صور نادي الشرطة

صور نادي الشرطة


01-03-2010, 07:03 PM


  » http://sudaneseonline.com/cgi-bin/sdb/2bb.cgi?seq=msg&board=299&msg=1262541792&rn=188


Post: #1
Title: صور نادي الشرطة
Author: زهير الزناتي
Date: 01-03-2010, 07:03 PM
Parent: #0

a4.JPG Hosting at Sudaneseonline.com



مصطفي عجب سيدو يا هندسة

Post: #2
Title: Re: صور نادي الشرطة
Author: زهير الزناتي
Date: 01-03-2010, 07:06 PM
Parent: #1

تصوير .... محمد حسن البرلوم .... وبعض الصور حاتم جبارة ... ولي أجر المناولة ..

c2.JPG Hosting at Sudaneseonline.com

شرف الدين زين العابدين ... عمار رحمة الله

Post: #3
Title: Re: صور نادي الشرطة
Author: زهير الزناتي
Date: 01-03-2010, 07:14 PM
Parent: #2

b3.JPG Hosting at Sudaneseonline.com



عبد الرحمن عشي ....

Post: #4
Title: Re: صور نادي الشرطة
Author: زهير الزناتي
Date: 01-03-2010, 07:19 PM
Parent: #2

d1.JPG Hosting at Sudaneseonline.com


شاويش ، مجتبي ، بشير علي العبيد ... الرشيد بابكر

Post: #5
Title: Re: صور نادي الشرطة
Author: محمد عيد
Date: 01-03-2010, 07:23 PM
Parent: #4

Quote: شاويش ، مجتبي ، بشير علي العبيد ... الرشيد بابكر


الرشيد ده جاكم ببساط الريح ولا شنو ؟

Post: #6
Title: Re: صور نادي الشرطة
Author: زهير الزناتي
Date: 01-03-2010, 07:25 PM
Parent: #5

يا محمد عيد يعني الصورة دي عاملها بالفوتوشوب ... المهم يا حبيب في زمن العولمة كله جايز ....

Post: #7
Title: Re: صور نادي الشرطة
Author: زهير الزناتي
Date: 01-03-2010, 07:31 PM
Parent: #6

e2.JPG Hosting at Sudaneseonline.com


صديق الصادق .... حقوق ،،،، الهادي كتير ... تجارة

Post: #8
Title: Re: صور نادي الشرطة
Author: زهير الزناتي
Date: 01-03-2010, 07:31 PM
Parent: #6

f1.JPG Hosting at Sudaneseonline.com



مجد ....التركواز .... ميار ....


Post: #9
Title: Re: صور نادي الشرطة
Author: زهير الزناتي
Date: 01-03-2010, 07:35 PM
Parent: #8

g1.JPG Hosting at Sudaneseonline.com


إبراهيم يوسف هباني ... إقبال بشير ....

جيل الوسط من إسلامي الزقازيق ....

Post: #10
Title: Re: صور نادي الشرطة
Author: الرشيد بابكر
Date: 01-03-2010, 07:36 PM
Parent: #8

و الله يا أبو الزوز كان ما المفتاح المتدلي من البنطلون ده كان أنا ذاتي صدقتك...

واصل و عين الله ترعاك...

Post: #11
Title: Re: صور نادي الشرطة
Author: زهير الزناتي
Date: 01-03-2010, 07:41 PM
Parent: #10

طيب يا رشدي ده لو ما إنت حا يكون منو .؟
الإجابة للجميع ... خاصة ناس لكوظ ...

Post: #12
Title: Re: صور نادي الشرطة
Author: زهير الزناتي
Date: 01-03-2010, 07:41 PM
Parent: #10

h.JPG Hosting at Sudaneseonline.com



نادر فاروق ..... محمد الفاضل .....

Post: #15
Title: Re: صور نادي الشرطة
Author: زهير الزناتي
Date: 01-03-2010, 07:50 PM
Parent: #12

j.JPG Hosting at Sudaneseonline.com


أقبال بشير , هباني . معتصم جعفر ...

Post: #16
Title: Re: صور نادي الشرطة
Author: زهير الزناتي
Date: 01-03-2010, 07:52 PM
Parent: #12

k.JPG Hosting at Sudaneseonline.com



المحتفي به ...

حاتم جبارة

Post: #53
Title: Re: صور نادي الشرطة
Author: أبوبكر حامد الأمين
Date: 01-04-2010, 09:01 AM
Parent: #16



هههههههههههههههه ، والله يا حاتم جبارة حليلك وحليل أيامك أيّام الباندا ، أتاريك عارف مستقبلك شكلو كيف ، والله تانى الباندا دى إلا تلبسا حجل فى كرعيك ، أها وأحمد عوض لافى العمة والله افتكرتوا د. حسن مكى واستغربتَ الزول ده علاقتو بى الزقازيق شنو؟ ، بجيك راجع يا زهير بالتعليق على بقية الصور .

Post: #64
Title: Re: صور نادي الشرطة
Author: مجتبي فاروق
Date: 01-04-2010, 12:51 PM
Parent: #16

حليل ايامك يا (مادجر)

Post: #17
Title: Re: صور نادي الشرطة
Author: زهير الزناتي
Date: 01-03-2010, 07:55 PM
Parent: #12

يا عيد ... المفاجآت كتيرة ... رغم إنه الزول لمن يدي نظره عامة لموقع اللمة ... يشوف العدد بسيط ... بس الناس كتيرة شديد .. والصور عجيبة مرة واحدة ... خليكم قراب ..


يا عيد إنت والرشيد غالطتوني في الزول ساي ... الزول ده الرشيد ... في حد عند راي تاني ...

Post: #13
Title: Re: صور نادي الشرطة
Author: محمد عيد
Date: 01-03-2010, 07:44 PM
Parent: #10

لكن والله يا زهير بالغت فى اقبال بشير دى ..!!

بالجد صورتها مع هبانى اعادت شريط عجيب من الذاكرة

واصل يا حلو .. الظاهر حفلتكم دى حتكون محور سهرة الليلة فى حوش الكومندان ..

Post: #14
Title: Re: صور نادي الشرطة
Author: زهير الزناتي
Date: 01-03-2010, 07:45 PM
Parent: #10

i.JPG Hosting at Sudaneseonline.com


من اليمين ... أحمد عوض عجوز .... ضيف .... عماد شريف

Post: #18
Title: Re: صور نادي الشرطة
Author: زهير الزناتي
Date: 01-03-2010, 08:04 PM
Parent: #14

l.JPG Hosting at Sudaneseonline.com



الكوتش محمد صديق .... صالح تبلدينا .... محمد الهادي

Post: #19
Title: Re: صور نادي الشرطة
Author: الرشيد بابكر
Date: 01-03-2010, 08:05 PM
Parent: #14

أبو الزوز أنا ما عرفت الزول ده....

لكن لمتكم كانت كاربة...لي زمن ما شفت الناس ديل...اقبال...هباني ...محمد الفاضل...بشير...و حتى قريبي عماد شريف...كلمته بالتلفون و لكني لم أراه منذ زمن طويل..

Post: #20
Title: Re: صور نادي الشرطة
Author: كمال الشادي
Date: 01-03-2010, 08:12 PM
Parent: #19

يا ميسرررررررررررررررررررررررررررة
شفت الزول الكاتبين تحتو محمد الفاضل ده
معقول ده صاحبنا محمد الفاضل
الزول ما إتلحس
يا ألله
يا حليلك يا ود الفاضل
تحياتي لك إنت كنت تقرا هذا البوست
ولأيام الزقازيق معاك

Post: #21
Title: Re: صور نادي الشرطة
Author: زهير الزناتي
Date: 01-03-2010, 08:21 PM
Parent: #20

يا رشدي خلاص عفيناك .. بس المجال مفتوح للباقين لمعرفة هذا البيطري .. شبيه الرشيد ... بس رايك شنو في صورة محمد صديق وصالح ومحمد الهادي ... شفت الأولاد ديل مؤدبين كيف ... والله تقول قاعدين ياخدوا في حصة ....


يا شادي القوم ... حبابك ... محمد الفاضل لديه من النساء ثلاث .. عقبال الجميع .... ما تخافوا يا شباب أنا بهظر ساي ... وبعدين انا ذاتي دعوتي ما مقبولة ... كده كيف ....

والله اللحظة دي لو صادفت لحظة قبول الدعاء ... امانة ما إتمقلبتوا ... بس شايف في نفرين كده قاعدين يقولوا آمين ... واحد فيهم قال للتاني في واحد من البوستات تعال أديني أضانك عندي ليك كلام سر ... أكيد الكلام السر ده بتاع عرس .. كما لا يفوت علي فطنة القراء ...

Post: #22
Title: Re: صور نادي الشرطة
Author: زهير الزناتي
Date: 01-03-2010, 08:24 PM
Parent: #21

m.JPG Hosting at Sudaneseonline.com


من اليمين : محمد الهادي ... حبيب الله كدام (وقوفاً بالجلباب) عمر بسكو جلوساً الهادي كتير وقوفاً . معاوية يحيي بالنضارات

Post: #26
Title: Re: صور نادي الشرطة
Author: الرشيد بابكر
Date: 01-03-2010, 08:37 PM
Parent: #22

Quote: شفت الأولاد ديل مؤدبين كيف .


أدب شديد...مالم الجماعة ديل ...كانو جعانين و السلات اتأخر عليهم و لا شنو....

Post: #23
Title: Re: صور نادي الشرطة
Author: زهير الزناتي
Date: 01-03-2010, 08:26 PM
Parent: #21

o1.JPG Hosting at Sudaneseonline.com



طارق النور (شبيه الرشيد)
بشير علي العبيد

Post: #24
Title: Re: صور نادي الشرطة
Author: زهير الزناتي
Date: 01-03-2010, 08:32 PM
Parent: #23

n1.JPG Hosting at Sudaneseonline.com

Post: #29
Title: Re: صور نادي الشرطة
Author: عبد القادر بابكر
Date: 01-03-2010, 08:44 PM
Parent: #24

أبو الزهور يا جميل ..
ماشاء الله صور روووعة ...
ابراهيم يوسف هباني ومعه الأخت الفاضلة الزميلة إقبال بشير
وجوه لم نسعد بطلتها منذ سنين الجامعة ..

وبعدين معاوية يحي ده متين عمل ليهو جلابية وعمة ؟؟؟؟

Post: #25
Title: Re: صور نادي الشرطة
Author: زهير الزناتي
Date: 01-03-2010, 08:34 PM
Parent: #23

p.JPG Hosting at Sudaneseonline.com




صلاح الأمين .... معاوية يحيي

Post: #27
Title: Re: صور نادي الشرطة
Author: زهير الزناتي
Date: 01-03-2010, 08:39 PM
Parent: #25

r.JPG Hosting at Sudaneseonline.com


أسامة خضر ..... حاتم ... نادر فاروق

Post: #30
Title: Re: صور نادي الشرطة
Author: طارق جبريل
Date: 01-03-2010, 08:45 PM
Parent: #27

غايتو استايل حاتم جبارة طمني علي الخنفس حقي

Post: #31
Title: Re: صور نادي الشرطة
Author: زهير الزناتي
Date: 01-03-2010, 08:45 PM
Parent: #27

t.JPG Hosting at Sudaneseonline.com

Post: #32
Title: Re: صور نادي الشرطة
Author: زهير الزناتي
Date: 01-03-2010, 08:46 PM
Parent: #27

u.JPG Hosting at Sudaneseonline.com



حاتم جبارة ... وعناق حار بين بسكو .. وصلاح الأمين

Post: #28
Title: Re: صور نادي الشرطة
Author: زهير الزناتي
Date: 01-03-2010, 08:42 PM
Parent: #25

s.JPG Hosting at Sudaneseonline.com


خلط زقازيقي ......

Post: #33
Title: Re: صور نادي الشرطة
Author: زهير الزناتي
Date: 01-03-2010, 08:49 PM
Parent: #28

يا قدورة والله معاوية يحيي ده الوقار العلمي العنده يذكرني ليك البروفات الكبار ديلك .. بس البلد ضيقه

Post: #34
Title: Re: صور نادي الشرطة
Author: زهير الزناتي
Date: 01-03-2010, 08:50 PM
Parent: #28

يا جبريلا قلت ليك .... صاحبني أحسن ليك .... عشان تآمن جانبي علي الأقل في المرحلة الحساسة من تاريخ الوطن ... والمنعطف التاريخي الذي تمر به الحركة الطلابية ... بالله تذكر الجملة الكاركتيرية دي في بيانات التنظيمات السياسية ... ما في بيان يخلو من هذه العبارة ... المنعطف التاريخي ... حركة الجن دي أصلوا ما لقت ليها منطعف قلبها ...

Post: #35
Title: Re: صور نادي الشرطة
Author: زهير الزناتي
Date: 01-03-2010, 08:54 PM
Parent: #34

اها يا شباب بكره نتم الصور الجميلة .... تصبحوا علي خير

Post: #36
Title: Re: صور نادي الشرطة
Author: كمال الشادي
Date: 01-03-2010, 09:06 PM
Parent: #35

امانة ما جيت يا زهير
ده شنو ده
Quote: يا شادي القوم ... حبابك ... محمد الفاضل لديه من النساء ثلاث .. عقبال الجميع .... ما تخافوا يا شباب أنا بهظر ساي ... وبعدين انا ذاتي دعوتي ما مقبولة ... كده كيف ....


بقت ما مقبولة هسي دعوتك
اها يا رب دعوتك تصادف كل ابواب السما مفتوحة
وتقبل دعوتك ليك ولي وأوقول ليك حاجة وجمال فارح معانا إنشاء الله ماحد حوش

إنت خايف مالك تدعو الدعوة وتقعد تتلتف
ادعو في سرك اكان خايف
والله عالم جبانات بشكل
إنت ما بتعرف إنو ربنا بيسمع مناجاة العبد وأنينو وعذابو وأهاتو
وكلو ربنا سمعو
نسأل الله الاجابة
نسأل الله الاجابة
نسأل الله الاجابة

Post: #37
Title: Re: صور نادي الشرطة
Author: ميسرة سيد أحمد
Date: 01-03-2010, 10:23 PM
Parent: #35

يا سلام على صور نادي الشرطة

صور كان فيها ناس من الزمن الجميل

على سبيل المثال ، هباني ، محمد الفاضل ، بشير على العبيد

مصطفى عجب سيدو ، محمد الهادي ، عماد شريف ، إقبال بشير ، شاويش ،صديق الصادق

الهادي كتير ، شبيه الرشيد .

حاجة تعجب شديد والأكثر إثارة حضور رجل الزقازيق الأول إبراهيم هباني - أنا جيت برلوم كان هو رئيس الأتحاد- فرصة

محمد الفاضل وده حكايته حكاية مالك يا ود الفاضل الحاصل شنو زي ما قال كمال الشادي إتلحست كده مالك ده كله علشان

تآمنو وتخلوا العرس الكتير ده ما قلنا ليكم ما تسمعوا كلام زهير الزناتي ده ، - محمد الفاضل يا ناس كان راجل صديقنا

وعزيز علينا شديد ، أذكر أيام زواجنا عمل لينا ود الفاضل عزومة عشاء في مكان راقي على النيل وكان ينصحني أمام منى ونحن

في شهر العسل بأن أفكر في الزوجه الثانية وقعد يسرح ويوصف فوائد وإيجابيات الزوجة الثانية ومنى يونس تطالع فيهو بإستغراب شديد

وصاحبكم سرحان في الوصف وكان في لحظات تجلي، يعني يا ود الفاضل كان سمعت نصيحتكم ديك كان طلعت في خبر كان.

Post: #38
Title: Re: صور نادي الشرطة
Author: زهير الزناتي
Date: 01-04-2010, 07:17 AM
Parent: #37

يا شادي يا حبيب ....

إنتو الزول أصلوا ما يهزر معاكم ... وبعدين يا جماعة في ناس من المعارضة بيقروا معانا البوستات دي ... يعني لازم تحرجونا ... انا علي نفسي ضد التعدد مبدءأ وأحاربه محاربة سيدنا علي للكفار ... وحتي بالأمارة أسألوا أصدقائي البادي النور ومصطفي عجب سيدو ...

Post: #39
Title: Re: صور نادي الشرطة
Author: زهير الزناتي
Date: 01-04-2010, 07:20 AM
Parent: #37

با ريس إنت راجل ملك والله .... وزي كده تمشي تحت الحيط ... لكن ناس كمال الشادي والمرجفون في المدينة ماعايزين يخلونا في حالنا ... رغم نحن الإثنين ... طالعين من بيت تعددي ... ونؤمن بالتعددية السياسية (وركز معاي يا ريس في حتة سياسية دي) ومعانا أخونا الكاشف رشيد القوم ... إلا إننا ضد التعددية في الزواج ... لكن يا ريس سؤال علي جنبه ... هل للضرورة أحكام ... أحب الجبنة ذاتو رغم إنه عندي ضغط ....

يا جماعة ما شفتوا لي الكوتش ....

Post: #40
Title: Re: صور نادي الشرطة
Author: زهير الزناتي
Date: 01-04-2010, 07:24 AM
Parent: #37

aa1.JPG Hosting at Sudaneseonline.com



ناس العقد ...

Post: #41
Title: Re: صور نادي الشرطة
Author: زهير الزناتي
Date: 01-04-2010, 07:25 AM
Parent: #37

ab.JPG Hosting at Sudaneseonline.com



حبيب الله كدام

Post: #62
Title: Re: صور نادي الشرطة
Author: مجتبي فاروق
Date: 01-04-2010, 12:03 PM
Parent: #41

زيزو كويس انك نزلت صورة مواجهة لكدام عشان البقابلو بعد كدا يعرفوا احنا اليوم داك كنا كلنا فى حالة ذهول سبحان الله الناس اشكلا بتتغير وزهير الزناتى نضف ولبس بدلة كمان

Post: #42
Title: Re: صور نادي الشرطة
Author: زهير الزناتي
Date: 01-04-2010, 07:27 AM
Parent: #37

ac.JPG Hosting at Sudaneseonline.com



حينما خرجت من الغرفة أرتدي هذه البدلة ... كان تعليق ميار : وجيييييه لكن . اها ما عايزين أي تعليقات من الحاقدين والمرجفين في المدينة ....

Post: #43
Title: Re: صور نادي الشرطة
Author: زهير الزناتي
Date: 01-04-2010, 07:31 AM
Parent: #42

ad.JPG Hosting at Sudaneseonline.com



لاحظت شرف الدين لاعب معاي باك الحفلة كلها ... ويبدو إنه المسأله مقصودة ... وانا أصلاً من بدري الزول ده ما قاعد أحبه لأنه مقرب من المعارضة .... وهو أيضا من المرجفين في المدينة ...

Post: #46
Title: Re: صور نادي الشرطة
Author: كمال الشادي
Date: 01-04-2010, 07:47 AM
Parent: #43

زهير صباح الخير
على فكرة انا مع البت ميار انت عارفني من زمان انا بحبها جدا
في حكاية البدلة ووجييييييييييييه
طبعا وجيه في البدلة يا تعددي !!!


صاحبك جمال فارح
اتصل علي تلفون رائع من يومين
حاجة بتاعة ساعة ونص كده
خليهو يخلل الكلام القلانهو
وبعدين يجي يكتب
انا ما داير اسبقو واكتب قبليهو

الصور رائعة جدا
الحاجة التحزن في الصور أننا كبرنا
الناس رغم شوق السنين والاحضان
الا انو الحقيقية البتطلع من بين الصور أننا كبرنا

ملعون ابو الكبر ذاتو
والله انا ما كنت داير اكبر
لكن غصبا عني كبرت

بالله قول لي اعمل شنو يا ابشنب
بمناسبة اب شنب دي يا زهير
انا اعتقد وانا مؤمن بذلك
إنك لو حلقت شنبك راح تقع لا ورا زي ما قال طارق جبريل
لانو باين جدا انو شنبك متكلك لي قدام وعامل ليك توازن
ههههههههههههههههه

Post: #44
Title: Re: صور نادي الشرطة
Author: زهير الزناتي
Date: 01-04-2010, 07:36 AM
Parent: #42

ae.JPG Hosting at Sudaneseonline.com

Post: #45
Title: Re: صور نادي الشرطة
Author: عبد الدائم سيد أحمد
Date: 01-04-2010, 07:45 AM
Parent: #42



Post: #47
Title: Re: صور نادي الشرطة
Author: كمال الشادي
Date: 01-04-2010, 07:55 AM
Parent: #45

الاخ العزيز زهير
على موضوع التعددية
انا قصدي تعددية الزواج
مش التعددية السياسية
انت عارفني الشغلانة دي لا بحبها وهي بتحبني

يا أخي أحيانا آخدها من ناحية بالله لو حصل في شنو
واقعد افكر في اجمل النواحي الايجابية فيهو
تعرفي هي شنو إنك تلقى ليك واحدة شديدة
تخليك ما تفكر
لكن تقرر على طول
واحدة تشبه مثلا خلينا نقول باسكال مشعلاني
ما بتدبل ؟؟؟

والله مثلا حاجة من ريحة ليلى علوي مثلا

والله الواحد بيفكر ساعتها
واقول ليك
احسن حاجة تعملها تستخير

وطبعا نتيجة الاستخارة في موضوع زي ده معروفة

لكن ازا الواحد بيتزوج اتنين وثلاثة وبعدين بيتزعمط زي ود الفاضل
خلينا كده احسن

Post: #48
Title: Re: صور نادي الشرطة
Author: محمد عيد
Date: 01-04-2010, 08:26 AM
Parent: #47

الشادى وميسرة وزهير ..

انتو يا اخوانا مستغربين فى محمد الفاضل ..!! والله كبر ..!! واتزعمط ..!!

وما عارف شنو ..؟!

انتو قيلنا نوبة ولا شنو ؟؟ التقول محمد الفاضل ده فى الزقازيق كان الان ديلون ؟!!

انتو نسيتوا ..

ود الفاضل ده فى الزقازيق كان صلعتو اكبر من حقة حاتم جباره الهســه دى ؟!

الزول ده يا اخوانا لمن اتولد كان فى سن البلوغ ..!!

اها عاد كيفن يعنى ما يعرس تلاتة واربعة ..!!

زول محنك وخبرة تمام .. الزول ده يا ربى يكون صاحب عمنا المرحوم سيداحمد ابو الريس ؟؟ّ!

************

والله يا زهير من أجمل الشخصيات التى ظهرت فى الصور هو محمد الفاضل ...

هذا الشخص الدياليكتيكى والرومانتيكى والاستنفسياليكى الرهيب ( ومافى زول يطلب تفسير )

حقيقة كان هو مفاجأة حفلكم ..

بالله يا زهير نزل لينا تلفونو ... الزول ده رايحه لى ونسة طويلة معاهو

Post: #50
Title: Re: صور نادي الشرطة
Author: زهير الزناتي
Date: 01-04-2010, 08:41 AM
Parent: #48

كمال الشادي .....

البوست ده في معارضة بتقراها ... ولن أصرح أكثر من ذلك ،، خاصة أن مليص الأضان في البرد حار ... والكفيت بيصن الأضنين ... وانا زول عندي ضغط ... وإضنيني أصلهم صانات ...

Post: #54
Title: Re: صور نادي الشرطة
Author: جلال عثمان
Date: 01-04-2010, 09:07 AM
Parent: #48

ياسلام يازهير صور جميلة والله وفي ناس كتار الواحد كان نفسو يشوفهم (اسفيريا على الاقل)
كتر خيرك والله
بس العجبني اكتر من الصور الحوار "المغطقت - من بطانية" بينك والشادي حول التعددية والتعددية السياسية
وربطت الموضوع بكلام كدة قريتو ليك وين ماعارف بحكاية المنعطف الخطير الذي تمر به التعددية قصدي الحركة الطلابية ووصفك لهذه الجملة بأنها كاركتير. وحيث اننا نمر الان "برتابة" نحو مرحلة تحول ديمقراطي "افهمنى" وقع لي كلامكم دا في جرح وبديت افكر فيه بأتجاه تكوين حزب جديد نخوض به هذا المنعطف الخطر.
المهم ولمزيد من النقاش حول الموضوع وفي ظل الغياب التام للمعارضة (انا على الاقل) هذه دعوة لتكوين مثل هذا الكيان الاصيل وديدننا وهادينا في ذلك تلك الرموز الخالدة التي مهدت لهذه العراقة واعني بذلك اعمامنا رحمةالله على من انتقل منهم للدار الآخرة وطولة العمر لمن هم بظهرانينا الاعمام (سيداحمد والد الريس) (وعمنا محمد عثمان الزناتي والد زهير) (وعمنا اسماعيل والد احمد)

-----
ولا نصير لانصار المعارضة ناس جلا ومن لف لفهم


(جلال مركب مكنة تعددية - قصدي تحررية)























--------
بالجنبة: زهير عليك الله ماتخلي المعارضة بتاعتك تقراء الكلام ده
حفاظا على سرية العمل النضالي

Post: #49
Title: Re: صور نادي الشرطة
Author: ميسرة سيد أحمد
Date: 01-04-2010, 08:41 AM
Parent: #47

Quote: واقعد افكر في اجمل النواحي الايجابية فيهو
تعرفي هي شنو إنك تلقى ليك واحدة شديدة
تخليك ما تفكر
لكن تقرر على طول
واحدة تشبه مثلا خلينا نقول باسكال مشعلاني
ما بتدبل ؟؟؟

والله مثلا حاجة من ريحة ليلى علوي مثلا


يا شادي ياخي زهير ده بيهظر ساكت

إنت أخدت الموضوع بالجد وقاعد تحرش فيهو

والله تنط ليك إبتهاج هسى وبتلحقك ود الفاضل وأنحنا

كلنا بنتضامن معاها ،،،، آل ليلى علوي البقرة آل

وخلي بالك لمن كنا عند سامية وإتصلت على قيس جمال الدين

وقالت ليهو هاك كلم دي - المقود منى يونس - قال ليها منو قالت زوجة

عادل الجعلي الجديدة قال ليها ده كلام شنو والله أنا أجي أكتلوا ليك هسع

يا خي الموضوع فيهو موت وكتل وحاجات زي دي .

Post: #51
Title: Re: صور نادي الشرطة
Author: زهير الزناتي
Date: 01-04-2010, 08:45 AM
Parent: #49

يا عيد برسل ليك تلفون محمد الفاضل ... بس وريني الصور وصلت ولا لسه ...

Post: #52
Title: Re: صور نادي الشرطة
Author: زهير الزناتي
Date: 01-04-2010, 08:46 AM
Parent: #49

يا ريس ميسرة الجماعة هنا بقيادة خالدة قسم الباري محضرين الصبغة .... تقول لي عرس تاني ... شفت كمال الشادي عايز يدخلني في كمين وانا عمري كله بعمل في الكمائن للرشيد المسكين داك ....

Post: #55
Title: Re: صور نادي الشرطة
Author: محمد عيد
Date: 01-04-2010, 09:26 AM
Parent: #52

Quote: يا عيد برسل ليك تلفون محمد الفاضل ... بس وريني الصور وصلت ولا لسه ...


مشكور يا حبيب ..

وصلت وجارى اعداد وارسال التقرير للجهة التى طلبت فى ايميلك ..!!!!

Post: #56
Title: Re: صور نادي الشرطة
Author: زهير الزناتي
Date: 01-04-2010, 09:33 AM
Parent: #52

يا ابو الجل سلامات ...
انا زول بعمل كمائن من زمان ... يعني زي كمينك ده ما بيمشي فيني ... خاصة وإنت حليف قديم وراسخ للمعارضة بتاعتنا ... ونظام الدردقة لكشف الخطط والرؤي المستقبلية للمنعطفات الخطيرة .... ما بنفتوا .. يسمكم ... أمشي يا زول أعمل تحالفاتك دي بعيد ... مع ناس كمال الشادي وبقية المرجفين ... ونحن سياستنا المعلنة .,,, واضحة نعم للتعددية في كل شئ ... إلا في هذا الموضوع ... اما عن السياسات السرية ... فدي أسرار عليا لا يطلع عليها إلا الحلفاء ... الذين لا تحوم حولهم شبهات إنهم غواصات ... بعدين ما تنوم قفا كده ... وتفت آخرك ... وحات سيدي الحسن ... المرجفون ديل يشيلوا الكلام إبره في خيط ويودهوا للجماعة .... وبعدين انا بهظر وما كنت قاصد ما بتحل من الكفيت ومليص الإضنين في البرد ده ....

Post: #57
Title: Re: صور نادي الشرطة
Author: زهير الزناتي
Date: 01-04-2010, 09:36 AM
Parent: #52

يا عبد الدائم شكراً علي الأغنية الجميلة ... وكعهدك دائماً ... تبحث عن الدرر ...


وعليك الله كتر لينا من عثمان مصطفي دا ... (دي علي طريقة واحد صاحبي بعرفوا براي)


علي جنبة :

مشتاقين ..

