Post: #1
Title: الـهــلال (ب) يستنجد بريكاردو لصيانة المواسير ( حظكم يا بطيخاب)
Author: جمال السنوسي
Date: 02-28-2009, 04:00 PM
Parent: #0
بعد ان طفحت كل المواسير
وغرقت البلد
ما كان هناك حل
غير البحث عن الضحية
وكان الضحية
كروجر المسكين
جابو ليهو المواسير
وقالوا ليهو اشتغل
ولانه كروجر ده مدرب
وما بعرف السباكة
كل المواسير ضربت من اول تجربة
المواسير المحلية والاجنبية
اها الجماعة
ناسالكاش بيقلل النقاش
ماشين يجيبوا ريكاردو
يمكن يلقى ليهو جلب تقفل النقيط ده
جنس تنقيط
الخزان من 3 مباريات فقد اربع نقاط
الله يستر من الفقد الجاي
خاصة في بورتسودان
مع شقيقنا هلال الساحل
وناس بركة حي العرب
مبروك عليكم يا ناس الهلال (ب) ريكاردو
وانشاء الله يقدر يشتغل مع مواسيركم دي
|
Post: #2
Title: Re: الـهــلال (ب) يستنجد بريكاردو لصيانة المواسير ( حظكم يا بطيخاب)
Author: خالد عبد الله محمود
Date: 02-28-2009, 04:12 PM
Parent: #1
جيمي
الإسماعيلي بعد فوزه على الأهلي ما أعتقد حيفرط في ريكاردو بسهولة ..
خصوصاً و إنو كان الوحيد المصر على داريو كان رغم رفض مشجعي الإسماعيلي
و في النهاية داريو كان أثبت وجودو و كان نجم المباراة و لولاه وتكتيكات ريكاردو لما فاز الإسماعيلي ...
ريكاردو مدرب كبير و بينفع في المريخ ..
بإعتبار أنو المريخ لديه لاعبين جاهزين الآن و محتاجين لفكر تدريبي متقدم..
بس مشكلة ريكاردو أنو ما بيبني الفريق التاني و لا عندو بيهو شغلة
تشكيلة واحدة ثابتة الموسم كلــو
كروجر ده مجرد أراجوز و الجميع يعلم ذلك و لكن إصرار مزمل أبوالقاسم عليه هو ما أبقاه مدرباً الي الآن ومعلوم أن هذا الصحفي هو من يسير الأمور في النادي والوالي بس يلفح من مال الدولة و يدفع...
بالإضافة للهزة التى حدثت للهلال الموسم الماضي ولولاها لذهب كروجر حيث ذهب الجيش الجرار من المدربين الذين تفوق عليهم ريكاردو ...
|
Post: #3
Title: Re: الـهــلال (ب) يستنجد بريكاردو لصيانة المواسير ( حظكم يا بطيخاب)
Author: جمال السنوسي
Date: 02-28-2009, 04:20 PM
Quote: مي
الإسماعيلي بعد فوزه على الأهلي ما أعتقد حيفرط في ريكاردو بسهولة ..
خصوصاً و إنو كان الوحيد المصر على داريو كان رغم رفض مشجعي الإسماعيلي
و في النهاية داريو كان أثبت وجودو و كان نجم المباراة و لولاه وتكتيكات ريكاردو لما فاز الإسماعيلي ...
ريكاردو مدرب كبير و بينفع في المريخ ..
بإعتبار أنو المريخ لديه لاعبين جاهزين الآن و محتاجين لفكر تدريبي متقدم..
بس مشكلة ريكاردو أنو ما بيبني الفريق التاني و لا عندو بيهو شغلة
تشكيلة واحدة ثابتة الموسم كلــو
كروجر ده مجرد أراجوز و الجميع يعلم ذلك و لكن إصرار مزمل أبوالقاسم عليه هو ما أبقاه مدرباً الي الآن ومعلوم أن هذا الصحفي هو من يسير الأمور في النادي والوالي بس يلفح من مال الدولة و يدفع... |
عارف الجماعة ديل بيذكروني زمن الشفع
في الحوار التالي :
بابا انا عايز عجلة
ليه يا حمادة
عشان نزار ابوهو جاب ليهو عجلة
يعني اي حاجة من الهلال عندهم سمحة
وعايزنها
ويدفعوا فيها الملايين
بس شغل الاتحاد الليبي حيكسر كل المواسير
حصلهم يا ريكاردو
قبال ما السبعات تكرر وتكرر
الله يجازي اللي كان الحكم
|
Post: #4
Title: Re: الـهــلال (ب) يستنجد بريكاردو لصيانة المواسير ( حظكم يا بطيخاب)
Author: yasir Abdelgadir
Date: 02-28-2009, 04:46 PM
Parent: #3
إذا الوالي جاب ريكاردو حيثبت فعلا انو ما عندو فكر اداري ولا يوجد لديه من له فكر فني
دا مجرد تقليد اعمي لا غير
تقليد الهلال في كل شيئ ليس من سمة قياديي نادي المريخ وتمسح تاريخ نادي المريخ وجعله مثل الامعه يجري وراء كل ما يجري نحوه الهلال
حتي وارغو طلبه الوالي بأي ثمن فقط لان الهلال طلبه
دعك من طمبل ..ومجاهد...وعلاء طيارة .واكرم والباشا ..وكلتشي عدا السعي خلف قودوين ومهند والمعز وعمر بخيت وريتشارد
ويوسف محمد وداريو كان والان ريكاردو
السعي وراء كل ماهو جميل في النادي الاخر بحجة امتلاك المال هذا صراحة مسخ
وطمس لهوية نادي ريادي وند للهلال....وكانت للمريخ هوية معينة ولاعبين يميزون هذا النادي وكنا صراحة نحس بمتعة التنافس
اما الان صراحة فقد فقدنا هذا الاحساس ونحن نعلم تماما ان كل لاعب يتألق في الهلال يكون هدفا مباشرا للوالي وسيحصل عليه اما بسطوة المال او الدولة ولكم في كلتشي ابلغ دليل علي السطوتين
اقول قولي هذا واستغفر الله لي ولكم (الوشوش ما شغالة)
|
|