Post: #1
Title: الشــــــــــريف..الى بونا...الهند
Author: abuguta
Date: 09-21-2003, 08:25 PM
Parent: #0
سافر الى بونا عضوالبورد الهام متولى الشريف وهو الان جالس داخل دار الاتحاد وسط الاحباب وقد راوده الحنين الى جلسته المعهودة فى مقهى الماهناز والماجستك..تحياتنا معك الى ذلك الربع وتلك الديار
التى جنينا منها العلم والحرية والديمقراطية..وكل ما هو جميل والان اصبح عندنا ذكرى..وسلامنا الى جميع الزملاء الجدد الذين سجلوا اسماءهم بعدنا فى سجل الاتحاد
بونا
اليك يابونا منبع السحر
جئت من شرق ونزيلك نكر
الا تعرفى فتى فى زنجية العربى
ينطق الدضاد ووجناته سمر
فبنت من بعد على تلك الروابى
كانك بكر تبرز الصدر
انى فتنت بجمال الحسان
ونصيبى من ذلك كتابة الشعر
فحدثينى بربك اسوداننا فيك
له منابر وصحف تصدر
فقالت فى وجل وقولها خجل
فكثير من فى وغرائب كثر
اتسالنى عن شباب اشلائه جمعت
فى وحدة كانت وعمنا الخبر
فياليتهم صبروا على عهود ابرمت
فقامت شرزمة تقطع الزهر
فاشعلت نار واغلقت دار
فلا تفتنى ياخى مع ذلك النفر
مهما اغلقت دار واصابكم هجر
وصارت ارضكم كلها غفر
رايتكم شمسا شروقها ا فق
وظلامك زاح وعانقتم الفجر
فياروابط تجمعت فى يوما هذا
فاعلنوها ثورة كاثورة الحجر
بونا 1994
|
Post: #2
Title: Re: الشــــــــــريف..الى بونا...الهند
Author: elsharief
Date: 09-21-2003, 09:37 PM
Parent: #1
الاخ احمد ابوقوتة
شكرا ليك للكلامات المعبره الى بونا الحنونه وتقبل تحيات الاخ دفع الله
|
Post: #3
Title: Re: الشــــــــــريف..الى بونا...الهند
Author: kamalabas
Date: 09-21-2003, 09:47 PM
Parent: #1
كيف ياشباب بونا متولي وابوقوته وكيف اخبار خريجي
بونا بالوطن وخارجه ؟؟
كمال
|
Post: #5
Title: Re: الشــــــــــريف..الى بونا...الهند
Author: abuguta
Date: 09-21-2003, 11:15 PM
Parent: #3
الاخ كمال شكرا لك
هذه هدية لكل خريج
| يوم الخريج ابقوتة | تعبيت ياهند من دربك iiالشاق وقولك الزائف عند iiالتلاق وسنينا قضيتها فيك من عمرى فما جنيت شيئا حلو iiالمذاق كرهت اهلك وكل من iiفيك واعلنت ثلاثا عليك الطلاق مالى ارى البوم اليوم iiوجوم وغاب الغراب وصوت النعاق وفاح اريج مع نسمة iiهبت وصفير بلابل باصوات iiرقاق فبانت فتاة فى جمعكم iiهذا فتم العناق فى لقاء iiعشاق فكانت بلادى هى العروس ودوت طبول ودفع iiالصداق فولدت شباب اليوم iiخريج فى ظل اتحاد مارد iiعملاق فحيو الخريج فى يومه iiهذا فانا له مغنى واليه iiصفاق فصنو وحدتكم وقووا iiشوكتكم واجمعوا احزابكم وكل iiالرفاق فالخريج زرع والخريج iiاكل فالخريج فيض ونيل iiدفاق فالخريج نور والخريج iiبدر والخريج شمس عند iiالاشراق فانتم الزحف على امية iiضربت جذورها فينا حتى iiالاعماق فانتم الامل والحلم iiالمرتجى وانتم الانقاذ من انقاذ iiالنفاق فحيو الخريج فى يومه iiهذا فنانا له مغنى وله صفاق |
|
Post: #4
Title: Re: الشــــــــــريف..الى بونا...الهند
Author: خضر حسين
Date: 09-21-2003, 10:22 PM
Parent: #1
الأخ العزيز .. أحمد صديق
شكرا ليك يا راقى .. وأحيى فيك أنك ما تزال متعلقا بحبل التواصل
.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث
|
Post: #6
Title: Re: الشــــــــــريف..الى بونا...الهند
Author: Rawia
