Post: #1 Title: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 06:42 AM Parent: #0
انتكاسات تتوالى على خلايانا مسامات الجلد تفاوض .. تنادي بالتسوية بين التجاعيد والزمن .. الزمن وبتعاقب دوراته يفرض آثارة بتشفي تام ..لا مهادنة.. ما دام التقدم بالعمر مفروض بقوانين الطبيعة .. ويبدأ في طمس معالم الملامح . ويبدأ ببناء جدار عازل يفصل ايام زمان عن الحاضر وينوع ويتفنن هذا كيان بشري يتكوم على بعضة نتيجة طياته الكتيرة وذاك يشكو المشيب وضعف النظر وآخر يقف في الصف لاخذ نصيبه من الضعط والسكري وهشاشة العظام ..الخ رونق وعنفوان بدأ في التصاغر بفعل الزمن .. قلق متدثر يبحث عن ذلك الرونق يكشف القلق عن دثاره شيئاً فشيئاً ونبدأ في استحضار صور قابعة في البومات صور لم نراها جيدا الا بعد ان ابتعدنا منها قليلا ونبدأ في استعراض صور حديثة و نقارن الحديثة بالقديمة (تحلى ولو كانت وحلة )ونخاطب الحديثة برفق :- هكذا كنتي زمن الزمن زين والشعر مغطي الاضنين
Post: #2 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 06:52 AM Parent: #1
الصور في الطريق الطريق غير مسفلت اصبرو يا اجدع ناس
Post: #3 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 07:32 AM Parent: #2
Post: #4 Title: Re: زمن الزمن زين والشعر مغطي الاضنين(توجد صور) Author: عفاف علي ميرغني Date: 12-26-2009, 07:39 AM Parent: #3
عرفة 00 ليك وحشة 00
وخليتني من الصباح
في حالة اندهاااااااش
كدي اكمل دهشتي واجيك 00 اسلم تاني
Post: #5 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 07:44 AM Parent: #3
قيس جمال الدين وهييييييييييييييييييييه على رأي شعبولا
Post: #6 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 08:15 AM Parent: #5
ترى كيف حالك اليوم يا فافي يا مُدهشة مش مندهشة .. واين انتي الآن يا لمياء واين انت الآن عمو مصطفى ورحمة الله عليك يا وليد
Post: #7 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 08:23 AM Parent: #6
Post: #8 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 08:27 AM Parent: #7
ياللا الشباب في الصورة اعلاه كل واحد يتقدم وبكل شجاعة وينزل صورته الحديثة
Post: #9 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 12-26-2009, 09:02 AM Parent: #8
انا غايتو احمد الله كل اسبوعين بمشى احلق شعرى وبالذات القجة لانها بتطول سريع ،،،، يعنى عنوان البوست ما بشملنى لكن عاشنك يا رايقة انا حاكون محكر وقاعد معاك هنا
Post: #10 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 11:45 AM Parent: #6
لا تزال الاناقة هي سيدة الموقف يا فافي .
Post: #11 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-26-2009, 12:00 PM Parent: #10
مزيد من الاناقة مع فافي ،السراج ، شاهيناز ، عادل و آخرون يا قول صلاح الامين
Post: #13 Title: Re: زمن الزمن زين والشعر مغطي الاضنين(توجد صور) Author: مشاعر بدوي Date: 12-26-2009, 05:14 PM Parent: #11
يا سلام يا عرفة
ايام كلما مرت بالخيال ابتسمنا وضحكنا وسعدنا
لك شكرنا واتحفينا بالمذيد
Post: #14 Title: Re: زمن الزمن زين والشعر مغطي الاضنين(توجد صور) Author: طارق جبريل Date: 12-26-2009, 10:19 PM Parent: #13
عرفة كيفنك ياخ
غايتو دة انا هسي بس تحت الطاقية دي ختي ليك مدرج طيارات عدييييييييييييل
اتخيل لي هنا المدرج اوضح ههههههههه
رحم الله شيخ الطيب صالح
Post: #15 Title: Re: زمن الزمن زين والشعر مغطي الاضنين(توجد صور) Author: ميسرة سيد أحمد Date: 12-26-2009, 11:06 PM Parent: #14
مرحبتين حبابك أختنا عرفه محمد سعيد
فرحين بدخولك وتواجدك معانا ،،،
وشكراً على الصور الزقازيقية الحلوه
لك وللأسرة الكريمة كامل مودتنا
Post: #16 Title: Re: زمن الزمن زين والشعر مغطي الاضنين(توجد صور) Author: زهير الزناتي Date: 12-27-2009, 10:22 AM Parent: #15
روفي يا رهيبة ... فكرة مجنونة ... شكلي عندي إضافات كتيرة في البوست ده بس ,... الله يصرف العوارض ... وإلي ذلك الحين خليني استمتع بالصلع ,,,,
Post: #17 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 12-27-2009, 10:46 AM Parent: #16
عرفة كيف انتى والدكتور اظن الزمن الزين والشعر المغطى الاضنين دا قاصدا بيهو نفسك لانو زى ما شايف الحمد لله الدكتور من (الرفيق الرفيع ) سيف النصر الى ( الرفيق المربع ) سيف النصر وبسرعة كدا يا ود الزناتى عليك الله نزل صور قعدة الشرطة الاخيرة وخاصة صورة محمد صديق الداسى صورتو من الناس
Post: #18 Title: Re: زمن الزمن زين والشعر مغطي الاضنين(توجد صور) Author: محمد صديق Date: 12-27-2009, 11:57 AM Parent: #17
سلامات يا ناس
عرفة...لك التحايا زكائب...ومثلها للدكتور والعيال
فكرة البوست مجنونة...لك التهنئة.
