Post: #1
Title: علاقات متفردة
Author: مشاعر بدوي
Date: 12-20-2009, 09:22 PM
Parent: #0
اولاً وقبل كل شئ مشتاقه لكل ما هو زقازيقى ،مشكور باشمهندس بكرى ابوبكر والشكر موصول لصديقى الرائع دوماً اخى الذى لم تلده أمى الزناتى المعدن النادر الذى لم ولن يصدا ابداً.
ثانياً ظلت امنيتى وامل التواصل معكم تشغل بالى وعند اتصال الزناتى تملكتنى حالة من السعادة لا استطيع وصفها وحاولت التعبير عن ذلك بالكتابة ولكن الكى بورد رفض طباعة الحروف، وفسرت ذلك بان شوقى لكم اكبر من ان يتحول الى حروف وتابعت ما كتب وحسدتك يا مجتبى للتعبير وترجمة شوقك الى كلمات، اعزائى حتى الان وانا معكم لا اصدق انى امتلك مفتاح الحوش وممكن ادخل من الباب واتشاور معكم فيما يتشاور فيه الاخوان ونحكى للجميع ونجيب على عدد من الاسئلة
لماذا تميزنا بزمالة دامت لفترات طويله؟
لماذا نصر على ان نغرس حب الزقازيق وناس الزقازيق فى كل من تربطنا به صلة ؟
لماذا تكون اذاننا صاغية ونبتسم ونحن نسمع اسم الزقازيق حتى فى المسلسلات ؟
لماذا تصر هذه المدينة على ربط اسمها بنا ؟
لماذا عمل عصام دهب على تأسيس الحوش واجتهد الزناتى على ان يكون الحوش ممتلئ بالزقازيقين حتى اخر متر فيه ؟
لماذا يحرص منصور وزوجته وابناءه على ان يكون العيد مناسبة للالتقاء بميسرة ومنى وابناءهم وان تكون العلاقة علاقة اجيال ؟
لماذا انا وانت وجميعنا على استعداد لمشاركة اى زقازيقى فى المناسبات ؟
لماذا بذل معتصم وجورج والزناتى ومبارك جادين وعابدين ومحمد حسن ونادر فاروق وجلا وابتهاج وخالده كل ما فى وسعهم لتقديم واجب العزاء فى عمى عليه رحمة الله، دافعهم الى ذلك الحفاظ على علاقة امتدت لعشرات السنين ؟
لماذا نكون سعيدين فى اى لقاء زقازيقى حتى مع مجموعة لم نجتمع معها فى الزقازيق ؟
لماذا احببت نهلة نجم الدين وفدوى وكثرين غيرهم لم التقيهم الا بعد قيام جمعية خريجى الزقازيق ؟
لماذا وانا وانت وجميع الزفازيقياب يسرقنا الوقت ونحن نتحدث عن علاقات فريدة متميزة لا يمكن ان تتكرر علاقات اخترناها بانفسنا لم يفرضها علينا عرف او قانون بل شيدناها باحترام وود وتقدير متبادل، علاقات مستمرة وستستمر ونعلمها الى الاجيال، علاقات نفتخر بها وتكون تاج يزين راس كل زقازيقى وزقازيقيه ، وارفع راسك انت زقازيقى .
* على قول الجماعة الطيبين جاييكم برواقة
|
Post: #2
Title: Re: علاقات متفردة
Author: الرشيد بابكر
Date: 12-20-2009, 09:36 PM
Parent: #1
كل ما أقول أكون أول المرحبين يسبقني زول و يرحب بالقادمين الجدد...عايز أكون أول من يرحب بيك يا مشاعر قبل ما يسبقني واحد شليق...
مرحب بيك بيننا...
