مرحبتين حباب الزقازيقي الجدع .. الزميل / زهير الزناتي

و زهير الزناتي ... لمن لا يعرفونه .. زميل رائع من الزمن الجميل .. زول جدع و أخو أخوان بمعنى الكلمة ..
عهدناه كادراً مصادماً قدمته .. الجبهة الديمقراطية .. فكأني أراه يبتدر دخوله لهذا المنبر كما عودنا في أركان النقاش ..

غني يا خرطوم و غني ..
شدي أوتار المغني ..
ضوي من جبهة شهيدك ..
أمسياتك و أطمئني ..
ما نحنا منك ريح و هبت ..
نار و شبت ..
في وجوه الخانوا إسمك ..
يا ..
جمييلة ..

الزملاء و الزميلات .. مساء الخير ..

فمرحبتين حباب الزميل الرائع / زهير الزناتي .. و رحبوا به معي ..

الف الف مرحب يا زهير


شكرا ليك استاذ عصام


نطمع في احمد عمر

وياسر السراج

ولا اقول كل الزقازيق ... اجمل ناس موش اجدع نا س

تحياتي

و شكراً لك يا ناصر يا زقازيقي يا أصيل ..

و هذا الزميل يستاهل كل خير ..

و حقاً نطمع في رائعين أمثال أحمد همر و ياسر السراج و كل الزقازيقاب ..

أجمل .. و أروع .. و أجدع .. ناس ..

ازيك يا زناتي
مرحبتين سلام

Marhaba aboazohoor

مرحب بيك زهير قلما صادعا بالحق والحقيقه ولهيبا مسلطا
علي الطفابيع وجرزان الهوس الديني الطيني.مرحب بيك وياريت تجر لينا
معاك صديقنا جمال فارح

الاسم الكامل إنسان
والشعب الطيب والديَّ
والحزب حبيبي وشرياني
أداني بطاقة شخصية
مـن غير الدنيا وقبالو
قـدامي جزاير وهمية
المهـنة بناضل وبتعلـم
تلميذ فى مدرسة الشعب
المدرسة فاتحة على الشارع
والشارع فاتح فى القلب
والقلب مساكن شعبية
وديني محل ما توديني
شرد أخواتي وأخواني
فتش أصحابه وجيرانه
خليني فى سجنك وأنساني
فى سجنك جوا زنازين
أرميني وكتف إيديَّ
علشان مستقبل إنساني
وعشان أطفالنا الجايين
والطالع ماشي الوردية
وحياة الشعب السوداني
فى وش المدفع تلقاني
قدام السونكي حتلقاني
وأنا بهتف تحت السكين
والثورة طريقي وأيامي
معدودة. وتحيا الحرية
الكلمات للرائع محجوب شريف
اولاً الشكر الكتير خالص خالص لسيد البيت الكبير بكري أبو بكر لتفضله بالإستضافة في بيته العامر ده وبعيدن شكر خاص جداً للصديق والشقيق عصام دهب علي الترحيب الحار ده وكل الناس الرحبوا بي سراً وجهراً في هذا البوست ،بعيدين الشكر للزميلين صلاح الأمين وسيف النصر محي الدين ودائماً كانوا بيلحوا علي بأستمرار لنيل عضوية سودانيز أون لاين والزول يتمني يكون إضافة حقيقية للنقاشات الجادة والموضوعية وصراحة يا جماعة المنبر أنا حاشوت مع فريقين الفريق الأول وديل أهلي وأصحابي وأصدقائي ناس الزقازيق أجدع ناس ، والفريق الثاني الناس الرائعين كل من ينادي بالحرية والديمقراطية وحقوق الإنسان وحقوق الغلابة وحق المرأة والإستنارة والعلمانية والإشنتراكية وحاقيف ضد أي زول ينادي بالعنصرية والجهوية والقبلية والظلامية أويساند الدكتاتورية ايأ كانت بعيداً عن الشتائم ، التهاتر ، التنابذ أو اي شكل من أشكال إبتذال النقاش وصرفه عن موضوعيته (عارف في ناس حا يصروا لي الكلام ده) ، وكده يبدو لي إنه الزول قدم نفسه للناس دون لبس أو ضبابية وبعيدن أي زول ما حا يرحب بي حاأصرها ليهو وباقي أنا لوام جدا .
ومودتي للجميع
وحارجع للجميع واحد واحد
عشان أشكرهم
زهير الزناتي
العضو الجديد لنج

يا سلام يا سلام يا عصام على بشارتك
زهير الزناتي إسم له (شنة و رنة ) في دنيا النضال في الزقازيق
وشخص ناصع العطاء
ألف مليون مرحب
ويا حليل مصر و أيام الناس يد واحدة لا فرق بين أمة أو اتحادي أو جبهة ديمقراطية أو مستقل أو غير منظم
سقى الله تلك الأيام و أعادها
محبتي و كل فرحتي بمقدمك أخي الحبيب
وشكري لأخي الحبيب عصام فارس النضال الزقازيقي هو الآخر

الف مرحب زهير الزناتي ..