Quote: وخاصة صورة محمد صديق الداسى صورتو من الناس
استأذن فى الرد على مجتبى..
سلام ايها الصحفى الرياضى النضيف..
صورتى ما مدسوسة لكنى امى تقنيآ...صورة البروفايل نزلا لى زهير
الميكانيكى بتاعنا...نتمتع ببياض ناصع والحمد لله..وقدر لابأس به
من التصحر.
Post: #19 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-28-2009, 07:53 PM Parent: #18
جبريلا
سلاماتي
لو على المدرج هينة
طول ما المدرج معروش ومسقوف(بالطواقي) ما عندك عوجة
****************************
الريس ميسره
سلامات
شكراً على الطلة
زمان كان عمي ساكن معانا وكان حساس شوية لايمكن يدخل البيت الا وفي ايدو حاجة اقلها بطيخة وكنا ويوميا بنسمع هذا الحوار الساعة 3 ظهر :-
برلومتنا الفاتت خلّتنا وبى ناس آداب باعتنا زحمة القراية كتلتنا وكمان شناة سحنتنا آداب فيها السماح واللكنة وحقوق صحارى دفنتنا غايتو الدنيا ما أدتنا عزانا الحور فى جنتنا
...............................
أها يا عرفة شوفى الصورة ، بس للأسف ما عندى صور قديمة ، تحياتى لسيف والعيال
Post: #22 Title: Re: زمن الزمن زين والشعر مغطي الاضنين(توجد صور) Author: سامي عبد الوهاب إدريس Date: 12-29-2009, 12:06 PM Parent: #21
الأخت عرفة
التحية ليك وللدكتور سيف النصر والأبناء
والله زي ما قال ليك زهير فكرة عجيبة وجميلة جدا
القديم والجديد
يلا بس كملي
وخلينا نشوف الزمن عمل شنو في أجدع ناس
Post: #23 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-30-2009, 10:30 AM Parent: #21
يكري
ازيك
برلومتكم فاتت خلتكم ما شان بيّاعة وما شان سحنتكم في شان القسمة الرسمت وقسمت قالت قولا وامرت وحسمت في آداب ختْينا الطوبه وبرلومتكم جات يا دوبه جات سرعة تخلص سنوات المنحه شبكوها ده مدني دي جناية وجنحة وشافتلا ناس احوالم واقفه ضيّعوا سنوات وقلوبهم راجفة شايلين الهم وحلوقهم ناشفة قالت دة مكان ما بأمن غدرو ومجال صبورين وانا جد ما قدرو
Post: #24 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 12-30-2009, 10:38 AM Parent: #23
سامي كيف احوالك
شكرا على الطلة
بس يا اخوان البوست ده للجميع اناالصور العندي محدودة ومعتمدة عليكم
وآدي صورة ببركاتك يا شيخ سامي :
Post: #25 Title: Re: زمن الزمن زين والشعر مغطي الاضنين(توجد صور) Author: منصور عبد الرازق Date: 12-30-2009, 11:13 AM Parent: #24
بوست جميل وفكرته حلوة اتوقع لهذا البوست ان يستمر حيا ومتحركا لفترة طويلة زيى كتير المنتظرين يشاركوا فيهو بفاعلية ولكن تعوقهم الأمية الأسفيرية شخصيا معول على دروس النضيف البى البريد الألكترونى المشكلة المخ تخن , والفهم بقى بطىء والأستيعاب الا بى دفرة عندى صور كتيرة قديمة واخرى قليلة حديثة ان الله اراد وعرفت للشغلة دى حا اهريكم بس احتمال كبير العنوان بتاعى يكون مختلف شوية نسبة للمسافة الزمنية الكبيرة تحياتى لصاحبة البوست الزميلة عرفة واعجابى مجددا بفكرته
Post: #26 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 12-30-2009, 12:16 PM Parent: #25
شاعرة البوست
ما تقولى لي الواقفة اول واحدة لابسة سويتر اسود دى مزار ، سبحان الله احمد السيد جاء بصلعتو وهى كانت صغيرة كيف ،،،،
ياسر نجيلة جاك منافس فى الشعر المقطوع حي خسارتكم يا ناس حقوق ،،،
Post: #27 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 12-30-2009, 12:32 PM Parent: #26
Post: #28 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 12-30-2009, 12:32 PM Parent: #26
Post: #29 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 12-30-2009, 02:31 PM Parent: #28
عبد الدائم اخبارك شنو انا بحاول اجتهد فى الصورة الفيها مزار كطبعا صلاح الامين شناتو ما بتغبى على زول البقية اظن اول واحد من اقصى الصورة من الناحية القريبة هو اسامة فرج الله الشهير بطيارة بتاع بيطرة نجى من هناك دكتور سيف النصر وبعدوا الررائعة زينب التجانى وبعد كدا اخونا شبوكش وبعدو عشة ابورفاد زراعة قريبة زينب التجانى وبعدا ابتهاج بيطرة تقريبا البين ابتهاج ومزار ما عرفتها والله لكن اظنها فيروز برلومة زراعة يعنى احتمال اذلاكرة تكون تعبت شوية
Post: #30 Title: Re: زمن الزمن زين والشعر مغطي الاضنين(توجد صور) Author: سيف النصر محي الدين محمد أحمد Date: 12-30-2009, 06:34 PM Parent: #29
