البورد. البورد.. ياليلة.. قرب يجوط.. ياليلة

Post: #1
Title: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 04:43 AM
Parent: #0

البورد البورد.. ياليلة
قرب.... يجوط..ياليلة

الكوز الكوز... ياليلة
اكلنا الموز.. ياليلة
استلمو البورد..ياليلة
دايرين الفوز... ياليلة

عادل عبد العاطى..ياليلة
قاعد فى الشاطى..ياليلة
دا زولا عاتى ...ياليلة
فقو ود بساطى...ياليلة

جمال هوب فل.....ياليلة
هكر وقرنفل.......ياليلة
وقاعد فى الضل... ياليلة
قال مو داير يدخل..ياليلة

البورد البورد.. ياليلة
قرب.... يجوط..ياليلة

اخونا بكرى ..ياليلة
قايم بدرى...ياليلة
هو زلا دغرى..ياليلة
مو داير شكرى..ياليلة

رودا مردة..ياليلة
بسب الدين منفردة..ياليلة
اخدت لها حردة...ياليلة
و عاوزة ليها طردة..ياليلة

هشام شيخ الدين..ياليلة
فى جدة سنين....ياليلة
مرشح مو كوز..ياليلة
عاوزنو يفوز... ياليلة

اساسى مرشح....ياليلة
دا قزازه مصفح..ياليلة
بعوم ما بطفح...ياليلة
وفولو مصلح..ياليلة

لو عاوز الضمان..ياليلة
رشح سجيمان ...ياليلة
جيبو ملان.....ياليلة
وفقو راجل ام ضبان..ياليلة

قريبى ود قاسم..ياليلة
الرجل الحازم...ياليلة
لخصمو هازم...ياليلة
من غير طلاسم...ياليلة

رجاء العباسى...ياليلة
ما بتخاف الدواسى...ياليلة
البت مش فاسى..ياليلة
بتكسر الراسى..ياليلة

Post: #2
Title: Re: البورد. البورد.. ياليلة.. قرب يجوط.. ياليلة
Author: حمزاوي
Date: 08-22-2004, 05:12 AM
Parent: #1

أبوقوته لذيذ . . يا ليله
كلامه رهيب . . . يا ليله
مفيد وجميل . . يا ليله
رشحناه نحنا . . يا ليله
عضواً في لجنة الحكماء . . يا ليله
معاهـ هشام . . يا ليله
زول جده النظيف . . يا ليله

Post: #3
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:24 AM
Parent: #2

كلام حمزاوى ، يا ليله
جميل وبداوى ، يا ليلة
ابقوته الراوى ، يا ليله
أهديه غناوى ، يا ليلة

Post: #4
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:27 AM
Parent: #3

ده كلام مضبوط ، يا ليله
وبقيت مبسوط ، يا ليله
الداير يجوط ، يا ليله
على طول مرفود ، يا ليله

Post: #5
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:30 AM
Parent: #4

هشام يازول ، يا ليله
خلوه يقول ، يا ليله
بى عرض وطول ، يا ليله
للحكمة أصول ، يا ليله

Post: #7
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:32 AM
Parent: #5

ود عبدالعاطى ، يا ليله
من وين جانا ناطى ، يا ليله
هو لبس الكاكى ، يا ليله
خلانا نكاكى ، يا ليله

Post: #6
Title: Re: البورد. البورد.. ياليلة.. قرب يجوط.. ياليلة
Author: تولوس
Date: 08-22-2004, 06:32 AM
Parent: #3

ابوقوته يارايق

تحياتي
قلت لي ناس اساسي مدرعين فول ساكت
اخير نشوف محل الدسم يا فردة
طالما جابت ليها سفاسف

اساسى مرشح....ياليلة
دا قزازه مصفح..ياليلة
بعوم ما بطفح...ياليلة
وفولو مصلح..ياليلة

Post: #8
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:36 AM
Parent: #6

ابقوته لذيذ ، يا ليله
زبط الحديث ، يا ليله
ده ظريف وعزيز ، يا ليله
دخلنا الميس ، يا ليله

Post: #9
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:39 AM
Parent: #8

بكرى أبوبكر ، يا ليله
للبورد احتكر ، يا ليله
فد يوم ما فتر ، يا ليله
لجدادو قال كر ، يا ليله

Post: #10
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:43 AM
Parent: #9

الراجل الضكر ، يا ليله
جن من الهكر ، يا ليله
ياخ ما تتعكر ، يا ليله
بس شغل فكر ، يا ليله

Post: #12
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:46 AM
Parent: #10

حركات الديش ، يا ابقوته
سيب النبيش ، يا ابقوته
حملة تفتيش ، يا ابقوته
نعيش وتعيش ، يا ابقوته

Post: #23
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 10:22 PM
Parent: #6

انا لى زمن بكوس..ياليلة
لاخونا تولوس..ياليلة
رجل وناس.....ياليلة
وبشيل...الكاس...ياليلة

Post: #19
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 09:04 PM
Parent: #3

هشام يازول ..ياليلة
فى البوست..يجول..ياليلة
عرض وطول.....ياليلة
وعازما فول...ياليلة

Post: #17
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 09:00 PM
Parent: #2

اخوى حمزاوى..ياليلة
لمرضى بداوى...ياليلة
ليه حكاوى...ياليلة
نزور..المكاوى...ياليلة

Post: #18
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 09:02 PM
Parent: #2

اخوى حمزاوى..ياليلة
لمرضى بداوى...ياليلة
ليه حكاوى...ياليلة
نزور..المكاوى...ياليلة

Post: #11
Title: Re: البورد. البورد.. ياليلة.. قرب يجوط.. ياليلة
Author: ودقاسم
Date: 08-22-2004, 06:44 AM
Parent: #1

أبوقوتة القريب
وهشام الحبيب
حمزاوي الرهيب
وأساسي خرّيب
ياليلة
بكري ياصاحي
خليك آمر وناهي
المنبرالزّاهي
بنحبّو والله

