Post: #1
Title: الدكتور البيطرى المختفى...من الاختطاف الى السجون
Author: abuguta
Date: 05-17-2004, 08:20 AM
الدكتور كمال احمد موسى من ابناء الجزيرة منطقة الربع خريج جامعة الخرطوم كلية البيطرة,حلمه كحلمى بيت مريح ومستقبل فسيح اراد ان يحسن وضعه ففكر فى الاغتراب ,باع احدى بقرات ابيه مع جزء من محصول حواشته اشترى بالمبلغ اقامة ترك زوجته العروس وهاجر.وجد عمل فى مجاله فى احدى المسالخ بالقرب من المدينة فكان سودانى اصيل فى عمله لا يترك الذبائح الهزيلة ولا ذات المرض المعدى تمر عبر بوابته فعله هذا اثار غصب اصحاب المنادى والمطابخ فاغروه بمبلغ من المال عبر احد زملائه الاجانب فقال له مشى امورك نحن اقدم منك فرفض الاخ كمال هذا العمل المشين ففكر اصحاب المصالح من التخلص من هذه العقبة فسلطوا عليه احدى عصابات القات فاختطفوه فى رمضان الماضى وفى هذه الاثناء زوجته تعانى الام المخاض لكى تضع مولودها البكر فى المستشفى, فحملته تلك العصابة الاثمة وهددته بالقتل ورمته فى سيارتها المظلمة ورمته فى الحدود اليمنية فى ليل حضرموت القارس مكبلا مقيدا بعد ان مزقت اقامته وذاقوه مرارات الالم فعثرت عليه شرطة حرس الحدود فاخذوه ورموه فى احدى سجون صنعاء بتهمة الارهاب, فمكث هذا الشاب فى السجن ثمانية اشهر لا يعرف الليل ولا النهار ولا جريمته التى رمى من اجلها..فشاءت قدرة المولى ان يتنسم ريحة دعاش الجزيرة البارد فزار ذلك السجن احد اعضاء السفارة عن طريق الصدفة..فتعرف على الاخ كمال فقال له استطيع ان افعل لك شىء واحد هو..بعد 24 ساعة ستجد نفسك فى مطار الخرطوم ..فكمال لم يصدق هذا الخبر الذى اعاد له الامل من جديد الى ان راى سيارة السفارة وبها ذلك الرجل ومنها الى مطار صنعاء..وقبل ثلاثة ايام وصل الدكتور كمال الى مدينة الربع وسط دهشة الكل فسمعت اصوات البنادق مع زغاريد الامهات وتهاليل الاهل ..ذبحت الخراف فكان يوم من ايام الفرح فى مدينة الربع..
اتصل والد كمال على ابنه الاخر الموجود فى المملكة ليخبره بهذا الحدث المفرح..فسمع كفيل كمال السعودى بهذا النباءة ففرح الرجل واتصل على والد كمال اخبره بانه بذل كل مافى وسعه وسال عن كمال فى السجون السعودية فلم يجد له خبر..فطمئن والد كمال على انه ممكن ان يحمى كمال وسيجد له عمل فى مكان اخر وسيستخرج له اقامته المفقودة بس لازم كمال ياتى عمرة..فحلف عمك والد كمال بالطلاق على ان ابنه لا يعبر بحر المالح دا مرة تانية حتى ابنه الثانى لو رجع اجازة سوف يمنعه من السفر...فقال للسعودى نحن ناس غنيانين خلاص عندنا حواشة و عشرين غنماية واربعة بقرات...
الان اخونا كمال وسط عشيرته يحضن ابنه ينوم داخل حوشه الفسيح يبصر النجوم مع الا حدود ويسمع صوت حاصدات القمح
ملعون ابو الغربة....
سجنت الدكتور كمال
كسرت رجلى ورجل بت الاحفادكمان
شكرا سودانيز اون لاين لقد تفردت بنشر هذا الخبر قبل خمسة اشهر
عبر احدى اعضائها المهتمين دائما بشئون الغير
ودمتم
|
Post: #2
Title: Re: الدكتور البيطرى المختفى...من الاختطاف الى السجون
Author: THE RAIN
Date: 05-17-2004, 08:45 AM
Parent: #1
العزيز أبو قوتة
والله العظيم ده اسعد خبر اسمعه فى السنة دى كلها
ده خبر "أخدر" لأنه إنت زول "أخدر" والليلة يوم الإتنين "أخدر" برضه، ودكتور كمال زول "أخدر" و "الخدره" كلها جايه من الجزيرة "الخدرا" أرض الناس الطيبين وسمحين
تعرف اقول ليك حاجة، على بالإيمان يا أحمد، خدرة الدنيا دى كلها، تقليد لخدرة الجزيرة، ناس وأرض
والله ما تتصور هسه أنا فرحان كيف
وليك التحية والشكر الكتير
|
Post: #3
Title: Re: الدكتور البيطرى المختفى...من الاختطاف الى السجون
Author: humida
Date: 05-17-2004, 09:06 AM
Parent: #2
الحمد لله ..
