،،،، بـــله محمد الفاضل ( حقل ألغام مرضية متتالية) ،،،،

الحبيب الصديق والزميل الجميل بله محمد الفاضل ظل منذ فترة ليس بالقصير طريحة فراشة المزركش بالعديدة من الوعكات الصحية فهو يبدو عليه علامات الكبر والزهايمر نرجو من الخُلص من أصدقائه أن يبحثو له عن كرنتينه(يمكن من الشية حقت الجماعة) أبوسامر لا بأس عليك ياصاحبي مأجور بإذن الله ونتمني لك سياج العافية التامه وموفورها يا حبيبنا يبدو ان عين الرفاعي قد اصابتك في مقتل والف سلامه والخلص من الرهط كرامتك تعرف دي بقت عليك رفاعي والبدري وناااس تانيه حمايني....



الوردة التانيه دي من أساسي وهو في ...

،،،،أبوقصي،،،،

يابله أخوى .. سلامتك وألف كفاره ومليون زى
ناس فلانه كرامتك ..

وشكرا أخوى مجدى .. وإنشاء الله ولدنا مايشوف
شر والف حمدلله على السلامة محملة بالوردات الحمراء أعلاه

تاج السر

أخي تاج السر محمد حامد

بله وردة المجتمع الجداوي وشاعرنا الرقيق أصابته عين نااااس فلانه

ولا يفوت اسبوع إلا ويأتني صوت مترنح عديم العافية وهو صاحب مرض السكري

نسأل له الله العافية ويعود لنا بزهرة العافية يارب شكرا لمرور الأنيق تاج

،،،،أبوقصي،،،،

الف سلامة للعزيز بلـة
اجر و عافية وما تشوف شــر


يعنى يا مجدى انا اقول الحمد لله الما جيتكم فى الكرنتينة

Quote: يعنى يا مجدى انا اقول الحمد لله الما جيتكم فى الكرنتينة

ابوعنابه بطّل استهبال!!

الزول ده بكاتو مجهجه عشان كده الدفينس راقد رز انت مالك دفاعك وهجومك تمام تلعب ماتش 90دقيقة

المهم الزول ده صرفنا ليهو فايتميين ملت إن.

القيم الجااااي جاري وينق عديل كده ولو ما اخاف الكضب راس حربه.

،،،،أبوقصي،،،،

مرحبا ابا قصي
الف سلامة لصديقي صاحب القوافي الجميلة... اتصلت به ويطمئنكم على صحته... اجر وعافية يارب.

مالو ... ؟؟؟


دا لسان زول مريض ؟؟؟

عموما كفارة وربنا يحفظك

مجدي دا فتش كدا كدا قال النعصر على بلة .




.........................................حجر.

مجدي انت جادي ولا بترفع في معنويات بله ؟

قال شاعر جدة قال ؟

والله إلا كان نعرف الشعر من جديد ( وجه مغيوظ من هترشات بله ) .


لكن علشان ما نفوت الاجر ( كان بله فيهو اجر ) .

كفارة وسلامات ابو سامر

انا حذرته من شية الكرنتينة ...بس هو ما بسمع الكلام














البلة.......ربنا يشفيك يا زول وما تشوف إلا العافية

يا ناس ولدنا مالو..؟
أكيد اديتوهو عين يا ناس جدة
(وش زعلان)
يا بله يا ام بله
ألف لا باس عليك
ان شاء الله ما تشوف شر
وعين الحسود فيها عوووووووود
حنرسل ليك البخرات والمحاية قريب
بس شلة الجن لازم تخليها
+++
أبو قصي
شكراً على الإخبار
وربنا يديك ويدهم العافية

وااااااااو صحفينا الجميل كيمو يااااااخ بنقول الرصه ما ناقصه وتر

والله جمال السنوسي ده ما ليهو حق بالمره حلوه الطله البيك جمعتنا بله

ده محظوظ أنو كيمو بين دفاتره ده مولد قصيدة .