Post: #13
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:50 AM
Parent: #11

ود قاسم جانا ، يا ابقوته
بجارى غنانا ، يا ابقوته
خليكا معانا ، يا ابقوته
هنا فى السلخانه ، يا ابقوته

Post: #14
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 06:54 AM
Parent: #13

العضو الجديد ، يا ابقوته
أهدوه نشيد ، يا ابقوته
بالراى السديد ، يا ابقوته
منبرنا حديد ، يا ابقوته

Post: #22
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 10:04 PM
Parent: #13

ودقاسم قريبنا..ياهشام
هو حبيبنا..ياهشام
ماسك دريبنا...ياهشام
ليه قلبنا....ياهشام

Post: #15
Title: Re: البورد. البورد.. ياليلة.. قرب يجوط.. ياليلة
Author: ABUHUSSEIN
Date: 08-22-2004, 07:15 AM
Parent: #1

يا هـشـام أقعد باري لـي أبوقوته دا لم إسـقـط حـجـرك

Post: #16
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-22-2004, 07:20 AM
Parent: #15

يا ود حسين ، ياخويا
كلامك زين ، ياخويا
ابقوته الشين ، ياخويا
جانا من وين ، ياخويا

Post: #20
Title: Re: البورد. البورد.. ياليلة.. قرب يجوط.. ياليلة
Author: saif massad ali
Date: 08-22-2004, 09:11 PM
Parent: #16

فوق ناس زولا ياليلة
بجيب القولا ياليلة
في وقت الهولا ياليلة
حملات مصقولا ياليلة

Post: #21
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 09:22 PM
Parent: #20

ابقوتة فى الدوام..ياليلة
سيرد قوام.... ياليلة
ركبنا القسام..ياليلة
والباقى الرام..ياليلة

Post: #25
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 11:37 PM
Parent: #20

سيف... مساعد...ياليلة
عن الشر متباعد...ياليلة
مشمر عن الساعد...ياليلة
لهشام مواعد....ياليلة

Post: #24
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-22-2004, 11:03 PM
Parent: #15

ابوحسين والتومة...ياهشام
وقعنى فى لومة...ياهشام
قال جاكم فى جدة...فى المطار..ياليلة
قعد مع اساسى.....وشال الشمار...ياليلة

ابقوتة...مسكين...يابوالتومة
داير قرشين.....يابو التومة
زول مو فتان....يابو التومة
بحب الاخوان....يابو التومة

Post: #26
Title: Re: البورد. البورد.. ياليلة.. قرب يجوط.. ياليلة
Author: عبد الباقي الجيلي
Date: 08-23-2004, 11:49 AM
Parent: #1

أبو قوتة الرايق يا ليلة
زولاً مو ضايق يا ليلة
اتحكر سايق يا ليلة
في البوست اللايق يا ليلة

لي قلمو بسن يا ليلة
وجرسو برن يا ليلة
وراكبو الجن يا ليلة
ولي هشو بحن يا ليلة

ود شيخ الدين يا ليلة
أصفر وسمين يا ليلة
كلامو متين يا ليلة
وحافظ الدين يا ليلة

وبكرة نواصل ياليلة

Post: #27
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-23-2004, 12:23 PM
Parent: #26

Post: #28
Title: Re: البورد. البورد.. ياليلة.. قرب يجوط.. ياليلة
Author: نيازي مصطفى
Date: 08-23-2004, 12:53 PM
Parent: #27

UP***
لغاية ما الحكاية تحر شويه

Post: #29
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-23-2004, 09:53 PM
Parent: #26

لى عبد الباقى...ياليلة
النيلو سواقى...ياليلة
بجر انشادى.....ياليلة
وعنى يكون راضى...ياليلة

يا ود الجيلى....ياليلة
وقف السيلى....ياليلة
خليك معاى ديلى...ياليلة
البورد مايصيبو طفيلى...ياليلة

ابقوتة جنو خفيف...ياليلة
مو حارس الرصيف...ياليلة
انت زول نضيف....ياليلة
وبتاكل رغيف.....ياليلة

Post: #30
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-23-2004, 10:10 PM
Parent: #29

نيازى مجنن...ياليلة
جديد ويحنن...ياليلة
لوالبوست مو مسخن...ياليلة
ارجاه يدخن ... . ياليلة

من شباب بومبى.....ياليلة
حريف فى الرمى...ياليلة
فى عرعر مترمى...ياليلة
مو زول دمى.....ياليلة

Post: #31
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-23-2004, 10:31 PM
Parent: #30

نيازى زميلك؟ ، يا ابقوته
وانا قايلو بشيلك ، يا ابقوتة
اتاري البوست هيلك ، يا ابقوته
سوى نفسو دليلك ، يا ابقوته

Post: #32
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-23-2004, 10:53 PM
Parent: #31

لى زمن بناظر...ياهشام
وين القمر الداير...ياهشام
ذات الفن الحاضر...ياهشام
اختنا تماضــــر...ياهشام

Post: #33
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-23-2004, 11:24 PM
Parent: #32

زهجوها الناس ، يا ابقوته
الهكر الوسواس ، يا ابقوته
دى رهافة احساس ، يا ابقوته
حليلا بت الناس ، يا ابقوته

Post: #34
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-24-2004, 09:07 PM
Parent: #33

استاذ الجيل...ياليلة
وزنو تقيل....ياليلة
للشعر ازميل... ياليلة
كتيابى عديل...ياليلة

البورد البورد...ياليلة
قرب يجوط.....ياليلة

للبورد دليل...ياليلة
فى نص الليل...ياليلة
فنو اصيل...ياليلة
ابوك ياهديل ...ياليلة

البورد البورد...ياليلة
قرب يجوط.....ياليلة

انا بجر غنوات...ياليلة
وماسنجر جات ...ياليلة
لاخو البنات ...ياليلة
صلاح شتات ...ياليلة

البورد البورد...ياليلة
قرب يجوط.....ياليلة

وليد طه ...ياليلة
ماكل تفاحة ...ياليلة
بطل الساحة ...ياليلة
يلقى الراحة...ياليلة

البورد البورد...ياليلة
قرب يجوط.....ياليلة

بقول يالله ...ياليلة
تديها قلا ...ياليلة
يلقى الفلا ...ياليلة
معتصم دفع الله...ياليلة

البورد البورد...ياليلة
قرب يجوط.....ياليلة

Post: #35
Title: Re: البورد. البورد.. ياليلة.. قرب يجوط.. ياليلة
Author: walid taha
Date: 08-25-2004, 02:46 AM
Parent: #34

أبقوتة عجيب يا ليلة
لهدفو مصيب يا ليلة..
فى شعرو لعيب يا ليلة..
وشوقنا لهيب ياليلة..
بجينا قريب يا ليلة..
كان باقى نصيب يا ليلة..

