Post: #1
Title: هذا المنبر (ناس الزقازيق)
Author: زهير الزناتي
Date: 11-04-2009, 09:56 AM
منبر ناس الزقازيق نفاج جديد نطل به علي العالم ، وهو بكل تأكيد ليس بديلاً للبوست العمومي (ناس الزقازيق .... أجده ناس) ، وإنما إضافة وتكملة له .. لا بد قبل كل شئ أن نتقدم بعظيم شكرنا للمهندس بكري أبو بكر مدير موقع سودانيز أونلاين لعظيم خدماته ومساعداته الجمة التي قدمها لنا بأريحية غير غريبة عليه . ما تقدمنا له بأمر يخص ناس الزقازيق إلا وكان حاضراً .. وها هو يمنحنا مساحة رحيبة في موقعه وقبلها في قلبه .. فلنحي هذا الرجل ... ولا أود أن أشكر الشقيق عصام دهب علي مبادرته الرائعة التي أسهمت في جمع الناس في الشتات وداخل الوطن .. حتي أصبح البوست هو الإصدارة الرسمية لكل ما يخص ناس الزقازيق .. وأيضاًَ غير الرسمية ... فله التحية .. والتحية ايضاً لكل من ساهم في الكتابة في هذا البوست ، عبر الكتابة المباشرة أو عبر الإيميل والشكر للقراء الذين في غاية المتعة وهم يتابعون ويتساقطوا أخبار أحباء لهم فرقت بهم السنون ..
هذا المنبر مساحة حرة لكل زقازيقي يكتب فيها ما يشاء له .. وقتما يشاء . لا حجر لا أحد ولا خطوط حمراء إلا المودة والحب الذي جمع بيننا طوال هذه السنوات ...
|
Post: #2
Title: Re: هذا المنبر (ناس الزقازيق)
Author: جلال عثمان
Date: 11-04-2009, 10:13 AM
Parent: #1
| Quote: منبر ناس الزقازيق نفاج جديد نطل به علي العالم |
التحية لمن جعل هذا ممكناً، وفخراً لنا أن ننتمي لهذا الحوش الواسع
شكراً باشمهندس بكري
مبروك أبو الزوز
|
Post: #3
Title: Re: هذا المنبر (ناس الزقازيق)
Author: محمد آدم النور
Date: 11-04-2009, 10:15 AM
Parent: #1
بسم الله
شكراً الأخ الفاضل بكري أبوبكر على هذا الجميل
سنظل ممنوين بهذه الخصوصية آملين أن نكون عند حسن الظن
زهير..زإنشاء الله تكون خشيت الديوان دا بالرجل اليمين
طبعاً يا أحبتي ..الحوش تلقوهو في المنبر العام
دا الديوان...الشباطا و الجزم لا مؤاخذه ختوها برة و تعالو
بعدين الأخوات ناس فافي وزينب ومنى و نجاة
قالو ليكم بعد ما تقومو من جلساتكم...
أي واحد يصلح الملايا بتاعت السرير الكان قاعد فيهو...لأنو حيجونا ضيوف من برة و كدا!!!!
زهير وقف المراوح و المكيف لمن تجي طالع
مبروك الديوان و كل عام و انتم بخير
|
Post: #4
Title: Re: هذا المنبر (ناس الزقازيق)
Author: الرشيد بابكر
Date: 11-04-2009, 10:32 AM
Parent: #1
زهير...مثلك و غيري كثيرون نتوجة بالشكر و الامتنان للمهندس بكري أبوبكر الذي خصص لنا داخلية وبيتا...و البيت فاتح على الشارع و الشارع فاتح في القلب...و الداخلية مشروع حضاري مبني على الماضي بعبره و ذكرياته الجميلة الحلوة وأساسنا و مكتسباتناو على الحاضر الذي صقلنا و ما زلنا نصقل فيه تجاربنالنبني مستقبلنا و مستقبل أبناءنا...هي بسمة و حب و أمل........و تفاؤل يجب أن لا يخمد و لا تطفئ جذوتة شئ...حتى و ان اختلفنا فلنختلف و لكن بحب...هي مدينة فاضلة و لكنها بمعايير واقعية وأسس عملية لا بنرجسية و لا رومانسية...