Date: 09-21-2003, 11:41 PM
Parent: #1
الزميل العزيز الشريف
الف حمدا لله على السلامه ،انشاء الله البلد ترحب بك لكن ما عرفت هل رجعت لاكمال دراسه ولا شنو،عموما دى فرصه عشان اعبر لك عن احترامي لك و للمواضيع الجاده التي تطرحها و عن كل المداخلات في بوست عبد الخالق المحجوب
و تأكد انني فخوره جدا بي شباب بلدي الجاد
|
Post: #7
Title: Re: الشــــــــــريف..الى بونا...الهند
Author: ايهاب
Date: 09-22-2003, 00:56 AM
Parent: #6
العزيز ابو قوتا
تسلم على البوست الزوق
و على قصائدك الجميله
والله كلنا مشتاقين ليها ولكن
قول للزمان ارجع يا زمان
الغالي الصديق والاخ
الزميل الشريف
انت كنت وين
ما تقول لي كنتا جنينا و ما قلتا لينا
والله بالغتا عديل
انا غايتو ما فهمتا حاجه
رغم محاولتي التخمين
تحياتنا للعزيز بكتاش والجميع بدون فرز
و في انتظار الاخبار
اخبرهم باني افتقدتهم جميعا واياك و بشده في ذلك اليوم الجميل
|
Post: #8
Title: Re: الشــــــــــريف..الى بونا...الهند
Author: abuguta
Date: 09-22-2003, 01:41 AM
Parent: #7
بونا ياجوا ظريف
انا جيتك فى الخريف
بونا يام مطرا رزاز
انت فيك الزول الظريف
وفيك اللاعب الحريف
وفيك الناقض بالبشبه
شوقى ضيف
وفيك الناس الشواذ
الاسامى مستوردة
والفنلة كط موردة
والبنطلون قاصنو ردا
وبرضو ماشى الماهيناز
الاحزاب كتيرة فيك
حزب باللعب داير ليه سيك
وحزب الكايسة ليها شريك
وحزب الزول الشايل عكاز
تعال شوف قهوة الشيوعية
الناس العاملين افندية
وشعارهم اشتراكية
ومعاهم الجكس اللذاذ
وبهناك ناس الاتحادى
بالجملة وكمان انفرادى
وشعارهم توحيد الوادى
وسيدى الساكن الحجاز
وفى قهوة حزب الامة
نضحك جميع فى لمة
وكل زول ليهم انضم
على حسب قول امامهم الفولاذ
وفى دار الاتحاد
جلس الجميع فى السجاد
ونسينا الاحزاب والاحقاد
وبالنهار فى الماهيناز
|
Post: #9
Title: Re: الشــــــــــريف..الى بونا...الهند
Author: abuguta
Date: 09-22-2003, 03:54 PM
Parent: #8
ادكرت هند وقصائدى الفصحى
حين رايت اهلها فى شارع البطحاء
وبساطة قوم جلبتهم حياة
فاصبح رزقهم بين الغربة والمنفى
الاخ الشريف
تحياتى
شنو الحكاية وقوف على الاطلال ولا دراسة عليا ام انتفاضة من الشرق
الاخ كمال عباس
شكرا يارئيس على المداخلة
فى انتظار الاخبار من الشباب
وتسلم ياوطنى
ايهاب الحبوب
لقد تفرقت بنا الدروب
ومن الغربة قلنا الروب
وطرينا المقاهى والشاى الحليب
ومشية الدار من كل حدب وصوب
الاخ حضر حسين
قلنا نجدد ليكم الحنين
ونرجع معا الى سالفات السنين
وننسى الغربة والشكوى والانين
الاخت راوية
شكرا على الطلة
|
Post: #10
Title: Re: الشــــــــــريف..الى بونا...الهند
Author: elsharief
Date: 09-22-2003, 04:27 PM
Parent: #6
الاخت راوية العباسى
شكرا الى كلماتك المعبره واطروحات البورد وربنا يوفق الجميع فى المواضيع الجاده
شباب الهند
انا لازلت موجود فى بونا وانت يا ايهاب اول زول عارف تفاصيلى ومافى سرا بيننا وكيف انطباع سلام عن السودان وخاصة عندما قابلت شباب بونا
الصديق العزيز ابوقوتة
اشكرك على السؤال وتوقع رسالة فى الماسنجر من الاخ دفع الله
|
Post: #11
Title: Re: الشــــــــــريف..الى بونا...الهند
Author: Raja
Date: 09-22-2003, 05:39 PM
Parent: #1
هنيئا لـ "بونا" به وهنيئا له بـ "بونا"..