يا ليلة،،،

Post: #36
Title: Re: البورد. البورد.. ياليلة.. قرب يجوط.. ياليلة
Author: mohsin_alsla7aby
Date: 08-25-2004, 03:39 AM
Parent: #35

لى زمن وبهاتى ............ياابقوتا
ضاعت بوستــــاتى.............ياابقوتا
كلمولى بكرى.................يا حمزاوى
يرجعها بدرى.................ياحمزاوى
واسطه ومعروف .............يازول
مع بكرى تشوف .............يازول
فتشو بى غادى ...........ياتولوس
يابكرى بنادى ..............ياتولوس
شوفولى الحل .............ياود قاسم
ولا ارحل ...................ياود قاسم
فتشها سرييييييييييييييييع.....يابكرى
اياك تضيع .................يابكرى
اعملك همه........... يادينق
بوستاتى مهمه .........يادينق

يا بكرى هيييييييييييييييييييييييييييييي اخير ليك ترجع لى

Post: #37
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-25-2004, 06:01 AM
Parent: #36

كيف يعنى تضيع ، بوستاتك
يا محسن سريع ، سيب حركاتك

شوف الأرشيف ، يا محسن
بكرى شغلو نضيف ، يا محسن

يخوانا شوفو الحاله ، الصلحابى
نشلو بوستاتو القالا ، الصلحابى
هذى أغرب مقاله ، الصلحابى
نشلوك فى دلاله ، الصلحابى

Post: #38
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-25-2004, 09:31 PM
Parent: #37

وين بوستات الصالحالى....يابكـــرى
قبل يعمل انقالبى...يابكــــــــرى
لو انت هلالالابى......يابكـــــــــرى
تجتوج...مبسوطابى...يابكـــــــرى

ما قصرت معاه...ياهشام
بكرى وراه وراه...ياهشام
محسن عشان مايستقيل...ياهشام
ويحلق بنوتنا ديل....ياهشام

Post: #39
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-25-2004, 11:31 PM
Parent: #38

محسن مستهبل ، يا ابقوته
وعامل مستعجل ، يا ابقوته

بوستاتو هديكا ، يا ابقوته
فى ضل الحيطه ، يا ابقوته

دى حركات منو ، يا ابقوته
اهلو منعمنو ، يا ابقوته

هو بشارك فيكم ، يا ابقوته
الله يعافيكم ، يا ابقوته

أهو أى كلام ، ياخوانا
ومعاهو سلام ، ياخوانا

Post: #40
Title: Re: البورد. البورد.. ياليلة.. قرب يجوط.. ياليلة
Author: sari_alail
Date: 08-25-2004, 11:36 PM
Parent: #1

مودك وين ....ياليلة

شكلو حيجوط ياليلة

Post: #41
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-26-2004, 00:38 AM
Parent: #40

سلام لابى جهينة......ياليلة
مو زول الهينة......ياليلة
مطر العينة..... ...ياليلة
ورجلو فى البلد لينة...ياليلة

ياسارى الليل...ياليلة
راكب الخيل ...ياليلة
بمشى بالليل...ياليلة
للبورد دليل..ياليلة

Post: #42
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-26-2004, 01:14 AM
Parent: #41

Post: #43
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-26-2004, 05:16 AM
Parent: #42

ماسنجر جات....لهشام
تماضر جاءت .... ياهشام
تانى مافيش فوات...ياهشام
ياخو البنات....ياهشام

سيب الزهج...ياهشام
انزل الدرج...ياهشام
ما تلقى حرج...ياهشام
بكرة الفرج....ياهشام

رسالة مفتوحة...من عادل
لعمدة منفوحة....من عادل
قلوبنا مشروحة...ياعادل
عمدتنا النصوحا...وين خالد

ارسل عسكوري...ياعمدة
للبت شيــرى...ياعمدة
تركت الظهورى...ياعمدة
والبورد ممطورى ..ياعمدة

Post: #44
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-27-2004, 11:42 PM
Parent: #43

والله كلك زوق ، يا ابقوته
الماضاقوا يضوق ، يا ابقوته

Post: #45
Title: Re: البورد. البورد.. ياليلة.. قرب يجوط.. ياليلة
Author: محمد حسن العمدة
Date: 08-28-2004, 00:50 AM
Parent: #44

الناس كيمان ...... يا هشام
فيها الوسخان ..... يا هشام
قدر الإنسان ....... يا هشام
يلقى ############ ..... يا هشام
في أي فرمان ..... يا هشام
بس الله يعين ...... يا هشام
نحفظ للدين ..... يا هشام
وعادلنا يلين .... يا هشام
أبقوته كمان ..... يا هشام
أطيب إنسان ..... يا هشام
ومليان إيمان ... يا هشام
وحكمة كمان ... يا هشام

Post: #47
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-28-2004, 07:07 AM
Parent: #45

كلامك صاح ، يا عمدة
الولد اللماح ، يا عمده
فى المنبر فاح ، يا عمده
بقى نبز وصياح ، يا عمده
الكلب النباح ، يا عمده
نشّن وتاح ، يا عمده (يعنى طقو رصاصة)
نرتاح ويرتاح ، يا عمده

