Post: #1
Title: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-14-2004, 03:04 AM
اخوتنا الافاضل
سوف اتحدث لكم عن ظاهرة مهمة اظن اننا نشترك جميعا فى صحة وقوعهاالاوهى : ما نلحظه من سرعة الزمان ومضى الايام حتى لا نكاد نشعر من ايامنا وشهورنا الا بشهر رمضان!!! لما له من خصائص معينةواجواء متميزة كالصيام والقيام والعمرة والصدقة وغيرها, اما بقية الاشهر فضلا عن الاسابيع والساعات ,فقد اصبح بعضنا لا يشعر بمروورها,ولا يبالى باهمية دقائقها,وكأنه يعيش خارج حدود الزمن وخلف اسوار الحياة!!!
وتدليلا على هذا القول لينظر كل واحدا منا بكل صدق وتجرد فى سيرة حياته مئذ ان ودع شهر رمضان الماضىالى ان عاد مرة اخرى هذا العام, متسائلا مع نفسه ما الذى قدمه من اعمال صالحةتستحق الرضا والسرور مما فيها من نفع لنفسه او للمسلمين؟؟؟
هل حافظ على الصلوات؟؟
هل حفظ شئا من القران الكريم؟
هل كفل يتيما؟
وهل وهل وهل ؟؟؟؟؟؟
هذه هى مجالات الغبطة وامثالها بين المسلمين.....
اما ان تقول قد ترفعت مرتبة فى وظيفتى , او فتحت محلا تجاريا,او اشتريت سيارة جديدة او منزلا
فهذه كلها من حظوظ النفس وزخرف الدنيا الزائل, وهى وسائل لغايات ابقى وادوم وليست هدفا فى ذاتها.
ومن هنا يتاكد لنا حقيقة مهمة قد غابت عن بعضنا فى ظل استعجالة مرور الايام وذهاب الوقت, وكأنه ينتظر املا قادما, او شئا مفقودا الا وهى : ان مضى الزمن معناه: طى اعمارنا المحدودة ونقص انفاسنا المعدودة,وقربنا من اجلنا ونهاية عمرنا الجميل ,ونحن حالمون مع التسويف والنظر الى المستقبل البعيد فهلا وقفنا لحظة مع ما تبقى من عمرنا....
ولكم ودى
رمضان كريم تصومو وتفطرو على خير
|
Post: #3
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: saif massad ali
Date: 10-14-2004, 06:07 AM
Parent: #2
الاخ ابو قوته تحية طيبة
هدية رمضان
اقم الصلاة لوقتها الموقوت وامر بها فبها ضمان القوت
اقرا ورتل او فطالع واستمع واذكر اله الملك والملكوت
وانطق بقول غير ملحون علي نهج البلاغة معربا كالفوتي
واحفظ لسانك لا تجادل فهو لاياتي بخير عند عبد اوتي
وتميت قلبك كثرة الضحك الذي هو قاطع عن عالم اللاهوت
واعمل بجد حيث لاتمزح بلا حق وكن متزينا بسكوت
واغضض لصوتك ان نطقت مبلغا للسامعين وليس كالمبهوت
وتجنبن نميمة مع غيبة واحذر مقالا ليس بالمثبوت
عرف بذاتك من لقيت فانه للحب ساس واصل المبتوت
عاون سواك علي قضاء حوائج لك اوله كالبيع في الحانوت
واحفظ لوقتك لاتضعه سفاهة الا لذكر او لجمع القوت
فالوقت انفس من شذور التبر بل واعز من در ومن ياقوت
واعمل بعلم في طريقك واتقي مولي الوري ذا القهر والجبروت
ان لا يراك الله حيث نهاك بل لايفقدنك من اعزبيوت
ياربي صلي علي النبي محمد والال والاصحاب عدد الحوت
ما قال برعي يذكر غيره اقم الصلاة لوقتها الموقوت
الشيخ عبد الرحيم البرعي اطال الله عمره
|
Post: #10
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-15-2004, 02:18 AM
Parent: #3
ود عوج الدرب
للخير منكرب
مسكنا الدرب
وختينا الحرب
سلام مو جلب
شكرا يابشنب
تصوم وتفطر
على خير
|
Post: #4
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: brakat
Date: 10-14-2004, 06:51 AM
Parent: #1
أخي الكريم أبو قوته
كل عام وأنتم بخير
ذكر فإن الذكرى تنفع المؤمنين، بارك الله فيك وجعلها في ميزان حسناتك
مبارك
|
Post: #5
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-14-2004, 08:24 AM
Parent: #4
عبد الله
تصوم وتفطر على خير انشاء الله
شكرا
|
Post: #7
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: سجيمان
Date: 10-14-2004, 09:54 AM
Parent: #5
ابوقوتة تصوم وتفطر علي خير
|
Post: #13
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-15-2004, 04:47 AM
Parent: #7
سجيمان
خم الرماد..