الزملاء الأعزاء احمد ومتولي.. تحية لكما وانتما تحفظان عهود وحقوق البلد، التي لم تضن عليكما ولا على جل من ابناء الوطن بالعلم والمعرفة،، وتحية للرفاق الذين مازالوا ينهلون منها علما ودراية،، وتحية لتلك المدينة التي ألهمت أحمد صديق تلكم الأبيات..
|
Post: #12
Title: Re: الشــــــــــريف..الى بونا...الهند
Author: abuguta
Date: 09-22-2003, 06:09 PM
Parent: #11
مالى والخمر رق الكاس او راقا
ولا الصبابة تصلى القلب احراقا
........
صحب حملت لواء العشق بينهم
من قبل ان يصبح العشاق عشاقا
الاخت رجاء
حين اشوف اسمك وارى طلتك اتذكر شيخى الاول العباسى( محمد سعيد)
هلى هنالك علاقة
شكرا ليك والى بنت امك راوية على الطلات وانشاءالله نجيكم فى جديدكم
ونتقابل مع هوب فل لما يلقى القمر الضائع
وتسلمى ياوطنية
|
Post: #13
Title: Re: الشــــــــــريف..الى بونا...الهند
Author: mustafa mudathir
Date: 09-22-2003, 07:00 PM
Parent: #12
أبقوته
مابتكون بتعرف احمد صديقن آخر أنا ببقالو عم؟
.كان في الهند و هسي في السعودية
. أوعى تكون انت هو ذاتو؟ أو ياريت عنوانو ياشباب الهند
مصطفى مدثر
|
Post: #14
Title: Re: الشــــــــــريف..الى بونا...الهند
Author: mustafa mudathir
Date: 09-22-2003, 07:01 PM
Parent: #12
أبقوته
مابتكون بتعرف احمد صديقن آخر أنا ببقالو عم؟
.كان في الهند و هسي في السعودية
. أوعى تكون انت هو ذاتو؟ أو ياريت عنوانو ياشباب الهند
مصطفى مدثر
|
Post: #15
Title: Re: الشــــــــــريف..الى بونا...الهند
Author: abuguta
Date: 09-22-2003, 07:20 PM
Parent: #14
العم مصطفى
وينك انت ياراجل
من زمان اقول الصورة دى شفتها وين
هو ترا دا عمى
انت من ناس وين
انا من ابوقوتة جعلى -كاهلى
اسمى احمد صديق بله موسى محمد امام ودمحمد زين ود دياب ود المك مرزوق ود ابراهيم ود عرمان وعرمان دا غير بتاع الحركة
لكن ما عارف احتمال نطلع قرائب
بعرف واحد اسمه احمد صديق درس فى بومبى
ممكن تسال منه الشريف او بكتاش بعرفوه جيد
بس انا ما بعرفو من وين بالضبط لكن على ما اظنه من ناس مدنى
وتسلم ياطيب
وشكرا على المداخلة
|
Post: #17
Title: Re: الشــــــــــريف..الى بونا...الهند
Author: Rawia
Date: 09-22-2003, 10:45 PM
Parent: #15
ابقوته العزيز
القلوب عند بعضها ..الاستاذ محمد سعيد العباسي لا يمت لنا بصله قرابه لكنه جعلي من السروراب و نحنا جعليين من المحميه غرب و العباسي حقتنا دي جايانا من الشيخ محمد الامين العباسي كان شيخ في الازهر الشريف وهو جدي لابي
نفسي اساللك سؤال ...هل درست الثانوي في حنتوب الثانويه
|
Post: #18
Title: Re: الشــــــــــريف..الى بونا...الهند
Author: abuguta
Date: 09-22-2003, 11:13 PM
Parent: #17
الاخت راوية
مشكورة على تلك المعلومات التى زوتينا بها
عن ارض الكنانة وعلى فكرة القاهرة تشبه بومبى كتير خالص
الذات الاحياء القديمة بس اللوحات بالانجليزى
انا درست الثانوية فى الحصاحيصا
ودى ذكريات تانية ما تفورى دمى ساكت
بس الهند محت كل ذكريات قديمة وصارت هى الجديد
والان انا فى السعودية الرياض-بادى المشى جديد على قول اخونا الخواض
حيث لا رياض ولا قافية الضاد
وتسلم ياجعلية
|
Post: #16
