Post: #1
Title: محمد وردى متى سيغنى لدارفور...؟
Author: خالد خليل محمد بحر
Date: 02-27-2007, 04:40 PM
...المأساه الإنسانيه فى إقليم دارفور,كشفت بعمق الحساسيه الإنسانيه لبعض الفنانيين السودانيين,ففى حين كان تجاوب البعض مع الكارثه الإنسانيه مشرف وعالى الأنسانيه(عقد الجلاد نموذجا)فضل البعض الاخر التحديق في الازمه وكان الامر لا يعنيه.مضت الازمه الانسانيه فى دارفور لتفضح البعض وتحيلهم لمجرد متمشدقين ليس إلا...لا يعرفون عن الوطن وإنسانه أى شئ..ولا يحركون ساكنا لانزال ما يتغنون به إلى سلوك معاش...ويؤسفنا أن نقول أن من أبرز هؤلاء الزهاد فى التعاطى مع ازمه دارفور..الامبراطور..وفنان إفريقيا الاول... ...يؤسفنا ان نقول إنه محمد وردى..الذى لم يتجاوب مع الازمه الانسانيه المتواسعه فى دارفور..ولم يكلف خاطره بإقامه حفل خيرى يعود ريعه لاطفال دارفور..فى موقف لا نملك حياله إلا غربله الكثير من المقولات المستهلكه,والتى ما إنفكت تنصبه فنان الوطنيه الاول..ولان مثل هذه المحكات الانسانيه تبين عن كثب من هو المتماهى مع قضايا شعبه ومن هو المتصدى لازمات بنى جلدته...ومن هو المسكون بقضايا الشارع السودانى...ياساده موقف وردى من أزمه دارفور الانسانيه يدعو للحسره والضجر....
|
Post: #2
Title: Re: محمد وردى متى سيغنى لدارفور...؟
Author: محمد حسين آدم
Date: 02-27-2007, 05:34 PM
Parent: #1
صديقي خالد
سلامات
مأساه دارفور الانسانيه فرزت الكثير من قيم الوطنيه
التى تغنى بها وردي ودبج غيره الخطب والاشعار
ماذا تتوقع من شخص اعلن صراحه عن موقفه تجاه القضيه؟
ماذا تتوقع من شخص اثنى على موقف الحكومه وهي احد اطراف
الصراع ؟
ماذا تتوقع من شخص اصبح احد سمار رأس النظام؟
كلنا انخدعنا في اغانيه الوطنيه وكان رمزا في ايام خلت
ولكن هذه هي تصاريف القدر ...
تسلمِ
|
Post: #3
Title: Re: محمد وردى متى سيغنى لدارفور...؟
Author: خالد خليل محمد بحر
Date: 02-27-2007, 06:57 PM
Parent: #2
Quote: مأساه دارفور الانسانيه فرزت الكثير من قيم الوطنيه
التى تغنى بها وردي ودبج غيره الخطب والاشعار
ماذا تتوقع من شخص اعلن صراحه عن موقفه تجاه القضيه؟
ماذا تتوقع من شخص اثنى على موقف الحكومه وهي احد اطراف
الصراع ؟
ماذا تتوقع من شخص اصبح احد سمار رأس النظام؟
كلنا انخدعنا في اغانيه الوطنيه وكان رمزا في ايام خلت
ولكن هذه هي تصاريف القدر ...
|
........
صديقى/محمد
لم تقل إلا الحق....ولى عوده.
|
Post: #4
Title: Re: محمد وردى متى سيغنى لدارفور...؟
Author: Moawia Mohammed
Date: 02-27-2007, 08:16 PM
Parent: #1
كدي خلينا من وردي
انت زاتك مالك ما غنيت لدرافور
شايفك شايل ليك جيتار قدر الليله وبكره
|
Post: #6
Title: Re: محمد وردى متى سيغنى لدارفور...؟
Author: خالد خليل محمد بحر
Date: 02-28-2007, 02:21 PM
Parent: #4
| Quote: شايفك شايل ليك جيتار قدر الليله وبكره |
الاخ/معاويه
يعنى الواحد مايقشر سااااااااااااااكت...
العزيز/ودابكر
تشكر عزيزى...ومازال السؤال قائم..متى سيغنى وردى لدارفور............؟
|
Post: #5
Title: Re: محمد وردى متى سيغنى لدارفور...؟
Author: محى الدين ابكر سليمان
Date: 02-27-2007, 08:40 PM
Parent: #1
| Quote: ..وفنان إفريقيا الاول... |
دى طبعا اكبر اكذوبة يا خالد, ككل الاكاذيب التى نصنعهاونصدقها, فنان السودان الاول دى حاجة, لكن افريقيا دى كتيرة شديد, كتيرة خالص ياخى...
| Quote: محمد وردى متى سيغنى لدارفور...؟ |
السؤال دة لسة بدرى عليهو, احتمال بعد ما تخلص"قعدة" عبدالرحيم محمد حسين والبشير, حيجى يغنى لمن تبقى من هياكل عظمية فى المعسكرات.
قلت لى فنان افريقيا الاول؟
|
Post: #7
Title: Re: محمد وردى متى سيغنى لدارفور...؟
Author: أنور أدم
Date: 02-28-2007, 02:28 PM
Parent: #5
و كما قال اخي محي الدين
عندما ينتهي وردي من ترضية رفاقه في الحركة الجلابية ،و بعدكا يشبع من اكل الكرز حينها ربما يفكر في اها دارفور،
ثم سؤال من هو وردي هذا؟؟؟؟أهو فنان يحمل رسالة ام صوت شجي يطرب من يدفع اكثر!
ثم القوا نظرة عنا لتعرفوا من هو الفنان
العالم يغني لأجل دارفور ...... بوست توثيقي Audio et Vedio
|
Post: #8
Title: Re: محمد وردى متى سيغنى لدارفور...؟
Author: حمزاوي
Date: 02-28-2007, 02:29 PM
Parent: #1
الاخ خالد
مسكاقمي
فعلاً نأمل الاستاذ وردي ان يغني لدارفور وياريت لو اقام حفل ساهر ومعه العملاق محمد الامين يعود عائده لاطفال دارفور .
|
Post: #9
Title: Re: محمد وردى متى سيغنى لدارفور...؟
Author: خالد خليل محمد بحر
Date: 02-28-2007, 02:35 PM
Parent: #8
عمنا/حمزاوى
مسكاقنا....والله اول زول اتوقعنوا يخش البوست ده انت...ولو عارفييين وردى بجيبك لينا كل يوم حنعمل بوست عن وردى....بلدياتكم ده كلمو ينستر مع اهلنا فى دارفور....ودمت.
|
|