Post: #1
Title: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: جمال السنوسي
Date: 10-26-2008, 02:57 PM
Parent: #0
نحن المغتربين السودانيين
ملايين من الناس تركنا الوطن
وذهبنا لبلاد قريبة وبعيدة
من السعودية وحتى استراليا شرقا
ومن تشاد وحتى لوس انجلس وطوكيو غربا
وشمالا حتى موسكو
وجنوبا حتى جوهانسبيرج
يقتلنا الحنين للوطن
ونفرح كثيرا عندما تلامس عجلات الطائرة ارض المطار بالوطن
ندخل للوطن ونحلم باجازة سعيدة
ولكن
نواجه الكثير من المشاكل
التي تعكر صفونا
والتي نظن أن الجهات الرسمية لها القدرة على وضع حلول جذرية تجعل من السفر للوطن دخولا وخروجا من السهل للمواطن المغترب
لذا نفنح هذا البوست لكل المغتربين لشرح المشاكل التي تقابلهم في اجازاتهم والحلول المقترحة ( إن وجدت ) عسى أن يعلم من بيده القرار ما هي مشاكلنا وما هي حلولنا لهذا المشاكل حتى ننعم باجازات هنية سعيدة بين الاهل والاحباب
الدعوة للجميع للكتابة
جمال
|
Post: #2
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: تاج السر محمد حامد
Date: 10-26-2008, 10:12 PM
Parent: #1
أخى العزيز جمال السنوسى .. لك تحياتى وتقديرى
أما عن سؤالك المشروع أعلاه .. إذا أفترضنا وأقترحنا
الحلول .. فهل هناك من مجيب .. !!
تحياتى مرة أخرى أخى جمال .. ودمت
تاج
|
Post: #3
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: Elawad Eltayeb
Date: 10-26-2008, 10:23 PM
Parent: #2
أنا كمغترب لدي طلب واحد فقط
هو
أن تحل كل الأجهزة التي تخدمني
وتنقذني
وتتحدث بإسمي
وأن أعامل مثلي ومثل أي مواطن عادي
في الحقوق والواجبات
بس
|
Post: #4
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: على بدرى حاج
Date: 10-27-2008, 05:47 AM
Parent: #1
اطالب بالغاء تاشيرة الخروج المفروضة على شريحة المغتربين...وطبعا الغرض من هذه التاشيرة هو اجبار المغترب لزيارة جهاز المغتربين ومن ثم التسلط عليه بالجبايات والرسوم . يااخى كل الجنسيات الاخرى تدخل الى بلادها وتخرج دون ان يطالبه احد بالحصول على تاشيرة خروج من وطنها
الان الغيت الضرائب ...لماذا يجبروننا على زيارة جهاز المغتربين. لماذ لا يتم اصدار خلو طرف نهائى للذين سددوا ضرائبهم لابرازها عند ميناء السفر دون الحاجة للذهاب الى جهاز المغتربين نريد ان نتمكن من السفر مساء الاربعاء والعودة مساء الجمعة! لا اريد
|
Post: #5
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: abuguta
Date: 10-27-2008, 06:09 AM
Parent: #4
عاوزين نسافر زى الشوام
الارردنييييين السوريين المصرييييين
تاشيرة فى الميناء داخل مارق
لكن لو خلوها زى دول الخليج طفرة والله طفرة
جمال
الايام دى عاملين نفق فى حى الشفاء الرياض عشان يربطو الشارع بالدائرى
ويتخلصو من زحمة الحراج والمدارس..اسى ليه 6 شهور بحفرو فيه
صدقنى دا لما يفتتحوه رئيس بلدية ما بجى يحضر,,,لكن لو عملوه فى السودان
تلقى البشير يكبر سنة ويرقص 6 شهور
تقول لى مطالب ,بس عشان جهاز المغتربين بقى حقنا
كرار التهامى دا من الجزيرة وعضو بورد معانا
خلوه سنة سنتين عشان يتم عمارتو ليه حارمنو من اسى
مع التحية
|
Post: #6
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: محمد سنى دفع الله
Date: 10-27-2008, 06:19 AM
Parent: #5
انا كنت فاكر
فاكر اني اكبر متفائل
لكن لقيتك
انت ابو التفاؤل
متابعين معاك
نشوف اخرته
هههههههههههه
بتجيني راجع
|
Post: #7
