Post: #1
Title: منك طولنا طول
Author: عمر المهدى
Date: 11-21-2009, 11:53 AM
Parent: #0
الحبيب الشغل العقول
نغني عليه ونقول
وين راقي منك طولناطول
حبيبي اب قدرا سما
ياجميل يابدر السما
يالجدي العينتو مغيمة
حن علي روحي وارحما
منك طولنا طول
يالحنين واخلاقك لطاف
يااب كلاما خاتي الجفاف
من ظرفك نالو الظراف
والشباب اعترف اعتراف
منك طولنا طول
مما شَافَك قَلْبي الغَيُور زَاد سَعادة وبَلَغ السِرور
وَين شَبِيهَكْ بين البُدُور والله يَدِيك زَي مَا تَدُور
منك طولنا طول
العيون ساهرات طولن
بي دموع الشوق انملن
القلوب بالنار اتكون
ارحمن كيف يتحملن
منك طولنا طول
في مشيك لي نفسي الشفا
يالخضار في ارض العفا
فيك طبع الود والوفا
بس ظروف مانعاك ماجفا
اهداء لكل البعاد عن العين
وقراب في القلب والخاطرمن احباب منهم طولنا طول
ودعوة للسؤال عن الناس المشتاقين ليهم واكيد هم
ضناني علي ام ابوها الشوق وامانة هي لي مشتاقي
ويافرقا كتيربالحيل مابين شوقة واشواقي
|
Post: #2
Title: Re: منك طولنا طول
Author: محمد صديق
Date: 11-21-2009, 03:08 PM
Parent: #1
سلامات يا ناس
Quote: اهداء لكل البعاد عن العين
وقراب في القلب والخاطرمن احباب منهم طولنا طول
ودعوة للسؤال عن الناس المشتاقين ليهم واكيد هم
ضناني علي ام ابوها الشوق وامانة هي لي مشتاقي
ويافرقا كتيربالحيل مابين شوقة واشواقي |
عمر المهدى ...سلام ومرحب بيك تانى
شكرآ على الاهداء...
من محاسن الصدف ان اجد هذه الاغنية هنا وانا ابحث
عنها لزمان طويل ..لا احفظ منها الا المطلع...
لك التقدير.
|
Post: #3
Title: Re: منك طولنا طول
Author: عمر المهدى
Date: 12-09-2009, 02:52 PM
Parent: #2
التحية لك اخي محمد صديق واتمني ان تجد لدينا التايهه
وطبعا الاغنية للرائع احمد عمر الرباطابي وخطرت لي عندما
فكرت في الكثير من الاعزاء الذين صرفتنا عنهم وصرفتهم عنا دروب
الحياة وصوارفها وتمنيته بوست للسؤال عن اعزاء في الخاطر
فالتحية لكل من يكن لنا نفس الشوق ونقول والله مشتاقين
|
Post: #4
Title: Re: منك طولنا طول
Author: ميسرة سيد أحمد
Date: 12-10-2009, 12:29 PM
Parent: #3
عمر ودي المهدي أخونا وحبيبنا
كلمات الأغنية جميلة وسمحة بالحيل
وعجبتني شديد ،، شكراً عمر تي.
نتمنى أن تزور البوست الأساسي بهناك
وتجيب لينا الحاجات الحلوه دي .
|
Post: #5
Title: Re: منك طولنا طول
Author: محمد صديق
Date: 12-11-2009, 09:16 AM
Parent: #4
سلامات يا ناس
ود المهدى ...سلام
كلنا ياخوى رايحين مننا ناس
تفرقوا ايدى سبأ...
ياريت نلقى من يدلنا عليهم
ايه رأيك نعمل منادى ليهم
بالاسم فى بوستك ده؟
|
Post: #6
Title: Re: منك طولنا طول
Author: سامي عبد الوهاب إدريس
Date: 12-11-2009, 11:27 AM
Parent: #5
الأخ عمر
لك التحية
وتحية لأخونا محمد صديق
ويا عمر أنت الآن في المكان المناسب لتجد كثيرا من أحببت
وصدقني أنا عن طريق سودانيز أون لاين إتصل بي بعض الأخوان لي منهم أكثر من عشرين سنة
بس إنت أهم حاجة خلي معلوماتك في البروفايل مكتملة... (ومكتملة دي مهمة جدا جدا)
وربنا يجمعك بمن أحببت
كن بخير
|
Post: #7
Title: Re: منك طولنا طول
Author: الرشيد بابكر
Date: 12-11-2009, 11:49 AM
Parent: #6
الأخ عمر المهدي... لك التحية
تأكيدا لكلام سامي...لقد تعرفنا من خلال سودانيزاونلاين على أناس لم تجمعنا بهم فترة الدراسة بالزقازيق ومنهم من التقيناهم ولكن توثقت علاقتنا بهم بعد ذلك...و لعلك تابعت ذلك فيما مضى...