Post: #58
Title: Re: صور نادي الشرطة
Author: زهير الزناتي
Date: 01-04-2010, 09:53 AM
Parent: #57

يا بكري ... فتشت مداخلتك لقيتها بعد تعب .... أما التعليق فهو متروك لأصحاب الشأن ... قلنا ليكم يا جماعة نحن الكمائن دي ما تنفع معانا (اها انا الليلة عندي جن إسمه الكمين)

Post: #59
Title: Re: صور نادي الشرطة
Author: جلال عثمان
Date: 01-04-2010, 10:44 AM
Parent: #58

والله يازهير لقيتك شفت شفتنة
غايتو دي مرقت منها والليلة غداك بكون مكرب عرفاناً لاستراتيجيكم المعلنة
غايتو فقدنا كادر ماساهل ابداً

نقوم نطرح لي ناس تانيين

يلا علينا جاي

Post: #60
Title: Re: صور نادي الشرطة
Author: كمال الشادي
Date: 01-04-2010, 11:13 AM
Parent: #58

يا محمد عيد
الله يجازيك
لي زمن طويل ما ضحكت كده
آخر مرة ضحكت ضحكة زي كانت أيام مربا فجوركي بتاعة عبد الدائم وحكاية السني مع الدناقلة الوهم !!

عارف يا محمد عيد
ود الفاضل فعلا كان اكبر من الدفعة الجاي معاها وكل الدفعات الكانت في الزقازيق
والراجل فعلا إتزعمط لكن هل الزعمطة هي من فعل الزواج أم من فعل الزمن أم من فعل الكفيت البين الاضنين بتاع زهير الله اعلم

بس بصراحة يا أخي الراجل كان مداقرنا انا وأخوي الكاشف ميسرة خصوصا انو الراجل كان متخصص في البرلومات
وكان عندو مغربات وبرامج إنتخابية محترمة
وعارف من اين تؤكل الكتف
صحيح ما كان الن ديلون ولا كاظم الساهر ولا حتى عماد شريف
لكن كان مسجل حضور دائم في بيوت الطالبات
عامل زي حضور محمد صديق كلما يكتب مداخلة يقول ليك نظام متاوقة وبمشي وبجيكم

اما ثلاث زوجات فالرجل يا محمد عيد يستحق فيها لرفع القبعة وكل القبعات المدخرة للزمن الجميل القادم
فما قام به الحاج متولي محمد الفاضل عمل بطولي

طبعا في ثوابت في الحياة بالنسبة للواحدة او الاربعة أو العشرة
واهمها وانا هنا سيريس يا محمد عيد
مسألة تغطية نفقات الحياة

فالحديث الشريف واضح ( بالنسبة للاولي لاحظ - من إستطاع منكم الباءة فاليتزوج )
طبعا الباءة المادية لناس كتيرة في السودان الحالي على شاكلة ود الفاضل لا تمثل تهديدا للحياة !!!!

فلو رفعنا شعار نعم للتعدية في ظل عدم الخوف من تغطية النفقات المادية
أو في ظل وجود ( ثالث ) يدفع تلك النفقات )
على الطلاق في مليون واحد معانا في البوست راح يدبلو ويتلتو ويربعوا
ويا زهير لو ما سمعت اسمع ....
باسكال مشعلاني تستحق الكفوف وجرير الاضنين
وليلى علوي تستاهل الشباشب وخصوصا الناشفة منها في نص الراس

بشرط
وجود طرف ( ثالث !! ) يدفع عنك الباءة المالية

هههههههههههههههههههههههههههه






Quote:
Quote: الشادى وميسرة وزهير ..

انتو يا اخوانا مستغربين فى محمد الفاضل ..!! والله كبر ..!! واتزعمط ..!!

وما عارف شنو ..؟!

انتو قيلنا نوبة ولا شنو ؟؟ التقول محمد الفاضل ده فى الزقازيق كان الان ديلون ؟!!

انتو نسيتوا ..

ود الفاضل ده فى الزقازيق كان صلعتو اكبر من حقة حاتم جباره الهســه دى ؟!

الزول ده يا اخوانا لمن اتولد كان فى سن البلوغ ..!!

اها عاد كيفن يعنى ما يعرس تلاتة واربعة ..!!

زول محنك وخبرة تمام .. الزول ده يا ربى يكون صاحب عمنا المرحوم سيداحمد ابو الريس ؟؟ّ!

************

والله يا زهير من أجمل الشخصيات التى ظهرت فى الصور هو محمد الفاضل ...

هذا الشخص الدياليكتيكى والرومانتيكى والاستنفسياليكى الرهيب ( ومافى زول يطلب تفسير )

حقيقة كان هو مفاجأة حفلكم ..

بالله يا زهير نزل لينا تلفونو ... الزول ده رايحه لى ونسة طويلة معاهو

Post: #61
Title: Re: صور نادي الشرطة
Author: طارق جبريل
Date: 01-04-2010, 11:25 AM
Parent: #60

انتو ود الشادي دة ماله يهاتي بالعرس كدة زي الطشمنجي المفطوم من العرقي

Post: #63
Title: Re: صور نادي الشرطة
Author: الرشيد بابكر
Date: 01-04-2010, 12:10 PM
Parent: #61



أبو الزوز ...قيافة و فايت الناس مسافة......خلي بكري يجي يقول محلبية....

تليشة:
انت محمد عيد قال منو الان ديلون....كان انت كلامو صاح...

Post: #65
Title: Re: صور نادي الشرطة
Author: محمد عيد
Date: 01-04-2010, 12:52 PM
Parent: #63


Quote: انتو ود الشادي دة ماله يهاتي بالعرس كدة زي الطشمنجي المفطوم من العرقي


والله يا جبريلا لكن تمثيلك رهيييب

ياخى ضحكت لامن داير اقع من الكرسى

بس ربك حميد الكرش التقيلة عملت بلانص لى قدام ..!!

&&&&&&&&&&&&&&&

Quote: انت محمد عيد قال منو الان ديلون....كان انت كلامو صاح...


فاتن حمامة رووووق ..!

بالمناسبة الليلة القعده وين ؟؟

عندك ولا عند الكوتش ؟

دايرك تحنس معاى طارق جبريل ده يجى علينا بعدين

Post: #66
Title: Re: صور نادي الشرطة
Author: مني يونس
Date: 01-04-2010, 01:09 PM
Parent: #65

صور جميلة وروعة وناس طولنامن
شوفتهم يا سلام عليك يا زهير الله يبارك فيك

أوصيك وصية!!
أنسى كلام أخوك كمال الشادي ده وأفهم كلام ميسرة

Post: #67
Title: Re: صور نادي الشرطة
Author: مشاعر بدوي
Date: 01-04-2010, 04:10 PM
Parent: #66

عزيزنا الزناتى

مساء الخير
اللمة مباااااالغة ، وانا حسى ممغوسه عشان ما حضرت ، لكن الجايات اكتر من الرايحات
واللة يا الزناتى كله كوم والبدلة كوم ، يعنى 10 من 10

Post: #68
Title: Re: صور نادي الشرطة
Author: كمال الشادي
Date: 01-04-2010, 06:42 PM
Parent: #67

والله يا طارق جبريل
رغم الضحك الداير يشرطني عديييييييييل
Quote: زي الطشمنجي المفطوم من العرقي

الا إنها فرقت معاي
وخليك عارف
انا لابت ليك
أوعي تديني فيك فرصة
اوعى

Post: #69
Title: Re: صور نادي الشرطة
Author: أبوبكر حامد الأمين
Date: 01-04-2010, 09:23 PM
Parent: #68

Quote:
انتو يا اخوانا مستغربين فى محمد الفاضل ..!! والله كبر ..!! واتزعمط ..!!

وما عارف شنو ..؟!

انتو قيلنا نوبة ولا شنو ؟؟ التقول محمد الفاضل ده فى الزقازيق كان الان ديلون ؟!!

انتو نسيتوا ..

ود الفاضل ده فى الزقازيق كان صلعتو اكبر من حقة حاتم جباره الهســه دى ؟!

الزول ده يا اخوانا لمن اتولد كان فى سن البلوغ ..!!

اها عاد كيفن يعنى ما يعرس تلاتة واربعة ..!!

زول محنك وخبرة تمام .. الزول ده يا ربى يكون صاحب عمنا المرحوم سيداحمد ابو الريس


يا محمد عيد والله أحييك وأحيى أبو السخرية ذاتو ، وصدقت فى حتّة إنو محمد الفاضل ده من يومو كبير ، يعنى حكاية إتزعمط دى تتقال لى حمدى الفضلى ، لى هانى برعى ، لى محيى الدين عبدالستار ، لى منصور "دى وحات الله من ورا قلبى حبيت أضمو للتشكيلة الراقية دى" ، وبعدين يا يابا إتزعمط حاتم جبارة الشفناهو رابط بانداتو الما خمج بينما أنا شخصياً شفت محمد الفاضل بى صلعتو المميزة والتى ساعدت فى تعيينه مدير لمنتزه المقرن عقب تخرجه مباشرةً ، ومنتزه المقرن على أيامو كان أحد المعالم التى لاتكتمل زيارتنا للخرطوم دون زيارته لنعود لمدنى ونحكى عنه ونكمل بعض الحكو من الخيال ، يعنى بى إختصار ونسبةً لمكانة منتزه المقرن ما أظن إعينوا ليهو مدير صغير فى السن ، وأغلب الظن أنه يشترط فى من يتقلد هذا المنصب أن يكون عمره أكبر من عمر المنتزه وبالتالى لم يتسن له اللهو داخله.

Post: #70
Title: Re: صور نادي الشرطة
Author: كمال الشادي
Date: 01-04-2010, 09:37 PM
Parent: #69

أخخخخخخخخخخخخخخخخخخخخخخ
يا أخي عورتنا
إنت عميان والله شنو
ما تفتح يا أخي

الاخ العزيز ابوبكر
شوتك ضفاري عدييييييييييييييييييييييل
Quote: بينما أنا شخصياً شفت محمد الفاضل بى صلعتو المميزة والتى ساعدت فى تعيينه مدير لمنتزه المقرن عقب تخرجه مباشرةً ، ومنتزه المقرن على أيامو كان أحد المعالم التى لاتكتمل زيارتنا للخرطوم دون زيارته لنعود لمدنى ونحكى عنه ونكمل بعض الحكو من الخيال ، يعنى بى إختصار ونسبةً لمكانة منتزه المقرن ما أظن إعينوا ليهو مدير صغير فى السن ، وأغلب الظن أنه يشترط فى من يتقلد هذا المنصب أن يكون عمره أكبر من عمر المنتزه وبالتالى لم يتسن له اللهو داخله.


شفت الاقتباس ده شديد كيف يا فرده

Post: #71
Title: Re: صور نادي الشرطة
Author: كمال الشادي
Date: 01-04-2010, 09:59 PM
Parent: #70

العزيز ابوبكر

يا أخي أنا جهزت ليك ود الفاضل لي محمد عيد قام شات غلط وقعد يتريق علي مع طارق جبريل لغاية ما ضربت ليهو وقلت ليهو انت فهمت غلط

هاك الباص ده وعايزك تردو حلو نظام ون تو
Quote: (1) فلو رفعنا شعار نعم للتعدية في ظل عدم الخوف من تغطية النفقات المادية
أو في ظل وجود ( ثالث ) ( يدفع تلك النفقات )


(2) بشرط وجود طرف ( ثالث !! ) يدفع عنك الباءة المالية

ابوبكر الشباب الوهم ديل ماعرفو انا بقصد منو بالطرف الثالث
اوعى تخزلني !!!

Post: #72
Title: Re: صور نادي الشرطة
Author: Hatim Gubara
Date: 01-04-2010, 10:07 PM
Parent: #71

ياوليدات عيد والمأذون وجبرين..
شغلكم نضيف.. كيفتوني..

يا بكوري لو عارف مستقبلي كدا..
كان افتريت اكتر..
ولبست الحجل..
ويمكن حلق كمان..
يا وهم..

أبوالزوز.. متألق زي موسي عيسي في البوست البره..

يا توته.. كان يوم ولا الأحلام..

Post: #73
Title: Re: صور نادي الشرطة
Author: كمال الشادي
Date: 01-04-2010, 10:17 PM
Parent: #72

يا حاتم جبارة
سلامات
معليش عشان اعرف احرق معاك من هنا وغادي
صورتك الخاتيها في البروفايل دي
كلما اقول اكتب ليك والله ارد عليك توقفني
اذا ما فهمتها
حا اتعب شديييييييييييييييييييييييييييد اذا استمر الوضع معاي كده .. يعني واحد ما فاهم
ارجوك فهمني

دي منو
ولي شنو
وكيف
ومتي
وليه
وكل الاسئلة من عندي والاجابات من عندك

Post: #74
Title: Re: صور نادي الشرطة
Author: كمال الشادي
Date: 01-04-2010, 10:46 PM
Parent: #73

الاخ ابوبكر
تحية وإحترام بصفتك أستاذي
ممكن تكمل جميلك
عايزك تشرح لي بهدوء وخطوة خطوة
اشرح ليك كيف اخت صورة في البروفايل
لان شرح بكري ابوبكر ما فهمتو
وشرحك ممتاز يا استاذ ابوبكر
انا في انتظارك

Post: #75
Title: Re: صور نادي الشرطة
Author: طارق جبريل
Date: 01-04-2010, 10:55 PM
Parent: #74

ود الشادي يا لفيف
الله يقلعك زمان كنت راسي والجكس فيك زي الضبان
هسي مالها مكنتك خفت كدي

بروفايل حاتم جبارة دة
والدتنا الراحلة احسان ام حاتم ايام الصبا
الله يرحمها كانت زولة ما ساهلة كله كله



تليشة:
قلتلي لابدلي
تلقاها عند الغافل يابا

Post: #76
Title: Re: صور نادي الشرطة
Author: Hatim Gubara
Date: 01-04-2010, 11:11 PM
Parent: #75

الشادي يا عسل..
الصوره كان عجبتك.. بنتي ساره الخالق الناطق..
جهز ليهاعريس من اولادك..

جبريلا.. خفتك دي ما داير تخليها?
هسي الشادي سألك..

Post: #77
Title: Re: صور نادي الشرطة
Author: أحمد إسماعيل
Date: 01-05-2010, 08:01 AM
Parent: #76

ياسلاآآآم يازهير وكل من إجتهد معاك

والله لمـة زينة وعجباني

وشادينا دة ماشآء الله عنده طاقات كامنة وإبداعات كثيرة

لامين وتامين وربنا مايحرمنا من ناس حلوين زي دة

Post: #78
Title: Re: صور نادي الشرطة
Author: كمال الشادي
Date: 01-05-2010, 08:08 AM
Parent: #76

يا حاتم جبارة
الحمد آلاف الشكر آلاف
ما لك يا زول عايز تورطني معاك
هو انا خلصت من شقي الحال اللسمو طارق جبريل لمن تطلع لي انت

الحمد لله الذي جعل بيننا ناساً خفافاً ( رأيك شنو في التنوين ده ) يا حاتم
والخفيف هنا مقصود بيهو اب رويسا زي قدح الملاح الفاضي ده
الولد المسنوح اللافي في البنادر مع ناس أمير المؤمنين

كده يا حاتم بعد ما عرفت الصورة وكنت عايز تسرح بي
كده الواحد يعرف يتعامل معاك ويحرق مزبوط

ويا جبريلا أخوك لسه راسي وتقيل وحاتك
بس الجكس زي الضبان دي إنتهت بس لانو معاي
ام كريم شايلا مقشة كبيرة بتنهر بيها الضبان من حولي !!! هههههه
ومكنتي ماخفت ولا حاجة
هو العرس كعب والله شنو
طبعا الحتة دي إنت بتفتي فيها بي راحتك لانو زوجتك ما بتفهم كلام السودانيين
لكن ليك على انا زوجتي اصولها مغربية
اترجم وارسل لي مرتك رأيك شنو
يا الله دق صدرك وقول لي
انت معانا والله مع الحكومة في مسالة التعددية دي ؟

Post: #79
Title: Re: صور نادي الشرطة
Author: كمال الشادي
Date: 01-05-2010, 08:49 AM
Parent: #78

الكريم بن الكريم احمد اسماعيل
تحية واحترام
إنحناءة ورفع القبعة لكم

انا يا زول عامل ليك ملف خاص في سطح المكتب عندي في الكمبوتير اسمو احمد اسماعيل
بعمل كوبي وبيست للحاجات الحولة اللي انت قاعد تكتبها
والله بتنشر حاجات رائعة الواحد بيستفيد منها كل الاستفادة
الله يديك العافية

على فكرة كنت بتكلم مع مجموعة من الاخوان
على فكرة لمة رائعة لناس الرياض مرة تانية
بس خلي منصور يرجع من السودان ونجتمع كلنا نتناقش تاني
رأيك شنو ؟

Post: #80
Title: Re: صور نادي الشرطة
Author: ياسر نجيلة
Date: 01-05-2010, 09:36 AM
Parent: #79

صور حلوة ...
وتعليقات ومحاورة بين اولادنا .... احلي ...
يعطيكم العافية ... مستمتعين



انتو "تعددية" يعني شنو ...


دقيقة يا ام أحمد ... جايك ...

Post: #81
Title: Re: صور نادي الشرطة
Author: كمال الشادي
Date: 01-05-2010, 11:43 AM
Parent: #80

الاستاذ المبجل ياسر نجيلة
تحية وإحتراما
كلمة " تعددية " تعني لغةً التعدي ولايقصد بها هنا التعدي في حقوق الغير
حيث يقول صاحب مختار الصحاح أنه يقصد بها التعدى أي اللحاق بالشيء أو الشخص ثم سبقانه
والتاة المربوطة في آخر الكلمة زائدة لزوم ما يلزم

وجاءت في رواة الشعر العربي القديم
تعدد من فات منا عديد
ماعداك يعد يامن تعددا

يا أخوانا الزول الاسمو يا سر نجيلة ده زول ضلالي ساكت
امبارح انصاص الليالي متصل على تلفون وبيسألني
" إنتو موضوع الميسار ده في السعودية وضعو معاكم شنو "
قمت إعتذرت منه
لاني ما بفهم في قطع الغيار الالمانية

Post: #82
Title: Re: صور نادي الشرطة
Author: كمال الشادي
Date: 01-05-2010, 11:43 AM
Parent: #80

الاستاذ المبجل ياسر نجيلة
تحية وإحتراما
كلمة " تعددية " تعني لغةً التعدي ولايقصد بها هنا التعدي في حقوق الغير
حيث يقول صاحب مختار الصحاح أنه يقصد بها التعدى أي اللحاق بالشيء أو الشخص ثم سبقانه
والتاة المربوطة في آخر الكلمة زائدة لزوم ما يلزم

وجاءت في رواة الشعر العربي القديم
تعدد من فات منا عديد
ماعداك يعد يامن تعددا

يا أخوانا الزول الاسمو يا سر نجيلة ده زول ضلالي ساكت
امبارح انصاص الليالي متصل على تلفون وبيسألني
" إنتو موضوع الميسار ده في السعودية وضعو معاكم شنو "
قمت إعتذرت منه
لاني ما بفهم في قطع الغيار الالمانية

Post: #83
Title: Re: صور نادي الشرطة
Author: كمال الشادي
Date: 01-05-2010, 12:01 PM
Parent: #82

خطأ مطبعي
انا اتذكر سألني ياسر نجيلة عن حاجة إسمها .. اسمها ... اسمها شنو يا ربي
ايوه المسيار

ولمن فتشت في الجوجل بالليل عرفت إنها كلمة في الاصل المانية
وهي ماركة قطع غيار وزي ما قلت ليكم انا ثقافتي في الاصل إيطالي

Post: #84
Title: Re: صور نادي الشرطة
Author: ياسر نجيلة
Date: 01-06-2010, 06:28 AM
Parent: #83

كمال الشادي يالذيذ ...

تعددية .... مثني وثلاث ورباع ... محمد الفاضل ... ابهات ميسرة وزهير الزناتي وطارق جبريل وأحمد اسماعيل ومن لف لفهم ... جلال عثمان: اننا نمر الان "برتابة" نحو مرحلة تحول ديمقراطي "افهمنى ... ويجي يختمها كمال الشادي يختها عديل "اسبيرات ألمانية" المسيار ...

اها يا أم أحمد ... انا من اليوم ده "مفارق" الكمبيوتر ... فراق الطريفي لجملو ... او كما قال زهير الزناتي: " الكفيت ومليص الإضنين في البرد ده ما بنقدر عليهو ..."

Post: #85
Title: Re: صور نادي الشرطة
Author: كمال الشادي
Date: 01-06-2010, 07:48 AM
Parent: #84

ياسر نجيلة الحلو
اسمع انا إقتكرتك من حزب ناس ميسرة

لقيتك من حزبي انا وزهير
اصلو انا وزهير الزناتي من حزب ال
Quote: " الكفيت ومليص الإضنين في البرد ده ما بنقدر عليهو ..."

ما تسمع الكلام البنقول فيهو في النت ده

انا وزهير ومعانا اعضاء إشترطوا عدم ذكر اسمائهم بنعمل إجتماعاتنا في إحدى غرف البالتوك فيما يخص
حزب الكفيت ومليص الاضنين
امبارح بالليل زهير الزناتي اتصل على في امر هام وقالي
" أفو أفو يا كمال الشادي الزول ما طلع عضو ناشط صاحبك ياسر نجيلة ، سجلو وأديهو عضو مجلس إدارة "

Post: #86
Title: Re: صور نادي الشرطة
Author: أحمد إسماعيل
Date: 01-06-2010, 09:13 AM
Parent: #85

يانجيلةوالشادي وزهير
الموضوع البتتكلموا فيه شيق
وذلك لأن (كل الممنوع مرغوب) حتى
إذا كان المانع بت الشيخ

علشان نواصل نعمل زي جلا 00 أقصد الثعلب

يقال ان الثعلب في جو برد قارس وجد ليه

كوم بتاع ملابس قام إختار قميص مقدد ولبسه

ليقيه من البرد وترك الملابس السليمة فسألوه
ليش إخترت هذا القميص المقدد؟

قال ( هذا قميص الرجال البيحمل الدبار لو زروك بجاي تطلع بجاي)
كما قال أخونا طيب الذكر (اي زول مامع التعددية عنده فيه راي)
وكت زروه إستخدم مخرج كبير وإتخارج.

والتصريف جوزو خنس

Post: #87
Title: Re: صور نادي الشرطة
Author: أحمد إسماعيل
Date: 01-06-2010, 04:18 PM
Parent: #86

ياشادي القوم

اللمة المزمعة لناس الرياض والله معاكم
قلبا وقالبا خاصة لمن تكون بدعوة من حضراتكم
بس ربنا يرجع لينا حبيبنا منصور بالسلامة
مليان بطيبة وفرحة الأهل بالوطن السوء الدان

Post: #88
Title: Re: صور نادي الشرطة
Author: كمال الشادي
Date: 01-06-2010, 05:07 PM
Parent: #87

الراجل الكلس احمد اسماعيل
تحية وحب
وبعد

حاجتين يمنعونا من مناقشة اي لمة لي ناس الزقازيق في الوقت الحالي
غياب زعيم الرياض منصور عبد الرازق

والحاجة التانية البرد المطلع عينا ده
يا أخي السنة دي البرد ده جا من وين
الله لا كسبو

Post: #89
Title: Re: صور نادي الشرطة
Author: حنان مجمر
Date: 01-07-2010, 03:24 AM
Parent: #88

سلامات يازهير كل سنه وانتوا طيبين
الصور ماتقول لي حاجه رهيبه عديل كدا والله شهيتونا نجي السودان ونعمل لمه زي دي لازم
وانت قاشر بالبدله كدا مع انك منظر كويس في موضوع محمد الفاضل دا لكن برضو تخوف هييييييييي يازهير ارجع زي زمان وكنت ماليك في البدل دي
ياميسره الحمدلله منى حدرت ليكم لوكان سمعت نصيحة محمد الفاضل كان ود الجعلي دا الا يجيبوا ليك في جده بريمان ماتقدر تصلها
محمد الفاضل بالمناسبه قريبي جدا ازنكم معاكم اقطعوا زي ماعايزين فيهو اصلو هو راجل روحه رياضيه ويحب الضحك والتعليقات والحياه ماخدها ببساطه تحياتي يابن الخال
عماد شريف والله زمان وين المقطوعات الموسيقيه الرهيبه وكيف العروسه وامها
والتحايا للكل والله سعدنا شديد بشوفتكم وربنا يجمعنا في ساعة خير ومزيدا من التواصل ان شاء الله

Post: #90
Title: Re: صور نادي الشرطة
Author: عفاف علي ميرغني
Date: 01-07-2010, 08:56 AM
Parent: #89

u1.jpg Hosting at Sudaneseonline.com


سجمي يا ود جبارة بقيت لمن صلعتك تولع نور 000 !!!!!!

قوام ترجع لي بانداتي الثلاتة !!!(( اتريك كنت قاشر سااااااي))

ولا عزاء للسيدات!!!!!



زهير يابدلة 00 اشوفك لبست ثياب التعددية !!!!!

صور في منتهى الروعة والجمال 000

Post: #91
Title: Re: صور نادي الشرطة
Author: ميسرة سيد أحمد
Date: 01-07-2010, 11:06 AM
Parent: #90

Quote: ياميسره الحمدلله منى حدرت ليكم لوكان سمعت نصيحة محمد الفاضل كان ود الجعلي دا الا يجيبوا ليك في جده بريمان ماتقدر تصلها


كلام صاح يا بت مجمر ،،، بس الحقيقية ود الفاضل

راجل حبوب شديد وفعلاً روحه رياضية وكنا نمازحه بأكثر

من ذلك وكانت البسمة لا تفارقه أبداً ويتقبل من كل شئ

وقد حافظ على صداقتنا معه لسنين طويلة ،،، الله يطراه بالخير

Post: #92
Title: Re: صور نادي الشرطة
Author: Hatim Gubara
Date: 01-07-2010, 02:08 PM
Parent: #91

Quote: سجمي يا ود جبارة بقيت لمن صلعتك تولع نور 000 !!!!!!

يا فافي النور الفوق دا هاله..
بيعكس الدواخل الرائعه..
عايني منور فوق شبكش برضو..
مشتاقين.. وين الحاج المركلس..

Post: #93
Title: Re: صور نادي الشرطة
Author: زهير الزناتي
Date: 01-07-2010, 08:30 PM
Parent: #92

Quote: انتو ود الشادي دة ماله يهاتي بالعرس كدة زي الطشمنجي المفطوم من العرقي


يا جبريلا .... أديكم الخبر اليقين ... انا عندي رخصة بتاعت دبل .... يعني لو عايز أعرس تاني دربي أخضر وسالك ... بس انا ما عايز إستخدم الرخصة دي ... يمكن مؤقتاً .... لكن لي قدام ما معروفه الظروف .... اها يجي راجل ويقول زي الكلام ده ....

Post: #94
Title: Re: صور نادي الشرطة
Author: زهير الزناتي
Date: 01-07-2010, 08:31 PM
Parent: #92

Quote: أبو الزوز ...قيافة و فايت الناس مسافة......خلي بكري يجي يقول محلبية....


يا رشدي صاحبك محمد المرتضي قال عايز باسويرد عشان ناس المحلبية ديل غايتو شد حيلك ... هو مروسكم إنت ، صلاح الأمين ، منصور ، زينب التجاني في المرحلة الأولي حسب خطته ... وقال عايز يعمل تحالف مع الشرامة في البوست حسب تعبيره .... جلا وبكري وآخرين لم يفصح عن أسماءهم ...

Post: #95
Title: Re: صور نادي الشرطة
Author: زهير الزناتي
Date: 01-07-2010, 08:32 PM
Parent: #92

Quote: صور جميلة وروعة وناس طولنامن
شوفتهم يا سلام عليك يا زهير الله يبارك فيك

أوصيك وصية!!
أنسى كلام أخوك كمال الشادي ده وأفهم كلام ميسرة


يا مني اليتيم ما بيوصوا علي البكا

Post: #96
Title: Re: صور نادي الشرطة
Author: زهير الزناتي
Date: 01-07-2010, 08:33 PM
Parent: #92

Quote: اللمة مباااااالغة ، وانا حسى ممغوسه عشان ما حضرت ، لكن الجايات اكتر من الرايحات
واللة يا الزناتى كله كوم والبدلة كوم ، يعنى 10 من 10


توته يا توتة ما خلصت الحدوتة .... الحواديت قادمات خليك قريبة ...

