Post: #1
Title: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 10:21 AM
Parent: #0
ضرسى الذى صار يولمنى اكثر من 4 سنوات كان من المفضرض ان اخلعه فى مستشفى ناغبور فىالهند, وحين قابلت الدكتور المختص وقتذاك وقادتنى احد الممرضات الى قسم الخلع والتركيب وما ان جلست على كرسى العمليات
اتى اكثر من 5 طلاب كل واحد منهم يحمل ذردية يريد ان يخلع ضرس هذا الاسمر الافريقى,ولكن زميلى الذى كان فى رفقتى فطن لاولئك المتهورين,فقال لكبيرهم اخى هذا لم يفطر بعد وهربت من يومها وصرت اهاب اطبة الاسنان وقد لازمنى ذلك الالم الخفيف سنينا عددا, اول امس فى يوم عطلتى الاسبوعية (الثلاثاء والاربعاء على حسب جدول الدوام) عزمت ان ارتاح من ذلك الالم الذى يزورنى عند النوم اذا نسيت يوما استعمال المسكنات,فهذهبت الى مستشفى الحمادى الرياض احدى المستشفيات الحديثة وهنالك دكتورة سورية شاطرة شطارة الحرامى الذى سرق التلفزيون والناس تتفرج فى المسلسل فلما سالت منها قال انها فى عملية الا تاخذ معها مواعيد بكرة ولكن هنالك دكتورة جديدة ان كان فى وسعك ان تقابلها, فسالت من جنسيتها فقالو انها سودانية ,قلت احسن اخذ مواعيد عند السورية لانى ليس لى استعداد لكى ادخل فى تجارب ثم اننى اخافتنى كلمة جديدة وانا فى ذاكرتى الطلبة اصحاب الررديات
فعدت الى الشركة فهى قريبة من المستشفى حتى اسرح مع سودانيز اون لاين ولكى ارى بريدى حتى لا تتكاثر على الرسائل ولكن وعندما هممت الرجوع الى الغرفة ووجدت احد الشوام قادم من المستشفى فقلت له سلامات فقال لى شحوة فى بعض اسانى فقلت له من الذى عملها لك فقال دكتورة سودانية فقلت له كيف هى فقال لى كتير منيح
فتوكلت على الله ان امشى واقابلها .
فكانت دكتورة سودانية سمراء اللون فيها خضرة سواقى كسلا
فخلعت ضرسى فى 30 ثانية اى والله كل ذلك الالم قد زال فى تلك الثونى التى لا تكفى لشرب كوب شاى او حتى تناولت حبوب المسكانت.فقالت لى شنو ليك اختك ما نجيضة
د. نعمات ابوبكر
خريجة جامعة الخرطوم _ طب الاسنا ن
ماجستير _المملكة المتحدة
دكتوراه من اليابان فى طب الاسنان
مستشفى الحمادى _الرياض
فحيو معى هذه الدكتورة التى انحدرت من مدينة كسلا حيث لا حروف تطاوعنى ان اكتب شئيا عن كسلا
غير دعائى للدكتورة بالتقدم والى اهلها بالسلامة
|
Post: #2
Title: Re: الدكتورة ..السودانية.. التى.. خلعت.. ضرسى
Author: bayan
Date: 08-14-2003, 10:27 AM
ابوقوتة نحى فيك تسليمك رأسك لامرأة
ونحى الدكتورة السودانية
ومن الليلة ابوقوتة د1 صديق المرأة
واذا الله قدرنا نعمل اتحاد نساء البورد
لانه مافى امرأة بتبقى رئيسة
حنخليك تبقى رئيسنا
وعاش ابوقوتة صديق المرأة
ويسقط سجيمان عدو المرأة
|
Post: #4
Title: Re: الدكتورة ..السودانية.. التى.. خلعت.. ضرسى
Author: مهاجر
Date: 08-14-2003, 12:10 PM
Parent: #2
والله ماشاء الله
ياولدنا من هسي دخلت سيرفس( service
اعمل حسابك ما تضيع نفسك وتفك اخرك
والله بنات البورد رحبوا بيك دي حاجة كويسة
زامن كانوا معاي الشحمة والنار
|
Post: #7
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 12:25 PM
Parent: #4
اخوى مهاجر
اولا بيان دى خالة
وشيرى الناس واقفة ليها صف ,هى مش ساهلة واساسى عمل ليهادعاية
تانى فى زول بصلها والباقيات ديل كلهن فى امريكا حيث المساواة
وتسلم ياخوى
|
Post: #13
Title: Re: الدكتورة ..السودانية.. التى.. خلعت.. ضرسى
Author: مهاجر
Date: 08-14-2003, 12:58 PM
Parent: #7
الحبيب انا بعرفهم كلهن هنا
بس اجوك الامان يعني
بعدين اهلنا اهل العوض ديل برضو
|
Post: #8
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 12:35 PM
Parent: #2
خالة بيان
تحياتى
انتن ما عايزات ديمقراطية
انا قبلان بس التقدميات بقبلن
بس انا شايف المراة فى شرق اسيا مسيطرة تمام
