إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا

إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا


04-08-2006, 11:44 AM


  » http://sudaneseonline.com/cgi-bin/sdb/2bb.cgi?seq=msg&board=299&msg=1257617709&rn=11


Post: #1
Title: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-08-2006, 11:44 AM
Parent: #0

أبوبكر حامد الأمين
المحامي و موثق العقود
هذا إن أردت التعامل الرسمي
و هو، إن شـئت، بكري حامد (ود المأذون) بتاع مدني الظريف..يعشق الشعر و الغناء و التمباك و البنات الخدر..يحفظ و يفهم و يحلل و يعرف متى يقول لأ بهمزة قطع ان استدعى الأمر..عاش لوترابيّـآ في واشنطن و ملواكي و شارلوت ثم ارتدّ إلى المنامة حيث نام هنيئآ برفقة الراجل الكلس نزار حسين أحد أفحل عموم البورداب.
بكري حامد (بكّـو) ..زول سمح .. فات الكبار و القدرو..يشرف على المنتدى الثقافي لأولاد مدني في الانترنت، تعرفت عليه أثناء ارتكابي للبوليص في فجر شقاوتي غير الباكرة، له شنطة مكتب كانت متعتنا أن نبحث داخلها بلا إذن تفتيش، فيها دائمآ أحـد الكتب الممنوع دخولها للسودان..و صعوطآ في كيسين واحد بايت للناس البيشحتوهو سفّـة كتيييييير و واحد فريش للأصحاب و لبكري ذاتو.. و بالحقيبة أيضآ نقود ورقيّـة مهترئة من فرط تداول الكماسرة لا تغري بسرقتها و لا يمكن تركها!..يصغرني بنحو عامين أو تزيد فيما يؤكّـد ملمحه أنه ينتمي للجيل الذي سبقنا بلا أدنى شـك...ذاق ويلات الشواكيش و لم يكتب الشعر فجاء نزيفه الداخلي إنعكاسـآ في دماثة أخلاقه و لطف روحه حيث لم يقابلني أحـد غاضـب عليه أبدآ حتّى الذين يمقلبهم ودّآ مثل مصطفى السمين و ابراهيم سليمان في كسلا و محمد صديق ضابط البوليس الذي يدخل مكتبه و هو يحمل كتابآ باللغة الإنكليزيّـة..
مرحبآ بهذا الزول معانا هنا في هذا البراح
ننتظر منه كل السماح
و نرحب به شديدآ جدآ و نشكر (الفرصـة السانحة) التي يشكرها كل من استضافه التلفزيون الحكومي.
مرحبآ يا بكّـو.

Post: #2
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: Sudany Agouz
Date: 04-08-2006, 01:53 PM
Parent: #1

الدكتور الطيب بشير ..

أهلا بالأستاذ بكرى المحامى .. وسهلا حللتم بيننا ..

د. الطيب .. وصفت فأجزلت .. بصراحة وبدون مواربة.. ببساطة توافرت
معلوماته الشخصية ..

فنحن نرحب بأمثال كل انسان يكتب بصراحة .. بل نحن فى أمس الحاجة ..
والحوجة الى أقلام تنقد وتنتقد كل ماهو شائن ومجحف وظالم للبشرية ..
نود أن نخلق توازنا منبريا فى هذا المنبر ..
نود خلق جيلا يعلم كل ماهو جيد لأجيالنا القادمة ..
بعيدا عن التطرف الدينى والعنصرية الجاحدة ..

فليتنا نعمل سويا من أجل سودان محب عطوف ..

والى الأمام ياأستاذ بكرى .. ونحن بانتظار البكورية فى
كتاباتكم ياأخانا يابكرى ..

أخوكم العجوز ..
أرنست

Post: #3
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 04-08-2006, 02:35 PM
Parent: #2

ابو البشير


انه مني ومنك ومن كل الرائعين....ابوبكر....ويبدو ان كل الابوبكريون...والله هسي ما عارفها
يون والله ييين...انا بكتب بالليل والكي بورد ما موزون كويس....اها....

رجل صامد....وصابر...شهم....حاضر البديهة والنكتة....لا يعجزه الوصف....يحب الشعر والغناء
الجميل....يحب كل ما هو جميل وينأي بنفسه عن مواطن القبح....تتملكه كما تتملكني حماقة اهلنا
حينما تنعوج الامور عينك عينك....


اهلا به بيننا....

وانا علي يقين بترحيب الكثيرين به

Post: #6
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-08-2006, 02:51 PM
Parent: #3

مرحبتين الحبيب نزار الفنان
طبعآ استلفنا اسمك في وجه البورد لزوم اللمعة و كدة
الشهرة متاعب يا مان يا فنان
استمتع بي بكرة
و فرّحوا بي غناك الجميل
و انا كان الله مد في أيامي بجيكم بي هناك
يلا تسلموا على خير

Post: #5
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-08-2006, 02:48 PM
Parent: #2

مرحبتين بالشاب السوداني آرنست
و شكرآ ليك على الترحيب بي صاحبي بكري
لكن بالله زي ما قلت ليك في بوست التكفير موضوع الدكتوراة دة بجيب لي الهوا
لأنـو لسـع
أرخي البركة يا راجل يا بركة..لمن ربنا يتمها انت أول زول ح يعرف لنك جار
مرحب بي بكري السمح
صاحبنا و حبيبنا

Post: #4
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الجيلى أحمد
Date: 04-08-2006, 02:39 PM
Parent: #1

حبابو أخونا الأستاذ المحامى ودالماذون

والله ياود الشيخ ود الماذون دا زولآ ماهين
كلامك عنوا يوصف ويوفى..

وزولآ بتقدمو إنتا دا ,أصلو زولآ ماهين..

تحياتى للأسره يادكتور

Post: #7
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-08-2006, 02:55 PM
Parent: #4

.
حبيبنا الجيلي أبو صوفيا
كيفك يا (لزيز)
Quote: وزولآ بتقدمو إنتا دا ,أصلو زولآ ماهين..

حلوة و ملعوبة..طبعآ يا بكري شيخ الجيلي دة الحكي عنو عاوز ليهو كارت أبو عشرين دولار..ما كتيرة عليهو لكن عاوزة منك تركيز و طولة بال..لووووول
بعدين يا الجيلي ما تركز على توزيع اللقب العلمي دة من هسع..أدوني فرصةأخرخر

.

Post: #14
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: doma
Date: 04-09-2006, 07:54 AM
Parent: #7

حباب بكري ضيف الجنيات السمحين نزار حسين وابو بشير الدار دارك ابقي داخل لي جاي

Post: #15
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-09-2006, 08:04 AM
Parent: #14

هلا هلا يا دومة
تسلمي
شكرآ ليك كتير
بكري بيستاهل
و ح تلقيهو صاحبك على طول

Post: #8
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: مصدق مصطفى حسين
Date: 04-08-2006, 04:06 PM
Parent: #1

العزيز الطيب بشير

عبرك أرحب بالحبيب ودالماذون ،
ود عم صاحبى محمد احمد ( الأسيد ) و أخو أظرف ظرفاء مدنى
و احد نجوم مجتمعاتها ( كواره ) ،
لكم جميعا الود ، و لمدنى حب بلا حدود .

Post: #9
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-08-2006, 04:35 PM
Parent: #8

.
يا حباب الفنان مصدق مصطفى حسين
شكرآ ليك و لمدني
و هلا بالحبيب بكري معانا..و ما همّـانا ..لووول
نحكي ليكم طرفة من بكري سرييييييع كدة قبال ما يجي

كنا بنتونس في بيتي في ملواكي و بكري بيلعب مع بشير ولدي كتير، كان وقتها عمره ثلاث سنين، أخطأ بشير و أنا أفضّـل عقوبة وضعه في الكرسي وحيدآ حين يخطيء، و كنا نسمّي هذا الوضع اصطلاحآ (الحبس) و أظنها بقايا عسكريّـة ..أها لمن بشير غلط قلت ليهو بحزم شديد:
يا بشير أمشي الحبس
قام الشافع يتجرّس و يكورك:
ما عاوز حبس..لالالالالا..ما عاوز حبس
فإذا بالرائع بكري يفاجئه بسؤال:
طيّب يا بشير ما عاوز حبس، ح تدفع الغرامـة يعني؟

.

Post: #10
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: sumah
Date: 04-08-2006, 06:23 PM
Parent: #9

حبس ..حبس ..
غرامـة ..غرامـة..
ألـف أهـلآ بكري المحامي ,سرييييييع كدة..

