Post: #1
Title: الى الذين اتهمونى بانى الهكرر..فقد صدق حدسكم ..
Author: abuguta
Date: 08-07-2004, 09:03 PM
Parent: #0
لا مهكر انا ولا هكار...
ولا رفعت يوما
هذا الشعار...
نحيل فى جسم اسمر لونى
احمل فى صدرى
همم الكبار...
البورد موطنى
وفى البورد اهلى
فلا غيركم لى وطن ولا دار...
اعز رجاء واحترم تماضر
وراوية وخالد الحاج وانوار....
فهولاء اخوتىانى احبهم
فكيف اسىء
اليهم واكون هكار...
كتبت فى بعضكم شعرا مقفى
فغرد عندليب
وغنى هزار...
اترك عملى ازوركم ضحى
اعكف على
البورد ليل نهار...
جتكم صغيرا كبرت بينكم
سبحت فى حبكم
فصرت بحار....
تعلمت منكم كل شىء جميل
ادب الخلاف
واسلوب الحوار....
حتى رميت ولست اول عصن
قطفت منه
يانع الازهار...
فكانت نهايته جنبات الطريق
مزابل الحى
وبطون الابقار...
فماذا دهاكم ايها القوم
كلما اطفيت
نار اشعلت نار....
دعونى اغادركم ياوطن الجميل
كى لا اعكر صفوكم
بهذا الغبار....
او ياتى اعتزار من شلة اعرفها
وقد وصفتنى
بانى هكار...
ابقوتة بعد سفر
|
Post: #2
Title: Re: الى الذين اتهمونى بانى الهكرر..فقد صدق حدسكم ..
Author: Habib_bldo
Date: 08-07-2004, 09:34 PM
Parent: #1
يا ابقوتا بعد الشر عليك وألف سلامة
الهكرك دا منو بالله ما ليه حق
على كل حال إتهام مفيد كان والله الخلاك تنطق شعر
المفروض يتهموك بتهم تانية عشان تقول فيها شعر
هسع أنا بقول ليك ما بتعرف تحب عشان تقطع قصيدة عصماء في الحب
|
Post: #3
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-07-2004, 11:19 PM
Parent: #2
حبيب بلدو ياحبيب
اشكرك على تطيب خاطرى
لكن شوف الجهال ديل ...يعنى الواحد ما يدلى برايه فى شى علمى..فضلا على
انه تخصصى واعمل فى هذا المجال انظر الى اقاويلهم وبرا خجلة الواحد يقول انا بدرس انفورمشن ستمم..طيب يامستر تكنلوجيا ما بتعرف كيف تبحث عن الاى.بى...لقد قلت ان العنوان الموجود يدل على مدينة الملك عبد العزيز ..وهى ليست مزود خدمة..وقلت ان هوب فل لم يرى الرياض..هل هذا كلام يطلعنى انا الهكر...
هذا قول اح العارفين منهم
| Quote: جمال هوبفل منطلقة من نفس المكان 212.138.47 وكذلك الأخ DKEEN ولذلك استغربت لحديثك بأن جمال هوبفل لم ير الرياض .. أكثر من ذلك فإن الأخوين هوبفل وابوقوتة اشتركا في نفس ال ip address في بعض رسائلهما وهو رقم 212.138.47.11 |
Quote: عمـر عبـد الله:
"أكثر من ذلك فإن الأخوين هوبفل وابوقوتة اشتركا في نفس ال ip address في بعض رسائلهما وهو رقم 212.138.47.11"
بدون تعليق: |
Quote: وانظر الى هذا العلم التكنلوجى
الاخ ابو قوتة....
شكرا لمحاولة التوضيح.......وانا ادرس Information System
فتلك ...مساهمة تسمى زرأ الرماد....إإإإ
ان مذود الخدمة اتركه....ولاتضيع وقتك معه..
