Post: #1
Title: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-14-2011, 10:27 AM
Parent: #0
بالأمس إذدانت أنوار جده تألقا وفرحا إذ صدحت كل بلابلهاتغريدا وكانت بهجة في حضور ضيوفنا البورداب العرسان علاء ودالياوقد خرجت الليلة تلقائية وقد تلاقينا بعد طول غياب والحضور بالصور قد نجد لها إطار حب ومودة وبهجة وقد تغنو لنا كل من الفنانون نجوم جده غني الفنان الجميلة محمد المدثر والفنان البوردابي حسن إبراهيم خليفة وكانت هناك فنانة العرسان مني بحري ومسك الختام الفنان عبدالمنعم اورفلي ومن خلفهم عازف الأورغ وفناني البورد محمود مصطفي محمود والفنان جمال السنوسي علي الكمان أنها والله الألق الجميل والحضور الجميل من البورداب الجداويين متي ماتلاقوا كان للقاء طلاوته وحلاوته المترعة بجوء جده الممطر مطر ود ومطر خير بقدوم هولاء الضيوف الكرام وقضينا ليلة ساهرة مع قامات في سماء جده الخميسي الرائع ولكم أن تضيفوا إطار الصور أحبتي الحضور وإلي الصور ونبدأ بكاميرا الطفل المعجزة علاء صالح وهناك صديق ونور الدين وقيقراوي وجمال ومحمد علي ياسين وصلاح عثمان وكاميرا تمبس المحتفي به.
،،،،أبوقصي،،،،
تعديل بعض الأسقاطات الكي بوردية
|
Post: #2
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-14-2011, 12:19 PM
Parent: #1
اول صورة للعرسان من امام مقر السكن في جدة
ونحن في طريقنا لمكان الحفل
زميل البورض علاء العريس
والعروس الدكتورة داليا
تسلل :
شنطة حمزة ( اقصد علاء ) فيها كاميرا سوني بروفشينال للتصوير الفوتغرافي
ده عريس وللا مصوراتي
|
Post: #3
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-14-2011, 12:24 PM
Parent: #2
ما قلنا ليكم تمبس ده مصوراتي محترف
كدي شوفو تصويرو بالعيون
والزاوية
والتركيز
|
Post: #4
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-14-2011, 12:32 PM
Parent: #3
الحفلة دورت
تمبس فك الكاميرا
وفك آخرو
فكاها ولا يخاف عقباها
انا وصديق رحمة نشارك في الفك
والعروس زي البتقول(الليلة وووب )
|
Post: #7
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صديق الموج
Date: 01-14-2011, 12:42 PM
Parent: #4
Quote: الحفلة دورت
تمبس فك الكاميرا
وفك آخرو
فكاها ولا يخاف عقباها |
جمال السنوسى
الكلام ده قبل العمرة والا بعد
كان بعد...
عشان نكتب للدكتورة اعد قابلنى
التوقيع حضرة الناظر،،،
|
Post: #10
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-14-2011, 01:49 PM
Parent: #7
Quote:
جمال السنوسى
الكلام ده قبل العمرة والا بعد
كان بعد...
عشان نكتب للدكتورة اعد قابلنى
التوقيع حضرة الناظر،،، |
ود الموج
عملا بمقولة
بالنهار نسبح وبالليل نضبح
في اتصال عاجل الآن الساعة 3 واربعين دقيقا من عصر الجمعة
وجدنا العريس والعروس في العمرة وهم السعي بين الصفاء والمروة
|
Post: #5
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عبدالله شمس الدين مصطفى
Date: 01-14-2011, 12:37 PM
Parent: #2
يا سلالالام ياخ.
ما كان تقولوا عوك ياخ, أصل جدة فركة كعب مننا,
كان لاقينا العرسان وباركنا ليهم وجهاً لوجه.
عسى المقام يطيب لهم بعروس البحر الأحمر.
لجدة طعم خاص جداً جداً, وكما يقول أهلها - جدة غير.
|
Post: #6
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-14-2011, 12:41 PM
Parent: #5
نورتو جده والله
العريس علاء الدين تمبس
والعروس الدكتورة داليا
الفنان الجميل جمال السنوسي
بالله فك الصور كلها من غير فلتره
|
Post: #8
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: ادم شحوتاي
Date: 01-14-2011, 12:51 PM
Parent: #6
ليلة رائعة جداًَ ومستحقه وكان الإبداع حاضراً شكراً
للعرسان علاء وداليا اتحتم لنا فرصة اللقاء بكم
|
Post: #9
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: الصادق يحيى عبدالله
Date: 01-14-2011, 01:03 PM
Parent: #8
حيثما يكون الاهلة يكون الابداع
|
Post: #14
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: Mahmoud Mustafa Mahmoud
Date: 01-14-2011, 02:37 PM
Parent: #11
الأخ صلاح عثمان..
بعد الغداء بالهناء.. عليك الله أعمل التعديل في الكابشن بتاع الصورة...
| Quote: العريس تمبس و ونسة خاصة مع الأخ نور الدين الفحل |
أكيد قاصد مع الشاعر الرقيق..عصام عيسى رجب..
أو إن شئت الفحل ،، فيمكنك أن تقول: العريس تمبس وونسة خاصة مع الأخ الشاعر (الفحل) عصام عيسى رجب..
وفي كل خير..
التحية عبرك للأخ الهمام نور الدين الفحل...
وكانت أمسية جميلة بحق..
مودتي..
|
Post: #12
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: ABDALLAH ABDALLAH
Date: 01-14-2011, 02:22 PM
Parent: #9
شكرا يا مجدى على تلك الصور المعبره للأخ علاء ود.داليا.
نأمل أن يزورنا الأخ علاء تمبس ومعاهو بت شيخنا الكباشى
فى واشنطن, وإذا تمت هذه الزياره إنشاء الله أنا وصاحبى
دينق حنقوم باستقبالهم بما ينافس إستقبالكم الرائع هذا.
|
Post: #39
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-15-2011, 08:13 AM
Parent: #12
Quote: شكرا يا مجدى على تلك الصور المعبره للأخ علاء ود.داليا.
نأمل أن يزورنا الأخ علاء تمبس ومعاهو بت شيخنا الكباشى
فى واشنطن, وإذا تمت هذه الزياره إنشاء الله أنا وصاحبى
دينق حنقوم باستقبالهم بما ينافس إستقبالكم الرائع هذا. |
تحياتي لك أخي عبدالله عبدالله ولكل الأحباب بواشنطن هكذا نحن معشر البورداب مايجمعنا كثير
،،،،أبوقصي،،،،
|
Post: #13
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: تاج السر محمد حامد
Date: 01-14-2011, 02:26 PM
Parent: #9
تمنيت فى هذه اللحظات والتى أمسك فيها اليراع أن أكون
شاعرا أو أديبا لكى أنظم كلماتى وحروفى تجاه هذا اليوم
الذى جمع إخوة أعزاء تبادلوا فيه التحيات والتشكرات وشكروا
الله كثيرا الذى جمعهم بأخا عزيزا وصديقا حبيبا ألا وهو الأخ
والحبيب الغالى ( علاء الدين ) أو كما يحلو للجميع ( تمبس )
ومعه حرمه المصون الدكتوره ( داليا كباشى ) مريخابية على
السكين ..
