Post: #1
Title: نصيحة من صفوة العالم ... الى صفوة البورد
Author: abuguta
Date: 02-15-2005, 10:37 PM
Parent: #0
تساءل احد القراء ولماذا انيس منصور؟
وقد اجاب الاستاذ الفاضل طارق الحميد رئيس التحرير وكان رقيقا. فشكرا له. ولكن من حقك ايها القارئ ان تعرف وواجبي ان اجيب. املي ان يقتنع. فانا ياسيدي كاتب مصري تخرجت في كلية الاداب وتخصصت في الفلسفة ودرستها للطلبة في الجامعة عشرين عاما. واصدرت 215 كتابا وترجمت ثلاثين مسرحية والفت عشر مسرحيات وكان لي في التليفزيونات المصرية والعربية عشرون مسلسلا. واكتب بابا يوميا اسمه (مواقف) في صحيفة (الاخبار) والآن في (الاهرام) من اربعين عاما. ورأست تحرير عدد كبير من المجلات هي: الجيل وهي وآخر ساعة واكتوبر التي اسستها ووادي النيل والعروة الوثقى ومايو (صحيفة الحزب الوطني) وكاريكاتير ورأست مجلس ادارة (دار المعارف) اكبر دور النشر، والآن رئيس تحرير مجلة (الكاتب المصري) التي كان يرأسها استاذنا طه حسين وتوقفت عن الصدور من سبعة وخمسين عاما. وانا عضو في مجلس الشورى من ثلاثة وعشرين عاما وعضو المجلس الاعلى للثقافة والمجلس الاعلى للصحافة ومجلس ادارة الهيئة المصرية للكتاب، واخيرا مستشار الامم المتحدة للتنمية الاجتماعية.
وقد حصلت على كل جوائز الدولة: التشجيعية والتقديرية وجائزة مبارك للآداب وجائزة الابداع الفكري لدول العالم الثالث والدكتوراه الفخرية من جامعة المنصورة. ومن عشر سنوات احتفل احد الناشرين مع وزارة الثقافة ببيع النسخة رقم مليون من مؤلفاتي عنده ـ وليس الا ناشرا واحدا.
وحججت سبع مرات واديت العمرة عشرين مرة وصليت داخل الكعبة عشر مرات مع السادات وحسني مبارك والقذافي والنميري وعبد القيوم رئيس المالديف ولا اعرف كم عدد المرات التي سافرت فيها. فعندي اربعون جواز سفر.. وكانت اطول رحلاتي (حول العالم في 200 يوم) واقصرها يوما ونصف اليوم في الكونغو.. وكان من امالي ان اكون رائدا للفضاء. وملأت الاستمارات المطلوبة وطلبوا مني المستحيل: ان ادرب نفسي على النوم الهادئ عشر ساعات يوميا ! فأنا لا انام في اليوم الواحد الا اربع ساعات ـ هذا ان نمت! ومنذ سنوات قال احد كتاب «الشرق الأوسط» ولا اعرف لماذا: انني ادعي معرفة اللغة العبرية منافقة لليهود..اذن فأنا اعرف الانجليزية منافقة للانجليز، والفرنسية للفرنسيين والالمانية للألمان والايطالية للايطاليين.. وادرس الفيزياء منافقة لاينشتين والكيمياء منافقة لباولنج والفلك منافقة لهابل واعشق الرحلات منافقة لابن بطوطة..فأنا كما ترى ـ منافق عالمي ولو طال بي العمر لنافقت كثيرين غيرهم! وقديما لاحظ استاذنا سقراط في احدى المرات ان كل تلاميذه قد سألوه فأجاب الا واحد، فالتفت اليه سقراط يقول: تكلم حتى اراك!
وقد تكلمت وارجو الا تفعل ما فعله الامام الشافعي الذي جلس للشرح معتمدا على احدى رجليه حتى اوجعته، ولكن شخصا اماما قد تهيبه. وفجأة تساءل الشخص الصامت وكان سؤاله سخيفا فقال له الشافعي: الآن يستطيع الشافعي ان يمد رجله! فإن انت مددتها فاعطني فرصة اخرى.. وقد علمنا استاذنا الفيلسوف الالماني هيدجر: ان نحني الرأس وان نصبر امام معشوقتنا حتى تجود علينا بشيء وهي لا تجود الا بقليل..اما لأن هذا هو القدر المسموح به لنا.. واما لكي نظل طامعين فيما لديها، اما هذه المعشوقة فهي الحقيقة!