والناس
قاعدين
حساد...
كلامهم
كله
سماد...
ما بفيد
ماسنجر
جات...
كل عام وانت بخير...
اذكرك...رمضان الفات كتبت شنو....صلاح ارديس اشترى رمضان
اها شفت الزم كيفن مشى
|
Post: #12
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-15-2004, 04:43 AM
Parent: #4
اخى
مبارك
الشهر
عليك
مبارك
يمينك
ويسارك
ربنا يحرس
مدارك
ويهل
هلالك
ربى يحقق
اسرارك
كل شى
يحلالك
|
Post: #6
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: ودقاسم
Date: 10-14-2004, 08:31 AM
Parent: #1
أبوقوتة
لك التحية ، ورمضان مبارك ،
تصوم وتفطر على خير ،
وربنا يتقبل .
|
Post: #14
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-15-2004, 05:05 AM
Parent: #6
الخال
مبروك رمضان
والناس جالسة
ريقان....
قدام الحلة
او الديوان...
متظرين
سماع الاذان...
والشمس
غابت زمان...
والاطفال
واقفين ديدبان..
عشان يكلمو
ناس حبوبة
والنسوان...
فطوروا
فطروا
والله يايمة
فطروا...
دا رمضان عندنا ياود قاسم
تطلع بصينيتك
وتبيض نيتك...
وتجلس مع الناس
وتكب ليهم اناس
نتبادل الصحونا
ونحن فرحونا..
ممكن يجينا ضيف راكب حمار ...او لورى شاقى الحمار...
على الطلاق تنزل..
وفرشنا ليك منزل...
يازول حلل صيامك..
وبعد داك امشى امامك..
نصلى بعد الفطور المغرب...
ومن الابرى نقعد نشرب...
اكتب ياخال اكتب
خلى الناس تعرف عاداتنا..
طيبة ومحنة مورثة من اماتنا
ياحليل زمنا العدا..
فى الغربة دربنا انسدا...
ابرى زى الردا...
من مؤسسة ود الفدا..
تصوم وتفطر على خير ياخال
|
Post: #8
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: نيازي مصطفى
Date: 10-14-2004, 10:14 AM
Parent: #1
ابو قوته العزيز لكم وعبركم لكل البورداب ولعموم بني وطننا الحبيب ..
رمضان كريم تصومو وتفطروا على الف خير ..اعاده الله وامثاله على امتنا ووطننا الصابر وقد عم الامن والسلام والعدل ربوعه فرمضان كما ذكرت تذكرة لمن يعتبر .
نيازي مصطفى
|
Post: #16
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-15-2004, 07:14 AM
Parent: #8
نيازي مصطفى
وينك
ياسيد الوفا
من شوقك لدمعى
مكفكفا....
تعال
عيد معانا
بوديك تشوف اسواق العقارية
ها ها ها ها والله بوديك
تصوم وتفطر
على خير
|
Post: #9
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: Frankly
Date: 10-14-2004, 10:22 AM
Parent: #1
| Quote: لقد اشتريت سيارة جديدة ..ومنزلا فى الكلاكلات |
لعمري هذا هو هم الكثير من الناس
والإعتدال هو الحكمة المرجوة
جزاك الله كل خير أخي ابو قوتة
فرانكلي
|
Post: #17
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-15-2004, 08:48 AM
Parent: #9
فرانكلى
تحياتى
وينك ياشفيف ظهرك خف ما زى
زمان....حياتك شنو يامشتعل
شكرا يابلد
تقبل الله صيامنا وقيامنا
وجعلنا من عتقاء هذا الشهر
اميييييييييييييييين يارب
|
Post: #11
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: عبدالعظيم عبدالله
Date: 10-15-2004, 03:36 AM
Parent: #1
الاخ: abuguta
رمضان كريم وتصوم وتفطر على خير ان شاء الله وكلامك فيه جانب كبير من الحقيقة وينطبق على الكثير منا ونسال الله ان يلهمنا التقوى في كل وقت وكل زمن ولك الشكر على التذكير.