Title: Re: الشــــــــــريف..الى بونا...الهند
Author: elsharief
Date: 09-22-2003, 08:34 PM
Parent: #1
الاخ مصطفى مدثر
تشرفنا كثيرا بمعرفتك والاخ احمد صديق مدثر هو صديق عزيز والان بالرياض السعودية وقريبا سوف اوفيك بعنوانه وسمعت انه تزوج قبل عامين
|
Post: #19
Title: Re: الشــــــــــريف..الى بونا...الهند
Author: moniem2002
Date: 09-22-2003, 11:35 PM
Parent: #16
الاخ
الشريف
رافقتك السلامة
والدعاء لروح الشهيد
حاتم حسن
ابن عمى الذى قدم روحه فداءا لوطن جميل
عودا حميدا
|
Post: #20
Title: Re: الشــــــــــريف..الى بونا...الهند
Author: ودرملية
Date: 09-23-2003, 00:12 AM
Parent: #19
سلامات
الشريف ذاك الرجل الطيب
نسال الله ان تكون اقامتك طيبة بين اخوانك واحبابك واصدقائك في بونا ونتمني لك دوما كثير النجاح
ودمت
|
Post: #21
Title: Re: الشــــــــــريف..الى بونا...الهند
Author: sign
Date: 09-23-2003, 01:02 AM
Parent: #20
شباب..جهجهتونا والله..الذكريات في كل ليلة..تهدينا أشياء أكثر من جميلة..أخوي متولي ..حمدالله ألف علي السلامة..انت كنت وين؟..و الله كلامي معاك انك قريب من مكمن العشق ـ الكامب ـ .. هيجتو علينا الذكري.. الله عليك يا كامب ..راجع ليكم بعد أكمل قراية سطور كتبها أحد الدعايات محبي الظهور ..قال سنين الهند عجاف..الهند دي زي العرس..ما بعرفوهو الا الضاقوهو..تسلموا.. يارايعين..
|
Post: #22
Title: Re: الشــــــــــريف..الى بونا...الهند
Author: kamalabas
Date: 09-23-2003, 01:13 AM
مرحبا بك يا sign هل انت ايضا من خريجي بونا
الهند او بونا الحنونه؟؟
كمال عباس
|
Post: #23
Title: Re: الشــــــــــريف..الى بونا...الهند
Author: sign
Date: 09-23-2003, 01:22 AM
Parent: #22
مرحبتين ود عباس..نحن برا الهند بنبقي؟..بونا العلمتنا..الله يسامحكم..دموعي جرت..عاجبكم جنس الحال دة؟..
|
Post: #24
Title: Re: الشــــــــــريف..الى بونا...الهند
Author: kamalabas
Date: 09-23-2003, 01:30 AM
Parent: #23
والله يا sign ما عرفتك يمكن لانو دا ما اسمك الحقيقي
رغما انو لي ذي سته سنوات في بونا غادرتها عام 1993
kamal mohamed abas
ال s.s.u سابقا ثم الاتحاد الموحد
|
Post: #25
Title: Re: الشــــــــــريف..الى بونا...الهند
Author: abuguta
Date: 09-23-2003, 01:39 AM
Parent: #24
مرحبتين ساين
وينك انت ياراجل
يارئيس هو من شباب بونا جو بعدكم وكان ساكن كندوا
وشاب ظريف
لى بكرة نديك التفاصيل
|
Post: #26
Title: Re: الشــــــــــريف..الى بونا...الهند
Author: sign
Date: 09-23-2003, 02:25 AM
Parent: #25
تشرفنا أخي كمال ..للأسف لم أحظي بمقابلتك..أظنك من فحول الجنوب الهندي..نحن بعدكم بشوية..خالد دفع الله الطيب ..ماجستير تجارة جامعة بونا ..سيمبويسيس كوليج ..قسم ادارة أعمال.. قطعناهو عشان كندا..و العود قريب..أها يا أبوقوتة..الظرافة تفوتك انت كيف ؟..حرم الليلةايدك ما ترجع فاضية..و ما تشوف حرج تب..عزومة الدال لا زالت قائمة؟..لو ما اتذكرتني اتصل بأبوقوتة الصغير..أخوي خضر حسين..مفاجأة؟..كلك ذوق..والله كان زعلني زول و هجت..اتذكرك بهدوءك الذي كنت أرقبه مستمتعا علي مبعدة منك دون أن تشعرني..أنسي زعلي كلو....متولي..المتوشح صمتا..الملئ احتراما ..لك الود..هسع الجماعة يتجادعوا الرسائل..و ما يعرفوني الا بالتصنيف السياسي..الذي علمنا ضآلته..حين فقدناكم.. الا ليت أيام التجمع تعود..فنبني ما فاتنا بناؤه..و بالله ناس القوي المستقلة ما يتحسسوا من ذكر التجمع..يا أخواننا والله مكانتكم في القلب صميما..بالطلبة غير المنظمين..بي عياد البلة..قصرت يا متولي؟
