دينق من الأوزون إلى أمبده

دينق من الأوزون إلى أمبده


01-04-2007, 05:25 PM


  » http://sudaneseonline.com/cgi-bin/sdb/2bb.cgi?seq=msg&board=294&msg=1194511598&rn=3


Post: #1
Title: دينق من الأوزون إلى أمبده
Author: خالد خليل محمد بحر
Date: 01-04-2007, 05:25 PM
Parent: #0

لم أصدق عندما قرأت بوست بكرى أبوبكر الذى أعلن فيه بان الاستاذ/دينق سيعود للسودان بعد غربه بلغت عشرين عام ونيف....وعدم التصديق نابع من أننى ساقابل شخص لكم تمنيت أن أجلس معه, وأقف على أفكاره من قرب........ولكن تبددت كل تلك الاحلام لاننى إلى الان لم أتشرف بلقائه.......لكن الواحد يلاقيهو كيف مع ناس صباح أحمد....وناذر,,,,,,,,ديل مره فى الاوزون حيث المجتمعات المخمليه واولاد المصارييييييييين البيض ونحن ناس غبش ساااااااااكت حتات ذى يعمينى والله ما شفناها..ومره فى الخرطوم(3)حيث الفى شنو والمافى شنو ,وكلو فى إلا الضار بالصحه..والامسيات الموموسقه والاغانى التى تلهب عنان السماء...
ومابين صباح احمد وناذر(المحتكرون الجدد)ضاعت الاحلام السرمديه.....وعزيزنا دينق ظاااااااااطو بقى زى نجوم التسجيلات غااااااااالى الطله....ويا دينق على الطلاق إنت معزوم عندى فى أمبده فى منزلنا المتواضع,,,وسيب صخب المركز ده...وتعال لينا فى الهامش نشوف البينا والعلينا(دعوه جاده جدا)

Post: #2
Title: Re: دينق من الأوزون إلى أمبده
Author: ناذر محمد الخليفة
Date: 01-04-2007, 05:39 PM
Parent: #1

خالد بحر كيفك ..

يا زول دينق دا هو فعلا الأيامات دي عيزوماتو كلها مريدينان وهيلتونان وأوزونات لكن لو داير تقابلو قوم شرك ليهو في سوق الناقة بكرة الجمعة لأنو ماشين نضرب عبابير هناك مع كمية من شية الضان البلدي وشطة الحبش الحمرا

شنكل :

أما لو قلت نجيك في أمبدة وجهزت لينا البتاعات نغير المشوار ونجيك ما مشكلة !!




Post: #3
Title: Re: دينق من الأوزون إلى أمبده
Author: خالد خليل محمد بحر
Date: 01-04-2007, 05:46 PM
Parent: #2

ناذر اخوى
متين الضحيه إنتهت....ولا ده سعر سااااكت...دينق ده عندى ليهو برنامج قائم بزاتو..ما تلخبت البرامج...انت عيشوا بهجتكم واضربوا لحمتكم...وبرمج لى معاهو ياناذر(فى زمتك)........وبعدين سوق الناقه بقى دقه قديمه الجديد قدنهار حيث اللحوم واللحوم..

Post: #4
Title: Re: دينق من الأوزون إلى أمبده
Author: ناذر محمد الخليفة
Date: 01-04-2007, 06:00 PM
Parent: #1

والله يا خالد سوق قندهار بسمع بيهو لي مدة لكن ما عارف محلو وين !!

كدي أديني وصفو للدنيا والزمان !!

Post: #5
Title: Re: دينق من الأوزون إلى أمبده
Author: Nasser Mousa
Date: 01-04-2007, 09:22 PM
Parent: #4

اوصفو ليك انا يا ابو النيذ
اصلو عزموني فيهو شباب حلوين في اجازتي الفاتت
والله قمة في كل شئ يا مان
فيهو صالات واسعة معروشة بالحصير وبها مدخلين شمال وجنوب
ومرتين واحدة للشواءات والتانية للسلطات والشايات والقهاوي واللازي منو
ومرصوصة سراير وكراسي وفيها شيشة كمان لمن يدخن
المهم اتذكرونا وانتو هناك
الوصف
تفوت سوق الناقة وتفوت سوق ليبيامسافة كيلو ونص وحا يكون سوق قندهار على يدك اليمين وما على الشارع مباشرتا لي جوة شوية .... الوصف ده كيف
يا مان الوصف ده كان ما واضح برسل ليك تلفون واحد من الشباب الكانو عازمني وبقوم بالواجب الوصفي على اكمل وجه

Post: #6
Title: Re: دينق من الأوزون إلى أمبده
Author: ناذر محمد الخليفة
Date: 01-05-2007, 10:40 AM
Parent: #1

ناصر ...

قلت لي شنو ..


والله المواصفات القلتها فوق دي معناها أحسن كتير من سوق الناقة ..

Quote: الوصف
تفوت سوق الناقة وتفوت سوق ليبيامسافة كيلو ونص وحا يكون سوق قندهار على يدك الشمال وما على الشارع مباشرتا لي جوة شوية .... الوصف ده كيف
يا مان الوصف ده كان ما واضح برسل ليك تلفون واحد من الشباب الكانو عازمني وبقوم بالواجب الوصفي على اكمل وجه


ما دام شكرتو .. خلاص النجربو

شنكل :

إسمو سوق قندهار عديييييييل كدة ؟؟؟