الشكر مجددا للمهندس بكري أبوبكر و لعصام دهب و لزهير الزناتي...و لكل القبيلة التي جعلت الاتفاق ممكنا و الأمل حاضرا و باديا أمامنا و الماضي الجميل خلفنا وبين الحنايا و الضلوع...
|
Post: #5
Title: Re: هذا المنبر (ناس الزقازيق)
Author: محمد عيد
Date: 11-04-2009, 10:53 AM
Parent: #4
مــرحى ومرحبا بهذا الألــــق الجميل ..
نكرر شكرنا وتقديرنا للمهندس / بكرى ابوبكر على ما قدمه لنا من جمال
ونعده بأن يكون منبرا ســاعدا قويا من سواعد هذه المنارة الشامخة
سودانيز اون لاين
ويطيب لنا فى هذا المقام التوجه بالتحية والعرفان لاخونا عصام دهب صاحب
المبادرة الكبيرة فى لم شمل هذا العقد الفريد ...
والتحية موصولة ايضا لاخونا الحبيب زهير الزناتى لجهوده الكبيرة فى تطوير وتدعيم
بقاء وتألق هذا البوست
وألف هـــلا بجميع سكان وزوار هذا الحوش الجميل ...
ومن اليوم ... ولــــّعوا الانوار كلها .. وأضيئوا الثريات واطلقوا البالونات
الفرحة فى سماء حوشنا العامر ...
|
Post: #6
Title: Re: هذا المنبر (ناس الزقازيق)
Author: منصور عبد الرازق
Date: 11-04-2009, 11:01 AM
Parent: #4
ناس الزقازيق
حيث انكم اجدع ناس
فان سمات الجدعنة ومقتضياتها تقتضى
وتتطلب
ان نشكر وتشكرون
الناس
الجدعان
الأحلى ناس
المؤسسين
سودانيز اون لاين
بكرى ابوبكر
والختوا الطوبة الأولى
للبيت ده
عصام دهب
والبرنس عبد الحميد
وان شاء الله يا زقازيقاب
بيتكم الجديد
تقطعوهو بى عرق العافية
(نظر اليه شذرا وقال , مقطعوا مالك؟؟؟)
انا على البوهية بتاعت الجدار
باللون الخاتف لونين
او كمان لو عاوزين , لون زينب
زينب قااااااعدة
التجى تخت لونها براها
احبكم فى بيتكم الجديد
|
Post: #7
Title: Re: هذا المنبر (ناس الزقازيق)
Author: سامي عبد الوهاب إدريس
Date: 11-04-2009, 11:41 AM
Parent: #6
بسم الله الرحمن الرحيم
التحية لأجدع ناس
وبركري دا أجدع منهم
وشكر كتير خالص للأخ بكري على هذا التعاون الجميل والتعامل الراقي
والشكر بعد الله سبحانه وتعالى للأخ عصام دهب
والشكر لكم جميعا إذ جعلتم هذا التلاقي ممكنا
|
Post: #8
Title: Re: هذا المنبر (ناس الزقازيق)
Author: محمد آدم النور
Date: 11-04-2009, 02:24 PM
Parent: #7
شكراً مرة تانية الأخ بكري
تنويه بسيط يا زهير...
اسم المنبر ....ناس الزقازيق الموجود في الأيقونة
حجم ونوع الخط ما متناسب مع بقية الأيقونات
نرجو التعديل ....تشكرات كتيرة
|
Post: #9
Title: Re: هذا المنبر (ناس الزقازيق)
Author: طارق جبريل
Date: 11-04-2009, 02:26 PM
Parent: #8
الف الف مبروك يا شباب
بقينا نساسق بين هنا وهناك
|
Post: #10
Title: Re: هذا المنبر (ناس الزقازيق)
Author: ميسرة سيد أحمد
Date: 11-04-2009, 03:10 PM
Parent: #9
ومن شر حاسد إذا حسد
منبر ناس الزقازيق
خبر سار وجميل
وتنفيذ جميل وسريع
نشكر للرجل القامة
المهندس بكري أبو بكر
الذي أخجلنا بكثير كرمه
وكريم تفهمه وحسن أداؤه
لك يا بكري منا ألف تحية
وشعور وإمتنان بالجميل
الأخوان عصام دهب وزهير
الشكر لكم كثيراً
ناس الزقازيق شكراً لكم جميعاً
ومبرووووووووووووووووووووووووووووك
|
Post: #11
Title: Re: هذا المنبر (ناس الزقازيق)
Author: Hatim Gubara
Date: 11-04-2009, 04:22 PM
Parent: #10
مبروووك ياناس...