تلاقت القلوب مع بعضها البعض .. وأختلط دم الاخوة والصداقة
وصار كسريان الماء على الجداول .. حضر الأخ علاء وبجواره رفيقة
دربه الدكتوره ( داليا) لم نفاجا بتلك الارايحية لأنها فعلا وقولا
متأصلة بهم .. جاءوا ليلقوا التحية على الجميع فردا فردا
والأخ علاء الدين يوزع فى أبتساماته للكل .. وأيضا رفيقة دربه
أما الحديث عن ( بورداب جدة ) فهذا شئ آخر فأنا لوجلست أكتب
العمر كله فلن أعطيهم حقهم كاملا .. فهم أكبر من الكلمات التى
تقال والحروف التى تسطر .. ويكفى بأنهم ( بورداب جدة ) لهم
التحية والتقدير .
بدأ الحفل .. فكان رائعا فى كل شئ كروعة أهله تماما ورقى
نفوسهم الوضاءة .. ( تغنى ) الشاب الظريف محمد مدثر فتمايلت
معه كل الكتوف وتراقصوا معه بروح وقلب ناصع البياض وأمتزجت
روح الاخوة والصداقة والزمالة مع بعضها البعض .. وأزدان الحفل
روعة وجمالا حينما وقف المحتفى به هو وعروسته ليشعوا أنوارهم
المضئية فى كل أرجاء القاعة بمشاركتهم الفرحه وكل بتعبيره .
ومن ثم جاء دور البلبل المغرد .. الشاب الابنوسى .. صاحب
الحنجرة الماسية الأخ المفضال ( حسن ابراهيم خليفة) فغنى وأطرب
الجميع بمفرداته الغاليه فى نشوة لاأستطيع التعبير عنها فقط
أكتفى بتلك الفرحة التى عمت الجميع .
وبعد ذلك غنت الاخت منى بحرى بروائعها السمحه .. فكانت جوهرة
من جواهر بنات بلدى .. لها التحية .. ولا أنسى أمبراطور الموسيقى
الموسيقار الكبير ( سيد أحمد الجاك ) ومن معه .
بحق وحقيقة كانت ليلة أحتفائية ستظل فى مخيلتنا ماحيينا فى
هذه الحياة .. نسأل الله بأن يجمعنا دائما فى ساعات الخير وأن
يبعد عننا الحسد والحاسدين ..
لكم التحية مثنى وثلاث ورباع أخوتى الاعزاء وللاخ علاء الدين وعروسه
الدكتوره ( داليا ) كل الحب والتقدير والاحترام .. ودمتم ..
تاج السر
|
Post: #15
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-14-2011, 02:58 PM
Parent: #13
يا سلام
عصام عيسى رجب
ولقطة وحيات ابتسامتك
الصورة صورة بروفايل
عصام بالله حقي برة
|
Post: #16
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: نورالدين الفحل
Date: 01-14-2011, 04:01 PM
Parent: #15
كان ليلا طلق المحيا نديا
اذ حللنا قاعة نجمة الهدى
كان الجميع نجوما فى ليلة الامس
وزميل وزميلة البورض قمران بازغان فى سمائها
سعدنا وايما سعادة بحضور تمبس والصفوة داليا
وان افتقدنا الكثيرين من بورداب جدة نسبة لهطول الامطار
شكرا محمود للتصحيح ياخى حرمتنا من وجاهة عصام ههههههه.
|
Post: #17
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: الطيب شيقوق
Date: 01-14-2011, 04:40 PM
Parent: #16
شكرا ياابا قصي على تلك الصور المعبره للأخ علاء ود.داليا.
|
Post: #18
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-14-2011, 05:00 PM
Parent: #17
ليلة جميلة برغم الامطار الناس حضرت
والصور بالكوم
شوفوا العريس تمبس
وشوفوا اخونا اساسي وبنته ليلي(اساسية) وإبنه محمد:
بس الاخ جوار اساسي ماعرفتو ...
|
Post: #19
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-14-2011, 05:06 PM
Parent: #18
الاخ/البشير دفع الله:
الفنان/محمود مصطفي:
|
Post: #20
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-14-2011, 05:11 PM
Parent: #19
العمدة شحوتاي وتمبس وعلي اليسار المهندس/احمد التجاني وإبنه:
من اليسار الاخ/جعفر محي الدين ومحمود مصطفي محمود
|
Post: #38
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-15-2011, 08:09 AM
Parent: #18
| Quote: بس الاخ جوار اساسي ماعرفتو ... |
أخونا بشير هذا هو الفنان عبدالمنعم أورفلي غناء خاتما الليلة.
له الشكر وهو مشاركنا في كل أحتفالتنا شخص أصيل ونبيل جدا.
،،،،أبوقصي،،،،
|
Post: #21
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صلاح عثمان
Date: 01-14-2011, 05:16 PM
Parent: #17
شكرا للاخ محمودمصطفى على التصحيح والاخ نورالدين الفحل آخر بهجة مع ود القاضي والعريس وقيقراوي
الدكتورة داليا وزميل البورد في ضحكة رائعة
الابن محمد صلاح الذي قام بالتصوير
النجم اساسي وطفله الجميل
ابوقصي وصديق رحمه وحديث جانبي
|
Post: #22
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-14-2011, 05:23 PM
Parent: #21
فايز ودالقاضي في خدمة الجميع
وهنا آخر إندياح وضحكـ ورقيص شديد:
|
Post: #23
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-14-2011, 05:31 PM
Parent: #22
الاخ/علاء الدين صالح
|
Post: #24
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: ABUHUSSEIN
Date: 01-14-2011, 05:46 PM
Parent: #23
و الله بي قشرتك دي كنت قايلك أديب أو شاعر أو فنان .....
أتاريك برسلوك تجيب العشاء و تغسل للناس يدينهم بعد العشاء...؟؟؟؟؟
|
Post: #25
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صلاح عثمان
Date: 01-14-2011, 06:08 PM
Parent: #24
الدينمو جمال السنوسي
احباب الله
حفاوة بالعروس
|
Post: #26
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-14-2011, 06:30 PM
Parent: #25
جمال السنوسي وحت شديد:
|
Post: #27
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صلاح عثمان
Date: 01-14-2011, 06:44 PM
Parent: #25
المستشار عصام دهب و الدينمو جمال السنوسي والنجم اساسي
النشط وليد عبد اللطيف والأخ علاء الدين صالح
الفنان المبدع محمد زكريا
 ![]()
الأستاذ عصام عيسى و الفنان محمود مصطفى في لقطة تذكارية مع العروسين
المهندس احمد عيسى و صلاح عثمان
|
Post: #28
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-14-2011, 08:12 PM
Parent: #27
تحية وتقدير أخي صلاح عثمان
شكرا جميلا لنثر هذا الجمال وهذا التسجيل الحي
والجميع في حال طرب واندياح
والتحية والتقدير مجددا للأعزاء علاء الدين تمبس والدكتورة داليا كباشي
أن منحونا شرف هذا اللقاء .