Quote: وبعدا ابتهاج بيطرة تقريبا البين ابتهاج ومزار ما عرفتها والله لكن اظنها فيروز برلومة زراعة يعنى احتمال اذلاكرة تكون تعبت شوية
يا مجتبى الذاكرة مش احتمال تكون تعبت و شوية كمان..دي تعبت اكيد و كتييير اوي يا باشا.. اولا القلت عليها ابتهاج بيطرة دي دولت زراعة!! ثانيا ما في واحدة اسمها ابتهاج بيطرة!! و فيروز برلومة زراعة يمكن الوكت داك لسة ما جات..الزولة دي ضيفة من برة ! كيف الزنقة دي معاك يا برلوم؟؟
Post: #31 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 12-31-2009, 11:41 AM Parent: #30
يا دكتور زنقة كويسة لكن الذاكرة لسه فيها شوية (غباشة ) كدا يعنى معقولة (برلوم من اجدادنا القدماء) يكون مركز لحدى القرن الواحد وعشرين كثيرة منى
Post: #32 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 01-02-2010, 11:19 PM Parent: #25
لو عندك صور في سي دي محلولة...اما لو كروت ممكن تستعين بصديق عنده اسكانر وتنزل الصور في الكمبيوتر وهوبا الصور امام اعينناالقديمة والحديثة..
شوف دي يا منصور (كلية الطب البشري)قبل حوالي عشرين سنة
عبر هذا البوست نهديهم احلى التحايا والامنيات الطيبة
خليك قريب يا منصور وما تتكاسل
Post: #33 Title: Re: زمن الزمن زين والشعر مغطي الاضنين(توجد صور) Author: مني يونس Date: 01-03-2010, 12:03 PM Parent: #32
بوست موفق يا عرفه كل مره أدخل أتفرج على الصور القديمة دي ، بحاول أنزل صور عندك هنا وبس لو الناس كمان نزلت الصور الحديثة مع القديمة بتكون أفضل ، أكيد حصل تغير لبعض الناس
شكراً على هذا البوست وسوف أعود مره أخرى. بنات أعلام أجدع ناس،
Post: #34 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 01-03-2010, 12:16 PM Parent: #33
حال الزمن يا ناس منو البعرف فى الصورة الاخيرة دكتور عمر البشير بتاع مصطفى قرشى من الحلاوين على فكرة ولتقريب الصورة هو الايم دى فى مستشفى سنجة دكتور الصادق لسة محافظ سيف (سمن شوية ) لكن عمر البشير ما اظن يعرف نفسو فى الصورة دى
Post: #35 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-06-2010, 04:18 PM Parent: #34
يا ست عرفة الله يديك العافية والتحيات ليك وللاسرة السعيدة انشاء الله دائما وابدا
البوست حقك زي الثكر أحلى ما فيهو قبل ما تدخلي تضحكي من الاسم
اسم البوست حا يمنع ناس كثيرة تخش عشان موضوع الشعر مغطي الاضنين ده
وفي ناس الواثقة من شعرها هسي راح تخش بي قلب جامد
وفي ناس متحسرة على الشعر الكان مغطي الاضنين وراح تخش بي شعار الاليت الشباب يعود يوما
والله عرفة انا كنت بفكر في نفس الفكرة بتاعة البوست ده
عشان كده راح اخت جهودي على جهودك وانزل صوري المعاي كلها هنا هذا اولا ثانيا : انا يشملني شرح منصور يعني اشرحلو لي انزل صور كيف ثالثاً : الصورة المتغالط عليها عبد الدائم ومجتبى البت العلى يمين صلاح الامين دي عزه عباس علي أداب
Post: #36 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 01-07-2010, 08:19 AM Parent: #35
يا كمال سنة 86 م لما انت وعزة عباس اتخرجتو البنات ديل كانو فى المتوسط
ولا يفوت على فطنة القارى انو سيف النصر فى جميع الصور يا اما لحاااام او بصفه مراقب
Post: #37 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 01-07-2010, 08:44 AM Parent: #36
شخصية اليوم : اميمة دفع الله فى صيف عام 86 م تم بنادى الضابط الخرطوم زواج الزميلة اميمة دفع الله والزميل هشام محمد على تجارة ، حضر الحفل لفيف من الزقازيقيين اميمة كانت فى السنة الثالتة كلية تجارة بعد انتهاء الحفل ونحن مجموعة من الزقازيقيين واقفين خارج النادى جأت اميمة ماشة قالت يا كافى البلاء زول يزغرد لي مافى ، وقفت فى نصنا وفكت ليها فرد غرووودة
فرقة الخرطوم قرووب
اميمة مع بناتها الصغار ، ماشاء الله تبارك الله الاولاد الكبار ما ظاهرين فى الصور
Post: #38 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-07-2010, 02:17 PM Parent: #37
يا عبد الدائم ده حالتو وصيناك اشرح الموضوع من غير ذكر السنين قول لي لمن اتخرجت وبس وبعدين يا اخي الواحد ما غلط يحاول يقرب من الناس الصغر الزيك كده يعني فيها حاجة الواحد لو قال نحنا دفعة واحدة مثلا
Post: #39 Title: Re: زمن الزمن زين والشعر مغطي الاضنين(توجد صور) Author: زهير الزناتي Date: 01-07-2010, 08:40 PM Parent: #38
يا جماعة انا غيرت راي ... بوست غير موفق ....
