نداء لرابطة أبناء الصحافة بالرياض :تعالوا نكرم مدير هارموني/ معتصم الجعيلي (خلال زيارته للرياض)

أحبائي واخواني أبناء منطقة الصحافة بالرياض


يصل خلال الايام القادمة لمدينة الرياض الاستاذ/ معتصم الجعيلي مدير قناة هارموني في زيارة للسعودية لعدة أيام

ومعتصم الجعيلي بما قدمه لنا من مجهود كبير تجسده لنا فكرة قناة هارموني التي ولدت عملاقة و (بأسنانها كما يفولون) واخذت مقعدا وثيرا داخل كل بيت سوداني وغير سوداني بما تقدمه من ثقافة سودانية جادة تعكس الوجه الحقيقي لسودان التعدد العرقي والجهوي وتمازج بين كل السحنات والقبليات لتنتج لنا فنا سودانيا يضم الجميع في بوتقة المليون ميل مربع

رجل مثل / معتصم الجعيلي يحتاج منا التكريم والاحتفاء به

نداء لكل ابناء الصحافة يالرياض لأعداد حفل كبير لهذا الرجل

وأخص بالنداء اعضاء البورد هاشم خلف الله وعلاءالدين حيمورة لينقل ذلك لادارة الرابطة





جمال السنوسي

وكمان أمير الجمري

أمير قلوب اهل الصحافة

قوية دي ياجمال ياسنوسي

الرجل فعلا جميل وقدم الجميل لنا أستاذ معتصم الجعيلي أخذ بقناة هارموني ركن أصيل في الفضاء الواسع بتميز القناة مزيد من الجيد معتصم وفريق عمله.

،،،،أبوقصى،،،،

يستاهل

الزول الجميل / جمال

اهلا بالاخ الجعيلي في الصحافة فهي موطن الابداع وتفتح زراعيها لكل مبدع والاخ معتصم الجعيلي ليس غريبا ..

اهلا به وسف نبدأ الاستعدادات لاستقبال يليق ومكانته ..

شكرا جمال وخلينا على اتصال للتنسيق ..

ألأخ/جمال

شكرآ للتنويه..وأولاد الصحافة حسب علمى بيهم..بحتفلوا بكا ماهو راقى وجميل..ومعتصم الجعيلى يستاهل..

Quote: اهلا بالاخ الجعيلي في الصحافة فهي موطن الابداع وتفتح زراعيها لكل مبدع والاخ معتصم الجعيلي ليس غريبا

مبدع ويستاهل كل خير.........

إسماعيل محمد احمد عباس......

تخريمة:

أنا أمدرمانى..مغرم بعشق رابطة أبنا الصحافة للحب والجمال وألأبداع...وإنتمائي لهم فخرى..

مجدي فضل

القلب النابض لبورداب جدة

ولسه القويات كتار

بس انت خليك قريب


جمال

انا يا جماعة برضو ماشي الليلة الرياض بالله ما تنسوناوكدى.

صالح عبده

هذا الرجل ( معتصم الجعيلي) يستاهل الكثير

هذا الرجل يعمل لكل السودانيين داخل وخارج الوطن وبمختلف سحناتهم وعرقياتهم بعيدا عن النزاعات والخلافات والحروب

هذا الرجل اوجد لنا قناة سودانية مية في المية

يستاهل التكريم على اقل تقدير


جمال

ونحن بدينا الاستعداد لبرنامج حافل للاخ معتصم ..

ربنا يوصلو لينا بالسلامة

الرجل الجميل
معتصم الجعيلي
الفنان الذي يوثق ويحفظ تراث الأمة
حمل للعالم فننا الراق من رقص وغناء
وموسيقى تراثية وشعبية
هذا رجل يستحق التكريم والأحتفاء
ومعكم في هذا الأحتفال المموسق

دمتم للفنون

علاء حيمورة

رجل المهام المهم

كما عهدناك دائما

رجل في كل الازمان

انت واخوانك ابناء الصحافة

تلك المدينة التي جمعتنا يوما ما وللابد

لم ولن تقصروا ابدا

يقصر الملح




جمال

Quote: وكمان أمير الجمري أمير قلوب اهل الصحافة

وانا ماشايفني يعني ولا دي حقارة هلالاب ساااااكت ، أها أمير ده برضو مريخابي أصيل ... وكيه للهلالاب ....

مرحباً ومليون مرحب بالجعيل في أرض المملكة العربية السعودية .


مودتي لك وله .


عماد محمود

تسلم يا جمال وخليك على اتصال عشان نعرف المزيد



ونحن ما بنقصر ان شاء الله ...

الأخ الفاضل / جمال السنوسي
أسعد الله يومكم بكل خير
كماهو معروف عن أبناء الصحافة
هم السباقون في مثل هذه الأمور
كرموا الكثيرون ووقفوا مع الكثيرون
فهذا إن دل على شيء فإنما يدل على
أصالتهم وتكاتفهم وهويتهم السودانية الأصيلة
الصحافة كما يحلو لي تشبيهها بأنها السودان المصغر
سؤال:
((ناسيني ليه)) طيب أديتوني العضوية الفخرية دي ساكت؟
هههههييييييي كان عشان مرزوق سافر، أنا مجهز ليكم النسور يا أبوا

أهلاً بمقدم الأخ / معتصم الجعيلي والراجل إستاهل لماقدمه
وماظل يقدمه لجميع السودانيين داخل وخارج الوطن.

تحياتي وأشواقي لكم ولأبناء الصحافة أجمعين

أخوكم / عزالدين آدم علي

محمد السني دفع الله

الرجل الجميل

انت برضو تستحق التكريم والاحتفاء بك

نحن بي صراحة عايزين برضو نحتفل بيك

بس كدي انت تعال لينا عمرة او حج

وشوف الناس دي حتفرح بيك كيف


انت بس تعال والباقي علينا

ومعتصم ده زي ما شايف كل الناس بتستعد ليهو وترحب بيهو

وخليك قريب

........................................................

تسلل صريح

وين الايميل

جيمي الحبيب مشتاقين كتير والله لكن تعرف يا جيمي اخوك الأيام الفاتت دي مكروبة كربة بت لزينة
واعتذر لعدم مداخلتي في بداية البوست وارجو ان تتقبل ظروفي .
اما بالنسبة لاخونا المبدع معتصم الجعيلي فهو علي العين وعلي الراس
وحاضرين لتكريم إي مبدع من مبدعي بلادي الحبيبة .

الاخ العزيز جمال السنوسى
التحية و التقدير و الاعزاز
الاستاذ معتصم الجعيلى موهوب و فنان و له اسهامات و بصمات فى خارطة الفن السودانى و هو عصامى من الدرجة الاولى و متطور و لعل قناة هارمونى دليل واضح على ذلك و الكل يعرف انه دخل مجال الفضائيات وهو لا يمتلك الا العزيمة و الاصرار و حقق نجاحات و اشراقات لا مثيل لها . مرحبا بالزميل معتصم و نحن رهن الاشارة للمشاركة فى هذه الاحتفالية بهذا النجم الرائع . مرة احى رابطة الصحافة ولها سجل حافل بمثل هذه المبادرات . مع مودتى
معاوية التوم

هاشم الحبيب

نحن في انتظار ترتيباتكم

وتجهيزاتكم

برغم الصيفية والاجازات

لكني على يقين

بأن أبناء الصحافة غير


جمال