مع الود
|
Post: #19
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-16-2004, 05:31 AM
Parent: #11
اخى عبد العظيم
لك تقديرى واحترامى
تصوم وتفطر على خير
|
Post: #15
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: Shalabi
Date: 10-15-2004, 05:06 AM
Parent: #1
الحبيب الغالي أبقوتة،،
تحياتي ورمضان كريم والجاي مع ام العيال إنشاء الله..
والله ياريت لو تشتري ليك بيت في الكلاكلة على الأقل نتشرف بجيرتك لينا و ولتكتمل مسيرة الرفقة من ابقوتة والهند للكلاكلةوما اسعدنا بمرافقتك ..
التحايا عبرك للأعزاء ود عيسى والغالي مصطفى ابقوتة ...
ودمتم،،،،،،
|
Post: #18
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: ابو جهينة
Date: 10-15-2004, 10:15 AM
Parent: #15
أبوقوتة الحبيب
تحياتي و سلاك كبير
تصوم و تفطر على خير ..
و رمضان كريم
|
Post: #22
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-16-2004, 09:02 AM
Parent: #18
جلال داؤؤد
شوقى ليك طال...
صدقنى ياصديقى
بجيكم مرة عابر
نهارا او ليال...
مرة شفتك فى شارع غبيرة
بس قلت اخليك تدندن
باغتنيتك الجميلة
زى اغانى السيرة..
اكيد نلتقى
رمضان كريم
|
Post: #21
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-16-2004, 07:33 AM
Parent: #15
شلبى
ياحبى الاول
من ابقوتة
قلوبنا ما بتححول...
قال الكلاكلة قال
الكلاكلة بقت سنتر المدينة
نحن بنمشى نحجز بعد الجبل بتعرف حنيش او ام شبع على الزلط وتاصية 2 مليون بس
بيت حدادى مدادى...بس تكون بقرة من بقرات جدك عقلت يوم ما فى تلك المنطقة..وشروطهم متوفرة عندى....مصطفى مندرش فى البنك العربى....وهشام لسع لافى زى زمان تصور لسع شقال معارف..دا قراء معانا فى الابتدائى وداك فى المتوسطة....لكن العرفة عرفة البورد دى يابلاش...ولو لابست زمالة فى الهند...اب جناها ولاقاها....
والله مشتاق ليك انت طبعا ما بتصدق...اها عملت لى شنو فى الموضوع....مش موضوع العروس..دا خليوه...موضوع الاكسسوارات.بتاعة الجوالات...وبعدين شوف لى الحافلة هايس بقت بكم دحين عشان اجى فت مرة ...لان الراتب دا ما بحل مشلة على قول اخونا صاحب بوفيه الفول....انا ما عافيلك جيتك عبور...
وما تبادلنا الزهور...
ياحليل بونا وناغبور..
مطلوقين ساى بدون سور...
وايامنا هابة بدون كجور..
بس الليلة الجناح مكسور..
ونحن من جيل العبور..
وشاقين حدب العتمور..
دعوتك...من خشمك والى باب السماء
تصوم وتفطر على خير
تحيتى لعم شلبى ونادر ونميرى
وبقية العقد
ولقدام
|
Post: #20
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: willeim andrea
Date: 10-16-2004, 06:06 AM
Parent: #1
رمضان كريم وتصوموا وتفطروا علي خير اعاده الله علي الجميع بالخير واليمن والبركات ...... تقلبه الله منا ومنكم بالرحمة والمغفرة والعتق من النار وكل عام وانتم جميعا بالف الف خير
|
Post: #27
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-18-2004, 04:37 AM
Parent: #20
انا فى السعودية
عازمنى وليم اندريا
فطور فى صينية
مرارة وكباب وشية
ياناس ما تحقدوا
على
جيد لى جيد لى
تصوم وتفطر على خير
وانا كتير مبسوط لطلتك
|
Post: #23
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: Ehab Eltayeb
Date: 10-16-2004, 07:35 PM
Parent: #1
ابوقوتة قريبي سلام...
رمضان كريم.. اعاده الله علي الجميع باليمن والخير والبركات...
الموضوع شيق ..وفي ميزان حسناتكم انشاء الله..
