من ... المستحيل... ارضاء... المرأة ..

تم افتتاح مركز تسوق للأزواج في دالاس حيث يمكن للسيدات الذهاب واختيار زوج من بين مجموعة كبيرة من الرجال

المبنى مكون من خمسة أدوار كلما صعدت للدورالأعلى كان الرجال أفضل في الصفات و المميزات

القاعدة الوحيدة أنك لو فتحت باب أي دور من هذه الأدوار لابد أن تختار زوجا أو تصعد للدور للأعلى
ولا يمكنك الرجوع مرة أخرى .. النزول يكون للخروج بلا عودة فقط

فذهبت صديقتين الى المركز لاختيار زوجين

الدور الأول عليه لافتة تقول
الرجال هنا لديهم وظائف محترمة و يحبون الأطفال
فقالت الفتاتان لبعض: حسنا هذا أفضل من الا يكون لهم وظيفة أو الا يحبوا الأطفال

ولكن لنر ماذا في الدور الأعلى

الدور الثاني عليه لافتة تقول

الرجال هنا لديهم وظائف بمرتبات عالية .. يحبون الأطفال .. و في غاية الوسامة

قالت الفتاتان .. ممممم .. ولكن ماذا في الأعلى؟

الدور الثالث عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت

قالت الفتاتان : وااو .. رائع .. ولكن ماذا قد يكون في الأعلى ؟

الدور الرابع عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت .. و في غاية الرومانسية

قالت الفتاتان : يا الهي .. تخيلي ماذا يكون بانتظارنا في الدور الأعلى

فصعدتا الى الدور الخامس

وجدتا لافتة تقول :

لا رجال هنا و هذا الدور فاضي و موجود فقط لإثبات أنه من المستحيل ارضاء المرأة .. مع السلامة

ابوقوته
حبابك
حقيقة عرض مغري
مافيش نساء بهذا العرض

عاد ده كلام ده !!

طيب نحن ما عارفين صعب ارضاءنا

لكن ما مستحيل ..تخيل

ايمو العزيز

منتظرين الدور كدى شوف الاسواق
الفى حلتكم...نحن عندنا هنا
كفت النساء المرجه
ولك ودى

درييم

ممكن يكون دا درييييييييييم

بس مفروض تكون فى قناعة ..ودى اسى موجود الواحدة
يجيها عريس كويس فى نظر الكل لكن هى تقوم تنظر فيه
وبعدين تنتظر الى القطر يقرب يعدى تقوم تتعنكل فى اخر
عربة..يعنى تتمسك بزول ما بجى فى ضفر الاول
ولا رايك شنو فى الكلام دا مش بتناسب مع الفتاتان
الذين تركن الاحسن من اجل الاحسن وفى النهاية طلعن من
المولد بدون حمص
وتسلمى

..
.
مبالغة يا ابوقوتة
بالله فى دالاس ودقسه قدر دى ..
على العموم حمدالله على فكة القرفه بس اخوك لسه معلق


تحياتى
ايمو ..
سلام يا راجل انت لسه فى الجنوب ..؟؟

ابو قوتة الحبيب

تسعد المرأة بزوجها عندما يكون مشهورا و يسعد الرجل بزوجته عندما تكون جميلة ، و لتعويض النقص عند الفريقين ، خلق الله المال لكى ينسى الإثنان الشهرة و الجمال

تبلدية

انت عارف انا فكيت القرفة كيف

شيكت على حسابى فى البنك ولقيت
الراتب نزل مسكت ورقة وقلم عشان اوزعه
اختى فى التقانة عاوزة القسد الاول
اخو فى جامعة النيلين برضو القسد الاول
اجار الغرفة
الميز
مصاريف الوالدة
2 بطاقة سوا
مليت تنك السيارة
وواحد معانا عاوز ينقل داير سلفية 1000 ريال
دا الالف الوحيد الممكن اقول ليه وداع من غير رجعة
لكن فيه خير عشان بحل مشكلة زول
وما تنسى الشهر الفات كان شهر نفساء
ايه رايك جرب الوصفة دى والله تفك لستك السيارة
مش قرفة

ابو قوتة ما تاكلنا حنك
القصة دى ممكن تتفهم انه النساء يبحثن دائما عن الاحسن
لكن يلقوا نفسهم فى طابق فاضى للاصلاحات
تفسيرك للراشونال داك تفسير رجالى خالص خالص

ابوجهينة
تحياتى
كلامك زى الدرر ودائما تاتى بالمفيد ولا تحتاج لتعقيب

ياترى لو واحد متزوج مرة زى مرة العجب الفى بوست سجيمان

دى يخسر فيها فلوس ليه

لك ودى

الخالة نجاة
احسن شنو..عاوزة من الواقع ولا الفصة

واحدة كانت متزوجها مغترب خريج برجع كل سنة
طلقته واتزوجت عسكرى

وكتار تركرن ناس خاطبنهن لا لمن فى بلح الشام
ولا عنب اليمن
ومرات فى واحدات عوزات يصلن الى اعلى درجة اكاديمية
على حساب الزواج

ومشكورة على الطلة

حاله سعبه