ولا ادعي ياسيدي ان كلماتي قد نظر اليها الاعمى ولا قد اسمعت من به صمم ـ كما يقول المتنبي..ولا انني انام ملء جفوني عن شواردها ويسهر القوم جراها ويختصمون.. وانما اشعر ان اصابعي مثل دود القز وانني احاول ان اقول حريرا في النعومة والسهولة ولا اشعر بالملل حين اعيد وازيد.. فالمهم ان اكون واضحا.. فنحن محكوم علينا بالفكر فهو عشقنا ولذلك هو عذابنا ولا حيلة لنا في ذلك.. يقول امير الشعراء شوقي:
الوم معذبي فألوم نفسي واغضبها ويرضيها العذاب
ولو اني استطعت لتبت عنه ولكن كيف عن روحي المتاب
يلوم اللائمون وما رأوه وقدما ضاع في الناس الصواب
اذا ما اعتضت عن عشق بعشق اعيد العهد وامتد الشراب
كأن رواية الاشواق عود علي بدء وما كمل الكتاب
هذه (انا)..
واعوذ بالله من يوم لا اقول فيه انا!
منقول من الشرق الاوسط
|
Post: #2
Title: Re: نصيحة من صفوة العالم ... الى صفوة البورد
Author: قرشـــو
Date: 02-15-2005, 11:22 PM
Parent: #1
العزيز ابوقوته
لعلنى منذ احتلال الكويت وتداعيات الصحافة حينها وبينها الشرق الأوسط وحدثت جفوة بينى وبين الشرق الاوسط ولم اعد اقرأها الا لمالما ولكن مقالك هذا سيدى يجعلنى اعيد النظر ثانية فهى قد اتت بتحفة رائعة والله وانه لقول فصل ويحق للرجل ان يكون من الصفوة رغم ان احاديثه لم تكن موجهة للصفوة ابدا ...
اذا تجاوزت عنوانك قليلا - لاننى ليس من صفوة البورد - فالحديث ذو شجون والرجل له باع عريض فى كل شىء ولعل جلنا قرأ له واستمتع بكتاباته التى توافق كل هوى ...
التحية له وان كانت الصفوة كذلك فاهلا بها وحقيق بكل انسان يملك كل ذلك ان يبرزه للاخرين حتى يعرفوا قدره ولعل كلمات الانسان تنبىء عن ما فيه فكما قيل رسولك ترجمان عقلك وكتابك ابلغ من ينطق عنك والصفوية سيدى - هنا - تأتى بروعة المشاركات واعمال العقل اضافة الى التمكن من السبك الجيد واحترام مشاعر الاخرين ولن تأتى - بالطبع - بسيرة ذاتية مدبجة بشهادات عليا وان يسبق الاسم احرف لها قدرها ...
لك الاحترام ولك الحب وثانية الف اهلا بالصفوة حينما يكونوا كذلك ...
|
Post: #3
Title: Re: نصيحة من صفوة العالم ... الى صفوة البورد
Author: abuguta
Date: 02-16-2005, 02:03 AM
Parent: #2
العزيز خالد قرشو
هذا اديب عالمى سامق لا يجاوره علوا الا قمرنا الساطع الطيب صالح شفت الرجل على الرغم من النياشين تكلم عن نفسه بهذا التواضع الذى يحسد عليه ما اظن من معنا هنا يرقى لدرجة هولاء فى السمعة والعلم والمعرفة..لكنهم يتواضعون ومن تواضعهم يكتوبون فى اعمدة صحف ومجلات.يومية ... فرجاء من اصحاب التخصصات واكرر التخصصات..ان يراعو عقولنا الصغيرة...