منذ يومين و في رد لي في بوست مربع كاي على العضو الجديد الأخ الظريف أبو بكر حامد...أتيت على ذكر أحد الأصدقاء والذي فرقت الحياة بيني و بينه...هذا الصديق ليس له أي علاقة بالزقازيق...قرأ محمد صديق المداخلة و تبين أنه متزوج من قريبتة فكان اللقاء بعد زمن طويل جدا...
عندما تابعنا بوست ناس الزقازيق من الخارج سابقا اعتقدنا انه مجرد مكان لاجترار الذكرى ثم بتنا نكتشف كل يوم أشياء جديدة...و هي كذلك العلاقات الانسانية لا تتوقف عند محطة ما و لا تتحرك...لا بد أن تتحرك الى الأمام و كل خطوة الى الأمام لها معطياتها و نتاجها...
بحثك عن من طولت منهم لشئ جميل...و أنا واثق انك ستجدهم كلهم حتى الذين ليس لهم علاقة بالزقازيق...
تحياتي مرة أخرى...
|
Post: #8
Title: Re: منك طولنا طول
Author: محمد عيد
Date: 12-11-2009, 05:54 PM
Parent: #7
حبيبنا ود المهدى او ابو T
يا خوى قاعد بيجاى براك مالك فى طرف الحلــــّة ...
عليك الله أغشى حيشان الجيران الجنبك ديل وكمان امشى الحوش الكبير
حتلقى هناك ناس كتار بالجد طولت منهم طول ...
واكيد كمان حتلقى اخبار اصحابك .. مجدى عبد الله والطيب سلمان ...
***********
أقول حاجة ... يا زول باكر بامر عليك جنب زريبة القنصلية وباجى اسوقك
لى ناس الحوش الكبير ... لكن امرق لى بى برّه ... الزريبة دى ما لادور ادخلها ..!
|
Post: #9
Title: Re: منك طولنا طول
Author: محمد آدم النور
Date: 12-15-2009, 07:50 AM
Parent: #8
تحية للأخ عمر
يا زول إنت طولت من منو؟؟؟
و إنشاءالله لقيتو هس في البوست دا
قالو البيت محروس و ستو تكوس
أغرب حاجة
يكون رزقك منتظرك بي الجهة المقابلة و أنت منتظر رزقك يجيك لغاية عندك
يكون رزقك قاعد يفتشك و إنت قاعد تفتش في رزقك و كل في جهة مختلفة
تكون قاعد تفتش رزقك في موقع ما و هو منتظرك لكن في موقع آخر
يكون رزقك قاعد يفتشك في موقع ما و أنت منتظر في موقع آخر
في هذه الحالة يا أخ عمر نقدر نقول منك طولنا طول
|
Post: #10
Title: Re: منك طولنا طول
Author: عمر المهدى
Date: 12-29-2009, 08:02 AM
Parent: #9
سلام مربع للجدعان
ياامة بتعلم شعوب كيفن يكون معني المحبة
محمد ادم
رشيد القوم
سعدت ايما سعادة بمروركم
وتسجيلكم في بوستي في الانتقالات الشتوية
بي زيارتكم بيتا نور
الاخ الرشيد لم تتح لنا الزقازيق بحكم بعد تجارة
عن زراعة التعرف بشخصك الكريم عن كثب
ولكن ملحوقة واهو شفناك هنا
مزيد من التألق والابداع
|
Post: #11
Title: Re: منك طولنا طول
Author: عمر المهدى
Date: 12-29-2009, 08:32 AM
Parent: #10
صباحات ندية
الزقازيق حياة كبيرة عشناها وعند ذكراها
تتداخل الكثير من الاشياء الجميلة والحميمة الي النفس
ودايما ما تبدا الذكريات بايام البرلمة الاولي
فعند حضوري اول مرة وقبل ايجار شقة
زارنا في شقة الاستقبال الاخ الكريم عبد الرحمن الشنقيطي
ونزلت في ضيافتهم بشقة المقاولون العرب الدور الاخير
كان بصحبته الاخ عبد الله سيد احمد والاخ احمد طراوة
وقد كانو حقا كرام فسعدت بمعرفتهم ومعرفة الكثير من زملائهم
وقد شاء الله ان اسكن نفس الشقة عندما كنت خريجا
بصحبة الاخ عوض عربي ونظام الدين حسب الرسول
والاخ بابكر احمد الطاهر وكان من الجيران حسن بري
وحمدي حقوق وعاطف علي وكثير من الاحباب
فلهم المودة والشوق وبقول لهم منكم طولنا طول
|
Post: #12
Title: Re: منك طولنا طول
Author: محمد صديق
Date: 01-03-2010, 08:51 AM
Parent: #11
سلامات يا ناس
وصباحات التفاؤل
العزيز عمر المهدى ....معليش منك طولنا طول
والبوست بتاعك زاتو قال لى : انت طولت منو