انديرا وسونيا وحسينة وماقواتى وبتاعات الفلبين الاتنين
لكن الله يكون فى عونه فى شرق اوسطنا
وتشكرا ياستاذة
بس لو النسوان زى الدكتورة صدق فيهن قول الشاعر
فما التانيث لاسم الشمس عيب
والما التذكير فخر للهلال
|
Post: #3
Title: Re: الدكتورة ..السودانية.. التى.. خلعت.. ضرسى
Author: WadalBalad
Date: 08-14-2003, 11:58 AM
سلامات يا بيان
يعنى عايزين تعملوا أبو قوتة الراس
يعنى المرا كان بقت راس ما بتكسر فاس
لووووووووللللل
|
Post: #5
Title: Re: الدكتورة ..السودانية.. التى.. خلعت.. ضرسى
Author: aba
Date: 08-14-2003, 12:14 PM
Parent: #3
أب قوتة
أولا كفارة
وبعدين يظهر الدكتورة ما شالت ضرسك براهو كدي يا أخوي أهبش قلبك ويظهر إنك مزلوع علي حد قول تماضر.. نحي معاك الدكتورة أم يد باردة الله يخدر ضراعها
|
Post: #6
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 12:21 PM
Parent: #5
اخوى ابا
كفر الله سيئاتك
اولا قلب اخوك مثبت
وبعدين هى عندها دكتوارة تخلع اى شى مش ضرس
هى مرة كبيرة حبة وعرفت انها بعيالها الله يخليها ليهم
وتشكر
|
Post: #9
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 12:37 PM
Parent: #3
ود البلد
تحياتى
ياخوى انت مالك ضارى اخوك
ما تخلينى اتمكن وبعدين قولهن
وتسلم ياحبيب
|
Post: #10
Title: Re: الدكتورة ..السودانية.. التى.. خلعت.. ضرسى
Author: bayan
Date: 08-14-2003, 12:41 PM
Parent: #3
سلام يا ود البلد
عارف كلام زى كلامك دا خلا عجوبة تخرب سوبا
لووووووووووووول
|
Post: #11
Title: Re: الدكتورة ..السودانية.. التى.. خلعت.. ضرسى
Author: sentimental
Date: 08-14-2003, 12:45 PM
كفارة يا ابوقوته وحمد لله على سلامة من الضرس . بس اوعى تكون اتجرست وجيبت سمعة للبورد.
|
Post: #12
Title: Re: الدكتورة ..السودانية.. التى.. خلعت.. ضرسى
Author: elameen
Date: 08-14-2003, 12:49 PM
ابو قوته لك التحية والود
والله يا اخوي انا اقراء في موضوعك ده ويمتلكنى خوف شديد لاني سوف اقلع ضرسي يوم الاربعاء الجائي فهذا الشعور ينتابني كل يوم وخاصة هنا الدكاتره الموجودين في الدوحة كلهم جداد قايتو ربنا يستر ويهون عليضرسي
|
Post: #14
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 01:10 PM
Parent: #12
سنتمنتال
كفر الله سياتك
هى ادتنى فرصة اتجرس 30 ثانية وانا ذاتها ما عرفها
خلعته الا اشوفه فى الفتيل الجنبى,
وتسسلم ياحبيب
|
Post: #15
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-14-2003, 01:16 PM
Parent: #14
الامين
اوعاك من الدكاترة الجداد, وماتخاف يازول الالم كعب, انا اسى بقت لى عادية ممكن افتح خشمى تانى لاى دكتور زى عنز النفيدية
كل مرة بودوها السوق ويفتحو خشمها يلقوها كبيرة
صاحبها ما خل سوق ما وداها ليه,فى الناية بقت لو جيت
جنبها تفتح خشمها براها.
وتسلم ياشفيف
اخوى مهاجر
انت خبرة لكن نحن استفدنا منكم جينا بطرق جديدة
لاننا كنا ننراقبكم من قبل ان نكون اعضاء وعارفين
مين الشاكال ومين الهتراش
وتسلم يابونى
|
Post: #16
Title: Re: الدكتورة ..السودانية.. التى.. خلعت.. ضرسى
Author: elsharief
Date: 08-14-2003, 04:26 PM
الاخ ابو قوتة
كفاره وحمدلله على سلامتك وفى بونا عملية الضرس فى مستشفي العسكرى بى عشره روبيات
|
Post: #20
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-15-2003, 07:31 AM
Parent: #16
اخوى متولى
كفر الله سيئاتك
والله كلامك صاح
انت تعرف كانت الفاتورة تشيب الراس
بس انا ما دافع شىء من جيبى كلها على الشركة
ولو كنت دافع كنت رحت على عيادات البطحاء
تلقى الهنود فى الشارع شايلين الزرديات
وشكرا ياحبيب
|
Post: #17
Title: Re: الدكتورة ..السودانية.. التى.. خلعت.. ضرسى
Author: Deng
Date: 08-14-2003, 04:26 PM
أبو قوتة.