|
Post: #27
Title: Re: الشــــــــــريف..الى بونا...الهند
Author: kamalabas
Date: 09-23-2003, 02:32 AM
Parent: #26
الاخ ساين انا من بونا تخرجت بماجستير علوم سياسيه
كنت سكرتيرا عاما لاتحاد وعضوا في لجانه التنفيذيه
لعده دورات وذلك قبل الوحده ثم عضوا في لجنه رأب
الصدع مع الاخوه جوكس ،خالد علي،بريقع،صديق عثمان
وغيرهم غادرت بعد الوحده مباشره
|
Post: #34
Title: Re: الشــــــــــريف..الى بونا...الهند
Author: kamalabas
Date: 09-23-2003, 04:33 AM
Parent: #19
رحم الله فقيد الحركه الطلابيه وفقيد بحري المأ سوف
علي شبابه حاتم حسن فقد كان دمث الاخلاق طيب المعشر
مناضلا موقعه مدينه مدراس حيث وفاه الاجل قبل سنوات
الزمكم الله الصبر يا منعم
|
Post: #28
Title: Re: الشــــــــــريف..الى بونا...الهند
Author: سجيمان
Date: 09-23-2003, 02:35 AM
Parent: #1
يا ابقوتة......في واحد في بونا دي ماكلني قروش..... اسمو المر....المُر...او مرتضى......تعرفوهو؟.....الزول دا لو لميت فيهو حاكسرو عدييييييييل كدا.....
|
Post: #29
Title: Re: الشــــــــــريف..الى بونا...الهند
Author: sign
Date: 09-23-2003, 02:41 AM
Parent: #28
أخي كمال..نحن من الدفع اللاحقة..غادرت الهند قبل عام..بالنسبة للاتحاد..كنت نائب سكرتير عام بعد الوحدة بفترة طويلة..شغلنا بالعمل السياسي ..فلم نؤد للاتحاد ما وجب علينا تأديته ..والله ذكرتني أخونا محمدأحمد..أخبارو شنو يا متولي؟
|
Post: #30
Title: Re: الشــــــــــريف..الى بونا...الهند
Author: kamalabas
Date: 09-23-2003, 02:45 AM
Parent: #28
المره ده منو ياسجيمان نعلو مرتضي الصادق المكي اخو
عشوشه او هشام من اولاد امدرمان وكمان طوالي لابس
نظاره؟؟
|
Post: #31
Title: Re: الشــــــــــريف..الى بونا...الهند
Author: سجيمان
Date: 09-23-2003, 02:51 AM
Parent: #30
ايوا يا كمال.....كتلتو بس ياهو زاتو.....وعشوشة برضو عامل كرعينو الزي الزردية ديل.....لو جنبك اي واحد منهم بالله اديهو في الانكل
|
Post: #32
Title: Re: الشــــــــــريف..الى بونا...الهند
Author: kamalabas
Date: 09-23-2003, 02:57 AM
Parent: #31
والله عشوشه دافي بنسلفانيا لكن المر دا الا ترسلوا
لي زولك الظهر جديد في ام درمان عشان يقوم باللازم؛؛؛
|
Post: #33
Title: Re: الشــــــــــريف..الى بونا...الهند
Author: سجيمان
Date: 09-23-2003, 03:03 AM
Parent: #32
بنسلفنيا قال؟ من بني كاربو الي بنسلفنيا............ عشوشة فيهو شي هو؟ عشان ارسل ليهو زولي
|
Post: #35
Title: Re: الشــــــــــريف..الى بونا...الهند
Author: elsharief
Date: 09-23-2003, 09:30 AM
Parent: #1
الاخ العزيز منعم