تهراقا...أحد أجدادنا القدماء على قول الجماعة الطيبين...
|
Post: #3
Title: Re: علاقات متفردة
Author: زهير الزناتي
Date: 12-20-2009, 10:02 PM
Parent: #2
هلا والله بالبت توتة ... منورة ... يا الرشيد مشاعر دي برلومة لمن برلومة ... يعني براحة ممكن تكون دفعتي شدة ما صغيرة ...
|
Post: #4
Title: Re: علاقات متفردة
Author: عفاف علي ميرغني
Date: 12-20-2009, 10:15 PM
Parent: #3
مرحبتين بالبت توتة 000
ونورتي البيت الزقازيقي
ويلا كملي سلام بسرعة
وتعالي عشان تجهزي معاي القهوة لناس البيت
خالو زهير00 شوق كتير 000
|
Post: #6
Title: Re: علاقات متفردة
Author: زهير الزناتي
Date: 12-20-2009, 10:18 PM
Parent: #4
البت فافي الشوق بحر ... وين يا اختي غاطسة .. متابع بوستك بتاع الشعر ...
|
Post: #24
Title: Re: علاقات متفردة
Author: مشاعر بدوي
Date: 12-24-2009, 12:53 PM
Parent: #4
فافى مشتاقيييييييييييييييييييييييييييييين كتير
لكن حسب علمى قهوة كسلا اجمل واطعم قهوة وامكن انا ما اعرف اعملها عشان كدة يا اختى انا ممكن اساعدك بتحضير العدة واى مهام اخرى تطلبيها منى .......
|
Post: #5
Title: Re: علاقات متفردة
Author: أبوبكر حامد الأمين
Date: 12-20-2009, 10:17 PM
Parent: #3
توتة السغنتوتة ألف أهلاً ومرحبا ، نوّرت ياتوتة يادفعة زهير الزناتى
|
Post: #7
Title: Re: علاقات متفردة
Author: كمال الشادي
Date: 12-20-2009, 10:28 PM
Parent: #5
توتة توتة
ويادوب بدأت الحدوتة
عارفا يا مشاعر
الرشيد بتاع مشاكل
قال عايز يكون اول واحد قبل ما يسبقو زول شليق
شفتي الناس الكايسا مشاكل
هو قاصدني انا
معليش سبقني في الترحاب بيك
عارفا ليه
لانو احسن مني واكرم مني وأهم حاجة اطول مني
الف مرحب بيك يا مشاعر
وابقي داخلة
|
Post: #8
Title: Re: علاقات متفردة
Author: محمد عيد
Date: 12-21-2009, 00:26 AM
Parent: #7
لا أدعى اننى فى آخر صف الذين وصفهم الرشيد بالشلاقة
ولكنه ترحاب لا بد منه ...
مرحبا بك ومرحى بازدهار البوست باكمالك لحوض شتلات الورد
الذى يضم بقية اخواتنا البرايات المختفيات لاسباب او بدونها
غنى يا مشاعر وغنى
شدى اوتار المغنى
|
Post: #9
Title: Re: علاقات متفردة
Author: موسي عيسي
Date: 12-21-2009, 05:30 AM
Parent: #8
الظاهر علينا جينا متاخرين و فاتتنا الشلاقة لكن قلنا
نلحصل و ندف الباب و نكون من المرحبين باظرف البرلومات
و اجملهن قلبا و ا عذبهن حديثا فمرحبا بك يا مشاعر وكان
الود ودي ان اسبق اخي الرشيد لكي احظي بالترحاب مبكرا
كما كان لي مع الاخوات فاطمة بدري و سامية اسماعيل و
خديجة ابراهيم بالترحاب بك في الزقازيق قبل بضع سنوات
و نيف ما في داعي لذكر الرقم لانه مخيف .