اسى اناابقوتة الشين دا متخصص فى المشين لانقودش...لغة الكى بورد...يعنى ياقرشو الكوبيوتر لا يعرف كلمة ابقوتة..انما يعرف (01010101010101010101010100001100001000110)ما ممكن عندما اريد ان القى درس فى تخصصى ...ثم تاتينى مداخلة من رجل مثل هشام شيخ الدين بدون ان اعرف من هذه الشخصية وعلى اى مرق تستند واقوم على طول انزل فيه شووت يمين وشمال...واقوله حتى لو سالت بل قيت ذاته عن الكومبيوتر... كلامه لا يخذ به وليس له دليل فى قواميس اللغة..الكوميوتريه فانا ابقوتة الذى درس علوم الكومبيوتر فى ارض الماهتما غاندى ..الم تسمع بى ...
اسى انا عندى نظرية فى الرد على ضيوفى وان كان ليس لى ضيف فى اى بوست انما اصحاب واصدقاء...وقبل يومين قالو عدد الاعضاء 4000 اكيد انا عندى منهم نصيب الاسد ...بس نصيحتى للناس الجداد...مهما طالت قامتهم فى العلم والتخصص والمعرفة فى حالة الردود لا بد من الالتفات الى خصوصية المتداخل..يعنى.. تاريخ تسجيله وعدد مشاركاته..هذا يعفيك
من الرد الساخن..وتجنب المشاكل...لان لهذا المتداخل معجبين ومؤيدين واصدقاء ومحترمين
وناس مواقف...فسوف تفتح عليك النار..وتخسر قاعدة هذا المتداخل فلو كانت بضاعتك جيدة واسلوبك فى الرد عكر...سوف تفقد زبائن فى حوجة لها لكنهم رغبوا فى تناولها فى طريقة عرضك الغير محترمة او التى جرحت قامة من قاماتهم..على حسب فهمهموتقديرهم للشخصية المجروحة...
اخى قرشو انت تعرف مقاصدى وحب للادب والشعر والكوبيوتر..واكره بضاعة موتورلا...الجيدة الصنعة القليلة الطلب...فى عالمنا العربى
شكرا قرشو...تحياتى لاساسى وهشام يازول وركنك المضل فى بنى مالك
ابقوتة_ فى ساعة الدوام
|
Post: #4
Title: Re: نصيحة من صفوة العالم ... الى صفوة البورد
Author: محمد حسن العمدة
Date: 02-16-2005, 02:16 AM
Parent: #3
عودا حميداً الحبيب أبو قوته والمنبر نور ولازلنا في مسلسل رودا وحلقات ليالي الحلمية المية
|
Post: #5
Title: Re: نصيحة من صفوة العالم ... الى صفوة البورد
Author: abuguta
Date: 02-17-2005, 00:18 AM
Parent: #4
عمدة
ارجوك اقيف سندة
وودينا ود بندا
قلنا نصلج اسلوب البورد
ولقدام
|
Post: #6
Title: Re: نصيحة من صفوة العالم ... الى صفوة البورد
Author: قرشـــو
Date: 02-17-2005, 01:05 AM
Parent: #1
الحبيب ابو قوته
لك التحية والاحترام على هذا الرد الجميل والذى لا يقل عن البوست والله
حقيقة وكما قال رسولنا الكريم " أمرنا ان نخاطب الناس على قدر عقولهم ولذا فاليغفر لنا السادة الجهابزة قل فهمنا لتحفهم الفنية التى تستعصى على عقول صغيرة مثل عقولنا مع اننى قرأت بحثا لأحدهم يقول ان مسالة العقول الصغيرة والكبيرة هذه فرية والا لما ساوى الله الناس فى التكليف ولم يجعل التكليف درجات حسب نسبة الفهم ..
شكرى لك ايها الجميل واسمح لى ان اكون لاصقا فى بوستاتك المحببة الى نفسى دوما
مع كل الود
|
Post: #7
Title: Re: نصيحة من صفوة العالم ... الى صفوة البورد
Author: مهيرة
Date: 02-17-2005, 02:14 AM
Parent: #6
الاخ العزيز ابو قوتة
لا املك ان اقول الا:
دقر .....ياعين
علا كمان بدور اوصيك:
احجزوا لينا بير فى بترول ابو قوتة!قايلننا ماخابرنه؟ باكر بتصلكم العالمية!والعالم
بجيكم فى اب قوتة!