ولكن افدنى...من هو فهد الحومنى..؟؟؟؟
وارجع الى العنوان اعلاه
اما مركز تذويد الخدمة.....فالعنوان لا يحتاج الى جهد
سؤال برئ....
اليس انت اول من مارس الهكر عليه هوايته..إإإإ؟ |
الى الجميع هذا هو الابى حقى
may ip 212.100.214.0-255
زهاء هذه السنوات ادخل من هذا العنوان ويتغير الرقم الاخير فقط
فانا لا استطيع ان اهكر على احد ولا احد يهكر على لاننى ادخل من سرفر الشركة..والشركة عندها جدار نارى .وسرفر شاسترا- درسوكم ليه ياود السافل-..لا يمكن عندنا ارسال واستقبال الملفات...ftp اضف الى اخلاقيات ابقوتة التى يعلمها الجميع اننى اكبر من هذا...فاقول للفوق اذا كان يهمكم الهكر فابحثو عنه..مرة اخرى ربما تجدوه...فى ما بينكم
ولى رجعة
|
Post: #4
Title: Re: الى الذين اتهمونى بانى الهكرر..فقد صدق حدسكم ..
Author: Abo Amna
Date: 08-08-2004, 00:42 AM
Parent: #3
انت ودكين كمان ؟؟؟ والله معقولة برضو ... حسب ال (Behavior) الظلامية
لكن المحيرني كان قلنا انت شليق وبتعرف الاي بي من الكي جي بي دكين ده ياخي عشان يكتب في البورد روح الماوس بتطلع قبل ما يكمل كتابتو ولامشغلو معاك مساعدي ... صحي ما هو اي بي واحد .. خلاص كدة حليناها ..
نتلاقي مع ناس الاف بي آي يا شباب وما تقولوا لي تدخل خارجي ...
كان بقيت في شعرك ده هسي كان عملت ليك كم ديوان كدة وخليت قصة الكفيل دي ...
جابت ليها هكر كمان
|
Post: #16
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 00:24 AM
Parent: #4
ابوامنة
اها انا جيت
عشانك انا جيت
وعشان حوارك انا جيت
عشان دكين انا جيت
ومن غيركم غلبنى المبيت
شكرا لك شكرا
|
Post: #5
Title: Re: الى الذين اتهمونى بانى الهكرر..فقد صدق حدسكم ..
Author: قرشـــو
Date: 08-08-2004, 02:43 AM
Parent: #1
الحبيب ابوقوته
لا شك ان من اتهمك بالهكر لا يعرفك وقالوا يا حبيب المابيعرفك يجهلك عشان كده ما تكدر نفسك فانت علم فى هذا البورد والكل يعرف نبل اخلاقك وحرصك على القيم وخليهم يقولوا ولا تهتم فالعارف عزه كلام الناس ما بهزه ..
لك تحياتى
|
Post: #17
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 01:55 AM
Parent: #5
عمدتنا البجينا
فى ورطتنا
اشكرك ياخالد على شعورك النبيل ووقوفك دائما يوحى عن كريم الاصل
مشكلتى انى قلت انى اعمل فى هذا المجال ووضحت ان الهكرر فى المملكة
لايمكن ضبطه لانه لايمكن واقول لايمكن ان تحدد المدينة...
الان انا عندى على الخط 8000 مستخدم لو فصلت واحد من تبوك...سيدخل
فى نفس البى اخر من خميس مشيط..لان التلفون الشركة موحد...
اضف علىان الهكرر يدخلون من مقاهى وير ليس...
الاخ راستا قد اوقى فى هذا الموضوع
ولك شكرا
ومودتى
|
Post: #6
Title: Re: الى الذين اتهمونى بانى الهكرر..فقد صدق حدسكم ..
Author: Yasir Elsharif
Date: 08-08-2004, 07:45 AM
Parent: #1
Quote: البورد موطنى
وفى البورد اهلى
فلا غيركم لى وطن ولا دار...