فاكرر الترحاب فحللتى اهلا و نزلتي سهلا و يلا يا شباب
الدار بقي باهله و ظهرت لينا عزيزة من فردات الزقازيق
باقي من العقد عقدة فهلا تكرمت علينا أخي زهير مع العزيز
بكري و تشوف لينا موضوع عصام جلي و تكون الشغلانة اكتملت؟
|
Post: #10
Title: Re: علاقات متفردة
Author: محمد آدم النور
Date: 12-21-2009, 07:22 AM
Parent: #9
أهلاً مشاعر وبس
قصاصات من مداخلات الجماعة:
| Quote: اخى الذى لم تلده أمى الزناتى المعدن النادر الذى لم ولن يصدا ابداً. |
عليك الله يا مشاعر مش كترتي المحلبية!!!!...بعدين حاسبي إبتهاج عندها باسويرد
| Quote: وتابعت ما كتب وحسدتك يا مجتبى للتعبير وترجمة شوقك الى كلمات، |
الغريبة مجتبى لسع قال..واحد ... اثنين يعني منظرين منو حاجات كتيرة
يا ربي تكوني قايلا الموقع دا الفيس بوك؟؟؟
| Quote: لماذا احببت نهلة نجم الدين وفدوى وكثرين غيرهم لم التقيهم الا بعد قيام جمعية خريجى الزقازيق ؟ |
الحمدلله حبيتي الجماعة ديل بعد قيام الجمعية....فالقلب يعشق بعد العين أحياناً
| Quote: على قول الجماعة الطيبين جاييكم برواقة |
كان كدا!!!! عايز أأجل الترحيب لغاية ما تجينا ما معكره
Quote: عايز أكون أول من يرحب بيك يا مشاعر قبل ما يسبقني واحد شليق...
مرحب بيك بيننا... |
في دي ليك حق..طالما السقد حارس البوست....
قالو الشلاقة كتلت اشراقة
| Quote: خالو زهير00 شوق كتير 000 |
شووووووووووووفوووووووووو الدراااااااااااب دا كيييييييييييف؟
| Quote: مرحبا بك ومرحى بازدهار البوست باكمالك لحوض شتلات الورد |
إنتو يا جماعة لوري الدراب دل ما كمل؟؟؟
الغريبة أنا شايف الحوض بتاعك دا ما مكتمل لسع ...طيب لمن نهلة نجم الدين يدوها باسويرد
نحن نقدم استقالاتنا و لا شنو؟؟؟
Quote: باظرف البرلومات
و اجملهن قلبا |
موسى عيسى شيل قلبها و أديها كليتك
هس يجي ياسر نجيلة و يقول ليكم السمكة بتاعتي و ينا
|
Post: #11
Title: Re: علاقات متفردة
Author: عبد الدائم سيد أحمد
Date: 12-21-2009, 07:46 AM
اهلا" بناس تربية وامتداد ناصر
|
Post: #12
Title: Re: علاقات متفردة
Author: كمال الشادي
Date: 12-21-2009, 08:16 AM
Parent: #11
نضيييييييييييييييييييييييف
يا عبد الدائم
|
Post: #13
Title: Re: علاقات متفردة
Author: عصام دهب
Date: 12-21-2009, 09:01 AM
Parent: #12
مراحب ألف و حبابك يا مشاعر ..
سعدت كثيراً بأنضمامك و بقية الكوكبة الرائعة من الزقازيقاب الأفاضل ..
نورتي فأهلاً حللتي و سهلا نزلتي ..
و الحوش حوشكم ..
يلا أنداحوا ..
|
Post: #14
Title: Re: علاقات متفردة
Author: أبوبكر حامد الأمين
Date: 12-21-2009, 09:40 AM
Parent: #13
يا نضيف غايتو الصورة التانية عرفت جمال على وفطّومة ومشاعر ، أها الطرف دى أحلام مختار ولا زولة تانية.