مافي داعي للمقارنات دي ... حقوا الصور الزمان تكون براها والجديدة تكون براها ... لأنه بالطريقة دي حا تجينا نفسيات ...
Post: #40 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-07-2010, 11:22 PM Parent: #39
يا زهير ما تحكها شديد الشنب بيغطي على كل اثار الزمن العب بالورق البتغلب بيهو ركز على الشنب يا اب شنب
Post: #41 Title: Re: زمن الزمن زين والشعر مغطي الاضنين(توجد صور) Author: محمد صديق Date: 01-08-2010, 09:29 PM Parent: #40
سلامات يا ناس
عرفة...سلام
مهم جدآ موضوع المقارنة ده
واذا الناس زايغة من صورها الحديثة
يوجد توثيق للناس ديل فى البوست الكبير
والموجود حاليآبمنبرنا ده...
انا لو ما كنت امى تقنيآ كان رجعت ليك
البوست ونقلتها ليك..
Post: #42 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-08-2010, 09:50 PM Parent: #41
سوري يا شباب نقطع الونسة لكن عفاف بي هناك في حوشها
Post: #43 Title: Re: زمن الزمن زين والشعر مغطي الاضنين(توجد صور) Author: عبد السميع دفع الله Date: 01-10-2010, 09:48 AM Parent: #42
عرفة محمد سعيد
تحياتى لك ولدكتور سيف النصر وللعيال
اولا انا واحد من المعنيين بهذا البوست الرائع لان الزمان قد جار علينا والزمن غير ملامحنا ونحن بقينا مانحنا
ورغم تعليقات الجماعة الكثيرة واخرهم د. رجـاء ان عبدالسميع قد تغيير
ولكن انا بقول ان الحكاية كلها عبارة عن نيولوك وبس للتأقلم مع الموضة الجديدة ومن يغالطنى فلينظر أسفل
فى عام 1992
فى عام 2001
التعديل لتحسين الصورة ولزوم النظافة وكده عشان ناس
الشادى ما يفهمون غلط ويفتكرونا بقينا زى ود الفاضل
Post: #44 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-10-2010, 02:39 PM Parent: #43
يا عبد السميع
سيبك من نيو لوك وغيرو يا حبيب اتلحست عديييييييييييل
والله لحقت ود الفاضل
تحياتي وحبي
Post: #45 Title: Re: زمن الزمن زين والشعر مغطي الاضنين(توجد صور) Author: عبد السميع دفع الله Date: 01-11-2010, 09:05 AM Parent: #44
ابوالشوادى
تحياتى وسلامى
يا اخى حكاية النيولوك دى بقت ماشة
وبعدين العيال كبرت بس بينى وبينك لو لقينا محسنات للعودة الى الذى مضى بيكون عز المنى لكن ما تكون ظاهرة كده زى بتاعت سمير غانم ووحيد وأحمد ادم .
مودتى
Post: #46 Title: Re: زمن الزمن زين والشعر مغطي الاضنين(توجد صور) Author: عبد السميع دفع الله Date: 01-11-2010, 09:24 AM Parent: #44
ابوالشوادى
تحياتى وسلامى
يا اخى حكاية النيولوك دى بقت ماشة
وبعدين العيال كبرت بس بينى وبينك لو لقينا محسنات للعودة الى الذى مضى بيكون عز المنى لكن ما تكون ظاهرة كده زى بتاعت سمير غانم ووحيد وأحمد ادم .
مودتى
Post: #47 Title: Re: زمن الزمن زين والشعر مغطي الاضنين(توجد صور) Author: Dr.Elsadig Abdalla Date: 01-11-2010, 03:25 PM Parent: #46
شكرا ياعرفه على الصور الجميله ...أوعدكم بتنزيل صوره حديثه قريبا...
Post: #48 Title: Re: زمن الزمن زين والشعر مغطي الاضنين(توجد صور) Author: Dr.Elsadig Abdalla Date: 01-11-2010, 03:25 PM Parent: #46
شكرا ياعرفه على الصور الجميله ...أوعدكم بتنزيل صوره حديثه قريبا...
Post: #49 Title: Re: زمن الزمن زين والشعر مغطي الاضنين(توجد صور) Author: معتصم جعفر Date: 01-11-2010, 06:19 PM Parent: #48
الاخوان عرفه د.سيف تحياتى وامنياتى بمزيد من التواصل بين اجيال الزقازيقاب اكيد نحنا بقينا ما نحنا وانو الزمن غير ملامحنا والصور تدلل على ذلك ليس نحن فقط فالصوره 3 و4 لابنائى قبل عدة سنوات والان حتى صغارنا طالهم الزمن فما بالكم بابائهم, انها سنة الحياة كل قوة الى ضعف وكل ضعف الى زوال. التحايا الى اميمه دفع الله ود. عشرى.