Post: #11
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-09-2006, 00:09 AM
Parent: #10

مرحبتين حبيبنا سـمعـة
و أهلآ بي بكري
شكرآ ليك يا المخرج الختري

Post: #12
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: عمر عبدالجليل البعشي
Date: 04-09-2006, 05:31 AM
Parent: #1

إضافـة جديـدة للمنبـر حـل أهـلا ونـزل سهـلا

Post: #13
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-09-2006, 07:33 AM
Parent: #12

و هو كذلك يا أخي عمر عبدالجليل البعشي
و لك الشكر
و يا كري الناس راجـينّـك
يا هــلا

Post: #16
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: طارق جبريل
Date: 04-09-2006, 08:16 AM
Parent: #1

ابوبكر حامد
يا مقطوع الطاري نحن ارتحن منك ومن لسانك الطويل في الزقازيق
ورانا ورانا..

بكور رجل من الزمن الجميل مرحبا به

Post: #17
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-09-2006, 12:58 PM
Parent: #16

Quote: يا مقطوع الطاري


Post: #18
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 04-09-2006, 01:20 PM
Parent: #17

Quote: انا كان الله مد في أيامي بجيكم بي هناك

والله يا ابو البشير...كان سويتها تشرفنا جنس تشريف...لامن الشرف يتمحن زاتو...

يا زول اسم شنو البتستلفو...استلف ابوه وعمو...هم لاقين انت تستلفهم...

Post: #19
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الزوول
Date: 04-09-2006, 03:21 PM
Parent: #18

السلام عليكم
أخي (الطيب) الطيب
عبرك نرحب ب(بكو) منبرياً والأستاذ أبوبكر رسمياً
وشايف شيخنا الجيلي يقول
Quote: وزولآ بتقدمو إنتا دا ,أصلو زولآ ماهين..

وهنا عنوان تقديمك السابق
حبيبنا المهندس شيخ الجيلي (راجل سيسيليا) ألـف أهـلآ بك ...ي سودانيز أون لاين..

فاتت عليك يا ( دكتور) ؟؟
تحياتي

وما الناس إلا هالك وأبن هالك *** وذو نسب في الهالكين عريق

Post: #20
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-09-2006, 03:38 PM
Parent: #19

.
الزوووووول الســمـح..
كيف حالك
و شكرآ ليك في المجاملة
عـيلا انت الفاتت عليك
أنا قلت للجيلي
Quote: حلوة و ملعوبة..

إشارة لتقديمي للجيلي..لكن دي قتادة ولاّ غبطة من جنابك ؟
شرّفتنا يا زوول يا حبوب

.

Post: #35
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 04:28 PM
Parent: #18

.
حبيبنا نزار
كيف ياخ..
و الله يشرفنا نحن ديل..نسمع غناك
و نتونس
هو إيه الدنيا غير؟

.

Post: #21
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-10-2006, 03:13 AM
Parent: #1

نصفى الآخر الطيب بشير .......
نزار حسين ........ ضو القبيلة وعزها
الفنان مصدق ..... سمح السيرة والسريرة
لكل المتداخلين الذين سكنوا العقل والفؤاد فكان تنزيلهم للكيبورد ينطوى على مخاطرة لاينصح بها أمهر الجراحين.
لكم ولكل أعضاء المنتدى الحب والسلام والتحية.
بحثت عن مفردات تشبه ولو بشكل تقريبى بعضاً من روعتكم ، غير أنها لم تتوافر لكيبورد محدود الأحرف .. فهل لى بأحرف إضافية ... دوزنةًً ...... وتراً جديد
الطيب بشير - نزار حسين - وبعض الرائعين كانوا بحق خير إدخار لزمنٍ/ يفر فيه المرءُ من أخيه، يسود فيه السفيه ، وتحكمنا عصبة الضلال والتيه ويُخرجُ امامهم فضلاته من فيه " رؤية كاريكاتورية مهداة للأخ الصدوق مصدق - حمداً لله أن التكنلوجيا لم تتوصل لجهاز كومبيوتر يُدرك بحاسة الشم".
كلما جالست الطيب بشير كانت تحضرنا دوماً ذكرى الرائعين محمد صديق - ابراهيم سليمان - مصطفى محمد الحسن - الصادق على مجذوب ، وقد خيل إلينا حينها أن العالم بلا خطيئة لروعتهم التى أكاد أجزم أنها هى المعنية حين أنشد صلاح عبد الصبور :
كنا نتلاقى أو بالأحرى نتوحَّد،،،،،،
ولى عودة

Post: #23
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: عصام دهب
Date: 04-10-2006, 03:47 AM
Parent: #21

جنابو : الطيب

تحياتي لك
سعيد جداً بأن أتداخل معك و قاسمنا المشترك شقيقنا و زميلنا الأخ الأستاذ/ أبو بكر حامد الأمين أو بكور كما كان يحلو لنا أن نسميه ،، و لعلك قد نسيت جزءاً مهماً جداً لم تذكره في تقديمك لبكور .. و هذا الجزء يتعلق بإنتمائه الزقازيقي الأصيل .. هذا الإنتماء الرائع الذي منحنا شرف مزاملة بكري على الصعيدين الأكاديمي و السياسي حيث كان بكور من أشهر و ألطف و أظرف و أنبل و أروع الطلاب السودانيين في كلية الحقوق بجامعة الزقازيق و توج ذلك كله برئاسته لأسرة الطلاب السودانيين في دورة هزمنا فيها إخوتنا الكيزان هزيمة لا زالت تتسرى بها الركبان .. دي قوية .. هذا فضلاً عن موقعه القيادي في رابطة الطلاب الإتحاديين الديمقراطيين و رابطة أبناء مدني ..
كل الزقازيقيون يعرفون بكري صاحب القلب الأبيض و النكتة الحاضرة و المواقف الصلبة و في ركن السودان بالكلية و في مصطبة الجاويش أمام دار الإتحاد و في كل مكان في الزقازيق كنا نركلس مع بكور نمضي الوقت في الإستماع لقفشاته و التندر بطرائفه ..
و قد حكى لي أحد زملائنا نكتة منجورة عن بكور مع إحدى الزميلات .. حيث خرج الجميع من قاعة الإمتحان و كان وقعه صعباً عليهم و من باب المجاملة أراد بكور أن يطمئن على أداء زميلته التي كانت قليلة نصيب في الجمال ـ المهم الأخلاق ـ .. فبادرها بكري ... أهة يا هناية إشتغلتي كيف ؟؟ فردت عليه : أشتغلت زي وشي ( وجهي ) دا !! فباغتها بكور : يا خي ما قلنا ليكم أقروا كويس ..
و في مرة كنت حاضرا ركن نقاش كان بكور متحدثاً فيه ـ و كانت طريقته المحببة و الفكاهية في النقاش سبباً لتحلق الكثيرين حوله ـ و كان بكري يستعرض الميزانية التي قدمها الأتحاد ـ إتجاه إسلامي ـ و لا حظ أن قيمة الصرف على كهرباء بيت الطالبات كانت عالية جداً جداً .. فتساءل بكري مندهشاً .. ( يا ربي الطالبات ديل مشغلات ليهن مكنة لحام ) ؟؟
هذا هو زميلنا و شقيقنا الأستاذ / أبو بكر حامد الأمين ، رجلاً سمحاً خلوقاً طيباً .. و إنضمامه لهذا المنبر إثراء و مكسب خاصة للزقازيقيين و أصدقائهم .. فتحية لك يا جنابو و لبكور الذي سعدنا حقاً بإنضمامه فهنيئاً لنا به و أدام عليكم جميعاً الهناء و الصحة و العافية ..

Post: #41
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 05:03 PM
Parent: #23

.
كيف حالك آآالدهـب المجمـر
و الله جميل انو يكون بيننا بكري
و سعداء بتاريخكم النضالي و العطاء النقابي و الثقافي
و الطرائف اللطائف
قلت لي البنات مشغلين ماكينة لحام؟
لوووول دي عيلا يقولها بكري
و زي ما اتفضّـلت بكري سيكون خير إضافة لهذا المنبر
لي قدّام

.

Post: #36
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 04:32 PM
Parent: #21

.
Quote: نصفى الآخر الطيب بشير .......

بكري ياخ كدة جبت لينا الكلام
أم بشير قالت لي يعني نصفى الآخر كيف يعني؟
إنت تبقى الطيب النّـص؟

.

Post: #22
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-10-2006, 03:39 AM
Parent: #1

هنالك قصة مشابهة لقصة حبس بشير ابن الصديق الطيب بشير جرت وقائعها بمدينة شارلوت بنورث كارولينا حيث كنت بمعية احد الاصدقاء وكان معهم بالبيت ابن خالته الذى لم يجاوز الخامسة من عمره " شليق " وقد اتى جرما عاقبه عليه صديقى بحجزه داخل غرفة تطل على الصالة التى كنا نجلس بها ، وقد تملل هذا الشليق من الحبس فأخذ يصرخ " عاوز بسبوسة "
فأبتدرته قائلاً : ياخى انت أصلك سجين سياسى
حينها ضحك صديقى ونسى فعلة هذا الطفل وأطلق سراحه.