الصورة الأولى عرفتَ ابراهيم فيش من مجموعة الكورال ، من زمان نضيف يا عبدالدائم شراب أبيض وقلب أبيض
|
Post: #15
Title: Re: علاقات متفردة
Author: عبد الدائم سيد أحمد
Date: 12-21-2009, 09:57 AM
Parent: #14
بكورى طبعا انا حاسبك مع الناس القدام عشان كده
ما بعاملك معاملة البرالمة فى المنبر
فعلا" هى احلام مختار علوم
اما صورة الكورال اقصى اليسار سكينة قرشى - مشاعر بدوى - ناهد امين
خلفهم نوال البلول وتظهر ايضا زبيدة مصطفى
بجانبى ايضا محمد صديق - فضل المامون - عبدالمجيد عيسى - فش - ادم حميدة
ادروب - راشد عبدالله احمد
اما الناس ( البجوبكو ) الكورال والناس الطالعين ساكت خاتنهم ورا
|
Post: #16
Title: Re: علاقات متفردة
Author: طارق جبريل
Date: 12-21-2009, 09:58 AM
Parent: #14
يا سلااااااااااام
مشاعر كيفنك
|
Post: #17
Title: Re: علاقات متفردة
Author: مجتبي فاروق
Date: 12-21-2009, 10:26 AM
Parent: #16
توتة يا دوب الواحد استعدل القعدة
|
Post: #18
Title: Re: علاقات متفردة
Author: منصور عبد الرازق
Date: 12-21-2009, 11:14 AM
Parent: #17
ده العيب بتاع النوم بدرى
الخناشير ما بتديك فرصة
تلقاهم ملمومين لمت النمل فى ( )
فتحتوا القوس
املأ المكان الخالى
اقفل القوس
مرحب بيك يا مشاعر البدوى
انتى اوعك تقفلى القوس
خليهوا فاتح
عشان الجماعة ديل يقدروا يمرقوا
|
Post: #19
Title: Re: علاقات متفردة
Author: حيدر حسن ميرغني
Date: 12-21-2009, 11:30 AM
Parent: #18
اهلا بالعزيزة مشاعر
|
Post: #20
Title: Re: علاقات متفردة
Author: ميسرة سيد أحمد
Date: 12-21-2009, 09:21 PM
Parent: #19
أهلاً مشاعر بت بدوي مرحب بيك
ونورتي بيتك والواحد بكون سعيد جداً
لمن يتواصل مع ناس الزمن الجميل والمكان الجميل
وصلتي أهلاً ونزلتي سهلاً ،،،،
|
Post: #21
Title: Re: علاقات متفردة
Author: ياسر نجيلة
Date: 12-22-2009, 07:12 AM
Parent: #20
أهلا وسهلا ...
مرحب حبابك .. بتنا مشاعر
|
Post: #28
Title: Re: علاقات متفردة
Author: مشاعر بدوي
Date: 12-24-2009, 01:50 PM
Parent: #9
موسى عيسى مشتاقين وعبرك مليون سلام لناس الزمن الجميل
خدوج، فاطمة بدرى، سامية اسماعيل الشهيره بسمسم وبرواية اخرى سمسمي، شخصيات لم ولن تتكرر
واضم صوتى لصوتك بانضمام الاخ والصديق عصام جلى لهذا الحوش
|
Post: #25
Title: Re: علاقات متفردة
Author: مشاعر بدوي
Date: 12-24-2009, 12:56 PM
Parent: #5
بكورة سلامات اخبارك شنو والسلام موصول لناس مدنى كلهم بدون فرز، مسئول من الخير ازياء عواطف خبرو شنو .......
|
Post: #22
Title: علاقات متفردة
Author: مشاعر بدوي
Date: 12-24-2009, 12:34 PM
Parent: #1
رشيد القوم وجميع سكان الحوش لكم كل العذر لتاخير الرد وشكراً للترحيب ، وعشان انت يا الرشيد اول من رحب بي شاحده ربى تكون اول زقازيقي ترحب به مع اسرته اجمل واكبر فيلا من الفلل الحكى لينا بيها الزناتى (شوفتو الكلام ده كيف )...........
|
Post: #23
Title: Re: علاقات متفردة
Author: مشاعر بدوي
Date: 12-24-2009, 12:49 PM
Parent: #22
الزناتى شكراً على المرور واتمنى ان اكون عند حسن الظن
|
Post: #26
Title: Re: علاقات متفردة
Author: مشاعر بدوي
Date: 12-24-2009, 01:16 PM
Parent: #23
الفنان الرائع كمال الشادى ما قابلتك لكن سمعت عنك كل الخير، كنت حايمه بهناك مع اجدع ناس وقريت المداخلة عن الاعلاميه نادية عثمان مختار وزاد افتخارى بمعرفتى بك لك شكرى ....