اعز رجاء واحترم تماضر
وراوية وخالد الحاج وانوار.... |
Quote: دعونى اغادركم ياوطن الجميل
كى لا اعكر صفوكم
بهذا الغبار.... |
تفوت تمشي وين؟؟
Quote: او ياتى اعتزار من شلة اعرفها
وقد وصفتنى
بانى هكار... |
يا شيخ أنا أعتذر ليك نيابة عن أي واحد فيهم..
إنت أحمد الصديق، فرّاج الضيق..
نقرأ شعرك الظريف وأنيق..
نزداد تقدير وبعد عطش ينبل ريق..
"شوفتا كيف؟؟" 
أنا ما شاعر لكني شاعر بإنسانيتك، وما طالبني حليفة والله.. تختلف ولكن في أدب وذوق يلفت الأنظار، وأنا أشهد لك بهذا..
|
Post: #18
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 03:03 AM
Parent: #6
Quote: يا شيخ أنا أعتذر ليك نيابة عن أي واحد فيهم..
إنت أحمد الصديق، فرّاج الضيق..
نقرأ شعرك الظريف وأنيق..
نزداد تقدير وبعد عطش ينبل ريق..
"شوفتا كيف؟؟"
أنا ما شاعر لكني شاعر بإنسانيتك، وما طالبني حليفة والله.. تختلف ولكن في أدب وذوق يلفت الأنظار، وأنا أشهد لك بهذا.. |
د.ياسر الشريف
يانخلة باسقة
على القيف
اعتزارك مقبول
وشهاتك تعادل امة
انا ادين لك باشياء جميلة تعلمتها من البورد
وتسلم على تلك الكلمات العظيمات
ولك ودى
|
Post: #7
Title: Re: الى الذين اتهمونى بانى الهكرر..فقد صدق حدسكم ..
Author: تولوس
Date: 08-08-2004, 08:01 AM
Parent: #1
الاخ المرهف الفنان ...ابوقوتة
تفكتر انو كل هؤلا الناس بهذه البساطة حتي يختلط عليهم الامر ولا يميزو ويعرفوا قدر الرجال ... لا ياخي لم يصدق حدسك ولم توفق ...
لايمكن لرجل فنان وشاعر مرهف ان يكون هكر وهكار..
تحياتي لك وارجواء ان تعدل عن عزمك وانا متاكد بانك لا تقصده ..
وسوف ينجلي هذا الامرالكريه المشين ويعود الحق الي اصحابه ويذهب الهكر الي مزبلة التاريخ
|
Post: #19
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 03:28 AM
Parent: #7
| Quote: لايمكن لرجل فنان وشاعر مرهف ان يكون هكر وهكار |
..
تولوس
ياعظيم
لك شكرى ومحبتى
واحترامى
وسوف نلتقى
وشكرا على الثقة
|
Post: #8
Title: Re: الى الذين اتهمونى بانى الهكرر..فقد صدق حدسكم ..
Author: Omer Abdalla
Date: 08-08-2004, 08:15 AM
Parent: #1
الأخ ابوقوتة
تحية طيبة
أنا لم اتهمك او اتهم الأخ هوبفل أو أي واحد من الاخوة الكرام بالهاكينق "السطو" ومساهمتي التي اقتطعت منها الأجزاء التي اثبتها في رسالتك أعلاه كنت قد أوضحت فيها بصورة جلية أنني لا أعلم الكثير عن الهاكرز المنطلقين من السعودية وقد فهم الأخ جمال قولي ذلك في اطاره .. فمحاولات السطو على المنبر التي تم ضبطها في الفترة التي أوكل لي الأخ ابوبكر متابعتها في غيابه تمت من الولايات المتحدة ومن الخرطوم كما أوضحت .. أما ال ip address الذي تحصل عليه الأخ رضا (لا أدري كيف) ونشره على انه من مخلفات الهاكر فقد ثبت لي انه متعلق بأحد بوستاتك وقد اثبت هذه الحقيقة مع حقائق اخرى مفادها أن مداخلات الأخ هوبفل والأخ دكين كلها منطلقة من نفس الشركة (الرياض - السعودية) .. ولقد كان مثار "استغرابي" الذي ذكرته في مداخلتي تلك قول الأخ جمال أنه يقيم في مكة ولم ير الرياض - علما بأن بعض اعضاء المنبر الذين اعرف انهم من "مكة" لهم عناويان مختلفة تبدأ ب 212.138.64
عموما هذه "حقائق" أردت أن اثبتها كما لاحظتها من دون أن اتهم أحد بأنه الهاكر أو خلافه .. وأنا اعتقد أن مجرد اطلاع الهاكر على أن أمره يمكن أن ينكشف حتى ولو تخفى تحت أسماء اعضاء محترمين في المنبر كفيل بأن يجعله يفكر ألف مرة قبل أن يقبل على محاولة أخرى .. ومن هذا كان حرصي على نشر ما نشرت في ذلك الباب ..
