Post: #1
Title: تــواصل .... في الزمن الفاصل !!
Author: جمال السنوسي
Date: 07-07-2004, 12:36 PM
Parent: #0
. . [qb]
يا شــوق مـتـواصـل
بين أحضان الذكرى الباقية
وبين أقدار الزمن الفاصل
دنيا أحلامك ماهي غريبة
خلّي سنينك تبقى قريبة
قرب النبض للشوق الحاصل
شوف أحلامك كيف وردية
وكل أحلامك عيشة هنية
وصفا أيام وريد متكامل
سافر أمشي وأرجع تاني
قيس الريد الفيك جوّاني
إنت بتعرف ليه متجاهل
آخر مرة زرتك فيها
شفت النظرة الطليت بيها
أصلو عيونك ما بتجامل
كنت بتحكي عن أيامك
ونار أشواق بتزيد آلامك
ومهما تسامح ماك متساهل
ما تتألم من أشــواقك
بكره العيد بيفتح أبوابك
فرّّح قلبك وكون متفائل
أقرأ وأسمع كتابة صوتك
عيش الريدة قبل تفوتك
ما ظن يعني تكون متغافل
ولو حاولت تبدد حيرتك
شوفا عيوني حتعرف قيمتك
إنت بتعرف ليه بتجادل
مرة أقيف وشوف اللهفة
البين الموجة ورمال الضفة
إيد بتسلّم وعيون بتغازل
بيني وبينك حكاية ريدة
في العشاق حالة فريدة
أحلى قصيدة عشق متبادل
أرجع تاني وعيد أعيادك
وشوف الدنيا من ميلادك
تلقى قليبي معاك متزامل
بيغني معاك أحلى أغاني
وكل أحلامو تبقى أماني
يلقى معاك الريد الكامل
ولمّا تغيب بسأَل عنّك
كل الدنيا وأبدّد ظنّك
حتى بتابع الطير الراحل
وحتى الضل الكان بجمعنا
ولمّا بنمشي كان بتبعــنـا
حتى مشينا كان متكاسل
ولمّا تحاكم قلبي وقلبك
خت في بالك إني بحبك
وبرضى معاك الحكم العادل
....
...
.
جــمــال
[/qb]
|
Post: #2
Title: Re: تــواصل .... في الزمن الفاصل !!
Author: جمال السنوسي
Date: 07-08-2004, 05:51 AM
Parent: #1
...
..
.
|
Post: #3
Title: Re: تــواصل .... في الزمن الفاصل !!
Author: ود الشيخ
Date: 07-08-2004, 09:56 AM
Parent: #1
أأأأأخ يا جمال فات الخيال
ووصفك يا جميل وصل حد الكمال
اعذرني يا سيدي لو قلبي عليك مال
لو حرفك لامس قلبي وسرح وجال
سلام عليك يارقيق يارهيف الكلمة
يا حلو الكلام وصادق سهل الوصال
صدقني ما بجاملك لكن كل حرف بتكتبو ببغر منك عليه
وكل ما تكتب يلامس شيئاً خبئ في نفسي واصل يا جمال
ود الشيخ
|
Post: #4
Title: Re: تــواصل .... في الزمن الفاصل !!
Author: جمال السنوسي
Date: 07-09-2004, 09:30 AM
Parent: #3
ود الشيخ العزيز
صدقني مرورك واطلالتك الجميلة على هذه البوستات يسعدني كثيرا
ويا ريت اقدر اكون دايما عند حسن ظنك
ودي خربشات غربة بدت ليها سنين ومتين تنتهي ما عارفين
والله يرجعنا لبلدنا الحبيب عشان نلاقي أهلنا واحبابنا
لك الود كله
جمال
|
Post: #5
Title: Re: تــواصل .... في الزمن الفاصل !!
Author: noha_g
Date: 07-09-2004, 12:32 PM
Parent: #1
جمال
كيفك
و مضى زمن طويل منذ أن تواصلنا بالحروف
و تبقى كلماتك مدسوسة بين الحلم و اجميل اللقاء
لكن قل لي
أحلام بالريد الكامل
إذن ماذا بقي عندما يكتمل الريد؟؟؟
دع لنا مساحة من الفوضى و النقصان ليتدفق النهر بلا انقطاع
تسلم
|
Post: #6
Title: Re: تــواصل .... في الزمن الفاصل !!
Author: جمال السنوسي
Date: 07-10-2004, 01:25 AM
Parent: #5
د. نهى (العروس)
أعلم جيدا أنك (عقدتي ) العزم
الف مبروك
ومرحب بك وانت تعلنين هذه الفوضى العشقية المستدامة
ولكن تصبح كلها احلام وفوضى ووعود واحترام
و (احترامي ليك من صميم قلبي غير ما تشعر)
جمال
|
Post: #7
Title: Re: تــواصل .... في الزمن الفاصل !!
Author: الطيب برير يوسف
Date: 07-10-2004, 05:37 AM
Parent: #1
Quote: يا شــوق مـتـواصـل
بين أحضان الذكرى الباقية
وبين أقدار الزمن الفاصل |
جميل يا ولد أن تتسلق فاصل الزمن
وحائط الذكري ببهاء (الشوق المتواصل)
واصل
|
Post: #8
Title: Re: تــواصل .... في الزمن الفاصل !!
Author: جمال السنوسي
Date: 07-11-2004, 02:47 AM
Parent: #7
طيبنا الطيب
نثر طيبك (بكسر الطاء) في هذه البوست يسعدني كثيرأ
وليتك يا صديقي تنثر طيبك الحرفي لتعطر صفحات هذه البورد
لك التحية
|
Post: #9
Title: Re: تــواصل .... في الزمن الفاصل !!
Author: maha abdella
Date: 07-13-2004, 06:51 AM
Parent: #1
قواعد البهاء تفرض أن يكون الـ(جمال) عالياً
لأجل أنسنة الوجود
إذن فهذا البوست فوووووووووق
|
|