ألف شكر باشمهندس بكري..
|
Post: #12
Title: Re: هذا المنبر (ناس الزقازيق)
Author: Dr. Ahmed Amin
Date: 11-05-2009, 04:08 AM
Parent: #11
| Quote: ألف شكر باشمهندس بكري.. |
|
Post: #13
Title: Re: هذا المنبر (ناس الزقازيق)
Author: البادي النور
Date: 11-05-2009, 06:20 AM
Parent: #12
الشكر أجزله للمهندس بكري ...
يلا يا ناس الزقازيق نحن التميز ...
ونحن الساس ونحن الراس ...
|
Post: #14
Title: Re: هذا المنبر (ناس الزقازيق)
Author: محمد صديق
Date: 11-05-2009, 12:15 PM
Parent: #13
سلامات يا ناس
بسم الله ما شاء الله
الشكر للسيد بكرى ابو بكر
دهب ...البرنس..زهير وكل القدامى المعتقين
|
Post: #15
Title: Re: هذا المنبر (ناس الزقازيق)
Author: عبد الحفيظ عباس
Date: 11-05-2009, 01:20 PM
Parent: #14
التبريكات للجميع
بهذا انجاز والعمل الرائع
فلنحني الهامات
ونرفع القبعات
ونجزل التشكرات
للأخوان
المهندس بكري
الأستاذ عصام
الأستاذ عبدالحميد
وجميعكم يازقازيقاب
فلنجعل من هذا المنبر
واحة لإتكاءة الجميع
ومنتجعا ندلف إليه ترويحا وجدانيا
ومنارة نتبادل فيها الأفكار والأراء
ومساحة تستفز كل الإبداعات الزقازيقية
أدباء وفناوشعرا ومواضيع أخرى
فوربي أعلم أنكم لو أخرجتمة الكامنة في دواخلكم
ستسهمون في رقي الإنسانية جمعاء
وتصبحون قبلة الأنظار
للمتعطشين للإبداع في كافة مجالاته
هلموا لنجعل من منبرنا هذا
دوحة يستظل بها الجميع
وواحة ينهل منها كل ظمأن
والدعوة لتنظيم وتوصيف وترتيب المنبر
موجهة للمبدع محمد عيد
والمساهمة مفتوحة للكل
مع أمنياتي بالتوفيق
تلكم الدرر الإبداعي
|
Post: #16
Title: Re: هذا المنبر (ناس الزقازيق)
Author: زينب التجاني
Date: 11-05-2009, 04:07 PM
Parent: #15
سلام يا اجدع ناس
الف شكر لبكرىابو بكر لهذا المنبر اللذى اعطانا مساحة شاسعةوالشكر كلو لولدنا الدهب عصام ويا زهير ربنا يديك العافية
حفيظ ازيك وسلامتك وحفظك للة من كل شر
ياجلا لما كنت انعس بشوف مركبك متحركة فى البحر هسة عمر الفى الهندول ده كل ما انعس الاقيه بتهوزز
ما تشوف لينا هندول مقاس كبير
الجهجهة دى صعبة الامجاد اقصادا ما تامة بلطريقة دى بتدخلونا السجن
|
Post: #17
Title: Re: هذا المنبر (ناس الزقازيق)
Author: أحمد إسماعيل
Date: 11-05-2009, 06:13 PM
Parent: #16
سلام لاجدع وأميز ناس
والف الف مبروك الفضاء الواسع
الشكر الجزيل للباشمهندس/ بكري ابوبكر
والشكر موصول للاخوة عصام دهب وزهير الزيناتي ولكل الأخوة حسب الأسبقية الزمنية بالبوست
|
Post: #18
Title: Re: هذا المنبر (ناس الزقازيق)
Author: عماد الدين عبدالله
Date: 11-05-2009, 09:13 PM
Parent: #17
قلنا نطل ونبارك لنسابتنا الزقازيقاب
الف الف الف مبروك المنبر والله فعلا
انتو اجدع ناس
تحياتي واحترامي
|
Post: #19
Title: Re: هذا المنبر (ناس الزقازيق)
Author: زينب التجاني
Date: 11-06-2009, 00:36 AM
Parent: #18
الله يبارك فيك يا عماد وعقبالكم
اقعد اشرب بارد