Post: #50 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-11-2010, 08:36 PM Parent: #49
ما شاء الله يا ريس معتصم عيني عليك باردة
رغم الزمن الا إنك لا زلت معتصم الوسيم الوجيه صاحب الوجه الطفولي الذي لا تملك غير ان تحبه
ما شاء الله على اولادك كبار الله يخليهم ليك الله يكبرهم ليك كمان وكمان يخليك ليهم ويخليهم لك تحياتي كمال الشادي
Post: #51 Title: Re: زمن الزمن زين والشعر مغطي الاضنين(توجد صور) Author: معتصم جعفر Date: 01-11-2010, 08:56 PM Parent: #50
شكرا ياشادى يا جميل حليل زمن الوجاهه لما العصير تتطقم وتسبسب تقدل فى المساكن وتتجدع فى ش الشهيد وتشرب شاى المغرب فى القوميه مع الونسه الطاعمه طعامة ناس الزقازيق.......زمن و يبقى الجمال دوما فى دواخلنا متمثلا فى تلك العلاقه الحميمه بين الزقازيقاب
Post: #52 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 01-11-2010, 11:23 PM Parent: #51
Quote: لو الناس كمان نزلت الصور الحديثةمع القديمة بتكون أفضل ، أكيد حصل تغير لبعض الناس
العزيزة منى
انتي طبعاً صورتك الحديثة ح تكون من وراء حجاب وده في حد ذاتو تغيير ..
في انتظارك اغدقينا بالبومك الزقازيقي اكيد كل واحد ح يشوف صورته ح ينزل قصادها الحديثة ..
تشكراتي على مرورك
*************************************
Quote: دكتور الصادق لسة محافظ سيف (سمن شوية ) لكن عمر البشير ما اظن يعرف نفسو فى الصورة
مجتبى كيفنك
عارف وجودك بصفة مستديمه في البوست ده مهم جدا كمُحلل ومُعلق فوتوغرافي تعليقاتك كلها سليمة لذا خليك قريب
Post: #53 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 01-11-2010, 11:47 PM Parent: #52
Quote: البوست حقك زي الثكر
مروركم هو اللي زي العثل رايق مصفى ..
Quote: والله عرفة انا
كنت بفكر في نفس الفكرة بتاعة البوست ده
عشان كده راح اخت جهودي على جهودك وانزل صوري المعاي كلها هنا
خلاص من الآن فصاعدا نحن الصيوف وانت رب المنزل
Quote: انا يشملني شرح منصور يعني اشرحلو لي انزل صور كيف
تنزيل الصور على ثلاث مراحل الاولى عبر اسكانر الى الجهاز والاسكانر موجود اما مع طابعة ثلاثة في واحد (طابعة+ماسح ضوئى+آلة تصوير)او لحاله المرحلة التانية: تحويل الصورة بصيغة JPG وحفظها في الجهاز المرحلة الاخيرة: تحميلها في المنبر ممكن الاستعانة بالنضيف وبالعدم شخصي الضعيف وممكن عمل دروس بالصور قريباً بحول الله اذا استدعى الأمر المهم ما تمشي بعيد ومشكور على هذه الطلة الرايقة
*******************************
Quote: ولا يفوت على فطنة القارى انو سيف النصر فى جميع الصور يا اما لحاااام او بصفه مراقب
هههههههههههههههههه ماعارفة غايتو هل يجوز للمرأة ان تقول ههههههههه اذا ما بيجوز
خلاس هوهوهو
النضيف التحية لك وعبرك لاميمة دفع الله وهشام محمد علي
وبانتظار المزيد
**************************
Quote: يا جماعة انا غيرت راي ... بوست غير موفق ....
مافي داعي للمقارنات دي ... حقوا الصور الزمان تكون براها والجديدة تكون براها ... لأنه بالطريقة دي حا تجينا نفسيات
زهير هوي ميار بقت عروسة الزم الجابرة وامشي الحج وتعال اقيف معانا في الصف ولا نفسيات ولا يحزنون.. على الاقل نزل صور التانيين كما وعدتنا في بداية البوست
مودتي ************************ ...
Quote: مهم جدآ موضوعالمقارنة ده يوجد توثيق للناس ديل فى البوست الكبير والموجود حاليآبمنبرنا ده...
سلام يا سيد الناس ادينا اللينك وانحنا بننكت كل المستخبي.. *******************
Quote: اولا انا واحد من المعنيين بهذا البوست الرائع لان الزمان قد جار علينا والزمن غير ملامحنا ونحن بقينا مانحنا
الاخ العزيز عبد السميع ازيك وازاي احوالك آخر مرة لاقيناك قبل 10 سنوات في تخريج على ما اذكر وسبحان الله الزمن كان بيعمل في صمت ..لكن بتبقى الدواخل نقية وحيوية تسلم ياعبد السميع وشكرا لاضافتك التي تجري في نفس مجرى البوست
*************************************
د الصادق عبدالله
سلامات يا الصادق وكيف اخبارك تحياتي ليك والاسرة نتوقع صور اطفالك في بوست ملائكة الزقازيق
*******************************
Quote: اكيد نحنا بقينا ما نحنا وانو الزمن غير ملامحنا والصور تدلل على ذلك ليس نحن , انها سنة الحياة كل قوة الى ضعف وكل ضعف الى زوال
الاخ الكريم معتصم
لك سلامي واحترامي
شكراً على مداخلتك العميقة حفظكم الله واسرتك وشملكم برعايته
Post: #54 Title: Re: زمن الزمن زين والشعر مغطي الاضنين(توجد صور) Author: Dr.Elsadig Abdalla Date: 01-12-2010, 04:04 PM Parent: #53
1969
1989
2009 هذه الصور تحكي تغيرات الزمن كل عشرين سنه !!!!!