Post: #54
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-29-2004, 03:51 AM
Parent: #45

عمدة الانسان...ياهشام
قال الناس كيمان..ياهشام
لازم نتوحد.... ياعمدة
وفى البورد نتوسد..ياعمدة
مافيش حقد وحسد...ياعمدة
عشان الناس ما تشرد...ياعمدة
وتترك البورد وتحرد..ياعمدة
الاختلاف مطلوب..ياعمدة
ليمون وعرديب...ياعمدة
بس ما يسوه دريب ...ياعمدة
فى ضل الدليب...ياعمدة
ياربى يامجيب...ياعمدة
نكون منه قريب...ياعمدة
هشام الحبيب ...ياعمدة
قوافى لهييب....ياعمدة

Post: #46
Title: Re: البورد. البورد.. ياليلة.. قرب يجوط.. ياليلة
Author: mohsin_alsla7aby
Date: 08-28-2004, 02:34 AM
Parent: #44

بداية سلام.............ياابقوته
ما بنتلام.............ياابقوته
فى البورد زمان.............يازول
شكل كيمان.............يازول
وبدون بمبان.............يازول
بداية القصه.............ياابقوته
ادونا حصه.............ياابقوته
مافهمنا لسه.............ياابقوته
وقبل ما نفهم.............يازول
واحد اتفلهم.............يازول
وقالولنا غنم.............يازول
ما ادونا الفرصه.............ياابقوته
واخر الجرسه.............ياابقوته
باعونا فى بورصه.............ياابقوته
الامر شين.............يازول
ودى قوة عين.............يازول
اساءة ميه.............ياابقوته
اكبر كمية.............ياابقوته
اهديتهم ورده.............يازول
صنفونى معارضه.............يازول
ده كلام يا فرده.............يازول
اشتكيت ياادارة.............ياابقوته
من حبفا لبارا.............ياابقوته
نائمين يا خساره.............ياابقوته
انتظرنا سنين.............يازول
نشكى لمين.............يازول
والمسعولين.............يازول
دوما نائمين.............يازول
مابنجامل.............ياابقوته
واحد خامل.............ياابقوته
واى شتيمة.............يازول
نردها قيمه.............يازول
بكرى وبكرين.............ياابقوته
لسع نايمين.............ياابقوته
قالو معارضين.............ياابقوته
احسنها قرار.............يازول
من البورد فرار.............يازول
وبعد سنتين.............ياابقوته
واخر الليل.............ياابقوته
رجعنا تانى.............يازول
للبورد الهانى.............يازول
لقينا اغانى..هدوء وامانى.............يازول
عملت بحوث.............ياابقوته
بوستاتى اكوث.............ياابقوته
اعدادها خرافى.............يازول
يارب ياشافى.............يازول
ولا واحد مافى.............يازول
والسيد بكرى.............ياابقوته
لاجوابا شافى.............ياابقوته
اسمع يا جديد.............يادينق
خليك بعيد.............يادينق
طول فى بالك.............يادينق
وخليك فى حالك.............يادينق
يادينق اخير.............يادينق
تنام فى سرير.............يادينق
ولو كت هلالابى.............يادينق
اخطى الصلاحابى.............يادينق

Post: #48
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-28-2004, 07:18 AM
Parent: #46

ضربنا البورى ، لى محسن
جاب سلام جمهورى ، لى محسن
بوستاتو ضرورى ، لى محسن
ترجع بالفورى ، لى محسن
عشان يتم سرورى ، لى محسن
بالعربى وكورى ، لى محسن
شلت كاس الدورى ، لى محسن
ذكرتنا حمورى ، يا محسن

دينق مالك ومالو ، يا محسن
ياخى سيبو فى حالو ، يا محسن
الناس قبالو ، يا محسن
قالوا فيه وقالوا ، يا محسن
طعنوا فى نضالو ، يا محسن
والسلام راسمالو ، يا محسن
كل زول شال شبالو ، يا محسن
ومحسن عقبالو ، يا محسن

Post: #49
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-28-2004, 08:52 PM
Parent: #48

Quote: كل زول شال شبالو ، يا محسن
ومحسن عقبالو ، يا محسن

هاهاها هالاو....ياهشام
ابداع فى مجالو...ياهشام
الجن الجالو....ياهشام
مشو قبالو....ياهشام
بجيك بعدين...ياهشام
كنت غائب يومين..ياهشام
امامى جهازين...ياهشام
عاوزين..هاردسكين..ياهشام

Post: #50
Title: Re: البورد. البورد.. ياليلة.. قرب يجوط.. ياليلة
Author: HOPEFUL
Date: 08-28-2004, 09:02 PM
Parent: #49

متابعك وبجيك

بس خلي السحابة تعدي

والنفس تهدي

مشتاقون

Post: #51
Title: Re: البورد. البورد.. ياليلة.. قرب يجوط.. ياليلة
Author: أم سهى
Date: 08-28-2004, 10:20 PM
Parent: #1

ناس رائعين زز والله
مشتاقة سنين... والله
عاوزين نرتاح.. والله
من كل خصام... والله

يا زول يا زول... والله
احسنت القول ..... والله

لميت الناس .... والله
بجميل احساس ... والله
الكانو بعاد... والله
الليلة قراب.... والله

اخير نتلم ... ياناس
ونزيل الهم... يا ناس

اخوان اخوات...يا ناس
من غير شتات .. يا ناس

مافينا حردان.. يا ناس
ولا زعلان.... يا ناس
للوطن الغالي.. يا ناس
بنهم طوالي .... يا ناس

افرجها يا رب ... يا رب
لي كل من هب ودب..يا رب

Post: #52
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-28-2004, 11:09 PM
Parent: #51

ام سهى بى جاى ، يا ابقوته
جابت دوباى ، فى ابقوته
زى عازف الناى ، يا ابقوته
بتجارى حكاى ، (وحكى ابقوته)