لك الود
|
Post: #13
Title: Re: منك طولنا طول
Author: عمر المهدى
Date: 01-04-2010, 07:58 AM
Parent: #12
العزيز محمدصديق
صباحاتك ندية
اليومين دي ميزانيات
وزحمة حاجة كدة
وماقادرين نجاري الدوليين
لو قدرنا علي المتاوقة نكون ماقصرنا
|
Post: #14
Title: Re: منك طولنا طول
Author: عمر المهدى
Date: 01-12-2010, 07:20 AM
Parent: #13
في ملم العوني قاعد من ضحايا
انا رسلت وماجات ...قم برايا
ياود حمزة شد حيلك معــــايا
انا ان ماشفت سكرتير القضايا
الا اكسر ليك كتابك والدوايـه
صباحاتكم ندية وامنياتنا للجميع
بالخير لاتنتهي
ولسة مادين حبال الرجاء في ظهورالغايبين
والمراسيل لو ماجابت ردنقوم نمشي برانا
علي ابوشورة.محمد عبد الواحد.نصر الله العقيد
ود الباوقة.طارق حسن عبيد .محمد دفع الله
عبدالله محمد حمد.حامد دار حامد .عم قاسم
والقائمة تطول وبنقول منكم طولنا طول
|
Post: #15
Title: ريدكم لي شديد
Author: عمر المهدى
Date: 01-17-2010, 02:54 PM
Parent: #1
صديق احمد من الاصوات العذبة التي لاتمل
حتي وان استمعت الية مرارا وتكرارا
وله في النفس محبة خاصة فجودة الاشعار
التي يختارها مع جودة الحانها مع الصوت الدافي
الممزوج بريحة التمر واللوبا والذكريات الممتدة
مع صديق واغانية الرائعة *الجزيرة بقت مخادة*التومات
دوري دوري*وريدكم لي شديديايابا
اهديها للجدعان
زوادة قراصة تمر لكل المسافرين بين الماضي والحاضر
دروب الريد
صديق أحمد
عبدالله محمد خير
ريدكم لي شديد يا يابا ريدي أنا للبريدو شديد
إلا أنا ما معاكم ديمه لكن عن حبيبي بعيد
خلوني اللسافر أبوي لو كان في إجازة العيد
أمشي أزور حبيبي الغالي داير أوفي حق الريد
عشان يا يابا من يوم روح ما جاب لي منو بريد
وما قال لي وين يا زولي كيف عامل براك وحيد
ليشن يابا ما بترضوني ياني وليدكم الويحيد
خايف بكره ما تلقوني إلا تتلتولي القيد
شان شوق الحبيب مالكني والنار في ضلوعي تقيد
داير يابا أمشي وأزورو يمكن شوفتو لي تفيد
يابا عليك عطفك لي ما تخلوني أبكي شديد
ويابا إن كت بتدري البي ماب تأبى لي أبقى سعيد
يابا إن كت قادر أخلي كت خليتو بدري أكيد
زولاً حبو عاش في قلبي كيفن عن طريقو أحيد
كان يا يابا ما جربت تهواها الحسان الغيد
وكان يا يابا ما أشجاك صوت البلبل الغريد
وكان يا يابا ما ساهرت وعينيك ضاقن التسهيد
ما بتهتم بي أعذاري مهما أقول ومهما أعيد
دحين يا يابا ماك مشتاق وحيدك يبقى عندو وليد
يحوم في البيت ويلعب فيهو يمرح في براءه سعيد
يقول لي يمه يا حبوبه يا حبوبه عندي نشيد
يسعدني ويسر بال أمه ليك يا يابا يبقي حفيد
هاك يا يابا من أشعاري أبيات أنهكا الترديد
كم تاه في دروب الريده قلبي وكم نظم له قصيد.
|
Post: #16
Title: Re: ريدكم لي شديد
Author: محمد صديق
Date: 01-17-2010, 03:41 PM
Parent: #15
سلامات يا ناس
ودالمهدى ...يغشاك السلام والنضم السمح
صديق احمد...صوت ليس له ثانى
والشوايقة كلامهم حنين ومن الواقع
انت ياخوى النم البتجيبو ده..حقك؟؟؟
لك الود
|
Post: #17
Title: Re: ريدكم لي شديد
Author: عمر المهدى
Date: 01-20-2010, 10:51 AM
Parent: #16
العزيز محمد صديق
لك التحاياالطيبة
انا لو بنم نم زي
النم دة كان قلبت هوبة
زي الوليد الفي بروفايلك دة
ولكن عندنا اخوانيات محتشمة
قد نشرك الناس فيها
لك مودتي
|
Post: #18
Title: Re: ريدكم لي شديد
Author: الرشيد بابكر
Date: 01-20-2010, 11:01 AM
Parent: #17
ود المهدي...كيف حالك
و الله أنا من أشد المتابعين لهذا البوست...
و توقعت له أن يكون أكثر البوستات حركة...لفكرته الجيدة..