Post: #97
Title: Re: صور نادي الشرطة
Author: زهير الزناتي
Date: 01-07-2010, 08:34 PM
Parent: #92

Quote: ياسلاآآآم يازهير وكل من إجتهد معاك

والله لمـة زينة وعجباني

وشادينا دة ماشآء الله عنده طاقات كامنة وإبداعات كثيرة

لامين وتامين وربنا مايحرمنا من ناس حلوين زي دة


أحمد إسماعيل شدو حيلكم وأعملوا واحدة كاربة في الرياض بعد عودة منصور ...

Post: #98
Title: Re: صور نادي الشرطة
Author: Hatim Gubara
Date: 01-07-2010, 08:41 PM
Parent: #97

Quote: يا جبريلا .... أديكم الخبر اليقين ... انا عندي رخصة بتاعت دبل .... يعني لو عايز أعرس تاني دربي أخضر وسالك ... بس انا ما عايز إستخدم الرخصة دي ... يمكن مؤقتاً .... لكن لي قدام ما معروفه الظروف .... اها يجي راجل ويقول زي الكلام ده ...

الرجاله تطير يا خوي..

ما تطلع لينا معاك رخصه..
إن شاءالله مؤقته..

Post: #99
Title: Re: صور نادي الشرطة
Author: زهير الزناتي
Date: 01-07-2010, 08:42 PM
Parent: #97

Quote: زهير يابدلة 00 اشوفك لبست ثياب التعددية !!!!!

صور في منتهى الروعة والجمال 000


يا فافي قلنا نعمل ليها بروفة

Post: #100
Title: Re: صور نادي الشرطة
Author: زهير الزناتي
Date: 01-07-2010, 08:54 PM
Parent: #97

Quote: وانت قاشر بالبدله كدا مع انك منظر كويس في موضوع محمد الفاضل دا لكن برضو تخوف هييييييييي يازهير ارجع زي زمان وكنت ماليك في البدل دي


مش كده يا حنان قالوا النسي قديمه تاه ....

Post: #102
Title: Re: صور نادي الشرطة
Author: زهير الزناتي
Date: 01-07-2010, 09:00 PM
Parent: #100

Quote: الرجاله تطير يا خوي..

ما تطلع لينا معاك رخصه..
إن شاءالله مؤقته..


صعبة يا ولدنا ... في بلدكم دي زي الرخص دي بتودي في داهية خليك عاقل زي نجيلة

Post: #105
Title: Re: صور نادي الشرطة
Author: كمال الشادي
Date: 01-07-2010, 11:17 PM
Parent: #100

يا زهير مساء الخير
ده شنو ده يا زول
Quote: يا جبريلا .... أديكم الخبر اليقين ... انا عندي رخصة بتاعت دبل .... يعني لو عايز أعرس تاني دربي أخضر وسالك ... بس انا ما عايز إستخدم الرخصة دي ... يمكن مؤقتاً .... لكن لي قدام ما معروفه الظروف .... اها يجي راجل ويقول زي الكلام ده ....


انا عايز اعرف الرخص بتطلع من وين ومين المسؤول انو يختمها ليك
أخوك يا زهير
الخوة غالية في الزمن ده
أخوك يا زهير
وسيبك من الشمات عايزين يقولو مفطوم ما مفطوم ما عندي بيهم شغلا
طالما في رخصة أخوك ما تنسى
لكن الرخصة بتاعتك دي صغيرة والله عمومية
أخير تجيه لي الشغل من بدري بدري



----
تفريعة
----

انا في لمة ناس الرياض مديها ليك بدلة وحياة الله شاريها من محل براندز من الرياض مخصوص عشان اللمة دي
ومديها كرفتة ما خمج
سبحان الله مافي زول قال لي عينك في راسك

يقوم زهير الزناتي يلبس ليهو بدلة حتى بدون كرفتة الدنيا كلها شابكاهو مية مية وقشة وقيافة
يعني شنو
الكيل بي ميزانين ما معانا يا شباب

Post: #116
Title: Re: صور نادي الشرطة
Author: أحمد إسماعيل
Date: 01-12-2010, 06:36 PM
Parent: #100

نكته

رجل وزوجته إختلفوا وتحمقوا ووصلوا مرحلة المضاربة قدام بيتهم
في لحظة الرجل مد يده وضرب زوجته مرّ شخص وقال (المرأة تضرب بالمرأة
وليس باليد)الزوجة فهمت الكلام لكن زوجها كان متحمق لم يركز
فجأة الزوج قال الراجل ده قال شنو؟
الزوجة قالت يازول شوف ضربك ، مالك ومال كلام الراجل.


ــــــــــــــــــــــــــــــــــــــــــــ


واحد زي قول ياسر نجيلة حتى يعوس الكسرة، زاره زميله في بيته
وجده شغال بالأوامر (تعال غسل العدة ،تعال ولع الفحم وحرك الملاح وهلمجرا)
عندما خرج مع زميله ، زميله قال ليه انت رجل البيت لازم تثبت وجودك في بيتك
خلاصة الموضوع صاحب البيت رجع متحمس وراح طارق البيت بعنف جاتو النهره من جوّة
مين البدق الباب ؟ صاحبنا إنكمش شوية وقال ده انا، قالت ليه الظاهر لحمك فات
فروتك ، أمشي أجلس في الديوان بلاش كلام فاضي ، صاحبنا راح الديوان يطنطن لسوء
حظه بنته الصغيرة في الديوان قالت امي شوفي ابوي قاعد ينقنق ، ابوها قال
( انا حسع متين نقنقتا)

Post: #101
Title: Re: صور نادي الشرطة
Author: زهير الزناتي
Date: 01-07-2010, 08:59 PM
Parent: #97

Quote: انتو "تعددية" يعني شنو ...


نجيلة يا عاقل .... ديمة عليك كده ....

Post: #103
Title: Re: صور نادي الشرطة
Author: محمد صديق
Date: 01-07-2010, 09:02 PM
Parent: #101

سلامات يا ناس

زهير ...الاولاد الصغار

عندهم صورة واحدة بس؟؟

Post: #104
Title: Re: صور نادي الشرطة
Author: زهير الزناتي
Date: 01-07-2010, 09:05 PM
Parent: #103

يا كوتش لا زال البوست في أوله ... والأيام حبلي بالصور ....

Post: #106
Title: Re: صور نادي الشرطة
Author: كمال الشادي
Date: 01-07-2010, 11:20 PM
Parent: #104

يا زهير
شايف شغل نجيلة عجبك
Quote: نجيلة يا عاقل .... ديمة عليك كده ....


عمل لي اطرش عديل وما فاهم اي حاجة
اخينا ده من الحزب يا زهير
وانا حسب وصيتك سجتو وش عضو مجلس ادارة
اخينا لي هسه اضانو صانا

Post: #107
Title: Re: صور نادي الشرطة
Author: كمال الشادي
Date: 01-07-2010, 11:20 PM
Parent: #104

يا زهير
شايف شغل نجيلة عجبك
Quote: نجيلة يا عاقل .... ديمة عليك كده ....


عمل لي اطرش عديل وما فاهم اي حاجة
اخينا ده من الحزب يا زهير
وانا حسب وصيتك سجتو وش عضو مجلس ادارة
اخينا لي هسه اضانو صانا

Post: #108
Title: Re: صور نادي الشرطة
Author: كمال الشادي
Date: 01-08-2010, 08:47 AM
Parent: #107

اقسم بالله لقيت ليكم حاجة رائعة جدا
خشو هنا وإستمتعوا وقولو لي رأيك
أغتيال دكتورة احلام حسب الرسول .

Post: #109
Title: Re: صور نادي الشرطة
Author: ياسر نجيلة
Date: 01-10-2010, 08:55 AM
Parent: #108

ياشباب ...
كمال الشادي زهير الزناتي "ابورخصة منتهية" حاتم جبارة وجلال عثمان ومن لف لفهم ...

انتو الظاهر بتكتبو في البوست ده ساي ... بدون
مايمر كلامكم بلجنة "النصوص والتصحيح"






أآآآآآآى ... يا ام أحمد .... خلاص انا خلصت السطرين
تعالي شوفيهم .... عشان ماشي أنوم ....

Post: #110
Title: Re: صور نادي الشرطة
Author: كمال الشادي
Date: 01-10-2010, 02:29 PM
Parent: #109

يا سر نجيلة

بالله في عدة يبيتوها للصباح عشان تنغسل !!!!

Post: #111
Title: Re: صور نادي الشرطة
Author: ياسر نجيلة
Date: 01-11-2010, 06:18 AM
Parent: #110

Quote: بالله في عدة يبيتوها للصباح عشان تنغسل !!!!


شادي ياحبيب ...
انت من زمن العدة ... الموضوع بقي فيهو
رمي طعمية وليقيمات ... وغسيل ومكوي ...
سخين شاي ... وفريش ملايات ...
اسأل الكوتش ورشيد القوم ...


زهير يا اخوي ...
موضوع البوست بقي فيهو تزييف ...
نحنا ادونا الاذن ندخل البوست عشان هو
Quote: صور نادي الشرطة


هسع الموضوع اخد ابعاد تانية ...
تواصل الصور ...
ولا ننسحب بهدوء ...

او كما قال الشادي :" اضانا لي هسع صانه ...



Post: #112
Title: Re: صور نادي الشرطة
Author: كمال الشادي
Date: 01-11-2010, 08:32 PM
Parent: #111

نجيلة الظريف
وحاتك كلو قاعدين سنويهو
Quote: شادي ياحبيب ...
انت من زمن العدة ... الموضوع بقي فيهو
رمي طعمية وليقيمات ... وغسيل ومكوي ...
سخين شاي ... وفريش ملايات ...
اسأل الكوتش ورشيد القوم ...


يا أخي بس اضاني الصانة طولي دي من شنو
الضغط يا ربي
اخوك زميل لزهير الزناتي في موضوع الضغط

زميل في الضغط - إرتفاع ضغط الدم ( وبس )

تفتكر لو قلت للناس مجرد ارهاق في الشغل عشان كده الضغط بتاعي عالي
المكنة دي بتمشي فيهم ؟

Post: #113
Title: Re: صور نادي الشرطة
Author: ياسر نجيلة
Date: 01-12-2010, 05:53 AM
Parent: #112

Quote: تفتكر لو قلت للناس مجرد ارهاق في الشغل عشان كده الضغط بتاعي عالي
المكنة دي بتمشي فيهم ؟


ده زمن العولمة ... والشفافية ياشادي ...
انت بس قول عندك "ضغط" والناس بتفهمها طايرة ...
او قول ضهري "واجعني" ...
والعجب لو قلت عيوني "مطششات" ...
كلو بقي مكشوف ومفهوم ...
اشكي ساي ... الناس كلها في الهوا سوا
ارقد عافية ...



زهير يااخوي ... طلع باقي الصور ... قبل ما يطلعونا من البوست ده ...

Post: #114
Title: Re: صور نادي الشرطة
Author: منصور عبد الرازق
Date: 01-12-2010, 12:04 PM
Parent: #113

انا غايتو ما فهمت اى حاجة من البوست ده
انتو قصدكم
انو الواحد مننا
مثلا مثلا مثلا كده الشر برة وبعيد
يكون اصلا عنده بت شيخ واااااااحدة والله واحد
يقوم برااااااااااهو كده
يقول داير ليهو بت شيخ تانية فوق بت شيخو الأولى
عشان يكون عنده بت شيخين
وبيتين
ودولابين بتاعين تياب
وتلاتة وتمانين جوز بتاع احذية نسائية
وحماتين
انتو قصدكم كده , ولا انا فاهم غلط ؟؟!!
محمد الفاضل عنده تلاتة ؟؟!!!
وما يعرس محمد الفاضل كان عرس تلاتة !!!
بس خلييهو فى الأول
يزبل لينا الوليدات ديل
ويطهر راس البيت
عشان الخريف قرب وكده
هسى الزول ده شردتوهو من باقى الصور
يكونوا يا ربى شالو منو (الأدوات )
باقى انا خليتو حارسيينو ليك (دبل كيك )
ناس بالنهار وناس بالليل
وهو يا حبة عينى
مفتاح يدخل بيهو البيت ما عندو
آآآآآآآآآآآ ى
شالو المفتاح مع الأدوات

Post: #115
Title: Re: صور نادي الشرطة
Author: ميسرة سيد أحمد
Date: 01-12-2010, 02:17 PM
Parent: #114

Quote: محمد الفاضل عنده تلاتة ؟؟!!!
وما يعرس محمد الفاضل كان عرس تلاتة !!!
بس خلييهو فى الأول
يزبل لينا الوليدات ديل
ويطهر راس البيت
عشان الخريف قرب وكده
هسى الزول ده شردتوهو من باقى الصور
يكونوا يا ربى شالو منو (الأدوات )
باقى انا خليتو حارسيينو ليك (دبل كيك )
ناس بالنهار وناس بالليل


من شاف ليست كمن سمع يا منصور

أها يا أخوي إنت شفت ود الفاضل أبو ثلاثة

الزول ده لسه نفسه طالع ونازل ،،،

با بتجيهو حمى أو تلتاوية بالليل (تلتاويه دي من تلاته)

إنت حددت وردية النهار والليل وعاملين ليهو دبل شيك

بس ناس الوردية الثالثة دي بيجو متين وبيكونوا مساكين وين

تلاته يا مفتري ....

Post: #117
Title: Re: صور نادي الشرطة
Author: محمد صديق
Date: 03-31-2010, 11:04 AM
Parent: #115

سلامات يا ناس

Quote: يا كوتش لا زال البوست في أوله ... والأيام حبلي بالصور ....


الصور الصور....

Post: #118
Title: Re: صور نادي الشرطة
Author: سيف النصر محي الدين محمد أحمد
Date: 04-21-2010, 06:31 PM
Parent: #117

و الله انتو الذ ناس.

Post: #119
Title: Re: صور نادي الشرطة
Author: كمال الشادي
Date: 04-24-2010, 01:13 PM
Parent: #118

رجعت أقرا كل الحاجات القديمة
لقيت البوست ده
وقعدت اضحك كأني بقرأ الكلام لاول مرة

يا شباب رأيكم شنو نسخن الموضوع ده تاني
زهير
الكوتش
منصور

ميسرة ؟
رأيكم شنو ؟

Post: #120
Title: Re: صور نادي الشرطة
Author: زهير الزناتي
Date: 04-24-2010, 03:21 PM
Parent: #119

يا شادي القوم يلا نفتح الموضوع خاصة إنه مليص الإضنين في الصيف ما زي الشتاء

Post: #121
Title: Re: صور نادي الشرطة
Author: كمال الشادي
Date: 04-25-2010, 07:27 AM
Parent: #120

كنا في عزاء امبارح وكنا قاعدين انا ومنصور وشلة من اولاد الصحافة
من ضمنهم صديقنا عامر
سيد المرتين
( أبو الزفت )
ورغم إننا في عزاء سألتو بهزار
ما جبت الثالثة
قال لي دي عوارة ثلاثة
قلت ليهو حتى الاثنين عوارة
قال لي لا واحدة عوارة
إنت قاليني زي صاحبك ده وشاور لي واحد صاحبنا قاعد معانا
وقالي لي عندو واحدة بس مستلماهو
جضيم ومليص اضنين وكفيت وغسيل عدة وشر هدوم وحاجات تانية كمان بلاش نجيب سيرتها
قلت ليهو وإنت كيف مع الاثنين
قال لي كل شيء دبل

يا أخوي يا زهير
سيد الواحدة ما مرتاح وسيد الاتنين ما مرتاح
اكان اصلها الشغلات كلها راح تتدبل
خليها واحدة
وكل فترة والثانية
تتخلها فترة إستراحة
اجازة يعني
رأيك شنو ؟

Post: #122
Title: Re: صور نادي الشرطة
Author: منصور عبد الرازق
Date: 04-25-2010, 11:36 AM
Parent: #121

انتو البوست ده , مش اسمه , صور نادى الشرطة ؟؟
والصور دى , مش عاوزة كاميرا ؟؟
والكاميرا دى , مش دايرة فيلم ؟؟
الفيلم ده , بيقوم سدارى كده براااااااهو
ما داير ليهو بطاريات ؟؟؟
والبطاريات دى , كان بقت (ايفرردى , ولا قراندايزر )
ما عايز ليها (باور ) ؟؟؟
الباور ده , دحين بيبقى من غير (طاقة ) ؟؟؟
والطاقة دى , باقى ليكم بتبقى من عير سفسفة وغذاء ؟؟؟
والغذاء ده , مو ياهو , البروتينات والنشويات والفيتامينات ؟؟؟
الفيتامينات دى بالذات , ما عايزة ليها مشوار للصيدلية ؟؟؟
فى صيدلية احسن من المك نمر ؟؟؟
المك نمر ده مش قالوا جعلى ؟؟؟
الجعلى ده , ما عنده بت شيخ ؟؟؟؟
ولمن هو جعلى , وعندو بت شيخ , هى واحدة ولا اتنين ولا تلاتة ولا اربعة ؟؟؟؟
اذا هى واحدة , خلونا منو
لو اكتر من كده , الجعلى ده , ياربى يكون بوليس ؟؟؟
اكيد يكون بوليس , لأنو لو ما بوليس , ماكان ساق الجماعة نادى الشرطة
ما دام هو ساقهم نادى الشرطة , وكمان صورهم هناك
وكمان عامل فيها جعلى
طيب الصور وينها ؟؟؟؟؟الصور مش فى الكاميرا








الحقونى --- القلم (حلج منى ) , والكيبورد بقى يكتب برااااااهو

Post: #123
Title: Re: صور نادي الشرطة
Author: ياسر نجيلة
Date: 04-26-2010, 11:00 AM
Parent: #122

Quote: وقالي لي عندو واحدة بس مستلماهو
جضيم ومليص اضنين وكفيت وغسيل عدة وشر هدوم وحاجات تانية كمان بلاش نجيب سيرتها
قلت ليهو وإنت كيف مع الاثنين
قال لي كل شيء دبل


وضحك ملئ "جضومه" ونسي ان بت شيخو خلفة تراقبه ... وخاصة عندما يكون فاتح الكمبيوتر ...
واخد "صفعة" خفيفة على "عنقرته" ... واردفت قائلة باستهجان ...
اها ... شفت البعرس واحده تانية ... كل شئ بكون أتنين ... اتنين
يعني نحنا ارحم ...
وذهبت دون ان تنظر اليه ...
واخونا يعلم تماما عليه ان يغلق الكبيوتر على عجل ...
ويحصلها في غصون خمسة دقايق ...
والا كل شئ حيكون ... عشرة ... عشرة ... وبعدها حيغيب عن الوعي ....



...

Post: #124
Title: Re: صور نادي الشرطة
Author: كمال الشادي
Date: 04-26-2010, 12:03 PM
Parent: #123

ياسر نجيلة
الله يلعن ابو شيطانك
خليتني أتلفت
اشوف في زول وراي والله شيء
لا حولالالالالالالالالالا
بالغت والله

بعد دا راح اركب ليك في الكمبيوتر
مرايات زي بتاعة العربية
عشان لو أي زول وراك أو بيكنتك ليك تعرفو قبل ما يصل
وتبقى القصة فيها حاجات تانية

( عن اذنك انا مطلوب والخمس دقائق قربت تخلص )

Post: #125
Title: Re: صور نادي الشرطة
Author: زهير الزناتي
Date: 04-26-2010, 02:41 PM
Parent: #124

يا شادي القوم لو العقوبات فيها دبل زي ما قال نجيلة ... أخير لينا أبو واحد ده ... ويا دار ما دخلك شر
شايف منصور ده بيهضرب كيف ... يكون مالو يا ربي ... بالمناسبة لازال لدي الكثير من صور نادي الشرطة لم تنزل بعد

Post: #126
Title: Re: صور نادي الشرطة
Author: ياسر نجيلة
Date: 04-27-2010, 11:20 AM
Parent: #125

Quote: بالمناسبة لازال لدي الكثير من صور نادي الشرطة لم تنزل بعد


كلام زهير ده ذكرني النكته المشهورة والمعروفة بتاعة بص الجريف
ولا يمنع ان نحكيها للمرة 514
بتاعة الدولاب البفتح كلما يمر بص الجريف
وجابو النجار وكل مايصلح الدولاب برضو بفتح لما يمر بص الجريف قرب المنزل
طبعا النجار الموضوع ده ماصدقو ... قال لست البيت خليني ادخل جوا الدولاب
ولما يمر البص بشوف ليه الباب بفتح
واثناء ما النجار داخل الدولاب
جاء صاحب البيت داخل وفتح الدولاب عشان يعلق هدومو
وشاف النجار لابد جوه الدولاب
قام النجار قال ليهو والله لو قلت ليك منتظر بص الجريف مابصدقني ...

اها يا خوي زهير كلما بت الشيخ تشوفني فاتح البوست ده وتلقانا نحكي عن التعدديه
اقوم اقول ليها والله العظيم منتظر صور نادي الضباط ...



تقوم ... اضاني تصن ....



Post: #127
Title: Re: صور نادي الشرطة
Author: كمال الشادي
Date: 04-27-2010, 12:48 PM
Parent: #126

نجيلة يا أخوي
غير المكنة بتاعتك
لاني عرفت من تحت تحت
إنو التأمين الطبي في الامارات
ما بيغطي امراض ( الاضان ) المزمنة
والمتسبب فيها ( الجر ) الشديد بإهمال وبدون شفقة
وفي احيان اخرى
اللطيش الطايش
الله ينجينا شر اللطيش الطايش
وتحياتي
لمنصور عبد الرازق
وبت شيخو
عرفت يا نجيلة إنو منصور بيقرا البوست ده في المكتب بس
في البيت بيقرأ حاجات تانية
خليك حريف

Post: #128
Title: Re: صور نادي الشرطة
Author: ياسر نجيلة
Date: 04-28-2010, 05:54 AM
Parent: #127

Quote: عرفت يا نجيلة إنو منصور بيقرا البوست ده في المكتب بس
في البيت بيقرأ حاجات تانية
خليك حريف


ياشادي جاي تكلمنا بالخطط ...
بعد مافقدنا السمع ... والتركيز


زمااااان كنا بنعمل كده ...
بس بت الشيخ طلعت ... "شديده ولطيطه"
بتراجع كل مداخلاتي بالبوست "هي مش عندها كمبيوتر في البيت "... وتيب
وواحتك ياشادي ... عينك ماتشوف الا النور ...
ولقينا لما نعلب على المكشوف ... وكل شئ يكون امامها
احسن مما تكتشف الاشياء من ورانا ... ونقد في الشرح والتحانيس ... وانا ماقصدي ... والجرس


يعني بالعربي الفصيح ... الحاله "ون" واحده
لو قرينا في المكتب ولا البيت
خلي منصور ده يودي خططو البحر ...
الكلام ده مابينفع في ... دبي


آل تأمين صحي ... اضنينا دي عاوزه محل اسبيرات ... وصبغ وسمكره



زهير جيب الصور ياخ ... وفكنا ...

Post: #129
Title: Re: صور نادي الشرطة
Author: كمال الشادي
Date: 04-28-2010, 08:05 AM
Parent: #128

والله يا نجيلة
احلى صباح
يا دوب داخل المكتب وبفتح الكمبيوتر قلت اول حاجة اشوف ياسر كتب شنو
بعدين نخش على الباقي
صباحك فل
خليني اخش لي في نسكافيه
وارجع ليك

Post: #130
Title: Re: صور نادي الشرطة
Author: ياسر نجيلة
Date: 04-28-2010, 09:03 AM
Parent: #129

شادي ياخوي ...
راجع برواقة شنو ... ونسكافيه بتاع شنو

ياخي حنس ولدنا زهير خليهو ينزل الصور سريع

الوضع بقي مامحتمل ... حصلونا لا ... فقدمونا





untitled10.JPG Hosting at Sudaneseonline.com




آل منصور ... بفتح النت في المكتب ...
تلقاهو "مفلق" اكتر مننا ...



Post: #131
Title: Re: صور نادي الشرطة
Author: كمال الشادي
Date: 04-28-2010, 09:52 AM
Parent: #130

عارف ياسر
في لمة ناس الزقازيق الاخيرة في الرياض
منصور جا لابس بنطلون وقميص وجاكت ولافي عمة
قلت ليهو يا منصور ركبت مكنة باكستاني والله شنو
قال لي لا والله يا كيمو ( نيو لوك )

واحد من الشباب ( بدون ذكر الاسم )
قال لي معليش صاحبك مفلق بس ما داير يقول !!!

Post: #132
Title: Re: صور نادي الشرطة
Author: محمد صديق
Date: 04-28-2010, 10:02 AM
Parent: #131

سلامات يا ناس

الواحد بيجى بى جاى يشوف الصور..يلقى الشكلة

قايمة فلّيق وجر اضنين ومش عارف ايه..

نزوغ من هنا يعنى؟ حفاظآ على راسن واضنينا ولغاليغنا؟

Post: #133
Title: Re: صور نادي الشرطة
Author: كمال الشادي
Date: 04-28-2010, 12:45 PM
Parent: #132

يا محمد صديق
حسب آخر دراسة عملتها جمعية حقوق المهملين من الرجال من خريجي الزقازيق
كانت النتائج بتقول إن الاليات المستخدمة هي :
الكفيت
جر الاضنين
الجضيم
الهرشي
الحمير ( يعني يحمرون ليك بي عين حمرا )
الخلعة ( يعني تجيك بت الشيخ تخلعك وإنت بتقرأ ليك في بوست لذيذ عن التعددية )

اما نتائج الدراسة عن المفقودات فشملت قائمة طويلة منها على سبيل المثال لا الحصر :

الحوص والعور ( ديل للفقدو إحدى عينيه أو كلتاهما )

الطرش بسبب : الصنننننننننننننننننننن ( وهي صنة الاضان ودي خبير فيها أخونا زهير الزناتي - ومسبباتها جر الاضنين والكفيت وأحيانا الخلعة لو بت الشيخ صوتها جهوري وماكن ) ، وذكرت الدراسة ايضاً أن الصنننننننننننننننننننننننننن يمكن أن تكون في اضان واحدة ، اما اذا كانت بت الشيخ حريفة بتعلب بي يدينها الاتنين فيمكن أن يكون الصننننننننننننننن في الاضنين ا الاتنين وفي هذه الحالة قد تشمل المفقودات حاسة السمع بأكملها ونصل الى مرحلة الطرش ( الله يحفظنا )

اللعثمة والتمتمة : ودي تسببها الهرشة والخلعة ( الله ينجينا شر الخلعة والنسوان البخلعن - ودي تصريفاتها الخلعة والخلع ) وكلو مضر للصحة

اما يا أخوي محمد صديق
فقائمة المفقودات لم تشمل اللغاليغ
التي ذكرتها في مداخلتك الاخيرة
اذا المسائل وصلت لحدي اللغاليغ خلينا نزوغ أحسن
كلو إلا اللغاليغ

Post: #134
Title: Re: صور نادي الشرطة
Author: ياسر نجيلة
Date: 04-29-2010, 09:15 AM
Parent: #133

Quote: نزوغ من هنا يعنى؟ حفاظآ على راسن واضنينا ولغاليغنا؟


ياود صديق .... اقيف عندك
ياخي نحنا خلصنا من الاضنين عشان تدخل لينا فيها ... لغاليغ ...

تنبيه هااااااااااااام للجميع
الحذر ثم الحذر ... عدم تنبيه بنات الشيخ لمناطق اخري ...
هذا البوست مراقب بشدة وعن كثب ....



ياكتوش احكي لينا قصة بت الشيخ ... البتجيب هديه لزوجها
وكمان سندوتشات ... لما تلقاه قاعد في الكمبيوتر ...

Post: #135
Title: Re: صور نادي الشرطة
Author: محمد صديق
Date: 04-29-2010, 04:17 PM
Parent: #134

سلامات يا ناس

Quote: ياكتوش احكي لينا قصة بت الشيخ ... البتجيب هديه لزوجها
وكمان سندوتشات ... لما تلقاه قاعد في الكمبيوتر ...


يا نجيلة ازيك

هى ما سندوتشات ...الرواية الاصلية ...فواكه

وبعدين بت الشيخ نضّارتا باظت وهو لحدى هسة ما عمل ليها واحدة تانية

وهو معتمد على ( عينى ما عينك ) القاعد ياكل بيها راسا وبقرا ليها

حاجات من راسو..

ملحوظة:

انا ما جبت سيرة زول.

Post: #136
Title: Re: صور نادي الشرطة
Author: عمر نملة
Date: 05-01-2010, 06:42 AM
Parent: #135

والله منتظر الباص اسف الصور بس لقيت ليك الحكايه صنين ورصيع وطرش ولغاليغ وانا قايل نفسي براي اتاري الحكايه عامه وبقت قضيه راي عام وعلى طريقه الواضح مافاضح والبتبلل يعوم عشان كدا انا اجيكم من الاخر واديكم الحل المضمون.. الجري يااخوني اسلم واضمن طريقه على شرط تتمسح باكبر كميه من الزيوت عشان لو حصلتك تتملص منها. واليوم عندي سباق جري وعايز احطم رقمي السابق 53 دقيقه لمسافه 10 كم بس كنت مطمئن الا قابلني سوداني في السباق الاول وحقق 37 د وقال برضو بت شيخو بتلحقو بكمشه ومفراكه وقال لي بنات الشيخ الا المارثون حتى تقدر تطلع باقل الخسائر . وزي ماقال الشاعر:
الجري دا حقي وكمان المنشفه والسكلي.