والتحية من قبل ومن بعد لشباب سودانيزاون لاين
نشاطا وحيوية
الدينمو وليد عبد اللطيف
المرهف قيقراوي
الأدروب فايز ود القاضي
والطفل المعجزة
|
Post: #29
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جعفر محي الدين
Date: 01-14-2011, 08:58 PM
Parent: #28
سعدنا وسعدت جدة بمقدم العريسين الكريمين
علاء وداليا
التحية لهما ولكل كوكبة بورداب جدة
|
Post: #30
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عبدالعزيز حسين عبدالرحيم
Date: 01-14-2011, 09:13 PM
Parent: #29
العزيز تمبس ومدامه المحترمة
نتمني نشوفك في دار زايد ودار راشد قريباً ونسعد بيكم وحبابكم ونتشرف بيكم ونسعد ونتشرف ونزيد فخر ونطير السما عليكم الله لو سمح وكتكم وظروفكم ما تبخلو بي زيارتنا
--------
بس عن إذنكم
يا فايز والله محتاجك في حاجة مصيرية ومع الأسف ضيعت رقم تلفونك ياريت لو تديني مس كوك او ترسل لي مسج في ميلي الفي البروفايل ضروري ضروري لأمر ضروري جداً
|
Post: #31
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: jini
Date: 01-14-2011, 09:32 PM
Parent: #30
غايتو يا ابوصى
الفيك عرفتها لومتنى مع اعز ناس!
تمبا ودلو امسحوها لى فى وشى الشين دا!
جنى
|
Post: #32
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: علاء الدين صالح
Date: 01-14-2011, 10:58 PM
Parent: #31
الأخ أبو قصي تحياتي
حقيقةً كانت أمسية رائعة مغمورة بالفرح
وبقدر فرحنا بوجود العرسان بيننا
بقدر ما آلمنا فراقهم بعد عودتهما لرياض الخير
أتمنّى لهما كل الخير وأن تكون أيامهم دوماً ملئى بالفرح والحبور والسعادة
تحذير:
أصالة عن نفسي وإنابة عن أخوي (الكاشِف) وليد عبد اللطيف 
نحذّر أصحاب الكاميرات والموبايلات الأعزّاء من نشر صورنا المُهجِّجة
(باعتبارنا أصغر أعضاء اللجنة سِنّاً وكدة). كما نفيدكم بأننا لن نتوانى
في مقاضاة كل من تسوّل له نفسه بالنشر قانونياً أمام المحاكم الشرعية الأوروبية
صدر تحت توقيعينا وختم اللجنة
|
Post: #33
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-15-2011, 06:42 AM
Parent: #32
نرجو
ال
توثيق
بكل زواية العدسات
،،،،أبوقصي،،،،
|
Post: #34
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عصام عيسى رجب
Date: 01-15-2011, 07:10 AM
Parent: #33
ليلة ويا لها مِن ليلة
كانت ليلة ما منظورة
مبروك من تاني وتالت وعاشر للدكتورة داليا والحبيب علاء، و بإذن الله بيت جمال وراحة بال، وأكيد مال وعيال
ويا جمال السنوسي الصورة خطيييرة مِنْ بركات المُصوِّر وكدا
وعلى فكرة في صور كتيرة في الصور دي صورتها أنا دا
ويا محمود لكن كمانك ما ختَري، تقول لي محمدية وعربي وعثمان محي الدين: أها جاكم إعصار الكمان
|
Post: #35
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-15-2011, 07:17 AM
Parent: #33
ابو قصي
منتظرين كل الفلاشات الكانت شغالة
والعندو مشكلة حجم الصورة
يقول لينا
نوريهو طريقة التصغير
يلا يا جماعة
نركب التونسية
|
Post: #36
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: طلحة عبدالله
Date: 01-15-2011, 07:40 AM
Parent: #35
ربنا يديم البهجة والإندياح يا تامبا وزوجته والزملاء
|
Post: #41
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: احمد التجانى احمد
Date: 01-15-2011, 08:17 AM
Parent: #36
نشكر العرسان الاخ علاء تمبس , والاخت د. داليا على تشريفهم لاحتفالنا المتواضع
كما نشكر جميع من تضافرت جهودهم لانجاح الحفل رغم الامطار والصعوبات الناتجة عن ذلك
نعم قضينا لحظات رائعة برفقة المطربين , لهم كل الشكر والتقدير ولكن كعادة مناسباتنا انتظرنا
كثيرا ليبدا الحفل وخصوصا بعضنا الذى حضر مبكرا
بالله لاحظوا اطراف الصور دى (اقصى اليسار)
يا المصوراتى , ياخ نتفهم تماما تركيزكم فى اللقطات على المحتفى بهم لكن كمان البهدلة لى ولولدى لزومها شنو 
|
Post: #44
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: اساسي
Date: 01-15-2011, 08:20 AM
Parent: #41
والله يا احمد التجاني لاحظت وانا اشاهد الصور واطارها يستعصى ضمك وحاتم الصغير
لو لم اكن حضورا لتلك الامسية لعلقت وقلت ان نصفك وابنك كانا جزء من ديكور الصالة
|
Post: #61
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: Sidig Rahama Elnour
Date: 01-15-2011, 10:54 AM
Parent: #36
|
Post: #72
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: Sidig Rahama Elnour
Date: 01-15-2011, 11:56 AM
Parent: #61
العريس تمبس العروسة داليا
هذه اللليلة ستدفن في جوف المدى كأغنية لتصدح بها الريح ، وترددها الاشجار كلما شعرت أوراقها بقوة الحياة
حللتم أهلاً ونزلتم سهلاً ، وأتت الأفراح في موكبكم تتهادى
|
Post: #37
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-15-2011, 08:05 AM
Parent: #31
Quote: غايتو يا ابوصى
الفيك عرفتها لومتنى مع اعز ناس!
تمبا ودلو امسحوها لى فى وشى الشين دا!
جنى |
اخونا حيدر اتصلت عليك بس انت مارديت ....!
|
Post: #40
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: اساسي
Date: 01-15-2011, 08:17 AM
Parent: #37
امسية جميلة جمعتنا بالمحتفي بهم علاء وداليا وعقد من بورداب جدة التأم محتفيا بهم فخرجت لنا ليلة تحكيها الصور المعبرة بالفرح اعلاه
شكرا لكم ان اهديتمونا امسية مميزة
|
Post: #42
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: ود الباوقة
Date: 01-15-2011, 08:17 AM
Parent: #37
هييييييييييييع
عفيت منك
التحية للرائعين المتألقين دوما بورداب جدة
ونسال الله ان يجمعكم دائما على الخير والمحبة
تحية خاصة للعريس تامبا
وللعروس دكتورة داليا
..........................................
تامبا بتطولو في جدة
|
Post: #45
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: الامام الكيمني
Date: 01-15-2011, 08:28 AM
Parent: #37
ربنا يجعل ايامكم دوما افراح وسعادة ... ومبروك للعرسان... وزين الله حياتهم بالسعادة الدائمة والنعيم الشامل .
لكم الود وكل الاماني الزين .
|
Post: #43
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-15-2011, 08:18 AM
Parent: #17
| Quote: شكرا ياابا قصي على تلك الصور المعبره للأخ علاء ود.داليا. |
شيخ العرب ود شيقوق الجميل طلتك هي الأكثر تعبيرا لك المودة والحب.