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: جمال السنوسي
Date: 10-27-2008, 09:00 AM
Parent: #6
الاخوة المتداخلون
مرحب بيكم جميعا
يا اخوانا اتمهلوا
دي مشاكلنا ولازم نناقشها بهدوء ونضع ليها حلول مناسبة كي يصل هذا الحل لمن في يده القرار
أنا بقترح نبدأ بأول مشكلة تواجهنا جميعا وهي تأشيرة الخروج :
اتخيلوا واحد مغترب في السعودية ( لأن السعودية تتطلب من الاجنبي عمل تاشيرة خروج والآن اصبحت إلكترونية يعني انا من مكتبي في العمل بعمل تأشيرة الخروج واطبعها على ورقة واختمها بختم الشركة وامشي اسافر على طول لا جوازات لا حاجة ودي خدمة اسمها خدمة مقيم تعمل تاشيرتك من مكتبك طوالي عن طريق الانترنت الموصول بموقع وزارة الداخلية السعودية)
اهازولنا الشغال في السعودية ده جاهوا خبر بالليل يوم الأربعاء بالليل انه مثلا يعني والده اتوفى الى رحمة الله )
اها زولنا ده لو ما عندهم خدمة التأشيرة الالكترونية في مكتبهم طوالي يسوق معاهو كفيله او من يمثل هذا الكفيل ويمشي المطار وياخد تأشيرة اضطرارية ويغادر في نفس اليوم بعد ما يكون حجز في الطيارة
اها زولنا ده وصل السودان
وخلى اولاده وزوجته هنا في البيت عشان المدارس وتكلفة السفر
كلها يومين يعزي ويرجع
يومين شنو
اولا بيصل الخرطوم صباح الخميس
الجمعة اجازة رسمية
السبت برضو اجازة رسمية
يعني المغتربين بيفتح يوم الاحد
برغم ان زولنا ده مستوفي الشروط كاملة للحصول على تأشيرة سفر إلا أنه لازم يمشي المغتربين
عشان يعمل تاشيرة الخروج
اها الزول ده دافع ضرايبو كلها
وعندو اوراقو كاملة
اها يمشي المغتربين
عشان التأشيرة
يلقى نفسو مع ربكة السفر من السعودية نسى بعض الورق الضريبي في السعودية
اها يضرب تلفون لي اولاده عشان يرسلوا ليها الورق
الورق يجي بعد يوم او يومين
يرجع للمغتربين تاني
يقضي ليهو يوم كامل
وياخد الورقة البتديهو التأشيرة في المطار
اها يسافر يوم الخميس او الجمعة للسعودية
يعني يكون قضى اسبوع كامل
برغم ان اولاده توقعوا ان يحضر في خلال يومين
شوفو مشاكل الاسبوع
كيف الذهاب للمدرسة ( التوصيل ذهاب واياب)
كيف يكون الوضع لو في مستشفى وحالة طارئة بالليل
كيف وكيف وكيف
ولسه الكفيل والعمل ومعاملات الاسبوع التي توقفت وتعطلت بهعا مصالح الناس
القصة بالمختصر المفيد يا اخوانا هي :
قــيــمــة الـــزمـــن
لازم يكون عندنا قيمة للزمن لانه الزمن هو أغلى شيء في هذه الدنيا لو ما حسبت قيمة الزمن في حياتك بتخسر الكثير جدأ
اها عايزين نشوف حلولكم لهذا المشكلة الاولى وهي مشكلة تأشيرة الخروج السريعة
تسلل :
ود السني بجيك بالتلفون عديل كده خاصة بعد عمايلكم دي يا ناس الرومان
قال مدني قال
|
Post: #8
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: Mohammed Elhaj
Date: 10-27-2008, 11:31 AM
Parent: #1
تحياتي لجميع المهميتة أموالهم
Quote: أن تحل كل الأجهزة التي تخدمني
وتنقذني
وتتحدث بإسمي
وأن أعامل مثلي ومثل أي مواطن عادي
في الحقوق والواجبات
|
انتي يا جمال السنوسي بتتكلم عن | Quote: تأشيرة الخروج السريعة |
في دول بيكون الضرائب على الدخل الشخصي بتصل 55% مافي خطأ طباعي خمسة وخمسين في المية ومابل دا بيكون في البيقنع دافع الضريبة انو يدفعا، انا بس عايز افهم البدفعو أنا دا بيمشي وين؟ هل نفس المكان البتمشي فيهو قروش البترول؟
المسألة من أولا غلط وخطأ وهمتة وانت يا جمال السنوسي بتتكلم عن تأشيرة الخروج السريعة للزول الأبوهو مات؟!