Post: #55 Title: Re: زمن الزمن زين والشعر مغطي الاضنين(توجد صور) Author: Dr.Elsadig Abdalla Date: 01-13-2010, 10:41 PM Parent: #54
Post: #56 Title: Re: زمن الزمن زين والشعر مغطي الاضنين(توجد صور) Author: عبد الحميد البرنس Date: 01-14-2010, 01:12 AM Parent: #55
يا جماعة الكلام كلو بقى بالعشيرنات ولا شنو؟.
Post: #57 Title: Re: زمن الزمن زين والشعر مغطي الاضنين(توجد صور) Author: عصام دهب Date: 01-14-2010, 09:38 AM Parent: #56
بوست غير موفق أو كما قال زهير ..
و أي زول يجي يخرخر هنا معاهو ألف حق ..
و عشأن ما تقولوا الواحد نظام عايز يدس الكورة حأجيب ليكم صوري حتى قبل ما أجي الزقازيق ..
زمن الزمن زين لكن الصراحة الشعر دة من الله خلقو ما غطى غير القرقعوبة دي و هسع ذاتو زهج منها ..
غايتو يا عرفة بالغتي عديييل كدة ..
و بصراحة بصراحة بوست في السلك ..
Post: #58 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 01-14-2010, 11:05 AM Parent: #57
الصادق واثق جدا طبعا من نفسوا مع نسام ايرلندا وكدا الامر بتكون ظابتة مع زى كتاحة السودان البتعمل ( صلعة اجبارى ) وعينى باردة ممكن ناخذ الصور بالعكس وكدا يعنى لو قلنا اخر صورة يا ها صورة الابتدائى ممكن نصدق
Post: #59 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 01-14-2010, 02:22 PM Parent: #58
يا أخوانا الزل الاسمو عصام دهب ده زول محتال
صورتو الفي البروفايل عمل ليك فيها حركات ما عارف كيف عشان تبدو كأنها لوحة ونقول يا سلالالالالالالالالالالالالالالالالالالام روعة
سيب الحركات دي يا دهب خت صورتك زي ما هي وبطل حركات الفوتوشوب بتاعت محمد عيد وقدورة دي
اكان صورتك طلعت لوحة راح نقول يا سلالالالالالالالالالالالالالالالام واكان طلعت ما لوحة راح نقول يا حولالالالالالالالالالالالالالالالالالالا
Post: #60 Title: Re: زمن الزمن زين والشعر مغطي الاضنين(توجد صور) Author: Dr.Elsadig Abdalla Date: 01-14-2010, 05:05 PM Parent: #59
سلامات يا مجتبى ...والله لو لقيت لينا صوره حديثه لعمر البشير (الما رئيس!!! )..يكون عملت فينا فائده كبيره....انتو مسؤولين من الخير ،سنجه دي مافيها انترنت والله شنو ؟؟
Post: #61 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 01-15-2010, 01:39 PM Parent: #60
دكتور كيف الاحوال صورتو اسه زى ايام الدبشنة فى الزقازيق ما اتغير بديهو تلفون يرسل لى صورة (بالبريد) سنجة دى على ما اعتقد الا تصل ليها بالبصات وفى الخريف كدارى الهم دا رقم دكتور عمر بمدخل السودان 00249912873459
Post: #62 Title: Re: زمن الزمن زين والشعر مغطي الاضنين(توجد صور) Author: زهير الزناتي Date: 01-16-2010, 10:28 AM Parent: #61
شباب سلام ..... البوست ده مالو ناخي كده ... وين سته .... كنت متخيله يمشي بسرعة الصاروخ ... يا روفي أنفضي يدك من اي حاجة ... عواسة الكسرة خليها لنهاية الأسبوع .... الطبيخ جيبي ديلفري ... المهم تخلي بالك من البوست .... الود سيف النصر ده ما تشتغلي بيهو عمل حركات شدي تلفون لعمك ود الجعلي ولا أقول ليك حليل ود الجعلي إتذكرت قالوا سيف هرشوا في التلفون ... أقول ليك حاجة شدي تلفون لمنصور عبد الرازق وأسأليني أنا من منصور .... العملها فيني لليلة ما مرقت ....
الصادق وباقي الشباب ... د. عمر البشير الآن في عطبرة إخصائي الباطنة هناك حسبما عرفت منه قبل مدة ....