Post: #24
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-10-2006, 05:02 AM
Parent: #1

سقيق الروح عصام دهب ..... لك التحايا وصافى الوداد
الرائع الطيب بشير تعرفت عليه عبر المتصوف الجميل محمد صديق حيث تزاملا بكلية الشرطة الدفعة 62 جامعيين وحدث تقارب بفعل الروعةالتى مثلت قاسماً مشتركاً بينهما ، فكانت تلك أولى الخروقات التى تطال المسلمة العلمية التى تؤكد تنافر الأقطاب المتشابهة مغنطيسياً، وكان محمد صديق يحدث كلانا عن الآخر ، وفى إحدى الليالى قررت التقدم لخطبة إحدى ضحايا سونامى عواطفى الخرقاء ، فذهبت وبمعيتى عمى وعمتى ومحمد صديق وكانت الكهرباء مقطوعة ، فسبقنا لبيت الخطيبة الطيب بشير ، وللظلام الحالك توهمت الخطيبة وأهلها وظنت الطيب بشير هو شخصى " رغم ملاحته التى لاتخطئها عين النعام آدم " - وتلك كانت المرة الأولى التى ألتقيه فيها جاء ضمن وفدى الرسمى للخطوبة فكانت تلك علامة ميزته على تميزه وشهرته التى عمت الحيشان التلاتة وبلاط صاحبة الجلالة.
حدث ذات مرة أن اتصل بى من ملواكى وكنت حينها مقيما بمدينة شارلوت عاطلاً عن العمل وأخبرته أن فرصة العمل المتاحة فى سوبر ماركت تباع فيه المشروبات الكحولية فأنتهرنى قائلاً " أركب تعال ملواكى واقعد فى بيتى لمن الله اهون ليك شغل " ، حينها قفزت دمعةً مجهولة المصدر لعلها تحسدنى على صديقى الذى يزجر نفسى الأمارة بالسوء ويهدى إلى أخطائى .
الحديث عن أبو بشير يطول ومواقفه أشبه بالأدوات المعقمة يضرها التعريض للنشر والهواء فدعوهاوسترون ثقلها يوم الحساب.
الطيب بشير يعرف عن الزقازيق الكثير من خلال حكونا عنها وله علاقات متميزة مع ابراهيم سليمان - مصطفى محمد الحسن - عبد الرحمن شاويش وغيرهم كثر .
أما عن الطرائف فالطرفة التى اوردتها أشبه بالإسرائيليات فى علم الحديث " الله استر ما إجينا تكفيرى ناطى واهدر دمنا "فهى موضوعة واحالتنى لود نفاش زمانه ، ولك هذه الطرفة التى حدثت بالفعل ايام الامتحانات ، وكنا حينها نمتحن فى خيام تضم طلاب اولى وتالتة فيما تضم فى اليوم التالى طلاب تانية ورابعة وكنت حينها برلوماً أشعث أغبر " قبل السحسحة " ، وحضرنا الصباح للإمتحان فوجدنا أن جزءاً من الخيمة قد احترق ، تهللت أساريرى وتوقعت إلغاء الإمتحان ، غير أن إدارة الجامعة أعلنت عبر مكبر الصوت أن إمتحان طلاب السنة الأولى قائم لأن المكان المخصص لهم لم تطاله النيران ، حزنت حينها ورددت على مسمع رفقتى " يعنى مكان امتحانا ده من جماعة - الناجون من النار - وهى جماعة تكفيرية ظهرت آنذاك "
فى السنة الثالثة كنا ممتحنين مادة الشريعة وموضوعها علم المواريث وكان الإمتحان سخيفاًوأغلب الأسئلة مسائل توريث على شاكلة توفى رجل عن ولد وبنتين ... فخرجت غاضباً فبادرنى أحدهم متسائلاً : كيف الإمتحان؟
فأجبته : هو ده امتحان ولانشرة الساعة عشرة كلو توفى .. توفى

Post: #37
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 04:40 PM
Parent: #24

.
Quote: الطيب بشير يعرف عن الزقازيق الكثير من خلال حكونا عنها وله علاقات متميزة مع ابراهيم سليمان - مصطفى محمد الحسن - عبد الرحمن شاويش وغيرهم كثر .

أوّل مرّ بعمري أشوف لي سبعة أصحاب!!
ما شاء الله
في البداية افتكرت انو محمد صديق دة صاحب بكري لأنو في الخرطوم ما بيتفارقوا
مشينا كسلا نزلنا في بيت مصطفى فقلت خلاص بس دة ياهو الأقرب
جا ابراهيم سليمان و بالتقائه مع محمد صديق اقتنعت انو هو الأقرب
جا شاويش الخرطوم فرأيت نفس الحميمية
الصادق علي مجذوب داك هو و أبوهو كلهم أصحاب محمد صديق
أها أنا زي لقيتها بيعة وااااحدة كدة..
مرسي لرب العباد و الله ..

.

Post: #25
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: بدرالدين شنا
Date: 04-10-2006, 05:16 AM
Parent: #1

Quote: حيث نام هنيئآ برفقة الراجل الكلس نزار حسين أحد أفحل عموم البورداب.
إذا هذا الشخص يخصني شخصياً
نحن البجينا من نزار حسين نشيلو جوة العين
ومش كدي وبس دا صاحب البوست الطيب البشير
وعليه فقد تقرر الترحيب والترحيب الشديد ببكري ود المأذون
خليهو يدخل

Post: #26
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: keiga2000
Date: 04-10-2006, 05:25 AM
Parent: #25

http://www.elhoot.net/Music/ELNASELGYAFA.WMA
مرحب بودمدني مرحب بالأخ المحامي وموثق العقود

ارى انه من الأقلام الجديرة بالإضافة لهذا المنبر

ودالماذون مرحب بيك بيننا


ابومصطفى

Post: #28
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 04-10-2006, 06:05 AM
Parent: #26

يا البدر الضاوي نورك

وكل الرفقة الطيبه هنا

لكم الف تقدير واحترام


يا البدر بكري دا بهمك شخصيا
صاحب نكتة ود نفاشية ...وساخر سخرية اهل فن (الكاريكاتور) ودي سمعتها من مونت كارلو من بنية
والله بتبهدلها بهدله...لأنو رائها كانت بين الغين والراء...

Post: #38
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 04:50 PM
Parent: #25

.
سيد الحلا
هلا يا هلا
شكرآ ليك يا البدر
بكري دة زي ما قال ليك نزار..زولك طـب

.

Post: #27
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-10-2006, 06:00 AM
Parent: #1

بدر الدين سيد الحلا
الروعة فيك متمثلة
البورد بلاك بيصبح خلا
ومعاكم اى سكة بنوصلا

Post: #29
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-10-2006, 06:18 AM
Parent: #1

الزول القيافة ...... ابو مصطفى
لك منى عاطر التحايا والثناء على كلماتك الطيبات ، وكلى أملٌ أن أكون كما وصفتنى أو قريباً منه.
أحس برابط وثيق يشدنى لأسمك لذا أطمح فى المزيد من التواصل سواء هنا أو بمنتديات ودمدنى أو أى ركن قصى تضمخنوه بأريجكم العبق.

Post: #30
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: بدرالدين شنا
Date: 04-10-2006, 06:21 AM
Parent: #1

Quote: وساخر سخرية اهل فن (الكاريكاتور) ودي سمعتها
كاريكاتور خيركما يا نزار وبكري على الكلمات الطيبات

Post: #31
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-10-2006, 08:29 AM
Parent: #1

والله يانزار انا كل ما أشوف الشوام وأسمع "حكيهم" تترسخ داخلى أفريقانيتى السمحة ، هذه الكاريكاتور تضاف لجارتك التى تنطق اسم المحل التجارى " جيان " بجيم معطّشة تبز بها عطش الصائم فى نهار رمضانى قائظ - ولو شئت غائظ تعبيراً عن ما انكتم فى الجوف من غيظٍ وعطش.
أذكر فى منتصف التسعينيات كانت لدينا أنشطة ثقافية بدار الزمالة الأولمبية بالخرطوم
" داخل مقر اللجنة الأولمبية السودانية" ، وكان لدينا طبق فضائى أثار دهشتنا كأعراب مازالوا مندهشين بالرتينة كإكتشاف تكنولوجى باهر فما بالك بتلفزيون يطوفك بالعالم أجمع ، وكان لدينا صديق من أبناء الخرطوم وهو أبوعيال وكان يحرص على متابعة النشرة الجوية لقناة أم بى سى ، وكانت تقدمها " صبية " تدعى رشا الكتبى ، ولدى هذه الصبية إشكالية فى مخارج الحروف سيما حرف الراء ، فكانت تنطق " مكة المكرمة " بطريقة حلوة لايتمالك حينها صديقنا نفسه فينهض من كرسيه ويصفق بهسترياويهتف "هىىىىىىى".
وهذه الرقة أو لنسمها الدعة ليست قاصرة على الصبايا دون الصبية فكثيراً ماتسمعهم يرددون " ميرسى لا لا- بالسودانى الحمد لله "، عليكم الله زول اشكر ربنا بهذه الرقة أليس حرياً باستجابة دعاءه؟
حكى لى صديقى أنه لدى وصوله مطار البحرين قادماً من الأمارات فى رحلة عمل برفقة زميله اللبنانى الذى باغتته عطسة فحمد الله ، فشمته السودانى بعبارة " رحمك الله " ففاجأه اللبنانى بقوله " حبيب ألبى / قلبى " بدلاً من عبارة غفر الله لنا ولوالديك التى حفظناها عن ظهر قلب مذ كنا صبية !!!!!!