هذا البوست استفده منه كثير بالامس تعرفت على عم احمد صديق الاستاذ مصطفى مدثر واليوم تعرفت على ابن عم الشهيد والرفيق حاتم حسن والموضوع يطول حول اسهامات حاتم فى شبه القاره الهندية السياسية والنقابية والثقافية وبالمناسبة سنويا بنحتفل بزكرى تابينه بمدينتة بمدراس بجنوب الهند وحقيقة يا منعم تشرفنا بمعرفتك
سجيمان
المر وكيف اخبار الراجل ده تحياتنا ليه
ودرميلة
شكرا لك ودام التواصل بيننا
خالد دفع الله
انا وخضر حسين وعباس فاروق اجتهدنا ما عرفناك والله انا لسه فى الكامب وابوقوتة جهج الشباب شويه ولازلنا فى الانتظار وكيف اخبارك
التحايا موصولة للاخوه مهاجر ونصار
|
Post: #36
Title: Re: الشــــــــــريف..الى بونا...الهند
Author: مهاجر
Date: 09-23-2003, 10:16 AM
Parent: #35
الحبيب والصديق متولي
سلامي لكل شبر في الاتحاد
سلامي لكل الاخوان بكتاش امير صالح وبيف
وكل من يسال عنا
وارجو انك تعمل لينا رسالة عن كل اخبار بونا الحنونة
|
Post: #37
Title: Re: الشــــــــــريف..الى بونا...الهند
Author: kamalabas
Date: 09-23-2003, 03:03 PM
Parent: #1
بخصوص بوست الاخ سجيمان عن المر او مرتضي والذي ذكر
اكل قروشه .. تأكد لي ان الامر مجرد دعابه ليس الا
يجب الا ناخذها مأخذ الجد ..
|
Post: #38
Title: Re: الشــــــــــريف..الى بونا...الهند
Author: abuguta
Date: 09-23-2003, 04:28 PM
Parent: #37
اولا: الرحمة على فقيد الحركة الطلابية والاخ حاتم والى اسرته الصبر وحسن العزاء
الاخ خالد
اقولك شنو ...جهجهتننا كتير كيفن ما بعرفك افو..على ما اعتقد عندك صورة معاى جنب دكان عاصف..معانا ابراهيم الاحمر..ومختار الكوز
وابقوتة الصغير
كمال عباس مشكور ياوطنى
سجيمان والله انت مسكين ساكت انا قايلك زول حسين اياكلك المر ..من حكاوى المر لافى الهند مع تاجر عطور يفتشو للبان الضكر ...فى النهاية لقو اللبان كلو انثى 8 شهور والمر طلع ساكت لا لم فى حق التعب ..والتاجر ملحو ساكت...دا زول طيب شديدوكريم واخو اخوان
بس اظاهر قروشك ديل ميتات هن...وفى شنو كانت ..صندلية ..ولا صندل
الشريف تحياتى لك والى خضر والى الدار وتربيزة الضمنة...قول ليهم ابقوتة قال ليكم احجزو لى القيم الجاى..وانتم عارفنى انا ما بلعبها فى راس النعامة ولا دخان الكمائن ولا لكن تحت ضل الموليته..وخاتى جنبى كباية الشاى..وعصاتى مضببة...وتسلمو جميعا
|
Post: #39
Title: Re: الشــــــــــريف..الى بونا...الهند
Author: abuguta
Date: 09-23-2003, 05:06 PM
Parent: #38
دى هدية خاصة لشباب ناغبور
شلة ابناء الرصيف
جلسة على الرصيف
صرت اجلس وحدى فى الرصيف
ولم يبقى الا جسم نحيف
وذكريات لشباب قد مضى
فتلاشت كاوراق الخريف
فلا نثر ولا شعر مقفى
فلا رجز ولا بحر الخيف
ورياض ذات ازهار تذكر
مواعيد لاهل الحب العفيف
واطيار ذات اجنحة تصفق
عندما تسمع القول الطريف
واشجار تميل معنا طربا
عندما تسمع صوت الدفوف
وامطار ذات بروق تحاكى
ضحكاتنا عندما نقتسم الرغيف
سنينا من اللهوى مرت
سراعا عاجلة كلمحة طريف
ولم يبقى الا حطام من شباب
فلا فرح يجمعهم ولا كره مخيف
وانا صرت مشغول بنفسى
وعزاى بكاء فى الرصيف
لكنى مقادر تلك البلاد
قبل نزول الحتوف
فرجائى فى الله قوى
فما خاب من كان لله حليف
|
Post: #40
Title: Re: الشــــــــــريف..الى بونا...الهند
Author: نصار