|
Post: #9
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: Mohammed Elhaj
Date: 10-27-2008, 11:36 AM
Parent: #1
شكلي زعلت وأنا بكتب
سوري على الجوبقة الاملائية
|
Post: #10
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: صلاح ليون
Date: 10-27-2008, 12:01 PM
Parent: #9
فووق للفائدة
ومتابعين ونعاني من كل ما ذكر أعلاه
لكن المشكلة في حاجتين :
الأول على أن نتفق على حل/حلول معقولة
تناسب المشاكل التي ذكرت والتي ستذكر
الثانية وهي (معنون لجهاز المغتربين) دي
كيف تتحقق ، يعني نحن ما محظوظين
لدرجة إنو رئيس جهاز المغتربين يقرا
البوست ده ويقول والله كلام مقنع
فياريت تكون في طريقة أو آلية أخرى
نستطيع بها توصيل هذه الحلول إلى
جهات الاختصاص ومتخذي القرار ..
تحياتي للجميع
|
Post: #11
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: جمال السنوسي
Date: 10-27-2008, 02:45 PM
Parent: #10
مرحب بالمتداخلين
لسه منتظرين المشاكل والحلول المقترحة
من ضمن مشاكلنا في الخارج بالذات :
جــواز الــســفر
وهناتبرز 3 عناصر :
1- مدة صلاحية الجواز
2- المهنة
3- الديانة
يلا يا شباب نناقش بهدوء
|
Post: #12
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: nazar hussien
Date: 10-27-2008, 02:56 PM
Parent: #11
أنا عايز سيخ من جياد: مش جياد وطنية وأنا مواطن مغترب وأمين جهاز المغتربين
يمثل المغتربين.؟
|
Post: #13
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: Abdlaziz Eisa
Date: 10-27-2008, 05:23 PM
Parent: #12
سلام
حل كل المشاكل يكمن في حل وإلغاء شئ إسمه جهاز المغتربين
|
Post: #14
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: عبد اللطيف بكري أحمد
Date: 10-27-2008, 09:35 PM
Parent: #1
شكرا جمال على الطرح الهادف خصوصا في بداية فترة الدكتور كرار عله يحصر مافات عليه
من واقع تجربته الشخصية في الغربة:
واحد : تأشيرة الخروج ، إن كان لابد من تحديدها فيمكن إستثناء والمرافقين للوفود،،
إثنين : الخدمة الإلزامية (والله حرام ياجماعة بطاقة تتعمل في ستة ساعات لتتلف مباشرة بعد استخراجها،،
ثلاثة : الخدمة الإلزامية : والله ياجماعة حرام أدفع للخدمة الإلزامية كل سفرة 60 ألف جنيه غير التلتلة،،
اربعة : صلاحية الجواز 10 سنوات لأن كثير من سفارات العالم تربط صلاحية التأشيرات بصلاحية الجواز؛
خمسة : جواز السفر دا لازم تبدأ قراءته من اليسار حتى نأخد وقت أقل في مطارات العالم،،
ستة : جواز السفر لا يخضع للتأصيل فهو وثيقة ليقرأها الأجنبي وليس السوداني في معظم الأحيان،،
سبعة : توظيف مدخرات المغتربين في إنشاء شركة طيران عملاقة مقفلة علينا(بواقع ألف دولار تدفع على أقساط)
لخدمة المغتربين وأسرهم بتذاكر سفر مخفضة زائدا أرباح العمليات التجارية الأخرى. أو فلنقل شركة كارقو إن شاء الله،،،،
ثمانية : إنشاء صندوق قومي لحلحلة الحالات الخاصة وتيسير سفر الأسر التي ساءت ظروفها بالمهجر وغلبها السفر؛
تسعة ؛ رعاية شركات المغتربين التي نشأت مؤخرا وإعطئها أولوية في تنفيذ مشاريع الجهاز بدلا عن ترسيتها على شركات الداخل،،
عاشرا وأخيرا : تسهيل السفر إلى مدن السودان وتفعيل نقاط الجمارك والجوازات فيها لنخفف عليكم الزحام في العاصمة ونخلص كل إجراءاتنا في الأبيض، مدني ، جوبا، سنار ،كوستي ، مروي ،دنقلا ، نيالا وغيرها،،
لم أضمن طلباتي موضوع الدراسة فهو موضوع شائك يحتاج إلى مؤتمر جامع للحقانيين في السودان،،
شكرا جمال واسفي على الإطالة،،،
|
Post: #15
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: ادم الهلباوى
Date: 10-28-2008, 05:32 AM
Parent: #14
تعليم الأبناء مطلب شعبى تكفله حقوق المواطنة وحق مشروع
لو كان هنالك فرج ما فلنبدأ من هنا وإلا ما فى داعي !!