لكنك غيابك عنه خلاهو مهجور...
تعال حدد مساراته و بعد داك بيمشي براهو...
لك مودتي...
|
Post: #19
Title: منك طولنا طول
Author: عمر المهدى
Date: 02-01-2010, 07:40 AM
Parent: #18
أضحت شمسنا وجانا البسالي يطايب
وشاف القمري لي سمح الطبايع جايب
قـال لي فليـوة الخيـل أم عـشوقاَ ذايب
قــــادر جـامع الشـمل البجـيب الغايب
صباحكم زين
جمعتني الزقازيق باخوان من الطف
واحسن الناس عشرةلايحصون ولايعدون
ودايما هم في البال
سكنت جوار منصور عبد الرازق
في اولي مع مجدي فواد بيطرة
وممدوح عزمي جندي في منشية السادات
مجدي منذ افتراقنا في الزقازيق
لم اقابلةوممدوح زرتة عندة محل
في موقف الشهداءقبل سنوات عدة
من اولادنا اولاد بربر الرجل الفنان
عمر الفنوب كان واسطة العقد وقاسم مشترك
فكان بيتة وصدره يسع الجميع وعند زيارته
كنت تجد عندة جميع الوان الطيف
هو وصحبة الكرام المغفور له مبارك احمد عالم
كان من الطف الناس هو واسرته الكريمة
فقد زرتهم ايام الخرطوم وسعدت بمعرفتهم
والده المرحوم احمد عالم كان رجلا خفيف الظل
لايشعرك بفارق السن لهم لرحمة
الاخ برهان عثمان عطا الله
حبيب وعزيزوموجود بالرياض لكن حالات البيات
الشتوي كثيرا ماتنتابه
فلهم التحية
ومنهم طولنا طول
|
Post: #20
Title: Re: منك طولنا طول
Author: محمد صديق
Date: 02-01-2010, 09:49 PM
Parent: #19
سلامات يا ناس
ودالمهدى ...سلام
Quote: عمر الفنوب كان واسطة العقد وقاسم مشترك
فكان بيتة وصدره يسع الجميع وعند زيارته
كنت تجد عندة جميع الوان الطيف
|
الفنوب ..من الذين عرفتهم هنا عبر الجمعية وهو مشارك
فى انشطة الجمعية ...اذا ما عندك تلفونو ..نجيبو ليك
|
Post: #21
Title: Re: منك طولنا طول
Author: عمر المهدى
Date: 02-28-2010, 03:47 PM
Parent: #20
كثيرا ماكنا نستمع الي قصائد ود بادي
وشريطه الذائع الصيت هوي ياوليد
رغم انها فيها حقد طبقي لكن مايهمنا
الصور الجمالية التي تحويها مشاهد
مجسمة في كلمات طولنا من ود بادي
ومن هذه المشاهد التي تتمثل امام من عايشها
*******...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع
التحية لاخونا وبرلومنا الراقي محي الدين
ونقول له منك طولنا طول
|
Post: #22
Title: Re: منك طولنا طول
Author: جلال عثمان
Date: 03-01-2010, 11:18 AM
Parent: #21
| Quote: رغم انها فيها حقد طبقي لكن مايهمنا |
ياعمرنا ... تحياتي
قصيدة هوي ياوليد للشاعر الدكتور محمد بادي
لا يمكن ان تصنف بأي حال من الأحوال على أنها تحوي "حقداً طبقياً"
فود بادي لم يكن يحقد على "اولاد الراحات" والعمارات ولكن انتقد الممارسات
وركونهم الى "الباردة" ومعلقة الذهب التى ولدوا وهي في فمهم ...
يقيني ان دقة التصوير وجميل العبارة هي التى جعلت الامر يبدو لك كذلك
هذه وجهة نظري في الموضوع ...