يا سلام يا ناس ، لو تتفقوا
وكل زول وناس ، يجبيب طبقوا
شوفوا بت الناس ، قولها لبق
نمتوا بعد نعاس ، لمتين تفقوا

هو ده الصحانا ، ابقوته
وبى جاى لمانا ، ابقوته
فى صباحنا مسانا ، ابقوته
الشيطان ما يغشانا ، ويغشى ابقوتة

Post: #53
Title: Re: البورد. البورد.. ياليلة.. قرب يجوط.. ياليلة
Author: محمد حسن العمدة
Date: 08-29-2004, 01:39 AM
Parent: #52

اذا عاوز الصاح ..... يا ابقوته
والليالي الملاح ...... يا ابقوته
والبلد ترتاح ........ يا ابقوته
نرمي السلاح ...... يا ابقوته
ونوقف التاح تراح .. يا ابقوته
ويازول ينداح ..... يا ابقوته
وكل الناس افراح ... يا ابقوته
وقاعدين بانشراح .... يا ابقوته
وكل يوم في الصباح .. يا ابقوته
ام سهى في فلاح ..... يا ابقوته
والجميع مرتاح ....... يا ابقوته
وود العمدة خلاص قلبو راح ... يا حليلو
وبريقو باباح ..... يا حليلو
ويا ريت يرتاح ... يا حليلو
ويسيب النياح ..... يا حليلو
كان قلبو يرتاح ... يا حليلو
ويحقق نجاح .... يا ريتو ( امين يا رب العالمين )

Post: #55
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-29-2004, 06:52 AM
Parent: #53

والله إنك ناجح ، يا عمده
ولدن بتكافح ، ياعمده
نمسى ونصابح ، يا عمده
فى الحزب الناجح ، يا عمده
نلقاك تصافح ، يا عمده
بى كل ملامح ، يا عمده
والليك بيفاصح ، ياعمده
نارك بتلافح ، يا عمده
وان قطرك قام ، يا عمده
مافيه مكابح ، يا عمده

Post: #56
Title: Re: البورد. البورد.. ياليلة.. قرب يجوط.. ياليلة
Author: أم سهى
Date: 08-29-2004, 07:50 AM
Parent: #1

ود العمدة اخوي .. يا ليلة
ود امي وابوي .... يا ليلة
كلامك تام... يا ليلة
يسر الصاحي ونام... يا ليلة

يازول يا زول.... يا ليلة
يا خاتي القول.... يا ليلة
الراجينا كثير.... يا ليلة
اخير نسوي نفير.... يا ليلة

نتلم اصحاب اصحاب .... يا ليلة
نصحح كل كضاب..... يا ليلة

بي نفسا بارد... يا ليلة
نقبض الشارد..... يا ليلة
نقولو تعال..... يا ليلة
وهدي البال..... يا ليلة

يرتاح هو كثير.... يا ليلة
ويقول معليش كنت عوير.. يا ليلة

Post: #57
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-29-2004, 08:07 AM
Parent: #56

العوارة تطير ، يا لوز
تمشى العتامير ، يا لوز
نحفر أكبر بير ، يا لوز
نرمى فيها الزير ، والكوز

Post: #58
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 08-29-2004, 09:44 PM
Parent: #57

فوق ..فوق ... يام سهى
كلك.. زوق.....يام سهى
البورد سيروق...يام سهى
وانت فى الشروق...يام سهى
فى ناس عاوزة طايوق.يام سهى
نايل جاكم لحوق...يام سهى
كوستا غائب عن السوق..يام سهى
سلام من ابقوتة اللايوق...لكوستا
بكرة دمه يروق......اخوى كوستا
ابقوتة مايكون ممحوق..يالله
ومن الغربة يبقى مروق...يالله

Post: #59
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 08-30-2004, 11:42 PM
Parent: #58

فوق فوق ، لى ابقوته
حربه وسفروق ، لى ابقوته
حتة طايوق ، لى ابقوته
وملاح لايوق ، لى ابقوته
وين ود شاموق؟ يا ابقوته
مافيش فى السوق ، يا ابقوته
أصدق صدوق ، يا ابقوته
ماهو الصعلوق ، يا ابقوته
بناديها يفوق ، يا ابقوته
كل ناس السوق ، يا ابقوته
ود عازة يروق ، يا ابقوته
ويرجع معشوق ، يا ابقوته

Post: #60
Title: Re: البورد. البورد.. ياليلة.. قرب يجوط.. ياليلة
Author: معتصم دفع الله
Date: 09-01-2004, 02:38 AM
Parent: #59

البوست دا يكون فوق يا أبوقوتة ..
لمن نجيهو بي رواقة يا أبوقوتة ..
كل الحلوين يا أبوقوتة ..
يكونوا رجعوا يا أبوقوتة ..

Post: #61
Title: Re: البورد. البورد.. ياليلة.. قرب يجوط.. ياليلة
Author: محمد حسن العمدة
Date: 09-01-2004, 01:45 PM
Parent: #60

فليتواصل الابداع الشعري ابداع مدرسة ما بعد الحداثة اللاشعورية طبعا الاسم الطويل دا عشان ما يجينا واحد ناطي ويقول المدرسة محجوزة دي مدرسة خاصة وجديدة لنج وخاصة بالمشاركين بالبوست دا ويمكن نفتح التسجيل بعد وضع اللوائح والقوانين
ولا رايكم شنو يا رواد المدرسة ؟؟؟

Post: #62
Title: Re: البورد. البورد.. ياليلة.. قرب يجوط.. ياليلة
Author: saif massad ali
Date: 09-01-2004, 02:13 PM
Parent: #61