Date: 09-23-2003, 05:35 PM
Parent: #1
متولى بختك و انت تعود الى مخابئ الذكريات الجميلة
موطن تكوين شخصياتنا
تحياتنا لكل مكان تمر به فى بونا و على طول الطريق الى بومبى مرورا بلونافلا حين تكون على مستوى اعلى من السحاب, ذلك المشهد الذى شدهنا لاول مرة نراهوا و ظل على حالة الادهاش حتى غادرنا الديار
و السلام لمن بقى من من عاصرناهم
و من لحق
و لك المنى بقضاء اجازة سعيدة
|
Post: #41
Title: Re: الشــــــــــريف..الى بونا...الهند
Author: kamalabas
Date: 09-23-2003, 05:42 PM
Parent: #40
نصار تحيه طيبه
حقيقه ترددت كثيرا فيما سبق ان اربط قاطعا بينك
وبين نصار ابن مدينه بونا وعضو تنظيم القوي المستقله
الحره وقتها عموما لك تحياتي انا كمال محمد عباس
والذي ربما لا تذكرني الان لاني قادرت بعد الوحده مباشره
|
Post: #42
Title: Re: الشــــــــــريف..الى بونا...الهند
Author: ايهاب
Date: 09-23-2003, 06:00 PM
Parent: #41
بوست وجع فشفاش عديل
متولي معليش تشابه على البقر
و ابو قوتا ما وضح لي هسه
الظاهر عاوده الحنين ساي
والله سلام اتبسطت شديد و تمنيناكم هناك
والشباب ما قصرو
و لكم منها عاطر التحايا الى حين لقاء
يا جماعه والله ذكريات الهند و خاصه بونا لها طعم خاص
وذلك اللنك الابدي بين ابنائها له طعم خاص ايضا
يلا واحد يفتح لينا بوست الذكريات
و كل يدلو بدلوه
لكم كل الود والحنين
|
Post: #43
Title: Re: الشــــــــــريف..الى بونا...الهند
Author: tmbis
Date: 09-23-2003, 06:40 PM
Parent: #42
الأخ الشريف
صاحبتك السلامة اينما كنت
بحووت شكريا ابوقوتا
يا وهبة ..بقيت شغال ذكريات قلت لي ؟؟
وينك انته ؟؟
|
Post: #44
Title: Re: الشــــــــــريف..الى بونا...الهند
Author: abuguta
Date: 09-23-2003, 07:17 PM
Parent: #43
شكرا ياعريس على الفكرة
تمبس انت ياخوى هندى معانا من كلامك الاردوى دا
بالله عرف نفسك عشان نلم الشمل
تمارا نام كيا
تمارا سيتى
وبعد كدا ذكرياتك الصادقة وجميلة
|
Post: #45
Title: Re: الشــــــــــريف..الى بونا...الهند
Author: Shalabi
Date: 09-23-2003, 07:44 PM
Parent: #1
الاعزاء الغاليين ,,,والله مااجمل ذكريات الهند وبونا الحنونه ,,اجمل لحظات العمر واحلى اللحظات كانت هناك ,,قطار تمنينا ان يعود بنا ولو لبرهه ولكن هيهات فلم يبقى لنا الا اجترار الذكريات,
بالمناسبه انا كنت في بونا قبل شهر من الان ويا ابوقوته بونا مابقت شيء تاني وانت لسه بتتذكر الماهناز وماجستك ياراجل البلد بقت حاجه حديثه بدل الكافيناز بقت في باريستا والكافي ناز رموها في قوندوا
وبدل ما تمشي سينما نيشات والكا حسي بقت في حاجات كده ناس سينمات حديثه الواحده خمسه وسته شاشات عرض وعمك الشريف ترك قعاد القهاوي وبقي زول مودرن بتاع نت كافيه بس والموبايل اصاله حليل زمن الجوابات المعلقه في الاتحاد وكيرم وتربيزته الناس ريجستراتها بقت بالوسترن يونين وكده ,,, يعني انت لومشيت حاتتوه ياابوقوته والله الهنود بقوا شيء تاني ,,,
شايف في واحد بيسأل من المر طبعا اخر الاخبار بتقول انو المر طاشي في ابوظبي حيث يعمل بجريدة اخبار العرب في قسم التحصيل يعني امشي اربط ليه سااااي واخمش حقك وكان قلت اساعدك بالنص ماعندي مانع .