سلام عصـام..

إن شاء الله الناس دائما تكون أخوان وأحباب ويد واحده لا فرق بين أمة أو اتحادي أو جبهة ديمقراطية أو مستقل أو كوز أو انصار سنه أو بعثي أو سانو واخوانا الجنوبيين أو غير منظم .. الخ داخل المنبر ده زقازيقيين واحباب الزقازيقيين .. وللحرية السياسية تنط الحيطه وتدخل المنبر العام

مرحب بيك يا زهير
اولا" ادينا حقنا وعوضنا عن السنين الماضية
بعدين نشوف البرنامج التانى داك ...

شكراً تاني وتالت ورابع وكمان مليون مرة لكل الرائعين
عزيزي عبد الدائم الزقازيق دي ما بنلعب فيها وحاتخدوا حقكم بالزيادة لأنه انتو اهلنا الجد الجد والزول لمن تحصل ليهو أي حاجة ويتلفت ما بيلقي إلا ناس الزقازيق الجدعان والزول ما حيقدر يوفيهم حقهم مهما قال ، بمختلف مشاربهم وميولهم السياسية والرياضية وكمان الاجتماعية وكلياتهم وأعراقهم والكلام ده أنا بقولوا دائماً إنوا ناس الزقازيق ديل كلهم صحباني حتي الكيزان وعارف في ناس ما من الزقازيق يمكن تزعل من كلامي ده لأنهم ما بيعرفوا الزقازيق وناس الزقازيق لكن حقيقة الزقازيق دي حاجة تانية خالص ولو شفت الرحلة الفاتت اللمت الناس كلها وقاعدين يتونسوا ويهظروا مع بعض في شوق عجيب كيزان وشيوعيون واتحاديين وأنصار سنة وحزب أمة ومستقلين ومحايدين وناس ما عندهم ميول سياسية دي مدرسة الزقازيق العلمتنا إنه الخلاف السياسي ما خلاف شخصي وفي النهاية الناس كلها عايزة مصلحة البلد وأكيد كانت في حاجات بتحصل هنا وهناك وبعض التجاوزات والمساحنات وده شي طبيعي واحسن الكلام ده نخليهوا بيغادي في بيتنا (ناس الزقازيق أجدع ناس) عشان ناخد راحتنا لك ودي

مني خوجلي إزيك الواحد يشكرك جداً علي الترحاب الحار والمزدوج ده ،رغم إنه الزول ما قابلك قبال ده لكن حقيقي الواحد زي بيعرفك ليهو مليون سنة ، ومتابعك خالص خالص والزول بيتفق معاك في حاجات كثيرة يعني ما برنامج الحد الأدني ، وبدعم كل قضاياك وبشدة وأخديها مني دعم لا محدود وحاتكون بيناتنا نقاشات كثيرة بس الله يجيب الفضوة وروقة البال تحياتي لك مرة أخري ولك الأسرة .

الحبيبة لنا مهدي وكل الأحباب في حزب الأمة (لأنه بعتبر الترحيب ده إضافة لأنه شخصي برضو حزبي)
شكراً جزيلاً جزيلا جزيلا وشايف برضو ناس الإتحادي ممثلين في عصام دهب رحبوا بي لكن ما وضحوا ياتو جناح عموماً أنا تحية عصام دهب بعتبرها من كل الحركة الإتحادية لأنها جاية من زول في حجم عصام دهب (ما الحجم الجسماني يا سمؤال أبو سن) وبرضو يا لنا مهدي تحيتك لأنها جات منك قبلناها من كل ناس حزب الأمة بمختلف فصائلهم لانه بعتبرهم كلهم ناس وطنيين وعليك الله خلجتيني عديل كده بإطراءك ده وحقيقي الزول ما بستحقوا بس ده من كرم أصلك ومعدنك الجميل ، ويا حليل أيام مصر والزقازيق الجمعتنا بناس رائعيين كاملي الروعة وعليك الله يا لنا نسيتي الكيزان صحباني في تحينك ليه ، وعبرك عايز أرسل زي مليون تحية للأحباب في حزب الأمة في كل الدنيا الأصدقاء الجميلين صلاح جلال واسرته والصادق ابو سكين ونسيبناالهادي وزوجته الرائعة كوثر داوءد والمكاشفي وصديق محمد موسي وكل الأعزاء ولكل كل مودتي وحبي