،،،،أبوقصي،،،،

شكلو يا حبة
دي أخر الصفحات وقيلا أخر السطور راسا عديل
في صحيفة حياتنا
أخوك والله بقى كان زول جاتو قحة في المحيريبا وعطسة
يجيهو ليك إسهال وحُمى تلاتة يوم
صوتو يروح
وباقي السلوك الفي صنقورو تتلخبط

يا اخي بقيت مصيدة بتاعت أمراض
كل يوم شيء جديد
بس الحاجة الكويسة شنو
بعد ما نتخارج وبالطريقة دي قربت خلاص
نمشي نعمل لينا في (الجنة) منبر مكرب كدا
نمسيهو (سودانيز أون لاين - فرع الجنة)
الكويس ما حيكون معانا الرفاعي حجر
لأنو مؤكد حيكون غير لائق يكون بينا

غايتك يا قول البرير
الله في

المهم
كرنتينة ما كرنتينة تاني ما معانا
كونتننتال وهيلتون وشيراتون وبس
لا وشنو
ملح

خلاص


دعواتكم بالله نمرق منها كدي بالسلامة

Quote: دعواتكم بالله نمرق منها كدي بالسلامة

الف سلامة اخى بله

انتا الوداك تبارى ناس الامتداد شنو ؟

انتا ما عارف الجماعة ديل جيران العشش فى الخرطوم ؟

ديل بمزوا بالقورو و بتعشوا آقاشى !

قبل يومين _ وانا فى طريقى لمكتب ازهرى " الحياة للطاقة الشمسية " - كنت شايل معاى كاستين قهوة من " بيت القهوة " الشهير .. عند وصولى للمكتب وجدت معه مجدى " ابو قصى " .. ناولت ازهرى كاسة و مديت الثانية لابو " قصى " .. رفض ان يأخذها و قال لى انا ما بتكيف لشراب القهوة إلآ عند النساوين تحت الكبرى !!!
شفت كيف يا صديقى .. احسن تتخارج من الجماعة ديل .. ديل اخطر من كاوبويات تكساس .. ما عندهم قشة مٌره !!

اجر و عافية

الصديق بلة
سلامات

نتمنى لك عاجل الشفاء.

قمت بالرد عليك في بوست "الكوميديا العاشقة".

لم أستلم النصوص،و يبدو ان هنالك خطأ في الإيميل الذي قمت بالإرسال إليه.

إيميلي هو:
[email protected]

و نتمنى أن تتماثل للشفاء سريعا.

أووو حبيبنا تاج السر
إزيك يا حاج (دي طبعاً بعد ما بقيت حبوبة وكدا)
تسلم والله يا حبة
والله نفسي اسعلك من ناس فلانة
بس خائف من العواقب
خليتك عاد
أسوي شنو
كلو مقدر ومكتوب
وتسلم على الورد يا ورد




هلا والله بحبيبنا عبد الدائم الزواغ
يعني كدا بالله ترمو ورقتنا يا حبة
وتخلونا لي ناس حجر يتنقزو بينا
عيب يا صاحب
أهو بدردقو لي في فك التسجيلات
يا تلحق يا تلحق
بالجد وينك إنتا يا اخينا
زمن منك ومن المصطفى المحمود
والباصات البينية
وما تشوف شر




مرحبتين حباب صاحبنا المحاربنا ود إدريس
يا زول والله مشتاقين بالدرب
قلنا نرقد لينا كمين يوم
يمكن تسعلو مننا
وإن تقلتو كمان
نشوف لينا درباً تاني
شوف
قوافي وما قوافي دي ما بتمشي مع ناس أمير مصطفى الشين
ديل ناس عمة وفاتحة
تسلم والله يا حبيب وشاكرين للاتصال والسعال




حجر يا حجر
يا صاحبي اللدود
ما تبطل إشانة سمعة يا ولد
وخليك كويس معانا مرة في عمرك
بس زولك دا الله يسترنا ما يكون مجهز النعي
دي هينة إن شاء الله حدها 2033م
يكفر ويستريح
ما مشكلة
المشكلة على قول عمك الحلنقي
يجيب الورقة الداسيها
ويفردا قدامكم
منتظرك طبعاً



أمير يا صاحب
شُفتا توريطات مجدي يا عمك
شاعر ما شاعر
لمن أقوم أصدق
وأقعد أمشي في الشوارع
ألملم في الناس وأتلو على مسامعها
الشعير
المهم يا عمك
لحقت الأجر
إلا سنتي
السنتي دا تجيبليك خروف ولا جدادة ولا ببسي
أو بالعدم تب حبة جنزبيل لزوم الصوت
وتجي البيت
غير كدا أجرك ناقص
وتسلم يا حبيب



ود البدري يا شين (بس عشان مصاحب حجر وأساسي)
يا بتاع نكسس يا خيانة
كان تسمع كلامك بالأول
يعني معقول يا عمك البصل دا على قول عمك (عصام دهب)
يفوت علينا
تلقاها عندها الغافل
موت موت حياة حياة
كرنتينة قدام
أهو بدل فاقد عن قندهار وخم الرماد والذي منو
تاني ما تحذرني سمح