خالص الود,,,
|
Post: #24
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: ابوحراز
Date: 10-16-2004, 11:42 PM
Parent: #23
بوستك دا الواحد لو ما إتوضأ واتوجه القبلة ما يقدر يقراهو
قال كلاكلات قال
المشكلة السنة كلها طلعت سااااااي
والله لاهذا ولاذاك
يعني انا كل ما أمشي إجازة
وارجع اقول يا ابوحراز لازم يكون عندك هدف
أها الشهر الأول بعمل حساب شديد جداً ولا كشف ما بدفع فيهو
أها الشهر التاني الرماد كال حماد
تقوم الحكاية تجوط ونرجع تاني
لكن بالنسبة للصوم والصلاة الحمد لله انت عارف البلد دي الصلاة فيها كتيرة جداً والمشكلة ساكن مع جماعة كل ما أقوم من النوم الاقيهم صايمين
كل عام وانت بخير
الليلة في واحد عازمنا فطور من قرية اسمها الربع أظنها قريبة منكم
الراجل أهل العوض بحق وحقيقة
طوالي لمن يكون بتكلم في الموبايل تسمع يقول " عييييييييك "
قال نوكيا قال
طبعاً النغمة دوبيت " دي لاقتك قبل كدا
|
Post: #29
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-18-2004, 04:55 AM
Parent: #24
اب حراز
انا دائما بخاف من الناس الكبار
ما تخاف انا قاصد كبر الراس
يعنى القامة....
قلت لى الصلاة شبعان فيها
البلد دى بتعلم الصلاة والسواقة
| Quote: طبعاً النغمة دوبيت " دي لاقتك قبل كدا |
اوعى يكون بخت ايدو فى اضانو لما يتصل واحد
انا عارفك حاقر بناس غرب الكنار ديل
اها الربع عاصمة عمر الماحى
بدرعو فيك
ياخى يالطيف
تصوم وتفطر على خير
|
Post: #28
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-18-2004, 04:43 AM
Parent: #23
ود الطيب
والله مشتاقين
بس درب مافى
تقبل الله صايمك وقيامك
ودعواتك ربنا يفك
ساجورى...
عشان العب
دافورى...
مع بنات الحورى...
شكرا ليك شكرا
|
Post: #25
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: حمزاوي
Date: 10-17-2004, 00:07 AM
Parent: #1
شقيقي ابوقوته
السلام عليكم
دقات قلب المرء قائلة له أن الحياة دقائق وثواني
. . . .
تزودوا فان خير الزاد التقوى
. . .
اللهم اجعلنا من عتقاء هذا الشهر المبارك
اللهم تقبل صيامنا وقيامنا
|
Post: #26
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: الصادق خليفة
Date: 10-17-2004, 01:49 AM
Parent: #1
العزيز ابوقوته
كل عام وانت بخير و رمضان كريم
نسأل الله ان يتقبل الصيام والقيام وان يجعلنا من المعتوقين في هذا الشهر العظيم .
عاوزين نشوفك في رمضان ده و ماح اقبل اي اعتذار .
|
Post: #30
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-18-2004, 06:22 AM
Parent: #26
حمزاوى
ياحبى البداوى
وينك ياضاوى
تصوم وتفطر على خير
الصادق
تم كدر تاه
اسال ولا تسال
صدك وهجر فعل
لى بهوت مشكل
والله تصدق عاوز اجيكم
لكن لو قلتلك مداوم من كم حتقول الزول دا زايغ
لمدة 15 يوم من 2 الى 8 الفطور فى الشركة
التقول حابس لى موية قمح على قول شنا
لكن جايكم يعنى جايكم
رمضان كريم
تحياتى لوراق وباقى الشلة
|
Post: #31
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: omer almahi
Date: 10-18-2004, 06:43 AM
Parent: #30
لقد اشتريت سيارة جديدة ..ومنزلا فى الكلاكلات....باركو لى
أنا قلت الزول دا ليلة القدر جاتو في أول رمضان ولا شنو
تصوم وتفطر على خير أخوي أحمد
|
Post: #34
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-19-2004, 03:40 AM
Parent: #31
قريبى عمر
وين اراضيك
بيتى دا ما زى وزارتك اليوداك
انا قريت بوستك وعاينت فى صورتك
لكن قلت دا مو انت
ربنا يدك العافية
تصوم وتفطر على خير
|
Post: #32
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: Raja
Date: 10-18-2004, 10:53 AM
Parent: #1
الصديق أحمد..
تصوم وتفطر على خير..