،،،،أبوقصي،،،،
|
Post: #46
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: ابو جهينة
Date: 01-15-2011, 08:35 AM
Parent: #43
ابا قصى
و هكذا هم بورداب جدة دائما أهل كرم و حفاوة و أصالة و أخوان بحق و حقيق في هجير الغربة
التحية لكم جميعا
|
Post: #47
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: احلام وهبي
Date: 01-15-2011, 08:40 AM
Parent: #43
منتظرينكم في حفلة الدوحة
اجازة الصيف معانا
الف مبروك وسعادة ابدية
|
Post: #48
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-15-2011, 09:01 AM
Parent: #47
| Quote: يا المصوراتى , ياخ نتفهم تماما تركيزكم فى اللقطات على المحتفى بهم لكن كمان البهدلة لى ولولدى لزومها شنو |
|
Post: #98
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: احمد التجانى احمد
Date: 01-16-2011, 07:12 AM
Parent: #48
يا دكتور بشير مشكور
ونردها ليك فى فرح الوليدات ان شاء الله
|
Post: #50
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: الفاتح الجنيد
Date: 01-15-2011, 09:11 AM
Parent: #47
لمة الحبان عنوان موده واشرعه تظلل مساحات بالامان
شكرا ابوقصى
ومباركات كميات للعرسان تمبس وداليا
ود السنوسى
الهمة عندك والشغل عندك
تحيات يا ود البلد
|
Post: #49
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: قيقراوي
Date: 01-15-2011, 09:07 AM
Parent: #43
السلامو عليكم و رحمة الله و بركاته
د. تمبس و اختنا داليا
شكرااااااااااان كدا ياخ !!
-----------
شباب بطلوا هزار آآآآآآآآآآآآآآآآ !؟
تعرفوا - في البلد عندنا هناااااااااك - ما عندنا رجال بنشروا صورم ...
طوالي القبيلة بتتبرا منك 
شفتو كيف ؟
لكن لا بأس كان لقيتو لكم صورة وجيهة كدا، تقوموا تغلطوا تختو اسمي جمبها بمبدوءاً باللازمة ( د. ) ...
و دي ما مقصود بيها دكتور ... لا ياخ !؟ ... ( ديمقراطي ) ... ديمقراطييييييييي ياخ !؟
اقول ( غولي ) هذا و استغفر الله العظيم لي و لكم ... فاستغفرووووووووووووهـ
ليلة و يال لهاااااااا من ليلة ! .. تشبه الف ليلة و ليلة ...
كنتم كواكبا و اقمارا ... و نحن كنا في زمروة ( سمارا )
|
Post: #51
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: محمد عبد الماجد الصايم
Date: 01-15-2011, 09:17 AM
Parent: #49
ملمومين في الخير دائما إن شاء الله
كل شوية كان بحندكوني بالتلفون!!
_
ما عافي ليكم في البيكـ العذّبتوهو دا!!
|
Post: #52
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: معتصم محمد صالح
Date: 01-15-2011, 09:32 AM
Parent: #51
| Quote: شنطة حمزة ( اقصد علاء ) فيها كاميرا سوني بروفشينال للتصوير الفوتغرافي |
دي السندوتشات با مسكين ...
|
Post: #54
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: tmbis
Date: 01-15-2011, 09:54 AM
Parent: #52
يا ســلالالالام يا شبـاب جدة غير ..
طبعا عافي ليكم كلكم كدا .. من البيك للبيــك
وصلنا الرياض انصاص الليالي بعدما تأخرت الطيارة نص ساعة في الاقلاع .. قربنا ننزل نرجع جدة تاني ..
في واحد فيكم متجنس يا رجـل أعمال ينقلنا علي كفالتو ..؟
..
انا يادوبك وصلت المكتب .. وبي سبب البهجة .. والعضلات القامت لي شخصيا من الرقيص .. ومن التعب الممتع .. الليلة الواحد طلع من البيت من غير ساندوتشات والله ..
زميلتكم زميلة البورد .. الليلة جلتني زي الما حصلت حاجة .. بحجة إنو ماف عيش .. يعني اكتفيت بي الكورن فليكس الصباحي وانا اطنطن .. وجا على لسانها وهي تتفرج على صور الحفل:
بلا مارتديلا بلا بطيخ معاك .. رجعني جــــدة
..
هناك بوست رصد لادق التفاصيل .. عندما أقول ادق التفاصيل اعني بها أدق التفاصيل
في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة
فكونو في انتظار الزوايا المعينة .. من العدسة المعينة ..
بعدين ماف واحد يجي يشبكني .. يازول كلم بكري يسحب الصور دي ..
بي صورة أوضح :
كان بكري سحب الصور دي .. انا ح اعمل لي مدونـة انزل فيها الصور دي
اكرر شكري الجزيل وعجزي عن تطويع كلمات الشكر المناسبة في حقكم .. اديتونا ليلة من ليالي العمـر الراسخـه في الذاكرة..
شكرا يا أجمل ناس
|
Post: #57
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: علاء الدين صالح
Date: 01-15-2011, 10:24 AM
Parent: #54
Quote: في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة فكونو في انتظار الزوايا المعينة .. من العدسة المعينة ..
بعدين ماف واحد يجي يشبكني .. يازول كلم بكري يسحب الصور دي ..
بي صورة أوضح :
كان بكري سحب الصور دي .. انا ح اعمل لي مدونـة انزل فيها الصور دي |
اللللليييييلة يا أساسي
|
Post: #58
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: اساسي
Date: 01-15-2011, 10:36 AM
Parent: #57
Quote:
في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة فكونو في انتظار الزوايا المعينة .. من العدسة المعينة ..
بعدين ماف واحد يجي يشبكني .. يازول كلم بكري يسحب الصور دي ..
بي صورة أوضح :
كان بكري سحب الصور دي .. انا ح اعمل لي مدونـة انزل فيها الصور دي
ــــــــــــــــــ
اللللليييييلة يا أساسي |
اسع البلد في حالة انفصال مافي داعي للمواضيع الانصرافية دي بالله
|
Post: #53
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: حسن إبراهيم خليفة
Date: 01-15-2011, 09:44 AM
Parent: #51
يا سلام والله با لجد ليلة ما منظور مثيلا ... كانت ممتعة بكل تفاصيلها.
شكرا يا تمبس وداليا لتلبيتكم الدعوة وتشريفكم لنا في جدة.
يا شباب أنا لو نشرتوا ولا سجلتو الأغاني بتاعتي (بتاعتي دي حلوة) سوف
أقوم برفع دعوة ضدكم لي لجنة المصنفات عشان كده تعملو حسابكم والعندو تسجيل يحتفظ بيهو
لي نفسو.
والله بالجد من ضمن جماليات الحفل هو معرفتنا بالإنسان الجميل عصام عيسى ونتمني أن نلتقي به كثيرا
ويا محمود (اقصد محمدية) بطل إحتكار، عصام برضو حبيبنا.