اكرر مرة أخرى أنني لم اتهمك ولم اتهم أي من اعضاء المنبر بأنه هاكر ذلك لأن مثل هذه الأفعال بعيدة عن اخلاقياتنا كما يظهر من صور الادانة المتكررة لها وليس من السهل القاء التهمة بها من غير دليل قوي لا يقبل الشك وهو ما لا نملكه الآن ..
عمر
|
Post: #9
Title: Re: الى الذين اتهمونى بانى الهكرر..فقد صدق حدسكم ..
Author: Abo Amna
Date: 08-08-2004, 09:14 AM
Parent: #8
ابقوتة في نهاية دوام المساء
واحد في الاتنين
يا تجي راجع يا تسوق معاك دكين ... عشان تكمل مرة واحدة ... بعدين كنت مفتكرك صنديد ياخي مش من اول مشكلة زي دي تمشي ... انت ما شفت المشاكل الفي البورد دي ..
تعال عشان تساعد صاحبك ده علي الاقل ما تجي عشان نفسك
|
Post: #10
Title: Re: الى الذين اتهمونى بانى الهكرر..فقد صدق حدسكم ..
Author: Anwar Ahmed
Date: 08-08-2004, 09:59 AM
Parent: #9
ابوقوته انت صافي النفس -لا- تقادرنا
|
Post: #11
Title: Re: الى الذين اتهمونى بانى الهكرر..فقد صدق حدسكم ..
Author: ABUHUSSEIN
Date: 08-08-2004, 10:19 AM
Parent: #10
و الله يا أبوقوته سقطت من نظري يا ود إنت بتشتغل بالكلام دا هو الناس إتهموا بكري ذاتو يعني بالعربي الفصيح الما زي شعرك دا إتهموا الناس كلها حتى بكري يعني يا خوي الشغلانية في النهاية كلها تنظير لا أكثر و لا أقل و صدقني مش الناس ديل بعد ما كملوا الجماعة كلهم حا إتهموا نفسهم في بوست علشان إعتذروا لي نفسهم في بوست تاني ديل ناس فايقين و ماعندهم شغلة غير التنظير في حاجات هم ما عارفين فيها أي شـئ
يا ود و الله أخد ليك كل يوم جكة في البورد دا هو سيدوا ما شغال بيهم عايز تشتغل بيهم إنت و بعدين عليك الله شوف الناس كل يوم عندها عشرة بوستات و كلها كلام فاضى يعني الشغلانية الناس تشوف إسمك كتير و بس
ما تعمل لي فيها حردان و بلاش حركات و لا عايز تحانيس برضوا زي هناي داك
شايفو اليومين ديل خلاها أظنو تعب منها هو زاتو
تحياتي
|
Post: #13
Title: Re: الى الذين اتهمونى بانى الهكرر..فقد صدق حدسكم ..
