجة تربية وناهد تجارة وفاطمة بدرى والراحلة عفاف الشريف

طالما جاء الحديث عن الثريا والتي يمكننا اعتبارها

حركة نسوية في مجتمع الزقازيق المصغر 00

وكتعبير عن تطلع المراة الى التغيير والتقدم الاجتماعي

في اطار تشكيل وعي متطور000

000000000000000000000000000

معادلة :

امرأة سودانية= فئات اجتماعية مختلفة + قضايا واحتياجات مختلفة

سلامات يا ناس

بتنا عفاف....ازيّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّك

عبرك التحية لصاحبة الامجاد والتى يبدو انها استبدلتها

بركشة...

المهيرات ديل شدى ليهم اسلاك...

زقازقيات 000 ثريات000





نعمات كوكو محمد


تخرجت من كلية الزراعة عام1981

من المؤسسات لمركز الجندر للبحوث والتدريب

لها العديد من الدراسات في مجال المراة

زقازيقيات 0000ثريات





مثابة حاج حسن(((في الوسط)))


حقوق الزقازيق 1993

عضوالمكتب السياسي بالحزب الاتحادي الديمقراطي

ليك شوق كتيييير يا مثابة 00

اتمنى انك تكوني بتطلعي على منبر الاجدع ناس

تحية لكل نساء العالم باقتراب يوم المراة يلا نجهز للاحتفال يافافى

لن نفتعل بداية
لن فتعل نهاية
لكنا نبدا
نبدا من نفس المبدا
نبدا من مبدا ان الانسان سواء
قد نتسكع فى بعض الاحيان
فى بعض الاحياء
قد ننطلق هنا
قد ننطلق هناك
لاكنا لن نعباء
ما دمنا نتخذ من الانسان المبداء
ونعود الى الانسان لنبدا


من مخطوطات الجبهة الديمقراطية بلمعرض المركزى

قسم المراة

حتى يتحقق للانسان المبدا

انه صوتى اا وانتى وكلكن
فى الايام الماضية قمت باقناع زميلاتى لاول مرة بالمكتب بعمل برامج خاص للاحتفال بيوم المرأة العالمى
اخدت موافقة من الشريك المسؤل ..سوف يبدا الاحتفال الساعة الثامنة صباحا-11:30من يوم الاتنين
بابوظبى بفندق الكراون بلازاواجندته كالاتى:
what has helped you to be successful in yor career-
what is positive about your career-
- additional support do you feel you in your role to achive your role
دى هى باختصار ساوافيكم بالتفاصيل يوم الاثنين المساء اتمنى ان يكون برامج ناجح والتحية عبر هذ البوست لكل نساء العالم..وربنا يبرد حشاهن وينصرهن ويقويهن شايلات التقيلة
دمتم سالمين

كل عام وكل نساء العالم بخير0000

وتنتهي معاناة كل امراة سودانية 000

من غلاء المعيشة 000 من الحروب ومشاكلها من النزوح

وتوضع قوانين احوال شخصية منصفة للمراة000

وتنتهي قوانين النظام العام التي وضعت لقهر المراة 0000

وتنتهي معاناة النساء اللائي يعملن في المهن والاعمال الهامشية(ستات الشاي مثلا)

من المطاردة والاخضاع للمحاكم واجبارهن على دفع المبالغ والغرامات الباهظة 000

وتنتهي ظاهرة ولادة الاطفال في السجون 0000

وتنال كل امراة كافة حقوقها الاجتماعية والدستورية 00

ينتهي العنف ضد النساء بكافة انواعه ومظاهره 000

التحية ليك يا زنوبة 00

امراة صاحبة رؤى واضحة في العمل الطلابي000

وام تنشيء جيل جديد 000 اكيد بوعي متكامل 000


لن نفتعل بداية
لن فتعل نهاية
لكنا نبدا
نبدا من نفس المبدا
نبدا من مبدا ان الانسان سواء
قد نتسكع فى بعض الاحيان
فى بعض الاحياء
قد ننطلق هنا
قد ننطلق هناك
لاكنا لن نعباء
ما دمنا نتخذ من الانسان المبداء
ونعود الى الانسان لنبدا