|
Post: #5
Title: Re: الدكتور البيطرى المختفى...من الاختطاف الى السجون
Author: abuguta
Date: 05-17-2004, 09:38 AM
Parent: #3
ابوذر
الله يخضر ضراعك
قلت لى الجزيرة هى اساس الخضرة
والله كلام زى دا مفروض يبروز
لانه صادر من زول رقيق
يعرف قيمة الخضرة
وشكر ليك على الفرح
حميدا
الله يقبل حمدك
وشكرا على المرور
بدر الدين شنا
الله يسلمك
وربنا يديك العافية
ويديم علينا الافراح
ويكفينا اولاد الحرام
ولك ودى
|
Post: #4
Title: Re: الدكتور البيطرى المختفى...من الاختطاف الى السجون
Author: بدرالدين شنا
Date: 05-17-2004, 09:08 AM
Parent: #1
الحبيب أحمد الصديق سلام
الف حمداً على سلامة الدكتور كمال والله يجازي أولاد الحرام وسلامة كراعك و(رجل) بت الأحفاد
وأشكرك على تطميننا على صحة الدكتور
حبي وتقديري يا صديقي
|
Post: #6
Title: Re: الدكتور البيطرى المختفى...من الاختطاف الى السجون
Author: ودقاسم
Date: 05-17-2004, 10:52 AM
Parent: #1
الباشمهندس أبوقوتة
أسعدك الله كما أسعدتني بهذا الخبر ،،
بلغ تحياتي للدكتور ولأسرته ، وأبلغهم حبي لوالده ذاك الغني بعفته وكرمه.
ولعنة الله على الغربة ألاف المرات ..
|
Post: #7
Title: Re: الدكتور البيطرى المختفى...من الاختطاف الى السجون
Author: ود شندي
Date: 05-17-2004, 11:43 AM
Parent: #6
اريت رزقا يغرب سيدو طاير
جيدا جيت ،،، والله
حمدلله علي السلامه والله
اها من هنا وجاي ارعي بالوتد ... وربنا يعودنا سالمين غانمين (والاخيره دي الله واعلم ياودقاسم)
الف حمدلله علي السلامه
|
Post: #9
Title: Re: الدكتور البيطرى المختفى...من الاختطاف الى السجون
Author: omer almahi
Date: 05-17-2004, 11:53 AM
Parent: #7
حمد لله على سلامة دكتور كمال
وشكرا أخى أحمد
|
Post: #8
Title: Re: الدكتور البيطرى المختفى...من الاختطاف الى السجون
Author: 3mk-Tango
Date: 05-17-2004, 11:48 AM
Parent: #1
بشرك الله بالخير يا ابوقوته
الحمد لله الذي ارجعة سالما الي اهله ..
تنقو
|
Post: #10
Title: Re: الدكتور البيطرى المختفى...من الاختطاف الى السجون
Author: ابو جهينة
Date: 05-17-2004, 12:03 PM
Parent: #8
تشكر يا ابو قوتة على هذا الخبر المفرح جدا
رد الله غربة الجميع
|
Post: #11
Title: Re: الدكتور البيطرى المختفى...من الاختطاف الى السجون
Author: abuguta
Date: 05-18-2004, 07:17 AM
Parent: #10
ودقاسم
سلامك سيبلغ الدكتور
ود شندى قلت لى ارعى بالوتد...
تلفون الجعية عنده سلك طويل بحوم الغرف كلها...مرة واحد من الشباب اتصل وقابله احد الاخوة
قال ليه ليك كم سنة ما بتتصل على قال ليه تلفونكم العامل زى بقرة الحصاد دا يلمو فيك كيف
شكرا
عمر الماحى...كمال دا من عندكم انت ما بتعرفه
لك ودى
عمك تنقو....الله اديك العافية
ابوجهينة...اللهم امين
ونرجع سالمين
من اولاد الحرام ديل
تشكر ياطيب
|
Post: #12
Title: Re: الدكتور البيطرى المختفى...من الاختطاف الى السجون
Author: سجيمان
Date: 05-18-2004, 07:35 AM
Parent: #1
حمد الله على السلامة
وبركة الوصل اهلو
|
Post: #13
Title: Re: تقليد لخدرة الجزيرة، ناس وأرض
Author: Ehab Eltayeb
Date: 05-19-2004, 03:58 AM
Parent: #1
| Quote: الدكتور كمال احمد موسى من ابناء الجزيرة منطقة الربع خريج جامعة الخرطوم كلية البيطرة,حلمه كحلمى بيت مريح ومستقبل فسيح اراد |
الاخ ابو قوتة:
تحياتى وسلامي ..
والله القصة مأساوية..واحسن ما فيها ان الدكتور رجع الي اهله بالسلامة..ودي سلامة كبيرة والحمد لله..
اعجبنى جدا تعليق الاخ ابو ذر المطر:
Quote: على بالإيمان يا أحمد، خدرة الدنيا دى كلها، تقليد لخدرة الجزيرة، ناس وأرض
|
فالشكر له وربنا يخدر يراعه وضراعه..