شكرا لكم جميعا بورداب جدة على هذا الألق ... تحياتي.
|
Post: #55
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-15-2011, 10:17 AM
Parent: #53
غايتو الواحد اكتشف حاجات جديدة
الصور يا جماعه الصور
لانو ما بنقدر نشرح من غير صور
الله يلزمنا الصبر
|
Post: #59
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: علاء الدين صالح
Date: 01-15-2011, 10:40 AM
Parent: #55
Quote: غايتو الواحد اكتشف حاجات جديدة
|
أها تعرف يا البشير كلامك دا أخير منّو الصور العند تمبس
|
Post: #93
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-15-2011, 07:49 PM
Parent: #59
| Quote: أها تعرف يا البشير كلامك دا أخير منّو الصور العند تمبس |
الحبيب علاء الدين
بوست العريس تمبس شكلوا حيبقى بندق في بحر
ياخ التلفونات تتخابت من أمس تحانيس ونقاط
والذي منو .
وبعدين تمبس دا بستحي ياخ
غايتو الصور العندو الا ينزلها ود الصائم
يا يوم بكره ما تسرع
|
Post: #56
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: محمود بكر
Date: 01-15-2011, 10:20 AM
Parent: #53
تحية عطرة بورداب جدة
لهذه الحفاوة الاصيلة فيكم
وللعروسين دوام المحبة
|
Post: #60
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صلاح عثمان
Date: 01-15-2011, 10:47 AM
Parent: #56
اهايا باشمهندس
أخرهجيج
الفرحة فرحتان بالمولود والعرسان
للجميع هناك كثيير من الصور و لكن لن يتم تنزيلها إلا بعد موافقة خطية من أصحابها لأنها خطيرة
|
Post: #63
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-15-2011, 11:00 AM
Parent: #60
يا صلاح
موافقة شنو
يازول على مسئوليتي
نزل كل الصور
ولا يهمك
|
Post: #64
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: علاء الدين صالح
Date: 01-15-2011, 11:02 AM
Parent: #60
| Quote: للجميع هناك كثيير من الصور و لكن لن يتم تنزيلها إلا بعد موافقة خطية من أصحابها لأنها خطيرة |
عملتها ظاهرة يا ريّس
أها طيّب: موافقين (عنّي وعن صاحبي وليد بموجب التوكيل)
ما إنتا لو ما نزّلتها تمبس حينزّلها حينزّلها أنا عارِف
بروسيد
أنا كان مالي ومال مُنى بحري؟
|
Post: #65
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: abdalla BABIKER
Date: 01-15-2011, 11:14 AM
Parent: #60
الف مبرووووووووووووك
وبيت مال
ربنا يسعدكم يا عرسان
واحلى بوراداب السعودية- قطاع جدة
|
Post: #68
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: وليد عبد اللطيف
Date: 01-15-2011, 11:29 AM
Parent: #60
نشكر الباشمهندس الفخيم / احمد عيسى على مشاركاته ودعمه المتواصل لنا في جميع المناسبات
كما الشكر كل الشكر لكل الاعضاء لتلبيتهم الدعوه رغم ظروف الامطار
وفعلا بورداب جده يشاركون الاخ علاء الدين في حب الدكتورة داليا
لسيرتها الطيبة ومواقفها الانسانية الاجتماعية الجميله
وربنا يسعدهم ويفرحهم ببعض
وكما يقولون حبوباتنا يغلبها بالمال وتغلبوا بالعيال .....
|
Post: #99
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: احمد التجانى احمد
Date: 01-16-2011, 07:23 AM
Parent: #60
الاخ العزيز صلاح عثمان
شكرا لك ولحضورك الراقى
والشكر اجزله لعدسة الابن محمد
|
Post: #62
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جعفر محي الدين
Date: 01-15-2011, 11:00 AM
Parent: #56
Quote: في واحدين هنا خامين ليك الناس .. لنما تشوف صورتو أو مداخلاتو تخاف عديل .. لكن لما جابو الساوند سستم .. والأورغـن مبااااااالغة
فكونو في انتظار الزوايا المعينة .. من العدسة المعينة .. |
يا تمبس بالله ما تدخلنا مع الجماعة ديل
حمد لله على سلامة وصولكم سالمين للرياض وعمرة مقبولة إن شاء الله
|
Post: #66
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: tmbis
Date: 01-15-2011, 11:19 AM
Parent: #62
يا جماعة انا شايف في ناس رقدت قــش ..
في واحد كدا دا ما عندو ذمــة قام اتصل علي قبل شوية .. وهاك يـا تحنيس .. وعليك الله .. وعشان خاطري وكدا دا
غايتو الصور في مرحلة التظبيط .. وزي ما وعدتكم عندي بوست خاص بالمناسبة ..
لكن بالنسبة للزول الاتصل علي دا عايز زول حريف جدا يعرفو لي هو منوووووو
وعايز قبال ما يجي واحد يشوت لينا اسمو .. يجي هو يوخت ليهو نقطـة .. علشان ما انزل ليهو الصورة بتاعتو
يعني بي صورة أوضح كدا ..
ان زول ما عندي ذمـة عديل كدا قرقرقرقر الكلام القلتو في التلفون قبل شوية عااادي ممكن اعمل منو رايح ..
فحقو صديقنا دا .. يجي يخت نقطـة عشان ما انزل ليهو الصورة والكلام دا بي سرعـة جــدا
لو ما عمل النقطة دي .. انا عادي جدا بحول الصور دي لي زميلنا محمد عبد الماجد الصايم ... ومحمد دا والله اخير انا منو .. بي عدم ذمتي دي .. داك بيرش طوالي ولا يضع اي معيار لذلك ..
غايتو كان ما جيت ختيت النقطة .. اعفي لي .. 
|
Post: #79
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: داليا الكباشى
Date: 01-15-2011, 12:45 PM
Parent: #66
لي بالضبط ساعه وشويه بفكر اكتب شنوو ,,
حفاوتكم اثقلت لساني فعجز عن التعبير .. وشلت يدي فلم ادري ماذا اكتب ,,
بورداب جده انشاءالله يوم شكركم مايجي ,,
وبالجد من ما اصبحانا الليله قاعدين نجتر في الذكريات الجميله والصور التي ملأتم اذهاننا بها ,,
بالجد شكـرا شكـرا شكـرا .. شكرا للجميع بدون فرز .. وانشاءالله اقدر ارد جزء بسيط من العملتوهو لينا دا ,,
انا برضو حا اعمل بوست منفصل بخصوص الزياره ,,
وأي زول عندو صوره خطيــررره كدا ,, يرسل يحنسني من أسي ,,
لانو بصراحه كدا .. انا بررضو ما بسحب اي شي .. وبكري زاتوو كان سحب حاجه حا انزل ليهو صوره (^_^)
من شده ما كان نفسي ارجع جده الليله الصباح ,
اضطريت اساوم زميل البورض على السندوتشات .. ياتوديني جده تاني ولا سندوتشات زاتوو مافي (^_^)
خاصه اني عملتا لي جكـس جديد بهناك ,, ألا وهو حمـوودي فايز ود القاضي (كان عجبك يا زميل البورض) (^_^)
الحمدلله على نعمته البالغه .. حب الناس مافي زيو والله (^_^)
-------------
مازلنا في انتظار الزميل أبو نقطــه
|
Post: #67
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عادل عوض بلال
Date: 01-15-2011, 11:24 AM
Parent: #62
حقيقة كانت ليلة جميلة زينها وجود العروسين تمبس وداليا
فلهم الشكر على إجابة الدعوة ...