|
Post: #20
Title: Re: هذا المنبر (ناس الزقازيق)
Author: مدثر أبا يزيد
Date: 11-07-2009, 08:03 AM
Parent: #19
بسم الله والحمد لله
الف مبروك للجميع
الشكر للاخ بكري والاخوان زهير وعصام دهب وكل من ساهم في هذا الإنجاز
الشكر للمتواجدين والمشاهدين
تحياتي للجميع
|
Post: #21
Title: Re: هذا المنبر (ناس الزقازيق)
Author: محمد عيد
Date: 11-09-2009, 10:19 AM
Parent: #20
لخلل ما اظنه قد حدث فى بوست ناس الزقازيق 3
انزل هذه المداخلة هنا .. الى حين عودة الكهرباء الى الحوش الكبير
صباحات جميلة على الناس الجميلة ...
وتحايا قلبية وشكر عميق لكل من أشاد بمجهود احتفال المئوية ..
بل ان البعض ألبسنا ثوبا .. اوقن انه اكبر منى مقاسا بكل تأكيد .. ولكنه الحب والعشق
لهذا التلاقى الفريد .. والتعصب لهذا الانتماء الجميل .. والذى حقا أصبح يعيدنا الى ما عايشناه
هناك فى تلك البلدة الطيبة اوان تلكم السنون الجميلة ..
حفظكم الله جميعا .. وحفظ تجمعكم فى الخير .. ومؤكد فان ازدياد هذا الترابط الكبير سيكون
هو القوة الدافعة لتحقيق أحلامنا الكثيرة التى ما زلنا نرتبها فى اوراقنا ...
وهنا يأـى دور عظيم وكبير لاخوتنا فى اللجنة التنفيذية للجمعية لاستغلال هذا التلاقى بتحقيق
برامج تزيد من هذا التلاحم وتيّســر من امر توصيل المخططات الى القواعد ..
التحية والترحيب الكبيرين بمن انضموا الينا حتى الآن .. واخص بهذا ازديان الحوش بالعبق
الجميل الذى حمله الاعزاء .. عثمان الجدى وعمر بســكو وقيس جمال الدين وأكيد انهم كما قال الكوتش
سيكونون من التروس الدافعة والمحركة لقواتنا المظفرة .
كما اخص بالتحية اختنا حنان المجمر ( واقدر احتفاء عـــزاب تجارة بها ) مهيرة شامخة تخوض اليباب
دونما وجل .. وأثمن لها اقتحامها للوغى ببوست انفرادى كامل الدسم .. ومؤكد بأن فريق رائدات البوست
قد كســـب لاعبة رائعة ومؤثرة ... والخريف اللين من بشايرو بيــّن ..
• موسى عيسى .. الظاهر امبارح انت ما كملت صفحة الحفلة .. انا نزلت رقم هاتف جلا بالمدينة المنورة .. واعيده هنا لفائدة الاخوان .. 00966540592578
• اتصل بى الاخ عمر المهدى قبل قليل وافاد بأنه استلم الباسوورد ولكنه غير مفعّل .
|
Post: #22
Title: Re: هذا المنبر (ناس الزقازيق)
Author: زهير الزناتي
Date: 11-09-2009, 11:45 AM
Parent: #21
اها يا ياناس شفتوا بشائر الإستقلالية ، أول ما حصل عطل في المنبر العام الناس كلها جات هنا في بيتنا لقت المحل مفروش ونضيف ،،، عشان كده قلنا ليكم البيت ده لازم تعمروه ...
|
Post: #23
Title: Re: هذا المنبر (ناس الزقازيق)
Author: زهير الزناتي
Date: 11-09-2009, 11:47 AM
Parent: #21
شكراً يا عماد يا راقي علي الزيارة والمباركة ، وعقبال ما نجي ببارك ليكم في منبركم الجديد ...
|
Post: #24
Title: Re: هذا المنبر (ناس الزقازيق)
Author: عصام دهب
Date: 11-09-2009, 12:59 PM
Parent: #23
الشكر من قبل و من بعد لله تعالى الذي تتم بنعمته الصالحات ..