بعدين ياخ ماتعصر على ود عمتي دا ما برضى منك 
|
Post: #23
Title: Re: منك طولنا طول
Author: عمر المهدى
Date: 03-01-2010, 11:46 AM
Parent: #22
يا جلال ياطاعم
تحيات بسعرة حرارية واحدة
وبعدين ود عمتك تقصد ود بادي ولا منو
اذا كان ود بادي انا من اشد المعجبين بيه
واشعارة تشبهنا شديد عشان كده بنحسها شديد
وينه مراتع الدرت الباسط دايما ببكي عليهن
وين بنوت الحلة البكر عصرا بدري يسون في شاهيهن
مقنع سابل ويل بلقاه
طرفا زابل ويل بلقاه
عين بتنقدر من واليهن
|
Post: #24
Title: Re: منك طولنا طول
Author: جلال عثمان
Date: 03-01-2010, 02:46 PM
Parent: #23
نعم ياعمر ودبادي ود عمتي وود عمي
ولمن قال:
بعد عشرين حسبتها يوم في يوم وعام فوق عام
الى أن يصل :
جدى سعيد ولد بادى العكودابى دحين يا ابواتى كان بينكم؟
قالوا اتربى فوق خيلكم ويوم الحارة شايل شيلتو من شيلكم
وقالوا الهيلو، كانت في العرف، هيلكم
يخالطكم قداحة الخير ويتحزم وكت شينكم
قالوا أماتو مو دابن
حناضل المرة شرابن
عقاب التيه ما بهابن
ولدن بمشي دودابن
وشكاراتو سمعن قولى قالن سى بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
ف سعيد ود بادي هو جد الوالد من جهة الام
حيث عثمان ودعاشة بت سعيد ودبادي
وهو جد محمد بادي لامه وايضاً لابيه
شكرا ياراقي وبنجيك تاني
|
Post: #25
Title: Re: منك طولنا طول
Author: محمد صديق
Date: 03-02-2010, 08:14 PM
Parent: #24
سلامات ياناس
ودالمهدى ...سلام
Quote: لا يمكن ان تصنف بأي حال من الأحوال على أنها تحوي "حقداً طبقياً"
فود بادي لم يكن يحقد على "اولاد الراحات" والعمارات ولكن انتقد الممارسات
وركونهم الى "الباردة" ومعلقة الذهب التى ولدوا وهي في فمهم ... |
اتفق معك يا طاعم.
|
Post: #26
Title: Re: منك طولنا طول
Author: عمر المهدى
Date: 03-11-2010, 02:28 PM
Parent: #25
ومعلقة الذهب التى ولدوا وهي في فمهم
ماياهو دا الكلام البجيب الكلام
|
Post: #27
Title: Re: منك طولنا طول
Author: عمر المهدى
Date: 04-01-2010, 08:09 AM
Parent: #26
جلسة بلا ذكرة بنات مي لايقة
وعاشق ذو نظر مابعشق الا اللايقة
ان جلست تجيب كلمة نباهة ولايقة
وفوق ست الحسن الصولة خايلة ولايقة
بنت الشيخ وست البيت او الحاجة ام العيال
مسميات لهذا الذي من انفسنا لنسكن اليه ويسكن الينا
وكما احب ان اسميها الكنينة تيمنا بغناء اللحو
الكنينة يارطب الجنينة
الرطب بجامع الحلاوة والنضارة
وفي ترجمة الافلام الهندية يقال لزوجة الابن الكنة
المقطع الاول من مربع الفراش ساقني لتحية النساء
واخص الزقازيقيات والزميلات في كل الكليات واخص تجارة
وخوفا من النسيان 000 اقول لهن منكن طولنا طول
|
Post: #28
Title: Re: منك طولنا طول
Author: محمد صديق
Date: 04-01-2010, 09:05 AM
Parent: #27
سلامات يا ناس
يا زول انت ذاتك ويييين
منك برضو طولنا طول.
|
Post: #29
Title: Re: منك طولنا طول
Author: عمر المهدى
Date: 09-28-2010, 09:58 AM
Parent: #28
كثير من الشخصيات من غير السودانيين جمعتنا بهم
الزقازيق واولهم اهلها وهم يتميزون بالطيبه والكرم
مالك شقه بتاع بقاله صاحب مطعم سائق تاكسي زملاء دراسه
كثيرون منهم مازالو عالقين باذهاننا رغم طول السنين
ولكل من قصه او حكايه مع شرقاوي جدع وجدنا منه لمسه طيبه
او مداعبه لطيفه صباح الخير سماره عندما هممت بالكتابه
عندما كنا برالمه سكنا في المساكن انا وطارق حسن عبيد
وطارق صديق ومحمد الباوقه عند واحد اسمه الحسيني عليوه
كانت زوجته من ارق الناس واطيبهم واذكر انها احضرت لنا
حلاوه المولد (يااستاذ عمر كل سنه وانتم طيبين دي حلاوة المولد
ياعيني عليكم اهاليكم مش معاكم وكثير منكم ربما مرت به اشياء
ونحن طبعا الحنيه دي بتكسرنا عشان كده ياويلك لو ابتسمت لينا
يفكك مننا الجليل الرحيم لكم كامل مودتي والي شخصيات مازالت
عالقه بالبال والخاطر رغم انه منهم طولنا طول
|
Post: #30
Title: Re: منك طولنا طول
Author: عمر المهدى
Date: 09-28-2010, 09:59 AM