غايتو في ناس كدة حتو شديد في الحلفة ولو كل الصور نزلت
بتجيب هوا تقيل .. نحن الحمد لله كنا شغالين بالنور الصغير..
|
Post: #69
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جعفر محي الدين
Date: 01-15-2011, 11:32 AM
Parent: #67
ود الصايم
سلامات
| Quote: كل شوية كان بحندكوني بالتلفون!! |
وإنت المصحيك شنو ما تعمل نايم وتقفل التلفون !
لكن بالجد الليلة كانت ستكون ليالي بحضورك البهي
عرفنا إنك كنت جادي في حكاية الجية ...
|
Post: #70
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: وليد عبد اللطيف
Date: 01-15-2011, 11:38 AM
Parent: #67
| Quote: أها طيّب: موافقين (عنّي وعن صاحبي وليد بموجب التوكيل) |
يازول انا حولت التوكيل الى المستشار القانوني ( عصام دهب )
بخصوص اي صورة تعمل لنا اشانة سمعه وكدا
.
.
ياتمبس خليها مستورة ياخ
.
.
ياخي الفديو ما عايز ينزل
ولا الصور عايزة تنزل
( الجهل مصيبة )
كنت عايز افتح بوست خاص يوتيوب حفل تمبس وداليا
|
Post: #71
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: علاء الدين صالح
Date: 01-15-2011, 11:55 AM
Parent: #70
Quote:
.
.ياتمبس خليها مستورة ياخ
.
.
|
وليد ياخ قالوا ليك نُقطة واااااحدة
|
Post: #73
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: وليد عبد اللطيف
Date: 01-15-2011, 12:02 PM
Parent: #71
| Quote: وليد ياخ قالوا ليك نُقطة واااااحدة |
هههههههههه
ياخي يادوب فهمتها
انت عارف السهر بيؤثر في سرعة التفكير
.
.
اها عشان نطلع من كلام تمبس عملنا ليك نقطتين
لكن جمال السنوسي قافل الجوال : يظهر افتكر نفسو الفنانة الاثيوبية .. هايمونيت ..
هه هه هه
|
Post: #74
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-15-2011, 12:02 PM
Parent: #71
مجدي ابوقصي؛البشير دفع الله؛قيقراوي.
|
Post: #75
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-15-2011, 12:06 PM
Parent: #74
|
Post: #76
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-15-2011, 12:20 PM
Parent: #75
اها ودي الصبحية
من الأمس
|
Post: #77
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-15-2011, 12:24 PM
Parent: #76
شفتو يا جماعة
وبالذات تمبس
انا قعدت بي ( صمة خشمي )
والصورة دي تثبت صمة الخشم حتى في الأكل
|
Post: #78
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: abuguta
Date: 01-15-2011, 12:39 PM
Parent: #77
ياجماعة,,,
الملاحظة ان ناس جدة ديل مرطبين خلاص,,,يذكروك المملكة ايام الثمانينات,,
وجاهة وسمنة وهندام ,,ماشاء الله عليهم,,
نقول دا البييييك ياود القاضى,,,,
تانى مبروك لتمبس وداليا,,,لما تجو مارين بيتنا طلونا,,حتى ولو بدون موعد
الشكر لناس جدة الجميلين فى كل شىء,,,
|
Post: #80
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-15-2011, 12:47 PM
Parent: #78
شيلو شيلتكم تمبس قاعد يصور
هات اجمل تعليق للصورتين ادناه والجائزة بيك حرّاق:
|
Post: #84
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: تاج السر محمد حامد
Date: 01-15-2011, 01:16 PM
Parent: #80
ياجماعة .. ياناس .. ياهوى .. أنتو أخوى وليد
عبداللطيف ده .. ممنوع من التصوير .. وكمان معاه
الحبيب الغالى ( أمير مصطفى ) أنا هأرفع قضية للاخ
المستشار عصام دهب على كل الكاميرات .. حرام والله
حرام .. غايتو جنس غايتو ..
تحياتى ..
تاج السر
|
Post: #81
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صلاح عثمان
Date: 01-15-2011, 12:58 PM
Parent: #77
انا قعدت بي ( صمة خشمي )
منى بحري
الأستاذ تاج السر والله رهيب
وليد (لعدم إشانه السمعة)
علاء الدين لنا لقاء في بوست (ادق التفاصيل ) مع تمبس
ود القاضي (و ما خفي اعظم )
تمبس لبوست ادق التفاصيل
|
Post: #88
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-15-2011, 03:24 PM
Parent: #81
| Quote: انا قعدت بي ( صمة خشمي ) |
صلاح عثمان
فعلا انا (قعدت) بي صمة خشمي
وقمت وقفت وفتحت خشمي
أها قصرت معاكم
|
Post: #82
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عبدالله احيمر
Date: 01-15-2011, 01:03 PM
Parent: #51
التحيـة و السـلآم للمحتفى بهـم و هما أهـل لذلك
و التحية لبورداب جـدة
Quote: و الله بي قشرتك دي كنت قايلك أديب أو شاعر أو فنان .....
أتاريك برسلوك تجيب العشاء و تغسل للناس يدينهم بعد العشاء...؟؟؟؟؟ |
يا ابو حسـين ما شــايف و لدنا دا ( ود القاضي ) كان أصغرهم الحضور من
بورداب جـدة,
و اصغر القوم خادمهـم
ود القاضي ما تصـدق
|
Post: #83
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-15-2011, 01:10 PM
Parent: #82
|
Post: #85
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: بشير أحمد
Date: 01-15-2011, 01:34 PM
Parent: #83
وليد عبداللطيف حتاهو قرض ؛ اها خم وصُر:
|
Post: #86
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: وليد عبد اللطيف
Date: 01-15-2011, 02:34 PM
Parent: #85
بشير احمد ... كيفك ياباشا
| Quote: وليد عبداللطيف حتاهو قرض ؛ اها خم وصُر: |
بعدين لما يجيك طلب حضور ماتنكر
يالمحامي عصام دهب قوم بالواجب
بعدين ياخي دي ماصورتي انا مصور فوق ولابس تي شيرت ازرق
كيف تنزل صورة تانية وتكتب اسمي ...
ود دهب قوم بالواجب ان بفتيش على تعويض
|
Post: #87
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: نادر النور آدم
Date: 01-15-2011, 03:20 PM
Parent: #86
ليلة مصنوعة كااااااااااااملة من معدن الجمال بلا شك ..
الرائع تمبس وحرمه مسز تمبس
تستاهلو كل خير
وأهل جدة هم أهل الفرح والحب والجمال
ألف مبروك لكم جميعاً .. ولنا بكم
...