تحياتى وودي,,,,,
|
Post: #14
Title: Re: تقليد لخدرة الجزيرة، ناس وأرض
Author: abuguta
Date: 05-19-2004, 10:26 AM
Parent: #13
د. عادل
اعمل حسابك..الناس ديل زاحفين من دكاترة الغنم
الى دكاترة الناس
ايهاب
شكرا ليك ياطيب
انا عندى قصيدة بقول فيها ان الجزيرة
اصل كل شى..
ولكن ما دام الخضرة هى اساس الحياة
يبقى كلام اخونا المطر
حقو يبروز
ولك ودى
|
Post: #15
Title: Re: الدكتور البيطرى المختفى...من الاختطاف الى السجون
Author: Raja
Date: 05-19-2004, 02:34 PM
Parent: #1
ألف ألف حمد لله على سلامة الغايب كمال أحمد موسى..
شكرا حميده.. شكرا احمد صديق..
افتقد دوما زميلة السؤال..
|
Post: #16
Title: Re: الدكتور البيطرى المختفى...من الاختطاف الى السجون
Author: Rawia
Date: 05-19-2004, 03:06 PM
Parent: #15
اجمل خبر سمعته فى الخمسه سنين الاخيره
حمد لله على سلامه كمال أحمد موسى ياابقوته
رجاء
انا اول ماشفت الخبر طوالى اتصلت بدومه عشان عارفاها كانت مهتمه وساله منو كيف وبشرتها برجوعه عقبال رجوعها هى كمان
واول حاجه سالتنى قالت لى رجاء عرفت لانها كانت قلقانه عليهو برضو
|
Post: #17
Title: Re: الدكتور البيطرى المختفى...من الاختطاف الى السجون
Author: abuguta
Date: 05-22-2004, 07:09 AM
Parent: #16
الاخ سجيمان
وايهاب الطيب
شكرا لكم شكرا
العزيزات بنات العباسى
كل ما اشوف واحدة فيكم اتذكر عشرة بيوت
والخال المفتش محمود التنى
لقد نشر خبر الدكتور كمال على احدى الصحف السعودية
ليلة الخميس ...وسودانيز اون لان نشرت الخبر يوم الاثنين
وكانهم نقلو من موقنا بس هم كانت معاهم صورة
وانا خانتنى عدم وجود الاسكانر
لكم ودى
|
Post: #18
Title: Re: الدكتور البيطرى المختفى...من الاختطاف الى السجون
Author: Raja
Date: 05-23-2004, 03:24 PM
Parent: #1
الصديق أحمد..
ياااااااه.. أبو قوتة والمشروع..؟ وخالي محمود..؟
اتمنى عودة يوم واحد فقط من تلك الأيام..
وما تتخيل مبسوطة قدر شنو بعودة د. كمال..
الحمد لله.. الحمد لله.. الحمد لله.. الحمد لله.. الحمد لله.. الحمد لله.. الحمد لله.. الحمد لله.. الحمد لله.. الحمد لله.. الحمد لله..
|
Post: #19
Title: Re: الدكتور البيطرى المختفى...من الاختطاف الى السجون
Author: wadahmed
Date: 05-23-2004, 04:06 PM
Parent: #1
ألف حمد لله على السلامة
الحمد لله الذي طمن قلوب أهله
|
Post: #20
Title: Re: الدكتور البيطرى المختفى...من الاختطاف الى السجون
Author: Bakry Eljack
Date: 05-23-2004, 06:41 PM
Parent: #19
الاخ ابو قوتة
حمد الله على سلامة الراجل
ولو ما غلطان الاسم ما غريب على
لاسرته التحية وله عبرك
بكري الجاك
|
Post: #21
Title: Re: الدكتور البيطرى المختفى...من الاختطاف الى السجون
Author: ali othman
Date: 05-23-2004, 06:53 PM
Parent: #1
ألف حمدا لله على سلامته اخي ابوقوتة
لاتتخيل كم من دمعات تنزل على خدي حينمااتخيل منظر اطفاله وهم يعانقونه دهشة اين كان هذا الغائب
|
Post: #22
Title: Re: الدكتور البيطرى المختفى...من الاختطاف الى السجون
Author: abuguta
Date: 05-24-2004, 07:09 AM
Parent: #21
رجاء نوارة البورد
وكان ابقوتة درة ياقوتة
فى عنق حسناء تسعد البال
شكرا لك
ود احمد
شكرا على مرورك بدارنا
واكيد سنلتفى
بكرى الجاك
ما هو اهلنا كلهم زى بعض
واكيد تعرفه..لانك ابن تلك المتاطق
على عثمان
الله يرد غربة الجميع
ولك ودى
|
Post: #23
Title: Re: الدكتور البيطرى المختفى...من الاختطاف الى السجون
Author: مريم الطيب
Date: 05-24-2004, 07:41 AM
Parent: #22
ربنا يبشرك بالخير يا ابوقوتة...
اهني اسرة الاخ كمال وزوجته وطفله بعودة
العزيز الغايب...شكرا كثيرا والحمدلله علي
السلامة....
|
|