|
Post: #27
Title: Re: علاقات متفردة
Author: مشاعر بدوي
Date: 12-24-2009, 01:25 PM
Parent: #26
محمد عيد كيفينك يا اخوى، فى اعتقادى ان الشلاقة حاله صحية والدليل فى الاسرة الواحده الغالبية شلقين
ومعا فلنغنى اجمل لحن .........
|
Post: #29
Title: Re: علاقات متفردة
Author: مشاعر بدوي
Date: 12-24-2009, 02:57 PM
Parent: #27
جلا
مبروك الحج باين غاير من الزناتى وعاوز تعمل لينا مشاكل
يا ربى السبب شنو اكيد عشان الزناتى اصغر منك .....
النضيف
مليون سللللللللللللللللللللللللللللللللللام والله مشتاقين شديد
وناس تربية اجدع واظرف ناس .....
عصام الدين دهب
ادفع عمرى ونعمل جمعية عمومية ويتكرر نفس المشهد ..........
ود جبريل
اخبارك شنو وشكراً للمرور والله يوم شفتك فى قناة الجزيرة قاعد فى الواطة
قلت يا حليللو ده طارق وقربت ابيع دهبى واعمل لي جريدة
تكون فيها انت رئيس تحرير وسكرتير تحرير ورئيس مجلس ادارة
لكن الحمد لله ربنا نصركم وبينى وبينك لو انتظرت ابيع دهبى
حقك راح عشان ما عندى دهب يكفى افتح به جريدة والله معاك ................
مجتبى
البرلوم التفتيحة التحية للاسرة وفى انتظار قلمك المبدع
منصور عبدالرازق
نلت شرف التواصل معكم
القوس ما ممكن يقفل فى ظل تواجد اجدع ناس ...........
حيدر حنين
حنين يا الحنين شوقنا ليك طال ..........
ميسرة سيد احمد
الرئيس ، الزعيم ، الاخ لك ومنى والاولاد كل الود..........
ياسر نجيلة
شاعرنا المبدع فى انتظار الاستماع والاستمتاع للجديد .....
|
Post: #30
Title: Re: علاقات متفردة
Author: محمد صديق
Date: 12-24-2009, 08:18 PM
Parent: #29
سلامات يا ناس
الف مرحب بى توتة السغنتوتة
وسلام ليك من صاحبتك....
طبعآ عشان البينى وبينك وصاحبتك
وحاجة ام سلمى ما حاقول للناس
انتى مشهورة بى شنو...
|
Post: #31
Title: Re: علاقات متفردة
Author: مشاعر بدوي
Date: 12-24-2009, 08:41 PM
Parent: #30
جنابو ود رفاعة
اول شى قول لصاحبتى والله مشتاقيييييييييييييييييين شديد
ثانيا شكرا للترحيب والمرور
ثالثا انت عاوز مشاكل ولا شنو والله اشتكيك لتوفى
|
Post: #32
Title: Re: علاقات متفردة
Author: عرفة محمد سعيد
Date: 12-26-2009, 02:59 PM
Parent: #31
توتة العزيزة جداً
كيفك والاسرة عساكم بخير
ليكي وحشة وسلاماتي لبطومة
مودتي
|
Post: #33
Title: Re: علاقات متفردة
Author: مشاعر بدوي
Date: 12-26-2009, 05:03 PM
Parent: #32
الرائعه دوما روفى
بالجد مشتاقين
السلام والتحايا لسيف والابناء
ودام الود
|
Post: #34
Title: Re: علاقات متفردة
Author: طارق جبريل
Date: 12-26-2009, 10:22 PM
Parent: #33
توتة كيفنك
عليك الله دهبك دة خليه لينا لي قدام
يمكن يرفدونا
هههههههههههههههههههه
|
Post: #35
Title: Re: علاقات متفردة
Author: مشاعر بدوي
Date: 12-27-2009, 01:20 PM