Author: HOPEFUL
Date: 08-08-2004, 10:50 AM
Parent: #11
Quote: و الله يا أبوقوته سقطت من نظري يا ود إنت بتشتغل بالكلام دا هو الناس إتهموا بكري ذاتو يعني بالعربي الفصيح الما زي شعرك دا إتهموا الناس كلها حتى بكري يعني يا خوي الشغلانية في النهاية كلها تنظير لا أكثر و لا أقل و صدقني مش الناس ديل بعد ما كملوا الجماعة كلهم حا إتهموا نفسهم في بوست علشان إعتذروا لي نفسهم في بوست تاني ديل ناس فايقين و ماعندهم شغلة غير التنظير في حاجات هم ما عارفين فيها أي شـئ
يا ود و الله أخد ليك كل يوم جكة في البورد دا هو سيدوا ما شغال بيهم عايز تشتغل بيهم إنت و بعدين عليك الله شوف الناس كل يوم عندها عشرة بوستات و كلها كلام فاضى يعني الشغلانية الناس تشوف إسمك كتير و بس
ما تعمل لي فيها حردان و بلاش حركات و لا عايز تحانيس برضوا زي هناي داك
شايفو اليومين ديل خلاها أظنو تعب منها هو زاتو
تحياتي |
ابقوته افرأ الكلام الفوق دا كويس
لأنو نفس الكلام الانا داير اقولو ليك كنت
هههههههههههههههههههه
والله يا ابو حسين تلخيص جميل جدا جدا
ولوووووووووووووول
|
Post: #24
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 04:26 AM
Parent: #11
ابو حسين
سلامة نظرك
اها جيت يابوالتومة
بس شكلى بتلع يشرف زى جمال
بس جمال مش
لك ودى
بينا اتصال
جمال
ياسعودى
يابدوى
انت هو سودانى
عشان تدخل على بوردنا دا
وبعدين ثقافتك ما مثلنا
وانت عندك الجواز السعودى
ونحن شغالين تحتك
مع السلامة من بوردنا
الديمقراطى الحر
ما دام انا جوا البورد
انت فى ستين
|
Post: #23
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 04:19 AM
Parent: #10
| Quote: تعال عشان تساعد صاحبك ده علي الاقل ما تجي عشان نفسك |
دا مفروض يدخل دورة تايبنق لوووووووووووووووووووووول
عزيزى انور احمد
وشكرا يابن الجزيرة الخضراء
لك حبى ومودتى
تشكرا ياشفيف
|
Post: #21
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 04:00 AM
Parent: #8
عمر عبد الله مشكور على التوضيح
وزى ما قلت من قبل ان الانترنت فى المملكة يختلف عن الدول الاخرى
1- المدينة تتحكم فى التصفح والارسال والاستقبال
2- شركة الاتصلات السعودية تتحكم فى المافذ وكلة شركة لها منافذ محدودة وسرفر منفصل
3 - الشركة الوسيطة مزود الخدمة وهى عددها 35 شركة لما بدات والان تقلصت الى 20 شركة
وهى تتكم فى المشتركين افراد كانو ام شركات
اما موضوع الابى
هنالك اثنين ip
static ip
daynamic ip
الاول بكون محجوز لشركات او vip customer
وبكون معروف صاحبه وشركته وعنوانه
المشكلة كلها فى الثانى daynamic ip
دا الذى يدخل عن طريقه الافراد..وممكن تفصل مشترك الان من الرياض ويدخل واحد من جدة
انت قلت انا وجمال ودكين دخلو من الابى واحد..دكين وجمال ممكن اما انا فلا...لاننى ادخل من الشكرة التى اعمل بها وهى مزود خدمة...ايوة..ايوة دى لى ود السافل بتاع الانفورمشن سستمم
وبفرق الواحد لما يكون بدرس ولما يكون بعمل...فنحن ندخل من حقل او حتى الابى معروف ..وايضا انا لا استطيع ان ارسل او استقبل ملفات...ممنوعة عندنا لحماية سرفر الشركة
شكرا عمر
ولك ودى
|
Post: #12
Title: Re: الى الذين اتهمونى بانى الهكرر..فقد صدق حدسكم ..