| Quote: فسالت من جنسيتها فقالو انها سودانية ,قلت احسن اخذ مواعيد عند السورية |
لماذا السؤال عن الجنسية وليس عن المؤهلات والخبرة؟
دينق
|
Post: #18
Title: Re: الدكتورة ..السودانية.. التى.. خلعت.. ضرسى
Author: WAD ELGAALI#4
Date: 08-14-2003, 09:35 PM
Parent: #17
كفاره يا ابقوته وربنا يرفع المرأه السودانيه كمان وكمان عشان دايما رافعات راسنا والله
دينق ياخى قول للراجل كفارة اول حاجة ياخى انت زول
بتاع شبك كدا مالك بعدين خلى اخلاقك رياضيه
|
Post: #22
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-15-2003, 08:03 AM
Parent: #18
ود الغالى4
كفر الله سئاتك
وكفاك بلياتك
على حسن نياتك
وانا من بلدياتك
الله يرفعهن بس فوق التانين لكن راسنا دى ما مشكلة
شكرا ليك كتير
|
Post: #21
Title: Re: الدكتورة ..السودانية.. التى.. خلعت.. ضرسى
Author: abuguta
Date: 08-15-2003, 07:57 AM
Parent: #17
وينك يادنق
لازم نسمع سونق
ونلعب بونق
ونحارب الرونق
تشكر ياشفيف على التنبه التخصص مطلوب
بس عندنا هنا المشهورين فى الاسنان فلبينين وسورين
لكن انا تانى بقول سودانين
|
Post: #19
Title: ابو قوته
Author: توما
Date: 08-14-2003, 10:01 PM
ابو قوته
سلامات وسلامتك..وبركه البقيت طيب..
كان بقدر كان كتبت ليك قصيده..والله انا متكيفه منك ومن مجاراتك دي العجب في بوست ود شاموق ضحكتني ضحك بقائدناالالمع الاشتر و ولا بقدر اجاريك ولا حاجه يديك العافيه ويخلي ليك باقي ضروسك..
توما
|
Post: #23
Title: Re: ابو قوته
Author: abuguta
Date: 08-15-2003, 08:10 AM
Parent: #19
اختى ياتومه
الخاتية اللومه
الله يكفيك شر الهموما
وناس الطفولة الامومة
واديك صحة ديمومة
زى اختك سومه
شكرا على الاعجاب
وانا تانى بكون هضراب
وبكتب شعر الارض اليباب
فوق السحاب
وكراس الحساب
وتسلمى يابت بلدى
|
Post: #24
Title: Re: ابو قوته
Author: HOPELESS
Date: 08-15-2003, 09:48 AM
Parent: #23
ابو قوته
قلت لي قلعتو في 30 ثانيه؟؟
يا زول انت متأكد انك ما سرحته فيها؟؟
لوووووووووووووول
والله كفاره والقلعه الجايه تكون اسهل وفي 15 ثانيه
يا اخي الكبر مشكله .. بس النافع انك شغال جنب المستشفي يعني ما بتتعب في المساسقه .... وما تنسي تورينا المتبقي من السنون
سلام يا شروم
|
Post: #25
Title: Re: ابو قوته
Author: abuguta
Date: 08-15-2003, 01:31 PM
Parent: #24
وعينونك لما تسرح وين بودوا
فى زول مالم بسرح
وبعدين تقوم تقراء كلامك بت الناس دى تقوم تعمل لى 10 بريال
ونجى نفتش فى بنات البورد ديل يقومو يطلعوا لينا حاجة تانية
تسلم ياحبيب
|
Post: #26
Title: Re: ابو قوته
Author: ابو جهينة
Date: 08-16-2003, 10:11 AM
Parent: #25
أبو قوتة
تحياتي.
و الجاتك في ضرسك سامحتك. و ألف حمد الله على السلامة.
و الله نشعر بالفخر لهذه الكفاءة السودانية. فالتحية لها و نتمنى لها دوام التقدم.
|
Post: #27
Title: Re: ابو قوته
Author: abuguta
Date: 08-16-2003, 02:42 PM
Parent: #26
ابوجهينة
مشكور
فعلا حكاية ترفع الراس
لكن ما شغل مساكين
لان المستشفى جزارة بشرية لولا عندى بطاقة تامين
كان ضيعت مهر العروس
وتسلم ياشفيف
|
|