العزيز هشام عثمان
الف تحية وتحية
إنشاء الله نكون عند حسن الظن وكلنا عشان الوطن
وبعدين صاحبي ده قبال كلامك ده بدقائق كان معاي والله جمال فارح ده تاني كراكة ما تجروا يا خي ده بقي بتاع سوق ساكت نسي كل الحاجات الحلوة والرائعة والشعر والأدب والثورة يعني رجل أعمال وبس ودي ذاتها نص نص وبعدين هو ذاته لسه أمي في الكمبيوتر قبل أيام جاب ليهو لاب توب عذبني عذاب كل مرة يضرب لي ياخي عايز العربي يا خي ما عارف عايز شنو غايتو أقترح عليك تعمل ليك نداء أنقذوا جمال فارح من حفرتيه

الصادق عبد الله يا جميل
أشكرك علي الترحاب وكمان نحن نرحب بيك في السودان الشقيق أيما ترحيب بس عليك الله حاول تجي سريع عشان تحصل معانا عرس عشي والجلسة الزقازيقية التاريخية القادمةيوم 2/7/2007

طارق جبريل وناصر جبريل ياخي احبكم عديل كده شنو البهاء والجمال ده ما شاء الله عيني باردة عليكم والله الزول دائما في ناس لمن تجي سيرتهم يحس بسعادة ويفتخر إنه يعرفهم لأنهم كاملي الإنسانية وكفي . ويشكر الأقدار والأيام العرفتها بيكم ، شكراً أصدقائي شكراً أحبائي ويا ناصر جبريل الواحد ليهو زي مليون سنة كده ما شافك عليك الله الصور دي قديمة وله حديثة

الأخ الرائع زهير الزناتي

ألف ألف مرحب بيك
والله جيت في الوقت المناسب... منتظرين منك الكتير هنا وهناك
وكلامك عن أهل الزقازيق كلام مليان وفيهو شئ كتير (على رأي د. عشري)

ويا عصام دهب دائما سابق الكل في الخيرات... الله يوفقك إلى ما يحب ويرضى

يا هلا بيك يا زهير

سعيدين بالطلة

عصام
ياجميل
ومرحب بالزقازيقى الجميل زهير
وحيدر حنين من فات اليابان بقى ماجميل
لكم عبق التحايا
مجدى---بنها- سابقا

شكرا أصدقائي الأعزاء
شكراًُ حيدر حنين البقي ما حنين
شكراًُُ الزقازيقي الرائع مجدي الماحي لأنو كل ناس بنها زقازيقيين هوي وإنتماء
شكراُ الشفيف سامي عبد الوهاب كيفن حالك والوليدات تحياني ليهم كلهم
شكراُ للجميع

مبروك لكل ناس الزقازيق

وبصورة خاصة

للاخوة الرائعين


زهير الزناتي وطارق جبريل وعصام دهب




وانا من ناس عين شمس وانتو اقرب شئ لقلبي



ويا ناصر جبريل لو انت منتسب للزقازيقاب بواسطة طارق انا معاك طوالي

حبابك ما غريب الدار
وماك لي حقنا الودار
دي ما بتاعت مايو
أخي لقد تعاظمت مسئولياتك ولكنك قدرها والله
وهاك أيدينا معاك سند وعضد
ويلا أجدع
فلقد عرفناك وأنت تحمل الهم بكافة أنواعه
تتواصل مع الجميع بلا تفرقة
وتتفقد الغائب
وتفتش الطاشي ترجعوا البيت
وتمنح من زمنك ساعات للتواصل والعطاء لم تكل أو تمل وحتى الحدود الجغرافية
كانت أمام صولاتك وجولاتك أوهن من خيط العنكبوت
فمعرفتي بك
عنوان للثقة والأدب
والتسامي والشفافية والإبداع
عرفتك مناضلا جسورا
وقلم غير محدود الإبداع
وسماحة
جملت وجوهنا جميعا
فدعنا نفتخر بإنتمائك
إلينا زقازقيا أصيلا
فلك ودي وتقديري