شوفهم لبسوا الهدوم يالعمدة
وقائلين ليهم بدوم يالعمده
واحدين ربواالجضوم يالعمدة
واحدين صلبهم ردوم يالعمدة
خلوا المخزن خراب يالعمدة
خموا المال بالجراب يالعمدة
نحن نسف التراب يالعمدة
وهم في العود والشراب يالعمدة
ضوقنا الخمستاشر العجاف يالعمدة
جعنا ووادينا جاف يالعمدة
حزا ارجلنا الكتاف يالعمدة
والهول بي راسنا جاف يالعمدة
قالوا بدوروا الولا يالعمدة
فوق الجوع والغلا يالعمدة
الله يزح البلا يالعمدة
عاد لعبوبنا الكمبلا يالعمده
هذا الحال مابمش يالعمدة
تدخل تغني وتمش يالعمده
جوزها الرامي النمش يالعمدة
عاد يكبس زول التبش يالعمدة
سيف ال ليك جاب يالعمدة
وانت راجلا ماك كضاب يالعمدة
وقتا تقيف دولاب يالعمدة
نقاتل بالسيف والحراب يالعمدة

ابو قوته الكريم يالعمدة
عمل بوستا عظيم يالعمدة
سوانا الليم يالعمدة
نجيب فوقو نظيم يالعمدة

Post: #63
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 09-01-2004, 09:23 PM
Parent: #62

Quote: فليتواصل الابداع الشعري ابداع مدرسة ما بعد الحداثة اللاشعورية

اسم.. حلو... ياعمدة
وانا بقبلو ياعمدة
خلى يجيك ..هشام...ياعمده
دا عامل ابى تمام.. ياعمدة
وممكن نعمل ليها بحور..ياعمدة
ونطلق فيها البخور...ياعمدة
نسمى بحر الهنفولى.. ياعمدة
وبختص بالشعر الفضولى..ياعمدة
ونسمى بحر الهكر...ياعمدة
ودا بغرق فى البحر ياعمدة
ونسمى بحر النضال....ياعمدة
حتى لو الزول اكل دال ...ياعمدة ( الدال بالهندى هو العدس)
نسوى بحر الحرد...ياعمدة
لو الزول اكل قرض...ياعمدة
ونسوى بحر السليم...ياعمدة
لو الزول اكل نيم...ياعمدة
ونسوى بحر الكروش..ياعمدة
لو الزول اخد شاكوش...ياعمدة
وهنالك بحر الركشة...ياعمدة
لو الزول جابتو الكشة...ياعمدة
ونسوى بحر الصهيل...ياعمدة
لو الزول شرد من الكفيل...ياعمدة
ونسوى بحر اللورد...ياعمدة
ونضال الكى بورد...ياعمدة
ونسوى بحر السهرة...ياعمدة
لو الزول طلب الشهرة...ياعمدة
ونسوى بحر الموز....ياعمدة
لو الزول اتهموه كوز...ياعمدة

شفت بحر المنكرب...ياعمدة
عند ودعوج الدرب...ياعمدة
وبحر الجوطة.....ياعمدة
والراوى ابقوتة....ياعمدة
وبحر التمكين....ياعمدة
ود شيخ الدين...ياعمدة
وعصائر بنده....ياسيف
الولد عمدة....ياسيف

Post: #64
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 09-01-2004, 11:05 PM
Parent: #63

Quote: ابداع مدرسة ما بعد الحداثة اللاشعورية

البحور عندك يا ضنين ، يا ابقوته
أكل الدال خلاك سمين ، يا ابقوته
ابى تمام يطلع مين؟ ، يا ابقوته
مع الزول ود شيخ الدين ، يا ابقوته
سيف مسعد قال كلمتين ، يا ابقوته
فى البحر الاسمو المتين ، يا ابقوته
ود العمده السيف السنين ، يا ابقوتة
جاب لينا الاسم الحنين ، يا ابقوته
زى عصيدة الصاج ام طحين ، يا ابقوته
توصل اهلنا لحدى الضعين ، يا ابقوته
بالشعر السهل أب رنين ، يا ابقوته
بدل الدال ناكل سمكتين ، يا ابقوته
وفطورنا يكون باللحم السمين ، شان ابقوته
شاحد الله بى جاه سيدى الحسين، يا ابقوته
كل بحور شعرك تستبين ، سيدى ابقوته
ويشار اليك وفى الفن تستكين ، داك ابقوته
ويقولوا صاحبوا الشاعر الفطين ، صاحب ابقوته
وكل اصحابو رجال أو عوين ، ناس ابقوته
يسوو ليك باكر قبتين ، شيخ ابقوته
يزوروا فيك كل المساكين ، شوف ابقوته
وتبقى بركاتك بيت شعرن سنين ، قالو ابقوته
وكل من عاداك يا الحنين ، حلاة ابقوته
يبكى باكر بالدمعتين ، سببوا ابقوته

Post: #65
Title: Re: البورد. البورد.. ياليلة.. قرب يجوط.. ياليلة
Author: مهاجر
Date: 09-01-2004, 11:16 PM

ابقوتة بريدي في اول شكلوا اتلحس
هل البريد في اول شغال كويس
لانوا بريدي رافض يفتح نهائي
شكلوا السعوديين لحسوا

Post: #66
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 09-01-2004, 11:32 PM
Parent: #65

البريد اللحسو الهوا
للمهاجر جيبو الدوا
تعالوا كلنا نقعد سوا ، نسأل الله يعود البريد

البريد راح كيف يا ولد؟
أمشى بره فى شارع الزلط
كلم الناس ، ده كلام غلط ، لأنو لازم يعود البريد

حاجة صعبة ضياع البريد
كان هكر كان جنن عنيد
من دروسك لازم تستفيد ، شان يعود ليك بكره البريد

Post: #67
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 09-02-2004, 00:10 AM
Parent: #66

وين قصائد ...يامهاجر
انسى برائد..يامهاجر
ياحليل زمانكم..يامهاجر
فى بونا دياركم...يامهاجر
زمنا كان جميل..يامهاجر
والليلة دمعنا يسيل...يامهاجر
انا مشتاق..للاصحاب...يامهاجر
فى فداسى الحلماب...يامهاجر
البورد فيه صادقوكضاب...يامهاجر
ما مشكلة لو فطرنا كباب...يامهاجر
ابقوتة يلبس كاب..يامهاجر
وتختاه الحراب ..يامهاجر