من مخطوطات الجبهة الديمقراطية بلمعرض المركزى

قسم المراة

حتى يتحقق للانسان المبدا

Quote: ساوافيكم بالتفاصيل يوم الاثنين المساء اتمنى ان يكون برامج ناجح والتحية عبر هذ البوست لكل نساء العالم..وربنا يبرد حشاهن وينصرهن ويقويهن شايلات التقيلة

ناني كل سنة وكل زميلاتك الرائعات بخير 0000


ومنتظرين الصور الجميلة 000

لك ود كتير

كل سنة وكلكم طيبين

التحية لنساء العالم
التحية للمراة الام الاخت الجدة العاملة الصابرة الكادحة
التحية للباحثة عن النجاح اتلساعية لاخراج جيل معافى
التحية للمعلمة و هى تتعب من اجل مستقبل منير
التحية للزارعة والراعية والكادحة فى اطراف البلاد
التحية للمراة فى دارفور فى جبال النوبة فى جنوبنا الواعد وفى شمالنا وفى شرقنا

التحية لنجاة حوفى وهى بتكتسب حق الاحتفال بيوم المراة لإى مكان عملا
اليوم كان ختام اسبوع المراة بجامعة الاحفاد الرائدة فى مجال المراة
بس يا فافى خذلتنى الكميرا لقيت البطارية نازلة وبما انو الاحفاد جارة استاد المريخ وهو فى قمة حزنه والشارع زحمة ما كان فى سبيل لبطاريات جديدة
وليك مليون سلام وتحية يا فافى

http://www.facebook.com/l.php?u=http%253A%252F%252Fwww....796b91551ebe0&ref=nf



وشكرا يا ديدو

بس وين جلا ما جا عيد

الليلة بنشوف نصير المراة منو

التحية لشوش 00 وارجو المعذرة لتاخير انزلا احتفالك بيوم المراة 00

Quote: ....................... التحية لكم جميعا اخواتى وكل سنة وانتو طيبين ......احى المرأة فى عيدها المرأة الام ....المراة الصديقة .... المرأة الاخت ..... واحى كمان الرجل المهم فى حباة اى أمراة احيه بقدر ما ساهم فى نجاحها وتقدمها .... احيه بقدر ما ساعدها فى ان تكون أمراة تستحق كل شى رائع ..... احى الرجل الاب .... ابى لك التحية فى عيدى ... عيدامراة لم تتوقف ابدا عن مدها بالثقة والتفاؤل احى فبك ما اورثتنى من صفات احبها كثيرا وجعلتنى انجح اتمنى دائما ان اكون مثلك صرح شامخ وملاذ للجميع ...... احى الرجل الزوج ..... الهادى التحية لك فى عيدى التحية لك وانت تساندنى لانجح ..لم تشعرنى يوما بالتقصير بل تركتنى امضى وانفذ ما اقرر .....التحية للرجل الاخ .... الطيارمحمد والعزيزمصعب التحية لكم فى عيدى .... التحية لكم وانا اذداد فخرا وعزة بفخركم بى .... التحية لثقتكم فى ارائى وافكارى التحية للرجل الصديق والزميل التحيةلكل الاخوان الذبن عرفتهم التحية لهم وهم مساهمون معى ومع غيرى ليكونهذا اليوميوم المرأة .... واخيرا التحية للرجل الابن .... التحية لاصغر واحلى رجل فى العالم .... الحبيب احمد التحية لك فى عيدى التحية لك وانت تهرول نحوى وانا عائدة من عملى وتتلقانى فى حضنك الصغير ويدك الصغيرةالباردة تتلمس فى وجهى كانك ترانى لاول مرة .... عندها افقط اتاكد من عودتى للبيت .... كل يوم بعيش معاك احساس جديد ياأحمد .......... ربنا يحفظك انت واختك .... ولى عودةمعكم انشاءالكريم للحديث عن عن نساء بسببهم نستحق ان يكون لنا عيد ويوم عالمى ......شوش

شكرا يا شوش 000

على رسالتك000

وفعلا نحن نتمنى مجتمع متكامل 000

لا هيمنة زكورية 000

ولا هيمنة نسوية 0000

مجتمع راقي 000 ومتكامل 0000


زنوبة 000 نحن جميا نعاين لناني وصورها 000

وهنيئا ليكم الاحتفال بيوم المراة 00

ونحن هنا في الرياض في احتفالية بالمراة ح اوافيكم بتفاصيلها بمجرد ما يعلن عنها 0000