Post: #32
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: يازولyazoalيازول
Date: 04-10-2006, 08:58 AM
Parent: #31

الطيب ، حباب ودالماذون لكن إيدك معانا ياخينا


Post: #39
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 04:52 PM
Parent: #32

.
يا حبيب يا هشام يا زول
حضرنا و لم نجدكم
و مرحب بي بكري حامد


.

Post: #33
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: عزيز عيسى
Date: 04-10-2006, 10:18 AM
Parent: #1

الاخ الطيب بشير،
ما أجملك وأنت تقدم لنا خيرة أبناء ودمدني..

إنه من دواعي الغبطة والسرور أن أجد ودالمأذون بيننا هنا في المنبر..
تعرفت علي ودالمأذون من خلال منتدى ودمدني..
هذا الرجل يتمتع بثقافة وأخلاق عالية وبروح تكسوها الشفافية
يدخل البهجة والسرور في نفس كل من يحاوره أو يتحدث إليه..
رجل ذو حكمة.. وكلامه كله درر.. يحترم الكل..
أشعر دائما بالإرتياح حينما أتحدث إليه
لآنني أجد في نبرات صوته نوع من الدفء والحنية
يذكرني دائما بأهلنا الطيبين في مدني..
بإختصار شديد زولا حبوب ود بلد أصيل وسمح بالحيل..
أعتبره من الأقلام البارزة التي سيكون لها شأن كبير في هذا المنبر..
وهو بلا شك مكسب حقيقي.
مرحب بالاخ والصديق الأستاذ أبوبكر حامد الأمين (ودالمأذون)..

Post: #40
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 04:57 PM
Parent: #33

.
مرحبتين يا أخي عزيز عيسى
شكرآ ليك كتير
أنا سعيد أن أصحاب بكري كتيرين و حلوين
Quote: خيرة أبناء ودمدني..

و أزيدك من الخير

هو

خيرة أبناء الزقازيق..

خيرة أبناء النادي الأولمبي..

خيرة أبناء مهنة القانون..

خيرة أبناء المنامة..

هو كــدة

شكرآ ليك

.

Post: #34
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: عبد الله عقيد
Date: 04-10-2006, 10:43 AM
Parent: #1

ما شاء الله
والله يا ابو البشير ونزار
جبتو لينا زول ختري تب..
بس يا خسارة ما اظنو بدوبي
حسب كلامكم.. وإن كان يحب الشعر
وهذا يكفي..
خاصة إذا اعتمدنا هذا الأسلوب الحلو في الكتابة.

خلوهو يدخل (زي ما قال البدُر)
حبابك ألِف يا بكري
ونرجو أن يطيب لك المقام

ولكم جميعا التحية والتقدير

Post: #42
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 04-10-2006, 05:05 PM
Parent: #34

.
عقيد الخيل
حبابك
و الله بكري دة مااااظنيتو جرّب الدوبيت
لكن بيسمع سمح
شعر / مزيكا / أدب
ما هيّن
شكرى ليك
.

Post: #43
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: عبدالرحمن عزّاز
Date: 04-11-2006, 01:38 AM
Parent: #42

العزيز.... شيخ الشباب

مش كنت إمامنا؟ و مش صلينا وراك الجمعة؟ و سمعنا الخطبة
شيخ دى وراك وراك...
ألف مرحب بالأستاذ بكرى إضافة للمنبر..
و لو ما الكبر دخل ساكت، ياهو بكرى بتاع ملواكى الزمان
البشبه محمد عمر و د الثورة و لا غيرو؟
فى كل الأحوال حللت أهلاً يابكرى و نزلت سهلاً..

Post: #44
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-11-2006, 02:02 AM
Parent: #1

الأعزاء .. هشام ، عزيز عيسى ، عبد الله عقيد
سعيدٌ أنا بتواجدى بينكم فلكم عاطر الشكر والثناء وكلى أمل أن نوفق فى رفد المنتدى بالمفيد .

Post: #45
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-11-2006, 05:26 AM
Parent: #1

مادامت ام بشير احتجت على حكاية نصفى الآخر فلا مناص من مناداتها " جارة الوادى " ليجتمع لدينا النص والوادى .........
على ما اذكر هنالك شارع يسمى شارع النص بمدينة كسلا وهنالك شمبوب وابوشريعة بمجلسها المحلى ومنظمة اكورد " لديهم كلب باسط ذراعيه بالوصيد" .. لديه حكاية مع صديقنا شاويش ساحكيها لاحقا.

Post: #46
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: ناصر جبريل
Date: 04-11-2006, 05:48 AM
Parent: #1

(ود المأذون) بتاع مدني الظريف..يعشق الشعر و الغناء و التمباك و البنات الخدر..

بكري الانا عارفه كان بيعشق الشعر والغناء بس لكن الظاهر السنين فعلت ما فعلت فاصبح يعشق التمباك والبنات والله زمن يا بكري

بكور

من الذي لا يعشق ولا يحترم الرجل الجميل

كنت اكثر الناس سعادة بعضوية بكري طبعا ما ح اعدد في صفاتك يا بكري علاشان ما راسك يكبر ويصعب الجلوس معاك لكن بقول ليك

بكل صدق انت انسان نادر الوجود

Post: #47
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-11-2006, 06:30 AM
Parent: #1

هلا عبد الرحمن حبابك .. انا كنتا بملواكى لفترة قصيرة ثم عاودنى الحنين للعاصمة فقفلت عائدا لفرجينيا ، وقد كنا نصلى الجمعة بمركز الدعوة بتاع شيخ أيوب .أذكر بعد أحداث سبتمبر أصدر أحدهم فتوى بجواز التخلف عن صلاة الجمعة لإنتفاء الطمأنينة ، بينما خلع الآخر طاقيته خوف الاعتداءات العنصرية ، فلم يسلم من لسانى اذ نعته بخالع حجابه .. زمن
محمد عمر بتاع الثورة مابعرفو بس لو شين اكيد مابشبهنى هههههههه.

Post: #48
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: سامي عبد الوهاب إدريس
Date: 04-11-2006, 06:42 AM
Parent: #1

الأخ الطيب بشير

لك لتحية
ومشكور على هذا البوست عشان نقدر نرحب بالأخ الرائع بكري...
ونقول ليهو حبابك ألف... ومنتظرين كتاباتك خصوصا الذكريات الحلوة بالزقازيق الرائعة.

Post: #49
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 04-11-2006, 06:50 AM
Parent: #1

سلامٌ عليكم آل جبريل .........
طلحة جبريل احد الذين وضعوا بصماتهم فى دنيا الصحافة ، وقد شغل منصب مدير مكتب الشرق الاوسط بالمملكة المغربية قبل ان ينتقل لواشنطون " نطقها احد البلهاء واشينقطون " .
طارق جبريل درس بكلية البيطرة - جامعة الزقازيق وقد كان ماهرا فى لعب كرة القدم وعنصرا اساسيا من عناصر الكورال لحلاوة صوته ، تميز طارق عن بقية البياطرة باجتماعياته وتواصله الحميم مع زملاء الدراسة ببقية الكليات فاكسبه ذلك محبة الناس .
ناصر " واسمه على شهادة الميلاد خالد " هو الآخر زقازيقى رغم أنه لم يدرس بالزقازيق بل أتاها عابراً فطاب له المقام ، كان فى سالف عهده يعشق الحسان وتشبع بهن حد التخمة فنأى بنفسه عن اوساطهن فكان لنا حظا من وقته ورفقته ، وهويصغرنا سنا غير انه ينطبق عليه توصيف محمد صديق عندما يلتقى برلوم واعى حيث كان يردد " الزول ده فيهو روح جيلنا "، عشق ناصر الزقازيق ومجتمعها فبادله الجميع حبا بحب وكان يشارك فى كل الانشطة الطلابية وينجز العديد من المهام الموكلة اليه بلا كلل او ملل بل كان دائم الابتسامة ويطلق ضحكاته المجلجلة ، لديه الكثير من الطرائف غير ان الرقيب لن يسمح بتمريرها ، بقى ان اذكر ان ناصر الح على للتسجيل فى هذا الموقع وها انذا البى طلبه واسعد برفقتكم جميعا.