Post: #63 Title: Re: زمن الزمن زين والشعر مغطي الاضنين(توجد صور) Author: سيف النصر محي الدين محمد أحمد Date: 01-25-2010, 09:31 PM Parent: #62
****
Post: #64 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 01-25-2010, 09:35 PM Parent: #63
سلام للجميع
اهه قلتو لي كنا ويييين
اعتذر للغطسة دي وشكراً لكل من تفقدونا
القصة وما فيها اني اتشوبرت وفتحت لي بوست في الحوش الكبير هجولة شديد والحمدلله غطس بلا عودة
وبسم الله نبدأ نقطة وسطر جديد
Post: #65 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 01-25-2010, 09:36 PM Parent: #63
**
Post: #66 Title: Re: زمن الزمن زين والشعر مغطي الاضنين(توجد صور) Author: عرفة محمد سعيد Date: 01-25-2010, 09:36 PM Parent: #63
سلام للجميع
اهه قلتو لي كنا ويييين
اعتذر للغطسة دي وشكراً لكل من تفقدونا
القصة وما فيها اني اتشوبرت وفتحت لي بوست في الحوش الكبير هجولة شديد والحمدلله غطس بلا عودة
Quote: سنجة دى على ما اعتقد الا تصل ليها بالبصات وفى الخريف كدارى
Quote: ....انتو مسؤولين من الخير ،سنجه دي مافيها انترنت والله شنو ؟؟
ياسر نجيلة كيف أخبارك وأخبار الأهل بسنجه ، يا اخوانا ما تفهمونى غلط دى مجرد محاولة لعمل e.madida haragatny ، نشوف مدى إمكانية الإستفادة من من الشبكة العنكبوتية فى تطبيقاتها الحياتية.
Post: #68 Title: Re: زمن الزمن زين والشعر مغطي الاضنين(توجد صور) Author: ياسر نجيلة Date: 01-26-2010, 09:49 AM Parent: #67
Quote: Quote: سنجة دى على ما اعتقد الا تصل ليها بالبصات وفى الخريف كدارى
Quote: ....انتو مسؤولين من الخير ،سنجه دي مافيها انترنت والله شنو ؟؟
ياسر نجيلة كيف أخبارك وأخبار الأهل بسنجه ، يا اخوانا ما تفهمونى غلط دى مجرد محاولة لعمل e.madida haragatny ، نشوف مدى إمكانية الإستفادة من من الشبكة العنكبوتية فى تطبيقاتها الحياتية.
والله يابكورى شفت المداخلة من يومها، بس عملت نايم - وقطعتها في مصاريني عشان مسار البوست .... والصور الحلوه .... وكده
تحياتي وسلاماتي يا مجتبي فاروق ....
انتو الفريق الفاز بدوري السودان في الكرة الطائرة لآخر خمسة سنوات من وين ؟؟؟
الاخت عرفة واصلي البوست الجميل ده .... والله قشة ما تعتر ليك ....
طناش ياشباب .... الموضوع تواصل جميل وصور رائعة .... بلغة العشرين سنة ...
Post: #69 Title: Re: زمن الزمن زين والشعر مغطي الاضنين(توجد صور) Author: مجتبي فاروق Date: 01-26-2010, 10:37 AM Parent: #68
ياسر ولا تزعل عرفت انو عندكم فريق طائرة كويس وكدا يعنى بتستخدموا (الحمام الزاجل ) اكثر كلكم بى فوق
Post: #70 Title: Re: زمن الزمن زين والشعر مغطي الاضنين(توجد صور) Author: معتصم جعفر Date: 01-30-2010, 10:04 PM Parent: #69
Hos
شايفين الشعر المغطى الاضنين جد جد مهداه الى مجتبى فاروق وكل من نال منه الزحف الصحراوى
Post: #71 Title: Re: زمن الزمن زين والشعر مغطي الاضنين(توجد صور) Author: حنان مجمر Date: 01-31-2010, 09:55 AM Parent: #70
سلامات يابت ياعرفه وينك سايبانا ولافه عند الجيران ياشيخه ختي ليك رقم تلفون ولا افتحي ايميلك على الاقل ياحليل عم مصطفى ياربي حي يرزق ولا-- مافي زول عارف اخبارو
Post: #72 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 02-09-2010, 10:39 AM Parent: #71
الاخت العزيزة عرفة كل الشباب نكتنا الملفات القديمة ووصلنا لصور الزمن الكان الشعر مغتي الاضنين
اول صورة فعلا كان الشعر مغتي الاضنين
الحمد لله لايزال الشعر مغطي الاضنين
الصورة الثالثة لا يزال العرض مستمرا
الصورة الرابعة لايزال العرض مستمرا
الصورة الخامسة رغم إني في السن قدر طارق جبريل واصغر من زهير الزناتي وبالنسبة لعصام دهب انا الدفع الورا الورا الوراهو إلا إنو لا يزال الشعر بإمكانه ان يغطي الاضنين ( حالياً )
Post: #73 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 02-09-2010, 10:54 AM Parent: #72
الصورة رقم اتنين دى ابداع زول حليووو والحالم سبانا عديل كده
اما الصورة الاخيرة هندى ولا باكستانى ما عارف
وبرضو مفطعى الاضنين وعين الشمس كمان
Post: #74 Title: Re: زمن الزمن زين والشعر مغطي الاضنين(توجد صور) Author: عفاف علي ميرغني Date: 02-09-2010, 11:11 AM Parent: #73
الشادي وخطوط الزمن الفواصل 000
صباح الخير 000
Post: #75 Title: Re: زمن الزمن زين والشعر مغطي الاضنين(توجد صور) Author: عفاف علي ميرغني Date: 02-09-2010, 11:24 AM Parent: #74
يا عرفة مشتاقين 00
وكيف احوالك000
ويلا شوفي زمن الالشعر مغطي الاضنين
وهنا زمن الطاقية غطت الراس والاضنيين
حاج الركز دي هدية ليك كل سنة وانت طيب
Post: #76 Title: Re: زمن الزمن زين والشعر مغطي الاضنين(توجد صور) Author: طارق جبريل Date: 02-09-2010, 12:06 PM Parent: #75
Quote: رغم إني في السن قدر طارق جبريل
ملعوبة يا عمك
Post: #77 Title: Re: زمن الزمن زين والشعر مغطي الاضنين(توجد صور) Author: عبد الدائم سيد أحمد Date: 02-09-2010, 12:59 PM Parent: #76
Quote: حاج الركز دي هدية ليك كل سنة وانت طيب
اوعى تقولى لى بمناسبة عيد الحب ( الفالنتاين )
هو يوم الخميس مش ،،،
Post: #78 Title: Re: زمن الزمن زين والشعر مغطي الاضنين(توجد صور) Author: زهير الزناتي Date: 02-09-2010, 02:00 PM Parent: #77
روفي في إنتظار الطلة ... والصور .... لا زال البوست طفلاً يحبو ... يعني ماتعلقي الناس كده ... يلا همتك معانا ...