لو بريدك على شركتنا اول نت الان ترجع ليك
رسائلك مع من اتحذف..ولو على شركة تانية
تاكل نيم...ممكن تكلمنى على المجان
لو دومينك اول نت

Post: #68
Title: Re: البورد. البورد.. ياليلة.. قرب يجوط.. ياليلة
Author: حمزاوي
Date: 09-02-2004, 00:28 AM
Parent: #1

أبوقوته حبيبي الليله
مشتاقين كتير الليله
هشام الحبيب الليله
يازول الظريف الليله
رشح نفسو في الحكماء الليله
نحن معاه الليله
بس يعزمنا عشا الليله
كبسه ومندي والبيك الليله
قال رمزه القطيه الليله
القطيه حديد
القطيه حديد
القطيه حديد
القضارف ربك عارف

Post: #69
Title: Re: البورد. البورد.. ياليلة.. قرب يجوط.. ياليلة
Author: saif massad ali
Date: 09-02-2004, 03:25 AM
Parent: #68

بحورك تمام يا ابوقوته
مافيها كلام ياابوقوته
سائل لك العلام ياابوقوته
لاتنضر وتنضام يا ابوقوته
الراوي النشيد يا ابوقوته
بيك بيشيد يا ابوقوته
ياصاحب التجديد يا ابوقوتة
وي فعلك رشيد ياابوقوته
اقبل الهديه ياابوقوته
بنفس رضيه ياابوقوته
من غير وصيه ياابوقوته
فيك محريه ياابوقوته

Post: #71
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 09-05-2004, 05:41 AM
Parent: #69

بحورى قديمة..ياسيف
غرقت فى الشمة.ياسيف
سبيل قال ما نافعة...ياسيف
والخواض..قال شافعة...ياسيف
الله يستنى معاهم...ياسيف
عشان اقلد غناهم...ياسيف
هم ما داير قوافى...ياسيف
هم قالو دى خرافى...ياسيف
قالو عاوزين النثر....ياسيف
والله يكفينا الشر..ياسيف

Post: #78
Title: Re: البورد. البورد.. ياليلة.. قرب يجوط.. ياليلة
Author: محمد حسن العمدة
Date: 10-06-2004, 00:45 AM
Parent: #71

قال ابو قوته في دوامه :

المنبر ميل يا لطيف
وعادل قيل يا لطيف

واقول له

في المنبر جوطه يا لطيف
عاوزالا فوطه يا لطيف
فوطة بكري ؟ يا لطيف
ما بتنقدري يا لطيف
فوطة عادل يا لطيف
جايبالا مشاكل يا لطيف
ولو جبنا ابو قوته يا لطيف
مافي زول بيسوطه يا لطيف

Post: #70
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 09-04-2004, 09:16 PM
Parent: #68

لى اخو حمازوى ..ياليلة
قمرنا الضاوى .ياليلة
بجر حكاوى...ياليلة
الولد فنجراوى..ياليلة
كنت غائب يومين..ياحمزاوى
قلت اريح الاضنين...ياحمزاوى
من الصباح جيت مشتاق...ياليلة
والبورد مرياق....ياليلة
خائف من الفراق...ياليلة
ويجينا هكر سراق...ياليلة

Post: #72
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 09-05-2004, 09:09 PM
Parent: #70

لى اخوى دكين ...ياليلة
عاودنى الحنين...ياليلة
الولد مسكين.....ياليلة
برى لى جمال الشين...ياليلة

اسبوع مو كتير..يادكين
والادارة فيهاالخير...يادكين
اختى لى خدر.....يادكين
وبحيرى الشهير...يادكين

انت ما زول شدائد...يادكين
انا بقول فيك قصائد...يادكين
انت زول حقائق....يادكين
وفى ناس بتشعل حرائق...يادكين

الاسبوع خلاص كمل.....يادارة
وخلو دكين يدخل....يادارة
دا زول متمكن ....يادارة
الا حظو مدخن...يادارة

زعلان من البنات...اخوى دكين
ما دخلن فى الجات...دا دكين
عاملات حملات.......يادكين
عشان الانتخابات....يادكين

Post: #73
Title: Re: البورد. البورد.. ياليلة.. قرب يجوط.. ياليلة
Author: محمد حسن العمدة
Date: 09-12-2004, 01:43 AM
Parent: #72

ح اجيكم راجع يا ابوقوته
عشان المنبر بدا يلافح يا ابوقته
والمنبر سخن يا ابقوته
وبي فلانة عفن يا هشام
ويا ريت نتصبر يا هشام
ونمسك البنبر يا هشام
ونقعد نتحكر يا هشام
اسبوع ما اكتر يا جمال
بقعد بتحكر يا جمال
للزول الاحمر يا جمال
والولد الاشتر يا جمال
كان نطط وكتر يا جمال
بالقول السكر يا جمال
بس ما اكتر يا جمال
واوعاك تتاخر يا جمال

Post: #74
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 09-12-2004, 05:25 AM
Parent: #73

شوفو العمدة الولد الظريف
نكت الخيط من ضهر الصريف
ما زمان قالو اللورى بيقيف
فى الخبوب العملو الخريف إلا ذات الترس التقيل

شوف ولاد المنبر واقفين
كل واحد زعلان حزين
ديل بكوركو وديل حردانين
شان عقوبة الزول الدكين خوفى باكر اقوم أستقيل

يا سلام لو نقعد سوا
وبى محبة نشم الهوا
شوفة الأحباب تبقالنا الدوا
غير قيود أو ايد اتلوى حتى لو كان عادل عديل

Post: #75
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 09-12-2004, 11:26 PM
Parent: #74

يا حليل أخوانا القدام
زى بناديها الراجل التمام
يا ضرار جيب لينا الكلام
وجيب معاك شيرى الوزين وعام هترشاتك كانو الدليل