تحياتى
|
Post: #8
Title: Re: نصيحة من صفوة العالم ... الى صفوة البورد
Author: abuguta
Date: 02-17-2005, 04:44 AM
Parent: #7
| Quote: شكرى لك ايها الجميل واسمح لى ان اكون لاصقا فى بوستاتك المحببة الى نفسى دوما |
الصق ياخالد
الصق..
ان شاء الله
الدنيا تحرق...
غيرك مافى مفرق
انت لينا مشرق..
بجيك فى ركنك الجداوى
ومن شرب القهوة بشرق...
ولقدام
|
Post: #9
Title: Re: نصيحة من صفوة العالم ... الى صفوة البورد
Author: abuguta
Date: 02-17-2005, 04:54 AM
Parent: #8
يادكتورة ياياقوتة
مرحب بيك فى ابقوتة
بركت شيخى القبض الحوته
تسكنى فى حينا الفيهو الجوطة
و تغلبك الفوته...
يادكتورة من زمان كبيتى منى الزوغة
تذكرى لما ارسلت ليك سجيمان عشان يخطب
البت..قلت دايرها اساسى..تراك ظلامية تحت تخت
لو كنت عارفكنت جيتك قفا قفا..لان انا عندى نصفين واحد منور والثانى ظلامى
زارتنا البركة
ولقدام
|
Post: #10
Title: Re: نصيحة من صفوة العالم ... الى صفوة البورد
Author: مهيرة
Date: 02-17-2005, 01:00 PM
Parent: #9
يطرشنى يايابا
ياحبيب (الضلمة)!
سجيمان الغتيت اظنه كان ناوى يطبق فوق ام الخير قول ليه اصبر لى عاد!
ولا يهمك!بديك التانية
ويبقى لى ضهر (متنور) وضهر (ضلامى)!
اشكرك على الكلام الحلو
حقيقة انا عشت احلى ايامى فى الجزيرة الخضرا فى ابيض ايامها،ايام الذهب الابيض!
النديانة،ود لميض،المعيلق62،65 ،24القرشى
تحياتى
|
Post: #11
Title: Re: نصيحة من صفوة العالم ... الى صفوة البورد
Author: saif massad ali
Date: 02-17-2005, 01:31 PM
Parent: #10
ابوقوته انت من حابر ولا ام كيعان ولا الخيران
|
Post: #13
Title: Re: نصيحة من صفوة العالم ... الى صفوة البورد
Author: abuguta
Date: 02-19-2005, 09:25 PM
Parent: #11
| Quote: ابوقوته انت من حابر ولا ام كيعان ولا الخيران |
جابر وام كعيان
بسموها من ضمن الكنابى الاربعة عشر
هم اهلنا لكن ريفى المحيريبا
وارقها جابر والحداحيد..بالمناسبة جابر دى منورة بالطاقة الشمسية
عندهم واحد كان مغترب فى اليابان وجاب ليهم جهاز نور الحلة كلها
من الثمانينات...كيف ما عارف
اما الخيران من اكبر قرى ابقوتة ال114 و80 كمبو
اما انا من ابقوتة الحى الجنوبى جوار النقطة...يعنى لو سالت اى بوليص
قلت ليه بيت عمك الصديق ود عشكوب بوين بقولك وصلت خلاص..ادفر الباب الظهرى داك
لكن عندنا اخونا عامل فيها انقاذى قلب الباب اخضر..وقبل يومين قال لى عاوز اغير
بوهية الباب قلت ليه ليه..قال خلاص انا بقيت مع ناس الحركة...