Post: #137
Title: Re: صور نادي الشرطة
Author: كمال الشادي
Date: 05-01-2010, 07:47 AM
Parent: #136

الظريف نمله
Quote: عندي سباق جري وعايز احطم رقمي السابق 53 دقيقه لمسافه 10 كم

اول حاجة مكنتك قديمة عامل المارثوان حجتك عشان الجكة بتاعتك تبقى مقنعة
طالما الاخ عضو واصيل في نادي اللطيش يبقى كتر خيرها بت الشيخ طلعت منك بطل مارثوان
باين عليها جكاكه هي ا لتانية
عارف عشان تفوز بالسباق الجاي خليها وراك إنت جاكي وهي جاكا
بعدين يا حبيب في البوست ده في ناس حطمت الرقم ده من زمان
اسأل ابو لغاليغ داك يقول ليك

Post: #138
Title: Re: صور نادي الشرطة
Author: عمر نملة
Date: 05-01-2010, 09:47 AM
Parent: #137

يا كريم الوعد
واحد صاحبي قال لي: ياعمر سمعنا تحت تحت انك بتخاف من مرتك؟ قلت ليه: اول حاجه الكلام دا ما تحت تحت كل الناس عارفه وتانيا كل واحد بيخاف من بت شيخو بالطريقه بتاعتوا ولا انت ايش رايك؟ فما كان من صاحبك الا همهم وقال: طيب مانعمل جمعيه.
اسمع المارثون مابحلني طيب وريني الحله بله شنو انا كنت قايلوا المارثون
اسمع واحد صاحبي جعلي المره ماقدرت عليه كلو كلو في الاخير اتصلت بامه واخواته( ديل ماتثق فيهم متفقات مع بعضهن في العظيم) قالت ليهم: عايزه نقطه ضعفوا؟ قالوا ليها كوركي فيه وارفعي صوتك عليك امان الله الاسد الهزور بقى السخل الحنيذ بس بيني وبينك كمان عندنا هنا المره تلطشك وتطردك من البيت بمساعده الحكومه عشان كدا المارثون بينفع في كل الحالات

Post: #139
Title: Re: صور نادي الشرطة
Author: منصور عبد الرازق
Date: 05-01-2010, 10:40 AM
Parent: #138


طالما الحكاية كبرت كده , وجابت ليها ماراثونات وارقام قياسية
فنحنا اول حاجة خلينا نسجل مواقفنا , ونقولها كده على عينك يا (تاجر )
اول شىء لادايرين صور نادى الشرطة ولا نادى الضباط , دى زاتها اول شى مناطق موبوءة , ومليانة بأدوات التعذيب , والجديد من الأساليب
الأنحنا مجتهدين اساسا فى دسدستها وغتغيتا , تجوا انتو يا بايخين , تنشروها على الملأ !!!
تانى حاجة , ما دام الشغلة وصلت للدرجة دى , خلونا نوريكم مضادات العضعضة , ومضادات المليص , وشد الأضانات
الكفيت ده , مضادات ليهو زاتو مافى
اول ما تحمر ليك بت شيخك , طوالى خت عينك فى الواطة
اوعك ثم اوعك , تبادل النور الطويل , بى نور اطول منو , عارف عيونن السمحات ديل
يمينا بالله فيهن جنس بطاريات
تجر فيك النور الطويل , تتوكل طوالى وتشوف اول باركنج , عاد اخير تتجهر بالنور , ولا تخش ليك فى عربية تانية
ونبقى فى صليح الرفرف اليمين , وسمكرة الأستوب , وكمان ممكن تحتاج بوهية جديدة
فى الحالة دى , وبعد الخسائر دى كلها , كمان فى الآخر السماسرة يطلعوا عليك سيرة
ويقولوا بوهيتك ما اصلية وحقت بلدا , وانت عارف لمن السماسرة يقولوا كده
تانى الا ترمى نفسك فى اقرب (تشليح ) , وتضطر تبيع نفسك قطع غيار
اول شىء عيونك يلقوها لحقت امات طه , من كتر التعرض للأنوار الطويلة
استوباتك لمباتها محروقة , وقزازها مكسر
رفرفك اليمين , احرف سمكرى ما يرجعوا لى حتتوا تانى
وكلو ده كوم , والشاسى كوم براهو
عاد يا ود نجيلة لو قالوا شاسيهك انفتل , ما مافى زول بيقدر يستعدلوا الا الزول الفتلوا
وانت عارف الزول الفتلوا منو
يعنى علاجك من الصدمة الأولى
يا كافى البلاء , داير ليهو صدمة تانية
شفتوا الخسائر دى , كدى شوفوها واتاملوها لغاية ما نجيكم بى باقى الخسائر
عشان تعرفوا الناس الخرفا , بيركبوا مكنة باكستانى لى شنو ؟؟!!
علينا جاى يا , العايز ما يلاوز يا
نصلح ركب نستعدل شاسيهات يا

Post: #140
Title: Re: صور نادي الشرطة
Author: كمال الشادي
Date: 05-01-2010, 10:48 AM
Parent: #138

يا نملة يا ظريف

Quote: يا كريم الوعد


عجبتني جداً اذا كنت تقصد بكريم إبني وب الوعد ضنين الوعد
شوف يا سيد يقولك في المثل

اللي ما بيخاف من مرتو ما بخاف من الله
والبخاف من مرتو ما تخاف منو
والراجل بمية ست
لكن إذا جات الست
حريقة في المية راجل

طبعاً سمعت وردي وهو بيغني
خاف خاف
خاف من الله على قلبي
وفي رواية اخرى على ( اضاني )
انا سمعت زهير الزناتي بيغنيها كده
يا أخوانا الراجل ده
الصننننننننننننننننننننن فارقا معاهو جنس فرق !!

Post: #141
Title: Re: صور نادي الشرطة
Author: زهير الزناتي
Date: 05-01-2010, 05:15 PM
Parent: #140

عاجباني شجاعة الإعتراف .... يعني ما في أرجل واشجع من راجل يعترف بإنه يخاف من حكومته وده كلام عقل ... علي العموم أنا هنا حوار في مدرسة ليها أساطينها أقعد بأدب وأستمع بتهذيب لهذه الدروس والخبرات التي قد لانجدها في أعظم المراجع ... اها نغسل العدة ونجيكم راجعين

Post: #142
Title: Re: صور نادي الشرطة
Author: كمال الشادي
Date: 05-02-2010, 09:15 AM
Parent: #141

عارف زهير
الشغلانة في الاول كانت دكاكينية بس
جضيم وكفيت وجر اضنين
كلو جوه الحوش
صحي في كواريك
لكن الجيران برضو بيستروك
لكن صاحبك نملة ده يا أخوي فاكي البيرك وفضحنا بصراحة
الجكة عيب
وفي شوارع اوروبا
يعني عدييييييييييل جاب لينا الكلام
عارف ده إصدار جديد من الهرشي ما سمعنا بيهو قبل ده
اها وقال بينافس على ارقام قياسية جديدة
انا متأكد إنو حا يجيبها
قال ليك وراء كل رجل عظيم إمرأة جاكة

Post: #143
Title: Re: صور نادي الشرطة
Author: عمر نملة
Date: 05-02-2010, 09:34 AM
Parent: #142

يامنصور قلت لي اول ماتحمر ليك تخت عينك في الواطه .. وانت الخلاك ترفع عينك شنو من اصلوا دا ياهو الكلام البخليهن يزعلن ويشدو الاضنين . وشايف زهير بستمع بتهذيب لهذه الدروس اهم حاجه واكتر حاجه بتزعل بنات الشيخ الطنطنه والهمهمه والكلام التحت والحاجه التانيه اول حاجه تغسل العده وتكويها وبعد داك تجينا راجع وبرضو مابحلك اقول ليك حاجه ماتعمل ذكي وتحاول تكسب بعض المواقف حاول بقدر الامكان انك تتطلع باقل الخسائر.. يعني قاعد على النت والعده ماغسلتها بتاخد عشرين كف وسبعه شلاليت دا غير الدفير والتف والنف عشان تتطلع باقل خسائر تغسل العده اول وبعد داك تمشي عديل تتطلب الرحمه وتقول عليك الله خليهم 19 كف و6 شلاليت واعفيني المره دي من النف خليها تف بس. يااخي اقول اوصيك باالمارثون مش زي مشي جنابو من الشهداء للحتانه دا اكتر موقف بتفنن فيه بنات الشيخ تكون ماشي شئ لز وشئ شلاليت وشئ ضرب على القفا مهم بتسمع لت لوت كع كوع وشئ عنكله للرجلين يااخوي الجري اقوى سلاح فعال للحمايه المؤقته والدائمه من بنات الشيخ كل شئ ولا تقطع نفسها طبعا انت قايل تجري وتجي راجع يااخوي ابداء تدريبات للجريه الكبيره. حتى ربنا نزلها ايه واضحه ( يوم يفر ).
ياكربم الوعد ماتمشي بعيد لتفسير كربم الوعد التسميه دي من انك مابتخلف اي وعد واتفاقيات مع بت الشيخ يعني ما بتقعد علي الكمبيوتر والعده وسخانه ولاقاعد تتنطن ولاتهمهم ولا بترفع عينك وشايفك كمان طابور خامس وبتحاول تحرض الزملاء في الغلب انهم مايستعملوا سلاح الجري وبتوصي الناس يكتروا من اكل الدهون والكبسه ويظهر عليك بتكتب الكلام دا تحت تهديد المفراكه والكمشه دا لو ما جابت ليها وصلات كهربه. يااخواني الجري ثم الجري ..
ثم اسمع دكاكيني دي كانت زمان الحكايه الان فيها جمعيات حماية الازواج والجري دا بعد دراسه وتوجيهات من الاخصائين وطبعا هو اسرع وافعل طريقه مش الشاعر قال اخر العلاج الكي والجري
و قال الجري دا ماحقي حقي المشنقه مش كان احسن ليه الجري من الشنق والمثل بيقول الخواف ربى عياله والجراي خلص حاله.
واحد صاحبنا قال لي اسمع انت مافي اجازه من الزواج . واسمع دي الولد الصغير جاء جاري( من الان بيتعلم في الجري) عمو عمو مرتك غرقت وماتت، عمك قال ليه: يولدي الكلام دا صحي ولا عاوز تفرح عمك ساي.

Post: #144
Title: Re: صور نادي الشرطة
Author: منصور عبد الرازق
Date: 05-02-2010, 10:05 AM
Parent: #143


ما دام نملوز القاعد لينا وين ما عارف فى بلجيكا البعيدة ديك
بدا يجيب لينا النكات
فانا عاوز اديكم اتنين حقيقيات , بس بصراحة كده خائف
البوست ده , بابه شايفه فاتح , ونكاتى دى ما بقولها الا لو تربستو الباب
تديكم فكرة , مش البوست ده اسمه شنو كده ما عارف نادى الشرطة
كلموهم , عارفينهم انتو منو طبعا , وقولوا ليهم البوست داك قفلناهو , عشان الصور اتحرقت
وقوموا كده اعملوا ليهو (شفرة جندرية )
عشان نقدر نحكى ليكم النكات دى ياخ
عموما هسى , طالما لسه التشفير ما بقى
بس تاكو الباب شوية
وخلو ياسر نجيلة يتاوق مرة مرة كده
مجرد ما يشوف ليهو طرف توب طائر
يكورك يقول اى حاجة , عشان نتضاير
وخلو كلمة السر تكون مثلا , الشاويش وصل
عشان الواحد يقدر يتصرف

Post: #145
Title: Re: صور نادي الشرطة
Author: عمر نملة
Date: 05-02-2010, 10:20 AM
Parent: #144

فانا عاوز اديكم اتنين حقيقيات , بس بصراحة كده خائف
اهم حاجه الصراحه والخوف الواضحين وهم اول خطوه سليمه للعلاج من الوباء المنتشر بنسبه كامله وذلك بدون اي احصائيات لانه الكلام دا في كل البلاد بدون فرز ومافي اي استثناء حتى الناس الما متزوجين تلقى يا بخاف من خطيبته او ان شاء الله بت الجيران عشان كدا يا شركاء المهنه نعدى النقطه بتاعت ما بخاف دى ونبداء زي ماقال السلطان قابوس من حيث انتهت التكنولوجيا يعني البدايه هي الجري المؤقت ومن ثم الجريه الكبيره

Post: #146
Title: Re: صور نادي الشرطة
Author: منصور عبد الرازق
Date: 05-02-2010, 10:28 AM
Parent: #144

اها يا ياسر , الأمن مستتب
ولا عاوز تورطنى ساكت ؟؟!!!
عارفك بتاع محن , عاين لى باب الشارع متربس ولا لا
الباب الجوة كان ما تاكيتو , لا ببدأ احكى ولا حاجة
اطمئن يعنى , وانا ملى لو قبضونى بكلم ليك واقول ليهم هو الحرشنى
ومعاهو كمان كمال الشادى وعمر نملوز
النكتة الحقيقية حصلت بين اثنين من زملاءنا الزراعيين هنا فى المملكة
واحد منهم فى حتة اسمها ساجر , والتانى من القصيم
المن القصيم ده , اسمه حسين ود البشير , زول عجوز ومسلط وهو عمدة الزراعيين الفى المملكة
اظنك بتعرفه يا ود جبرين , ياهو ود خالة صديق الموج
زميلنا الفى ساجر ده , اول ما جاب زوجته جديد للسعودية , الكلام ده اتقول كده قبل حوالى سبعتاشر تمنتاشر سنة
قام دخل عليهم رمضان , وهم لسه عرسان جداااااااااااااااااااااااااااااااااد
قال كده عاوز يبر مرتو الجديدة لنج بى عمرة رمضانية كاربة
ختاها ليك فى الونيت بتاعو حق الشغل (الوانيت يعنى البوكسى الهايلوكس )
ومرقها ليك فى الهاى وى يوم الخميس العصر
ساجر من مكة كلها سبعمية كيلو كده
المسكين من التعب شالتو ليك نومة , قوم يا الونيت اتقلب , وقومى يالعروسة الجديدة موتى
وانت يا زميلنا , ولا كأنوا كان معاها فى البوكسى
زلطة واحدة فى جسمه مافى
هاك يا تعازى ويا بكا ويا دفن والزملاء اتلموا فى ساجر من كل حتة لغاية ما زميلنا صبر واحتسب
الراجل قعد ليهو بعد داك سبعة تمانية سنوات عزابى , مسكين ما قادر ينسى وصاين العشرة
اهلو جننوهو ليك ما تعرس يا باشمهندس , والحى ابقى من الميت , والدنيا انت قايللا بتقيف ياخ , الدنيا ماااااشة
مؤمن يا مصدق الراجل قام عرس تانى
وتانى اوراق , وتانى مستندات , وموافقة كفيل , وتانى اقامة جديدة لنج , للمرة الجديدة لنج
جات المرة لى راجلها
مطار جدة استقبالات استقبالات , ومشت المدام لى ساجر
قوم يا رمضان تعال تانى
قومى يا مرة يا جديدة , قولى عاوزة اعمر , امانى عمرة رمضان مى سمحة ومبروكة
قوم يا فخر الدين يا زميلنا شد الوانيت
قومى يا مرة يا جديدة اتوهطى فى الكرسى القدام
ويا مكة ما جوكى ناس
قوم يا بوكسى تانى انقلب
ويا مرة يا حديدة لنج , موتى برضو
وتانى اتلمينا فى العزاء فى ساجر , الزراعيين من كل مكان , ومن ضمنهم اخونا المسلط حسين ود البشير
جا داخل بى كرشتو الكبيرة ديك
الفاتحة يا جماعة
قام فخر الدين شال معاهو الفاتحة , وجاهو ليك ود البشير جمبوا وبى صوتوا العالى داك
تمشورونا مرتين , ما عندنا مانع , تكلفونا فاتحين , مسامحنك , تكسر للشركة وانيتين , تعيش وتكسر
الا بس , الا تورينا هسى فى البكان ده , النسواوين البيموتن ديل , بتنقيهن من وين ؟؟؟؟؟؟؟

Post: #147
Title: Re: صور نادي الشرطة
Author: كمال الشادي
Date: 05-02-2010, 11:01 AM
Parent: #146

والله يا منصور عبد الرازق
قصتك دي عجيبة
الغريبة اول مرة اسمع بيها
رغم إنو الكلام في بيت البكا لكن حاجة تضحك صراحة

ذكرتني اليوم داك في بكا عباس الطويل
لاقاني هاشم خلف الله شفتنا واقفين اكتر من ساعة مع بعض لي منو زمن طويل جدا
وأصر إنو يقرأ ليك آخر قصايدو ( لاحظ نحن في بيت بكا ) وقرأ لي حوالي خمس قصائد

وبعدين قال لي اسمع دي قلت ليهو شنو قال لي واحد لحن لي قصيدة مسجلها في الجوال
قلت ليهو حرام عليك يا هاشم نحن في بيت بكا
اصر يرسلها لي بلوتوث

صاحبك البكتل الحريم ده
ما خش جوه في الشغلانة وتكون عندو تجربة
امال لو عاش ليهو عشر سنين كده يعمل شنو

Post: #148
Title: Re: صور نادي الشرطة
Author: كمال الشادي
Date: 05-02-2010, 11:01 AM
Parent: #146

والله يا منصور عبد الرازق
قصتك دي عجيبة
الغريبة اول مرة اسمع بيها
رغم إنو الكلام في بيت البكا لكن حاجة تضحك صراحة

ذكرتني اليوم داك في بكا عباس الطويل
لاقاني هاشم خلف الله شفتنا واقفين اكتر من ساعة مع بعض لي منو زمن طويل جدا
وأصر إنو يقرأ ليك آخر قصايدو ( لاحظ نحن في بيت بكا ) وقرأ لي حوالي خمس قصائد

وبعدين قال لي اسمع دي قلت ليهو شنو قال لي واحد لحن لي قصيدة مسجلها في الجوال
قلت ليهو حرام عليك يا هاشم نحن في بيت بكا
اصر يرسلها لي بلوتوث

صاحبك البكتل الحريم ده
ما خش جوه في الشغلانة وتكون عندو تجربة
امال لو عاش ليهو عشر سنين كده يعمل شنو

Post: #149
Title: Re: صور نادي الشرطة
Author: ياسر نجيلة
Date: 05-02-2010, 11:02 AM
Parent: #146

وقال محمد صديق ... تصليحا للغاليغو ...
Quote: يا نجيلة ازيك

هى ما سندوتشات ...الرواية الاصلية ...فواكه


واخونا نملوز ... نسأل الله ... بت شيخو تاخد لينا حقنا منو ... المابعرف يجري ... زي دودي ... يتهرس يعني ...

Quote: الجري يااخوني اسلم واضمن طريقه على شرط تتمسح باكبر كميه من الزيوت عشان لو حصلتك تتملص منها

واحد صاحبي قال لي:ياعمر سمعنا تحت تحت انك بتخاف من مرتك؟ قلت ليه: اول حاجه الكلام دا ما تحت تحت كل الناس عارفه ...
فما كان من صاحبك الا همهم وقال: طيب مانعمل جمعيه.


وتتجلي براءة زهير "الخبيثة" ... بعد ان خربها وقعد على تلها ... (وش باكي)

Quote: أقعد بأدب وأستمع بتهذيب لهذه الدروس والخبرات التي قد لانجدها في أعظم المراجع ... اها نغسل العدة ونجيكم راجعين


وشادينا الظريف ... كالعادة رصاها عديل كده ... بدون لف ودوران ...
Quote: اللي ما بيخاف من مرتو ما بخاف من الله
والبخاف من مرتو ما تخاف منو
والراجل بمية ست
لكن إذا جات الست
حريقة في المية راجل


ااااحي منك يامنصور ... امس مساهرين بي للساعة واحده صباحا ... بدعوي ان صاحبك منصور ...
يحرضك مباشرة ان تأتي بواحده تانية ... دبيييييل عديل كده ...
اها الفهم ده "نسعدلو" كيف ...

Quote: عاد يا ود نجيلة لو قالوا شاسيهك انفتل , ما مافى زول بيقدر يستعدلوا الا الزول الفتلوا
وانت عارف الزول الفتلوا منو
يعنى علاجك من الصدمة الأولى
يا كافى البلاء , داير ليهو صدمة تانية
شفتوا الخسائر دى , كدى شوفوها واتاملوها لغاية ما نجيكم بى باقى الخسائر


غايتو لو ماجبت دي ... كان ركبت ليك للرياض ... وواصلت عمره معاها على الوانيت ....
الشر بره بعيد والله العظيم بهظر يا ام احمد ...

Quote: قام فخر الدين شال معاهو الفاتحة , وجاهو ليك ود البشير جمبوا وبى صوتوا العالى داك
تمشورونا مرتين , ما عندنا مانع , تكلفونا فاتحين , مسامحنك , تكسر للشركة وانيتين , تعيش وتكسر
الا بس , الا تورينا هسى فى البكان ده , النسواوين البيموتن ديل , بتنقيهن من وين ؟؟؟؟؟؟؟


لو غبت يومين تلانه ... عليكم الله ... افقدوني ...





Post: #150
Title: Re: صور نادي الشرطة
Author: كمال الشادي
Date: 05-02-2010, 03:09 PM
Parent: #149

Quote: افقدوني ...

يا أخوي والله انا من هسي فقدتك !!!
كسسسسسسسسسسسسسر !

امبارح شفت منظر في التلفزيون والله العظيم بكاني
في هارموني قبل صلاة المغرب
محمد الامين كان بيغني
في اغنية قلنا ما ممكن تسافر
عامل ليها توزيع أول مرة اسمعوا حاجة قمة الرقي بصراحة
وأدا نفسو مساحات جديدة في العزف المنفرد على العود
و اهاتو العجيبة ديك

المهم الاوركسترا كانت منسجمة جدا
وباين جدا إنهم كانو مستمتعين جدا بما يعزفونه

قبل الكوبلية البيقول
بكره الريد بدون مواعيد يزورك يا صباح عمري

فجأة
أجهش في بكاء مر غريب محمد الامين
والكاميرا جابتو وهو ما قادر يمسك نفسو من شدة البكاء
ويمسح في دموعو بالمنديل
بكيت معاهو والله

ما عرفت مالو
إتمنين اقدر اسألو إنك يا فنان يا رائع غنيت الاغنية بدل المرة مليون مرة
إشمعنا الليلة بكيت فيها
الله يديك العافية فنانا العظيم محمد الامين

Post: #151
Title: Re: صور نادي الشرطة
Author: زهير الزناتي
Date: 05-02-2010, 03:48 PM
Parent: #150

والله يا كمال الشادي سؤالك ده محيرني أنا ذاتي ليه ود الأمين بكي في الأغنية الغناها قبل كده مليون مره ... إضافة للغنا السمح قشرتو كانت نضيفة .. ياخي ود الأمين ده أسطورة ما أظنها تتكرر تاني ... الشئ المؤلم ما قادرين نديهو حجمه الحقيقي ....

Post: #152
Title: Re: صور نادي الشرطة
Author: عمر نملة
Date: 05-03-2010, 08:45 AM
Parent: #151

ياابوالزوز
ود الامين ببكي بسببه اولاده مهاجرين واحد في امريكا والتاني في هولندا ومشى لندن بس كريم الوعد اولاده معاه يعني صدقت انو ببكي مع ود الامين البصل ياابوالزوز كتير وكمان من النوع الاحمر الكبير وياريت لو بكاء ساي يكون معاه حاجات تانيه ..الله يكفيكم شر البصل ونظيف الكمونيه وصاحبك من الدموع ماعرف اغنية بتتعلم من قلنا ماممكن تباصل والعهده على الراوي

Post: #153
Title: Re: صور نادي الشرطة
Author: كمال الشادي
Date: 05-03-2010, 09:15 AM
Parent: #152

الاخوان زهير و نملة
موضوع بكاء محمد الامين
حبيت قبل شوية انزل الفيديو بتاع الغنية من اليوتيوب
كتبت في الجوجل محمد الامين + بتتعلم من الايام + بكاء
يا راجل لقيت كمية بتاعة ناس في كل المنتديات السودانية بتتكلم عن الحادثة دي
واي زول طرح الموضوع قال إنو بكا معاهو
وبكاء حار وبي مخاخيتو كمان

بالله خشو وأقرو حاجة بصراحة رائعة لفنان يغني اغنية يرددها منذ اكثر من ثلاثين سنة
وفجأة يبكى فيها
واحد من التعليقات ( وصاحبها صابح رأي سياسي ) أول الموضوع سياسياً
وقال
إنو محمد الامين بيبكي على حال السودان
وإنو مصيرك بكره تتعلم
ويقصد ببكره السنة الجاية لمن السودان يتقسم وووو الخ ..
تحياتي

Post: #154
Title: Re: صور نادي الشرطة
Author: ياسر نجيلة
Date: 05-05-2010, 07:26 AM
Parent: #153

Quote: في لمة ناس الزقازيق الاخيرة في الرياض
منصور جا لابس بنطلون وقميص وجاكت ولافي عمة
قلت ليهو يا منصور ركبت مكنة باكستاني والله شنو
قال لي لا والله يا كيمو ( نيو لوك )

واحد من الشباب ( بدون ذكر الاسم )
قال لي معليش صاحبك مفلق بس ما داير يقول !!!


دي فاتت على الشباب كيف ....

Post: #155
Title: Re: صور نادي الشرطة
Author: كمال الشادي
Date: 05-05-2010, 07:52 AM
Parent: #154

قال ليك ياسر نجيلة مركب نظارة ما بتفوت أي حاجة
تعجبني يا حبيب
قرض على كده
وخلينا نشوف رأي الشباب

Post: #156
Title: Re: صور نادي الشرطة
Author: موسي عيسي
Date: 05-05-2010, 09:00 AM
Parent: #155

و الله حرام عليكم يا كمال و الظريف ود نجيلة !!!!

انت وقت غاطسين في الدبل ،اقصد العسل ما تاشروا

لينا و الله انا اليوم اول مره ادخل في البوستات دي

و طبعا من عنوانه افتكرت احصل علي صور و حاجات تانية

لقيتكم غانجين و متكوعين و كما الناس بقت حريفة حرفنة

في الزوغان و كمان في ناس جلدها بقى تخين يعني بقوا

اساتذة و يقدموا برامج في كيفية التعامل في حالة ما

تقبض متلبس ،

عموما ياني البقيت كاسر ظرف معاك بس وسعوا يا جماعة

لكن السؤال انتو الصور دي لزوم تضليل و لا شنو ؟

Post: #157
Title: Re: صور نادي الشرطة
Author: كمال الشادي
Date: 05-05-2010, 09:14 AM
Parent: #156

عووووووووووووووووك
عوووووووووووووووووووك
عووووووووووووووووووووووووووووووك
Quote: الشاويش وصل

Post: #158
Title: Re: صور نادي الشرطة
Author: زهير الزناتي
Date: 05-05-2010, 07:23 PM
Parent: #157

يا شباب وسعوا شوية للأخ موسي عيسي ده ظاهر عليهو راجل خبرة ... خلونا نستفيد من تجاربه دي ..

Post: #159
Title: Re: صور نادي الشرطة
Author: ياسر نجيلة
Date: 05-06-2010, 07:16 AM
Parent: #158

Quote: عموما ياني البقيت كاسر ظرف معاك بس وسعوا يا جماعة

لكن السؤال انتو الصور دي لزوم تضليل و لا شنو ؟


حبيبنا موسي عيسي ...
اولا ورينا انت ضمن اي مجموعة (كما قال جمال الشادي) :

1- مجموعة البخافو من بنات شيخهم.
2- ولا مجموعة البنات شيخهم بخوفيهم.

بعدين حنتفاهم ... ونبحث موضوع الصور ...
ونستفيد من خبراتك كما اشار "مورضنا" في البوست زهير الزناتي ..



Post: #160
Title: Re: صور نادي الشرطة
Author: زهير الزناتي
Date: 05-06-2010, 06:39 PM
Parent: #159

يا رشدي عليك الله حصل نجيلة ده شايف حالته بقت متأخرة ..

Post: #161
Title: Re: صور نادي الشرطة
Author: موسي عيسي
Date: 05-11-2010, 12:56 PM
Parent: #160

Quote:
اولا ورينا انت ضمن اي مجموعة (كما قال جمال الشادي) :

1- مجموعة البخافو من بنات شيخهم.
2- ولا مجموعة البنات شيخهم بخوفيهم.