رمضان كريم..
|
Post: #33
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: Dr. Moiz Bakhiet
Date: 10-18-2004, 11:03 AM
Parent: #32
أبوقوتا الحبيب،
معليش ياخي بيتك دة قدر ما مريت بيهو ربنا ما دخلني عليك
لكن أهو القدم ليها رافع..
كل سنة وانت طيب يا غالي وتصوم وتفطر على خير
تخريمة:
رجاء انت بي جاي لافة بي هكرتك ...
لووووووووووووووول 
|
Post: #36
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-19-2004, 04:06 AM
Parent: #33
حين اقبلت صوت لها
جرحى القديم....
حين اقبلت طرت لها
انا وشوقى والنسيم
الحظ هالليلة كريم...
د.معز من ضمن المعازيم...
لا تكسرى وتر الربابة فى
يدى ..فالشوق اكبر من يدى
وربابى...
العزيز د.معز انا شايفك لافى جنبنا لكن قلت
انا بصبر خليه يدى جرع للمحتاجين
اكثر منى...ومصيره يجى دورى...
ياراجل انت تدخل فى اى وقت
وتلقانا فى انتظارك
رافعين الورود...
وحروفنا جاهزة للردود..
بس انت متين تانى
تعود..
وتكون حامل قوافى
وتسمعنا النشيد..
شكرا لك شكرا
رد على التخريمة
رجاء دى صديقة قديمة هى ساكنة فى بوستاتى
وانا ساكن فى بوستاتها...لكن مرات بتفتح لى
مش لزوم التناسى لكن لزوم تجديد الشوق
لها ودى عبر كلماتك
ولقدام
|
Post: #35
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-19-2004, 03:45 AM
Parent: #32
رجاء
تصومى وتفطرى على خير
ربنا يحقق الامانى...
ونشوفك كدا...
واقفة حدا.
رافعة النداء..
زغرودة فرح
مش ساحة فداء
ولقدام
|
Post: #37
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: Raja
Date: 10-19-2004, 03:36 PM
Parent: #35
الصديقان الغاليان معز واحمد..
ســــلام..
يا معز انا ما هكرتا ولا حاجة.. الكروتا عمًال ترف علينا من هنا وهناك.. شفتا الرزق ده..؟
أحمد.. وحياتك ما تقل.. ولا أهميات.. ومتابعااااك
وشكرا لدعوتك الحلوة..
|
Post: #38
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: ASAAD IBRAHIM
Date: 10-19-2004, 07:33 PM
Parent: #37
اخونا العزيز ابوقوتة وضيوفك الكرام
رمضان كريم
اعاده الله علينا وعليكم بالعافية
وتقبل الله
اخوك اسعد
|
Post: #41
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-20-2004, 04:29 AM
Parent: #38
ارى بروق
واسمع رعود
ومطرا نازل
عبر الحدود
وانا غارق
وكايس
المروق
وفجاءة
ينجدنى
ابو السعود
اسعد والله الشوق بحر
وينك يافردة
رمضان كريم
تصوم وتفطر على خير
|
Post: #40
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-20-2004, 04:19 AM
Parent: #37
رجاء
شكرا على الطلة
مرة ومرات
وانا فى
تانى تطلى
|
Post: #39
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: بدرالدين شنا
Date: 10-19-2004, 09:42 PM
Parent: #1
الحبيب الغالي أحمد صديق ابوقوتة
سلام ورمضان كريم علينا وعليكم
أشكرك على هذا البوست الطيب في هذا الشهر الطيب يا راجل يا طيب
شوقي ليك فاق حد الصبر
شوقي ليك شوق الصائم للفطور
تحياتي
|
Post: #42
Title: Re: لقد اشتريت سيارة جديدة ..ومنزلا فى الكلاكلات....باركو لى
Author: abuguta
Date: 10-20-2004, 05:56 AM
Parent: #39
بدر الدين
السمح...
بليلة
القمح...
يابلسم
الجرح..
نجلس وشجرة
المرخ...
ناكل ملخ...
ونعيش فى ترح..
ونغنى مرح..
مشتاق ليك
زى شوقى للالابرىء
الابيض...
امى السنة ما جابتو لى
قلت ليها شنو ياحاجة نسيتنامش وصلتك
مصاريف رمضان..قالت ايوة..بس انت لمتين
عاوز ابرىء امك...الجنيات قطارتهم جاءت
وملاءت المحطات...
تصوم وتفطر على خير
وتحياتى لامانى والوليدات
ابقوتة_فى لحظة عطش
|
|