عبدالدائم النضيف

ليك كل الود وانت بتشاركنا احتفالنا بيومنا عبر البوست وهاتفيا 0000

Quote: تقولُ فوزية: لا يهم مني إليك.. منك إلي فقط هو من فوزٍ إلى نصر أو قل من نصر إلى فوز في يوم المرأة : أُحبُّك ها قد بدوتُ حائراً أمام قصيدتي تمعن حيناً في خيّالةٍ ، تمضي قرب ركنٍ لا يقرُّ به الشعراء وأحياناً أُخر .. تتوزّع أحمالاً لاتجاهات البحر تصادف الصدف المعذّب يتجاسر على الجسر وفي ظلِّه نثيث الهجر أودعه .. دمي ! يودعك عرّافةً كونيةً ترشُّك بطلاء السخافة وتموِّت من بلل المصادفة الثقافة! وأنا - كبخرٍ عتيقٍ - أسمَّى رصيد الضياع! لأني أصاحب خلايا الحنين المشاغب أصاحب: موسيقى، خطاباً، لوحةً، روايةً أو قصيدة من تواريخ الاجتماع! وتصحبني ألاعيب الصغار ميّالاً لضم الشائع الخفي لمدِّ الكباري بين الغامض المعني التركيب والتفكيك الخائن الوفي عند تقانة التصوير والنحت والأشعار تصحبني ألاعيب الصغار مَثَلُ هذا دائماً كمثل الباكي في فكاهة " مرفوعاً لينزلق" " منقوعاً لينسلق" يُنَتِّفُ ريش السؤال وما نقّعته فضاءآت الشتاء ككواكبٍ سيارة، تلعن الجاذبية وتغيظ الجبال ماأمّنا شجنُ الشطِّ بذات السؤال: ما الماء؟ يجيبني صاحبي ليس سهلاً كما تظنُّ الجبال الماءُ صحو الماء غير قابلٍ للنوم الماء ني يساجل أمزجة النضوج كلُّ شيئٍ ميِّتٌ به كما كل شيئٍ حي! ماء الوجه في ميم المروءة ميم الشهامة ميم الهمة.. نسقٌ قديم بعد دورةٍ في الأجساد.. تكثّف في مطر ليصبّ العزة في الأرض تسميه ماء الروح بالماء النديم فتردد الوطن المرتّق انتقالاً بين الزائر والمقيم "محيطاً" مخيطاً بالنوال العظيم ---------- منعم

رحم الله فوز فقد كانت امرأة تعرف ماتقول 00

سبحت في فضاءات تحررالمرأة الفكري 000

كانت موسوعة ثقافية جميلة 000

زرعت دواخلي وهي الصغيرة السن باشياء00 استمتع انا في حصد ثمارها الان 00

وحدي 00 وهي في عليائها 000

شكرا عبد المنعم عمر 00 الصديق الجميل

وانت تحكي دواخل فوز في يومنا يوم المرأة الذي كم كم احبته فوز 00

وما زالت فوز حزني المسائي الذي يزورني كل يوم 000منذ تسع سنوات 000

لك الرحمة فوزية (0صديقتي 000 وخالتي))00 ولوفاء اصدقائك كل الامتنان

والرحمة للصديق المناضل نصرالدين الرشيد 00

العزيزة عفاف

التحية لكي وعبرك التحية لكل الزميلات بالمنبر

والتحية لحواء في يومها العالمي وهي تناضل وتكافح من أجل اسعاد الاخرين..

التحية لأمي الغالية فلولاها لما كنت أنا اليوم, والتحية لزوجتي العزيزة وهي

تهتم بكل صغيرة وكبيرة داخل بيتنا الصغير فهي ترعى وتعلم وتذاكر وتعطي كل

جهدها لأبنائها دونما انتظار لشكر أو ثناء من أحد..

فقد صدق من قال :" وراء كل رجل عظيم أمرأة " ..

وأخيرآ التحية لنساء بلادي القابضات على الجمر , جمر الفقر و العوز والحاجة

فتجدهن اليوم في الاسواق بائعات للشاي والخضار والمشغولات اليدوية , وتجدهن في

المصانع و المزارع . وكل هذا لتوفر لأسرتها الصغيرة لقمة عيش كريمة ودخل صغير

لتجابه به متطلبات الحياة اليومية.