انا زي الكاشف اخوي ود الزناتي و ممكن اكون متقدم

عليه بشريط لاني جامع بين الاثين معاً

و الله يا ياسر قبل كم يوم اتصل علي زهير لقيتو

حالتو بالبله يعني مسيك شفع و قعاد في البيت عديل

يعني مرقة مافي والله ما باقي ليه الا يدخل في .......

عموما نحن ما لينا إلا هن يعني خلونا نعمل رابطة.....

Post: #162
Title: Re: صور نادي الشرطة
Author: عمر المهدى
Date: 05-11-2010, 01:40 PM
Parent: #161

كما قال الشاعر
نحن الكلفة مرفوعة ونحن حلفت مدفوعة
ونحن الراية مرفوعة
واحد من اخوانا الرافعين الراية رطاني
الجماعة حبو يسخنوه علي بت شيخو
قالو ليه ياخي المرة دي مسيطره عليك
قال ليهم ياخي هو مرا واحد ماتخلوهو يسيطر

Post: #163
Title: Re: صور نادي الشرطة
Author: ياسر نجيلة
Date: 05-13-2010, 09:23 AM
Parent: #162

Quote: قالو ليه ياخي المرة دي مسيطره عليك
قال ليهم ياخي هو مرا واحد ماتخلوهو يسيطر


افففففو .... ود المهدي ....
بعد شلوخك ديل .... طلعت مع الجماعة ...
كان كده يااخوي .... اقيف في الصف داااااااااااااااااك ...
أي .... المكتوب عليهو .... "الخواف ربي عيالو ........


++++++++++++++++++++++++++++++++++++++++++++++++++++++++++++++++++++
موسي عيسي ....
زهير ده خليهو .... كل زول بزولو ...
انت قلت لي رسلتا بت الشيخ السودان عشان الاولاد كبيرو وبقو على الجامعات ....
وعاوزين واحد يرعاهم في السودا ن ....
على منو يالكاشف .....

وين اراضيك ياشادي ......

Post: #164
Title: Re: صور نادي الشرطة
Author: عمر المهدى
Date: 05-13-2010, 10:33 AM
Parent: #163

يانجيلة تحياتي
زي مابقولو مع الشلوخ دي
مليص الاضنين دا كبير في حقنا
واحسن عبد بي سيدو ولا حر مجهجه

Post: #165
Title: Re: صور نادي الشرطة
Author: منصور عبد الرازق
Date: 05-13-2010, 10:39 AM
Parent: #163

ايوة كده يا نجيلة , انا من قبيل اغمز ليك لمن لقيتك حايم بهناك
انت يا ولد زول مجنون ولا شنو ؟؟؟!!
تمشى بهناك فى البوست العام وتقعد تفلت جنس التفلت ده
تعال بى جاى هنا وقول العاوز تقولوا
اول ما تطلع من الحوش المحروس بى ناس الشرطة ديل
الزم حدودك وانضبط
عاوز الناس ديل , يفلقوك ولا شنو
وكمان ما لقيت الا المدرسات , ناس ابتهاج ومنى يونس ورشا كمان
هسى كان لموا فيك التلاثة مع بعض
نحنا نقول يا منو , حالتوا لسه عفاف ما جايبة خبر الموضوع ده
ولا كان هسى وصل لى ناس حقوق الأنسان
والعجب زينب التيجانى , ولا شوش
اها شوش دى براها ممكن تعملك بلاك ليست , مطار الخرطوم ده تانى ما تعتبوا
القطرية دى على العموم , شيلها من حياتك خلاص
غايتو الا نشوف ليك طريقة فى مطار مروى الجديد
انت يا شليق , ما تنستر معانا هنا فى الحتة العاملين فيها ستارة دى
بعنى لازم تمشى تتشالق وتجيب سيرتهم , وفى البوست العام كمان
اى حاجة داير تقولها , قولا هنا ده , اقل حاجة معانا نملوز لو حصلت اى حاجة
ياهو ضمننا لينا بطل مارثون وجرى , واول ما تصل خط النهاية , زهير يسرق ليك الصورة من الخواجة ويجيبها
انتبه يازول واستغفر
نحنا لو فقدنا نجيلة , الباقى لينا منوتانى ؟؟!!!

Post: #166
Title: Re: صور نادي الشرطة
Author: أحمد إسماعيل
Date: 05-13-2010, 11:19 AM
Parent: #165


دق ورقيص وهبر وكسير ثلج وبعد ده كلووو تتدبيل
حكاية كدة عاملة زي مدرسة المشاغبين


بس الله يكون في العون

Post: #167
Title: Re: صور نادي الشرطة
Author: موسي عيسي
Date: 05-15-2010, 07:57 AM
Parent: #166

طبعا يا ياسر الانا العاجبني فيك فاكي البيرق للطيش

و بيني و بينك دي امورة حرفنة و كده يعني الظاهر عليك

بتلعب بضيلك بس اعمل حسابك الحريف وقعتوا كعبه ؟؟


و انت صحبي ابو شنب اليومين دي دخول قلة و بقي زي محمد

صديق يطل و يقول ليك حاجيكم برواقة ، فصحبك اب شنب داافقدوا

يكون زارنوا في بوست مفلت فيه هو باقي لمن يلقى الهوى بضري !!

يعني لو مزنوق ادي حتة يتخارج بيها انت زول خطر في الحاجات

و صحبك التاني ود الشادي ما في كان ممكن يدبروا !!!

Post: #168
Title: Re: صور نادي الشرطة
Author: ياسر نجيلة
Date: 05-16-2010, 11:17 AM
Parent: #167

Quote: مليص الاضنين دا كبير في حقنا
واحسن عبد بي سيدو ولا حر مجهجه


والله ياود المهدي .... ضحكتني بصورة ماعاديه ...
هو بالله قالوهو في بنات الشيخ ...
وينك ياشادي ....
بطل ضايع تم ضمه للمجموعة مع منحه 3 اشرطة شجاعة ...
يازوووول انت زولنا بالحيل .... من زمان وين ...


منصور يااخوي ...
غايتو جنس هرسي في المنبر العام ...
انت ماتمشي هناك وقول ليهم تعالو بي جاي عشان تعرفو نجيلة قاعد يهظر ساي معاكم...


موسي عيسي ...
خليك معانا ... ومافي داعي للمكابره ...
بنات الشيخ ديل ... صعبات بالحييييييييل

Post: #169
Title: Re: صور نادي الشرطة
Author: عبد الدائم سيد أحمد
Date: 05-17-2010, 09:20 AM
Parent: #168

افتتاحية



Post: #170
Title: Re: صور نادي الشرطة
Author: عبد الدائم سيد أحمد
Date: 05-17-2010, 09:32 AM
Parent: #169

نبدأ بقريبى وجارى البوليس السرى الرسل لي الصور
د/ طارق النور بيطرة - الصحافة 25

12.jpg Hosting at Sudaneseonline.com


تلفونك طلع فشــنك .. الصور وصلت ... والامن غير مستتب

13.jpg Hosting at Sudaneseonline.com




14.jpg Hosting at Sudaneseonline.com



15.jpg Hosting at Sudaneseonline.com




18.jpg Hosting at Sudaneseonline.com


19.jpg Hosting at Sudaneseonline.com

Post: #171
Title: Re: صور نادي الشرطة
Author: عبد الدائم سيد أحمد
Date: 05-17-2010, 09:52 AM
Parent: #170

17.jpg Hosting at Sudaneseonline.com



20.jpg Hosting at Sudaneseonline.com



21.jpg Hosting at Sudaneseonline.com



38.jpg Hosting at Sudaneseonline.com

Post: #172
Title: Re: صور نادي الشرطة
Author: عمر المهدى
Date: 05-17-2010, 11:17 AM
Parent: #171

ياههههههههههههههههههههوي الترجمة
طشششششششاااااش

Post: #173
Title: Re: صور نادي الشرطة
Author: موسي عيسي
Date: 05-17-2010, 12:50 PM
Parent: #172

1- الصورة الاولي النذير و عمر بسكو .

2- الصورة الرابعة سلمان هندسة .

3- الصورة الخامسة د. فاروق نصر .

4- الصورة السابعة عبدالرحمن شاويش .

5- الصورة الثامنة د. الهادي بابكر (حقوق ) .

6- الصورة التاسعة نادر فاروق و قدورة و شاويش .

7- سقراط .(حقوق ) .

Post: #174
Title: Re: صور نادي الشرطة
Author: محمد صديق
Date: 05-17-2010, 02:15 PM
Parent: #173

سلامات يا ناس

يا نضيف...إزيَّكْ

تعرف اجمل صورة ...صورة ثنائى الجزيرة؟

شكرآ يا حبيب.

Post: #175
Title: Re: صور نادي الشرطة
Author: زهير الزناتي
Date: 05-18-2010, 01:39 PM
Parent: #174

يا جماعة انا تعبان أنزل الصور ... وأسافر لغاية نهاية أركويت في شمس الله الحاره ديك وأجيب الصور عشان أنزلها ألقي ليك عبد الدائم قاعد في مكتبه المكيف السعودية وهاك رش في الصور ... أها الليلة يا طارق النور أمانه ما وقع راجل ... خلي عبد الدائم يديك باسويرد ...

Post: #176
Title: Re: صور نادي الشرطة
Author: عبد الدائم سيد أحمد
Date: 05-19-2010, 06:42 AM
Parent: #175

يا زهير طارق النور ما عندو ذنب فى الموضوع انتو بقيتو تتأخرو
عملتو 3 لمات ونحن قاعدين فى الصور جاية الصور جاية واخرتها
نزلتو صورة لصديق الصادق شايل ليهو صحن ام فتفت

وناس الرياض ليوم الليلة جلال ما ورانا الصور والفيديو مشو وين

Post: #177
Title: Re: صور نادي الشرطة
Author: منصور عبد الرازق
Date: 05-27-2010, 11:04 AM
Parent: #176

اها نرجع لى بيتنا المحروس
صوركم كترت لمن بقيتوا تتشاكلو عليها , ممتاز والله عشان تكفوا العين
يا كوتش , جيب لينا نفر قعدوا قدام الباب طوالى , لأنو دى الحتة الوحيدة البنتنفس فيها ونتضارى يا خ
المرة الفاتت وقفنا وين وقفنا وين ؟؟؟؟؟
ايوة , انتهينا من طبزة ياسر نجيلة بتاعت المدرسات ديك
الأخبار الوصلتنى , انو نجيلة برااااهو , مشى سوق الدهب بتاع دبى زى اربعتاشر مرة , عشان يعاج طبزتو ديك
غايتو الأمور عدت على خير , وقدر يباصرها , بى سلسل (حلبى ) , قالو ليك الا ياسر نجيلة اجر ليهو (هايلوكس ) وراهو عشان يشيلو
اها , نبقى فى زى ده يا نجيلة يا اخوى , هسى ميزانية البيت الداير تشتريهو ( ما شربت الزيت ) وراحت فى حق الله
عشان تانى تمسك لسانك ده , وما تدخلنا فى جنس المتاهات دى , عين ليك مستشار ياخى
انا غايتو بقترح ليك , ود المهدى , الزول ما طلع (سين كبير يا مان ) وبى بتيختو كمان
قبل ما نجى لى حكاية المستشار البى بتيختو المقترحينو ده
نشوف حالة ناس الريس , وناس اب شنب , الغريبة الأتنين اسمهم اب شنب , والتنين (مراتاتهم ) مدرسات
اها انت بعد طبزت ليهم جنس الطبيز داك , علبهم اليسووهو
تتذكر الصورة بتاعت ابتهاج ديك , ايوا , لمن اشترت الأسورة فى عيد ميلادها , وجات كده وختتا لينا فى بروفايلها
اها عاد الأسورة ديك , اصلها طقم
قام اب شنب زهير , اشتراها ليها , وعمل فيها الود حريف اتفق مع الجواهرجى يدس باقى الطقم بتاعها
لكن , المدرسة ما نجيييييضة
مرة كده , وهى راجعة من المدرسة , قومى اتشالقى يا ابتهاج ومرى على سوق الدهب
ياهو ظاتو السوق الما بيغبى اب شنب اخونا العزيز
قومى يا ابتهاج , القى الأسورة قاااااعدة , مع الطقم الما خمج
وجيت انت يا ياسر نجيلة عملت طبظتك بتاعت المدرسات فى نفس اليوم
عارف الأسدلمن كان عاوز يلحس الجدادة وما لاقى ليهو سبب وهم فى نص البحر , عارفو قام قال ليهو شنو ؟؟
بتتذكر ولا اقول ليك
مش قال ليهو (بتكتح مالك يا زول )
اها ابتهاج انفردت ليك بى ولدنا , وقالت ليهو , صاحبك ده (اللى هو انت ) بينبذ مالو
صاحبى منو , الزول ما نكرك تب , قال ما بيعرفك ضمة ضمة
يا ابتهاج ياخى الزول ده قرا بيطرة , وانا زول محاسب , عربى ظاتو ما بعرف
صاحبك يعنى صاحبك
الحل شنو طيب ؟؟!!
انت الأسورة دة , داسى منى (باقيها مالك ) ؟؟؟؟؟؟
باقيها ياتو ؟؟ دى اسورة مافى اختها عند الصياغ كلهم , تقولى لى باقيها
غايتو شوف ليك حل مع صاحبك ده
صاحبى ياتو ؟؟
بتاع المدرسات ما عارف الملولحات , ما عارف الشنو , ما عارف الشنو
صاحبنا اب شنب , عرف انو قدام حل واح , باقى الطقم , يعنى باقى الطقم , ولا شىء غير باقى الطقم
الزول ما شفتوا يا نجيلة يا اخوى , غاب ليهو كم يوم كده
عارفو كان وين , الزول ما كان شغال اضافى , مرة مع جمال فارح , ومرة مع نادر فاروق , ومرة مع مجتبى فاروق
وحرموهو ليك من دروس العربى الخسوسية لمن سقط فى الأمتحان
اها زولنا يا دوب شم العافية
لأنو عرفت ليك انو , باقى ألسورة وصل امدرمان , نهاية شارع الوادى
شفتا طبزاتك دى , حا تودينا وين , يا نجيلة يا اخوى
ولو عاوز تعرف الحصل شنو للريس , انتظرنى يوم يومين , لمن العصفورة تجى وتحكى لى
وده كلو هين , انت فى ده , ولا فى المصيبة كمان الجابها لينا ود المهدى بتاعت الأحداثيات دى
دى كمان دايرة ليها قعدة براااااها
فتكم بعافية
ما تنسوا تتربسوا الباب وراكم , قفلوا الشبابيك , وغيروا الشفرة , البنغالة ديل , ما خلوا ليهم شفرة ما فكوها

Post: #178
Title: Re: صور نادي الشرطة
Author: محمد صديق
Date: 05-27-2010, 11:32 AM
Parent: #177

سلامات يا ناس

يا منص جينا نحرس الباب

Quote: يا ابتهاج ياخى الزول ده قرا بيطرة


لكن دى نوديها وين ..المرة الفاتت عديناها...لكن المرة

دى محتاجة تصحيح وتوضيح

Post: #179
Title: Re: صور نادي الشرطة
Author: منصور عبد الرازق
Date: 05-27-2010, 11:38 AM
Parent: #178

هسى الفرق بين بيطرة وتربية شنو يا كوتش
عديت مرة , عدى مرتين ياخى
اصلو حايجيب فيك قون لو عديتوا المرة دى ؟؟؟؟
ناس عينها لى ياسر وزهير , تطعن فى (منسور )

Post: #180
Title: Re: صور نادي الشرطة
Author: محمد صديق
Date: 05-27-2010, 12:03 PM
Parent: #179

سلامات يا ناس

Quote: ناس عينها لى ياسر وزهير , تطعن فى (منسور )


وناس عينا فى البتيخ تخفج الحنه.

Post: #181
Title: Re: صور نادي الشرطة
Author: عمر المهدى
Date: 05-27-2010, 12:43 PM
Parent: #180

الشمس سخنت بره شكلك ياكوتش
الحفله عايز تنقلا الصالون عشان ابرد

Post: #182
Title: Re: صور نادي الشرطة
Author: محمد صديق
Date: 05-28-2010, 08:11 PM
Parent: #181

سلامات يا ناس

Quote: الشمس سخنت بره شكلك ياكوتش
الحفله عايز تنقلا الصالون عشان ابرد


الصالون والله بارد يا ود المهدى ..وعازل للصوت

لكن بى هناك الناس ديل ببالغو ..القصة ما س وص

جابت ليها ن و ر ...الحق شوف الحاصل ولمو بى جاى.

Post: #183
Title: Re: صور نادي الشرطة
Author: ياسر نجيلة
Date: 05-30-2010, 10:54 AM
Parent: #182

Quote: اها ابتهاج انفردت ليك بى ولدنا , وقالت ليهو , صاحبك ده (اللى هو انت ) بينبذ مالو
صاحبى منو , الزول ما نكرك تب , قال ما بيعرفك ضمة ضمة
يا ابتهاج ياخى الزول ده قرا بيطرة , وانا زول محاسب , عربى ظاتو ما بعرف
صاحبك يعنى صاحبك
الحل شنو طيب ؟؟!!
انت الأسورة دة , داسى منى (باقيها مالك ) ؟؟؟؟؟؟


والله يامنصور ....
اي حاجة تحصل لى زهير ... نحن بنفرح بيها ...
مش هو الورطنا في الكلامات دي ...
يعني صاحبك ده من زمااااااااان لو نزل الصور كلها واتخارج ...
مش كنا نحنا كمان اتفرجنا .... واتخارجنا ....
كل المتاهات دي منو .... يستاهل ...





========================================================
لقيتك يامنصور حكاي ووصاف جنس وصف ...
تحلف تقول الحاجات دي بتحصل معاك بالجد ...



Post: #184
Title: Re: صور نادي الشرطة
Author: زهير الزناتي
Date: 05-30-2010, 12:06 PM
Parent: #183

يا نجيلة ... شوف عايز أقول ليك حاجة أي زول يكتب لازم تجاربه الشخصية تكون حاضرة في كتابته يعني ما في خيال بحت تماماً ... عشان كده منسور بيكتب في الحاجات دي كتابة بديعة .... أها انا زولك ده من يوم جكة عوضية ديك عرفت البيهو والعليهو ... يعني موضوعو منتهي ... بس كمان إنت ما تجهل كلامه حول الطقم ده ... يلا أرح قوم حاسبنا ... اها ورينا سعر الدرهم الليلة بي كم عشان نرسل ليك الفاتورة ... ومن قاسم حسين مباشرة .... قال مدرسات قال ....

Post: #185
Title: Re: صور نادي الشرطة
Author: منصور عبد الرازق
Date: 05-30-2010, 01:24 PM
Parent: #184

اول شىء , قاسم حسين ده منو ؟؟؟
شفتو لمن الزول بالأستعجال يفك آخره برااااااهو
قلتو لى دايرين تلصقوها فينى انتو الأتنين
يعنى واحد فيكم يمشى لغاية قاسم حسين , والتانى لمن يسقطوهو فى العربى عشان يجيب باقى الأسورة
وناس تشيل الدهب بالبكاسى
وبرضو انا الجكاك المسكين ده , سيد الشىء ظاتو
غايتو بنمشيها ليكم , ونقول انا ده , المشيت سوق الدهب فى دبى
وانا ده , الدسيت باقى الأسورة
وانا ده , الوقفت قدام الباب عشان الحنة تشيل
وانا ده الكل يوم شايل لى بتيخة مسييييخة
ولافى جريدتى واجى اسال , لون التلاجة دايرنو شنو
وانا ده الأضنينى مدلدلات من كتر المليص
وانا ده الشلت شنبى الكبير ولصقتو فى مجد ولدى
وانا ده , الكنت بكتب روزنامة اسبوعية اجيب فيها مقتطفات , وقمت خليتها من يوم حكاية المدرسات ديك
عموما , نحن مش فى نادى الشرطة ؟؟
وانا ملللى
الباسويرد حقى زاتو رايح ليهو كم يوم كده , وباين شاديهو واحد هكر
هسى ده منو القاعد يكتب فى البوست ده ؟؟

Post: #186
Title: Re: صور نادي الشرطة
Author: محمد صديق
Date: 06-05-2010, 08:37 AM
Parent: #185

سلامات يا ناس

Quote: سلامات يا ناس

زيارة خاطفة الى منبر ناس الهندسة ولفحت منهم

المادة الجاية دى وكاتبها صديقى حمد محمد احمد


Quote: السلام عليكم
..
جمعية المساواة مع الحمار ( لا مؤاخذة )
الجمعية تدعو للمساواة بين حقوق الرجل والحمار ( على اقل تقدير )
مدخل ..
رجل يملك كارو حمار وهو مصدر رزقه
ياتي الرجل اخر النهار وهو مرهق لكن لا ينسى واجباته تجاه حماره العزيز
يبدأ بنظافة منزل الحمار ( مهما تكن نوع النظافة )
يحضر الماء امام الحمار ليشرب
ومن ثم يحضر له العلف للاكل وينتظر حتى يرى ان الحمار اكل الاكل وبشهية
يحضر الجردل والصابون ليغسل جسد الحمار المنهك من العمل
اذا مرض الحمار يسرع بعرضه على الطبيب البيطري ويشتري له العلاج ويراعيه حتى الشفاء
مخرج ....
الرجل يخرج من الصباح للعمل ويجلب النقود
ابسط شئ يحتاجه نظافة منزله
تقديم الطعام له
والماء
لا نحتاج للحمام سنفعله بمفردنا !!
نطالب بالمساواة
المراة دائما تتذمر انها مرهقة وان الكنس والطبخ كثير عليها وتطالب بخادمه ( اعني المراة الغير عاملة )
نحن نشقى لترتاح المراة
حتى الحد الادنى من المساواة تطالب ان يقوم به الخادمة لتقعد هي مرتاحة
نحن في هذه الحمعية نطالب بحقوقنا وبمساواتنا بالسيد المحترم الحمار ( لا مؤاخذة )
وندعو جميع الاعضاء لاجتماع الجمعية العمومية

جمعية المساواة مع الحمار
(عدل بواسطة حمد محمد احمد on 04-06-2010, 12:04




يحتاج الموضوع ان ينقل الى الاستديو بى هناك عشان خاطر الناس الخايفين على اضنينم..ماجبت سيرة زهير ولا نجيلة.


مهداة الى الاعزاء :
(ص) و(ص) و(ص) و(ص)و(ر).

Post: #187
Title: Re: صور نادي الشرطة
Author: ياسر نجيلة
Date: 06-06-2010, 09:13 AM
Parent: #186

Quote: مهداة الى الاعزاء :
(ص) و(ص) و(ص) و(ص)و(ر).


ياربي انا ياتو (ص) فيهم ....
غايتو جنس محن ...

Post: #188
Title: Re: صور نادي الشرطة
Author: عبد الدائم سيد أحمد
Date: 06-06-2010, 11:14 AM
Parent: #187

يا حليلك يا نجيلة بقيت اسمع بيك سمع

Post: #189
Title: Re: صور نادي الشرطة
Author: موسي عيسي
Date: 06-06-2010, 11:38 AM

يا حليلك يا ياسر نجيلة الظاهر عليك ما براك البتاجز

و تمسك الاولاد و تغير ليهم البمبرز و الله الليلة سمع اضاني

صحبك هرشو هرشه لمن التلفون وقع من ايدو!!! لانو انشغل بالتلفون

و خلي البيبي يبكي و الله دي كانت منقولة علي الهواء مباشرة

و هو فاكرني ما سمعت قال لي حاتصل بيك بعدين !!!!!!


و يا النضيف مالك و مال ياسر الراجل شايف شغلوا تمام و قايم

بواجب البيت على اكمل وجه انت المزعل شنو يعني علشان غاب ليه

اسبوع اسبوعين من البوست البوست انشاء الله يفوت ! لكن شغلت

البيت البقوم بيها منو و كمان بت الشيخ بتاعتو لو زعلت

البرضيها منو ؟ شوف ليك بالله تلقي حجج..........

Post: #190
Title: Re: صور نادي الشرطة
Author: منصور عبد الرازق
Date: 06-06-2010, 12:20 PM
Parent: #189

زماااااااان , (ذات مرة كده )
وحين تجلى , تتذكروا لمن اقترحنا نتضاير فى البوست ده
ونستفيد من عنوانه (الحركى )
وصوره الوهمية
حتى ان عبد الدائم , والمدعو الزناتى زهير
امعنا فى التخفى
فاختلقا شكلة خفافية عن الصور , اين كانت واين صارت , وكيف وصلت
عن طريق طارق النور , ولا عن طريق الزناتى زهير
كان ما كان , واحضر لنا الكومندان الكوتش محمد صديق
واحد عدد شاويش من (عندياته )
( هسى الجاب سيرة عبد الله الصلى معانا الجمعة فى الفتيحاب منو يا كوتش , سلم لى عليهو بالله )
حرسنا البوست , واى واحد يقع مننا فى الكلام
زى ما حصل مع نجيلة فى واقعة المدرسات التى ما تزال آثارها فى عديد من المواقع والحصون خاصة عند الصاغة والجواهرجية )
وقلنا ليكم مرة , عندنا نكتتين واقعيتين , طالما ان عندنا (مخبأ آمن نلجأ اليه )
فلا مانع لدينا من ان نحكيها , ما دمنا فى حماية الشاويش والأنفار , وما دام ان بابنا مكتوب عليه (امعانا فى التضليل )
صور نادى الشرطة , صور نادى الشرطة بتاعت (فنيلتكم ) ,
الكلام كله بقى سين وصاد , حنة وبطيخ , حلا وحمار , سواد حنة مع سواد حظ , احونك , لو شافت عيونك , ايه حاصل بدونك
والقليب الراسمو حنة , يبدو من قلبك احنا
المهم كانوا نكتتين , حكينا واحدة , وقلنا ننتظر نشوف الهوا ماشى وين
قمنا لقينا ليك , الهواء يا زول مشتت جنس تشتيت
شى سين , وشى صاد , ناس قالوا نون , ناس قالوا را ء ,
الهواء جاب حنة , وجاب بتيخ مسيخ
وبعدين الأمور اتطورت لى جمعيات مساواة بالحمير
الحتة دى بقى فيها مغرز ابن ###### يا كوتش
الزوج ككائن حى , تملص اضنينه من ذوات الرحط من جنس (الثدييات )
معرض بشوية تأثيرات دارونية متحورة , وبفعل المليص المستمر والمتواتر , وبفعل (دلدلة الأضنين الناتجة من التمليص )
الم تسمع ترباس يتغنى (بالمدلدل ده )
تانى وين نلقى ؟؟
انها قولة شهيرة للشاعر (المتملص الدلدول )
الذى اشتهى ان (يرى حلمة ودانو ) التى استعصت عليه من فرط (المليص والدلدلة )
لذا كان لزاما على قبيلة (الأزواج ) من سلالة سين
ان يجأروا بشكواهم متمنين مساواتهم بأقرب (الدلاديل فائقة الذكورة ) (متدلدلة الأذنين ) (مستنكرة الأصوات ) (مجلجلتها )
وليس صدفة ان تلتقى وتتقارب فى كونها (جهيرة الصوت عاليته ) , وفى ذات الوقت (خشنته ومستنكرته )
هذا الصوت العالى المجلجل المستنكر , يغدوا (خفيضا باهتا , جميلا فاتنا , عذبا كما صوت بلوبلو )
فى حضرة سين وسطوتها , حنتها ودخانها , كركارها وفليل دمورها , شيفوناتها ومطرزاتها , كعبها العالى , وكعبها العالى جدا
هنا فقط لا يبدو ان هناك (كعب خفيض )
كعب شنو ياخ , ده (سمح سماحة ) يا ود جبرين , خاصة اذا ما جاءك (عابرا للقارات )
منتقلا من قدم , الى راس , حتى تختلط عليك , اين القدم , واين الراس , واين كلاهما
من نكتة تانية , لوحت انا بحكيها ذات مرة , حتى اذا ما (وجدت لا تحنيسا ولا سؤالا ) , احجمت
ولا ازال فى انتظار التحنيس , والسؤال
مع ضمان (المزيد من الأحتياطات الأمنية , والتعزيزات العسكرية , حتى لو اضطريت يا كمندان , تجيب ليك شوية مساجين معاك , امعانا فى التمويه )
قلتوا شنو ؟؟؟؟؟

Post: #191
Title: Re: صور نادي الشرطة
Author: كمال الشادي
Date: 06-06-2010, 02:16 PM
Parent: #190

عليك الله يا منصور
قاعد تلقى الكلام السمح ده وين
الله يديك العافية
ضحكتني ضحك الليلة

Post: #192
Title: Re: صور نادي الشرطة
Author: ياسر نجيلة
Date: 06-07-2010, 11:30 AM
Parent: #191

Quote: من نكتة تانية , لوحت انا بحكيها ذات مرة , حتى اذا ما (وجدت لا تحنيسا ولا سؤالا ) , احجمت
ولا ازال فى انتظار التحنيس , والسؤال
مع ضمان (المزيد من الأحتياطات الأمنية , والتعزيزات العسكرية , حتى لو اضطريت يا كمندان , تجيب ليك شوية مساجين معاك , امعانا فى التمويه )
قلتوا شنو ؟؟؟؟؟


منصور يا منص ... ياابنوسي ...
قول نكتك ساي ...
بس اوع من المفردات اياها ...
دبيل ... اتنين ... ثنائي ... وهلمجرا ...

