لكن ممكن بالسمع بس اقول : مها عبدالعزيز دي اقوى واخطر صوت غنائي نسائي مر على السودان
وما عارف زي قبل كده قدمها بشير عباس في التلفزيون في حلقة عن البلابل وما عارف هي دي واللا ما هي
بالله يا ناس ورونا دي هي واللا ما هي
ونزلوا لينا الاغنية يا ناس
تحياتي نازر تاني وخليك معانا
Post: #4 Title: Re: يا أخوانا : مـهـا عـبـد الـعـزيـز ...... خـلـوهـا تـخـتـار الـطـريـق Author: ناذر محمد الخليفة Date: 11-22-2007, 06:56 PM Parent: #1
جمال ....
Quote: وما عارف زي قبل كده قدمها بشير عباس في التلفزيون في حلقة عن البلابل وما عارف هي دي واللا ما هي
يا هي زااتا ....
بس المشكلة إنو طريقة تقديم بشير عباس ليها في الساحة كان خاطئ تماماً ...
بشير عباس قدمها وهي بتغني أغنيات البلابل وأنا شاهدت جميع الحلقات وكان في ضعف واضح في محاولة تلقين بشير لي مها عشان تودي أغنيات البلابل بي طريقتا ... وفي بعض المقاطع فشلت مها تماما لدرجة أن صوتها بح أو حدث له ما يشبه الصراخ عند محاولة تقليد بعض الكوبليهات والسلالم الحادة التي كان البلابل يأدوها مجتمعات بحرفية عالية وبإرتياح شديد ...
صنفرة :
مها عبد العزيز صوت قوي ما في ذلك شك ولكن محاولة فرضها من بشير عباس كـ بديل للبلابل أثبت فشله تماماً وكان خطأ لا يغتفر يتحمله بشير عباس لوحده ..
كان المفروض من بشير عباس يسمع صوت مها ويشوف امكانياتها الصوتيه حدها وين وكان ممكن تكون نقلة نوعية تحسب له بدلا من تقديمها بجلابية غنا جاهزة ومسموعة للناس ويبدوا الناس يقولوا بتغني زي البلابل وعشان مها تنجح تغني غنا البلابل وبس
مها دي موهبة تانية وصوت مميز وفي تقديري لو لقت اهتمام من الموسيقيين والملحنيين (بدون حسد) سوف تتربع على عرش الغناء النسائي السوداني بدون جدال
عشان فيها تطريب عالي وخروج من قالب البلابل الى قالب جديد لهذا الصوت القوي
ننتظر الاغنية وما زلنا ننتظر
(الاغنية المقصودة فيها مقطع - خلوها تختار الطريق)
حبي وتقديري لك بشرى
Post: #9 Title: Re: يا أخوانا : مـهـا عـبـد الـعـزيـز ...... خـلـوهـا تـخـتـار الـطـريـق Author: عبد الدائم سيد أحمد Date: 12-01-2007, 11:28 AM Parent: #1
Quote: مها عبدالعزيز دي اقوى واخطر صوت غنائي نسائي مر على السودان
دى بالغت فيها يا جمال هى حقيقة صوتها جميل بس مش للدرجة دى ممكن تقارنها بفنانات الجيل الحالي وبعدين جابوها كتير فى التلفزيون وعلى فترات متقطعة
وفى الحلقة اللى مع بشير عباس غنت نحييك كويس لان الاغنية خفيفة لكين لما جاء الاختبار الحقيقى فى اغنية موجة ( للبلابل ) اتسمرت وما قدرت تغنيها لا بصوتها ولا بطريقة البلابل .
انت هسه لو ادوك جلابية ما مقاسك ( صغيرة أو كبيرة) وقالوا ليك ألبسها واظهر بيها قدام الناس
في الحالتين الصغيرة والكبيرة ما بتكون مظبوطة
عشان كده بتمشي الترزي ويقوم يفصل ليك جلابية على مقاسك
وانا هنا بضرب مثل بس
عشان كده لما بشير عباس لحن للبلابل قدر يعرف اولا امكانياتهم الصوتية وبعدين فصل ليهم الالحان وده ما معناهو انه اي زول لازم يغني زي ماغنوا البلابل
وبرضوا عشان كده انا بقول ليك انت ما سمعت اغنية مها عبد العزيز الخاصة في التلفزيون
ياخي مها دي طلعت بي صوتها في الاغنية طلعات زي ويتني هيوستن المغنية الامريكية الشهيرة
و انا في راي انه مها دي اقوى صوت نسائي غنائي الآن
ومنتظر زول يجيب لينا الغنية دي هنا وتسمعها
طبعا انا برضوا بأكد ان لكل فنان طابعه وتميزه وخصوصياته الصوتية التي تضيف له امام معجبيه ولخارطة الفن السوداني
واقول ليك يا عبد الدائم بالواضح كده لو بشير عباس ما لقى في مهاعبد العزيز دي حاجة محتلفة ما كان قعد معاها وقدمها في التلفزيون لانه بي صراحة ما ممكن بشير عباس بعد العمر ده يجي يرجع تجربة البلابل تاني من جديد
تحياتي
Post: #11 Title: Re: يا أخوانا : مـهـا عـبـد الـعـزيـز ...... خـلـوهـا تـخـتـار الـطـريـق Author: عبد الدائم سيد أحمد Date: 12-01-2007, 12:25 PM Parent: #1
كلامك سليم يا جمال بس المفروض اى فنان يحب يقلد يعرف اولا" امكانياتو الصوتية ، وهل الاغنية دى مناسبة معاهو ولا لا وكفاية الخرمجة والبشتنة اللى عملها محمود عبدالعزيز فى اغنية نور بيتنا اللى بتبث فى قناة النيل الازرق رغم انو فنان وصوتو قوي وجميل لكن الاداء كان ردي جدا"