|
Post: #16
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: الحارث سرالختم عبد الله
Date: 10-28-2008, 05:47 AM
تعليم الأبناء فعلا يمثل مشكلة المشاكل وللأن لم يتم الأتفاق على أن شريحة المغتربين يعتبروا مواطنين
سودانيين ومن حق ابنائهم ان ينعموا بتعليم مماثل لمن هم بالداخل والمعالجات كثيرا ماتكون مجحفه
ولاشىء حتى يتم بالثبات ففى رأيي هذه المشكله الأم وكثيرا ماكتب عنها دكتور كرار فى يومياته بجريدة
الخرطوم والأن أعتقدانه فى موقع قد يساعد كثيرا على تغيير كثير من المفاهيم مع تمنياتى له بالتوفيق
ومن ثم تأتى المشاكل الأخرى التى فندها الأخ عبد اللطيف بكرى مع الشكر
ابو ختم
|
Post: #17
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: جمال السنوسي
Date: 10-28-2008, 03:41 PM
Parent: #16
يا جماعة
(روقوا المنقة)
خلونا ناخد مشكلة مشكلة
ونفرد الحلول ( عسى ولعل)
ونبدأ المشكلة الأولى
تأشيرة الخروج :
الحل الأول :
بما أن معلومات المغتربين محفوظة كاملة على أجهزة الكمبيوتر من ضرائب وخلافه
يجب ربط جميع هذه الكمبيوترات في داخل جهاز المغتربين مع كل السفارات والقنصليات خارج الوطن حتى يستطيع اي مغترب من أي منفذ سفر الحصول على تأشيرة الخروج بسهولة ويسر
وبعد أن نربط كل المعلومات دي في سيرفر واحد يقوم جهاز المغتربين بعمل مكاتب في كل منافذ الخروج يعين لها موظفين على مدار الساعة ورديات ( مثلها ومثل ورديات ناس الجمارك)
اها طوالي اول ما توصل المطار ( مثلا نقول مطار الخرطوم) وانت منتظر العفش
تقوم تدخل مكتب المغتربين تقدم الجواز بتاعك لتأشيرة الخروج
الموظف يدخل رقم الجواز كل المعلومات تجيهو في الشاشة
يطبع ليك ورقة بانك في السليم من كل النواحي المتعلقة بالجهاز
اها تشيل الورقة دي وتدخل طوالي المكتب المجاور وهو مكتب التأشيرة
تقعد مع الضابط
بعد أن تكون سددت الرسوم للموظف المختص
الضابط يحلف عليك تشرب حاجة
قول ليهو بس موية النيل الزرقا دي مشتاق ليها شديد
المراسلة وقت يجيب الموية
انت تكون استلمت جوازك مؤشر
طوالي علي سير العفش
تستلم عفشك من صالة الوصول
وتصل بيتكم وتاشيرة خروجك في جيبك
تقضي الخميس والجمعة مع الاهل
اها مساء الجمعة او فجر السبت تركب الطيارة
وصباح السبت انت في مكتبك
تسلل :
طبعا دي خدمة حتكون خمسة نجوم وكده فلازم يفرضوا ليها رسوم زيادة يعني الموظف المساهر ده لازم ياخد اوفرتايم عشان كده انا بقترح تكون الرسوم للتاشيرة دي 250 الف جنيه قديم
ولو ما عايز كده امشي اقيف في الصف في المغتربين وضيع وقتك هناك
اها دا حل اول لتاشيرة الخروج
ولسه في حلول تانية كثيرة
|
Post: #18
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: جمال السنوسي
Date: 10-30-2008, 04:51 PM
Parent: #17
المشاركات مطلوبة يا بورداب المغتربين
|
Post: #19
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: كمال ادريس
Date: 10-30-2008, 07:58 PM
Parent: #1
الحبيب جمال.... مشكلتي الداير اقولا اني عايز ارجع البلد وما يشعرني زول باني غريب.... بس كده
|
Post: #20
Title: Re: للمغتربين فقط : المشاكل التي تواجهكم بالوطن ومقترحاتكم للحلول ( معنون لجهاز المغتربين)
Author: جمال السنوسي
Date: 11-01-2008, 10:48 AM
Parent: #19
| Quote: الحبيب جمال.... مشكلتي الداير اقولا اني عايز ارجع البلد وما يشعرني زول باني غريب.... بس كده |
يا كمال
زي مما قال ابو الامين
إلا الغربة نتغرب
اها غريب والغربة سترة حال
مساهماتك مطلوبة
نحن في انتظارك
|
|