Author: kamalabas
Date: 08-08-2004, 10:34 AM
Parent: #1
الأخ أبو قوتة
تحياتي
أنت لست بهكر ولا يمكن أن تكون ... لك تاريخ نضالي في
حياتك الطلابية ضد الكيزان وأساليبهم وممارساتهم
القذرة ...وأني علي ثقة من أنك تواصل نفس المسار
النضالي ضد بعض الكيزان الذين حجبوا المنبر ويسعون
لتخريبه... نعلم جميعا أن الكوز كوز مهما تمسكن وتلون
لضعف الحجة وتهافت المنطق والضعف العددي يجب الأ تأخذنا
بهم شفقة أو رحمة طالما هم في غيهم سادرون ..
ونذكر الجميع بأن أبوقوتة كان من أوائل ضحايا الهكر
في منبرنا هذا حيث تم السطو علي حسابه يوما ما
وأساءة له الهكر وأساء للأخريين عبر حساب أبو قوتة ...
مع ودي
كمال
|
Post: #14
Title: Re: الى الذين اتهمونى بانى الهكرر..فقد صدق حدسكم ..
Author: محمد حسن العمدة
Date: 08-08-2004, 11:37 AM
Parent: #12
Quote: عمـر عبـد الله:
"أكثر من ذلك فإن الأخوين هوبفل وابوقوتة اشتركا في نفس ال ip address في بعض رسائلهما وهو رقم 212.138.47.11"
بدون تعليق: |
عارف يا ابو قوته غايتو يوم الخميس والجمعة الفاتو القرااااااب ديل , كنت في مكة مع واحد من اعضاء المنبر والاتنين دخلنا من نفس الجهاز وبنفس الرقم يا ربي في يوم بيطلعوني هاكر برضو ؟ مع انو انا ما من مكة
لكن اتصلت بجمال عبد الرحمن وكنت ناوي ليهو زيارة بس جلت بشويه
اها دي على حسب منطق الجماعة هاكر وزيادة كمان
الله يكون في العون
الواحد لو قال بقم يا هاكر يا كوز
ربك يستر بس
|
Post: #26
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 05:10 AM
Parent: #14
| Quote: عارف يا ابو قوته غايتو يوم الخميس والجمعة الفاتو القرااااااب ديل , كنت في مكة مع واحد من اعضاء المنبر والاتنين دخلنا من نفس الجهاز وبنفس الرقم يا ربي في يوم بيطلعوني هاكر برضو |
ود العمدة
ارجوك اقيف سندة
عشان نشرب عصير من بنده
ونركب فى التندة
للاحتياطى لو استخدمت جهاز واحد انت وصاحبك قبل انت تدخل اعمل log out وادخل مرة تانية عشان الابى بتغير والا لو حصل اى تهكير -حلوة تهكير دى مش.بقومو يتهموك وانت زول ليك وزنك مش زى ابقوتة زولا هويمل ساكت وعربى جزيرة...كمان براء خجلة الواحد منهم بنظر قايل نفسه فى سوق البقر بتاع ابقوتة
لك مودتى
|
Post: #25
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 04:43 AM
Parent: #12
الريس كمال
ارجع بيك حبتين زمان لما جيتونا فى ناغبور انت كنت وقتها رئيس الاتحاد بعد وحدة جاءت بجهد رجال وقتها انا طالب جديداحمل احلام العصافير والبروتين ينطط من وجهى لا شعر لا مشغلة...غير حلمى الذى كنت اراه بين النجوم هو التخرج من تلك الكلية الصعبة وهذا الكورس الذى كنااثان ندرسه لجدته وتطلعى انا..فى تلك الكلية التى تاسست سنة 1850 امتداد الى جامعة بريطانية..اسمها هوسلب كولدش وكنت نسميها مجازا كلية بوليود لكثرة الحسنوات فيها اللى علمنن نظم القوافى ومضت ايام بين حوارها..