تخريمة: نيابة عن كل ناس الرياض
ياخ إن شاء الله .... ينفعكم
وإنت يا ود القاضي يا
ما في داعي للنفسيات
|
Post: #89
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-15-2011, 04:15 PM
Parent: #86
Quote: يا جماعة انا شايف في ناس رقدت قــش ..
|
أمرق الفي الكيس يا عريس
رش طوالي
لما كانوا بسوو في جنس الحت داك ما كانوا عاملين حساب اليوم دا
الحبيب جمال السنوسي بل راسك
الشاب الوجيه الطفل المعجزة أرجى الجاييك
منتظرنك يا تامبا
|
Post: #90
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: garjah
Date: 01-15-2011, 05:44 PM
Parent: #89
حباب الحبيب علاء وعروسته الدكتورة داليا
ويا ريت كان تدونا خبر ياناس اساسي الما اساسي
معلبش يا تمبس والعروسة النطاسة
|
Post: #91
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: Hassan Makkawi
Date: 01-15-2011, 07:04 PM
Parent: #90
يوم الخميس....
(مترة دقانى فى مكة)
وفى جدة زاتو (دقانى)...دق شديد
ولى هسى...(عطاس)
ناس جدة الفيكم عرفناها..
________________________
تحياتى Mr.& Mrs. Tmbis
|
Post: #92
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-15-2011, 07:32 PM
Parent: #89
Quote:
الحبيب جمال السنوسي بل راسك
|
البشير دفع الله
انا راسي مبلول
الكلام الناس الراسهم ناشف
الواحد فيهم يحت مع اصوات خشونة في البلالي
|
Post: #94
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: صلاح عثمان
Date: 01-15-2011, 08:33 PM
Parent: #92
|
Post: #95
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: طارق جبريل
Date: 01-15-2011, 10:00 PM
Parent: #94
يا ناس جدة لمتكم حلوة
وداليا وتمبس يستاهلو
هسي الزول كان جاكم حاجي
بي الحت حقكم دة ما بيبوظ الحج
|
Post: #96
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: وليد عبد اللطيف
Date: 01-16-2011, 06:30 AM
Parent: #95
ود جبرين ... سلامات يامان
ياخي زمان تمبس ماقال
جدة توريك البيك والعليك
Quote: هسي الزول كان جاكم حاجي
بي الحت حقكم دة ما بيبوظ الحج |
عشان كدا اول شيء تهجج وبعدين العليك تشوف الحج
ودي كانت نظرية تمبساوية وطبقها
وربنا يقبل ..
|
Post: #97
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: خالد عبد الله محمود
Date: 01-16-2011, 06:36 AM
Parent: #95
غايتو يا تمبس من فوائد الرحلة دي إنكـ طلعت براءة من قصة سرقة عشاء الفنانين دي !!
|
Post: #100
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: طارق ميرغني
Date: 01-16-2011, 07:53 AM
Parent: #97
اخي مجدي
والله شي يفرح
لاناس مفرحين كتمبس وداليا
لاكين والله شهيتونا البيك زاتو
|
Post: #102
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عبدالله كع
Date: 01-16-2011, 08:15 AM
Parent: #100
ما علينا الا انقول حمد ع السلامه للدكتورة ..
ونسال الله ان يطيب بها المقام ..
لكن يا ابو قصي با لغتو يا قريبي ..
البيك شايفو - شايف شغلو صاح الصاح
وتحياتنا للعريس تمبس وعروسه داليا .
|
Post: #104
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: أبو الحسين
Date: 01-16-2011, 10:14 AM
Parent: #100
إنشاء الله دايماً تامين ولامين يا ناس جدة...
وبيت سعادة وهناء أحبابنا تمبس وداليا...
|
Post: #123
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: الرفاعي عبدالعاطي حجر
Date: 01-26-2011, 12:36 PM
Parent: #100
وهذا ديدن جدة
ونورت جدة بالاخ
تمبس والدكتورة داليا .
....................حجر.
|
Post: #101
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عثمان دغيس
Date: 01-16-2011, 07:56 AM
Parent: #97
والله بهجتكم تبهج وتخلي الزول يتبسم براهو زي المسطول
لكن إنت دحين يا تمبس يا أخوي ويا داليا أختي إنتو ما عرستوا زمااااااان ؟؟؟؟
إنتو عرستو تاني ولا شنو ؟؟!
ولا ديك كانت خطوبة ولا شنو ؟؟؟!
والله سؤال في منتهى البراءة ...
وأتمنى ليكم كل السعادة والهناء
|
Post: #105
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عصام دهب
Date: 01-16-2011, 10:45 AM
Parent: #103
تحية لأظرف و أروع فرد داليا و تمبس ..
و تحية لناس جدة غير ..
و حقيقي أمتعتونا صاح ..
و كان بودي أن أكون معكم مساء الجمعة يا تمبس ..
لكن بعيد عنكم إلتهاب في اللوزتين و سخونة تسوي شاي عدييل كدة..
و من بعد صلاة مغرب الجمعة و حتى العاشرة من صباح أمس كنت جالد النوم بتكسير شديد ..
و لزحمة العمل إضطررت للحضور مجبراً و غادرت لأقرب مستوصف لمنزلي ( التويم ) حيث تم تنويمي و لم أخرج إلا عند الحادية عشر مساء ..
و الحمد لله بعد المحاليل الوريدية و الذي منو بقيت أحسن كتير ..
** و الحمد لله تاني أن إلتهاب اللوزتين لا علاقة له باللي جرى يوم الخميس ..
** و لو أن في الأمر أيتها علاقة لكان أساسي و وليد و جمال السنوسي عندهم أب عديلات عدييييل كدة ..
** كنت أعرف أنو وليد كان لاعب ماهر في نادي الإتحاد البحراوي ، لكن ما كنتو قايلو لعَاب للدرجة دي ..
** و بعد ما شفت علاء الدين و هو ( يحتو ) على الطبيعة أقسم بالذي رفع السماء بلا عمد إنو محمد ناصر ليس هو فايز ود القاضي ..
** و يا قراء البورد و أعضائه لا يغرنكم تمبس بكتاباته اللديحة فالرجل وديع و ذوق و زول بهجة ساااكت ..
** حينما سلمت على د. داليا لاحظت أنها وضعت يدها تحت عينها و جرت شخيت على خدها .. كنت أحسب أنها تعلق على الإحتفالية و تقول عنها ( شرط ) لكن خاب ظني حينما قالت لي ( الدموع .. الدموع ) ..
** بينما غنج على قيقراوي .. أهداني فايز ود القاضي علبتين بيك من النوع أبو كديس .. و حينما دخلت المنزل متسللاً حوالي الساعة الخامسة و النصف ضبطتني المدام بالبيك المشهود .. قالت لي ( ما فاضين من الرقيص لامن العشا شلتوهو سفري !! )
** أخونا د. بشير يشيل و يبخبخ .. الحمد لله الوقفت على كدة .. كيزان آخر زمن .. أنا جيت شايل الشيشة في السيارة لكن ما لقيت لي فرصة أبخبخ ..
** أساسية حفظها الله لم تقصر و أبوها لم يفسر !!
** أما أخونا صديق رحمة فقد لاحظت أنه كان أكثر إنفعالاً حينما غنت الفنانة لكسلا و إبراهيم حسين .. الشغلانية فيها إن ..
** العمدة شحوتاي و البشير و الباشمهندس أحمد التجاني و أخونا الأستاذ حسن سليمان كانوا يمثلون مجلس حكماء الحفل وقار على وقار ..