Post: #79 Title: Re: زمن الزمن زين والشعر مغطي الاضنين(توجد صور) Author: محمد صديق Date: 04-23-2010, 07:04 AM
سلامات يا ناس
Quote: روفي في إنتظار الطلة ... والصور .... لا زال البوست طفلاً يحبو ... يعني ماتعلقي الناس كده ... يلا همتك معانا ...
افقدوها برضو.
Post: #80 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 04-24-2010, 09:22 AM Parent: #79
طارق جبريل العزيز
Quote: ملعوبة يا عمك
البوست ده ستو لمن فتحتو فتحتو للناس العندها شعر و( قجة ) زي ما قال عبد الدائم النضيف والمظلة دي ما بتشمل سعادتك معليش على جنب شوية يا عمو
رضينا بي ابصلعة وأبصلعة ما راضي بينا قلنا في العمر قدر طارق جبريل أسكت خلاص قول أنا وكمال الشادي كنا زملاء في كي جي عايز تنط اها انا جيت الزقازيق بعدك يا أب قجة سوري يا أبقجيجة
Post: #81 Title: Re: زمن الزمن زين والشعر مغطي الاضنين(توجد صور) Author: طارق جبريل Date: 04-27-2010, 10:13 AM Parent: #80
Quote: رضينا بي ابصلعة وأبصلعة ما راضي بينا قلنا في العمر قدر طارق جبريل أسكت خلاص قول أنا وكمال الشادي كنا زملاء في كي جي عايز تنط اها انا جيت الزقازيق بعدك يا أب قجة سوري يا أبقجيجة
يا كيمو ياخي انا لمن شفت امين السمين كنت قايلو محاضر في الكلية وانت قالوا جيت قبل امين السمين تقول لي خنفس ياخي الاسطايل هسي مزلقانات ساااااااااااااااااي ناس ما مواكبة الموضة ياخي معناها زمنكم فات وغنايكم مات
Post: #82 Title: Re: زمن الزمن زين والشعر مغطي الاضنين(توجد صور) Author: سيف النصر محي الدين محمد أحمد Date: 05-30-2010, 04:33 PM Parent: #81
الصادق عبد الله غايتو صورتك اتغيرت كتير بين الطفولة و الكهولة. حاجة وااااحدة بس ما اتغيرت: الا و هي الاضنين..مبالغة يا دكتور الشي شنو نفس المقاس من قولة تيت.
Post: #83 Title: Re: زمن الزمن زين والشعر مغطي الاضنين(توجد صور) Author: مبارك جادين Date: 05-30-2010, 10:17 PM Parent: #82
انا عندي صورة شايلة لي تقريبا شهرين وكلما اقول انزل تحصل حاجة لكن انا متاكد منها ومن مفعولها القوي فهي صورة تنسجم مع البوست وعنوانه المهم شكرا يا عرفة على البوست واوعدك انزل الصورة قريبا جدا لكن بسال عن صديقي الذيذ عصام سايكوليجي
مشيت حتى عطبرة ولم اعثر عليه وهو في الصورة بتاعت دكتور الصادق 1989 اي زول عندو معلومة عن عصام سايكوليجي حقو ما يبخل بيها مودتي
Post: #84 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 06-06-2010, 02:33 PM Parent: #83
يا جمال فارح البوست ده تخين بي جاي تعال وجيب معاي اب شنبا زي الجزارين داك
لا تفوت على فطنة القاريء إني لا أقصد صديقي العزيز زهير الزناتي
Post: #85 Title: Re: زمن الزمن زين والشعر مغطي الاضنين(توجد صور) Author: كمال الشادي Date: 11-20-2010, 06:28 PM Parent: #84
الاخت العزيزة عرفة
حبيت اعيد عليك وعلى اسرتكم الكريمة من خلال بوستيك الجميل ده وانفض الغبار من عليهو عساكي تطلي علينا مرة تانية وما تحرمينا جياتك
كل سنة وانت بالف خير وعافية ان شاء الله
Post: #86 Title: Re: زمن الزمن زين والشعر مغطي الاضنين(توجد صور) Author: محمد صديق Date: 05-25-2011, 01:26 PM Parent: #85