..
الاخ الشريف بمناسبة حديث الاخ منعم عن الشهيد حاتم حسن والذي ذهب بي بعيدا ببعد المسافه من بونا الي مدارس حيث قطعناها بحلو الذكريات وحلاوة الرفقه بمعيتكم والاخ الغالي جدا هيثم ساحوته حيث ذهبنا لاحياء ذكراه بمدينة مدراس وماصاحب ذلك من ندوات سياسيه اقمناها بدار الاتحاد بمدراس ومشاركة كل التنظيمات السياسيه بمدراس في وفاء نادر للفقيد بالرغم من التنشنات التي احدثها بعضهم و كيف كانت رحلة العوده وقصة كاسترو ومقلب ساحوته ,,, والله تلك ايام اتمني ان تعود لنعيش وسط تلك المجموعةالرائعه من الزملاء ورفاق الدرب ..
الغالي جدا ايهاب السني ,,
مبرووووك للمره العاشره وكل المنى بحياة زوجيه سعيده ..
ودمتم
|
Post: #46
Title: Re: الشــــــــــريف..الى بونا...الهند
Author: ايهاب
Date: 09-23-2003, 08:01 PM
Parent: #45
حبايبنا الحلوين البوناب ومن جاورهم
اولا بخرو البوست دا عشان الظاهر حا يدونا عين
كلو شويه يظهر بوردابي بونابي
اوع بس من الانقلابات
loOoOoOooOoOolz
تمبس يا ملك والله انا موجود لكن انت من ما جا قرنفل بقيت فاح لينا
قالو من لقى احبابو نسى اصحابو
loOoOoOOOOOOOOOOOOOOOOOOOOOOOLZ
يا ابو قوتا تمبس لو ما بونابي برضو معانا
ولا انت رايك شنو يا ولدنا
شلبي الله يبارك فيك و يهنيك يا زوق
شحتفتا روحي
ابن افصح سريع
بالله احكي لينا مقلب ساحوته ذلك العزيز
طبعا احنا سكنا سوى سنه في كوريجن بارك قال عندو امتحانات
و حاتك امرقو اجي لقاهو في نفس الصفحه
و شغال لي عضه سااي
LoOoOoOOOOOOOOLZ
كنا على تواصل بعد ذهابه الى بلاد العم سام ولكنها الان مقطوعه تماما
بالنسبه للمر يا سجيمان فانا اكد ما قاله شلبي
و القسمه بقت كتيره
شد لينا حيلك انت بس
و ابقى قابلني لو لميت فيهو
LoOoOoOooooooooOoOoOOolz
|
Post: #47
Title: Re: الشــــــــــريف..الى بونا...الهند
Author: tmbis
Date: 09-23-2003, 08:23 PM
Parent: #46
ايهاب يا عسل
معاكم والله ..ويا ابوقوته انا بونابي بالواسطه ..ايهاب ده ماسك فيهو قوي
والله تعرف يا ايهاب الزول ده وين ما معروف تتخيل ؟؟
فكو وطار
loOoOoOOOOOOOOOOOOOOOOOOOOOOOLZ
عليك الله كان عارف مكانوا اديني خبر
يا ابقوته اها معاكم ؟؟والا البرنامج شنو ؟؟؟
|
Post: #48
Title: Re: الشــــــــــريف..الى بونا...الهند
Author: ايهاب
Date: 09-23-2003, 09:17 PM
Parent: #47
تمبس يا لزيز والله صاحبك دا خلاص اتعود على الحوامة تاني ما بقدر يقعد
تاني ثريا ساااااااااي بس
loOoOoOooooooOOooOoOoOoOLZ
والله يا تمبس ناس بونا ديل احلى ناس و اكيد لاقوك ناس منهم
معاكم كتيرين منهم
تلاقيهم في اي زمان و في اي مكان
حتى لو ما قريتو في نفس الفنره
تحس انك بتعرفم تماما
هسه عاين بس ما سمعو كلمه بنو جو طايرين
|
|