Post: #50
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-01-2009, 09:52 PM
Parent: #49

شكراً لمنبر ناس الزقازيق الذى أعاد هذا البوست للواجهة ، وهو بوست ترحيبى بإنضمامى لسودانيز اون لاين ، وقد خطه الرائع الطيب بشير الطيب وهو دفعة محمد صديق بكلية الشرطة ، فله ولكم التحية والتقدير.

Post: #51
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 12-08-2009, 03:33 PM
Parent: #50

البوست دا من قبال يلدو آيوبة...

زمنا الكنا بنعرف نضحك ...وننكت...ونشاغل...

تعرف يا بكري...انا الايام دي بقيت زي الهاردسك
الضارب...بلاهي اتذكر ليك الحاجات...يا الله ويامين...

اظني عايز فرمتة...

Post: #52
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-15-2009, 09:51 PM
Parent: #51

Quote: اظني عايز فرمتة...


خليك مع ناس الزقازيق يانزار ، قالوا البيجاور السعيد بيسعد ، خليك من ناس جمزة

Post: #53
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 04-29-2010, 07:23 AM
Parent: #52

فاتني ان اطلع علي بوست مجاور...وندمان ندم الكسعي...

لذلك سأواصل النم في هذا البوست...وحا ابداه بي
ود اب سن:

لونن من بعيد متل البليبلي نضاف
حرد ومعصّرات من شبة الأكتاف
لي الناس البغنولن ويجرّوا القاف
ماليات الخشم من كامل الأوصاف

(البليبلي دا نوع من الطير شديد البياض) نحن عندنا بنسميه بيوضية
وحرد دي بالضبط زي الزول الحالق نمرة اتنين...(شعر خفيف)
بالضبط زي شعر اوباما...

بقي معصرات من شبة الاكتاف دي...غير نعومي كامبل مافي....

يمين الناس ديل قالوا كلام...لو فتح الاعشي ما يقولوا

Post: #54
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 04-29-2010, 07:36 AM
Parent: #53

بلاي تأملوا هذا الكلام قد قيل قبل كل الحروب العالمية...وقبل
حقوق الانسان زاتو...خلينا من حقوق الحيوان...والممثلات امات
كدايس ديل...والارجح انه قيل عام 1855

تقول لي حماية الحياة البرية ...سنة الألفينات؟؟؟

عقبن ود دعول بجرن شفاقة عدال
ختمن مقرح الحربة الجبالا طوال
قلت امات قرود وردنوّ بالقبّال

(خلقن كيف برمولهن دمير حبّال) ودا بيت قصيد حماية الحياة البرية
بلا اليزابيث تايلر بلا كلام فاضي..


البيت دا عبارة عن سؤال؟؟؟


وبالضبط معناه بي خلقتن السمحة دي...لا يعقل ان يصطادوهن بي شرك
ولم اطلع علي اي دعوة لحماية الحياة البرية قبل ان يطلقها
جد السمؤال...

ود دعول (ومقرح الحربة) منطقة جبلية وقلت امات قرود ...دي اسماء اماكن
والقبال...دي معناها قبّال رفاقتا...يعني بدري...

Post: #55
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: عمر المهدى
Date: 04-29-2010, 08:04 AM
Parent: #54

غني وشكرية يام وضيبا كوم
بحر الاتبراويشقق جبال الروم
من قومة الجهل ماقدل فوق لوم
وفي بربر هناك ابو البشير معلوم
التحية للثالوث نزار .ابوالبشير .بكور البخيل
والحارمنا شوفتك
كم التحيا ماتحرمونا من ابداعكم

Post: #56
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 05-30-2010, 08:52 PM
Parent: #55

Quote: غني وشكرية يام وضيبا كوم
بحر الاتبراويشقق جبال الروم
من قومة الجهل ماقدل فوق لوم
وفي بربر هناك ابو البشير معلوم
التحية للثالوث نزار .ابوالبشير .بكور البخيل
والحارمنا شوفتك
كم التحيا ماتحرمونا من ابداعكم


ود المهدى يا جميل .... آسف أشد الأسف لتأخر الرد بسبب الإنقطاع عن البوست لفترة طويلة ، فلك العتبى ولايساورنى ادنى شك بأنك سترضى.

يا ود المهدى عليك بنزار والطيب بشير لأنك ستجد لديهما دوماً مايسعدك من إبداع ومسادير.

Post: #57
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: كمال الشادي
Date: 11-20-2010, 06:49 PM
Parent: #56

الفنان الطيب بشير
حبيت اطل عليك من خلال نافذتك الجميلة دي

اهنيك بالعيد السعيد
واقول ليك كل سنة انت واسرتكم الكريمة وان شاء الله ينعاد عليكم عليكم وانتم بالف خير وعافية
في حبور وسعادة

وعليك الله طل وبطل بخل

حابين نشوفكم

Post: #58
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 11-21-2010, 06:14 PM
Parent: #57

الطيب بشير يا كيمو فى السودان وهو صاحب الكوتش وإتزاملو فى كليّة الشرطة ، يا ريت الكوتش إستدعيهو بى هنا ، الطيب بشير يعرف الكثير عن الزقازيق من خلال حكونا عنها .

Post: #59
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: كمال الشادي
Date: 11-21-2010, 07:22 PM
Parent: #58

العزيز ابوبكر
في الحقيقة انا عديت على اغلب البوستات القديمة والغير متحركة وخاطبت اصحابها
بمناسبة العيد عشان يجو ويحيو البورد معانا
والحركني على كده زي ما قلت تلفون من محمد صديق يشتكي انو الناس البتكتب في البورد معدودة على الاصابع
بدعوة اصحاب البوستات القديمة للكتابة مرة اخرى
اعتقد اننا بنحيي البورد

الطيب بشير واحد من الناس فتح بوست واحد
وتاني ما جا وما طل علينا
قلنا ندق بابو عسي نسمع منو حاجة حلوة

Post: #60
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 12-05-2010, 08:37 PM
Parent: #59

Quote: غني وشكرية يام وضيبا كوم
بحر الاتبراويشقق جبال الروم
من قومة الجهل ماقدل فوق لوم
وفي بربر هناك ابو البشير معلوم
التحية للثالوث نزار .ابوالبشير .بكور البخيل
والحارمنا شوفتك
كم التحيا ماتحرمونا من ابداعكم


الطيب بشير دا زول: سمحا اذا باع أو اشتري...
وكم كنت اتمني ان اكون في مكانه لأواصل تعليمي
في البوادي السودانية...ومضارب الابل...فقد بدات
دراستي بفصول محو أمية بابي دليق...وتمردت علي
الدراسة بسبب القنيص والخيل..الخف راسن...

وغناوي الطنباره والمطاليق...وأهل الشتم والدلاليك:

وغني وشكريه..يا ام وضيبا حز...
بحر الاتبراوي الساقي الرجال بالنز
والعشامة بتجيك...وكنت ليهم حز
وغرضي ان ما انقضي..خلي دار جعل تنحز
ما متلك ولد؟؟؟

دا النص الاصلي...الناس بدلو فيه
بي كنت ليهم حد...وغرضي ان ما انقضي
خلي دار جعل تنهد...

فالأول ما كان ليعترف بهد دار جعل...لكنه يقبل
بالحز...وهو شخيت الانقسام...وذلك ما كان مستحيلا ناهيك عن هدها..
والحد هنا المقصود منه الحجاز...والفاصل ما بين نقيضين...
لذلك عندي ان النص الاصلي اصح من المغني

Post: #61
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-05-2010, 09:38 PM
Parent: #60

Quote: بدعوة اصحاب البوستات القديمة للكتابة مرة اخرى
اعتقد اننا بنحيي البورد


والله يا كيمو أحزننى هجراننا لمنبر ناس الزقازيق ، كتبت فى بوست المنبر العام مناشداً تركيز الجهود على هذا المنبر بسبب ترهل البوست بالمنبر العام ، حزّ فى نفسى أن الفكرة لم تناقش وذلك أضعف الإهتمام ، وها أنذا أعيد المناشدة بتفعيل هذا المنبر فهل من مجيب؟

Post: #62
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-05-2010, 09:46 PM
Parent: #61

Quote: وغناوي الطنباره والمطاليق...وأهل الشتم والدلاليك:

وغني وشكريه..يا ام وضيبا حز...
بحر الاتبراوي الساقي الرجال بالنز
والعشامة بتجيك...وكنت ليهم حز
وغرضي ان ما انقضي..خلي دار جعل تنحز
ما متلك ولد؟؟؟

دا النص الاصلي...الناس بدلو فيه
بي كنت ليهم حد...وغرضي ان ما انقضي
خلي دار جعل تنهد...

