Post: #1
Title: بـســمـة عـيـونـك ... (عيدية هدية للموصلي والجميع)
Author: جمال السنوسي
Date: 11-09-2005, 08:13 AM
FONT size="8"> STYLE=bold)>
بسمة عيونك
نشفت ريق القلم
وحركت وتر العشم
زي ليل مستف بالنجوم
والقمرة تسرح في العتم
والباقي في جوف القلب
باين ظهر
فيك اترسم
بسمة عيونك
طوعت ليل الخريف
و الغيم ملبد في السما
وشعاع فرح ممتد كثيف
ونخيل مجرتق في العصير
رفع الجريد شبال خفيف
حتى النسيم جنبك مشى
عبرالطريق والضل وريف
والريد بينبض في الضلوع
شايل العشق قليب رهيف
بسمة عيونك
جلسة سمر
وكلام غزل
ومسافر لسع ما وصل
تاهت خطاه في القلوب
واصبح يشاور للخصل
واقف يتاوق للقمر
يسأل عيونو عن الحصل
بسم القمر
اصلو القمر
طلع السما وما نزل
بسمة عيونك
لونت طيف التهاني
وفسرت كل المعاني
من براءات الطفولة
وقصة الشوق والاماني
وبينت حبي الحقيقي
لي عشق صادق اولاني
بسمة عيونك
لو حصل فكرت فيها
بلقاها دايماً مفسراني
..
...
..
جمال السنوسي
|
|