و من ثم لسودانيز أون لاين و ربانها الحاذق بكري أبو بكر الذي هيأ لنا هذه المساحة وأكرمنا و أفاض في كرمه .. و سيظل هذا الجميل ديناً في أعناقنا ..
ثم الشكر لكم أنتم جميعاً فلولاكم لما كان كل هذا الجمال ..
و تقدير و إمتنان خاص جداً لملهم الفكرة / عبد الحميد البرنس ، و لمن أقترح تنفيذها / عبد السميع دفع الله و لزهير الزناتي الذي كان و لا زال صاحب القدح المعلى في رفد هذا البوست و المنبر عامة بكوكبة من الأعضاء الزقازيقاب و نأمل أن تستمر جهوده و جهود الجميع حتى نرى كافة الزقازيقاب هنا ..
هذا المنبر (ناس الزقازيق)
سيظل هذا المنبر مشاعاً للزقازيقاب و لأصدقائهم ،، لذا نأمل أن يشاركنا فيه جميع أخوتنا و زملائنا بالإنضمام إلينا فبالحب و الأخوة نلتقي و نجتمع و نفترق و نعاود مجدداً .. هذا المنبر ليس حكراً لفئة أو شلة أو جماعة من الزقازيقاب إنه لنا جميعاً فلنعمره بقيمنا الجميلة و أهدافنا النبيلة ..
|
Post: #25
Title: Re: هذا المنبر (ناس الزقازيق)
Author: أبوبكر حامد الأمين
Date: 11-29-2009, 05:23 PM
Parent: #24
التجلة والتقدير وعظيم الشكر والعرفان للأخ بكرى أبوبكر على إفراد هذه المساحة لمن هم بجمال وروعة الزقازيقاب ، والزقازيق أسهمت ولاشك فى تشكيل رؤانا وتشذيبها ونحن بعد صبيةً نبحث فى الخليقة عن مسار الطيف على قول شوقى شفيق (هذه الجزئية لاتخص ود الجعلى وود البك وشيخ عشرى ومن شايعهم من الكوامر ).
أشاطر محمود درويش وأحن إلى قهوة أمى ، مثلما أحن لفول الكيمو لاند والفطاطرى ومسطبة مستشفى جاويش ، ولشارع القومية رغم محاذير لقيا عباس جبر الله وأحضانه التى تمثل تهديداً جدياً لأضلع القفص الصدرى ، مما جعل مصطفى محمد الحسن الخالى من الكوليسترول والتكلف يخاطبه من الناحية الأخرى للشارع ( ياعباس جبر الله ماطلعتا ميتينا ياخى ) وكان برد الشتاء حينها يعبث بجسد مصطفى الناحل آنذاك ( هسى بقا أربعة ضلف ) وكان عباس جبر الله حينها يحتضن محمد صديق (جورج) فيما مصطفى يترقب نهاية هذا السلام للمضى لدار الإتحاد والعودة مجدداً للسكن بلكوظ.
سأعود مجدداً لسرد بعض المشاهد والعلامات التى ميزت مرحلة الزقازيق عن ماعداها من مراحل.
|
Post: #26
Title: Re: هذا المنبر (ناس الزقازيق)
Author: محمد عيد
Date: 12-19-2009, 07:18 PM
Parent: #25
هذا البوست عزيز علينا ...
فهو ، لمن لا يتذكر اول بوست قام العزيز زناتى بانشائه فى كياننا الجديد
رأيت ان نبعث بعض الحراك فيه .. واتمنى انضمام زمرة المبدعين من كل حدب وصوب
أبدأ هنا باعادة انزال قائمة الاســـر الزقازيقية 100 % والتى تم حصرها سابقا
ولا أدرى اهذا هو الكم الذى توقف عنده العد حينها ..