فالأول ما كان ليعترف بهد دار جعل...لكنه يقبل
بالحز...وهو شخيت الانقسام...وذلك ما كان مستحيلا ناهيك عن هدها..
والحد هنا المقصود منه الحجاز...والفاصل ما بين نقيضين...
لذلك عندي ان النص الاصلي اصح من المغني


قبل كم يوم يا نزار ناشدنى محمد صديق أن أدعوك لتدلو بدلوك فى أدب المسادير ، عليك الله يا نزار خليك قريب وأمتعنا بما عندك .

Post: #63
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 12-06-2010, 08:56 AM
Parent: #62

تعرف يا ابوبكر...زي ما قلت ليك...
العندي سمعتو من اسيادو...ما لقيتو
في كتب...ولن ابخل به...

فأنا في الاصل تركة جماله...ورعيت في خليات
كان ما الدوبيت...ونيران القنقر...كان اكلني
عفريت...

Post: #64
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: زهير الزناتي
Date: 12-06-2010, 09:32 AM
Parent: #63

رغم قراءتي لهذا البوست سابقاً الا اني اعدت قراءته مرة اخري ..لماذا لا ادري ... الطيب بشير صديق تعرفت عليه ايضاً بواسطة محمد صديق سابقاً الكوتش حالياً فهو شخص رواية وحكاية وشيخ عرب ... واخو اخوان .. بوليس ومثقف ... واعلامي وزول ديمقراطي ... رغم احساسي انه اسمه اسم كيزان (يكون غواصة يا بكري) .... اما المحتفي به بكري فهو شخص عزيز علي القلب وصديق وود دفعة ... وفاكهة كل مجلس ... بكري من الناس الذين لا يجود بمثلهم الزمان ... الا قليلا ... مرحب بيك بكري في سودانيز اون لاين ... دي باثر رجعي

Post: #65
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-07-2010, 07:52 PM
Parent: #64

Quote: تعرف يا ابوبكر...زي ما قلت ليك...
العندي سمعتو من اسيادو...ما لقيتو
في كتب...ولن ابخل به...


وهذا يتطلب منك يا نزار التوثيق ، العمير جارى وبفعل المعايش ووجود يارا وآية ومحمدوشغلهم لحيز من دواخلك ، فمؤكد أن صدور الرجال لا أخلاقهم تضيق بحفظ ما رسخ بالذاكرة .

Post: #66
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-07-2010, 08:32 PM
Parent: #65

Quote: وزول ديمقراطي ... رغم احساسي انه اسمه اسم كيزان (يكون غواصة يا بكري)


تعرف يا زهير لدى قناعة مفادها إستحالة إجتماع الثقافة والتطرف الدينى فى قلب رجل واحد ، الثقافة تقتضى التنوّع وإحترام الآخر كائناً ما كان ، وعلى النقيض من ذلك التنظيمات الدينية التى تحرص على نفى الآخر كائناً ما كان فهم لاغيرهم الفئة الناجية ، وهذا الأمر ينسحب على التنظيمات الدينية أيّاً كانت ديانتها وتموضعها الجغرافى فى أية بقعة من بقاع الآرض ، ألم يوزعوا من قبل صكوك الغفران .
الطيب بشير كما كل أهل طابت إختصهم المولى عز وجل بصفاء الدواخل فلا غرو أن جادت قريحتهم إنشاداً وأشعاراً وغناءاً ومدحاً للمصطفى صلوات ربى وسلامه عليه ، له ولهم جزيل محبتى وتقديرى .

Post: #67
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: محمد صديق
Date: 12-08-2010, 09:35 AM
Parent: #66

سلامات يا ناس

Quote: قبل كم يوم يا نزار ناشدنى محمد صديق أن أدعوك لتدلو بدلوك فى أدب المسادير ، عليك الله يا نزار خليك قريب وأمتعنا بما عندك .


سلام يا ودالمأذون ...

ياخى نزار ما قصّر مع (ولمن فاتهم الإستماع )وأتحفنا من (بيت الكلاوى) فله التقدير

كلّمت الطيب بشير عشان يطل علينا واتوقع ظهوره.

بس انت الما قاعد تجينا.

Post: #68
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-10-2010, 10:09 PM
Parent: #67

Quote: بس انت الما قاعد تجينا.


حضرنا ولم نجدكم يا جورج الدين على قول مصطفى السمين

Post: #69
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 12-11-2010, 03:47 PM
Parent: #68

.
و الله دي شكلها كدة لـمـّـة حبايب

نشكر في مستهل البث العزيز كمال للعيدية و السؤال

و نرحـّـب تاني و تالت بالحبيب بكري "الجا السودان و ما لاقيناه)

و هو في ذلك لا يقلّ "لوعـة" عن نزار حسين الفنان المنامي الذي فعل الشيء عينه

أما الزناتي الذي يتهمني بالغوصنة فأكتفي بأنها تهمة إستدرّت لي كلام بكري الحلو

و يا محمد صديق ألف شكر على التنبيه

و التحية لإسم مصطفى السمين في عجز البزست و إبراهيم سليمان في صدره

هذه مجموعة منتقاة بعناية القدر

مع محبتي


.

Post: #70
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 12-11-2010, 07:40 PM
Parent: #69

Quote: هذه مجموعة منتقاة بعناية القدر


ولهذا إفتقدناك واشتقناك وناجيناك بأن تكون ضمن هذه الكوكبة التى تشبهك وتشبهها يا أبا البشير ، طابت هى لدى مثابة روحية قبل أن تكون ظرف مكان حوى وسطية أهل السودان فى أبهى صورها ، جدى وخلفاؤه القائمين بسدانة الجامع العتيق بمدنى لديهم وله وارتباط بالطريقة السمانية ، حين يزورون طابت يخرجون منها ممتلئين بها فتصفى بذلك نفوسهم وتجود القرائح بمدح أفضل الورى ، ولزيارته تفيض المآقى أدمعاً تحاكى الأنهرا .

Post: #71
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: محمد صديق
Date: 12-12-2010, 08:53 AM
Parent: #70

سلامات يا ناس

بركة الاتلميتو

Post: #72
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: nazar hussien
Date: 12-17-2010, 09:00 AM
Parent: #71

ازيك يا الطيب بشير...

حكاية انو الزول يلاقي ليه حبيب في السودان
دي بقت...صعبة شديد يا الطيب...

شخصيا في كل اجازاتي...بكون كاتب قائمة طويلة لاصدقاء
بل وحامل معي هدايا...لهم...واقصدهم في مكاتبهم...او في
محلات عملهم..حسب آخر ابديت لي كمبيوتر راسي...عليك امان
الله...يجي السفر زي البرق...وافرش هذه الهدايا في بيت ابونا
وقلبو طاحونة..يلا علينا جاي...واحد تطلع ليه ريحة والتاني
كرفته...يشيلا ساكت وعارفو ما بلبسا...ولا عندو شغلو بيها...
وامرق الشارع الاقي اقرب زول واديه قلم...

الحاصل ان السودان شغل الناس لدرجة لا يمكن معها الوصول اليهم...
وهذا الرقم حاليا مقطوع من الخدمة...وهذا الرجل لا يمكن الوصول اليه
حاليا...وممكن اجيب قائمة باصدقاء كثر لم اتمكن من الوصول اليهم
برغم سعي الجاد في الوصول اليهم...

Post: #73
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: الطيب بشير
Date: 01-09-2011, 01:22 PM
Parent: #72

.
أهلين ود المأذون و نزار حسين

تقديري و الشوق

أنا عندي فكرة أعمل (مباراة الرد) بإنو أدخل المنامة لمنامة يومين تلاتة و أطلع بدون ما أديكم خبر!! فقط أحتاج دوزنة من أصدقاء السوق، بالنطق المصري، لأني ما عندي مشغولية في البحرين، و بالتالي لا عذر لي..يبقى لي ممكن كونكشن هناك زي بتاع المرة الفاتت و نلاقيكم..و لا عليكم هو عتاب ممزوج بشوق .. و والله يا نزار كانت هدايا المغتربين في فترة من تاريخ حياتنا ساترة عورتنا حتى أن شوقنا للقائهم أُهـلّ ببعضه لأحمالهم قبل أحضانهم!!

تسلما

و تحية لكل من يمر من القراء و الأصدقاء

.

