حكاية حمد ود سليمان... من قرية سجيمان

حمد ود سليمان... من قرية المطيريقة... نفس القرية التى ولدفيها سجيمان... تقع فى الضفة الشرقية للنيل وسط ارض الرباطاب... وهو رجل متشدق بالمعرفة... ودليل القرية عندالسفر للخرطوم.. يزعم انه يعرف الانجليزية... وكان مترجم لغردون باشا... قبل مقتله وبعث كم مرة الى بلد الانجليز... وقابل الملكة فكتوريا فى قصرها الشامخ وكم مرة سافر لمصر وبلاد الترك..وهذا كله ما يعرفه عنه اهل القرية..لكن فى حقيقة الامر هولا يعرف تلت التلاتةكم.... ولا يعرف الواو الضكر ولا الياء المعرجة...يتجمع مع الناس اما الدكان فى المساء ويحكى لهم عن كل ما يسمعه من الحضر ايام كان شغال جرسون فى قهوة الزئبق...يوم من ايامه المشئومة حضر للقرية خواجة لابس ليه برميطة وسائق لاند روفر... شاقى الحلة عسى ان يجد من يدله على طريق الخرطوم... ووسط الحلة تجمع الناس حوله وفر بعضهم لجهة الزرع يبحث عن حمد ...فجى بحمد لليوم الموعود..فصار الخواجة يساله بالانجليزية … in which direction the city road فصار حمد يهمهم بكلمات هووووووووووم نووووووووم جوممم...نننننننننوووووووو هوووووووو للللللللووووو...والخواجة يعيد سؤاله مرة تانية بوضوح ...فهمهم حمد بنفس الكلمات الغير مفهومة....فما كان من الخواجة الا ان لطم حمد على خده وذهب...فهتف ناس القرية ...اف يازووول خوويجك فقد المنطق... وما عنده اخلاق علا حمد ركز ليه ...ومنطقه عديل ..عوافى عليك ياحمد اخو الروفة...وبعد ان بردت اللطمة ...ساله الناس ليشنو ياحمد الخواجة الكافر دا ضربك....فرد عليهم ...قال لى انت زول متعلم وبتتكلم انجليزية زى الخواجات علا المقعدك مع الطيور ديل شنو...........

عـلا سـجيمان المقعدو فى البورد شـنو ؟؟

اخونا على الاهلاوى ولا الزملكاوى
انا الايام دى عندى بحث ...اسمه محاولة تقليد المبدعين
والتشبه بالرجال فلاح...
سجيمان المعدو فى البورد انا عشان اقلده
ولك ودى

شكرا أخى أبو قوتة
لكن انت الوداك المطيريقة شنو
ممكن تكون القصة دى حصلت فى الربع ولا أم عويد
لك ودى

انا الليلة بلبس وشاحى...
وبقدل بانشراحى...
وهل علينا اليوم
عيد الاضاحى...
ياربى انا نايم
ولا صاحى...
ولا سارح بمراحى...
وللطير قاعد بحاحى...
وعاوز اقول بصراحى...
مرحب بيك ياعمر الماحى...

وبركةاللميت على الجماعة بس كان تخطرنى عشان نقدمك للناس
ونقول ليهم العقلين وصلوا
مرحب بيك
ولك ودى