Parent: #28
سلام مربع للجدعان
كثير من الشخصيات من غير السودانيين جمعتنا بهم
الزقازيق واولهم اهلها وهم يتميزون بالطيبه والكرم
مالك شقه بتاع بقاله صاحب مطعم سائق تاكسي زملاء دراسه
كثيرون منهم مازالو عالقين باذهاننا رغم طول السنين
ولكل من قصه او حكايه مع شرقاوي جدع وجدنا منه لمسه طيبه
او مداعبه لطيفه صباح الخير سماره عندما هممت بالكتابه
عندما كنا برالمه سكنا في المساكن انا وطارق حسن عبيد
وطارق صديق ومحمد الباوقه عند واحد اسمه الحسيني عليوه
كانت زوجته من ارق الناس واطيبهم واذكر انها احضرت لنا
حلاوه المولد (يااستاذ عمر كل سنه وانتم طيبين دي حلاوة المولد
ياعيني عليكم اهاليكم مش معاكم) وكثير منكم ربما مرت به اشياء
ونحن طبعا الحنيه دي بتكسرنا عشان كده ياويلك لو ابتسمت لينا
يفكك مننا الجليل الرحيم لكم كامل مودتي والي شخصيات مازالت
عالقه بالبال والخاطر رغم انه منهم طولنا طول
|
Post: #31
Title: Re: منك طولنا طول
Author: عمر المهدى
Date: 10-05-2010, 07:47 AM
Parent: #30
مسؤولين من الخير
كان في شاب ظريف في بيطره اسمو عادل مقيم في السعوديه
اظنه نوبي الاصل حد يعرف عنو حاجه دلونا ايضا سالت في هذا البوست
عن خالد تيتا (صيدله ) وسعد محمد حامد شركيلا (تجاره ) منهم طولنا طول
|
Post: #32
Title: Re: منك طولنا طول
Author: كمال الشادي
Date: 10-05-2010, 09:00 AM
Parent: #31
منك طولنا طول
أهديها هذه المرة لزملاء شقة البرالمة
منصور عبد الرازق
كمال جابر
جمال الدين عثمان الطاهر
محمد حسب الرسول
----
حيث سكنا في المساكن في عمارة واحد إسمو الدكتور جودة عمار
-----
صادفت في الرياض في مستشفي المبارك
طبيب إسمو أحمد جودة عمار
وعندما سألته
تأكدت أنه إبن الدكتور جودة عمار
وأننا سكنا في بيتهم ونحن برالمة
دنيا صغيرة
منك طولنا طول
|
Post: #33
Title: Re: منك طولنا طول
Author: محمد صديق
Date: 05-18-2011, 09:22 AM
Parent: #32
Quote: الحبيب الشغل العقول
نغني عليه ونقول
وين راقي منك طولناطول
|
|
Post: #34
Title: Re: منك طولنا طول
Author: عمر المهدى
Date: 09-08-2011, 04:58 PM
Parent: #33
ياغايب وسامعين نبضاتك
إشتقنا كتير ليك وحياتك
طولنا وكاتمين أنفاسنا ماكنا بنشهق ضحكاتك
ماعارف إنك لماتغيب جوانا مضويه شمعاتك
ماكنا بنتحمل غيبتك ومابنحمل في يوم دمعاتك
لكل الناس الحلوه المشتاقين نشوفه للحظه
او نسمع عنهم اخبار ولو طشاش
تحيه للغايبن ونخص الاخ الكوتش محمد صديق
|
Post: #35
Title: Re: منك طولنا طول
Author: احمد محمد بشير
Date: 09-19-2011, 08:10 PM
Parent: #34
شكرا بوست جميل جدا
|
Post: #36
Title: Re: منك طولنا طول
Author: محمد صديق
Date: 09-26-2011, 08:44 AM
Parent: #35
سلامات يا ناس
| Quote: تحيه للغايبن ونخص الاخ الكوتش محمد صديق |
ودالمهدى الغنّاى ...سلام وشوق
جينا ولسه فى الجسد فتر وفى الراس دوشة
لم نزل بنصف طايوق...وبه سنكون حضوراً
+++++++++++++++++++++++++++++++++++++++++
التحية للاخ احمد محمد بشير لمروره ومرحبا به
|
Post: #37
Title: Re: منك طولنا طول
Author: عمر المهدى
Date: 09-26-2011, 02:15 PM
Parent: #36
عاد الحبيب المنتظر
عودا حميدا مستطاب
جيدا جيت وربنا يتم ليك نص الطايوق
حتى يكتمل الاستمتاع والحمد لله اطمنا عليك
التحية للاخ احمد محمد بشير اسعدتني بمرورك وشهادتك اعتز بها
ولم ارد في حينها حتى يحتفي بك اهل الزقازيق دمت في حفظ الله
والبيت بيتك
|
Post: #38
Title: Re: منك طولنا طول
Author: محمد صديق
Date: 10-03-2011, 10:36 AM
Parent: #37
سلامات يا ناس
Quote:
لا ادرى لماذا تناهى الى خاطرى وانا اسوق الخطا نحو مربع الحبان ... بعض من وجوه حبيبة ....
طال الزمن ولم نسمع عنها خبرا او نعرف عنها شيئا ....
توالت تلك الوجوه ... واحادا تلو الآخر ....
جمال عبد اللطيف وطارق الحلاب ومبارك احمد على ومحمد الامين فضل المولى والخير على عثمان ...
صلاح التجانى وامال فضل الله وفايقة بلال ...