لكن عليك الله ورسول مكة
انت من وين ياسيف...لانك حافظ مناطقنا شبر شبر وطنطبة لعوته
ولقدام
|
Post: #12
Title: Re: نصيحة من صفوة العالم ... الى صفوة البورد
Author: abuguta
Date: 02-19-2005, 09:16 PM
Parent: #10
العزيزة
مهيرة
فعلا الجزيرة كان نديانة
وزى البانة رويانة
ومالية الخانة
بس الليلة جوها
ابان جبخانة
خلوها اضان تسمع
الاخرى طرشانة
والناس بقت طبشانا
شكرا على الطلة
وعلى العرض كمان
|
Post: #14
Title: Re: نصيحة من صفوة العالم ... الى صفوة البورد
Author: ود الشيخ
Date: 02-19-2005, 10:37 PM
Parent: #1
ابو قوته
يا اخي الراجل اتكلم عن نفسو زي رشاش جي بي ام جي
General Purpose Machine Gun معليش المثال بحكم المهنة
زي الكلام ده اهلنا بسموهو يونسك في قبرك أنيس منصور
عملاق قرأت له كثيراً لجمال اسلوبه السهل الممتنع المقنع
|
Post: #15
Title: Re: نصيحة من صفوة العالم ... الى صفوة البورد
Author: abuguta
Date: 02-20-2005, 00:40 AM
Parent: #14
العم مهدى
فعلا الرجل عملاق...وتستشف منه التواضع ياريت نستفيد منه مش احنا لان العندهم قرون
وبعدين شايفك عطبراوى اديتو العين الحمره الزول دا ياشخينا معجب بيك...بس خانته الحروف
والله من روحك الشبابة انا زمان قايلك من جيلنا...جبينا القاصدو انا جيل التعليقة
يعنى الجيل التايه...بين العسكريتين....طبعا نحن ولدناولقينا مايو...كبرنا فيها
تعلمنا فيها...جو الكيزان طلعنا للقراية وبعدها الغربة...يعنى عطبراوى دا بكون عايش نفسى
مشكلتى...لو الليلة سافرنا
مافى شغل مضمون...ولو قعنا
ما بنلقى ذات العيون
عشان كدا نحن ضايعون
شكرا لطلتك البهية
ولقدام
|
Post: #16
Title: Re: نصيحة من صفوة العالم ... الى صفوة البورد
Author: ود الشيخ
Date: 02-20-2005, 00:52 AM
Parent: #1
عليك الله يا صلاح انت قدر عبد الخالق
لكن والله كلامكم موزون وزي طق العصا في الركب
يعني والله ما شفتو غردون راكب الجمل
|
Post: #17
Title: Re: نصيحة من صفوة العالم ... الى صفوة البورد
Author: abuguta
Date: 02-20-2005, 01:12 AM
Parent: #16
محسوبك
م. احمد صديق بله عشكوب ود محمد امام ود محمد زين وضياب ود المك مرزوق ود ابراهميم ود عرمان
جعلى كاهلى....امى بطحانية شكرية....خريج الهند..
هندسة كومبويتر
ان شاء الله الجامعة تخسر
موجود فى الرياض....لكن لم التقى بناس الرياض...لظروف ما عارف اقول عنها شنو
امس كنت ناوى ازورهم وقلت اتصل بيك تدينى قصيدة لو قلبتنى القوافى
لكن حصلت لينا وفاة احد اقاربى اخوته معى فى الجمعية وقلت ياولد لو فتهم بكون عيب
صلاح التحن دا الشاعر صلاح شتات ..هو كتب عن هذا التعليق
ابقوتة قنبلة الود الموقوته لذا احتفظت به فى توقيعى
ومزيدا من التعارف
ولقدام
|
Post: #18
Title: Re: نصيحة من صفوة العالم ... الى صفوة البورد
Author: ود الشيخ
Date: 02-20-2005, 01:19 AM
Parent: #1
زدنا شرف يا ابو حميد
اسمع قريت في بونا واتخرجت متين
|
Post: #19
Title: Re: نصيحة من صفوة العالم ... الى صفوة البورد
Author: يازولyazoalيازول
Date: 02-20-2005, 02:10 AM
Parent: #18
الحبيب ابقوته قنبلة الود الموقوته:
ياخ والله العظيم انت من أظرف ظرفاء هذا المنبر ، ولو كان لى شوق لرؤية شخص واحد فى هذا المنبر لاخترت ابقوتة ، فهل لنا من (شوفه) نبل بها هذا الشوق ، عشان كده سألت بالله لو جيت جده لازم تدينا طلة ، ولو انا جيت الرياض ضرورى حا اشوفك يا ملك
ولى قدام
|
Post: #20
Title: Re: نصيحة من صفوة العالم ... الى صفوة البورد
Author: abuguta
Date: 02-20-2005, 09:59 PM
Parent: #19
| Quote: ياخ والله العظيم انت من أظرف ظرفاء هذا المنبر |
امك البوست جاب ليه سمكة كبييييييرة ... تعرف ياهشام انا زول اجتماعى شديد وبحب الناس لدرجة انى قاعد افتش ليهم لكن صدقنى انخذلت مع ناس الرياض....لكن انا جائى جدة عندى بطاعة دافع فيها عربون لو صاحبها ما نط...بجى استلمها وكمان بغشاك بيها...واساسى وقرشو فى الركن... وبدكم منها بس شوفة ساى عشان البضاعة ما بتنقسم...كدى قول ان شاء الله يرضى صاحبها ....
