شـخـصـك رائـــع

وقفت صورتك
رسمت مدخل
وسط الشارع
صحت ارصفتك
قالت ونادت
فجراً طالع
صوتك فارق
ما بدوزن
فرقك شاسع
حتى الكلمة
مرة تهاجم
ومرة تدافع
ما خليتي
خط للرجعة
ردك قاطع
ما بتستني
بكرة وصولنا
صمتك رادع
وما بنتقرب
نحن في لحظة
نظرك خادع
لا بيقرانا
ولا بيفهمنا
حقو نقاطع
حتى كلامنا
الكنا نقولو
منك ضايع
وين ارصفتك
الكنا نجيها
وتبكي مدامع
ولما تسالمي
ريدك بيظهر
ويصبح شايع
تضحكي انت
نلقي قليبك
فيهو ودائع
باقي محنة
هي في طبعو
ماهو مخادع
ونحن عشانك
لا بنتغير
ولا بنراجع
انت الاول
وبرضو التاني
وثالث ورابع
وما حنسيبك
لأنو حقيقة
شخصك رائع

مثل هذا الكلام الرائع يجعلنا نعض اصبعنا ندما على كل لحظة جميله ، وكل بوست شتيمه أورد على ظلم من أحد (المتثقافين) الذين يضيعون زمن الأعضاء المبدعين الجادين

الاخ تاج السر

لك الكر وانت تطل من خلال هذا البوست مبديا رايك القيم

ارجو ان اكون بقدر مبادئ هذا البورد

و لنعمل جميعا على خلق بورد سالم معافى من كل نميمة وحقد وحسد

وحضورٌ آخر ؟

يااااااااه

جعلتني كلماتك يا أستاذي الفاضل أتخبط رأياً ..
فيهاوطن مفقود
فيها حبيبة تمردت
فيها مدينة جاء عليهاالدخلاء
فيها ملمح مسرح نابض
فيها .. وفيها .. وفيها

لكم أخذت منك درساً

ولك وافر التقدير

جمال السنوسى

Quote: وما حنسيبك لأنو حقيقة شخصك رائع

لا اجد غير هذه الحروف لاعبر لك عن الثناء والاستراحة على بتلات الحروف
تحياتى

Quote: انت الاول وبرضو التاني وثالث ورابع وما حنسيبك لأنو حقيقة شخصك رائع

جمال السنوسي ماهذا
الجمال يا جمال
تقولي لي حتقري
قرائة شنوا البقراها
امام العمالقه نحن
نجيد فن الاستماع
اشكرك على اجابة الدعوه
في الكتابه وفي انتظار اجابة
الدعوه الثانيه وانت الاول وبرضوا
الثاني وما حنسيبك لانوحقيقه شخصك رائع
لك التحيه والاحترام ايها الرائع

العزيزة عبير خيري

نثر عبيرك في هذه المساحة يجسد معاني عظيمة للتواصل عن طريق المفردة المقروءة والتي تتحرك بيننا لتأخذ أبعادها الحسية الجميلة

شكرا لك على هذه الاحاسيس


بلدي يا حبوب

واي بلد يبقالنا وطن غير هذا البورد الذي جمعنا من الشتات في جواز سفر واحد نرتمي في احضانه عندما نتعب ونرتاح عندمانلتقي الاحوان والاحباب والاصدقاء
لك الشكر مع الوعد ان يبقى بلدنا هذا حبوبا على الدوام


الرائعة مها

تواضعك الجميل يزيدك رفعة كل مرة
وشكرا على هذا التواصل
ولكن ارجو ان نستمع اليك
فيكفينا ظلما ان
نعتقل نساءنا في جوانتنامو المطبخ
ونترك لأنفسنا حرية التسكع بين القوافي

وانا والجميع في الانتظار

.
.

[qb]

الأخ جمال

غافية تُبهر وتسحر
وتُجرى مدامع
حرفك بلسم يضوي بريقا
نجما لامع
ينطق صدقا يلامس قلبا
غير مخادع
اكتب واكتب ستجدني دوما
ليك متابع
اقولهاعلناًً وباحساس صادق
من قلبى نابع



ولك تحيات ود الشيخ


[/qb]

الأخ جمال
حقيقة إنت أيضاً شخصك رائع ، وإن كان يعيب عليك غيابك عن الساحة لفترات أحسب أنها قهرية وأتمنى أن تزول لتتحفنا بمثل هذه الروائع أيها الشخص الرائع.

العزيز جمال..

نحتاج لروعة وجمال في هذا الوطن..

رجاء لا تغب..

كلامك رائع جد

بامسيكا

الروعة تبدو في توقيعك بالمرور

ودايما انت رائع



جمال

جمال السنوسي

Quote: ونحن عشانك لا بنتغير ولا بنراجع انت الاول وبرضو التاني وثالث ورابع وما حنسيبك لأنو حقيقة شخصك رائع

الرائع هو جمال السنوسي يديك العافية يا أبو الجيم