ولا انا من هسع ...
ماشي انوم ... ولا بعرفك ...


===============================
النضيف ... انت بنسوك ... طوالي في البال ...
الدخلك هنا شنو ... مش ختيت الصور ...
امشي احسن ليك ... ولا اخلي رشا تكلم نهلة ...

موسي عيسي ...
يا اخوي انا بتاع غسيل ومكوي سااااااااااي ...
مسك شفع ماعندي ... كدي شوفو عند ناس "الشنبات" ...
لقيتك "عكليته" خلاص ...

Post: #193
Title: Re: صور نادي الشرطة
Author: منصور عبد الرازق
Date: 06-07-2010, 12:15 PM
Parent: #192

لا سامع لى تحنيس
ولا شايف لى سؤال
بس النصيحة ليك يا الله
حاسى بى (ململة شدييييييدة )
زححان , تحت تحت , من النوع البيشلوا فوقوا السفنجات
ويطبقوها فى اليد
ويحاولوا التسلل للأوضة , لمن تجوا متأخرين
وتنوموا بى هدومكم كوللللها
جزمة شنو ؟؟؟قال جزمة قال
الجزمة بتكون اتملصت , قبل ما يدخلوا المفتاح فى باب الشارع
هو السفنجة المسكينة دى عندها جنس صوت بالليل
لمن تقولوا لى جزمة !!!!
اخير ليكم حنسونى
والا !!!!!!!!!!!!!!!!!!!!!!!!!!!!

Post: #194
Title: Re: صور نادي الشرطة
Author: كمال الشادي
Date: 06-07-2010, 12:27 PM
Parent: #193

منقول

Quote: تشكيل جمعية للدفاع عن الأزواج 10% من التونسيات يضربن أزواجهن
الاربعاء 4 جمادي الأولى 1430هـ - 29 ابريل 2009م - العدد 14919

تونس - (د ب أ):

كشفت تقارير إخبارية تونسية يوم الثلاثاء أن 10% من النساء المتزوجات في تونس يضربن أزواجهن وأنه تم تأسيس جمعية غير حكومية لحماية الأزواج المعنفين من "بطش زوجاتهم" أطلق عليها اسم "الجمعية التونسية للدفاع عن الأزواج المعنفين". وأشارت نتائج دراسة اجتماعية حول العنف بين الأزواج في تونس إلى أن 10% من النساء المتزوجات في البلاد يضربن أزواجهن وأن 30% منهن يعتدين على بعولتهن بالعنف اللفظي، موضحة أن "الأوضاع المادية السيئة" تزيد من حدة العنف بين الأزواج.

وأضافت أن كثيرا من الرجال الذين يتعرضون إلى الضرب لا يصرحون بذلك "درءا للفضيحة وحفاظا على ما تبقى من الرجولة وخوفا من ردة فعل المجتمع والمحيط العائلي الذي لا يقبل أن يكون الرجل موضع ضعف" ، مشيرة إلى أن العديد من الرجال يلجأون إلى الطلاق هربا من جحيم الزوجات العنيفات.وقالت المجلة إنه "من الضروري التفكير في صيغ تحمي الرجل وتدافع عنه إذا ما تعرض إلى عنف زوجته" ، داعية إلى مساندة عمل الجمعية التونسية للدفاع عن الأزواج المعنفين لتشمل بخدماتها أغلب مناطق البلاد التي تضم 24 محافظة.

المصدر : http://www.alriyadh.com/article425662.html

Post: #195
Title: Re: صور نادي الشرطة
Author: كمال الشادي
Date: 06-07-2010, 12:51 PM
Parent: #194

واحدة
زوجة واحد
ماعارفو منو !!!

Quote: دعاء إمرأة:
إلهي, ادعوك ان تمنحني الحكمة
لافهم الرجل
, لأحبه,
ولأسامحه.
وأسألك الصبر,
لتحمل مزاجه.
لانني ياإلهي ان سألتك القوة
فلن يوقفني شيء عن ضربه حتى الموت


Post: #196
Title: Re: صور نادي الشرطة
Author: كمال الشادي
Date: 06-07-2010, 01:06 PM
Parent: #195

سألت إمرأة صديقتها
كيف عرفت زوجك الثاني ؟
فأجابتها إن لذلك قصة طريفة
فقد كنت اجتاز الشارع مع زوجي الاول
حين أقبل زوجي الثاني بسيارته
فصدم زوجي الاول وقتله
وهكذا بدأت قصة غرامنا

Post: #197
Title: Re: صور نادي الشرطة
Author: كمال الشادي
Date: 06-07-2010, 01:12 PM
Parent: #196

قال الرجل لزوجته: " أشعر بأني مسن، سمين، أصلع، غبي وعديم الفائدة!"

قالت الزوجة: "لا يا عزيزي لا تبالغ، لست مسناً!"

Post: #198
Title: Re: صور نادي الشرطة
Author: كمال الشادي
Date: 06-07-2010, 01:19 PM
Parent: #197

ذهب رجل إلى قسم الشرطة وهو يريد أن يتحدث مع اللص الذي اقتحم منزله أمس ليلاً والشرطة أمسكته ... فقال له الضابط سوف تأخذ فرصتك في الكلام معه أمام النيابة ... فرد الرجل،، لأ إني أريد أن أسأله سؤال واحد ... كيف استطاع دخول المنزل بدون أن تستيقظ زوجتي ،،، إنني أحاول فعل ذلك منذ سنوات ودائماَ أفشل


§ بينما كان الرجل وزوجته يتجولون في مول تجاري ضخم ... تاهت عنه زوجته ولم يستطيع أن يجدها وسط الزحام ... وفجأة رأى إمرأة جميلة فتقدم منها وقال لها ... هل تسمحين لي بالحديث معك ولو دقيقة واحدة ... فقالت له لماذا ... فرد عليها،، لأني بمجرد أن أتحدث إلى أي إمرأة جميلة أجد زوجتي أمامي ولا أعلم من أين تأتي


§ خلال حفل زواج ... سأل طفل صغير أمه ... لماذا تلبس العروس فستاناً أبيض؟ فردت عليه الأم ... لأن اليوم هو أجمل يوم في حياتها ... فأخذ الصغير يفكر قليلاً ثم سألها ... ولماذا إذن يرتدي العريس بدلة سوداء؟؟؟



§ استيقظت إمرأة ذات يوم وهي تقول لزوجها ،،، اليوم عيد الحب وقد حلمت بأنك أهديتني قلادة ذهبية مرصعة بالماس ... ما معنى هذا الحلم؟ فقال لها زوجها ،،، في المساء سوف تعرفين ... وعندما أتى المساء وجدت زوجها يحمل علبة أنيقة وأعطاها لها بمناسبة عيد الحب ،،، وعندما فتحتها وجدت كتاب مكتوب عليه .... تفسير الأحلام

Post: #199
Title: Re: صور نادي الشرطة
Author: كمال الشادي
Date: 06-07-2010, 02:14 PM
Parent: #198

للحياة معنى ،
ومعنى الحياة بحروفها ،
وحروفها ست ،
وست يعني حرمة ،
والحرمة تبي رجال ،
والرجال يبي عيال ،
والعيال يبون حليب ،
والحليب عند البقر ،
والبقر يبي حشيش ،
والحشيش يخليك مدمن ،
والمدمن يصير مروج ،
والمروج يروح السجن !
الاستنتاج /
السجن هو مصيرك إذا دخلت حياتك حرمة .
"تحليل محشش"

Post: #200
Title: Re: صور نادي الشرطة
Author: كمال الشادي
Date: 06-07-2010, 02:16 PM
Parent: #199

فوائد الزوجه النكديه:
1ـ تجعل لسان زوجها رطبآ بذكر الله (طول اليوم يردد :حسبي الله ونعم الوكيل )
2ـ غض البصر (بأسبابها يكره كل الحريم )
3ـ صلة الرحم (على طول شارد بيت أهله من نكدها)
4ـ المحافظه على الوزن (دايم نفسه منسده )
يعني سبحان الله حتى وهي نكديه فيها فايده ..

Post: #201
Title: Re: صور نادي الشرطة
Author: كمال الشادي
Date: 06-07-2010, 02:18 PM
Parent: #200


* أكاذيب الحريم :
1 عيالي ما يأكلون
2 زوجي يموت فيني
3 تزوجت لأني حلوة
4 الحمل خرّب جسمي
5 محد يصبر صبري
6 كل ما رحت عرس خطبوني
7 من يشوفني يقول صغيرة
8 محد يصدق إن هاذي بنتي
9 من أمس ما رقدت إلا ساعة
10 حملت بالغلط

Post: #202
Title: Re: صور نادي الشرطة
Author: حمد محمد احمد
Date: 06-07-2010, 03:12 PM
Parent: #201

المراة اذكى مخلوق في الارض ( اذكى من ابليس ذات نفسه )
..
اقرا بتامل
..
الرجل يذهب للعمل من الصباح
يجتهد ويتعب من اجل المراة
( اذا كان غير متزوج ليجمع قروش للزواج واذا كان متزوج لجلب مصاريف البيت )
المغترب يركب الطائرة ويسافر ويترك اهله للاتي :
يتزوج بامراة
يشتري بيت لتعيش فيه المراة
يشتري سيارة لينقل به المرا بدل تلتلة المواصلات ( لانه بغير عليها )
الماشي امريكا عشان المراة
العتالي عشان المراة
البناء عشان المراة
اذن نحن كلنا ندور في فلك المراة
امعانا في ذكاءها لا تحسسك انك تفعل لها شئ
حتى الاكل تعطيك الاكل ليكون عندك طاقة للعمل
اما المتبقي فتأخذه منك مساءا باسلوبها !!
لا تترك لك شئ خاص بك
وبعد كل هذا فهي مظلومة
هذه هي العبقرية الحقة
لها كل شئ وتدعي ان لا شئ لها
لذلك هي اذكى مخلوق

Post: #203
Title: Re: صور نادي الشرطة
Author: محمد صديق
Date: 06-07-2010, 07:38 PM
Parent: #202

سلامات يا ناس

Quote: المراة اذكى مخلوق في الارض ( اذكى من ابليس ذات نفسه )
..
اقرا بتامل


مراحب بحبيبنا الباشمهندس حمد..منبر اليوم الحار ،ناس الهندسة...الزول ده

صاحبى وعشرة عمر...لكن اعملوا حسابكم منو ...بالذات الناس الخايفين على

اضنينم واوصى الحبيب نجيلة اولاً رغم انه لايحتاج لوصايا لمهارته الظاهرة..

اعملوا حسابكم من الكمين الاسمو حمد ده فهو له :مثنى وثلاث وربما رباع.انا كلمتكم

وكل زول عقلو فى راسو يعرف خلاصو.

تحياتى يا باشمهندس والبيت بيتك..

بس دايرك تعلم لى س وس و س وس ..انا بتعلم براى.

Post: #204
Title: Re: صور نادي الشرطة
Author: كمال الشادي
Date: 06-08-2010, 07:17 AM
Parent: #203

يا باشمهندس حمد
الحتةللناس
البشكتو من إضنينم
اذا انت زي ما قال محمد صديق
من ذوات المثني والثلاث والرباع
يا أخوي تبقى ما بتبعنا
نوعك ما ياهو زاتو البيجيب لينا الكلام
هسي بنات الشيوخ لو عرفو أنك دخلت بي جاي
بيحرمونا الطلة هنا
عليك الله ما تجيب لينا الهوا

Post: #205
Title: Re: صور نادي الشرطة
Author: ياسر نجيلة
Date: 06-08-2010, 10:41 AM
Parent: #204

Quote: حتى الاكل تعطيك الاكل ليكون عندك طاقة للعمل
اما المتبقي فتأخذه منك مساءا باسلوبها !!



لها كل شئ وتدعي ان لا شئ لها


حمد محمد أحمد .... هندسة

هسع يا محمد صديق ... صاحبك ده يصاحبوهو كيف ...
كدي شوف مدخلو ده ...
وكمان عندو مثني وثلاث ... ورباع ...
خليهو يكلمني في الخاص ...



==========================
الشادي ...
انت بت شيخك مشت اجازة ...
ولا اكيد الكمبيوتر في البيت عطلان ...
الكلام ده ختيتو كيف بدون الرقابة ...



غايتو جنس ضحك ....
طبعا في المكتب بس ...

Post: #206
Title: Re: صور نادي الشرطة
Author: منصور عبد الرازق
Date: 06-08-2010, 01:11 PM
Parent: #205

وعشان با شمهندس حمد جانا , ودخل نادى الشرطة
وبما انو صاحب الكوتش محمد صديق
وبما انو الكوتش , عسكرى , وبوليص عدييييل , وهو المؤمن لينا الحماية بتاعت باب البوست ده
وبما انو مافى زول حنسنى , لغاية هسى
وبما انو كمال الشادى , حارق تش الأيامات دى , لمن حير ليكم ياسر نجيلة زاتو
فانا جانى بريد ممتاز
بتعاينوا لى مالكم , فى بريدى الألكترونى ده , عندى واحد عادى , وواحد مسوجر , وواحد ممتاز عدييييل
فى الممتاز جاتنى الرسالة التالية (من مصدر مجهول ) , مجهول دى طبعا تقولوها لى زول ما عنده (حديدة ) زيكم كده
انا شاكى فى كم زول كده , هم الرسلو الرسالة دى , وكمان موقعين كل كلام بى اسم زول مختلف , امعانا فى التمويه والحرفنة
وانا بموت فى التمويه والحرفنة , المنها وزيها اسم بوستينا ده , المافيهو لا شرطة ولا صور
وبرضو اسمه صور نادى الشرطة , صور نادى الشرطة بتاعت (حنانكم )
اوريكم طيب الجانى فى الممتاز بتاعى شنو
شوفوهو وقولوا لى
انت بالذات يا باشمهندس حمد , بما انك يا دوب جاى جديد لنج (كرت كرتونة )
فتعليقك بهمنا , عشان نعرف نختك فى ياتو (كاتيوجرى )
باقى تصنيفنا هنا بتاع الناس حسب موقفهم وتعاملهم مع بنات شيوخهم
هو البهمنا , لا معترفين لا بى هندسة , ولا طب , ولا جنابو , ولا حتى بى (ضنين الوعد )
وقع ليكم , طيب شوفوا (فلان داك ) رسل وقال لى شنو
اقول ليكم حاجة , احسن نفصل بين المداخلة دى , وبين الجانى فى الممتاز ,
عشان لا واحد يقول اتلخبتا , ولا زول ما يقدر يفرز بين كلامى الكاتبوا انا
وبين الكلام الجانى فى الممتاز (هو جانى فى الممتاز اى نعم , لكن البقراهو , بيمشى الليق ضمان )

Post: #207
Title: Re: صور نادي الشرطة
Author: منصور عبد الرازق
Date: 06-08-2010, 01:16 PM
Parent: #206

After marriage, husband and wife become two sides of a coin; they just can't face each other, but still they stay together.
Al Gore

By all means marry. If you get a good wife, you'll be happy. If you get a bad one, you'll become a philosopher.
Socrates

Woman inspires us to great things, and prevents us from achieving them.
Mike Tyson

The great question... which I have not been able to answer... is, "What does a woman want?
George Clooney

I had some words with my wife, and she had some paragraphs with me.
Bill Clinton

"Some people ask the secret of our long marriage. We take time to go to a restaurant two times a week. A little candlelight, dinner, soft music and dancing. She goes Tuesdays, I go Fridays."
George W. Bush

"I don't worry about terrorism. I was married for two years."
Rudy Giuliani

"There's a way of transferring funds that is even faster than electronic banking. It's called marriage."
Michael Jordan

"I've had bad luck with all my wives. The first one left me and the second one didn't." The third gave me more children!
Donald Trump

Two secrets to keep your marriage brimming
1. Whenever you're wrong, admit it,
2. Whenever you're right, shut up.
Shaquille O'Neal

The most effective way to remember your wife's birthday is to forget it once...
Kobe Bryant

You know what I did before I married? Anything I wanted to.
David Hasselhoff

My wife and I were happy for twenty years. Then we met.
Alec Baldwin

A good wife always forgives her husband when she's wrong.
Barack Obama

Marriage is the only war where one sleeps with the enemy.
Tommy Lee

A man inserted an 'ad' in the classifieds: "Wife wanted". Next day he received a hundred letters. They all said the same thing: "You can have mine."
Brad Pitt

First Guy (proudly): "My wife's an angel!"
Second Guy: "You're lucky, mine's still alive."
Jimmy Kimmel

"Honey, what happened to 'ladies first'?" Husband replies, "That's the reason why the world's a mess today, because a lady went first!"
David Letterman

"First there's the promise ring, then the engagement ring, then the wedding ring...soon after....comes Suffer...ing!
Jay Leno





SEND THIS TO ALL THE GUYS TO GIVE THEM A GOOD LAUGH......AND TO THOSE LADIES WITH A SENSE OF HUMOUR WHO CAN HANDLE IT!!!!!!!




Post: #208
Title: Re: صور نادي الشرطة
Author: حمد محمد احمد
Date: 06-08-2010, 03:21 PM
Parent: #207

السلام عليكم
..
الاخوان
الشادي
نجيلة
منصور
والعزيز محمد صديق الذي اطلق التحذير اياه
نجيلة خليك في العام
منصور كل الكلام ده في المراة
ما تخاف انا بقيت فيلسوف
..الحق الوحيد الذي كفله لنا الاسلام هو التعدد
حتى هذا الحق ( وهو الوحيد ) تتم مصادرته
الواحدة تقول ليك انا ما عاوزة لي شريك
واذا عرست حا امشي بيتنا
وتاني ما حا تشوف اولادك الخ الخ
ومرات تهديدات ومرات بكا
كل ده لانتزاع الحق الوحيد وهو التعدد
المراة تستخدم كل ذكاءها لتجردك من كل شئ
واحيانا توهمك بانك الكل في الكل ( و ورا ورا كده تلقاها هي المدوره الحياة كلها )
لازم تكونو منتبهين
..
انضمو لجمعية المساواة مع ال ...
الرجاء احضار طلب عليه دمغة فئة جنيه
وعدد 2 صورة باسبورت
البزكيهو محمد صديق بنسجلو طوالي !!

Post: #209
Title: Re: صور نادي الشرطة
Author: كمال الشادي
Date: 06-09-2010, 07:15 AM
Parent: #208

يا حمد يا هندسة
Quote: ..
الاخوان
الشادي
نجيلة
منصور
والعزيز محمد صديق الذي اطلق التحذير اياه
نجيلة خليك في العام
منصور كل الكلام ده في المراة
ما تخاف انا بقيت فيلسوف
..الحق الوحيد الذي كفله لنا الاسلام هو التعدد
حتى هذا الحق ( وهو الوحيد ) تتم مصادرته


كلامك سكر وزي اللوز
كلنا رديت علينا
ألا حاجة واحدة صاحبك محمد صديق
اتهمك ( هو ما إتهمك عديل عيني عينك كده ) لكن كان مجرد إستيضاح
وهو شغل بتاع بوليص ( يعني افهموها وخلو بالكم )
ما صاحبك قال انك بتاع مثني وخمستاشر وكده يعني ؟
يا زول الحتة الوحيدة التتكلم فيها هي الحتة دي
تنفيها نحن معاك
تأكيدها شوف ليك درب تاني
يا أخونا نحن كلنا الفي البوست ده
الباسوورد بتاعنا شيرنج وما بمزاجنا بل ( مجبر اخاك لابطل )
يعني القصة بتاع جرير الاضنين والكفيت والبيتان في الصالة على الكنبة
كبرنا عليها
نحن بقينا عضمة كبيرة

حمد يا أخوي
حدد موقف
معانا والله مع الجماعة

Post: #210
Title: Re: صور نادي الشرطة
Author: مني عباس
Date: 06-09-2010, 10:10 AM
Parent: #209

تعرف يااخى حمد..لماذا يجتهد الرجل ويتعب من اجل المراة؟ ويتزوج امراة.؟ وكل حياته امراة.. امراه.. ليس لن المراه ذكيه او عبقريه. فانا فى راى المساله فى غاية البساطه
ابحث فى داخلك ماهو احساسك!!!!
كلنا لناحاجه لا تنتهى للامان
حاجه ازليه ابديه..
من اجل ذلك نحب ان يكون معنا اخر
فالرجل يبحث عن زوجه ثم عن عائله
والمراة تحب ان يكون لها زوج


نحب نبحث عن الامان اذا....لدى الاخر قد يكون فى الزوحة..او فى انسان ما
نحن نبحث عن الامان فى المال
وفى الطرقات
وتحت الاحجار
وفى زواج اربعة


نحن نضيع الكثير من وقتنا هباء فى رحله البحث هذه
ونستنزف من طاقاتنا الكثير..بلا جدوى
ونعاتب المراة..انها سبب كل هذا العذاب
فالامان الذى نبحث عنه لاياتى من الاخر ولايستورد من الخارج
فلا الرجل هو من يوفر الامان للمراة ولا المراه هى من يوفره للرجل
ولا الجرى لارضاء رغبات المراة يوفره
الامان هو احساس ينبع من داخلنا
وحدنا...فى معاملنا الداخليه ومصانعنا الداخليه قادرون على انتاجه
قادرون على ايجاده حسب المقاس والطلب



الامان كالخير...ان لم يكن فى داخلنا
فكيف نتوقعه من الاخرين؟
الامان كالحب...ان لم يكن فى داخلنا
فكيف نجد من نحبه ويحبنا؟
الامان كالروح... ان تكن فى داخلنا
فما نفع الجسد...؟


فاياشادى.. ويامنصورويا حمدوياسر ويامحمد صديق..مثنى..وثلاث.. ورباع ما بتحلكم ابحثوا فى دواخلكم..تجدوا السعادة الابديه..

Post: #211
Title: Re: صور نادي الشرطة
Author: حمد محمد احمد
Date: 06-09-2010, 10:33 AM
Parent: #210

شفت يا شادي يا اخوي
كلام منى ده
يذكرني بالقسيس جيمي سواقرت في مناظرته الشهيرة مع احمد ديدات ( الله يرحمه )
المراة ذكية
القران قال ( ان كيدهن عظيم )
ومافي اعظم من قول الله عز وجل وهو الخالق
..
منصور انا رايي في الكلام بتاع الرسلة الممتازة كلو سليم
وهو خلاصة تجارب مجموعة من المقهورين الفلاسفة ( شامل جورج دبليو بوش )
.. كمال الشادي
تداخلنا كثيرا قبل كده
انت حدد موقفك
معانا ولا مع الخيانة ؟؟ !!

Post: #212
Title: Re: صور نادي الشرطة
Author: عبد الدائم سيد أحمد
Date: 06-09-2010, 10:45 AM
Parent: #210

منى عباس بركة الظهرتى وخلعتى الناس ديل ماخدين راحتهم على الاخر
وجابو خبراء من بره كمان ، وبالذات نسايب اداب

الامان .... الامان





Post: #213
Title: Re: صور نادي الشرطة
Author: منصور عبد الرازق
Date: 06-09-2010, 12:16 PM
Parent: #212

هووووووى
انتو العسكرى الواقف فى الباب ده , دقس ولا شنو
جيب الزول ده اعمل ليهم جزا يا كوتش
باين عليهو مشى يدخن سيجارة بعيد ويجى راجع
بس زولك ما دقس ونسى الطبلة بتاعت الباب فاتحة
غايتو , لو كان الزول الدخل ده غير منى عباس , كنت حا اقول ليك يا كوتش الزول ده , ارفده عديييييل
لكن بما انها منى عباس , صهين منو , واحتمال نعمل ليهو مكافاة تحت تحت , بس كمان ما يخلينا فى السهلة عدييييل زى ده
اما انت (يا حمد )
فكلامك الزى ده , حايطفش ناس الراية البيضاء ,
وبمناسبة الراية البيضاء دى , امبارح ماشى فى السوق ومعاى بت الشيخ , قالت عايز ة ليها قطع اثاث صغيرة صغيرة كده
دخلنا محل لقينا ليك فيهو سودانى
شفنا عينة من الحاجات الدايرنا , سعرها لينا وقال انها فيها تخفيض كبير
لكن بالرغم من كده , ما زالت غالية , والكلام للبياع السودانى ما يزال
الراجل قام قال لينا , ياخى المحل الفلانى داك فيهو حاجات كده (وصفها لينا ) ارخص بكتيييير
انا ضحكت من وصفو , لأنو كنا شايفنها قبل شوية وما راقت لبت الشيخ , البتفتش عن مواصفات معينة
وقمت قلت ليهو , ياخى ما تقنعها لى , لى ساعتين بحاول فيها
الراجل باين وقعت ليهو فى جرح , وممكون وصابر
الساعة الأنفتح ليك فينى
يازول اوعك تعاند مرتك , تقول ليك يمين , تمشى يمين , شمال , شوف درب الشمال وين
وبعدين انت يالذات احقو اديك الأورنيك تعبيهو من هسه وتنضم لينا
انضم ليكم وين ؟؟
فى جمعيتنا
فى سرى قلت يا ربى الزول ده مرسلو لى الكوتش عشان جمعية المساواة بالجماعة ديك ولا شنو
جمعية شنو يا اخوى
اقعد يازول اتوهط فى الكرسى داك , يا ولد جيب موية بااااردة للزول ده
انت معقول ما سمعت بى جمعيتنا , جمعية الراية البيضاء ؟؟
يطرشنى
اها يطرشنى دى باين عليها عجبتوا ليك جنس عجب , وقال الزول ده , زولنا عدييييييل
شاى يا ولد
تعرف يا ( انت اسمك منو )
منسور عبد الرازق
عارف يا باشمهندس (وهو يتأمل الكرت التعريفى الأديتو ليهو )
غلطان , والغلط راكبو من راسو لى رجليهو , البيعاند مرتو
كيف يا ود الشيخ
عاوز امورك تتلخبط , وكل يوم تدخل فى حيص بيص , كتر من قولة لا والكلام الفاضى الزى ده
يا راااجل
انا شخصيا , متزوج لى تمنتاشر سنة , اصلو يوم ما سمعت كلام مرتى
وطيب دايرنى ابقى اضينة لى شنو , ما دام انت مالى مكانتك كده
انت ما تنتظر اكمل ليك الكلام
اها
تمنتاشر سنة متزوج , وتمنتاشر سنة ما سمعت كلام مرتى
وتمنتاشر سنة , امورى ماشة لى ورا
ختفت كرتى منو , وقلت ليهو لا عايزين مويتك الباردة ولا شايك المسيخ
وانا برجف لغاية هسى
حمد و منى عباس وكمال الشادى والكوتش , سامعنى ؟؟!!
يا كوتش , البوست ده محتاج زيادة تأمين

Post: #214
Title: Re: صور نادي الشرطة
Author: كمال الشادي
Date: 06-09-2010, 12:53 PM
Parent: #213

يا حمد

Quote: تداخلنا كثيرا قبل كده
انت حدد موقفك
معانا ولا مع الخيانة ؟؟ !!