ود فضل المولى يا قريبي
سلامات يا اخي ومشتاقووووووووووون
كيفنكم بالله
أوعى تقولي بخرات من الخلوة الله يرضى عليك
يعني مندوية دا يغطس حجر بلد
خليني على حجر صاحبي القبيح دا
قبلان بس محايات مندوية لا
وتسلم يا زول يا جميل


أوووووو صاحبنا العميد
زمن منك
البركة في سيدنا أبوعركي اللمانا فيكم يا اخي
مشتاقوووووووون وكدا
يا زول ناس الامتداد ديل سمحين بالدرب
بس كعبين ناس السجانة
الله يسترنا
والله كلامك دا عن المدعو بصاحبي مجدي
بجيب الهبايب
تقصد شنو يعني
الكروت الحمراء قال بقت ما بتخوفا
بس الكنش حار النصيحة
طيب يا اخي أغشونا في وحدتنا الإجبارية دي
وبدون أي نوع من الكاسات
وتسلم يا عمك




الخواض شخصياً
زارتنا البركة والله
قرأت ردك بالأمس
وأخذت هذا البريد
وحدث نفس الشيء معي
ما رأيك لو تحاول أنت في بريدي هذا
ومن ثم أحاول
[email protected]
وعاجز جداً عن الشكر
على كل هذا الاهتمام
عاجز تماماً
وما تشوف شر يا رب

ألف سلامة يا حبوب و أجر و عافية
تحياتي أبو قصى

تسلم يا ريس والله


وبعدين يا اخي
الطناش برضك بجيب العيا
فما تطنشونا
بقينا عقاب عُمر يا اخي

فشنو
مشتاقووووووووووون إلى ما لانهاية ديك
ومنتظرنكم

شكرا صاحب البوست ، وألف بعد الشر عليك أخي بلة ...
لا بأس عليك وطهور ...وكفارة إن شاء الله
ربنا يواليك بالعافية ويشفيك ...
الزمن ده أخو بله أمراضو كترت ...بس ربنا يعظم الأجر

شكري وتقديري

تسلم والله يا إبراهيم
من كل شر

أجر وعافية نقول
وما أحب الله عبداً إلا وابتلاه
برضك دي سمحة بالحيل
إن شاء الله تبقى لينا كفارة ذنووووووووووووب


شكراً لروحك الأنيقة المعطاءة صاحبي

سلام إبننا بله

ألف حمد الله علي سلامتك،

ربنا يتمم عليك بموفور الصحة وتمام العافية،

خلي بالك من نفسك،



يديكم دوام الصحة وتمام العافية

سلام يا صاحب البوست
وضيوفك الكرام.
سلام يا بلة
مالو شاعرنا؟
كفارة!
ربنا يطمئننا عليك.
الجتة دي حافظ عليها عشان شايلة روح الشاعر!

والله غياب قصري بس الحمدلله صاحب الحوش بكري كان سريع الأستجابه له محبتي الأكيدة

ولكم أخوتي المتداخلين جميعا وآخرهم الشاعر الكبير مصطفي مدثر

طبعا قام المريض وحرص علي التواصل مع أحبابو وكانت مداخلات عافية نحمد الله أن عاد صاحبي موفور الصحة

واصل يا جميل والبيت الجميل ده تجد عنده شفاء من كل داء إلا السقم ومجدد تحياتي لكل المتداخلين جميعهم.

،،،،أبوقصي،،،،

وهل ينهك الجتة يا صاحب
أكثر من إبر المتوحش الأرعن هذا
التي تشكه بلا هوادة

وفيما يتراخى هذا الكائن المسكين
عن ما ينبغي حيالها
فإنه لا محالة سيزداد تآكلاً وثقوبا

أوشكت فينا السُبل
يا صاحب
أوشكت


محبتي وامتناني وتشكراتي على السؤال
وحفظكم الله من كل شر

سلام يا خال
كيفك والأولاد والأهل جميعاً

والله ود اختك خلاص
شكلو تراكم الأشياء بدأت فاعليته
في العمل على إهلاك أي مقاومة

الحمد لله الآن بخير
مع قابلية للاشتعال
وفيما يبدو أن السكر والضغوط المتزايدة
يعملان معاً على ذلك
و
الحمد لله


تسلم يا خال وأسرتك من كل شر
وتحايا عبرك لكل الأهل