Parent: #34
ود جبريل
يا اخوى ابشر ما عندك مشكلة
بس ما تكلم الجماعة اى واحد اجى اقول رفدونى
|
Post: #36
Title: Re: علاقات متفردة
Author: حنان مجمر
Date: 12-27-2009, 02:34 PM
Parent: #35
سلامات يامشاعر يارقيقة الخلق ياانسانه لسه في رفتك وحلاوتك ديك والله نور بتنا وشارع بيتنا
يابرلومتنا الحلوه يادفعة زهير الزناتي شايفاك صدقت يازهير قالوا الربا بي جهلو وا شقاوة اهلو
|
Post: #37
Title: Re: علاقات متفردة
Author: مشاعر بدوي
Date: 12-28-2009, 09:21 AM
Parent: #36
العزيزه حنان
مليون سلام ومشتاقين
|
Post: #38
Title: Re: علاقات متفردة
Author: سامي عبد الوهاب إدريس
Date: 12-29-2009, 12:28 PM
Parent: #37
الأخت مشاعر
حبابك ألف
وهي حقا علاقات متفردة ومميزة
والكلام المكتوب فوق دا... كلام في منتهى الرقة والجمال
كتر خيرك كتير
|
Post: #39
Title: Re: علاقات متفردة
Author: مشاعر بدوي
Date: 12-29-2009, 01:27 PM
Parent: #38
الاخ سامى
مشكوووووووووووور على المرور ، واتمنى ان تدوم العلاقات التى تميزنا بها
بالجد يا سامى اى واحد فينا اذا سالوا عن العلاقات بيننا كزقازيقين
لا يستطيع ان يعبر بالكلمات فكنتم وكنا نعم الاخوة
فلكم منى الود والتقدير
|
Post: #40
Title: Re: علاقات متفردة
Author: عثمان الخير
Date: 12-29-2009, 05:42 PM
Parent: #39
مشاعر
والله ماعارف ارحب بيك كيف ولا عارف اقول شنو! وانا بقرأ في ردودك الفوق دي وبدون ما ادري وجدت نفسي
رجعت لذلك الزمان والمكان الجميل وحبست دمعةحاااره ,,, فقدت عادت بي الزكريات , فتزكرت
الوالد بدوي المبشر الطيب علية رحمة الله, ذلك الرجل الانسان الذي كل ما اتى الزقازيق أول حاجه
يعملها يقول لمشاعر وديني لي ولدي عثمان .اللهم ارحم عمنا بدوي واسكنه فسيح جناتك مع الشهداء
والصديقين.
اختي مشاعر التحية عبرك موصولة لكل الاخوات الفاضلات في كل دور الطالبات ايام زمان.
|
Post: #41
Title: Re: علاقات متفردة
Author: مشاعر بدوي
Date: 12-31-2009, 02:03 PM
Parent: #40
عثمان الخير
لك شكرى الكثير على المرور
فعلاً ياعثمان عندما نسترجع تلك الزكريات لا نملك الا ان نحبس الدمعة الحاااره جدا
علاقتك بالوالد عليه الرحمة علاقة ابن بوالده، دائما يزكرك بالخير ويلى الخير اسمك
اعتقد ان الوالد عليه الرحمة هو من غرس فينا انا واخوانى علاقة الاخ الذى لم تلده الام
لك شكرى الجزيل اخى عثمان والتحايا عبرك لافراد الاسرة
|
Post: #42
Title: Re: علاقات متفردة
Author: محمد آدم النور
Date: 12-31-2009, 02:21 PM
Parent: #41
يا ناس البوست دا
أنا زول ما متفرد داير أعمل علاقات متفردة....ممكن؟؟؟
يعني الزول لو إنفرد بي القون...بعد داك ممكن يعكس الكورة قبل ما تمشي الآوت؟؟
و لأنو تنفرد بي زول معناهو عايز
تدقسو
أو تجكسو
أو تحنسو
لو عندكم زول بالمواصفات دي!!!