انا مع الخيانة !!!!!!!!!!!!!!!1

Post: #215
Title: Re: صور نادي الشرطة
Author: كمال الشادي
Date: 06-09-2010, 01:04 PM
Parent: #214

يا منصور
Quote: تمنتاشر سنة متزوج , وتمنتاشر سنة ما سمعت كلام مرتى
وتمنتاشر سنة , امورى ماشة لى ورا
ختفت كرتى منو , وقلت ليهو لا عايزين مويتك الباردة ولا شايك المسيخ
وانا برجف لغاية هسى
حمد و منى عباس وكمال الشادى والكوتش , سامعنى ؟؟!!
يا كوتش , البوست ده محتاج زيادة تأمين


اول حاجة حمدا لله على السلامة
يازول راعي لصحتك وعافيتك
ما اي زول يلاقيك في السوق يعمل ليك فيها عبد المنصح تمشي وراهو
النوع بيوديك في ستين داهية
وبالله قرضو شوية
معانا ستات في البوست

Post: #216
Title: Re: صور نادي الشرطة
Author: عبد الدائم سيد أحمد
Date: 06-10-2010, 07:28 AM
Parent: #215

من كتابات زميل المنبر عماد عبدالله


Quote: بمناسبة الشيطان :
واحد قريبك دنقلاوي طراوة خالص ..
كان في السعودية زي ديشيليون سنة كده ما رجع البلد ..
ضغطوا عليهو يجيب مرتو .. إن شا الله حج ..
قعد يسجل لمرتو شريط عشان تجي الحج ..
و هو مكجنها و زهجان منها :
تمشي تعمل ستة صورة أشان البظبورتي , هو من قير البظبورتي دي إنت بتجي في السأودية ؟؟ .. إهبل ده .
بعد كده تمشي في هرتوم عند صالح سعيد , السجانة ما تمشي .. أشان إنتي أصلاً واهد درويش ميّا .. آآآآ
تركب الطيار على طووووول تنزل في إسم إيه ده .. جده , خليك عند أبداللزيز إبن عمي .. هو بيجيبك في مِكة , إنت أصلو واحد فُشوش أنا بنعرفك ..
بعد كده كمان تمشي في الهرم تآمل التواف .. لف مع الخلق دول كدددده لغاية إيه هُمّن يوقفو إنت كمان توقف آآآآ .. يعني الدرويش بتاآك ده ما تروح تعمل هناك آآآآ؟ مـررره إهبِل .
تجي بآد كده على توووووووول في .. اللهو مصلي أنبي : الحجر بتاع الشيتان ..
شيللك شوية حجر كده آآآآ .. و أمشي مع الناس أرمي الشي ده عشان الشيتان ..
ياني إذا ما رميت شوية الحجر دول في الشيتان .. ما بيكون أندك هــج .. فاهم ؟
الشيتان ده تضرب كده بالحجر لغاية ما إيه .. يعني كل الإسم إيه ده يخلص ..
لأنن الشيتان ده كـ ......
و بعدين تعال هنا !! .. بالله في شيتان غيرك ؟؟؟

و ضرب المسجل وقفو .

Post: #217
Title: Re: صور نادي الشرطة
Author: ياسر نجيلة
Date: 06-10-2010, 11:35 AM
Parent: #216

يا مني عباس ......
هسع جمعيتنا دي ... رايك فيها شنو ...
شعارنا ارقدو قش ... وما تقلو كش ...
بنات شيخنا ديل ما بنلعب فيهم ابدا
يمين يمين .... شمال شمال ... رضينا ام ابينا ...
ما انتو الأمان والحنان ... والحياة كلها...
نحنا من غيركم "بنسوي" شنو ...
والغريبة ... في وجدكم برضو مابنسوي ... حاجة ... (5 وشوش ضاحكة من بتاعين طارق جبريل)
الحمدلله ... ساكنة بعيييييييييييييد ... وفي كندا ...
الواحد مايهظر معاكم ...
ياسلاااااام يامني ... سلام بلا حدود ... والاولاد وابوهم معاك ...

=======================================================
منصور .... وعبدالدايم ...
الحمدلله انا لا بفهم انجليزي ... ولا لهجة الدناقلة ...
كلامكم ده ليكم براااكم ...
بت شيخي خريجة آداب انجليزي ... وعندها عرق دنقلاوي ...
بعدين حتشرح لي حسب فهما ...




Post: #218
Title: Re: صور نادي الشرطة
Author: مني عباس
Date: 06-11-2010, 07:00 AM
Parent: #217

مرحبا ناس الرايه البيضاء
وسلام خاص الى الرجل العاقل ياسر نجيله.
يا منصور انت جنيت ولا شنو؟
تعرف ياعبد الدائم الحل الوحيدهو (الاحساس بالامان) ما عندكم طريقه غيره اسمع نصيحتى.
و يا كمال الشادى...ياخى..انت زول بتاع موسيقى... ومرهف.. وحساس كلام مثنى ..وثلاث.. ورباع دى ما بشبهك خليك عاقل ذى اخونا ياسر.
ياجماعة الرايه البيضاء...انا ما عايزاكم ترفعوا الرايه دليل على الاستسلام.. بل دليل على السلام(الامان)..
انا دخلت البوست دا ما عشان اناكف.. ولا اناظر..(والله ما خابفه من زول) انا من زمان رفعت راية السلام!!!! بس انا عايزه انضم للجمعيه لتحويل
الجمعيه من استسلام الى سلام..... ولا رايكم شنو؟؟؟ احسن ليكم...استفيدوا من خبرة 20 سنه.... نبدا؟؟؟؟؟؟؟

Post: #219
Title: Re: صور نادي الشرطة
Author: كمال الشادي
Date: 06-12-2010, 07:55 AM
Parent: #218

كيف يسعد الرجل المرأة
"على الرجل أن يكون " :
صديق
رفيق
حبيب
أخ
أب
قائم الليل
مدبر
كهربائي
سواق
سباك
ميكانيكي
مصمم ديكور
صاحب اسلوب
طبيب نفسي
مبيد حشرات
طبيب معالج
مستمع جيد
مرتب
نظيف جدا
عاطفي
رياضي
دافيء
يقظ ومتنبه
انيق
ذكي
مرح
مبدع
حساس
قوي
يتفهم
يتحمل
متعقل
طموح
شجاع
مصمم
صادق
يعتمدعليه
يمدحها بإنتظام
يحب التسوق
محترم
غني جدا
لايرفع ضغطها
لاينظر إلى غيرها من النساء



كيف تسعد المرأة الرجل



تتركه في حاله

Post: #220
Title: Re: صور نادي الشرطة
Author: عمر نملة
Date: 06-12-2010, 09:24 AM
Parent: #219

قبل كل شئ ارحب بزميل المهنه
حمد ما لبد وما اتلبد وقف في نص الداره واتوهض
قال انا الشقيان انا التعبان انا الشربت المر وفي بيتي بتكفت

وقبل ماارحب بي الما معانا اماني عباس احكي ليكم القصه من قولت تيت ومااظن قولت السلام عليكم تجي : انو البدايه ابونا آدم وامهن حواء مرتاحين ومرطبين في الجنه والمشكله بدات لما ابونا آدم بداء يكتب شعر طبعا مفروض عن امهن حواء لكن غلط وورطتنا معاه بداء يكتب شعر عن شجره كانت تتميز عن شجر الجنه طبعا الغيره ولعت وقالت امهن ياانا يا الشجره دي في الجنه وجلست مع نفسها تفكر تستعمل ياتوا طريقه( المدرسه ولا الحنانه ولاالمدبرسه ولاالخاطبه ولا كل القال عنهن ياسر نجيله) المهم قررت استخدام طريقه جامعه لكل الطرق واسمها طريقه الامر الواقع وتدعمها بطريقه الارض المحروقه، تاني يوم الصباح وابونا واقف وقفتوا الصباحيه تحت الشجره ويلامس في الغصن الرطيب ويقول في بنانك ازدهت الزهور ، وقفت امهن ومسكت ضرسها وقالت ليه: الليل كله ما نمت وحلمت انو علاجي التفاح! ابونا لاول مره ينطط عوياناته لانه قبل كدا مافي مرض ومافي هم ومافي شكوه وكمان العلاج تفاحه! وعشان ماتديه فرصه يفكر سريع شالت يده ووضعتها على التفاحه لمان ابونا رجف والرجفه ليوم الليله وبسرعه جذبت يدوا لتحت والتفاحه وقعت ليه جوه خشمه الكان فاتحه من الدهشه وما قدر يبلعها وماقدر يطلعها وبعد داك حصل الطبيق والصفيق من الورق واللوبيا وزي ماقالت ياانا يا الشجره دي في الجنه طبعا الشجره ليوم الليله في الجنه وامهن لقت نفسها في الهند واول حاجه عملتها في الهند اشترت صندليله ومحلبيه وسرتيه وطبعا معاهن الحنه وقالت تفتش عن ابو التفاتيح عشان يدبرليها معيشتها وتتفرغ هي للحنه ، اما ابو تفاحه طلع في الصومال ولو مامصدقين لو قالبتهم اي صومالي اسالوه عن اسمه على طول يقول ليك اسمي آدم. ومن يومها بداء شغل القرصنه وعاش في امان الله ومن سفينه لسفينه واخر سفينه رست بيه في جده ونزل في جده لانه تعب من اكل الموز ووصل باب شريف، اما امهن ام البنات لي حدهن لفت لف كتير من بومبي لكلتكا لاولد دلهي وبعدها الي لاهور المهم لقت ليها طريقه زياره للسعوديه ووصلت جده ومنها لباب شريف وكان حالتها شلش ورجلينا مورمات ومغبرات قامت قعدت ترتاح تحت شجرة نبق والجوع كاتلها وخايفه من الكشه المهم في اللحظه ديك شافت ليك ابو التفاتتيح كان عايز يتخارج للميناء وظاهر كان ماشي اوربا بسرعه هزت شجرة النبق فتساقط عليها نبق قويه وعمل صوت بسرعه اتلفت ابو التفاتتيح وشاف النبق خاف منو لانه قايله تفاح صغير، وحنانه عملت نايمه بعدما مسحت رجليها وبسرعه ختت الحنه واول ماشافها كان عايز يتخارج لكن وين فتحت عين واحده وبسرعه هو ادارك الامر وقال ليها حوايتي: انا من ماطعلت من الجنه بفتش ليك. قالت ليه انا مما طلعت من الجنه نايمه تحت الشجره دي ولو مامصدقني شوف الصفق دا الاتصفقنا بيه ما طلع صفق حنه!!!
اهاا بعد القصه دي ارجع لي الما زميله في المهنه اماني عباس دخلت علينا بقصه عبدالدافع عثمان الامان وبعدها عملت لينا كامب ديفيد والسلام وقال شنو: السلام بدل الاستسلام!! وحاتك تلقيها عند صاحبنا القابل منصور اما نحنا وابداها بي انا قررت الحل الوحيد الجري وطبعا لو ما شجرة النبق لليوم كان ابونا جاري بس الله يرحمه وصانا على الحل الوحيد الجري ولمسافت طويله لانه خطته هي سياسة النفس الطويل لمواجهة سياسات الامر الواقع والارض المحروقه وكمان شايف سياسة ارض المحنه دخلت حيز التنفيذ.

Post: #221
Title: Re: صور نادي الشرطة
Author: منصور عبد الرازق
Date: 06-12-2010, 10:04 AM
Parent: #220

الجن منو يا منى ؟؟ انتى ولا انا ؟؟
اول شىء مقايضات الأمان والسلام دى ما حتستوى , الا لمن (الشيتان ده ) ندمره
وانا قاصد الشيتان الأول , الشيتان التانى ده , موضوعه ما عندى انا , اسالو منو عبد الدائم وصاحبو الدنقلاوى
شوفى يامنى , الشغلة بتاعت الأمان والسلام دى , شغلة معروفة وعندى مقنعة جدا
لكن الشيتان دائما (فى التفاصيل )
هسى يعنى قالوا ليكى الفلسطينيين واليهود ما مقتنعين بالأرض مقابل السلام
ولا هنرى كسنجر زمان , كان بيحب يلعب تنس طاولة , لمن بدأ محاورته لى ماو تسى تونغ
الشغلة لمن تجى للتفاصيل , والموازنات , وقلت ليكى وقلتى لى , وحلاة الزول فى (الطول والعلا )
اها شفتى الموازنات دى , من نوع نتخذ القرارات كيف , الوليدات ديل نتعامل معاهم بياتو اسلوب
نشترى رسبشن جديد ولا نعديها بالقديم , ندخل فى دور (تقشف ) ولا كمان نفتحها على البحرى
نسافر اجازة السنة دى , ولا نعمل طناش , نرجع السودان نعيش هناك , ولا ننسى الموضوع ده
وقلت ليكى وقلتى لى دى براااها كوم تانى , اما الطول والعلا , فبيتوقف على طول لدرجة كم (متر يعنى ؟؟)
والعلا , دايرنو لى درجة ياتو طابق يعنى
وحاة الله ما بتكلم عن نفسى , يمينا بالله بتأمل فى كيمياء النساء , ومقابلتها بكيمياء الرجال المختلطة بى (فيزياء وشوية احياء كمان )
ما كملت ليكم كلام زولى القابلتو فى السوق , وشرحه المسهب عن مواصفات وشروط الأنضمام لحمل (الراية البيضاء )
قال ليك واحد جاءهم طالب عضوية
ادوهو الأستمارة والأورنيك , قالوا ليهو عبيهم واملاهم
حددوا ليهو يوم المعاينة
انت العاجبك شنو فى جمعيتنا دى
فترت فتر شديد من المناقرة ياخ
وكان فترت الجابك لينا شنو , انت قايلنا محل بتاع راحة , جمعيتنا دى غير التعب ما فيها
فى حاجات ظاهرها التعب , وباطنها الراحة
شاطر , انت باين عليك حاتكون عضو فعال
من الشايفو , فعاليتى لمن حا تحيركم زاتووو
اسمك منو
فلانى الفلانى
اجابتك غلط , اول شى المفروض تقول فلان ود (فلانة ) , ما شايف الخواجات فى الجواز عاملين خانة للأم
آسف فلان ود فلان ود فلانة
عمرك كم
--------
متزوج من متين
-------------------------
المرأة فى حياتك
هى امى وابوى , زى اختى واخوى , خليتنا نحس بالعزة تهز كل كياننا
اول ما تصحلى من النوم بتعمل شنو
ما بتسوك واصلى
وفى زول ما بتسوك وما بيصلى ؟؟؟مالنا ومال سواكك وصلاتك
آى والله اتذكرت , اول ما اصحى من النوم , طوالى بمشى اغسل العدة
طوالى ريئس لجنة المعاينات , وباللون الأحمر , والقلم العريييض , كتب ليهو فى ورقنه , راسب , ولايستحق العضوية
ده ظلم ده والله , تصحيحكم مالو كعب كده , حتى ولا عندكم ملاحق , ولا دور نوفمبر , والله نحن لمن كنا فى (جامعة الزقازيق )
اول شىء يشيلوك لغاية مادة ومادتين , بعدين لو كترتها يجيبوك دور نوفمبر , قولة ساقط عديييل دى , الا تشاكل ليك دكتور ولا تكون عامل ليك مصيبة
هسى مسقطنى مالك يأ استاذ ؟؟؟
عايز تعرف السبب ؟؟
عليك الله ورينى ليهو
فى راجل عاقل , يبيت العدة لغاية الصباح من غير غسيل ؟؟؟؟!!!

Post: #222
Title: Re: صور نادي الشرطة
Author: عبد الدائم سيد أحمد
Date: 06-12-2010, 10:07 AM
Parent: #220

نيابة عن منى عباس انا بسألك

انت جـارى ولا ماشى ولا طرفك من طبعو نعسان


امانى عباس قال ... ركز ... ركز .... وسيب النبق فى حالوووو

Post: #223
Title: Re: صور نادي الشرطة
Author: مني عباس
Date: 06-13-2010, 01:02 AM
Parent: #220

صديقى العزيز عبد الدائم الاغنيه( الامان) ابداع عديل ولكن ما غريبه عليك اصلك انت صاحب الدرر.
الاخ عمر نمله كيف حالك, لو وقفت الجرى شويه وشلت نفسك,وحاولت تفهم نفسية المراة (البسيطة) حترتاح مدى العمر.
واول نصيحه ليك منى!!!
اوعك تغلطت وتنادى امراة باسم امراة اخرى.

Post: #224
Title: Re: صور نادي الشرطة
Author: عمر نملة
Date: 06-13-2010, 05:40 AM
Parent: #223

يادودي
قلت بالنيابه دا الكلام الخايفين منو عشان كدا بنزيد السرعه وبعد شويه محكمه دوليه. يعني منى جمعها اماني كيف بنقدر نجمع دودي ولا النظيف ولا عبد الدائم عليك الله شوف لي واحد متخصص لغه عربيه زي يكون صحفي كدا اسه انا قلت مجتبى فاروق

المناضله منى عباس
ما مشيت بعيد يعنى عملت جمع تكسير واقول ليك حاجه اماني محمد احمد عباس( شقيقتي) كل الناس بتناديها اماني عباس . اما اوقف الجري واخد نفسي وافهم نفسيات المراه البسيطه الكلام دا كان زمان قبل ما اقابل اخصائي ودراسات وتوصيات ولي فتره دخلت مرحلة التنفيذ يعني اقطع العلاج وارجع لنقطه الفهم والانصات. وشايفك كسبت الجوله الرابعه(امان- سلام-استسلام- فهم نفسيات المراه البسيطه) اقول ليك حاجه اطرحي كل الاجنده مره واحده وخلي الناس الماخده نفسها تفهم حاجه لانه الان بعضهم في مرحلة المشي ( جنابو محمد صديق ) وبعضهم بداء الجري( الرشيد) لكن شايف في بعض الشغل الخفي من نجاة عشان يوقف الجري مكتره ليه من الشوكلاته وبتغير الاكل من مواعيده وخاصه الايام دي كاس العالم يعني زولنا مرطب وهاك يا مغريات اما صاحبنا منصور قال بيتمشى ليه 10 سنين ومتوقعه خلال ال 10 سنين القادمه يدخل مرحلة الجري والدليل البروفه العملها في السودان. و مرحلة الجري دي هي المرحله البعد الاستسلام والرايه البيضاء يعني جاري وحامل الرايه البيضاء. بس انا محتار في كمال الشادي قال ايه انا مع الخيانه يعني مع منو؟ اكيد بيقصد مع الناس الجاريه لان في كل الافلام الخيانه مطاردين. اما دودي واضح موقفه قال مع النيابه. اما ياسر نجيله موقفه ماواضح مره يقول اوعه تعرس ومره يقول عندك مهله ساعه. اما صاحبنا الزناتي قال ايه يغسل العده ويجي ياخد درس عشان يستفيد ودا كله كوم وضيفنا حمد قال مرحله الحمار.اما اخونا ود المهدي قال س وقال ص وجرايد وحنه وزوجة س صرخت في ام ص ومعادلات الا عن طريق القانون العام نقدر نحلها . عليك الله يامنى مطالبنا بسيطه وهي خلونا نجري وهي الدنيا فيها ايه غير الجري ولمة ناس في خير وربنا ماجاب ساعة حزن.
اسمعي زميل المهنه المعاكم وصل ياتو مرحله من المراحل وحاولي اديه فرصه يعبر عن رايه ولا اقول ليك حاجه اديه فرصه يبداء تمارين جري بسيط.
بس ياربنا النيابه دي تكون محايده ولا تبع الدوله. يعني الواحد يكون جاري وقرب يكسب المباره يلاقيه عسكري قبل نقطه النهايه يقول ليه اقيف عندي امر من النيابه انك تاني ما تجري.
اسمعي دي
عمنا كبير في السن ببيع سجائر وباع صندوق سجائر لواحد باكتر من سعر التسعيره قام الراجل طلع ليه بطاقته وقال ليه: معاك نقيب حرس صيد. عمنا قال ليه: اسمع انا بعت ليك سجائر ولابعت ليك قرد .

Post: #225
Title: Re: صور نادي الشرطة
Author: منصور عبد الرازق
Date: 06-13-2010, 11:41 AM
Parent: #224

منى عباس يا عزيزة
اول شىء , نقر ونعترف , انو دخولك للبوست , اداهو نكهة القرنفل
وخلى الجماعة , خاصة عمر نملة , يفضفضوا زى الواقفين ليهم قدام مرايا
تتذكرى قبل ايام كده , وتماشيا مع الموجة بتاعت الأقوال الماثورة غن كيمياء الرجال والنساء البداها الشادى كمال
نقلت ليكم بريد الكترونى ملغم وموقع باسماء مشاهير يتحدثون عن نفس الكيمياء
تصدقى , رجعت قريتها تاااانى
عارفة , والله اللغة العربية دى , اتاريها سمحة سماحة
الحاجات الكانت نكتوبة بالأنجايزى ديك , جاتنى رغبة جامحة اترجمها , واقعدها فى علبها بالعربى الواضح وفصيح
انقرى ما لقيتها ليك زى لبست ليها توب تانى
حتى كيمياء الجندر , رغم تشابه تركيباتها الذرية والجزيئية
لكنها بالعربى , شكل تانى
وازيدك كمان من الشعر بيت
بالدارجى السودانى , كمان حا تلقيها مختلفة اكثر
يعنى حاجة كاتبها وقالها , جورج دبليو بوش مثلا
حاولى تقوليها للبشير او النميرى , باعتبارهم رؤساء زى بعضيهم
حاجة قالها آل جور , اتخيليها قالها على عثمان طه ولا سلفا كير
نائب رئيس قصاد نائب ريئس
كدى النحاول , نشوفها بتفرق , ولا الكيمياء ياها الكيمياء فى كل مكان
ياربى حواء ياها حواء , وآدم ياهو آدم , لو فى كندا ولا الضعين
الرياض ولا ابوظبى
اوستندا فى بلجيكا (صاح كده يا نملة ؟؟) , ولا امدرمان شارع الوادى
ابتدى اشوف ليكم ؟؟

Post: #226
Title: Re: صور نادي الشرطة
Author: عمر المهدى
Date: 06-13-2010, 11:50 AM
Parent: #225

منص
افرد جناحك ميل
حي الربيع ياجميل
خلي الشمس تسكب ذهب الاصيل في النيل

اليوم في اغنيات لفك الدبرسه زارتنا صفاء فقيري
الرشيد اجازه سعيده وسط العيال
وزي ماقال الشاعر
العوازل حجبوك الله ينعل ابوهم وابوك

Post: #227
Title: Re: صور نادي الشرطة
Author: منصور عبد الرازق
Date: 06-13-2010, 11:51 AM
Parent: #225

اول واحدة قالها آل جور
الزول ده كان نائب ريئس امريكا , واترشح قصاد بوش الصغير فى الأنتخابات البعدها
لكنه خسر الأنتخابات وانزوى
طبعا انحنا اساسا ماعندنا زول قاعد يخسر انتخابات , ولا عندنا كمان زول بينزوى
زى ماهم قاعدين على الكرسى الى ابد الابدين
فاتخيلوا علاقاتهم مع بنات شيوخهم بتكون على ياتو شاكلة
وتلخيصهم لكيمياء الجندر , وفهمهم ليها , بى ياتو طريقة
خلونا نتخيل الكلام القالو ال جور , قالوا نائب ريئس جمهوريتنا
اها قال شنو ؟؟
قال , بعد الزواج , فان الراجل والمرة , بيبقوا قال ليك زى (الطرة والكتابة بتاعت العملة )
اصلو ما بيقدروا يواجهوا بعض
وفى نفس الوقت , مستحيل يتفارقوا
ابو الزفت

Post: #228
Title: Re: صور نادي الشرطة
Author: ميسرة سيد أحمد
Date: 06-13-2010, 12:00 PM
Parent: #224

لا حوله ده شنو يا شباب

قال إيه ، جمعية الإستسلام (مصارعة حره)

وجمعية الأمان (الأماني العذبة)

وجمعية الراية البضاء (عبدالفضيل الماظ)

الجمعيات دي كونتوها بإذن ولا قطعتوها من راسكم

وهل اكملت النصاب القانوني !

والجمعية العمومية كانت متين ووين (نادي الشرقية ولا الشرطة)

وين اللوائح الداخلية (عند وزارة الداخلية)

بالله رسلوا لينا ما يثبت قيام الجمعيات دي ،،،

علشان نفكر نختار واحده كمان نوزع مناشير للبرالمة في شقة الإستقبال

**************

هلا ومرحى بأختنا الفاضلة منى عباس أشرقتي ونورتي

ومرحب بناس المنبر الحار ،،،،،،،،،،

يا نملووووووووز مشيت باب شريف إلا شجرة النبق ديل ما لقيته!

Post: #229
Title: Re: صور نادي الشرطة
Author: عمر المهدى
Date: 06-13-2010, 12:18 PM
Parent: #228

ياريس كيفك
نحن محتاجين رئيس للجمعيه دي
وطبعا هي جمعيه مستمره منذ الازل زي ماقال
نملوز وفي حال عدم انعقاد الجمعيه العموميه يظل الامر على
ماهو عليه يعني نظام ديكتاتوريات وكدة ونظام ملكيه
انقلابات يوك (لا بالتركي)

Post: #230
Title: Re: صور نادي الشرطة
Author: محمد صديق
Date: 06-13-2010, 01:39 PM
Parent: #229

سلامات يا ناس

]
Quote: فاياشادى.. ويامنصورويا حمدوياسر ويامحمد صديق..مثنى..وثلاث.. ورباع ما بتحلكم ابحثوا فى دواخلكم..تجدوا السعادة الابديه..


سلام منى عباس...عملت ليك ايميل شكلو طشَّا...

كلامك فى الصميم...

يا ريس الجمعية دى ما شرعية ...فعِّل اللوائح رجاءً.

Post: #231
Title: Re: صور نادي الشرطة
Author: كمال الشادي
Date: 06-14-2010, 08:09 AM
Parent: #230

راجع هنا
شركة الزقازيق القابضة
للاهمية

Post: #232
Title: Re: صور نادي الشرطة
Author: ياسر نجيلة
Date: 06-14-2010, 10:33 AM
Parent: #231

Quote: ووصلت جده ومنها لباب شريف وكان حالتها شلش ورجلينا مورمات ومغبرات قامت قعدت ترتاح تحت شجرة نبق والجوع كاتلها وخايفه من الكشه المهم في اللحظه ديك شافت ليك ابو التفاتتيح كان عايز يتخارج للميناء وظاهر كان ماشي اوربا بسرعه هزت شجرة النبق فتساقط عليها نبق قويه وعمل صوت بسرعه اتلفت ابو التفاتتيح وشاف النبق خاف منو لانه قايله تفاح صغير، وحنانه عملت نايمه بعدما مسحت رجليها وبسرعه ختت الحنه واول ماشافها كان عايز يتخارج لكن وين فتحت عين واحده وبسرعه هو ادارك الامر وقال ليها حوايتي: انا من ماطعلت من الجنه بفتش ليك. قالت ليه انا مما طلعت من الجنه نايمه تحت الشجره دي ولو مامصدقني شوف الصفق دا الاتصفقنا بيه ما طلع صفق حنه!!!


عمر نملوز ... ضحكتنا لما اتفشينا ...
بالله هي قصة امنا حوا وابونا آدم ... كده ... زمان غشونا وقالو لينا الشيطان هو السبب ...
ولدنا عمر ... انت ماخد راحتك على الآخر عشان بت شيخك مامعاك ... وقاعد فاضي بدون رقابة ...
وعاملها كلها جري ... وجكة ... وتأليف وكتابه بدون خوف ... حتي مني عملتها أماني ....
كدي جيب بت الشيخ جنبك ... وبعدين عاود الجري والكتابه ......

Quote: انا دخلت البوست دا ما عشان اناكف.. ولا اناظر..(والله ما خابفه من زول) انا من زمان رفعت راية السلام!!!!

هسع الجاب سيرة الخوف ولا الرجالة منو .... خشي ساي والله قشة ماتعتر ليك ....

Quote: انضم للجمعيه لتحويل الجمعيه من استسلام الى سلام..... ولا رايكم شنو؟؟؟ احسن ليكم...استفيدوا من خبرة 20 سنه.... نبدا؟؟؟؟؟؟؟


خبرة عشرين سنة؟!!! ... من متين يا مني ... لو قنا من بعد التخرج دي 12 سنة بس ...اسألي النضيف ...
ولو اضفنا ليها سنين الدراسة الاولي ...
يعني خبرتك بدأت من سادسة ابتدائي ... يعني خبرة مجروحة ...
مني بالله احسبي كويس ... مش نحنا زملا ...

منص ...
وين القصة التانية ... حنسناك ... وحنسناك ... نهاية الصفحة الفاتت ... مع وضع بعض الشروط ... الظاهر أي بود النضيف قلل الشوف والتركيز ...
قول القصة او خلي زهير يجيب باقي الصور سريع ... قبل ما باقي الكهربا تجي ...

=====================================================
مني عباس .... سلام تاني كتييييير ... دخلتك افرحتنا ...