ـ
بجيكم بي رواقة ..
|
Post: #106
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: وليد عبد اللطيف
Date: 01-16-2011, 10:59 AM
Parent: #105
المحامي ود دهب ...
يالسامي وقدرك سامي
ومهما اقول في كلامي
ماقدرت اجيب معاي محامي
.
.
صراحة إنك فشلت ان تكون لي محامي
يازول انا عامل تحذير للصور التي تخصني وكنت عايز افتح بوست عديل تقول كلام جنس دا
Quote: ** و الحمد لله تاني أن إلتهاب اللوزتين لا علاقة له باللي جرى يوم الخميس ..
** و لو أن في الأمر أيتها علاقة لكان أساسي و وليد و جمال السنوسي عندهم أب عديلات عدييييل كدة ..
** كنت أعرف أنو وليد كان لاعب ماهر في نادي الإتحاد البحراوي ، لكن ما كنتو قايلو لعَاب للدرجة دي ..
|
غايتو الله يسامحك
انت زول كابتن سابق حسب كلام الكابتن حسن دوكة
التسخينة احيانا تكون بطريقة رقيص (السامبا البرازيلة )
والعملناه دا كان تسخيانت قديمة مبتكرنها
.
.
المشكلمه ام اسيل شافت الصور في النت وهاتفتنا من الخرطوم
وعملت لينا محضر
غايتو لو ما بتعرف تمبس وداليا
الليله كان غسلوا بينا العدة لمدة 15 يوم عقاب
|
Post: #107
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عصام دهب
Date: 01-16-2011, 11:18 AM
Parent: #106
وليد أخوي صدقني قضيتك دي غايتو الله يكون في عونها ..
قدر ما فتشت ألقى ليك مخرج ما قدرتا ..
ياخي عرفنا التسخين بالسامبا البرازيلية و أقتنعنا ..
تسخين بالحبشي دا ما أدونا ليهو كلو .. كلو !!
|
Post: #108
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: جمال السنوسي
Date: 01-16-2011, 11:57 AM
Parent: #107
يا ود دهب
نحن اصلا مارقين للتلاف
لكن والله لما شفتك
رميت العمة
والشال
ونزلت في الظار
بالطاقية بس
قعدت انادي ليك في الخواجة
قلت المؤتمرجية ديل ظارهم تقيل
بس كنت تجيب الشيشة وتطلق البخور
كانت تمت الناقصة
|
Post: #109
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-16-2011, 03:53 PM
Parent: #108
مازال هناك
حت وحت ....
|
Post: #110
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-16-2011, 03:53 PM
Parent: #108
مازال هناك
حت وحت ....
|
Post: #111
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: قيقراوي
Date: 01-16-2011, 04:50 PM
Parent: #110
اها !؟
|
Post: #112
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: تاج السر محمد حامد
Date: 01-16-2011, 09:10 PM
Parent: #111
ياناس الكاميرات الماخمج .. الصفحة الثانية عذابية
وخالية من الصور ( لماذا ) ؟؟ مجرد سؤال ؟
أخونا محمد عبدالقادر .. مدير صحيفة الرأى العام مبسوط من
البنسوى فيه ده .. وحالتو ده لغاية الان عدسة المحتفى به
لم تظهر .. الله يكفينا شرها !!!! أوصيك أخوى محمد عبدالقادر
حذارى من الضحك الكتير .. غايتو جنس غايتو ..
تحية وتقدير وأحترام لاخونا محمد عبدالقادر ولمتابعته لمثل هذا من أحتفاء
مودتى ..
تاج
|
Post: #113
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-17-2011, 06:41 AM
Parent: #111
قيقا أنت كامرتك بالفلم السري ولا شنو !
منتظرين بعد أن جمعت بالعيال .
عليك هدي بنقبل بالصور مافي مشكلة.
،،،،أبوقصي،،،،
|
Post: #114
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: أبوعبيدة محمد الأمين
Date: 01-17-2011, 08:59 AM
Parent: #113
مرحباً بالأخ تمبس وعروسته داليا في بوابة الحرمين الشريفين
شكراً لأخواني في جدة على التلاقي السوداني الجميل
وربنا يديم الأفراح
|
Post: #115
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-17-2011, 10:29 PM
Parent: #114
الناس الصورو عاملين تقال قولنا ننزل الشمعة دي للعرسان
بعد ده بنجئ جاهزين الفيكم أتعرفت !!!
أبوعبيدة يا صديق كيفنك ياغالي جده بتسلم عليك.
،،،،أبوقصي،،،،
|
Post: #116
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-18-2011, 06:47 AM
Parent: #115
الظاهر تهديدات العريس جابت خبر
وأصحاب الكاميرات وقفوا تنزيل الصور
منتظرين يشوفوا ورق تامبا
مع انو البقت بقت
والبتبلبل بعوم
منتظرين
|
Post: #117
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: عمر عشاري
Date: 01-18-2011, 07:03 AM
Parent: #116
سلام ياعلاء وداليا
القصة دي بكوشتها
ناس جده لطيفين عديل
____________________________
الزول الوقف في صف البك ده والله من الذين إختصهم الله بقضاء حوائج الناس
ربنا يديم الأفراح
تحياتي وإحترامي
|
Post: #118
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: Tabaldina
Date: 01-18-2011, 07:24 AM
Parent: #117
..
.
احتفالية رائعة من ناس جدع اجدع ناس
وتامبا ودلوش والله يستاهلو كل الفرح ..
ربنا يسعدهم ويديم الافراح
--------
انت يا ود القاضى اقعد اشتغل لى فى الدليفرى
من البيك واعمل نايم :)
|
Post: #119
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: مجدي عبدالرحيم فضل
Date: 01-19-2011, 09:30 PM
Parent: #118
تبلدينا
ليك
وحشه
مالك
خليت
تبلديتك
في مربع 3
طارق جبريل
سائل منك
مودتي
،،،،أبوقصي،،،،
|
Post: #120
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: Dr.Saeed Zakarya Saeed
Date: 01-20-2011, 01:43 PM
Parent: #119
..بالرفاء والبنين ....امين.....
|
Post: #121
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: manal eltahir
Date: 01-20-2011, 02:00 PM
Parent: #120
مبروك للعروسين ....ويا ناس جده ازيكم يا رائعين ......الزول داير يصلح علاقته معاكم وكده.....البيك ده ما بتفوت......أكيد المره الجايه السفر عن طريق جده.
|
Post: #122
Title: Re: أمسيـــــة جداوية بوردابية في حضرة علاء تمبس ود.داليا الكباشي (توجد صور)
Author: البشير دفع الله
Date: 01-26-2011, 10:56 AM
Parent: #121
| Quote: مبروك للعروسين ....ويا ناس جده ازيكم يا رائعين ......الزول داير يصلح علاقته معاكم وكده.....البيك ده ما بتفوت......أكيد المره الجايه السفر عن طريق جده. |
مراحب والله وحبابك manal eltahir
.
.
.
انابة عن بورداب جده الرائعين
|
|