Post: #74
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: محمد صديق
Date: 05-12-2011, 09:25 PM
Parent: #73

سلامات يا ناس

بس عايز اسأل سؤال:

انتو خلاص وقفتوا هنا؟

Post: #75
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي (ودّ المأذون) بيننا
Author: أبوبكر حامد الأمين
Date: 06-06-2011, 12:43 PM
Parent: #74

Quote: بس عايز اسأل سؤال:

انتو خلاص وقفتوا هنا؟


عاوز أكتب جواب:

سبحان من صاغك تسامحاً ونقاء

سبحان من زانك لطفاً وبهاء

لك ياجورجنا كل المحبة والإخاء

سنحاكى صحب "عبدالصبور" توحداً عند اللقاء

آهٍ من رهق غربتنا ... شقوةً وعناء

آه لو عادت بى الأيّام لشليل وأريكا عمياء

هل ثمّة "ميس" نلتمس لدية راحةّ واسترخاء

آهٍ حين يضحى خيار الإستجارة ناراً أو رمضاء


.....................

ونواصل

Post: #76
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: محمد صديق
Date: 06-08-2011, 03:39 PM
Parent: #75

سلامات يا ناس


Quote: آهٍ من رهق غربتنا ... شقوةً وعناء

آه لو عادت بى الأيّام لشليل وأريكا عمياء

هل ثمّة "ميس" نلتمس لدية راحةّ واسترخاء

آهٍ حين يضحى خيار الإستجارة ناراً أو رمضاء



حبيبنا الذى بالمنامة...

نحكى عن شوقنا ليك ...ونحكى عن كم نفتقدك

عياناً وكتابة ...وحتى رسايل قصيرة لا تستر الشوق...

نحكى ..عن ضحكتك الصافية والطالعة من جوه ....تهزم الرتابة

وكل أشكال الإحباطات ...

نفتقد تلك الضحكة رغم أنّا نسمع صداها كلما فاجأنا جميل ....

ارجع اليها ...تلك الضحكة....فهى قادرة على إزالة ما يعتورك الآن ...

تعال هنا ...وهناك ...اكتب اكتب اكتب ...سامرنا ...ونسامرك...

وخُتْ رأسك جنب راسنا...

لك الشوق كله ...

ونطمع فى كتابة مختلفة.

Post: #77
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: محمد صديق
Date: 05-23-2013, 08:07 AM
Parent: #76

سلامات يا حلوين

مُناشدة وتحانيس لبكرى حامد للعودة.

Post: #78
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-23-2013, 11:12 AM
Parent: #77

Quote: حبيبنا الذى بالمنامة...

نحكى عن شوقنا ليك ...ونحكى عن كم نفتقدك

عياناً وكتابة ...وحتى رسايل قصيرة لا تستر الشوق...

نحكى ..عن ضحكتك الصافية والطالعة من جوه ....تهزم الرتابة

وكل أشكال الإحباطات ...

نفتقد تلك الضحكة رغم أنّا نسمع صداها كلما فاجأنا جميل ....

ارجع اليها ...تلك الضحكة....فهى قادرة على إزالة ما يعتورك الآن ...

تعال هنا ...وهناك ...اكتب اكتب اكتب ...سامرنا ...ونسامرك...

وخُتْ رأسك جنب راسنا...

لك الشوق كله ...

ونطمع فى كتابة مختلفة. .



أنا إن قِريت كلامك ده مابدور تحانيس ، أشواقى لك جورج وتشكراتى على هاتفك وكذلك شكرى العميق للجميل الرشيد وتوأم الروح عمر النملة ولكل الأحباب هنا ولى عودة

Post: #79
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: محمد صديق
Date: 05-23-2013, 12:13 PM
Parent: #78

سلامات يا حلوين

Quote: ولى عودة


سعداء بِطلّتك ....وفى انتظارك .

Post: #80
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: فرحات عباس
Date: 05-24-2013, 07:08 PM
Parent: #79

الطيب بشير ... أيها العسكري الجميل ...
ليك شوق شحمان .... وود أكيد رقم لقاءنا الوحيد الجميل ...
والتحية لللأخ أبو بكر .. فهو بلا أدنى شك .. رائعاً كما تصفون ..
ولكل هذه المتتالية من الأصدقاء الرائعين حبي ...

Post: #81
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: احمد محمد بشير
Date: 05-26-2013, 08:16 AM
Parent: #80

يا هلا يا مرحب

Post: #82
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-26-2013, 10:11 AM
Parent: #81

Quote: الطيب بشير ... أيها العسكري الجميل ...
ليك شوق شحمان .... وود أكيد رقم لقاءنا الوحيد الجميل ...
والتحية لللأخ أبو بكر .. فهو بلا أدنى شك .. رائعاً كما تصفون ..
ولكل هذه المتتالية من الأصدقاء الرائعين حبي ...


زمان كان محمد صديق بيونسنى بى زول صاحبو بيدرس فى الجزائر زولاً كتَاب وملان حكى ، أها إن بقيت إنتَ فرحات داك إحلّك منّى الحلاّ بلة

Post: #83
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-26-2013, 10:14 AM
Parent: #82

Quote:
يا هلا يا مرحب


حبابك أحمد محمد البشير

Post: #84
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: الرشيد بابكر
Date: 05-27-2013, 06:24 AM
Parent: #83

صبحكم الله بالخير

حبيبنا بكوري ...عودا حميدا ياخي ...
و لو انو وش البامية ما ياهو....
ظاهر عليك مزنوق زنقة ................في طابونة.....
نسأل الله يفرجها عليك و تجينا راجع زي زمان تملأ أيامنا جمال....
سعدت ايما سعادة بالتحدث اليك في التلفون ....
صحي مكالمتي كانت من الهجمة.....
لكن لكي تضمن أن يكو ني ومك سعيدا فلا بد أن يبدأ البداية الصاح....
عشان كده أصريت أبدأ يومي بيك و كان ما توقعته ......

باله ما تطول الغيبة و ما تعود روحك الجفا حتى لا تتيبس....
و مثلك أعجب كيف يقدر على البعاد و الجفا.....

صلح لينا وش البامية ده بالله....

Post: #85
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: فرحات عباس
Date: 05-27-2013, 08:57 AM
Parent: #84

الحبيب أبو بكر ..
مودتي بدون حدود .. فلطالما احتفيت أيها الحبيب بكل أصفياء أخونا الشرطي النبيل ود الصديق ... فالرجل يهوى وتهوى إليه النفوس الشفاف ... وأما حفاوة الشرطي التائب .. الحبوب الطيب بشير .. فتلك قصة أخرى كما يقول الطيب صالح ...
سأبقى قريباً من شخصكم بهذا البوست .. حتى يكتب لنا لقاء ...
كن بخير أيها الحبيب ..

Post: #86
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-27-2013, 12:08 PM
Parent: #85

Quote: و مثلك أعجب كيف يقدر على البعاد و الجفا.....


والله ياروش لم اعتد فى حياتى على الجفاء والوحدة بل تكون سعادتى فى منتهاها حين الملتقى ، هو فى تقديرى شحوب الروح ومساخة العنكوليبة حين يتناقص طعمها تنازلياً .

تحياتى لك ولنجاة وامنية ومهند ... يا ربى فى زول تانى نسيناهو ولا ما أكلنا سمايتو؟

Post: #87
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-27-2013, 12:19 PM
Parent: #86

Quote: سأبقى قريباً من شخصكم بهذا البوست .. حتى يكتب لنا لقاء ...


يا زول إن بقيت فى السودان أنا راجع السودان فى إجازة من يوم 17 يونيو تقريباً لغاية 7 يوليو ، وإن بقيت بره السودان بجيك جارى وأنا أردد إسمك كما كنا نفعل حين كنا صغاراً ويرسلوننا للدكان لشراء كربونات وبيكين بودر على قول اهلنا " كانت عبوّة الكربونات والبيكنج باودر تتشابه لأنها محلية الصنع من مصنع أطلس " فرحات .... فرحات ..... فرحٌ آت ... فرحٌ آت ... فرحٌ آت

Post: #88
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: عمر نملة
Date: 05-28-2013, 06:11 AM
Parent: #87

سلام
Quote: ما أكلنا سمايتو؟

قمنا على اللهط. حليل صينية ناس ابصره

Post: #89
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-28-2013, 11:53 AM
Parent: #88

Quote: قمنا على اللهط


يا نملة يا شفوقة ، أنا إنقطعت من المنتدى فترة وإنقطعت الأخبار عشان كده عاوزين نعرف الزاد منو ، وعلى طارى الزاد قبل كم يوم شاهدت جواز سفر مغربى مكتوب عليهو تاريخ الإزدياد : 3/5/1968 تصدق يا نملة الإزدياد معناها الميلاد ، عشان كده حقو طارق جبريل إدينا شوية مصطلحات بى اللهجة المغربية من شاكلة : حُق ديال المطيشة ، ومعناها علبة الصلصة يا نملوز ، وصعيبة عليك العربية يا فرحات

Post: #90
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: عمر نملة
Date: 05-28-2013, 06:10 PM
Parent: #89

سلام
ايوه كدا يابكه افرح وفرحنا
اسممع دي صاحبي تونسي سالته لو عايز تقول لبنت بحبك بالهجه التونسيه ايش بتقول ليها؟1
قال انا بقول ليها( انا مزعوط فيك).
نذكرك بالاولاد
الطيب 7.5 سنه واصحابنا الهولنديين بصعغروا اي كلمه باضافة (تشا) بيقول ليه تيبوتشا).
عياسنور 4 سنوان( مبالغه بيعيد في طفولة ناس ابوذر وفجوخه
يس .1.5 سنه متخصص تكسير كل الاجهزه الحساسه.