بالله كيفك ياريس دايرين معاك جلسة
عشان نتذكر الماضى
بمره الحلو
والحاضر بجمعه
والمستقبل الذى فى رحم العذارى
شكرا على الكلمات الطيبات
وسوف نلتقى رغم عترسات الظروف
وعصيان الحروف...
|
Post: #15
Title: Re: الى الذين اتهمونى بانى الهكرر..فقد صدق حدسكم ..
Author: Rastafarian
Date: 08-08-2004, 04:53 PM
Parent: #1
أبوقوته والجميع سلام
وفي آخر المطاف طلع ابقوته هكر ، طيب يا أخوانا لو ما عارفين قولو ما عارفين بدل ما كل يوم تطلعو زول هكر ، ولو ما متخصصين خلو الناس المتخصصين في الشغلانه دي هم اليتصرفو ، كرهتونا الكوره زاتو ولا شنو يا ابقوته ( قلتا لي الواحد ما يدقس بس يطلعوهو هكر ) معليش يا ملك انت الكبير برضو
معلومه حبيت اوضحها عشان كتر الكلام بخصوصها ( موضوع الآي بي : 212.138.47.0/24 ) ، هذا الاي بي يتبع لوحدة خدمات الانترنت ( ISU ) وهي إدارة تابعة لمدينة الملك عبد العزيز للعلوم والتقنية ( KACST ) أغلب متصفي الانترنت في المملكة يمروا للخارج عن طريق فلاتر الوحدة ( Net Cache ) ويأخذو الاي بي الخاص بالنت كاش والتي تبداء بـ ( 212.138.47 ) ، وقدم أحد الاخوان هذا الرقم ( 62.3.32.35 ) وهذا الرقم يخص شركة الحربي ( مزود خدمة انترنت في السعودية عن طريق الاقمار الصناعية ( VSAT او Satellite ) ويمتلك ( 62.3.0.0/18 = ALHARBI ) فشوفو لينا موضوع غير دا
كل يوم واحد طالع لينا ببوست وعامل فيها ابو زيد الهلالي وهو من سيقهر الهكر وسيفعل وسيجعلهم عبرة وسوف وسوف ، يا اخوانا العندو شي يعملو من سكات ومافي داعي لإبراز العضلات دا
معليش يا ابقوته ، انت عارف عزك فمافي داعي تبرر لزول او توضح لزول البعرفك بعرف انت شنو واخلاقياتك شنو
Quote:
البورد موطنى
وفى البورد اهلى
فلا غيركم لى وطن ولا دار...
|
وبحسب اللغة السائده هذه الايام ...
تخريمة : أكيد في ناس حتزعل من الكلام دا .. بس وبرضو بحسب لغة الايام دي مافي شي شخصي لوووووووووول
تخرية أخيرة : انا ما متخسس .... شلاقه مني
Quote:
Part of this IP block has been used for proxy/cache service at the National level in Saudi Arabia. All Saudi Arabia web traffic will come from this IP block.
|
اقعدو عافية
|
Post: #28
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 05:29 AM
Parent: #15
ابو الشوش
الرجل البشوش
ياحليل زمنا المرشوش
فى الهند ام رتوش
نمرح مع الدوش
وموسيقى الحبوش
لكن الليلة اخوك بقى مهروش
وعاوز يعيش
شكرا على التوصيح العلمى ياشرف...وتشكر على التخريمات ذات الكروكى التوضيحى الظريف
هم قايلين يابوادريس القعاد على السرفر دا هو كل النت تحت ايدهم وهم مش عارفين ابو الشوش
قاعد قدام لوحات الكترونية..ظاهرة قدامو الالف سرفرات الشركات الضخمة...كانه كابتن طائرة تراى استار...