Post: #76
Title: Re: البورد. البورد.. ياليلة.. قرب يجوط.. ياليلة
Author: abuguta
Date: 09-14-2004, 05:17 AM
Parent: #75

ما عارف اقول ..ياهشام
قلت اخير الهول..ياهشام
امس عمى مات ..ياهشام
كان فى بلد الشتات..ياهشام
19 سنة فى الحمنة...ياهشام
بين مكة والمدينة..ياهشام
كان فى الحقل الطبى...ياهشام
وتركنا ورحل لربى...ياهشام
قبل سنة قرر سفر نهائى...ياهشام
قال كفاية دواهى...ياهشام
قالو عنده سرطان كبد..ياهشام
الله يكفينا شر الحقد....ياهشام
سافر مصر للعلاج.. ياهشام
مات ودفن فى سوهاج...ياهشام
الدنيا العجيبة....ياهشام
كل يوم جايبالى مصيبة...ياهشام
ياربى ارحمه....كان زول كويس
والجنة تكون مسكنة..كان فى بلدنا ريس

Post: #77
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 09-14-2004, 06:54 AM
Parent: #76

الله يرحم يا ابقوته عمك
ويجعل البركة فى ابوك وأمك
موتة الغربة بالحيل تهمك
من فراق الزول لحمك ودمك
لو ما ايمانك بيجرى فى دمك
كان مشيت للشيطان يلمك
كتّر الدعاء متواصل يعمك
واذكر الموت الشالو بيضمك
بكره فى جنات تلقاه عمك
يقبّلن فيه الحور فمك لفمك
واحده جمب كرعيك والتانية بتشمك
وواحده بغرانه منتظرة لمك
لا هموم عندو ولا سماً يسمك
لا حكومة انقاذ جيبك تخمك
لا مدارس لا مصاريف لا يهمك
لا عيال دايرين حتى دمك
رحمة الله تغشاه وتعمك
توصل أولادو واخوانك وعمك

والبركة فيكم

Post: #79
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 10-06-2004, 01:12 AM
Parent: #77

ما شفت يا ابقوته الحاصل علينا؟
كنا ملمومين حارسين الجنينه
قالو مجلس حكماء بيقود السفينه
وجانا بكرى بى موسو السنينه
قطع أوصالنا وللصقر اترمينا
وكان جزاء سنمار من فعل ايدينا
هو افترى ، وقايلنا افترينا
فى لحظه باعنا ، وقايلنا اشترينا
ياريتو لو شاف التعب الشقينا
ولا شاف النبز اللقينا
مافى زول ساى كان قبّل علينا
بقينا شماعة للاساءات والضغينه
وكل زول حاقد تف فى وشينا
وينها يا ابقوته الناس الحنينه
وكل صديق كل زول مشتهينا
صاحب امبارح ، الليلة معادينا
وكلو شان السلطة فى يدينا
نحن نستاهل ، جينا بكرعينا
لما شاتونا اليوم كر علينا
هل جزاء الاحسان يصبح ضغينه
يقطع البوردات ويقطع سنينه
البهدلت عادل وخربت علينا
قرشو زعلان قال مافاضى لينا
حتى نصار كان قائد السفينه
معاه انور والبت الحزينه
ايه لقوا؟ غير نبزة شينه
لا فى زول جانا يواسينا
لا لقينا شكرنا ومشينا
لا قعدنا معاكم بكينا
اصلو يا ابقوته الناس ملطشونا
الا حالف ارد الضغينه
عندى سيف موروث سيف سنينه
كنت داخرو لى تور عفينه
هادا وقتو ، يا ابقوتا جينا
حمسوا الدلوكه ، وغنوا الكنينه
وقول لأعدانا نحن ابتدينا
الحقوق ناخدها بى ايدينا
زى زمان ما اهلنا ادوها لينا
ما بنفرط ، وكل واحد اضينا
يقعد يعرض فى دار ابونا
البدور العدا تبقالو شينا
نحن فى يوم ابدن ما افترينا
ارجو يوم باكر يا العفينه
يوم نقطع كل كرشن سمينه
والبدورنا اليجى يقعد معانا
ما بيسمع ابدن كلمه شينه
وفى ختام القصة الحزينه
ليك سلامى يا ابقوته زينه
يبقى فى بابك مستكينه
يحرسك من كل شر وشينه
ونحن نعرض ، بس غنوا الكنينه

Post: #80
Title: Re: البورد. البورد.. ياليلة.. قرب يجوط.. ياليلة
Author: محمد حسن العمدة
Date: 10-06-2004, 01:39 AM
Parent: #77

قال ابو قوته في دوامه :

المنبر ميل يا لطيف
وعادل قيل يا لطيف

واقول له

في المنبر جوطه يا لطيف
عاوزالا فوطه يا لطيف
فوطة بكري ؟ يا لطيف
ما بتنقدري يا لطيف
فوطة عادل يا لطيف
جايبالا مشاكل يا لطيف
ولو جبنا ابو قوته يا لطيف
مافي زول بيسوطه يا لطيف

معليش المداخلة دي نزلت فوق بالغلط والمفروض تكون هنا ازيك يا هشام

Post: #81
Title: Re: البورد. البورد.. ياليلة.. قرب يجوط.. ياليلة
Author: يازولyazoalيازول
Date: 10-06-2004, 11:11 PM
Parent: #80

أهلا يا عمده

Post: #82
Title: Re: البورد. البورد.. ياليلة.. قرب يجوط.. ياليلة
Author: nasiradin
Date: 10-06-2004, 11:46 PM
Parent: #1

كدى انا راجع حبه حبه
بس نديها لفه و نجيك راجعيين يا حبيب

سلامات

ناصر البطل

Post: #83
Title: Re: البورد. البورد.. ياليلة.. قرب يجوط.. ياليلة
Author: nasiradin
Date: 10-07-2004, 01:38 AM
Parent: #1

اها قلت لى شنو