Post: #91
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: أبوبكر حامد الأمين
Date: 05-30-2013, 08:20 AM
Parent: #90

Quote: متخصص تكسير كل الاجهزه الحساسه.


ههههههههاى ....... الولد ده ماداير أشوف خلقتو ، بس على راى عادل إمام : ثمَّ أنا ماعنديش تلفون خايف على العدّه ليه ههههه

بس يا نملوشا ولا كلمة وانا غير مسئول عن اى تحريف غير برئ لكلامى اعلاه والعفش داخل البص على مسئولية صاحبه

ربنا إحفظهم ليك يا نملة وبركة ماجات معاهم بت لأنها ح تطلع شرسة مع العزّابة ديل ، حامد عمّار مرّات بيزهج من أخوانو وبيقول لى أمو : ياخ البيت ده زى الفرن كلّو أولاد ، أفنان تجد لنفسها العذر حين تخطئ بعبارة : أعمل شنو ما أنا عايشة مع العصابة ديل

أما عن صاحبك التونسى فرجاء توجيهه لعدم تبادل أية مشاعر ود ومحبة مع محارمه لكى لايقع فى المحظور ولو لفظياً، وأكيد التقدير لإختلاف الألسن وتحية لأهلنا بكرفان الغرّة أم خيراً جوّه وبرّه وقد جال بالخاطر طيف شوش الصغيرة بت بيطرة حين تسلمت ذات يوم أغراض مرسلة لها من السودان وفرحت بمحتوياتها وصاحت بأعلى صوتها : ياسلام ... فول مزلوط ، وقتها فقط علمتُ أنّ للفول المسحون مسمى آخر غير مسمّى دكوة الذى كنّا فيما مضى نستهجنه بإعتباره وافد خرطومى غير مرحّب به قبل أن تتباعد خطانا عن مدنى وننصهر فى بوتقة تآلف وطنى بحكم الغربة والتماس القسرى الذى أتاح لنا معرفة أشخاص رائعين وأشخاص دون ذلك تتوهج فيهم الروعة وتخبو بفعل الوعى ونرجسية النفس الأمّارة بالسوء (بإختصار ... ماطارين الموت).

اها ياروش وش البامية كيف ، أظنو إرتفع إلى سقف وش الرِجلة المصحوبة بى سلطة أسود ... ههههاى .... دى ما الجنّة ذاتا ، مافى خيارات مع عدم إستساغتى للحم الطير ولا اشتهيه ، يا شيوخنا"
Quote: غير التكفيريين
" حد عندو تصور لى المنيو

Post: #92
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: الرشيد بابكر
Date: 05-30-2013, 09:24 AM
Parent: #91

صبحكم الله بالخير

أيوه يا بكوتشا المره دي وش البامية مسبك يا حبيب...
الظاهر كبيت فيها حق ديال شعفوطه زياده...
الناس ديل لو كانو بسفو يا بكور كان حيقولو لي حقة الصعوط شنو....
حق ديال صعطوطة....
شفت نملوز انفرجت اساريره كيف لما لم فيك...
غايتو ناس مدني ديل أصلو ما بيخلو عنصريتهم....
بس عنصريتكم لذيذة يا ناس مدني.....
يا بكور بدون كسير تلج بعودتك عادت الينا و للمنبر الروح....
ما تقوم تقنع من أم بناية قش و تآخد ليك اذن من بت الشيخ...
و أنا آخد اذن من بت الشيخ و نمشي نستمتع لينا أسبوع مع نملوز ده في بلجيكا....
نفسي أنوم في حته من غير مكيفات يا بكوتشا...
بت الشيخ قالت لي شخيرك زاد ...
قلت ليها ده أنا بعتبرو تحمير منك في الضلمة ...
و حقارة بنات مدني ساكت....
من زمان شخيري ده كان السيمفونية الخامسة....
حسه بقى أنكر الأصوات....
أسبوع مع نملوز من غير مكيفات يمكن يصلح الحبال المناخرية شوية....
و بت الشيخ ترجع تنظر لي زي زمان....

Post: #93
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: عمر نملة
Date: 05-30-2013, 06:27 PM
Parent: #92

سلام
Quote: و تآخد ليك اذن من بت الشيخ...
و أنا آخد اذن من بت الشيخ و نمشي نستمتع لينا أسبوع مع نملوز ده في بلجيكا....

لكن الاذان ماعندكم. مرحب بيكم بس اذوناتكم تكون مختومه.
بممناسبة الحساسه حاج ابراهيم مشى الخرطوم ببص القريه وهو راجع اشتري ليه كرتونه بيض
في الرجعه بص القريه عمل حادث. والحمد مافي زول حصلت ليه حاجه الا كرتونة البيض اتكسرت.
واحد لفيف وصل الخبر القريه وقال بص العوض انقلب والحمد لله مافي زول حصلت ليه عوجه الا
حاج ابراهيم بيضه اتكسر، ما تسمع الا سكاليب زوجته وبتقول الليله اوب.
برضو يابكورتشا ماتؤؤل القصه وخلينا مع الحساسه.
اسمع شفته ليي حلقه من نجوم الغد وشايف صحبك احمد عجوز يتكشم شوف الدقيقه 3.18 ثانيه

ياهو ولا صلعه تشبه صلعه. الله يعلم مشتهي قعده فيها وليد مبارك واحمد عمر وطارق عوض وزكي واحمد عوض
وكمان الطبال وصاحبه نزار ووليد حمدون وكمان يوسف بتاع معهد صحي.
( مجتبى ما مشتهي لانه بيقول عن ذنكم ياجماعه عايز احمد دا في موضوع) ياخ مره هم براهم قال احمد لو سمحت انا عايز
في موضوع برنا.
عليك الرسول يابكه اتذكر لينا شخصيه شخصيه من ناس حقوق. مره معاي واحد بنعاين ليكم من فوق قال لي: اسمع انت ناس حقوق ديل بيقروا وين؟
قلت ليه في حقوق! قال لي لاني دائما هم قاعدين بره. قلت ليه بيكونوا بيكتبوا في عرايض.

Post: #94
Title: Re: إنّـه من طرف نزار حسـين..و إنّـه من مدني..ألـف أهـلآ بكري المحامي
Author: الرشيد بابكر
Date: 05-31-2013, 05:06 AM
Parent: #93

صبحكم الله بالخير

يا نملوز يسعد صباحك زي ما أسعدت صباحي و ضحكتني....
Quote: ما تسمع الا سكاليب زوجته وبتقول الليله اوب.


بتس###### ماله الحاجه يا عمر....
يكون عندهم عيد ميلاد و كانت قافلة على البيض تعمل بيهو كيكة و لا شنو....
Quote: اسمع شفته ليي حلقه من نجوم الغد وشايف صحبك احمد عجوز يتكشم شوف الدقيقه 3.18 ثانيه


ياهو زاتو ..أنا حضرت الحلقة دي كلها و اتوقعتو يغني لأنو في واحد صحفي غنى فيها خارج المنافسة.....

Quote: الله يعلم مشتهي قعده فيها وليد مبارك واحمد عمر وطارق عوض وزكي واحمد عوض
وكمان الطبال وصاحبه نزار ووليد حمدون وكمان يوسف بتاع معهد صحي.
( مجتبى ما مشتهي لانه بيقول عن ذنكم ياجماعه عايز احمد دا في موضوع) ياخ مره هم براهم قال احمد لو سمحت انا عايز
في موضوع برنا.


أمشي قروب ناس الزقازيق في الفيس بوك تلقى وليد حمدون و مجتبى و فاتحين ليهم موضوع بيشبه كلامك ده .....
البوست عماله مجتبى.....
Quote: اها يا مادجر ورفعت وجبريلا نمرق من الفتوشوب شوية
تخليو ( وانا عارفكم خيالكم واسع جدا ) انو اخونا زكى صديق ماسك العود ورايييييق ( من غير مساعدات خارجية )
فى حالة نادرة طبعا وجنبو اتنين بغنو ( عينوك كانو فى عيونى ) اها تتخيلو الاثنين ديل منو طبعا ابوالزيك ما كان داير مساعدة خارجية عشان يروق لانو صوت الاثنين يروق بلد فى انتظراكم يا ( بحيتة) والكلام لى قيس وود حمدون برضو عشان ما تنططو عيونكم