سؤال موجه لمسئولى الاحصاء والتوثيق .. الريس وزناتى وجلال وعبد الدائم
1/ سعيد مراد زراعة وسوسن الحضري زراعة
2/ عثمان تميم زراعة ونعمات حسن (نعمات الجبل) زراعة
3/ عمر عوض طب وعواطف أبو زيد زراعة
4/ أحمد حمزة زراعة و سعاد فقيري زراعة
5/ محمد صالح بيطره ونادية سعيد بيطره
6/ الفاتح ثابت صيدلة 85 و عفاف على زراعة 85
7/ امير خليل طب 85 وناهد عوض طب 85
8/ امين عبدالله طب 85 و زبيدة حسب الرسول تربية 88
9/ جمال عبدالحميد ورحاب فيصل زراعة 88
10/ ياسر شبيكة صيدلة واسماء خالد صيدلة
11/ يحي منصور صيدلة و اميرة على حقوق
12/ ميسرة سيد أحمد تجارة - مني يونس آداب
13/ نادر فاروق - رجاء الطيب
14/ محمد صديق - خالدة قسم الباري
15/ الرشيد بابكر - نجاة حوفي
16/ عادل الجعلي - سامية إسماعيل
17/ عثمان الجيلي - نوال البلول
18/ زهير الزناتي - إبتهاج عبد الله
19/ سيف النصر محي الدين - عرفة محمد سعيد
20/أحمد سيد عبد العال / مزار عبد العزيز..
21/محمد عثمان ... عفاف علي ميرغني
22/ياسر السراج ... شاهيناز
23/ عبد الوهاب التركي / ونعمات البشير
24/ الهميم الأمين فضل المولى و أماني أحمد البشير
25/ طارق عبدالجليل وصفية مساعد
26/ هشام واميمة دفع الله
27/ محجوب حسن ربيع وسميرة عبدالرحمن
28/ الهادى الانصارى كوثر داؤد
29/ زهرة ابو على زراعة و امير معهد صحى
30/ البادي النور محمد أحمد/وئام محمد يوسف إدريس
31/ محي الدين عبدالستار وأماني سيدأحمد
32/ صلاح جلال و زوجته إخلاص
33/ محمد حامد وحنان زكي
34/ محمد حامد تبيدي وميسون
35/ عاطف برهان وحنان مكي
36/ عصام برهان طب و حنان بابكر زراعة
37/ سيف كركساوى زراعة و ايمان النصرى زراعة
38/ رفعت نورالدين زراعة و اشراقة الشافعى زراعة
39/ الطيب رجب زراعة و احلام وداعة زراعة
40/ عادل عزت و ســلوى اداب
|
Post: #27
Title: Re: هذا المنبر (ناس الزقازيق)
Author: محمد عيد
Date: 12-29-2009, 09:59 AM
Parent: #26
up
up
معذرة لاجراء بعض التجارب ..!!
هل تعرف ماهى الفئران ؟؟ جاوب ولك جائزة ...!!!!
|
Post: #28
Title: Re: هذا المنبر (ناس الزقازيق)
Author: زهير الزناتي
Date: 12-29-2009, 10:22 AM
Parent: #27
يا عيد ما لقيت إلا تجرب في بوستي ده ... اها ورينا جربت شنو ... أوعي تكون عملت تجربة لعبد الكريم النفطي .... الله قادر
|
Post: #29
Title: Re: هذا المنبر (ناس الزقازيق)
Author: محمد عيد
Date: 12-29-2009, 10:33 AM
Parent: #28
زهير .. قبل كم يوم اتداخلت فى البوست ده
وقلت أحركه شوية ..
ونزلت لستة عرسان الزقازيق ..
لكن ما فى زول اشتغل بيهو ..
الليلة عندى شوية تجارب كده عشان التسجيلات الشتوية
قلت احسن مكان نلبد فيهو نجرب بى راحتنا بدل ما واحد يجى ناطى ليك ...
امبارح بالليل الساعة 3 كنت داير أجرب فى البوست العام ..
لقيت طارق جبريل حايم ...
بينى وبينك خفت على تجاربى من الشليــخ اللا ورا ..!!
|
|