طارق عيد وحسين حسن حسين ومحمد ابراهيم وعبد الحميد رحمة الله ....
امال خضر وهدى عبد الله وتماضر ....
زاهد ابشر واسعد الماحى وعيسى حسين شريف ..... لينا صادق وامال عز الدين وسوسن حلمى ...
ويوسف التوم ومحمد توم واشراقة حمدين والعاقب و........و .......
كثيرون جدا تواروا عنا ...... لماذا لا نبحث عنهم على طريقة الاخ / زهير ؟
لماذا لا نرمى انظارنا فى محركات البحث والمواقع المختلفة ... تويتتر - فيس بوك - سكاى بى - ياهو ناسينجر وغيرها ...
قد نصيب بعضا من هؤلاء الاحبه ..... والقحة ولا صمة الخشم ...! |
|
Post: #39
Title: Re: منك طولنا طول
Author: احمد محمد بشير
Date: 10-09-2011, 02:35 PM
Parent: #1
|
Post: #40
Title: Re: منك طولنا طول
Author: محمد صديق
Date: 10-19-2011, 07:59 PM
Parent: #39
سلامات يا ناس
سلام يا ودالمهدى.....
ناجى عبدالرحيم....تجارة الزقازيق...دفعة 88 يبدو لى ...من ناس الحلة الجديدة.
فنان تشكيلى بكل ما تحمل الكلمة من معنى ...
ما شفتو من الزقازيق....
فى زول عارف عنو حاجة؟؟
|
Post: #41
Title: Re: منك طولنا طول
Author: عمر المهدى
Date: 10-20-2011, 02:43 PM
Parent: #40
الحبيب محمد صديق لك الموده والتحيات
منذ 1986 لم ارى ناجي اتمنى ان يكون بخير
واهديك وكل الاحباب اغنيه زمن كايس اراضيهم
مرسال .... رسايل الشوق
كلمات الشاعر الراحل المقيم /اسماعيل حسن
اداء الاستاذ/ صديق احمد
يا مرسال رسايل الشوق
انا الضهبان زمن
كايس اراضيهم
وصف لى درب الريد
عشان اوصل واراضيهم
تعبت كتير
ويا ما سالت ما خليت
ناس عابرين
وكان زى حالى محتارين
يهزوا الراس وما عارفين مرافيهم
وحاتك انت يا مرسال
بحب واحدين
وما عارف دريبن وين
وبرضو كمان وحاتك انت
ما بعرف اساميهم
تجينى حروف من المجهول
واكتب برضى للمجهول
رسايل تحكى قصة زول
يحب الطيف
يسافر فى هجير الصيف
ومشتاق يلاقيهم
|
Post: #43
Title: Re: منك طولنا طول
Author: الرشيد بابكر
Date: 10-27-2011, 09:33 PM
Parent: #42
ود المهدي مساك الله بالخير
من القلب الى القلب...
أهديك قلب بالصح...
دا ما القلب البجرسو شوق اذا ما اختار سبيلو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وجواد إلا من الضعف معتوق
قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
|
Post: #44
Title: Re: منك طولنا طول
Author: عمر المهدى
Date: 12-27-2011, 04:02 PM
Parent: #43
الرشيد لك الموده والتحيات وانت ومن يعز عليك
بعد شهرين اعود واعتذر والوم نفسي بلسانك واستعير
شعرا نبطيا خليجيا اتمنى ان يروق لك
كفاية صار لك شهرين غايب عني يالغالي
كفاية يا أعز الناس ترى والله ما أقدر
دخيلك لا تخيب فيك هقواتي وآمالي
واذا انها عالصبر والله وغلاتك عندي راح أصبر
|
Post: #45
Title: Re: منك طولنا طول
Author: محمد صديق
Date: 12-28-2011, 06:22 AM
Parent: #44
سلامات يا ناس
وبركة الجيت.
|
Post: #47
Title: Re: منك طولنا طول
Author: محمد صديق
Date: 01-29-2012, 01:07 PM
Parent: #46
سلامات يا ناس
شكراً ود المهدى ...
لسه منتظرين الشاغل الافكار بى هناك.
|
Post: #48
Title: Re: منك طولنا طول
Author: عمر المهدى
Date: 01-30-2012, 07:18 AM
Parent: #47
ياكوتش تحياتي ومودني الشاغل الافكار من يوم 11/1 وهي نازله في اغنيات
ونسمعكم ليها هنا * اردت ان انزلها فيصفحتك ولكن فرح آت منعني لك تقديري
http://youtu.be/gag843B917o
|
Post: #49
Title: Re: منك طولنا طول
Author: محمد صديق
Date: 01-30-2012, 01:15 PM
Parent: #48
سلامات يا ناس
شكرا ود المهدى
وبرضو بننتظرها بى هناك.
