إلــيــك .... مع خالـص مــودتـي !!

وأخيراً
إلتقينا
بعد زمن طويل
عيناك كما هما
متوهجتان دوماً
برغم تراكم الاحزان فيهما
تجهشين بالضحك عندما تحزنين
وتتوقف أبتسامتك دقيقة صمت واحدة
على أمانيك الجميلة
وأحلامك الرائعة
أنت هكذا منذ أن عرفتك
(تسونامي) من الأشواق
يلجمه ذكاؤك المتقد
ويمنعه من السير بأتجاه الريح
حاضرة عند كل سؤال
تتداخل ( الخطوط) أمامك
فترتمين في أحضان القدر
لتتبيني مشوار حياتك
قوة شخصيتك في ضعفها
وضعفها من قوتها
ما زلت تحتفظين برباطة جأشك
برغم الصعاب التي تواجهينها
أهتماماتك نادرة في هذا الزمان
تقرأين لتكتبي
وتكتبين لنقرأ
تدثر حروفك بعبير الفكرة
وتتوشح بصدق الاحساس
وعندما تشرق شمس كل يوم
تنحدر الظلال
من تلال المعرفة
إلى أودية الحروف
لتسطري الإبداع
عبر أناملك الرقيقة
كم هو جميل لقاؤنا
وكم هي عظيمة هذه الاقدار
التي جمعتنا يوماً ما

ولكني وبكل صراحة

عندما وجدتك

قررت الرحيل

منك ....

وإليك
......
....
....
...
..
.
جمال السنوسي

كلمات جميلة وأنيقة

استمتعت بالقراءة مرات ومرات










هل من مزيد؟؟؟؟

العزيزة إنعام


الجميل والأنيق هو مروركم وتوقيعكم الذي يضفي الجمال على هذه الحروف
ليس المهم أن نكتب
ولكن المهم أن نصدق الكتابة
لتصل لكل القلوب

وشكراً

جمال

اذيك وكيفك احبارك
طبعا من لقيت اسمك جيت طايره

كل سنه وانت طيب

كلامك الفوق جميل واضح منه انك غاطس لى اضنينك الاتنين
انشالله السنه الجايه ربنا يحقق ليك كل امانيك

يا الله

ماجدة عوض خوجلي

ومعانا هنا

دي تباشير عام خير وبركة

ازيك يا ماجدة وكيف عاملة وكيف عاصمة الضباب معاك وباقي الاسرة وسمير (عمي الراجل)

بالجد انا مبسوط انك هنا
وبعدين أحباري (كتبتيها بالحاء وليس بالخاء - كيف أحبارك- راجعي مداخلتك)
أحباري كويسة شايل قلمي بكتب طوالي قبال ما أحباري تجف

أما إذا قاصدة وطبعاً بالتأكيد (أخباري) : نحن في الإنتظار لا أدري هل ننتظر الوطن أم الوطن ينتظرنا ، ولكن بالتأكيد لحظات ونواصل المسلسل

Quote: كم هو جميل لقاؤنا وكم هي عظيمة هذه الاقدار التي جمعتنا يوماً ما

أبن عمي وصديقي الحميم .. جيمي

كل عام وانت بالف خير وهذا العام انت والاهل طيبون ..

شنو يا اخوي قاطع اخبارك .. لقيت الثمينة ولا شنو

والله ليك وحشة .. حاول اتذكرنا بمس كول انشاء الله

على الرقم المجاني وكمان ارجو المداومة على الكتابة

ما تخليك بخيل يا زول .. انا اعرف عندك الكثير في الخاطر

لك خالص الود والتحية على هذه الخاطرة والاستراحة الرائعة التي اتحفتنا بها



مع خالص مودتي .. واليك .. ارسل كثير حبي

وليد الحبيب

والقريب

كل سنة وانت والجميع بخير

والسنو الجاية ربنا يحقق امانيكم

اخباركم شنو

ما قاطعين لكن الشغل بقى اكثر من كل شيء

ما بعاتبك ما بلومك


مليون بوسة للامورة (أيمان)

Quote: ولكني وبكل صراحة عندما وجدتك قررت الرحيل منك .... وإليك

كلمات جميلة

جمال سلام

عارف انا مافى حاجه ممغصانى وكل يوم بتفصلنى عنه الا اخباره المابتسر عدو ولاحبيب انابسالك عن احبارك انت وبعدين اها انت كتبتها ليك تانى برضو ذى الاولى علشان ماتزعل المشكله انو الكى بورد بتاعى انجليزى بس وانا لسه ماميه ميه فى حفظ محل الحروف العربيه

عليك الله ياجمال وين الباقين وعاملين كيف

اناقابلت فيصل محمد صالح عدة مرات قابلتو فى كمبالا مرتين وفى لندن وفى اسمرا قابلت هاشم كرار والفاضل كباشى ومحمدالحسن مصطفى طبعا قابلتو كتير وبرضو فيصل الباقر ومرتضى الغالى

نجوى حسين معانا هنا وشرف يسين وشريف يسين شاديه حامد وكمال السر فى البحرين وين جمال عدوى وعثمان عابدين وعوض الكريم والله خسارة الناس تتشتت كده

اتصل ورينا الخيبرات