رجاءً أدوني عنوانو و خلو الباقي علي!!!
كل الأماني الطيبة يا عزيزتي مشاعر بسنة قادمة مليئة بالنجاحات
من دقيس و جكيس و حنيس
|
Post: #43
Title: Re: علاقات متفردة
Author: زينب التجاني
Date: 01-01-2010, 10:10 AM
Parent: #42
ازيك يا توتة ومليون مراحب
معليش للترحيب المتاخر بس للظروف احكام
حنتلاقى دايما ونتواصل دايما
يلا انداحى
وواصلى اندياح
|
Post: #44
Title: Re: علاقات متفردة
Author: مشاعر بدوي
Date: 01-03-2010, 12:25 PM
Parent: #43
اخونا محمد
سلامات وكل سنة وانت طيب
Quote: أنا زول ما متفرد داير أعمل علاقات متفردة....ممكن؟؟؟
|
يا اخوى ناس الزقازيق ديل كلهم متفردين ، انت اتخرجت من ابوكبير ولا شنو
Quote: كل الأماني الطيبة يا عزيزتي مشاعر بسنة قادمة مليئة بالنجاحات
من دقيس و جكيس و حنيس |
واللة يا محمد اظن الدقيس والجكيس ده بعد كده ما فى ليه طريقة ، الا عاد الحنيس مهم
|
Post: #45
Title: Re: علاقات متفردة
Author: مشاعر بدوي
Date: 01-03-2010, 12:30 PM
Parent: #44
عزيزتنا زنوبة
واللة مشتاقييييييييييين ليك وفاقدينك شديد
شكراً على المرور
وعلى امل للتواصل
ولك كل الود..........
|
Post: #46
Title: Re: علاقات متفردة
Author: عبد الحفيظ عباس
Date: 01-03-2010, 02:29 PM
Parent: #45
الأخت
مشاعر بدوي
حبابك ما غريبة دار
ونورتي المنبر
ويلا جدعوا الإبداع
ولموا الناس
عشان السمحة بت الناس
تحايا وود
عظيم إحساس
نؤد بعض التفاصيل عن أخبارك
وخاصة الدهب البيعمل جريدة
وحتى نلتقي
ألف مرحب بيك
|
Post: #47
Title: Re: علاقات متفردة
Author: مشاعر بدوي
Date: 01-04-2010, 04:24 PM
Parent: #46
اخونا عبد الحفيظ
سلام بالكوم ومشتاقين لاجدع ناس
Quote: نؤد بعض التفاصيل عن أخبارك
وخاصة الدهب البيعمل جريدة |
الدهب قاعد ، وابشر اختك ما بتقصر معاك ...............
|
Post: #48
Title: Re: علاقات متفردة
Author: أحمد إسماعيل
Date: 01-05-2010, 06:06 PM
Parent: #45
ألف مرحب بالأخت مشاعر بدوي
وياسلام على الكلام الحلو الفوق دة
والردود الأحلى بالأخص ردك الأفرحني وأراح نفسي
ردك على الإنسان المامتفرد لازم يكون (خريج أبو كبير)
والله الزقازيقاب أمركم عجيب كلما نتقارب نجد أنفسنا
أجذاء من بعض
|
Post: #49
Title: Re: علاقات متفردة
Author: محمد آدم النور
Date: 01-05-2010, 07:34 PM
Parent: #48
سلام يا ست الناس
Quote: وياسلام على الكلام الحلو الفوق دة
والردود الأحلى بالأخص ردك الأفرحني وأراح نفسي
ردك على الإنسان المامتفرد لازم يكون (خريج أبو كبير) |
لكن أحمد إسماعيل ما لقيتك
قلت ليك أرحك الخلا تجيني في بيتنا؟؟؟
الغريبة قايلك زول متفرد طلعت زول داير تتفرد بي؟؟؟
|
Post: #50
Title: Re: علاقات متفردة
Author: أحمد إسماعيل
Date: 01-06-2010, 08:32 AM
Parent: #49