هكر السعودية بابو الشوش لا يمكن السيطرة عليه وانت ادرى بذلك...ممكن ان يدخل من استار بوكس مقاهى الوير لويس..من وين تجيب الايبى .. ودا حقل (field) او زى شركة الحربى زى ماذكرت من وين نتحصل على ابى لشركة تقدم خدمة الستلايز...والحربى ايضا لا تقدم خدمة افراد انما شركات..
كدى خلينا من ديل
اابقى اظهر ويوم جيب لى معاك يوم ابو امنة دا عشان نتحاور معاه لووووووووووووول
شكرا
اشرف
|
Post: #20
Title: Re: الى الذين اتهمونى بانى الهكرر..فقد صدق حدسكم ..
Author: حمزاوي
Date: 08-10-2004, 03:55 AM
Parent: #1
ابوقوته هكر
سجمي
|
Post: #30
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 09:31 PM
ابقوتة هكر....سجمى سجمى
راكب قطر....سجمى سجمى
عروسه قمر....سجمى سجمى
سيرتوه العصر....سجمى سجمى
ماشة البحر....سجمى سجمى
ناوى السفر....سجمى سجمى
لجزر القمر....سجمى سجمى
حمزاوى
حبى البداوى
زى محاية الخلاوى
شكرا ليك
شفت الشهرة تطير..اسى انا لو قلت لامى
الناس اتهمونى بانى هكر
بتقول لى صلاة النبى عليك
|
Post: #22
Title: Re: الى الذين اتهمونى بانى الهكرر..فقد صدق حدسكم ..
Author: Ehab Eltayeb
Date: 08-10-2004, 04:01 AM
Parent: #1
ابوقوته يا حبيب:
الجاتك في الهكر سامحتك ..المهم الأخلاق..
وانت تبرا من الهكر... يا ود أبو قوته
تحياتي...
|
Post: #27
Title: Re: الى الذين اتهمونى بانى الهكرر..فقد صدق حدسكم ..
Author: Abdel Aati
Date: 08-10-2004, 05:15 AM
Parent: #22
الاخ ابوقوته
لا احد يصدق انك يمكن ان تكون هاكرا
فانت انسان جميل طيب نبيل
عادل
|
Post: #29
Title: Re: الى الذين اتهمونى بانى الهكرر..فقد صدق حدسكم ..
Author: Abo Amna
Date: 08-10-2004, 11:27 AM
Parent: #27
ابو الأشراف
معقووووووووووووووولة
والله يا ابوقوتة لوعارف القصة دي بتجيبو كان... انت ودكين ده هسي في غوانتامو. خلي اتهام بي هاكر البسيطة دي.
بعدين حوار شنو قول كفر .. كشاتين ... كبسة .. المهم ايي حاجة بالكاف.
حوار .. اصبر لي بس لحدي ما افضي ليك.
|
Post: #32
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 10:51 PM
Parent: #27
| Quote: فانت انسان جميل طيب نبيل |
شارب موية النيل
وماكل من النخيل
اسمر طويل
واقف زى عادل عديل
شكرا ياسامق على هذه الشهادة
كم انا بها فرحان..من رجل مثلك
تاتينى هذه الاشادة
ولك ودى
|
Post: #31
Title: Re: الى الذين اتهمونى بانى الهكرر..فقد صدق حدسكم ..
Author: abuguta
Date: 08-10-2004, 10:48 PM
Parent: #22
ابوالطيب
ود الجزيرة
وينك ياملهم
اخوك طلع مجرم
من منظر معلم
ومعاى دكين المسلم
مشكور ياخوى
ولك ودى
|
Post: #33
Title: Re: الى الذين اتهمونى بانى الهكرر..فقد صدق حدسكم ..
Author: omer almahi
Date: 08-11-2004, 00:02 AM
Parent: #31
أبقوتة قنبلة الهكر الموقوتة
قوليهم يا أبوقوتة
أنا المأمون علي بنوت فريقو وأنا أب درق البضرب الزول بعيقو
|
|