Post: #233
Title: Re: صور نادي الشرطة
Author: أحمد إسماعيل
Date: 06-14-2010, 11:02 AM
Parent: #232

Quote: اما ابو تفاحه طلع في الصومال ولو مامصدقين لو قالبتهم اي صومالي اسالوه عن اسمه على طول يقول ليك اسمي آدم. ومن يومها بداء شغل القرصنه وعاش في امان الله ومن سفينه لسفينه واخر سفينه رست بيه في جده ونزل في جده لانه تعب من اكل الموز ووصل باب شريف،

بسم الله كدة سلام كثير للممتعين ونحن الحمد لله متابعين ومستمتعين
حقيقة سياسة النفس الطويل والأمر الواقع التي إتخذها الأخ عمر هي عين العقل
وطبعا معها القيام بالنفس واجب (الجري) رغم ان النجاة مستحيلة ، بس نعزي
أنفسنا بالرياضة ، ونكمل الخياطة بالحرير لو توجنا الجري بإحراز الكأس
مع هذا ننصح الأخ عمر أن يعمل تحلية للجري بأخذ شوية من الأمان والسلام والنيابة
وراية بيضة صغيرونة ورأي صغير من الخيانة لأن ( الدنيا فرندقس والزمان دفيس
والما عندو بقرة يحلب التيس)

ياعمر حكاية الموز التعب ابونا آدم زي حكاية

أسد في حديقة حيوانات السعودية جابوه مع مجموعة حيوانات الوجبة الأولى قدموا ليه موز
وفي المساء قدمو موز قال للعامل انت مافهموك انا سيد الغابة وأكلي اللحم
العامل قال ليه ( ماليك إلا الموز لأنك جاي بفيزة قرد)

لأن كثير من السودانيين اصحاب مؤهلات عليا إتخارجوا من السودان بفيز رعاة

Post: #234
Title: Re: صور نادي الشرطة
Author: منصور عبد الرازق
Date: 06-14-2010, 12:47 PM
Parent: #233

وخلونا نديكم تانى من صحن اقوال المشاهير فى كيمياء الجندر
ولكن بعد تعريبها وتدريجها (يعنى تحويلها للعربى والدارجى احيانا )
تعالوا شوفوا السيد جورج بوش قال شنو
هى مرتو اسمها منو كانت بوش ده ؟؟
اظنها بربارة مش كده
لو حاولنا كده , وحولنا بوش للبشير
فانو حا يفرق اول شىء , فى انو عندو بتين شيخ بدل واحدة
اى نعم , واحدة اصلية , والتانية جابوها (لأسباب موضوعية )
لكن فى النهاية , هم اتنين بدل واحدة
لذا فان محاولات المطابقة بين ما قال بوش , وما نتخيل ان يقوله البشير
بتكون ضرب من الخيال غير المؤسس
لكن خلونا نحاول
الراجل ده عارفين قال شنو ؟؟
قال , سالونى الناس عن سر زواجنا الطويييل ده , طيب حاوريكم زواجنا طول كده لى شنو
اهم شىء , كما قال بوش , انو الزواج ادانا فرصة اننا نمشى المطعم مرتين فى الأسبوع
كلام زى اللوز , اها طيب وتانى ؟؟
طبعا مش اى مطعم , اضواءشموع خافتة , موسيقى ناعمة , غداء صحى ولذيذ , سكسكة ورقيص
وابتهاج شديد , ونسة دقااااقة , اها فى ياجماعة حاجة احلى من كده
ابدا والله , حاجة ولا فى الخيال
اها ورينا المطعم ده وين ؟؟
مطعم شنو , خلونى الأكمل ليكم القصة
اها شفتوا المطعم ده , نحن اخترناهو لى سبب وجيه جدا
اللى هو
انو ما بيسمح بدخول الرجال والنساء معا
عشان كده , بربارة بتمشى الثلاثاء من كل اسبوع
وانا بمشى الجمعة
فى حب يا اخوانا اكثر من كده ؟؟!!!!
(اما لو عاوز تسودن كلام بوش ده وتحوله للدارجى السودانى وتحول اسم بربارة عشان يبقى ما عارف وداد وفاطمة والذى منو )
فأنت محتاج تحجز المطعم ده , اسبوع كااااامل , يا منى عباس
انتو حمد لبد وين يا كوتش ؟؟؟؟

Post: #235
Title: Re: صور نادي الشرطة
Author: مني عباس
Date: 06-21-2010, 06:17 AM
Parent: #234

منصور...يامنصور...حقيقة انا عاجزة على مجارتك فى الكتابه بهذا الروعه.
يا لتنى كنت ببراعتك.. وتلقائتك...فكل كاتب قرات له وتمتعت بافكاره هو استاذ لى.
فهل اناديك يااستاذى؟

عمر المهدى..كيف حالك؟ الظاهر يااخوانى انا دخلت البوست دى غلطت..وين الاخوات اى واحدة اسالها وين انت
تقول لى ....برى!!!!!
ايه رايكم تخلونى ريئسة الجمعيه؟
ولا..لعن الله قوم ولوا امرهم امراة!!!!!!!

والله البوست دى متعه بس وين صاحب البوست دا زهير الزيناتى؟؟؟ ولا دى من المناطق المحظوره؟؟؟؟

ارجع ليك تانى يامنصور عايزة اكتب شويه عن الكيماء
لماذا المراة الرجل مثل الماء والزيت؟؟
فاالماء والزيت لايمتزجان ولو بقيا العمر فى اناء واحد
الرجال والنساء بالمثل
بعضهم ماء وبعضهم زيت
لا يمتزجان ولو بقيا الدهر فى بيت واحد!!!
ثلاثه ارباع بيوتنا ماء وزيت
نادرا ما كانت شيئا واحدا..ماء..او زيت
من اجل ذلك نادرا ما يمتزج الرجال والنساء.
ونادرا ما يتواصلون..ولا سعادة بلا امتزاج.. بلا تواصل.
الامان.......ثم التواصل..فالامتزاج.

Post: #236
Title: Re: صور نادي الشرطة
Author: محمد آدم النور
Date: 06-21-2010, 10:58 AM
Parent: #235

Quote: من اجل ذلك نادرا ما يمتزج الرجال والنساء.
ونادرا ما يتواصلون..ولا سعادة بلا امتزاج.. بلا تواصل.
الامان.......ثم التواصل..فالامتزاج.

عايزين دليل و توثيق بشرك يكون مصور
لأنو البوست دا يحكي عن صور

محمد عيد مستبعد
لأنو الدليل الحيجيبو و الصور بتاعتو مجروحة

Post: #237
Title: Re: صور نادي الشرطة
Author: حمد محمد احمد
Date: 06-25-2010, 05:35 PM
Parent: #236

Quote: انتو حمد لبد وين يا كوتش ؟؟؟؟


شكرا منصور على السؤال
شغلتنا اموالنا واهلونا ( المدارس وما ادراك ما المدارس )

الكوتش زاتو وين ؟؟؟
..
مسؤلين من الخير
جمعية الراية البيضاء المهفهفة وصلت وين ؟؟

..

الرجل والمرأة كالماء والزيت
Quote: من اجل ذلك نادرا ما يمتزج الرجال والنساء.
ونادرا ما يتواصلون..ولا سعادة بلا امتزاج.. بلا تواصل.
الامان.......ثم التواصل..فالامتزاج.


الوضع الطبيعي للماء والزيت
الزيت فوق والماء تحت
اذا المرأة لزمت مكانتها
والرجل لزم مكانته ( الفوق فوق والتحت تحت )
مافي اي مشكلة
المشكلة المرأة البتعمل فيها راجل
والراجل ما عارف يتصرف كيف وفي النهاية واحد من 3 احتمالات
1 / التمرد وترك المرأة
2 / الاستسلام
3 / التمرد بتكنيك اعادة المراة الى مكانتها ( وده عاوز حكمة )

معظم المشاكل تجد وراءها امرأة
القتل
السرقة
السكر
المخدرات
......... الخ

Post: #238
Title: Re: صور نادي الشرطة
Author: كمال الشادي
Date: 06-26-2010, 07:20 AM
Parent: #237

يا شباب
حمد قلب
وغير إتجاهو

Quote: معظم المشاكل تجد وراءها امرأة
القتل
السرقة
السكر
المخدرات
......... الخ

Post: #239
Title: Re: صور نادي الشرطة
Author: حمد محمد احمد
Date: 06-26-2010, 01:01 PM
Parent: #238

Quote: يا شباب
حمد قلب
وغير إتجاهو


والله يا كمال ضحكتني
الله يضحكك معاي في الجنة

..

انا ما قلبت
لكن فتش الكلام بتاعي القوق ده تلقاهو صاح
مثلا اذا نزل الرجل يسمى نازل
واذا نزلت المراة تسمى نازلة ( اي مصيبة )
واذا وقع الرجل واقع
اما المراة فهي واقعة ( لا حول ولا قوة )
واذا عاش الرجل فهو حي
اما المراة فهي حية !!

..
وفي كلام يا شادي ما بتكتب كلو كلو

..
كسرة
كلامك عن الشركة بتاعت الزقازيق بديت اقرا في البوست
سوف نتداخل ما ناسينك

Post: #240
Title: Re: صور نادي الشرطة
Author: عمر نملة
Date: 07-02-2010, 11:52 PM
Parent: #239


ياريس ميسره
والله انت الصادق فاكر الحكايه جمعيات ولوائح يااخي الحكايه بقت حلول فرديه وفي النهايه الحل الختامي هو الفر بدون كر يعني عشان تفر لازم تتعلم الجري ولا بتقع من اول جوله. اما شجرة النبق في باب شريف انت فاكر سوق الحراج دا بنو من شنو ما من حطب النبق اقول ليك دا الدليل الوحيد على القصه يعني والله الحكايه اصلوا كان آدم بريدا ومسكين ابونا اصلوا زول كان شايل الحنه ومسكين يطاوع في حلاته لاما ساب الجريه ذاته.
ياسر
خلي السر مدفون واعمل فيها مافاهم واحسن تمشي حكايه الشيطان كان السبب عشان مايطلعوا ابونا انه السبب وخليك زي ود العمده قول انا مع راي المجموعه الاولى اذا شقوا الترعه من الشرق للغرب وبرضوا مع راي المجموعه التانيه اذا شقوا الترعه من الجنوب للشمال وكتر من قولت تمام ومعها هز راسك بدون اي تعابير من وجهك او اي اشاره من يديك عشان ماتفسر غلط وحتى نبرة صوتك تكون عاديه لامرتفعه لا منخفضه واعمل حسابك من حروف المد عديها سريع اقول حاجه برضوا بتتفسر غلط ويقول ليك الكلام دا ما من جوه قلبك.
احمد اسماعيل
هو في كاس اكتر مما تنفد بجلدك وعليك الله شوف الناس ديل قالوا بيطردا الازواج الشريره اقصد الارواح الشريره واتخيل معاي في كل باب من ابواب المعبد في مجموعه من الازواج اقصد الارواح منتظره. يااخي ديل ماسمعوا النصيحه بالجري ودا حالهم وتخيل كيف يكون الحال لو ماكنت جراي واهل الجريه مااهلي ، يااخوي ماتتخيل شوف بس بس خلي لينا النيابه تفقل الامان يعني مايفتح اتوماتيكي.

http://www.youtube.com/watch?v=RkxuPxdsZ58

Post: #241
Title: Re: صور نادي الشرطة
Author: ياسر نجيلة
Date: 10-03-2010, 11:33 AM
Parent: #240

البوست ده ليهو معزه خاصة ...
أنا شخصيا طردوني من الحوش الكبير ... وقالو لي اقعد هنا ...

آها دي قعده ...

صحيت الزوجة بالليل ولم تجد زوجها بجنبها
وراحت على المطبخ
لقت زوجها يدخن وبشرب فنجان قهوة دبل
ويفكر
ودموعه نازلة
سألته مالك خير
رد : متذكرة لما إتواعدنا من 20 سنة؟
ردت ايوا متذكرة
قال: متذكرة لما شافنا ابوكي و إحنا مع بعض بسيارتي الفوكس

ردت آيوا متذكرة

قال: متذكرة لما حط المسدس بنص راسي وقاللى يا بتتجوزها يا
بسجنك 20 سنة؟

ردت آيوا متذكرة

هنا نزلت دمعة من عيون الرجل وقال بحرقة



لو كنت دخلت السجن كنت طلعت اليوم





Post: #242
Title: Re: صور نادي الشرطة
Author: كمال الشادي
Date: 10-04-2010, 01:48 PM
Parent: #241

شكلك معوق
ومفلوق يا الحبيب
ده شنو يا نجيلة
Quote: لو كنت دخلت السجن كنت طلعت اليوم

شكلو الراجل قرر يكب زوغة


عجبني جداً فتحك البوست ده تاني يا نجيلة
الظاهر متووووك يا أخوي
وحنيت للخبيت وجرجير الاضنين والنوم في الصالة
اعمل حسابك يا أخوي الدنيا داخلا شتا ونحنا بقينا عضمة كبيرة
يعني شتا الرياض ما نتحملو
لم لابتوبك عليك

حا اديك شوية مقتطفات تشجيع ليك عشان فتحت البوست
وجر رجل لباقي الشباب التعبانين

*واحد راح يجري على صاحبه بيقوله الحق مراتك واحد خطفها رد عليه ده حرامي سيبه يستاهل

*واحدة بتقول لجوزها بابا كان باين عليه أعمى لما جوزنى ليك قالها يا ريته كان فتح ورفضنى

*مرة زوج قال لامراته حلمت انني كنت في الجنه فقالت له وهل كنت معك قال:نعم ولهذا عرفت اني احلم

*مرة وحدة قالت لجوزها: امبارح حلمت اني ترملت و قمت من النوم مفزوعة, قلها زوجها : له له ...ان شا الله انا ولا انتي!!!!!!!!

عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب…قالها يعني لا بتقدم ولا بتأخر

واحد بيقول لصاحبه :امبار ح خليت مراتي تركع علي رجليها….قله صحبه ليه؟…قاله كانت بتقولي اطلع من تحت السرير

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم
مرة ولد صغير راح لامة قالها ماما ..ماما انا شفت الواد اللى فوقينا بيبوس البت اللى تحتينا قالتلة ملكش دعوة يا حبيبى دول بيحبو بعض وهيتجوز قالها الولد يعنى افهم من كدة ان اى اتنين بيبوسو بعض يبقو هيتجوزو بعض قالتلة اه يا حبيبى الولد قالها طب بابا هيتجوز الشغالة امتى؟؟


مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي


1111111.jpg Hosting at Sudaneseonline.com



3333.jpg Hosting at Sudaneseonline.com

Post: #243
Title: Re: صور نادي الشرطة
Author: كمال الشادي
Date: 10-04-2010, 01:52 PM
Parent: #242

أيو اليسر يا حبيب
بت الشيخة ناااااااااااااااايمة
لفيت لفة في النت ولميت ليك حاجات رائعة
إتفضل
------------


واحد ماشى مع خطيبته واخر انسجام

فقالها : عارفة اية هو الحب واية الجواز؟
قالته : لا
‏قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها ‏واحنا بنبص على النجوم

واحد متجوز وقاعد في البيت وبيبص كتير في عقد الزواج مراته قالت له : بتبص في عقد الزواج ‏ليه يا حبيبي؟
قالها : مش عارف يا حياتي المأذون كتب تاريخ انتهاء العقد فين

واحد قاعد في أمان الله بيقرا الجرنان
وفجأة جت مراته وضربته بغطا الحلة فوق دماغه ... ‏طرررررخ
الزوج : 'فيه ايه يا بنت الحلال؟ ليه كدا؟؟؟
الزوجه : ايه الورقه اللي في جيب بدلتك ومكتوب عليها 'سوسو'؟
الزوج : يا بنت الحلال، ده ‏أسم الحصان اللى بنشجعه في السباق!
الزوجه صدقته وراحت لحالها
بعد اسبوع
الزوج قاعد في ‏أمان الله يقرا الجرنان
وفجأة جت مراته وضربته بغطا الحلة على راسه
الزوج : خير يابنت ‏الحلال فيه ايه تاني؟

الزوجه : الحصان على التليفون



مرة واحدة بتقول لجوزها
تصدق إن أنا كل يوم بحلم بيوم جوازناقالهاهى لسه الكوابيس دى ‏بتجيلك؟

مرة دكتور دخل عنبر فى سراية المجانين لقى واحد بيخبط دماغه فى الحيطة
سأل الممرضة ماله ده ‏؟
قالت : أصله كان بيحب واحدة ومتجوزهاش
دخل العنبر الى بعده لقى واحد بيضرب نفسة ‏بالشبشب قالها وده ماله
قالتله : اصل ده اللى اتجوزها

Post: #244
Title: Re: صور نادي الشرطة
Author: كمال الشادي
Date: 10-04-2010, 01:55 PM
Parent: #243

هاك دي شديدة يا ياسر


مرة واحد قال لصاحبه
عاوز أعمل لمراتي مفاجأة فى عيد جوازنا
صاحبه قاله : هتعمل إيه؟
قاله : هوديها الصين
قاله : يا راجل فى عيد جوازكوا العاشر توديها الصين
أومال فى عيد ‏جوازكوا الخمسة وعشرين هتعمل ايه؟
فقالوا : هروح اخدها

Post: #245
Title: Re: صور نادي الشرطة
Author: كمال الشادي
Date: 10-04-2010, 02:04 PM
Parent: #244

كان هناك رجل تـعـب من الذهاب للعمل كل يوم

بينما زوجته تبقى في البيت .

وعند المساء بدأ الصلاة وطلب من الله أن يستبدل
جسده مع زوجته ليوم واحد لتعرف زوجته بماذا يشعر.

فجأة ظهر له مارد ولبى له طلبه ,

وفي اليوم التالي استيقظ
و قد تبدل جسده من رجل الى كأمرأة.

حضر الفطور
أيقظ الأولاد
حضرهم للمدرسة
ناول الأولاد فطورهم
حضر سندويتشات المدرسة
أخد الأولاد للمدرسة
عاد للبيت وغسل الغسيل
ذهب ليتسوق ..
ثم عاد للبيت وكانت الساعة الواحدة ظهرا
مسح الأراضي
نفض الغبار
ذهب سريعا للمدرسة ليأتي بالأولاد
أطعم الأولاد وجلس يساعدهم في وظائفهم
طوى الغسيل
كوى الملابس
في السادسه والنصف أخد يحضر طعام العشاء
بعد العشاء جلى الصحون ونظف المطبخ
حمم الأولاد وأخدهم للنوم

أصبحت الساعة التاسعة وعمله لا ينتهي ....

في صباح اليوم التالي استيقظ وفي الحال ركع
وقال : يارب لم أكن أعرف حقيقة ما أفكر به ,
كنت مخطئا عندما فكرت أن البقاء في البيت مريح أكثر.

أرجوك ......أرجوك ........أعدنا كما كنا !!!!

ظهر له المارد وقال : يا ولدي ,أظن بأنك تعلمت الدرس
وأنا سعيد كي ترجع الأشياء كما كانت

ولــــــــكــــــــــن ..

عليك الانتظار تسعة أشهر لأنك الآن ........ حـــــــامـل !!!

Post: #246
Title: Re: صور نادي الشرطة
Author: ياسر نجيلة
Date: 10-05-2010, 10:26 AM
Parent: #245

Quote: قاله : يا راجل فى عيد جوازكوا العاشر توديها الصين
أومال فى عيد ‏جوازكوا الخمسة وعشرين هتعمل ايه؟
فقالوا : هروح اخدها

ياخي دي ضحكت فيها ... لما .... نزلوني الشغل الساعة تلاته صباحا ...

Quote: قالها : الحب زى النجوم الجميلة اللى فى السماء
قالتله : طب والجواز؟
قالها : دى الحفرة اللى بنقع فيها ‏واحنا بنبص على النجوم

والله ياشادي معرفتك ... كنز ....

Quote: مرة وحدة قالت لجوزها: امبارح حلمت اني ترملت و قمت من النوم مفزوعة, قلها زوجها : له له ...ان شا الله انا ولا انتي!!!!!!!!

يا خي انت بطل اسطوري ... عديل كده ...
عليك الله انت بتقول الكلام ده كلو .... وما بتخاف
ونفسي ابقي بطل زيك ....

Quote: ظهر له المارد وقال : يا ولدي ,أظن بأنك تعلمت الدرس
وأنا سعيد كي ترجع الأشياء كما كانت

ولــــــــكــــــــــن ..

عليك الانتظار تسعة أشهر لأنك الآن ........ حـــــــامـل !!!

د ه أنا ح أتعلم منك حاجات ... وحشة خلاص ....

عاين ياشادي ... جايك بعد شويه ....
يا خ حرااام عليك ... ده انا بقي عندي 4 رجال في البيت ...
أحمد وعمار وفارس .....





Post: #247
Title: Re: صور نادي الشرطة
Author: كمال الشادي
Date: 10-25-2010, 08:12 AM
Parent: #246

نجيلة يا رائع

انا قاصدك عديييييييييييل كده
ورافع ليك البوست ده فووووووووووق مخسسسسسسسسسسوس


أسمع أيه رايك في دعوة للخباثة

تعال نعمل ( بحث متعمق )
في سلوكيات المدعو زهير الزناتي بعد وصول بت الشيخ إلى السعودية

ونحصر كل حاجة
رغم إنو بعيد عني وعنك
لكن ممكن نتابع التغييرات الفيزيائية والكيميائية عليهو من خلال كتاباتو
وهرشتو
وكده يعني
إنت فاهمني ؟

صاحبك طبعا مفتخر بموضوع الشنب الكبير ده
خلاص جا البيقصو ليهو
يا الله نبدأ

Post: #248
Title: Re: صور نادي الشرطة
Author: ياسر نجيلة
Date: 10-27-2010, 10:25 AM
Parent: #247

Quote: عال نعمل ( بحث متعمق )
في سلوكيات المدعو زهير الزناتي بعد وصول بت الشيخ إلى السعودية


الزول ده خليهو 3 يوم بتاعة الضيافة ....
اصلو قال اولادو مشتاقين ليهو ... وخسوسا ... حنا ... وميار


======================================================
تعرف ياشادي ....
اول مرة اعرف الناس بتتكفت واضنينا بتصن ...
من المدعو ابشنب ...
ياخي نحنا ناس نوم صالات ساي ... وكان كترت بنوم بلا عشا ....

ياخي ماتعصر عليهو شديد ....
Quote: صاحبك طبعا مفتخر بموضوع الشنب الكبير ده
خلاص جا البيقصو ليهو
يا الله نبدأ


ولنا عودات ..... كتااار ...



Post: #249
Title: Re: صور نادي الشرطة
Author: زهير الزناتي
Date: 11-02-2010, 09:57 AM
Parent: #248

ايها الرعاديد .... قبضت عليكم .... انا ابو شنب الذي اذا ما ظهر في المنزل ... يجلس الواقف ... ويقف الجالس ... ويتكلم الساكت ... ويسكت المتكلم .... ويصحو النائم وينام الصاحي ... ويهرول الواقف ... ويقف المهرول .... انا ابو شنب الذي لا ينظر لي جمال فارح وكاني بطل قومي .... انا من قالت فيه النساء شعراً ... ابو حيون حمراء وشرارة .... انا الذي لا يحمل الماء والغاز الا مضطراً ... ارعوا بقيدكم ....
واسالوا مني محمد صديق فهو اكثر الناس قدرة علي الشهادة .... لما لمسه من قوة شكيمة وشجاعة يتحدث بها الركبان ... حتي كان يفغر فاهه دهشة ..... حينما يراني ازمجر كما الاسد .... واحدي قصصه التي لم تنشر كتبها عني .... ولولا استحلفته بكل ما هو عزيز لكنت موضوع احدي قصائده التي لم يكتب مثلها من قبل ...

اسالوا نادر فاروق .... اسالوا محمد حسن البرلوم ...وحتي حاتم جبارة الدومنيكاني ... يتمني ان يمنحه الله جزء من شجاعتي حتي يواجه بها ناس امريكا اللاتينية ... اسالوا عني مجتبي فاروق ... اسالوا كل ناس الداخل يحكوا لكم عن سيرة بطل لم تري الحياة الزوجية مثله قريباً...

انتو الله ما ليكم ....

Post: #250
Title: Re: صور نادي الشرطة
Author: ياسر نجيلة
Date: 11-03-2010, 10:52 AM
Parent: #249

والله يا بشنب ... ضحكتنا ... ضحكنا لم نضحكه من سنين طووووووويله ...
والله ضحكت من جوه قلبي ... ياخي انت اديب عديل كده ....
هسع كلمة "رعاديد" دي نكتها من وين ... يخرب مظنك ...
بعدين انت مخلوع كده مالك ...
والله اول ما قريت كلامك ده ...
جه في بالى طوالي النكته المشهورة (514)...بتاعت
الراجل قاعد قدام باب بيتم ... ورجال الحله ملمومين حولو ... وهو فاكيها لك باعلى صوت ...
والله نحنا المرا ماترفع عينا تعاين لك ...
والله نحنا المرا ما بطلع من الباب ده قبل ما تقول ليك ماشه وين ...
والله نحنا ما بنخلي مرا تقول بغم ...
والله نحنا نسوانا زي اولادنا... نوديهم يمين وشمال ...
والله نحنا ...
يقوم ولدو يجيهو طاير من جوه البيت ... وبصوت عالى يقول ليهو ...
ابوي ... ابوي ... امي قالت ليك امشي سريع أحلب الغنماية ...
وزونا يقوم بسرعة .. ينفض في جلابيتو ... ويواصل كلامو للجماعة
والله نحنا نسوانا مابنخليهم يحلبو الغنم ...

اها انت يالحبيب لما تجي داخل
وبعد زوبعه يجلس ويقيف ويصحو وينام ويتكلم ويسكت... وماعارف شنو ...
تقوم ابتهاج من هناك ترسل ليك "مجد" ... لاحظ مجد ...
امشي قول لأبوك برااااااحه انا نايمه .... !!!!!!!!!!!!!!!؟؟؟؟؟؟؟؟؟؟؟؟؟؟؟؟؟
وتم ... الصنه تحصل .....

والشباب لم ماصدقني ... راجعو كلام ابشنب الفوق ده ... جاب سيرة ... بت الشيخ ...
انا ..................... المجّرب ........ اسألوه ....

=============================================
محمد صديق ... انشر القصة ... هنا مافي ناس بدخل ... يعني فضايح مافي ....

=============================================
شادي ياخ ولعت النار ... ولبدت وين ...





Post: #251
Title: Re: صور نادي الشرطة
Author: كمال الشادي
Date: 11-08-2010, 07:34 PM
Parent: #250

والله يا نجيلة من كل قلبي ما تمنين هذا المدعو ابو شنب يظهر بي جاي
لكن صاحبك عندو حاسة سادسة
الظاهر موصنو اي حتة فيها السيرة لازم يزورها يوميا
يمين بالله لو غاب يومين بس كنا شلنا حالو
عارف نجيلة من يومين اداني تلفون اب شنب من الصباح
عرفت منو بعض الاخبار
خاصة بموضوع جر الاضنين
قلت ما اعلق
قام قالي شايفك ما علقت قلت ليهو قلت اشوف اخرك شنو
قالي انا راجع يمقراطي
كااااااااااااااااااااااااك
آل ديمقراطي آل
ما صاحبي جمال فارح برضو ديمقراطي

عليك الله يا نجيلة افتح لينا بوست تاني غير بتاع نادي الشرطة ده
خلينا نشوف راحتنا فيهو
صاحبك ده من اول يوم سلم اللابتوب والكمبيوتر وكل الحاجات
وكل العدة
الله يستر على العدة

Post: #252
Title: Re: صور نادي الشرطة
Author: محمد صديق
Date: 11-09-2010, 09:36 AM
Parent: #251

سلامات يا ناس

Quote: واسالوا مني محمد صديق فهو اكثر الناس قدرة علي الشهادة


أسألونى عن حبيبى وعن (حكاياتو ) البِقَنْ.

Post: #253
Title: Re: صور نادي الشرطة
Author: ياسر نجيلة
Date: 05-25-2011, 09:14 AM
Parent: #252

المداخلة دي شبهها المكان ده ...
والمكان ده ... معزتو كبيرة عندنا ...
لاننا لم نفقد الأمل بأن يأتي صاحب البوست ...
وينشر الصور ...



تغُشميني وتقولي لي بحبك زين
وأنا المسكين وأنا المغشوش وتاريك لاعبه علي الحبلين
يا غشاشة يا دجالة احبك سيف جديد وسنين
يقطع ليك ادياتك يكسر ليك كريعاتك
يخليك طير بلا جنحين
تطيري سنين وما تلمي بدل واحد تحبي اتنين
وأظن عشره
نحن عندك ذي فستان كم طويل وكم قصير
واحد للبس بالليل واحد في الصباح تاتيل
احبك صرمه يا ضرمه وأحشك بصله قاؤرمه
وأسويك فته لطاشين
برضو تقول لي بحبك زين
وكل قطر رسالاتك تجيني مطر
حبيبي اللونك الأسمر
بلاك الدنيا ما بقدر
قطر يشيلك يوديك السما الأحمر
يشيلك زي هبوب طوكر
وانا الكان مناى نكون اتنين
نسكُن في قصر عابدين
وازور بيك لندن ديك يا السمحه واوديك فسحه لبرلين
لكن فورتي علي دمي
وكترتي علي همي
وانا البوراك نسيت امي
ونساك ربك
برضو تقولي بحبك زين
احبك سيف جديد وسنين يقطع ليك ادياتك
يكسر ليك كريعاتك يمعط ليك شعيراتك
يخرب ليك لقائاتك يخليك شينه بين قوسين
طالب ربي يوم يبلاك بواحد يكون عنتر
عضلاتو حديد ادياتو متر
يطرشك كف يلفك لف يلخبط ليك وشك المبدول يخليك لا قرد لا زول

[/BOLD/]