ياحاج محمد آدم انت خطري
علشان كدة لازم نستعين بصديق
حتى لو عصام جلي الماعندو باسويرد
لاكن حكاية بقيت تنسى موبايلك دي
بقينا في الهوى سوى
|
Post: #51
Title: Re: علاقات متفردة
Author: كمال الشادي
Date: 01-08-2010, 08:31 AM
Parent: #50
اهلا الاخت الحبيبة مشاعر بدوي
| Quote: الفنان الرائع كمال الشادى ما قابلتك لكن سمعت عنك كل الخير، كنت حايمه بهناك مع اجدع ناس وقريت المداخلة عن الاعلاميه نادية عثمان مختار وزاد افتخارى بمعرفتى بك لك شكرى .... |
اشكر افتخارك بي انا برضو بفتخر بيك
اي زول يحمل الشارة والعلامة الزقازيقية زي ما بقول عبد الدائم من آآآآنديا يعني من عندنا
وإنتى من عندنا
من الحوش الكبير
حوش الناس السمحة
سمحة من برة وسمحة من جوة
لو عايزه تسمعي عني حاجات حلوة اختي لي بالله الناس المرجفة
وتحياتي لصديقي زهير الزناتي
شايفك بتوزعي دهب
عليك الله اعملي حسابي
الايام دي الشغل في الرياض شايفو مش ولابد
يعني لو تكلتينا بي غويشتين كده لغاية ما الامور تستعدل بيكون كويس
وبلاش تضيعي دهبك بعييييييييييييييييييد لغاية المغرب
خليك قريب احسن
ناس المغرب ديل صديقيني
عين علينا وعين على جبل طارق
على قول اغنية سميرة توفيق
عينك علينا والله على جارتنا
|
Post: #52
Title: Re: علاقات متفردة
Author: مشاعر بدوي
Date: 01-14-2010, 10:28 AM
Parent: #51
الاخ أحمد اسماعيل ...
اولا لك العذر لتاخير الرد ومشكور كتير على المرور
Quote: وياسلام على الكلام الحلو الفوق دة
والردود الأحلى بالأخص ردك الأفرحني وأراح نفسي
ردك على الإنسان المامتفرد لازم يكون (خريج أبو كبير)
|
شكرا يا احمد يا اخوى واتمنى ان اكون عند حسن الظن
Quote: والله الزقازيقاب أمركم عجيب كلما نتقارب نجد أنفسنا
أجذاء من بعض
|
فعلا الزقازيقاب امرهم عجيب
|
Post: #53
Title: Re: علاقات متفردة
Author: مشاعر بدوي
Date: 01-14-2010, 10:35 AM
Parent: #52
جلا ....
والله مشتاقين طولت من الطلة ، قلت الزول الشليق ده قايل الحج مرتين فى السنة ولا شنو
| Quote: قلت ليك أرحك الخلا تجيني في بيتنا؟؟؟ |
يا زول انت رباطى ولا شنو
عامل حجتك بتاعت الدس دى ....
|
Post: #54
Title: Re: علاقات متفردة
Author: مشاعر بدوي
Date: 01-14-2010, 10:44 AM
Parent: #51
الاخ الرائع الفنان كمال الشادى
Quote: شايفك بتوزعي دهب
عليك الله اعملي حسابي
|
ما عندك مشكلة والغالى يرخص ليك
وناس الزقازيق اجمل واروع واجدع ناس
|
Post: #55
Title: Re: علاقات متفردة
Author: كمال الشادي
Date: 01-14-2010, 02:29 PM
Parent: #54
طمنتيني
الله يطمنك
|
Post: #56
Title: Re: علاقات متفردة
Author: محمد صديق
Date: 01-24-2010, 09:30 AM
Parent: #55
سلامات يا ناس
توتة ازيّك....
يقول المثل :
البوست مفتوح وستّو تكوس...
انتى الحوامة دى ما فترت منها؟
|
|