حصل لى موقف عجيب فى الحج...مشيت افتش لبنت عمى جاءت وهى دكتورة فى الامومة والطفولة
معها امها...وانا 13 سنة ما قابلتها...وصلت البعثة الساعة 3 وقلت للبواب خلينى ادخل
كتر خيره ما قصر....قريت اللستة لقيت اسمها...اها قعدت للساعة سبعة...قلبت الحريم ديل
واحدة ..واحدة مالقيتها...وهى تراها قاعدة جبنى هى وامها..فى النهاية قالت لى ياولدى ممكن
تجيب لينا شاى...وانا شايفاك قاعد من الصباح انت داير منو...انا قلت ليهادايرك انتى وامك
تصور لو ما الصوت...ما عرفتها..ملامحها مرة اتغيرت وامها خليها ساى اندفنت عديل
انا ما عارف جبتلك الحادثة دى لى شنو ...بجيكم بجيكم ياحبائبنا
ياخوى اختنا تماضر دى مالها جافتنا...لو المشاغل ما مشكلة لكن لو زعلانة...البورد دا ياهشام متنفس وتبادل اخبار واراء وخد وهات...ختى لو زول قدحك برضو ما قصر لانه بكون اهدى ليك عيوبك..خليها تدخل وترعى على كيفها
وشكرا على الكلام السمح الفوق
ولقدام
|
Post: #21
Title: Re: نصيحة من صفوة العالم ... الى صفوة البورد
Author: ود الشيخ
Date: 02-20-2005, 10:19 PM
Parent: #1
يا قنبلة الود لو ما لقيت رقم تلفونك
في الماسنجر حافجر ليك وريدي
|
Post: #22
Title: Re: نصيحة من صفوة العالم ... الى صفوة البورد
Author: abuguta
Date: 02-20-2005, 10:55 PM
Parent: #21
عزيزى
ود الشيخ
طبعا انا خريج جامعة ناغبور مدينة البرتقال عام 96 لكن كنت بجى بونا فى الاحنفالات فقط
عشان ناس رابطة الجزيرة ما عندهم زول بمثلهم غير فى الجزيرة نزرع قطنا
وارض المحنة....لكن انا كنت بجى شايل معاى قصائد الموسممبى
من اقليم فيدربا ...وكنت بجد بشعر بسعادة لا توصف لماناس الرابطة يرسلو لى تذكرة القطر
عشان اسافر ليهم.وكنت بحب بونا لجوها المطرى ولشعبها القجرى...وتجمع الطلاب الذى حير فكرى
ولقد قلت فيها رائعتى المشهورة....
اليك بابونا منبع السحر
جيت من شرق ونزيلك نكر
الا تعرفى فتى فى زنجية العرب
ينطق الضاد ووجناته سمر
بنت من بعد على تلك الروابى
كانك بكر تبرز الصدر
انى فتنت بجمال الحسان
ونصيبى من ذلك كتابة الشعر
تحريمة
الشبكة عندنا معدومة فى المبنى لذا من الصعب التقاط الخط
ولقدام
|
Post: #23
Title: Re: نصيحة من صفوة العالم ... الى صفوة البورد
Author: ود الشيخ
Date: 02-20-2005, 11:10 PM
Parent: #1
والله يا جنى ما قصرت وشعرك خطير
اها لي قدام
|
|