|
Post: #50
Title: Re: منك طولنا طول
Author: محمد صديق
Date: 06-18-2012, 01:22 PM
سلامات يا ناس
Quote:
الحبيب الشغل العقول
نغني عليه ونقول
وين راقي منك طولناطول
حبيبي اب قدرا سما
ياجميل يابدر السما
يالجدي العينتو مغيمة
حن علي روحي وارحما
منك طولنا طول
يالحنين واخلاقك لطاف
يااب كلاما خاتي الجفاف
من ظرفك نالو الظراف
والشباب اعترف اعتراف
منك طولنا طول
مما شَافَك قَلْبي الغَيُور زَاد سَعادة وبَلَغ السِرور
وَين شَبِيهَكْ بين البُدُور والله يَدِيك زَي مَا تَدُور
منك طولنا طول
العيون ساهرات طولن
بي دموع الشوق انملن
القلوب بالنار اتكون
ارحمن كيف يتحملن
منك طولنا طول
في مشيك لي نفسي الشفا
يالخضار في ارض العفا
فيك طبع الود والوفا
بس ظروف مانعاك ماجفا
اهداء لكل البعاد عن العين
وقراب في القلب والخاطرمن احباب منهم طولنا طول
ودعوة للسؤال عن الناس المشتاقين ليهم واكيد هم
ضناني علي ام ابوها الشوق وامانة هي لي مشتاقي
ويافرقا كتيربالحيل مابين شوقة واشواقي |
******************************************************
مِنَّكْ طَوَّلْنَا طُولْ
|
Post: #51
Title: Re: منك طولنا طول
Author: محمد صديق
Date: 06-18-2012, 01:26 PM
سلامات يا ناس
Quote:
الحبيب الشغل العقول
نغني عليه ونقول
وين راقي منك طولناطول
حبيبي اب قدرا سما
ياجميل يابدر السما
يالجدي العينتو مغيمة
حن علي روحي وارحما
منك طولنا طول
يالحنين واخلاقك لطاف
يااب كلاما خاتي الجفاف
من ظرفك نالو الظراف
والشباب اعترف اعتراف
منك طولنا طول
مما شَافَك قَلْبي الغَيُور زَاد سَعادة وبَلَغ السِرور
وَين شَبِيهَكْ بين البُدُور والله يَدِيك زَي مَا تَدُور
منك طولنا طول
العيون ساهرات طولن
بي دموع الشوق انملن
القلوب بالنار اتكون
ارحمن كيف يتحملن
منك طولنا طول
في مشيك لي نفسي الشفا
يالخضار في ارض العفا
فيك طبع الود والوفا
بس ظروف مانعاك ماجفا
اهداء لكل البعاد عن العين
وقراب في القلب والخاطرمن احباب منهم طولنا طول
ودعوة للسؤال عن الناس المشتاقين ليهم واكيد هم
ضناني علي ام ابوها الشوق وامانة هي لي مشتاقي
ويافرقا كتيربالحيل مابين شوقة واشواقي |
******************************************************
مِنَّكْ طَوَّلْنَا طُولْ
|
Post: #52
Title: Re: منك طولنا طول
Author: محمد صديق
Date: 01-22-2013, 02:19 PM
Parent: #51
سلامات يا حلوين
| Quote: مِنَّكْ طَوَّلْنَا طُولْ |
|
Post: #53
Title: Re: منك طولنا طول
Author: محمد صديق
Date: 04-20-2013, 09:50 AM
Parent: #52
سلامات يا حلوين
الحبيب الشغل العقول
نغني عليه ونقول
وين راقي منك طولناطول
حبيبي اب قدرا سما
ياجميل يابدر السما
يالجدي العينتو مغيمة
حن علي روحي وارحما
منك طولنا طول
يالحنين واخلاقك لطاف
يااب كلاما خاتي الجفاف
من ظرفك نالو الظراف
والشباب اعترف اعتراف
منك طولنا طول
مما شَافَك قَلْبي الغَيُور زَاد سَعادة وبَلَغ السِرور
وَين شَبِيهَكْ بين البُدُور والله يَدِيك زَي مَا تَدُور
منك طولنا طول
العيون ساهرات طولن
بي دموع الشوق انملن
القلوب بالنار اتكون
ارحمن كيف يتحملن
منك طولنا طول
في مشيك لي نفسي الشفا
يالخضار في ارض العفا
فيك طبع الود والوفا
بس ظروف مانعاك ماجفا
اهداء لكل البعاد عن العين
وقراب في القلب والخاطرمن احباب منهم طولنا طول
ودعوة للسؤال عن الناس المشتاقين ليهم واكيد هم
ضناني علي ام ابوها الشوق وامانة هي لي مشتاقي
ويافرقا كتيربالحيل مابين شوقة واشواقي
******************************************************
مِنَّكْ طَوَّلْنَا طُولْ
|
Post: #54
Title: Re: منك طولنا طول
Author: محمد صديق
Date: 05-18-2013, 10:15 AM
Parent: #53
سلامات يا حلوين
وبنسأل عنك وعن كل الغائبين....
|
|